N206MW22703_0206mdo sdeAll versions of this work

rgyal po gsal rgyal la gdams pa

Text

ff. 131b–142b · 23 folio sides

  1. 131b

    deskad ces bka' stsal nas/tshe dang ldan pa shA ri'i bu dang /tshe dang ldan pa kun dga' bo dang /lha dang /mi dang /lha ma yin dang /dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do//mdo sde rab tu rnam par 'byed pa zhes bya ba dang /rnam par 'thag pa theg pa chen po'i mdo zhes bya ba dang /sangs rgyas kyi sde snod ces bya ba dang /tshul khrims 'chal ba tshar gcod pa zhes bya ba rdzogs so///rgya gar gyi mkhan po d+harma shrI pra b+ha dang /lo tsA ba dge slong dpal gyi lhun pos/pho brang lhan dkar du bsgyur cing zhus te gtan la phab pa//rgya gar skad du/Ar+ya rA dza a ba wA da ka nA ma ma hA yA na sU tra/bod skad du/'phags pa rgyal po la gdams pa zhes bya ba theg pa chen po'i mdo//sangs rgyas dang /byang chub sems dpa' thams cad la phyag 'tshal lo//'di skad bdag gis thos pa dus gcig na// bcom ldan 'das mnyan du yod pa na/rgyal bu rgyal byed kyi tshal mgon med zas sbyin gyi kun dga' ra ba na/dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/de'i tshe yul ko sa la'i rgyal po gsal rgyal bcom ldan 'das la blta ba dang /phyag bya ba dang /mchod pa dang /bsnyen bkur bya ba dang /chos

  2. 132a

    nyan pa'i phyir/ par 'gyur ba chen po dang / po'i ma du chen pos rol mo'i so spyan lon pa mang po dang /bram r+b+hu dang /khyim bdag snod du/ mas yongs su bskur cing mnyan du yod pa nas byung ste/rgyal bu rgyal byed kyi tshal mgon med zas sbyin gyi kun dga' ra ba ga la ba der song nas de bzhon du rung ba'i sa ji srid pa de srid du bzhon pa la zhon te/bzhon pa las babs nas rkang gis kun dga' ra bar song ba dang /yul ko sa la'i rgyal po gsal rgyal gyis shing zhig gi drung na batsham ldan 'das mdzes pa/lhan sdug pa/dbang po na ba/thugs ni ba/rdul ba dang /zhi gnas mchog brnyes pa/dul ba dang /zhi ba'i mchog dang ldan pa/bsrungs pa/ dbang po dul ba/skyes du glang po/skyes bu seng ge/skyes bu khyu mchog/skyes bu cang mkhyen pa/mtsho ltar dang zhing gsal la rnyog pa mi mnga' ba/skyes bu chen po'i mtsha sum cu rtsa gnyis kyis sku legs par brgyan pa/dpe byad bzang po brgyad chos sgyu rnam par mdzes pa/gser gyi mchod stong ltar mngon par 'phags po dpal gyis 'bar zhing bzhugs par rgyang ring po nas mthong ngo //mthong nas kyang ches yod dga'i zhing sems mngon par dad nas des rgyal po rgyal rigs spyi bo nas dbang bskur ba/yul la

  3. 132b

    dbang ba'i mthu thob pa'i rgyal po'i mtshan ma lnga gang dag yin pa 'di swA ste/Tak+Sha dang /gdugs dang /ral gri dang /bsil ya nor bu'i yub can dang /lham rim can / dag bor nas bcom ldan 'das ga la bder song ste phyin nas bcom ldan 'das kyi zhabs gnyis la mgo bos phyag brtul te/bcom ldan 'das la lan gsum bskor byas nas bcom ldan 'dres kyis gnang ste/phyogs gcig tu 'dug go/de nas yul ko sa l+ya'i rgyal po gas lo rgyal gyis bcom ldan 'das la 'di skad ces gsol to//bcom ldan 'das ci nas bdag gi phun ring po'i drin dang /sman pa dang /bde bar 'gyur ba de ltar bcom ldan 'das kyis bdag la gdams su gsol/de ltar bde bar gshegs papas bdag la rjes su bstan du gsol/dri skad ces gsol pa dang /bcom ldan 'das kyis yul ko sa la'i rgyal po glus la rgyal la bka' stsal pa/rgyal po chen po khyod de bzhin gshegs pa la don 'di 'dri bar sems pa legs so legs so//rgyal po chen po de'i phyir chos kyis rgyal srid kyis shig/chos ma yin pas ni mi bya'o//khyod rgyas dang mthun par gyis shig/chos ma yin pa dang mthun par mi bya'o//de ci'i phyir zhe na/rgyal po chen po rgyal po 'am/rgyal po'i blon po gang la la zhig chos spangs nas chos ma yin

