rnal 'byor ma bzhi'i kha sbyor gyi rgyud ces bya ba
Text
ff. 233b–241b · 17 folio sides
- 233b
bsgob par bya/ / he ru ka dpal zhes bya ba// las rnams thams cad byed pa yin// he ru ka dpal go 'phang gnas// lus ngag yid kyi las rnams la// bshad dang ma bshad gang bsams pa// de dag thams cad myur du 'grub/ / rnal 'byor ma yi kun du spyod pa las dngos grub kyi nges pa dang dpal he ru ka'i mdzad pa bstan pa ste bcu drug pa'o// // de nas he ru ka dpal rgyud// sems ni dri med yin par bshad// dag paM'i chos kyi sprul pa ni/ / phag mo'i gzugs su bstan pa yin// thabs dang shes rab sbyor ba las// de nyid dang ni thams cad 'byung // me long la sogs rnam pa bzhi// pad ma'i mdab gnas rnal 'byor ma// mkha' 'gro ma bzhi pad mar gnas/ / pA ma kI sogs bzang mo yin// thod pa'i dus sogs 'khor lor gnas// nyi shu rtsa bzhi gnyis med yin// sems can 'khor ba las grol ba// dpa' bo nyid ni yin par brtag/ khro bo rnam rgyal la sogs kug/ sgo dang mtha' yi mtshams rnams su// sna tshogs gdul ba'i thabs can gyis// sems can don la brtson par mdzad// gsang ba'i gnas kyi rnam gnas pa// rab tu 'bad de sba bar bya// rnal 'byor ba dang dpa' bo las/ / ji ltar 'dod pa'i dngos grub ster// rnal 'byor 'bras bu bob nas ni// srid mtshor ltung bar mi 'gyur ro// 'khor ba las ni bsgral ba'i thabs// rgyud kyi snying po sdus pa yin// bla ma slob mas/ rtogs sla phyir// chog rgya cher ma bshad de// sems ni ngal so rnal 'byor pa// mya ngan 'das pa bstan mi bya// de ltar spyod pa'i skyes mchog 'di// sdig pa thams cad rnam dag 'gyur// 'jig rten 'di'am pha rol 6/ / 'das ni sangs rgyas nyid 'thob 'gyur// ji ltar sngar bshad sdig pa rnams// spang bar bya ba'i mtshan nyid yin// gang zhig 'di sgom rnal 'byor pa// 'dod pa'i bde ba thams cad ster// he ru ka dpal ma
- 234a
brjod pas/ / lha sogs kun gyi gsang gang dang // mi la sogs la gang zhig yod// de yi bsod nams nges 'thob bo// bsam gtan gyis ni bsam tsam 'am// 'don cing klog gam bris pa yis// mtho ris longs spyod 'thob 'gyur te/ / yang na 'khor los sgyur nyid 'gyur// rnal 'byor pa ni 'pho ba'i tshe// dpal ldan he ru ka la sogs// dpa' bo dang ni thams cad dang // rnal 'byor ma ni ji snyed pa// lag na sna tshogs/ me tog bsnams// ba dan rgyal mtshan sna tshogs dang // rol mo'i sgra na sna tshogs dang // sna tshogs glus ni nye bar mtshon// 'chi ba zhes bya rnam rtog ste// mkha' la spyod pa'i gnas su 'khyer// de lta'i dpa' bo chen po dang // rnal 'byor ma ni sa steng dkon// ji ltar bud med byis gtam rjes yi rang // kun smra sten pa'i gtam yang brjod par byed// lam yang bshad cing 'chi bar 'gyur ba yin// rnal 'byor lam ngan de dang 'dra bar bshad// de nas gzhan yang bshad bya ba// gnas sogs rnal 'byor ma yi gnas// he ru ka dpal sogs rnal 'byor// dpa' bo gnyis med rnal 'byor ma// pu la mi yar dpag tum// dza lan d+ha rar gtum pa'i mig/ u sbyin ni 'od ldan ma/ / ar bu ta ni sna chen mo// go ta pa ri ra dpa' blo ma// ra me shwa rir ma'u thung ma// de bi ko Tir dbang phyug ma// ma la yar ni shing grib ma// ka ma ru ba ra sa srung mo// yo Ter 'jigs byed chen mo yin/ tri sha ku ner rlung shugs ma// ko sa lar ni chang 'thung ma// ka lidi lha mo sngo bsangs ma// lam ba kar ni rab bzang mo// ka ni tsin ra ni rten ma// hi ma la yar bya gdong ma// pre ta pu ri ra 'khor lo'i shugs// gri hi de bar dum skyes ma/ / sau r-iSh+Ta ra sna chen mo// gser gyi 'khor lo ga cha mo// nA ga ra ra ni rab dpa' mo// sin du'i yul du stobs chen mo// mya ngan yul du 'khor sgyur ma// ku lu ta ni brtson chen mo// yul 'di rnams kyi
- 234b
