F604MW1KG13607_0604rgyudAll versions of this work

'phags pa rten cing 'brel bar 'byung ba'i snying po'i cho ga'i gzungs

Āryapratityasamunpatinataya

Text

ff. 237b–241a · 8 folio sides

  1. 237b

    'di dang snying po 'di/ mang por bzlas zhing langs nas ni/ lag pa g.yas pa'i khu tshur gyis/ dbyung ba'i thabs su byab par bya'o// nad rnams thams cad ses par 'gyur/ nyin gcig nyin gnyis nyin gsum dang / nyin bzhi rtag pa'i rims rnams la/ bu mo gzhon nus bkal ba yi/ skud pa dkar po sum pa sgril la/ bzlas brjod nyi shu brgya bzlas nas/ mgul du btags na bde bar 'tshe// nad la phan pa'i sman rnams la/ gzung sngags 'di dag bzlas shing btang / snying nad rtsi ba logs na ba dang / khong pa'i nad rnams ci yod pa/ chu sngags shing mang bzlas nas/ blad na phan zhing bde bar 'gyur/ nad phan pa'i sman rnams la/ bzlas shing btang na 'tshe bar 'gyur/ g.yon pa dang ni 'brum bu dang / pho la mig dang ni rma reng la/ gro ga tshangs la snying po 'di/ mang du bzlas te btab na 'tsho// gzhang 'brum gzhang nad zag gu dang / pho mtsham srang zhing na ba la/ skyer ba'i kha d+ha'i ril bu 'am/ byang chub sems dpa'i ril bu la/ nyi shu bzlas zhing bkrus na pan/ nad kyi rnam pa gang na yang // nad tshabs che chung chod bstabs nas/ tshigs su bcad pa'i bzlas rjod la/ mang nyung nad dang sbyar nas kyang / lus la byab cing bzlas pa na/

  2. 238a

    'khrug bag nad kyis btab pa la/ sran nam ril bu kha zas la/ bdun nam nyi shu bzlas nas kyang / khong du btang na phan par 'gyur/ de'i bzlas brjod snga ma ste/ 'di dag rab tu bzlas par bya/ na mo rat+na tra yA ya/ oM ye d+harma he pra b+ha ba/ he tun te Shanyata tha ga to// h+ya ba dang te/ Shany+tsa yo/ ni ra da/ e baM b+hi ma hA shra ma tra ye swA hA/ de dag bzlas na nad rnams 'tsho// de ni nad rnams 'tshe ba'o// de nas yang ni bka' stsal pa/ nas dang bro dang sran ma dang / 'bras dang sran chung mon sran dang / shing thog dgu 'brum a ru ra/ de dag kun la za ba yi/ srin bu sbur bu bye ma leb/ bye'u bye ba ne tse dang / lo tog za ba kha bcing na/ zhing gi 'khyon sbyar nas kyang / bye ma sa dang thal ba la/ bzlas brjod brgya ni rtsa brgyad bzlas/ zhing dang shing tog gtor byas na/ de dag kun kyang kha bcing 'gyur// ha cang char pa chen pa na/ bcom ldan 'das la phul ba yi/ me tog sman ma re re la/ bzlas brjod nyi shu rtsa gcig bya/ gtsang zhing bde ba'i gnas dag tu/ dkyil 'khor chen po'i dbus dag tu/ bum gang ba'i steng dag tu/ kham por gtsang ma'i nang du yang / me togs gtsang ma bzlas pa de/ bsregs

  3. 238b

    na char pa chad par 'gyur/ ser ba drag po 'ong ba na/ ser ba nyi shu phrag ldu ma la/ bzlas brjod brgya ni rtsa brgyad bzlas/ ser ba gang nas dus su/ klad la bskor zhing bya ba na chad/ yang na thal chen yung kar la/ bzlos brjod bgyi ni rtsa brgyad bya/ thum po byas te lcug ma la/ btags te btsugs na ser ba chad/ 'byung po sha za yi dgas dag/ brjod byed gdon gyis zin pa yi/ dkyil 'khor 'dom gang gru bzhi la/ bum pa gtsang ma lnga bzhag te/ gu gul dud pas bdugs nas kyang / nyung kar ga pur can dan dang / bla rtsi la sogs sman sbar te/ bzlas brjod brgya ni rtsa brgyad bzlas/ gos dang zas ni dkar po sbyar/ dkyil 'khor de'i nang bzhugs/ bum pa'i chu yis bkrus par bya/ sangs rgyas ska bsil byas pa'i chus/ bkra zhing blud na rab tu phan/ nad dang gnod pa kun la thar/ 'byung po brjed byed sha za yis/ klags kyang rnyed par mi 'gyur ro// byis pa gdon gyis 'jigs pa las/ gi wang la ni sngags bzlas nas/ snying po stobs chen 'di bris gdags/ oM badz+ra kro ta sa ma hA ba la/ ha na d+ha hA/ pa tsa bid d+ha na sa ya/ dza ti la/ laM po d+ha ra/ tsu ru ShA/ kre ta hUM 'um/ phaT swA hA/ gtsang sbra byas te mgul bar btags/