  4. 133a

    pas rgyal srid byed na de tshe 'di nyid la la rabs kyis smad par bya ba yin no//phyis kyang 'gyod par 'gyur ro//lus zhig ste shi nas ngan song ngan 'gro log bapar ltung ba sems can dmyal ba rnams su skye bar 'gyur ro//rgyal po che ni po rgyal po 'am/rgyal po'i blon po gang la la zhig chos ma yin pa spangs te/chos kyis rgyal srid byed kyis/chos ma yin pas ni mi byed na//de tshe 'di nyid la ya rabs kyis bsngags par bya ba yin no//phyis 'gyod par yang mi 'gyur ro//lus zhig nas kyang bde 'gro ris kyi 'jig rten du lha rnams kyi nang du skye bar 'gyur ro//rgyal po chen po 'di lta ste/dper na pha ma ni bu la snying brtse bas rtag tu bde zhing 'tshe ba med par 'dod do//rgyal po chen po de bzhin du rgyal pos kyang bran po dang /bran mo dang /las byed pa dang /zho shas 'tsho ba dang /mdza' bshes dang /blon po dang /gnyen dang /grong khyer rgya skye bo dag rtag tu bsdu ba rnam pa bzhis bsdu bar bya'o//bzhi gang zhe na/rgyal po chen po 'di lta ste/sbyin pa dang /snyan par smra ba dang /drin spyod pa dang /don mthun pa'o//de ltar bran po dang /bran mo dang /las byed pa dang /no shas 'tsha ba dang /mdza' ba shes dang /blon po dang /gnyen dang /grong khyer gyi skye bo sdud pa'i rgyal po des don

  5. 133b

    gnyis bsdus shing 'du bar 'gyur ro//gnyis gang zhe na/tshe 'di'i dang /tshe phyi ma'i'o//rgyal po chen po de la rgyal po ni pha ma dang mtshungs so//blun po dang /bran mo dang /las byed pa dang /zho shas 'tsho ba dang /mdza' bshes dang /blon po dang /gnyen dang /grong khyer gyi skye bo ni rgyal po'i bu dang /bu mo dang mtshungs so//rgyal po chen po 'di lta ste/ dper na skyes pa 'am/bud med gcig gnyid kyis log pa'i rmi lam na kun dga' ra ba nyams dga' ba dang /ri nyams dga' ba dang /nags tshal nyams dga' ba dang /chu klung nyams dga' ba dang /rdzing bu nyams dga' ba dang /yul nyams dga' ba dang /khang bzang nyams dga' ba dag mthong ba las de sad na ci'ang mi mthong ngo //rgyal po chen po de bzhin du rgyal srid dang /srog dang /rgyal po'i rgyal srid kyi bde ba dang /rgyal po'i dbang phyug gi bde ba dang /'dod pa'i bde ba dang /'dod pa'i longs spyod kyi bde ba gang yin pa dag kyang rmi lam dang 'dra'o//'di lta ste/glang po che dang /rta dang /shing rta dang /dpung bu chung dang /bud med dang /khang khyim dang /chung ma dam pa dang /gzhon nu dang / blon po dang /rtsis pa dang /blon po chen po dang /sgo ba dang /'khor dang /pha dang /ma dang /spun dang /sring mo dang /chung ma dang /bu dang /bu mo dang /na tshod dang /bran

  6. 134a

    po dang /bran mo dang /las byed pa dang /zho shas 'tshe ba dang /mdza' ba shes dang /gnyen dang /grong khyer gyi skye bo dang /mgron bu dang /gser dang /nor bu dang /rin po che dang /mu tig dang /bai DUr+ya dang /dung dang /man shel dang /b+hu ru dang /sa le sbram dang /dngul dang /gos dang /rgyan dang /nor dang /'bru dang /bang ba dang /mdzod la sogs pa de dag thams cad bor nas 'gro dgos so//de dag thams cad kyang mi rtag pa/mi brtan pa yid brtan du mi rung ba/'gyur ba'i chos can/yun thung ba/mi gnas pa/g.yo ba/'gul ba/'jig pa/skad cig pa/mthar sdig pa/zad pa dang /dengs pa'i sgo/mthar 'jig pa'i chos can/mthar 'gyes pa/'jigs pa dang bcas pa/gnod pa dang bcas pa/mya ngan dang /'khrug pa mang ba/'drul pa/'brul ba/'chad pa/'bye ba/'jom pa/rnam par 'jig pa'i chos can te/rgyal po chen po de lta bas na mi rtag par lta zhing zad pa dang dengs pa'i sgo yin par blta bar bya ste/'chi bas 'jigs skrag par bya'o//rgyal po chen po khyod chos kho nas rgyal srid kyis shig/chos ma yin pas ni mi bya'o//khyod ches dang mthun par gyis shig chos ma yin pa dang /mthun par ni mi bya'o//

