mdo chen po gzugs can snying pos bsu ba zhes bya ba
Bimabisvarapradtyudagamanannamamahāsutram
Text
ff. 337a–344b · 16 folio sides
- 337a
gang dgis chos kyi rnam grangs 'di las than tshigs su bcad pa gcig tsam lung 'bog na/ rigs kyi bu phyogs bcu'i sangs rgyas bcom ldan 'das sangs rgyas kyi spyan la snang bar 'gyur ba ji snyed pa de dag la/ yongs su mya ngan las 'das kyi bar du gang zhig gis/ bde ba ni sbyor ba thams cad kyis/ bsnyen bkur byas / yongs su mya ngan las 'das nas kyang rin po che sna bdun gyi mchod rten byed pa/ de bas gang zhig chos kyi rnam grangs 'di las/ tha na tshigs su bcad pa gcig tsam lung 'bog na/ 'di'i bsod rnams ches mang du skyed do// rigs kyi bu chos kyi rnam grangs 'di 'chad pa na/ gang zhig dang ba'i sems kyis legs so zhes bya ba byin pa de la/ sangs rgyas thams cad kyis stod par 'gyur ro// gang gis 'di la rim gro byas pa des/ nga la rim 'gror byas par 'gyur ro// de nas bcom ldan 'das kyis thams cad dang ldan pa'i 'a de la rnam par gzigs nas/ 'di skad ces bka' stsal to// rigs kyi bu dag nga ni bden par mi ba ste/ sa phyogs gang na chos kyi rnam grangs 'di gnas pa'i sa phyogs de la/ sangs rgyas thams cad dgongs par 'gyur ro// rigs kyi bu dag chos kyi rnam grangs 'di ni 'dzam bu'i gling pa'i sems can rnams kyi sman du gyur par 'gyur ro// gang gis chos kyi rnam grangs 'di la lan gsum brjod dam/ rjod du bcug na/ des ston pa la chos kyi 'khor lo rab tu bskor bar bskul bar 'gyur ro// rab 'byor gang zhig chos
- 337b
kyi rnam grangs 'di yi ger 'bri 'am/ yi ger 'drir 'jug pa de bde ba bcas shing / yid bde ba dang bcas bzhin du/ byang chub mngon par rdzogs par 'tshang rgya bar 'gyur// ro// des sangs rgyas thams cad kyi mdzod kyang bzung bar 'gyur ro// rigs kyi bu dag chos kyi rnam grangs 'di ni/ sems can dmyal bar 'gro ba'i sems can rnams kyi rna las du grags par mi 'gyur ro// gang dag mi'i gnas nas shi 'phos te/ yongs su dag pa'i sangs rgyas kyi zhing rnams su skye ba de dag gi/ rna lam du tshus kyi rnam grangs 'di grag par 'gyur ro// rab 'byor gang gis sangs rgyas stong la dge ba'i rtsa ba bskyed pa de'i rna lam du chos kyi rnam grangs 'di grag par 'gyur ro// rab 'byor rigs kyi bu 'am/ rigs kyi bu mo gang chos kyi rnam grangs 'di thos nas/ dad dam/ 'chang ngam/ klog gam/ kun chub par byed dam/ gzhan dag la yang rgya cher yang dag par rab tu ston par 'gyur ba/ de'i lag tu byang chub song ngo zhes ngas bshad do// des mig lnga thob par 'gyur/ dbang po ma tshang bar mi 'gyur/ dran pa brjed pas 'chi ba'i dus byed par 'gyur/ sangs rgyas thams cad sgrub pa'i ting nge 'dzin dang / gzugs kyi snying po'i ting nge 'dzin dang / gtsug gi nor bu'i phyag rgya'i ting nge 'dzin dang / dbang bskur ba'i ting nge 'dzin dang / spyan ras gzigs kyi phyag tshar ting nge 'dzin rab tu thob par 'gyur/ yi ge med pa'i ba ma tog gi gzugs thob par 'gyur/ ches pas
- 338a