  4. 239a

    de bzhin yungs kar dag la yang / bzlas brjod byas te btum la btags/ mal 'gro gdon gyis zin pa la/ chu bzar dang ni gu gul la/ sngags gnyis lan ni bdun bdun bzlas/ dud pas bdugs na 'tsho bar 'gyur/ de la the tshom mi za yi/ byis pa gde dang mang las thar/ bud med bu ni thogs gyur na/ chu la bzlas brjod lnga bdun byas/ blud na legs par bca' bar 'gyur/ bud med mo sham bu med la/ sangs rgyas sku bsil byas pa'i chus/ de la bzlas brjod nyi shu bya/ khrus byas lus ni gtsang ma la/ chu de blud na bu tsha 'phan/ rigs rgyud dag ni 'phel bar 'gyur/ lam du zhugs ste 'gro ba na/ skad pa dang ni gos kyi grar/ bzlas brjod bdun bzlas mdud pa bdun/ mdud cing bzlas te song ba na/ bde bar 'gro zhing don yang 'grub/ dgra dang nye zho med par 'gyur/ yid ni gzhungs par 'dod pa na/ shu dag tshon gang tsam dag la/ bzlas brjod sum brgya tsam bzlas la/ mar srang sum brgya drug bcu la/ bzlas brjod byas ste bsreg nas kyang / bum pa gcig tu blugs la dkrug/ nyi ma re re lo tsog tu/ shu dag gi ni dum re dang / mar srang dag ni re re la/ bzlas brjod re re byas shing bza'/ des ni yid gzhungs blo ldan 'gyur/ de bzhin pa ni ser skya yi/

  5. 239b

    mar dang 'o ma dag la yang / bzlas brjod brgya ni rtsa brgyad du/ bzlas ste 'o thugs dkrug cing bzla'/ yid gzhungs pa'i mchog du 'gyur/ mi dang 'grogs shing mdza' 'dod na/ gang dag yid dang 'thad pa la/ me tog dang ni rtsa shing la/ 'bras bu 'am ni 'dzam pa dag/ lag g.yas pa'i chang par bcug/ de la bzlas brjod rtsa gcig btab/ gang gi lag tu byin pa na/ de dang rtag tu 'ja' bar 'gyur/ rta la sogs pa'i phyugs rnams kun/ 'chi bar nye bar gnas pa na/ chu dang nyung kar bcas pa na/ bzlas brjod brgya ni rtsa brgyad bya/ de la gtor na sos par 'gyur/ nyung kar la ni brgya rtsa brgyad/ bzlas pa'i thum po mgul du btags/ des ni nad rnams med par 'gyur/ mi rnams 'chi bas 'jigs gyur na/ nyangs kar la ni bzlas brjod bya/ thum po byas ste sgo la btags// bzlas brjod brgya stong 'bum bzlas so// me'i nang dang phyugs nad kun/ ming yang med cing bde bar 'gyur/ de dag kun gyis bzlas brjod na/ 'di dag gya cher 'gyur bar gsungs/ na mo rat+na tra yA ya/ oM ye d+harma he du pra b+ha ba/ h+ya dun te/ Shan ta thA ga to h+ya ba dang te/ Shany+tsa yo ni ro d+ha/ e ba b+ha ti ma hA shra ma na ye swA hA// rtag tu bzlas brjod byas pas na/ bsam pa yongs su rdzogs par 'gyur/ gnod ces kyang tshugs mi 'gyur/ dam chos yongs su bzung bar