  7. 134b

    de ci'i phyir zhe na/rgyal po chen po 'di lta ste dper na shing rnams las me toka dag byung nas 'bras bu rnams byung bar 'gyur ro//'bras bu dag tu gyur nas 'bras bu dag kyang yal bar 'gyur ro//lo ma sngon por gyur pa las ser por 'gyur ro//ser por gyur nas yod thams cad du med par 'gyur ro//rgyal po chen po 'di lta ste dper na me'i phung po chen po 'bar ba/rab tu 'bar ba/kun tu rab tu mched cing 'bar ba/me lce gcig tu gyur pa ji ltar yun rang yang 'bar nas zhi bar 'gyur ro//nyi ma dang zla ba 'di ltar rdzu 'phrul tsheche ba/'di ltar mthu che ba/'di ltar dbang che bar grags pa/rang gi gzi brjid kyis rnam par mdzes pa 'di gnyis kyang 'jig rten 'od snang bar byas nas nub par 'gyur ro// lha'i bu sprin sdud dam/char 'bebs pa dag 'brug bsgrags/sgra phyung ste/nam mkha' khebs par byas nas char gyi rgyun phab kyang char pa tha mar mi snang bar 'gyur ro//rgyal po chen po de bzhin du rgyal srid kyi bde ba dang /rgyal po'i dbang phyug gi bde ba dang /'dod pa'i bde ba dang /'dod pa'i longs spyod kyi bde ba rnams kyang rmi lam dang 'dra'o//'di lta ste/glang po che dang /rta dang /shing rta dang /dpung bu chung dang /bud med dang /khang khyim dang /chung ma dam pa dang /gzhon nu dang /blon po dang /rtsis pa dang /blon

  8. 135a

    po chen po dang /skyo ba dang /'khor dang /pa dang /ma dang /spyan dang /sring mo dang /chung ma dang /bu po dang /bu mo dang /nachod dang /bran pong/ bran mo dang /las byed pa dang /zho shas 'tsho ba dang /mdza' bshes dang /blon po dang /gnyen dang /grong khyer gyi skye bo dang /mgron bu dang /gser dang /nor bu dang /rin po che dang /mu tig dang /bai DUr+ya dang /dung dang /man shel dang /byu ru dang /sa le sbram dang /dngul dang /gos dang /rgyan dang /nor dang /'bru dang /mdzod dang /bang ba la sogs pa de dag thams cad bor nas 'gro dgos so//de dag thams cad kyang mi rtag pa/mi brtan pa/yid brtan du mi rung ba/'gyur pa'i chos can/yun thung ba/mi gnas pa/g.yo ba/'gul ba/mthar 'jig pa/skad cig pa/mthar sdig pa zad pa dang dngas pa'i sgo//mthar 'gyes pa'i chos can/'jig pa dang bcas pa/gnod pa dang bcas pa/mya ngan dang /'khrug pa mang ba/'drul ba/'brul pa/'chad pa/'gyes pa/'jig pa'i chos can te/rgyal po chen po khyod kyis mi rtag par blta zhing zad pa dang /dengs pa'i sgor blta bar bya ste/'chi bas 'jigs skrag par bya'o//chos kyi rgyal srid gyis shig/chos ma yin

  9. 135b

    pas ni mi bya'o//khyod chos dang mthun par gyis shig/chos ma yin pa dang mthun par ni mi bya'o//de ci'i phyir zhe na/rgyal po chen po 'di lta ste dper na phyogs bzhinas chen po sra ba/brtan pa/snying po dang ldan pa/ma zhig pa/mags pa/'phan med pa/shin tu mkhregs pa/gcig tu stug pa/gzhi gnam la reg cing zlog ste/rtswa dang /shing dang /shing gel pa dang /yal ga dang /lo ma thams cad dang /sems can srog chags 'byung po thams cad phye mar 'thag cing 'ong ba de dag las ni mgyogs pas 'bros pa 'am/stobs kyis bzlog pa 'am/nor gyis bzlog pa'am/sngags dang /rdzas dang /sman rnams kyis bzlog par bya bar sla ba ma yin no// rgyal po chen po de bzhin du 'jigs pa chen po bzhi po 'di dag 'ong ste/de dag las mgyogs pas 'bros pa'am/stobs kyis bzlog pa 'am/nor gyis bzlog pa 'am/rdzas dang /sngags dang /sman rnams kyis bzlog par bya bar sla ba ma yin no//bzhi gang zhe na/rga ba dang /na ba dang /'chi ba dang /rgud pa'o//rgyal po chen po rga ba ni dar la bab pa 'jom zhing 'ong ba nad ni nad med pa 'joms zhing 'ong /rgud pa ni phun sum tshogs pa thams cad 'joms zhing 'ong /'chi ba ni srog 'jom zhing 'ong ste/

