byams pa'i seng ge'i sgra chen po zhes bya ba theg pa chen po'i mdo
Āryameitriyamahāsiṅhanadan namamahāyanasūtra
Text
ff. 72b–138a · 132 folio sides
- 72b
byang chub kyi phyogs kyi chos rnams kyang yongs su rdzogs par byas nas/ bcom ldan 'das de yongs su mya ngan las 'das pa'i 'og tu bla na med pa yang dag par rdzogs pa'i/ byang chub mngon par rdzogs par 'tshang rgya bar gyur te/ de bzhin gshes pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba'i kha lo sgyur ba bla na med pa lha dang mi rnams kyi ston pa/ sangs rgyas bcom ldan 'das kun tu 'od ces bya bar 'jig rten tu 'byung bar 'gyur// kun dga' bo rgyal po legs mthong de yang du sa gzhan zhig na/ bu thu bo rgyal srid la bzhag nas/ bcom ldan 'das de'i bstan pa la dad pas khyim nas par rab tu 'byung bar 'gyur ro// de bzhin gshegs pa de yang yongs su mya ngan las 'das pa'i dus kyi tshe byang chub sems dpa' de la byang chub sems dpa' legs mthong 'di ni nga yongs su mya ngan las 'das pa'i 'og tu bla na med pa yang dag par rdzogs pa'i byang chub tu mngon par rdzogs par rdzo tshang rgya bar 'gyur ro// zhes lung bstan nas/ yongs su mya ngan las 'das bar 'gyur ro// de nas tshe dang ldan pa sha ra dwa ti'i bus lha'i bu ded dpon la 'di skad ces smras so// lha'i bu khyod de bzhin gshegs pas lung bstan tam/ smras pa bcu pa sha ra dwa ti'i bu kho na ci ltar de bzhin gshegs pa'i sprul pa lung bstan te// da ltar gyi de bzhin nyid ci lta ba de bzhin nyid ci lta ba de bzhin du ma 'ongs pa'i de bzhin nyid kyang
- 73a
de lta bu yin pas/ de bzhin nyid da la ni lung bstan te/ da kar gyi de bzhin nyid tsa lta ba de bzhin nyid kyi lta ba de bzhin du ma 'ongs pa'i de bzhin nyid kyang de// bu yin pas de bzhin nyid de la ni 'phel ba yang med la/ yongs su 'grib pa yang med do// de nas bcom ldan 'das kyis tshe dang ldan pa kun dga' bo la bka' stsal ba/ kun dga' bo khyod kyis chos kyi rnam grangs 'di zung shig/ chongs shig lhogs shig/ shod cig kun nub par gyis shig/ skye bo mang po la bde ba dang // da ltar dang sa 'ongs pa'i byang chub sems dpa' rnams la phan pa dang / bde ba rjes su yongs su gzung ba'i phyir gzhan dag la yang rgya cher yang dag par rab tu ston cig/ kun dga' bos gsol ba/ bcom ldan 'das bdag gis bzung lags na/ bcom ldan 'das chos kyi rnam grangs 'di'i ming ci lags/ ci ltar gzung bar bgyi/ bcom ldan 'das kyis bka' stsal pa/ kun dga' bo chos kyi rnam grangs 'di ni cho 'phrul chen po bstan pa zhes bya bar zung shig/ 'di ni 'jam dpal gzhon nur gyur pas bstan pa zhes bya ba dang / rin po che thams cad kyi le'u zhes bya bar yang zung shig/ kun dga' bo rigs kyi bu 'am rigs kyi bu mo gang dag chos kyi rnam grangs 'di 'dzin pa dang / mos pa dang / mos nas kyang yi ger 'dri ba dang / klog pa dang / rab tu 'don pa dang // gzhan dag la yang rgya cher yang dag par rab tu ston par byed pa/ de dag ni bsod nams thams cad kyis yongs su
- 73b
zin par 'gyur ro// bcom ldan 'das kyis de skad ces dka' stsal nas/ tshe dang ldan pa kun dga' bo dang / lha'i bu ded dpon dang / 'jam dpal gzhon nur gyur pa dang // thams cad dang ldan pa'i 'khor de dang / lha dang mi dang lha ma yin dang dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// // 'phags pa dkon mchog brtsegs pa chen po chos kyi rnam grangs le'u stong phrag brgya pa las/ cho 'phrul chen po bstan pa lha'i bu ded dpon gyi zhus ba'i le'u zhes bya ste/ 'dus pa nyi shu rtsa gnyis pa rdzogs s+ho// / rgya gar gyi mkhan po 'dzin na mi tra dang su ran tra bo dang / phra nya bar ma dang / zhu chen gyi lo tsa ba ban de yaM shes sdes bsgyur cing zhus te gtan la phab pa// @#rgya gar skad du/ Ar me'i te ya ma he sing ha na da ni// na ma ma hA ya na su ta/ bo skad du/ 'phags pa dkon mchog pa rtsegs pa chen po chos kyi rnam grangs le'u stong phrag brgya pa las/ byams pa seng ge'i sgra chen po zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di ska des bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon ming sa sbyin gyi kun dga' ba na/ dge slong lnga stong tsam gyi dge slong gi dge 'dun chen po dang // byang chub sems dpa' sems dpa' chen po 'jam dpal gzhon nur gyur
- 74a
pa dang / spyan ras gzigs dbang phyug dang / mthu chen thob dang / dpal gyi snying po dang / byams pa las stsogs pa byang chub sems dpa' bu stong dang / thabs cig tu bzhugs te/ de nas bcom ldan 'das 'khor 'bum phrag du mas yongs su bskor cing mdun gyis bltas te chos ston no// de'i tshe na tshe dang ldan pa 'od srung chen po 'khor de nyid du 'dus te 'dug par gyur to// de nas tshe dang ldan pa 'od srung chen po stan las langs te bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btung nas/ bcom ldan 'das la 'di skad ces gsol to// gal te zhus nas zhu ba lung bstan ba'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa la phyogs 'ga' zhig zhu lags so// de skad ces gsol ba dang / bcom ldan 'das kyis tshe dang ldan pa 'od srung chen po la 'di skad ces bka' stsal to// 'od srung khyod ci dang ci 'dod pa de bzhin gshegs pa la dris shig dang / ngas dris pa de dang de'i lung bstan pas khyod kyi sems rangs par bya'o// de skad ces bka' stsal pa dang / bcom ldan 'das la tshe dang ldan pa 'od srung chen pos 'di skad ces gsol bcom ldan 'das rigs kyi bu 'am ta rigs kyi bu mo yongs su mya ngan las 'da' bar 'tshal bas/ legs par gsungs pa'i chos 'dul ba la rab tu byung nas ji ltar
- 74b
bslab par bgyi/ ci ltar spyad par bgyi/ ci ltar rnal 'byor du bgyi lags/ de skad ces gsol pa dang // bcom ldan 'das kyis tshe dang ldan pa 'od bsrung chen po la 'di skad ces bka' stsal to// 'od srung legs so legs so// 'od srung khyod 'di ltar skye bo mang po la phan dang / skye bo mang po la bde ba dang / 'jig rten la rjes su snying btso ba dang / lha dang mi rnams kyi skye bo phal po che'i don dang phan pa dang / bde ba'i phyir zhugs te khyod de bzhin gshegs pa la don de lta bu yongs su 'bri ba sems dpa' ni yang khyod legs so// 'od srung de'i phyir khyod legs par rab tu nyon la yid la zung shig dang / ngas khyod la bshad par bya'o// tshe dang ldan pa 'od srung chen pos bcom ldan 'das de bzhi no// zhes gsol te/ bcom ldan 'das kyi ltar nyan pa dang / bcom ldan 'das kyis nga la 'di skad ces bka' stsal to// 'od srung 'di la rigs kyi bu 'am/ rigs kyi bu bu mo yongs su mya ngan las 'da' bar 'dod pas/ legs pa'i gsungs pa'i chos 'dul ba la rab tu byung nas/ tshul khrims dang ldan pa dang / so sor thar pa'i sdom pas bsdam pa dang / phyogs phun sum tshogs pa dang / spyod yul phun sum tshogs pa dang / kha na ma tho ba phra rab tu tsam dag la yang 'jigs par lta ba dang / bslab pa'i gzhi rnams ya dag par blangs te bslab par bya'o// bskam chags med pa dang // tshul chos pa med pa dang // kha sag med pa dang // gzhogs spong med pa dang / thob kyis 'jal ba
- 75a
med pa dang / rnad pas rnyed par byed 'dod pa med pa dang / dam shes pa dang ldan pa dang // khrel yod pa dang ldan pa dang / 'dzes pa dang ldan par bya'o/ 'khor ba la yid skrag pa dang / nges par 'byung ba la mkhas pa dang / nges par 'byung ba la mngon par brtson pa dang / 'khor ba la rtag tu yid skyo ba dang / mya ngan las 'da' ba la phan yon du blta bar bya zhing / shing drung 'dug kyang rung / ri la 'dug kyang rung / gnas khang na 'dug kyang rung phug na 'dug kyang rung / des de bzhin gshegs pa rnams las yid la bya ste/ 'di ltar bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rigs pa dang zhabs su ldan pa bde bar gshegs pa 'jig rten mkhyen pa skyes bu 'dul ba'i kha lo sgyur ba bla na med pa lha dang mi rnams kyi ston pa sangs rgyas bcom ldan 'das gdung rgyud phun sum tshogs pa/ rigs phun sum tshogs pa/ dge ba'i rtsa ba phun sum tshogs pa/ tshul khrims kyis dpag tu med pa/ ting nge 'dzin dang shes rab dang / rnam par grol ba dang / rnam par grol ba'i ye shes mthong bas dpag tu med pa/ sangs rgyas kyi chos thams cad kyis dpag tu med pa/ yon tan gyi chos sam gyis mi khyab pa dang / gnal du med pa dang / ma ba dang ldan pa/ bden pa gsung ba/ yang dag par gsung ba/ ci skad gsung ba de bzhin du mdzad pa/ 'phags pa sman pa chen po/ zug rngu 'byin pa ma gsol bar bshes
- 75b
gnyen mdzad pa/ thugs rje dang ldan pa ded dpon chen po yin te/ de ni chos mya ngan las 'das pa/ zab pa zab par snang ba/ zhi bzhi par ston pa/ sems can med pa/ 'khrul pa med pa/ mtshan ma med pa/ mtshan ma yang dag par chad pa/ smon pa med pa/ smon pa dang bral ba/ spros pa med pa/ spros pa dang bral ba/ mthong bar dka' ba/ rtog par dka' ba/ nye bar gtod pa/ dngos po dang bral ba/ bden pa bden pa bral ba/ dngos po med pa/ dngos po ma gos pa// rgyu ba med pa rgyu ba yang dag par chad pa/ 'gro ba dang bral ba/ brjod du med pa/ brjod pa dang bral ba/ rlom sems med pa/ kun tu bstan pa nye ga med pa/ kun tu bstan pa rnyog pa med pa/ rnyog pa dang bral ba/ blang ba med pa/ dor ba med pa/ sdug bsngal nye bar zhi ba/ sred pa yang dag par chad pa/ ston par mdzad yang dag pa ston par mdzad pa yin no// zhes rnam pa las yid la bye'o// 'od srad de la dge slong gcig pu dben par song ste/ nang du yang dag 'jogs la zhugs pas ni/ 'di ltar de bzhin gshegs pa rnams pa las yid la bye ste/ bdag gis me'i lus thob cing rab tu byung ba dang / bsten par rdzogs pa dge slong gi dngos po yang thob/ bdag gis de bzhin gshegs pa yang mnyes par byas pas na/ bdag le lo byed pa dang / bya ba sna tshogs kyi 'du 'jidzis g.yen skyo zhing gnas pa ni bdag gi mi cha'o// de'i phyir zhe na/ bdag la 'bras bu ma thob pa med pa kho nar 'chi ba'i dus byed par 'gyur ba gang
- 76a
ma pa'i gnas de lta bu yang song sa/ sangs rgyas bcom ldan 'das rnams ni 'di lta ste/ dper na u dum par 'i ma tog ltar brgya la brgya las// 'jig rten du 'byung bar 'gyur bas/ de ltar na bdag gis da ltar byung ba dang / ma byon pa'i sangs rgyas bcom ldan 'das rnams mnyes par byas par mi 'gyur ba'i phyir ro// zhes de ltar de bzhin gshegs pa rnam pa las yid la bya'o// 'od srung de la dge slong gis khyod dang gnas brtan rab 'byor gyi rjes su bslab par bya ste/ 'od srung 'di ltar khyod nga ma mthong ba thos pas 'jig rten na dgra bcom pa yang dag par rdzogs pa'i sangs rgyas gang dag bzhugs pa de dag gi rjesu slob pa na rab tu 'byung ba ni 'od srung khyod chos 'dul ba 'di nyid la mdzes par gyur pa yin pa'i phyir// gang dag de bzhin gshegs pa mngon du mthong zhing mthong nas kyang nye bar 'ongs te/ rab tu 'byung ba dang / bsnyen par rdzogs pa dge slong gi dngos po gsol bar byed pa de dag gi rab tu byung ba de'i 'og tu yang de bzhin gshegs pas rjes su mkhyen to// rigs kyi bu 'am rigs kyi bu mo don gyi dbang gnyis mthong bas ni legs par gsung ba'i chos 'dul ba la rab tu 'byung bar khas blang bar bya ste/ gnyis gang zhe na/ tshe 'di la 'bras bu 'thob par 'gyur ba dang // ma 'ongs pa na bdag gis sangs rgyas kyi chos mthong ba'i rgyur 'gyur ba'o// 'od srung de la skyes bu blun po kha cig de bzhin gshegs pa'i spyan sngar
- 76b
gos ngur smrig dag bgos shing rab tu byung ba dang / bsnyen par rdzogs pa dge slong gi dngos po khas blang ste/ bslab pa rnams blangs nas/ gnas khang du song ngas phug tu song ste/ sgo bcad nas 'dod pa'i rnam par rtog pa dag la rnam par rtog par byed cing / gnod sems kyi rnam par rtog pa dag dang / rnam 'tshe ba'i rnam par rtog pa dag dang / lhung zed dang / chos gos kyi rnam par rtog pa dag dang / 'dza' shes kyi khyim dang / slongs mo ster ba'i khyim gyi rnam par rtog pa dag la rnam par rtog par yang byed la/ de dag 'di snyam du yang sems te/ bdag cag ni de bzhin gshegs pas mi mkhyen mi rig rnams par mi rtogs so// snyam du yang sems so// 'od srang gang gi tshe dge slong gnas khang na 'dug kyang rung / phug na 'dug kyang rung / 'chags na 'dag kyang rung ste/ 'dod pa'i rnam par rtog pa dag gam/ gnod sems kyi rnam par rtog pa dag gang rnam par 'tshe ba'i rnam par rtog pa dag gam/ mi dge ba'i rnam par rtog pa rnam pa sna tshogs dag la rnam par byed pa de'i tshe/ gnas kha ma phug gam/ 'chag sa de na lha gang dag g.yag ma gnyug mar gnas pa de dag gis dge slong de'i senas/ shes nas/ de dag 'di snyam du dge slong 'di gang gi phyir legs par gsungs pa'i chos 'dul ba la rab tu byung la/ sdig pa mi dge ba'i rnam par rtog pa de lta bu dag la rnam par rtog par byed pa ni mi rigs so// snyam nas yid sa rangs pa dang / sdug bsngal ba dang /
- 77a
mingam bde ba gyur te/ da srung de la skang bdag las cag na sprul bar yang byed// tsag gis ni snga ma yin par riganas/ byang du gas 'khod par yang byed do// 'od srung ltos dge ba'i rtsa ba cung ngu dang / shes pa chung ngu dang ldan pa'i lha de dag gis kyang gzhan gyi sems shes na/ de bzhin gshegs pa bskal pa bye khrag khrig 'bum phrag grangs med pa nas legs spyod pa spyad pas lta smos kyang ci dgos/ 'od srung de bzhin gshegs pa la ni mi mkhyen pa 'am/ ma gzigs pa 'amathugs sum chud pa 'am/ mngon sum du ma mdzad pa ci yang mi mnga' ste/ 'od srung de bzhin gshegs pa ni 'das pa dang / ma 'ongs pa dang / da ltar byung ba dang / dus las rnam par grol ba dang / brjod par mi bya ba'i shes bya rnam lnga la ye shes thogs pa med pa dang ldan zhing the tsom dang bral yin no// 'od srung de lta bas na rigs kyi bu 'am rigs kyi bu mo legs par gsungs pa'i chos 'dul ba la rab tu byung bas bdag nyid la rag lus par shes nas/ de bzhin gshegs pas kyang bdag gi sems thugs kyis mkhyen la/ gang dag phyogs bcu mtha' yas mu med pa'i 'jig rten gyi khams ni bzhugs te/ 'tsho zhing gzhes pa'i sangs rgyas bcom ldan 'das de dag gi sems thugs kyi mkhyen pas na/ bdag gi de bzhin gshegs pa'i bstan pa la rab tu byung nas dge sbyong gi chos rkun mi bya'o// zhes bslab par bya'o// 'od srung de la dge sbyong gi chom rkun ga
- 77b
zhe na// bzhi po 'di dag ni dge slong gi chom rkun yin te/ bzhi gang zhe na 'od srung 'di la dge slong dge slong gi kha dog dang / rtags dang / dbyibs la gnas shing de yang tshul khrims 'chal pa dang / sdig pa'i chos can yin par gyur na/ de ni dge sbyong gi chom kun dang po yin no// dben pa'i gnas su song ste gnas pa mi dge ba'i rnam par rtog pa dag la rnam par rtog par byed na de ni dge sbyong gi chom kun gnyis pa yin no// bdag nyid 'bras bu ma thob cing so so'i skye bo yin par shes bzhin du rnyed pa dang / bkur sti dang tshigs su bcad pa 'dod pas zil gyis non pas gzhan dag gi mdun du bdag nyid dgra bcom pa yin par khas 'che bar byed na/ de ni dge sbyong gi chom rkan gsum pa yin no// bdag la stod cing gzhan la smod par byed na de ni dge sbyong gi chos kun bzhi pa yin te/ 'od srung bzhi po de dag ni dge sbyong gi chom rkun yin no// 'od srung mi gtum pa brlang ba drag shul gyi las dang ldan pa/ nyam stobs dang ldan pa/ stobs chen rnogs dang ldan pa gang la la zhig byung bar gyur la/ 'od srung skyes bu des 'dzam bu gling ba'i mi gang ji snyed pa rnams dbyug pas sdigs sam/ mtshon gyis btab 'am// khu tshur gyis bsnun te/ bar bar byas nas nye bar spyad pa'i longs spyod mgron bu dang gser dang / non bu dang / mu tig dang / bai dur dang / dung dang / man shel dang / byi ru dang / sa le sbram dang / dngul dang / rin po che sna tshogs dang / khang khyim/ dang / bzhon pa dang / gos dang bza' ba dang bti dang / mal na dang / stan gyi nye bar spyod pa dang // yongasu spyad pa dang / dge' ba dang / rtse ba'i longs spyod rdza
- 78a
snyed pa de dag thams cad bcom zhing phrogs te khyer bar gyur na/ 'od srung 'di ji snyam du sems/ gzhi de las mi de bsod nams ma yin bamang du snyed snyam 'am/ 'od srung gis gsol pa// bcom ldan 'das mang du skyed lags so// bde bar gshegs pa mang du skyed lags so// bcom ldan 'das kyis bka' stsal pa/ 'od srung khyod mos par bya/ khyod kyi khong du chud par bya ste// gang zhig bdag nyid 'bras bu ma thob cing so so'i skye bo yin par shes bzhin du/ de rnyed pa dang / bkur sti dang / tshigs su bcad pa 'dod pas zil gyis non pas gzhan dag gi mdun du bdag nyid rgyun tu zhugs pa yin par khas 'che bar byed cing / za na bsod snyoms gcig tsam yongs su longs spyod par byed na// de ni de nas ches bsod nams ma yin pa'i phung po mang po skyed de/ de bas ches bsod nams ma yin pa'i phung po ma bzod pa skyed pa yin no// de nas bcom ldan 'das la gnas rten 'od srang chen pos 'di skad ces gsol to// bcom ldan 'das ji tsam du de bzhin gshegs pas dpe bstan pas/ bstan pa'i gnas bka' stsal pa de ni ngo mtshar lags te/ bcom ldan 'das dpe rin po che de lta bu thos na/ su shig 'bras bum thob par ban dad pas stsal bcang snod gang tsam yang len par 'gyur lags/ bcom ldan 'das kyis bka' stsal pa/ 'ang srung dade bzhin no// ji skad
- 78b
smras pa de bzhin te// mgo dang gos la me 'bar ba lta bus gnas par bya zhing 'bras bu ma thob par tha na dad pas byin pa chu snod gang tsam yang blang bar mi bya'o// 'od srung ma gnyis bya ches brlang ba/ ches drag shul gyi las dang ldan pa/ ches nyams stobs dang ldan pa/ ches stobs chen po'i shugs dang ldan pa gang la la zhig byung bar gyur la/ 'od srung mi des gling bzhi pa'i 'jig rten gyi khams na mi gang ji snyed pa rnams dbyug pas brdegs sam// mtshon gyis btab bam/ khu tshur gyis bsnun te phar bar byas nas nye bar spyad pa'i longs spyod ba'agron bu dang / gser dang nor bu dang / bai dur+ya dang / dung dang man shal dang / byi ru dang swa sbram dang / dngul dang rin po che sna tshogs dang khang khyim dang / gzhon pa dang / gos dang bza' ba dang / btung dang / mal cha dang / stan gyi nye bar spyad pa dang / yongs su spyad pa dang / dga' ba dang / rtse ba'i longs spyod ji snyed pa de dag thams cad bcom zhi phrogs te khyer par gyur na/ 'od srung 'di ji snyam du sems/ gzhi de las mi de bsod nams ma yin pa ma bskyed snyam 'am/ 'od srung gis gsol ba/ bcom ldan 'das mang du skyed lags so// bde bar gshegs pa mang du skyed lags so// bcom ldan 'das 'das kyis bka' stsal pa/ 'od srung khyod mos par bya/ khyod khong du chud par bya ste/ gang zhig bdag nyid 'bras bu ma thob cing so so'i skye bo yin par shes bzhin du de rnyed pa dang / bkur sti dang /
- 79a
chags su bcang ba 'ad pas bris kyis non pa sha gzhan dag gi mdun du bdag nyid lan cig phyir 'ong ba yin par khas 'chi bar byed cing / na bsod snyoms gcig tsam yongs su longs spyad par byed na/ de ni de bas ches bsod nams ma yin pa'i phung po mang du skyed de/ de ni de bas ches bsod nams ma yin pa/ phung po mi zad pa skyed pa yin no// 'od srung gling bzhi pa'i 'jig rten gyi khams na mi gang ji snyed pa thams cad kyi nye bar spyad pa longs spyod pa longs spyod rnams lta zhog gi/ 'od srang mi gsum pa ches shin tu gtum pa/ ches shin tu brlang pa/ ches shin tu drag shal gyi las dang ldan pa/ ches shin tu nyam stobs dang ldan pa/ ches bzhin tu stobs chen po'i shugs dang ldan pa gang la la zhig byung bar gyur la/ 'od srung mi des stong chu ngu'i 'jig rten gyi khams na mi gang ji snyed cig skyes pa de dag dbyug pas brdegs sam/ mtshon gyis btab bam/ khu tshur gyis bsnun te pham par byas nas/ nye bar spyad pa'i longs spyod 'gron bu dang / gser dang / nor bu dang / mu tig dang / bai dur+ya dang / dung dang / man shel dang / byi ru dang / sa le sbram dang / dngul dang / rin po che sna tshogs dang / khang khyim dang / gzhon pa dang / gos dang / bza' ba dang btung ba dang / mal cha dang / stan gyi nye bar spyad pa dang / yongs su spyad pa dang / dga' ba dang / rtse ba'i longs spyod ji snyed pa de dag thams cad
- 79b
bcom zhig phrogs te khyer bar gyur na/ 'od 'di ji snyam du sems/ gzhi de las mi de bsod nams ma yin pa mang du skyed snyam 'am/ 'od srung gis gsol pa/ bcom ldan mang du skyed lags so// bde bar gshegs pa mang du skyed lagaso// bcom ldan 'das kyis bka' stsal pa/ 'od srung khyod mos par bya// khyod kyi khong du chud par bya ste/ gang zhig bdag nyid 'bras bu ma thob cing / so so'i skye bo yin par shes bzhin du/ de rnyed pa dang / bskur sti dang / tshigs su bcad pa 'dod pas zil gyis non pas gzhan dag gi mdun du bdag nyid phyir mi 'ong ba yin por khas che bar byed cing / tha na bsod snyoms gcig tsam yongs su longs spyad par byed na/ de ni de bas ches bsod nams ma yin pa'i phung po mang du skyed do// de ni de bas ches bsod nams ma yin pa'i phung po mi bzad pa bskyed pa yin no// 'od srung stong na du phra mo'i 'jig rten gyi khams na mi gang ji snyed pa de dag thams cad kyi nye bar spyad pa'i longs spyod rnams lta zhog gi/ 'od srung mi bzhi pa ches shin tu rab tu gtum pa/ ches shin tu rab tu blang ba/ ches shin tu rab tu drag shul gyi las dang ldan pa/ chos shin tu rab tu nyams stobs dang ldan pa/ ches bzhin tu rab tu stobs chen po'i shags dang ldan pa gang la la zhig byung bar gyur la/ 'od srung mi des stong gi 'jig rten gyi khams na/ lha dang klu dang gnod sbyin dang / dri za dang / lha ma yin dang /
- 80a
da/ pa # na ga / 'du gyis bsdu che bapa par bya nas// bar snang pa yangs byung bza pa dang / gas nga ra bru dang / mu TIg dang bdun dang dung dang / mangs byir+ya dang / sa la sgram dang / dngub dang / ring po na sna chags dang / khang khyim dang gnon pa dang / gos dang / bda' ba dang / 'dung ba dang / mal ma dang / snyan gyi na pa spyad pa dang / yongs su spyad pa dang / dga' ba dang / rtse ba'i bde ba'i yod byed ci snyed pa de dag thams cad bcom zhing phrog te khyer bar gyur na/ 'od srung 'di ji snyam du sems/ gzhi de las mi de bsod nams ma yin pa mang du skyed snyam 'am/ 'od srung gis gsol pa// bcom ldan 'das mang du skyed lags so// bde bar gshegs pa mar du skyed lags so// bcom ldan 'das kyis bka' stsal pa/ 'od srung khyed mos par bya/ khyod kyi khong du chud par bya ste/ gang dag bdag nyid 'bras bu ma thob cing so so'i skye bo yin par shes bzhin du de rnyed pa dang / bskur sti dang / tshigs su bcad pa 'dod pas zil gyis non pas/ gzhan dag gi mdun du bdag nyid dgra bcom pa yin par khas 'che bar byed cing / ci nas kyang gzhan dag gis bdag dgra bcom pa yang dag yin par shes par bya'o// snyam nas dgra bcom pa steng nus 'byung
- 80b
