F24MW1KG13607_0024sna tshogsAll versions of this work

'phags pa zla ba'i snying po shes rab kyi pha rol tu phyin pa theg pa chen po'i mdo

Āryacantragarbhaprajñāparamitamahāyanasūtra

Text

ff. 288b–290b · 5 folio sides

  1. 288b

    rigs kyi bu bzhin yang byang chub sems dpa' rnams kyis shes rab kyi pha rol tu phyin bslab par bya'o// de nas bcom ldan 'das kyis de'i tshe tshig su bcad pa 'di dag gsungs so// mang thos dam pa'i chos la brtson/ sems can ku las byams par ldan/ brtson 'grus go cha phun sum tshogs/ bdag dang bzhin gyi don la mos/ bsam gtan ting 'dzin bsgom la brtson/ bdag dang sems can 'du shes med/ yang dag theg pa'i lam la zhugs/ sngon gyi rgyal sras de ltar spyod/ mkhas pas ma nor de bzhin slob/ bcom ldan 'das kyis de skad ces bka' stsal pa dang / byang chub sems dpa' nyi ma rab tu snang ba dang / lha dang mir bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ 'phags pa shes rab kyi pha rol tu phyin pa nyi ma'i snying po theg pa chen po'i mdo rdzog s+ho// @#rgya gar skad du/ Ar+ya tsan tra gar+b+ha pradz+nyA pra ri mi ma ta ya na sU tra/ bod skad du/ 'phags pa zla ba'i snying po shes rab kyi pha rol tu phyin pa theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la dge slong gi dge 'dun

  2. 289a

    rin po tshad med dgrangs med pa dang / byang chub sems dpa' rab tu mang po dang thabs gcig tu bzhug so/ de'i tshe 'khor der byang chub sems dpa' sems dpa' chen po zla ba'i snying po 'dug bstan las langs nas/ bcom ldan 'das la 'di skad ces gsol to// bcom ldan 'das byang chub sems dpa' rnams kyis shes rab kyi pha rol tu phyin pa la ji ltar bslab par bgyi/ de skad ces gsol pa dang / bcom ldan 'das kyis bka' stsal pa/ zla ba'i snying po chos thams cad dngos po dang bral ba gang yin pa de ni/ shes rab kyi pha rol tu phyin pa'o// 'di lta ste/ dper na zla ba'i dkyil 'khor ni rtog pa med kyang gling bzhir 'khor bar byed cing mun ba rnams rab tu sel to// de bzhin du byang chub sems dpa' sems dpa' chen po shes rab kyi pha rol tu phyin pa la spyod pa ni rtog pa med kyang phyin ci log bzhi rnams la thugs rjes 'khor zhing rang bzhin gyis nyon mongs pa rnams sel bar byed kyang mi rtog pa'i phyir ro// zla ba'i snying pos gsol pa/ bcom ldan 'das byang chub sems pa'i shes ra kyi pha rol tu phyin pa la du mchis/ bcom ldan 'das kyis bka' stsal pa/ rigs kyi bu byang chub sems dpa'i shes rab kyi pha rol tu phyin pa la rnam pa gnyis te/

  3. 289b

    zag pa dang bcas pa dang / zag pa med pa'o// rigs kyi bu de la zag pa dang bcas pa'i shes rab ni mos pas spyod pa'i sa'i gnas skabs na bzung bar rtog pa dang 'dzin par rtog pa ste/ de spong bar byed pa ni zag pa dang bcas pa'i shes rab kyi pha rol tu phyin pa'o// rigs kyi bu de la zag pa'i shes rab kyi pha rol tu phyin pa ni mthong ba'i lam gyi rnam par mi rtog pa'i ye shes te/ ye shes de ni rtogs pa thams cad dang bral ba'i phyir na mi rtog pa'i phyir ro// rigs kyi bu 'di lta ste/ shes rab kyi pha rol tu phyin pa ni/ pha rol dang tshul gyi mtha' gang la yang mi gnas pa'i phyir ro// shes rab ni gzugs nas rnam pa thams cad mkhyen pa nyid kyi bar tu rang bzhin med pas/ shes rab kyi pha rol tu phyin pa rang bzhin med par shes par bya'o// gzugs la sogs pa'i chos rnams dus gsum du mi dmigs shing / ma bcings ma grol bar shes par bya'o// rigs kyi bu chos thams cad mnyam pa nyid pas shes rab kyi pha rol tu phyin pa mnyam pa nyid do// chos thams cad bgag pa med pas shes rab kyi pha rol tu phyin 'gag pa med pa nyid do// chos thams cad mtshan ma med pas shes rab kyi pha rol tu phyin po mtshan ma med pa'o// chos thams cad skye ba med pas shes rab kyi pha rol tu phyin pa skye ba med pa'o// chos thams cad chad pa med pas shes rab kyi pha rol tu phyin pa

