MW21521_369C0Fམན་ངག་ཨ་ཏི་ཡོ་གའི་ཆོས་སྐོར།All versions of this work

chos thams cad sems nyid ye shes kyi rgyal po dngos grub rang byung du spyod par dbang bskur ba

Text

ff. 309a–339a · 61 folio sides

  1. 309a

    la rjes yi rang // nam mkha' lta bu'i chos nyid kyis// kun la khyab par 'gro don mdzad// dgongs pa dbyings las mi skyod pa// g.yo 'gul med la phyag 'tshal bstod// rang byung yeng shes nyi ma yis// ma rig mun pa sel mdzad cing // ye shes skar khung 'byed mdzad cing // gsal ba'i sgron ma rjes yi rang // chos dang chos min dbyer med par// mnyam pa nyid du ston mdzad cing // kun la nye ring med pa yi// 'gro don mdzad la phyag 'tshal bstod// lam dang 'jug sgo bas ma yas kyang // nges par gcig tu ston mdzad pa'i// ston pa mchog la rjes yi rang // mnyam nyid gter la phyag 'tshal bstod// ces gsungs so/ klong chen rab 'byams rgyal po'i rgyud las/ 'khor rnams ston pa la rjes su yi rang ba'i le'u ste zhe brgyad pa'o// // dus gsum gyi sangs rgyas thams cad kyi yab/ rnal 'byor pa rnams kyi yum/ 'khor 'das dbyer mi phyed pa'i srog/ mi nub pa'i rgyal mtshan/ gsal ba'i sgron ma/ klong gsal ye shes kyi mar me lta bu/ klong chen rab 'byams rgyal po'i rgyud ces bya ba rdzogs so// / rgya gar skad du/ sarba d+harma tsit+ta dz+nyA na rA/

  2. 309b

    dzasi ti b+ha k+Sha tsa ra a b+hi ShIny+tsa a/ bod skad du/ chos thams cad sems nyid ye shes kyi rgyal po dngos grub rang byung du spyod par dbang bskur ba/ rig pa'i rgyal po kun gsal ba'i// dran pa thams cad ting 'dzin mchog/ bya byed ye shes skur gsal ba'i// ma lus 'gro don rdo rjer sgrub// 'dod pa'i nor bu gtsug gi rgyan// rig pa'i gter chen mu khe'i gtong // tshad las 'das pa'i sku gsung thugs// thabs kyi rgyal por dbang bskur ba// bstan pa bcud du rdzogs byed pa'i// rdo rje sems dpa' yid kyi bdag/ 'gro ba thugs su smin byed de// tha ma'i snyigs ma la dgongs pa// gsang ba'i rdo rje 'chang la mos// bstan pa gsum gnyis mtha' can gyis// dus su rgya drag mos chung bas// tshig gcig don kun rdzogs pa'i bdag/ mung gsum gcig tu brgyud pa'i bdag/ dgu ru ma sbas pa'i sems kyi gter// long ba u lu pra sha kas/ 'jug cing spyad pa'i nyams med pas// smon lam rjes chags rnal 'byor la// tshig bral rkyen gyis mi rtogs kyang // 'phrul gyi me long sgo dgu bzhin// rtog med mthong ba'i lam dang sprad// sgom med don gyi gzer chen gdab// 'gro med rtog pa'i 'jim las bsgral// tshig gi lam chad ye shes sgron ma 'di// ma hA de ba rigs su bstan pa

  3. 310a

    bzhin/ rdo rje tshig lam sems kyi lde mig ste// 'phrul mig brgyud pa'i zam pa ma chad par// dbang po lha yi drin gyis sum cu rtsa gsum gnas// de ru mthong nas 'dzam gling 'jing du babs// lag na rdo rjes mngon du dbang bskur te// dus mtha' nyid kyi rgyal ba'i sa la bkod// 'phrul dmig brgyud pa'i zam pa yin// rang byung lhun rdzogs bde chen las// 'dod pa'i don kun re ba med// thams cad rang sems dag pa la// gnas kyi dkyil 'khor bskyed pa med// rang byung ye shes 'od gsal la// rtsol ba'i lta ba rtog las 'das// thams cad gcig pa'i phyag rgyar gsal// bsam brjod bral ba'i ting 'dzin mchog/ mi 'gyur mchog gi dngos grub ste/ 'jig rten 'das dang 'jig rten pa'i// chos rnams ma lus thams cad kun// rdzogs te rang bzhin lhun gyis grub// thams cad bdag nyid rang dbang bas// bskur ba'i cha gnyis mi rtog kyang // gdon dgrol ba yi man ngag sbyin// re dogs med pa'i sems la bstan// 'byung 'jug med pa'i dbyings la thim// dran pa rkyen gyi man ngag sbyin// dran rtog rlung gi g.yo bas sprad// g.yo 'dzin rlung gi man ngag sbyin// rtog pa'i rlung gi dran bskyed cing // mtshan mo'i spros pas 'chel ba la//

  4. 310b

    bde ba'i thig me'i man ngag sbyin// sems kyi rnam grangs gang dang gang // de dang de yi rjes 'thun par// rdo rje zam par ma chad pa'i// bla ma rin chen srog 'gyur te// de de'i sgo nas gter kha dbye// de nyid sgo kun phye ba yin// dbyig gi rdzas dang phrad pa yin// dper na lha yi nor bu la// maN+Dal brtsegs pa'i sgo bzhi yod// gang phye de nyid thob par 'gyur// 'di ni thabs rgyal rin chen te// rtsol dang bral ba'i dngos grub yin// rgyu 'bras med pa'i mthar phyin yin// sngags tshig bral ba'i nus mthu yin// tha snyad bral ba'i don mtshon yin// las bzhi bral ba'i don grub yin// 'chang bral ston pas lta ba yin// 'da' ba med pas dam tshig yin// rtog 'dzin spangs pa'i sangs rgyas yin// thams cad rol pas 'khor ba'ang yin// theg pa'i rim pa ma lus dang // rgyas pa'i thugs bcud dngos gang yin// thams cad gcig dngos kun gyi bdag/ 'di ni rgyal ba thams cad kyi// thugs kyi brnag pa dam pa'i thabs// gcig tu 'dus pa'i bde chen yin// 'di la ngos gzung gang yang med// ting 'dzin sems kyi rim btsal med// lus dang ngag gi bya ba tsal med// gang la dmigs dang rnam gral med// gzhan du snang yang gnyis

  5. 311a

    snang bral// skye 'jig byung yang 'gag bral med// gnas dang ldan yang brten pa med// yul du snang yang 'gag pa med// longs spyod ldan yang chags med cing // bral bas bde ba mchog dang ldan// 'di ni rdo rje'i lam mchog ste// skal ldan 'bad pa med par grol// rgyal thabs sems kyi rin tshon dbang // / spyi blugs tshangs pa'i dbang zhes bya// sems nyid rin chen dbang gcig gis// bskur med rdzogs par sbyin byas pas// bde ba phrag brgya'i dbang thob ste// zhing khams gnyis la bde longs spyod// brkam chags lnga yi sbyor ba yis// 'dod la mos pa'i dngos grub stsol// spong len bcas pa'i ting 'dzin gyis// re dogs 'bras bu dngos dang bcas// thob pa rang las ma yin na// grol ba rang byung gzhan las min// 'dod la mos pa'i rgyu rkyen can// bka' rtags tshig gi dbang bsku nas/ nga rgyal 'dzin pa'i dbang thob ste// dgra bcom sa la 'jug par nus// 'dzin sdug bral ba'i ye shes la// bden bzhi gsal ba'i dbang sbyin bzhin// rten / pa las kyi rlung gzung ste// chu gzar 'bab pa'i thigs pa 'am// rlung gis bskyod pa'i smig rgyu 'am// rgya mtsho'i chu la chu yi chas// bskus shing til mar sbyang ba la/

  6. 311b

    lnga drug nyis 'gyur sum 'gyur gyis// bden pa gtan la phebs 'gyur te// bden pa bzhi la rim gyis sbyar// yun dang bcas pa'ang de bzhin bya// sdug bsngal na ba'i rgyun la bya// yid brtan zin pa'ang bzlog pa min// stong pa dngos po de nyid yin// bdag med dbyings dang bral bas so// rim gyis kha zas bral byas te// zla ba sum 'gyur tshun chad do// zag pa zad nas sbugs kyis dgang // dbugs dang lte ba sems su bcas// lo gcig bar gyis 'dres par dag nga // dbugs kyi rgyu// bde nas zad// sems kyi 'dzin pa'ang de nas nyams// dus dang 'brel nas rkyen dbang bskur// byang chub sems dpa' blo ldan gyis// 'dul ba'i sdom pa dam nas te/ bden gnyis rtogs pas lam bstan te// sems can rgyud kyi mtshan rtogs nas// zhi gnas 'bral ba'i gnas drug sbyar// lhag mthong 'phel ba'i skabs gsum dgod// zhi gnas brtan pa'i gnas rnyed nas// ting 'dzin rnam gnyis zung du 'brel// ltos pa nam mkha'i de nyid bya// zla ba gcig ni brten gyur nas// de nyid stong par bstan par bya// de nyid rtogs pa'i klong chen la// phal cher dbugs chen 'byin pa yin// bskal pa du ma'ang gnas pa srid// smon lam stobs drag myur

  7. 312a

    du 'grub// sku byin ldan pa'i phyag brkyangs nas// zhi gnas brtan pa'i dbyings nas blang // mtshan ma thabs kyis bstan byas te// mtshon pa sku yi rgyan ldan byas// bde gshegs sku yi zhing khams kun tu bsgrags// rdo rje bum pa na bza' dang // rang rtags phyag rgya'i dbang bskur te// rig pa mchog gi dbang rnams bskur// 'dod la mos po'i tshig yin pas// nga rgyal mtshan ma'i bde ba 'thob// rgyal po phyi yi bka' rtags can// lha dang yi ge mngon 'dod pa'i// stong nyid rnal 'byor mtshan ma can// dngos po gnyis pa'i lta bas bcings// bde ba chen po'i srog dang bral// bka' rtags dgu dang bco lnga yis// lus sems rtogs pa'i nga rgyal bskyed// ting 'dzin sems kyi ston pa 'dis// dngos po'i sman dang sngags sbyar gyis// 'jig rten gsum gyi bya ba bstan// don dang spyod pa mi mthun yang // / blo yi rim pas drang ba dang // thabs kyi bdag por dbang bskur bas// gtsang ma'i lag na rdo rje dang // dpal 'byung lag na rdo rje dang // dpa' brtul stobs kyi rdo rjer sprul/ rigs gsum rigs bzhi rigs lnga dang // de bzhin rigs gcig rigs stong dang // 'dod pa'i lha rung sprul te// blo dang 'thun pa'i bstan pa byin// kha blon chen po'i

  8. 312b

    bsgyur tshig dang // wA ra NA si'i chos ma bzhin// snyigs ma'i zhing 'dul de bzhin no// 'di ni brgyud pa'i sbyor ba ste// dngos 'dzin rtog pa spang bar bya// wA rA NA si'i bsil khang du// gtsang ma'i lag na rdo rje yis// lag mthil gtsang ma'i dris byugs te// rigs gsum stobs kyi dkyil 'khor bris// dam pa gsum las nges par bstan// 'phrul gyi me long dgu bkram ste// dmigs pas dngos po'i rtog pa sbyangs// lha yi mngon rtags lag tu gtad// gtsang ma'i sa la nges bkod de// de yang bcos ma'i sbyor ba yis// rin chen lhun grub brtsegs pa'i khang // ri bo 'bar ba'i rtse mo la// dpal 'byung lag na rdo rje yis// rdo rje dbyings kyi dkyil 'khor 'bar// rang bzhin dkyil 'khor mngon du phyung // dam pa lnga la mngon du bstan// lha brag rdo rje rdzong phug tu// gtsang ma'i rigs 'dzin gral du bkod// de yang bcos ma'i dkyil 'khor yin// ting 'dzin smon pa'i sbyor ba ste// dbang rtags sbyor bas nga rgyal sbyin// mnyam nyid lta ba'i tshig 'dzin cing // spyod pa mnyam pa'i tshig las 'das// dam tshig ldan pa'i lam gzhi can// ltas dang rgod dang 'khyud pa yis// sbyor ba'i dam tshig bstan pa yin// zhing bcas bsgral ba'i gnas rnams ni// lha ru bsgyur dang

