rdzogs pa chen po nges don 'dus pa'i rgyud/_lta ba thams cad kyi snying po rin po che rnam par bkod pa
Text
ff. 1b–73a · 144 folio sides
- 1b
rgyusmra/ rgyusmra dz+ha/ rmyi / / blurgyu/ rgyur+Ya// /
- 2a
pa zhes bya ba/ bcom ldan 'das mnyam pa nyid kyi rgyal po dpal kun tu bzang po la phyag 'tshal lo// 'di skad bdag gis gsungs pa'i dus gcig ni/ kun rig sems kyi rgyal po des// 'og min chos kyi dbyings gnas na// nges pa'i don la rab zhugs te// rdo rje sems dpa' la sogs pa'i//
- 2b
'khor rnams 'dus nas rab tu 'khod// de tshe 'dus pa rnam bzhi yang // rdo rje gsang ba rin chen skying // dri med grags pa las rab grug/ rgyal ba'i dbang po bsod nams snying // zhi ba'i bde dang nyi ma'i 'od// nam mkha'i snying po 'bum gzigs dang // phyogs bcu sangs rgyas rnams kyang bzhugs// rigs 'dzin sam dpa' chen po dang // blo gros rtsol dang rnam dag snying // dam pa'i yon tan 'od rlabs can// shes rab bla ma rgyal mtshan 'dzin// rnam par grol ba'i ting 'dzin dbang // chos dbang dang ni spobs pa brtsegs/
- 3a
@#bdud 'joms dang ni seng ge sgra// rin chen mthong dang brtse ba can// dbang phyug gtso dang yid dge dang // mthong na dga' dang bden mos dang // gsung brtsegs la sogs 'khor rnams kun// rang rang gtso la bskor nas gnas// rgyal sras sprul pa'i 'khor rnams kyang // tshangs pa brgya byin rgyal chen ba zhi// thag bzangs ris dang gang ba bzang // chos kyi rgyal po rta mgo can// zur phud lnga pa nor srungs dang // mgrin bcu dang ni klu rgyal dang // de 'khor la sogs kun kyang gnas// mkha' 'gro sde lnga srin mo'i tshogs// ye shes mkha' 'gro rig pa 'dzin// rdo rje mkha' 'gro rigs kyi yum// rin chen mkha' 'gro 'dod dgur bsgyur// pad+ma mkha' 'gro ba de che na rgyas// las kyi mkha'
- 3b
'gro lus sgrib sbyong // 'jig rten mkha' 'gro dam btags pa'o// 'khor gyi gtor zan pho mo kun// snying rje med par gsod la dga'// rkyen mthong tsam na chad pas gcod// kun kyang srin po'i cha byad can// rngams pa'i nga ro 'jigs tshul gyis// bstan pa bsrung phyir dus der 'dus// sprul sku snang ba'i 'khor rnams ni// dad nyan lha mi las can kun// mos shing dad pas 'dus pa yis// las dang thugs rje 'dzom nas 'khod// de tshe rdo rje sems dpa' yis// 'dus pa'i 'khor la phan gdags phyir// gus pa'i tshul gyis thal sbyar te// bden pa'i yid kyis 'di skad gsol// rtsa ba gcig pa'i chos nyid la// sangs rgyas chos rnams ji ltar gsungs// chos nyid gnas lugs rje ltar yin// snod kyi rim pa gang la bstan// chos rnams gtan la ji ltar dbab// mnyam pa'i rgyal pos bshad du gsol// de skad zhus pa'i don gas na nas// kun rig ston pas bka' stsal pa// legs so 'dus pa'i 'khor rnams kun// dang ldan bu la ngas bstan gyis// legs par nyon la yid la zung // dus gsum sangs rgyas thams cad kyang // rtsa ba rang sems rtogs pa'i phyir// gzi ldan nor bu rin chen bzhin// chos sku ston pa kun bzang ngas// thams cad ye shes chen por mkhyen//
- 4a
de don rang rig chos kyi sku// tshig dang yi ge brjod las 'das// rang byung ye shes thugs la gsal// drang srong mngon shes dpe bzhin du// rang byung ngo bo nyid kyi sku// dus gsum bde gshegs 'khor rnams la// yid la bstan pa'i don nyid shar// nges don rtogs phyir yang sangs rgyas// rang rig chos skus byin rlabs bshad// de tshe nges pa'i don chen 'di// rdo rje sems dpas don rig nas// gtsang ris lha yi gnas chen du// brtse dgongs dus la bab gyur nas// rigs 'dzin 'khor la dbang bskur te/ gsang sngags rang gi ngo bos bshad// dus der snying po sems dag gis// phyogs bcu 'dus pa'i sangs rgyas la// zhu ba zhus nas the tshom bcad// de rnyed mngon dga'i phug tu zhugs// / des bskul sprul pa 'dzam gling du// byang chub mo yi bur skyes nas// rig pa'i gnas lnga thams cad mkhyen// ya mtshan can du kun tu grags// spyan drang gnas su don zhus te// bdud btul tshar bcad dam la btags// de nas shA ka thub sprul pa de// bkra shis bde ldan gnas dag tu// da lta dus kyi ding sang na// gsang bdag sprul pa dang nyan la// sde pa sgor legs pa'i tshig tu gsungs// da yang rdo rje sems dpa' nyon// shes rab blo yi khyad par las// sku gsum chos rnams ci gsungs pa'i// bshad lugs rnam pa de dag kun/
- 4b
gdul bya'i 'khor la tha dad kyang // dus gsum gcig phyir khyad med pas// don la dbyer med ngo bo gcig/ rdzogs pa chen po nges don 'dus pa'i rgyud rin po che rnam par bkod pa las/ nges don 'byung ba'i rgyu gleng gzhi bstan pa'i le'u ste dang po'o// // de nas 'dus pa'i 'khor rnams la// kun rig ston pa chos rje yis// chos nyid gnas lugs bka' sprul pa/ 'khor ba mya ngan 'das pa'i chos// gzhi la yang dag med pa'i phyir// rang rig rtogs pa'i chos sku la// snang ba gzugs brnyan mi 'gog pa// chos nyid nges pa'i gnas lugs yin// ye nas rang byung rig pa 'di// ye nas dag par ngos zin cing // bya ba med cing bsgrub tu med// de yang chos nyid gnas lugs yin// ye nas rang la gnas pa'i don// gzhan nas mi 'byung chos kyi sku// rgyu las ma byung bdag med pas// de yang chos nyid gnas lugs yin// rang byung ngo bo nyid kyi sku// ma bcos ma bslad don yin/ phyir// ma nor ji bzhin ma 'gags pa// de yang chos nyid gnas lugs yin// dus gsum gcig par nges pa'i phyir// ma skyes mi nub ye shes ni// mi 'byung mi 'gro ye gnas pa// de yang chos nyid gnas lugs yin// rang byung rig pa rang gsal te// kun la khyab pa mi byed phyir// lta ru med pas tha snyad med// de yang chos nyid gnas lugs
- 5a
yin// dngos med rang rig ye shes de// mtshon du dpe med rtogs las 'das// bsam du med pa bsam mi khyab// de yang chos nyid gnas lugs yin// ngo bo rang byung snying po de// rgyu las ma byung rkyen med pas// dngos po ma yin rtag chad med// de yang chos nyid gnas lugs yin// snang ba rang gsal chos dbyings la// spyod dang bral bas sgro skur med// mtha' dbus med pa rgyu 'bras med// de yang chos nyid gnas lug sa yin// da yang rdo rje sems dpa' nyon// gzhi gcig gang yang mi 'gal ba// tshig tu mtshon na bslad cing bcos// yul med rang byung ye shes nyid// sangs rgyas rnams kyi gnas lugs yin// rdzogs pa chen po nges don 'dus pa rin po che rnam par bkod pa las/ don chos nyid kyi gnas lugs bstan pa'i le'u ste gnyis pa'o// // de nas 'dus pa'i tshogs rnams la// kun rig rgyal pos bka' stsal pa// don ldan snod bcud rim pa ni// yang dag nges pa'i sangs rgyas don// gsang sngags kun gyi rtsa ba yi// dbang rnams rim par rdzogs byas nas// chos kyi gzhung dang mi 'gal bar// thos bsam kun la rab sbyangs nas// nges don bka' rgyud gsang ba yi// dam pa'i mdzod kyi gter ldan zhing // srid par zhus kyang zad med pa'i// bla ma rdo rje slob dpon de// tshul 'chos med par gdeng ldan
- 5b
ba'i// dpe ni nags kyi seng ge bzhin// gcig pur gnas kyang don ldan la// sangs rgyas dgongs pa thugs la gsal// da yang rdo rje sems dpa' nyan// skal ldan slob ma'i mtshan nyid ni// bla ma la gus dang ldan pas// ser sna chung la brtson 'grus che// brtse gdung dam tshig mi 'gal srung // don gsang thub la shes rab zab// tshul shis dang bzang rnams kyi don// yon tan zad med rin chen gter// thams cad 'byung ba'i gzhi ru bstan// de yang 'dus pa'i snying po nyon// de dang mi ldan 'di bstan na// sangs rgyas rnams kyi bka' bcag ste// mtshams med sdig pa 'chir med pa// dmyal ba'i 'og gzhi byed par gsungs// rdzogs pa chen po nges don 'dus pa rin po che rnam par bkod pa las/ snod bcud bstan pa'i le'u ste gsum pa'o// // de nas 'dus pa'i tshogs rnams la// kun rig chos kyi rgyal po yis// chos rnams gtan la dbab pa'i phyir// don gyi snying po 'di gsungs pa// yang dag nges don rtogs pa'i thabs// 'dus pa lnga yi don mtshon phyir// sun 'don bdun gyi sha na phye ba// skabs dbye lnga yis sgo phye nas// rtsa ba bzhi yis mdor bsdus la// 'phrang chen drug gis gtan la dbab// nges don bdun gyis nyams su blang // nges pa gsum gyi khyad par 'phags//
- 6a
che ba lnga yis dngos 'dzin dag/ gnyis med gsum gyis la zlal// gtan tshigs bzhi yis yid ches bya// 'bras bu dgu yis mtha' rugatugs/ rtogs pa bzhi yis gdeng ldan bya// rdzogs pa chen po nges don 'dus pa las/ chos rnams gtan la dbab pa mdo ru bsdus te bstan pa'i le'u ste bzhi pa'o// / / de nas 'dus pa'i snying po yis// dad ldan 'khor la phan gdags phyir// kun rig chos kyi rgyal po la// bden pa'i don ni 'di skad zhus// sangs rgyas dgongs pa gang du 'dus// rgyu 'bras nges tshig ji ltar 'dus// snying po 'dus pa'i khyad par gang // dpe dang don du ji ltar 'dus// rdzogs chen rang gzhung ji ltar 'dus// kun rig ston pas bshad du gsol// de skad zhus pa'i don gas na nas// 'dus pa'i 'khor la bka' sprul pa// sangs rgyas kun gyi dgongs pa'i chos// nges don bla ma dam pa yi/ tagadams ngag khyad par can du 'dus// dpe yis 'dus la don gyis 'dus// rtags dang gtan tshigs 'thun par 'dus// don ni rang byung chos skur 'dus// da yang rdo rje sems dpa' nyon// kun tu bzang po'i dgongs 'dus pa// 'pho 'gyur med pa'i lta ba la// skye 'gag med pa'i sgom par shar// blang dor med pa'i spyod pa la//
- 6b
re dogs med pa'i 'bras bu gnas// rig lnga'i sangs rgyas dgongs 'dus pa// rang byung skye med rang gsal de// 'gag med mi 'gyur rig pa de// rdo rje sems dpa' dgongs pa ste// mi shigs ye nas rdo rje'i sku// chos nyid dam bcos ma bslad pa// mi zad gter gyi dgongs pa ste// 'du 'bral med pa'i ye shes thugs// rin chen 'byung ldan dgongs par 'dus// chos nyid mtha' yas brdal khyab pa// ma byung ma skyes snying po la// 'phel 'grib med par rang gnas pa// snang ba mtha' yas dgongs par 'dus// sangs rgyas ye shes da lha nyid// de rtogs rang byung chos nyid gsal// don yod grub pa'i dgongs pa ste// de las 'gyur med sangs rgyas thugs// ye shes lus can sangs rgyas sku// de ldan snang ba'i yul rnams la// zhen med rang byung ye shes gsal// rnam par snang mdzad dgongs par 'dus// de yang rdo rje sems dpa' nyon// dpe ni kun dpe nam mkha' 'dus// don ni kun don chos skur 'dus// rtags ni byang chub sems su 'dus// gtan tshigs rang byung snying por 'dus// da yang 'dus pa'i snying po nyon// dus gsum sangs rgyas dgongs 'dus pa// 'dus ma byas pa'i ye shes de// rgyu dang rkyen gyis ma bskyed par// chos rnams kun gyi snying po ru// rang byung lhun gyis grub pa'i sku// sangs rgyas kun gyi
- 7a
dgongs par 'dus// dgongs pa de dag mtshon pa'i phyir// rang sems bla mar gsungs pa la// dbye ba rnam pa gsum yod de// sems nyid rgyu yi bla ma dang // 'bras bu ye shes bla ma dang // snang ba chos dbyings bla ma'o// da yang 'dus pa'i snying po nyon// sems nyid rgyu yi bla ma ni// log sred can ni ma yin te// lung rig ldan pa'i gang zag gis// 'khor 'das chos la blos brtags pas// bde dang sdug bsngal gnyis su mthong // bde sdug gnyis la don brtags pas// dge sdig gnyis las byung bar shes// dad pa brtson 'grus shes rab kyis// rnam par rtog pa'i blo sbyangs phyir// drang ba'i don la dgongs nas ni// sgrib sbyangs tshogs bsags bya bar gsungs da yang 'khor gyi snying po nyon// 'bras bu ye shes bla ma ni// nges pa'i don la dgongs pa'i phyir// 'khor 'das 'byung bas ma reg pa'i// ye shes ngos zin ma bcos pa'i// rang rig chos sku dang ldan thugs// ngo bo longs spyod rdzogs skur ldan// thugs rje sprul pa'i sku ru byung // gzhi ni chos sku gcig cig la// gdul bya ston ba gsum du byung / de yang 'dus pa'i snying po nyon// snang ba chos dbyings bla min// 'byung chen sngon bla ma ste// 'dod yon lnga sogs chos rnams ni// chog
- 7b
dang yi ges mi mtshon par// ldem dgongs rang gi ngo bos ni// snang ba chos kyi dbyings su bstan// rdzogs pa chen po nges don 'dus pa las/ sangs rgyas chos kun bla ma dam pa'i gdams ngag tu 'dus par bstan pa'i le'u ste lnga pa'o// // de nas 'dus pa'i 'khor rnams la// kun rig ston pas bka' stsal pa// 'khor 'das gzhi ni gcig med kyang // sems kyi snang ba mi 'dra ste// snod kyi rim pa dang sbyar nas// dbang po rab 'bring gsum du byung // da yang 'dus pa'i snying po nyon// dbang po tha ma'i don du ni// dge sdig las kyi rgyu 'bras kyis// 'bras bu bde dang sdug bsngal la// gnyen po dge bas rgyu byas nas// chos spyod lam du khyer ba'i phyir// da sgyus gyi chos bstan pas// rgyu ma theg par gtugs shing 'dus du ma rje sems dpa' spyon// dab ba 'bring gi na du'o// 'bras po rdzogs ste// kri yog rgyud lung man chad chos// phyag rgya'i dkyil 'khor la ma byas nas// 'bras bu de nyid ye shes sku// rang gi lus ngag yid gsum ni// sku gsung thugs su sbyor ba'i phyir// rdo rje theg par btags shing 'dus/ da yang 'dus pa'i snying po nyon// dbang po rab kyi don du ni// bstan pa tsam gyis rtogs pa'i chos// thog le
- 8a
nyag gcig chos kyi sku// shes pa tsam gyis sangs rgyas nges// pa na se yi 'bras bu bzhin// rgyu 'bras ro gcig theg par 'dus// rdzogs pa chen po nges don 'dus pa las/ rgyu 'bras 'dus pa'i nges tshig bstan pa'i le'u ste drug pa'o// / de nas kun rig ston pa yis// 'dus pa'i 'khor la bka' stsal pa// kun gyi gzhi ni nam mkha' la// mun pa nam langs nyi shar bzhin// gzhi sems rig pa'i ye shes ni// gcig pa ma yin khyad par che// de don ngas bshad legs par nyon// / 'khor 'das gzhi ni ngo bo nyid// de las bskyed pa'i chos rnams byung // de tsam nyid na ngang gis stong // gzhi la dngos med nam mkha' 'dra// da yang 'khor gyi snying po nyon// ma rig las skyes chags sdang sems// de phyir 'khor ba'i rtsa ba ste// nyon mongs bag chags skyed par byed// sems ni tshogs brgyad mun pa 'dra// de 'dra lung gi slob dpon gyis// rig pa'i gtan tshigs rnam bzhi ni// yul gyi snang ba 'di nyid la// gzhigs pas rang bzhin med par shes// gsal la mi rtog gang sgom pa// thos pa'i shes rab yin pa'i phyir// rig pa yin te ye shes min// de yang 'dus pa'i snying po nyon// sems dang rig pa'i bar du ni// lung ldan nges pa'i gdams ngag gis// snang ba gtan tshigs ma gzhigs pa//
- 8b
'a 'dus sa rig rgyo TIkra// rgan shes du ga ris pa// bsan pa zhes rab sbyin pa'i phyi/ rang byung yin ma nges shes mi// num 'dus rgan pa med pa 'bru/ yang rdo rje sems dpa' nyon// ye shes chos sku'i bar du ni// rnal 'byor rig pa'i blo ldan pas// sems can rgyu ba rgyun gcad pas// ye shes 'gag pa med par gas la// sgom pa'i shes rab yin pa'i phyir// mnyam gzhag dang la yengs pa med// rjes thob ma yengs rting bzhin du// ye shes dang la chos sku btsa'// de shes gdeng gis zin pa ni// nyi shar mun grib med pa 'dra// de yang 'dus pa'i snying po nyon// sems kyi snying po rig pa dang // sangs rgyas snying po ye shes dang // chos kyi snying po rdzogs chen dang // 'byung ba'i snying po nam mkha' dang // 'khor 'das snying po ngo bo nyid// de don rnam par dbye ba ni// kun bzang rgyud du ngas bshad kyis// dad ldan phyi rabs rtogs par gyis// rdzogs pa chen po nges don 'dus pa las/ snying po nges don 'dus par bstan pa'i le'u ste bdun pa'o// // de nas 'dus pa'i 'khor rnams la// kun rig ston pa chos rje yis// dpe dang don du bka' stsa la pa// dper na wA rA NA si'i ras// tshon gyi rkyen gyis bsgyur byas pas// kha dog sna tshogs cir yang snang // ras su dbyer
- 9a
med ngo bo gcig/ sems kyi snang ba sna tshogs pas// yul dbang rkyen gyis so sor snang // de yang 'khrul pa'i sems su snang // de phyir snang ba nges med yin// shel sgo nga dag gi nang du ni// kha dog sna tshogs ras gzhag pas// kha dog sna tshogs cir snang yang // snang yang shel la 'gyur ba med// de bzhin rang byung ngo bo la// gzung 'dzin rkyen gyis ris drug 'byung // 'khrul pa'i ngo la cir yang snang // snang yang gzhi la 'gyur pa med// da yang 'dus pa'i snying po nyon// gser bzo lag gis bsgyur byas nas// chol bzangs dri snod byas tsa na// gser kyang ngan pa'i rdzas su snang // de bzhin 'khrul pas brtags tsa na// yul kyang ma dag 'jig rten khams// ngam grog g.yang sa tsher dong snang // gser sku mchod rten byas tsan// tshogs bsags rten du 'gyur pa'i phyir// gser kyang bzang po'i rdzas su mthong // ye shes can gyi ngo gang la// yul kyang zhing khams rnam par dag/ rin chen gser gyi ngo gang la// gser gyi rgyu la bzang ngan med// de bzhin chos sku'i ngo bo la// snang dang mi snang gzhi la med// da yang 'dus pa'i snying po nyon// sna tshogs dar gyi tshogs rnams la// za 'og snam bu byas tsa na// sna tshogs dar gyi ming dang bral// za 'og snam
- 9b
bur gcig pa ltar// chos sku rang gi sems yin kyang // lung ldan rkyen gyis bstan tsan// sna tshogs 'dzin pa'i sems dang bral// thig le nya ga gcig chen por 'dus// dper na sman dug gzhi gcig la// la la'i sman la la la'i dug/ de bzhin nges don chos 'di la// la la'i byang chub la la'i dmyal// ha la nag po'i dug dag kyang // thabs mkhas bza' legs sman gyi mchog/ de bzhin 'dod chags zhe sdang yang // nyon mongs rang sar grol tsa na// de ni rang byung ye shes yin// sman gyi rgyal po'i bcud len kyang // thabs la mi mkhas bza' nyes na// ha la nag po'i dug dang 'dra// rang la gnas pa'i chos nyid kyang // lung med 'khrul pa'i dbang song tshe/ 'dod chags la sogs dug lnga yin// nga yang rdo rje sems dpa' nyon// sa 'og gnas pa'i rin chen gser// ngo ma shes na rdo dang 'dra// de bzhin rang la yod pa'i don// rtogs pa med pa'i 'khru la rtogs sems// ngo shes phrad nas mi zad gter// dgos 'dod re ba de las byung // nges don chos sku rtogs tsa na// byin rlabs nor bu'i tshul du 'byung // da yang 'dus pa'i snying po nyon// mkha' la gza' skar shar ba dang // chu nang dag gi gzugs brnyan gnyis// gcig pa ma yin so so min// de bzhin rig pa'i
- 10a
rgyal po dang // rig pa'i rtsal du snang ba gnyis// ldog bcas tha dad ngo bo gcig/ rdzogs pa chen po nges don 'dus pa las/ dpe don 'dus pa bstan pa'i le'u ste brgyad pa'o// // de nas 'dus pa'i 'khor rnams la// kun rig rgyal pos bka' stsal pa// rgyu rkyen ma bskyed rang byung la// gsal 'grib med pa ye shes yin// rtsol sgrub dag las ma byung bas// rang byung lam la rag ma lus// yul las ma byung ye shes te// lung ldan rkyen gyis rtogs pas cho ga/ da yang rdo rje sems dpa' nyon// yang dag chos sku 'dus pa 'di// rang la yod kyis gzhan ma lha// chos nyid ngang la thugs ma bcos// lta ba'i don la brjed ma ngas// sgom pa'i ngang la dran ma gsal// / spyod pa'i chos la bcos ma bslad// dam tshig gzhung la 'tshur ma rkyen// 'bras bu'i chos la rtags ma ring // da yang 'khor gyi snying po nyon// 'gro sa med kyi rtse ni 'dug/ ye nas yin gyis gzod ma tshol// 'khor ba'i chos la ngos ma 'dzin// snang ba'i yul la zhe na ma che// 'jig rten gtam la blo ma rno// nam mkha' dag la bgos ma byed// rgyal ba'i bka' la shed ma byung // slob dpon dag la 'gran ma 'dzugs// rdzogs pa chen po nges don thams cad 'dus pa las/ don gyi bsdu ba bstan pa'i le'u ste dgu pa'o//
- 10b
de nas rdo rje sems dpa' yis// 'dus pa'i 'khor la phan gdags phyir// kun rig sems kyi rgyal po la// yid kyi dran pas 'di skad gsol// mtshan nyid theg pa ji ltar 'khrul// phyi nang gsang sngags sgrib pa gang // thabs med yon tan ji ltar rdzogs// theg chen kun dang mi 'gal gang // rdzogs chen rang gzhung dbye ba gang // lam dang 'bras bu'i khyad par ci// theg pa gzhan sun ji ltar gdon// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// 'gro drug sems can thams cad la// phung po lnga yis kun khyab ste// spyi dang rang gi mtshan nyid kyi// so so'i dbye ba ngas bshad nyon// dang po spyi yi mtshan nyid kyis// phung po lnga ru 'dod pa'i gzhung // sems tsam theg chen pa na re// phung po lnga las ma rtogs pa'i// chos ni gzhan nas yid min phyir// phung po lnga ni yang dag yod// de yang 'dus pa'i snying po nyon// rgyu yi phung po lnga rnams kyang // lhar ni ma shes dad pa yi// sa dang pha rol phyin pa yi// lam la rim gyis bgrod byas nas// rnam par mi rtog ting 'dzin la// sgrib pa rnam pa gnyis sbyang ste// thabs dang shes rab gnyis ldan na// rang gis don dam nges pa yis// 'bras bu thob pa'i dus na ni// sku gsum ye shes bzhi ru 'dod// da yang rdo rje
- 11a
sems dpa' nyon// phung po lnga ru 'dod pa de// yang dag don dam ma yin te// du mar snang kyang rkyen gyis bskyed// gnyen pos bcos shing bsgyur yod phyir/ kun rdzob sgyu ma tsa ma yod pas// yang dag don du 'dod pa 'khrul// mi dang mtho yor thag sbrul bzhin// 'khrul pa med par the tshom med// de yang rdo rje snying po nyon// phung po lnga yi dbye ba dang // mtshan nyid so so tha dad pa'i// sems tsam gzhung du zhi ba bstan gyis// nges don skabs su ngas ma bshad// rdzogs pa chen po nges don 'dus pa las/ sems tsam sun 'don pa bstan pa'i le'u ste bcu pa'o// // de nas 'dus pa'i 'khor rnams la// kun bzang ston pas bka' stsal pa// gsang sngags phyi nang 'dod pa'i gzhung // phung po khams dang skye mched rnams// sangs rgyas yin par blos bsgyur nas// ye shes sems dpa' mchod la sogs// tshogs gnyis bsod nams bskyed nas ni// chos nyid sgrib pa bral dus na// 'bras bu 'byung bar nges pa ni// sku gsum ye shes lngar 'dod pas// rang rig chos sku nges don bsgribs// de yang rdo rje sems dpa' nyon// a nu yo ga'i 'dod pa ni// phung po la sogs rtog tshogs kun// ma bskyed rdzogs par 'dod pa de// 'bras bu ye shes lnga dang ni// sku lnga lhun grub 'dod
