'phags pa rnam par mi rtogs par 'jug pa zhes bya ba'i gzungs
Āryabikalapaprapeśanāmadhārani
Text
ff. 107b–114b · 15 folio sides
- 107b
mtshan ma dang / shes rab la spyod pa rnam par rtog pa'i mtshan ma ste/ 'di lta ste ngo bo nyid la spyod pa 'am/ yon tan la spyod pa 'am/ snying po la spyod pa yang rung / des de dag kyang yid la mi byed pa yongs su spong ngo // des de dag yongs su spong ba na/ gzhan de kho na la spyod pa rnam par rtog pa'i mtshan ma rnams snang bar 'gyur ba'i tshul gyis kun du 'byung zhing mngon du 'gyur te/ 'di lta ste stong pa nyid la spyod pa rnam par rtog pa'i mtshan ma dang de bzhin nyid la dpyod pa rnam par rtog pa'i mtshan ma dang / yang dag pa'i mtha' la dpyod pa rnam par rtog pa'i mtshan ma dang / mtshan ma med pa dang / don dam pa dang / chos kyi dbyings la spyod pa rnam par rtog pa'i mtshan ma ste/ 'di lta ste/ rang gi mtshan nyid la spyod pa 'am/ yon tan la spyod pa 'am/ snying po la spyod pa yang rung / des de kho na la spyod pa rnam par rtog pa'i mtshan ma dag kyang yang yid la mi byed pas yongasu spong ngo // de de dag yongs su spong ba na/ gzhan thob pa la spyod pa rnam par rtog pa'i mtshan ma rnams snang bar 'gyur ba'i tshul gyis kun du 'byung zhing mngon du 'gyur te/ 'di lta ste sa dang po thob pa la dpyod pa rnam par rtog pa'i mtshan ma nas/ sa bcu pa'i bar du 'thob pa la dpyod pa rnam par rtog pa'i mtshan ma dang / mi skye ba'i chos la bzod pa thob pa la dpyod pa rnam par rtog pa'i mtshan ma dang / lung bstan pa 'thob pa la spyod pa rnam par rtog pa'i mtshan ma dang / sangs rgyas kyi zhing yongs su dag pa 'thob pa la spyod pa rnam par rtog pa/
- 108a
/ chos gzu ga/ @#mtshan ma dang / sems can yongs su smin par byed pa 'thob pa la spyod pa rnam par rtog pa'i mtshan ma dang / dbang bskur ba 'thob pa la spyod pa rnam par rtog/ pa'i mtshan ma nas/ rnam pa thams cad mkhyen pa nyid 'thob pa'i bar la spyod pa rnam par rtog pa'i mtshan ma ste/ rang gyi mtshan nyid la spyod pa 'am/ yon tan spyod pa'am/ snying po la spyod pa yang rung / des 'thob pa la spyod pa rnam par rtog pa'i mtshan med dag kyang yid la mi byed pas yongs su spong ngo // de ltar byang chub sems dpa' sems dpa' chen po rnam par rtog pa'i mtshan ma'i rnam pa thams cad yid la mi byed pas yongs su spong bas rnam par rtog pa'i dbyings la shin du brtson pa yin te de shig rnam par mi rtog pa'i dbyings la ni ma rig mod kyi rnam par mi rtog pa'i dbyings la reg par 'gyur ba'i tshul bzhin gyis ting nge 'dzin ni yod do// de yang dag par sbyor ba de dang bsten pas rjes su 'gro'o// sgom pa rjes su 'gro'o// mang du bya bas rjes su 'gro'o// yang dag par yid la bya bas rjes su 'gro ba na mngon par 'du bya ba med cing lhun gyis grub par rnam par mi rtog pa'i dbyings la reg pa ste/ rim gyis yongs su spyod do// ci'i phyir rnam par mi rtog pa'i dbyings la rnam par mi rtog pa zhes bya zhe na/ dpyad pa'i rnam par rtog pa thams cad las shin du 'dus pa dang / bstan pa dang / dpes rnam par brtag pa thams cad las shin du 'das pa dang / dbang por rnam par brtag pa thams cad las shin du 'das dang / yul du rnam par brtag pa thams cad las shin du 'das pa dang / rnam par rig/
- 108b