ba ltar steng du 'byung bar byed/ dgra bcom pa dpe ston pa ltar dpe ston par yang byed la/ de ltar sdig pa can gyi 'dod pa de lta bu dang ldam pas tha na gzhan gyis dad pas byin pasan gyi na bsod snyoms gcig tsam yongs su longs spyod par byed na/ de ni de bas ches bsod nams ma yin pa'i phung po mang du skyed de/ de ni de bas ches bsod nams ma yin pa'i phung po mi zad pa skyed pa yin no// 'od srung de lta bas na gang stong gi 'jig rten gyi khams kyi sems can thams cad kyi bde ba'i yod byed thams cad 'phrog par spro ba de ni sdig pa can gyi 'dod pa de lta bus des dad pas byin pa yongasu longs spyod par byed de/ 'od srung ngas ni sdig can gyi 'dod pa de las gzhan pa rab tu byung ba'i chos shin tu tha chad gcig shos gzhan ma mthong ngo // 'od srung bzhi po 'di dag ni nyin thos pa pa rab tu byung ba'i sdig la 'dod pa yin te/ bzhi gang zhe na/ ma 'ongs pa'i sangs rgyas mthong bar 'dod pa dang / 'khor los sgyur ba'i rgyal srid 'dod pa dang / gzhan yang rgyal rigs kyi rigs dag 'dod pa dang / bram ze'i rigs dag 'dod pa ste/ bzhi po de dag ni nyan thos kyi thegs pa po rab tu byung ba'i sdig pa 'dod pa ma yin no// gang du 'ga' zhig la smod par byed na/ cher na mya ngan las 'das pa la smod par byed na yang / de yang sdig pa 'dod pa nyid yin te// de bzhin gshegs pas de la dgongs nas dge slong
- 81a
dag na ci na thang ba ldag ba'i mya ngan las 'das pa yang rung ste/ skad cig tsam skye ba la yang bsngags pa mi brjod do zhes ston te/ 'od srung bzhi po dri dag ni dge sbyong gi dri ma ste/ rab tu byung bas de dag thams cad kyi thams cad du mi bya'o// bzhi gang zhe na 'jig tshogs la mngon par zhen pa dang / gang zag du 'dzin pa dang / bslab po las 'da' ba dang / ma 'ongs pa'i sangs rgyas mthong bar 'dod pa ste/ bzhi po de dag ni dge sbyong gi dri ma yin te/ rab tu byung bas de dag thams cad kyi sa thams cad du mi bya'o/ 'od srung dge sbyong dang bram ze 'tsho ba yongs su dag pa sdig pa'i 'dod pa med pa/ tshul khrims dang ldan pa/ drang po'i rang bzhin can g.yo med pa/ smyan can ma yin pa/ khengs pa med pa / yongs su mya ngan las 'das pa 'dod pa rnams kyi ched du ngas bla na med pa yang dag par rdzogs pa'i byang chub mngon par rdzogs par sangs rgyas pa na/ 'od srung de dag dbugs 'byin par byed pa brjod par bya ste/ de thos na rnal 'byor pa rnal 'byor spyod pa dag dga' ba dang / mgu bar 'gyur ro// 'od srung rigs kyi bu 'am/ rigs kyi bu mo gang la la zhig gis gling chen po bzhi pa'i 'jig rten gyi khams na sems can gang ji snyed pa de dag thams cad la bskal pa 'am/ bskal pa las lhag par bde ba'i yo byad thams cad kyis bkur sti byas/ bla mar byos/ ri
- 81b
mo byas/ mchod pa byas pa pas ni yang dag par zhugs pa/ tshul khrims yongs su dag pa/ 'tsho ba yongs su dag pa zhig gis sbyin pa po gang gi dang pas byin pas tha na nu snod gang tsam zhig bdag gis byas par gyur na/ de nyid de la bsod nams kyi phung po ces rgya cher bar 'gyur gyi/ gling chen po bzhi pa'i 'jig rten gyi kham kyi sems can thams cad la bskal pa 'am/ bskal pa las lhag par bde ba'i yo byad thams cad kyis bskar sti dbyas/ bla mar byas/ ri mor byas/ mchod par byas pa de la ni de lta ma yin no// 'od srung ci ltar mi blun po sdig pa 'dod pa dang ldan pa des gang gi drang na chos gos sam/ bsod snyoms yongs su longs spyad pa de'i don de yongs su nyams par byed pa de lta bu ni dgra bo dang / gshed ma dang / phyir rgol ba dang / phas kyi dgras kyang yongs su nyams par byed mi nus so// 'od srung bzhi po 'di dag ni rab tu byung ba'i nyen mongs pa cha phra ba rnams yin te/ rab tu byung ba nyon mongs pa lnga de dag dang ldan na/ 'di lta ste/ dper na mnga' bangs pa de bzhin du sems can dmyal bar 'gro ba yin par brjod par bya'o// bzhi gang zhe na/ gzhan gyi rnyed pa la phrag dog gi chos nyid dang ldan pa dang / sdom pa dang ldan pa'i mdo ste thos nas tshul khrims kyi nyes pa 'byin par byed pa dang / de bzhin gshegs pa'i bka' las 'das sam/ bslab pa
- 82a
las 'das sam/ lhag pa'i nga rgyal gyis 'chal bar byed cing / rnam par 'byed par mi byed 'chags par mi byed pa dang / shes shing rtogs bzhin du dad pas byin pa yongs su longs spyod par byed pa ste/ 'od srung bzhi po de dag ni rab tu byung ba'i nyon mongs cha phra ba rnams yin te/ rab tu byung ba nyon mongs ba cha phra ba de dang ldan na/ 'di lta ste dper na mda' phangs pa de bzhin du sems can dmyal bar 'gro ba yin par brjod par bya'o// 'od srung bzhi po 'di dag ni dge spyod ltar bcos pa yin te/ bzhi gang zhe na tshul khrims 'chal pa dang / bdag tu lta ba dang / dam pa'i chos spong ba dang / 'jig rten rgyang phan pa ste bzhi po de dag ni dge sbyong ltar bcos pa yin no// 'od srung bzhi po 'di dag ni rab tu byung ba rgyags shing bag med pa yin te/ rab tu byung brgyags shing bag med pare/ dang ldan na sems can dmyal bar 'gro ba yin par brjod par bya'o// bzhi gang zhe na/ mang du thos pas rgyags shing mang du thos pas bag med par 'gyur ba dang / rnyed pa dang bskur sti dang / tshigs su bcad pas rgyags shing de rnyed pa dang / bskur sti dang / tshigasu bcad pas zil gyis non pas bag med par 'gyur ba dang / mdza' bshes kyis khyim dang / slongs mo ster ba'i khyim gyis rgyags shing de mdza' be shes kyi khyim dang / slongs mo ster nga'i khyim gyis lpags pas bag med par
- 82b
'gyur ba dang / sbyangs pa'i yon tan dang / yo byad bsnyungs pas rgyags shing sbyangs man tan dang / yo byad bsrungs pas rgyags shing sbyangs pa'i bdag la stong par byed/ gzhan la smod par byed pa ni byed pa ni bag med pa zhes bya ste/ 'od srung bzhi po de dag ni rab tu byung ba'i rgyags shing bag med pa yin te/ rab tu 'byung ba rgyags shing bag med par de dag dang ldan na sems can dmyal bar 'gro ba yin par brjod par bya'o// de nas bcom ldan 'das la gnas rten 'od srung chen pos 'di skad ces gas totatabacom ldan 'das slad ma'i tshe slang ma'i dus lnga brgya pa tha ma la dge sbyong dge sbyong ltar bcos pa/ ngur smig 'tshal ba gang dag de bzhin gshegs pas bskal pa bye ba grangs me nis par yang dag par bsgrubs pa'i bla na med pa yang dag par rdzogs pany+tsi Sh+yadi nub par bgyid par 'gyur ba ci 'dra ba dag 'byung bar 'gyur lags/ de skad ces gsol pa dang / bcom ldan 'das kyis tshe dang ldan pa 'od srung chen po la 'di skad ces bka' stsal to/ 'od srung de bzhin gshegs pa la gtam 'di yongs su dris pas khyod la ci byas thong shig/ de ci'i phyir zhe na/ 'od srung gal te de bzhin gshegs pas mi blun po de dag gi sdig pa 'dod pa dang / yang dag pa ma yin par 'dzin pa dang / g.yo dang chom kun dang / phyin ci log dang bdud kyi nyes pa dang // bdud kyi byin gyis rlabs kyi skyon yang dag pa thams cad brjod cing yang dag par
- 83a
bshad par gyur na/ 'od khyod kyis skyes bu dam pa ma yin pa de dag gi sdig pa'i kun spyod pa de dag thos na/ yang dag pa ma yin yang snang bar mi 'gyur ba'i phyir ro// de nas bcom ldan 'das la gnas brtan 'od srung chen pos 'di skad ces gsol to// bcom ldan 'das de bzhin gshegs pas chos 'dul ba 'di ci nas kyang / yun ring du gnas par 'gyur bar byin gyis brlab du gsol// de nas bcom ldan 'das kyi tshe dang ldan pa 'od srung chen po la 'di skad ces bka' stsal to// 'od srung de bzhin gshegs pa ni ring po mi thogs par yongs su mya ngan las 'da' bar 'gyur ro// 'od srung gis gsol ba bcom ldan 'das 'di lta ste/ dam pa'i chos kun tu bsrung ba'i slad du/ bcom ldan de bzhin gshegs pa bskal pa 'am/ bskal pa las lhags par bzhugs su gsol// de skad ces gsol pa dang / bcom ldan 'das kyis tshe dang ldan pa 'od srung chen po la 'di skad ces bka' stsal to// 'od srung gal te sangs rgyas stong snyed cig gis mi blun po de dag la cho 'phrul dang bcas pa'i chos bstan tu zin kyang skyes bu dam pa ma yin pa de dag sdig pa 'dod pa dang / sdig pa 'dzin pa de dag las phyir gzung ba 'am bzlog par mi spyod do// 'o srung gzhan yang khyod phyi ma'i dus lnga brgya pa tha ma la dam pa'i chos bsrung bar spro 'am/ sems can bsam pa dge ba gang dag khyod kyis bshad pa la gus pa
- 83b
nyan pa skyed par 'gyur ba dag kyang 'byung bar 'gyur ro// de skad ces bka' stsal pa dang / bcom ldan 'das la gnas brtan 'od srung chen pos 'di skad ces gsol to// bcom ldan 'das bdag gling chen po bzhi pa'i 'jig rten gyi khams grong dang grong khyer dang / grong rdal dang bcas pa/ brag dang ri bo'i zom dang bcas pa rgya mtsho dang / nu klung dang / nags tshal dang bcas pa 'di bskal pa 'am/ bskal pa las lhag par phrag pa 'am/ spyi bo la 'tshal bar ni spro lags kyi/ bcom ldan 'das bdag skyes kyi dam pa ma lags pa de dag gi log par smra ba'i sug las de dag nyan par mi spro lags so// bcom ldan 'das bdag rgya shu ga gam/ til lam/ 'bras bu gcig gis bskal pa 'am/ bskal pa las lhag par 'tshe bar ni spro lags kyi/ bcom ldan bdag skyes bu dam pa ma lags pa de dag gi log par smra ba'i su las de dag nyan par mi spro lags so// bcom ldan 'das bdag stong gsum gyi stong chen po'i 'jig rten gyi khams su bskal pa'i zhugs chen po 'bar du kun tu 'bar/ kun tu rab tu mched cing 'bar bar 'gyur ba'i nang du spyod lam bzhi bdag gis dgung lo bye ba snyed du gnas par ni spro lags kyi/ bcom ldan 'das bdag skyes bu dam pa ma lags pa de dag gi par smra ba'i sug las de dag nyon par ni mi spro lags so// bcom ldan 'as bdag sems can thams cad las khro ba dang / skyo ba dang / spad pa dang / bshung ba dang /
- 84a
bsdigs pa dang / brdegs pa dang / brtsegs pa dag bzod pas dang du len par ni spro lags kyi/ bcom ldan 'das bdag mi blun pos chos kyi rkun po chos kyi chom kun pa chos la mun tshor smrab chos ltar bcos pa/ ston pa de dag gi log par smra ba'i sug las de dag nyan par ni mi spro lags te/ bcom ldan 'das bdag ni nyits+tsha ba'i shes pa dang ldan pa lags pas/ de lta bu'i khur 'degs pa'i rngo mi thog lags kyi/ bcom ldan 'das byang chub sems dpa' ni de lta bu'i khur 'deg par rngo thog lags so// bcom ldan 'das gzhan yang 'di la bdag dpe brjod pa spogs pa lags te/ bcom ldan 'das 'di lta ste dper bgyi na/ mi la la zhig rgas shing 'dug la 'khogs par gyur cing // de yang na chod dgung lo brgya nyi shu tsam lags par gyur la/ mi de bro nad kyis thebs shing glo ba mi bde nas/ mchis mal gyi khri steng du cig ces smras te// de'i sug par gter te btams na// mi de ni gter de blangs nas/ legs par sbed pa dang / bsrung bar bgyid cing mi de slar mchis nas kyang gter de skar stsol bar bgyid pa de bzhin du bcom ldan 'das gang zhig byang chub sems dpa' das pa'i chos kyi gter 'dams par bgyid na/ de ni bskal ba bye ba khrag khrig zag mang por yang chab 'tshal bar mi 'gyur zhing skye bo mang po la yang sman 'dogs par 'gyur la/ sangs rgyas kyi gdung dang / chos kyi gdung dang / dgen 'dun gyi gdung rgyun gyi
- 84b
'chad par yang 'gyur lags so// bcom ldan 'das bdag gis ni byang chub sems dpas gang yongs su bsgrub par bgyid pa'i bgyi ba de dang / don de yongs su sgrub par rdzom thogs lags kyi/ bcom ldan 'das byang chub sems dpa' sems dpa' chen po byams pa 'di 'khor 'di nyid ngas te/ mngon par chis lags pas/ bcom ldan 'das kyis 'di la bka' stsol cig dang / 'dis ni slad ma'i tshe slad ma'i dus lnga brgya tha ma la dam pa'i chos nub par 'gyur ba'i dus kyi tshe na de bzhin gshegs pas bskal pa bye ba grangs ma mchis par yang dag par bsgrub pa'i bla na med pa yang dag par rdzogs pa'i byang chub 'di 'dzin par 'gyur/ rgyas par bgyid par 'gyur lags so// de ci'i slad du zhe na/ bcom ldan 'das 'di ltar byang chub sems dpa' sems dpa' chen po byam su pa 'di ni de bzhin gshegs pa'i 'og tu bla na med pa yang dag par rdzogs pa'i byang chub mdo/ par rdzogs par 'tshang rgya bar 'gyur ba lags pa'i slad du ste/ bcom ldan 'das 'di lta ste dper bgyi na/ rgyal po rgyal rigs byi ngo nas dbang bskur ba'i bu thu bog lags pa de ni rgyal po'i 'og tu rgyal srid bgyid du stsal bar gyur pa lags pas/ de ni rgyal po rgyal rigs spyi bo nas dbang bskur ba de nyid mchis bzhin du yang / rgyal srid la spro bar bgyid cing tshes dang ldan par yang 'gyur la/ de 'di snyam du yang sems lags te// rgyal po rgyal rigs spyi bo nas dbang bskur ba 'di'i
- 85a
'od tu ni/ bdag gis rgyal po bgyi'o snyam nas/ dbugs 'byin pa thob par yang 'gyur zhing / 'di ltar rgyal po'i bgyi ba gang lags pa de dag la yang mngon par brtson par bgyid pa de bzhin du/ bcom ldan 'das de bzhin gshegs pa 'das pa na/ byang chub sems dpa' sems dpa' chen po byams pa 'di yang 'di lta ste/ dam pa'i chos kyi rgyal srid kyi rgyal srid chen po bgyid du stsol par 'gyur pa lags pas/ 'dis ni dam pa'i chos kun tu srung ba la mngon par brtson par bgyi 'tshal lags so// de skad ces gsol pa dang / bcom ldan 'das kyis gnas rten 'od srung chen po la 'di skad ces bka' stsal to// 'od srung legs so legs so// ji skad smras pa de bzhin no// de nas bcom ldan 'das kyis phyag g.yas pa gser gyi mdog can brkyang nas/ bskal pa bye ba grangs med par dge ba'i rtsa bas yang dag par bsgrub pa'i phyog 'jam pa mchog tu mnyen pa bya ka len dka ltar reg na bde ba rgya skegs kyi khu bas bsgos pa'i mdog 'dra ba/ byang chub sems dpa' sems dang chen po byams pa'i mgo bor bzhag ste/ byugs nas 'di skad ces bka' stsal to// byams pa khyod phyi ma'i dus lnga brgya pa tha ma la dam pa'i chos nub par 'gyur ba'i dus la bab pa'i tshe na/ dam pa'i chos kun tu srung ba dang / yun ring du gnas par 'gyur ba dang / yongs su gzung ba dang / sangs rgyas dang / chos dang /
- 85b
dge 'dun gyi gdung rgyun mi 'chad par bya ba'i phyir spro bar gyis shig/ bcom ldan 'das byang chub sems dpa' sems dpa' chen po byams pa'i spyi bor phyag g.yas pa gser gyi mdog can bzhag ma thag du/ de nas skad cig de nyid la stong gsum stong chen po'i 'jig rten gyi khams 'di lan gsum du rab tu g.yos te/ g.yos rab tu g.yos kun tu rab tu g.yos/ 'gul rab tu 'gul/ kun tu rab tu 'gul/ ldeg rab tu ldeg kun tu rab tu ldeg cing / 'jig rten du snang ba chen po yang 'byung bar 'gyur/ sa bla ba dang / bar snang la gnas pa dang / 'og min gyi bar gyi lha rnams kyis kyang thal mo sbyar te/ byang chub sems dpa' sems dpa' chen po byams pa la/ 'phags pa byams pa khyod skye bo mang po la sman pa dang / skye bo mang po la bde ba dang / 'jig rten la thugs rtse ba dang / lha dang mi rnams kyi skye bo phal po che'i don dang / sman pa dang bde ba'i slad du dam pa'i chos kun tu bsrung ba dang / yun ring du gnas par bgyi ba dang / yongs su gzung bar spro bar mdzod cig ces smras so// de nas byang chub sems dpa' sems dpa' chen po byams pa stan las langs te bla gos phrag pa gcig tu gzar nas/ bu mo g.yas pa'i lha nga wa btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag ni sems can gcig gi don gyi
- 86a
slad du yang slad ma'i mtha' bu'i bar du 'khor bar yang sgro lags na/ dam pa'i chos yongs su gzung ba'i slad du lta smos kyang ci 'tshal te/ bcom ldan 'das bdag gis de bzhin gshegs pas bskal pa bye ba grangs ma mchis par yang dag par bsgrubs pa'i bla na med pa yang dag par rdzogs pa'i byang chub 'di kun tu srung ba dang / rgyas par bgyi lags so// byang chub sems dpa' sems dpa' chen po byams pa sa/ pus mo g.yas pa'i lgang sa la gtsugs ma thag tu/ de nas yang stod gsum gyi stong chen po'i 'jig rten gyi khams 'di rnam pa drag du rab tu g.yos so// de nas bcom ldan 'das la byang chub sems dpa' sems dpa' chen po byam pas 'di skad ces gsol to// bcom ldan 'das bdag ni su la yang 'gran par mi bgying / nga rgyal mi bgyid lags so// de ci'i slad du zhe na/ bcom ldan 'das 'di lta ste/ dam pa'i chos yongs su bzung ba 'di dag ni skyes bu dam pa'i sug las lags te/ bcom ldan 'das byang chub sems dpas khur gang 'deg par 'gyur ba'i khur de lta bu de ni nyan thos dang rang sangs rgyas kyis 'deg par rngo ma thog pa'i slad du'o// de nas bcom ldan 'das kyis byang chub sems dpa' sems dpa' chen po byams pa la legs so zhes bya ba byin te/ byams pa legs so legs so// ci ltar de'i spyan sngar khyod dam pa'i chos yongs su gzung ba'i phyir seng ge'i sgra
- 86b
'di lta bu sgrogs par byed pa de bzhin du/ phyogs bcu'i sangs bcom ldan 'das gang ga'i klung gi bye ma snyed dag gi spyan snga dag na yang byang chub sems dpa' rnams seng po sgra skrag shing dam pa'i chos yongs su 'dzin par byed do// de skad ces bka' stsal pa dang / bcom ldan 'das la byang chub sems dpa' sems dpa' chen po byams pas 'di skad ces gsol to// bcom ldan 'das bcom ldan 'das de bzhin gshegs pas skyes bu dam pa ma lags pa/ byang chub sems dpa' mchis kyi skye ba// glen pa blun po rnyed pa dang bkur sti 'tshal ba/ rnyed pa dang bkur sti la gdub mdza' shes kyi sngam pa dang / slongs mo'i ster ba'i sdum pa la gdu' ba/ gsod nyams la sbyor bar brtson pa/ de dag gi nongs ba'i gnas bdag la stsal du gsol/ de ci'i slad du zhe na/ bcom ldan 'das 'di ltar bdag gis rgya de dag thos na// de dag rtog pas myur bar spyod par bgyid cing / nongs pa de dag las bdag nyid bsrung par bgyid pa dang / skyes bu dam pa lags pa de dag las kyang le la de bzhin gshegs pas bdag mkhyen cing de bzhin gshegs pas bdag rtogs so// rab tu rtogs so zhes de bzhin gshegs pa la 'dang bskyed par 'gyur ba'i slad du'o// de skad ces gsol pa dang / bcom ldan 'das kyis byang chub sems dpa' sems dpa' chen po byangs pa la 'di skad ces bka' stsal to// byams pa de'i phyir legs par rab tu nyor la ying la lung shig dang / skyes drangs ba'i
- 87a
yin pa de dag gnyis pa'i gnas gang yin pa chung zad tsam zhig bstan par bya ste/ byams pa phyi ma'i tshe phyi ma'i dus lnga brgya ba tha ma la byang chub sems dpa' khas 'che ba mang po 'byung ba de dag gi sdig pa 'dod pa gang yin pa de dag bshad par bya'o// byams pa snyems dpa' chos bzhi dang ldan na/ byang chub sems dpar/ khas 'che bar yin par rig par bya ste// bzhi gang zhe na snyed pa 'dod pa dang / bkur sti 'dod pa dang / g.yo byed pa dang / yang ba'i mtsho bas 'tsho bar byed pa yin te/ byams pa byang chub sems dpa' chos bzhi po de dag dang ldan na/ byang chub sems dpar khas 'che ba yin par rig par bya'o// byams pa de la phyi ma'i tshe phyi ma'i dus lnga brgya pa tha ma pa la byang chub sems dpa' khas 'che ba/ khyi'i chos kun tu spyod pa mang po dag 'byung bar 'gyur te/ byams pa 'di lta ste/ dper na khyi ni sngon lan 'ga' phyin pa'i khyim gzhan zhig du khyi gzhan zhig rgyang ring po nas 'ong ba mthong na/ khyim 'di ni bdag gi khyim yin no// de la gzugs par byed/ mkhyen skad 'byin khro bas lta bar byed/ gnod sems kyis nyes pa skyed par byed de/ gzhan gyi khyim bdag gir byed cing bdag gi yin par 'du shes skyed par byed de/ gzhan gyi khyim bdag byams pa de bzhin du phyi ma'i tshe phyi ma'i dus lnga brgya pa tha ma la byang chub sems dpar khas 'che ba khyi'i chos kun tu spyod pa mang po 'byung bar 'gyur ba gang dag yin pa de dag kyang gzhan gyi khyim dang / gzhan gyi grong dag la bdag nyid kyi yin par 'du shes skyed par byed cing / bdag nyid kyi yin par 'du shes bskyed nas kyang yongs su 'dzin par byed de/ dge slong
- 87b
des sngon phyin pa'i khyim der dge slong gzhan zhig 'ong ba mthong na/ de khyim 'di ni bdag gi yin no// snyam nas/ khro bas lta bar byed/ gnod sems skyed par byed/ 'thab mo dang / 'thab pa dang / rtsod pa dang / 'gyed pa skyed par byed/ phan tshun dben gyi tshig smra bar byed// tshig rtsub por brjod par byed/ gcig la gcig dge slong che mo zhes bya ba la nyes pa 'di lta bu yod do// dge slong mang de mo zhes bya ba la nyes pa 'di lta bu yod do// zhes mi snyan par brjod par byed cing khyim bdag la yang gal te khyod kho bo dang / sten par 'dod na/ dge slong che ge mo zhig dang sten par mi bya zhing / dge slong mang de mo zhig dang yang ma sten cig ces zer te/ de dag ni skyugs pa'i rgyur 'gyur pa ring du mi gnas pa smad par bya ba'i kha zas tsam gyi phyir bsod nams ma yin pa mang po skyed pa yin yin no// de dag ni yi dgas kyi yon tan gyi chos kun tu spyod cing / dbul ba dang / sems dman pa dang / ser sna dang ldan pa dang / bdag nyid gso bar byed pa yin te// byang chub sems dpa' ming gis byang chub sems dpa' yin par khas 'che bar byed cing bdag nyid tshul khrims 'chal pa dang / sdig pa can gyi 'dod pa dang ldan pa dang / sdig pa kun tu spyod pa yin bzhin du sangs rgyas kyi bsngags pa brjod pa/ sangs rgyas kyi ye shes kyi bsngags pa brjod cing byang chub sems dpa' bsam pa phun sum tshogs pa/ gzhan dag gi bsngags pa yang brjod nas zas dang gos sgrub par
- 88a
byed do/ byabs pa 'di ltar seng ge'i sgra bsgrag cing seng ge'i sgra bsgrag cing seng ge'i las rnams bya'i rigs pa/ wa'i sgra sgrogs shing wa las rnams byed pa dang / bdog pa thams cad yongs su gtong ba'i bsngags pa brjod par byed cing / 'jig rten gyi zang zing yun mi ring ba yongs su gtong bar mi byed la ser snas non cing yod byed kyi dri mas spags pa de dag gis gtong ba'i phyi rol tu byas pa dang / phan pa'i dngos po'i bsngags pa brjod par byed cing gnod sems dang tha ba dang / khong khro ba'i nyes pa mang po byed pa dang / bzod pa'i bsngags pa brjod par byed cing / gcig tu gnod sems kyis sems su byed pa dang / bsdu ba'i dngos po bzhi po de dag gi bsngags pa rjod par byed cing sems can 'ga' yang sbyin pa 'am/ snyan par sla ba 'am/ don spyod pa 'am/ don mthun par sdad par mi byed pa de dag ci ci tsam du mi bzad par 'gyur ba ltos/ de dag ni tshig tsam gyi dngos por 'gyur ba yin gyi/ de dag yon tan yang dag par blang ba dang 'dres pa'i spyod pas/ byang chub sems dpa' brtson 'grus la mos pa'i rjes su slob par byed pa ni ma yin no// byams pa sngon byung ba 'das pa'i dus na// bskal pa grangs med pa dang / ches grangs med pa dang / chos shin tu grangs med pa dang / rgya che ba dang / tshad med pa dang / bsam gyis mi khyad pa dang / da
- 88b
tu med pa dag 'das pa'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas ye shes bla ma zhes bya ba rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lnga dang mi rnams kyi ston pa sangs rgyas bcom ldan 'das shig/ 'jig rten du byung ste/ byams pa de bzhin gshegs pa de yang 'di lta ste/ de bar na da ltar khyad rang bzhin du snyig ma lnga dang ldan pa kho na'i 'jig rten du byung ngo // byams pa de'i tshe na dge slong brtson 'grus mos shes bya ba dran pa dang ldan pa/ rtogs pa dang ldan pa/ blo dang ldan pa/ 'dod pa chung ba/ chog shes pa/ de bzhin gshegs pa'i gsung rab la nan tan byed pa zhig byung bar gyur te/ de grong dang grong khyer dang / grong rdal dang / rgyal po'i pho brang dang / yul 'khor de dag du song ste/ phyin pa dang / chos ston par byed cing / rgyal po dang blon po dag dang / skye bo phal po che gzhan dag gis kyang ri mo byas/ mchod pa byas/ bkur sti byas/ bla mar byas shes par byas/ yongs su shes par byas so// de khyim gang du zhugs shing / gang las tshig snyan pa dang / bdag la gus par nyan pa dang / gza' ba dang gtung ba thob par gyur pa'i khyim der ni/ de lan gnyis su 'gro bar sems bskyed par mi byed do// de 'jungs pa dang ma dad pa dang / log par lta ba dang ldan pa'i khyim gan