  10. 136a

    de dag las myimagyogs pas 'bros pa 'am/stobs kyis bzlog pa 'am/nor gyis bzlog pa 'am/rdzas dang /sngags dang /sman rnams kyis zhi dang / bya bar sgrub ma yin no//rgyal po chen po 'di lta ste/dper na ri dgas kyi rgyal po seng ge ri dgas kyi tshogs kyi nang du zhugs nas ri dgas bzung ste/ji ltar 'dod pa bzhin du bya ba byed do//ri dgas de ni stobs po che'i kha mi bzad pas bzung bas dbang med par 'gyur ro//rgyal po chen po de bzhin du 'chi bdag gis gsal shing gis zug ste/rgyags pa dang ni bral/mgon ni med/skyabs ni med/dpung gnyen ni med/ga shis ni 'jig/tshigs ni 'bye 'bral/sha dang /khrag ni skams/lus ni nad kyis gdungs/skom ni skom/bzhin ni 'gyur/rkang lag ni g.yo ba/las ni mi nus/mthu ni med/kha chu dang /snabs dang /gcin dang /ngan skyugs kyis lus la gos/mig dang /rna ba dang /sna dang //lce dang /lus dang /yid kyi dbang po dag ni 'gugs/skyigs bu ni 'byung /sgra ngar ngar po ni 'thon/smin pas ni bor/sman dang /kha zas dang /bza' ba dang /thug pa thams cad kyis ni gles la bor te/'gro ba gzhan dag tu 'gro bar mal gyi tha ma la ni nyal/thog ma med

  11. 136b

    pa'i skye ba dang /rga ba dang /na ba dang /'chi ba'i 'khor ba'i rgyun du ni nub/srog ni cung zad cig las gshin rje'i mis ni 'jigs skrag/byur gyi dbang du ni sIng /dbungs rgyu ba ni chad/kha dang sna ni gdangs/so ni gtsigs/sbyin pa sbyin no zhes de skad gsol ba ni 'debs/las kyi srid pa nas yang srid pa la ni 'jug/cig pu gnyis su myong / cing grogs ni med/'jig rten 'di ni 'dor/'jig rten pha rol tu ni 'gro/skyes chen po ni 'degs/mun pa chen por ni zhugs/g.yang sa chen por ni lhung /khrod stug por ni 'jug/dgon pa chen por ni 'gro/rgya mtsho chen pos ni khyer/las kyi rlung gis ni bangs/sa tshugs med pa'i phyogs su ni 'gro/g.yul ngo chen por ni 'jug gdon chen pos ni zin/nam mkha' la ni 'tshal/pha ma dang /phu nu dang /sring mo dang /bu dang bu mos ni bskor/dbugs ni 'chang /nor bgo bsha' bya zhes ni zer/kyi hud ma/kyi hud pa/kyi hud bu zhes ni zer/skra ni zhig ste/sbyin pa dang /dka' thub dang /chos 'ba' zhig grogs su gyur pa na/chos ma gtogs por skyabs gzhan med/mgon gzhan med/gnas gzhan med/dpung gnyen gzhon med do//rgyal po chen po de'i tshe de'i dus na chos ni gling dang /gnas dang /mgon dang /rton