pa rnam par brtag pa thams cad las shin du 'das pa dang / nyon mongs pa thams cad dang / shes bya'i sgrib pa thams cad kyi gnas pa'i phyir te de'i phyir rnam par mi rtog pa'i dbyings la rnam par mi rtog pa zhes bya'o// rnam par mi rtog pa de yang gang zhe na/ rnam par mi rtog pa ni gzugs med pa/ brtan du med pa/ rten med pa/ snang ba med pa/ rnam pa rig pa ma yin pa gnas med pa'o// byang chub sems dpa' sems dpa' chen po rnam par mi rtog pa'i dbyings pa la rab tu gnas pas ni shes bya dang / khyad par med pa/ rnam par mi rtog pa'i ye shes kyis chos thams cad na mkha'i dkyil dang tshungs par mthong ngo // rnaM bar mi rtog pa'i rjes la thob pa'i shes pas ni chos thams cad sgyu ma dang / smig rgyu dang / rmig lam dang / mig yor dang / brag cha dang / gzugs brnyan dang / chu zla dang / sprul pa dang / mtshungs par mthong ngo // bde ba chen po la gnas pa shin du rgyas pa yang thob po// sems phun sum tshogs pa shin du rgyas pa yang 'thob po// shes rab dang ye shes che zhing shin tu rgyas pa yang 'thob po// bshad pa chen po la dbang shin tu rgyas pa yang thob po// dus thams cad du sems can thams cad kyi don gyi rnam pa thams cad kyang byed nus par 'gyur te/ sangs rgyas kyi mdzad pa lhun gyis grub pa yang rgyun ma gca do/ rigs kyi bu dag 'di lta ste dper na/ brag gcig tu sdug cing sra ba'i 'og na/ yid bzhin gyi nor bu rin po che sna tshogs 'od gsal ba 'di lta ste/ dngul rin po che dang /
- 109a
chos ca/ gser rin po che dang / rdo'i snying po rin po che dang sna tshogs kyi rin po che tha dad pas yongs su gang ba'i gter chen po zhig yod la de nas gter chen po 'a pa'i mi la la zhig 'ongs pa de la/ gter chen po mngon par shes pa'i mis 'di skad du/ kye skyes bu brag cig tu stug cing sra ba de'i 'og na/ rin po che 'od gsal bas yongs su gang gi rin po che'i gter chen po yod do// de'i 'og na yid bzhin gyi nor bu rin po che'i gter yod kyi/ khyod kyis thog ma kho nar rdo'i rang bzhin thams cad rkos shig/ de bskos dang dngul du snang ba'i rdo khyod la snang bar 'gyur te/ de la khyod kyis gter chen por 'du shes mi bya'i de yongs su shes par byos te rkos shig/ de brkos dang / gser du snang ba'i rdo snang bar 'gyur te de la yang khyod kyis gter chen por 'du shes mi bya'i de yang yongs su shes par byos te rkos dang / rin po che sna tshogs su snang ba'i rdo snang bar 'gyur te/ de la yang khyod kyis gter chen por 'du shes mi bya'i/ de yang yongs su shes par byos te/ rkos shig/ kye skyes bu khyod kyis de ltar brtson par byas na/ rko ba mngon par 'du bya ba med cing 'bad mi dgos par yid bzhin gyi nor bu rin po che'i gter chen po 'thong bar 'gyur ro// yid bzhin gyi nor bu rin po che'i gter chen po rnyed na/ khyod phyug cing nor che la longs spyod che bar 'gyur te/ bdag dang gzhan gyi don la mthu yod par 'gyur ro// zhes smra ba ltar/ rigs kyi bu dag ci tsam du don 'di shes par bya ba'i phyir 'di
- 109b
dper byas pa ste/ brag gcig tu stug cing sra ba zhes bya ba de ni/ 'du byed kyis rnam pa kun nas nyon mongs pa dang gnyis la so sor nye bar gnas pa'i tshig bla dgas so// 'og na yid bzhin gyi nor bu rin po che'i gter chen po zhes bya ba de ni/ rnam par mi rtog pa'i dbyings kyis tshigs bla dgas so// yid bzhin gyi nor bu rin po che'i gter chen po 'a pa'i mi zhes bya ba de ni/ byang chub sos dpa' sems dpa' chen po'i tshigs bla dgas so// gter chen po mngon par shes pa'i mi zhes bya ba de ni/ de bzhin gshegs pa dgra bcom pa yangs dag par rdzogs pa'i sangs rgyas kyi tshogs bla dgas so// brag ces bya ba de ni rang bzhin le rnam par rtog pa'i mtshan