- 89a
ngag tu song zhing de dag du son pa na/ de la de dag 'ongs pa legs so zhes kyang mi zer/ de dag tshig snyan pa yang mi rjod pa'i steng du de la khro bar byed/ gshe bar byed na yang de bzod pa'i go bgos shing snying rje chen po la gnas pas 'gro la/ khyim de dag du yongs su gdung bar mi 'gyur zhing yid mi blar yang mi 'gyur ro// byams pa byang chub sems dpa' brtson 'grus mos des khyim gang dag dad par byas pa de dag ni 'di lta ste/ chos gos dang bsod snyoms dang / mal cha dang / stan dang / na ba'i gsos sman dang / yo byad dag gis dge slong gzhan dag gis nye bar 'tsho bar 'gyu ro// byams pa 'di ji snyam du sems/ de khyim de dag tu yang 'gro bar mi byed cing / 'gro bar sems skyed par mi byed mod kyi/ 'on kyang de dag la pa phrag dog dang ser sna'i sems bskyed par byed snyam 'am/ byams pas gsol pa/ bcom ldan 'das de ni ma lags so// bde bar gshegs pam+b+ha lags so// bcom ldan 'das kyis bka' stsal pa/ byams pa de ltar byang chub sems dpa' brtson 'grus mos de khyim gang dag nas tshig snyan pa dang / bdag la gus par nyan pa dang / bza' ba dang btung ba rnyed pa'i khyim de dag mngon par dad par byas shing dge slong gzhan dag gi nye bar 'tsho bar byas nas de dag du lan gnyis su 'jug par mi byed pa dang / 'jungs pa dang ma dad pa dang / log par lta ba dang ldan pa'i khyim gang dag dad par byed cing de dag khro zhing /
- 89b
gshen yang yongs su gdung bar mi 'gyur zhing yid mi bde bar mi 'gyur ba'i phan pa'i dngos po nyid dang lhag pa'i bsam pa nyid dang / 'dod pa nyid dang / chog shes pa nyid dang nges pa nyid dang / snying rje dang ldan pa nyid la ltos/ byams pa de ltar na sngon gyi byang chub sems dpa' rnams ni khyim bdag dad pas byas shing / gzhan gyi nye bar 'tshe bar byed kyi/ bdag nyid chos gos dang / bsod snyoms kyi don du byed pa ni ma yin no// byams pa de'i tshe de'i dus na byang chub sems dpa' brtson 'grus mos bya bar gyur pa de gzhan zhig yin snyam du khyod nyid yid gnyis dang the tsom za bar gyur na/ khyod kyis de ltar mi blta ste/ nga nyid de'i tshe de'i dus na byang chub sems dpa' brtson 'grus mos shes bya bar gyur to// byams pa de lta bas na byang chub sems dpa' khyim rnams su 'gro bar 'dod pas ni byang chub sems dpa' brtson 'gras mos pa de'i rjengs su bslab par yang bya/ de las gzhan bI byang chub sems dpa' lhag pa'i bsam pa phun sum tshogs pa dag gis rjes su yang bslab par bya zhing / de dag gi chos kun tu spyad par yang bya'o/ byams pa yang phyi ni phyi ma'i dus lnga brgya pa tha ma la byang chub sems dpar khas che ba'i dge slong kha cig 'byung bar 'gyur te/ de dag ni 'di ltar ste snyed pa dang / chos gos dang / bsod snyoms kyi don du khyim rnams su 'gro bar 'gyur gyi khyim rnams su dang ba la dgod pa'i phyir ni mi yin te/ de dag ni gcig la gcig bsngags pa ma yin pa brjod pa dang / 'byed pa/
- 90a
dang btsung pab rang bzhin can du 'gyur ro// de dag ni ci ltar gzhan dag gis ma rnyed pas yid rangs par 'gyur ba ltar bdag nyid kyis rnyed pas ni/ da ltar ma yin la/ tsaM skar gzhan dag gi rnyeng pas yid mi bde bar 'gyur ba ltar bdag nyid kyis ma rnyed pas ni de lta ma yin no// byams pa 'di ltar byang chub sems dpa' ni bdag nyid kyi bde ba'i yo byad de dag thams cad la mi lta bar gzhan dag la sbyin par bya ba yin na/ de dag ci tsam du phyin ci log du 'gyur ba ltos/ de ci'i phyir zhe na/ byams 'di ltar des ni bdag gis sems can thams la bde ba skyed par bya'o// zhes snying rje chen po sngon du btang ba'i sems bskyed pa'i phyir ro// byams pa 'di lta ste dper na tshong dpon nan/ khyim bdag gcig la bu gcig pa sdug pa phangs pa yid du 'ong ba zhig bdog par gyur pa de/ le lan 'ga' zhig gi phyir rgyal pos brtson rar bcug par gyur na/ byams pa 'di ji snyam du sems/ tshong dpon na po khyim bdag de yid la byed pa'i sems ci lta bu dag gis rgyal po'i btson der 'jug par bdun par 'gyur snyam/ de skad ces bka' stsa ba dang / bcom ldan 'das la byang chub sems dpa' sems dpa' chen po byams pas 'di skad ces gsol to// bcom ldan 'das doni 'di ltar bu cig bdang bar bgyi ba'i bsam pas 'dag gis bu gcig pa 'di btson ra 'di nas srung du thar par brgya'o// snyam nas bu gcig pa yid la bgyid pa khan dag gis btsan der 'dug pa zhin
- 90b
thar pa yid la bgyid pa dag gis 'jug cing 'jung bar bgyid lags so// bcom ldan 'das kyis bka' stsal pa/ byams pa ngas dpe de ni don shes par bya ba'i phyir brjod pa'i yin te/ 'dir ni don kyang gang zhig yin par blta bar bya zhe na/ byams pa 'di lta ste dper na/ rgyal po'i brtson ra de ji lta ba bzhin du 'di ni 'khor ba'i btson ra blta bar bya'o// byams pa 'di lta ste/ dper na chod dpon nam khyim bdag de ci ltar ba de bzhin du ni byang chub sems dpa' blta bar bya'o// byams pa 'di lta ste dper na bu gcig pa de ci lta ba de bzhin du ni byang chub sems dpa' sems can thams cad la bu gcig dang 'dra ba'i 'du shes bskyed par bya ba bltar bar bya'o// byams pa 'di lta ste dper na/ tshong dpon nam khyim bdag de rgyu gzhan gyi phyir ma yin zhing / ched ka gzhan gyi phyir ma yin gyi/ bu cig pa de'i don du brtson ra der 'jug par 'gyur ba ci lta ba de bzhin du ni byams pa byang chub sems dpa' chos gos kyi tshe/ dang / bsod snyoms kyi tshad du khyim rnams su 'gro bar mi bya'i 'di ltar sems can de dag nyid 'khor ba las yongs su thar par bya ba'i phyir khyim rnams su 'gro bar bya ba lta bar bya'o// byams pa yang phyi ma'i tshe phyi mi 'das lnga brgya pa tha ma la/ dge slong lus ma sgoms pa sems ma sgoms pa/ tshul khrims ma sgoms pa shes rab ma skams pa/ cig 'byung bar 'gyur te// de dag ni chos gos dang / shA snyoms kyi ched du me tog gi skyes dag dang / 'bras bu'i skyes dag dang / lo ma'i skyes dag dang / yo byad kyi skyes
- 91a
dag dang / zlas las kyi sa gnas mas pa / sa/ byangs bdan blang bamanam na tha rgyu thar byan zan dang las mi lta bur yang mi bya'o// byams pa dge slong khyims rnams su 'gro bar 'dod pas na chos kyi skyes kyis 'gro bar bya bam gtogs par skyes gzhan bkur bar mi byaste/ des ni mang du thos pa dang gzung shid tu nags pa dang / 'jigs pa med pa dang / nam chags med pa dang // lcags gas med pa dang / bdag gis bye ba med par bya zhing / chos dga' ba bskyed nas khyib rnams su 'gro bar bya'o// khyim rnams su song nas kyang sangs rgyas dang / chos dang dge 'dun gyi bsngags pa brjod par bya ba dang / sbyin pa dang / tshul khrims dang / bdod pa dang / brtson 'grus dang / bsam gtan dang / shes rab kyi bsngags pa brjod par bya zhing chos kyi gtam bya ba'i skyes ma gtogs par khang khyim gyi ched/ dam/ zhing las kyi ched ngas/ reg pa bde ba'i gtam 'am/ rgyal po'i gtam 'am/ chom rkun gyi gtam 'am/ grong gi gtam 'am/ grong khyer gyi gtam 'am/ stong gtam 'am/ bu'i gtam 'am/ bu mor gtam 'am gtam gzhan gyi skyes dag mi byara'o// byams pa gang gis stong gsum gyi stong chen po'i 'jig rten gyi khams 'dzidzin po chom bdun gyis yongs su kang ste/ rigs kyi bu'am/ rigs kyi bu ma nig ma byin pa dang / stong gsum gyi stong chen po'i 'jig rten gyi khams su gtogs pa'i sems
- 91b
rnams su kyi bde ba'i yo byad gang ji snyed pa de dag thams cad bsdus te/ rigs kyi bu 'am rigs kyi bu mo de la byin par gyur na/ nor bu rin po che phung po de tsam dang / bde ba'i yo byad de tsam gyis des rigs kyi bu 'am rigs kyi bu mo de la snying brtse ba'am/ phan btags par mi 'gyur gyi/ de tshig bzhi pa tshigs su bcad pa gcig tsam zhig nyan du bcug ste/ de yang de'i rna ba'i rnam par rig par grags shing thos pa tsam kho nar zad kyi/ re shig dad pa thob par ma gyur du zin kyang de ni rigs kyi bu 'am/ rigs bu mo de la rgyas pa dang / phan 'dogs pa dang / snying brtse ba chen po shin tu mang du byed pa yin no// byams pa dge slong de dag khyim rnams su zhugs nas/ sangs rgyas kyi bka' spangs te/ 'jig rten pa'i gtam nye bar sbyor bar byed cing / 'dra ci tsam du don med pa chen pos khyim der mngon par btson par byed pa la ltos/ de ci'i phyir zhe na/ byams pa 'di ltar ga ser ram/ dngul lam/ nor bu dag gam/ rin po che dag gam/ mu tig gam/ bai dur+ya dag dang / dung dag gam/ byi ru dag gas/ bde ba'i yo byad gzhan dag gis ni sems can skye ba'i chos can rnams skye ba las yongasu thar bar mi 'gyur/ sems can no ba'i chos can rnams kyang nad rnams las yongasu thar par mi 'gyur/ sems can dga' ba dang / 'chi ba dang / mya ngan dang / sde sngags 'don pa dang / sdug bsngal ba dang / 'jug pa'i chos can rnams kyang na ba dang / 'ching dang /
- 92a
byangan dang / smre sngags 'dun pa dang / sdug bsngal ba dang / yid mi 'de ba dang / 'jug pa dag las yongs su thar bar ma 'gyur gyi/ chos thos pas ni sems cad skye bo'i chos can rnams kyang skye ba las yongs su thar bar 'gyur la/ sems can na pa'i chos can rnams kyang nang rnams las yongs su thar par 'gyur/ sems can rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams kyang 'khrug pa dag la yongs su thar par 'gyur ba'i phyir te/ de las dgongs te de bzhin gshegs pa 'di skad ces stong chen po 'jig rten khams ni gser dag gis/ bkang ste gang la sbyin par byed pa ni/ tshigs bzhi'i tshigs su bcad pa gcig brjod pas// ji ltar phan 'dogs de ltar 'gyur ma yin// phan 'dogs byed par 'dod pa gang zhig gis// 'jig rten gsum na sems can thams cad kyi// bde ba gang dag yod pa de dag kun// sems can gcig la sbyin pa byas pa bas/ gang gis de las sangs rgyas lug kyi ni// tshigs bzhi'i tshigs su bcad pa gcig bsgrags na// de ni shin tu phan 'dogs mchog yin te// des ni sdug bsngal dag las grol bar 'gyur zhes ston to// byams pa byang chub sems dpa' 'jig rten gyi khams mtha' yas mu med pa dag rin po che sna bdun gyis rab tu bkang ste/ sangs rgyas bcom ldan 'das rnams la
- 92b
dbul bar phul ba bas ni/ snying rje chen po bskyed de/ sems can gcig la tshigs bzhi pa'i tshigs su bcad pa gcig gis bsgrags par gyur na/ de ni de bas ches bsod nams mang du skyed par 'gyur ro// de la 'di skad ces bya ste// mi gang zhig gis gang ga'i byed snyed kyi// 'jig rten khams mchog rin chen bkang byas te// dga' mchog sems kyis rgyal ba phul ba dang // gang gis sems can gcig la tshigs bcad byin// rin chen byin pa shin tu rgya chen des/ tshigs bcad sbyin pa snying rjes bsgrubs de la// char yang mi phong grangs su'ang ma yin na/ gnyis sam gsum bsam/ dug la yod// de nas bcom ldan 'das kyis yang byang chub sems dpa' sems dpa' chen po byams pa la bka' stsal pa/ byams pa de bzhin gshegs pa'i phyag g.yas pa'i dkyil na bsod nams thams cad mngon par bsgrubs pa'i rgyu 'thun pas brgyan pa zhes bya ba'i 'od zer mngon par grub pa yod de/ de bzhin gshegs pa ni bzhed na phyag g.yas pas stong gsum gyi stong chen po'i 'jig rten gyi khams 'di thams cad kun tu yog par mdzad nas/ sems can thams cad la bde ba'i yo byad thams cad nye bar bsgrub par mdzad cing / zas 'dod pa rnams la ni zas/ skom 'dod pa rnams la ni skom/ gos 'dod pa rnams la ni gos// rin po che 'dod pa rnams la ni rin po rnams dang / gang ci 'dod pa de la sbyin par yang spyod mod kyi/ de tsam gyis sems can de dag 'khor ba'i rgya mtsho thog ma dang / tha ma med pa nas/
- 93a
sa nas sa su pangs pas da kyis kyang da'i rjes su bslab par bya zhi zung bang zing la gdu bar sa byar/ kyang rgyas la 'du bar bya'o// byams pa yang byas 'am bya ba'i dus sngal pa tha ma la/ dam pa'i chos nub par gyur pa'i dus la bab pa'i tshe na byang chub sems dpar khas 'che ba kha cig 'byung bar 'gyur te// de dag gi ltung ba lhag par 'byung bar 'gyur zhing lus ma sngams pa dang / ngag ma bsdams pa dang / yid ma sngams pas sdig pa'i las lhag par spyad nas kyang nyes pa bshags pa tsam gyis dag par 'gyur sems kyi/ phyin chad sdoms par yang mi byed la/ phyin chad yang dag par bsdams pa'i phyir sdom par yang mi byed do// ngas ni sngon byas pa'i sdigs pa'i las zad par bya ba'i phyir phung po gsum pa'i chos kyi rnam grangs bstan pa yin na/ de la mi blun po dag ni lhag par ltung ba mngon par 'du bya ba'i mngon par 'dus byas nas// nyes pa gshegs shing sbyang ba tsam gyis dag par 'gyur bar sems shing / phyin chad sdom par ni mi byed do// byams pa gzhan yang nges byang chub sems dpa'i theg pa pa'i rigs kyi bu dang / rigs kyi
- 93b
bu mo rnams kyi las yongs su bsal bar byas pas na/ mi dge ba'i las chung ngus ni/ byang chub sems dpa' sems can dmyal ba dang / dud 'gro'i skyes gnas sam/ gshin rje'i 'jig rten nam/ dbul por skye ba rnam pa sna tshogs gzhan dag du yang ltung bar mi nus mod kyi 'on kyang byang chub sems dpa' ni myur du med par bya zhing zem 'dogs dang ldan pa dang / bslab pa 'dod pa dang / 'jig rten pha rol la 'jigs par lta ba dang / rtag tu yid skyo ba dang / srid par 'gro ba'i skye ba'i gnas thams cad la yid skrag par bya'o// de ci'i phyir zhe na/ byams pa 'di ltar byang chub sems dpas ni bdag rgal nas/ khyed cag thams cad bsgral bar bya'o// grol nas dgrol bar bya'o// dbugs phyin nas dbugs dbyung bar bya'o// yongs su mya ngan las 'das nas/ yongs su mya ngan las bzla bar bya'o// zhes sems can thams cad la nye bar bzung ba'i phyir te// byams pa ngas ni lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram ze dang bcas pa'i 'jig rten gyi sa'i dkyil 'khor gi steng na/ byang chub sems dpa'i las ci snyed pa dang / khur ci snyed pa dang / dgos pa ji snyed pa dang / don bya ba ji snyed pa dang / bya ba ji snyed pa de snyed ni sems can 'ga' la yang ma mthong ngo // byams pa 'di lta ste dper na la la zhig gis stong gsum gyi stong chen po'i 'jig rten gyi khams phrag dang / ring
- 94a
rgya mtsho dang / du klung dang / nags 'tshal dang bcas pa 'di mi la la zhig gis spyi bo 'am phrag pa'i steng du bzhag ste/ 'di skad/ ces kye skyes bu khyod kyis stong gsum gyi stong chen po'i 'jig rten gyi khams brag dang / ri dang / rgya mtsho dang / chu klung dang / nags 'tshal dang bcas pa 'di bskal pa 'am/ bskal pa las lhag pa 'am/ bskal pa brgya 'am/ bskal pa stong ngam/ bskal pa 'bum gyi bar du gdeg par bya zhing gzhag par mi bya/ ngal gso bar mi bya'o// zhes kyang bsgo bar gyur na/ byams pa 'di ji snyam du sems/ mi de'i khur de che ba dang / spro ba mthu dang ldan pa dang / mthu stobs mthu dang ldan pa dang / brtson 'grus mthu dang ldan pa yin snyam 'am/ byams pas gsol pa/ bcom ldan 'das mthu dang ldan pa lags so// bde bar gshegs pa mthu dang ldan pa lags so// bcom ldan 'das kyis bka' stsal pa/ byams pa khyod mos par bya/ khyod kyi khong du chud par bya ste/ byams pa de bas kyang gang zhig gis kye sems can rnams ngas khyed cag la mya ngan las 'das pa'i bde ba la dgod par bya'o// zhes sems can thams cad nye bar bzung ba'i byang chub sems dpa' khur dang / spro ba dang / mthu stobs dang / brtson 'grus ches stobs dang ldan par blta bar bya'o// byams pa 'di lta ste dper na mi la la zhig las/ stong
- 94b
gsum gyi stong chen po'i 'jig rten gyi khams su gtogs pa'i sems can thams cad kyi las ci tsam pa de tsam du gyur la/ des sems can thams cad kyi las de dag kyang se gol gtogs pa tsam gcig gis yongs su sgrub par byed cing / las kyi mtha' 'ga' tsam yongs su rnams par ma gyur na/ byams pa 'di ji snyam du sems// de'i las de stobs dang ldan pa yin snyam 'am/ byams pas gsol pa/ bcom ldan 'das de lta lags so// bde bar gshegs pa de lta lags te/ bcom ldan 'das stobs dang ldan pa lags so// bde bar gshegs pa stobs dang ldan pa lags so// bcom ldan 'das kyis bka' stsal pa/ byams pa khyod mos par bya/ khyod kyis khong du chud par bya ste/ byams pa de bas ni byang chub sems dpa' gang gis 'di skad du bdag gis sems can thams cad 'khor ba'i sdug bsngal las dgrol bar bya'o// zhes tshig du brjod nas/ las su bya bar byed pa de ches stobs dang ldan pa yin no// byams pa 'di lta ste/ dper na khyim bdag la la zhig pu gcig/ pa sdug pa dang phangs pa yid du 'ong ba mthong na/ mi 'thun pa med pa zhig bdog par gyur la khyim bdag de nyes pa 'ba' shig gi le lan gyis bu gcig pa dang bcas/ chung mi dang bcas/ las byed pa dang / zho shas 'tsho ba rnams dang bcas/ nor dang dbyig dang yo byad thams cad dang bcas te/ rgyal po'i pho brang du bkug par
- 95a
gyur cing / de nas rgyal po des khyim bdag de la 'di skad du/ ka'i khyim bdag khyod 'di nas dpag tshad 'bum gyi pha rol na/ grong khyer che ge ma zhes bya ba zhig yod par don 'di'i phyir zhag bdun gyis phyin par song la/ cha khyer te phyir zhag bdun gyis nga'i drung du phyin par shog shig/ dang / de lta na ngas khyod kyi bu gcig pa 'di dang / chung ma 'di dang / 'khor 'di thams ca dang / nor dang dbyig dang / yod byed 'di dag thams cad kyang khyod la phyir sbyin par bya zhing gzhan yang khyod la rgyal srid phyed kyi sbyin pa yang lhag par sbyin par bya'o// gal te khyod song nas grong khyer de nas cha blangs te/ nyin mtshan bdun gyi phyir ma 'ongs na khyod phyir ma 'ongs na khyod chung zad kyang sbyin par mi bya ba'i steng du khyod bu gcig pa dang bcas/ chung ma dang bcas/ 'khor dang bcas te/ chad pas gcad pa dang / srog dang 'bral zhing gsod par bya'o zhes bsgo bar gyur na/ byams pa 'di ji snyam du sems/ khyim bdag de de skad bsgo na bdag phangs pa dang ldan pa dang / bu phangs pa dang ldan pa dang / chung ma phangs pa dang ldan pa dang / 'khor phangs pa dang ldan pa dang / nor phangs pa dang ldan pa'i rtsom dang / stobs dang ldan pa'i mgyogs pas grong khyer der 'gro bar 'gyur snyam 'am/ byams pas gsol pa/ bcom ldan 'das de lta lag so// bde bar gshegs pa de lhags te// bcom ldan 'das kyis gsung ba'i dan bdag gis 'tshal bskur na/ don ngon yangs su ma grub kyi bar du sems rnam par g.yeng bar mi byed/ mas kyi 'dus shes sbed par ma rjed
- 95b
rmugs pa dang gnyid kyi sems bskyed par mi 'gying lags so// de ci'i slad du zhe na/ bcom ldan 'das 'di ltar de'i slad rol gyi dngos po gzhan dag lta zhog lags kyi bdag nyid phangs pa'i slad du'o// bcom ldan 'das kyis bka' stsal pa/ byams pa gal te sems cad thams cad de lta bu'i brtson 'grus rtsom pa chen po de ni byang chub sems dpa'i brtson 'grus chen po de'i brgya'i char yang nye bar mi 'gro/ stong gi cha dang / 'bum gyi cha dang / bye ba'i cha dang / bye ba'i brgya'i cha dang / bye ba phrag stong gi cha dang / bye ba phrag 'bum gi cha dang / bye ba khrag khrig phrag 'bum gyi cha dang / dpe dang rgyu'i bar du yang nye bar mi 'gro'o// de ci'i phyir zhe na/ byams pa 'di ltar byang chub sems dpa' ni rgyan phyogs su ded pa'i sems can thams cad rgyun las bzlog pa g.yo ba med pa mya ngan las 'das pa'i dbyings su rabar 'god par byed pa'i phyir// / byams pa 'di lta ste dper na mi tsam du stobs dang ldan pa 'di tsam du shugs dang ldan pa 'di tsam du mthu dang ldan pa 'di tsam du brtson 'grus dang ldan pa la la zhig skyes par gyur la/ des rgya mtsho chen po bzhi po de dag na chu'i phung po gang ci snyed pa de dag thams cad chu klung chen po'i rgyun gang dang gang dag nas rgya mtsho chen por zhugs par gyur pa'i klung chen po'i rgyun de dag nyid nas nu'i mtha' phyir bzlog nas/ rgyun las bzlog thams cad kho nar mtsho chen po ma dros pa'i nang du phab par
- 96a
gyur na/ byams pa 'di snyam du sems/ maud dga' ba byed pa dang / nga mtshar che ba dang / can 'grus che ba yin snyam 'am/ byams pas gsal pa/ bcom ldan 'das de lta lags so// bde bar gshegs pa de lta lags so// bcom ldan 'das kyis bka' stsal pa/ byams pa khyod mos par bya// khyod khong du chud par bya ste/ de bas kyang gang dag lhag pa'i bsam pas sems can thams cad kyi don du snying rje chen po kun tu bskyed nas/ bla na med pa yang dag par rdzogs pa'i byang chub tu sems bskyed de/ nan tan gyis mdzes par byed pa de dag ches shin tu dka' ba byed pa dang / ngo mtshar che ba yin no// de bas kyang gang dag sangs rgyas yod do// chos yod do// dge 'dun yon do// legs par byas pa dang / nyes par byas pa'i las rnams kyi 'bras bu rnam par smin pa yod do// zhes nges par rtogs par byed pa de dag ches shin tu dka' bar byed pa dang / ngo mtshar che ba yin no// de bas kyang gang 'dod chags kyi sems skyes pa sel bar byed pa dang / zhe sdang gi sems skyes sel bar byed pa dang / gtig mug gi sems skyes pa sel bar byed pa de dag ches shin tu dkar bar byed pa dang / ngo mtshar che ba min no// de bas kyang gang dag ladza bshes dang / gros grogs dang nye du dang / rgan rabs rnams la mi lta bar spangs shing longs spyod chung ba dang / longs spyod chen po'i tshogs rnams kyang yongs su
- 96b
spangs nas/ legs par gsungs pa'i chos 'dul ba la rab tu 'byung ba'i sems kyis khyim gyi gnas nas gom pa bdun 'dor bar byed pa de dag ches shin tu dka' ba byed pa dang / ngo mtshar che ba yin no// de bas kyang gang dag gis dur smig dag bgos te/ legs par gsungs pa'i chos 'dul ba la dad pas khyim nas khyim med par kho nar rab tu 'byung bar byed pa de dag ches shin tu dka' ba byed pa dang / ngo mtshar che ba yin no// de bas kyang gang dag de ltar rab tu byung nas/ gdams ngag la nan tan gyis mdze par byed pa dang / bslab pa'i gzhi ji ltar bus pa dag la slob par byed pa de dag ches shin tu dga' ba byed pa dang / ngo mtshar che ba yin no// de bas kyang gang dag 'du 'dzi'i gtam pa la 'jigs par lta zhing dben par 'dod pas/ dgon pa la mngon par phyogs te// gom pa bdun 'dor bar byed pa de dag ches shin tu dka' ba byed pa dang / ngo mtshar che ba yin no// de bas kyang gang dag chos thams cad stong pa'o zhes mos par byed pa de dag ches shin tu dka' byed pa dang / ngo mtshar che ba yin no// de bas kyang / gang dag chos zab mo rnams la rjes su 'thun pa'i bzod pa thob pa de dag ches shin tu dka' ba byed pa dang / ngo mtshar che ba yin no// de bas kyang gang dag rnam par thar pa'i sgo gsum po dag mngon par 'du byas nas rgyun tu zhugs pa'i 'bras bu thob par byed pa dang / dgra bcom pa nyid kyi bar du rjes su thob par byed pa de
- 97a