bu mo gangapa/ / dpa' bo gnyis med rnal 'byor ma'o// gsang ba'i sngags la rtag gnas nas// rab tu 'bad de bsgrub par bya// rnal 'byor ma ni re re zhing // bya ba grangs snyed dag gi bskor// mtshan ma mtshan nyid phyag rgya sogs/ / g.yon pa'i sgrub pa po yis sra// mi bzang las ni gang gang gis// skye bo rnams ni 'ching 'gyur ba// thabs dang bcas na de nyid kyis// srid pa'i 'ching ba las grol 'gyur// 'khor ba'i pha rol rgal nas 'di/ / ci 'dod ye shes can du 'gyur// mgur chu gtsug rgyan dpung rgyan dang // rna rgyan tshangs pa'i skud pa dang // mgul pa brgyan cing spyi bor phreng // ska rags rkang gdub sgra nyid do// ri steng sna tshogs pad ma yi/ / ge sar A la~M kA l-i las// nyi shu rtsa bzhi yang dag ldan// dpa' bo rnal 'byor mtshogs bcas// u ma'i bdag po yang dag mnan// rdo rje dril bu sul mabyung // he ru ka dpal rgyal po che// 'phang mchog ni bsgom par bya// de nas rtag tu spos chus 'dir// rtag tu lus ni yan lag dril// dri zhim yan lag gis brgyan cing // thal ba'i phyag rgya sogs pas bsgos// kha dog la sogs g.yogs pa'i gzugs/ rang gi lus ni yongs su bsgyur// spyod pa'i brtul zhugs la zhugs par// shes nas rnal 'byor la legs gnas// yan lag can dang tshig can dang // sdud dang de bzhin snying stobs dang // gar gyi tshul ni bzhi po 'di/ / de nyid mthong bas shes par bya// gdung ba'i tshul zhes bya ba ni// rnal 'byor shes pa yin par bshad// de la 'bad de bya ba ni// skal pa bzang po'i gar chen yin// gar gyi gnas su gnas pa kun rgyan rnams de ni yin zhes bya/ / kun du dbug dang bcing bya dang // gzhug dang de bzhin bskyod pa dang // 'bebs drang 'di ni 'byib pa dang // de bzhin 'di ni rgyan pa dang // tshangs skud lus las dgrol ba dang //
- 235a
rnam pa kun du bcing pa dang // rkang gdub rab tu gzhug pa dang // rkang pa'i rgyan ni nyid dag dang // srog shing gcig gyur srad bu yin// 'og phag drug bcu rtsa brgyad dang // rol ldan bcu drug par shes bya/ / phreng ba nyi shu rtsa lnga yin// rnal 'byor ma yi kun du spyod pa las de kho na nyid dag pa la sogs pa bstan pa ste bcu bdun pa'o// // rnal 'byor ma'i kun du spyod pa rdzogs s+ho// @#// rgya gar skad du/ tsatrar yo gi ni sa~M pu Ta tan tra rA ma// bod skad du/ rnal 'byor ma bzhi'i kha sbyor gyi rgyud ces bya ba/ dpal phyag na rdo rje la phyag 'tshal lo// de nas yang dag bshad bya ba// rnal 'byor/ bzhi yi kha sbyor te// zhal bzhi zhes ni rnam par bshad// rgyud rnams kun du sbas pa ste// zhal rnams kyang ni kha sbyor ma// 'di rwa rgyas par brjod pa yin// 'og dang steng du rnam bshad dang // de bzhin g.yon dang g.yas pa'o/ / A li kA li bye phrag gis// lte ba'i dbus su rnam par gnas// zla ba nyi mar rnam par bshad// sa dang rlung gi nyid dag dang // chu me de bzhin nam mkha' dang // khams lnga dag dang yang dag ldan// gzugs dang reg pa de bzhin sgra// mig gnyis dang ni sna dag dang // lus kyi steng 'og tu yang gsal// rtag tu rdor can rnam par gnas// cha dang cha min rnam par grol// stod pa'i ngang las yang dag gnas// ya yi sde mtha' yang dgra rdzogs/ / u yig dag ni thig ler bcas// 'byar zhing gsal bar 'gyur ba ste// kha sbyor rnam pa rnal 'byor gyi// rdor can ji ltar chang gis myos// 'khor nas sems ni rnam par grol// khams gsum po ni pa lus pa// rdo rje mig gis mthong bar 'gyur// bdun gyi rgyal po'i dngos grub kyis// ma lus lus pa med pa mthong // tshangs pa khyab 'jug dbang ldan dang // dbang po de bzhin 'dod dbang phyug/
- 235b