ma rnams kyis tshigs bla dgas so// rkos shig ces bya ba de ni yid la mi byed pa'i tshigs bla dgas so// dngul du snang ba'i rdo zhes bya ba de ni gnyen po la rnam par rtog pa'i mtshan ma rnams kyi tshogs bla dgas so// gser du snang ba'i rdo zhes bya ba de ni stong pa nyid la sogs pa la rnam par rtog pa'i mtshan ma rnams kyi tshigs bla dgas so// rin po che sna tshogs su snang ba'i rdo zhes bya ba de ni thob pa la rnam par rtog pa'i mtshan ma rnams kyis tshigs bla dgas so// yid bzhin gyi nor bu rin po che'i gter chen po rnyed ces bya ba de ni rnam par rtog pa dbyings la reg pa'i tshogs bla rags so// rigs kyi bu dag de ltar dpe' nye bar bkod pa 'dis rnam par mi rtog pa'i dbyings
- 110a
chos gsusu 'jug khong du chud par bya'o// rigs kyi bu dag ji ltar na yang byang chub sems dpa' sems dpa' chen po rnam par rtog pa'i mtshan ma ji skad de dag la nye bar rtog cing rnam pa'i dbyings su 'jug ce na/ rigs kyi bu dag 'di la byang chub sems dpa' sems dpa' chen po de ltar rnam par mi rtog pa'i dbyings la rab tu gnas pa ni gzugs kyi rang bzhin la rnam par rtog pa'i mtshan ma mngon du gyur na 'di ltar nye bar rtogs ste/ gang bdag gi gzugs shes spyod na/ rnam par rtog pa la spyod pa'o// gzhan dag gi gzugs shes spyod na rnam par rtog pa la spyod pa'o// gzugs 'di yod do zhes spyod na rnam par rtog pa la spyod pa'o// gzugs skyebo 'gag go// kun nas nyon mongs pa'o// rnam par byang ba'o zhes spyod na/ rnam par rtog pa la spyod pa'o// gzugs med spyod na rnam par rtog pa la spyod pa'o// gzugs la ngo bo nyid kyis kyang med rgyur yang med/ 'bras bur yang med/ ldan pa yang med/ 'jug pa yang med ces spyod na rnam par rtog pa la spyod pa'o// gzugs kyi rnam par rig pa tsam zhes spyod na rnam par rtog pa la spyod pa'o// ji ltar gzugs med pa de bzhin du gzugs su snang ba'i rnam par rig pa yong med do zhes spyod na/ rnam rnam par rtog pa la spyod pa'o snyam mo// rigs kyi bu dag 'di ltar byang chub sems dpa' sems dpa' chen po'i gzugs kyang mi dmigs/ gzugs su snang ba'i rnam par rig las su yang med/
- 110b
pa raM yang mi dmigs mod kyi rnam par rig pa thams cad kyi thams cad du chud bzod pa ni ma yin no// rnam par rig par ma gtogs par chos gang mi dmigs la/ rnam par rig pa de yang dngos po med pa de yang dag par rjes su mi mthong ngo / rnam par rig pa ma togs par dngos po med pa yang dag par rjes su mi mthong ngo // gzugs su snang gi rnam par rig pa med pa de dang / rnam par rig de gcig par yang yang dag par rjes su mi mthong ngo // tha dad pa yang yang dag par rjes su mi mthong / rnam par rig pa dngos po med pa de la dngos por yang yang dag par rjes su mi mthong / dngos po med par yang yang dag par rjes su mi mthong ste/ rigs kyi drug rnam pa thams cad pa'i rnam par rtog pa thams cad kyi/ gang rnam par ma brtags pa de rnam par mi rtog pa'i dbyings so zhes kyang yang dag par rjes su mi mthong ngo // rigs kyi bu dag 'di ni rnam par mi rtog pa'i dbyings su 'jug pa'i tshul yin te/ de ltar byang chub sems dpa' sems dpa' chen po rnam par mi rtog pa'i dbyings la rab tu gnas pa yin no// de bzhin du tshor ba dang / 'du shes dang / 'du byed rnams dang / rnam par shes pa dang / de bzhin du sbyin pa'i pha rol du phyin pa dang / tshul khrims kyi pha rol tu phyin pa dang / brjod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / de bzhin du nang stong pa nyid la sogs pa nas/