nga bya / na// rnam / ga na 'dus pa la nga rlung dang bstan par rdzogs pa ngag spang gi dngos po dang / 'bras bu thab badzin shin tu dga' ba yin par phyir ro// byags pa de la yang phyima'i tshe phyi ma'i dus lnga brgya them sa dam pa'i chos nub par 'gyur ba'i dus la bab pa can/ byang chub sems dpa'i theg pa legs par gsungs pa ches 'dus pa 'di la rab tu byung nas/ byang dub sems dpa'i las spangs te/ byis pa'i las la rab tu gnas pa kha cig 'byung bar 'gyur te/ byams pa de la byang chub sems dpa' rnams kyi las gang zhe na/ nyi shu 'di dag ni byang chub sems dpa' byang chub kyi snying por 'gro bar mi nus so// nyi shu gang zhe na ser sna'i sems tshar gcad par bya ba dang / gtong ba chen po spel bar bya ba dang / 'tshal ba'i tshul khrims yongs su spang bar bya ba dang / tshul khrims kyi phung po yongs su rdzogs par bya ba dang / gnod sems dang tha ba'i skyon rnam par spang bar bya ba dang / bzod pa'i stobs la gnas par bya ba dang / le lo'i sems rnam par gnon par bya ba dang / brtson 'grus chen po brtsams par bya ba dang / brjed ngas pa'i sems yongasu spang byar bya ba dang / dran pa dang blo gros kyis bsam gtan rnams la mi rten par bsam gtan du bya ba dang / zab mo la bzod pa sgom par bya ba dang / shes rab kyi pha rol tu phyin pa rab tu rtogs par bya ba dang / rnam par rtog pa thams cad spang bar bya ba dang / mtshan ma med pas gnas par bya ba dang / smon pa dang bral bar bya ba dang /
- 97b
smon pa med pa'i yul yongs su rdzogs par bya ba dang / sems can thams cad yongs su mi gtang bar bya ba dang / snying rje chen pos gnas par bya ba dang / nyan thos dang rang sangs rgyas kyi theg pa la dga' ba'i sems yid la mi bya ba dang / sangs rgyas kyi ye shes la mos shing nem nur med pa dang / yid ches par bya ba ste/ byams pa nyi shu po de dag ni byang chub sems dpa' rnams kyi las yin te/ las de dag yongs su ma rdzogs na/ byang chub sems dpa' byang chub kyi snying por 'gro bar mi nus so// byams pa bzhi po 'di dag ni byang chub sems dpa' rnams kyi yang dag pa'i dam bca' ba yin te/ bzhi gang zhe na/ bdag nyid kyi bde ba spong ba dang / chos kyi ngoms mi shes dang / chos yongs su tshol bas bdag sangs rgyas su 'gyur bar bya'o// chos kyi 'khor lo bskor bar bya'o// sems can rnams 'khor ba thog ma tha ma dang tha med pa las thar par bya'o// sems rgyun gyi khams tshad med pa rnams bla na med pa yang dag par rdzogs pa'i byang chub yang dag par 'dzin// du gzhugs par bya'o// zhes yang dag par dam bca' ste/ byams pa bzhi po de dag ni byang chub sems dpa' rnams kyi yang dag par dam bca' ba yin no// byam pa 'di lta ste dper na mi sman mkhas la gsang sngags mkhas shing dag dang rtsi la mkhas pa gnyis shig yod par gyur la/ de gnyis las mi gcig gis skye bo phal
- 98a
po che'i mdun du ngo mtshar gyi 'du shes skyed par bya ba'i phyir/ dug za bar byed cing / zos nas kyang yan lag dang gnyid lag rnams shig shig bor/ gyur pas sdug bsngal gyi tshor ba myong bar gyur pa las/ yang gsang sngags sngon tu btang ba'i sman za bar byed cing / de gsang sngags yang dag pa dang / sman des sdug gis nyes pa de ngag dang / bral bar gyur la/ de nas mi des dus gzhan zhig gi tshe na sman de ma rnyed pas gnyen po ma rnyed pas dug des shi bar gyur la/ de nas mi gcig shos des 'di skad ces smras te/ kho bos ni sman gyis dug zhi bar byed nus mod kyi/ 'on kyang kho bo la ni ngo mtshar gyi 'du shes mi dgos/ yan lag dang nying lag shig shig por 'gyur ba mi dgos pas/ dug kyang mi za sman yang mi 'thung ngo zhes zer ba de bzhin du byams pa phyi ma'i tshe phyi dus lnga brgya pa tha ma la byang chub sems dpa' khyim gnas pa dang / rab tu byung ba kha cig de dag 'di skad ces sdig pa'i las ni nyes pa bshags pas ma lus par zad par 'gyur ro zhes zer zhing / de dag gi sdig pa mngon par 'du bya ba mngon par 'dus byas nas yang bshags par bya'o// ltung ba skrag par 'byin par byed cing / phyis sdoms pa 'dzin par ni mi byed pa dag 'byung bar 'gyur te/ de dag ni 'chi ba'i can yin no// zhes ngasmras te/ 'chib yang gang zhi na 'di lta ste dper na dug zag pa'i mi de dang 'ad bar 'chi ba'i dus byas nas/ log par lhung ba rnams su 'gro bar 'gyum
- 98b
ba yin no// byams pa byang chub sems dpa' lhag pa'i thasam pa phun sum tshogs pa dag 'byung bar 'gyur ba de dag ni 'di skad ces bdag cag la ni dug kyang mi dgos/ sman yang mi dgos kyis/ bdag cag ni 'das pa'i dus na sdig pa'i las byas pa zad par bya ba dang / ma 'ongs pa dang da ltar byung ba na mngon par 'du mi bye ba ma gtogs par sdig pa'i las kyang mngon par 'du mi bya zhing ltung ba yang mi bya la/ bshags par yang mi bya'o zhes zer te/ byams pa 'phags pa'i chos 'dul ba 'di la dug ces bya ba de ni 'di lta ste bslab pa'i gzhi ci ltar bcas pa dag las 'da' bar byed pa yin pas khyed cag gis ni dug bza' bar mi bya'o// byams pa bzhi po 'di dag ni 'di lta ste// byang chub sems dpa' rnams kyi thams cad mkhyen pa nyid kyi bar du gcod par byed pa'i chos rnams yin te/ de dag ni nyan thos kyi kyang bya ba ma yin na/ byang chub sems dpa' lta smos kyang ci dgos/ bzhi gang zhe na/ byangs pa mi gzo ba nyid dang / brdzun gyi tshig smra ba nyid dang / bslabs pa las 'da' bar byed pa nyid yin te/ bzhi po de dag ni 'di lta ste/ byang chub sems dpa' rnams kyi thams cad mkhyen pa nyid kyi bar du gcod par byed pa'i chos rnams yin te/ de dag ni nyan thos kyi bya ba ma yin na/ byang chub sems dpa' lta smos kyang ci dgos te/ byams pa byang chub sems dpa' sa chos bzhi po 'di dag las dpag tshad brgyar 'byol bar bya ste/ bzhi gang zhe na rnyed pa dam
- 99a
bskur sti dang / tshigs su bcad pa dang / sdig pa'i grogs po'i lags pa dang / 'du 'dzi'i gnas dang / gnas gang na gnas pa na/ byang chub sems dpa'i theg pa'i gang zag gzhan zhig gis kyang 'dug par gyur la/ gal te de dang lhan gcig tu mgu ba dang dga' ba dang / mchog tu dga' ba skyes la 'thab pa med pa dang ldan pa dang / rtsod pa med pa dang ldan pa gnas na ni des der gnas par bya'i/ gal te de de la tha na za ba dang / zhe sdang gi sems gcig tsam zhig skyed par byed na yang des de nas dpag tshad brgyar 'byol bar bya ste/ byang chub sems dpa' ni byang chub sems dpa' la thab pa dang zhe sdang gi sems bskyed par mi bya'o// byams pa byang chub sems dpas stong gsum gyi stong chen po 'jig rten gyi khams na sems can du bsdu bar bsdus pa'i sems can gang ci snyed pa de dag thams cad spros sam/ brgyad dam/ dbyig pas brdegs sam/ mtshon gyis btab par gyur na/ byams pa 'di ji snyam du sems/ byang chub sems dpa' des sems can de snyed cig la spyod pa 'am/ brgyad pa dang / dbyig pas brdegs pa 'am/ mtshon gyis btab pa'i gzhi de las sdig pa dang smas pa dang / nyams pa mang po bskyed par 'gyur snyam 'am/ byams bas gsol pa/ bcom ldan 'das sems can gcig cig la spyod sam/ brgyad dam/ dbyig pas brdegs sam/ mtshon gyis btab na yang bsod nams
- 99b
ma lags pa mang du skyed lags na/ stong gsum gyi stong chen po'i 'jig rten gyi khams kyi sems can gang ci snyed pa thams cad la lta smos kyang ci 'tshal/ de ci'i slad du zhen/ bcom ldan 'das byang chub sems dpas ni sems can 'ga' tsam la yang tha ba dang zhe sdang dang / gnod sems bskyed par mi bgyi ba'i slad du'o// de skad ces gsol pa/ dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to// byams pa byang chub sems dpas stong gsum gyis stong chen po'i 'jig rten gyi khams su gtogs pa'i sems can de dag thams cad la spyod sam/ brgyad dam/ dbyigs pas pas brdegs sam/ batshon gyis btab pa gang yin pa des ni/ byang chub sems dpa' gzhan zhig la tha na tha ba dang / zhe sdang gi sems gcig tsam zhig skyed par gyur pa de tsam du byang chub sems dpa' de smras pa dang / nyams par mi 'gyur te// byams pa byang chub sems dpas byang chub sems dpa' gcig shos de la tha ba dang / zhe sdang gi sems skyed par byed na/ gal te byang chub sems dpal de byang chub yongs su mi gtong ba zhig yin na/ sems ji snyed bskyed pa de snyed kho na bskal par byang chub kyi phyir yang go cha bgo bar bya'o// byams pa 'di lta ste dper na lcags ni lcags nyid kyis gcod par byed pa ma gtogs par bod pa 'am/ shing ngam rtswas gcod par mi nus pa de bzhin du/ byams pa byang chub sems dpa' dge ba'i rtsa ba byang chub sems dpa' gcig shos la tha ba dang / zhe sdang gi sems bskyed pas zad par byed pa ma gtogs par gzhan gyis zad par mi 'gyur te/
- 100a
byams pa de ska bas na khyang cag gis gcig la gcig zhes dang bcas pa dang / gcig la gcig gus pa dang bcas pas gnas par bya'o// zhes de ltar bslab par bya zhing sems dang po bskyed pa'i byang chub sems dpa' la yang ston pa'i 'du shes bskyed par bya'o// de nas bcom ldan 'das la byang chub sems dpa' sems dpa' chen po byams pas 'di skad ces gsol to// bcom ldan 'das bdag ni sems can thams cad la yang zhes dang bcas pa dang / gus pa dang bcas pas gnas par bgyid lags na/ byang chub sems dpa' rnams lta smos kyang ci 'tshal/ de ci'i slad du zhe na/ bcom ldan 'das bdag ni gnod sems la dpa' bar mi bgyid kyi/ bdag ni bzod pa'i stobs dang / mthu phun sum tshogs par bgyid pa dang / bcom ldan bre dag ni g.yo la sten par mi bgyid kyi/ bdag ni lhag pa'i bsam pa phun sum tshogs par bgyid pa dang / bcom ldan 'das bdag ni gzhan gyi khyim la lhag par chags par mi bgyid kyi/ bdag ni bdag gir 'dzin pa ma mchis pa dang / yongs su 'dzin pa ma mchis par bgyid pa dang / bcom ldan 'das bdag ni zang zing lhur len mi bgyid kyi/ bdag ni chos lhur len par bgyid pa dang / bcom ldan 'das bdag ni zas dang gos gyur med par mi 'gyid kyi/ bdag ni se na yongs su tshol bar 'byed pa dang / bcom ldan 'das bdag ni phrag dang ser snas kun nas dkris par mi bgyid kyi/ bdag ni gzhan 'byor pa dag la yid dga' ba dang / gtong ba phun sum tshogs par bgyid pa dang / bcom ldan 'das bdag ni dge sbyong gi ming lhur len par mi bgyid kyi/ bdag
- 100b
ni dge sbyong gi yon tan dag la slob par bgyid pa dang / bcom ldan 'das bdag ni smra ba lhur len par mi bgyid kyi// bdag ni sgrubs pa snying por bgyid pa dang / bcom ldan 'das bdag ni rnyed pa dang / bskur sti la lhag par chags par mi bgyid kyi/ bdag ni don nyung ba dang / sangs rgyas kyi yon tan yongs su tshol bar bgyid pa dang / bcom ldan 'das bdag ni zang zing gis bsgos pa'i sems kyi rgyud kyis grong dang grong khyer du 'jug par mi bgyid kyi/ bdag ni thams cad mkhyen pa nyid la bgyid pa la mngon par brtson pas grong khyer du 'jug par bgyid pa dang / bcom ldan 'das bdag ni chos gos dang bsod snyoms kyi slad du tshul 'chos par mi bgyid kyi/ bdag ni tshul 'arkos pa ma mchis pa dang / 'phags pa'i rigs bzhis chog shes par bgyid pa dang / bcom ldan 'das bdag ni byis pa'i spyod pa la slob par mi bgyid kyi/ bdag ni sangs rgyas kyi spyod pa la slob par bgyid pa dang / bcom ldan 'das bdag ni gzhan dag gi bgyis pa dang / ma bgyis pa dag la so sor rtog par mi bgyid kyi/ bdag ni bdag nyid dul ba dang / zhi bar sbyor ba'i rjes su brtson pas gnas par bgyid pa dang / bcom ldan 'das bdag ni ltung ba 'ga' yang gleng bar bgyid kyi/ bdag ni ngag gi las kyi mtha' sdoms par bgyid pa dang / bcom ldan 'das bdag ni slob pa thag ring du mi bgyid kyi/ bdag ni so sor bar rapa la slob par bgyid pa dang /
- 101a
bcom ldan 'das bdag ni sangs rgyas dang chos dang dge 'dun gyi bsngags pas 'tsho bar sems par mi bgyid kyi/ bdag ni sangs rgyas kyi sngags pa brjod cing de la de la dga' ba'i sems skyed par bgyid pa dang / bdag ni chos kyi bsngags pa brjod cing chos kyi rjes su 'thun pa'i chos sgrub pa la gnas par bgyid pa dang / bdag ni dge 'dun gyi bsngags pa brjod cing phyir mi ldog pa'i dge 'dun la rten par bgyid pa dang / bcom ldan 'das bdag ni gzhan gyis mthong ba bslang du/ tshul 'a chos pas mchi ma 'byin par mi bgyid kyi/ bdag ni chos kyi shugs kyis mchi ma 'byin par bgyid pa dang / bcom ldan 'das bdag ni bgyi ba sna tshogs kyi 'du 'jis spags te/ gnas par mi bgyid kyi/ bdag ni chos yongs su tshol ba la mngon par brtson par bgyid pa dang / bcom ldan 'das bdag ni 'jis rten pa'i bgyi ba la dga' bar mi bgyid kyi/ bdag ni 'jig rten las 'das pa'i chos yongs su tshol ba la dga' bar bgyid pa dang / bcom ldan 'das bdag ni tsog 'jogs gi zas dang ldan par mi bgyid kyi/ bdag ni tshul 'chos pa ma mchis par kun tu spyod par bgyid pa dang / bcom ldan 'das bdag ni gnas dang yul cig yong su 'dzin par mi dgyid kyi/ bdag ni ri dgas ltar kun tu rgyu bar bgyid pa dang / bcom ldan 'das bdag ni bsod snyoms la sbyor ba'i rjes
- 101b
brtson par mi bgyid kyi/ bdag ni sangs rgyas kyi yon tan yongs su tshol ba la btson par bgyid pa dang / bcom ldan 'das bdag ni rmugs pa dang gnyid kyis nyal bar mi bgyid kyi/ nabadag ni nam gyi cha stong dang / nam gyi cha smad la mi nyal bar sbyor ba'i rjes su brtson par bgyid pa dang / bcom ldan 'das bdag ni du 'dzi'i spyod yul la brtson par mi bgyid kyi/ bdag ni dben pa la dga' bar bgyid pa dang / bcom ldan 'das bdag ni yon tan chung zad tsam gyi mchog shes par mi bgyid kyi/ bdag ni yon tan yongs su tshol pas ngoms ma 'tshal bar bgyid pa dang / bcom ldan 'das bdag ni khyi'i chos rnams la kun tu spyod par gyi/ bdag ni seng ge'i sgra sgrog par bgyid pa dang / bcom ldan 'das bdag ni chung zad pa shes pa dang ldan par mi bgyid kyi/ bdag ni 'dza' bshes shin tu brte par bgyid pa dang / bcom ldan 'das bdag ni bgyis pa mi gzo bar mi bgyid kyi/ bdag ni bgyis pa gzo ba dang / bgyis pa tshor bar bgyid pa dang / bcom ldan 'das bdag ni sbyin pa'i lam gyis mdza' bshes su mi bgyid kyi/ bdag ni lhag pa'i bsam pas 'dza' bshes su bgyid pa dang / bcom ldan 'das bdag ni lhag pa'i bsam pa bcos mar mi bgyid kyi/ bdag ni lhag pa'i bsam pa brtan par bgyid pa dang / bcom ldan 'das bdag ni dman pa la mos par mi bgyid kyi/ bdag ni sangs rgyas kyi sku yongs su 'grub lhar blang gargya 101'a1(dkon brtsegs): chen po la mos par bgyid pa dang / bcom ldan 'das bdag ni de bzhin gshegs pa la gus pa ma mchis pa dang / bslab pa lung gus bam 101'a2(dkon brtsegs): mchis par mi bgyid kyi/ bdag ni de bzhin gshegs pa la gus pa dang bcas pa dang / bslab pa gus pa dang bcas par bgyid pa dang / bcom ldan 'das bdag ni 101'a3(dkon brtsegs): sems kyang gzhan la/ smra ba yang gzhan pa'i lce gnyis su mi bgyid kyi/ bdag ni ji skad smras pa bzhin du bgyid pa dang / bcom ldan 'das bdag ni tshul 'chos pa'i byang 101'a4(dkon brtsegs): chub sems dpa' mi bgyid kyi/ bdag ni lhag pa'i bsam pa phun sum tshogs pa dang / bdag nyid dul ba dang zhi ba la sbyor ba'i rjes su brtson par bgyid pa dang / bcom ldan 101'a5(dkon brtsegs): 'das bdag ni nga rgyal gyi nga rgyal bskyed par mi bgyid kyi// bdag ni gdol ba'i bu dang 'dra bar nga rgyal nges par 'joms par bgyid pa dang / bcom ldan 'das bdag ni chags 101'a6(dkon brtsegs): ba dang bcas pas bsod snyoms yongs su longs spyod par mi bgyid kyi// bdag ni tshul khrims yongs su dag pa dang // dad pas stsal pa la lci ba'i 'du shes su bgyid 101'a7(dkon brtsegs): pa dang / bcom ldan 'das bdag ni tshul bzhin ma legs pa'i rnam par rtog pa yid la bgyid pa sngon du btang bas/ gdugs pas ma thag kho ra mchis nyal ba dang / rmu ga 101'a8(dkon brtsegs): pa dang gnyid kyi bar gyis non par mi bgyid kyi/ bdag ni sangs rgyas kyi chos yongs su sgrub par bgyi ba'i slad du/ rtag tu brtson zhing sbyor ba bgyid pa dang / bcom lda 101'a9(dkon brtsegs): 'das bdag ni gang zag du lta ba la brten par mi bgyid kyi/ bdag ni stong pa nyid la gnas par bgyid pa dang / bcom ldan 'das bdag ni rnam par rtog pa dang / 101'b1(dkon brtsegs): 'khrul par smra bar mi bgyid kyi/ bdag ni mtshan ma mchis par la gnas par bgyid pa dang / bcom ldan 'das bdag ni lus kyi tshul 'chos pa mi bgyid kyi/ bdag ni lus 101'b2(dkon brtsegs): dang ngag dang yid kyi las kyi mtha' yongs su dag par bgyid pa dang // bcom ldan 'das bdag ni zang zing gis bsgos pa'i sems kyi rgyud kyis chos ston par mi bgyid kyi/ 101'b3(dkon brtsegs): bdag ni zang zing ma mchis pa'i sems kyis chos ston par bgyid pa dang / bcom ldan 'das bdag ni zang zing gi sbyin pas 'dza' bshes pa su mi bgyid kyi/ bdag ni 101'b4(dkon brtsegs): chos kyi sbyin pas 'dza' bshes su bgyid pa dang / bcom ldan 'das bdag ni bdag dang gzhan la yongs su gdung bar mi bgyid kyi/ bdag ni bdag la sman pa dang 101'b5(dkon brtsegs): gzhan la sman pa'i slad du sgrub par bgyid pa dang / bcom ldan 'das bdag ni dgon par gnas pa la tshul 'chos par mi bgyid/ bsod snyoms la 'chos par mi 101'b6(dkon brtsegs): bgyid / phyag dar khrod la tshu la 'chos par mi bgyid de// de ci'i slad du zhe na/ bdag ni spangs pa'i yon tan bcu gnyis yang dag par blangs te/ gnas par bgyid cing 101'b7(dkon brtsegs): de yang rnyed pa dang / bkur sti dang / tshigs su bcad pa thams cad la brten pa ma mchis pa'i slad du'o// de skad ces gsol pa dang / bcom ldan 'das kyis 101'b8(dkon brtsegs): byang chub sems dpa' sems dpa' chen po byams pa la legs so zhes bya ba byin te/ byams pa legs so legs so// khyod ji ltar sangs rgyas kyi yon tan yo su
- 102a
tshol ba la brtson pa de ltar seng ge'i sgra 'di sgrogs par byed pa ni/ khyod sngon gyi rgyal po la lhag par bya ba byas shing / dge ba'i rtsa ba bskyed pa dang / chos de dag dang yon tan de dag la gzhan gyi dring mi 'jog pa yin te/ legs so legs so// byang chub sems dpa' sems dpa' chen po byams pas seng ge'i sgra bsgrag pa 'di bshad pa na/ 'khor de nas dge slong lnga brgya stan las langs te dong ngo // de nas gnas brtan 'od srung chen pos dge slong lnga brgya po de dag la 'di skad ces smras so// dge sbyong chen po dag khyed cag yo byad bstangs pa'i gtam brjod pa'i tshe/ stan las langs te gar dong de skad ces smras pa dang / gnas brtan 'od srung chen po la dge slong lnga brgya po de dag gis 'di skad ces smras so// btsun pa 'od srung chen po byang chub sems dpa' sems dpa' chen po byams pas yo byad bsnyungs pa'i gtam de lta bu bstan pa'i gnas de dag ni/ srid par dga' ba lags pas/ bdag cag 'di snyam du bdag cag ni yo byad bsnyungs pa'i yon tan de dag pa yang dag par mi snang bas bdag cag phyir khyim du 'dong gor ma chag go// de ci'i phyir zhe na/ dad pas byin pa ni reg par dga' zhing sbyang bar dka' ba'i phyir ro// snyam du sems dpa'i slad du'o// de nas 'jam dpal gzhon nur gyur pas dge slong de dag la legs so// zhes bya ba byin te/ rigs kyi bu dag legaso leg so//
- 102b
gang dag dad pas byin pa la yongs su longs spyod par mi spro ba dag gis de ltar 'dzem pa dang ldan pa dang / 'gyod pa dang ldan par bya ste/ nyin gcig la lan brgya rab tu byung ba phyir spangs pa ni bla'i/ tshul khrims yongs su ma dag pas dad pas byin pa la longs spyod pa ni de ltar ma yin no// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das kyis dad pas stsal pa/ ji ltar rjes su gnang bar mdzad lags/ bcom ldan 'das kyis bka' stsal pa/ 'jam dpal ngas ni rigs pa dang grol ba la dad pas byin pa rjes su gnang ngo // de nas 'jam dpal gzhon nur gyur pas dge slong lnga brgya tsam po de dag la 'di skad ces smraso// tshe dang ldan pa dag khyed cag sbyor cig rtsol cing / 'bod cig sangs rgyas 'byung ba ni rnyed par dga' ba yin pas khyed cag rab tu byung ba las phyir mi ldog shig/ de nas 'jam dpal gzhon nur gyur po la dge slong lnga brgya tsam po de dag gis 'di skad ces smras so// 'jam dpal bdag cag gis ji ltar sbyor bar bgyi lags/ 'jam dpal gyis smras pa/ dge slong dag khyed kyis ci ltar sbyor ba dang / 'bad pa dang / rtsol bar byed pa na chos 'ga' yang sbyor bar mi byed/ chos 'ga' yang 'byed byed/ chos 'ga' yang 'gog par mi byed pa dang / chos 'ga' yang thob par mi byed/ chos 'ga' bsang spong bar mi byed pa dang / chos 'ga' yang 'dzi
- 103a
bar byed/ chos 'ga' yang 'phel bar mi byed pa de ltar sbyor bar gyis shig/ dge slong gang de ltar sbyor ba de ni chos 'ga' yang rtogs par mi 'gyur/ gang chos 'ga' yong rtogs par mi 'gyuraro/ ba de ni gar yang mi 'gro gang nas kyang mi 'ong ngo // gang la 'gro ba med pa de la ni 'ong ba yang med do// de ni 'ong ba med pa dang 'gro ba med pa'i dge slong zhes bya ste/ gang du yang rten pa yang ma yin/ mi rten pa yang ma yin no// bstan pa 'di bshad pa na/ dge slong lnga brgya po de dag len pa med par zag pa rnams las sems rnam par grol lo// de nas bcom ldan 'das la gnas brtan 'od srung chen pos 'di skad ces gsol to// bcom ldan 'das slang ma'i tshe bla ma'i dus lnga brgya pa tha ma la byang chub sems dpa' tshul 'chos pa ci snyed cig 'byung bar 'gyur lags/ bcom ldan 'das kyis bka' stsal pa/ 'od srung gang dag sdig pa'i grogs pos yongs su zin cing lhag pa'i bsam pa nyam chung ste// zas dang gos lhur len pa'i byang chub sems dpa' tshul 'chos pa dag ni mang du 'byung bar 'gyur ro// de nas bcom ldan 'das la gnas brtan 'od srung chen pos 'di skad ces gsol to// bcom ldan 'das skye bo mang po la sman pa dang / skye bo mang po la bde ba'i slad du/ gnas gang dang / spyod pa gang dag gis byang chub sems dpa' lhag pa'i bsam pa nyams chung ba dang / tshul 'chos pa lags par 'tshal bar 'gyur ba'i gnas de dge legs pa legs par bshad du du gsol/ de ci'i slad du zhe na/ bcom ldan 'das 'di ltar gnas de dag thos nas
- 103b
byang chub sems dpa' lhag pa'i bsam pa phun sun tshogs pa gang dag lhags pa de dag kyang bdag nyid kyang srung bar 'gyur ba'i slad du'o// de skad ces gsol pa dang / bcom ldan 'das kyis gnas brtan 'od srung chen po la 'di skad ces bka' to// 'od srung phyi ma'i dus lnga brgya pa tha ma de la/ byang chub sems dpa' gang dag sdig pa'i grog pos yongs su zin cing lhag pa'i bsam pa'i nyam chung ba de dag ni de bzhin gshegs pa'i skra gdung rnams la me tog dang / bdug pa dang phye ma dang / spos dang / me tog 'greng ba dang / byug pa dang / gdugs dang / rgyal mtshan dang / ba dan dang / sil snyan dang / mar me'i sprin dag gis mchod pa'i las la brtson 'grus par 'gyuraro// 'od srung ngas ni shes pa dang mi ldan pas rnams kyis dge ba'i rtsa ba yang dag par bsgrub pa'i phyir mchod pa bshad pa yin na// mi blun po de dag ni de la brtson par 'gyur ro// 'od srung ngas lha dang bcas pa'i 'jig rten gyi mdun du dge slong dag khyed cag ni bdag nyid dul ba dang / zhi bar sbyor ba'i rjes su brtson pas gnas par gyis shig/ bram ze dang khyim bdag dad pa dang ldan pa dag yod na de dag ni nga'i sgra gdung rnams la sku gdung gi mchod pa byed par 'gyur ro// zhes de skad ces gsungs na/ 'od bsrung mi blun po de dag rnal 'byor kyang spangs/ spong ba yang spangs/ lung nod pa yang spangs/ kha ton bya ba
- 104a
