S11.36MW22083_0011_36dkon brtsegsAll versions of this work

'phags pa lha'i bu blo gros rab gnas kyis zhus pa zhes bya ba theg pa chen po'i mdo

Āryasusthitamatidebaputtraparipricchanāmamahāyānasūtra

Text

ff. 1b–71a · 140 folio sides

  1. 1b

    / rgya gar skad du/ Ar+ya su s+thi ta ma ti de ba put+tA pa smIn+d+ha nA ma ma hA n+naT+TatI/ dod na du/ 'phags pa b u blo gros rab gnas kyis zhus pa zhes bya ba theg pa chen po'i

  2. 2a

    mdo// bam po dang po// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri li/ dge slong drug khri nyis stong gi dge 'dun chen po mngon par shes pa/ dgra bcom pa sha stag

  3. 2b

    dang ra 'jam dpal dang / seng ga'i tog la sogs pa byang chub sems dpa' bzhi khri nyis stong la/ byang chub sems dpa' sems dpa' chen po byams pa dang / spyan ras gzigs dbang phyug dang / mthu chen thob dang / spobs pa bcug dang / gzungs kyi dbang phyug rgyal po dang / lhun po brtsegs dang / lhun po'i rgyal mtshan dang / rab tu mi skul dang // don rab sems dang / legs par bsam pa sems dang / sems dpa' ba dang / sems kyi blo gros dang // sems bzang po dang / nor bu brtsegs dang / ri 'joms rgyal po dang / lag ni rin po che dang / sems dpa' rin po che dang / lag

  4. 3a

    na rin chen phyag rgya dang / rtag tu lag bteg dang / rtag tu lag brkyang dang / rtag tu lag brtson dang / sems can sgrol dang / brtson 'grus mos dang / ji skad smras pa de bzhin byed pa la gnas pa dang / smon lam 'phags dang / lag ni sgron ma dang / sems mnyam pa dang / ngan song spong dang / mya ngan gyi mun pa thams cad 'joms pa dang / brtson pa mi gtong dang / nyi ma'i snying po dang / rdo rjes rnam par gnon dang / mtha' yas rnam par gnon dang / dpag med rnam par gnon dang / mi g.yo gnas kyis rnam par gnon dang / nam mkha' mdzod dang / blo gros dam pa dang / khyad par blo gros dang / blo gros 'phel dang / 'gro grub dang / sa 'dzin dang / zla 'od dang / zla ba'i tog dang / 'od kyi tog dang / 'od dpal dang / snang ba thob pas rnam par gnon dang / seng ge ltar rnam par gnon pas mngon par bsgrags pa'i sgra dang / spobs pa thogs med dang / spobs pa gzhad pa dang / spobs pa dpa' ba dang / rnam

  5. 3b

    par gnon dang / nyi zla'i 'od zer mog mog por byed pa'i 'od dang / dmigs med dang / blo gros dpe med dang / rtag tu bzhad dgyes dbang po dang / nor bu dang / sgrib pa thams cad rnam par sel ba dang / bud med rnam sbyar go cha dang / rab tu snang ba dang / rnam par snang byed dang / mas byin dang / tshogs can rab mchog rgyal po dang / byang chub sems dpa' sems dpa' chen po sgra skad zab mo dang / de dag la sogs pa byang chub sems dpa' sem dpa' chen po bzhi khri nyis stong dang thabs cig tu bzhugs so/ / rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / de dag dang / gzhan yang lha'i bu drug khri tsam dang yang thabs cig go// lha'i bu blo gros rab gnas dang / lha'i bu mtshams bzangs dang / lha'i bu dbang phyug chen po dang / lha'i bu blo gros bzang po dang / de dag la sog pa thams cad kyang byang chub sems dpa'i theg pa la yang dag par zhugs pa'i lha'i bu bdun khri sum stong dang yang thabs cig go/ / lha ma yin gyi dbang po sgra gcan dang / lha ma yin gyi dbang po lhun po dang / de dag la sogs pa / thams cad kyang byang chub sem dpa'i theg pa la yang dag par zhug pa'i lha ma yin gyi dbang po nyis khri dang yang thab cig go// klu'i rgyal po ma dros pa dang / klu'i rgyal po zla ba dang / klu'i rgyal po 'jog pa dang / de dag la sogs pa thams cad kyang byang chub sems dpa'i theg pa la yang dag par zhugs pa'i klu'i rgyal po drug khri dang yang thabs cig go/ / de dag dang / gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang /

  6. 4a

    mi 'am ci dang / lto 'phye chen po 'bum phrag du ma dang / dge slong dang / dge slong ma dang / dge bsnyen dang / dge bsnyen ma dag dang yang thabs cig ste/ de nas bcom ldan 'das 'khor 'bum phrag du mas yongs su bskor cing mdun gyis bltas te chos ston to/ / de'i tshe na 'jam dpal gzhon nur gyur pa rang gi gnas khang na 'dug pa/ gcig pu dben pa na 'dug pa/ nang du yang dag 'jog la zhugs pa/ nyon mongs pa med pa/ sems med cing sems dang bral ba zhes bya ba'i ting 'dzin la snyoms par zhugs so// de nas 'jam dpal gzhon nur gyur pa dran zhing shes bzhin du ting nge 'dzin de las langs so/ / 'jam dpal gzhon nur gyur pa langs ma thag tu phyogs bcu'i sangs rgyas kyi zhing dpag tu med pa dag rnam pa drug tu rab tu g.yos so/ / de nas 'jam dpal gzhon nur gyur pa ting nge 'dzin de las langs nas/ 'du shes kyi rnam par rtog pa yid la byed pa 'di lta bu 'di skyes te/ de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung ba ni brgyal brgya lam na ste/ 'di lta ste/ dper na u dum wa ra'i me tog brgya la brgya lam na 'jig rten du 'byung ba de bzhin du/ gang dag skye ba'i sdug bsngal zad par bya ba'i phyir/ zhi ba/ gsal ba/ brtag tu med pa/ rtog ge dang bral ba/ zab pa shes par dka' ba'i chos ston pa'i de bzhin gshegs/

  7. 4b

    pa dgra bcom pa yang dag par rdzogs pa'i sangs rgyas rnams kyang brgya la brgya lam na 'jig rten du 'byung ngo // sangs rgyas 'byung ba med na ni chos mnyan pa'ang med do// chos mnyan pa med na ni sems can rnams kyi sdug bsngal zad pa'ang med pas/ bdag de bzhin gshegs pa dgra bcom pa yang dag par rdzogs pa'i sangs rgyas kyi spyan sngar song ste/ zhu ba zhus pa ji lta bus sems can rnams kyi dge ba'i rtsa ba yongs su 'grub par 'gyur ba dang / byang chub sems dpa'i theg pa pa'i gang zag rnams sangs rgyas kyi chos bsam gyis mi khyab pa dag la nem nur med cing the tsom med par 'gyur ba dang / sangs rgyas kyi byang chub yongs su rdzogs par 'gyur ba dang / 'jig rten gyi khams mi mjed 'di'i sems can 'di dag ni/ 'dod chags che ba/ zhe sdang che ba/ gti mug che ba/ dkar po'i chos dang bral ba/ mi dge ba'i chos dang ldan pa/ glen pa/ blun pa/ mi gus pa/ sangs rgyas dang bral ba/ chos dang bral ba/ dge 'dun dang bral ba sha stag yin pas/ ci nas kyang sems can 'di dag gis chos thos nas/ shes rab kyi mig rnam par dag par 'gyur pa de lta bu'i zhu ba zhu'o snyam mo// de nas yang 'jam dpal gzhon nur gyur pa 'di snyam du sems te/ bdag gis phyogs bcu'i byang chub sems dpa' gang dag de bzhin gshegs pa la chos nyan par 'gyur ba dang / gang dag zab mo'i