- 11b
bas bsgribs// de yang 'dus pa'i snying po nyon// rang bzhin lhun grub sangs rgyas ni// dus gsum dag tu mi 'gyur zhing // gnyen pos bcos shing bsgyur du med// thabs ni gang la'ang mi brten phyir// rang byung kun tu bzang pos bya// da yang 'khor gyi snying po nyon// phung po rnam pa lnga las kyang // sku lnga ye shes lnga ru 'dod// phung po gcig las med ba la// 'bras bu tha dad 'byung ba yis// gnas gyur du ni sangs rgyas nas// rigs lnga'i yon tan rdzogs 'dod pas// shin tu mi 'thad 'gal ba'i phyir// ma rig rmongs pas rang la bsgribs// de don dgongs shing bsgribs pa ni// rgyud gzhan du ni zhi ba bstan phyir// nges don skabs su ngas ma bshad// da yang rdo rje sems dpa' nyon// ming gi rnam grangs du bstan yang // don gyi ngo bo gcig tu 'dus// rtsa la shugs tshul du gnyis su snang // don la dgos med tshig dang bral// de phyir byis pa'i sprin tshig 'dra// phung po khams dang skye mched kun// sems su byas shing blo yis bcos// de phyir yang dag phung po min// don dam chos la smos ci dgos// de phyir ma rig rmongs pa kun// gnas gyur sangs rgyas 'dod pas phung // gtan du 'khyam pa snying re rje// rdzogs pa chen po nges don 'dus pa las/ gsang sngags phyi nang gi 'dod gzhung sun 'don pa bstan
- 12a
pa'i le'u ste bcu gcig pa'o// // de nas 'dus pa'i 'khor rnams la// kun rig ston pas bka' stsal pa// mu stegs chad 'dra skur btab kyang // nges don snying po ma mthong phyir// gtan tshigs sgro skur skyon bskal kyang // don dang 'thun par mi 'gyur ro// da yang rdo rje sems dpa' nyon// theg ba 'og ma'i chos kun bzhin// shes rab thabs la brten dgos na// byas pa yin phyir gnas lugs min// sku dang ye shes 'byung mi srid// de phyir thabs la rag lus med/ rang byung snying po chos sku ni// nyi ma dang ni 'od bzhin du// shes rab chos sku gcig pu la// sku dang ye shes kun ka rdzogs// de yang 'dus pa'i snying po nyon// nges don bka' yis drang don kun// su na bstan 'dod thog chen po yin// nges don bka' la sun 'don med// de phyir drang don bka' 'di gol// nges don yang ti'i gzhung gis ni// dngos su snang yang 'byung ba med// don dam rang bzhin ngo bo gnas// don du bya ba mi dmigs kyang // rang byung yon tan thugs la rdzogs// chu zla'i dkyil 'khor lha bur snang // rang byung lhun gyis grub pa yis// rang byung dang la shugs kyis 'byung // da yang rdo rje sems dpa' nyon// phung po dbye ba 'dus lugs kyang // thun mong theg pa sgra
- 12b
bstun phyir// kun dang mi mthun bstan pa yang // drang don yin phyir yang dag min// yang dag nges don yang ti ni// dper na shing thog smin pa la// 'bras bu shugs kyis 'byung ba ltar// chos sku sgrub pa med pa la// sku gsum ye shes lnga rnams kyang // ma btsal rang bzhin lhun gyis rdzogs// rigs lnga'i sangs rgyas don gyis tshang // thams cad mkhyen pa'i ye shes kun// ma lus thogs pa med par mkhyen// rdzogs pa chen po nges don 'dus pa las/ thabs la ma brten par yon tan thams cad rang la rdzogs par bstan pa'i le'u ste bcu gnyis pa'o// // de nas 'dus pa'i 'khor rnams kyis// kun rig sems kyi rgyal po la// theg pa gzhan dang sgo bstun phyir// phung po rgyu 'bras don zhus pa// phung po rnam pa lnga po yang // yang dag yod dang byin rlabs su// rtag chad bral dang ngo bor gnas// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rnam shes phung po yang dag yod// phung po bzhi ni byin rlabs 'byung // rtag chad bral ba'i rnam shes kyis// kun gzhi rang gi ngo bo yin// rtag chad ngo bor gnas pa ni// phung po gzhan dang tshogs bdun yin// da yang 'dus pa'i snying po nyon// de yi 'bras bu sku lnga dang // ye shes lnga rnams yod tshul ni/
- 13a
'dus ma byas kyi nam mkha' bzhin// dus gsum 'du 'bral med par ni// chos sku ye shes yang dag yod// sku dang ye shes gzhan dag ni// byin gyis brlabs las byung ba ste// gza' skar rgya mtsho ji bzhin du// btsal du med par shugs la byung // chos sku me long lta bu ni// rtag chad gnyis dang bral bar gnas// ngo bo rang bzhin lhun gyis grub// de phyir dus gsum 'pho 'gyur med// sku dang ye shes gzhan dag ni// rtag chad gnyis kyi ngo bor gnas// theg pa gzhan du zhi ba bstan gyis// nges don skabs su ngas ma bshad// rdzogs pa chen po nges don 'dus pa las/ theg pa spyi dang rang gi 'gal bar bstan pa'i le'u ste bcu gsum pa'o// / nas 'dus pa'i 'khor rnams la// yang ti rang gzhung bka' stsal ba// rang byung ye shes chos sku la// me long lta bu'i ye shes kyang // yang dag don du mi 'dod phyir// ye shes gzhan la smos ci dgos// de yang rdo rje sems dpa' nyon// rang byung ye shes chen po ni// dus gsum dag tu mi 'gyur la// me long lta bu'i ye shes kyang // tha ma yod kyang thog ma med// de phyir rkyen las byung ba yin// khams gsum 'khor ba'i dus tsan// kun gzhi'i rnam par shes pa la// gnyen pos bskyed pa'i gnas gyur gyi// ye shes
- 13b
bya ba'i ming yang med// nges don yang ti'i gzhung gis ni// gnod sbyin skar mda' sgra ngan sgrogs// khams gsum 'khor ba'i dus na yang // rang byung ngo bo nyid kyi sku// chos skus khyab pa ye gnas phyir// sangs rgyas 'bras bu thob dus na// ye shes chos kyi sku ni gnas// de phyir don dam chos sku las// chos ni gzhan na yod mi srid// de yang rdo rje sems dpa' nyon// 'o na khyod kyi 'dod pa de// sems can las ni sangs rgyas pas// de nyid 'gyur ba ma yin nam// nges don 'gyur ba ma yin te// mi rtogs bag chags bcas pa dang / rtogs pa bag chags bral ba'i phyir// khyad par tha dad snang gyur kyang // don la rgyu 'bras rim gyis med// ngo bo gzhi yi chos sku dang // rtogs pa ye shes chos sku gnyis// / ngo bo gzhi la tha dad med// nyi ma rang gi ngo bo la// mun grib grang ba gang yang med// glo bur sprin gyis bsgribs tsa na// nyi 'od med pa ma yin te// ngo bo 'phel 'gri ba med pa ltar// / rtogs ma rtogs kyi khyad par las// sems can sangs rgyas gcig pa'i phyir// gzhi la dus gsum 'gyur med yin// da yang rdo rje sems dpa' nyon// lung ldan bstan bas thams cad mkhyen// de dus 'bras bu sangs rgyas phyir// ngo bo dag la 'phel 'grib med// skye 'gag med par rgyun du gnas// sems can dus kyi chos sku las//
- 14a
de las 'phel ba rdul tsam med// de phyir yang dag yod par bshad// de yang 'dus pa'i snying po nyon// 'o na dus gsum mi 'gyur zhing // thams cad chos skur 'dod pa de// lung rig gnyis dang 'gal ba dang // sdud pa'i rtog par 'gyur ba'i phyir// 'o na rtags dang khyad ci yod// de yang don dang mi 'gal te// thams cad chos skur 'dus pa de// bsdus nas 'dus pa ma yin te// nyi 'od bu ram mngar ba bzhin// dus gcig rdzogs pa chos kyi sku// rang bzhin dang gi gnas pa bzhin// rgyu rkyen tshogs 'dus ma yin te// lung dang rag pa ci la 'gal// kha dog dbyibs su med pa la// rtag pa'i skyon gyis ci la gos// mi 'gyur ye nas gnas pa la// rtag ces zer na rtag dka' bas// chos sku 'gyur med 'dod thogs yin// chos sku rgyun du ye yod phyir// chad pa'i skyon gyis dam gos// dngos po mtshan ma med pa'i phyir// rtag pa ther zug nga la med// de phyir skyon med gnyis kar gnas// de yang rdo rje sems dpa' nyon// chos 'di mchog tu gsang ba'i phyir// sgo lnga dag gi spyod yul min// de phyir chos sku brjod las 'das// brtags pa'i tha snyad kun dang bral// de phyir sems kyi yul las 'das// rang byung rig pa'i ye shes la// tshig gi mtshon pa thams cad nor// rdzogs pa chen po nges don 'dus
- 14b
pa las/ yang ti rang gzhung shan dbye ba bstan pa'i le'u ste ba cu bzhi pa'o// // de nas kun rig ston pa yis// 'dus pa'i 'khor la bka' sA la pa/ nyan thos lam dang 'bras bu'i gzhung // tshe 'di'i snga ma yang snga la// dge sdig las ni gang byas pa// da lta'i lus 'di blangs pa la// bde sdug gnyis ka dus 'dir 'byung // phyi mar 'khor bar lhung dogs nas// sdig spangs dge ba spyad byas nas// 'bras bu lha mi'i go 'phang thob// de yang 'dus pa'i snying po nyon// rgyu rkyen tshogs pa'i dge spyad na// las de'i 'bras bu thob dus ni// gzhan don mthar phyin grub pa la// 'bras bu sangs rgyas thob bar du// mtho ris 'bras bu ga nas rten bcas/ lha dang mi yi them skos la// rim par 'dzeg na sangs rgyas 'byung // de yang 'dus pa'i snying po nyon// khyod ni yang ti rdzogs chen pa// rtogs pa gcig pu cho ga zer ba// rgyu rkyen ma tshogs 'bras bu 'dod// stong pa nyid kyi mtha' ru lhung // lung rig gnyis dang shin tu 'gal// de bas dge ba tshogs par spyad// 'bras bu lha dang mi yi ni// 'bras bu thob par bya ba la// rang sems rtogs pas mi chog ste// bsod nams tshogs ni bsags nas kyang // mya ngan 'das pa'i mtha' brten te// ting 'dzin rtse gcig
- 15a
bsgoms gyur na// 'bras bu thams cad mkhyen pa yi// ye shes thob par 'gyur ba la// khyed ni yang ti rdzogs chen pa// sems nyid rtogs pas cho ga zer ba// 'khor ba las ni thar gyur nas// mya ngan 'das pa'i mtha' ru lta// lam des 'bras bu sangs mi rgya// de bas 'bras bu bla med pa'i// byang chub thob par bya ba la/ rgyu ni sa dang pha rol phyin// lam la rim gyis bgrod gyur na// gzhan don 'bras bu phun sum tshogs// gzugs skra rnam gnyis thob par 'gyur// shes rab mi rtog rtse gcig tu// ma yengs don la bsgoms gyur na// bdag don chos sku 'grub par 'gyur// de yang 'dus pa'i snying po nyo na// 'bras bu bdag dang gzhan don gyis// phun sum tshogs pa thob pa ni// 'di las thabs chen nges pa'i lam// chos ni gzhan nas yod do zer// de dag dbye ba'i tshogs gsag thabs// snying rje chen po'i gzhi gzung nas// theg pa gzhan du zhi ba bstan phyir// nges don skabs su ngas ma bshad// de yang rdo rje sems dpa' nyon// gsang sngags phyi nang 'dod pa'i gzhung // lam dang 'bras bu'i khyad par ni// thabs dang shes rab zung 'brel na// bde ba'i yon tan rnyed par 'gyur// 'bras bu thams cad mkhyen pa yi// ye shes thob par bya ba la// thabs dang shes rab 'dzom pa dgos// de
- 15b
phyir thabs ni gang zhe na// phung po khams dang skye mched kun// lha dang lha mor gnas gyur cing // rim gyis bskyed dam ma bskyed rdzogs// cho ga gsum mam bdun gyis ni// bskyed cing bsgyur byas ye shes sems// spyan drang ba sti ma dang mchod la sogs// gzhung dang ldan par byas gyur kyang // mthar phyin 'bras bu thob dus na// gzugs sku rnam gnyis byung nas kyang // byang chub sems dpa' man chad nas// sems can dmyal ba yan chad kyi// 'gro don mthar phyin grub pa la// stong nyid ting 'dzin bag chags sbyangs// chos sku thams cad mkhyen pa yi// ye shes dang ldan thob par 'gyur// de yang rdo rje sems dpa' nyon// 'di las lhag pa'i nges don chos// rdzogs chen pa ni khyed la med// de phyir thabs la brten nas ni// shes rab lta bas thag gcad de// 'bras bu nges par 'byung bar 'dod// rdzogs pa chen po nges don 'dus pa las/ sngags dang mtshan nyid kyi lam dang 'bras bu dbye ba'i le'u ste bco lnga pa'o// // de nas 'dus pa'i tshogs rnams la// kun rig ston pas bka' stsa la pa// theg brgyad lam gyi go la sa ni// khyed cag blo dman ma rig pas// thabs dang shes rab 'brel dgos zer// 'khrul pas bltas pa'i rtog pa yin// de yang 'dus pa'i snying po nyon//
- 16a
dper na mar 'dod pa la ni// chu srubs pas ni mar med ltar// thabs kyi mtshan ma dngos su spyad// zhen pa'i sems kyis byang chub 'dod// dper na nyi ma'i snying po la// sprin ni dkar nag gnyis kas bsgribs// de bzhin thabs la brten pa yis// gang zag kun gyi dngos por gzung // de phyir lam gyi gegs su gsungs// da yang rdo rje sems dpa' nyon// dper na skyes bu mi rnams kyis// sngags med pa yis dug zos na// a shu ka yi rkyen yin phyir// che chung gang zos gnyis ka 'chi// nges pa'i lung ldan don med phyir// thabs ni che chung gnyis ka sgrib// rtsol ba byas pa thams cad go la// de phyir rang rig chos sku ni// sems kyi gse ba na ngos zin na// thabs ni gang la'ang brten pa med// de phyir man ngag snying po'i chos// da yang 'dus pa'i snying po nyon// khyed cag theg pa 'og ma pa// mtshan ma dngos su spad sgo nas// 'bras bu thams cad mkhyen pa yi// ye shes thob par 'dod pa ni// shin tu gti mug smang ba'i gnas// kun brtags sgom pa'i chos pa kun// lam gyis gegs ni thabs yin phyir// gol sa yin/ par kun nas bshad// de phyir thabs la brten mi dgos// de yang 'dus pa'i snying po nyon// sangs rgyas nyid du 'gro ba yi// nges pa'i lam ni gang yin na// sems las ma byung
- 16b
sangs rgyas ni// thog mar lta ba'i gdeng dang ni// ting 'dzin spyod pa dus gcig tu// rang byung snying po'i don rtogs phyir// brjod pa'i tha snyad kun dang bral// thig le nyag gcig chos kyi sku// shes rab sangs rgyas dus mnyam phyir// de las lhag pa'i chos gzhan med// de yang rdo rje sems dpa' nyon// khyod ni theg pa 'og ma pa// bye ma la ni mar 'tshir bzhin// bem po 'byung ba rnam bzhi la// sangs rgyas 'dod pa'i snying rul kun// bskal par bsgrubs kyang 'grub mi srid// bem po rang yang sems yin na// yul la 'pho 'gyur yod pa'i phyir/ sems la skye shi yod par 'gyur// de phyir rang byung ye shes min// rdzogs chen lam ni ji ltar 'dod// yang ti don lam chen po ni// khyung chen nam mkhar lding ba bzhin// dran pa tsam gyis chos skur gsal// de tsam nyid na btsal mi dgos// de phyir ma bgrod pa yi lam// dper na nor bu rin chen bzhin// rtogs pa tsam gyis cho ga pa'i phyir// bdag gzhan don ni lhun gyis grub// de phyir nges don ya mtshan che// de yang rdo rje sems dpa' nyon// khyed cag theg pa 'og ma pa// dper na til la mar yod kyang // ma btsir bar du mar mi 'byung // de bzhin rang la don yod kyang // ma bstan par du shes mi srid// bskal pa 'bum phrag brgya yi bar// 'dus byas chos spyod byas gyur kyang // 'bras bu sangs rgyas 'byung ba
- 17a
med// da yang 'dus pa'i snying po nyon// de dag shan gyi lam mang yang // rang la yod pa ma shes na// gzhan nas tshol ba rmongs pa'i chos// de phyir tshol med don 'di ga ces// rdzogs pa chen po nges don 'dus pa las/ theg pa gzhan sun 'don pa'i le'u ste bcu drug pa'o// // de nas rdo rje sems dpa' yis/ 'dus pa'i tshogs la phan gdags phyir// kun rig sems kyi rgyal po la// bden pa'i tshig gis 'di skad gsol// ma rig ye shes dbye ba gang // yul sems gzhi la gcig mi gcig/ rgyu 'bras don gyi dbye ba gang // sgom du yod med ji ltar yin// rtogs ma rtogs kyi khyad par gang // kun rig rgyal pos bshad du gsol// de skad zhus pa'i don gsan nas// 'dus pa'i 'khor la bka' sprul pa// sems can kun la gnas pa'i don// ma rig ye shes khyad par ni// nga yis bshad kyis da nyon cig/ dang po 'khor 'das par do la// shes bzhin lung ma bstan du yod// de nyid rang du ngo ma shes// de phyir gang gis blo mi 'jug/ de ni gti mug 'khor ba'i gzhi// de la spyad kyang mi shes pa// gzhi gnas ma rig pa zhes bya// de yang 'dus pa'i snying po nyon// de la yul med 'dzin pa ni// bag la nyal ba'i cha phra 'byung // de phyir rang la rang gis
- 17b
bsgribs// lhan cig skyes pa'i ma rig pa// rgyu yi rkyen zhes de la bya// rgyu de shin tu myur bar ni// de ma thag tu 'dzin pas rtags// bag nya la ming la zhe na 'dzin cing // de ma thag pa'i rkyen zhes bya// rgyu dang de ma thag pa yis// rkyen gnyis zung ngu 'dzom pa'i phyir// lhan cig skyes pa'i ma rig yin// da yang 'dus pa'i snying po nyon// des bskyed shes pa mngal du 'jug/ nges 'dzin chags sdang phra mo skye// nang gi gzung ba kun tu rtas// de phyir dmigs pa'i rkyen zhes bya// chags sdang me bas rags skyes pas// khong nas phyung nas phyi rol gyi// bag chags yul gyi snang ba la// rang gi yid kyis ngan rtog sa zhugs// yul la chos brgyad kun tu brtags// nga bdag nan rtags 'dzin rtas zhe na// mngon rgyu chags sdang kha tshang phyir// dmigs pa bdag po'i rkyen gnyis tshang // kun brtags ma rig pa zhes bya// de yang 'dus pa'i snying po nyon// lhan cig kun brtags gnyis 'dzom pas// kun gzhi'i rnam par shes pa yin// de bskyed tshogs brgyad khang tshang bas// 'khor bar 'khyams zhes de la bya// da yang 'dus pa'i snying bo nyon// sangs rgyas kun gyi ye shes ni// rang sems ngo bo rtogs las byung // ye ni rang byung kun gyi gzhi// shes ni lung ldan nges pa'i don// zung du 'dzom phyir ye shes
- 18a
yin/ sman dang sman pa 'dzom pa 'dra// rdzogs pa chen po nges don 'dus pa las/ ma rig ye shes dbye ba bstan pa'i le'u ste bcu bdun pa'o// / de nas kun rig rgyal po yis// yul sems dbye ba bka' stsal pa// snang zhing srid pa'i chos rnams kun// 'khru la sems bag chags rtas pa'i phyir// snang ba zhen pa sna tshogs pa// ngo bo yul du grub pa med// de phyir snang ba logs 'khrul yin// da yang 'dus pa'i snying po nyon// rang gi sems ni 'khrul pa'i dpe// thag sprul mtho yor mi bzhin du// med la yod 'dzin kun tu brtags// sa chu me rlung 'byung ba bzhi// 'khrul pa'i bag chags rtas pa'i phyir// dngos su snang yang don du med// de phyir yul 'di gtan med la// rmongs pa kun ni dam par 'dzin// log pa'i rjes su 'brang bas ltung // spre'u 'dra lung gis bslad pa yin// da yang rdo rje sems dpa' nyon// rang rig chos sku ye shes la// ma rig rkyen gzhis ma bskyed pas// kun gzhi med phyir sems kyang med// yul sems gnyis ka gzhi la med// de phyir sems min chos sku la// rang rig ye shes blo ldan pas// snang ba med phyir 'dzin pa bral// gsal la 'dzin med mi g.yo ba/ sangs rgyas kun gyi dgongs par bshad// de yang rdo rje sems dpa' nyon// rang
- 18b
sems yul du 'dzin pa'i rgyu// 'khor ba'i sa bon ma rig pas// rgyu rkyen byas nas sdug bsngal 'byung // de phyir rang 'khrul rmongs pa'i sems// gzung 'dzin phyir bkod zhen pa'i rgyu/ yul la brten nas chags sdang skyed// 'khor ba'i rgyu ni chags sdung gnyis// gcig dang mi gcig rtsod pa'i bar// 'khor ba'i mtha' la zad pa med// de phyir rang rig don rtogs na/ sems med yul 'di ci la srid// de bas rang sems snying po 'di// sems kyi yul las 'das pa'i phyir// gcig dang mi gcig brjod kyi bar// ma rig blo la yul sems yod// log lta can rnams dam par 'dzin// de phyir sgra dang tshad ma'i chos// spre'u 'dra lung gis blo btags nas// yul sems rtsod pa'i chos kun 'byung // da yang 'dus pa'i snying po nyon// nges lung man ngag bstan pa yis// yang dag nges pa'i sangs rgyas la// rang rig chos sku sems dang bral// de phyir yul med rig pa gtso// nges lung go bas yul sems brlag/ da yang 'dus pa'i snying po nyon// de dag rtsa ba mdor bsdus na// nyi shar mun grib med pa bzhin// rang byung chos sku'i don rtogs pas// go la sgrib yul sems gzhi nas dag/ de phyir rang byung ye shes sku// dus gsum 'pho 'gyur med pa'i phyir// 'khrul med yang dag mngon sangs rgyas// de phyir nges don rtogs pas cho ga
- 19a
rdzogs pa chen po nges don 'dus pa las/ yul sems gzhi la skabs dbye ba bstan pa'i le'u ste bco brgyad pa'o// de nas 'dus pa'i tshogs rnams la// kun rig sems kyi rgyal po yis// rgyu 'bras skabs dbye bka' stsal pa// yang dag nges don snying po la// mdzad spyod 'byung bas ma bslad phyir// rgyu dang 'bras bu ngo bo gcig/ rang byung rig pa'i chos nyid ni// dper na nor bu rin chen la// dgos 'dod 'bras bu dus gcig rdzogs// de bzhin chos sku'i nges don la// brtags pa tsam gyis yon tan rdzogs// da yang 'dus pa'i snying po nyon// theg gzhan chos kun rgyu 'bras te// dus gcig ma yin rim gyis tshol// rtsol sgrub yod phyir 'khor ba'i rgyu// gnas skabs bde thob mthar thug med// rgyu 'bras bskyed rim gol bar gsungs// dper na byas pa'i rdzas rnams kun// mi rtag myur du 'jig pa bzhin// rgyu rkyen byas pa'i chos kun nor// 'bras bu mi 'byung chu shing 'dra// de yang 'dus pa'i snying po nyon// bden don rtsa ba mdor bsdus na// dag sha ka yi rgyan bzhin du// rgyu 'bras mthar phyin gzhi nas rdzogs// de bzhin chos sku'i snying po la// bde ba'i yon tan rang la 'char// rgyu 'bras gcig phyir lhun gyis grub// rdzogs pa chen po nges don 'dus pa
- 19b