  9. 313a

    gtso bos bsgram// bdag gi ting 'dzin sbyor ba yis// bsgral bas spyod pa'i dam par 'dod// phyi ba'i rnal 'byor ting 'dzin rnams// rim pa ji bzhin mngon 'dod de// lha la sogs pa'i yan lag rnams// ting 'dzin sems kyi smon pa ste// bcos ma'i dkyil 'khor la rten nas// phyi rtags yid smon dbang bskur kyang // rang bzhin lam dang phrad mi 'gyur// bcos ma'i sbyor ba'i yan lag go// rnal 'byor nang gi brtags btab pa// brtul zhugs pa ni gtsor blangs nas// gnyen po'i sbyor ba gtsor bzhag nas// blang dor 'dzin pa'i sems kyis su// mnyam nyid rdo rje tshig la gnas// lag na rdo rje'i brtul zhugs kyis// rdo rje sems dpa'i ting 'dzin gnas// blo dang 'thun pa'i don bsgrags te// sum cu rtsa gsum lha yi gnas// chos bzangs lha yi pho brang du// mchod sdong gtsug gi me tog dang // rdo rje gsang ba'i me tog dang // lha mo brgyad kyi me tog gis// rdo rje 'dzin la mngon gtor to// dgyes pas phog ste 'dzum pa yi// mdangs kyis bltas te dkyil 'khor nas// snod dang 'tshams par rim par sbyar// dad dang ldan pa'i mos pa can// smon pa'i sbyor bas nges 'phangs pa// de ba ma hA shri can rnams// brgya byin 'khor gyi bu za'o// lha lnga rigs

  10. 313b

    mnyam sbyar bas// gzugs brnyan dkyil 'khor mngon dga' ba'i// ye shes gzugs brnyan mngon shar bas// bum pa'i dbang sbyin sras su byas// mi ldog sa la de nas bkod// de nas 'khor gyi gtso bo yis// gnang ba zhus te bka' bzhin bsgrubs// grol ba'i ting 'dzin sbyor ba bskyed// ldang ba'i sems kyis nges bskyed nas// gsang ba'i ye shes gus bstod zhus// de nas dbang po'i khri la 'dzegs// tshul dang 'thun pa'i mos pas bskyed// gsang ba'i me tog 'thor 'thung mchod// gsang ba'i gzugs brnyan der bzhag ste// gsang ba nang gi rigs 'dzin du// nges par lung bstan ming phog ste// bdud rtsi spyod pa thams cad byas// mdog 'gyur nus pa'i stobs bskyed nas/ rdo rje khro chen thog tu bskyon// lha mo 'bar ba'i mkhar la bzhag/ rol pa rtse dgu'i spyod pa mdzad// kha na ma tho'i las rnams las// bde ba myu gu'i rigs 'dzin te// don dam bden pa rtogs pa yin// stong nyid bde ba'i man ngag sbyin// rol pa'i ka ra bcu gnyis bstan// bsgyur ba'i man ngag bcu gsum bstan// bkug dang mnye dang bsdam pa dang // gzung dang sprad dang bcing ba dang // phrad dang gar gyi phyag rgya gsum// gnyis bzhi ldan pa'i thabs chen gyis// dam pa'i

  11. 314a

    bde ba mngon du bstan// stong pa'i de nyid tshul la gnas// sngags kyi spyod pas byin gyis brlabs// tshe yi rigs 'dzin dbang thob ste// 'chi ba med pa'i tshe dang sbyar// sras kyi thu bo nyer bzhag lnga// bum pa'i kha dog dbyibs brgyad 'bar// sum cu rtsa gsum gnas chen po// sprul pa'i brgya byin gnas bsgyur te/ brgya byin bu mo grags chen mo// lha rgyal kun gyi gzungs chen te// bde ba mtshon nas nye bar bzhag/ gzugs brnyan gsang ba'i dkyil 'khor te// chags pa bde ba'i sa bon zhing // 'dod pa'i yul du gdab par bya// gnyis med ye shes klong du 'tshar// 'dod chags sreg pa'i me bzhin te// rdo rje rlung gis snying po bskul// dbyings phyug 'khor lo me yis bsro// thig le rdzogs pa'i phyed nas bskul// rtsa mdud dang sa ma rgyas gyur na// ji ltar 'dod pa'i bde ba 'byung // ye shes 'dres pa'i thig le can// dbugs rngubs bsdu ba'i man ngag sbyin// rdo rje 'dzin pa'i rigs 'dzin yin// ting 'dzin 'bar ba'i dkyil 'khor du// sems dpa'i bstan pa'i lung phog ste// gnas med dkyil 'khor dam par gzhug/ de nyid dkyil 'khor der zhugs nas// rang bzhin dkyil 'khor mngon gsal du// don grub las kyi dbang bskur te// rgyal tshab

  12. 314b

    skyes bu'i sar bzhag nas// 'bum phrag gsum gyis bstan pa bsgrags// chos kyi 'khor lo gsum gsungs te// bcos ma'i sbyor ba 'di yis ni// rnal 'byor ma yi dngos grub rnyed ma yin// brtul zhugs spong byed pa yi dbang // 'di yis de nyid mi 'thob ste// dper na spre'u dang rgyal po bzhin// sbyor ba gzhan gyis mngon mi 'grub// 'di dag bcos ma'i sbyor ba ste// smin kyang 'bras bur mi 'grub ste// bim par yi 'bras bu bzhin// ba ra na so'i klong phug tu// sha ri'i bu yi ston pa yis// ba ta'i bu gsum dbang bskur to// tshe stong dgra bcom zag pa zad// tshe smad ngan song gsum du brgyud// bya rgod phung po'i 'gram logs su// dgon phug bye ba 'dab sna ru// dngos por lta ba'i rigs can te// bram ze rigs la rgan mo'i bu// dge slong ba sa ri zhes bya ba// nga ni sdug bsngal zag pa zad// rgyal tshab skyes bu'i sa 'dzin zer// dgra bcom lnga brgya stong gcig 'dus// skyes bu chen por dbang bskur bar// 'khor ba'i gnas rab dgu ru brgyud// rten pa'i tshig gi dbang 'di ni// 'dod la smos pa'i brkam chags can/ tang rgyal mtshan ma'i bde thob pa// gang gis rgya mtsho'i do klong la// ded dpon blon gyi bu thu bo// bram ze nor gyi rgyal mtshan 'dzin// phyi yi rdo rje'i rtags 'dzin

  13. 315a

    pa/ bka' rtags tshig gi dbang bskur te// bden pa'i tshig gis nus pa bzhag/ 'khor ba'i rgya mtsho rgal ma nus// bskur bas thob pa'i dbang rnams ni// zag bcas nus mthu 'khor ba'i chos// shar phyogs in 'dra'i lung ba na// rgya lung rdo rje brtsegs pa ru// rin chen in+d+ra bo d+hi dang // sa ga'i rgyal po pra/ thu bo/ ta klu yi bu mo rgya mtsho dang // sing nga'i u pa ra tsa dang // lha yi bu ni dge ba can// dri ma med pa'i 'od la sogs// tshom bu lnga bcu stong dang bcas// phyag na rdo// rje mngon bsgrubs te// spong len brtul zhugs spyod pa'i dbang // dge bar bskul bas sdig pa med// snang ba grub cing lung la rten// de yang spyod log dngos log ste// mtshan ma g.yon gyi lam la zhugs// chags pa g.yon gyis lam gyi khrid// bde chen lam dang de bral lo// rgya phugs 'khor lo brtsegs pa'i khong // na ko sha gling phug dang ni// gser gyi brag phug yu ba can// de yi nang na rdo rje gad na btings te// rin chen 'bar ba gsal byed kyis// phyogs mtshams rgyas pa'i gur phub la// yi ge med pa'i 'bru gsum bstims// rna ba rgyud lung gi gter chen 'gro la// phyogs mtshams gcod pa'i 'khor lo bcas// rin chen 'phrul gyi me long bstan//

  14. 315b

    rgyu ba med pa'i rig pa bskyed// rang bzhin gsal ba'i 'od la bzhugs// longs spyod rdzogs pa'i rgyan dang ldan// spyi blugs tshangs pa'i dbang bskur te// bde chenas la bkod pa'o// btsos ma'i sbyor ba la rten nas// rnal ma'i sbyor ba rtogs par bya// 'dra 'bag lha yi lus bzhin du// rtags kyis de nyid don mtshon bya// bcos ma'i dbang bskur brtags kyi brdas// mtshon rtags yang ni spang bar bya// rnal ma'i dbang bskur chen po 'di// bral ba'i rnal 'byor gang dag ni// de dag mig dang bral ba yin/ ta 'di nyams rnal 'byor lam 'tshol ba// rgya mtsho 'jing la stegs bcas nas// nam mkha'i dngos po snyom pa 'dra// bde ba chen po'i man ngag 'di// dmus long mdun na gzugs snang bzhin// skal ngan las kyi sgrib pa la// lus srog bral yang khar dbyung min// blo ngan dad pa chung ba dang // ngang gis blo 'phang dma' ba dang // thos pa chung ba'i blo sbram dang // theg pa dman la zhugs pa dang // rang rkyen ngang pas dregs pa dang // ngar 'dzin grags pa gtsor 'chel dang // 'jig rten bya ba'i rgyur sgrub dang // thabs kyi bcud chen 'dzag pa dang // brkam chags ngan pas zin pa dang // snod kyi dri ma ma dag pas// bsgrub bya dam par mi sems dang // bla ma

  15. 316a

    srog tu mi 'dzin dang // tha ma'i spyod pas nyams pa rnams// grib bzhin 'khor yang spang bar bya// lus srog bral yang las kyis bral// mtshon chen gser gyi 'og gzhi ltar// mi 'gyur brtan pa'i sems kyis gzungs// gal te bcas pa'i rgyu ral na// na rag rdo rje gtan zhing ste// chad pa'i rigs su nges pa yin// rnam smin 'jig rten 'di la 'byung // dam chen rdo rje mkha' 'gro'i tshogs// bos pa bzhin du 'dus 'gyur nas// sha khrag la sogs dngos su za// dam shod gling gi dur khrod bzhin// mkha' klong rna nyan kun gyis sdud// des na thabs chen man ngag 'di// rjes su gzung ba'i dam bcas gzung // rin chen gter gyi snying po 'di// kun bzang rgyal ba thams cad kyis// gsang ba'i bdag por bka' bsgo ba// gsang 'dzin rdo rje sems dpa' ni// sum cu rtsa gsum bum thogs te/ srog shing rdo rje rtse dgu par// gser gyi 'khor lo 'bar ba bzhag/ gsang ba'i gter 'dzin bdag por bsgrags// dga' rab rdo rje bdag nyid kyang // bde ba bzang skyong bu thu'o// kun dga' snying po bya ba yin// lag na rdo rje gsang bdag gis// 'khor lo 'bar ba'i lte bar bzhag/ nam mkha'i mtha' dang mnyam pa'i rgyud//