  8. 5a

    bzod pa 'di la lus kyis mngon du byed par 'gyur ba 'bum phrag mang po dag kyang bsdu bar bya'o snyam mo/ / de nas de'i tshe 'jam dpal gzhon nur gyur pa kun tu snang ba/ dri ma med pa bkod pa zhes bya ba'i ting nge 'dzin la snyoms par zhugs so// 'jam dpal gzhon nur gyur pa kun tu snang ba dri ma med pa bkod pa'i ting nge 'dzin la snyoms par zhugs ma thag tu/ de nas de'i mod la/ shar phyogs dang / phyogs bcu'i sangs rgyas kyi zhing gang+gA'i klung gi bye ba'i bye ma snyed dag mnyen pa/ 'jam pa/ rnam par dag pa/ 'od gsal ba/ dri ma med pa/ yongs su dag pa'i 'od chen po dang / snang ba chen pos khyab par gyur to// 'od de dang snang ba des phyogs bcu'i 'jig rten na/ 'jig rten gyi bar gyi mun pa mun naka dang / ri'i rtse mo dang / shing ljon pa dang / ri dang / khor yug dang / btang zung dang / btang zung chen po dang / gangs dang / ri rab dang / lhun po chen po gang dag yod pa de dag thams cad snang ba chen pos gsal bar gyur to// de nas phyogs bcu'i 'jig rten na sangs rgyas bcom ldan 'das gang+gA'i klung gi bye ma snyed dag bzhugs te 'tsho zhing gzhes pa de dag la rang rang gi bsnyen bkur bdag gis zhus pa/ bcom ldan 'das sngon ma mthong ma thos pa'i 'od 'di ltar yid du mchi ba/ 'di ltar 'od gsal ba'i snang ba chen po 'di lta bu 'jig rten du byung ba 'di/ bcom ldan 'das rgyu ni gang lags/ rkyen ni gang lags/ bcom ldan 'das 'od 'dis bdag cag

  9. 5b

    sems dang ba dang / lus sim pa chen po dang ldan zhing / sems can rnams kyi 'dod chags dang / zhe sdang dang / gti mug dag kyang kun tu mi 'byung lags na/ bcom ldan 'das gang khri 'od 'di lta bu bkye ba 'di su'i mthu lags/ 'di su'i byin gyi rlabs lags/ de skad ces gsol pa dang / sangs rgyas bcom ldan 'das de dag bsnyen bkur ba de dag la cang mi gsung bar gyur to// sangs rgyas kyi mthus phyogs bcu'i 'jig rten na lha'i sgra dang / klu'i sgra dang / gnod sbyin gyi sgra dang / lha ma yin gyi sgra dang / nam mkha' lding gi sgra dang / dri za'i sgra dang / mi 'am ci'i sgra dang / lto 'phye chen po'i sgra dang / mi'i sgra dang / mi ma yin pa'i sgra dang / bya'i sgra dang / ri dgas kyi sgra gang dag yod pa de dag thams cad kyang mi grags par gyur to// rlung gi sgra dang / chu'i phung po'i sgra dang / rgya mtsho chen po'i shugs kyi sgra dang / rol mo'i sgra dang / glu'i dbyangs kyi sgra gang dag yod pa de dag thams cad kyang mi grag par gyur te/ 'ga' yang sgra mi 'byin cing / thams cad zhi ba dang / rab tu zhi bar gyur to/ / yang sangs rgyas bcom ldan 'das de dag la bsnyen bkur ba de dag gis lan gnyis lan gsum du 'di skad ces gsol to// skye bo mang po la sman pa dang / skye bo mang po la bde ba dang / lha dang mi rnams kyi skye bo phal po che'i don dang / sman pa dang / bde ba'i slad du/ bcom ldan 'das kyis gang gis 'od 'di lta bu bkye zhing / des sangs rgyas kyi zhing 'di dag thams cad

  10. 6a

    snang bar gyur pa 'di su'i mthu lags pa bshad du gsol/ de nas phyogs bcu'i sangs rgyas kyi zhing gang+gA'i klung bye ba'i bye ma snyed dag gi sangs rgyas bcom ldan 'das de dag thams cad kyis sangs rgyas thams cad kyi gsung gi sgra dbyangs gcig tu bsdus nas gsung gi 'phrin las brjod de/ de bzhin gshegs pa gcig ji lta ba bzhin du gzhan yang de bzhin du gsung zhing / de dag gis gsung gi 'phrin las sgra dbyangs gcig tu bsdus pa de lta bu des bsnyen bkur ba de dag la bka' stsal to// sangs rgyas bcom ldan 'das de dag gi gsung brjod pa des sangs rgyas kyi zhing thams cad kun tu gang bar gyur te/ lha dang mir bcas pa'i sil snyan 'bum phrag mang po dag kyang sgra mngon par 'byin cing / rol mo'i sgra dag kyang ma dkrol bar sgra grag par gyur to// rol mo'i sgra de dag las mi rtag pa dang / sdug bsngal ba dang / bdag med pa dang ldan pa'i sgra 'byung zhing / stong pa nyid kyi sgra dang / mtshan ma med pa'i sgra dang / smon pa med pa'i sgra dang / 'dod chags dang bral ba'i sgra dang / rnam par grol ba'i sgra dang / chos kyi dbyings kyi sgra dang / de bzhin nyid kyi sgra dang / yang dag pa'i mtha'i sgra dang / sbyin pa'i sgra dang / tshul khrims kyi sgra dang / bzod pa'i sgra dang / brtson 'grus kyi sgra dang / bsam gtan gyi sgra dang / shes rab kyi sgra dang / nges pa'i sgra dang / phan pa'i dngos po'i sgra dang / byams pa dang / snying rje dang / dka' ba dang / btang snyoms