  6. 240a

    'gyur/ tshigs su bcad pa 'di dag ni/ mthu dang rdzu 'phrul 'grub par 'gyur/ 'phags pa rten cing 'brel bar 'byung ba'i snying po'i cho ga'i gzungs rdzogs so// / rgya gar skad du/ Ar+ya me tri pra ti dz+nyA na ya d+ha rI// bod skad du/ 'phags pa byams pas dam bcas pa zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo// na mo rat+na tra yA ya/ na mo b+ha ga wa te/ shAkya mu ne ye/ ta thA ga ta ye/ a ra ha te/ saM myaka saM b+hud d+ha ya/ tad+ya thA/ oM a dzi te/ a dza ti/ a pa ra dzi te/ a dzi na da dza ya/ ha ra ha ra/ mi tri a ba lo ki ti/ ka ra ka ra/ ma hA sa ma ya sid d+haM/ b+ha ra b+ha ra/ ma hA bo d+hi man tra bi dze/ sma ra sma ra/ a sma ra ki sa ma ya/ b+ho d+he b+ho d+he/ ma hA b+ho d+he swA hA/ rtsa ba'i sngags so// oM me hi mo hi/ ma hA mo hi swA hA/ snying po'o// oM mu ni mu ni sma ra swA hA/ nye ba'i snying po'o// gzungs 'di nyan pa tsam 'am/ klag ba dang / kha don byed pa dang / tshul bzhin du yid la sems pa dang / beskems pa tsam gyis gang gi tshe/ bdag bla na med pa yang dag par rdzogs pa'i byang chub tu mngon par rdzogs par sangs rgyas par gyur pa na/ bdag gis nges par sems can de brtsal bar bgyis te/ bla na med pa yang dag par

  7. 240b

    rdzogs pa'i byang chub du lung bstan par bgyi'o// tha na dud 'gre'i skye gnas su gyur pa'i ri dgas dang / bya rnams kyis rna lam du sgrogs par byed na/ de dag kyang bla na med pa yang dag par rdzogs pa'i byang chub du lung bstan par thob bo// 'di thos pa tsam gyis kyang ngan song gsum du 'gro bar mi 'gyur ro// ngan song gi dri mas kyang mi gos so// ma'i mngal du yang mi skye'o// lha'i bskal pa stong du 'khor lo bsgyur ba'i rgyal por 'gyur ro// dge ba bcu'i lam dang ldan par 'gyur ro// ji ltar bsam shing don du gnyer ba'i longs spyod 'grub par 'gyur ro// bcom ldan 'das bdag gis kyang / sems can de skang bar mi bgyi lags so// nges par bdag byang chub snying po la mchis nas de ji ltar gyur pa dang / bla na med pa yang dag par rdzogs pa'i byang chub du lung bstan par bgyi'o// 'phags pa byams pas dam bcas pa zhes bya ba'i gzungs rdzogs so// // thams cad mkhyen pa la phyag 'tshal lo// sangs rgyas dang byang chub sems dpa' thams cad la phyag 'tshal lo// bcom ldan 'das de bzhin gshegs pa ye shes ta la la phyag 'tshal lo// de bzhin gshegs pa gser gyi 'od brtsegs snang ba la phyag 'tshal lo// de bzhin gshegs pa 'jigs pa'i sgra sgrogs rgyal po la

  8. 241a

    phyag 'tshal lo// de nas byang chub sems dpa' kun tu bzang po dang / byang chub sems dpa' 'jam dpal gzhon nur gyur pa dang / byang chub sems dpa' gzungs spyod pa'i rgyal po dang / byang chub sems dpa' phyag na rdo rje dang / byang chub sems dpa' bzhi po de dag dang / de bzhin gshegs pa de dag zla ba dang nyi ma'i gdan la bzhugs so// de nas lha'i bu zla ba dang nyi ma gnyis de bzhin gshegs pa de dag ga la bzhugs pa dang / byang chub sems dpa' de dag ga la ba der song nas/ de gnyis kyis de bzhin gshegs pa rin po che bkod pa'i seng ge'i khri la bzhug pa rnams dang / khang pa rtsegs pa 'dzam bu'i rgyal mtshan brtsegs pa dag gis nang na byang chub sems dpa' de dag bkod pa yang mthong ngo // de nas lha'i bu zla ba dang nyi ma gnyis cig la cig sems te/ ji ltar byas na bdag cag gi de bzhin gshegs pa rnams dang / byang chub sems dpa' 'di rnams las sems can la snang ba byin pa dang / mun pa mun nag bsal ba'i phyir/ shar ba'i gzungs sngags phyogs bcur khyab pa'i bro can zhes bya gang gis mthus bdag cag sems can thams cad la snang bar byed pa thob par zhig snyam mo// de nas de bzhin gshegs pa de dag dang / byang chub sems dpa' de dag gis/

Colophon

'phags pa rten cing 'brel bar 'byung ba'i snying po'i cho ga'i gzungs rdzogs so/