  12. 137a

    par 'gyur ro//rgyal ba chen po 'di lta ste dper na byung bas nyen pa la mo dang /mus rab tu dadungs par gyur pa la mo bskyod pa dang /tshags nyen pa la bsil ba dang /'gron po ngal ba la ni grib ma dang /rlung bsil ba dang /skom pa la chu bsil ba dang /lam du zhugs pa la bzhon pa dang /nyal ba la mal 'jam po dang /skom pa la chu grang mo dang /shin tu bkres pa la zas bzang po dang /mya ngan gyis non pa la dbugs 'byin pa dang /gdungs pa lnga sim par byed pa dang /dgon par lam stor ba la lam mtshon pa dang /nad kyis btab pa la sman pa dang /sman dang /nad g.yog byed pa dang /chus khyer ba la gzings dang // 'dam du bying ba la 'jus dang /rgal dka' ba la zam pa dang /nyam nga ba la 'bab stegs dang /mun khung nu sgron me dang /rgya mtsho chen po la gru dang /lhags pas nyen po la rlung med pa'i gnas dang /yul gzhan du song ba la lam rgyags dang /dbul po lnga nor dang /byed par 'dod pa lnga grogs dang /gcad par 'dod pa la lag ca dang /gzhig par 'dod pa la rdo rje dang /gau yul ngor zhugs pa la go cha dang /'jigs pa la stobs dang ldan pa'i grogs dang /'thab pa la dpung

  13. 137b

    nyon dang /drog pa la go 'byed pa dang /mu go la nor dang ldan pa dang /mgon dang /skabs dang /gnas dang /rten tu gyur pa de bzhin du rgyal po chen po 'chi bdag gi gsal shing gis zug ste/rgyags pa dang ni bral/mgon ni med/skyabs ni med/dpung gnyen ni med/gshi sa ni 'jig/tshigs ni 'bye 'bral/sha dang khrag ni skam/lus ni nad kyis gdungs/skom ni skom/bzhin ni 'gyur/rkang lag ni g.yo ba/las ni mi nus/mthu ni med/kha chu dang /gtson dang /ngan skyugs kyis ni lus la gos/mig dang /rna ba dang /sna dang /lce dang /lus dang /yid kyi dbang po dag ni 'gags la/skyigs bu ni 'byung /sgra ngar ngar po ni 'thon/sman pas ni bor/spun dang /kha zas dang /bza' ba dang /zas dang /thug pa thams cad kyis ni gles la bor te/'gro ba gzhan du 'gro bar mal gyi tha ma la ni nyal/ thog ma med pa'i skye ba dang /rga ba dang /na ba dang /'chi ba'i 'khor ba'i brgyad du ni nub/srog ni cung zad cig lus/gshin rje'i mis ni 'jigs skrag/byur gyi dbang du ni song /dbugs rgyu ba ni 'chad/kha dang sna ni gdangs/so ni gtsogs/sbyin pa byin no zhes de skad gsol ba ni 'debs/las kyis sred pa nas yang

  14. 138a

    srid pa la ni 'jug/gcig gu gnyis su med cing grogs ni med/'jig rten 'di ni 'dor/'jig rten pha rol tu ni 'cha/skyes chen po ni 'degs// mun pa chen por ni zhugs/g.yang sa chen por ni lhung /khrod stug par ni 'jug/dgon pa chen po na 'gro/rgya mtsho chen pos ni khyer/las kyi rlung gis ni bdas sa tshugs med pa'i phyogs su 'gro ba na/chos ma gtogs par mgon gzhan med/skyabs gzhan med/dpung gnyen gzhan med do//rgyal po chen po chos ni de'i tshe de'i dus na gling chen po dang /gnas dang /mgon dang /skyabs dang /dpung gnyen dang /rton par 'gyur ro//rgyal po chen po de'i tshe 'di snyam du sems te/kye hud gang du 'gro bar 'gyur/phyogs gang du 'gro bar 'gyur/gang du yongs su 'dzin par byed par 'gyur/bdag gi mar ni su zhig 'gyur snyam pa las/des sems can dmyal bar skye bar mthong bar gyur na/'di lta ste/mnar med pa dang /tsha ba dang /rab tu tsha ba la sogs pa'i sems can dmyal ba rnams su lo mang po/lo brgya phrag mang po/lo stong phrag mang por sdug bsngal chen po/sdug bsngal mi bzad pa/drag po/rtsub pa/yid du mi 'ong ba'i tshor ba myong ste/ji srid du sems can