yang spangs nas de bzhin gshegs pa'i sku gdung gi mchod pa'i las la brtson par 'gyur zhing de dag la brten nas/ 'tshor bar sems par byed/ pa de dag ltos/ 'od srung byang chub sems dpa' gang gis stong gsum gyi stong chen po'i 'jig rten gyi khams 'di'i phung po nas bzung ste/ tshangs pa'i 'jig rten gyi mthar thug pa'i bar du 'bru mar gyis yongs su bkang ste/ mar me'i snying po ri rab tsam/ btsugs nas/ de bzhin gshegs pa la mchod pa'i las kyi phyir/ mar me bus pa bas ni byang chub sems dpa' lhag pa'i bsam pa phun sum tshogs pa/ tshul khrims kyi phung po la gnas pa gcig shos kyis mkhan po 'am/ slob dpon gyi drung nas/ tshig bzhi pa'i tshigs su bcad pa gcig lung mnos te/ kha ton byed cing gom pa mdun 'dor bar byed pa gang yin pa de/ de bas ches bsod nams mang du skyed par 'gyur ro// 'od srung byang chub sems dpa' gang gis stong gsum gyi stong chen po'i 'jig rten gyi khams 'di me tog dang / bdugs pa dang / phye ma dang / spos kyis rab tu bkang ste/ de bzhin gshegs pa la mchod pa'i las kyi phyir lo 'bum gyi bar du nyid lan gsum bya bas ni/ byang chub sems dpa' 'du 'dzi'i gtam gyis 'jigs cing skrag pa gzhan zhig khams sum thams kyis 'jigs shing sems can gyi don mngon par bsgrub pa na/ dgon par mngon par phyogs te gom
- 104b
ba bdun 'dor bar byed pa gang yin pa te/ de bas bsod nams mang du bskyed par 'gyur ro// 'od bsrung 'di ji snyam du sems/ de bzhin gshegs pas rgyal ka'i ched mA/ rjod pa'i ched du de skad gsung ba ma yin grang snyam na/ 'od srung khyod kyis de ltar mi lta ste/ ci ci'i phyir zhe na/ de ni nga la mngon sum yin pa'i phyir ro// 'ong srang sngon byung ba 'das pa'i dus na/ bskal pa grangs med pa dang / ches grangs med pa dang / ches shin tu grangs med pa dang / rgya che ba/ tshad med pa dang / bsam gyis mi khyab pa dang / dpag tu med pa dag byung ba de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas me tog sna tshogs shes bya ba rigs pa dang zhabs su ldan pa bde bar gshegs pa 'jig rten mkhyen pa skyes bu 'dul ba kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das shig 'jig rten du byung ste/ 'od srung de bzhin gshegaso ba me tog sna tshogs zhes bya ba de'i nyan thos rnams kyi 'dus pa chen po ni bye ba 'bum phrag dag bcu rtsa drug du gyur to// 'od srung de'i tshe de'i dus na/ gling bzhi pa'i 'khor los sgyur ba'i rgyal po mu khyud ces bya ba chos dang ldan pa/ chos kyi rgyal po zhig byung bar gyur te/ 'od srung rgyal po su khyud de la bu ni dpa' pa rtul phod pa/ yan lag mchog gi gzugs dang ldan pa/ pha rol gyi sder rab
- 105a
'joms par byed pa stong yod par gyur to// 'od srung rgyal po mu khyud de'i bu stong po de dag gi rjes la de'i pang par chos shes bya ba dang / chos bzang zhes bya ba'i khye'u gnyis shig rdzus te skyes par gyur to// 'od srung rgyal po mu khyud des bcom ldan 'das de bzhin gshegs pa me tog sna tshogs dge slong gi dge 'dun dang bcas 'di la lo brgyad khri bzhi stong rdzogs kyi bar du las gzhan mi byed par khyim gyi yid la byed pa thams cad spangs te/ na bza' dang zhal zas dang / gzims cha dang / gdan dang / snyun gyi gsos sman dang / yo byad rnams kyis bsnyen bkur bya ste/ dge slong gi dge 'dun rnams la yang zhag bdun bdun 'das shing chos gos yid du 'ong ba gzhan dang gzhan dag kyang phul lo// gang dang gang dag ci dang ci 'dod pa de dang de dag la kha zas kyi rnam pa yid du 'ong ba de lta de bu dag kyang phul lo// gang dang gang dag ji lta ji lta bu 'dod pa de dang de dag gi gtsugs lag khang yid du 'ong ba de dang de lta bu dag kyang rtsig du bcug go// dge slong re re la yang 'chags sa dang / bskyed mos 'tshal dang / bsnyen bkur ba bdun bdun dang / ro brgya dang ldan pa'i kha zas dag kyang phul lo// 'od srung 'di ltar rgyal po rtsa khyud bzangs kho ra khor yug du dpag tshad brgyad bcu yod pa ngos bzhi khang mig can du shin tu 'brel ba/ bkra ba/ lta na sdug pa legs par byas pa shin tu
- 105b
zin par byas pa/ 'phrul 'khor gyi srad bus yongs su sbyangs pa/ byas pa dag kyang byed du bcug ste/ gang gi tshe de bzhin gshegs pa dge slong gi dge 'dun dang bcas bde khang rangs de dag na bzhugs pa de'i tshe/ 'khrul 'khor gyi srang bu de dag gi shugs kyis khang bzangs de dag gi steng nas me tog kha dog rnam pa du mi'i char dag kyang bab po// me tog de dag gis khang bzangs de dag pus mo nub tsam du gang bar yang gyur ro// 'od srung de ltar rgyal po mu khyud nges de bzhin gshegs pa me tog sna tshogs dge slong gi dge 'dun dang bcas pa de la lo brgyad khri bzhi stong rdzogs kyi bar du yon tan bkod pa bsam gyis mi khyab pa dag dang / bde ba'i yod byed thams cad kyis bskar sti byas// bla mar byas/ ri mor byas/ mchod pa byas so// 'od srud de nas lo brgyad khrid bzhi stong po de dag 'das pa'i phyi te/ nyin par de bzhin gshegs pa de'i zhal zas kyi bya ba mdzad lags pa'i 'og tu khye'u chos dang chos bzangs gnyis dpung gi tsho gas yan lag bzhi po thams cad dang bcas te/ bcoM ldan 'das de bzhin gshegs pa dgra bcom pa yang dag par rdzogs pa'i sangs rgyas me tog sna tshogs de'i spyan sngar btud nas/ de bzhin gshegs pa de la yid kyis zhus pa 'di skad ces yongs su zhus so// bcom ldan 'das rgyal po mu khyud 'dis yun ring po 'di srid du dge slo ba'i rtsa ba bskrun pa rnam pa mang po 'ang/
- 106a
lta bu thams cad zil gyis gnon cing yongs su gtugs te/ gnas par 'gyur ba'i sbyin pa dang / bsod nams dang / longs spyod dang / dge ba'i rtsa ba gzhan zhig mchis lags sam/ 'od srung de ltar khye'u de gnyis su gdugs me thag du de nas skad cig de la stong gsum gyis stong chen po'i 'jig rten gyi khams de rab tu g.yos shing / 'jig rten dus g.yos pa chen po yang byung bar gyur to// 'od srung de nas bcom ldan 'das de bzhin gshegs pa me tog sna tshogs de'i bsnyen bkur ba thub dka' ba zhes bya ba zhig yod par gyur pa gang yin pa de stan las langs te chos gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das de bzhin gshegs pa me tog sna tshogs de ga la ba de logs su thal mo sbar ba btad nas/ de bzhin gshegs pa de la 'di skad ces gsol te/ bcom ldan 'das 'jig rten du dog sa cher g.yos pa 'di'i rgyu ni gang lags/ rkyen ni gang lags/ ci'i slad du na khye'u 'di gnyis kyis bcom ldan 'das kyis zhabs gnyis la gtugs par gyur lags/ 'od srud de skad ces gsol pa dang / de bzhin gshegs pa me tog sna tshogs des bsnyen bkur pa thub dka' la 'di skad ces bka' stsal to// rigs kyi bu gtam de lta bu yongasu zhus pas khyod la ci bya/ gal te de bzhin gshegs pas khye'u 'di gnyis kyi lhag pa'i bsam
- 106b
pab ci lta bu dang / zab mo la bzod pa sgom pa ci lta bu dang / snying rje chen po ci lta bus de bzhin gshegs pa'i zhabs gnyis la gtugs pa'i gnas de bshad par gyur na/ lha dang bcas pa'i 'jig rten 'di mongs par 'gyur ro// 'od srung de nas de bzhin gshegs pa me tog sna tshogs des/ nyan thos chen po rdzu 'phrul dang ldan pa'i mchog sred med kyi bu zhes bya ba la bka' stsal pa/ sred med kyi bu khyod longs rdo la khye'u 'di gnyis slongs te// rang gi rdzu 'phrul gyi mthus ston cig/ 'od srung de nas dge slong sred med kyi bu des de la khye'u gcig lag pa g.yas pas blangs la khye'u gcig shos lag pa g.yon pas blangs te/ gyen du 'phang do snya na gdegs par ma nus so// de yang rgya chen mthu dang stobs dang / brtson 'grus dang spro ba dang / rdzu 'phrul chen po yang dag par bstan cing gyen du 'phang ngo snyam na/ tha na de gnyis skra'i rtse mo'i cha shas tsam yang bskyod pa 'am/ bskul bar ma nus so// 'od srung de ltar des khye'u de gnyis shin tu 'phang par bskyed ba ni/ stong gsum gyi stong chen po 'jig rten gyi khams brag dang / ri dang / rtsa dang shing dang / chu dang / bcas pa de rab tu g.yos shing bla 'og du 'gul bar gyur kyang khye'u de gnyis bslang bar ni ma nu so// 'od srung de nas de bzhin gshegs pa me tog sna tshogs des de'i tshe nyan thos chen po'i'i sems yang
- 107a
dag par rab tu bzung ba dang / rdzu 'phrul gi mthu nye bar bsgrub par mdzad de/ rdzu 'phrul gri mthu nye bar bsgrubs pa des dge slong sred med kyi bu des 'og gi phyogs kyi sangs rgyas kyi gang ga'i klung gi bye ma snyed dag 'gul ba dang / g.yos pa dang rab tu 'khrugs pa dang / bla 'og tu 'gul bar byas kyang / tha na khye'u de gnyis skra'i rtse mo'i cha shas tsam yang g.yo ba 'am/ 'gul bar byas mi nus so// 'od srung de nas dge slong sred med kyi bu des bcom ldan 'das de bzhin gshegs pa me tog sna tshogs de'i zhabs gnyis la gtugs nas/ de bzhin gshegs pa me tog sna tshogs de la 'di skad ces gsol to// bcom ldan 'das bdag rang gi rdza 'phrul gyi stobs las yongs su nyams pa 'am/ gcig tu ma gyur lags grangs/ de ci'i slad du zho na/ bcom ldan 'das 'di ltar bdag gis khye'u skyes nas ring po ma lags pa byis pa'i gzugs su mchis pa/ lus bong chung ngu 'di gnyis kyis/ dogs la gtugs pa yang bslang bar rngo ma thogs pa'i slad du'o// de skad ces gsol pa dang / bcom ldan 'das de bzhin gshegs pa me tog sna tshogs des dge slong srang med kyi bu khyod ni rang gi rdzu 'phrul gyi stobs las yongs su ma nyams mod kyi// 'on kyang byang chub sems dpa'i byin gyi bslabs 'di na bsam gyis mi khyab pa yin pas de ni nyan thos dang rang sangs rgyas thams cad kyis rnam par
- 107b
dkrug pa 'am/ bsam par sla ba ma yin te/ sred med kyi bu gal te stong gsum gyi stong chen po'i 'jig rten gyi khams na sems can gang ji snyed pa de dag thams cad 'di lta ste/ dper na ngas da ltar khyod nyid nyan thos rdzu 'phrul chen po rnams kyi mchog tu bstan pa de lta bu'i rdzu 'phrul gyi stobs dang ldan par gyur cing / de tsam du rdza 'phrul gyi che ba dang / de tsam du mthu che ba'i sems can de dag thams cad kyi bskal pa bye ba snyed du rdzu 'phrul gyi rnam par 'phrul pa rnam pa sna tshogs dag gis rnam par 'phrul ba byas kyang / de dag gis khye'u 'di gnyis bslang ba 'am/ bsgral bar mi nus so// 'od srung de ltar de bzhin gshegs pa me tog sna tshogs des tshig de skad ces smras pa na/ 'khor de nas srog chags 'bum phrag bzhi bcu rtsa gnyis kyis bla na med pa yang dag par rdzogs pa'i sa byang chub tu sems skyed cing de dag 'di snyam du sems te/ 'di ltar byang chub sems dpa' rnam pa thams cad mkhyen pa nyid ma rtogs shing / thams cad mkhyen pa nyid ma thob pa kho na yin yang / gang lanyan thos chen po 'di dag de rdugs par byas te/ bkod pa'i rdzu 'phrul gyi cho 'phrul de lta bu dang ldan pa de ni ngo mtshar te/ bdag cag gis kyang byin gyis rlabs de lta bu thob par bya ba dang / sangs rgyas kyi ye shes kyang thob par bya'o// snyam du sems shing de ltar yang dag par shes pa'i srog chags 'bum phrag bzhi bcu rtsa gnyis
- 108a
po de dag gis bla na med pa yang dag par rdzogs pa'i byang chub tu sems bskyed par gyur to// 'od srung de nas byang chub sems dpa' sems dpa chen po blo gros bzang po zhes bya ba zhig 'khor de nyid du 'dus te/ 'dug par gyur pa de stan las langs te// bla gos phrag pa gcig tu gzar nas/ pus mo g.yas pa lha nga sa la btsugs te/ bcom ldan 'das de bzhin gshegs pa me tog sna tshogs deg la ba de logs su thal mo sbyar ba btud nas/ de bzhin gshegs pa me tog sna tshogs de la 'di skad ces gsol to// bcom ldan 'das khye'u 'di gnyis bslang bar mdzad cing khye'u 'di gnyis kyis zhus pa rab tu rnam pa rab tu rnam par dbye ba yang bstan du gsol/ 'od srung de nas de bzhin gshegs pa me tog sna tshogs des de'i tshe se gol gri sgra mdzad de/ se gol gyi sgra des phyogs bcu'i sangs rgyas kyi zhing gang gi'i rlung gi bye ma snyed dag tu mngon par grags par gyur ro// sangs rgyas kyi zhing ci snyed du se gol gyi sgras mngon par grags par gyur pa de snyed kho na rnam pa drug du rab du g.yos par gyur to// ji snyed rnam pa du rab tu g.yos par gyur pa de snyed kho na snang ba chen pos yongs su khyab par yang gyur to// 'od srung de nas khye'u de gnyis kyis sgra de thos nas/ de bzhin gshegs pa de'i zhabs kyi drang nas langs par gyur te/ 'od srung khye'u de gnyis langs par yang gyur pa na/ stong
- 108b
gsum gyi stong chen po'i 'jig rten gyi khams de na lha dang mi'i sil snyan gang ji snyed yod pa de dag thams cad ma bsil ma dkrol bar rol mo'i sgra dag 'byin par gyur cing / me/ tog gi char dag kyang mngon par rab tu bab par gyur to// 'od srung de nas khye'u de gnyis langs nas kyang yang de bzhin gshegs pa de'i zhabs la phyag 'tshal te// de bzhin gshegs pa de la skor ba byas nas thal mo sbyar te/ de bzhin gshegs pa'i zhal du lta zhing phyogs gcig tu 'khod do// 'od srung de bzhin gshegs pa me tog sna tshogs de byang chub sems dpa' blo gros bzang po la bos te/ 'di skad ces bka' stsal to// rigs kyi bu khye'u 'di gnyis kyis nga'i zhabs kyi drung du 'dug nas/ nga la yid/ kyi zhu ba 'di skad ces yongs su zhus te/ bcom ldan 'das rgyal po mu khyud 'dis sbyin par bya ba'i chos sbyin pa yongs su gtong ba'i sbyin pa gang lags pa dang / dge ba'i rtsa ba gang lags pa dang / yongs su gtong ba gang lags pa zil gyis gnon cing yongs su gdugs te/ gnas par gyur pa'i sbyin pa mchis sam/ yongs su gtong ba ma mchis lags sam/ dge ba'i rtsa ba mchis lags sam zhes khye'u 'di gnyis nga la zhu ba de skad yongs su zhus nas/ de bzhin gshegs zhabs gnyis la gdug so// 'od srung de nas de bzhin gshegs pa me tog sna tshogs de la byang chub sems dpa' blo gros bzang po des 'di skad ces gsol te//
- 109a
bcom ldan 'das skye bo mang po la sman pa dang / skye bo mang po la bde ba dang / 'jig rten la thugs rtse ba dang / lha dang mi rnams kyi skye bo phal bo che'i don dang / sman pa dang bde ba'i slad du khye'u 'di gnyis kyis zhus pa bcom ldan 'das kyis bshad du gsol/ 'od srung de skad ces gsol pa dang / de bzhin / gshegs pa me tog sna tshogs des byang chub sems dpa' blo gros bzang po la 'di skad ces bka' stsal to// rigs kyi bu de'i phyir nyon cig dang / bshad par bya'o// rigs kyi bu rgyal po mu khyud 'dis bsod nams kyi sbyin pa yongs su gtong ba gtong ba gang yin pa de bas ni/ byang chub sems dpa' dben par gnas pa zhig dgon pa dang / rab tu dgon pa dag na gnas shing / se gol gtogs pa tsam zhig chos thams cad ni ma skyes pa'o// zhes bzod pa thob pa gang yin pa de/ bsod nam kyi phung po ches che bar rig par bya'o// rigs kyi bu rgyal po mu khyud 'di'i sprin lta zhog gi// stong gsum gyi stong chen po'i 'jig rten gyi khams na sems can ci tsam sems can du bsdu bar bsdus pa'i sems can de dag thams cad las sems can re res kyang so so nas rgyal po mu khyud 'di'i sbyin pa ji snyed pa de snyed cig byin par gyur na// stong gsum gi stong chen po'i 'jig rten gyi kham su gtogs pa'i sems can de dag thams cad kyi bsod nams gang yin pa dang / byang/
- 109b
chub sems dpa' dben par gnas pa yang dag pa'i bsam pa dang ldan pa/ yang dag pa'i lam du zhugs pa/ tshul khri bzhin la rab tu brtsod pa zhig chos thams cad stong pa dang / 'ong ba med pa dang / 'gro ba med pa zhes bya bar se gol gtogs pa tsam zhig bzod cing gnas par gyur na/ sems can thams cad kyi bsod nams kyi phung po snga ma des ni/ se gol gtogs pa tsam zhig bzod pa la gnas pa'i bsod nams kyi phung po de'i brgya'i char yang nye bar mi 'gro'o// stong gi cha dang / 'bum gyi cha dang / bye ba'i cha dang / bye ba phrag brgya'i cha dang / bye ba phrag stong gi cha dang / bye ba phrag 'bum gyi cha dang / bye ba khrag khrig phrag 'bun gyi bar gyi cha dang / grangs kyi cha dang / grangs dang cha dang bgrang ba dang / dpe dang / nye bar 'jal ba dang / rgyu'i bar du yang nye bar mi 'gro'o// rigs kyi bu stong gsum gyi stong chen po'i 'jig rten gyi khams su gtog pa'i sems can thams cad kyi bsod nams kyi phung po yang lta zhog gi/ 'jig rten gyi khams gang gi'i klung gi bye ma snyeng dag na sems can ci snyed sems can du bsdu bar bsdus pa'i sems can re res kyang skad cig dang thang cig yud tsam cig rgyal po mu khyud 'dis sbyin pa byin pa dang / dge slo ba mngon par 'dus byas pa ji snyed pa de snyed cig byas shing sems can de dag re res se go la gtogs pa tsam gcig la yang de snyed kyi sbyin pa byin zhing dge ba mngon pa 'dus
- 110a
byas par gyur la/ rnam grangs de lta bus sems can de dag thams cad kyis bskal pa gang gi'i klung gi bye ma snyed du sbyin pa byin zhing dge ba mngon bar 'dus byas par gyur na/ rigs kyi bu 'di ji snyam du sems/ dge ba'i rtsa ba de dag mang ba yin snyam 'am/ 'od srung de la de skad ces bka' stsal pa dang / de bzhin gshegs pa me tog sna tshogs de la byang chub sems dpa' blo glos bzang pos 'di skad ces gsol to// bcom ldan 'das de bzhin gshegs pas dpe de lta bu de mdzad pa ni ngo mtshar lags te/ dge ba'i rtsa ba de ni bsam par yang slab pa ma lags pas/ bsam gyis mi khyab pa lags so// 'od srung de nas de bzhin gshegs pa me tog sna tshogs des byang chub sems dpa' blo gros bzang po de la 'di skad ces bka' stsal to// rigs kyi bu khyod mos par bya/ khyod kyi khong du chud par bya ste/ mkhas pa mngon par sbyang ba byas pa zab mo la bzod pa dang ldan pa gang dag 'byung bar 'gyur ba de dag ni 'di la mos par gyur te/ sems can de dag thams cad kyi dge ba'i rtsa ba yun ring po de srid du mngon par 'dus byas pa/ de tsam tu dpag tu med cing de tsam du bsam gyis mi khyab pa gang yin pa sems can thams cad kyi dge ba'i rtsa ba mngon par 'du bya ba snga ma de ni/ khye'u 'di gnyis kyis lhag pa'i bsam pa gang gis de bzhin gshegs pa'i zhabs la gtugs shing phyag 'tshal ba 'di'i brgya'i char yang nye bar mi 'gro/ stong gi cha dang /
- 110b
'bum gyi cha dang / bye ba'i cha dang / bye ba phrag brgya'i cha dang / bye ba phrag stong gin dang / bye ba drug 'bus gyicha dang / bye ba khrag khrig 'bum gyi bar gyi cha dang / grangs dang / cha dang / bgrang ba dang / dpe dang / nye bar 'jal ba dang / rgya'i bar du yang nye bar mi 'gro'o// 'od srung de nas bcom ldan 'das de bzhin gshegs ba me tog sna tshogs de'i dge slong gi dge 'dun las dge slong brgyad khri bzhi stong gis bstan pa 'di thos nas/ tshig 'thun par rjesu yid rang ba'i tshig 'di skad ces brjod de/ bcom ldan 'das bdag ni sems can gang dag chos zab mo rnams la bzod par gyur pa dang / gang dag chos thams cad stong par mos par bgyid pa dang / gang dag rabs ra 'gyi dben pa la dga' zhing dgon pa la mngon par phyogs te/ gom pa bdun 'dor bar bgyid pa dang / gang dag ye shes de lta bu yongs su bsgrub par bgyid pa'i slad du/ bla na med pa yang dag par rdzogs pa'i byang chub sems bskyed par bgyid pa de dag gi dge ba'i rtsa ba de dag la rjesu yid rang ngo // zhes rjes su yid rang ba'i tshig brjod par gyur to// 'od srung de nas de bzhin gshegs pa me tog sna tshogs des/ dge slong de dag la legs so zhes bya ba byin te/ rigs kyi bu dag khyed kyis lhag pa'i bsam pa de lta bus rjes su yi rang ba'i tshig de lta bu dag brjod pa
- 111a
ni legs legs so// gal te khyed cag gis sems dag rnam par grol bar ma gyur du zin na ni/ khyed cag dge ba'i rtsa ba des 'khor los sbyar ba'i rgyal srid gang gi'i klung gi bye ma snyed byed du bcug nas/ bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro// de nas gnas brtan 'od srung chen po dang / 'khor de dag thams cad kyi tshigs 'thun par 'di skad ces gsol to// bcom ldan 'das bdag ni sems can de gis sems bskyed pa de dag dang / gang dag la chos thams cad stong pa dang / dben pa dang / nye bar zhi ba dang / 'dod chags dang bral ba dang / rang bzhin mchis par glo ba ches pa mchis pa dang / bzod pa dang mchis pa dang / mos pa mchis pa de dag la yang rjes su yi rang lags so// de nas bcom ldan 'das kyis yang gnas brtan 'od srung chen po la bka' stsal pa/ 'od srung de nas bcom ldan 'das de bzhin gshegs pa me tog sna tshogs de la khye'u chos dang chos bzang gnyis kyis 'di skad ces gsol to// bcom ldan 'das byang chub sems dpa' chos 'du dang ldan pa ni sbyin pa la dga' bar yang mi bgying la ser sna can du 'ang mi 'gyur ba dang // kun 'dzin pa'i sems ma mchis pa dang / gzhan 'jig rten gyi zang zing stsal par bgyid pa de dag mthong na/ yang de la dga'
- 111b
bskyed par mi bgyid pa dang / gong du yang 'di lta ste/ sangs rgyas kyi gnas pa bla na med pas rgyan gnas pa thob par 'gyur ba dang / zab mo la bzod pa dang ldan par 'gyur ba dang / bla na med pa'i ye shes yongs su rdzogs par yang bgyid lags// 'od srung de skad ces gsol pa dang / de bzhin gshegs pa me tog sna tshogs des khye'u chos dang chos bzang gnyis la 'di skad ces bka' stsal to// rigs kyi bu dag byang chub sems dpa' chos bzhi dang ldan na sbyin pa la dga' bar yang mi byed la ser sna can du'ang mi 'gyur ba dang / kun 'ji pa'i sems med pa dang / gzhan 'jig rten gyi zang zing sbyin par byed pa de mthong na/ yang de la dga' ba skyed par mi byed/ pa dang / gong du yang 'di lta ste/ sangs rgyas kyi gnas pa bla na med pas gnas pa thob par 'gyur ba dang / zab mo la bzod pa dang ldan par 'gyur ba dang / bla na med pa'i ye shes kyang yongs su rdzogs par byed de/ bzhi gang zhe na/ stong pa nyid la mos pa dang / dben par gnas pa dang / zab mo la bzod pa dang / tshul bzhin bzhin ming la byed pa ste/ rigs kyi bu dag byang chub sems dpa' chos bzhi po de dag dang ldan na sbyin pa la yang dga' bar mi byed la/ ser sna can du'ang mi 'gyur ba dang / kun tu 'dzin pa'i sems med pa dang / gzhan 'jig rten gyi zang zing sbyin par byed pa de mthong na yang de la dga' ba bskyed par mi byed pa dang / gong
- 112a
du yang 'di lta ste/ sangs rgyas kyi gnas pa bla na med pas gnas pa 'thob par 'gyur ba dang / zab mo la bzod pa dang ldan par 'gyur ba/ dang / bla na med pa'i ye shes kyang yongs su rdzogs par byed par 'gyur ro// rigs kyi bu dag gzhan yang byang chub sems dpa' chos bzhi dang ldan na/ sbyin pa la dga' bar yang mi byed la ser sna can du'ang mi 'gyur ba dang / kun tu 'dzin pa'i sems can med pa dang / gzhan 'jig rten gyi zang zing sbyin par byed pa de thod na yang de la dga' ba bskyed par mi byed pa dang / gong du yang 'di lta ste/ sangs rgyas kyi gnas pa bla na med pas gnas pa 'thob par 'gyur ba dang / zab mo la bzod pa dang ldan par 'gyur ba dang / bla na med pa'i ye shes kyang yongs su rdzogs par byed pa 'gyur ba te/ bzhi gang zhe na/ rigs kyi bu 'di la byang chub sems dpa' mang du thos pa yongs su tshol bar byed pa dang / de mang du thob par gyur nas grong dang grong khyer dang / grong rdal dang / rgyal po'i pho brang dang / yul 'khor dag tu zhugs te// chos kyi sbyin pa sbyin par byed pa dang / gang las kyang tha na legs so zhes bya ba tsam du chung zad kyang re ba med cing de gos pa med ba'i sems kyis gzhan dag la chos ston par byed pa dang / de gos pa med pa'i sems ldan 'di lta ste chos kyi sbyin pa'i sbyin pa 'di ni sangs rgyas bcom
- 112b