  11. 6b

    kyi sgra dag dang / de lta bu dang 'thun pa'i chos kyi sgo 'bum phrag du ma dag gi sgra byung bar gyur to// sgra byung ba de dag gis sems can bye ba khrag khrig 'bum phrag dpag tu meng grangs med pa dag bla na med pa yang dag par rdzogs pa'i byang chub dang / nyan thos nyid dang / rang sangs rgyas nyid dang / brgya byin nyid dang / tshangs pa nyid dang / 'khor los sgyur ba'i rgyal srid yongs su 'grub pa las phyir mi ldog par gyur to/ / de nas sangs rgyas bcom ldan 'das de dag gis bsnyen bkur ba de dag la 'di skad ces bka' stsal to// rigs kyi bu dag 'di lta bu'i gtam dris pas khyed la ci zhig byas thong zhig/ 'od 'di ni ji tsam du bsam gyis mi khyab pa'i dge ba'i rtsa ba dang / ji tsam du bsam gyis mi khyab pa'i sbyin pa'i tshogs dang / tshul khrims dang / bzod pa dang / brtson 'grus dang / bsam gtan dang / shes rab kyi tshogs kyis yongs su sbyang ba byas pa yin te/ 'di ni nyan thos dang rang sangs rgyas thams cad kyis ma yin no// gal te de bzhin gshegs pas 'od 'di'i bsngags pa brjod par gyur na/ lha dang bcas pa'i 'jig rten thams cad 'di la rmongs par 'gyur ro// 'od 'di ni byams pa dang / snying rje dang / dga' ba dang / btang snyoms thams cad kyis yongs su bsgos pas/ yongs su tshim par byed pa ste/ 'od 'di'i bsngags pa brjod par gyur na/ bskal pa 'am/ bskal pa las lhag par yang bsngags pa brjod pa'i

  12. 7a

    mthar phyin par sla ba ma yin no/ / rigs kyi bu dag de lta mod kyi/ 'on kyang legs par nyon la rab tu yid la zung zhig dang / khyed la bshad par bya'o// sangs rgyas bcom ldan 'das de dag la bsnyen bkur ba de dag gis lan gnyis lan gsum du 'di skad ces gsol to/ / skye bo mang po la sman pa dang / skye bo mang po la bde ba dang / byang chub sems dpa' rnams kyi dge ba'i rtsa ba yongs su 'grub par bgyi ba'i slad du/ bcom ldan 'das kyis bshad du gsol/ de skad ces gsol pa dang / sangs rgyas bcom ldan 'das de dag gis rang rang gi bsnyen bkur ba de dag la 'di skad ces bka' stsal to/ / rigs kyi bu dag 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das bzhugs te/ 'tsho zhing gzhes pa de snyigs ma lnga dang ldan pa'i 'jig rten gnas par 'dod chags dang / zhe sdang dang / gti mug gis gzir ba'i sems can mi gus pa/ dbang po rtul ba/ ngo tsha shes pa dang khrel yod pa dang bral ba/ nyon mongs pa can gyi las la spyod pa de lta bu'i sems can rnams kyi sangs rgyas kyi zhing du bla na med pa yang dag par rdzogs pa'i byang chub mngon par rdzogs par sangs

  13. 7b

    rgyas te chos ston to/ / rigs kyi bu dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i sangs rgyas kyi zhing 'jig rten gyi khams mi mjed de na/ byang chub sems dpa' 'jam dpal gzhon nur gyur pa zhes bya ba mthu che ba/ shes pa che ba/ brtson 'grus che ba/ byang chub sems dpa' rnams yang dag par ston par byed pa/ byang chub sems dpa' rnams yang dag par 'dzin du 'jug pa/ byang chub sems dpa' rnams yang dag par gzengs bstod pa/ byang chub sems dpa' rnams yang dag par rab tu dka' bar byed pa/ byang chub sems dpa' rnams kyi pha'i go 'byed pa/ byang chub sems dpa' rnams kyi ma'i ko 'byed pa/ chos thams cad kyi gzhi rab tu 'byed pa'i shes pa la mkhas pa/ chags pa med pa'i shes rab kyi pha rol tu phyin pa thob pa/ thogs pa med pa'i spobs pa dang ldan pa/ gzungs thob pa/ byang chub sems dpa'i yon tan bsam gyis mi khyab pa dang ldan pa zhig 'dug pa de/ 'di lta ste/ sems can rnams kyi dge ba'i rtsa ba yongs su 'grub par bya ba dang / byang chub sems dpa'i theg pa pa'i gang zag rnams kyi sangs rgyas kyi chos bsam gyis mi khyab pa yongs su rdzogs par bya ba'i phyir/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la chos kyi zhu ba zhu bar 'gyur te/ rigs kyi bu dag byang chub sems dpa' 'jam dpal

  14. 8a

    gzhon nur gyur pa des/ byang chub sems dpa' gang dag chos bstan pa de nyan cing 'du bar 'gyur ba'i byang chub sems dpa' dpag tu med pa dag phyogs bcu nas bsdu ba'i phyir 'od 'di bkye ste/ rigs kyi bu dag snang ba chen po 'jig rten du byung ba 'di'i rgyu ni de yin/ rkyen ni de yin no// de skad ces bka' stsal pa dang / sangs rgyas bcom ldan 'das de dag la bsnyen bkur ba de dag gis 'di skad ces gsol to/ / bcom ldan 'das byang chub sems dpa' 'jam dpal gzhon nur gyur pa de ting nge 'dzin gang la gnas nas 'od 'di lta bu 'gyed lags/ bka' stsal pa/ ting nge 'dzin kun tu snang ba dri med bkod pa ste/ byang chub sems dpa' 'jam dpal gzhon nur gyur pa de ting nge 'dzin de la gnas nas 'od 'di lta bu 'gyed do// gsol pa/ bcom ldan 'das sangs rgyas bcom ldan 'das rnams ni 'di ltar gsal ba/ 'di ltar rnam par dag pa/ 'di ltar lus dang sems dga' ba dang / mchog tu dga' bar bgyid pa'i 'od 'di lta bu 'gyed par mi mdzad lags so/ / bka' stsal pa/ rigs kyi bu dag byang chub sems dpa' bsdu ba dang / byang chub sems dpa' bskul ba'i chos kyi rnam grangs rtag tu rgyun mi 'chad pa'i phyir ro/ / de nas phyogs bcu'i sangs rgyas kyi zhing dpag tu med grangs med bsam gyis mi khyab pa gad+hA'i klung bye ba'i bye ma snyed dag na/ sangs rgyas

  15. 8b

    kyi zhing re re nas kyang / byang chub sems dpa' dkrigs phrag bye ba khrag khrig 'bum phrag dpag tu med grangs med bsam gyis mi khyab pa dag sangs rgyas bcom ldan 'das de dag ga la ba der song ste lhags nas/ sangs rgyas bcom ldan 'das de dag gi zhabs la mgo bos phyag 'tshal te/ sangs rgyas bcom ldan 'das de dag la 'di skad ces gsol to// bcom ldan 'das sngon ma mthong ma thos pa yon tan du ma dang ldan pa'i 'od 'di lta bu dang / snang ba 'di lta bu dang / 'bar ba 'di lta bu 'di dag ga las mchis/ su'i 'od lags/ de skad ces gsol pa dang / sangs rgyas bcom ldan 'das de dag gis byang chub sems dpa' de dag la 'di skad ces bka' stsal to/ / rigs kyi bu dka 'jig rten gyi khams mi mjed ces bya ba yod de/ de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te/ 'tsho zhing gzhes la chos kyang ston to// de na byang chub sems dpa' 'jam dpal gzhon nur gyur pa zhes bya ba zhig 'dug pa des/ 'di lta ste/ phyogs bcu'i byang chub sems dpa' rnams bsdu ba'i phyir/ 'od 'bar ba 'di lta bu 'di bkye'o// de skad ces bka' stsal pa dang / sangs rgyas bcom ldan 'das de dag la byang chub sems dpa' de dag gis 'di skad ces gsol to/ / bcom ldan 'das bdag cag/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya

  16. 9a

    thub pa de la blta ba dang / phyag bgyi ba dang / bsnyen bkur bgyi ba dang / zhu ba dang / zhu blag bgyi ba dang / byang chub sems dpa' 'jam dpal gzhon nur gyur pa de dang de las gzhan pa'i byang chub sems dpa' dag kyang blta ba'i slad du/ 'jig rten gyi khams mi mjed der mchi'o// bka' stsal pa/ rigs kyi bu dag de'i dus la dbab par shes na dreng zhig d e nas de'i mod la phyogs bcu'i byang chub sems dpa' dkrigs phrag bye ba khrag khrig 'bum phrag dpag tu med grangs med bsam gyis mi khyab pa dag skad cig thang cig yud tsam de nyid la 'di lta ste/ dper na mi stobs po che'i lag pa bskums pa las brkyang ba 'am/ brkyang ba las bskums pa tsam la/ rang rang gi sangs rgyas kyi zhing dag nas mi snang bar gyur nas/ 'jig rten gyi khams mi mdzad 'dir lhags par gyur to/ / de na byang chub sems dpa' la la dag ni me tog gi char dag mngon par rab tu 'bebs shing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der lhags so/ / la la dag ni phye ma dang / byug pa dang / me tog 'phreng dang / spos kyi char dag dang / me tog ut+pa la dang / pad+ma dang / ku mu ta dang / pad+ma dkar po dang / tsam pa ka dang / a ti mug ta ka dang / skya snar dang / d+ha nuska ri dang / sna ma'i me tog dang / bA ra shi ka dang / bA ra shi ka chen po dang / man+da ra ba dang /

  17. 9b

    man+da ra ba chen po dang / pA ru sha ka dang / pA ru sha ka chen po dang / zla mdog dang / zla mdog chen po dang / zla mdog rab mdzes la sogs pa me tog gi rigs rnam pa sna tshogs kyi char dag dang / spos kyi char dag dang / 'phreng ba'i char dag dang / phye ma'i char dag mngon par rab tu 'bebs shing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der lhags so/ / byang chub sems dpa' la la dag ni sil snyan 'bum phrag du ma dag rab tu gsil zhing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ka la ba der lhags so/ / byang chub sems dpa' la la dag ni de bzhin gshegs pa la bstod pa'i sgra dbyangs re res kyang / stong gsum gyi stong chen po'i 'jig rten gyi khams rnams su sgra skad kyis go bar byed cing lhags te/ de lta bu'i bkod pa rnam pa sna tshogs dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der lhags so/ / byang chub sems dpa' de dag 'jig rten gyi khams mi mjed 'dir lhags ma thag tu/ de nas de'i mod la 'di lta ste/ byang chub sems dpa' de dag gi mthus stong gsum gyi stong chen po'i 'jig rten gyi khams 'di na sems can dmyal ba dang / dud 'gro'i skye gnas dang / gshin rje'i 'jig rten gyi sems can

  18. 10a

    gang dag ji snyed yod pa de dag thams cad nye bar zhi bar gyur to/ / sems can gang la'ang 'dod chags kyi gnod pa med/ zhe sdang gis ma yin/ gti mug gis ma yin/ nga rgyal gyis ma yin/ phrag dog gis ma yin/ ser snas ma yin/ 'chab pas ma yin/ khro bas ma yin/ yongs su gdung bas ma yin te/ sems can thams cad byams pa'i sem dang / mchog tu dga' ba'i sems dang ldan par gyur to// de nas byang chub sems dpa' dkrigs phrag bye ba khrag khrig 'bum phrag dpag tu med grangs med bsam gyis mi khyab pa de dag/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der dong ste lhags nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i zhabs la mgo bos phyag 'tshal te/ bcom ldan 'das la lan gsum bskor ba byas nas/ steng gi bar snang la lus mi snang bar byas te/ lus thams cad rnam par 'jig pa zhes bya ba'i ting nge 'dzin la snyoms par zhugs nas/ rang rang gi smon lam las byung ba'i pad+ma kha dog sna tshogs 'dab ma 'bum phrag dum dang ldan pa'i pad+ma'i snying po dag la skyil mo krung bcas te 'dug par gyur to/ / de nas gnas brtan 'od srungs chen pos chos kyi cho 'phrul chen po ngo mtshar rmad du byung ba de dang

  19. 10b

    me tog gi char dang / spos kyi char dang / phye ma'i char de dag dang / sil snyan 'bum phrag mang po sgra 'byin pa de dag dang / snang ba chen po de'ang mthong / gling chen po bzhi pa'i 'jig rten gyi khams/ 'di me tog dag gis pus mo nub tsam du khebs par gyur pa'ang mthong / 'khor phal po che lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / dge slong dang / dge slong ma dang / dge bsnyen dang / dge bsnyen ma de dag thams cad kyi lus kaser gyi kha dog lta bur snang ba dag kyang mthong ngo / / de nas gnas brtan 'od srungs chen po stan las langs te/ chos kos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la tshigs su bcad pa 'di dag gis mngon par bstod do// rab dga' bde ba stsol ba shin tu dri ma med pa'i zhal/ / mi yi dam pa stobs bcu yon tan brgya dag nges bsags pa// bsam yas gzhal du ma mchis yid gnyis mun pa sel ba po// sa bla lha yul rnam par rgyu ba khyod dang mtshungs ma mchis bskal pa khrag khrig phrag brgyar sbyin dang dul ba legs par spyad/ / bde gshegs khyod kyi tshul khrims mtshungs pa ma mchis gnas ma mchis// bzod stobs shin tu stobs dang ldan pa stobs

  20. 11a

    bcu'i stobs ldan pa/ / yon tan mnga' ba 'dzum mdzad bdag gi the tsom bsal du gsol// sems can sdug bsngal gzigs nas bskal pa brgya dag rnam spyad kyang // skyo zhing spong ba mi mnga' dgyes pa gzhal du ma mchis brnyes// sras dang sras mo btsun mo rgyal srid spyan dang sna tshogs btang // sbyin dgyes thams cad gtong ba bdag gi the tsom bsal du gsol/ / khyod kyis sngon chad chibs dang glang po shing rta dpung chung stsal// gtong la dgyes pas dbu dang na bza' khrag khrig brgya yang btang // thub pas zhal zas sdung nan de bzhin po brang dkor yang stsal/ / sbyin dang gtong la rtag tu dgyes pa bde gshegs khyod la zhu// stong pa'i chos rnams nges par bsten cing thugs la legs dgongs pas// rdul bral skya lus gtubs kyang sdug bsngal 'khrug pa mi mnga' zhing / / gsungs shes zhus na bzod pa gsung ba'i stobs la brtson pa yi// yon tan mnga' ba rdul dang bral ba khyod la zhu bar 'tshal// 'dod chags zhe sdang dag gis rab dkrugs rmongs shing kun dkris la/ / bdag tu 'du shes brtson pa'i sems can sdug bsngal gzigs nas ni// thugs rje bskyed nas bskal pa brgya dag srid pa 'dir spyad pa/ / dpa' bo lam rab ston par mdzad pa bdag gi skyabs gyur cig/ bde gshegs legs pa mdzad pa khyod ni 'gro la thogs mi mnga'// spyad pa legs par spyad pas rdzu 'phrul