pha rol stobs kyis gnan na ni// rnal 'byor dbang phyug gis ni mchod// tshangs pa la sogs lha rnams kyis// dam tshig sgra yis bshad pa ste// srog dang brtsol ba kun du bya// de yis 'di ni dam tshig sdom// de la kha sbyor rnam pa bshad/ / zhal bzhi ru ni rab tu gnas// rnal 'byor ma bzhi sde zhes bya// sbyor ba bzhi dang yang dag ldan// gang gang dbang po'i lam nas byung // de dang de yi rang bzhin nyid// 'dod pa kun las longs spyod pa/ / sangs rgyas kun gyi rang bzhin 'gyur// gzugs ni ji ltar rdzogs pa las// de la bsgom pa ci lta bu// sngags rnams ji ltar bskyed par bgyi// rdzogs par yang ni ci ltar 'gyur// de dag thams cad tha snyad tsam/ / sngags dang rgyud rnams yang dag 'byung // byang chub sems ni 'di ru sngags// 'dod pa lnga dang yang dag ldan// mtshon cha mtshan nyid kyis ni mtshon// mtshan bya du ma 'ang mtshon mi bya// sngags rnams rgyas par bshad nas ni// lha rnams kyi ni bsgom pa nyon// steng gi sgo ni gsum yin te// lte bar rlung gi gzugs can ma// de la dbus su rtag tu stong // dag pa yi ni shel lta bur// lodra spyod chen po nges par 'byung / / dgu pa bcu yis ldan pa ste// cha brgya de yi yan lag gis// sgo dgu'i sa bon yin pa ste// lus la lha mo rjes su brjod// ye shes mkha' 'gro bdag nyid kyis// steng gi char ri shes rab ste/ / rdo rje 'dzin dang bcas par 'byung // sems kyi rdo rje zhes ni bshad// 'dir ni steng gi pad mar bshad// de la gnas ni b+ha gar bshad// shes rab de nyid rdor ca bcas// rten dang brten par 'byung ba yis/ / rtsa rnams kun la rnam par gnas// khu ba'i gzugs su gyur pa yis// spro dang sdud par byed pas so// bskyed pa'i rim pa'i rnal 'byor gyis// bsgom pa'i rim pa phyed
- 236a
bas so/ / gdams ngag rim pa'i rnal 'byor gyis// lha rnams bsgom par brjod pa ste// de rnams sna tshogs rnal 'byor gyis// zla ba nyi mar shad pa yin// gzhan yang gzhan mi rnam par grol/ sangs rgyas gzugs ni g.yo ba med// der ni gzung bar bya ba ste// gang zhig de ru ji ltar gnas// nyin mo bcom ldan rdo rje can// mtshan mo shes rab tu ni brjod// nam mkha'i nad song mchog tu zhing // dag cing dge la yid du 'ong / / sangs rgyas la sogs mu stegs kun// lha min gnod sbyin srin po dang // de nyid 'dod chags chags bral dang // 'dod pas thar par gyur pa 'di// de nyid bud med rnams la chags// / de nyid mngal ni rab tu len// de nyid 'chi ste ril po'i gnas// de nyid bskams pos mthong ba yin// de nyid gong du gyur pa ste// de nyid dri ru rnam par gnas// de nyid sdug bsngal rig pa ste// rig pas bde ba nyid yod la/ / de nyid gcig pus khyab pa yin// bdud rtsi thigs pa'i gzugs kyis ni// gzugs bzang gzugs dang ldan pa'i mchog/ sna tshogs gzugs rnams yid du 'ong // gzugs kun gsal bar byed pa'i dpal/ / gzugs brnyan ma lus 'chang ba'o// bcu drug phyed phyed de'i byed// rtag tu de nyid rig pa po// sna tshogs rtag du zhi ba'i gzugs// nam mkha' lnga dang yang dag ldan// de nyid rab tu bzhugs par brjod/ / 'gro la gsal ba mar me bzhin// sna yi rtse mor rnam par 'byung // 'bar ba'i phreng ba'i 'od zer te// 'di rnams kun ni bdag gis brjod// brten dang rten pa'i mtshan nyid du// gang gis shes pas chog shes/ / de'i dpal ni byas par 'grub// gzhan yang sngags kyi tshig bshad de// gsang ba'i sbyor basbas pa te// sde tshan brgyad kyi mtha' ma gzung/ sa bon lnga dang yang dag ldan// de bas 'bru yin sbyin par
- 236b
bya/ dang por oM lag yang dag ldan// a ni yig 'bru kun gyi mchog/ thig le chen po yi ga med// nam mkha' nam mkha'i dbus gnas par// sngags dang rgyud ni yang dag 'byung // tsa ltar de ltar sngags kyang ni/ / de bzhin nyid kyi thul lta bur// yig tsa pa dang yang dag ldan// de la dbus su rab tugrags// sangs rgyas byung chub sems dpa' dang // gang yang gzhan gyis lha tshogs dang // 'byung po ma lus thams dang dang / lha dang lha pin gsang ba pa// de yi dbus su yang dag rdzogs// yi ge la sogs gzugs can gyis// gzugs can rnal 'byor la mad// dum skyes ma yi bye brag gis// zhal bzhi zhes ni rnam par bshad// rnal 'byor pa'i dang yang dag ldan/ / lte ba dang ni gsar ldan// 'dab ma bzhi dang yang dag ldan// de la dbus su dpa' bo che// phyag brgyad kyis ni rnam par brgyan// dang po la ni sha yis brgyan// gnyis pa khrag gis bkang ba nyid/ / gsum pa bzhi pa lus phyag rgya// kha T+wA~M