  16. 316b

    kloslong dgu bam po nyi khri gsungs// spyi blugs tshangs pa'i dbang bskur nas// dus mtha' nyid kyi sa la dgod// 'dzam gling 'jing dang rgyal 'theb bya// sems rgyud rig/ pa'i thor cog can// rgyal gyi rigs can dra ma'i yul// phug tu gsal ba'i gnas rab bcas// lung gsum rgyud pa'i rtsa ba'i don// dgu rum sbas pa'i man ngag 'di ta/ sems la rlan zhing bde la dgod// yid la ba rna ga cing don la bcang // bka' yi bde chen ma mthong ba// phyi nang brgyud pa'i lung la rten// lus ngag sems kyi bya btsal gyis// brkam chags 'dod pa'i chu bo bskyed// bde chen srog dang bral mthong nas// gsal bar gnas su dbugs chen phyung // 'phrul mig rdo rje zam pa 'di// bka' yi thugs kyi snying khu 'di// ngang pas 'o mo bsdus pa 'am// 'jog pos rin chen sgrom phyung ste// rgya mtsho klong gi kha byabs bzhin// bka' yi bdud rtsi 'dus pa yin// spyi blugs tshangs pa'i dbang chen 'di// thabs kyi rgyal pos rim bstan pa// rjes su 'thun pa'i gzhi dang bcas// 'jug pa'i rgyu yi rim dang bcas// dman pa'i khyad par kun spangs pa'i// kun rdzogs tshangs pa'i dbang bstan nas// brda don dgrol ba'i rim pa yis// thugs

  17. 317a

    brtol rna brgyud man ngag sbyin// 'khrul gyi me long dgu bskor bzhin// rgyal po mngon grub man ngag sbyin// gsal byed rin chen 'bar ba bstan// mi 'gyur brtan pa'i spyod bskur la// dran pa rkyen gyi man ngag sbyin// dran rtog rlung gis skyod byed pas// g.yo 'dzin rlung gi man ngag sbyin// sems nyid mi brtan 'phros 'chel bas// bde ba'i thig le'i man ngag sbyin// rin chen rang byung byin brlabs pas// mi 'gyur brtan pa'i spyod pa can// brtan nas mi 'gyur lhun gyi tshe// bde chen rig pas bsgrub par bya// dang po'i yan lag bstan bya ba// gnas dang dkyil 'khor slob dpon dang // slob ma dag dang 'jug rim dang // dus dang 'jug pa'i yon tan no// gnas ni rnam pa gnyis gsungs te// gzhi yi gnas dang rten pa'i gnas// thams cad rang rig sems nyid de// rgyu dang bral ba'i dngos gzhi nyid// bde gshegs rgyal ba ma lus dang // rgyud drug sangs rgyas thams cad kyi// bzhugs gnas rmad byung khyad par can// tshad dang bral ba'i rin chen dang // mi 'gyur rdo rje'i rgyu las byung // rang byung ye shes gzhal yas khang // sems nyid gnas la gnas pa med// de las byung zhing de las 'dus// de nyid de yi rang

  18. 317b

    bzhin gnas// byang chub sems nyid bde chen po// rmad byung thig le gnas zhes bya'o// brten nas khyad par bstan bya ba// don grub rdo rje'i rigs can 'di// dang po bde ba'i gzhi yin pas// ye shes rgyu las byung ba yi// za ma tog gi rgyal mtshan nam// brag phug rdo rje'i gdan stengs sam// ba ra na se'i bsil khang ngam// don grub rin chen sul mangs sam// rgyang phug ko sha gling phug gam// don grub bkra shis khang bu'ang rung // ye shes stobs dang rig pa'i byin rlabs can// bde ba'i gnas su bdud rtsi'i bcud spel ma// rnal 'byor tshe 'dzin rig pa'i byin brlabs stong // des na snyigs ma'i rgyan can dang po des// rkyen gzhan rnal 'byor yin na rten gzhir gzung // dkyil 'khor rang byung ye shes te// ma bcos dngos gzhi'i dkyil 'khor nyid// thams cad ye shes rang rig gsal// mkha' ltar khyab pa'i bde chen po// ye shes dpag med yon tan gsal// snying po len pas maN+Dal la// rang la rdzogs pas lhun gyis grub// yongs su rgyas pas yon tan rdzogs// thig ler 'dus pas gtso bor rgyan// snod bcud 'dus pas thig le che// 'bar ba dpag med gzhal yas khang // gdod nas grub pas rab gnas rgyas// ngo bor gsal bas 'byung 'jug

  19. 318a

    med/ bdag nyid gsal bar bskyed pa med// rgya dbyibs bral bas yongs su rdzogs// yon tan lhun grub gru bzhi yin// rang rig ye shes chen po la// ma lus kun 'dus zla ga ma yin// mtshan ma'i brkam chags ma lus 'joms// gru gsum drag po'i gzhal ya sa yin// 'jig rten spros pa ngang gi sa zhi// zhi ba chen po'i gzhal yas yin// ye shes 'bar ba lam me ba// dngos por 'joms pa'i khro chen yin// lhang nge lhan ne 'od du zhi// gnyis med thig le'i rang bzhin can// rdo rje nyi ma lha chen po// 'di ni rang bzhin rnal ma yin// dkyil 'khor chen po nyid yin te// zhi dang khro bo ma lus pa'i// gnas pa'i dkyil 'khor ma// lus bdag/ las rnams ma lus kun grub pa'i// rnal ma'i dkyil 'khor chen po ru// zhugs pa med par mngon grub pa'i// rnal ma'i sbyor ba'i dam pa btsal// dang por sems dpa'i rnal 'byor pas// dngos de'i thabs kyis mtshon pa na// rgyam po phrug gu 'khyams pa bzhin// rang gi mtshan nyid mi rtogs so// bdag nyid khams gsum rang bzhin can// mya ngan 'das pa'i bdag nyid de// ma lus gcig rdzogs 'khor lo yin// bdag nyid rdzogs pa'i dkyil 'khor ni// kun gzhi

  20. 318b

    chos sku chen po yin// longs spyod rdzogs pa ma 'dres yin// tshogs drug sprul pa rgya chen po// brkam chags lnga nyid rigs lnga yin// rnam shes gcig bdag nyid gcig nyid// shes pa'i bye brag nam mkha' yas// rgyal ba rdul snyed 'jig rten sgron// sems kyi rin chen dkyil 'khor ni// 'og min gnas chen yul mtha' yas// sgra skad ma lus rnam pa yang // mi zad rgyun gyi 'khor lo'i gsung // gzugs mchog sku yi 'khor lor rdzogs// dran rtogs sems kyi rgyu ba kun// mi zad rgyan gyi 'khor lo'i thugs// snod bcud ye shes dkyil 'khor yin// rab 'byam rmad byung dkyil 'khor mchog/ dus gsum khams gsum mtshan nyid can// brkam chags drug gi bdag nyid ni// rgyu drug gnas pa'i sems can yin// rtsa drug bdag nyid sa bon can// tsit+ta'i 'khor lo rin po che// zag pa zad pa'i mtshan nyid de// rtsa gsum 'dus pa'i thig ler gcig/ rtsa bzhi'i thig ler bcas pa ni// ye shes lnga yi bdag nyid sems// rtsa brgyad thig le gnyis rang bzhin// khyad par dbang ba'i lam dang / 'brel/ sprul rnams bde ba'i thig le las// dngas ma phyi nang bdag nyid can// nam mkha' khams kyis phye ba yin// ye shes gnyis med thig le'i ngang //

  21. 319a

    dbus kyi thig le zlum po'o// phyogs mtshams brgyad kyi bdud sgo nas// sa 'og drug nas hUM dang oM// thig le so so'i nus pa can// dbus kyi thig le mi 'gyur ba// thung ngu a yi rang bzhin no// de dang 'bral ba'i thig le brgyad// rang byung ye shes bde ba'i bcud// thig le 'khyil ba'i tshul du gnas// rtsa brgyad 'dus pa'i rtse 'khor la// gnye ma 'khyil ba'i tshul bzhin te// dbang po dngas ma'i bcud dang 'brel// bde gshegs dkyil 'khor brjod las 'das// mtshan dang dpe byad rang bzhin rdzogs// sprul pa'i 'khor lo gzugs khams te// dbus kyi thig le rgod ma'i kha// spyi bo gtan nas 'khyil ba'i gzugs// thig le bzhi dang yang dag 'brel// dngos 'dzin bde ba'i sgyu mas gang // mkhas pas bde ba spyad par bya// rtsa bzhi 'brel ba'i thig le bcud// bsam gtan bzhi yi bde ba can// phyi rim 'khor lo 'dab brgyad can// thig le bcu drug de dang 'brel// dang po gnyis ni rten ma yin// bcud dang bzhin ni 'dod pa yin// thun mong bde ba nyid yin no// gnyis ni rin chen rdzing gi 'gram/ 'dus pa'i 'dod mtshan ma yi 'gram// thig le gnyis ni sgo med yin// rgyun rnams kun gyi thun mong gi/ bde bar myong bar bya ba yin// g.yas g.yon

  22. 319b

    'dus pa'i thig le mchog/ longs spyod 'dus pa'i rtse yis zin// chos kyi thig le dang po'i bcud// gnyis su 'khyil gyin 'dzag pa'i rtsa// thig le 'khyil ba bzhin nas te// bde ba chen pos gang nas 'dzag/ 'khor lo bzlog dang rtsa gsum rgyas// rang byung ba de ba'i rgyas btab ste// rlung dang ye shes dngas ma'i bcud// 'dres pas rdo rje snye ma'i tshul// 'khyil nas bde ba'i ros gang nas// khams gsum ye shes chen po ste// ji bzhin klungs su phebs pa yin// bar chad rkyen dang bral ba yin// longs spyod 'khor lo 'dod pa'i khams// bde ba chen po gzugs med pa// dngos po med pa'i snying po can// bde ba 'byung ba'i rgyu yi mchog/ longs spyod bde ba'i thig le can// rnam dag chos sku'i rang bzhin yin// rang rig bde ba chen po la// rgyud drug longs spyod gnas la sogs// mya ngan 'das pa'i sku gsung thugs// ma lus rdzogs pa'i dkyil 'khor te// rang gis sbyar ba'i ting 'dzin yul// spyan 'dren mos pa'i yid smon yin// blo yis sbyar ba rtogs pa ste// bcos ma'i thabs kyis sbyor ba yin// ji bzhin dngos la mi 'jug par// bcos ma'i bsnyen ma mngon byed pa// don du dmigs nas 'jug byed pa// dper na spre'u dang spre'u'i 'bag bzhin// de yis de yi don mi 'grub// bcos

  23. 320a

    ma'i dkyil 'khor spang bar bya// de nas rang byung dkyil 'khor 'di// ji bzhin mngon sum kho na pas// 'di la de bzhin nan tAn bya// bkra gsal gzugs dang brjod bral sgra// dngos bral rang bzhin med pa'i dri// mu kha'i thig le dbyings kyi dang // sna tshogs dbyings nyid b+ha ga'i klong // kun 'dus bde chen dkyil 'khor drug bde ba chen po gcig gi ngang // ye shes mu mtha' med par 'jug/ 'di ni rang bzhin dkyil 'khor yin// 'di la slob dpon rnam gnyis te// brda don dgrol bar byed pa'i slob dpon ni// shes rab mchog ldan ting nge 'dzin thob pa// dman pa'i blo spangs khyad par kun shes can// bstan pa'i bcud phyung theg pa'i yang thog la// bde gshegs sras dang dman pa'i sangs rgyas kyang // re thag las shing mi thogs thugs brtse ba// nang gi dri ma spangs pas 'jig rten chos brgyad bral// smon lam ma nor dag pas bka' yi mnga' bdag nyid// shes rab dang ldan brtson 'grus khyad 'phags pas// ma nor don rtogs gdung brgyud ma chad pas// snod bcud rtog cing gzhan gyi sems shes pa// snod ldan mchog tu sbyin byed thugs rje'i bdag/ 'di 'dra'i bla ma rjes su gzung byas te// srog lus bral yang bla ma yid kyis gzung // rgyal ba'i sras chen chos kyi rgyal