cad la rnam par rgyal ba'i gzugs dang / theg tsom rnam par sbyong ba'i gzungs dang / don dam pa rnam par nges pa'i gzungs thob par 'gyur te/ de dag las sogs pa gzungs dang / ting nge 'dzin gyi sgo brgya stong tha' yas pa thob par 'gyur ro// mngon par shes pa lnga dang ldan par 'gyur ro// bsams bzhin du 'chi 'pho dang / skye ba yongs su 'dzin par 'gyur ro// de nas bcom ldan 'das kyi/ 'jam dpal gzhon nur gyur pa la bka' stsal ba/ 'jam dpal sangs rgyas mang po la bsnyen btu byas pa khyod la/ chos kyi rnam grangs 'di yongs su gtad kyis yang dang yang rgya cher yang dag par rab tu shod cig/ rgya gar skad du/ bi ma bi swar prad t+yu da ga ma nan na ma ma hA su tram/ bod skad du/ mdo chen po gzugs can snying pos zhus pa zhes bya ba/ dkon mchog gsum pa/ phyag 'tshal lo// 'di skad bdag gis thos pa'i dus srid pa kun tu sbyor ba/ yongs su zad pa/ yang dag bcom ldan 'das dge la slong stong gi dge 'dun chen po thams cad kyang ston ral ba can/ thams cad kyang dgra bcom pa// zag pa zad pa/ bya ba byas pa/ byed pa byas pa/ khur bo la/ bdag gi don rjes su thob pa srid pa kun tu sbyor ba yongs su zad pa/ yang dag par shes pas/ sems shin tu rnam par grol ba shasas dang thabs gcig tu yul ma ga d+ha'i yul rgyu zhing gshegs pa na/ mag d+ha pa rnams kyi mchod rten rab
- 338b
brten gyi smyug ma'i nags khrod ga la ba der gshegs te/ de na bcom ldan 'das rab brtan tu byon nas/ ma ga d+ha pa rnams kyi mchod rten rab brtan smyug ma'i nags khrod na bzhugs so// yul ma ga d+ha'i rgyal po bzog dbyangs gzugs can snying pos/ bcom ldan 'das dge slong gi dge 'dun chen po thams cad kyang dgra bcom pa/ zag pa zad pa/ khur bor / dpag gi don rjes su thob pa/ srid par kun tu sbyor ba/ yongs su zad pa/ yang dag pa'i shes pas sems shin tu rnam par grol ba sha stag dang / thabs gcig tu yul rgyu zhing gshegs pa na/ ma ga d+ha ba rnams kyis mchod rten rab brtan gyi smyug ma'i nags khrod ga la ba der gshegs te/ de nas bcom ldan 'das rab bstan du byon nas/ ma ga d+ha pa rnams kyis mchod sten rab bstan gi smyig ma'i nags khrod na bzhugs so zhes thos so// thos nas kyang rgyal po'i 'byor pa chen po dang / rgyal po'i mthu chen/ pos shing rta khri nyis stong dang / yul ma ga d+ha'i bram ze dang / khyim bdag 'bum phrag du ma dang lhan gcig tu/ bcom ldan 'das la bsta ba dang / bsnyed bkur la 'gro ba'i phyir/ rgyal po'i khab nas byung ste/ de bzhon pas grod pa'i sa ji srid du bzhon pa bas song nas/ bzhon pa las babs te/ rkang pa kho nas kun dga' ra ba na bzhugs nas/ yul ma ga d+ha'i rgyal po bzo spyang gzugs can snying pos bar skabs gang nas/ bcom ldan 'das mthong ba'i bar skabs der/ rgyal po chos kyi mtshan ma lnga po cad
- 339a
phan dang / gdugs dang / ral gri dang / rnga yab nor bu can dang / lham khra bo dag phud te gzhag go// de nas yul ma ga d+ha'i rgyal po bzo sbyangs gzugs can snying pos rgyal chos kyi mtshan ma lnga po dag phud de bzhag nas/ bcom ldan 'das ga la ba der song ste phyin dang / bla gos phrag pa gcig tu bzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ btsun pa bdag gi yul ma ga d+ha'i rgyal po bzo sbyangs gzugs can snying po lags so// rgyal po lags so zhes lan gsum gyi bar du rang gi ming rjes su sgrogs so// bcom ldan 'das kyis bka' stsal pa/ rgyal po chen po de de bzhin no// de de bzhin te/ rgyal po chen po khyod ni yul ma ga d+ha'i rgyal po bzo sbyangs gzugs can snying po yin no// rgyal po chen po khyod ni yul ma ga d+ha'i rgyal po bzo sbyangs gzugs can snying pos/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ yul ma ga d+ha'i bram ze dang / khyim bdag kha cig gis ni/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// kha gcig gis ni bcom ldan 'das la mngon sum du phan tshud kun dga' bar 'gyur ba dang / yang dag par dga' bar 'gyur ba'i gtam sna tshogs dag gsol te/ phyogs gcig tu 'khod do// kha gcig gis ni bcom ldan 'das ga la ba de logs su thal mo sbyar ba btud te/