  15. 138b

    dmyal ba myong bar 'gyur ba'i sdig pa mi dge ba'i las yod thams cad du zad cing byang bar ma gyur pa/de srid du 'tsho ba'i dus byed par mi 'gyur ro//de dud 'gro'i skyo gnas sgra skye bar mthong bar gyur na/'di lta ste/rgya mtsho chen po'i rlung du rlon dang /1rlon ming la sogs pa srog chags gcigagis gcig gsong pa dang /rdzeb dpe bang med par skye bdag yi dgus kyi nang du skye bar mi 'gyur ram snyasnyan 'di lta ste/lo myang po dang /lo brgya phrag mang po dang /lo stong phrag mang por chu'i sgra 'ang myi thos na mthong ba lta sa par 'gyur ro//rgyal ba chen po de lta bas na khyod kyis mi rtag par blta zhing zad pa dang dengs par blta bar bya skye 'chi bas 'jigs skrag par bya'o//chos kyis rgyal srid kyis shig/chos ma yin pas ni mi bya'o//khyod chos dang mthun par gyis shig/chos ma yin pa dang mthun par ni mi bya'o//de ci'i phyir zhe na/rgyal po chen po khyod kyi lus 'dridi 'di ltar legs par yongs su bsrungs/legs par yongs su bcas pa'ang 'chi ba'i dus byed par 'gyur ro//yon tan thams cad dang ldan zhing shin tu yun ring por bza' ba dang /bca' ba dang /myang ba dang /ngoms par 'gyur ba/bsod pa gtsang mo mang pos tshim par byas te bskyed bskyed pa'ang the ma'i mal na 'dug

  16. 139a

    pa'i tshe sman pas bor zhing /sman dang /kha zas dang /bza' ba dang /thub pas kyang gres lnga bar nas/dkris pa dang /skom pas nyon cing yid/ mi bde bar 'chi ba'i dus byed par 'gyur ro//rgyal po chen po 'di ltar khyod kyis lus bkrus shing bskus te/bdug pas bsgos/me tog gi dri zhim po bsgos kyang gdon mi za bar dus su rang bzhin gyis lhan cig skyes pa'i dri nga ba 'byung bar 'gyur ro//rgyal po chen po 'di ltar yul ka shi ka'i ras dang /mon dar dang /du gu la'i ras dang /drar dang /'dab ma dang /bal gos dang /so ras la sogs po'i gos kyi bye brag gis g.yogs kyang tha ma'i mal na 'dug pa'i tshe bsdum rnam pa mang po dang /chus reg cing gos dri ma can gyon cing 'chi ba'i dus byed par 'gyur ro//rgyal po chen po de ltar khyod khyim na bud med kyi nang na 'dug btsun mo'i 'khor gyi nang na 'dug ste/bud med kyi tshogs kyis bskor cing /ga rI dang /glu dang /rol mo'i sil snyan byed/phrig rdob pa dang /pi wang dang /gling bu len/rnga brdung zhing yid bde bar rtse dga' ste/dga' mgur spyod pa'ang 'chi bas 'jigs skrag nas shin tu yid mi bde zhing 'chi ba'i dus byed par 'gyur ro//rgyal po chen po de ltar

  17. 139b

    khyod khyim gyi nang nu spos dri zhim 'i bsgrubs ni bslus/gtan pa ni bcug/skur khung ni legs par bcad/byug pa mang pos ni byugs/'bru mar drinam po dang sngon po'i ma me ni 'bar/dar gyi lnga ldi mang sto na b+his/me tog dri nim po'i sil ma mang bas ni tshal bAr bkang /pog por nas ni 'dregs/khri'i rtsab giser dang / dngul dang /bai DUr+ya las ni byas/pat+taM kA dang /dri tu rngog gi spyan dang /stan nang tshangs can dang /zla 'ug gi stan dang /yul ka ling+ga pa'i stan dang /steng du gding ba dang /de'i stesnying du gding bas ni bkab/g.yas g.yon du dar dmar po'i sgras ni bzhag pa'i khri la nyal ba'ang bya rog dang /bye rgod dang /wa dang /ro dang /sha dang /rus pa dang /skra da /khrag dang /zhag dang /rgyu ser dang /rnag gi gnas mchog tu 'jigs su rung ba'i dur sa chen por bor nas/lus g.yo ba med cings la nyal du gdan mi za'o// rgyal po chen po 'di ltar yang khyed glang po che'i bya la kha'am/rta'i rgyab bam/shing rta la zhon te/drung dang /rnga dang /rdu rnga dang /'khar rnga dang /ril mo sil snyan bye brag len pa dang /gdugs dang /rgyal mtshon dang /ba dan dang /rnam par rgyal ba'i ba dan ni bsgreng /bsil yab nor bu'i yu ba can dang /rnga yab dang /