las/ rgyu 'bras don gyi skabs dbye ba bstan pa'i le'u ste bcu dgu pa'o// // de nas kun rig rgyal po yis// bsgom du yod med skabs dbye ba/ ched du dgongs te bka' stsal pa// nges don ma nor 'dod phrad na// ma bsgoms sangs rgyas da lta nyid// rang byung tshos sku ye yin la// byang chub snying po bsgom du med// de yang 'dus pa'i snying po nyon// de phyir chos nyid gdod nas dag/ kun bzang nga yi yang snying rgyud// ma nor gdams ngag rnam pa lngas// tshegs med rang sems snying po'i don// skal ldan rnams kyis rtogs par gyis// de yang rdo rje sems dpa' nyon// sangs rgyas dgongs pa ji lta ba// sems can blo yis rtogs pa'i thabs// dpes ma mtshon cing ma spyad pa// gdams ngag bstan pa tsam gyis ni// ma bsgoms da lta nyid du yang // nges don rtogs phyir bsgom med don// ma bsgoms 'bral med sangs rgyas thugs// kun bzong thugs dang mnyam par ni// bde ba'i 'khor lo rgyud chen du// bsgom du med par ngas bshad kyis// dad ldan phyi rabs rtogs par gyis// da yang rdo rje sems dpa' nyon// de don gdams ngag skal med la// zhi gnas blo ni ma yengs par// bsgom du yod pa gnas pa'i thabs// 'khor la bstan gyis yid kyis nyon// bsgom du med la su skrag
- 20a
pa// mtshan nyid dbang gsum rim gyis bstan// de don nyams su myong ba la// yid ches gdeng dang ldan par 'byung // de phyir rang sems dgon pa brten// der gnas shes rab shin tu 'phel// nyams ni phyi nang rim gyis 'byung // de byung dga' brod sems mi bya// de yang rdo rje sems dpa' nyon// rnam grangs mtshon pa'i tshig rnams la// bzlog ste brjod med dang la gzhag/ tha ma la rjes su ma 'brangs pa// bsgom du yod pa'i mchog tu bshad// de phyir ma yengs sgom pa ni// nyid las mi zhan 'khor rnams kyang // don gyi dgon pa shes rab gnas// rig 'dzin sems dpa' rnams kyang ni// ting 'dzin goms pa bstan pa thob// 'khor na gnas pa'i dad nyan kyang // mos pa'i lha ba goms par byed// shes rab dman pa'i rnal 'byor pa// gnas dang mi g.yo lhun grub 'dod// de phyir rang sems rtogs pa dka'// rdzogs pa chen po nges don 'dus pa las/ bsgom du yod med skabs dbye ba bstan pa'i le'u ste nyi shu pa'o// // de nas 'dus pa'i tshogs rnams la// kun rig rgyal pos bka' stsal pa// ye nas yod pa'i chos kyi sku// rtogs ma rtogs kyi khyad dbye ba// legs par zung la yid kyis nyon// rang sems ma rtogs sems can gyis// 'khor ba
- 20b
gang nas gang du 'khrul// ci 'khrul ldog thabs ma shes pas// yod med gzung 'dzin bla gdags la// 'khrul pa rnams ni dam par 'dzin// 'khor 'das chos la btags pas lan// de yang 'dus pa'i snying po nyon// gang la'ang rtogs pa ma shes phyir// log lha gang zhig nor pa'i lam// gnyis med don la ma reg 'khrul// de phyir gnyis med ma rtogs na// lus ngag rtsol ba sdug bsngal snron// de phyir nges don lung med na// theg dgu shes kyang go mi srid// da yang rdo rje sems dpa' nyon// ye nas yod pa'i chos nyid la// lung ldan nges pa'i don phrad na// rtogs dus da lha'i tshe 'di la// rang sems snying po rtogs par gyis// kun bzang dang la thog mtha' med// dus gcig chod phyir mngon sangs rgyas// 'das pa'i sangs rgyas kun gyis kyang // nga yod phyir na thog ma yod// skye ba mi len tha ma byung // da ltar ma byon sems dpa' yis// thog mtha' mchod rtsol ba byed// de phyir rang sems rtogs par dka'// sems can kun la smos ci dgos// de yang 'dus pa'i snying po nyon// de phyir nges pa'i lung bstan gyis// 'khrul pa ldog thabs shes pa des// nges don tshig gi gdams ngag gis// bstan pas don rtogs skad cig la// sangs rgyas kun dang dgongs pa mnyam// thog mtha' chod phyir thams cad mkhyen//
- 21a
de phyir nges pa'i rgyud chen 'di// rtogs pas cho ga phyir ya mtshan can// des na tshegs med don chen po// chos rnams kun gyi mchog tu bshad// rdzogs pa chen po nges don 'dus pa las/ rtogs ma rtogs kyi khyad par skabs dbye ba bstan pa'i le'u ste nyi shu rtsa gcig pa'o// // de nas kun rig rgyal po la// rdo rje sems dpas don zhus pa// lha sgom spyod pa 'bras bu yi// rtsa ba'i mdor ni ji ltar bsdu// kun rig ston pas bshad du gsol// de skad zhus pa'i don gas na nas// 'dus pa'i 'khor la bka' stsal pa// dngos med rig pa'i lta ba ni// rang byung sku nyid rgyu yin phyir// de rtogs don la gang gnas pa// lta ba'i nang nas dam pa'i mchog/ de phyir don la rig pa lta// da yang rdo rje sems dpa' nyon// shes par rang gsal lte ba ni// ngo bo dbye ba rnam drug gis// rang gi mtshan nyid de yin pas// de nyid lus med lus kyi sku// phyi nang med pa rnam dag dbyings// nyi ma shar na mun med gas la// rang byung ngo bo rig par shar// de tsam nyid na da lta'i thugs// gsang ba dam pa lta ba'i mchog/ de yang 'dus pa'i snying po nyon// rang byung rig pa'i lta ba la// de la ma nor nges shes skye// skyes kyang dam par mi 'dzin phyir// 'di mnyam 'dzin rtog med par
- 21b
gsal/ yang dag blo la gol sa med// de phyir dngos med 'dzin bral gyis// yang dag lta ba'i dgongs pa 'di// ma nor lung dang 'thun gyur na// kun bzang nga dang lta ba 'thun// da yang rdo rje sems dpa' nyon// gzhi nges pa dang ma nges pa// gar mkhan lag pa ji bzhin du// sna tshogs snang yang gzung du med// de tsam nyid na gzhi mi 'gyur// de don ma nor rtogs pa'i tshe// rang gi mtshan nyid rtogs pa'i tshe// rang gi mtshan nyid 'gyur ba med// ji skad rtags kyang don dang 'thun// rang byung nges pa'i lta ba yin// rdzogs pa chen po nges don 'dus pa las/ lta ba nges pa mdor bsdu ba bstan pa'i le'u ste rtsa gnyis pa'o// // de nas 'dus pa'i 'khor rnams la// kun rig ston pas yang gsungs pa// rang rig ye shes gsal ba yi// don dang mi 'bral ting 'dzin ni// gas la la mi rtog mi g.yo ba// ngo bo la sogs dbye ba yis// brgyad tshan gsum gyi man ngag gis// nyid gsum bsres pa'i chos nyid ni// ye shes rang byung chen po la// mi rtog ye shes lhun grub na// rtso la sgrub 'das pa'i byang chub sems/ gzung 'dzin med pa'i chos sku la// gsal tsam nyid na dmigs pa med// de bzhin nyid du kun rig pas// des khyab gar gnas sangs rgyas yin// de yang
- 22a
'dus pa'i snying po nyon// nam mkha'i ngang du sprin sangs ltar// nga yi chos sku ngos zin na// thog ma med nas bsags pa yi// rnam rtog phung po dpag med pa// dngos med chos skur rig pa las// rnam rtog stong pa'i ngang du sangs// 'di shes rang rig bsgom pa'i mchog/ chos sku snying po byang chub la// mtshan du med par rkyen dang bral// de bzhin nyid du kun rig nas// des khyab chos sku rang gsal 'dis// kun la dbang sgrub thob pa yin// rdzogs pa chen po nges don 'dus pa las nges don sgom pa bsdu ba bstan pa'i le'u ste rtsa gsum pa'o// // de nas 'dus pa'i 'khor rnams la// kun rig ston pas bka' sprul pa// bya ba med pa'i spyod pa ni// da lha'i lus 'di blangs pa'i tshe// spyod pa'i dbye ba rnam drug gis// don rtogs spang blang med pa'i phyir// theg pa kun las khyad par 'phags// de yang rang/ sems rtogs pa'i gdeng // dus dang rnam pa thams cad du// rang gsal rig pa 'di nyid la// de las gzhan du bogs mi 'dod// da yang rdo rje sems dpa' nyon// da lta lus ngag yid kyis kyang // gzhan nas mtsho la don 'di la// ma yengs rig spyod don dran na// 'khor ba med pa'i 'dza' spyod yin// gang yang rung ba ci la yang // skyon yon dgag
- 22b
sgrub med rtogs pas// 'jig rten tha snyad 'dzin pa nub// don gsal brjed ngas chags pa chung // rtsing chos nga rgyal chos mi 'byung // de phyir spyod pa'i gdeng du bshad// de yang 'dus pa'i snying po nyon// shes rab lta ba'i gdeng spyod kyis// dug lnga rang gro la ye shes kyis// gang du skyes tshe 'di nyid gsal// rang byung rig pa'i go la sa med// de phyir rnal 'byor spyod pa ste// 'du shes rtogs pa thabs kyis kyang // don zin nges pa'i gdeng ldan phyir// rkyang pa dus ma nyam yul snang ba// nyi zla gzas zin ji bzhin du// ye shes spyod pa'i mchog tu bstan// rdzogs pa chen po nges don 'dus pa las/ spyod pa mdor bsdus pa bstan pa'i le'u ste rtsa ba zhi pa'o// // de nas kun r-ig rgyal po yis// 'dus pa'i 'khor la bka' stsal pa// nges pa'i gdeng ldan yid ches pa'i// dbye ba rnam pa drug gis ni// phyi ma ma yin dus 'dir ni// ye shes mngon gyur 'bras bu yin// da yang rdo rje sems dpa' nyon// dper na chu dngas rnyog med bzhin// re dogs med pa'i 'bras bu la// go la sgrib bya ba'i ming yang med// nyam nga med pa'i gdeng gis zin// zhe 'dod med pa'i nyams shig byung // nyams med rig pa nyams kyi mchog/ de don yin zhes 'bras bu'i mchog/ dper na rtsi mtshal yod pa'i phyir//
- 23a
'bras bu gser la smos ci dgos// de bzhin nges pa'i gdeng ldan na// 'bras bu sangs rgyas smos ci dgos// nges don byang chub dus 'dir 'grub/ nga yang 'dus pa'i snying po nyon// chos sku gzugs brnyan 'byung ba'i dpe// nyi zla gza' skar btsal med par// rgya mtshor gzugs brnyan 'char ba ltar// sems can mos pa tha dad la// gzugs sku rnam gnyis dus gcig 'byung // rdzogs pa chen po nges don 'dus pa las/ 'bras bu nges par bsdu ba bstan pa'i le'u ste rtsa lnga pa'o// / / de nas rdo rje sems dpa' yis// 'dus pa'i 'khor gyi don ched du// kun rig sems kyi rgyal po la// bden pa'i yid kyis 'di skad gsol// rtsa ba gcig pa'i chos nyid la// 'gro drug sdug bsngal ci las byung // mu stegs rtag chad ji ltar 'khrul// theg pa'i rim pa gang las byung // mnyam pa'i rgyal pos bshad du gsol// de skad zhus pa'i don gsan nas// 'dus pa'i 'khor la bka' stsa la pa// 'gro drug sdug bsngal 'byung ba ni// lhan cig ma rig rgyu nyid las// kun brtags ma rig rkyen byas nas// thag pa sbrul du 'dzin pa bzhin// dbang po yul la rang yengs pas// le lo snyoms las dman la sbyar// chags sdang lnga la longs spyod pas// de yi
- 23b
mas rgya rgyas ra ras ra rnam smin 'bras bu 'byung // de yang 'dus pa'i snying po nyon// dmyal bas rang sems me sogs mthong // yi dgas mi gtsang mthong yul snang // byol song ngam grog gye na 'thur snang // mi yi mthong yul bzhi ru snang // lha ma yin gyis go mtshon mthong // lha yis rin chen sna bdun mthong // de dag 'gro drug sdug bsngal yin// rdzogs pa chen po nges don 'dus pa las/ 'gro drug sdug bsngal byung tshul bstan pa'i le'u ste rtsa drug pa'o// // de nas 'dus pa'i 'khor rnams la// mu stegs 'khrul tshul bka' stsal pa// yod mtha' 'dzin pa'i lta ba ni// 'gyur ba bzhi dang rtag pa lnga// thams cad bdag gis byas par 'dod// rgyu 'bras log pa'i brtul zhugs kyis// thar lam mi tho ba 'khor bar lhung // mar 'dod bye ma btsir ba 'dra// de yang 'dus pa'i snying po nyon// ye med chad par 'dod pa ni// phung pos bsdus pa'i chos rnams kun// rdul phran dag las byung ba'i phyir// 'byung ba lnga zhig rang thim nas// me shi thal ba rlung khyer 'dra// de yang 'dus pa'i snying po nyon// gnyis kA gzhir 'dod mu stegs ni// rig byed smra ba'i lta ba ste// gzhi ni nges pa med pa la// snang ba gang yang mi 'gog 'dod// gdon gyis zin pa'i smyon pa 'dra// de yi 'bras bu nges pa ni// sems kyi rtsa ba
- 24a
ma shes pas// 'byung chen ltos kyi mun pa bzhin// thugs rje nyi zer zhags thag chad// dmyal ba'i 'bras bu the tshom med// rdzogs pa chen po nges don 'dus pa las/ mu stegs 'khrul tshul bstan pa'i le'u ste rtsa bdun pa'o// // de nas 'dus pa'i 'khor rnams la// theg pa'i rim pa bka' stsal pa// gzhi ni ngo bo nyid sku ste// 'thun dpe me long lta bu la// gzugs brnyan theg pa rim dgu byung // de rnams don gyi dbye ba ni// dang po nyan thos lta ba yang // mdo sde pa dang bye brag gnyis/ mkhan slob sdom pa'i khyad par gyis// dka' thub lus gdungs bzod pa des// sems kyis lus ngag brtson gzung yang // rdul dang shes pa gnyis 'dod pas// glang chen 'dam du bying ba ltar// lus ngag las kyi rtsol ba yis// 'bras bu mi thob snying rje'i gnas// da yang 'dus pa'i snying po nyon// bla ma dag la mi brten par// rang sems don la blo sbyangs phyir// rten 'brel phyi nang rtsad bcad nas// stong pa nyid la rten 'cha' ba// btsan par mi 'gyur nyams pa'i phyir// nor bus rgyal srid bsgo ba 'dra// de yang 'dus pa'i snying po nyon// chos rnams sems su 'dus nas ni// kun rdzob dang ni don dam du// so sor rtog pa'i shes rab kyis// bden pa gnyis su rnam par phye// gcig bor nas ni gcig tshol ba//
- 24b
chu bzhag zla ba ngos 'dzin 'dra// da yang 'dus pa'i snying po nyon// thams cad rtsa ba gcig pa yis// rang gi sems kyi snying po'i don// zab la rgya che mi shes pa// bsam du med dang gang 'jog pa// byis pa de ni blun pa ste// mun pa'i skye mched nyid du 'gyur// rdzogs pa chen po nges don 'dus pa las/ rgyu mtshan nyid kyi lta ba bstan pa'i le'u ste rtsa brgyad pa'o// / ta de nas 'dus pa'i 'khor rnams la// kun rig ston pas bka' stsal pa// chos nyid stong pa'i ngang las ni// dag pa bzhi yi sgor zhugs nas// yo byad phyi la gtsor 'dzin cing // kun rdzob lha yi dkyil 'khor du// rgyud dag pa yi ting 'dzin gyis// sku ni gzugs brnyan phyag mtshan dang // bzlas brjod gtsang sbra dus tshigs kyis// rgyu rkyen tshogs pa'i nus mthu yis// rigs gsum dkyil 'khor lhar gsal kyang // dngos grub gzhan la re ba yi// khyi rga na 'dab chags snyeg pa 'dra// de yang 'dus pa'i snying po nyon// rang sems dbye ba med pa la// u pa ya yi theg pa yang // gong 'og lha spyod gnyis 'dzin pa// ne tso mi ltar 'chos pa 'dra// da yang 'dus pa'i snying po nyo na// yo ga rnal 'byor sems dpa' yis// phyag rgya bzhi yi sgor zhugs nas// yo byad gtso ru mau 'dzin par// don dam skye 'gag med pa la// lha yi dkyil 'khor 'phags pa'i sku//
- 25a
rnam par snang mdzad chen po yi// chos dbyings dag pa'i byin rlabs la// lha dang bdag tu mnyam pa yi// dam tshig ye shes lhar gsal kyang // rgyal srid med pa'i blon po 'dra// da yang 'dus pa'i snying po nyon// bla ma'i don med na na rtags kyis// dmigs pa can la sems gtad kyang // rnam par grol bar mi 'gyur te// nam mkha' dag la 'dzin pa 'dra// rdzogs pa chen po nges don 'dus pa las/ phyi rgyud kyi theg pa'i lta ba bstan pa'i le'u ste rtsa dgu pa'o// // de nas 'dus pa'i 'khor rnams la// kun rig ston pas bka' stsal pa// 'khor 'das ye nas sangs rgyas la// sems kyi rnam rtog ci skyes kyang // mtshan ma'i dngos por ma grub par// dper na nam mkha'i ser bu 'dra// da yang 'dus pa'i snying po nyon// yod med dbus la mi gnas pas// sku gsum ye shes lhun grub kyis// yul sems dbye ba med par 'dod// de phyir bden pa gnyis med bzhi// da yang 'dus pa'i snying po nyon// de don lam gyi rim pa ni// thabs dang shes rab sgor zhugs nas// ting 'dzin gsum gyi lha bsgoms pas// grib ma gzugs su bsgyur ba 'dra// de yang rdo rje sems dpa' nyon// phyi nang chos rnams ma lus kun// yid dang kun gzhi gnyis 'dus pas// kun gzhi mkha' glong rnam dag
- 25b
tu// rnam rtog mtshan ma gang spyod kyang // nam mkha' gza' skar btsal med bzhin// kun bzang bde chen thabs kyi gtso// kun tu bzang po gnyis med mkhar// 'du 'bral med pa chos kyi sku// bde chen gnyis med rig pa'i rtsa la// nges pa'i gsang sgo ma shes pas// kun bzang spyod pas don mi rtogs// nyi ma sprin gyis bsgribs pa 'dra// de yang 'dus ba'i snying po nyon// sems nyid rtsol ba med pa la// bsam pa'i dbang gis bsgyur byas nas// 'khor ba'i rgya mtshor g.yengs gyur te// mi shes pa la de ltar snang // rdzogs ba chen po nges don 'dus pa las/ bskyed rdzogs gnyis bstan pa'i le'u ste sum cu pa'o// // de nas rdo rje sems dpa' yis// 'dus pa'i 'khor la phan don du// kun rig rang byung ston pa la// bden pa'i yid kyis 'di skad gsol// spyi yi a ti rdzogs chen ni// chos rnams sems su ji ltar 'dus// sems 'dod lta ba ji ltar go la// rang sems nges don ji ltar min// kun rig ston pas bshad du gsol// de skad zhus pa'i don gas na nas// 'dus pa'i 'khor la bka' stsal pa// sems su chos rnams gcig pa ni// 'khor ba mya ngan 'das pa'i chos// sgyu ma rnam gnyis spyod yul te// log rtog ye shes tha dad kyang // sems kyi chos nyid
- 26a
ngang du gcig/ da yang rdo rje sems dpa' nyon// de yis de nyid mtshon pa'i dpe// sprin dang 'ja' tshon khu rlangs dang // 'byung ba'i cho 'phrul sna tshogs pa/ nam mkha'i ngang du ro gcig bzhin// yul gyi tha dad mtshan ma rnams// rang gi sems kyis brtags pa'i phyir// phyi nang chos rnams ma lus kun// rigs brgyud med phyir sems su gcig/ rdzogs pa chen po nges don 'dus pa las/ chos rnams sems su 'dus par bstan pa'i le'u ste so gcig pa'o// // de nas 'dus pa'i 'khor rnams la// sems 'dod gol bar bka' stsal pa// sems kyi chos sku sgrib pa'i phyir// 'khor 'das gnyis kyi bar do ni// thog mtha' gcod ni ma shes na// skye rgas na 'chi las mi thar// sa mkhan med pa'i tshong pa 'dra// skye 'chi gnyis kyi bar do ni// chos sku ngo sprod ma shes na// ma rig mun pa sangs dus med// sgron ma med pa'i mun khung 'dra// de yang rdo rje sems dpa' nyon// yul sems gnyis kyi bar do ni// golas gcod ni ma shes na// nyon mongs nyen las ldog mi srid// dred mo gdos kyis zin ba 'dra// mnyam gzhag rjes thob par do ru// rgyun du 'bras med ma shes na// lha sgom gnyis kyi rkyen mi thug/ chu bran tha na pas bskams pa 'dra// srid pa dag gi bar do ni//
- 26b
sangs rgyas 'byung dus ma shes na// gzugs sku rnam gnyis 'byung mi srid// rin chen 'dam khung stor ba 'dra// bdag gzhan rtsod pa'i bar do ni// ga la mdo tshig gi 'phrang med na// theg pa gzhan las khyad mi thon// g.yul ngo pham pa'i blon po 'dra// de yang 'dus pa'i snying po nyon// de dag gdams ngag med pa'i skyon// sems kyi rtsa ba ma rig pas// 'khrul pa sna tshogs 'byung ba'i phyir// 'khor ba'i rtsa ba chags sdang lngas// ngan song gsum du rtag tu 'khor// de phyir ma rig sems kyis 'khru la// de yang rdo rje sems dpa' nyon// sems kyi 'dod lugs rnam pa bcus// nan rtags lta ba log par bstan// de phyir snang ba sems su byas// nges don ma shes blo yis bcom// yang dag sems med chos ma shes// de phyir lung med rig pas dpyad// yul sems rig par blo yis bsres// da yang 'dus pa'i snying po nyon// bde gshegs snying po ma mthong bar// / lung ldan nges pa'i don chen 'di// ma rnyed par du sangs mi rgya// de phyir chos kun rtsa ba ni// chos sku rang gi sems kyis bsgribs// de yang 'dus pa'i snying po nyon// sems kyi don med 'khrul pa'i phyir// chos sku'i go las sems yin pas// rang byung chos nyid sems dang bral// sems bral rang byung ye shes sku// de yang rdo rje sems dpa' nyon//
- 27a
gang yang rung ba ci la yang // yid kyis sgo lnga'i rjes 'brangs pas// lha sgom ma yin ma rig sems// rigs drug bskyed pa sems yin phyir// ma rig 'khrul pa sems las byung // de phyir sems ni go la bar gsungs// de yang 'dus pa'i snying po nyon// rang byung 'dus pa'i snying po la// tshogs brgyad med phyir sems dang bral// sna tshogs sems la zhen gyi bar// rang gi sems zhes de la bya// skyon gyi rtsa ba sems yin pas// de phyir sems kyis sangs mi rgya// sems kyi rgyu rkyen bskyed pa'i phyir// nges don ma yin 'khrul pa'i blo// da yang 'dus pa'i snying po nyon// theg dgu sems su 'dod pa'i phyir// nges don a ti'i go la sar ba shad// de phyir sems ni gol ba'i chos// / dmus long rin chen mi mthong 'dra// rdzogs pa chen po nges don 'dus pa las/ rang sems gol sa yin par bstan pa'i le'u ste so gnyis pa'o// / de nas 'dus pa'i 'khor rnams la// kun rig ston pas bka' stsa la pa// sems ni 'khor ba'i lta ba ste// yul ni sna tshogs snang ba la// sems kyi rtogs pa sna tshogs zhe na// de phyir sems ni 'khor ba'i rgyu// rtag chad 'dzin pa sems yin pas// lta ba'i gol ba sems las byung // gang dran rang sems 'khrul pa ste// sems las
- 27b
byung ba'i rnam rtog gis// chags sdang thams cad skyed par byed// 'khor 'das re dogs sems kyis byas// de phyir 'khor ba'i sdug sems go la// da yang 'dus pa'i snying po nyon// / sems kyis byas pa rtog pa yis// skye ba brgyud pa grangs med la// sems 'dis byas phyir rang byung min// de phyir sems ni glo bur 'khrul// de ltar chos brgyad dam par zhe na// nga yang / rdo rje sems dpa' nyon// nges don ma mthong glen pa kun// sems las ma gtogs chos med zer// de phyir rmongs pa'i blo re nor// glen sgom mun pa'i sgom pas phung // gang dran sems kyi chos 'di log/ yid la byed pa'i lam ngan kun// blang dor sems 'di shin tu 'chal// drang don sems su bstan pas phung // 'bad rtsol byas pa'i sems kyis dkrugs// mkhyen du re ba'i sgrin tshig gis// nges don ma nor bka' 'di bslad// da yang 'dus pa'i snying po nyon// ma rig rmongs pa'i gang zag kun// chos sku rang yang sems yin zer// de phyir tshig las don ma go/ ming las nges don shes pa dkon// de phyir sems kyis byang mi chu ba// de nyid btsal ba'i 'thun dpe ni// rjes nas de ni btsal bas rnyed// sems kyi phyogs/ nas don btsal bas// rang rig rgyal po ye shes rnyed// de rnyed sems ni 'dzin pa bral// 'dzin bral sems med rang rig sku// de don 'bral med byang chub glong // sems bral
- 28a