- 111a
chos gsu#rnam pa thams cad mkhyen pa nyid kyi bar du sbyor ro// rigs kyi bu dag 'di la byang chub sems dpa' sems dpa' chen po rnam pa thams cad mkhyen pa nyid dpyod pa'i rnam par rtog pa mngon du 'gyur na/ 'di ltar nye bar rtog te/ gang bdag gi rnam pa thams cad mkhyen pa nyid ces spyod na/ de rnam par rtog pa la spyod pa'o// gzhan dag gi rnam pa thams cad mkhyen pa nyid ces spyod na/ rnam par rtog pa la spyod pa'o// rnam pa thams cad mkhyen pa nyid ni 'di zhes spyod na/ rnam par rtog pa la spyod pa'o// rnam pa thams cad mkhyen pa nyid thob ces spyod na/ rnam par rtog pa la spyod pa'o// rnam pa thams cad mkhyen pa nyid ni nyon mongs pa dang / shes bya'i sgrib pa thams cad spong ba'o zhes spyod na/ rnam par rtog pa la spyod pa'o// rnam pa thams cad mkhyen pa nyid shin tu rnam par byang ba'o zhes spyod na/ rnam par rtog pa la spyod pa'o// rnam pa thams cad mkhyen pa nyid med do zhes na/ rnam pa rtog pa la spyod pa'o// rnam pa thams cad mkhyen pa nyid la ngo bo nyid kyi rkyang med rgyur yang med 'bras bur yang med/ lus su yang med/ ldan par yang med 'jug par yang medo zhes spyod na/ rnam par rtog pa la spyod pa'o// rnam pa thams cad mkhyen pa nyid rnam par rig pa tsam mo zhes spyod na/ rnam par rtog pa la spyod pa'o// ji ltar rnam pa thams cad mkhyen pa nyid med pa de bzhin du/ rnam pa thams cad mkhyen pa nyid
- 111b
du snang ba'i rnam par rig pa yang med do// zhes spyod na/ rnam par rtog pa la spyod pa'o// snyam mo// rigs kyi bu dag 'di ltar byang chub sems dpa' sems dpa' chen po ji ltar rnam pa thams cad mkhyen pa nyid mi dmigs pa de bzhin du der snang ba'i rnam par rig pa yang mi dmigs mod kyi rnam par rig pa thams cad kyis thams cad du chud bzon pa ni ma yin no// rnam par rig pa ma gtogs par chos gang yang mi dmigs la/ rnam par rig pa de yang dngos po med par yang dag par rjes su mi mthong ngo/ rnam par rig pa ma gtogs par dngon po med par yang dag par rjes su mi mthong / rnam pa thams cad mkhyen pa nyid du snang ba'i rnam par rig pa med pa de dang / rnam par rig pa de gcig par yang dag par rjes su mi mthong / tha dad par yang yang dag par rjes su mi mthong // rnam par rig par dngos po med pa la dngos por yang yang dag par rjes su mi mthong / dngos po med par yang yang dag par rjes su mi mthong ste/ rig kyi bu dag rnam pa thams cad mkhyen pa'i rnam par rtog par thams cad kyis gang rnam par ma brtags pa de/ rnam par mi rtog pa'i chos kyis dbyings so zhes kyang yang dag par rjes su mi mthong ngo de ltar 'di ni rnam par mi rtog pa'i dbyings la 'jug pa'i tshul yin te/ rigs kyi bu dag de ltar na byang chub sems dpa' sems dpa' chen po rnam par mi rtog pa'i dbyings la rab tu
- 112a
chos bcu / gnas pa yin no// rigs kyi bu dag chos kyi rnam grangs 'di 'dzin pa dang / yi ger 'bri ba dang / 'chang ba dang / klog pa'i bsod nams ni rab tu mang gi lus gang gA'i klung gi bye ma snyed yongs su btang ba de ni de lta ma yin no// 'jig rten gyi khams gang gA'i klung gi bye ma snyed yongs su gang gi sbyin pa byin pa de ni de lta ma yin no// de bzhin gshegs pa'i gzugs brnyan rin po che las byas te/ 'jig rten gyi khams gang gA'i klung gi bye ma snyed yongs su bkang ba'i bsod nams kyi phung po ni de lta ma yin no// de nas de'i tshe bcom ldan 'das kyis tshigs su bcad pa 'di gsungs so// dam chos 'di la rgyal ba'i sras// rnam par mi rtogs bsam gyur na// rnam rtog bgrod dka' rnam 'das te// rim gyi mi rtog thob par 'gyur// de las rab zhi mi g.yo mchog/ dbang byed mnyam pa mi mnyam pa// rnam par mi rtog bde ba ni// byang chub sems dpas thob par 'gyur// bcom ldan 'das kyis de skad ces bka' stsal nas/ byang chub sems dpa' rnam par mi rtog snang ba dang / thams cad dang ldan pa'i 'khor de dag dang lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la yid rangs te mngon par bstod do// 'phags pa rnam par mi rtog pa la 'jug pa'i