  21. 11b

    zhabs dang ye shes brnyes/ / bdag dang sems can rnam par bshig cing stong pa'i chos la brtson// shin tu dri ma mchis bsam bsgoms dag gi the tsom khrum// khyod kyis sngon ni sbyin dang tshul khrims bzod pa brtson 'grus dang / / bsam gtan shes rab snying rje byams pa mtshungs pa ma mchis bsten// khyod kyi yon tan bsam gyis mi khyab chu 'dzin rgya mtsho bzhin// 'byung gnas bzang po shin tu gnas pa bdag gi skyabs gyur cig/ rdul bral khyod kyis sku las dum bu dum bur bcad cing ni// srang la gcal ba mdzad cing dam dum lhag rol ma lus par// sku kun ril gyis btang ste phug ron phrug gu gcig ma btang / rdul bral 'od mdzad thugs rje mnga' ba the tsom gcad du gsol// lha tshogs gnas pa'i ri bo g.yos shing dgung ni rdib gyur la// lha ma yin gyi tshogs kyi gnas mal rgya mtsho bas gyur cing / / mkha' la gnas shing rgyu ba'i dkung zla dog sar lhung gyur kyang // rgyal ba grags pa mdzad pa khyod ni log pa'i tshig mi gsung // de nas gnas brtan 'od srungs chen pos bcom ldan 'das lnga tshogs su bcad pa de dag gis mngon par bstod nas/ bcom ldan 'das la 'di skad ces gsol to// bcom ldan 'das snang ba chen po 'jig rten du byung zhing / ngo mtshar rmad du byung ba'i mtshan ma rgya chen po 'di lta bu gda' ba 'di'i rgyu ni gang lags/ rkyen ni gang lags/ de skad ces gsol

  22. 12a

    pa dang / bcom ldan 'das kyis tshe dang ldan pa 'od srungs chen po la 'di skad ces bka' stsal to// 'od srungs 'di lta bu'i gtam dris pas khyod la ci zhig byas thong zhig/ 'di ni nyan thos dang rang sangs rgyas thams cad kyis ma yin no// gal te de bzhin gshegs pas gnas 'di bstan par gyur na/ lha dang bcas pa'i 'jig rten 'di la rmongs shing bslad par 'gyur ro/ / gsol pa/ bcom ldan 'das de bzhin gshegs pas skye bo mang po la sman pa dang / skye bo mang po la bde ba'i slad du bshad du gsol/ de skad ces gsol pa dang / bcom ldan 'das kyis tshe dang ldan pa 'od srungs chen po la 'di skad ces bka' stsal to// 'od srungs de'i phyir legs par rab tu nyon la yid la zung zhig dang bshad par bya'o// gnas brtan 'od srungs chen pos/ bcom ldan 'das legs so zhes bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to// 'od srungs 'di na 'jam dpal gzhon nur gyur pa kun tu snang ba dri med bkod pa zhes bya ba'i ting nge 'dzin la snyoms par zhugs te/ de'i mthus phyogs bcu'i sangs rgyas kyi zhing gang+gA'i klung bye ba'i bye ma snyed dgra 'od kyis snang bar byas nas/ 'od des phyogs bcu'i byang chub sems dpa' dkrigs phrag bye ba khrag khrig 'bum phrag dpag tu med grangs med bsam gyis mi khyab pa dag yang dag par bskul te/ 'jig rten gyi

  23. 12b

    khams mi mjed 'dir lhags nas/ de dag gis dgazod nga'i rkang pa la mgo bos phyag byas te/ ngal lan gsum bskor ba byas nas/ steng gi bar snang la ta la srid tsam na pad+ma dgal 'khod do// de nas bcom ldan 'das la tshe dang ldan pa 'od srungs chen pos 'di skad ces gsol to/ / bcom ldan 'das byang chub sems dpa' de dag gi mthus me tog gi char 'di lta bu 'di dag rab tu bab cing / spos kyi char dag dang / phye ma'i char 'di dag kyang rab tu bab la/ sil snyan 'bum phrag mang po dag kyang ma dkrol bar sgra 'byin lags sam/ bcom ldan 'das kyis bka' stsal pa/ 'od srungs de de bzhin te/ byang chub sems dpa' de dag gi mthus me tog gi char 'di lta bu 'di dag rab tu bab cing / spos kyi char dag dang / phye ma'i char 'di dag kyang rab tu bab la/ sil snyan 'bum phrag mang po dag kyang ma dkrol bar sgra 'byin to/ / gsol pa/ bcom ldan 'das 'di na byang chub sems dpa' 'ga' yang mi gda' 'o// bcom ldan 'das kyis bka' stsal pa/ 'od srungs de dag ni nyan thos rnams dang rang sangs rgyas dag gis blta bar mi nus so/ / de ci'i phyir zhe na/ 'od srungs 'di ltar nyan thos dang rang sangs rnams ni byang chub sems dpa' rnams snying rje chen po gang dang / byams pa chen po gang dang / phan par 'dod pa gang dang / spyod pa gang la gnas pa dang / byang chub sems dpa' rnams sbyin pa dang / tshul khrims dang / bzod pa dang / brtson 'grus dang / bsam

  24. 13a

    gtan dang / shes rab gang la gnas pa de la mi gnas shing / byang chub sems dpa' rnams gang la spyod pa'i lhag pa'i bsam pa de la'ang mi spyod pa'i phyir ro// 'od srungs byang chub sems dpa' de dag ni lus thams cad rnam par 'jig pa zhes bya ba'i ting nge 'dzin la snyoms par zhugs pas/ de dag ni nyan thos rnams dang rang sangs rgyas dag gis lta bar mi nus te/ bzhin gshegs pa rnams kyis gzigs pa kha nor zad do// 'od srungs rigs kyi bu de dag ni 'di ltar sa la gnas pa'i byang chub sems dpa' rnams dang / theg pa la gsar du zhugs pa'i byang chub sems dpa' rnams kyis kyang re zhig mi mthong na/ nyan thos dang rang sangs rgyas rnams kyis mthong bar 'gyur ba lta ci smos te/ de ni gnas med do// de skad ces bka' stsal pa dang / bcom ldan 'das la tshe dang ldan pa 'od srungs chen pos 'di skad ces gsol to/ / bcom ldan 'das byang chub sems dpa' chos du dag dang / spyod pa ci 'dra ba dang / dge ba'i rtsa ba ji lta bu dag dang ldan na/ byang chub sems dpa'i ting nge 'dzin lus thams cad rnam par 'jig pa 'thob par 'gyur lags/ bcom ldan 'das kyis bka' stsal pa/ 'od srungs byang chub sems dpa' chos bcu dang ldan na/ byang chub sems dpa'i ting nge 'dzin lus thams cad rnam par 'jig pa 'thob par 'gyur te/ bcu gang zhe na/ lhag pa'i bsam pa la yang dag par 'jug pa dang / sems can thams cad yongs su mi gtong ba dang /