ldan 'das rnams kyis bsngags shing bstod pa yin pas na/ mchog yin no// zhes dga' ba nyams su myong bar byed pa ste// de dag ni sbyin pa dam pa sbyin pa gtso bo 'di la gnas pa yin no// zhes yang dag par mthong na dga' ba nyams su myong bar byed cing sems can/ 'jig rten gyi zang zing yongs su gtong ba la mngon par brtson pa gzhan dag la ni dga' bar mi byed do// de ci'i phyir zhe na/ rigs kyi bu dag byang chub sems dpa' gang gis phyogs bcu'i 'jig rten gyi khams tshad med grangs med dpag tu med pa dag na de bzhin gshegs pa dge slong gi dge 'dun gyis yongs su bskor ba ci snyed cig bzhugs te// 'tshe zhing gzhes pa de dag thams cad la tshe'i mtha' ci srid par ma tshang ba med pa'i sbyin pa phul bar gyur pa gang yin pa dang / byang chub sems dpa' lhag pa'i bsam pa phun sum tshogs pa/ tshul khrims dang ldan pa dge ba'i chos dang ldan pa gzhan zhig gis snying rje chen po kun tu bskyed de/ sangs rgyas bcom ldan 'das rjes su dran par byed pa na/ gos pa med pa'i sems kyis rnyed pa dang / bkur sti dang / grags pa mi 'dod par sems can gcig la tshig bzhi pa'i tshig su bcad pa gcig tsam zhig sgrogs par byed cing / des tshigs su bcad pa bshad nas kyang // yi ge mnyam pa nyid kyis 'di lta ste/ dper na yi ge
- 113a
'di dag rang bzhin gyis stong pa de bzhin du chos thams cad kyang rang bzhin gyis stong pa yin no// zhes rab tu rtog par byed na/ rigs kyi bu/ bsod nams kyi phung po de la bsod nams kyi phung po snga ma des brgya'i char yang nye bar mi 'gro'o// stong gi cha dang / 'bum gyi cha dang / bye ba'i cha dang / bye ba phrag brgya'i cha dang / bye ba phrag stong gi cha dang / bye ba phrag 'bum gyi cha dang / bye ba khrag khrig phrag 'bum gyi bar gyi cha dang / grangs dang cha dang / bgrang ba dang / dang / dang / nye bar 'jal ba dang / rgyu'i bar du yang nye bar mi 'gro ba'i phyir ro// 'od srung de nas yang de bzhin gshegs pa me tog sna tshogs des khye'u de gnyis la 'di skad ces bka' stsal to// rigs kyi bu dag byang chub sems dpa'i chos bzhi dang ldan na/ 'di lta ste/ sangs rgyas kyi gnas rgya chen pos gnas pa 'thob par 'gyur te/ bzhi gang zhe na 'di lta ste rgya chen po la 'jug pa dang / chos rgya chen po 'chad pa dang / sbyin pa rgya chen po yongs su gtong ba dang / rgya chen kho la mos pa ste/ rigs kyi bu dag byang chub sems dpa' chos bzhi po de dag dang ldan na/ 'di lta ste/ sangs rgyas kyi gnas rgya chen pos gnas pa 'do par 'gyur ro// 'od srung de ltar de bzhin gshegs pa me tog sna tshogs des khye'u de gnyis la de ltar chos bstan pas khye'u de gnyis chos kyi mchog
- 113b
tu dga' ba de gnyis kyis ta la bdun srid tsam du mngon par 'phags te/ de gnyis steng gi bar snang la 'khod nas de bzhin gshegs pa de la gnyi gas tshig 'thun/ par tshigs su bcad pa 'di dag gsol to// thub pa spyod pa thams cad mkhyen// spyod pa kun la mkhas pa lags/ sems can rnams la gtong ba dang / de bzhin gtong la mi gnas ston// 'di la bdag dang sems can dang // srog dang gang zag ma mchis par// bzod pa bla med gang lags pa// sbyin pa de ni sbyin chen lag bzod pa zab mo bsgom byos la// de la 'ang rtog pa ma byed ces// bgyi ba 'di 'dra bstsal pa// dpa' chen khyod ni ngo mtshar lags/ gang la chags las stsogs med pa// byang chub dam po don du gnyer// ye shes chen po sbyang byas nas// de la 'ang rlom sems ma byed cig/ rnam grol stong pa sgom par gyis// de la la rnam rtog ma byed cig/ dgon pa'i gnas na ston byed pa/ dben pa'i gnas shes gsung ba mdza da// rlom sems yongasu spang ba'i// sbyin pa rtag tu sbyin par bya// gang la 'du shes mi 'jug pa// de ni rdul bral mtha' yin no// zhi ba'i gnas las mi g.yo ba'i// tshul khrims yongs su spang ba bya// gang gis zhi tshul mdzes rtog par/ de ni tshul khrims mchog yin gsung // bzod pa rtag tu bsgom gyis la/ sems can rnams la rtog ma byed//
- 114a
rtog pa thams cad rnam spangs pa/ de ni bzod pa yin par gsungs// brtson 'grus brtan pa 'ang brtsam par byos/ 'dus byas kun kyang spang bar bgyis// dben par lta ba gang yin pa// de ni sangs rgyas brtson 'grus gsungs// dngos po'i dngos de med pas na// dngos po thams cad bsreg par bya// nyon mongs med pa g.yin pa// de ni rtog med bsam gtan yin// tshur rol ma yin pha rol min// dbu su 'ang gnas par mi bya ste// dus gsum mnyam lta gang yin pa// de ni shes rab dam pa yin// dgon pa'i 'dus shes bsgom bya zhing // 'dus shes de la 'ang lta mi bya// 'du shes ga las skye 'gyur te/ des de 'du shes med ces bya// chos kyi sbyin pa'i yon tan dang // de bzhin phan yon rnams kyang bstan// de phyir rlon/ sems su med pa yis// ci ltar zos pa'i chos kyang shod/ yi ge rnams ni zag med de// rang bzhin gyis ni grub pa med// de phyir chos la ma rlom zhing khyed kyi 'bras bu med mi bya// bdag ni chos ston byed pa'o/ zhes/ gang la 'du shes de 'byung ba// des ni chos nyid mi shes pas// de ni bdud kyi zhags bas bcings// bdag gis sangs rgyas mthong ngo zhes// gang la 'du shes de 'byung ba// de la de ma thag du ni/ bdud rtsi dug gi btung bar 'gyur// gang zhig rdza
- 114b
ba'i byang chub ni// rtogs par 'dod dam nyan thos 'am/ rang rgyal byang chub rtogs 'dod pas// des ni tshul 'di bslab par gyis/ rnam grol ye shes dpag med kyang / gcig pa nyid du bstan pa mdzad// dman pa'i smod lam 'dod mi bya/ byang chub dam pa don du gnyer/ gang zhig 'jig rten mgon po'i sku// mtshan gyis brgyan pa ci 'dra bar// de 'dra 'dod pa de yis ni/ byang chub mchog la gnas par gyis// chos kun rgyu las 'byung ba ste/ byed pa po ni dmigasu med// chos rnams rten nas/ byung ba ste/ yang dag rang bzhin yod min zhes/ bgyi ba 'di 'dra bka' stsal pa/ dpa' chen khyod ni ngo mtshar lags// 'od srung de ltar khye'u de gnyis kyis bar snang las tshigs su bcad pa de dag smras pa'i tshe/ rgyal po mu khyad de grong khyer ba dang / btsun mo'i 'khor dang zha 'bring gnyug ma rnams dang / steng gi bar snang la lha gang dag 'dus te 'khod par gyur pa/ de dag las srog chags brgyad khri bzhi stong gis bla na med pa yang dag par rdzogs pa'i byang chub tu sems bskyed do// sems can tshad med pa grangs med pa dag gis ni/ dge ba'i rtsa ba sna tshogs yongs su bsgrub pa'i rgyu bskyed par gyur to// 'od srung de nas khye'u chos dang chos bzang gnyis bar snang la de las babs te// bcom ldan 'das de bzhin gshegs pa me tog sna tshogs de'i zhabs la gtugs nas/ 'di skad ces gsol to// bcom
- 115a
ldan 'das bdag cag gnyis sangs rgyas bcom ldan 'das dang / dam pa'i chos dang / dge slong gi dge 'dun la skyabasu mchi'o// bla na med pa yang dag par rdzogs pa'i byang chub tu sems bskyed cing sems kyi rang bzhin gyis byang chub kyi rang bzhin rjes su rtogs par yang mi bgyid lags te/ bcom ldan 'das 'dir sems bskyed pa de ni 'di lta ste/ chos thams cad skye ba ma mchis pa lags so// 'dir sems bskyed pa de ni 'di lta ste/ chos thams cad la mngon par zhen pa ma mchis pa kho na lag so// de ci'i slad du zhe na/ gang la mngon par zhen pa mchis pa de la ni skye ba 'ga' zhig ga da'i/ gang la mngon par zhen pa ma mchis pa de la ni skye ba 'ga' yang ma mchis pa'i slad du ste/ bcom ldan 'das de lta lags pas skye ba nyid skye ba ma mchis pa lags so// de ci'i slad du skye ba ma mchis pa zhes bgyi na/ de la skye ba'i rang bzhin 'jug pa ma mchis pas de'i slad du skye ba ma mchis pa zhes bgyi ste/ skye ba ma mchis pa de la ni brjod pa yang brjod par mi bgyi'o// de ci'i slad du zhe na/ ci tsam du brjod pa ma mchis pa de tsam du skye ba dang / 'gag pa ma mchis kyis/ de ltar ye shes shin tu rnam par dag pa gang logs de la ni skye ba mchis 'gag pa yang ma mchis la gang la skye ba ma mchis pa dang / 'gag pa ma mchis pa de ni bsam 'tshal ba/ gtan du bas pa
- 115b
lags pa'i slad du'o// bcom ldan 'das de ltar lags pas bdag cag gnyis ni mnyam pa nyid kyi mtha' 'dis bla na med pa yang dag par rdzogs pa'i byang nub tu smon lam 'debs shing chos 'ga' la yang dmigs par mi bgyid/ chos 'ga' yang thob par mi bgyid/ mnyam pa nyid gang lags pa de kho na rje su ton par bas kyi/ chos 'ga' yang rjes su rtog par ni mi bgyid lags so// de ci'i slad du zhe na/ chos thams cad ni bzod ma nas/ rnam par dag pa slang lags pa'i slad du'o// 'od srad de ltar khye'u de gnyis kyis de skad ces smras pa na/ byang chub sems dpa' khris ni mi skye ba'i chos la bzod pa thob par gyur to// rgyal po mu khyud kyang bu stong po de dag dang / lhan cig rgyal po lnga stong dag dang / lhan cig tu bla na med pa yang dag par rdzogs pa'i byang chub tu sems bskyed do// 'od srung de nas de bzhin gshegs pa me tog sna tshogs des zhal zas kyi bya ba mdzad lags nas/ lhung bzed bzhag ste/ phyag bcabs nas rgyal po mu khyod dang / ske bo ma po' phal po che de dag la chos kyi gtam yang dag par bstan/ yang dag par 'dzin du bcug/ yang dag par gzeng bstod/ yang dag par rab tu dga' bar mdzad nas/ gdan las bzhengs te gshegaso// 'od srung de nas khye'u chos dang chos zang gnyis kyis pha ma la gsol ba btab nas/ dang bas khyim nas khyim med par leg
- 116a
pa kho nar rab tu 'byung ba'i phyir mngon par byung ngo // de gnyis rang gi grong khyer chen po nas mngon par 'byung ba'i tshe// tshigs su bcad pa 'di dag smras so// rang 'byung sangs rgyas rnams kyi bsngags// nges 'byung de bzhin gshegs pas bsngags/ khyim nas nyon mongs gnas pa ste// dkar chos rnam par 'jig par byed// gang zhig dkar po'i chos rnams ni// nyams par mi 'gyur 'phel 'dod pa/ rab tu 'byung bar bya ba'i phyir/ 'jig rten mgon po thang myur du song // bskal pa bye bar rab spyad kyang // 'dod pa rnams la ngom pa med// khyim na gnas pa 'dod pa rnams kyis/ mi ngoms bzhin du 'chi bar 'gyur// ji ltar rgya mtsho chu klung rnams// bab pas ngoms par mi 'gyur ba// de bzhin byis pa 'dod rnams la// brten pas nams kyang ngoms mi 'gyur// dper na me ni rtswa dag dang / shing gis rnams kyang ngoms pa med/ de bzhin byis pa 'dod rnams la/ bsten pas ngoms par 'gyur ba med// 'jig rten rnam par 'dren rnams kyis 'dod pa 'di dag chags par gzungs// de phyir chags pa yongs spangs te// rab tu 'byung phyir mngon byung shig/ 'jig rten mgon po bla na med/ snga ma 'ag yang gang gi phyir// khyim gyi gnas na gnas mdzad nas/ bla med byang chub brnyed par 'gyur/ de phyir sangs rgyas rnams kyis ni// bsten pa'i dgon pa
- 116b
de spobs la// khyim nas sred pa spang byas dang / des ni bde legs nyid du 'gyur// gang zhig khyim na gnas nas ni// stong gsum thams cad rin chen gyis/ rab tu bkang ste 'jig rten gyi// mgon la yon du 'bul byed la/ mkhas pa gang zhig yid byung zhing // nyes pa shes nas khyim spangs te/ sangs rgyas rjesu slob byed la/ rab tu 'byung ba btsal nas kyang / g.yel ba med pas 'dod rnams dang // khyim gyi gnas la mi lta bar// gom pa bdun ni 'dor byed na// bsod nams phung po de la ni// rin chen snga mas char mi phong // de phyir sangs rgyas bsngags pa'i/ rab tu 'byung phyir myur du deng / gang la chags pa yod min pa'i// shes pas rtag tu ngoms med na// chags pa kun na las rnam par 'das pa'i/ sangs rgyas dam pa nyid thob 'gyur// myur du dgon par gnas byed na/ 'dod pa'i sred pa spong 'gyur zhing / nyes pa ci bzhin rnam rig nas// de dag las ni nyams ldog 'gyur/ khyim ni myur du spangs nas su// dgon pa la ni gnas gyur pa/ mkhas yang dgra mthong ba rnams// sangs rgyas rnams kyi rjes su spobs/ gang dag byang chub phyir brtson pa/ dben par bsten byed cing // de dag dgon par dga' 'gyur gyi/ de dag khyim la dga' mi 'gyur// de ni sangs rgyas rnam dag gi/ spyod yul gnas dang spyod pa ste// gang zhig lam 'dir 'jug 'gyur ba// de la byang
- 117a
chub rnyed dka' min// chags la stsogs pas gzir ba'i// sems can grol byed su 'dod pa// de ni khyim na gnas pa yis/ skrag cing dgon pa'i kun tu sten// gang zhig bdud las rgyal ba dang // 'chi med go 'phang rtogs pa dang // 'khor lo dam pa bskor 'dod pa// des ni dgon pa sten par gyis// 'od srung de ltar khye'u chos dang chos bzang gnyis tshigs su bcang ba de dag smra zhing grong khyer chen po de nas phyir byung nas/ bcom ldan 'das me tog sna tshogs deg la ba der song ste/ phyin pa dang / bcom ldan 'das de'i zhabs la spyi bos phyag 'tshal te/ bcom ldan 'das de la 'di skad ces gsol to// bcom ldan 'das de la 'di skad ces gsol to// bcom ldan 'das bdag cag gnyis bcom ldan 'das las rab tu 'byung ba dang / bsnyen par rdzogs par dge slong gi dngos po thob par 'gyur lags sam/ 'od srung de nas de bzhin gshegs pa me tog sna tshogs des khye'u de gnyis lhag pa'i bsam pa thugs su chud nas/ khye'u de gnyis rab tu phyung zhing bsnyen par rdzogs par mdzad do// 'od srung de nas rgyal po mu khyud kyis khye'u de gnyis rab tu byung ba thos nas/ bu thu bo rgyal srid la bzhag ste/ bu stong du gcig gis ma tshang ba rnams dang yang lhan gcig tu bu med brgyad khri bzhi stong dang yang lhan cig/ rgyal po lnga stong tsam po de dag dang yang lhan gcig/
- 117b
skye bo phal po che gzhan dag dang lhan gcig du thams cad khyim gyi gnas la mi lta bar dad pas khyim med par legs pa kho nar rab tu 'byung ba'i phyir/ mngon par 'byung bar gyur to// de'i tshe na srog chags bye ba tham pa mngon par byung bar 'gyur te// de dag thams cad de bzhin gshegs pa me tog sna tshogs ga la ba der dong ste phyin nas/ bcom ldan 'das de'i zhabs gnyis la mgo bos phyag 'tshal te// bcom ldan 'das de la 'di skad ces gsol to// bcom ldan 'das bdag cag/ bcom ldan 'das rab tu 'byung ba dang bsnyen par rdzogs par dge slong gi dngos po 'thob par 'gyur lags sam/ 'od srung de nas de bzhin gshegs pa me tog sna tshogs des sems can de dag gi lhag pa'i bsam pa thugs su chud nas/ skye bo'i tshogs de dag thams cad rab tu byung zhing bsten par rdzogs par mdzad de// dge slong gi dngos po la rab tu bkod do// 'od srung de nas rgyal po mu khyud kyis bu thu bo rgyal srid la bzhag pa gang yin pa de yang zhag bdun 'das pa dang / gcig pu dben par song nas 'du shes kyi rnam par rtog pa 'di lta bu 'dis skyes te/ bdag la rgyal srid kyis ci dbang phyug gis kyang ci bya ste// bdag 'dod pa lhur len cing 'dod pa'i 'ching bas bcings nas/ bla na med po yang dag par rdzogs pa'i byang chub yongs
- 118a
/ su spang bar ni mi bya'o snyam nas/ des de'i mdo la rab tu 'byung ba'i sems chen po bskyed de/ de tshes bcwo lnga'i zla ba nye ba'i tshe// gling chen po bzhi po dag tu rgyu ba'i tshe des tshigs su bcad pa 'di dag smras so// kho bo'i pha ma phu nu dang / rtsa log rnams kyang rang byung phyir/ nges par byang ste chos don phyir/ srog tshigs bye ba zam pa byung // nga la khyim gyis tse bya ste// bdag kyang der ni 'gro bar bya// gal te khyed cag 'dod gyur na/ nga ni khyed kyi yongs 'dren te/ gang dag rab tu byung ba'i phyir/ sems bskyed byed pa de dag ni// khom ldan shin tu rnyed dka' bas// nga dang 'grogs te myur du 'dong / gang dag khyim nas khyim med par// rab byung sems bskyed mi byed pa// de dag bden chos gnas gyis la// khyim ni legs par srung gyis shig/ 'o srung de ltar rgyal bu gzhon nu nges tshigs su bcad pa de dag smras pa na/ gling chen po bzhi po de dag na gang khyim na gnas la sems dga' ba'i sems can ni ga kyang byung bar mgyur te/ thams cad rab tu 'byung ba'i sems dang ldan zhing rab tu byung ba la gzhol ba dang / mngon par 'byung ba'i bsam pa dang / chas te gnas par gyur to// 'od srung de nas de bzhin gshegs pa me tog sna tshogs des sems can de dag thams cad kyi lhag pa'i bsam pa thugasu chud nas/
- 118b
gling bzhi pa'i 'jig rten gyi khams thams cad kyi grong dang / grong khyer dang / grong rdal dang / yul 'khor dang / rgyal po'i pho brang thams cad du de bzhin gshegs pa pa dge slong gi dge 'dun gyi 'khor dang bcas pa dag sprul pa mdzad do// 'od srung de nas gling chen po bzhi pa'i 'jig rten gyi khams de na sems can gcig kyang khyi na gnas par ma gyur te// de dag thams cad dad pas khyim nas khyim med par legs pa khyo nar rab tu byung ngo // de ltar rab tu byung ba de dag la ma rmos ma btab pa'i 'bras lu'i 'bru dag kyang byung bar gyur/ dpag bsam gyi ras bcos bu'i gos rin po che dag kyang byung bar gyur cing / lha rnams kyang de dag gi g.yo dang / bste bkur byed par gyur to// 'od srung dge slong chos dang chos bzang gnyis de ltar rab tu byung nas kyang / brtson 'grus brtsams shing gnas par gyur te/ de gnye lo bye ba phrag drug bcu rtsa gsum gyi bar du nam yang rmugs pa dang / gnyid kyis kun nis non par ma gyur cing / nam yang zas za bam gtogs par 'dug par gyur te/ 'gro ba dang / ldog pa kun tu yang thams cad mkhyen pa nyid kyi sems bskyed cing / thams cad mkhyen pa nyid kyi sems de la yang rlom sems byed/ par ma gyur to// lo bye ba phrag drug bcu rtsa gsum po de dag la kun gyi rjes su song ba zhes bya ba'i ting nge 'dzin dang / rdo rje'i gnas dang ldan pa zhes bya'i
- 119a
ting nge 'dzin kyang bsgrubs par gyur te/ de gnyis sa'i phyogs gang dang gang du 'dug pa dang / skyil mo krung bcas par gyur pa'i sa phyogs de dang de dag thams cad rdo rje'i rang bzhin kun tu gnas par gyur to// phyogs bcu kun gyi sangs rgyas bye ba khrag khrig 'bum phrag mang po dag gis chos ston pa rnams kyang thos shing bzung ngo // de ltar thos shing bzung nas kyang / gzhan dag la rgya cher yang dag par bstan par yang gyur to// 'od srung gling chen po bzhi pa'i 'jig rten gyi khams kyi sems can de las/ nyan thos kyi theg pa par gyur pa'i sems can gang dag yin pa de dag las/ sems can gcig 'ga' tsam yang / so so'i skye bor gyur ba rang bzhin 'chi ba'i dus byas par ma gyur te// gang dag thams cad kyi nang na le lo can du gyur pa de dag kyang / phyir mi 'ong bar gyur cing // de dag de nas shi 'phos nas kyang gnas gtsang ma'i ris kyi lha rnams dang / skal ba mnyam par skyes par gyur to// gang dag rang sangs rgyas kyi theg pa par gyur pa de dag ni de nas shi 'phos na// sangs rgyas kyi zhing stong pa sangs rgyas 'byung ba med pa gzhan dag du skyes par gyur cing // der yang de dag phyug po'i khyim chen po'i khyim chen po dag tu skyes par gyur to// der skyes nas kyang dbang po 'phel dang / yongasu smin pa dag kyang rjes su thob nas/ sngon gyi
- 119b
dge ba'i rtsa ba de nyid kyis yang dag par bskal te// thams cad dad pas khyim nas khyim med par legs par kho nar rab tu byung ngo // de dag de ltar rab tu byung nas kyang zhag bdun 'das nas/ thams cad kyis rang byang chub rjes su thob te/ de dag kyang sems can tshad med grangs med pa dag gi don byas nas/ yongs su mya ngan las 'das so// gang dag byang chub sems dpa'i theg pa par gyur pa de dag gis ni mngon par shes pa lnga dang / tshangs pa'i gnas bzhi bsgrubs shing / mi 'phrogs pa'i spobs pa nyid kyang rjes su thob par gyur/ gzungs kyang thob par gyur to// 'od srung de'i tshe de'i dus na rgyal po su khyud ces bya bar gyur pa de/ gzhan zhig yin pa snyam du khyod yid gnyis sam the tsom za bar gyur na/ 'od srung khyod kyis de ltar mi blta ste/ nga nyid de'i tshe de'i dus na/ gling bzhi pa'i dab phyag rgyal po mu khyud ces bya ba der gyur to// byang chub sems dpa' byams pa ni rgyal bu gzhon nu thu bor gyur to// de bzhin gshegs pa dgra bcom pa yang dge par rdzogs pa'i sangs rgyas 'od srung ni/ byang chub sems dpa' blo gros bzang po zhes bya bar gyur to// 'od srung de'i tshe de'i dus na/ khye'u chos dang chos bzangs zhes bya bar gyur pa de gnyis gzhan dag cig yin pa snyam du khyod de sems na/ 'od srung khyod kyis de ltar mi blta'o// de ci'i phyir zhe na/ 'jam
- 120a
@dpal gzhon nur gyur pa 'di nyid de'i tshe de'i dus na/ khye'u chos shes bya bar gyur to// khye'u chos bzangs zhes bya bar gyur pa gang yin pa de ni duHsems dpa' sems dpa zan pa sa med / 'ang spang sangs rgyas kyi zhing de sems can dag bdag pa rtsa ba bskyed pa rnams kyi gnas su gyur cing tsam du mdzes par gyur pa la ltos/ de skad ces bka' stsal ba dang / bcom ldan 'das la gnas rten 'od srung chen pos 'di skad ces gsol te/ bcom ldan 'das de bzhin gshegs pa me tog sna tshogs de'i sku tshe'i tshad yun ji srid cig tu gyur lags/ bcom ldan 'das kyis bka' stsal ba ka 'ong sung de bzhin gshegs pa dgra bcom pa yang dag par rdzogs pa'i sangs me tog sna tshogs de ni bskal pa brgyad kyi bar du bzhugs par gyur to// 'od srung de/ bzhin gshegs pa me tog sna tshogs de yongs su mya ngan las 'das nas dam pa'i chos ni bskal pa gcig gi bar du gnas par gyur te/ de'i sku gdung rnams kyang rgyas par gyur cing / de dag lha rnams kho nas mchod par gyur te/ de na khyim par gnas pa ni 'ga' yang med de// 'od srung de na dge slong chos pa chos bzang gnyis bya ba nyung ba dang / bdag gi don la sbyor ba'i rjes su brtson par gnas shing / bcom ldan 'das de'i sku gdung rnams la yang mchod
- 120b
pa mi byed/ ri mor mi byed la/ de bzhin gshegs pa de'i mchod rten gyi drung du yang mi 'gro'o// 'od srung de nas lha 'bum phrag mang po dang / dge slong las dang po pa gang dag yin pa de dag dge slong chos dang chos bzang gnyis la/ 'di gnyis ni de bzhin gshegs pa'i sku gdung rnams la mchod pa yang mi byed/ de bzhin gshegs pa'i mchod rten skor bar yang mi byed pa las na/ ma dad pa dang ma gus pa yin no// zhes kha zer bar gyur to// 'od srung de nas dge slong chos dang chos bzang pos gnyis kyis dge slong dang / lha 'bum phrag rab tu mang po 'dus par gyur pa'i dge slong gi 'khor dang / lha'i 'khor mang po de dag la smras pa/ grogs po dag 'di ji snyam du sems/ ji ltar na de gshegs pa mchod par 'gyur zhing / rgyu gang gis na de bzhin gshegs pa'i ska gdung sems pa mi mnga' ba rnams kyis mchod pa brnyes par 'gyur snyam/ dge slong dang / lha de dag gis smras pa/ sku gdung 'di dag ni tshul khrims dang / ting nge 'dzin dang / shes rab dang / rnam par grol ba dang / rnam par grol ba ye shes mthong bas rab tu phye ba yin pas na/ de'i phyir 'di dag ni mchod par 'os pa yin no// dge slong chos dang chos bzang gnyis kyis 'di skad ces smras so// grogs po dag 'o na tshul khrims dang / ting nge 'dzin dang shes ra
- 121a
dang rnam par grol dang / rnam par grol ba'i ye shes mthong ba dag gis mtshan nyid mchod pa'i 'os yin gyi/ sku gdung dag ni mchod par 'os par mi 'gyur ma yin nam/ dge slong dang / lha de dag gis 'di skad ces smras so// de ni de bzhin te/ ji skad smras pa de bzhin no// dge slong chos dang tshe bzang gnyis kyis smras pa/ grogs dag 'on tshul khrims kyi mtshan nyid ni gang yin/ ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dag gi mtshan nyid kyang gang yin/ dge slong dang / lha de dag gis smras pa/ tshul khrims mngon par 'du byed pa med pa'i mtshan nyid yin no// ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dag kyang mngon par 'du byed pa'i med pa'i mtshan nyid yin no// 'od srung de nas dge slong chos dang chos bzang gnyis kyis dge slong dang / lha de dag la 'di skad ces smras so// grogs po 'on mngon par 'di byed pas/ mngon par 'du byed ba med pa mchod par nus sam/ dge slong dang lha de dag gis 'di skad ces smras so// de ni mi nus so// dge slong chos dang chos bzang gnyis kyis 'di skad ces smras so// grogs po dag de lta bas na/ khyed kyang bdag kyang mngon par 'du mi byed cig dang des ni mchod pa byas par 'gyuraro// sangs rgyas su 'du shes