ga dang Ta ma ru// de bzhin kha dog dkar po 'phro// dri med ston ka'i nam mkha' bzhin// dkar dang dmar dang de bzhin nag/ ljang khwa'i zhal te gtsigs pa'o// phyag bcwa brgyad ni mdo ru bshad/ / phyag gis mtshon char rab tu grags// dang por 'jug pa'i phyag rgya ste// gnyis pa snang na 'byin pa'o// gsum pa mod pa byed phyag tu yin// bzhi par ltung byed de bzhin no// lnga pa dag pa b+h+yagaH/ / dag pa gad byed ma ni 'dod// bdun par dang byed pa'i byag// brgyud par byeng du len par dag/ pa dang zlang bye du// gsam dang ba che dadu/ zhus dang nga dacod brgyad pa zags nyid/ / mthid rnam par 'gyur ba'i gzugs// thag dang khu ba zab bo// 'od zer 'bar ba skatshogs 'bar// rdo rjem 'ang 'grolam bskam bya// mang por rnam bshad ye shes ni// de la dbus su dam
- 237a
par 'byung / / dpag tshad gsum gyi rgya khyon du// de yi gsal bar byed pa yin// sems can thog ma tha ma med// rdo rje sems dpa' chags pa che// thig le rdo rje can du 'gyur// zla ba phyed pa lta bur gsal/ / gdadan ni bad ma ga ste// rgyal po'i gzugs na gsal ba yin// rgyal po nyid kyis rnam par bshad// steng du 'byung bar rab tu grags// yang ni dged par bya ba ste// rigs kyi dbyibs brjod pa'o// shAr dwa rdo rje sems dpar 'gyur/ / lho rwa rnam par snang mdzad brjod// nub du rtag tu rgyal po'o// byang du pad ma gar dbang ste// 'khor lo'i dbus sa he ru ka/ steng gau s+tha ni rta gdong yin// 'di rnams 'di ru dkod par gsungs/ / rigs kyis dbye ba rnam pa lnga// de ru bsgom par bya ba yin// gzham med gzhig tu med pas ste// de yi dbus su yang dag rdzogs// mgon po rnam par snang mdzad sogs// rnal 'byor ma'i tshogs kyis bsgreng pa'i rgyud chen po las rnal 'byor ma bzha' kha sbyor zhes bya ba ste brtag pa dang po'o/ / / de nas rdo rje phag mo de// rkang rgyan dang ni do shal brgyan// de yi dkyil 'khor la gar byed// dbang bskur ba ni ster ba yi/ / dam tshig la ni legs gzhag par// pag mas de bzhin rdo rje can// ci 'dod de bzhin rdo rje can// dri chen dri chub ba dang // khrag dang khra ba de bzhin // rtag tu bud med dang nus sam// b+ha ga'i pad ma 'byed dam/ thos shig rdo can bdeb che// de nas bcom ldan rdo rje can/ bzhad par gyur nas 'di dag smras// lha mo tsi ste bdag ma s+ho// khrag dang khu ba la sogs bzal// rtag tu bud me dgus par bgyi// b+ha ga pad ma'o bgyid do// yang ni legs so legs so byin// sgo skyong de bzhin rdo rje can// thod pa yang dag blangs nas ni// rdo rje can la bza' ba dbul// zhe zhing gcer bu 'dug pa dang // rdo rje can ni sa grol bas// legs par dbang bskur ste
- 237b
bar byed/ / b+ha gar 'byeng rdo rje can// de nas brtsams te rdo rje khyed// sems can don gyis brtul zhugs bzang // bza' ba dri chen dri chu dang // khrag dang 'a bru sha dag go// b+hag 'bad ya 'o bya// bdud rta rnams sgrub par bya/ / rdo rje rnal 'byor po nyams// de nas cag tu dbang bskur ro// dwai hA ta nA ya ya tri ti trasa?// de nas de ma thag tu kun// rdo rje mkha' 'gom nyid kyis// sgra chen po ni rab tu bsgrags// rdo rnga ca dadang bskur ro/ / sna tshogs gzugs can drag pa che// thod pa'i gdan la yang dag bzhugs// gdang khrag dga'athang ba ste// gsang ba'i dkyil 'khor du ni b+har// la la rol mo'i cha byed rngu pe/ btaH sarba ma kun d+ha/ / la la rab tu glu len cing // la la pi wang bsgreng ba ste/ la la dor can gar byed do// nga 'dra bu smog breg pa A zlog ga/ gas du da// sa gang dag rab tu byed// la la dkyil 'khor la nagar/ / la la be tog rab tu 'grebs// de yis rdor can la dbang bskur// la la spos kyis ba skyed byed// la la dri yis de bzhin no// 'di ltar gyur pa'i bcod pa yis// gsang ba'i dkyil 'khor lani bya/ de nas rdor can lha mo de// tshig 'di dag ni brjod pa ste// tshogs kyi dkyil 'khor nyid dag dang // dbang dag legs par brjod nas ni// de yis gzhan yang bshad bya ba// lha rnams dgod pa mchog dag go// rgyar kun du khru brgyad de/ tha bzhi pa la sgo bzhi pa// sngags pas de yi nyis 'gyur dpyad// gang du mkha' 'gro'i tshogs 'geng ba// nam mkha' 'od kyis rgya khyab par// gang de dkyil 'khor mchog yin no// dbas sa 'bar la yang dag bri/ lte bdag ni gesar ldan// 'dabam pa zhi dang yang dag bcas/ kha dag dgang por yang dag ldan/ de la dbus su dpa' bo dged// dag pa'i gal dang 'drab ste// dang pol nam na