  25. 13b

    snying rje chen po yongs su rdzogs par byed pa dang / mtshan ma thams cad rnam par 'jig pa dang / sangs rgyas kyi chos thams cad la lhag par dmigs shing / de la rlom sems med pa dang / nyan thos dang rang sangs rgyas kyi sa la lhag par dmigs pa med cing / de las ye shes yongs su tshol ba dang / lus dang srog kyang yongs su gtong na/ dngos po gzhan dag lta ci smos te/ bdog pa thams cad yongs su gtong ba dang / tshogs dpag tu med pa yongs su 'dzin cing / tshogs des rlom sems med pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dpag tu med pa yongs su rdzogs par byed cing / pha rol tu phyin pa de dag la rtog pa med pa dang / bdag gis sems can thams cad sangs rgyas kyi chos rnams la bkod nas/ phyis byang chub kyi shing drung du 'gro bar bya'o snyam yang sems can rnams dang / byang chub mi dmigs pa ste/ 'od srungs byang chub sems dpa' chos bcu po de dag dang ldan na// byang chub sems dpa'i ting nge 'dzin lus thams cad rnam par 'jig pa 'thob par 'gyur ro// de skad ces bka' stsal pa dang / bcom ldan 'das la gnas brtan 'od srungs chen pos 'di skad ces gsol to/ / bcom ldan 'das ji tsam du bcom ldan 'das de bzhin gshegs pa nyan thos kyi theg pa pa dang / rang sangs rgyas kyi theg pa pas nam yang sems 'ga' yang ma bskyed pa'i legs

  26. 14a

    @par gsungs pa gsung ba ni/ bcom ldan 'das ngo mtshar lags te/ bdag gis sems can thams cad dgra bcom pa nyid kyi chos rnams pa'ang dgod par bgyi na/ sangs rgyas kyi chos rnams la lta smos kyang ci 'tshal lags/ bcom ldan 'das kyis bka' stsal pa/ 'od srungs de lta bas na nyan thos dang rang sangs rgyas rnams kyis ni/ lus thams cad rnam par 'jig pa'i ting nge 'dzin la snyoms par 'jug par mi nus te/ ting nge 'dzin de'i ming yang mi shes na/ snyoms par 'jug par 'gyur ba lta ci smos te/ de ni gnas med do// de skad ces bka' stsal pa dang / bcom ldan 'das la gnas brtan 'od srungs chen pos 'di skad ces gsol to// bcom ldan 'das bdag gis byang chub sems dpa' de dag blta bar bgyi'o// de ci'i slad du zhe na/ bcom ldan 'das skyes bu dam pa de lta bu de dag mthong bar dka' ba'i slad du'o/ / bcom ldan 'das kyis bka' stsal pa/ 'od srungs 'jam dpal gzhon nur gyur pa 'ongs kyi bar du khyod re zhig sdod cig/ dang / de nas byang chub sems dpa' de dag ting nge 'dzin de las sdang zhing / de'i 'og tu mthong bar 'gyur ro// 'od srungs de lta mod kyi/ khyod nyid ting nge 'dzin rnams kyi gnas thob pa yin gyis/ byang chub sems dpa' de dag spyod lam ji lta bus gnas pa rtogs shig/ de nas gnas brtan 'od srungs chen pos/ bcom ldan 'das kyi ltar mnyan nas/ byang chub sems dpa' de dag

  27. 14b

    spyod lam ji lta bus gnas pa blta ba'i phyir/ de'i tshe sangs rgyas kyi mthu dang / rang gi stobs bskyed pas ting nge 'dzin nyi khri la snyoms par zhugs shing / rnam par langs kyang de dag ma mthong / ste/ byang chub sems dpa' de dag gi 'ong ba dang 'gro ba'ang ma shes/ de dag gi gnas dang rab tu gnas pa'ang ma shes/ ci byed pa dang / ci ston pa dag kyang thams cad kyi thams cad du ma shes ma mthong ngo / / de nas bcom ldan 'das la gnas brtan 'od srungs chen pos 'di skad ces gsol to// bcom ldan 'das 'di ltar bdag ting nge 'dzin nyi khri la snyoms par zhugs kyang / byang chub sems dpa' de dag ma mthong ba ni/ bcom ldan 'das ngo mtshar lags so// bde bar gshegs pa shin tu ngo mtshar lags so// bcom ldan 'das byang chub sems dpa' de dag da dung thams cad mkhyen pa nyid ma thob par/ de ltar zhi ba'i ting nge 'dzin bsgrubs pas kyang de lta lags na/ byang chub sems dpa' gang dag thams cad mkhyen pa'i ye shes thob pa dgra lta smos kyang ci 'tshal te/ bcom ldan 'das rigs kyi bu dang / rigs kyi bu mo su zhig bla na med pa yang dag par rdzogs pa'i byang chub tu sems skyed par mi bgyid/ bcom ldan 'das gal te/ byang chub sems dpa' lus thams cad rnam par 'jig pa'i ting nge 'dzin 'di nyid kyi slad du go cha 'tshal bar bgyid pa de ni go cha legs par 'tshal ba lags pas/ ting nge 'dzin 'di ni slad kyis kyang

  28. 15a

    yongs su gtang bar mi bgyi'o/ / bcom ldan 'das kyis bka' stsal pa/ 'od srungs de de bzhin no// ji ska du smras pa de bzhin te/ 'di ni nyan thos dang rang sangs rgyas thams cad kyi sa'ang ma yin na/ sems can gzhan dag gis lta smos kyang ci dgos/ de nas gnas brtan shA ri'i bu 'di snyam du sems te/ bdag ni de bzhin gshegs pas shes rab can rnams kyi mchog tu bstan pa yin gyis/ byang chub sems dpa' de dag spyod lam ji lta bus gnas pa bdag gis brtag par bya'o snyam mo// de nas gnas brtan shA ri'i bu byang chub sems dpa' de dag blta ba'i phyir ting nge 'dzin sum khri la snyoms par zhugs shing / rnam par langs kyang de dag gi mtshan ma'ang shes par ma nus so// de nas gnas brtan rab 'byo/ 'di snyam du sems te/ bdag gis byang chub sems dpa' de dag blta bar bya'o snyam mo// de nas gnas brtan rab 'byor byang chub sems dpa' de dag blta ba'i phyir/ sangs rgyas kyi mthu/ dang / rang gi stobs bskyed pas ting nge 'dzin bzhi khri la snyoms par zhugs shing / rnam par langs kyang / de dag gi 'ong ba dang 'gro ba'ang ma shes/ 'greng ba'ang ma mthong / 'chag pa'ang / mthong / 'dug pa'ang ma mthong / nyal ba'ang ma mthong ste/ de dag blta bar ma nus so// de nas gnas brtan rab 'byor gyis bcom ldan 'das kyi zhabs gnyis la gtugs nas/ bcom