- 121b
ba la ni sangs rgyas mthong ba yang med na mchod pa'i las lta smos kyang ci dgos te/ de ni gnas med do// gzhan yang de bzhin gshegs pa la mchod par 'dod pas ni bdag nyid mchod par bya'o// dge slong dang lha de dag gis 'di skad ces smras so// ji ltar na de bzhin gshegs pa mchod par 'dod pas bdag nyid mchod par bya/ dge slong chos dang chos bzang gnyis kyis smras pa/ grogs po dag ji ltar de bzhin gshegs pa dgra bcom pa yang dag par rdzogs pa'i sangs rgyas kyis mchod pa gang gis bdag nyid sems can thams cad kyi mchod pa'i gnas su 'os par mchod pa de ltar bdag nyid mchod par bya'o// ci ltar de bzhin gshegs pas bslab pa de ltar bslab pa de ltar bslab par bya zhing bslabs pas rlom sems su yang mi bya'o// chos rab tu dbye bar bya zhing rab tu phye nas kyang ches 'ga' yang bsam par mi bya ste/ gang gi tshe khyed cag de ltar bdag nyid mchod pa byed pa de'i tshe na/ de bzhin gshegs pa yang mchod par 'gyur la/ khyed cag nyid mchod par 'os par 'gyuraro// de bzhin gshegs pa'i sku gdung rnams la mchod par 'dod pas ni/ bdag nyid mchod par bya ste/ ci ltar de bzhin gshegs pas bdag nyid mchod par mdzad pa de ltar mchod par bya zhing / de bzhin gshegs pa'i sku gdung yon tan gang dag dang ldan pas mchod pa brnyes par gyur pa'i yon tan de dag dang / bdag nyid kyis
- 122a
bsgrub par bya ste/ de ltar na de bzhin gshegs pa mchod par 'gyur ro// gang 'du shes dang / mtshan ma bskyed par mi byed pa de ni/ de bzhin/ gshegs pa mchod pa yin no// gang dag tu rtog par mi byed pa dang / rnam par rtog par mi byed pa de ni/ de bzhin gshegs pa mchod pa yin no// gang 'jig rten pha rol tu mi 'gro ba dang / 'jig rten 'dir mi 'ong ba dang / gang tshul rol la yang mi gnas/ pha rol la yang mi gnas pa de ni/ de bzhin gshegs pa mchod pa yin no// gang la chad pa med pa dang / rtag pa med pa dang / gang la 'dzin pa med pa dang / spong ba med pa de bzhin gshegs pa mchod pa yin no// gang la 'bri ba med pa dang // 'phel ba dang / gang la skye ba med pa dang / 'gag pa med pa dang / gang la zad pa med pa dang / mi zad pa med pa de ni de bzhin gshegs pa mchod pa yin no// gang la sems med pa dang / sems las byung ba med pa'i chos rnams med pa dang / yid la byed pa rnams med pa dang / bdag gi med pa dang / yongs su 'dzin pa med pa dang / 'tshor ba med pa dang / 'thab pa med pa dang / rtsod pa med pa dang / 'gal ba med pa dang / blang ba med pa dang / dor ba med pa dang / gnyis su med par 'jug pa de ni de bzhin gshegs pa mchod pa yin no// gang la 'dus byas med pa dang / grangs med pa dang / bgrang du med pa de ni de bzhin gshegs pa
- 122b
mchod pa yin no// gang la lus dang ngag dang yid kyis mngon par 'du byed pa'i bya ba med pa dang / lus dang ngag dang yid mi dmigs pa de ni de bzhin gshegs pa mchod pa yin no// gang la 'das pa'i 'du shes mi 'jug pa dang / da ltar dang ma 'ongs pa'i 'du shes mi 'jug pa dang / gang rten par mi byed pa dang / mngon par zhen par mi byed pa dang / mtshan mar mi byed pa de ni de bzhin gshegs pa mchod pa yin no// gang sangs rgyas su 'du shes 'jug pa dang / chos su ma yin/ dge 'dun du ma yin/ gang zag du ma yin/ bdag tu ma yin/ gzhan du ma yin pa de ni// de bzhin gshegs pa mchod pa yin no// grogs po dag de bzhin gshegs pa'i sku ni mi skye ba'i mtshan nyid yin pas/ de ni skye ba'i mchod par sla ba ma yin no// grogs po de bzhin gshegs pa'i sku ni mngon par 'du byed pa med pa'i mtshan nyid yin pas/ de ni mngon par 'du byed pas mchod par sla ba ma yin no// grogs po dag de bzhin gshegs pa'i sku ni gnyis su med pa yin pa de ni nyis mchod par sla ba ma yin no// grogs po dag de bzhin gshegs pa'i sku ni zag pa med pa'i mtshan nyid yin pas/ de ni zag pa med pa mngon par bya bas mchod par sra ba ma yin no// grogs po dag de bzhin gshegs pa'i skra ni stong pa nyid kyis yongs su bsgom pa yin pas/ de ni bdag tu lta ba 'am/ sems can du
- 123a
lta ba 'am/ srog du lta ba 'am/ gang zag du lta ba 'am/ chad par lta ba 'am/ rtag par lta ba 'am/ ngar 'dzin par lta ba 'am/ nga'i 'dzin par lta ba 'am/ 'byung bar lta ba 'am/ 'jig par lta bas mchod par sla ba ma yin no// grogs po dag de bzhin gshegs pa'i sku ni mtshan ma med pa'i mtshan nyid yin pas/ de ni mtshan ma'i spyod yul gyis mchod par sla ba ma yin no// grogs po dag de bzhin gshegs pa'i sku ni smon pa med pa'i mtshan nyid yin pas/ de ni smon pa la gnas pas mchod par sla ba ma yin no// grogs po dag de bzhin gshegs pa'i sgra ni dngos po med pa'i mtshan nyid yin pas/ de ni dngos po'i 'du shes la gnas pas mchod par sla ba ma yin no// grogs po dag de bzhin gshegs pa'i sku ni g.yo ba med pa'i mtshan nyid yin pas/ de ni g.yo zhing 'gul ba'i blo rnams kyis mchod par sla ba ma yin no// grogs po dag de bzhin gshegs pa'i sku ni mngon par 'dus ma byas pa'i mtshan nyid yin pas de ni 'dus byas la gnas pasam par smra ba ma yin no// grogs po dag de bzhin gshegs pa'i sgra ni 'dod chags dang bral ba'i mtshan nyid yin pas/ de ni 'dod chags spyod pas mchod par slab ma yin no// grogs po dag de bzhin gshegs pa'i sku ni ni sdang dang bral ba'i mtshan nyid yin pas/ de ni gnod sems dang tha ba'i nyes pa la gnas pas
- 123b
mchod par sla ba ma yin no// grogs po dag de bzhin gshegs pa'i sku ni gtig mug dang bral ba'i mtshan nyid yin pas// de ni shes rab 'chal pa dang / rmongs pa dang / mi shes pa rnams kyis mchod par sla ba ma yin no// grogs po dag de bzhin gshegs pa'i skra ni tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas yongs su bsgos pa yin pas/ de ni tshul khrims 'chal pa dang / brjed ngas pa dang / shes rab 'chal ba dang / rnam par grol ba'i dang / rnam par grol ba'i ye shes mthong ba ma yin pa rnams kyis mchod par sla ba ma yin no// grogs po dag ni de bzhin gshegs pa'i skra ni byams pa dang / snying rje dang / dga' ba dang / btang snyoms kyis yongs su bsgos pa yin pas/ de ni gnod sems kyi sems dang ldan pa dang / snying rje med pa dang / dga' ba'i sems med pa dang / rnam par g.yed pa yid la byed pa rnams kyis mchod par sla ba ma yin no// grogs po dag de bzhin gsheg pa'i sgra ni/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang yongs su bsgos pa yin pa// de ni/ ser sna can dang / tshul khrims 'chal ba dang / gnod sems dang / za ba'i nyes pa dang / khong khro ba mang ba dang / le lo can dang / brjed ngas pa dang /
- 124a
shes rab 'chal ba rnams kyis mchod par sla ba ma yin no// 'od srung de ltar dge slong chos dang chos bzang gnyis kyi 'khor de dag la de lta de ltar chos bstan pa na/ 'khor de las byang chub sems dpa' bzhi khri nyis stong gis mi skye ba'i chos la bzod pa thob par gyur ro// srog chags brgyad khri bzhi stong gis ni shes pa dang / mthong ba bskyed cing 'dod chags dang bral ba nyid dang / phyir mi 'ong ba nyid kyang rjes su thob par gyur to// sngon sems ma skyed pa'i srog chags nyid khri sum stong gis ni bla na med pa yang dag par rdzogs pa'i byang chub tu sems bskyed do// 'od srung dge slong chos dang chos bzang gnyis lhag pa'i bsam pa de lta bu dang ldan par gyur pa la ltos/ 'od srung skyes bu dam pa de lta bu dag gis zab mo la bzod pa de dang / thabs la mkhas pa de la bslab par bya'o// 'od srung de ltar skyes bu dam pa de gnyis kyis dge slong dang / lha de dag zab mo'i bzod pa yang dag par 'dzin du bcug pas/ de phyin cad de dag thams cad bdag gi don la sbyor ba'i rjes su brtson pa dang / bya ba nyung ngur gnas par gyur cing / phyin cad de bzhin gshegs pa'i mchod rten rnams kyi drung du yang mi 'gro de bzhin gshegaso pa'i sku gdung rnams la mchod pa'i las kyi phyir brtson par mi byed do// de ci'i phyir zhe na/ 'di ltar de dag gi sems chos zab mo bla
- 124b
na med pa yang dag pa nyid la zhugs par gyur pa'i phyir ro// 'od srung de nas zhag bdun 'das nas/ de bzhin gshegs pa'i mchod rten de dag thams cad kyang / sa la nub par gyur/ de bzhin gshegs pa'i sku drung de dag thams cad kyang / sgrog mar blugs pa bzhin nam/ nong du blugs pa bzhin du de nyid du mi snang bar gyur to// 'od srung de lta bas na/ skyes bu dam pa de lta bu dgi rjes su bslab par bya'o// 'od srung yang ma 'ongs pa'i dus na byang chub sems dpa'i theg pa pa dang / nyan thos kyi theg pa pa'i dge slong lus ma bsgoms pa/ sems ma bsgoms pa/ tshul khrims ma sgom pa/ shes rab ma sgom pa/ kha cig 'byung bar 'gyur te/ de dag ni de bzhin gshegs pa'i sku gdung gi mchod pas 'tsho bar sems kyi mya ngan las 'da' ba'i phyir ma yin zhing / 'dod chags dang bral ba ni phyir ma yin no// de dag ni bdag nyid tshul khrims dang chal ba dang / brjed ngas pa dang / shes rab 'chal ba dang / rnam par grol ba dang / rnam par grol ba/ ye shes mthong ba ma yin bzhin du 'tsho ba tsam gyi phyir/ de bzhin gshegs pa'i sku gdung tshul khrims dang / ting nge 'dzin dang / shes rab dang / rnam par grol ba dang / rnam par grol ba ye shes mthong ba yongs su bgos pa dag la bkur sti bya ba dang / ri mo bya ba dang / mchod pa bya bar sems so//
- 125a
de dag gi bdag nyid 'dod chags dang bcas pa dang / zhe sdang dang bcas pa dang / tig mug dang bcas pa yin bzhin du 'tshe ba tsam gyi phyir/ de bzhin gshegs pa dgra bcom pa yang dag par rdzogs pa'i sangs rgyas 'dod chags dang bral ba/ zhe sdang dang bral ba/ gti mug dang bral ba'i sku gdung dag la 'akur sti bya ba dang / ri mo bya ba dang / mchod par bya bar semaso// de dag ni bdag nyid ser sna can dang / 'jungs pa dang / gnod sems dang / tha bo'i nyes pa dmang ba dang / le lo dang ldan pa dang / brjed ngas pa dang / shes bzhin med pa yin bzhin du 'tsho ba tsam gyi phyir/ de bzhin gshegs pa sprin chen po yang dag pa'i gnas la rab tu gnas pa mnyam par bzhag pa/ thugs rtse gcig pa'i sku gdung dag la bkur sti bya ba dang / ri mor bya ba dang mchod par bya bar sems so// 'od srung nga ni rigs kyi bu dang / rigs kyi bu mo las dang po dag gi sems mngon par dad par bya ba'i phyir/ sku gdung rnams byin gyis par mdzad de// gang dag de dag la mchod pa byed pa de dag ni lha dang mi'i phun sum tshogs pa nyam su myong bar 'gyur zhing / de yang de dag gi yongs su mya ngan las 'da' ba'i bar gyi rgyur 'gyur ba yin na mi blun po de dag ni bstan pa 'di la rab tu byung nas/ ngas dge sbyong gi las su gsungs pa gang yin pa de ni/ de dag gis bor zhing btang la bdag nyid gso ba'i don dang 'dza'
- 125b
bshes kyi khyim dang / slongs mo ster ba'i khyir bdag yongs su smin par bya ba'i don dang / lhung bzed dang chos gos yongasu btsal ba'i don dang / rnyed pa dang / bkur sti dang / mngon par bsgrub pa'i don dang / snyan pa dang / sgra dang / grags pa yongs su bsgrub pa'i phyir don kyi phyir/ de bzhin gshegs pa'i sgra gdung dang / mchod rten la mchod pa dang / bsnyen bkur bya ba'i la kyis de bzhin gshegs pa'i sku gdung dang / mchod rten dag bkur sti nye bar bsgrub par byed do// 'od srung de la dge sbyong gi las gang zhe na/ 'od srung ngas las gnyis po bsam gtan dang / kha ton bya ba bstan pa gang yin pa de dag ste/ las de gnyis kyang lam la 'jug par bya ba'i phyir bstan par zad kyi/ de dag kyang shin tu mthar thug pa dang / shin tu mthar phyin pa ni ma yin no// 'od srung las gang las zad par bya ba'i phyir 'jug pa de ni/ dge sbyong gi las yin te/ bya ba med pa dang / nyes pa mi 'byung ba dang / log par mi byed pa dang / dran pa med pa dang / yid la byed pa med pa dang / nyams pa med pa dang / bu dang / rnam par thar pa'i sgo gsum po dag mngon du byed pa dang / kham sum du mtshams sbyor ba med pa dang / 'gro ba med pa dang / 'ong ba med pa gang yin pa ni dge sbyong gi las shes bya ba yin na/ mi blun po de dag ni dge sbyong gi las de lta bu dag spangs te/ las gzhan dang gzhan dag yongs su tshol bar byed do// de dag ni/
- 126a
ngas khyim na gnas pa gos dkar po can rnams kyi bslab par gsungs pa gang yin pa de tsam la yang slob par mi byed de/ khyim na gnas pa gos/ dkar po can rnams kyang re shig/ de bzhin gshegs pas bslab pa ci ltar bcas pa rnams la slob par byed pa na/ phyir mi 'ong ba'i 'bras bu 'thob par 'gyur na/ mi blun po de dag ni bstan pa 'di la rab tu byung nas rnam par grol ba dang / rjes su 'thun pa tsam yang sgom par mi byed na/ 'thob par lta ga la 'gyur te/ de ni gnas med do// 'od srung yang phyi mi'i tshe phyi ma'i dus lnga brgya pa tha ma de la ming gis zil gyis non cing kha dog dang rtag dang / dbyibs kyis dge sbyong du 'gyur gyi/ tshul khrims kyis ma yin/ ting nge 'dzin gyis ma yin/ shes rab kyis ma yin pa dag kyang 'byung bar 'gyur te/ 'od srung 'di lta ste dper na mi gsang sngags dang sman dag gis la 'debs shing sgo bar byed la/ gang gis gos de gyos pa na/ zhag bdun nam brgyad kyis de'i lus me lce gcig du gyur cing / kun tu 'bar bar byed pa la la zhig yod par gyur cing // des gos de gsang sngags dang / sman dag gis btab cing yongs su bsgos nas/ mi 'dza' ba la la zhig la 'di lta ste/ 'dza' shes kyi tshul gyi byin par gyur la/ de nas mi des kyang gos de mdzes pa yin par rig nas len par byed cing / blangs nas kyang gyon par gyur na/ de
- 126b
zhag bdun nam zhag brgyad kyi bar du ni/ gos de las dga' ba nyams su myong bar 'gyur ro// de nas zhag bdun nam zhag brgyad 'das nas mi de khyim du song ngam po cher song ba na/ gos de rab tu 'bar bar gyur cing / de nas mi de gzhi de las tshul ma yin pa'i sdug bsngal skyes par gyur gyur te// tshig par gyur shi bar gyur na/ 'od srung 'di snyam du sems/ gos de las ro myang ba ni ci tsam zhig yod/ nyes dmigs ni ci tsam zhig yod snyam/ 'od srung gis gsol baM/ bcom ldan 'das ro/ myang ba ni chung lags kyi nyes dmigs ni dpag tu ma mchis lags so// bcom ldan 'das kyis bka' stsal pa/ 'od srung de bzhin du nga'i gos ngur smig tshul khrim dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas bsgos pa gang dag yin pa de dag kyang / bskal pa bye/ be grangs med pa nas legs par sprad pa yang dag par bsgrub pa yin na/ mi blun po dge slong bcos pa de dag ni/ drang srong gi rgyal mtshan gyon nas grong dang / grong khyer dang / grong rdal dang / yul 'khor dang / rgyal po'i pho brang 'khor dag du 'jug par 'gyur zhing / de na bram ze dang / khyim bdag dad pas rnams kyis de dag dge sbyong yin no// snyam nas bkur sti byed bla mar byed/ ri mor byed/ mchod par byed/ khar 'bur 'gyur zhing / de dag gos ngur smig gi gzhi de las mchod pa
- 127a
rnyed par 'gyur bas/ de dag des dga' ba nyams su myong bar yang 'gyur ro// de dag lus zhig nas sems can dmyal bar 'gyur zhing / de dag/ der lcags kyi glegs ma 'bar ba gyon par 'gyur/ lcags kyi thu lum za bar 'gyur/ lcags kyi khu ba bskol ba 'thung bar 'gyur/ mal stan rab tu 'bar ba dag gi steng du nyal bar 'gyur ro// 'od srung de dag ni rang gi las des lus zhig nas sems can dmyal bar 'gro bar zad kyang / gzhi gang las mi blun po de dag gis kyang bde bar sbyar ba rnam pa du ma nyams su myong bar 'gyur ba'i gos ngur smig dpal dang gzi rjid de 'dra ba la ltos/ 'od srung ngas kyang de las dgongs nas/ 'di skad ces lcags glebs pa dag gyon pa ni bla'i/ tshul khrims 'chal pas gos ngur smig dag bgo ba ni de lta ma yin no// lcags kyi thu lum dag za ba ni bla'i// tshul khrims 'chal pas bsod snyoms dag la yongs su longs spyod pa ni de lta ma yin no// zhes gsungs so// 'od srung de la ro myang bar ci tsam yod pa dang / de la nyes dmig ci tsam yod pa la ltos/ 'od srung de lta bas na ci nas kyang tshul khrims yongs su dag pa 'gyur ba/ sdig pa chags par 'gyur ba de ltar bslabs par bya'o// 'od srung 'di ji snyam du sems/ lha'am klu 'am/ gnod sbyin nam/ dri za 'am/ lha ma yin nam/ namakha' ldings ngam/ lto 'phye chen po 'am/ mi 'am mi ma yin pa sus
- 127b
kyang de bzhin gshegs pa rnams kyi sku gzugs bya bar nus snyam 'am/ 'od srung gis gsol pa/ bcom ldan 'das de ni ma lags te// de bzhin gshegs pa'i zla ba ma mchis pa/ skra bsam gyis mi khyab pa lags pas/ de'i slad du de dag gi sku gzugs bgyi ba ni sla ba ma lags so// bcom ldan 'das kyis bka' stsal pa/ 'od srung phyi ma'i tshe phyi mo'i dus lnga brgya pa tha ma la dge slong lus ma sgomA pa/ sems ma sgoms pa/ tshul khrims ma bsgoms pa/ shes rab ma bsgoms pa/ kha cig 'byung bar 'gyur te/ de dag ni ras bcos bu dang / rtsig pa dang / ra ba dag gi ngos la de bzhin gshegs pa'i sku gzugs dag 'dri bar 'gyur zhing / de dag gis 'tsho bar sems par yang 'gyur te/ las des ga nyid rlom sems su byed/ stong par byed cing / gzhan dag la brnyes pa dang / smod par yang byed do// de skad ces bka' stsal pa dang / bcom ldan 'das la tshe dang ldan pa 'od srung chen pos 'di skad ces gsol to// bcom ldan 'das kyis rgyal po gsal rgyal la/ de bzhin gshegs pa'i sku gzugs byas na/ bsod nams 'di tsam du skye bar 'gyur ro// zhes bka' stsal lags sam/ bcom ldan 'das kyis bka' stsal pa/ 'od srung de ni de bzhin te/ rgyal po gsal rgyal ni khyim bgos dkar po yin pas/ des ni de bzhin gshegs pa'i sku gzugs byed du bdug na/ de ni de la mchod pa byed par gyur par zad kyi/ gzhi des chos gos sa/
- 128a
/ bsod snyoms sam/ rnyed pa cung zad kyang 'dod par mi byed do// 'od srung mi blun po de dag ni gzhi des 'tsho bar 'gyur bas sems la/ de dag ni don bya'o// snyam du sems la/ don med pa kho na byed pa yin no// 'od srung rigs kyi bu dang rigs kyi bu mo bsod nams 'dod pa kho na yin pa gang dag gis/ de bzhin gshegs pa'i sku gzugag byed du bcug na ni/ de dag bsod nams dpag tu med pa bskyed par 'gyur ro// 'od srung dud 'gro'i skye gnas su skyes pa rnams kyi lus gzugs 'tshong ba yang legs pa ma yin na/ de bzhin gshegs pa'i sku gzugs 'tshong ba lta smos kyang / ci dgos na/ mi blun po de dag ni de bzhin gshegs pa'i sku gzugs byed du bcug nas khyim pa'i lag du 'tshong bar byed cing / des 'tsho bar sems par yang byed do/ 'od srung 'di lta ste dper na mi byis pa dang 'dra bar shes rab 'chal ba'i rang bzhin can la la zhig yod par gyur la/ des bdud rtsi yongasu spangs nas dug za bar byed pa de bzhin du/ 'od srung mi blun po gang dag zang zing gi phyir sangs rgyas kyi sku gzugs byed du bcug nas// bdag nyid dug dang bcas par byed pa de dag drug de lta bu yin pa snyam du ba sems so// 'od srung legs par gsungs pa'i chos 'dul ba 'di la dug ces bya ba de ni/ 'di lta ste rnyed pa yin na/ de la mi blun po khro bas zil gyis non pa/ gcig la gcig 'thab pa dang / rtsod pa dang 'tshang 'dru bar
- 128b
byed pa de dag ni/ de bzhin gshegs pa la mchod pa bya'o zhes zer zhing bdag nyid sems can dmyal bar 'gro bar byed do// 'od srung 'di lta ste dper na mi thabs la mi mkhas pa la la zhig g.yul ngor zhugs pa na/ rang gi mtshon gyis rang la 'debs par byed pa de bzhin du/ 'od srung mi blun po de dag kyang dam pa'i chos rnams kyis sems can dmyal bar 'gro bar 'gyur ro// 'od srung rigs kyi bu 'am/ rigs kyi bu mo gang gis de bzhin gshegs pa'i sku gzugs rin po che sde bdun las byas pa shin du zin par byas pa/ byi ngor legs par byas so// chu zhing ri rab tsam yod pa byed du bcug ste// de bzhin gshegs pa'i sku gzugs de lta bu dag gis/ sangs rgyas kyi zhing gang gi'i klung gi bye ma snyed dag 'di lta ste/ dper na/ bu ram shing gi tshal lam/ 'dam bu'i tshal lam// 'bras kyi zhing ngam/ til gyi zhing ltar mngab chagasu yongs su bkang bar gyur na/ 'od srung 'di ji snyam du sems/ rigs kyi bu 'am rigs kyi bu mo de gzhi de las bsod nams mang du skyed par 'gyur snyam 'am/ 'od srung gis gsol pa/ bcom ldan 'das de bzhin gshegs pa'i sku gzugs sor mo'i phyogs tsam zhig bgying du stsal na yang bsod nams mang du skyed lags na/ de bzhi gshegs pa'i sku gzugs ri rab tsam du ma 'gying du stsal pa lta smos kyang ci 'tshal lags/ bcom ldan 'das kyi bka' stsal pa/ 'od srung khyod mos par bya/ khyob
- 129a
/ kyis khong du chud par bya ste/ de bas kyang byang chub sems dpa' gang zhig de bzhin gshegs pa'i sku la rab tu rtogs par byed pa na/ tha na se gol gtogs pa tsam zhig chos zab mo rnams la bzod pa thob par gyur na/ de chos bsod nams mang du skyed do// de bas kyang gang zhig tshul khrims kyi phung po la gnas shing / tshig bzhi pa'i tshigs su bcad pa gcig bzung na/ tshigs su bcad pa de'i don gang yin pa de yang rtogs par byed la/ sems can gcig tsam la yang ston par byed na/ de ches bsod nams mang du skyed par yang 'gyur ro// 'od srung de la ji ltar de bzhin gshegs pa'i sku la rab tu brtag par bya zhe na/ 'od srung 'di la byang chub sems dpa'/ byang chub sems dpa'i brtson 'grus chen po'i rjes su bslab par bya ste/ 'od srung sngon byung ba 'das pa'i dus bskal pa grangs med pa/ ches grangs med pa/ ches shin tu grangs med pa/ rgya che ba tshad med pa/ bsam gyis mi khyab pa/ dpag tu med pa dag 'das pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas skar 'os ces bya ba rig pa dang zhabs su ldan pa/ bde bar gshegs pa 'jig rten mkhyen pa skyes bu 'dul ba/ kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das shig 'jig rten du byung ste/ 'od srung de bzhin gshegs pa skar 'od de yongs su mya
- 129b
ngan las 'das pa na/ byang chub sems dpa' brtson 'grus chen po zhes bya ba/ mdzes pa/ bstan sdug pa zhig/ bram ze'i rigs shing sa la chen po zhig gi bur skyes par gyur to// 'od srung de'i tshe de'i dus na/ bcom ldan 'das de'i bstan pa la dge slong gang dag rab tu byung bar gyur pa de dag las bya ba sna tshogs kyi skrag pas spags pa ni phal che'i/ yang dag par zhugs pa ni nyung bar gyur te/ 'od srung dge slong de dag kyang / de bzhin gshegs pa'i sku gzugs rnam pa sna tshogs dag byed du 'jug cing / ras bcos bu dang / dar dang / khang pa rtsig ngos dag la ri mo 'drir 'jug par yang byed do// de'i tshe na dge slong zhig gis dar la de bzhin gshegs pa'i sku gzugs legs par byas pa shin tu zin par byas pa zhig bri nas/ byang chub sems dpa' brtson 'grus chen po'i pha/ rgyal po'i pho brang du khyer ro// 'od srung de nas byang chub sems dpa' brtson 'grus chen po des de bzhin gshegs pa'i sku gzugs de mthong nas 'di snyam du de gshegs pa'i sku gzugs 'di yang 'di tsam du blta na sdug pa yin na/ de bzhin gshegs pa dgra bcom pa yang dag par rdzogs pa'i sangs rgyas de lta smos kyang ci dgos te// bdag kyang lus 'di lta bu dang ldan par gyur kyang ci ma rung snyam nas/ dga' ba dang / mchog tu dga' ba dang / dad pa skyes par gyur te/ de de'i tshe na/ khyim thams cad la mngon mar mi dga' bar gyur cig/ de 'di
