'phags pa dbyig dang ldan pa zhes bya ba'i gzungs
Āryahiranyagarbenamadharani
Text
ff. 34a–36b · 6 folio sides
- 34a
cad du skye ba dran par 'gyur ro// dkyil 'khor byas pa'i lag pa 'jim pa can gyis gang na bar bskus nas/ nad thams cad dang / mdze'i rna ba bcwo brgyad la sogs pa ma lus bzhi bar 'gyur ro// mchod rten gdab pa'i phan yon gyi gzungs rdzogs so// / rgya gar skad du/ Ar+ya hi ra n+ya garbe na ma d+ha ra ni/ bod skad du/ 'phags pa dbyigs dang ldan pa zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das dga' ldan na lA ba dkar po lta bu'i rdo leb la/ byang chub sems dpa' stong phrag du ma thams cad kyang 'di lta ste/ bla na med pa yang dag par rdzogs pa'i byang chub tu lung bstan pa/ skye ba gcig gis thogs pa rnams dang thabs gcig tu bzhugs te/ de nas bcom ldan 'das kyis/ byang chub sems dpa' legs par gnas pa la bka' stsal pa/ legs par gnas pa gang byang chub sems dpa' sems dpa' chen po gang dbyig dang ldan pa'i gzungs 'dzin par mi 'dod pa des/ 'das pa dang ma byon pa dang / da ltar 'byung ba'i de bzhin gshegs pa rnams ma mthong ngo // ma thos so// ma myong ngo // gang gi 'di ltar de bzhin gshegs pa rnams mthong ba dang zos pa dang / myong ba des gzungs thob bo// de ci'i phyir zhe na/
- 34b
'di ltar legs par gnas/ byang chub sems dpa' sems dpa' chen po ni/ bdag gis bsod nams byas so zhes mi 'dzin/ bdag gis bsod nams ma yin pa dang / dge ba dang / mi dge ba byas so zhes mi 'dzin to// de ci'i phyir zhe na/ 'di ltar legs par gnas byang chub sems dpa' sems dpa' chen po ni gzungs 'dzin par mi rtog/ rnam par mi rtogs go/ byang chub sems dpa' sems dpa' chen po gzungs thob pa ni/ 'das pa dang / ma 'ongs pa dang / da ltar byung ba'i chos rnams la dngos por ram/ mtshan nyid du mi rtog/ yongs su mi rtog te/ rkyen du ma yin/ rkyen du med par ma yin/ 'gro bar ma yin/ 'gro ba med par ma yin/ 'chi 'pho bar ma yin/ skye bar ma yin/ stong par ma yin/ mi stong par ma yin no// mtshan mar ma yin/ mtshan ma med pa ma yin/ smon par ma yin/ smon pa med par ma yin no// legs par gnas byang chub sems dpa' sems dpa' chen po gang / mtha' 'dis rnam par spyod pa de ni ye shes la gnas pa zhes bya'o// gang gi tshe ye shes la gnas par gyur pa de'i tshe/ mya ngan las 'das pa zhes bya'o// gang gi tshe mya ngan las 'das par gyur pa de'i tshe/ dbyig dang ldan pa'i gzungs len cing kun chub par byed/ 'dzin tam 'don tam tshig 'bru yang yongs su zad par mi 'gyur ro// yongs su ma rtag pa'i tshul
- 35a
khrims can yang yin te/ bden pa'i tshul khrims dang / rnam par dag pa'i tshul khrims can yin no// ma brtag ba'i chos can yin te/ bden pa'i chos can dang / rnam par dag pa'i chos can no// gzhan gyi dril la mi 'jog cing rang gis chos la bzhugs so// sangs rgyas la lhag par bya ba byas pa'o// rigs kyi cho ga la bzhugs pa'o// legs par gnas de ltar na/ byang chub sems dpa' sems dpa' chen po mi chags so// mi 'ching ngo // mi 'grol lo// legs par gnas gang gi tshe/ byang chub sems dpa' sems dpa' chen po mi chags/ mi 'chings/ mi 'grol ba de'i tshe/ sangs rgyas kyi rigs dang / 'das pa dang / ma byon pa dang / da ltar byung ba'i sangs rgyas bcom ldan 'das rnams kyi rig sngags kyi ming gzhan gyi gsang sngags kyi gzhi rnams kyis/ dbyig dang ldan pa'i gzungs 'di thob bo// tad+ya thA/ ku Ta Ti ku Ta Ti/ kud tsA lA/ a la i mi ro to// kod ta la/ a re ri/ a me ri Ni/ legs par gnas 'di ni/ 'das pa'i sangs rgyas bcom ldan 'das kyis rig sngags kyi ming gzhan no// ma byon pa dang da ltar byung ba'i sangs rgyas bcom ldan 'das rnams kyis rigs sngags kyi ming gzhan no// legs par gnas/ dbyigs dang ldan pa'i gzungs 'di ni/ 'das pa dang /