ting 'dzin rgyun du gnas// da yang 'dus pa'i snying po nyon// sems la sangs rgyas 'dod pa ni// mo gsham bu dang gnyen byed bzhin// snang ba sems yin zer ba de// rag na ga ser du byed pa 'dra// de bas lung ldan don rnyed na// rang byung snying po don rtogs nas// rang rig sangs nas rang sems brlag/ de phyir chos sku 'gyur ba med// rdzogs pa chen pongs don 'dres pa las/ rlung sems ris don sbyin par bstan pa'i le'u kyi so gsum pa'o// de nas 'dus pa'i don byed du/ sems dpas don zhus pa// snang ba chos dbyings lta ba gang // don gyi 'gyur ming gA nas lugs kyi// mtha' bral bzhings bshad du gsol/ de skad zhus pa don gsan nas// kun rig ston pas bka' stsal pa// rang byung chos sku gcig cig la// yon tan thams cad 'byung ba ni// dper na nor bu rin chen ltar// de ni lhun grub kun gyi gzhi// da yang rdo rje sems dpa' nyon// 'khor ba'i rgyu ni zhen rtog ste// lung ldan grub mtha' blos ma bsgyur// dbang po yul la rtag tu yengs// chos brgyad bzung 'dzin dam par zhen// tshub bzhi 'i mi 'jigs bzhin/ 'khor bar 'khyams pa'i gtan gni yin// de 'a rdo rjesems dpa' nyon// tha ba yul ni gnyen ngos spong/
- 28b
ris su 'dzin cing dbye ba spong // yod med 'chel pa rgyu 'bras spong // blo yis gzhi nyid 'chos pa'i phyir// nyan thos rang rgya la gol bar bshad// de yang 'dus pa'i snying po nyon// chos rnams sems su bsdu ba'i phyir// yul sems gnyis med 'dod pa dang // sems nyid rang snang yin 'dod pas// sems nyid stong pa yin lha dang // cis kyang khas mi len pa'i phyir// dbu ma sems tsam lta ba yi// sdud pa'i rtog pa gol ba'i phyir// de yang 'dus pa'i snying po nyon// phyi yi 'byung ba rnam lnga ni// gzhan 'byung yin phyir ye shes sbyin// dpyi ma blang ga nad minas// sem su~M su mi bsdu ba na mi thog so// dpyi po zhen sred na// snang ba'i sam ni ts+yai m+b+ha med// glo mu ma po tipa 'angags lag/ chos kyi dbyings zhes de la bya// rdzogs pa chen po nges don 'dus pa las/ gol med chos kyi dbyings bstan pa'i le'u ste so bzhi pa'o// / de nas 'dus pa'i 'khor rnams la// kun rig kun tu bzang po yis// gnas lugs 'gyur med bka' stsal pa// chos sku khyab pa'i phyi nang chos// mtha' dbus// med pa thams cad kyis// gnas dang gzhi ni rten byed pa// rang byung thig le nyag gcig ste// 'di ni bde gshegs thams cad kyis// thugs kyi dam pa'i
- 29a
dkyil 'khor yin// da yang rdo rje sems dpa' nyon// rang byung snying 'gyur med la// blo yis bcos pa gzhi mi 'gyur// de phyir rkyen gyis bcos su med// ma bcos ye nas kun gyi gzhi// rang byung ngo bo nyid kyi sku// chos rnams kun gyi rtsa ba'i gzhi// dus gsum sangs rgyas kun gyis gsungs// de phyir gzhi la 'pho 'gyur med// da yang rdo rje sems dpa' nyon// rang byung lhun gyis grub pa'i phyir// sangs rgyas nyag gcig chos kyi sku// 'di ni 'khor 'das gnyis kyi rgyu// ma rtogs dus na 'khor ba la// rtogs na mya ngan 'das zhes bya// gzhi la sangs rgyas sems can med// de phyir gnyis med gcig gi dang // thams cad de yi ngo bor gnas// da yang 'dus pa'i snying po nyon// 'khor 'das gnyis pas gzhi snga'i phyir// blo yis ma bcos pakhor 'das med// bag chags ma rtas 'byung ba med// gang yang med phyir kun gyi rgyu// rang byung rtogs pas bcom ldan 'das// sa rnams ma bgrod ngang gis rdzogs// lam la mi rten lam dang bral// med pa ma yin ye shes nyis// rdzogs chen mnyam nyid kun tu khyab// chos rnams kun gyi chos chen po// thams cad ngo bo lhun gyis grub// des bskyed chos rnams thams cad 'byung // 'khrul
- 29b
bral rtog med gzhi dang 'thun// de phyir lung ldan rkyen gyis ni// blo ngos gcig pa'i dgongs pa la// gzhi shes pa la rtog ces bya// de yang 'dus pa'i snying po nyon// chos kyi rgyal po rab bsngags phyir// 'khor 'das 'byung ba thams cad kyang // rtsol ba med par shugs las byung // de phyir kun gyi gzhir 'gyur zhes// kun bzang nyid kyis gsungs pa yin// rdzogs pa chen po nges don 'dus pa las/ gnas lugs 'gyur ba med par bstan pa'i le'u ste so lnga pa'o// // de nas 'khor gyi tshogs rnams la// kun rig ston pas bka' stsal pa// nang gi sgrib pa bsgribs med don// da lta'i chos sku 'di la ni// 'dus ma byas kyi rtag chad med// ye shes rnam pa nyid yin no// de yang 'dus pa'i snying po nyon// kun gzhi mnyam nyid rgyal ba'i thugs// ma lus sems can thams cad la// rtag med bdag bral chos skur gnas// dngos med khyab pas nam mkha' 'dra// chad pa ma yin gnyug mar gnas// 'dzin mer ye shes ngang gis gas la// dngos por med la chos skur yod// rang byung nyi ma'i snying po 'dra// dbu mar mi gnas ye shes ni// ci yang ma yin nyon mongs sel// mtha' gsum bral ba'i chos nyid ni// mi 'gyur 'joms pas rdo rje 'dra// /
- 30a
bla mas don ldan rnal 'byor pas// the tshom med par rang sems rtogs// yul dang tshes sku ma 'dres pa// ka shi ras kyi dri chen 'dra// da yang 'dus snying pa nyon// nges don rtogs par yid ches pas// chos sku 'gyur med rang la gsal// de tsam nyid na gdeng gi sa zin// long ba mig byed gsal po 'dra// dper na nam mkha' nyi ma bzhin// ma rig mun pa 'joms pa'i thabs// lta ba gzhi nges don nyid la// ma nor rig pa gcig yin te// 'bras bu lhun grub gcig pu bstan// rdzogs pa chen po nges don 'dus pa las/ mtha' bral lhun gyis grub pa'i lta ba bstan pa'i le'u ste so drug pa'o// // de nas rdo rje sems dpa' yis/ 'khor gyi don du yang zhus pa// mtshan ma zil gyis ji ltar gnan// 'gro drug g.yang sa ji ltar gcad// ye shes spyi blugs ji ltar bsgom// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// mtshan ma zil gyis gnan pa'i phyir// ma rig mun pa lta bu la// rig pa ye shes bstan pa'i thabs// rig pa'i dbang chen bka' stsal pa// de yi dang po dpe bstan pa// bram ze gtsang mas khrus gsol te//
- 30b
rgyal srid dag la dbang bskur bzhin// don gyis zin na rang byung 'char// de don nges par drang thabs kyis// 'dus ma byas pa'i dpe nyid la// rang gi tshad dang ldan pa la// sems ni drag tu gtad par bya// dper na gyer gling rta 'dul bzhin// rang gi shes pa ma yengs par// dra gzhan bar nas rtsol bas gdon// tshad zin don la gnas par bya// de yang khams dang sbyar byas la// khams bde thun ni ring bar bya// mi bde yun ni thung bar bya// yang na langs la cung zad pa cag rtags ni lus sems gnyis 'byung ste// lus ni 'dar zhing mchi ma 'byung // sems ni bde la btang dka' ste// ting 'dzin rtsal gyi rtags rnams 'byung // rtog pa med par gnas pa ni// bya ba btang ba'i skyes bu bzhin// ci yang med pa'i rang bzhin la// ma yengs gsal bar lhug par gzhag/ rgod na nam mkha'i sprin bzhin du/ byung yang gzhi la gnod med ltar// sems kyi rtsol ba tshad zin na// rtog pas mi sgrib bcos mi dgos// de yis sgom nyams bstan pa ni// dmigs ba'i don la sems gtad kyang // shes pa gtad du mi chud par// yul la mi rtog bde bar gnas// zhen pa'i rtog pa skye na yang // ba mo la ni nyi shar bzhin/
- 31a
rjes su mi 'brang lhan gyis 'gro// de tshe zhe sa yid ches 'byung // de dus nyid du rang nyams ni// snang med 'khrul pa log pa tsam// snang bcas don zin de nyid nyams// de nyid goms pas nyams su bde// rdzogs pa chen po nges don 'dus pa las/ nam mkha' mtshon pa nyid la rig pa rtsal gyi dbang ba'i le'u ste so bdun pa'o// // de nas 'dus pa'i tshogs rnams la// 'gro drug g.yang sa gcad pa'i phyir// rtsa ba sems las 'das pa yis/ ye shes ngos gzung bka' stsal pa// kun gzhi bzhi cha ngo bo la// chos sku ngos gzung 'thun dpe ni// rtsa chu brtags nas ngos zin pa// sman pa mkhas pa ji bzhin dang // nor bu chu ga dngas dpe bzhin no// byang chub sems kyi rig pa'i don// snga ma 'phro ba yid yin te// phyi ma skye ba nyon mongs yid// ngaskye ba rtog pa ste// dmigs 'dzin med pa ngang gis gsal// gnyug mar gnas la 'phel 'grib med// ye shes zang thal nyid yin te// rang gi ngo bo chos kyi sku// shes pa rtsid med drang por 'jug/ dper na thib tshang 'jug bzhin// rang gi ngo bo chos skul// sgom du med pa'i dgongs pa bya// de don rtags ni dngas shing bde//
- 31b
shes pa ma 'gyur bkrir mi 'dod// chu las mi 'da' nya bzhin du// don las mi 'da' chos nyid rtags// de rtags ldan pa'i rnal 'byor pas// rgyal po mnga' byed btsun mo bzhin// snga phyi gnyis po skyes pa'i tshe// de rjes mi gced chos sku la// khro sa na rkun mtshor ma thag/ ma bskrad rang bzhin dengs pa ltar// rang byung rtsol ba med pa la// mi g.yo mnyam pa'i don la gzhag/ de don rtogs pa'i rnal 'byor nyams// shing bal lta bur lus yang zhing // phyi nang 'byung 'jug dbugs rnams snyoms// chos nyid bde chen gsang ba'i nyams// rdzogs pa chen po nges don 'dus pa las/ sems kyi sems nyid la rig pa rtsal gyi dbang bskur ba'i le'u ste so brgyad pa'o// // de nas kun rig ston pa yis// ye shes spyi blugs bstan pa'i phyir// rang byung chos sku gsal ba yi// ye shes spyi blugs bka' stsal pa// thig le nyag gcig rdzogs pa yis// ye shes chen po'i 'thun dpeno// rang byung ngo bo nyid khyab phyir// mtha' dbus med pas nam mkha' 'dra// de don rang byung ye shes la// snang srid gsal bsgo lnga'i yul// rtog pa gsal ba chos kyi sku// 'dzin pa med par lhun gyis grub// khyung chen nam
- 32a
mkha' lding ba'i tshe// 'phur rlabs 'og tu kun chud ltar// nges don rtogs pas sku gsum rdzogs// 'byung 'jug med par gzhag par bya/ ji bzhin nyams kyi gnas lugs ni// rnam par mi rtogs le ba// sa la ba la rtog pa med// de ni rang byung ye shes yin// nor bu rin chen yon tan la// dgos 'dod thams cad shugs kyis 'byung // de bzhin ye shes ngos zin na// bying rgod mi 'byung chos nyid gsal// dper na dug la sngags btab pas// nad rnams sel cing sman 'gyur ltar// chags sdang la sogs dug rnams la// chos nyid gsal thebs rang sar grol// de rtags sgra thos rmi lam bzang // gzugs rnams mthong zhing skor ba byed// bdud rtsi 'dren cing chos ston pa// bdud kyi tshe 'phrul bco brgyad 'byung // da yang 'dus pa'i snying po nyon// rtog pa bzang ngan ci skyes kyang // blang dor dga' brokhrod sems mi bya// snang ba mi dgag rang zhi 'gro// 'khyag rom lag cha ji bzhin du// dgongs pa ma g.yos dam pa'i rtags// rdzogs pa chen po nges don 'dus pa las/ ye shes spyi blugs kyi chos nyid la rig pa rtsal gyi dbang bskur ba'i le'u ste so dgu pa'o// // de nas kun rig rgyal po la// rdo rje se ma pas don
- 32b
zhus pa/ ma bsgoms ye shes ji ltar gsal// rtog pa rang sar ji ltar grol// the tshom gags rnams ji ltar gsal// kun rig ston pas bshad du gsol// nus pa'i don gyis bka' stsal pa// ma sgoms don dang mi 'bral la// thig le nyag ma gcig tu rdzogs// kun gzhi bzhi cha chos skul// sna tshogs snang yang 'gyur ba med// da yang rdo rje sems dpa' nyon// sems nyid bsgom du med pa'i dpe// nam mkha' bsgom du med dang bral// de bzhin sems kyis sems sgrim du/ chos sku sems kyi yul las 'das// stong nyid rig pa'i ye shes la// nges par 'gyur med lta ba'i gzungs// don du mi brjed ting 'dzin la// rang sems rtog phyir bsgom mi dgos// da yang rdo rje sems dpa' nyon// rang byung chos sku'i don zin na// shes pa gtan la bsgom mi dgos// de phyir rang byung nang nas gsal// chos nyid ma bsgoms 'bral ba med// yang dag sangs rgyas dgongs pa la// 'pho 'gyur med phyir 'dus ma byas// de rtogs rnal 'byor skal ldan gyis// ma bsgoms chos nyid rang byung thugs// de la rtog pas bskyod mi nus// da yang rdo rje sems dpa' nyon// da lta'i shes pa 'di nyid la// ma bcos rang gsal chos skur shes// de tsam
- 33a
nyid na zhen med gsal// de phyir gnyen pos bsgom mi dgos// dung nge ma yin rang lugs la// ma yengs pa zhes rtags pa tsam// don la chos sku de nyid yin// de phyir ma yengs 'bral ba med// gar gnas shes pa 'di nyid la// gzhan du g.yas pa rdul tsam med// de phyir chos nyid rgyun du gnas// shes pas chog phyir rtsol ba med// da yang 'dus pa'i snying po nyan// lung ldan nges pa'i don zin na// thams cad rang byung nyid kyi don// mkha' ltar khyab cing nyi ltar gsal// gsal tsam nyid na nub pa med// dngos med kun khyab chos sku ba de// med pa ma yin shes shing rig/ rig tsam nyid na ngang gis stong // stong pa nyid na mtha' dbus med// da yang 'dus pa'i snying po nyon// ye shes lhun grub chen po la// bying rgod zher 'dzin skyon bral bas// gsal bde stong pa chen po la// ngang du gzhag pa ci yang med// mnyam gzhag med pas rjes thob med// thams cad rang byung chen po las// gzhan du g.yo ba rdul tsam med// da yang 'dus pa'i snying po nyon// de ltar rtogs pa'i rnal 'byor pas// lam med lam lngar ma bgrod cig/ sa med sa bcur ma sbyor cig/ rten med dmigs pa ma 'cha' zhig/ sgrib med sgrib gnyis ma sbyor cig/ yul med tshogs gnyis ma
- 33b
sogs shig/ nges don 'di rnyed sgrub mi dgos// rdzogs pa chen po nges don 'dus pa las/ ma bsgoms don dang mi 'bral bar bstan pa'i le'u ste bzhi bcu pa'o// / de nas 'dus pa'i tshogs rnams la// kun rig chos kyi rgyal po yis// rnam rtog rang grol bka' stsal pa// dper na nyi ma'i snying po la// gzhan gyis ma byas rang gsal bzhin// thams cad ye shes tshes skur gsal// ma rig mun pa gdod nas sangs// da yang rdo rje sems dpa' nyon// dper na rgyal po mthong ba'i tshe// mnyan zhing gus pa'i blo skye zhing // chos nyid dran pas rtog pa med// rig pa rgyun chags dag tu gnas// de yang 'dus pa'i snying po nyon// dper na nam mkha'i sprin bzhin du// rang byung rang gi gnod med ltar// ma rtogs rang grol 'dzin med phyir// ye shes ngo bo chos skur gsal// de yang 'khor gyi sems dpa' nyon// dper na dgun zla 'bring po la// spang la me mched ji bzhin du// ci dran chos sku 'od gsal bas// thams cad ye shes nyid du shar// da yang 'khor gyi snying po nyon// dper na rin chen gser gling du// sa rdo btsal gyis mi rnyed ltar// gang yang chos nyid rang gsal phyir// ting 'dzin dag la 'byung 'jug med// da
- 34a
yang 'dus pa'i snying po nyon// 'khor ba mya ngan 'das pa'i chos// thams cad chos nyid gyur pa la// sgom pa'i tha snyad bral ba'i don// rang rig ye shes nyid du gsal// rdzogs pa chen po nges don 'dus pa las/ rnam rtog thams cad rang grol du bstan pa'i le'u ste zhe gcig pa'o// / de nas 'dus pa'i 'khor rnams la// kun rig ston pa kun bzang gis// the tshom gal 'gags bka' stsal pa// rtsod pa tshig gi 'phrang chen ni// gzhi nges snang ba ma nges phyir// lung dang man ngag mi 'gal ba'o// gtan tshogs chen por bzhag pa'o// dper na nyi ma'i snying po la// mun snang gnyis ka mi 'gal bzhin// gzhi gcig gang yang mi 'gal la// de nyid dus na mi 'gal la// de nyid dus na ngos gzung med// da yang 'dus pa'i snying po nyon// chu bran rgya mtshor gcig pa bzhin// gang dran ye shes chen po la// byis pa rnams kyi tha dad gzung // de phyir blo yi snang ba yin// 'byung ba nam mkhar 'dus pa bzhin// chos rnams sems su 'dus pa la// zlo gzhag theg pa rim dgu byung // gzhi la chos sku gcig las med// da yang rdo rje sems dpa' nyen// yul nyid sems la sdug bsngal 'byung // rang sems yul la bem
- 34b
bar 'gyur// gcig na skye shi med par rigs// 'chi 'pho 'ong phyir blo 'phel yin// gnyis ka yul sems bsre bar 'gyur// thams cad ma lus sems yin na// / sems tsam ka ta rim par gol// da yang 'dus pa'i snying po nyon// phar 'gel tshur 'gal sems pa ni// de shes ma phan 'khor ba rang // de phyir sems rtogs rtsigs su che/ de phyir lung ldan gdams ngag dgos// de yang 'khor gyi snying po nyon// nga yi nges don chos 'di la// bsgom du yod med 'khor ba'i chos// sems can sangs rgyas gzhi gcig phyir// rgyu 'bras dbyer med lhun gyis grub// rtogs na 'bral med ma bsgoms phyir// chos sku rang byung de nyid lta// dus gsum dag tu 'bral med lta/ de phyir nges don sgom mi dgos// da yang 'dus pa'i 'khor rnams nyon// phung po sangs rgyas lha tshogs ni// bsgom pas mi phan rnal 'byor 'chi// snang ba bor nas sangs rgyas na// rtog tshogs lta ru ci la yin// da lta chos skur ma shes na// gsang sngags man ngag ci la che// de phyir bstan shes sgom mi dgos// da yang 'dus pa'i snying po nyon// sangs rgyas sems can 'brel ba yang // med na thugs rjes phan mi nus// yod na sems can ci la 'khor// gnas skabs 'bral ba med
- 35a
pa la/ mthar thug gcig phyir 'brel ba yod// rgyu 'bras tshul ni 'og ma'i chos// de gnyis ltos pa'i rgyu 'bras med// gzhi la gcig la snang lugs gnyis// don la gnyis ka yang dag med// de phyir 'khor 'das ma reg chos// lam pa'i tshes ni dgos med phyir// 'khor ba'i rnam rtog ci la yod// ma spangs gol phyir bsgom du med// da yang 'dus pa'i snying po nyon// zhi gnas bsam gtan nyams myong ba// yid la nyams su myong ba na// zhi gnas yin phyir lhag mthong med// nyams myong med na gdeng dang bral// de phyir blun po'i spyod yul min// gzhi nyid rtogs na nyams mi dgos// de phyir rtogs pa shin tu gces// gang ltar dran pa nyams kyi mchog/ de la 'di zhes smra mi shes// de phyir ma bsgoms nga yi nyams// da ya ra dus pa'i snying po nyon// 'khor 'das gnyis pas nga snga'i phyir// sangs rgyas kun pas lung 'di snga// kun tu bzang po 'di rtogs pas// sangs rgyas thams cad phyi nas rgyas// de phyir sangs rgyas ma gsungs chos// sangs rgyas sems can nga las byung // gzhi la 'khor 'das med pa'i phyir// sems can tha mal lus srog la// ye shes spyod spong la sogs med// pho tshod lta ba bdud kyis bslus//
- 35b
da yang 'dus pa'i snying po nyon// rang byung ye shes rtsa ba ni// dngos por med la shes pa yod// yin snang sems kyi rang bzhin la// nges don bka' dang drang don las// nga bo gzhi gcig mi 'gal kyang // rnam snang shAka thub zhing khams bzhin// drug gi snang ba tha dad pas// gtan tshogs bzhi yi rang bzhin la// snang la zhen pa gang 'gog pa/ lta ba'i yul ni rnam bzhi yis// thams cad blo yi snang ba ste// gang yang ma yin zhen pa 'gog/ de phyir nges don gdams ngag che// de bas rang sems rtogs pa'i thabs/ kun gzhi bzhi tsha ngas byin na// ye shes ldan grub rdung chen du// rang rig rgyal ba ye shes 'bya// mchogs lag rtog dgas pa'i phyir// mdo sde dang na rgyud sdel// tshad ma bzhi yi gtan tshogs kyis// theg pa gong 'og khyad par gyis// ming dang tha snyad bsam yas kyang // zhen pa bzlog pa'i thabs su bshad// rdo rje theg pa 'di las med// da yang rdo rje sems dpa' nyon// snang ba mi 'gog chos dbyings la// zhen pa med pas ye shes te// kun gni rang bzhin ma bcas pa// nyid don dang gang ldan pa// me yi lus la sangs rgyas yin// rdzogs pa chen po nges don 'dus pa las/ the tshom gags gsal ba'i le'u ste zhe gnyis pa'o// /
- 36a
de nas rdo rje sems dpa' yis// 'dus pa'i 'khor la phan don du// bden pa'i yid kyis 'di skad gsol// nges pa bdun gyi nyams blang ba'i// lta bsgom pa spyod pa dang // dam tshiga' phrin las 'bras bu dang // rang bzhin nyams su blang ba'i thabs// kun rig ston pas bshad du gsol// de skad zhus pa'i don gsan nas// kun rig ston pas bka' stsal pa// gzhi nges lta ba nyams blangs pa'i// sangs rgyas rgyal po chos skul// 'khor 'das med pa'i rig pa'i glong // gzhi la 'gyur med lta ba'i gdeng // yul la mi ltos rang byung sku// ye shes nam mkha'i mtha' dang mnyam// don la 'gyur med rang byung sku// skyon gyis ma gos lta ba'i gzungs// 'gyur med chos nyid brdal ba'i glong // de yang rdo rje sems dpa' nyon// mi skye mi 'gag lta ba la// bsgoms pas mi rnyed rtogs pas chog/ 'bral med da lta kun bzang thugs// dus dang rnam pa thams cad du// skye shi med pa lta ba'i mchog/ don du ye shes mthar phyin lam// re dogs med phyir ltung mi srid// gdod nas snying po 'gyur med gzhi// de nyid rang rig chos sku la// rang gis rang ltas ngo mtshar che// de phyir chos sku sangs rgyas thugs// rdzogs pa
- 36b
chen po nges ngan 'dus pa las/ gzhi nges pa'i lta ba nyams su blang ba'i le'u ste zhe gsum pa'o// / de nas kun rig ston pa yis// don dang mi 'bral ting 'dzin ni// 'dus pa'i 'khor la bka' stsal pa// chos nyid mi 'gyur ye shes glong // ma bcos ye nas gnas pa ste// rgyu rkyen ma bskyed rang byung sku/ dngos med rang gsal 'bras bu la// rkyen bral snying po sa gzhig tu med// bsam du med pas bsgom mi dgos// da yang 'dus pa'i snying po nyon// dbyibs dang bral bas byang chub sems// kha dog med pas mtshon du med// sems kyi yul las 'das pa ni// skye shi med pas 'gyur ba med// rtag chad med pas 'khor ba bral// mtho dman med pas kun gyi rtse// che chung med pas dmigs dang bral// kun gzhi med pas chos sku'i glong // yangs dog med pas bzang mo'i mkha'// mtha' dbus med pas kun la khyab// ye shes zang thal phyi nang med// mtshon du med pas tshad dang bral// 'dus pa'i snying pa de nyan cig/ snang ba med pa'i chos nyid ni// ma bcos ye nas ngang gis gsal// rtsol sgrub cis kyang btsal du med// rtogs pa'i dgongs nyams blangs pa ni// ma bcos chos sku dag pa'i glong // 'bras bu sangs rgyas de nyid
- 37a