  24. 320b

    tshab yin// ma nor don gyi bla ma ni// rang sems slob dpon kun gyi bdag/ thams cad rang rig rgyal po bas// sems can sangs rgyas kun gyi dngos// rdo rje slob dpon rin chen bdag/ rgyal ba kun gyi bla ma ni// rang rig ye shes chen po yin// 'di ni sangs rgyas thams cad kye// mchog tu bskur zhing rjes su gzung // rang rig ye shes rgyal po 'di// gsang sngags gter gyi mdzod 'dzin cing // bstan pa rgya mtsho sgrogs pa'i bdag/ man ngag rin chen gter gyi bdag/ ye shes sgron me lam me ba// 'jig rten kun gyi ston pa'o// bla ma rdo rje rin chen sems// ma bcos don nyid ston pa yi// bla ma sangs rgyas kun gyi dngos// rdo rje slob dpon dam pa yin te/ te slob ma rin chen sems rang bzhin// kun gyi rang bzhin dngos de nyid// de nyid de yi phyag rgya can// de yi dbang gis de thob cing // der 'dus de la rag las pas// de dag de yi rigs las byung // brkam chags drug ldan skye bzhi bdag/ rnam dag bde lam thob dang bcas// thams cad sems kyi de bdag nyid// spyod yul sems kyi bdag nyid can// slob ma rdo rje'i rigs can te// lhun grub bla ma'i rang bzhin yin// de yi bka' rtags rdo rje'i can// thams cad mi 'gyur rdo rje'i

  25. 321a

    dbyings// des na slob ma rdo rje'i bu// rigs su nges pa'i bka' rtags yin// thams cad slob ma rdo rje nyid// de nyid bla ma rdo rje'i stobs// rdo rje'i nga nyid rdo rje nyid// rdo rje'i ye shes khyab bdal bas// des na rdo rje lhun grub bo// blo yi rim pa'i rnal 'byor can// de nyid sdud dang 'thor ba yi// rig pa nyams su bder bzhag na// sbyor ba ma nor rig can nam// rig rgyud dag pas rnal ba la// man ngag rin chen gter du 'chang // bla ma rdo rje srog tu 'dzin// ting 'dzin shes rab btsal du rdzogs/ lhag pa'i ye shes nyi mar 'char// dad dang brtson 'grus rgyu 'bras rdzogs// rtsol bas lus ngag blang dor du// gyur kyang don gyi 'dod mi stong // bde ba phebs pa'i/ yan lag yin// bla ma rin chen srog gyur te// lus ngag sems kyi rgyu med par// rdo rje'i lus su gyur na 'grub// rdo rje bla ma gzhan sems can// rgyal sras yid kyi blo can des/ ta sems can 'jig rten spyod lus ngag/ bags kyis thob na bla ma des// gter khyim rig pa'i sgo bsdams te// man ngag nyams pa'i rgyu yin pas// lus dang bral ba'i yan lag rgyus// glang chen lus su mi 'thob ltar// man ngag nyams pa'i thabs rnams kyis// byang chub lus su thob mi 'gyur// des na bla ma srog yin pas//

  26. 321b

    lus ngag sems kyis dus gsum du// rang srog bral ba'i las ma byed// rnyed dang grags pa'i sems log gis// nyams par gyur pa'i mthu shes pa// nang dang phyi rgyud sems sbyangs pa// 'khrul pa'i sems brgyad rnam spangs shing // don mthar phyin pa'i brtson 'grus go/ mi ldog nges pa'i rigs brgyud can// rdo rje'i lus la brgyan mthong na// bdag sems dga' ba'i tshor ba skye// grags sems rgyas pa'i chos thos nas// rjes su 'thun pa'i yid kyis mos// bla ma rdo rje skal ldan des// lus ngag btso ba ci byas kyang / g.yo rgyu med pas dag byed cing // mthong dang dran pa shes rgyud kyis// thun mong srim kun 'joms shing // zhi ma'i 'od bzhin zhi byed pa// bla ma'i sku gsung rdo rje la/ rtag tu rang gi yid 'dogs shing // thugs kyis ji ltar mos pa bzhin// gus pa'i sems kyis mos byed cing // rtag tu mchod pa 'bul byed pa// de ni rigs kyi bu yin te// bde ba'i zhing 'gyur skal ldan de// rdo rje khri chen dag la bskyon// bde gshegs nyid du des lung bstan// dus mtha'i 'bras bu sa la bkod// de nas rdo rje bla ma yis// don rtogs gsal ba'i mngon sum du// lus ngag sems kyi brda rtags sam// chos skyong mkha' 'gro sems dpa' yis// thabs kyis gnas pa'i rjeH

  27. 322a

    bstan/ rig nas skal ldan de ni sar// smin par bya phyir rim par bya// 'di la bya ba tsal rim pa dang // thabs rim pra ka krid karma ma// rtsol bsgrub lus dang sems kyi las// dngos gang thig le'i mtshan nyid la// 'dod rtsol spros pa thams cad dgag/ brjod par bya ba'i lung bstan min// skal ldan sems kyi dkyil 'khor du// bde chen shar ba'i rnal 'byor ram// de rtogs rlung du phebs 'dod pas// gsang sngags 'phrul gyi lam tshon nam// bstan pa'i blo yi rim pas bsam// rang 'dod tha mal smad las kyis// rim pa gang ci de bzhin du// thabs kyi rgyal pos mthar phyin bya// gsal 'bar rin chen 'phrul snang ma// bcud len sman dang ma ki ta// gang ltar de nyid der gyur byed// rtogs chen thabs dang ldan 'gyur ba'i// gang gis gang de thams cad la// gang 'dod 'thun pa'i sgo de nas// thabs kyis 'dod pa ci rtsol ba/ de yi 'bad rtsol med pa'i las// de ni bya ba tsal med pa yin// oM badz+ra su lam ma la ma mam du du/ tsit+ta a bi pra sa la sa swAhA/ 'dis ni mkha' 'gro mgron pa'o// dang por rtags kyi mngon shes yin// snod dang ldan pa'i don rig nas// thabs chen sbyor ba brtsam par bya// skam lnga ni blo yi khyad par gyis// so so'i

  28. 322b

    bstan pa rim pa bzhin// 'dod pa'i smon pas rjes 'jug na// so so'i grub mtha' rim pa bzhin// dbang bskur shes rab rim par bskyed// rnam rtog spros pa tha mal bcad// sems kyi dmigs pa zin gyur te// rnam rtog dmigs pa'i dngos por 'gyur// yang na dngos po don gcig la// sems kyi bye brag kun sbyin// sems dpa' las su 'jug pa ste// des na tshangs pa chen po'i dbang // dam pa 'di ni bkur 'gyur na// de ni skad cig dus mtha' yis// sems dpa' chen po nyid du 'gyur// dngos su ye shes kun khyab can// zag pa med pa'i rtse mor phyin// yon tan ma lus dus gcig rdzogs// rnam rtog grub mtha'i ma bsgrubs pa'i// mal dngos 'dzin rtog pa can// lha klu gnod sbyin la sogs pa// 'dod pa'i smon pas rjes sgrub na// dang po thun mong dkyil 'khor bya// sbyang dang bsrung ba la sogs pa/ drag po'i rtsol bas sems stobs bsgyur// rang gi sems rtogs spros byed na// de nas bde ba chen po sbyin// de ni rig pa'i dus mtha' yin// rgyal ba'i/ sras su nges pa yin// bde gshegs nyid dang skal ba mnyam// ye shes nam mkha'i mtha' dang mnyam// rig pa'i rgya mtsho klong ltar zag/ dngos su 'jug

  29. 323a

    pa'i stobs med kyang // rtsal chen rig pa'i ngang la rdzogs// seng ge stong zag bkyigs pa 'am// bya rgod gshog pa bcings pa bzhin// sems la shar kyang don ma rdzogs// rtog pa rlung gis sprad pa yis// sems kyi rgyu ba ma zin te// dngos po rlungs su ma phebs shing // rig pa'i rtsal chen ma sbyangs pa'i// 'di la rim pa med pa ste// dang por dngos bzhi'i dkyil 'khor bstan// kun rdzogs dkyil 'khor lus la dgod// 'phrul gyi man ngag rnam par gzhug/ sems lung sgom pa'i man ngag bstan// rgya rtags gdag pa'i cho ga bya// bkra shis yan lag kun ldan pa'i// sems dang mthun pa'i gnas chen der// gsal byed rin chen 'bar ba der/ rtsi bstan ra yi 'o mas bya// gser gu zhun mas rtsi btab ste// bai DUr so ma da yi rtsis// kha byug dri ma bral bar bya// tsa na dan shing ni dkar po yis// bzhu ba'i dngul chu zhun mas byug/ skye ba bdun pa tshang ba'i zhag/ 'phrul gyi 'o mas sa me yi// dud pas mig la byugs gyur na// mig sprin btegs nas bltas gyur na// stong chen 'jig rten rgyu gcig pa'o// gang phyogs de ni gsal bar 'gyur// de nas sgo brgyad ldan pa'i khri// yid 'thun byug pa kun byas te// lag na rdo rje byin brlabs

  30. 323b

    nas/ rtsibs brgyad 'khor lo gru bzhi bya// sgo dbye las rnams grub par bya// dang po sems skyed 'jug pa'i bar// bstan pa'i lus su ma red la// lag na rdo rjer byin brlabs pa'i// bsrung dang skad pa'i rig pa gdags// longs spyod kun la'ang sbyor bas gdab// oM badz+ra yag k+Sha kro d+ha dz+wa la ha la ha la hU hUM phaT/ oM badz+ra tsakra rak+Sha rak+Sha mu rung tsu le rak+Sha rak+Sha hU hU~M hU/ de nas srog 'dzin bla ma la// lus dang bcas pa'i longs spyod dbul// dngos dang 'dod pa'i sems 'dzin btang // mos dang 'dod pa'i bde ba bskyed// skal ldan rigs kyi bu de ni// dam pa gcig la rtag par bya// 'jig rten khams ni ma lus las// rab 'byams kun tu dkrugs gyur nas// rkyen dang las kyis 'phrad gyur na// mang yang gsum las 'da' mi byed// gdams ngag rim gyis so sor sbyin// rgyal theb thu bo de la bskur// dang por dus nas bral ba nas// mthar phyin thun mtshams bcu phrag bdun// gnyis dang bcas pa mthar phyin 'gyur// zla phyed 'bring gi thun mtshams te// gzhan du'ang grangs de nyid kyis rdzogs// de nas gzhan par yang na ste// spyod pa'i yan lag nyams pa'o// dang por bcu gcig zhag gi dus// nus pa'i tshogs bsag par tshang bsrung // rdo rje'i go yis lus bsrung