  4. 290a

    chad pa med pa'o// chos thams cad 'ong ba med pas shes rab kyi pha rol tu phyin pa 'ong ba med pa'o// chos thams cad 'gro ba med pa nyid pas/ shes rab kyi pha rol tu phyin pa 'gro ba med pa nyid do/ chos thams cad rtag pa med pas/ shes rab kyi pha rol tu phyin pa rtag pa med pa nyid do// chos thams cad tha dad pa med pa nyid pas shes rab kyi pha rol tu phyin pa tha dad pa med pa nyid do/ chos thams cad don gcig pa nyid pas/ shes rab kyi pha rol tu phyin pa don gcig pa nyid do// chos thams cad dngos po med pa'i ngo bo nyid pas/ shes rab kyi pha rol tu phyin pa dngos po med pa'i ngo bo nyid do// mdor na thams cad mtshan ma dang / ngo bo nyid las 'das pas ni shes rab kyi pha rol tu phyin pa'o// de lta bas na shes rab kyi pha rol tu phyin pa'i sngag so/ tad+ya thA/ oM prad+d+he pradz+nye ma hA pradz+nye tsan+d+ra pradz+nye/ sarba sha sa ka ri sA hA/ chos rnams thams cad rgyu las byung / de nyid kun rdzob bden pa ste/ rang bzhin med cing spros med pas/ de nyid don dam spyod yulo// bcom ldan 'das kyis di skad ces bka' stsal pa dang / byang chub sems dpa' zla ba'i snying po dang / thams cad dang ldan pa'i khor dang / lha dang mi dang lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa zla ba'i snying po

  5. 290b

    shes rab kyi pha rol tu phyin pa theg pa chen po'i mdo rdzogs s+ho/ @#/ rgya gar skad du/ ar+ya pradz+nyA pA ra mi tA sa man ta b+ha dra mahA yA na sU tra/ bod skad du/ 'phags ba shes rab kyi pha rol tu phyin pa kun tu bzang po theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul ma ga ta dgon par chos kyi snying por bzhugs te/ phyogs bcu'i sangs rgyas kyi zhing tshad med grangs med pa nas 'dus pa'i byang chub sems dpa' sangs rgyas kyi zhing rdul phra mo dang mnyam pa dang thabs gcigo// thams cad kyang kun tu bzang po'i smon lam la mnga' brnyes pa spyod pa la gnas pa'o// de nas byang chub sems dpa' kun tu bzang pos chos thams cad rnams par mi rtog pa bstan pa zhes bya ba'i ting nge 'dzin la snyoms par bzhug so// tingange 'dzin de'i mthus 'jig rten gyi khams sangs rgyas kyi zhing gi rdul phra mo dang mnyam pa thams cad g.yos so// de nas bcom ldan 'das kyi byang chub sems dpa' kun tu bzang po la phyag gi dbu la reg par gyur to// de ltar reg pas sangs rgyas kyi zhing rnams kyang rab tu g.yos par gyur/ lha rnams kyis mthun par tshig su bcasde pas stod pa/ 'jig rten sgro na ma lha ma'i dpe las 'das/ yon tan rgya mtsho lta bur pha rol phyin//

Colophon

'phags pa zla ba'i snying po shes rab kyi pha rol tu phyin pa theg pa chen po'i mdo rdzogs s+ho/