- 339b
phyogs gcig tu 'khod do// kha gcig gis ni rgyang po kho na nas/ bcom ldan 'das mthong nas/ cang mi sba bar phyogs gcig tu 'khod do// de'i che na ral pa can che dang / ldan pa lteng rgyas 'od srung 'khor de nyid du 'dus te 'dug par gyur ro// de nas yul ma ga d+ha'i bram ze dang / khyim bdag rnams 'di snyam du sems te/ ci dge sbyong chen po ltesteng rgyas 'od srung gi drung na tshangs par spyod dam/ 'od srung nyid dge sbyong sngar tshangs par spyod pa spyod snyam mo// de nas bcom ldan 'das kyi yul ma ga d+ha'i bram ze dang / khyim bdag rnams kyi sems thugs kyis mkhyen nas/ de'i tshe dang ldan pa lteng rgyas 'od srung la tshigs su bcad pa'i dbyangs kyis dri ba dris pa// lte nga rgyas gnas pas 'di la ci 'thong na/ khyod kyis me spangs brtul zhugs kho la spyod/ khyod kyis ji ltar me'i sbyin bsregs spangs// 'od srung de'i don ni ngal spros// tshe dang ldan pa lteng rgyas rgyas 'od srung gis gsol pa/ 'di na kha gcig zas dang skom dag dang // ri dang 'dod pa bud med brjod bgyid pa// rdzas byung de dag dri mar rab mngon pas// de skad la sbyin sregs la bdag mi dga'// bcom ldan 'das kyis bka' stsal pa// gal te khyod ni 'dod dad zas skom dam// de bzhin ro rnams dag la yid dgar mi byed na// ji lta/ lha'i mi'i 'jig rten dgal khyod kyi yid// dga' bar byed pa bya dris pa 'od srung spros// tshe dang ldan pa lteng rgyas 'od srung gis gsol pa// go 'bang zhing mchog phung po
- 340a
ma mchis shig/ ci yang ma mchis 'dod chags la// mi 'gyur gzhan gyis mi dkri mthong lags pas// de slad mchog sbyin sreg la bdag mi dga'/ ma nyams go 'phang dam pa ma mchis che// mchod sbyin brtul zhugs rnams dang zhugs kyis kyang // grol bar 'gyur zhes bdag yid/ rmongs gyur cing // ldongs shing skye shi'i rjes su zhugs par gyur/ go'u ta ma skye mang don tu rnam 'dren pa// thub pa bden pa'i rtsal mnga' khyod byung zhing // zhing mchog skyob pas legs bshad da lta/ ci// go 'phang 'dus ma bgyid kyis mthong // bcom ldan 'das kyis bka' stsal pa/ rab tu rnam par phye ba'i chos rnams las/ dam gang yin de ni rtogs gyur pa// de ni khyod kyis nyes bsams ma yin te/ te khyod kyis nges pa legs pa yin// 'od srung 'khor rnams spro ba bskyed cig/ de nas tshe dang ldan pa lteng rgyas 'od srung / bcom ldan 'das kyis skabs phye bas// ji ltar sems mnyam par bzhag pa bzhin du/ bdag gis stan gyi steng na/ mi snang bar gyur pa de lta bu'i ting nge 'dzin la snyoms par zhugs nas// sher phyogs kyi steng gyi ram mkha' la mngon par 'phags te/ spyod las rnam pa bzhi po 'di lta ste/ 'chag pa dang / 'greng ba dang / 'dug pa dang / nyam pa dag byed do// mi'i khams la yang snyoms par zhugs te/ tshe dang ldan pa ldeng rgyas 'od srung se'i khams la snyoms par zhugs pa'i lus las/ 'od bu zer/