  29. 15b

    ldan 'das la 'di skad ces gsol to/ / bcom ldan 'das bdag ni de bzhin gshegs pas nyon mongs pa ma mchis par gnas pa rnams kyi mchog tu bstan te/ bdag zhi ba'i ting nge 'dzin rnams thob pa lags pas/ bcom ldan 'das bdag gal te gling chen po bzhi pa'i 'jig rten gyi khams 'di rnga bo che'i sbubs gcig tu gyur cing / gling chen po bzhi pa'i 'jig rten gyi khams cig shos kyang rnga bo che'i sbubs gcig tu gyur la/ der mi la la zhig skyes nas/ des ri rab tsam gyi rnga shing thogs te/ bdag ting nge 'dzin la snyoms par zhugs ma thag tu mdun du mchis nas/ sug las gzhan mi bgyid par bskal pa'i bar du rgyun mi 'chad par rnga bo che de gnyis brdungs par gyur kyang / bcom ldan 'das bdag nyon mongs pa ma mchis par gnas pa'i slad du/ de ltar bsgrubs te zhi ba'i ting nge 'dzin rnams thob pa la re zhig bskal pa 'das par gnas pa'i rnga bo che de gnyis kyi sgra de dag bdag gi rna ba'i rnam par rig pa tsam du'ang grag par mi 'gyur na// des ting nge 'dzin de las slong ba lta smos kyang ci 'tshal te/ de ni gnas ma mchis lags na/ bcom ldan 'das bdag nyon mongs pa ma mchis par gnas pa de lta bu dang ldan zhing / ye shes de lta bu dang ldan pas byang chub sems dpa' de dag blta ba'i slad du ting nge 'dzin bzhi khri la snyoms par zhugs shing / rnam par langs kyang de dag ma mthong ste/ de dag gi gnas kyang ma 'tshal lakra

  30. 16a

    so/ / bcom ldan 'das gal te byang chub sems dpa' rnams kyis ye shes de lta bu yongs su tshol ba na/ sems can re re'i slad du bskul pa gang+gA'i klung gi bye ma snyed du sems can dmyal ba chen por sreg par gyur kyang spro bar bgyi zhing / bcom ldan 'das byang chub sems dpa' rnams kyis ye shes bsam gyis mi khyab pa de lta bu yongs su gtang bar mi 'gyi'o// bcom ldan 'das gal te bdag len pa ma mchis par zag pa rnams las sems rnam par grol bar ma gyur na ni/ bdag slad ma'i mtha'i mur thug par 'khor bar spyod cing / de lta bu'i theg pa chen po'ang yongs su spong bar mi bgyid do/ / de nas bcom ldan 'das kyis gnas brtan rab 'byor la legs so zhes bya ba byin te/ rab 'byor khyod kyis lhag pa'i bsam pa de lta bus tshig de skad smras pa legs so legs so/ / rab 'byor khyod gal te phung po 'di dag nyid kyis yongs su mya ngan las 'da' bar ma gyur tu zin na/ khyod dge ba'i rtsa ba 'dis 'khor los sgyur ba'i rgyal srid gad+hA'i klung gi bye ma snyed byed du 'jug cing / bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro// rab 'byor stong gsum gyi stong chen po'i 'jig rten gyi khams kyi sems can ji snyed pa de dag mang ba yin nam/ gsol pa/ bcom ldan 'das mang lags so// bde bar gshegs pa mang lags so// bka' stsal pa/ rab 'byor nan gyi

  31. 16b

    dper byas te/ gal te sems can de dag thams cad dge slong rab 'byor dang / shA ri'i byA dang / 'od srungs chen po ci 'dra ba de lta bu'i shes pa dang ldan par gyur la/ rab 'byor nyan thos/ chen po de lta bu de dag gis byang chub sems dpa' de dag blta ba'i phyir bskal pa bye ba khrag khrig 'bum phrag du mar brtags kyang mthong bar mi nus so// de ci'i phyir zhe na/ rab 'byor nyan thos dang rang sangs rgyas rnams ni byang chub sems dpa' rnams chos gang dag la spyod pa de dag la mi spyod pa'i phyir te/ rab 'byor de ni nyan thos dang rang sangs rgyas thams cad kyi gnas ma yin no/ / bstan pa 'di bshad pa na lha dang mi'i skye dgu rnams las srog chags brgyad khri bzhi stong bla na med pa yang dag par rdzogs pa'i byang chub tu sems skyes so// de nas 'jam dpal gzhon nur gyur pa gnas de nyid na 'dug pa 'di snyam du sems te/ byang chub sems dpa' bye ba khrag khrig 'bum phrag mang po 'di dag 'dus kyis/ bdag gis lha 'bum phrag mang po dag kyang / bsdu bar bya'o snyam mo// de nas 'jam dpal gzhon nur gyur pas de'i tshe ji lta bu'i rdzu 'phrul mngon par 'du bya ba mngon par 'dus byas na/ 'di ltar 'gyur ba'i rdzu 'phrul mngon par 'du bya/ ba mngon par 'du byas nas/ pad+ma shing rta'i phang lo tsam/ 'dab ma ni ka ser/ sdong bu ni dngul/ snying po ni rin po che dpal gyi snying po/ ze ba ni bai DUR+Ya las byas pa bye ba khrag khrig 'bum phrag

  32. 17a

    @brgyad su cu bzhi mngon par sprul cing / pad+ma de dgal byang chub sems dpa'i lus gser gyi kha dog lta bu/ skyes bu chen po'i mtshan sum cu rtsa gnyis dang ldan pa/ dpal dang / ldan pa/ kha dog dang ldan pa/ gzi brjid dang ldan pa/ 'od gsal ba dag pa pad+ma'i snying po dag gi dbus na skyil mo krung gis 'jug pa'i lus gzugs drag kyang mngon par sprul to// de nas pad+ma de dag rgyal chen bzhi'i lha'i ris nas bzung ste/ sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs 'khor dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang bsod nams skyes dang / 'bras bu che dang / mi che ba dang / mi gdung ba dang / gya nom snang ba dang / shin tu mthong dang / 'og min gyi lha'i ris kyi bar dang / de bzhin du stong gsum gyi stong chen po'i 'jig rten gyi khams 'di'i rgyal chen bzhi'i lha'i ris ther 'bum nas/ 'og min gyi lha'i ris kyi bar gyi 'dod pa na spyod pa dang / gzugs na spyod pa'i lha rnams kyi gnas ji snyed pa thams cad du 'dong zhing / sgra sgrogs par byed/ dbyangs rjod par byed/ yang dag par skul bar byed de/ byang chub sems dpa'i lus gzugs de dag stong gsum gyi stong chen po'i 'jig rten gyi