- 112b
bzungs rdzogs s+ho// / rgya gar skad du/ ba hu da tu kA sU tra/ bod skad du/ khams mang po'i mdo// sangs rgyas dang byang // chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das mnyan du yod pa na/ rgyal bu rgyal byed kyi tshal mgon zlas sbyin gyi kun dga' ra ba na bzhugs so// de nas tshe dang ldan pa kun dga' bo gcig pu dben par song ste/ nang du yang dag gzhag nas/ sems la sems kyi rnam par rtog pa 'di lta bu dag skyes te/ 'jigs pa gang dag 'byung zhing skye ba de dag thams cad ni byis pa las skyes mkhas pa las ma yin no// yams kyi nad gang dag dang / gnod pa dang / nad 'go ba dang / 'khrug pa gang dag 'byung zhing skye ba de dag thams cad ni byis las skye'i/ mkhas pa las ma yin no// de nas tshe dang ldan pa kun dga' bo phyi ma 'breng nang du yang dag 'jog pa las langs nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag te/ phyogs gcig tu 'dug go/ phyogs gcig tu 'dug nas/ tshe dang ldan pa kun dga' bos bcom ldan 'das la 'di skad ces gsol to// btsun pa 'dir bdag gcig pu dben par mchis te/ nang du yang dag gzhag na/ sems la sems kyi rnam par rtog pa 'di lta bu skyes te/ 'jigs pa gang
- 113a
khams yang / @dag 'byung zhing skye ba de dag thams cad ni/ byis pa las skye'i mkhas pa las ma lags so// yams kyi nad drug dang / gnod pa dang / nad 'go ba dang / 'khrug pa gang dag 'byung zhing skye ba de dag thams cad ni byis pa las skye'i/ mkhas pa las ma lags so snyam mo// kun dga' bo de de bzhin no// de de bzhin de/ 'jigs pa gang dag 'byung zhing skye ba de dag thams cad ni byis pa las skye'i/ mkhas pa las ni ma yin no// yams kyi nad gang dag dang / gnod pa dang / nad 'go ba dang / 'khrug pa gang dag 'byung zhing skye ba de dag thams cad ni byis pa las skye'i/ mkhas pa las ni ma yin no// kun dga' bo dper na 'dam bu skam po'i khang pa 'am/ tsA skam po'i khang pa 'am/ sog ma skam po'i phung po dag lo me btang nas/ khang pa brtsegs pa dang / khang pa brtsegs pa'i gnas rnams kyang tshig par byed do// de bzhin du 'jig pa gang dag 'byung zhing skye ba thams cad ni byis pa las skye'i/ mkhas pa las ni ma yin no// yams kyi nad gang dag dang / gnod pa dang / nad 'gro ba dang / 'khrug pa gang dag 'byung zhing skye ba de dag thams cad ni byis pa las skye'o// mkhas pa las ni ma yin no// kun dga' bo 'das pa'i dus su 'jig pa gang dag 'byung zhing skyes pa de dag thams cad ni byis pa las skyes kyi/ mkhas pa las ni ma yin no// yams
- 113b