- 340b
rnam pa sna tshogs 'di lta ste/ sngon po dag dang / ser po dag dang / dmar po dag dang / dkar po dag dang / bcod kha dag dang / shel gyi kha dog lta bu dag byung ngo // cho 'phrul dag kyang rnam par bstan te/ lus kyi smad nas me 'bar ba dang / lus kyi stod nas chu grang mo'i rgyun 'bab pa dang / lus kyi stod nas me 'bar la/ lus kyi spad nas chu grang mo'i rgyun 'bab pa dag kyang rnam par bstan to// shar phyogs su ji lta ba bzhin du/ lho dang / nub dang / byang phyogs kyi stong gi nam mkha' la yang mngon pa/ 'phags te/ spyod las rnam pa bzhi po 'di lta ste/ 'chang pa dang / 'greng ba dang / 'dug pa dang / nyal ba dag byed do// me'i khams la yang snyoms par zhugs te/ tshe dang ldan pa lteng rgyas 'od srung me'i khams la snyoms par zhugs pa'i lus las 'od gzer rnam pa sna tshogs 'di lta ste/ sngon po dag dang / ser po dag dang / dmar po dag dang / dkar po dang / bcod kha dag dang / shel gi kha dog lta bu dag byung ngo // rdzu 'phrub zung dag kyang rnam par bstan te/ lus kyi spad nas me 'bar la/ lus kyi stod nas chu grang mo'i rgyun 'bab pa dang / lus kyi stod nas me 'bag la/ lus kyi spad nas chu grang mo'i rgyun 'bab pa dag kyang rnam par stan to// de ltar phyogs bzhir rdzu 'phrul kyi tshe 'phrul rnam gyi ba bzhi bstan nas/ rdzu 'phrul mngon par 'du bya ba de dag phyir stan te/ tha gos zag pa gcig tu gabar te/ pus so g.yas pa'i lha nga sa la bcus/
- 341a
te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das ni bdag gi ston pa lags so// bdag ni bcom ldan 'das kyi nyan thos lagaso bcom ldan 'das ni bdag gi ston pa lags so// ston pa lags so bdag ni bcom ldan 'das kyi nyan thos lags so// bcom ldan 'das kyis bka' stsal pa/ 'od srung de de bzhin no// de de bzhin te/ 'od srung nga ni khyod kyi ston pa yin no// khyod ni nga'i nyan thos yin no// 'od srung nga ni khyod kyi ston pa yin no// ston pa yin no/ khyod ni nga'i nyan thos yin no// nyan thos yin no// 'od srung khyod rang gi stan gang yin pa la 'dug shig de nas tshe dang ldan pa lteng rgyas 'od srung gis/ bcom ldan 'das kyi zhabs la mgo bos phyag 'tshal te// rang gi stan gang yin pa la 'dug go// de nas yul ma ga d+ha'i bram ze dang / khyim bdag rnams 'di snyam du sems te/ dge sbyong chen po ni/ ral pa can lteng rgyas 'od srung gi drung na/ tshangs par spyad pa spyod pa ma yin gyi/ ral pa can ltang rgyas 'od srung nyid/ dge sbyong chen po'i spyan snga tshangs par spyad pa spyod pa yin no snyam mo// de nas bcom ldan 'das kyis yul ma ga d+ha'i rgyal po bzo sbyangs gzugs can snying ba la bkal ba// rgyal po chen po gzugs ni skye ba yang ma yin// 'jig pa yang ma yin te/ de'i skye ba dang / 'jig pa yang rtogs par bya'o//
- 341b
