rDzogs chen - Sems sdeAll versions of this work

srog gi 'khor lo

Ayocakra

Text

ff. 199a–200b · 4 folio sides

  1. 199a

    la nyi shar bzhin// mtha'i mun pa med par ye nas gsal// bsgom pa'i yul la 'dzin pa'i gnas med pas// bsgom bcas de dag 'dzin pa'i sdug bsngal yin// bsgom pa'i gnas med rig pa rang dbang na// bsgom kyang skyon med thaMd mkha'i klong // gang yang ma bkol kun gyi re ba skong // mnyam pa nyid kyi man ngag gter chen gyi// kun la khyab cing thams cad rang la rdzogs// de la cha shas rim pas bza' ba med// des na bdud rtsi chen po yin pa la// gzhan nas btsal bas 'grub par mi 'gyur zhing // mA btsal lhun gyis grub pa'i dbyings 'gyur lo// rnam pa kun tu che bas byang chub lam thad dgongs spyod ye nas dag pa la// 'khrul dang ma 'khrul cis kyang nyams pa med// tha 'dus te cir yang mi snang bas// dus gsum rgyal ba'i dgongs pa ngan gsal// byang chub kyi sems kun 'dus rdzogs so// / srog gi 'khor lo bzhugs// rgya gar skad du/ a yo tsakA/ bod skad du/ srog gi 'khor lo// bcom ldan 'das te ma lus kun gyi dpal/ thugs rje thabs kyis 'gro don mthar phyin pa// bde ba tha~Mng mkhyen pa nyid kyi ngang // sku gsung thug kyi rang bzhin chos kyi dbyings// byang chub sems ni srog gi 'khor lo bas// mnyam nyid 'dus pa'i gter la phyag 'tshalo// lus ngag yid gsum sku gsung thugs sbyor bas// rgyal ba rnams kyi gsang chen 'khor zlog pa// mya ngan 'das pa'i dam tshig lu gu rgyud// chos dbyings rnal 'byor yongs kyi gter chen pos/ rna rgyud thugs

  2. 199b

    kyi gter chen skal ldan la// mi nub yongs kyi btsa su bzhag pa yin// sku gsung thugs las bsdus pa'i snying po 'di// dus gsum rgyal ba'i chos dbyings sku gsung thugs// mnyam nyid 'gro don man ngag kun gyi gter// skal ldan tshad ma rang rig dbang phyug gis// de'i rjes 'tsho ba thugs kyi sras mchog la// tsit+ta'i dkyil 'khor yangs par gsal gyur cig/ chos dbyings ske med mi gnas mya ngan 'das med bdag mi skye mi 'gag 'khor ba spong len med/ nga med bdag dang bral ba rgyal ba'i thugs// rnal 'byor gsang ba'i snying po mtha' yas pa// rin chen gter 'dus rgyal bas brjod mi lang // ma spangs ma bsgrubs namakho'i ngang du gnas/ khams gsum brtags na 'khor ba mya ngan med// phyogs char brtses na bde gshegs snying po yin/ kun gyi rang bzhin 'ja' tshon snang bzhin med// de la med bzhin 'byung ba rgya mtsho 'dra dang chos dbyings skye ba med pa yum gyi mkha'// rgyal po'i phyag rgya skye ba'i cho 'phrul can// 'khor ba mya ngan 'das la dgod pa'i phyir// rang byung ye shes dbyings las ma g.yos kyang // stong khams yongs la snyoms pa'i thugs rje 'byung // nga med bdag dang bral ba'i snying po rdzogs// don dam ye shes dbyings 'di rdzogs pa che// snying po nyi ma pa zhin te 'od kyi mchog/ skye 'gro phyi nang gzugs rnams thad ni da sku mchog mi zad rgyan gyi 'khor lo yangs// sgra skad rab 'bring tha ma ma lus pa// gsung mchog mi zang rgyan gyi 'khor lor rdzogs/ dbyer med don dam dbyings ro gcig paso// thugs mchog mi zang rgyan gyi 'khor