- 238a
rnam par ba'ang / / dang po spyan gyis rnam par gzigs// smin ma khro gnyer rab tu gsal// mche ba gtsigs shing 'jigs pa ni// lho ru bltas pa'i zhal dag go// g.yon pa rmad du byung ba ste// rgyab ni 'a pa chen po yin/ / mad+mar zla ba ta'i zhal gyis brgyan// dkar po dmar po de bzhin nag/ ljang khu yi ni kha dog go// phyag brgyad yang ni 'bri bar bya// thod pa'i phreng bas rnam par brgyan// dpal ldan mag ba'i phreng ba 'dzin// 'jigs byed ljags ni 'dril ba ste// 'jig dus chen po'i me dang mtshungs// dur khrod lta bur 'jigs su rung // brtsegs par rgod cing bzhad pa che// pho gi sgra ni sgrogs pa'o// zhal gcig phyag ni gnyis pa ru// lha bzhi rnams ni brjod par bya/ / kha T+wAM ga dang thod pa'i lag/ khrag dang khu ba dag 'thung ngo // 'khor lo gnyis pa yang dag bshad// zla ba'i dkyil 'khor zlum po la// 'khor le chen po yi ge brgyad// 'od zer dmar po 'bar ba ste// gzugs can sa dang 'o byed ma// lAm mchog 'phal dang sa ma la// phyir mi ldog dang e hi ki/ rdor can brgyad par brjod pa yin// lha mo brgyad po 'di ru dgod// kha dog dkar po shin tu 'bar// lag pas kha T+wAM ga gzung shing / / thod pa'i khrag gis bkang ba'o// phyi rol 'khor lo yang dag brjod// lha rnams bkod pa mchog dang ni// saM ka ni dang pu ka sa// bsod ma dkar mo sgeg ma dang / gtum mo ra khrod ma nyid dang / sgrol ma de bzhini khro gnyer ma/ / khams gsum nam rgyal glang chen mo// de bzhin g+hap+pa rI dag dang // durga tsamra Na ngag dang // de bzhin tshangs ma khyab 'jugs// sgo skyong yang dag bshad pa ni// sgo bzhi rtag tu sbyar bar bya// 'khor lo chen po kha dog sngo/ / 'bar ba'i phreng ba tshogs kyi 'od// lha me chen mo kha dag dkar// kha T+wAM ga dang nya phyas 'dzin// dkyil 'khor 'di ni rgyal po ste// rnal 'byor ma bzhi'i sdom pa ni// rang gi rgyud du thun mong ste// dkyil 'khor bla ma'i
- 238b
bla ma yin/ / bsrung pa chen po'i sdom pa ni// de yi bla ma zhes su gsungs// rnal 'byor sa bzhi'i kha sbyor las// dkyil 'khor gyi brtag pa shes pa ste gnyis pa'o// / de nas gzhan yang bshad byag// da tshig chen po'i bsgrub thabs so/ / glang po rta dang bong bu dang // ba glang rnga mo dag dang ni// khyi yi sgron ma rab tu 'byung // sgron ma chen mo rab tu bshad// 'gro ba dga' bas gso bar byed// bya rog 'ug pa khwa dang ni// chu byar bya rgod lnga po yi/ / sgrib chen po ni rab tu bshad// spos su 'bul bar byed pa'o// 'di rnams dbang du byed par 'gyur// sa gsum po ru rnam par spyod// ci srid sbyor ba tshogs pa yis// dngos grub thams cad byed pa'i mchog/ bdud rtsi lnga ni rnam brjod pa// 'chi med dngos po med pa'o// rtog pa med par bza' bar bya// blo ldan rang bzhin med pas so// sde tshan tha ma'i sngags btus te// bcu drug cha yis yang dag ldan// phrad na ba stor steng du steng / / thig leb gnon rtsing brgyan pa yin// dri zhes kun du brjod pa yin// kun nas thugs kyi dkyil 'khor la'o// nyi shu bdun pa 'og du sbyin// sngags la sogs pas bye ba yin// spyi bo de ru yang dag sbyar/ / yi ge lha yi gzugs kyi pa ni// nyi shu rtsa drug yang ni sbyar// dbyangs yig gnyis pas brgyan pa yin// nyi shu rtsa gsum yang ni blang // 'og go cha ni sbyar bar bya// dbyangs kyis gsum pa yang dag ldan ba' pas sbyar bar bya ba yin/ / de yi dbus pa yang dag gsungs// yi ge dbang phyug gis ni brgyan// bcu drug mtha' ni yang dag bshad// srang dang 'og tu khyab pa yin// de la dbus su yang dag gsungs/ stong pa cheni po'i yi ge ste// rdo rje sems dpa' gzhig tu med// dag pa yi ni shel lta bur// rdzas 'di rnams ni bza' ba yin// rnal 'byor 'di rnams mchog yin te// rnal 'byor kun las mchog tu 'phag/