rgyal po chen po// tshor ba dang / 'du shes dang / 'du byed rnams dang / rnam par shes pa ni skye ba yang ma yin/ 'jig pa yang sa yin te/ de'i skye ba dang 'jig pa yang rtogs par bya'o// rgyal po chen po// gzugs kyi skye ba dang / 'jig pa'i chos nyid rtogs pa'i rigs kyi bus ni/ gzugs de yongs su shes pa yin no// rgyal po chen po/ tshor ba dang 'du shes dang / 'du byed rnams dang / rnam par shes pa'i skye ba dang / 'jig pa'i chos nyid rtogs pa'i rigs kyi bus ni rnam par shes pa de yongs su shes pa yin no// rgyal po chen po gzugs yongs su shes pa'i rigs kyi bu ni/ bdag gzhan gyi zhes len par mi byed/ nye bar len par mi shes/ lhag par chags par mi byed/ mngon par zhen par mi byed do// rgyal po chen po// tshor ba dang / 'du shes dang / 'du byed rnams dang / rnam par shes par yongs su shes pa'i rigs kyi bu ni/ bdag dang bdag gi zhes khas len par mi byed/ lhag par gams par mi byed/ mngon par zhen par mi byed do// rgyal po chen po gzugs bdag gir mi byed/ khas len par mi byed/ lhag par gnas par mi byed/ mngon par zhen par mi byed pa'i rigs kyi bu ni tshad med pa dang / grangs med pa yin no// mya ngan las 'das pa yin par smra'o// rgyal po chen po// tshor ba dang / 'du shes dang / 'du byed rnams dang / rnam par shes pa bdag gir mi byed/ khas len par mi byed/ nye bar len par mi byed/ lhag par gnas par mi byed/
- 342a
mngon par zhen par mi byed pa'i rigs kyi bu ni/ tshad med pa dang / grangs med pa yin te/ mya ngan las 'das pa yin par nga sla'o// de nas yul ma ga d+ha'i bram ze dang / khyim bdag rnams 'di snyam du sems te/ gal te gzugs bdag ma yin zhing tsher ba dang / 'du shes dang / 'du byed rnams dang / rnam par shes pa yang bdag ma yin na/ 'o na ci gang nas yang byung bar mi 'gyur ba dang / da ltar yang med pa yang ma yin zhing / gang de dang de dag tu dge ba dang / sdig pa'i las byas shing / bdag gi rnam smin pa so sor myong bar byed pa dang / gang phung po 'di 'dor zhing / phung po gzhan dang / nying mtshams sbyor bar 'gyur ba'i bdag kam// sems can nam/ srog gam/ skye ba 'am/ gso ba 'am/ gang zag gam/ shed las skyes sam/ shed bu 'am/ byed pa po 'am/ byed du 'jug pa po 'am/ skyed pa po 'am/ kun nas skyed pa po 'am/ slong ba po 'am/ kun nas slong ba po 'am/ smra pa po 'am/ myong ba po 'am/ so sor myong ba po 'am/ so sor myong ba po de gang zhig yin snyam mo// de nas bcom ldan 'das kyis yul ma ga d+ha'i bram ze dang / khyim bdag rnams kyi sems thugs kyis mkhyen nas// dge slong dag byis pa so so'i skye bo thob pa dang / mi ldan pa ni/ bdag ces tha snyad 'dogs rjes su lhung ste de la ni/ bdag gam/ bdag gis bya ba med do// dge slong dag/ sdug bsngal 'di skye la/ sdug bsngal 'gag par ni 'gag go/ 'du byed rnams skye ba ni skye la/ 'du byed rnams 'gag
- 342b
pa ni 'gag ste/ rgyu de dag la brten na/ sems nan rnams kyi rgyu 'byung bar 'gyur te/ dge slong dag de bzhin gshegs pa ni/ 'du byed rnams kyi rgyun nying mtshams sbyor bar thugs su chud nas/ sems can rnams kyi 'chi 'pho dang / skye ba 'dogs par mdzad do// dge slong dag ngas lha'i mig rnam par dag pa me'i las 'das pas/ sems can 'chi 'pho ba dag dang / skye ba dag dang / mngon bzang ba dang / mdog ngan pa dag dang / bzang po dag dang / bde 'gror 'gro ba dag dag dang / ngan 'gror 'gro ba dag kyang gzigs la/ sems can shes pa dang ldan pa 'di dag ni lus kyis nyes par spyod pa dang ldan pa/ ngag dang / yid kyis nyes par spyod pa dang ldan pa 'phags pa rnams la skur ba 'deb pa/ log par lta ba dag ste/ log lta ba'i las dang / chos yang dag par blangs pa'i rgyu lus zhig ste/ shi ba'i 'og tu rgyu de dag dang rkyen de dag gis/ ngan song ngan 'gro log bar lhung ba sems can dmyal ba rnams kyi nang du skye bar 'gyur ba dang sems can shes pa dang ldan pa/ 'di dag ni lus kyis legs par spyod pa dang ldan pa/ ngag dang yid kyis/ legs par spyod pa dang ldan pa// 'phag pa rnams la skur pa mi 'debs pa/ yang dag pa'i lta ba'i las dang / chos yang dag par blangs pa'i rgyu lus zhig ste/ shi ba'i 'og tu rgyu de dang / rkyen des bde 'gro batho ris kyi 'jig rte du/ lha rnams kyi nang du skye bar 'gyur ro// zhes sems can rnams/ las ji lta ba bzhin du nye bar 'gro ba dag kya/
- 343a
yang dag pa ji ltar ba bzhin rab tu mkhyen to// dge slong dag ngas de ltar mkhyen cing / de ltar gzigs pas na/ da ni gang nam yang byung bar ma yin zhing / gang de dang de dag du dge ba dang / sdig pa'i las byas shing / byas pa dag gi rnam par smin pa so sor myang bar byed pa dang / gang phung po 'di 'dor zhing / phung po gzhan dang / nying mtshams sbyor ba de/ chos kyi brda'i ma gtogs par/ bdag gam/ sems can nam/ srog gam/ skye ba 'am/ gso ba 'am/ gang zag gam/ shad zheng / phung po gzhan dang / las skyes sa so/ shed bu'am/ byed pa po 'am/ byed du 'jug pa po 'am/ skyed pa po 'am/ kun nas skyes pa po 'am/ spong ba po 'am/ kun nas slong ba po 'am/ sba ba po 'am/ myong ba po 'am/ so sor myong ba po yin no zhes mi sba'o// de la chos kyi brda' ni 'di yin te/ 'di lta ste/ 'di yod pa'i phyir 'di 'byung la/ 'di skyes pa'i phyir 'di skye ba ste 'di lta ste/ ma rig pa'i rkyen kyis 'du shes rnams/ 'du byed kyi rkyen kyis rnams par shes pa/ rnam par shes pa'i rgyan gyis ming dang gzugs/ mying dang gzugs kyi rkyen gyis skye mched drug/ skye mched kyis reg pa/ reg pa'i rkyen kyis tshor ba/ tshor ba'i rkyen kyis sred pa/ sred ba'i rkyen gyis len pa/ len pa'i rkye kyis srid pa/ sred pa'i rkyen gyis skye ga skye ba'i rkyen kyis/ rga shi dang / mya ngan dang / smre sngags 'don pa dang / sdug bsngal ba dang /
- 343b
yid mi bde ba dang / 'khrug pa rnams 'byung bar 'gyur te de ltar na sdug bsngal gyi phung po 'ba' shig po 'di 'byung bar 'gyur ro// 'di lta ste de med pas 'di mi 'byung la/ 'di 'gags pas 'di 'gag pa ste/ 'di lta ste/ ma rig pa 'gags pas 'du byed 'gag/ 'du byed 'gags pas rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gags/ reg me 'gags/ reg pa 'gas pas chog pa 'gags pas sred pa 'gag sred pa 'gags pas len pa 'gags/ len pa 'gags pas srid pa 'gags pas skye ba 'gag/ skye ba 'gags pas rga shi dang / mya ngan dang smre sngags 'don pa dang / sdug bsngal ba dang yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po chen po 'ba' shig po 'di 'gag par 'gyur ro// dge slong dag de ltar na 'du byed rnams ni sdug bsngal ba yin la/ mya ngan las 'das pa ni zha ba yin te/ kun 'byung ba las sdug bsngal kun 'byung bar 'gyur la rgyu 'gags pa las sdug bsngal 'gags pa dang / lam kyi rgyun 'chad pa dang / mi 'byung ba dang / nying mtshams sbyor ba med cing 'gag par 'gyur te sdug bsngal gyi mtha' ni de lta bu kho na yin no// dge srong dag de la sdug bsngal gang yin pa de 'gags pa dang / de nye bar zhi ba dang de bsil bar gyur pa dang de nub par 'byung ba ma gtogs par/ su zhig yongs su mya ngan las/
- 344a