yin/ da yang 'dus pa'i snying pa nyon// gdod nas 'gyur med ting 'dzin la// rang byung rig pa'i ye shes kyis// ma bcos rang gsapa dang gzhag pas// nyams su blang ba'i dgos pa ste// de la rnal 'byor gang gnas pa// da lta nyid nas sangs rgyas thugs// rdzogs pa chen po nges don 'dus pa las/ don dang 'bral med kyi dgongs pa bstan pa'i le'u sten bzhi pa'o// / de nas 'dus pa'i tshogs rnams la// kun rig ston pas bka' stsal pa// skyon med yon tan kun ldan pa// shes rab thabs kyi spyod pa yis// byi nang chos rnams rdzogs par ni// nga yis bshad kyis sems dpa' nyon// lha sgom nges pa'i don gnas pa'i/ rnal 'byor nges pa'i skal ldan de// dad pa kun la bslang ba yi// snying rje'i brlan dang ma bral bas// sems bskyed rnam gnyis de la rdzogs// gang la'ang/ mi rtog rang gsal ba'i// chos nyid ngang du rang gnas pas// bying rgod gnyis kyi skyon bral bas// zhi gnas bde ba de la rdzogs// phyi nang chos rnams ma lus kun// sa sor rtog pa'i shes rab kyis// sgyu ma lta bur rab shes phyir// dngos med rtogs pas lhag mthong rdzogs// de yang rdo rje sems dpa' nyon// lta ba'i ngang la
- 37b
mnyam gzhag pas// ser sna 'dzin pa'i sems med pas// chos dang bdag tu ma mthong phyir// sbyin pa'i pha rol phyin pa rdzogs// nges don rtogs pa'i rnal 'byor pas // lus ngag yid kyi spyod pa yis// mi dge nyes byas mi 'byung bas// tshul khrims pha rol phyin pa rdzogs// rang byung rig pa'i rnal 'byor pas// lta ba nges pa'i gdeng zin pas// chos kyi dbyings su kun shong phyir// bzod pa'i pha rol phyin pa rdzogs// nges pa'i don la yid ches nas// rang byung rig pa shes pa yis/ lta ba'i don lam yengs pas// brtson 'grus pha rol phyin pa rdzogs// snga phyis ma bslad gnyug ma la// gzhan du 'dzin bral rang byung sku// chos nyid don la mi ga ya'i phyir// bsam gtan pha rol phyin pa rdzogs// thos pa'i shes rab blo sbyangs nas// nges pa'i don ni mthar phyin pas// chos rnams lta bas thag tshad phyir// shes rab pha rol phyin pa rdzogs// da yang rdo rje sems dpa' nyon// lung ldan nges pa'i gdams ngag gis// chos kyi dbyings su shes pa'i phyir// snang ba gang yang mi 'gog pas// thabs kyi pha rol phyin pa rdzogs// sngon nas dge ba'i tshogs bsags pas// bla ma sangs rgyas kun dang phrad//
- 38a
mi gnas bla med don rtogs pas// smon lam pha rol phyin pa rdzogs// thog mtha' ma rig sangs pa yis// lung ldan rang gi don shar bas// ma rig mun pa kun bcom phyir// stobs kyi pha rol phyin pa rdzogs// rang byung ngo bo nyid kyi sku// chos sku rtsa ba rab rtogs pas// yon tan ma lus kun 'dus phyir// ye shes pha rol phyin pa rdzogs// da yang 'dus pa'i snying po nyon// sangs rgyas kun gyi mdzad spyod la// tha mal spyod pa'i ming med pas// lus ngag dge las mi nyams phyir// tshogs chen ma lus rnam gnyis rdzogs// rdzogs pa chen po nges don 'dus pa las/ tshogs rnams rdzogs pa'i mdzad spyod bstan pa'i le'u ste / zhe lnga pa'o// / de nas 'dus pa'i tshogs rnams la// kun rig rgyal pos bka' stsal pa// sems can dus na sangs rgyas spyod// gang yang ma bcos de bzhin nyid// chos sku rtogs nas 'gro don du// cir yang snang ba sprul pa'i sku// mdzad pa bcu gnyis mthar phyin pa// thugs rje sprul pas kun 'dul yang // slob ma'i 'du shes rdul tsam med// yang 'dus pa'i snying po nyon// bdag tu rtog pa med pa'i phyir// gnyis med don gcig chos kyi sku// 'thun 'jug spyod pa rgya mtshor ni// spyod pa sna tshogs
- 38b
ci bder spyod// pad+ma skye rgyu 'dam yin te// de la skyon gyis gos med ltar// chos nyid blang dor med pa rtogs// ting 'dzin nyams pa rdul tsam med// thun mong ma yin rnal 'byor pas// 'ching grol med phyir golas med// da yang 'dus pa'i snying po nyan// de dag rig spyad lta ba'i gzungs// rgyun du mi 'bral don mdzad pa// sangs rgyas mdzad spyod dus 'dir 'grub// de phyir rtsa la med sangs rgyas yin// rdzogs pa chen po nges don 'dus pa las// spyod pa 'ching grol med par nyams su blang ba bstan pa'i le'u ste zhi drug pa'o// // de nas 'dus pa'i tshogs rnams la// kun rig ston pa kun bzang gis// dam tshig bsrung dang nyams med pa'i/ nges pa'i don du bka' stsal pa// gdeng ldan nges pa'i ye shes kyis// bsrung du med pa'i dam tshig ste// ye bsrung chen po'i ngang du bsdam// sdom pa phyi nang dam tshig kyang // gdul bya ji ltar 'dod pa ston// tha snyad tsam du 'dul mod kyang // dam du bca' ba rdul tsam med// chos sku thugs kyi mtshan nyid de// de yi ngang dang mi 'bral na// ye bsrung gdeng dang ldan pa'i phyir// dam du bcas kyang skyon med phyir// dngos po med pas nam mkha' 'dra// de yang rdo rje sems dpa' nyon// nga yi chos nyid
- 39a
dam tshig ni// ma bcos mkha' la nyi shar 'dra// mun pa med par rang gsal ba// lha ngas kyis rtogs na lta ba yin// rang gi shes pa gnyug ma yis/ don lam yangs ting 'dzin la// snang ba'i yul lam zhen pa// gang yang ma bkag spyod pa'i phul// nges don rtogs pa'i chos nyid la// mi 'da' dam tshigasung ba ste// srung du yod pa nyams pa med// de phyir ye shes 'brel med pa'i// dbyings nas rig pa rang la shar// sna tshogs bsags pa'i kun gzhi yi// snga phyi nub pa snga la yang// da yang 'dus pa'i snying po nyon// lung ldan nges pa'i don bstan pa'i// sems rtogs ma brjed lta ba la// rgyun du 'bral med dam tshig blung // rang byung chos sku chen po la// brtson 'grus ma yengs gus pa'i thabs// lung ldan nges pa'i gdams ngag la// shes rab go cha dad pa'i lam// yid ches gdeng gis 'gyur ba med// da yang rdo rje sems dpa' nyon// de nyid goms shing brtan pa'i tshe// shes rig ma nyams gsal ba'i rtags// de ldan chos nyid mngon du rtogs// de phyir dam tshig kun gyi mchog/ de ltar rnal 'byor gang yang rung // spong bsdud zhen pa med pa'i phyir// yul ni ma 'gags chos kyi dbyings// bla ma rdo rje slob dpon la// g.yo sgyu med pa'i
- 39b
dam tshig gis// 'gal sems rdul tsam med pa'i phyir// spyod pa ma chags khong khrel med// mched dang lcam dral la sogs pa// brtse gdung chos byed mi 'gyod pa// nges don rtogs pa'i ye shes la// rig pa so thub dgon pa'i mchog/ da yang 'dus pa'i snying po nyon// dus dang spyod lam thams cad du// rgyun du gsal thegs chos spyod yin// dam tshig chen po'i chos nyid la// rgyun du mi 'bral lha dran phyir// mtshams med byas kyang nges pa'i don// de ldan nyes pa rdul tsam med// rdzogs pa chen po nges don 'dus pa las/ dam tshig srung nyams med pa'i le'u ste zhe bdun pa'o// // de nas 'dus pa'i 'khor rnams la// kun rig ston pa kun bzang gis// 'phrin las rdzogs par bka' stsal pa// dper na yid bzhin nor bu la// dgos 'dod thams cad 'byung ba bzhin// ye shes rig pa'i dbang thob phyir// phyi nang dbang rnams de la rdzogs// phyogs bcu ye shes lhun grub pas// mi rtog ye shes bgegs gsal nas// gnod byed mtshams rdol med pa'i phyir// phyi nang mtshams kun de la rdzogs// rang bzhin dag pa'i ngo bo la// 'khor ba'i skyon gyis mi gos phyir// ma rig rnam rtog sgrib med pas// don gyi bshags pa de la rdzogs// ye nas
- 40a
rang byung chos sku la// 'khor 'das gzhi la med pa'i phyir// gnyis med don la blo gnas pas// byin chen dbab pa de la rdzogs// duganyid sbyor shes sman gyi mchog/ dug lngar nga grol ye shes kyis// nyon mongs bdud rtsi chen po la// ye shes byin rlabs de la rdzogs// bag chags rtas pa'i snang ba la// mos pa'i ting 'dzin dbang sgyur ba// 'byung ba lnga yis kun khyab pa// dbang chen rim pa 'phrin las rdzogs// phyogs bzhi rang bzhin lhun grub pas// rin chen lnga las byas pa yis// gzhal yas khang chen 'phrin las rdzogs// rtog tshogs lha ru gnas bsgyur bas// 'khrul snang med par gnas pa'i phyir// rig tshor don gyi ltar gsal bas/ ye shes lnga rnams de la rdzogs// 'khor 'das gzhi la med pa'i phyir// kun tu bzang po'i ngo bo la// sangs rgyas sems can gnyis med pas// spyan drangs bstim pa de la rdzogs// ye shes gnas pa'i rang byung de// rang chas yod phyir ma btsal ba'i// chos nyid don las mi 'gyur bas// bstan par bzhugs pa'i 'phrin las rdzogs// gzhi la skyon yon med pa'i phyir// rang byung phyi nang med pas na// bzang ngan blang dor mi byed pas// zil gyis mnan pa'i 'phrin las rdzogs// yang
- 40b
dag sangs rgyas dgongs pa la// dbyer med gcig tu rdzogs pa yis// thams cad 'dres pa chen po ste// nan tan phyag rgya de la rdzogs// ye shes lha yi nga rgyal gyis// lus ngag yid kyi bya ba kun// skul spyod thams cad ye shes la// phyag rgya'i mchod pa de la rdzogs// lta ba shes rab jo bo la// sgom pa thabs kyis rol pa'i phyir// sems dang chos su don sbyor bas// sbyor sgrol mchod pa de la rdzogs// chos kun rang byung rig par 'dus// gang la smon du med rtogs pas// yon tan thams cad lhun gyis grub// mthar phyin slom lo ma de la rdzogs// rang byung chos sku don rtogs pas// ma brjod dgongs pa gtsor byas pas// sku gsung thugs kyi don tshang phyir// bzlas brjod 'phro 'du de la rdzogs// dga' ldan 'byor ldan nges don no// snang srid bde chen rol rtogs pas// tshogs chen snod bcud ye yin phyir// tshogs kyi 'phrin las de la rdzogs// gtso dang 'khor du mi 'byed pas// rang rig bzang ngan ming med phyir// bde chen gnyis med ngo bo la// lhag ma'i 'phrin las de la rdzogs// bya ba med pa'i las rnams ni// gang yang 'dzin med rang gsal ba'i// mi gzung ye shes chen po la// gtor ma'i 'phrin las dal rdzogs// 'khor ba mya ngan 'das pa'i
- 41a
chos// ye nas rang byung rang gsal phyir// thig le gcig tu 'dus pa'i phyir// dkyil 'khor bsdu ba'i 'phrin las rdzogs// rang byung ye shes rdo rje yis// rang byung ltar ni don gsal bas// ye shes lhun grub don ldan phyir// bka' nan lus bsrung 'phrin las rdzogs// ma rig rkyen gzhi med pa'i phyir// gnyis med don du sangs rgyas pas// ma rtogs don du nges pa'i don// dge rtsar bsngo ba'i 'phrin las rdzogs// rdzogs pa chen po des don 'dus pa las/ mdzad pa'i 'phrin las nyams su blang ba'i le'u ste zhe brgyad pa'o// // de nas 'dus pa'i tshogs rnams la// kun rig ston pas bka' stsal pa// ngo bo rang bzhin nges pa'i don// gang yang rung ba ci la yang // dngos por med phyir rtag tu med// med pa la ni yod rtogs pa// 'khrul pa rnams kyi shes pa las// dam pa kun gyi mi mkhyen no// da yang rdo rje sems dpa' nyon// nam mkha' dngos med sems dang bral// de phyir rang byung ngo bo nyid// kha dog dbyibs med sems las 'das// de phyir rang byung rtogs pa dka'// chos sku skye med rig pa'i sku// yid kyi yul du bsam du med// gang yang ma spangs rig pa de// yon tan kun 'byung rang rig sku// de yang 'dus pa'i
- 41b
snying po nyon// de la las dang rkyen gyis tshugs// de phyir rang bzhin ji bzhin la// bcos pa med phyir rang lugs chos// 'dus ma byas pa nam mkha' 'dra// chos nyid rang bzhin dmigs pa med// de don rang byung rig pa des// sems kyi kun gzhi rtsa dag cad nas// bag chags kun gzhi sprin ltar dengs// lus kyi kun gzhi len mi srid// de phyir rang byung rtogs pas chog/ de yang 'dus pa'i snying po nyan// de la btsal du med pa'i don// dus gsum 'gyur med ye shes glong // yang dag sangs rgyas dgongs pa yin// / da yang 'dus pa'i snying po nyon// rang bzhin rnam dag chos nyid la// spros pa med pa nyams su blang // de blangs 'bras bu sangs rgyas thob// de phyir rang bzhin rtogs pa gces rdzogs pa chen po nges don 'dus pa las/ rang bzhin nyams su blangs pa'i le'u sten dgu pa'o// / de nas kun rig rgyal po yis// 'dus pa'i 'khor la bka' stsal pa// rtsol ba med pa'i 'bras bu ni// gol sgrib med pa'i chos sku la// dbyen rnam pa bcu tshan gsum// yid la mi byed gol sgri ba med// de phyir nges pa'i 'bras bu yin// da yang 'dus pa'i snying po nyon// snga phyi zhen pa'i rtog pa yis// byung tshor rjes su ma 'brangs pas// 'jig rten phal pa'i sar mi gol// de
- 42a
yang nges pa'i 'bras bu yin// nga yang bdag med don rtogs phyir// yod med yul du ma bsgoms pas// rtag chad mthar ni de mi gol// de yang nges pa'i 'bras bu yin// rgyal ba'i bka' las man ngag gis// shes rab bzang mo'i don zin pas// lung du ma bstan de mi gol// de yang nges pa'i 'bras bu yin// lhag mthong rig pa'i gdeng yod pas// zhi gnas rol ma chags phyir// 'jig rten bsam gtan sar mi gol// de yang nges pa'i 'bras bu yin// dbyings dang ye shes gnyis med phyir// 'gro drug rnam shes mi 'gegs pas// 'du shes med par de mi gol// de yang nges pa'i 'bras bu yin// spong ba'i rtog pa med pa'i phyir// rnam rtog ma spangs rang zhi bas// nyan thos 'gog par de mi gol// de yang nges pa'i 'bras bu yin// rten 'brel bcu gnyis yul med phyir// rtog bkag stong par ma bsgoms pas// rang rgyal sems su de mi gol// de yang nges pa'i 'bras bu yin// da yang 'dus pa'i snying po nyon// snang ba sems su mi bsdud pas// rang rig gsal bar mi sgom phyir/ sems tsam par ni de mi gol// de yang nges pa'i 'bras bu yin// de yang 'dus pa'i snying po nyon// bden pa gnyis su mi phyed phyir// mtshan ma stong par ma
- 42b
bsgoms pas// dbu ma gnyis su de mi gal// de yang nges pa'i 'bras bu yin// pho mo rtsa dang thig le yi// thabs kyi bde ba ma bsgoms pas// chags pa'i lam du de mi gol// de yang nges pa'i 'bras bu yin// tshogs gnyis rtsol ba med pa'i phyir// rgyu 'bras rgyan la mi ltos pas// 'dus byas chos sku de mi gol// de yang nges ba'i 'bras bu yin// bag chags bzang ngan ming med phyir// dge sdig re dogs btsal med pas// las kyi dbang du de mi gol// de yang nges pa'i 'bras bu yin// snang stong gzhi la med pa'i phyir// dbye ba bstan pa'i yul med pas// phra ba'i lam du de mi gol// de yang nges pa'i 'bras bu yin// gzhis gong 'og med pa'i phyir// lam lnga rim gyis ma sbyangs pas// sa bcu nges par de mi gol// de yang nges pa'i 'bras bu yin// rdzogs pa chen po nges don 'dus pa las/ rgyu mtshan nyid kyi golas dang sgrib pa med par bstan pa'i le'u ste lnga bcu pa'o// // de nas 'dus pa'i 'khor rnams la// kun rig ston pas bka' stsal pa// bdag dang ye shes gnyis med phyir// dag pa'i lhar ni ma bsgoms pas// kri ya'i theg par de mi gol// de yang nges pa'i 'bras bu yin// gong 'og gnyis su mi blta'i phyir// lta spyod
- 43a
ya char mi 'gal bas// u pa yangar ni de mi gol// de yang nges pa'i 'bras bu yin// yang dag nges pa'i don rtogs phyir// byang chub rnam lnga ma bsgom pas/ yo ga sems dpar de mi gol// de yang nges pa'i 'bras bu yin// 'khrul snang gzhi la med pa'i phyir// rnam rtog lha ru ma bsgyur bas// ma hA yo ga rare de mi gol// de yang nges pa'i 'bras bu yin// dbyings dang ye shes gnyis med phyir// 'du 'bral med 'jog yod med phyir// a nu yo gar de mi gol// de yang nges pa'i 'bras bu yin// snang ba sems nyid min pa'i phyir// chos nyid mtshon du mi rtog pas// mtshan ma'i skyon du de mi gol// de yang nges pa'i 'bras bu yin// phyi nang gsang ba'i chos kun gyi// brtul zhugs gang yang mi dgos pas// blang dor spyod pa der mi gol// de yang nges pa'i 'bras bu yin// rnam rtog gzhi la med pa'i phyir// gnyis med don la mi gtod pas// phyogs can lta bar de mi gol// de yang nges pa'i 'bras bu yin// tshogs brgyad gol sar shes pa'i phyir// sems nyid don la ma rtsol bas// mnyam nyid don las mi 'gyur phyir// chos kyi sku la golas med// rdzogs pa chen po nges don 'dus pa las/ sngags phyi nang gi golas med pa'i 'bras bu bstan pa'i le'u ste
- 43b
nga gcig pa'o// // de nas 'dus pa'i 'khor rnams la// kun rig ston pas bka' stsal pa// sgrib pa med pa'i 'bras bu de// nges pa'i lung ldan bla ma yis// ye shes chen por ngos zin phyir// skabs dbye'i sgrib pa de la med// de yang nges pa'i 'bras bu yin// nam langs mun sgrib med pa bzhin// ma rig bag chags med pa'i phyir// bslad pa'i sgrib pa de la med// de yang nges pa'i 'bras bu yin// gang yang dam par lta med phyir// ched du byas nas sgom med pas// phyogs ltung sgrib pa de la med// de yang nges pa'i 'bras bu yin// gang dran chos skur rab shes pa'i// lta ba nges pa'i gdang zin pas// tshogs kyi sgrib pa de la med// yang nges pa'i 'bras bu yin// gsang sngags mdzad spyod thams cad la// bya ba med pa'i don rtogs phyir// las kyi sgrib pa de la med// de yang nges pa'i 'bras bu yin// 'khor 'das chos ni gang la yang // ma chags mig ma'o stobs ldan phyir// ma chod pa'i sgrib pa de la med// de yang nges pa'i 'bras bu yin// yang dag sangs rgyas rnams gsungs pa'i// nges pa'i lung la yid ches pas// the tshom sgrib pa de la med// de yang nges pa'i 'bras bu yin// de yang 'dus pa'i snying po nyon// gol sgrib med pa'i don
- 44a
shes na/ ta rgyal ba nyid dang dgongs pa mnyam// de phyir chos sku da lta'i thugs// sangs rgyas zhes ni de la bya// rdzogs pa chen po nges don 'dus pa las/ sgrib pa med pa'i 'bras bu nyams su blang ba'i le'u ste nga ga nyes pa'o// // de nas rdo rje sems dpa' yis// 'dus pa'i 'khor la phan gdags phyir// kun rig ston pa chos rje la// nges pa'i don dgongs 'di skad gsol// sems las ma byung sangs rgyas dang // rgyu las ma byung 'bras bu// dang / lung la ma brten man ngag rnams// kun rig ston pas bshad du gsol// de skad zhus pa'i don gsan nas// kun rig ston pas bka' stsal pa// nges pa gsum gyi khyad 'phags pas// khyod la legs par bshad kyis nyon// yid la zung ya nges par tshangs// de yang rdo rje sems dpa' nyon// sems las ma byung sangs rgyas ni// rang byung ye shes chos sku de// sangs rgyas kun gyi nges pa'i don// rnal 'byor kun gyi dam pa'i lam// thams cad mkhyen pa'i ye shes mchog/ de yang 'dus pa'i snying po nyon// mtshan nyid sems su 'dod pa yis// ma rig chos ni bden gnyis su// blo yis nang brtags sems kyis bcos//
- 44b
rmugs bsags bsnyungs kun ba rtags pa'o/ sems thal dang byung chas kyi sra// sems las ma byung sangs rgyas 'di// theg pa kun las khyad par 'phags/ phyi nang gsang sngags skyed rdzogs ni// ting 'dzin gsum gyi lhar bsgoms nas// 'phrin yas rnam bzhi'i mdzad spyod kun// 'bras bu mi tho ba kun brtags pas// yid/ smon dkyil 'khor lha tshogs kun// drang don yin phyir 'khrul pa'i sems// gsal brtan ting 'dzin goms gyur kyang // sems las ma byung sangs rgyas min// ra yang / 'khor gyi snying po nyan// yang dag nges don sangs rgyas ni// yid kyis ma bsgoms ma bskyed pas// rtsel med rang byung gsal ba 'di// sems pas ma byung sangs rgyas yin// snang med rang byung chos nyid la// yul du byas pa med pa'i phyir// lha med sgom rgyu ci la yod// de phyir sems ni kun ba rtags yin// gang yang ma bsgoms chos nyid ni/ sems kyi yul las 'das pa'i phyir// sems las ma byung rang byung ste// sangs rgyas kun gyi dgongs pa yin// da yang rdo rje sems dpa' nyon// sems ni ma rig mun pa yin// sangs rgyas sems bral ye shes sku// ma rig sems spangs sgrib pa dag/ thams cad mkhyen pa'i ye shes rgyas// rtag chad 'dzin pa ma rig
- 45a
sems// gsal brtan ting 'dzin go mas gyur kyang // de las ma byung sgrib pa bral// rtag chad sems med chos kyi sku// sems las ma byung sangs rgyas yin// sangs ni 'dzin pa'i 'khrul pa sangs// rgyas ni chos sku mi g.yo rgyas// sangs ni sems su 'dzin pa sangs// rgyas ni rang byung ye shes rgyas// sangs ni gol sgrib sems ni sangs// rgyas ni mi rtog ye shes rgyas// sangs ni bying dang rmugs pa sangs// rgyas ni lhag mthong ye shes rgyas// de phyir sems las ma byung ba'i// ye shes rang gsal sangs rgyas yin// da yang 'dus pa'i snying pa can// sangs ni rgod 'phrog yangs pa sangs// rgyas ni rang rig ye shes rgyas// sangs ni 'khor 'das 'dzin pa sangs// rgyas ni chos sku gsal brgyas// sangs ni bag chags nyon mongs sangs// rgyas ni rang rig bde chen rgyas// sangs ni bdud bzhi'i cho 'phrul sangs// rgyas ni zil gnon lta ba rgyas// de phyir rang byung rig pa 'di// sems las ma byung sangs rgyas yin// da yang 'dus pa'i snying po nyon// dus gsum sangs rgyas sems dang thal// tshogs brgyad med phyir sems dang bral// rang byung snying po chos kyi kra// sems las ma byung sangs rgyas yin// ma rig las byung sems can
- 45b
kun// sems su 'dzin phyir sdug bsngal 'byung // de phyir sems bral spros pa med// spros bral chos nyid rang byung sku// rang sems bral bas dmigs pa med// dmigs med chos kyi sku zhes bya// sems las dus gsum yod pa'i phyir// tshel snga phyir lta byung // sems la 'pho 'gyur yod pa'i phyir// de phyir lus la skye shi 'byung // na tsha bde sdug sna tshogs pa// rang sems yin phyir 'khor bar smin// de phyir sems ni sangs rgyas min// da yang 'dus pa'i snying po nyan// skye shi med phyir sems dang bral// skye med rang byung ye nas gnas// de nyid lam gyi ye shes ni// thog mtha' chod nas dus gsum gcig/ chos sku gcig phyir 'pho 'gyur med// snga phyi med pa rang byung sku// sems las ma byung sangs rgyas yin// 'pho 'gyur med pas sdug bsngal bral// brjed med rang gi ngo bo la// tshor ba bde sdug gang yang med// de phyir chos nyid bden pa'i ngang // sems las ma byung sangs rgyas yin// dade yang 'dus pa'i snying po nyon// dus dang spyod lam thams cad du// nges don 'bral med sems las 'das/ de phyir lta bar gyur ba med// 'gyur med chos nyid rang byung glong // ma yengs yengs med da lta nyid// sgom pa kun gyi mchog tu ni// kun bzang rgyal bas gsungs