  31. 324a

    ngo// 'pho ba'i dus 'tshams nyi shu drug/ thun mtshams brgyad du sgom bya ba// dngos po'i phyi nang thams cad la// bu des ji ltar gzung ba yis/ rnam rtog zhen pa'i yul de la// brtags pas de nyid ngos gzung bya// de bzhin thun mtshams brgyad la ni// bcu drug dag tu rnam phye ste// bdag nyid rgyan dang bcas pa'i lus/ ta gsal ba'i yul du brtag byas te// mi g.yo'i sems dpa' thad du gzung // rtse gcig rtag pa'i dngos por dmigs// de nas thun phyed brgyad pa la// stong pa nam mkha'i 'du shes dngos// chad pa'i stong pa nyi tshe de// rtag gcig de nyid ngos gzung bya// de dag rim pa'i don rnams ni// thun mong blo yis nges zin nas// rdo rje mi ldog gos bsgon te// bu khyod rmongs pa'i dri ma can// bskal par sbyong ba'i sdug bsngal nyid// ding nas de nyid bde bar gsal// gcong rong 'khor ba'i mun pa nyid// de nyid ye shes sgron mar sbyar// snyigs ma'i gnas na khams gsum nyid// rgyal ba'i zhing khams bde bar bsgyur// nga yi tshig 'di bdud rtsi'i bcud// ye shes sgron mo'i 'od 'bar can// rig pa'i steng du nan bya'o// de nas mthar phyin thun mtshams 'di// nyi shu rtsa bzhi bcu gnyis la// 'jug cing zhugs pa'i yon

  32. 324b

    tan te/ mthong ba'i lam dang ldan par bya// phyi rol nang na gnas pa yi// don rnams ma lus ldan par bya// thams cad spangs pa'i gzhi med de// de nyid don de yin phyir ro// phyi rol lus la sogs pa yis// gnyis pa'i dngos po mi dmigs te// thams cad sems nyid kho na ste// de yang dngos grub yod ma yin// dang por gnyis pa med pa nas// de ni gnyis med btags pa yin// gnyis par gnyis ka med pas na// gnyis med dung ba'i dag pa yin// gsum par kun byed thams cad ldan// bde chen yang shes rang rig pa// 'dod pa kun spangs chags chen po// ye shes kun bsgrub bde ba'i klong // sgyu ma'i lhun grub yul la rol// de ni gcig med kun rdzogs pa'o// de yi rnam pa bder sgrub na// yul gyi rnam pa sems nyid de// de nyid de las gsal ba dang // de ma grub pas de ldog pas// nyid de yi rang bzhin te// de rig de snang de kho na'o// nyi ma'am rin chen 'bar ba bzhin// 'od dang ngo bo de nyid las// yul dang gzhan gyis byas pa yin// rig pa'i ye shes skur gsal ba// sems nyid dri ma med pa la// nam mkha'i khams dang sbyor ba'i sems// 'dzin pa'i rlung dang de nyid rlung // las rlung rten pas sprad

  33. 325a

    pa yin// des na de bzhin de ltar snang // sdang yang dor ba med pa yi// gnyis med bde ba'i ye shes yin// rang byung ye shes btsal med pas/ bde ba chen po'i ngang du 'char// lus dang bral ba'i ngang du ni// dus gsum mthar gtugs 'byung mi 'gyur// de bral de nyid de mi srid// ngo bo gcig pas mnyam rdzogs yin// 'du 'bral med pa'i ye shes yin// rgyu dang bral bas rang bzhin 'byung // mtshan nyid bral ba'i mtshan gzhi can// da ni srid par mi rung ste// bdag la yon tan rdzogs pa dang // me dang tsha bar bral ba bzhin// mngon sum bde ba chen por gsal// bde chen bde bas rgyas gyur na// yul du snang ba thig le yin// thig le'am bde chen ma rgyas pa'i// rig par snang yang rtog pa ste// yul dang bral yang rtag 'gag yin// gnyis su snang yang mtshan ma yin// spros pa bkag kyang rmugs pa yin// rang la rdzogs kyang nga rgyal yin// yon tan brjod kyang brkam chags skye// des na bde ba'i rol pas rgyas// thig le dbyings su gdab par bya'o// des na yul med sems yin pas// yul gyi mtshan nyid bstan par bya// rtog med ngang lang shar ba yin// tshig gi sgro btags tha snyad yino// gtan bya rtog pa las

  34. 325b

    grol ba'i// ye shes chen po'i mtshan nyid can// yul 'dzin rtog pa dag byed pa'i// ma bcos ngang gis ye shes gsal// de nyid rtog pa rnam spangs te// sems nyid gsal bas yul dang bral// mngon du gsal bas log rtog bral// de nyid mthong bas the tshom med// rgyu ba med pas klungs su phebs// ngang gis gsal bas rtog/ sgrib med// gang yang yin pas gol sa med// rnam dag sems kyi ye shes yul// bde bar shar ba'i ye shes yin// rtsol ba med pas rang byung yin// de ni yul bral ye shes so// rang rig ye shes kun gyi bdag/ lung bcu rdzogs pa'i thig le can// rang yul rtogs pa'i ye shes te// de bzhin ye shes gdugs gzhi can// rgyu rkyen bral bas dngos grub med// chos kun snang ba'i rang bzhin can// lus dang bral bas yan lag med// dngos gzhi gcad pas rtags dang bral// kun spangs kun gyi dngos gzhi can// rtog pa'i gsal rlung ye shes rgyus// bde chen shar ba'i ye shes rlung // de nyid des ldan des grub ste// g.yo ba med par kun khyab can// shar ba med par kun tu gsal// 'di ni rmi lam shes pa bzhin// rgyud bzhi bral ba'i rang rig ste// sgyu ma'i rtsal 'dzin thabs su 'phro// rig pa'i ngang gsal bde bar 'khyil//

  35. 326a

    spros pa med bkag thig ler bsdus// ma bcos lhun grub dang la shar// ma skyes sems kyi thig le la// rtsol sgrub bral ba'i ting 'dzin gsal/ bya ba med pa'i don kun rdzogs// rgyu 'bras rdo rje'i ngang las bsdus// thams cad rang sems ngo bo'i phyir// 'dzin rtog spros pa thams cad zhi// byed rtsol rig pa'i ngang gis grub// rtsol sgrub bral ba'i lam mchog yin// dgyes chen bsdus pa'i thig le yin// rgyud drug rtog pa thams cad dang // mya ngan 'das pa rgyal ba'i thugs// ma lus bde chen rig pa'i ngang // ji bzhin ma bcos dang du gsal// lhun rdzogs spros pa med pa'i ngang // gcig 'dus ma lus kun gyi bdag/ rnam par rtog pa'i rgyu// ba bral// dus gsum bral ba'i rang rig nyid// rtsol dang bral bas rgyun mi 'chad// rnam rtog mtshan ma ji snyed pa// ji bzhin mi 'gyur de nyid gsal// gnas 'gyur rgyal ba'i lus chen yin// byed rtsol thams cad ma spangs pa'i// 'jig rten 'das dang 'jig rten pa'i// sems kyi rim pa ma lus 'dus// sgrub pa'i lam mchog kun gyi bdag/ 'dod pa'i 'bras bu kun dngos can// rtsol sgrub blang dor rgyu 'bras kyis// lus can ma lus thams cad 'dus// 'dod rtsol byed sgrub rgyu

  36. 326b

    rkyen bral// blang dor mos 'dod rtsol dga' ba'i// mthar phyin che ba'i 'bras 'dod pa// rmongs pa rmu rgod nam mkha' la// gser gyi them rkas tshol dang 'dra// sdug bsngal las dang 'dod sems kyis// blang dor sdug bsngal byed rtsol ba// 'dod pa'i log lta spyi 'dres brdeg/ 'di ni rin chen gter gyi dngos// don gcig rnam pa kun sems bdag/ bgrod med lhun grub rnam grol lam// kun rdzogs ji bzhin 'bras bu'i mchog/ rgyu 'bras dbyer med thig le'i ngang / bya med lhun rdzogs sems kyi gter/ dpe byad mtshan chen rgyan rdzogs pa// mtshon pa'i phyag rgya dri ma med// rnam rtog mi 'gyur gsal ba'i thugs// sku gsung thugs kyi phyag rgya can// 'dod bsogs ting 'dzin bde ba'i ro// yan lag ting 'dzin stong dang bcas// mi rtog bde ba gcig tu 'khyil// ma lus kun grub bde ba can// mi rtog ye shes bde ba'i thugs// dpag med ting 'dzin 'bum phrag sgo// skul ldan dang po nyid nas rdzogs// rgyud drug 'khor ba ma lus pa'i// lus snang rnam pa ji snyed pa'i// gzugs rags rnam pa ji snyed kun// thams cad 'khyil ba'i ye shes sku// tshad las 'das pa'i sku rdzogs te// ma lus 'dus pa'i sku yi bcud// grag stong 'dzin pa chags

  37. 327a

    bral gsung // rgyud drug sgra skad la sogs te// rab 'bring yi ge'i brjod pa rnams// ma lus skye med rdo rje gsung // rmad byung lhun grub gsung dbyangs nyid// mi rtog brda 'jal thams cad go/ thams cad ston pa'i rig pa'i sgo// lhun grub bde chen tshangs pa'i gsung // thams cad rdzogs pa'i bde chen po// rang byung lhun grub rdo rje ste// rdo rje gsum 'dus kun gyi dngos// 'dus pa'i thig le dgu yi bdag/ snying po lnga 'dus rdo rje rgyal// bde chen sdug bsngal rig pa'i rgyu// kun grol bde ba'i lam la gzugs// lung gsum rgyud pa'i 'od chen 'di// lnga dang dgu bdag gsum gyi 'od// ma lus bzhir gyur dngos med la// brjod gzhi tha snyad kun bdag nyid// yi ge rnam rtog rgyu ba bral// nam mkha' dngos por stong pa bzhin// bral yang ma lus sems kyi gter// 'dod yon longs spyod rgyal po'i yul// de nyid longs spyod gter gyi bcud// bde ba'i longs spyod rang rig mchog/ zhing khams gzhal yas bde ba'i gnas// gsang ba'i gnas chen dag pa'i gnas// rgyud dang bral ba'i dngos gzhi can// ngo mtshar rmad byung de nyid bcud// ma lus 'dus pa'i rin po che// brjod bya ma lus kun 'dus pa'i// rgyal ba'i bstan pa kun gyi

  38. 327b

    gtso/ thugs kyi bcud 'dus de nyid lam// spyod yul bral ba'i rang rig nyid// bde gshegs rgyal ba kun gyi thugs// dngos gzhi bral ba'i ye shes nyid// bde gshegs rgyal ba'i bstan pa kun gyi gtso// thugs kyi bcud 'dus de nyid lam// spyod yul bral ba'i rang rig nyid// bde gshegs rgyal ba kun gyi thugs// bde gshegs rgyal ba kun gyi yum// ma lus 'phrog pas kun gyi rgyu// zag pa zad pas 'dus ma byas// bstan pa kun 'dus thig le'i bcud// rig pa'i ngang gsal ye shes sgron// 'phel 'grib med par nam mkha'i dbyings// sdug bsngal dag pas bde klong 'khyil// spang du med pas bsgrub dang bral// re ba med pas dgos pa rtsom shes rgyud bcas pas yul dang bral// brkam chags lnga bral rang byung bas// 'khor ba rnam rtog ye shes klong // byed rtsol ting 'dzin rims spangs pas// 'bras bu gzhan 'dod yul dang bral// dge dang mi dge'i rnam rtog spangs// mnyam rdzogs chen po'i thig le bas// gtsang dang spro ba'i rtog blo dor// thams cad ma lus ye shes la// spyod pa rnam dag rtog med pas// ji ltar 'dod dgu bde bar spyod// mi rtog bde chen shar ba nyid// de nyid spyod pa rgya mtsho ste// lus ngag gtso