kyi nad gang dag dag dang / gnod pa dang / nad 'gro ba dang / 'khrug pa gang dag 'byung zhing skye ba de dag thams cad ni byis pa las skyes kyi/ mkhas pa la ni ma yin no// kun dga' bo ma 'ongs pa'i dus su 'jigs pa gang dag 'byung zhing skyes par 'gyur ba thams cad ni byis pa las skye bar 'gyur gyi/ mkhas pa las ma yin no// yams kyi nad gang dag dang / gnod pa dang / nad 'go ba dang / 'khrug pa gang dag 'byung zhing skye bar 'gyur ba de dag thams cad ni byis pa las skye bar 'gyur gyi/ mkhas pa las ni ma yin no// kun dga' bo de ltar na 'das pa dang / ma 'ongs pa dang / da ltar byung ba'i dus dag tu 'jigs pa dang bcas pa ni byis pa'o// 'jigs pa med pa ni mkhas pa'o// yams kyi nad dang bcas pa ni byis pa'o// yams kyi nad med pa ni mkhas pa'o/ gnod pa dang bcas pa ni byis pa'o// gnod pa med pa ni mkhas pa'o// nad 'go ba dang bcas pa/ ni byis pa'o// rad 'go ba med pa ni mkhas pa'o// 'khrug pa dang bcas pa ni byis pa'o// 'khrug pa med pa ni mkhas pa'o// kun dga' bo 'jigs pa dang / yams kyi nad dang / gnod pa dang / nad 'go ba dang / 'khrug pa dag ni byis pa las yin gyi mkhas pa las ni ma yin par shes par bya'o// kun dga' bo de lta bas na/ byis pa'i chos dang mkhas pa'i chos khong du chud par bya'o// byis pa'i chos dang mkhas pa'i chos dag khong du chud nas kyang / byis pa'i chos ni spang bar bya'o// mkhas pa'i chos ni yang dag
- 114a
khams yang #par blang bar bya ste/ kun dga' bo de ltar de bzhin du bslab par bya'o// btsun pa ji tsam gyis na byis pa byis pa zhes bgyi ba'i grangs su mchi ba lags/ kun dga' bo byis pa ni khams la mkhas pa ma yin pa dang / skye mched la mkhas pa ma yin pa dang / rten cing 'brel par 'byung ba la mkhas pa ma yin pa dang / gnas dang gnas ma yin pa la mkhas pa ma yin pa ste/ kun dga' bo de tsam gyis na m+bu byis pa zhes bya ba'i grangs su 'gro ba yin no// btsun pa ji tsam gyis na mkhas pa mkhas pa zhes bgyi/ ba'i grangs su mchi ba lags/ kun dga' bo mkhas pa ni/ khams la mkhas pa dang / skye mched la khas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas pa yin te/ kun dga' bo tsam gyis na mkhas pa mkhas pa zhes bya ba'i grangs su 'gro ba yin no// btsun pa ji tsam bgyi na mkhas pa mkhams la mkhas pa lags/ kun dga' bo mkhas pa ni khams bco brgyad po// mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi
- 114b
khams dang / yid kyi rnam par shes pa'i khams dang / yang dag pa ji lta ba bzhin shes shing mthong ba ste/ kun dga' bo de ltar na khams bcwo brgyad po yang dag par ji lta ba/ bzhin shes shing mthong ba yin no// gzhan yang khams drug po// sa'i khams dang / chu'i khams dang / me'i khams dang / rlung gi khams dang / na mkha'i khams dang / rnam par shes pa'i khams dag yang dag pa ji lta ba bzhin shes shing mthong ba ste/ de ltar na khams drug po yang dag pa ji lta ba bzhin shes shing mthong ba yin no// gzhan yang khams/ drug po 'dod pa'i khams dang / gnod sems kyi khams dang / rnam par 'tshe ba'i khams dang nges par 'byung ba'i khams dang / gnod sems med pa'i khams dang / rnam pa 'tshe ba med pa'i khams dag/ yang dag par ji lta ba bzhin shes shing mthong ba ste/ de ltar na khams drug po yang dag pa ji lta ba bzhin shes shing mthong ba yin no// gzhan yang khams drug po bde ba'i khams dang / sdug bsngal gyi khams dang / yid bde ba'i khams dang / yid mi bde ba'i khams dang / gtang snyoms kyi khams dang / ma rig pa'i/ khams dag yang dag pa ji lta ba bzhin shes shing mthong ba ste/ de ltar na khams drug po yang dag pa ji lta ba bzhin shes shing mthong ba yin no// gzhan yang khams bzhi// po tshor ba'i khams dang / 'du shes kyi khams dang / 'du byed kyi khams dang / rnam par shes pa'i khams dag ji lta ba bzhin shes shing mthong ba yin no// gzhan yang
Colophon
'phags pa rnam par mi rtog pa la 'jug pa'i gzungs rdzogs s+ho/