- 239a
khyod la mdor bsdus par bshad// bza' ba rnams ni yang dag brjod// gang gi rigs pas thams cad bza'// dngos po ro mnyam pasres nas ni// dag dang ma dag mi byed par// de bzhin nyid rnams thams cad dang / / bza' ba thams cad bza' bar bya// de nyid bcwa yis rab dbye bas// gzung dang 'dzin pa rnam par grol// sbyin pa'i snying po sbyir bar bya// sems kyis rnal 'byor rdzogs nas ni// thams cad rtswa sogs bzhin du gtad / / sangs rgyas rnams kyi tshul khrims gyur// de nyid kun gyis mi 'jigs pa// skye bo thams cad 'tsho mi byed// dang por snying rje bla na med// bzod pa tshul khrims bgegs med dang // gzhan gyi gnod pa 'gegs pa ste/ / gur dang phur bu dra ba dag/ gdug pa'i bdud ni 'joms pa ste// bdud med 'chi ba med pa yin// bdag gi sems ni bcing bar bya// gang gis rang sems gdul ba yis// bdud kyis gnod pasgos cing gos// mnyam pa'i sems kyi dri yis ni// bgru bzhi pa ru yang dag bri// lus la ste'u dang tsan dan dang // sems kyis mnyam par gnas pa na// mnyam pa nyid kyi ye shes brjod// dngos po bdag med bsres pa ste// gang zhig rnal 'byor rgyal bar 'gyur/ / gang dag rnal 'byor ma yin// khu ba rnams la za ba dag/ de yis sa stengs mtha' dag tu// rga dang na ba rnam par 'joms// rnal 'byor ma zhi'i kha sbyor las dam tshig chen po'i bdud rtsi lnga zhes bya ba'i brtag pa ste gsum pa'o/ / de nas yang dag bshad bya ba// sbyor ba dang po'i bsgrub thabs ste// stong ba rnam pa'i shes par bya// dam tshig bzhini bsgrub pa ste// dang po zhub rnams shes bya// gnyis pa de bzhin khrag nyid po/ / dza rje chung dra chen ni// dam tshig bzhin bsnyen pa ste// 'dod chags khu bar rnam par bshad// thag dog khrag na nyid dag go// gnyi sug nas sdang rgyal ba ste// zhe sdang dri chur bcas pa med// dam tshig pani yin la gyi/
- 239b
gyis// dam tshig bzhi la spyod pa pas// dang por sbyor ba 'grub 'gyur zhing // rdo rje sems dpa' dang mnyam 'gyur// bris sku gzhug pa'i rnal 'byor gyis// dam tshig de nyid bsgrub bya ste// stong pa'i rdo rje brjod paste// ye shes sems dpa' rnam par bsam/ / mdor bsdus pa ni sngags bzlas bya// hUM b+h+yo sngags ni brjod par bya// dngos pos bsgom pas bsgom par bya// spro dang sdud par byed pa'o// bdud bzhi gzhan las brgyad pa yi// gor mtshor cha 'di yis bcing // rab phur bu gung sogs kyis// phyogs bzhal sogs bcing bar bya// khams bzhi por ni yang dag 'byung // bdung bzhi po ni rnam par brjod// bad kan sha dang rkang dag dang // rus pa'i khams la yang dag 'byung / / sbyin dang bdag ma sgrol ma dang // gos dkar la sogs bzhi pa'o// khams bzhi dag ni rnam gnas pa// sbyor ba dang por brjod pa'o// brtson chen zhes su rnam bshad pa// rlung dang me ni mchog yin te/ / de la dbus su yang dag gnas// dzA ta ri'i rang bzhin ming // dbyibs dang kha dog sna tshogs pa/ kha dog med par rab tu grags// dbyangs dang yi ge'i tshul dag du// dbyangs med yi ge mang pa'o// tshangs min khyab 'jug drag po mir/ / nam mkha' min zhing 'dod pa min// zla ba min zhing skar ma min// nyi ma min zhing rlung yang min// gnod sbyin srin po lha min mi// 'byung po yi rigs nyid mir cing // snod dang bcud ni sna tshogs dang / / khams gsum po ni ma lus la// bdag nyid chen po de yis khyab// bems po nyid la yid kyis rtogs// de nyid 'jig rten pa ru 'gyur// tshangs pa khyab 'jug dbang phyug che// zla ba gza' zir skar sa b+ha// de nyid thams cad bde ba che// rdo rje 'dzin pa rnam snang mdzad// pad ma nyi ma khrag 'thung te// rdo rje rnal 'byor po nya mo// de nyid rdo rje bde chen po// rdo rje rdo rje 'dzin pa nyid// de bzhin pad ma pad ma 'dzir// ror bu nor bu