  39. 328a

    ru 'jog byed pa// de yang spyod nyid spyod pa min// rang byung lhun grub de nyid la// yan lag kun rdzogs khyad par che// mi dmigs sgyu ma'i bde mchog 'di// rtag tu gsal na lta ba yin// gding du phebs na sgom pa'i mchog/ snying po chub pas dkyil 'khor yin// rang la rdzogs pas dbang bskur yin// de nyid nyams len spyod pa'i mchog/ bde mchog mi g.yo 'bar ba'i klong // mi ldog bde ba'i klong gyur pa// de ni bsgrubs pa'i dngos grub mchog/ mi 'da' ba yi dam tshig ste// phyag rgya bsgrub pa'i lung chen yin// ma lus thim zhing zhugs 'gyur bas// bde ba chen po'i mchod pa yin// rig pa'i man ngag rdzogs pa yin// rang la rdzogs pas/ phul ba yin// byin gyis brlabs nas ye nas dag/ rtag tu chad pas rol pa'i gnas// gnyis med gyur pas mdzes pas brgyan// ma lus rdzogs pas rin po che// rmad byung dkyil 'khor ngo mtshar che// kun rdzogs po brang snying po der// bla ma rin chen srog gyur des// thabs dang rtog pa'i gdang ldan na// dbang phyug rgyal por zhugs ba yin/ thabs dang ldan na rab gnas yin// rang nyid gsal na spyan drangs yin// 'dzin dang bral na dri ma dag/ mos dang ldan na smon pas 'phangs// chags

  40. 328b

    dang bral na bla ma mnyes// dgu rum sbas pa'i thig le de// gdeng du bstan na de nyid phog/ bsrung mtshams ma yin bsten mtshams yin// dam tshig yin yang rmad byung gi/ thun mong dam tshig khyad par can// bsrung ba med pa'i sdom pa can// rtogs dang ldan pa'i rnal 'byor la// mngon du sgrub pa mi dgos te// rdo rje'i tshig gis brjod par bya// ngang phug gling gi rin chen sgo// rgya mdud sna bzhi sgo dang bcas// khrol na gter khyim bdag po'i mdzod// longs spyod gter la rol pa bzhin// rdo rje'i tshig gi mdud khrol na// byang chub gter gyi mnga' bdag mdzod// don de zer nyid khrol na mig phye ba// bde chen rtogs na dkyil 'khor mthong // thabs kyis zin pa mnga' bdag ste// rdo rje rgyal po thob pa yin// bde gshegs nyid dang skal ba mnyam// byang chub rdo rje'i rigs su nges// mthar phyin ting 'dzin rim pa yis// ma bgrod dman la zhugs pa'am// grub mtha' shes pa ma bsgyur ba'i// thun mong blo can ba ta'i gze// dgrol ba'i thabs dang dam tshig bstan// phyag rgya chen po rdzogs par bskyed// kun khyab ye shes 'bar ba'i sku// chos dang longs spyod sprul pa dang // zhi dang khro bo'i dkyil 'khor kun// 'dus pa ye shes lus

  41. 329a

    chen po// gsal bar bskyed la mngon du bya// bza' dang spyod pa'i dam tshig sbyin// de thob thun mtshams 'bar ba yis// mngon sum 'jug pa'i dbang rnams rdzogs// dge sdig las kyi rnam rtog med// rnam smin ngan pas mi gos pa// rang rig chags med bde thob pas// snyun grub mnyam rdzogs nyid la rol// rang gsal bde ba'i longs spyod sgrub// ma chags spyod pa'i ye shes rtogs// rang sems nus pa'i stobs dang ni// rnam rtog bral ba'i byang chub sems// nyid 'gyur bde ba'i longs spyod kyis// 'byung ba bzhi la smin grub pas// nam mkha'i rdo rje zas su 'gyur// 'di ni rdo rje rgyal po yin// gnyis med rdo rje tshim par bya'o// rdo rje tshig gi lom nas smras// don rtags phra ba'i tshig gis rmal// ba shang gci khu ba la sogs te// rtog dang kha na ma tho'i zas// sa la sogs te/ 'byung ba bzhi// dngos po rdzas 'gyur thams cad la// sbrang rtsi ba yi 'o ma dang // bzang drug ce pog dkar po dang // rtswa dang rdo yi khu bar bcas// chu yis gto// zhing zos gyur na// rdo rje rtsir chags gnod mi nus// dug la sngags kyis btab la bza'// de yi rjes su sems 'jug pas// sems nyid rnam rtog bral byas

  42. 329b

    nas/ dus gsum lus ngag mi 'jug ste// 'jug pa'i thun mtshams dus kyis bya'o// rjes su 'thun pa'i las byas te// rang rig lhun grub rdo rje'i ngag/ smra bas mkha nas mtho'i las// 'dod rtog ngan pa'i tshig smras kyang // ma lus sbrul tshig don mong // de skad brjod de bag yangs kyis// rdo rje ngag gi spyod pa bya'o// rdo rje lus kyi spyod pa ni// e ma ho mnyam rdzogs thig le'i bcud// chags med rdo rje'i lus kyi las// lus dang bya ba gnyis med de// thams cad ye shes rang rig las// gang byed rtog med las su shar// thams cad sgyu ma lhun grub pa// ma chags 'dzin med ngang gis spyad// dper na mig 'phrul sgyu ma bzhin// de yis de la dgod pa med// de la rgyud drug thams cad bsdus// rnam rtog 'dzin pa'ang dngos su bsgral// srog gcod ma byin len pa dang // 'dod log la sogs lus kyi las// bag chags kha na mtho ba// thams cad der ni nyams su blangs// mngon sum spyad pa'i las rnams kyis// la thag chod cing the tsom bral// nyams myong bde ba'i rgyal po'o// gang zag rnal ma'i don thob pa'i// 'dod dang ldan pa'i thabs chen gyis// bde ba byang chub tshol byed la// thabs kyis bya ba'i tshig gis min// zhi dang rgyas pa'i rang bzhin

  43. 330a

    can// yon tan kun ldan bu mo de// thabs kyis bsten pa gsum rdzogs pa'i// bde chen phyag rgya mtshon pa'i rgyu// bde ba chen po mngon du bsam/ bde ba chen po bstan par bya// rin chen gter gyi man ngag sbyin// skal ldan pa de bzhi rgyud can de// ngan rtog 'dod pa'i brkam chags ni// rang byung bde ba chen por 'byung // rang lus 'dod rgyal chen po'i sku// rnam rtog ye shes bsgyur byed pa// ma bcos bde ba'i thig le ra shar// rdo rje mi rtog thabs chen po// bsgyur byed e gar ta bzhin no// rang byung dkyil 'khor lus la dgod// rlung dang me dang bde ba'i khams// 'khor lo lnga ni rim dang rim// stobs dang drag po'i rim pa'i thabs// bde ba'i lag gi 'du byed kyis// de ni rim bzhin bde ba dbab// rgod ma'i kha dang rin chen rdzing // sbyar zhing rtsa gsum gyen du rlab// 'bar bas myu gu drang ba zhi ba// nyi khu ba'i bde ba rdzing dud dbab// bde ba chen po'i bcud sgrubs pas// snying ni rgyas pa'i 'khor lo dgang // rin chen rdzing gi pad+ma rgyas// thung ngu i la cung zad phog// lus 'dar mig mi 'dzums shing 'phar// sems kyi dmigs pa bsdus 'gyur ba// sems nyid bde ba tshor ba ste// bde ba rang

  44. 330b

    byung klong du dbab// gtsug tor bsgyur ba'i rdo rje yis// bde ba rA dza 'jam mu tra// bde byed in+d+ra bo d+hi dang // u par bo d+hi tag shak+Sha ka/ de ba a man tsan tra lAs/ tshig dbang nos nas tha ma'i lus// rgyal ba rigs lnga'i rigs su byas// mngon sum bde ba'i dbang 'di nos// rgyal ba'i phyag rgyas mngon du btab// rgyal po nyid kyis rol pa mdzad// de bzhin ma'i skal ldan gang // thog mar rin chen tshig dbang bskur// thams cad rang byung thugs su dbab// de nas bde ba'i thabs sbyin te// ye shes bde ba'i dkyil 'khor de// rim nas rim gyis las spyad bya// ka ra na yi bstan chos las// gsungs pa'i bde ba rgyas pa'i chos// brgya phrag gnyis dang bcu phrag gsum// de la sogs pa ma lus chos// mgo dang lus dang yan lag rnams// bde ba'i 'khor lo rim pas rim// gnas dang 'thun pa'i spyod pa bya// bde ba chen po'i dbugs phyung nas// bde gshegs rgyal ba thams cad kyis// rang bzhin bde ba'i 'khor lo nyid// rgyal dang bral ba'i mngon sum pa// thams cad ye shes bde ba dbab// bde mchog mu kha'i man ngag sbyin// mtshan ldan gang rung rgyal ma des// 'og sgo bde ba'i rol pa bya// rtsa mdud dgrol dang bde ba

  45. 331a

    bskyug/ brang du sgo lho sbyar byas te// bde ba 'dod pa sum lag gis// ye shes rgyal po rig par bya// 'og tu sprug cing smin ma langs// mig dmar de bzhin mdog dmar te// ye shes rim pa spro bar bya// sbyar ba'i yan lag snga ma bzhin// rtsa mdud lag gis gzung byas te// ka ri chos kyang rim par bya// rtse mgo lag gis mnan byas te// 'phar ba ga cad tsam rgya bo dbral// gru li kha ni shin tu dbye// dang bas paso g+hu ldan pa dang // chu yi zil pa mdog bde ba// rang lus mchog gi thad kar dbyung // de nas bde ba'i rim pa gzhan// legs pa'i sems kyis bcang bar bya// 'dab bzhi lte ba'i ye shes gnas// ma phyin bde bas gang 'gyur zhing // mi bkrug pa g.yos gyur nas// rin chen ye shes rdzing rgyas te// 'dod dang bsam gtan bde ba 'byung // 'khyil ba'i thig le bzhi sgo nas// 'jig rten pa yi bde ba 'byung // rdo rje'i sgo 'khyil ba'i rtsa mkhal ma'i bcud// bde ba dbab pa'i rtsa sgo gsum// 'phel bas zla yi gzugs can gnyis// kha sbyar bde ba rgyas par bya/ lag pa gnyis kyis khri sgor gzhug/ thig le'i ma nu'i rtsa sgo gsum// 'phel ba nu ma'i mchan khung ste// rtsa na ka dang su ku gling // 'du byed las dang sbyor ba

  46. 331b

    yis/ bde ba 'phel dang thig le rgyas// mu kha bzhin du 'dzag par 'gyur// 'khor lo kha sbyar bskugs dang dgu// 'dod kun phrag pa yan lag 'khyud// ka ra'i sbyor ba mig sprod kyis// su ka bo de ni ka dbye// thig le 'khyil pa'i sgo phye na// dang po mi srid dri ma'ang tshor// lus kyang kha dog dmar por 'gyur// g.yo dang 'phar ba la sogs 'byung / shes pa lhag pa skye bar 'gyur// kun tu rtog pa'ang nyams par 'gyur// gang gtad dmigs pa'i yul de zun// lus la rlung gi 'phen pa gzhug/ rlung gi las 'grub zer 'dod pa'i// der ni rdo rje'i chu lam nas// ye shes chen po dbyung ba med// lus la bskyed cing smin par byas// rdul phran zil pa rlung gis bskyod// gnas gsum bde ba'i bsti gnas su// thig le rdo rje'i gzugs su chags// spros kyang bde ba'i gzugs su bsdu// rdo rje rgyal po'i thabs mchog yin// rdo rje khaM yis bzhi pa bya zhing // 'bar ba'i rtse mo dril phyis bya// lag gi sbyor bas mu dbye ba// rig ma lha mo rdo rje ste// pad+ma kha dbye rjes 'thun par// 'phrad sbyor u pas ma gos byasata ta a kar rgya spos du ru ka/ klu 'bras bu yi snying po dang // ri yaM ma ra ni de bzhin du// sgo nga gnyis kyis sbyar bya ste// lag gi sbyor ba rno bur bya// ga la te bde