- 130a
snyam du khyim gyis gnas na gnas pas ni lus 'di lta bu bsgrub par mi nus pas de'i phyir bdag mngon par 'byung bar bya'o snyam du sems par yang gyur to// 'od srung de ste byang chub sems dpa' brtson 'grus chen po skyes nas lo bcu drug lon la dbang po rnams rgyas shing yongs su smin pa yang rjes su thob nas/ rang gi pha ga la ba der song nas rang gi pha gnyis kyi rkang pa dag la phyag 'tshal te/ 'di skad ces smras so// yab yum bdag de bzhin gshegs pa'i bstan pa la khyim nas khyim ma mchis par legs par kho nar rab tu 'byung bar ci gnang / pha mas smras pa gzhon nu khyod de skad ma zer cig/ de ci'i phyir zhe na/ deng gnyis la bu gcig pa sdug pa phangs pa yin du 'ong ba khyod las med pas gal te khyod mthong na 'chi sa'i dus byed par 'gyur ba'i phyir ro// khye'us smras pa/ bdag gis ci nas kyang khyed gnyis kyang nongs par mi 'gyur ba'i phyir ro// bdag kyang mngon par 'byung bar 'gyur de ltar bgyi lags so// pha mas smras pa gzhon nu ci ltar bya/ khye'us smras pa/ bdag deng slan cad ci srid du mngon par byung bar ma gyur pa de srid tshal ma yang mi 'tshal/ mal du yang mi 'jug/ ma sar dang 'bru mar gyis kyang mi chug/ skem yang mi 'tshal/ dge ba'am/ mi dge ba'i tshig 'ga' mi smra lags so// 'od srung de nas byang chub sems dpa' brtson 'grus chen po des phyogs byi dor ma byas pa zhig du 'dug ste/ cang mi smra
- 130b
bar gyur cing nyin cig zan yang ma zos so// de nas de'i pha ma gnyis kyis ro brgya dang ldan pa'i kha zas thogs te/ gzhan tshig du mi brjod cing / nyin mtshan thog thag da de la gsol ba btab kyang de tshig tsam yang mi smra bar gyur ro// 'od srung de ltar byang chub sems dpa' brtson 'grus chen po de cang mi smra bar zhag gnyis kyi bar du phan ma zos pa dang / de nas me'i nyeng du lnga brgya tsam dag gis ro rgya dang ldan pa'i kha zas thogs te/ gzhan tshig ma brjod cing nyin mtshan thog thag gsol ba tab kyang de dag gi gdong du yang mi lta na/ tshig slu ba lta smos kyang ci dgos// 'od srung de ltar byang chub sems dpa' brtson 'grus chen po de cang mi smra bar zhag gsum gyi bar du zan ma zos pa dang / de nas pha'i nyid du brgya tsam dag gis ro brgya dang ldan pa'i kha zas thogs te/ gzhan tshig du ma rjod cing nyin mtshan thog thag du gsol ba btabs kyang de dag gis gdong yang mi lta/ chog kyang mi sla'o// 'od srung de ltar byang chub sems dpa' brtson 'gras chen po de cang mi smra bar zhag bzhi'i bar du zan ma zos pa dang / de nas de'i ne'u ldangs lnga byu dag gis ro brgya dang ldan pa'i kha zas thogs to// gzhan tshig ta ma rjod cing nyi mtshan thog thag tu gsol ba btab kyang de de dge gdong du yang mi lta na/ tshig smra ba lta smos kyang ci dgos/ 'od srung de ltar byang chub seMs dpa' brtson 'grus chen po de cang mi smra bar zhag lnga'i bar du zan ma zas
- 131a
ba dang / de nas de'i pham gnyis kyis rgyal po'i pho brang na 'gron bu dang / gser dang / non bu dang / mu tig dang / be Tar+ya dang / dung dang / man shel dang / sa le sbram dang / dngul dang / gzhan yang rin po che dang / gos dang / rgyan sna tshogs ci snyed yod pa de dag thams cad phyogs gcig tu bsdus ste/ na chung lha'i bu mo 'dra ba rgyan tha~Md kyis brgyan pa brgyad khri bzhi stong yang bkug ste phyogs gcig tu bkod do// 'od srung mdor na/ rgyal po'i pho brang de ni/ nye bar spang pa'i longs spyod ci snyed yod pa de dag thams cad de'i mdun du bzhag ste/ de'i pha ma de gnyis kyis ma'i nye du lnga brgya tsam po de dag dang / pha'i nye du lnga brgya pa tsam po de dag dang / ne'u ldangs lnga brgya tsam po de dag dang / na chung brgyad khri bzhi stong po de dag dang / skye bo phal po che de dag thams cad kyang byang chub sems dpa' brtson 'grus chen po de'i mdun du bkod nas ro brgya dang ldan pa'i kha zas thogs te/ gzhan tshig du marjod cing nyin mtshan thog thag du gsol ba 'debs te/ de la 'di skad ces gzhon nu longs la zan zo khyim 'dir 'dug la sbyin pa byin cig/ bsod nams dag kyang gyis shig/ bud med 'di dag dang lhan cig tu dga' ba dang / rtsed mo dang / dga' mgur spyad pa dag kyang gyi sa la/ rgyal po'i khyim 'di lta bu yongs su ma btang shig ces kyang smras so// 'od srung
- 131b
de ltar byang chub sems dpa' brtson 'grus chen po de skye bo phal po che de ltar 'dus pa de dag la ni mig kyang mig kyang mi lta/ phyir yang mi smra bar de bzhin du cang mi zer ba 'dug cing / zhag drug gi bar du zan yang ma zos par de sangs rgyas dkon mchog dang / 'brel par yid la byed pa ma gtogs par yid la byed pa gzhan thams dang bral zhing kha zas kyi 'du shes kyang ma bskyed do// 'od srung de nas byang chub sems dpa' brtson 'grus chen po de'i pha ma de gnyis dang / skye bo phal po che de dag dang / ne'u ldangs de dag dang / nye du'i tshogs chen po de dag dang / bud med brgyad khri bzhi stong po de dag thams cad kyis bzhin la mchi rgyud blangs te/ skad phyung ste dad mos btab nas/ byang chub sems dpa' de'i rkang pa gnyis la gdugs kyang de de dag gi gdong du yang mi lta'o// 'od srung de nas rgyal po'i pho brang de na lhag zhig gnas par gyur pa/ gang yin pa de steng gi bar snang la chos 'phrul chen pos 'dug nas/ skye bo phal po che de dag la tshig su bcad de smras pa// gang dag byang chub phyir brtson pa/ de dag lhun po 'dra bar ni/ mthu bstan rang du mi gso ste/ yi dam gtong bar mi byed do// sa rnams thams cad g.yo yang srid// me ni nur yang 'gyur srid kyi// grogs ngag 'di ni gnas 'di las/ bskyod par nus pa ma yin no// 'di la mi dga' phyis mi bya// sdig pa'i las rnams ma byed cig/ phyin chad dmus long 'dra ba/
- 132a
bskal pa bye bar 'khyams sa re/ 'di ni sems can thams cad la// phan phyir byang chub zhugs pa ste// mngon par 'byung phyir brtson rnams kyi// byang chub dam pa snyed mi dka'// 'dod pa'i phyir dang longs spyod phyir/ byang chub spyad pa mi spyod kyi/ sems can gang dag sangs rgyas kyi// ye shes tshol rnams ji ltar bde/ stong gsum rin can rnams dang ni/ gos dang yul gzhan lha rdzas kyis// chal par bkang bar gyur kyang ni// de dag chags par bya mi nus// mi shes pas gang byas pa'i// sdig pa'i las ni bshags par gyis/ mkhas pa nyes pa bshags nas ni/ las dang lhan cig mi gnas so// 'od srung de ltar lha des bskal ba na/ byang chub sems dpa' brtson 'grus chen po de'i pha ma de gnyis dang / 'dza' shes dang / gros grogs dang / nye du dang / rgan rabs de dag dang / skye bo phal po che de dag gis nyes la nyes par bshags nas gzhon nu de la 'di skad ces smras so// gzhon nu khyod ci ltar bsams pa bzhin song shig/ rab tu yang byag shig/ zan yang ma zos pas/ 'chi ba'i dus byas par gyur ta re/ zhes byas so// 'od srung de ltar byang chub sems dpa' brtson 'grus chen po des/ zhag bdun gyi bar du zan bcad du zin kyang / 'di lta ste sangs rgyas dang 'brel ba'i yid la byed pa dang // zhag bdun gyi bar du lha rnams kyis de'i lus la mdang sa bcug pas na/ dbang po rnams sa gzhan du gyur par
- 132b
yang ma gyur bzhin gyi mngangs yongs su nyams par yang ma gyur to// 'od srung byang chub sems dpa' brtson 'grus chen po des de ltar zhag bdun gyi bar du zan bcad de/ khyim gyi gnas la mi lta zhing rgyal srid chen po de mchil ma'i thal ba bzhin du bor nas bud med brgyad khri bzhi stong po de dag dang / pha ma dang nye du'i tshogs de dag gdong mchi mas gang ste/ du bzhin du de bzhin gshegs pa'i sku gzugs de khyer de rang gi grong khyer chen po nas byung nas/ dgon pa mi med pa/ gcan zan gdug pa gnas pa'i nags shig du zhugs so// de der zhugs nas ras bcos bu'i bzhi gang la de bzhin gshegs pa'i sku gzugs de bris pa'i ras bcos bu'i gzhi de bris nas/ ras bcos bu'i gzhi de nyid mdun du rtsi'i gting ba bting ba'i steng du dkyil mo krung bcas nas lus drang por bsrang ste/ 'dug nas de bzhin gshegs pa'i sku gzugs de la rtog par byed do// de la rtog par byed pa na/ 'di snyam du sems te// gang gi phyir de bzhin gshegs pa'i sku gzugs 'di yang 'di tsam du mdzes pa yin na/ bcom ldan 'das de lta smos kyang ci dgos te/ sangs rgyas bcom ldan 'das de de tsam du mdzes pa ni ngo mtsher pas gang dag gis de bzhin gshegs pa de mthong ba de dag dpal yon can no snyam mo// de 'di snyam du ci ltar de bzhin gshegs pa blta bar bya snyam du yang sems par yang gyur to// de nas
- 133a
nags khrod de na lta zhig gnas par gyur pa gang yin pa des byang chub sems dpa' de'i sems rtog pa sems kyis yongs su shes nas/ byang chub/ sems dpa' de la 'di skad ces smras so// grogs po khyod ci ltar de bzhin gshegs pa blta bar bya'o// snyam du rnam par rtog par byed pa gang yin pa de ni de bzhin gsheg ba'i sku gzugs 'di ji ltar de bzhin du blta bar bya zhing / de bzhin gshegs pa'i sku gzugs 'di ji ltar mthong ba de bzhin du/ de bzhin gshes pa yang blta bar bya ste/ de lta mthong na de bzhin gshegs pa legs par mthong ba yin no// de nas byang chub sems dpa' brtson 'grus chen po de 'di snyam du sems te/ ci ltar de bzhin gshegs pa'i sku gzugs 'di sems par mi byed rnam par shes par mi byed pa de bzhin du chos thams cad kyang sems par mi byed/ rnam par shes par mi byed de de bzhin gshegs pa'i sku yang mtshan nyid de lta bu yin no// ci ltar de bzhin gshegs pa'i sku gzugs 'di ming du btags pa tsam du zad pa de bzhin du chos thams cad kyang ming du btags tsam du zad la/ ming de yang ngo bo nyid kyis stong pa dang / rang bzhin gyis g.yo ba med pa yin te/ de bzhin gshegs pa'i sku yang mtshan nyid de lta bu yino// ci ltar de bzhin gshegs pa'i sku gzugs 'di la/ thob pa med pa dang / mngon par rtogs pa med pa dang / shes pa med pa dang / mngon sum du bya ba med pa dang / 'bras bu/
- 133b
med pa dang / 'bras bu rtogs pa med pa dang / gnas med pa dang / rten med pa dang / 'gro ba med pa dang / 'ong ba med pa dang / skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa dang / sgra med pa dang / tshul med pa dang / tshul ma yin pa med pa dang / 'dod chags zad pa med pa dang / zhe sdang zad pa med pa dang / gti mug zad med pa dang / phung po rnams med pa dang / khams rnams med pa dang / skye mched rnams dang / sngon gyi mtha' med pa dang / phyi ma'i mtha' med pa dang / dbus med pa de bzhin du chos thams cad kyang de dang 'dra ste/ de bzhin gshegs pa'i sku yang mtshan nyid de lta bu yin no// ci ltar de bzhin gshegs pa'i sku gzugs 'di g.yo ba med pa dang / spyod pa med pa de bzhin du chos thams cad kyang de dang 'dra ste/ de bzhin gshegs pa'i sku yang mtsha nyid de lta bu kho na yin no// ci ltar de bzhin gshegs pa'i sku gzugs 'di lta bar mi byed/ nyan par mi byed/ snom par mi byed/ myang bar mi byed/ reg par mi byed/ sems par mi byed/ nyal bar mi byed/ ldang bar mi byed/ dbugs 'byung bar mi byed/ rnam par shes par mi byed pa de bzhin du chos thams cad kyang de/ dang 'dra ste/ chos thams cad ci lta ba de bzhin du gshegs pa'i sku yang mtshan nyid de lta bu yin no// ci ltar de bzhin gshegs pa'i sku gzugs 'di 'dod 'ang
- 134a
khams su gtogs pa yang ma yin/ gzugs kyi khams su gtogs pa yang ma yin/ gzugs med pa'i khams su gtogs pa yang ma yin// pa de bzhin du/ chos thams cad kyang de dang 'dra ste/ de bzhin gshegs pa'i sku yang mtshan nyid de lta bu yin no// ji ltar de bzhin gshegs pa'i skra gzugs 'di la chu rol yang med pha rol yang med/ bar yang med/ thog ma yang med/ 'jig pa yang med/ rgyu ba yang med/ spyod pa yang med/ blang ba yang med// dor ba yang med// bya ba yang med/ byed pa yang med/ lhung ba yang med/ bden pa yang med/ rdzun pa yang med/ bden pa mngon par rtogs pa yang med/ kun tu 'dod chags pa yang med// yid byung ba yang med/ 'khor ba yang med/ mya ngan las 'das pa yang med pa de bzhin du/ chos thams cad kyang de dang 'dra ste/ chos thams cad ji lta ba bzhin dudu/ de bzhin gshegs pa'i sku yang mtshan nyid de lta bu yin no// snyam mo// 'od srung de ltar de bzhin gshegs pa'i sku la 'jug pa de lta bu des rab tu rtog par byed pa na/ nyin mtshan du skyil mo krung zhig par ma gyur cing / des nyin mtshan de la mngon par shes pa lnga dang / tshangs pa'i gnas bzhi dang / spobs pa thogs pa med/ pa dag kyang bsgrub par gyur/ ting nge 'dzin kun tu snang ba zhes bya ba yang bsgrubs par gyur nas/ de la snang ba yang byung bar gyur te/ snang ba byung bar gyur pa des lha'i
- 134b
mig rnam par dag pa/ ma'i las shin tu 'das pas/ phyogs sangs rgyas bcom ldan 'das dpag tu med grangs med pa dag kyang mthong ngo // lha'i rna ba sgribs pa med pas sangs rgyas bcom ldan 'das de dag gis chos ston pa thams cad kyang thos te/ de bzhin gshegs pa gcig gis chos bstan pa yang de bzhin gshegs pa gnyis pas chos bstan pa gnyis pas chos bstan pa la yang sgrib par ma gyur cing / thams cad kying mnyes par byas so// 'od srung byang chub sems dpa' brtson 'grus chen po de zla ba bdun gyi bar du 'chag cing 'dug par gyur te/ shes pa'i zas ma gtogs par zas gzhan yang mi za zhing / lha rnams kyis de'i lhag pa'i bsam/ ba rig nas/ de'i lus la mdangs bcug par gyur to// 'od srung byang chub sems dpa' brtson 'grus chen po des gos dur smrig dag kyang ma bgos/ de bzhin gshegs pa yang mngon sum du ma mthong // bslab pa'i gzhi rnams kyang ma blangs mod kyi 'od kyang thams cad mkhyen pa'i ye shes rjes su thob cing de ltar bslab pa 'dod par gyur pa la ltos/ 'od srung byang chub sems dpa' ni 'di ltar de bzhin gshegs pa'i ska rab tu rnam par 'byed de/ ci nas kyang 'phel bar mi byed pa dang / 'bri bar mi byed pa de ltar rab tu rnam par 'byed do// 'od srung byang chub sems dpa' ci ltar byang chub sems dpa' sems dpa
- 135a
chen po brtson 'grus chen po des/ de bzhin gshegs pa'i sku de la bsnyen bkur byas pa de ltar/ de bzhin gshegs pa'i sgrub bsnyen bkur bya'o// des de ltar bsnyen bkur byas shing yang dag pa ji lta ba bzhin du rab tu rtog par byed pa na/ ye shes chen po rnam pa 'di lta bu dag kyang bskyeng par gyur te/ ye shes kyi rnams pa des phyogs bcu'i sangs rgyas bcom ldan 'das tshad med grangs med dpag tu med pa dag kyang mthong bar gyur/ de dag chos ston pa dag kyang thos par gyur to// 'od srung de nas byang chub sems dpa' brtson 'gras chen po de nags khrod de nas phyir byung ste/ grong dang grong khyer dang grong rdal dang / yul 'khor dang / rgyal po'i pho brang 'khor dag tu zhugs nas/ sems can rnams la chos ston par byed cing / des srog chags nyi khri ni bla na med pa yang dag par rdzogs pa'i byang chub kyi sems la bkod do// sems can tshad med grangs med pa dag ni/ nyan thos dang rang sangs rgyas kyi theg pa'i bsod nanas dag la bkod par gyur to// pham de gnyis dang / btsun mo'i 'khor de dag dang / 'khor gzhan thams cad ni bla na med yang dag par rdzogs pa'i byang chub du nges par byas so// 'od srung de'i tshe de'i dus na/ byang chub sems dpa' brtson 'grus chen po zhes bya bar gyur pa//
- 135b
de gzhan zhig yin pa snyam du khyod nem nur dang / som nyid the tsom za bar gyur na/ khyod kyis de ltar mi blta ste/ de ci'i phyir zhe na/ nga nyid de'i tshe de'i dus na/ byang chub sems dpa' brtson 'grus chen po zhes bya ba der gyur pa'i phyir ro// 'od srung de lta bas na/ byang chub sems dpa' rnams kyis/ byang chub sems dpa' sems dpa chen po brtson 'grus chen po de dang / de las gzhan pa'i byang chub sems dpa' sems dpa' bo lhag pa'i bsam pa phun sum tshogs pa rnams kyi rjesu bslab par bya'o// 'od srung yang phyi ma'i tshe phyi ma'i dus lnga brgya pa tha ma la/ byang chub sems dpa'i theg pa pa'i rigs kyi bu dang / rigs kyi bu mo thabs la mi khas pas/ brkams pa 'dod pas zil kyis non pa kha cig 'byung bar 'gyur te/ de dag ni ras bcos bu dang / rtsig ngos la bris pa 'am/ de bzhin gshegs pa'i sku gzugs gzhan dag la mchod pa byas pas dngos grub dang rdzu 'phrul thob par sems shing / de dag 'di snyam du bdag ni de bzhin gshegs pa la mchod pa byed pa yin gyi/ gzhan dag ni mchod pa byed pa ma yin no// snyam du rlom sems su yang 'gyur te/ de dag dge ba cung zad tsam po des/ bdag la stod par byed// gzhan la smod par byed cing / gzhi des 'tsho bar sems par yang gyur ro// 'od srung de'i tshe na gang dag gis/ de bzhin gshegs pa'i sku gzugs byed du banu
- 136a
pa dang / 'dus pa dang / gzhan yang de bzhin gshegs pa'i mchod rten rnam pa sna/ tshogs dag ma gtogs par/ de ltar lung mnod pa yongs su tshol bar mi 'gyur/ kha ton du mi byed/ bsam gtan mi sgom/ nang du yang dag 'jog la gces par sems par mi 'gyur te/ de dag de'i tshe na khyim ba dang / rab tu byung ba dag gis mchod pa dang ri mor bya ba dang / shes pa dang / shin tu yongs su shes par yang 'gyur zhing / gzhi de sa de dag gi chos gos dang / bsod snyoms dang / mal cha dang / stan dang / na ba'i gsos sman dang / yo byad dag kyang rnyed par 'gyur ro// 'od srung ngas ni byang chub sems dpa'i theg/ pa pa rnams kyi las su 'di lta ste/ tshul khrims kyi phung po la gnas te/ mang du thos pa yongs su btsal bar bya'o// zhes bstan na de dag ni de'i tshe na tshul khrims 'chal pa kho nar gnas shing chos yongs su btsal ba spangs nas/ de bzhin/ gshegs pa'i mchod rten dag la mchod pa'i las bya ba'i phyir brtson par 'gyur zhing / gzhi des 'tsho bar 'gyur bar sems pa la ltos// de nas bcom ldan 'das la gnas brtan 'od srung chen pos 'di skad ces gsol to// bcom ldan 'das ji tsam du de bzhin gshegs pas skyes bu dam pa ma lags pa de dag gi sgra dang / gya gyu de dag mang du bka' stsal pa ni/ ngo mtshar lag so/
- 136b
bde bar gshegs pa ngo mtshor lags so// bcom ldan 'das rigs kyi bu dang / rigs kyi bu mo dad pa dang / ldan pa dag gis/ mdo sde 'di lta bu thos na/ su zhig tshul khrims kyi phung po yongs su sbyong bar mi bgyid lags/ bcom ldan 'das gzhan yang 'di lta ste/ slad ma'i tshe slad dus na/ rigs kyi bu dang / rigs kyi bu mo dag gis/ chos kyi rnam grangs 'di dag thos nas/ bdag cag ni de bzhin gshegs pas mkhyen/ bdag cag ni de bzhin gshegs pas gzigs pas na khang/ cag yul 'di lta bu la spyod pa las/ phyir ldog par bya'o// zhes kun tu skyo ba skye bar 'gyur zhing / rab tu spyod par 'gyur bar/ bcom ldan 'das de bzhin ga bye ba'i chos kyi rnam grangs 'di byin gyi brlab du gsol// de skad ces gsol pa dang / bcom ldan 'das kyis gnas rten 'od srung chen po la 'di skad ces bka' to// 'od srung de bzhin gshegs pa gnas rnam pa 'di lta bu gang ci ston pa dang / yang dag par ston par mdzad pa de dag thams cad ni rigs kyi bu dang / rigs kyi bu mo de dag nyid kyi ched du ste/ 'di ltar de dag gi chos kyi rnam grangs 'di thos par 'gyur zhing / thos nas kyang skyon de dag yongs su spong bar 'gyur ba'i phyir/ bcom ldan 'das kyis de skad ces bka' stsal nas/ gnas 'od srung chen po dang / byang chub sems dpa' sems dpa' chen po byams pa dang / 'jam dpal gzhon
- 137a
gyur pa dang / byang chub sems dpa' chen po de dag dang / dge slong de dag dag dang / lha dang mi dang lha ma yin dang / dri zar bcas pa'i 'jig rten ying rang ste/ bcom ldan 'das kyis gsungs pa la mngon par bstod do// / 'phags pa dkon mchog brtsegs pa chen po chos kyi rnam grangs le'u stong phrag brgya pa las/ 'phags pa byams pa seng ge'i sgra chen pos zhus pa'i le'u zhes bya ste/ 'dus pa nyi shu rtsa gsum pa rdzogs s+ho// // rgya gar gyi mkhan po 'dzin mi tra dang su ren tra bo da dang / prad nye bar ma dang / zhu chen gyi lo tsa ba ban de ye shes sde la stsogs pas bsgyur cing zhus te gtan la phab pa// // sha log stong nyis brgya mchis so// rgya gar skad du/ Ar+ya bi na ya/ bi ni sh+tsa ya/ u pa li/ bai ri brid tsa nA ma ma hA ya na su tra/ bod skad du/ 'phags pa dkon mchog brtsegs/ pa chen po chos kyi rnam grangs stong phrag brgya pa las/ 'dul ba rnams par gtan la dbab pa'i nye bar 'khor gyis zhus pa zhes bya ba/ theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mogon med zas sprin gyi kun dga' ra ba na/ dge slong gi dge 'dun chen po dang / byang chub sems dpa' stong thams pa dang / thabs gcig tu btu
- 137b
so// de nas bcom ldan 'das kyis byang chu sems dpa' sems dpa' chen po de dag la/ glang po che'i lta stangs kyis gzigs te bka' stsal pa// rigs kyi bu dag khyed cag phyi ma'i tshe phyi ma'i dus na/ dam pa'i chos yongs su gzung ba'i phyir de bzhin gshegs pas bskal pa bye ba khrag khrig 'bum phrag grangs med par yang dag par bsgrubs pa/ bla na med pa yang dag par rdzogs pa'i byang chub 'di yang dag par gzung ba dang / sems can rnams su yongs su smin par bya ba'i phyir thabs/ dang tshul dang / bsam pa sna tshogs kyis yongs su bskyang bar su spro// de nas byang chub sems dpa' sems dpa' chen po byams pa stan las langs te/ tha gos phrag pa gcig tu bzar nas/ pus mo g.yas pa'i lga nga sa la btsugs te/ bcom ldan 'das ga la ba der logs su thal mo sbyan pa btud nas/ bcom ldan la 'di skad ces gsol to// bcom ldan 'das bdag ni slad ma'i tshe slad dus na/ dam pa'i chos yongs su gzung ba'i slad du/ de bzhin gshegs pas bskal pa bye ba khrag khrig 'bum 'phrag grangs ma mchis par/ yang dag par bsgrubs pa/ bla na med pa yang dag par rdzogs pa'i byang chub 'di yang dag par 'dzin par spro lags so// byang chub sems dpa' seng ges gsol pa/ bcom ldan 'das bdag ni thabs dang tshul dang bsam pa sna tshogs kyis sems can
- 138a
rnams yongs su skyong bar spro lagaso/ byang chub sems dpa' lag na rdo rjes gsol pa/ bcom ldan 'das bdag ni sems can rnams ngan song du mchi ba las yongs su thar par spro lags so// 'jam dpal gzhon nur gyur pas gsol pa/ bcom ldan 'das bdag ni sems can rnams kyi gang zag gi bsam pa yongs su rdzogs par bgyid par spro lags so// byang chub sems dpa' ye shes tog gis gsol pa/ bcom ldan 'das pa dag ni sems can ma tshal ba rnams yongs su smin par bgyid par spro lags so// byang chub sems dpa' zla ba'i tog gis gsol pa/ bcom ldan 'das bdag ni yon tan rnams kyis sems can rnams yongs su smin par bgyid par spro lag so// byang chub sems dpa' nyi ma'i tog gis gsol ba/ bcom ldan 'das bdag ni theg pa bde bas sems can yongs su smin par bgyid par spro lags so// byang chub sems dpa' bag tsha ba med pas gsol pa/ bcom ldan 'das bdag ni sems can gyi kham mtha' yas pa dag yongs su smin par bgyid pa dang / yongs su 'dzin par spro lags so// byang chub sems dpa' bzang skyong gis gsol pa/ bcom ldan 'das bdag ni ming 'bras bu mchis par sgrog pas/ sems can rnams yongs su smin par bgyid par spre leg so// byang chub sems dpa' blo gros mi zad pas gsol pa/
Colophon
rgya gar gyi mkhan po 'dzi na mi tra dang / su ren tra bo de dang / prad nya bar ma dang / zhu chen gyi lo tsa ba ban de ye shes sde la stsogs pas bsgyur cing zhus te gtan la phab pa'o//