- 240a
'dzin pa nyid/ / rigs 'di rnams su bsgyur ba'o// de nyid dkyil 'khor bri ba nyid// rdul mtshon kha dog lnga pa'o// de nyid sngags su rab tu bya// hUM hU~M phaT kyi yi ge nyid// dmyal bdud 'gro yi dgas/ dang // lha dang mi dang lha min dang // darmod pa'i sems su gyur pa yos// 'khor ba 'di ru 'khor par 'gyur// rnal 'byor chen po mdor bsdus pa// rdo rje can la gnas pa'o// lha mo chen mo slar yang dri// 'gro dang 'ong brje ltar 'gyur/ / gnas nas 'di yi sems dag ni/ lte ba ji ltar brjod pa yin// khub ji ltar gzugs su 'gyur// skye bo'i skye ba ji ltar yin// de yi gzugs kyi skye ma la ni// khrag las ji ltar 'byung ba lags// 'byung ba rnams kyi 'byung ba ci/ / de yi skye ba ji ltar lags// sa dang chu dang de bzhin me// rlung dang nam mkha' nyid dang ni// skye gnas kun la chags pa ni// dngos po rnam pa ji ltar khyab// zhi ba'i gzugs ni ji ltar yin// thams cad du ni ji ltar skye// 'di rnams yang dag bshad pa ni// lha mo bden par bdag la gsungs// ji ltar de bzhin rdo rje nyon// sems can kun gyi bskyed pa dag/ 'khor bar yang dag bsrubs pa las// dang 'di thabs kyis 'di 'gyur ro/ / thog ma tha ma med dus su// sems can thams cad yang dag 'byung // rgya mtsho 'khrugs sags gting gi bar// blo gros chen po bsrubs pa yin// de las de dag skye bar 'gyur/ sa yi khams dang yang dag ldan// me yis mnyam par nges par bsrubs// chu dang rlung gi bye brag go// yid kyis de ru rab zhen pa// mngal ni gzung zhing blangs pa ste/ do ni 'khor bar 'khor bar 'gyur// dag pa mya ngan ldan pa ste/ de las 'byung bar 'gyur ba ni// so sor skye ba smra ba ste// de bzhin tshes dag zab mo nyid// sangs rgyas rnams kyis sangs rgyas brjod// de nyid 'di rnams mnyam bshad pa// sum cu pa ste rnyed par dkal/
- 240b
nal 'byor ma pa zhi la lasbyor las de 'on nyid man ngag sbyor ba bzhi'i cha zhes bya ba ste brtag pa bzhi pa'o// / de nas yang dag bshad bya ba// sbyin bsreg las ni rab tu bsgrug// smyan bsreg rnam pa su gsungs/ / phyi dang nang du yang dag gnas// phyi ru ji ltar gsungs pa lags// nang du yang ni co ltar 'gyur// nyon cig rdo rje nang gi ni// ji bzhin sbyin bsreg rab bsgrub bya// me chen po dag rab tu sbar// rnam rtog med pa'i sbyin bsreg bya// bza' dang btung ba gang yang rung // de ru thams cad sbyin bsreg bya// bsreg rdzas rang bzhin gsungs pa dag/ gzugs phung la sogs lnga po dag/ rnam rtog med pa'i sbyin bsreg bya/ de dag thams cad sems las byung // khrag dang khu ba de bzhin sha/ dri chen dri chu lnga po dag/ rnam rtog med par bza' bar bya// blo ldan rang bzhin med pas so// gti mug nga rgyal de bzhin chags// zho sdang de bzhin 'dod chags nyid/ / phrag dog ser sna phra ma dag/ dam tshig de nyid dri ma med// ji ltar nyi ma 'bar ba bzhin// de ltar dri ma med par 'gyur// ji ltar ston gyi zla gsal ba// de ltar 'di yi dbus gsal yin// 'dod// rags chen por 'gyur ba yin// rdo rje snang byed sgron ma pa'i// de nyid thar bar gsungs pa ste// bla med go 'phangs thob par 'gyur// sbyin bsreg 'di la rab gnas na// lha rnams dga' bas rim pa yin// sbyin bsreg las ni rab gsungs nas/ / rab gnas ngag ni brjod par bya// sngon gyi rnal 'byor la gnas nas// de nas rab gnas bya ba ste// rab gnas sku sogs thang ka dang // rnal 'byor can gyis bregs pam ste// dpal ldan g.yon gyi dril bu 'dzin/ / g.yas kyis rdo rje yongs su gzung // den kun rnal 'byor kun gyis ni// mdzes par sku gzugs mchod par bya// shi dang chang dag rab tu bkang // ro yi steng du yang dag gnas/
- 241a