  47. 332a

    ba 'byung 'gyur na// rtsa gsum 'dom pa'i dbus su zud// de bzhin g.yas g.yon rlab par bya// nan so gzhon la 'bar bas bya// sman ni zhib pas ma nu mno par bya// gal te bde bar byung 'gyur na// rin chen rdzing bu mchu btsugs te// rngub cing 'bar bas rlabs byas nas// de ni de tsam grub par 'gyur// sdang dang brgyal ba la sogs te// 'thun pa'i rtags rnams 'byung bar 'gyur// 'khril dang 'dod pa'i pra krid bya'o// rang byung bde ba mngon sum bya// thabs kyis pha / rol phyin par bya// thabs kyi phyag rgya chen po bstan// bcud chen 'dres pa rlung gis bsdus// thig le 'khyil ba'i sgo phye na// stod smad rgyu yi rlung bsdu ste// 'bebs/ pa'i rlung gis 'phen sdud bya// g.yos pa nyams su myong gyur nas// rin chen rdzing gis rngub par bya// rdo rje'i rdzing la thug par rngub// rlung rnams bsdams te ye shes drang bu gsum babs pa thig le yi// bde bos rin chen brgyus pa bzhin// rdo rje me yi gauzugs su 'bar// bde ba'i ye shes rang 'bar skye// thig le rdo rje'i khar dbyung min// yeng shes lus can rdo rje 'i gzugs// thams cad ye shes lus can yin// bde ba chen por lhan grub pa'o// 'dod rgyal thabs kyi rim pa yang /

  48. 332b

    thams cad rang byung ye shes pas// yul dang shes pa gang sgo nas// tshangs chen rdo rje'i dbang bskur bya// rang la rdzogs pa'i lhun grub sbyin// brkam chags 'dod la mos pa yang // spyod yul thams cad sems nyid pas// thams cad sems nyid rig par bya// rig ma yi ni bde ba yin// bde ba rang rig chen po ste// de nyid ma lus kun dngos can// spong len med pa'i ye shes te// ma bcos lhun grub nyid du shar// dus mtha' skad cig de nyid kyis// 'jig rten pa dang 'jig rten 'das// bde ba'i ting 'dzin thams cad thob// rgyud rnams bstan pa'i ma lus pa'i// chos kun ma lus dus gcig rdzogs// de ni spyi blugs tshangs pa'i dbang / ta e ma ho rdo rje rigs kyi bu// skal ldan rdo rje rigs kun bdag/ gus pa'i sems kyis bla ma zung // tshangs pa chen po ye shes kyis// rang byung ye shes klong bdal ba'i// ma bcos bde ba'i dkyil 'khor 'di// spros med rig pa'i mkha' la zhog/ bde ba chen po ye shes bltos// rgyal ba kun gyi gsang ba'i yum/ rdo rje 'phrul gyi thabs chen rtsi// 'di ni sba zhing gnag pas zung // sangs rgyas ma lus 'dus pa'i mkha'// b+ha ga yangs pa'i thig le klong // dus gsum

  49. 333a

    rgyal ba'i gsang mchog dbyings// khams gsum ma lus bde ba'i zhing // ye shes rol pa'i mkha' dbyings 'di// mi 'gyur brtan pa'i sems kyis zung // khams gsum bde ba chen por spyod// thams cad ye shes rol pa yi// bde ba chen por bsgyur byed pa// ye shes rol par thig ler thim ho// de nyid thabs rgyal rtogs pa yis// ye shes dkyil 'khor lam du gzhug/ bde ba chen por rol par bya// rang byung rdzogs pa'i dkyil 'khor du// bde ba'i ye shes mngon du zhugs// rig pa'i rgyal po bde bar shar// ye shes klong du dmigs pa grol// ma bcos rang snang lhun grub pa'i// bkra gsal sku yi dkyil 'khor du// rang rig bde ba chen po 'khyil// chags med ye shes brjod dang bral// tshig gi lam chad sgra snyan tshul// rtog bral ma chags rdo rje'i gsung // rnam dag ye shes dkyil 'khor du/ ye shes rnam dag gsung du 'khyil// dngos bral rang bzhin med pa'i dri// 'dzin rtog bral ba'i chags med pa// yon tan dkyil 'khor mkha' 'dra ba/ 'dzin med ye shes klong du 'khyil// mu kha bde ba chen po'i dbyings// 'dzin med longs spyod rnam dag pa'i// ma lus sgrub byed thig le can// yon tan rdzogs pa'i dkyil

  50. 333b

    'khor du// rol pa'i ye shes thig ler 'khyil// bde sdug ye shes dbyings phyug b+ha ga'i dkyil 'khor du// lus kyi dkyil 'khor yeng shes sgron mar 'bar// ba de mchog dbyings su sdud pa'i thig ler thim// ma lus rdzogs pa'i dkyil 'khor mchog/ mi rtog bde ba'i dkyil 'khor du// ma lus dkyil 'khor thig ler thim// gang snang rang rig ye shes nyid// ma bcos mkha' mnyam dkyil 'khor du// chags med thig le'i dbang bskur te// gsang ba ye shes rmad po che// spyod yul ma lus thams cad kun// / ye shes chen po'i ros gang ba// rnam pa sna tshogs shes pa nyid// ye shes lnga yi bde bas rgyas// thams cad ye shes mnyam nyid la// phyogs gcig khu ba'i bde 'dod/ pa/ phyogs su bltas pas grub pa med// rnam pa mtshan nyid rang bzhin klungs// bde ba chen por lhun grub par// thams cad rgyas pa'i dbang chen te// ye shes rol pa'i phyag rgya can// rang lus ma bcos ji bzhin nyid// rgyal ba'i skyu ru lhun grub pa// phyag rgya'i sku ru dbang chen yin// rgyud drug 'khor ba'i lus rnams dang // ye shes sprul pa rgya mtsho'i sku// ma lus rang bzhin lhun grub pa'i// sku mchog rgyan gyi 'khor lo'i dbang // mya ngan 'das dang 'khor ba yi// sgra skad rab 'bring ma lus pa// ma

  51. 334a

    lus lhun grub rdo rje'i gsung // gsung gi phyag rgya chen po'i dbang // dran rtog ma lus rdo rje'i sems// thugs kyi ye shes mkha' mnyam pa'i// lhun grub bde bachen po'i thugs// spyi blugs ye shes chen pa'i dbang // rang rig ye shes rgyun mi 'chad// bde ba chen po mi 'bral gzungs// rang lus ye shes rin po che// ma lus bde chen lngas rgyas btab// rnam pa ma lus mchog ldan pa'i// ye shes stong pa chen po'i go/ ye shes 'khyil ba rdo rje'i bum// bde ba chen po'i ros gang ba// ma lus dag pas chu yi mchog/ gsang ba'i ye shes dkyil 'khor che// ma lus 'dus pa'i bcud kyi bdag/ gsal ba'i ye shes bde chen po// ma lus kun 'dus rig pa'i dbang // rang byung rgyal po'i ming gis mtshon// thams cad rang byung rtsal gyis thob// bskur bas thob pa'i dbang rnams rdzogs// bskur med gzhan nas ma yin te// thog med ma lus mngon du thob// mi 'gyur rdo rje tshangs pa'i dbang // kun rdzogs bde ba chen por thim// ho ho// dus gsum rgyal ba thams cad kyi// thugs las man ngag bcud phyung ba/ thams cad bstan pa rang la rdzogs// oM lhun grub bde chen mi rtog pa// ma bcos de nyid bde ba'i klong // lhun grub rang byung klong du shar// rang byung ye

  52. 334b

    shes mkha' khyab pa// ma bkag rig pa'i mkha' la rdzogs// rang byung rig pa bde chen po// yon tan lhun grub rdzogs pa'i klong // spros med thig le chen po ra shar// hUM/ mi rtog ye shes ma lus gsal// 'dzin rtog bral ba'i chags med yul// rang rig cir yang mi rtog pa// ye shes rgyal po ma lus gsal// cir yang mi rtog bde ba chen por smin// cir yang mi rtog dmigs su med// yi ge rnam rtog sems kyi rgyu ba bral// ye shes rang rig ma lus kun bral ba'o// arang rig rnam pa'i ye shes sku/ bde klong mngon du gsal ba nyid// rtog med ye shes rol pa ste// rnam rtog sgyu ma'i ye shes klong // rang rig ye shes sgyu ma'i ngang // rang byung sgyu mar mngon sum gsal// lhun grub sgyu ma ma bcos pa// bde chen sgyu ma rang rig gsal// a rang sems lhun grub rin po che// rang rig mkha' khyab rdo rje'i sku// sgyu ma'i rnam shes sprul pa'i sku// gsal byed khams gsum gzugs brnyan 'char// ma rak+Sha a tri a d+hi k+She mA/ 'bru gsum ldan pa'i sngags dang bcas// rdo rje rin chen lcags su gzhug/ bar chad rlung dang bral bar bya// bco lnga'i tho rangs dus su bstan// 'phrul tshig rig pa'i ngang gis sdebs// brda don bral ba'i rgyal bu bzhin// nor

  53. 335a

    bu'i sa nas brda grol te// 'khor lo bzhi la dbang byed cing // stobs brgyad mthu yi bdag por bskur// de bzhin skal ldan rigs kyi bu// rang snang brda don grol thob nas// rang gi mtshan nyid ma bcos pa// mngon du bstan pa'i man ngag sbyin// khams gsum mngon du gsal ba ni// sgyu ma'i ye shes lhun grub pa// 'phrul gyi me long bstan bya zhing // chags med ye shes klong du bzhugs// thabs kyis ye shes mngon sum du// skad cig dus mtha' lhun gyis grub// sgyu ma chu zla bde ba'i klong // mi rtog thabs kyi ye shes 'di// ma bcos rang bzhin ji bzhin la// rnam pa'i ye shes thabs kyis rol// rgyal ba'i dgongs pa blo brtol ba'i// rnam pa'i ye shes bde chen 'di// mngon du snang la mthong ba med// rang la rdzogs pa grub pa med// 'di dang bral na rtog pa'i bdag/ mtshan ma'i rtog pas grol mi 'gyur// de nas skal ldan rigs can des// bde ba chen pos rgyas btab pas// mi rtog ye shes lhun grub pas// bde ba'i rol pas bsgrub par bya// rlung dang rtog pas smad pa yi/ rgyun dang bcas pa'i ye shes de// bde chen mi g.yo'i klungs su dbab// rlung ni rnam pa gnyis yin te// rig pa'i rlung drang 'bebs pa'o// 'bebs pa