  18. 140a

    d+ha la las byas ngan na nga /glang po rgya dang /rta ba dang /dadung bachung ngun na b+h+yo bzhin 'brang /rdul bu dang /bram thos 'gru pa dag blon po dang /mdun na 'don dang /skye bo thal mo sbyar ba brgya stong du mas ni phyag bya zhing rgyal bar sbyin cig/rgyal bar spyon cig ces snyan par brjod de phyir 'byung myang 'ang ring po ma thogs par g.yo ba med cing mal du shi nas mau bzhis bteg ste/pra dang /ma dang /phu nu dang /sbring mo dang /chung mI dang /bu pheM dang /bu ma dang / bran po dang /blun mo dang /las byed pa dang /zhi shas 'tsho ba dang /tshal za dang /blon po dang /grong khyer ba'i skye bo dag mya ngan gyi dbang du song ste/lag pa btegs nas brang brdung zhing mchog tu snying rje bar gyi hung bu/kyi hud mgon po/kyi hud pa/kyi hud jo bo zhes ngu zhing zhabs 'bring ba dang /grong khyer ba'i skye bo dag gis 'jigs pa dang bcas par mthong ste/grong khyer gyi lho phyogs kyis sgor phyung nas sa'i 'og tu bcug gam/'brog dgon par sa'i 'og tu bcug kyang rung /bya rog dang /bya rgod dang /wa la sogs pas zos shing rus pa de dag mas bsregs sam/chur sbyar ram/sa'i 'og tu bcug kyang rlung dang /nyi ma dang /char pas phye mor byas te/phyogs

  19. 140b

    phyogs su 'thor zhing /de nyid du rul bar 'gyur ro//rgyal po chen po de ltar sems can thams cad kyi lus kyang 'di bzhin du 'gyur ro//rgyal po chen po 'du byed thams cocad ni de ltar mi rtag pa/de ltar mi brtan pa/de ltar yid brtan du mi rung ba/de ltar 'gyur ba'i chos can te/yun thung ba/mi gnas pa/g.yo ba/'gul ba/skad cig pa/mthar sdig pa zad pa dang /dengs pa'i sgo/mthar 'gyes pa/'jigs pa dang bcas pa/gnod pa dang bcas pa/mya ngan dang 'khrug pa mang ba/'drul pa/'brul ba/'chad pa 'bye ba 'thor ba/rnam par 'jig pa'i chos can no//rgyal po chen po de lta bas na mi rtag par blta zhing zad pa dang /dengs pa'i sgor blta bar bya ste/'dod chags kyis ma tshogs pa dang /zhe sdang gis mi sdang ba dang /gti mug gis ma rmongs pa dang /rgyal srid kyi dbang phyug gi bde ba la ma chags pa dang /'dod pa'i bde ba dang /'dod pa'i longs spyod kyi bde ba la ma chags pa dang /mi rtag par lta ba dang /bag yod pa dang /mA chags pa dang /mi brkam pa dang /ma zhen pa dang /ma myos pa dang /srog snyems pa med par 'chi bas 'jigs skrag par bya'o//chos kho nas rgyal srid gyis shig/chos ma yin pas ni mi bya'o//khyod chos dang mthun

  20. 141a

    par gyis shig/chos ma yin pa dang mthun par ni mi bya'o//de ci'i phyir zhe na/rgyal po chen po 'dod pa'i rnyed pa dang /rab tu rnyed pa dang /sogs pa dang /kun tu sogs pa dang /sten pas 'dod pa dag gis ngoms par nga mi smra ste/gang dag 'phags pa'i shes rab kyis ngoms par 'gyur ba de dag ni ngoms so//rgyal po chen po 'di lta ste/ma rig pa'i rkyen gyis 'du byed rnams/'du byed kyi rkyen gyis rnam par shes pa/rnam par shes pa'i rkyen gyis ming dang gzugs ming dang gzugs kyi rkyen gyis skye mched drug/skye mched drug gi rkyen gyis reg pa/reg pa'i rkyen gyis tshor ba/tshor ba'i rkyen gyis sred pa/sred pa'i rkyen gyis len pa len pa'i rkyen gyis srid pa/srid pa'i rkyen gyis skyo ba/skye ba'i rkyen gyis rga shi dang /mya ngan dang /smre sngags 'don pa dang /sdug bsngal ba dang /yid mi bde ba dang / 'khrug pa rnams 'byung bar 'gyur te/de ltar sdug bsngal gyis phung po chen po 'ba' zhig pa 'di'ang 'byung bar 'gyur ro//de la ma rig pa 'gags pas 'du byed 'gag/'du byed 'gags pas rnam par shes pa 'gag/rnam par shes pa 'gags pas ming dang gzugs 'gag/ming dang gzugs 'gags pas skye mchod