- 35b
ma byon pa dang / da ltar byung ba'i sangs rgyas bcom ldan 'das rnams kyi yum mo// de ci'i phyir zhe na/ 'das pa'i don la mi gnas/ ma 'ong ba dang / da ltar byang ba'i don la mi gnas pa'i phyir ro// legs par gnas/ byang chub sems dpa' sems dpa' chen po gang la la dbyig dang ldan pa'i gzungs 'di 'dzin pa des/ sangs rgyas bcom ldan 'das grangs med pa la mchod pa dang bsnyen bskur byas pa yin no/ sangs rgyas bcom ldan 'das grangs med pa dag gis bsgrags pa dang / khong du chud par byas pa yin no// sangs rgyas bcom ldan 'das grangs med pa dag gis/ bla na med pa yang dag par rdzogs pa'i byang chub tu lung bstan pa yin no// legs par gnas pa dbyig dang ldan pa'i gzungs 'di 'dzin pa'i byang chub sems dpa' sems dpa' chen pos 'di snyam du/ bdag gis sangs rgyas bcom ldan 'das grangs med pa dag 'di lta ste/ sangs rgyas kyis ye shes kyi mnyes par byas/ bsnyen bkur byas/ mchod par byas so// bsod nams grangs med pa bskyed do// snyam du shes par bya'o// su zhig bsam pa gang gi dbyig dang ldan pa'i gzungs 'dzin pa de la nye bar gnas par 'gyur te/ shes rab 'dod pa la shes rab dang / gzungs 'dod pa la gzungs dang / dbyig 'dod pa la dbyig dang / thos pa 'dod pa la thos pa nye bar gnas par 'gyur ro//
- 36a
'di'i cho ga ni zla ba yar gyi ngo la nyi ma ma shar bar 'bras sa lu'i chan dang / 'o ma spags te bza'o// sangs rgyas kyi rigs 'di dag dang / sangs rgyas bcom ldan 'das rnams rig sngags kyi ming gzhan dag rgyan du yid la bya'o// 'on kyang gsang sngags kyi gzhi 'di dag gis mthus/ gang dag gang gA'i klung gi bye ma snyed kyi 'jig rten gyi khams dag na 'khod pa'i lha ma yin nam/ nam kha lding dang / mi 'am ci dang / lto phye chen po 'am/ gnod sbyin nam/ yaM dgas sam/ grul bum 'am/ sha za 'am/ mi 'am mi ma yin pa de dag de la sems dga' bar 'gyur/ bar chad byed par mi 'gyur/ rtag tu yongs su bzung bar 'gyur/ byang chub sems dpa' sems dpa' chen po dga' bzang dang / yangs pa chen po dang / lag na rdo rje dang / yongs su dga' ldan dang / ri bde la gnas pa dang / gangs ri la gnas pas kyang yongs su bzungs par 'gyur ro// 'og min gyi bar gyi byang chub sems dpa' de dag gis kyang 'di lta ste/ dbyig dang ldan pa'i gzungs kyis mthus 'jig pa 'am/ dgon par de la byin gyis brlob par 'gyur/ de la mi 'jigs pa sbyin par 'gyur ro// bcom ldan 'das kyis dga' ldan na lwa ba dkar po lta bu'i rdo leb la bzhugs shing / de skad ces bka' stsal nas/
- 36b
byang chub sems dpa' sems dpa' chen po legs par gnas dang / byang chub sems dpa' stong phrag mang po de dag yid rangs te/ bcom ldan 'das kyis de skad ces gsungs pa la mngon par bstod do// 'phags pa dbyig dang ldan pa zhes bya ba'i gzungs rdzogs so// // rgya gar skad du/ Ar+ya a kA ra sha ta bI d+ya/ bod skad du/ 'phags pa yi ge drug pa zhes bya ba'i rig sngags/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das mnyan yod na bzhugs te/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo yi ge drug pa'i rig sngags gang / yang dag par rdzogs pa'i sangs rgyas drug dang / 'jig rten skyong ba bzhi dang / gnod sprin gyi de dpon chen po nyi shu rtsa brgyad kyi bshad pa/ yi ge drag pa'i rig sngags kyi rgyal mo/ 'di/ kun dga' bo khyod kyi bzung shig/ tshangs shig/ lhogs shig/ kun chub par gyis shig/ tad+ya thA/ dan ti le/ kan te le/ dan Da ma ti/ ma d+hu ma ti/ ka ran ti/ ko ran ti dra bI te/ ko sha ra/ tsha Da dze/ ru ru ma te/ ku ru ma ti/ cu dun te/ ku 'u Ta dan te/ ta ru hu re/ en ne ge hu tA ba tu ni/ kun dga' bo 'di ni yi ge drug pa'i rig sngags te
Colophon
'phags pa dbyig dang ldan pa zhes bya ba'i gzungs rdzogs so/