  54. 335b

    la ni rnam gsum ste// srog 'dzin shes pa rten nyid dang // lus zung bcud dang 'dres pa dang // snyigs ma dus kyi las byed dang // gyen du rgyu dang thur du rgyu// rig pa'i rlung ni gcig yin te// bye brag brgyad dam dpag med pa'o// rlung ni cig gi 'phen la gcig/ rten pa las rlung zin gyur na// kun kyang rig pa zin pa yin// thabs kyi byin rlabs rmad po che// bde ba'i rol pa yang shes sku// 'bad rtsol bral ba'i ye shes las// lhun grub thabs la mkhas pas 'grub// ye shes rang rig chen po las// ngang gis mi ldog thabs kyi mchog/ skal ldan ye shes rgyal po des// bar pa'i thun mtshams bcu gnyis kyis// ye shes rig pa'i phur pa thebs// rtog pa 'joms pa'i rlung dang bral// 'dod pas dmigs pa'i yul dang phrad// mthar phyin dus mtshams gcig gis kyang // ye shes thig le'i dngos grub thob// bde ba chen po'i bsgyur bas thob// 'di ni thar pa'i lam mchog ste// rgyu 'bras med pa'i mthar phyin yin// dang po rags pa'i rlung bzung ste// nyin dang mtshan gyi dus gnyis la// nyi/ khri chig stong drug brgya bcu// 'pho ba'i thun mtshams bcu gnyis te// kun ngar 'pho ba'i cig yin te// snyigs ma bcu gcig 'pho ba yin// dngas ma'i 'pho ba thim

  55. 336a

    par bya// de nyid rim pa 'di yin te// ye shes gzha' tshon lta bu'i 'od// bde ba chen po'i ye shes te// khams gsum rang byung ye shes sku// mi g.yo thig le dag bya ste// rngubs pas rkyal pa bus pa ltar// spros pas de nyid bshos pa ltar// ye shes rlung gis stong par bya// aM pa da 'das nas ldang gi bar// g.yo med rang byung thig ler bya// de nas thig le'i rtags byung ste// khams snyoms rang lus bde bas gang // nyams dang bral nas mkha' la 'dug/ tshor ba bde ba chen por skye// rgyu ba gsal shing bya bral nas// de nas bde ba phra ba yi// ye shes rlung la bslab par bya// de nyid thabs kyi ye shes dgug/ dper na rags pa gye na rgyu'i rlung // kun d+har phra ba'i rlung bzhin du// gsang ba'i pad+ma lte ba nas// nang 'dus pa'i lte ba la// shin tu phra zhing dal ba yis// ye shes rlung du lhun grub pa'i// bde ba chen po'i rgyu ba byata ta rlung gi thun phyed phyed dag tu// stobs kyis bsdams pa'i nus 'gyur na// de nas rgyu ba med par bslab// lus bsrang bde ba'i bag yangs kyis// oM dang hUM du ba zhar ba yin// gsang ba'i lte bar dmigs bya ste// rngub dang 'byung ba'ang rim bzhin to// b+ha ga bde ba rgyas par zung // lus zung dbus dang bcud du bsre//

  56. 336b

    de la 'thun pa'i rtags 'byung ste// reg pas lus zung rgyas 'gyur te// bde ba chen po'i ye shes skye// sa yi sgro dang dbang po'i lam// kun tu spyod du 'jug ldang med// 'phro ba med pa'i dgag pa 'grub// dbang po'i lam nas rang rig tu// yeng shes chen po 'dres nas 'bar// de nyid stobs kyis ma lus 'dres// bskal pa du ma'i dbugs kyang sdud// gnod pa med par bsdams pas 'grub// 'di ni thabs chen gsang ba'i lam// bde ba chen po'i rgyas 'debs pas// rol pa'i klungs su phebs pa yin// de nas bdag nyid rang byung gis// bde ba chen po'i thig ler gsal// rang gi mtshan nyid ma bcos pa'i// bde ba'i 'od kyis rang lus gsal// rang byung bde ba'i phur pa thebs// phyogs bcu ma lus thams cad kun// ye shes chen po'i 'od kyis khyab// ye shes sku yi 'od la bzhugs// rang byung gsung gi zer la rol// lhun grub bde ba chen po'i thugs// mi 'gyur ye shes klungs su phebs// de nas bde chen 'khor lo bskor// rang byung ye shes rnam pa'i lus// rang gi mtshan nyid ma bcos pa// bden pa mngon sum thig ler shar// bde ba chen por rang nyid grub// ma btsal rdzogs pa'i ye shes sku// bka' gsal bde ba chen po'i gzugs// rang rig sgyu ma

  57. 337a

    ye shes gsal// chags med cing yang mi rtog pa// thams cad rang byung ye shes sku// 'gyur med ma bkag klong du shar// de nyid 'thun pa'i yul gcig la// dmigs pa thob par bsgom par bya// de bzhin dngos po ma lus la// dran pa'i thag pas gdags byas te// rang byung bden pa'i lung phog ste// spyod yul zhi ba'i phyag rgyas gdab// gang thob de yi lung gos la bya// gang zhig gang dang ldan 'gyur ba// de yang de las smin par 'gyur// de nyid de yi phyag rgya can// de ni de med grol mi 'gyur// 'di ni de yi thabs chen yin// pad+ma can gyi gser gling du// gzugs mthon mthong yang skrag cing 'bros// man ngag 'bad pa'i rtsol bas sgrub// de nas rang byung bde chen te// spyod yul thams cad dkyil 'khor yin// thams cad ye shes rnam par gsal// khyab bdal chen po'i ngang la rdzogs// ye shes rig pa'i klong du chub// mkha' ltar khyab pa mu mtha' med// skye 'gro rdo rje'i sa ru chug/ ma bcos thig ler mngon sangs rgyas// rang byung snying po rdo rje'i sku// yon tan lhun grub rdo rje'i rgyan// bkod pa med par rang la rdzogs// khams gsum bde ba'i longs spyod zhing // rin chen lhun grub byang chub zhing // rgyal ba'i dgongs pa

  58. 337b

    sems kyi gter// ma lus 'dus pa'i thig le can// bdag nyid sangs rgyas kun gyi dngos// rdo rje rgyal po kun gyi med// thams cad rdzogs pa'i bde chen po// log rtog sems kyi rnam grangs dang // rnam brtags dngos po tha dad pa// lhun grub bde ba'i klong na gsal// ma 'dres gsal ba'i bde chen po// gang dang gang gi gang rnams ni / ta de dang de nyid de de rung // de nyid de la de ltar snang // de nyid de yi rang bzhin pas// de rtogs de la lhun gyis grub// ma lus rnam dag mngon sum pa// rig parang byung gdod rdzogs pas// dang po'i thun mtshams bcu gnyis sam// gdon mi za bar bcu yis 'grub// zla phyed zla ba lnga yi zhag/ rnam pa'i mtshan nyid 'dod rnam ma/ rgyu ba bral ba'i mngon sum pa// rim gyis cig char gso bar bya// spong len 'dzin rtog ro dogs dang // bag med gtsang med log sred pa// grub mtha' log rtog 'dod rtsol dang // grags pa'i tha snyad g.yo 'phen pa// rang byung rgyal pos thogs med par// spyod pa rgya mtsho ci bder spyod// gang ltar spyod kyang rdzogs longs spyod// lus ngag bya ba ma lus pa// yul dang gdul bya'i blo yi rims// nyams par mi 'gyur thabs kyis spyad// rang byung spyod pa'i rgyal por bya// khyung chen nam mkhar

  59. 338a

    'phur ba bzhin// chags med nyam nga'i sems med cing // gnas med gnas la gnas par bya'o// rig pa byung ba mkha' ltar khyab// skye med lus ni rdo rje'i sku// bde ba thabs kyis bsgrub par bya// bems po'i rlung nyid lung bstan nas// bsdus nas dngas ma'i rlung de nyid// lus zungs rlung la bstim par dngos ma'i lus zung bcud du 'dres// mi shigs rlung dang gcig tu 'gyur// za ba'i khams dang bral gyur nas// thun mong bde ba'i zas la rten// thig le 'khyil ba'i sgo phye nas// srog gzungs lus bcud 'dres 'gyur te// rin chen rdzing gi ngan rgyu'i lam// bu ga gnyis sgo yan chad du// rdo rje til 'bru'i gzugs su 'khyil/ ye shes rlung dang khu ba khrag/ dngas ma'i 'khyil ba bde ba'i bcud// yongs su 'khyil nas rang 'bar gzugs// snyings ma bral nas stobs dang ldan// rang byung bde ba chen po'i zas// mi 'gyur bde ba chen po'i zas// mi 'gyur bde ba lhun gyi tshe// thob nas rang byung lhun grub tu// skad cig de la bsgrub par bya// 'di ni rab 'bring thun mtshams kyis// nges par grub ste gzhan du ni// zla ba bzhi yis gdon mi za// 'di ni ngo mtshar ya mtshan gyis// rmad byung thabs kyi 'phrul chen

  60. 338b

    yin/ bde gshegs ma lus dgongs pa yi// rgyal ba rnams kyi thugs kyi bcud// rdo rje zam pa'i rna brgyud 'di// bstan pa kun gyi nying khu yin// bka' yi rgyal por 'byung ba ste// rgyud kyi rgyal po lung gi mdo// man ngag so so gter gyi mdo 'dzin pa// bstan pa'i 'khor lo 'dus pa'i rtse// rgyal ba sngon du ston pa yis// ngo mtshar 'phrul gyi lde mig yin// thabs rgyal 'di dang bral ba yi// skal ngan rnams ni mun par lhung // bskal pa bye ba mtha' klas par// btsal kyang grub par mi 'gyur ro// 'di ni dngos grub ya mtshan gyi// mngon sum 'phrul gyi lde mig ste// dus mtha'i skad cig de nyid la// gang yin de nyid mngon du ston// rang byung nyag gcig mngon sum las// 'di las gzhan pa'i shes pa med// man ngag bstan par rgyal sar 'jog/ 'di ni tshegs dang bral ba ste// thun mtshams gsum dang ldan pa yi// rdo rje 'dzin pa nyid du 'grub// gzhan du bstan pa'i tshad nyid kyis// nges par gdon mi za bar 'grub// gnas ni brag dang tshul bzhag/ srog dang bral ba'i kha bzhin bsam// 'di rnams ldan pa'i sems can ni// khams gsum btsal kyang gcig mi rnyed// 'di ni srog bzhin bral ba yin// 'jig rten chos

  61. 339a

    brgyad gtsor bzhag nas// nyams pa'i sems kyis spel byas na// 'di la rdo rje dmyal ba'i gnas// de lhung the tsom med par nges// des na bstan pa bka' dang bstun// bka' yi bcud 'dus thugs kyi nying khu 'di// lag na rdo rjes rna brgyud sems la bstims// rdo rje zam nas 'phrul gyi lung bcu phog/ lung bstan skal ldan rnams kyi sems lathums// chos rnams thams cad sems ye shes kyi rgyal po/ dngos grub rang byung du spyod pa dbang bskur ba rna brgyad zam pa rdzogs so// rgyu gar skad du/ kA ya bAk+Sha tsit+ta badz+ra ti kA sarba ma pa tA tan tranA ma/ bod skad du/ sku gsung thugs rdo rje rtsu ba thams cad rdzog pa'i rgyud ces bya ba/ sku gsung thugs kyi rdo rje la phyag 'tshal lo// 'di skad bdag gis thos pa'i dus gcig na/ chos sku rdo rje 'chang chen po de rdo rje dbyings 'og min gyi gnas mchog na/ rdo rje rang 'byung zhing khams kyi 'khor nyid la/ stong nyid kyi gnas lugs snying po'i bstan par shar/ 'khor 'das dbyer med lhun grub rang 'byung dus/ ston pa gnas dus 'khor 'das dbyer med do// yang de'i tshe de'i dus na/ ston pa rdo rje 'chang chen po chos grul/ de bzhin rdo rje dang / rin chen rdo rje dang