  21. 141b

    !/'gag/skye mched drug 'gags pasna rag pa 'gag/rig pa 'gags pas tshor ba 'gag/tshor ba 'gags pas spyod pa 'gag/sred pa 'gags pas len pa 'ag/ ldan pa 'gags pas skrod pa 'gag/srid pa 'gags pas skye ba 'gag/skye ba 'gags pas rga shi dang mya ngan dang /smre sngags 'don pa dang /smug bskul ba dang /ying/ mi bde ba dang /'khrug pa rnams 'gag par 'gyur te/de ltar sdug bsngal gyi phung po chen po 'ba' zhig po 'di'ang 'gag par 'gyur ro//rgyal po chen po de lta bas na 'dod chags kyis ma chags pa dang /zhe sdang gis mi sdang ba dang /gti mug gis mi rmongs pa dang /rgyal srid kyi dbang phyug dang /dbang gi dregs pa med par chos kho nas rgyal srid gyis shig/chos ma yin pas ni mi bya'o//khyod chos dang mthun par gyis shig/chos ma yin pa dang mthun par ni mi bya'o//de ci'i phyir zhe na/rgyal po chen po 'dod pa rnams kyi rnyed pa dang /rab tu rnyed pa dang /ngoms par mi 'gyur ba'i bar du smra ste/rab tu ngoms par mi 'gyur ro zhes nga smra'o//gang dag 'phags pa'i shes rab kyis ngoms par gyur pa de dag ni ngoms so//de nas bcom ldan 'das kyis de'i tshe tshigs su bcad pa 'di dag bka' stsal to//mi nyid 'di ni 'gro bar

  22. 142a

    'gyur//'chi bdag rab tu mi bzang 'ong //khyod kyi tshe 'dri mi bstan gyis//rgyal po bag mod ma byed cig/nor nA gtang gi lus ni bsrung bar bya// yan lag gtang gi srog ni bsrung bar bya//nor dang yan lag rnams dang de bzhin srog/thams cad gtang gi 'dir ni chos bsrung ngo //chos spyod pa ni chos la srung bar byed//dper na dbyar dus gdugs chen bsrung ba bzhin//chos spyod pa yi phan yon 'di yin te//chos spyod pa ni ngan 'gror mi 'gro'o//chos ma yin pa spyod cing bag med pa//'di nas shi 'phos ngan 'gro mi bzad 'gro//gang du gnas na 'chi bas mi tshugs pa//sa phyogaso de ni yod pa ma yin te//bar snang ma yin rgya mtsho'i nang ma yin//ri yi phug tu zhugs kyang mi phan no//'chi bas 'jigs pa chen po de dag ni//phung po 'jig cing srog 'gag shes gyis la//'chi med thob par khyod ni mos par gyis//mya ngan 'das thob phyin chad 'chi mi 'gyur//bcom ldan 'das kyis de skad ces bka' stsal nas/yul ko sa la'i rgyal po gsal rgyal dang /srog chags brgyad khri bzhi stong po de dag dang /lha dang /mi dang /lha ma yin dang /nam mkha' lding dang /dri zar bcas pa'i 'jig rten yi rangs te/bcom ldan 'das kyis

  23. 142b

    gsungs pa la mngon par bstod do//'phags pa rgyal po la gdams pa zhes bya ba theg pa chen po'i mdo rdzogs so////rgya gar skad du/Ar+ya ma hA b+he rI ha ra ka pa ri brta nA ma hA yA na sU tra/bod skad du/'phags pa rnga bo che chen po'i le'u zhes bya ba theg pa chen po'i mdo//bam po dang po//sangs rgyas dang byang chub sems dpa' thams cad la phyag 'tshal lo//'di skad bdag gis thos pa dus gcig na/bcom ldan 'das rgyal bu rgyal byed kyi tshal mgon med zas sbyin gyi kun dga' rab na dge slong gi dge 'dun chen po stong nyis brgya lnga bcu dang thabs cig tu bzhugs te/byang chub sems dpa' brgya stong mang po dag dang thabs cig go/lha dang /klu dang gnod sbyin dang /dri za mang po dang yang thabs cig go/dge bsnyen dang /dge bsnyen ma brgya stong mang po dang yang thabs cig go/mi mjed kyi bdag po tshangs pa dang / lha rnams kyi dbang po brgya byin dang /'jig rten skyong ba bzhi dag dang thabs cig go/'di lta ste/phyogs bcu'i 'jig rten gyi khams nas 'dus pa'i dge slong dang /dge slong ma dang /dge bsnyen dang /dge bsnyen ma byang chub sems dpa' du ma dang yang thabs cig go/de nas de bzhin gshegs pa chos ston pa ni 'di lta ste/'khor

Colophon

'phags pa rgyal po la gdams pa zhes bya ba theg pa chen po'i mdo rdzogs so//