  3. 200a

    ldan yongasu rdzogs// thad sku gsung thugs te dbyer med pas// skye med na mkha'i klong yangs rgya mtsho bzhin// 'du 'bral med pa'i dbyings mchog rab 'byams na// chen po bzhi'i cho 'phrul grangs med pas// brtag ma rtogs na 'byung ba'i 'bras bur 'dus// 'chi ba med pa'i sman tshon bdud rtsi 'di// ye nas rdzogs pas ye nas btsal mi dgos// kun kyang rgyud cig chos dbyings dang du mnyam gzhan nas 'od med gong du 'gro mi srid// thad byang chub sems su gsal// snang srid thabs kyi rang bzhin rgyal ba'i yab// de la rang bzhin med pa yum gyi dbyings// thabs dang shes rab ldan par ma 'dus medas thabs dang shes rab 'brel ba'i rang bzhin la// sku gsung thugs kyi phyag rgya bsam mi khyab// chos dbyings rgyu gcig rang bzhin cir yang snang // byang chub rnam gnyis ngang du tha 'dus// mkha' dbyings rnam ngag yangs pa'i rgya mtsho la// 'byung ba'i skar tshogs mang po bsam mi khyab// de bzhin mkha' mnyam dbang phyug chen po'i thugs/ yon tan rgya mtsho sangs rgyas kun gyi ngang // bdag meng phyogs bral chos dbyings mkha' dang mnyam/ sems can kun 'dren byang chub dbyings la dgod/ sde snod rgyud dang gal po thugs la rdzogs// mtho dman phyogs mtshams byang chub sems dang ldan// chos dbyings dri med rgya mtsho dngas pa 'dra// srid gsum 'gran zla mi mnga' dbang phyug che// yongs kyi sog 'dus chos kyi 'khor lo 'di// rang rig dbang phyug rdo rje legs rtsal gyis/ rnal 'byor yongs kyi don du bsgrags pa

  4. 200b

    ngag/ gnyis med man ngag srog gi 'khor lo zhes// thugs las phyung nas 'gro ba yongs la bsngo// srog gi 'khor lo rdzogs so// / rdzu mu zhus/ rgya gar skad du/ bo d+hi tsiSh+Tha su kha bin du he chu/ bod skad du/ byang chub kyi sems bde ba'i myu gu// bcom ldan 'das dpal kun tu bzang po la phyag 'tsha lo// lha dang bcas pa'i 'jig rten na// srid pa dus kyi 'gro ba rnams// rnam rtog nyon mongs las la sogs// sdug bsngal tshogs kyi gzir ba la// dgongs pa dag pa'i pho brang na// tshangs dang lha dbang 'khor gyi bskor// thugs rjer bcas pa'i 'phrin las kyis// phyogs bcu dus gsum khyab par gsal gzugs can lus la 'dzin pa la// sku dang phyag rgyar 'dzin mod kyi// bsrung dang mi nyams spyod pa'i tshogs// bsgrub cing thob par byed pa ste// khyad par dkon mchog gsum po dang // mngon sum rdo rje slob dpon dang dang ngo bo nyid ni yi dam lha// bdag nyid byang chub sems chen de/ khams gsum rim par mi bgrod cing // mya ngan 'das par mi gnas te// 'di ni sbyor ba'i yul med pas// gzhan nas thob par mi byed// bde chen na mkha' lta bu ni// dag pas thams cad gsol ba yang // yangs pas kun la khyab pa yang // bdag nyid chen po yin par gsungs// dus gsum srid gsum ngan song gsum// bcos pa med pa'i ngo bo nyid// dkon mchogasum dang sku gsung thugs// dmigasu med par gsal ba la// dus kyi lung la mi rten cing // zos pa'i dbang la mi ltos par// rang dbang klung du gyur pa na// bde bas bdag nyid chen po yin// phyi dang nang gi chos rnams kun pa