- 46a
pa de/ sems las ma byung sangs rgyas yin// da yang 'dus pa'i snying po nyan// nges don sangs rgyas khyad par can// kun gzhi med phyir snang ba med// de phyir yul sems rig pa 'di// sems las ma byung sangs rgyas yin// nges bral lhag mthong chos nyid la// de la yid ches nges pa'i gdeng // sangs rgyas dgongs pa ma nor ba// dam pa'i thugs la gsal ba 'di// sems las ma byung sangs rgyas yin// theg dgu'i chos las khyad par 'phags// rdzogs pa chen po des don 'dus pa las/ sems las ma byung ba'i sangs rgyas bstan pa'i le'u ste nga gsum pa'o// // de nas 'dus pa'i tshogs rnams la// rgyu las ma byung 'bras bu ni// kun rig ston pas bka' stsal pa// rgyu rkyen med pa'i 'thun dpe ni// nor bu rin chen kun ldan zhing // chos sku rgyu la rag ma las// rkyen la mi ltos smos ci dgos// de yang 'dus pa'i snying po nyon// rgyu ni 'dus byas mi rtag phyir// gnyen pos 'jig phyir rkyen kar 'gro// de phyir rgyu rkyen ma bskyed pa'i// rang byung chos su 'gyur med de// chos rnams kun gyi snying po yin// phyi nang chos kun bag chags kyis// rgyu rkyen ngan pas bskyed pa'i phyir// 'khrul pa yin par the tshom med//
- 46b
de phyir 'khor 'das ma reg pa'i// nges don chos sku'i snying po ni// rgyu las ma byung rang byung sku// rkyen gyis ma bskyed 'bras bu yin// da yang 'dus pa'i snying po nyon// ma rig rgyu las ma bskyed pa'i// rang byung ngo bo nyid kyi sku// kun brtags rkyen gyis ma bskyed phyir// 'byung ba bzhi la brten mi dgos// nam mkha' stong pa rgyu med bzhin/ rig pa stong pa rgyus ma bskyed// nam mkha' 'byung bzhi'i rkyen mi mtshungs// de bzhin chos sku 'gyur ba med// de phyir rkyen las ma bskyed pa'i// 'bras bu nges par yod pa yin// da yang 'dus pa'i snying po nyon// rgyu med 'bras bu yod nges pa'i// rgya mtshog ser la rgyu med ltar// rig pa rang gsal rgyus ma bskyed// gser de g.ya' yis ma gos bzhin// chos sku rkyen gyis mi 'gyur ba// de phyir rgyu las ma byung ba'i// 'bras bu nges par yod pa yin// sems can rgyu las ma bskyed pa'i// kun bzang sangs rgyas yod par nges// sngon gyi sangs rgyas yod par nges// sngon gyi sangs rgyas rgyus ma bskyed// rkyen med rang byung yin pa'i phyir// ya nas sangs rgyas yin par bshad// da yang 'dus pa'i snying po nyon// drang don sangs rgyas rgyu rkyen ni// thabs dang shes rab yin zhes zer// ji srid thabs la brten gyi
- 47a
bar/ chang dang dug bsre 'chi ba 'dra// de phyir rang byung thabs mi dgos// thabs ni ma rig drang ba tsam// ye shes zang thal rgyus ma bskyed/ rgyu med 'bras bu shes pas chog/ de yang rdo rje sems dpa' nyon// rang byung stobs kyi 'byung ba'i dpe// lha yi pany+tsa li ka bzhin// rgyu rkyen ma bskyed rang byung sku/ sus kyang ma byas byed pa med// de phyir chos nyid brdal ba'i sku// rang byung ye shes rgyus ma bskyed// rkyen med rang gsal rgyun mi 'chad// gnyen bai rkyen gyis bcos su med// rgyu las ma byung 'bras bu yin// da yang 'dus pa'i snying po nyon// skye med rang byung don rtogs nas// tshogs gnyis mye mo sags khyad par 'phags// de phyir tshogs bsog rtsed mo 'dra// drang don tshogs bsog g.yeng bas phung // gzugs sku tshogs gnyis las ma byung // de phyir chos sku// rtogs gyur na// tshogs ma bsags pas gzugs sku 'byung // de phyir rgyu med 'bras bu yin// de yang rdo rje sems dpa' nyon// ngo bo gcig las tha dad med// byad dang me long gzugs brnyan bzhin// chos sku'i rtsa la ni gzugs sku gnyis// tshogs ma bsags par shugs las 'byung // sku gsum 'gro don tha dad kyang //
- 47b
rgyu rgyurnam brgyad la nas gnas// dbyar chas klu'i rang rtsal 'di// mthang sbyangs sna tshogs car yang 'char// de tsam nyid na tu rkyen thal// dper na nams ji bzhin du// rdzogs pa chen po nges don 'dus pa las/ rgyu las ma byung ba'i 'bras bu bstan pa'i le'u ste nga bzhi pa'o// // de nas 'dus pa'i tshogs rnams la// kun rig chos kyi rgyal po yis// lung la ma brten man ngag 'di// dad ldan 'khor la bka' stsal pa// sangs rgyas kun gyi ye shes sku// rang byung ye shes rtogs las byung // 'dus ma byas pa nam mkha' 'dra// gang yang med pa'i sngon rol du// rang byung ngo ba nyid kyi gni// lung la ma brten man ngag rang sa rig pasar rtags phyir// 'khrul ma myongs rtogs sa rgyung // de 'a khar 'das byung ba med// nan shes rang byung rig pal/ bzhanas ma rig ma pa'i phyir// rkyen gyis sngar 'khrul ma myang bas// lung ldan gyis ni bstan mi dgos// de phyir lung las ma byung chos// ya mtshan rmad du byung ba bka' sangs rgyas thams cad de las bskyed// da yang 'dus pa'i snying pa nyon// rang byung kun tu bzang po las// yul med 'dzin pa med pa'i phyir//
- 48a
nas rig pa rang la shar// dus de nyid du ma rig sangs// de phyir lung las ma byung ba'i// nges don snying po chos zhes bya// da yang 'dus pa'i snying po nyon// kun bzang slob dpon med pa'i phyir// phyi nang chos kun bshad lung med// de phyir gzhan las ma brten pa'o// rang gi rig pas shes pa'i phyir// lung lam brten man ngag chos// rgyal ba rnams kyi rtogs tshul yin// de yang 'dus pa'i snying po nyon// lung lam brten chos skul// 'khor ba btsal gyis mi rnyed pas// sangs rgyas kun tu bzang po bya// bag chags gang yang ma gos phyir// rtogs pas myong phyir ye shes rgyas// lung la ma brten dam chos yin// de phyir dus gsum sangs rgyas kyi// skyed par byed pa'i mes po yin// da yang 'dus pa'i snying po nyon// kun bzang sprul pa rnam gsum gyis// sku gsung thugs kyi sgo nas ni// theg pa'i chos rnams bshad pa yang // lung la ma brten chos 'di ni// byin gyis brlabs kyis 'byung ba yin// zhal nas nges par brgyud pa yin// man ngag snying po 'di rtogs nas// rtogs pa mngon gyur sangs rgyas yin// de med chos rnams ma lus kun// spre'u 'dra lung gis bslad pa'i phyir// theg dgu chos rnams rkyen gyis
- 48b
bskyed/ de phyir nges don bka' stsal pa// des bstan sgrub thabs bstan bcos kun// byas pa'i chos kun shin tu nor// the tshom mkhas pa yin zer nas// bstod ra la rgyus ma bshad kyang // spre'u 'dra lung gi dam chos bslad// chu dang 'o ma 'dres pa 'dra// de phyir spre'u 'dra lung ngan la// brten pas lam nor rtog pas zin// de phyir sdug bsngal sna tshogs myong // 'khor ba'i mtha' sa khan pa med// rdzogs pa chen po nges don 'dus pa las/ lung la ma brten pa'i man ngag bstan pa'i le'u steng lnga pa'o// // de nas rdo rje sems dpa' yis// 'dus pa'i 'khor la phan gdags phyir// kun rig sems kyi rgyal po la/ bden pa'i yid kyis 'di skad gsol// che ba rnam lnga dbye ba yi// dbang gi che ba ji ltar lags// chos kyi 'khor lo ji ltar dag/ longs sku 'khor gyi rol pa gang // sprul sku 'khor gyi rtogs thabs ci// byang chub che ba ji ltar byung // kun rig ston pas bshad du gsol// de skad zhus pa'i don gsan nas/ 'dus par 'khor la bka' stsal pa// sangs rgyas rnams kyi lta ba ni// nam mkha' nyi ma rgya mtsho bzhin// ma spros ma bsdus rang snang la// chos sku gsal
- 49a
lam g.yos pa'i// kun la khyab pa'i rig pa gsal// da yang 'dus pa'i snying po nyon// rang rig chos sku gsal ba'i don// nye bar rig pa rang dbang thob// de la rtsol sgrub bya mi dgos// de phyir sangs rgyas chos kyi sku// 'bab chu mar me dug sngags bzhin// dmigs pa drag dal sgo lnga gsal// rnam rtog nyid kyang ye shes gsal// gsal ba nyid tsam nub pa med// da yang 'dus pa'i snying po nyon// rgyal thabs spyi blugs che ba yi// mtshan ma zil gyis gnon pa'i phyir/ rig pa'i dbang chen dang po yis// 'dod khams nyi shu zil gyis gnon// sa gzhi chu zla gang+ga bzhin// sna tshogs snang ba gzung du med// che ba'i ye shes rgyun mi 'chad// med la mi zad 'byung ba'i gter// nga yang 'dus pa'i snying po nyan// rig pa rang gsal che ba yis// 'gro drug g.yang sa gcad pa'i phyir// rang byung chos sgyu ngos zin pas// gzugs khams bcu bdun der mi gol// khyung dang rin chen klu gdug bzhin// lung ldan nges pa'i gdams ngag gis// chos sku rang rig ngos zin phyir// kun gzhi dug gsum rtsa da nas gcad// de phyir rang byung don 'di che// da yang rdo rje sems dpa' nyon// ye shes spyi blugs che ba yis//
- 49b
golas phyi nang chod pa'i phyir// nges pa'i don la sgom mi dgos// gzugs med khams bzhir de mi skye// de yang 'dus pa'i snying po nyon// rgyun du 'bral med dam tshig gis// ye shes chen por la zlos pas// sa bcu rim gyis de mi bgrod// de phyir nges lung rab tu gces// da yangar dus pa'i snying po nyon// nges pa'i dbang gsum gcig tu rtogs// de phyir ma bcos chos nyid kyis// bcos pa'i mtshan ma zil gyis gnon// dmigs pa med pa'i nam mkha' yis// dmigs pa'i 'byung ba zil gyis mnan// skye ba med pa'i ye shes kyis// skye ba'i phung po zil gyis mnan// de yang 'dus pa'i snying po nyon// rig pa chos kyi sku nyid ni// dus gsum sangs rgyas thams cad kyis// 'byung gnas thams cad nga yi thugs// 'di las ma rtogs sangs rgyas med// rang rig nges don dbang chen ni// sangs rgyas kun gyi mes po yin// 'di las ma byung sangs rgyas med// de phyir dbang gsum rab tu bsngags// rdzogs pa chen po nges don 'dus pa las/ rig pa dbang gi tshe ba bstan pa'i le'u steng drug pa'o// / de nas 'dus pa'i tshogs rnams la// kun rig rgyal pos bka' stsal pa// chos kyi 'khor gyi
- 50a
ba yis// sgom pa'i skyon ni rnam dag pas// rang rig ye shes ngos zin phyir// chos sku rtog pa med pa'i ngang // 'byung ba'i 'dod yon lnga spyod tshe// mangs spyod rdzogs pa'i sku yi dang // 'gro drug gzugs su snang ba'i tshe// sprul sku thub pa chen po'i ngang // da yang rdo rje sems dpa' nyon// dper na zangs lcags rnam pa la// gser 'gyur rtsi yis btab gyur na// thams cad gser du gyur pa las// zangs dang lcags su mi 'gyur bzhin// ma rig rtogs pa'i mtshan ma la// ye shes chos sku'i rtsis thebs na// khams gsum 'khor ba ming med cing // gdod nas ma spangs ye sangs rgyas// btsal ba med par ya nas grub// da yang 'dus pa'i snying po nyon// mi nub pa la don gsal phyir// de nyid lhun grub don rtogs nas// rtag na ye shes chen por rtag/ chad na 'khor brtsad nas chad// ldan na sku gsung thugs su ldan// snang na rang rig ye shes snang // yin na ya nas sangs rgyas yin// min na khams gsum 'khor ba man// dag na rnam rtog mtshan ma dag/ da yang 'dus pa'i snying po nyan// gol na chos kyi sku ru gol// 'phros na chos kyi dbyangs su 'phros// bying na ye shes glong du
- 50b
bying / gas man rang byung chos skur gsal// 'phyos na chos nyid klong du 'phyos// de rtogs yon tan skyon rnams kun// skur 'dus pa mi don rtogs nas// rnam rtog nyid kyang ye shes yin// da yang rdo rje sems dpa' nyon// rang byung ye shes chos sku ni// ma sgoms ye shes chen po'i don// brjed pa med pa'i shes rab la// dmigs pa med pa'i ting 'dzin gsal// shes pa drang dad so ma la// 'du shes mi bskum brtul zhugs bskyed// ci yang mi bsgom gang yang min// ye shes zang thal nyid du gzhag/ rdzogs pa chen po nges don 'dus pa las/ chos sku 'khor gyi che ba'i snang ba dag par bstan pa'i le'u steng bdun pa'o// // de nus 'dus pa'i 'khor rnams la// kun rig ston pas bka' stsal pa// longs sku 'khor gyi snang ba ni// kun bzang rol pas dag pa'i phyir// sdug bsngal sna tshogs skyes pa'i tshe// ye shes bde ba chen po'i dang // phyi nang sgra skad sna tshogs pa// gsang sngags gsung gi 'khor lo yin// rkyen gyi chags sdang skyes pa'i tshe// rang byung ye shes shar ba yin// shA dang ser pa la sogs pa// kun bzang thugs rje'i rol pa yin//
- 51a
ngam grog tsher dong g.yang sa yang // rnam par thar pa'i zhing khams yin// da yang 'dus pa'i snying po nyon// mtshan ma spangs pa'i pha rol na// sgom pa bya ba logs na med// sdug bsngal spangs pa'i pha rol na// bde ba bya ba logs na med// gti mug spangs pa'i pha rol na// rang rig ye shes logs na med// 'dod chags spangs pa'i pha rol na// bde zhing skyid pa logs na med// zhe sdang spangs pa'i pha rol na// snying rje bya ba logs na med// 'khor ba spangs pa'i rlol na// mya ngan 'das pa logs na med// da yang 'dus pa'i snying po nyon// rang rig spangs pa'i pha rol na// sangs rgyas rtogs pa'i mang yang med// chos can spangs pa'i rol na// chos dbyings rnam dag logs na med// chos nyid yi nas bsgom med la// sems la dmigs pa med pa'i phyir// rang gsang dam pa'i snying po 'di// sangs rgyas kun gyi nges pa'i don// yang dag rang byung chos sku ni// mi dmigs par yang bsgom du med// bya bral nam mkha' ji bzhin no// rdzogs pa chen po nges don 'dus pa las/ longs su'i 'khor gyi snang ba grol bar bstan pa'i le'u steng brgyad pa'o// // de nas 'dus pa'i
- 51b
'khor rnams la// kun rig rgyal pos bka' stsal pa// sbrul sku 'khor gyi che ba ni// rtog med yang dgangs bshad kyis// legs par nyon la yid la zung // rang byung snying po nges don 'di// lung ldan rtogs pa'i ye shes kyis// gal te mtshan ma rgyun yang // dran rtog dgag sgrub med pa'i phyir// rnal 'byor spyod lam thams cad du// ma dran gnyid dang dug la sogs// gar dgar song tshe de nyid la// ngo bo nyid dran gnod mi nus// da yang rdo rje sems dpa' nyon/ gdams ngag rkyen dang phrad tsan// dbang po rab kyis btsal du med// thams mi rtogs gdams ngag min// sgyu ma'i lus la spyad pas 'khrul// dang po kun bzang thugs rjes kyang // don nyid tshig tu phyung ba'i phyir// tshig gi don ni mtshon par nus// tshig nyid don min zer ba 'khrul// da yang 'dus pa'i snying po nyon// gang zag bkri don bden gnyis bral// yang dag snying po'i chos nyid la// bsgom du yod dang med pa yi// tshig tu 'dzin med yanas bden// snang ba'i yul la rtogs med phyir// sems la gtad cing gzung du med// ji srid bar du gtad yod na// de srid bar du 'khrul pa yin// de phyir gtad dang gzung du med//
- 52a
de la skyon gyis gos pa med// da yang 'dus pa'i snying po nyon// rang rig chos sku'i dgongs pa 'di// sems las 'das pa'i sangs rgyas la/ gang yang ma spangs rig par gsal// de don sangs rgyas dgongs pa yin// sems med chos sku rtogs pa'i phyir// yul nyid sems su mi sgom pas// sgom pa po yang med par 'gyur// gang gis gang la bsam zhing sgom// de phyir rang sems rtogs pa chog/ da yang dus pa'i snying po nyon// rang gsal snang ba zhen med pas// rgyun du yod pa'i chos nyid la// ma yengs don la gang gnas pa// de ni rnal 'byor dam pa'i lam// rdzogs pa chen po nges don 'dus pa las/ sprul pa'i sku 'khor gyi che ba'i mtshan ma'i rnam rtog dag par bstan pa'i le'u ste nga dgu pa'o// // de nas kun rig rgyal po yis// byang chub sems kyi che ba'i don// 'dus pa'i 'khor la bka' stsal pa// ma rtogs sgo ma skyon rnam dag pa'i// snying po don gyi 'bras bu'i chos// gang zhig snod dang ldan pa yi// shes gnas de la gang gnas pa// rang rig nyid la dbang thob phyir// skye ba gzhan du mi len par// sangs rgyas rigs chen 'dzin pa tho ba//
- 52b
da yang rdo rje sems dpa' nyon// rang byung chos sku de nyid ni// ji bzhin ma bcos ma pa smad par// de bzhin nyid du blo gzhag nas// ye shes de nyid ma yin pa// sgru ba dang sgrub pa ga la yod// da yang 'dus pa wa slong po nyon// de phyir yer shes mngon gyu ra na// meng la mi zar rin rla na ga ta ra// khams gsu ma rin che na rA da pa'i mi/ te ji ltar 'dod pa bzhin du 'byung // de bzhin ye shes chos sku 'di// rtogs pas chog phyir rang byung sku// che ba'i yon tan rgyun mi 'chad// cir yang kun 'byung chos kyi gter// de bzhin nyid du kun rig na// 'khor ba dang ni mya ngan 'das// so sor yod pa ma yin te// de bzhin nyid de rtogs nges na// de la 'khor ba'i rang bzhin med// da yang rdo rje sems dpa' nyon// bya nga ni nyon mongs bag chags bya nga // chub ni chos sku'i thig le chub// sems ni skyon bral 'gyur ba med// che ba rang byung ye shes che// de phyir byang chub sems zhes gsungs// de yang 'dus pa'i snying po nyan// ma btsos pa yi man ngag gis// lta ba spangs pa'i nam mkha' la// 'dzin rtog med pa'i ye shes brda la// gang yang ma spangs lhun gyis grub// mi g.yo mi rtog de la lta// de mthong mun pa rnam dag
- 53a
sangs sangs rgyas kun gyi mchog tu bshad// rdzogs pa chen po nges don 'dus pa las/ byang chub sems kyi che ba bstan pa'i le'u ste drug cu pa'o// // de nas rdo rje sems dpa' mis// 'dus pa'i 'khor la phan don du// kun rig ston pa chos rje la// bden pa'i yid kyis 'di skad gsol// gnyis med gsum gyi la bzla ba'i// sangs rgyas sems can ji ltar gcig/ skyon yon gzhi la ji ltar med// 'khrul pa ma rig gang ltar dag/ kun rig rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// la bzla ba yi gtan tshigs ni// dus gsum sangs rgyas thams cad ni// yang dag rtsa ba'i ngo bo gcig/ de nyid rtogs pa'i ye shes yin// da yang 'dus pa'i snying po nyon// sems can kun gzhi la gnas pa'i// bde gshegs snying po chos sku des// kun khyab ngo bo rang byung thugs// de phyir sangs rgyas sems can gcig/ rig dang ma rig gnyis ka'i gzhi// rang byung ngo bo nyid kyi sku// de phyir gnyis su med pa ni// nges pa'i don dul bzla'o// de yang rdo rje sems dpa' nyon// rang
- 53b
gi ngo bo kun gyi gzhi// sangs rgyas sems can gnyis la gnas// de phyir ngo bo gcig pa ni// rgyal ba kun gyis rab tu ba sngags// chos kyi snying po rang byung sku// 'khor 'das rtsa ba de phyir yin// de la sangs rgyas sems can byung // de phyir rang byung kun gyi gzhi// dper na mar ma stong btang yang // 'od kyi ngo bo gcig las med// de bzhin sangs rgyas rnams la yang // thugs ni thig le nyid du 'dus// sems can rnams kyi rnam smin gyis// ma rig rkyen las bskyed pa'i phyir// skye 'gro gzugs sogs mang gyur kyang // don ma shes pa sems can de// bskal par 'khyams kyang stor bral med// de phyir sangs rgyas sems can gcig/ gcig pas 'khor 'das sna tshogs bskyed// de phyir rang byung ngo bo de// rtogs par bya ba shin tu gces// da yang 'dus pa'i snying po nyan// sangs rgyas thugs dang sems can sems// so sor snang ba ma yin sems// rtsa ba chos skur ro gcig pas// gnyis su med par la bzla 'o// rdzogs pa chen po nges don 'dus pa las/ sangs rgyas sems can gzhi gcig par la brla bstan pa'i le'u ste re gcig pa'o// /
- 54a
de nas 'dus pa'i 'khor la bka' stsal pa// skyon yon gzhi la med pa'i don// 'khor ba dag gi sdug bsngal ni// nyon mongs brgyad khri bzhi stong dang // nad ni bzhi brgya rtsa gcig dang // ye 'bro gsum brgya drug cu yang // skye rgan 'chi bzhi ru 'dus// sangs rgyas rnams kyi che ba ni// dpe byad bzang po brgyad cu dang // mtshan ni sum cu rtsa gnyis dang // stobs dang mi 'jigs la sogs pa// thig le chos sku rtogs par 'dus// da yang rdo rje sems dpa' nyon// bsod nams tshogs bskyed 'bras bu ni// sangs rgyas che ba'i yon tan yin// ma rig pa la sogs pa yi// sems can lus dang bag chags yin// dge sdig gnyis kyi 'bras bu ni// drang don chos la bden 'dzin kyang // gzhi la skyon yon gnyis med phyir// blang dor med par la bzla'o// da yang 'dus pa'i snying po nyon// dper nAr khrul pa'i snang ba yang // gtsang dang mi gtsang gnyis ka'i gzhi// mud pa la sogs gang rung la// bya gyi rnams kyi zas su mthong // mi rnams kyis ni mi gtsang mthong // de phyir snang ba ma nges phyir// don la blang dor med pa yin// da yang 'dus pa'i snying pa nyon// gzhi
- 54b
ma snang ba med na yang // rang gi rang sems 'khrul pa'i phyir// 'jig rten chos la blang dor byas// de phyir ma rig rmongs pa nor// de bas snang zhing grags pa'i chos// med la yod 'dzin bag chags blos// chos brgyad bzang ngan gtsang smral// slong sdud blang dor med par ni// ma zhen dam par lta med na// snang ba rang sar grol ba'i phyir// blang der med par la bzla'o// de yang 'dus pa'i snying po nyan// yang dag chos sku gcig cig la// gang yang med phyir blang dor med// dephyir nges don snying po la// bsgom du yod med 'bral ba med// nges don sangs rgyas dgongs pa la// nyi shar mun pa bsgrib pa ltar// nges don rtogs pas skyon yon med// de phyir blang dor med pa yin// da yang 'dus pa'i snying po nyon// chos sku ye shes ngos zin na// gang yang rang byung lhun grub chos// de las gzhan pa'i chos med phyir// blang dor med par la bzla'o// rdzogs pa chen po nges don 'dus pa las/ skye na yon gzhi la med par la bzla ba'i le'u ste re gnyis pa'o/ ta de nas 'dus pa'i tshogs rnams la// kun rig ston pas bka' stsal pa// chos sku gzhi nges rtogs pa la// ma rig mer