'das te/ dge slong dag 'di lta ste phung po kun spangs pa sred pa zad pa/ 'dod chags dang bral ba 'gog pa/ mya ngan las 'das pa'i go 'phang 'di ni zhi ba'o// de nas bcom ldan 'das kyis yang lan gnyis su yul ma ga d+ha'i rgyal po bzo sbyangs gzugs can snying po la bka' stsal pa// rgyal po chen po ji snyam du sems/ gzugs rtag pa zhig gam/ mi rtag pa zhig yin snyam rgyal pos gsol pa/ btsun pa de ni mi rtag pa lags so// bcom ldan 'das kyis bka' stsal pa/ rgyal po chen po gang mi rtag pa de sdug bsngal ba zhig gam/ sdug bsngal ba ma yin/ rgyal pos gsol pa/ btsun pa de ni sdug bsngal ba lags so// bcom ldan 'das kyis bka' stsal pa/ rgyal po chen po 'o na gang mi rtag pa dang / sdug bsngal ba dang / rnam par 'gyur ba'i chos can de la 'gags pa nyan thos thos pa dang ldan pa gang / 'di ni bdag ga'o// 'di ni bdag gi bdag go zhes bdag tu khas len par byed dam/ rgyal pos gsol pa/ btsun mi bgyid lags so// bcom ldan 'das kyi bka' stsal pa/ rgyal po chen po ji snyam du sems/ tshor ba dang / 'du shes dang / 'du byed rnams dang rnam par shes pa rtag pa zhig gam/ mi rtag pa zhig yin ste/ rgyal pos gsol pa/ btsun pa de ni mi rtag pa lags so// bcom ldan 'das bka' stsal pa/ rgyal po chen po gang mi rtag pa de sdug bsngal ba ma yin// rgyal pos/ gsol pa/ btsun pa de ni sdug bsngal ba lags so// bcom ldan 'das kyi bka' stsal+la kyis bka' stsal pa/ rgyal po chen po 'o na gang mi rtag pa dang / sdug bsngal ba dang / rnam/
- 344b
par 'gyur ba'i chos can de la 'phags pa nyan thos thos pa dang ldan pa dag 'di ni bdag gi'o// 'di ni bdag go zhes bdag tu khas len par byed dam/ rgyal pos gsol pa/ btsun pa mi dpyid lags so// bcom ldan 'das kyis bka' stsal pa/ rgyal po chen po de lta bas na gzugs gang ci yang rung ba/ 'das pa 'am/ ma 'ongs pa 'am/ da ltar byung ba 'am// nar gyi 'am/ phyi rol gyi'am/ rigs pa 'am/ phra ba 'am/ bzang po 'am/ ngan pa 'am/ gang rgyang ring ba 'am/ gang zag nye ba de dag thams cad la yang dag pa'i shes rab kyis 'di ni bdag gi ma yin no// 'di ni bdag ma yin no// 'di skad ni bdag gi bdag ma yin no zhes de ltar de dag la yang dag pa ji lta ba bzhin du blta bar bya'o// tshor ba dang // 'du shes dang / 'du byed gang ci yang rung ba dang / rnam par shes pa gang ci yang rung ba 'das pa 'am ma 'ongs pa'i/ da ltar byung ba 'am/ nang gi 'am/ phyi rol gyi 'am/ phra ba 'am/ bzang po 'am/ ngan pa 'am/ brgyang ring ba 'am/ gang thag nye ba de dag thams cad la yang dag pa'i shes rab kyi 'di ni bdag gi ma yin no// 'di ni bdag ma yin no// 'di ni bdag ma gi bdag ma yin no zhes de ltar de dag la yang dag la yang pa ji lta ba bzhin du blta bar bya'o// rgyal po chen po de ltar 'phags pa nyan thos thos pa dang ldan pa ni gzugs la yang skyo bar 'gyur// tshor ba dang 'du shes dang byed rnams dang / rnam par shes pa la yang yo bar 'gyuraro// skye na 'dod chags dang bral bar 'gyur ro// 'dod chags dang bral na rnam/
Colophon
mdo chen po gzugs can snying pos bsu ba zhes bya ba// rdzogs s+ho// rgya gar gyi mkhan po 'dzi na mi tra dang/ prad nya bar ma dang/ zhu chen gyi lo tsa ba ban de ye shes sde las sogs pas bsgyur cing zhus te gtan la phab pa/ zhus dag go/ zhus nyis zhus/