par pa Tika ga ku le// mchod pa kun gyis dgyes par bya// ma tag sus dang mar me dang // dra nyid dang ni rnam pa ban// glung byungs de bzhin gang dag dang // sgrub smos gtasogs te// skul sogs pa 'di rnams la/ / rab gnas chen po bya ba yin// ya a mu sa i sa hi dz+dza lani// ma i hi mA d+ha sma ba hi dz+dza i// tsi ti ha tsin da ta d+has+sa tsan ta dz+nyA si// sa e las d+hus ta ba kiradz+nyA i// glu 'di dag ni blangs pa yis/ / dbang rnams kun kyang blang ba ste// chos rnams thams cad yang dag rdzogs// de bzhin gshegs pa kun gyi gzhi// mchod pa kun gyi sprin chen mo// spro zhing bsdu bar brjod pa'o// nga yis rab gnas bshad pa ni/ / rgyud gzhan las ni rnyed par dka'// rnal 'byor ma bzhi yi kha sbyor las sbyin bsreg rab gnas kyi brtag pa ste lnga pa'o// // de nas mdor bsdus rab bshad pa// de nyid gtan la dbab pa'i mchog/ rtag tu sems ni rnam rtog med// rnam rtog bcas pas ci ltar 'gyur// ci ltar me dag rab 'bar ba// rtag tu shing rnams tshig par brjod// de la tshig pa shing rnams te// 'di yis tshig par mthong pa yin/ / de yis tshig pa ji bzhin du// blo ldan rnam rtog med pa yis// phung po lnga yi shing rnams te// de bzhin gzugs kyi phung po nyid// rus pa rkang dang bdakan dang // khrag dang khu ba dri chen dag/ mig gnyis de bzhin rna ba dang / / de bzhin du ni sde nyid dang // sa dang tshwa dang de bzhin me// rlung dang nam mkha' nyid dag dang // 'byung ba lnga po thams cad la// de nyid nyi shu rtsa lnga dag/ de yi gnas ni bye brag tu// nga yis bye brag brjod pa ste/ / lte bar gnas pa'i 'khor lo chos// 'dab ma drug bcu bzhi dang ldan// shes rab gnas su rab tu gsungs// zla ba'i gzugs bzhin gsal ba ste// de yis dbus su gnas pa dag/ me lta bur
- 241b
na'abrang ba par/ / ba can de ni 'bar bste// dam kyim mdzang ban// de las de na gzugs mazang yin// dngas pa thams cad gzugs 'dzin pa// zla tho gnas su gsas shang bad// nA la gang ranama'/ rdo rje can na rtag tu 'byung // rdo rje 'din chen gzugs bzhin no// rlung gis nus pa sa yin te// de yi dbus su rab tu grags// gang zhig ri 'od can gzugs gsungs// shes rab de nyid mdor bsdus so// ltar nyi mar rab tu brjod// rdo rje 'dzin dang bcas par 'gyur// sde tshan brgyad kyi tha ma gzugs// thig le dang ni zhabs kyis bcas// de nyid nyim zhes su gsungs// 'od zer 'bar ba'i phreng ba can// de ya su yang dag 'byung / / rdo rje can gnas mnyam par 'gyur// ji ltar gnyid kyis bzung ba na// cung zad kyang ni mthong ba med// gzugs la sogs pa'i gzung ba dag/ langs na rtag tu mthong ba yin// de thabs ni bsgom pa yin/ / de yi rang bzhin mchog du grags// sems can thogs med bde chen brjod// de ru der gnas dngos po yis// shes rab pha rol phyin pa gsal// de phyir de nyid dngos po yis// blo ldan sems kyi de nyid gsung / / sems ni rnam par dag pa ste// 'khor ba'i rgya mtshor 'khyam par 'gyur// sngags pa gar 'dod 'gro ba yin// skad cig gis ni gnas par 'gro// 'dod chen rnams ni chags par 'gyur/ drag po rnams la drag po mtshon/ zhi ba rnams la zhi ba ste// 'di ni 'dun rgyab rgyal ba rim// ji ltar 'di ru pad ma rim// 'dod chags skyon gyis gos mi 'gyur// sna tshogs bag chag skyon ma chags// khams gtso po ni de bzhin dag/ stong pa ma yin ma stong min// dbu ma nye bar thob pa'o// shes rab pha rol phyin rnal 'byor// thabs ni snying rje'i bdag nyid do// 'di ni byang chub sems rdo rje// sems dang sems byung rang bzhin gyis//
Colophon
rnal 'byor ma bzhi'i kha sbyor zhes bya ba rgyud kyi rgyal po chen po rdzogs s+ho // // dpal ani dhi ba na las nges par 'byung ba'i rnal 'byor ma'i rgyud chen po stong phrag bcu gnyis pa las 'jig rten pa dang 'jig rten las 'das pa'i rgyal po chen po dpal ani dra p+h'u ti'i zhabs kyis bkol cing ga sal bar mdzad pa'o // bod kyi lo tsha ba la chids yon tan 'bar gyis bsgyur te // slad kyis de nyid kyi tshe paN Di ta gnyis li ying gtugs te gtan la phab pa'o // (ga, 243a5-7)