- 55a
pas dug lnga grol// thams cad rang byung chos skur gsal// lung ldan rkyen gyis ma rig dag/ dug lnga byang chub la ma yin phyir/ sgyu lnga lhun grub ye nas rdzogs// 'dod chags longs spyod rdzogs pa'i sku// zhe sdang sprul sku yi sangs rgyas// gti mug chos sku ma rig sangs// nga rgyal ngo bo nyid skur dag/ phrag dog gsang ba'i sku ru rdzogs// dug lnga gcig shes byang chub sku// da yang 'dus pa'i snying po nyan// ye shes yod na ma rig med// de phyir lung ldan nges pa'i don// bka' ba rgyud chos 'di sangs rgyas gsungs// ma rig sel ba'i sgron ma bzhin// nyi blas de la 'gran mi nus// ma rig med phyir sangs rgyas 'grub// ye shes shar bas thams cad mkhyen// da yang rdo rje sems dpa' nyon// thig le rtogs pas gang yang 'grub// kun gzhi brlag pas yon tan rdzogs// snang ba med pas zhing khams dag/ sems dang bral bas chos skra gsal// ma rig med pas gzhi dang phrad// rten pa med pas re ba med// gol sa med pas ltung ba med// 'khor ba med pas dogs pa bral// da yang 'dus pa'i snying po nyan// bsgom du med pas yengs mi srid// skye 'gag med pas bying
- 55b
rgod sangs// rang byung rig pa'i ye shes 'di// sus kyang ma byas byed pa med// de phyir chos kyi snying po yin// rdzogs pa chen po nges don 'dus pa las// ma rig pa gzhi la med cing dag par bstan pa'i le'u ste re gsum pa'o// // de nas rdo rje sems dpa' yis// 'dus pa'i 'khor la phan don du// kun rig sems kyi rgyal po la// bden pa'i yid kyis 'di skad gsol// chos rnams skye ba ji ltar med// rol pa 'gag med ji lta 'byung // mtshan nyid gnyis med gtan tshigs gang // rang blo nga ba dza ltar grol// kun rig ston pas ba shad du gsol// de skad zhus pa'i don gsan nas/ 'dus pa'i 'khor la bka' stsal pa// rang bzhin skye med gtan tshigs ni// gzhi la snang ba med pa'i phyir// chos rnams thams cad spros dang bral// de phyir rang bzhin skye ba med// tshig tu smra ba rjod yul las 'das// brjod med don la yid ches phyir// rang gsal skye med chos kyi sku// de don nges par rtogs pas chog/ da yang 'dus pa'i snying po tan// chos sku stong pa'i rang bzhin la// ngo bo nyid kyis dmigs su mad// de phyir ye shes glong gi lam// rtog pa'i
- 56a
smra bas ma yul las 'das// dngos gzhi med phyir skye ba med// skye med don de sus rtogs pa// de ni rnal 'byor dam pa'i thugs// skye med don la yid ches pas// rang byung thugs la ye shes lus// kha dog dbyibs su med pa'i phyir// dngos po yul gyi mtha' las 'das// skye med chos ni de bzhin gshegs// rang gi ngo bo brjod du med// rgyu med phyir na skye ba med// rkyen med phyir na 'jig pa med// de phyir sems dang bral ba'i thugs// da yang 'dus pa'i snying po nyan// rang bzhin rkye med spros bral yang // brjod du med par rang yid ches// rgyu rkyen ma bskyed don gyi phyir// lhun gyis grub par thag char rdzogs pa chen po nges don 'dus pa las/ rang bzhin skye ba med pa'i gtan tshigs bstan pa'i le'u ster bzhi pa'o// nas 'dus pa'i 'khor rnams la// kun rig ston pas bka' stsal ba// rol pa gang yang mi 'gag pas// skye med skye ba'i cho 'phrul 'byung // de phyir rol pa 'gag med pas// sangs rgyas kun gyi che ba bshad// da yang 'dus pa'i snying po nyon// phyi nang 'byung ba sna tshogs pa// snang stong dbyer med kun khyab
- 56b
mngar// mtha' dbus med las thams cad 'byung // de phyir nam mkha' kun gyi gzhi// rtsi shing nags tshal thams cad bskyed// theg chen po las kun gnas sa// byang chub dper ni bstan pa'i phyir// des na rol pa 'gag pa med// thams cad sdud par byed pa'i phyir// gzhi gnas rnam dag chu chen po// mi gtsang gol sgrib 'khrud pa'i dpe// de phyir rol pa 'gag pa med// gang yang chags pa'i rten med phyir// shes bya thog med ye shes rlung // ma rig rnam rtog 'thor ba'i dpe// de phyir kun bzang rol par bstan// thams cad ma lus kun bsreg phyir// lhag mthong ye shes 'od 'a bar dpe// bying rgod mthar 'dzin 'joms pa'i dpe// de phyir rol pa 'gag pa med// de yang 'dus pa'i snying po nyon// chos sku ngo bo nyid kyi rtsa la// snang ba 'di ni chos kyi dbyings/ de ang rang gsal chos nyid rtsa la// 'byung ba ye shes lA ru dag/ de phyir 'gag med rol pa yin// da yang rdo rdza sems dpa' nyon// theg pa'i chos rnams thams cad ni// ma 'dres yod rdzogs gsal stong gzugs// cir yang snang ba sprul pa'i sku// de phyir rol pa 'gag med yin// snang srid
- 57a
'byung ba'i sgra skad kun// khyab gsal rang bzhin go ba'i zla// gsang sngags gsung gi 'khor lo shar// de yang 'gag med rol pa yin// da yang 'dus pa'i snying po nyan// rang gi nges pa'i ma shes kyi// dngas pas tshim byed chos kyi dri// lhag mthong tshor ba rang byung sku// de yang chos nyid rol pa yin// chos sku thig le nyag gcig la// rtsa la ni chos nyid nyams su myong // myong yang don du 'dzin pa med// de yang 'gag med rol pa yin// rang byung sangs rgyas ye shes de// bde mchog don la reg pa'i chos// de rtsa la don la 'gyur ba med// de yang 'gag med rol pa yin// de yang 'dus pa'i snying po nyan// ci yang mi sems gti mug la// lhag mthong rang rig ye shes shar// de tsam nyid na sgom mi dgos// de nyid gol sa 'gag med yin// snga phyi rtog pa ngos zin pa sata/ dngos po kun pa tsam zhe sdang nyid// de yi don la 'gyur ba med// 'gag med nga yi rol pa yin// nges pa'i lung ldan gdams ngag gis// gded nyams che ba'i don nyid la// ye shes nga rgyal bdag nyid che// nges pa'i don dang bral mi phod// sdug bsngal gang yang med pa'i phyir// bde chen rang bzhin snying rje chags//
- 57b
zhen pa gang yang med pa'i phyir// de yang 'gag med rol pa yin// gol dang ltung ba med pa'i phyir// chos nyid gzhan dang phrag dog med// de phyir rang byung chen por shar// de yang 'gag med rol pa yin// de yang 'dus pa'i snying po nyon// 'byung ba 'dod yon dug lnga yang // thams cad ye shes chos skur shar// kun gzhi rang byung de shes pas// kun la dbang bskur thob pa yin// rdzogs pa chen po nges don 'dus pa las/ rol pa 'gag med kyi gtan tshigs bstan pa'i le'u ste re lnga pa'o// // de nas kun rig ston pa yis// 'dus pa'i 'khor la bka' stsal pa// mtshan nyid gnyis med gtan tshigs kyis// nges don rtsa ba chos sku la// lung ldan rkyen gyis yid ches bya// sangs rgyas sems can ngo bo la// rang byung yin phyir gnyis su med// de yang rdo rje sems dpa' nyon de nyid rtogs pas 'khor 'das dag/ de phyir mtshan nyid gnyis su med// phyi dang nang dang snod dang bcud// mtho ris ngan song dge dang sdig/ dag dang ma dag gtsang sme dang // yin dang min dang blang dor dang // bya dang mi bya skyon yon sogs// tha snyad gnyis su gsungs pa kun// dper na ri bo ngarwa bzhin du// tshig
- 58a
tu yod la don la med// de phyir mtshan nyid gnyis med pa'i// gtan tshigs chen por bzhag pa yin// da yang 'dus pa'i snying po nyon// mtha' dang bral ba chos sku 'di// med pa ma yin dran dang tshor// chad pa ma yin rig cing gsal// rtag pa ma yin dngos po med// gnyis su ma song zla bo med// gcig tu ma song kun la med// da yang rdo rje sems dpa' nyon// chos can rang gi mtshan nyid ni// gdod nas gnyis su med pa yi// chos rnams rtsa ba gcig pa'i don// gtan tshigs dag gis yid ches bya// gnyis med ces ni brtags pa ni// 'dres pa don med ma yin te// gang dang ma 'dres rang byung sku// chad dang gnyis med ma yin te// sangs rgyas snying po chos sku yod// de phyir gzhi la 'khor 'das med// gnyis ka reg phyir mthas ma reg/ rang byung chos sku nam mkha' 'dra// rdzogs pa chen po nges don 'dus pa las/ mtshan nyid gnyis su med pa'i gtan tshigs bstan pa'i le'u ste re drug pa'o// // de nas 'dus pa'i 'khor rnams la// kun rig ston pas bka' stsal pa// ngo bo nyid du blo grol ba/ gtan tshigs nges par yid ches don// lus ngag rtsol ba med pa'i phyir// rang
- 58b
byung blo la 'ching grol med// de phyir ngo bo nyid du gnas// da yang rdo rje sems dpa' nyon// gzung 'dzin skyon gyis ma gos pas// rnam rtog blo ni reng sar grol// de phyir nges don ye shes glong // rgyu dang rkyen las ma byung bas// rang byung ngo bo nyid kyi sku// de nyid rtogs pas chos skur grol// yang dag sangs rgyas 'di las med// da yang rdo rje sems dpa' nyon// chos nyid dus gsum mi 'gyur phyir// las kyi dbang du gzhi mi 'gyur// de phyir chos sku rtogs pas grol// de la sogs pa gang yang med// nges pa'i lung ldan yid ches pas// nges pa'i gdeng rnyed rnal 'byor pas// mi yi lus ni 'di nyid la// sangs rgyas 'bras bu da lta thob// de phyir rang blo ngo bo nyid// dus 'dir rtsol bas btsal du med// 'dzin med gsal bas sgom pa la// de phyir yang dag dgongs pa'i ga deng // de dang su ldan rnal 'byor mchog/ de yang 'dus pa'i snying po nyon// byang chub sems ni rnam dag pas// de don rang byung don rtogs pas// sangs rgyas gzhan du sgrub mi dgos// de phyir lung ldan gdams ngag gces// chos nyid dag tu blo grol phyir// nyon mongs dug lnga rang sar grol// de la skyon gyis ma gos te//
- 59a
rang byung lus la ye shes thugs// sems can rang blos 'dzin pa med// de phyir nyams pa rdul tsam med// da yang 'dus pa'i snying po nyon// 'jig rten ma lus thams cad kun// bsam gyis mi khyab tshig rgyur kyang // nam mkha' tshig par mi 'gyur bzhin// nges den rtogs pa'i rnal 'byor la// lha srin mkha' 'gro dgrar langs kyang // gnod pas mi tshugs bka' bzhin byed// de phyir lung ldan shin tu gnyen// rdzogs pa chen po nges don 'dus pa las// dang blong bo nyid du grol ba'i gtan tshigs bstan pa'i le'u ste re bdun pa'o// // de nas kun rig ston pa la// 'dus pa'i 'khor gyi don ched du// rdo rje sems dpas 'di skad gsol// nges don gdul bya 'bras bu yi// sku gsum ston pa ji ltar byung // de 'khor las can gang las gsungs// 'gyur med rgyun gyi dpe don gang // mnyam pa'i rgyal pos ba shad du gsol// de skad zhus pa'i don gsan nas// kun rig ston pas bka' stsal pa// sangs rgyas ngo bo sku gsum las// chos sku rang byung rig pa de// dus gsum dag tu skye 'gag med// 'gro 'ong med par yenas gnas// da yang 'dus pa'i snying po nyan//
- 59b
nges don chos sku'i 'thun dpe ni// 'dus ma byas pa'i nam mkha' che// dngos med kun khyab dus gsum gcig/ mtha' dbus ris su dbye ru med// de don rang byung ngo bo de// chog tu brjod med rang rig sku// thugs la gsal phyir nges shes pas// de phyir kun bzang chos kyi sku// zhing khams chos nyid bde ba'i glong // rang bzhin 'og min byang chub thugs// de la 'gyur ba rdul tsam med// rang byung rig pa rnam par dag/ snying po chos sku thugs sgo nas// rgyu 'bras gzhi la med pa'i don// chos nyid rtsol bral snying po yis// 'khor 'das ma reg lhun rdzogs chos// chos sku ston pa kun bzang gis// dgongs pa nges don byin rlabs kyis// phyogs bcu nyid las mi zhan 'khor// dus gsum sangs rgyas nyid la bshad// rdzogs pa chen po nges don 'dus pa las// chos sku'i gdul bya bstan pa'i le'u ste re brgyad pa'o// // de nas 'dus pa'i 'khor rnams la// kun rig ston pas bka' stsal pa// sangs rgyas longs spyod rdzogs pa'i sku// de yi gdul bya nges par 'byung // de don legs par bshad kyis nyon// mangs sku 'byung ba'i 'thun dpe ni// nam mkha' dngos
- 60a
med stong pa la// gzha' tshon rnam ldum 'dres gsal// de tsam nyid na dngos med yin// de bzhin rang gi ngo bo yang // rkye med chos sku nyid kyi rtsal// rigs lnga sku mdog brgyan pa 'byung // de phyir longs sku'i sangs rgyas yin// kun gzhi chos sku bzhi cha la// snga phyi bag chags med par gsal// 'byung lnga rol pa sna tshogs kyang // zhen pa med phyir chos nyid dbyings// yang dag nges pa'i 'bras bu rnyed// longs spyod rdzogs pa'i sku sgo nas// ldem dgongs gyi nang gsang ba'i don// sa bcu'i rigs 'dzin sems dpa' la// gsang sngags rang gi ngo bos skyon// rdzogs pa chen po nges don 'dus pa las/ longs glu 'khar gyi gdul bya bstan pa'i le'u ste re dgu pa'o// / de nas 'dus pa'i tshogs rnams la// kun rig rten pas bka' stsal pa/ sprul pa'i sku mi sangs rgyas ni// cir yang ston phyir sprul pa'i sku// 'gro ba'i don phyir gdul bya ste// ci rigs par ni don mdzad do// de yang 'dus pa'i snying bai nyan// gzhan don sbrul sku'i 'thun dpon// nges med zag cha byung dang ni// seng gi chu zla gzugs brnyan dang // u dum ba ra'i me tog 'dra// sprul
- 60b
sku rang gi ngo bo ni// thub pa drug tu sku sprul te// mi yis shAkya thub par mthong // lha mi rnams kyi ston pa yin// da yang rdo rje sems dpa' nyon// zhing khams// khams gsum gnas 'di yin// 'gro drug sems can las dag na// tshogs gnyis bsags thabs la brten nas// sgrib sbyangs 'bras bu rim gyis 'byung // spru la sku gsung gi sgo nas ni// gang la gang 'os drang don du// dge sdig rgyu 'bras gnyis kyi chos// sdeb sbyor lags pa'i tshig tu ston// rdzogs pa chen po nges don 'dus pa las/ sprul sku 'khor gyi gdul bya bstan pa'i le'u ste bdun cu pa'o// // de nas 'dus pa'i 'khor rnams la// kun rig ston pas bka' stsal pa// 'bras bu nges pa mthar thug phyir// che ba'i yon tan gtan la dbab// de don legs par ngas pa shad nyon// 'khor 'das gnyis kyi gzhir gyur pa// rang byung ngo bo nyid kyi sku// de la 'khor 'das thams cad bskyed// gzhi la 'khor 'das grub pa med// 'khrul ngor bden gyi don la med// de phyir rang byung kun gyi gzhi// de la bskyed par nus pa med// da yang rdo rje sems dpa' nyon// dper na gser rgyu gcig pa la// dbyibs dang gzugs ni tha
- 61a
dad kyang // byas pa de dag ming re grags// grags kyang gser gyi ngo bor gcig/ de bzhin 'khor 'das sna tshogs la// blun po rnams kyis tha dad bzung // de phyir spong sdud zhen pa byas// gzhi la ngo bo gcig las med// da yang 'dus pa'i snying po nyon// dper na nor bu rin chen ltar// rnyed pa yod la stor ba med// rang byung ngo bo rtogs pa la// ma btsal yon tan thams cad 'byung // de phyir chos sku nyid kyi rtsa la// rtogs pa'i byin rlabs sku gsum byung // chos sku kun bzang nges don la// rtogs pas phyogs phyir ye sangs rgyas// de yang 'dus pa'i snying po nyon// sku yi sprul pa snang mdzad kyis// dag par spyod pa'i rnal 'byor la// phyi rgyud rnam gsum chos bstan te// rdo rje 'dzin pa'i sa ru brtags// dper na gsar sprul mig gis ni// 'dod pa'i yon tan rnam lnga yang // dus gcig nyams su myong ba yin// dar ya rkan gyi sman mchog bzhin// sku dang ye shes ma lus pa'i// che ba'i yon tan 'byung 'dod pa// gzhan don smon lam mthar phyin pa// longs spyod rdzogs sku'i 'gro don byed// de yang 'dus pa'i snying po nyon// thugs kyi sprul pa byung ba ni// rdo rje sems dpa' nyid
- 61b
yin te// snod dang ldan pa'i rigs 'dzin la// rgyud lung gnyis ni nges pa'i chas// skye ba rtse gcig bsgrubs gyur na// rdo rje 'chang gi sa la gtugs// da yang 'dus pa'i snying po nyan// sma na mchog rgyal po chen po'i dpe// lha yi bdud rtsi ma ki tas// shi ba kun slong sman gyi mchog/ gang la reg pas 'tsho ba ltar// yang tig thig le nyag gcig la// nges pa'i lung ldan don bstan na// lus ngag rtsol ba mi dgos phyir// bstan dang sangs rgyas dus mnyam byung // de phyir man ngag shes pas chog/ da yang 'dus pa'i snying po nyon// gsung gi sprul pa shAka thub kyis// sems can skye bo las dag la// sde snod rnam pa gsum gyi chos// bskal pa grangs med rnam gsum na// 'bras bu bcu gcigs gnon 'dod// de yang 'dus pa'i snying po nyon// dper na dpag bsam ljon shing la// bsod nams che chung rim pa yis// 'bras bu sna tshogs rab 'bring 'byung // de phyir las dang rkyen las byung // de bzhin drang don chos rnams kun// gang zag blo yi rim pa la// ci rigs pa yi chos bstan pas// 'bras bu lha dang mi ru skye// da yang 'dus pa'i snying po nyan// drang don chos kyi sangs mi rgyas// a 'a bra'i 'bras bu smin mi srid//
- 62a
ma rtogs chos kun ci spyad kyang // rnam par grol bar mi 'gyur ro// rdzogs pa chen po nges don 'dus pa las/ rang re'i 'bras bu mthar thug pa'i le'u ste don gcig pa'o// // de nas 'dus pa'i 'khor rnams la// 'gyur med don gyi dpe don ni// kun rig ston pas bka' rtseg pa// chub chen pa'i dpe ban yis// s+m+R+YuM 'gyur dan chen ngas mtshan pa// bshad kyis 'khar rnams legs par nyan// chu gzhan skye 'bri ma mar kyi/ chu bo chen po gang+gA la// dbyar skye dgun bri med par mi// rgyun mi 'chad par rtag pa bzhin// rang byung skye med rnal 'byor la// dus dang rnam pa thams cad du// lta ba 'phel 'grib med par ni// ye shes chen po rgyun mi 'chang // de yang 'dus pa'i snying ba nyon// chu gzhan mtsho rab mod med kyang // chu bo chen po bak+ku la// gting la ring thung med 'bab cing // drag dal med par snyoms pa bzhin// theg gzhan res 'jog yod gyur kyang // nges don chos kyi ting 'dzin la// thun mtshams med par rgyun du gnas// de phyir 'byung 'jug med par gsal// da yang 'dus pa'i snying po nyon// chu gzhan 'gyur 'gyur yod mod kyang // chu chen nai ran dzar la// kyag
- 62b
kyo ga med par dal 'bab cing // drang po 'gyur ba med pa bzhin// theg gzhan blang dor che byed kyang // nges don yang tig rdzogs chen la// bzang ngan che chung med par ma nyam// 'gyur med blang dor med par spyod// da yang 'khor gyi snying po nyon// chu gzhan sman dug gnyis yod kyang // sI ta chu bo chen po la// dug med sman gyis nad kun sel// kun la phan pa'i sman mchog bzhin// nges don rtogs pa'i 'bras bu ni// gol sgrib lhad med nges pa'i chos// 'gro ba kun la phan pa'i chos// phyi ma ma yin dus 'dir 'byung // da yang rdo rje sems dpa' nyon// chu bo bzhi 'dus rgya mtsho ru// chu bran mang po kun 'dus phyir// rgya mtsho chen por ro gcig kyang // chos sku thig le nyag gcig tu// lta sgom spyod pa 'bras bu 'dus// de phyir rang rig chos sku nyid// de rtsa la snang ba chos dbyings la// gang yang mi 'gal lhun gyis grub// rdzogs pa chen po nges don 'dus pa las/ 'gyur ba med pa'i dpe don mthar thug bstan pa'i le'u ste don gnyis pa'o// // de nas rdo rje sems dpa' yis// 'dus pa'i 'khor la phan gdags phyir// kun rig chos kyi rgyal po la// nges pa'i dgongs don 'di skad gsol// mtshan nyid sangs rgyas ji ltar bzhed//
- 63a
kri yog sangs rgyas ji ltar 'dod// bskyed rdzogs gnyis kyi sangs rgyas gang // yang ti sangs rgyas ji ltar gnas// kun rig ston pas bshad du gsol// de skad zhus pa'i don gsan nas// kun rig ston pas bka' stsal pa// nyan thos rang rgyal mdo sde ni// bskal pa grangs med gsum du ni// tshogs ni rnam pa gnyis bsags te// lam lnga rim gyis bgrod byas nas// dka' thub mthar phyin 'bras bu des// bud med lus bor pho lus thob// bden bzhi spang blang nyan thos kyi// sa rnams non pa'i 'bras bu ni// dgra bcom chen po sdug bsngal bral// tshangs par spyod pa dge slong tshogs// bde skyid ldan pa sprul sku'i tshul// bya ba byas shing ha ra han// zag pa med cing 'khor ba stongs// da yang 'dus pa'i snying po nyan// yang ti rdzogs chen yas bltas na// 'gro don mi byed thabs dang bral// chos sku ma rtogs shes rab bral// lung ldan nges pa'i don ma mthong // thabs dang shes rab bral ba'i phyir// nyan thos rang rgyal nyid du ltung / de phyir nges pa'i sangs rgyas min// de yang rdo rje sems dpa' nyon// byang chub sems dpa'i 'bras bu yang // byang chub mchog tu sems bskyed nas//
- 63b
'gro ba'i don du dka' spyad phyir// thabs ni pha rol phyin pa bcus// sgrib gnyis sbyangs nas tshogs gnyis rdzogs// de yang 'dus pa'i snying po nyon// kun tu 'od kyi sa la ni// ma lus med par longs sku'i tshul// mtshan dang dpe byad thams cad ldan// don dam rang bzhin med pa'i phyir// sangs rgyas che ba'i chos kun mkhyen/ gdul bya 'khor gyi longs skur mthong // da yang 'khor gyi snying po nyan// byang chub sems dpa'i sangs rgyas kyang // yang ti rdzogs chen yas bltas na// nges don snying po ma mthong phyir// gzhi nas ma rig yod pas na// rtsol ba byas pas chos sku bsgribs// de phyir yang dag sangs rgyas min// rdzogs pa chen po nges don 'dus pa las/ rgyu mtshan nyid kyi sangs rgyas bstan pa'i le'u ste don gsum pa'o// // de nas kun rig rgyal po yis// 'dus pa'i 'khor la bka' stsal pa// krI ya lha dang lha mo dang // pho mo gnyis kyi tshul du gnas// ma sring lcam dral tshul du yod// thabs dang shes rab bde pa yang // lha yi tshul du bltas pas tshim// mi tshe bdun du bsgrubs pa'i mthus// drang srong rigs 'dzin sa thob tshe// skye ba med pa'i rdo rje 'dzin// rigs/
- 64a
gsum mgon po sangs rgyas pa// bram ze'i tshul du gtsang spyod pas// dag pa'i sangs rgyas 'ba' zhig yod// de yang 'dus pa'i gling po nyon// kun kyang longs spyod rdzogs skul// gzugs brnyan chu zla lta bu des// 'gro don smon lam stobs kyis byed// de phyir dag pa'i sangs rgyas 'dod// da yang rdo rje sems dpa' nyon// yo ga rnal 'byor sems dpa' yis// 'bras bu phyag rgya bzhi bsgrub ste// 'bras bu stug po bkod pa'i sar// chos kyi dbyings su sangs rgyas 'dod// da yang 'dus pa'i snying po nyon// thabs dang shes rab bde spyod ni// lha dang lha mo kun kyang ni// longs spyod rdzogs pa'i cha byad can// sems dpa' sems ma mang po kun// 'jig bral med la ye shes lha// chags pa'i tshul gyis bteg pa'i tshul// lag bcang 'khyud pa tsam gyis kyang // bde ba chos kyi dbyings su smin// gsang sngags thabs chen 'bras bu'i mchog/ sangs rgyas san 'ja' tshon bzhin// rang bzhini med par skye shi bral// rnam par snang mdzad la sogs pa'i// sangs rgyas bde skyid kun ldan phyir// gzhal yas dkyil 'khor zhing khams rnams// bsam pa tsam
- 64b
gyis rang bzhin 'byung // dper na 'phrul dga'i langs spyod 'dra// da yang 'dus pa'i rnying po nyon// de dag gi yog sangs rgyas kyang // yang ti rdzogs che na yas ltas na// rtse da mo 'dra sta la te slob// yang dag nges don ma shes pas// re dogs yod phyir lhun grub min// rdzogs pa chen po nges don 'dus pa las/ gsang sngags phyi rgyud kyi sangs rgyas bstan pa'i le'u ste don bzhi pa'o// // de nas 'dus pa'i 'khor rnams la// kun rig ston pas bka' stsal pa// rnal 'byor chen po'i sangs rgyas ni// phung po khams dang skye mched sogs// ya nas sangs rgyas yin pa'i phyir// dkyil 'khor ma lus rang la rdzogs// de yang rdo rje sems dpa' nyan// de bsgrubs sangs rgyas skye ba 'dis// rdo rje 'chang gis non tshe// thabs dang shes rab bde spyod pa// dga' 'dus pho mo'i dpe bzhin du// 'khrig pa'i sbyor ba thabs kyis kyang // sangs rgyas thams cad skyed par byed// da yang 'dus pa'i snying po nyon/ ni khro'i lha tshogs rgyan dang bcas// 'dod chags 'khrig pa'i tshul du gnas// bde skyid sangs rgyas ngo bo la// ye nas lha yi dkyil 'khor nyid// grangs kyis
- 65a
mi lang ba sasan+ta// 'gra dun ma smras dus gcig cad// da yang 'khang kyi rkang brtan// chos rnams nam rtog dbye med pas// nam mkha' stong 'byung sna tshogs bzhin// skye shi med pa smos ci dgos// dus 'dir 'byung bas khyad par 'phags// de phyir thabs la brten pa'i mis// 'bras bu byang chub chud mi 'dza'// thabs kyi nang na dam pa'i mchog/ da yang rdo rje sems dpa' nyon// rjes su rnal 'byor sangs rgyas ni// ma bskyed rdzogs pa'i ye shes gloslong // lha yi dkyil 'khor rang byung sku// da yang 'dus pa'i snying po nyon// kun bzang rol pa thabs kyi yag/ kun tu bzang mo shes rab yum// bde chen gnyis med rig pa'i rtsa la// 'ja' tshon ris 'dra dngos med gsal// thugs ni rig pa'i ye shes can// phyi nang rtsal du gang yang shar// nam mkha'i dkyil du nyi zer tshul// rang la rdzogs pas bskyed mi dgos// btsal du med pas skye shi med// 'du 'bral med pa'i sangs rgyas la// kun tu bzang po'i sa zhes gdags// ra yang rdo rje sems dpa' nyon// de dag rgyud lung sangs rgyas kyang // yang tau rdzogs chen yas bltas na// rang byung nges don ma shes pas// ched du byed pa'i rtsol
- 65b
bas bsgribs// re dogs phra mo yod pa'i phyir// nges lung ma shes snang ba 'chel// gzugs can sangs rgyas 'dod pa'i phyir// chos sku'i sangs rgyas don la bsgribs// rdzogs pa chen po nges don 'dus pa las// thig le rgyud lung gis sangs rgyas bstan pa'i le'u ste don lnga pa'o// // de nas 'dus pa'i 'khor rnams la// kun rig ston pas bka' stsal ba// thig le nyag gcig mngon phyung nas// lung ldan nges pa'i don phyir du// rnam smin lus dang bral ma thag/ thog mtha' med par sangs rgyas tshe// skad cig gcig la ma rig sangs// lus med rig pa'i ye shes rgyas// rang byung thugs la skye shi med// thams cad mkhyen pa'i ye shes ldan// nam mkha' nyi ma'i snying po 'dra// da yang 'dus pa'i snying po nyon// ye shes lus can sangs rgyas la// sems can med phyir don mi dgos// rang byung rig pa'i chos sku la// rang la yod pa ngo shes phyir// ched du rtsol bas sgru ba mi dgos// rang byung rig pa'i chos sku la// dus gsum 'khrugs kyang 'pho 'gyur med// stong gsum 'khrugs kyang nyams mi srid// rang byung chos sku kha mog can// de yi gzugs brnyan gzugs sku gnyis//
- 66a
ma btsal 'byung ba chos kun ston// da yang rdo rje sems dpa' nyon// rgyud lung nyan thos yan chad na// 'bras bu gzugs sku 'byung mi srid// yid smon gyis ni sangs rgyas kyang // nges don yang ti sangs rgyas min// da yang 'dus pa'i snying po nyon// nges don rdzogs pa'i sangs rgyas ni// dus dang rnam pa thams cad du// 'dus ma byas pa'i sangs rgyas ni// dngos med rang byung rig pa'i sku// de don chos skur shes pa la// drang pa'i don du gzugs su 'byung // thabs la mi brten yon tan rdzogs// rdzogs pa chen po nges don 'dus pa las// yang dag par nges don sangs rgyas par bstan pa'i le'u ste don drug pa'o// // de nas rdo rje sems dpa' dang// 'dus pa'i tshogs la phan gdags phyir// bden pa'i yid kyis 'di skad gsol// rigs 'dzin sems dpa'i don ched du// sangs rgyas rtogs pa bshad du gsol// rgyal ba sras spru la don chad du// rigs 'dzin rtogs pa ba sha da du gsol// mkha' 'gro rnams kyi don chad du// rgyal sras rtogs pa 'dir gsungs shig/ dad nyan rnal 'byor don chad du// mkha' 'gro rtogs
- 66b
pa 'dir smros shig/ de skad zhus pa'i don gsan nas// kun rig ston pas bka' stsal pa// da yang 'dus pa'i 'khor bzhi kun// phyi rabs rnal 'byor don ched du// rang sems chos sku'i don rtogs pas// rang rang thugs la mnga' ba yi// tshig tu mtshon pa 'dir smros shig/ de skad gsungs pa'i don go nas// kun rig ston pa'i spun snga ru// 'khor rnams 'dud pa'i tshul gyis ni// rang rang rtogs pa brjod pa'i phyir// nyid las mi gzhan phyogs bcu nas// rdo rje gsang ba'i rin chen snying // dri med dregs pa las rab grub// rgyal ba'i dbang po bsod nams snying // zhi bab de dang nyi ma'i 'od/ nam mkha'i snying po'i bum gzigs rnams// go rims bzhin tu rtogs brjod phyir// nges pa'i dgongs don 'dir gsungs pa// rang sems dngos po med pa la// rig pa stong pa'i ngang la gnas// de phyir rang byung chos kyi sku// de la skyon gyis gos pa med// yang ni dgongs don 'dir gsungs pa/ rang byung rig pa'i ye shes la// dngos po mtshan ma med pa'i phyir// gang la 'du shes med 'jug pa// rtog med gsal ba sgom pa'i mchog/ yang
- 67a
ni dgongs don 'dir gsungs pa// dus gsum skye 'gag med pa'i phyir// rang rig chos skur ye shes gsal// snga phyi de lta med par gnas// de las ma'i da' chos nyid la// de don mi rtogs dgongs pa'i mchog/ yang ni dgongs don 'dir gsungs pa// sangs rgyas thugs ni chos kyi sku// phung po med phyir rgud pa med// skye shi med par rang byung smra// de nyid rtogs pa'i lta ba la// de don yengs med sgom pa'i mchog/ yang ni dgongs don 'dir gsungs pa// ngo bo ya nas sangs rgyas phyir// 'khor 'dus med par rnam par dag/ skye shi med par rig pa 'di// dus gsum mi 'gyur dgongs pa yin// yang ni dgongs don 'dir gsungs pa// rgyu rkyen ma bskyed 'bras bu la// lung las ma byung ye shes shar// sems las ma byung chos sku rtogs// de dang mi'i bral dgongs pa'i mchog/ yang ni dgongs don 'dir gsungs pa// chos nyid ngang la dngos po med// de phyir mtshan ma rang sar grol// de phyir thig le nyag gcig la// yengs med 'bras bu sangs rgyas nyid// yang ni dgongs don 'dir gsungs pa// sems kyi yul 'das byang chub thugs// rang
- 67b
la ltas pas ye shes mthong // de don dngos med byang chub sku// de las ma yangs nges don mchog/ yang ni dgongs don 'dir gsungs pa// dngos por ma mthong chos skur mthong // sgom dang mi sgom tha snyad bral// gang la'ang mi gnas rig pa shar// de don sangs rgyas dgongs pa yin// yang ni dgongs don 'dir gsungs pa// nges pa'i rang rig ye shes la// gang yang mi bsam dran med de// yid ches gdeng dang ldan pa'i mchog/ de las 'gyur med chos kyi sku// rdzogs pa chen po nges don 'dus pa las/ phyogs bcu'i sangs rgyas kyi rtogs pa brjod pa'i le'u ste don bden pa'o// // de nas kun bzang spyan sngar ni// rig 'dzin rtog pa brjod pa'i phyir// blo gros gtso dang rnam dag snying // dam pa'i yon tan 'od rlabs can// shes rab bla ma rgyal mtshan 'dzin// rnam par grol ba'i ting 'dzin dbang // chos dbang dang mi bsod nams khags// bdud 'joms dang ni seng ge sgra// rin chen mthong dang brtse ba can// dbang phyug gtso dang yid dge dang // mthong dga' bden mos gsung brtsegs rnams// rang rang rtogs pa brjod pa'i phyir// nges pa'i gdeng
- 68a
nyams brjod pa ni// rtsa ba tshes sku'i don btsal bas// btsal bas ma rnyed bzhag pas rnyed// de don rang byung don btsal bas// ma bsgoms sangs rgyas da lta nyid// yang ni gdeng nyams 'dir gsungs pa// nyon mongs ma spangs dug lnga skye// spangs na rtsol ba'i gol sgrib yin// spang blang med pa'i don rtogs na// nges don dgongs pa de las med// yang ni gdeng nyams 'dir gsungs pa// gsal la ma yangs chos kyi sku// ma bsgoms 'bral med ting nge 'dzin// dmigs su med pas nam mkha' 'dra// 'du 'bral med pas rgyun du gnas// yang ni ge dang nyams 'dir gsungs pa// sems la gnyen po med pas ni/ bsam pa'i yul las 'das pas na// gzhan nas ma 'ongs rgyun mi 'chad// de nyid rang rig chos skur rtogs// yang ni ga deng nyams 'dir gsungs pa// rang byung rig pa rang shar phyir// ma rig mun pa rtsad nas gcod// de la gnyen pos bcos su med// gdod nas rang byung sangs rgyas thugs// yang ni gdang nyams 'dir gsungs pa// chos nyid ye nas ma bcos pa// de nyid nam mkha'i rang bzhin ltar// skye med rang gsal chos nyid la// rgyun du 'bral med byang chub
- 68b
klong // yang ni gdeng nyams 'dir gsungs pa// rang byung dag pas pad+ma 'dra// 'khor ba'i skyon gyis mgos pa// de phyir chos nyid ngang la ni// 'bral med byang chub sems su gsal// yang ni gdeng nyams 'dir gsungs pa// zab mo'i ming ni cir btags kyang // dpes kyang mtshon med brjod las 'das// dmigs pa'i yul bral brjod las 'das// dmigs pa'i yul bral chos kyi sku// de las mi 'gyur nyams kyi mchog/ yang ni gdeng nyams 'dir gsungs pa// rang byung chos sku mtha' dbus med// de las ma yangs rtsol sgrub 'das// mtshon du med pas rkyen mi tshugs// de phyir dus gsum 'bral ba med// yang ni gdeng nyams 'dir gsungs pa// snying po chos sku'i rigs 'dzin de// lhun gyis grub phyir ye shes glong // de yi ngang la 'khor ba med// de phyir sangs rgyas dgongs pa yin// yang ni gdeng nyams 'dir gsungs pa// 'byung bzhi zhig pa'i nam mkha' bzhin// chos nyid snying po rig pa ni// ye shes rang gsal 'gyur ba med// de phyir bsgom med byang chub sku// yang ni gdeng nyams 'dir gsungs pa// mtshan ma'i yul med byang chub lam// de las ma btsal rang gzhag na// yang dag don gyi
- 69a
dgongs pa ste// de nyid mi 'bral bsgom pa'i mchog/ yang ni gdeng nyams 'dir gsungs pa// mngon sum mi gnas chos skul// tha dang bral bas ye shes glong // de las mtshon pa'i ming ma rnyed// de las ma g.yos sgom pa yin// yang ni gdeng nyams 'dir gsungs pa// rang byung ngo bo nyid kyi sku// bsgoms pas rnyed par mi 'gyur te// ma bsgoms pas kyang stor bral med// de phyir chos nyid bral ba nyid// yang ni ga dang nyams 'dir gsungs pa// rang byung chos nyid nam mkha' 'dra// de bzhin ting 'dzin spros med gsal// de la banyen pos bcos su med// de phyir 'bral med dgongs pa yin// yang ni gdeng nyams 'diri gsungs pa// yul ni mtshan ma sna tshogs pa// de tsam nyid na rang bzhir shes// de phyir sems rtogs chos skur gsal// de las bskyod du rdul tsam med// yang ni gdeng nyams 'dir gsungs pa// ma btsal ba yi chos nyid ni// rtog spyod med pa sgom pa ste// nyams ni shes rig gsal ba la// de las ma yengs sgom pa yin// yang ni gdeng nyams 'dir gsungs pa// gang yang ma spongs skyon mgos// 'gro 'ong med par rgyun du gnas// bying rgod skyon gyi dbang mi 'gro//
- 69b
de la sgrib med sangs rgyas thugs// yang ni gdeng nyams 'dir gsungs pa// ma btsal rang las rnyed pa'i phyir// lhag mthong dran pa lta ba'i gzungs// de phyir mi 'bral sgom pa'i gdeng // ye nas yod pas stor bral med// yang ni gdeng nyams 'dir gsungs pa// bsgom med dmigs dang bral ba'i phyir// phyag rgya rgyur/ mi dgos par nges// gsung med rig pa'i dgongs pa yin// ye shes thugs las 'gyur ba med// da yang rdo rje sems dpa' nyon// gzhan yang rigs 'dzin sems dpa'i tshogs// bsam gyis mi khyab grangs las 'das// rang rang gdeng nyams 'dir gsungs pa// de don nges pa chos skur gcig/ rdzogs pa chen po nges don 'dus pa las/ rigs 'dzin sems dpa' rnams kyi rtogs pa brjod pa'i le'u ste don brgyad pa'o// // de nas rgyal sras sprul pa'i tshogs// tshangs pa brgya byin rgyal po bzhi// thag bzangs ris dang gang ba bzang // nam mkha' lding rgyal rta mgo can// zur phud lnga po nor srungs dang // mgrin bcu dang ni klu rgyal rnams// rang rang rtogs pa brjod pa'i phyir// nges don rtogs pa 'dir gsungs pa// rtsol sgrub bral ba byang chub thugs// re dogs
- 70a
med pas gol sa med// de don ma bral chos nyid la// rgyun du 'bral med ye nas yod// yang ni don rtogs 'dir gsungs pa// snang ba chos dbyings rtog med la// sgro skur bral ba chos kyi dbyings// de nyid dus mnyam rang gsal ba// sangs rgyas kun gyi dgongs par go// yang ni rtogs don 'di ri gsungs pa// gol sa med pa'i lta ba la// bying rgod bral ba'i sgom par gsal// phrag dog med pa'i spyod pa de// de nyid ye shes chos nyid glong // yang ni rtogs don 'dir gsungs pa// nor bu chud dngas dpe bzhin du// dran pa tsam gyis ma rig sangs// btsal du med pas ye shes rgyas// de dus nyid na gzugs sku 'byung // yang ni rtogs don 'dir gsungs pa// nges don lung la yid ches pa// the tshom me las rang byung gsal// rig pa ma 'gags bde chen glong // de las mi 'gyur dgongs par shes// yang ni rtogs don 'dir gsungs pa// yul gyi mtshan ma cir snang yang // yid kyis dgag sgrub med par ni// chos dbyings gdeng ldan nges don la// spong dang sdud pa'i zhe na med pa de// yang ni rtogs don 'dir gsungs pa// lung la yid ches dgongs pa bde// za ba la rgya che dgongs pa gsal// de
- 70b
don rtogs goms 'bras bu la// sangs rgyas nges pa de la bya// yang ni rtogs don 'dir gsungs pa// tshe rabs kun nas mthu rtas pas// rdza phyi zhen pa'i rtog pa la/ ma yengs chos nyid rang gsal ba// de las sgom pa rdul tsam med// yang ni rtogs don 'dir gsungs pa// rang byung nges don rgyun mi 'chad// de la rtag tu yid bltas na// bag chags sgrib pa shugs la dag/ ye shes tshogs chen sangs rgyas yin// yang ni rtogs don 'dir gsungs pa// dus dang rnam pa thams cad du/ chos sku'i don dang mi 'da' phyir// yang dag ting 'dzin rgyun ma 'chad// de phyir nges shes 'gyur ba med// yang ni rtogs don 'dir gsungs pa// 'khor ba ma bslad ting 'dzin la// ma bsgoms chos nyid da lta'i thugs// sgom dang mi sgom ci phyir 'jug/ mnyam rjes med par rgyun du gnas// yang ni rtogs don 'dir gsungs pa// rang sems ma bcos rang lugs la// ma btsal dang gzhag sgom pa ste// brjod du med pa'i nyams myong gsal// de don rang sems rtogs pa yin// yang ni rtogs don 'dir gsungs pa// de don chos nyid 'gyur med la// blo yis brtags pa thams cad med// gang yang ma spangs rang byung la// de la sgom
- 71a
du rdul tsam med// rdzogs pa chen po nges don 'dus pa las/ rgyal sras sprul pa'i 'khor gyis rtogs pa brjod pa'i le'u ste don dgu pa'o// / / dad nyan 'khor la phan don du// mkha' 'gro sde lnga 'khor dang bcas// rang rang rtogs pa brjod pa'i phyir// nges pa'i don du 'di gsung+ga pa/ gti mug mun pa 'thibs pa la// thog mtha' chod pas ma rig sangs// yul 'di ma pa shigs chos kyi dbyings// de rnyed rang sems rtogs pa yin// yang ni rtogs don 'dir gsungs pa// zhe sdang kha dog yul la skye// phyi yi gol sa gcod shes na// zhe sdang rang grol rgyal ba'i thugs// de dus nyid na chos kyi sku// yang ni rtogs don 'dir gsungs pa// rtogs don bde ba'i ye shes shar// rgyal po ngo bo nyid kyi sku// de don mi 'bral chos skur gsal// de la rkyen gyis gnod mi tshugs// yang ni rtogs don 'dir gsungs pa// pho mo 'dod chags ci spyad kyang // gol med ye shes rgyun mi 'chad// snga phyir ma song zhen med phyir// bde chen longs spyod chen por bshad// yang ni rtogs don 'dir gsungs pa// lta dman chos la phrag dog kyang // gol ba yin phyir nyen med dge/ de phyir byang
- 71b
chub bde ba'i glong // de la skyon gyis gos mi srid// da yang 'dus pa'i snying po nyon// sangs rgyas rigs 'dzin spyan snga ru// 'jig rten mkha' 'gros 'di skad gsol// dam bcas don las bdag mi 'da'// bka' bzhin bgyi ba'i don chad du// nges don 'dus pa'i don chad 'di// mi nub pa ru bdag gis bsrung 'di la 'gal byed sdig can kun// myur du bsgral la zhal du rngub// da yang ston pa'i 'khor kun nyon// bdag cag yid kyis dam bcas pa'i// sangs rgyas bstan// ba bsrung ba'i phyir// ldog can gsad kyang grol bar nges// rnam smin srog la longs spyod kyis// sangs rgyas rigs 'dzin rnams kyis kyang // rang sems chos skur byin gyis rlob// de skad brjod pa'i don gsan nas// kun rig ston pas 'khor rnams la// rtsa ba nges pa'i don 'di gsungs// legs so dad ldan 'khor rnams nyon// shes rab blo yi khyad par las// tshig tu mtshon pa sna tshogs kyang // don la dbyer med ngo bo gcig/ de phyir 'khor rnams chos skur rtogs// sangs rgyas 'bras bu de nyid yin// rdzogs pa chen po nges don 'dus pa las/ mkha' 'gro ma'i rtogs pa brjod pa'i le'u ste brgyad cu pa'o// /
- 72a
de nas 'dus pa'i 'khor rnams la// kun rig rton pa chos rje yis// lta ba'i snying po'i don gtad pa// chos kyi rgyal po kun rdzogs 'di// skal ldan 'dus pa rnams kyis kyang // yid la brnag cing bcang bar gyis// de yang 'dus pa'i snying po nyon// nga yis bstan pa'i snying po 'di// sangs rgyas kun gyi gsang ba'i chos// rigs 'dzin rnams kyi thugs la spos// chos skyong rnams kyis gter ltar bsrungs// de don man ngag nges don 'di// log sred zhen chags ma nges la// nam yang bstan par ma byed cig/ nyan thos la sogs lta dman la// bstan kyang ga par mi 'gyur te// mi theg khal chen bkal ba bzhin// don mgo bar ngan song ltung // da yang 'dus pa'i 'khor kun nyon// de bas rang sems sngon sbyangs pa'i// rnal 'byor dang ldan 'khor rnams la// 'chi ka'i snying po don mtshon nas// nges don rgyud 'di rtogs par gyis// da yang rdo rje sems dpa' nyon// yang gsang nges don khyad par can// 'bras bu nges pa'i gdams ngag ni// bla ma mi gus nga rgyal can// tshul 'chos byed cing slob dpon smod// nor 'phangs gzhog ngom kha gsag can// g.yo sgyu thabs kyis chos 'dod
- 72b
la/ rgyud kyi snying po lta ba 'di// nam yang bstan par ma gsungs so// rnyed 'dod rang bzo nges don chos// gal te snying po'i don bstan na// 'phags pa rnams / kyang dgrar ldang bas// mkha' 'gro dam can smos kyi dgos// rang gi srog gcan mnar med ltung // dwa yang 'dus pa'i snying pa nyan// nges dan 'dus pa'i rgyud chen 'di// mar me shi ka'i 'od bzhin du// bstan pa 'jig pa'i dus dag tu// kun bzang thugs rje'i byin rlabs kyis// rnal 'byor skal ldan rnams la 'byung // de tshe nges don 'bras bu 'di// gu lang gser bzhin mi nub tsam// snod ldan 'ga' la bstan pa las/ snang dgu rnams kyi spyod yul min// kun kyang nges pa'i don la zhog/ da yang 'dus pa'i snying po nyon// de ltar ma rtogs dman rnams kyis// lam lnga sbyangs shing tshogs bsags kyang // nges don ma shes 'bras bu chung / de bas rang byung snying po 'di// lung ldan rten la rtogs par gyis// de rtogs 'bras bu sangs rgyas 'byung // 'gro ba'i mgon pos de skad gsungs// da yang rdo rje sems dpa' nyon// gsang ba man ngag rgyud chen 'di// lan cig dus kyi ding sa ngan// snod ldan kun la chos 'di 'byung // de tshe theg dman sgro skur
- 73a
'debs// rang gi rang ba slus 'khor bar ltung // 'di la mos shing 'dzin pa la// sangs rgyas kun gyis byin gyis rlob// bsod nams mi zad gter dang ldan// phyi ma'i 'bras bu dus 'dir 'byung // kun tu bzang pos de skad bshad// rdzogs pa chen po nges don 'dus pa las/ rgyud bshad cing gzung bar bstan pa'i le'u ste brgyad cu rtsa gcig pa'o// // rdzogs pa chen po nges don 'dus pa las/ lta ba thams cad kyi snying po rin po che rnam par bkod pa zhes bya ba rdzogs so// // rgya gar gyi mkhan po b+hi ma la mi tra dang / bod kyi la tsa ba a tsar+ya dran pa ye shes kyis bsgyur cing zhus te gtan la phab pa'o// / rgya gar skad du/ sin+d+hu ma hA rat+na ti ba rtsa tan+t+ra nA ma/ bod skad du rdzogs pa chen po rin po che 'khor ba rtsa gcod kyi rgyud ces bya ba/ bcom ldan 'das dpal rang 'byung gi ngo bo nyid ye shes kyi sku dang ldan pa la phyag 'tshal lo// 'di skad bdag gis gsungs pa'i dus gcig na/ bcom ldan 'das 'og min gyi gnas sku byang chub kyi snying po na bzhugs pas/ rdo rje sems dpa' la gzigs