  33. 17b

    khams 'drin rnam par rgyu ba'i tshe tshigs su bcad pa 'di dag smras so/ / sangs rgyas nyi ma'i rtsa lag rnams// 'jig rten du ni lan 'ga' 'byung // u dum la ra'i me tog ltar/ sangs rgyas de bzhin shin tu dkon/ / shAkya seng ge mi yi mchog/ de ni 'jig rten 'dir byung ste// sdug bsngal thams cad zang byed pa'i// chos ni yang dag de ston mdzad// lha yi 'dod pa yid dka' la/ / ji srid yun ring spyad byas la// gang du tshor ba myong 'gyur ba'i// ngan song rnams su 'gro bar 'gyur// ji srid 'dod pa rnams bsten pa// srid pa phyir zhing rab tu 'phel// khams gsum 'khor ba'i srog chags la/ / bde ba yod pa ma yin no// sangs rgyas 'byung ba rab dkon dang // khom pa dam pa rnyed nas ni// gang dag bag med mi rtogs pa// de dag sdug bsngal zad mi 'gyur// sangs rgyas blta ba'i phyir deng la/ / chos kyi dam pa mnyan par gyis// 'jig rten 'dren pa 'das 'og tu// phyis dus 'gyod par ma byed cig/ mi rnams gang dag rtag myos shing // 'jigs chen bdud kyi zhags pa yi/ / bag med spyod pa byed rnams la// thar pa yod par ga la 'gyur// de ni 'di skad smra bar bya// bsod nams byas pa'i sems can gang // sum cu rtsa gnyis mtshan mnga' ba'i// rdzogs sangs rgyas dang zur phrang byos// gang dag byams pa bsamams pa'i// 'jig rten mgon rnams ma gtogs par// sems can rnams kyi skyabs gzhan med// dpung gnyen gzhan yang yod

  34. 18a

    ma yin/ / skyob pa shAkya seng ge yis// tshad med bsam gyis mi khyab pa'i// bskal pa bye bar spyad mdzad nas// ye shes dam pa brnyes nas ni// gang la sems can mi dmigs shing / / srog dang gang zag yod min pa'i// chos mchog zhi ba zab mo dang // mthong bar dka' ba rab tu ston// rtag pa dang ni de bzhin du// chad pa'ang rab tu spangs gyur cing // mtshan ma thams cad spangs pa'i chos/ / srog chags rnams la ston par mdzad// gang la 'jig rten mi gnas pa'i// stong nyid mtshan ma med pa dang // smon par byed pa ma yin pa'i// yang dag mtha' ni rab tu ston/ / rtags med mtshan ma yod min zhing // skye med 'byung ba med pa dang // 'ong ba med cing 'gro med pa'i// chos ni mkhas pa ston par mdzad// zad med 'byung ba yod min zhing // rang bzhin gyis ni dngos med dang // bltar med mtshan ma yod min pa// ston kyang rlom pa'i sems mi mnga'// sems can gang yang skye med cing // 'ga' yang 'chi ba yod ma yin// mya ngan 'das pa'ang/ gang yang med// sems can 'byung ba'ang yod ma yin// skad kyis chos rnams bstan byas kyang // skad la rten pa yod yin zhing // yi ge rnams dang bral ba'i chos// mi yi 'dren pa ston par mdzad// gang la rlung ni mi gnas shing // chu dang me yang mi dmigs la// sar yang rtogs pa med pa'i chos// spyan dang ldan pa ston par mdzad// gzugs dang tshor ba 'du shes dang // 'du byed rnams

  35. 18b

    dang rnam shes ni/ / stong zhing phung po lnga po dag/ dngos po med par ston par mdzad// mig dang rna ba sna dang ni// lce dang lus dang de bzhin yid// rang bzhin stong par ston mdzad kyang // stong pa de yang dmigs su med/ / gzugs dang sgra dang dri rnams dang // ro dang reg bya yid 'ong ba// de dag rnam par rtog pas bskyed// rtog pa'ang rang bzhin stong pa yin// de ltar sangs rgyas skyob pa ni// srog chags rnams la chos ston gyi/ / gang dag sdug bsngal thar 'dod pa// de dag rnam 'dren drung du shog/ de nas byang chub sems dpa' sprul pa de dag gis stong gsum gyi stong chen po'i 'jig rten gyi khams 'dir tshigs su bcad pa de dag gis chos bstan pas/ 'dod pa na spyod pa dang / gzugs na spyod pa'i lha'i bu rnams las lha bye ba phrag dgu bcu rtsa drug ni chos rnams la chos kyi mig rdul med cing dri ma dang bral ba rnam par dag go/ / lha'i bu khri nyis stong gis ni 'dod chags dang bral ba rjes su thob bo// lha'i bu sa ya phrag gsum dang nyis 'bum ni byang chub tu sems skyes so/ / byang chub sems dpa'i theg pa la yang dag par zhugs pa'i lha'i bu khris ni mi skye ba'i chos la bzod pa thob par gyur to// de'i tshe na byang chub sems dpa'i lus gzugs de dag gis lha'i bu gang dag yang dag par bskul ba de dag las/ lha'i bu 'bum phrag dpag tu med grangs med pa dag skad cig thang cig yud tsam cig gis/ bcom ldan 'das de bzhin

  36. 19a

    gshegs pa dgra bcom pa yang dag par rdzogs pa'i sangs rgyas shAkya thub pa ka la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod de/ lha'i me tog ut+pa la dang / ku mu da dang / pad+ma dkar po dang / man+da ra ba dang / man+da ra ba chen po dang phye ma dang / spos dang / byug pa dag gis de bzhin gshegs pa la mngon par gtor to// steng gi bar snang la'ang lha'i glu dbyangs mang po dag rab tu len par gyur to// de'i tshe na gling c hen po bzhi pa'i 'jig rten gyi khams 'dir gang du lha'i bu gzi brjid che ba gzi brjid che ba dag gis khyab par ma gyur pa'i sa'i phyogs tha na 'khar ba gzugs pa'i gtos tsam yang med pa de snyed kyi lha'i bu dag 'dus par gyur cing / gling chen po bzhi pa'i 'jig rten gyi khams 'di'ang me tog dag gis pus mo nub tsam du khebs par gyur to// de nas lha'i bu blo gros rab gnas dang / lha'i bu mtshams bzangs dang / lha'i bu dri med dang / lha'i bu ngo tsha shes pa'i nor can zhes bya ba lha bye ba phrag dgu bcu rtsa drug po thams cad kyang byang chub sems dpa'i theg pa la yang dag par zhugs pa sha stag gis yongs su bskor cing mdun du bdar nas/ 'jam dpal gzhon nur gyur pa'i gnas ga la ba der dong ste lhags nas/ 'jam dpal gzhon nur gyur

  37. 19b

    pa'i gnas kyi phyi rol nas lan bdun bskor ba byas te/ me tog ma sbar ba'i char dag mngon par rab tu phab bo// me tog man+dar ba'i char de dag gis 'jam dpal gzhon nur gyur pa'i gnas su me tog gi phung po 'phang du dpag tshad bcu pa kun nas gnas par gyur to/ / de nas 'jam dpal gzhon nur gyur pas byin gyi rlabs ji lta bu byin gyis brlabs na/ 'di lta bur 'gyur ba'i byin gyi rlabs byin gyis brlabs pas/ stong gsum gyi stong chen po'i 'jig rten gyi khams 'di'i steng gi bar snang la me tog gi dra ba kun nas bkram par gyur to// me tog gi 'od des stong gsum gyi stong chen po'i 'jig rten gyi khams 'di khyab par gyur to/ / de nas 'jam dpal gzhon nur gyur pa rang gi gnas nas byung ste/ smon lam lan byung ba'i stan la 'dug go/ de nas lha'i bu blo gros rab gnas kyis 'jam dpal gzhon nur gyur pa'i rkang pa gnyis la gtugs so/ / lha'i bu de dag thams cad kyis kyang 'jam dpal gzhon nur gyur pa'i rkang pa gnyis la gtugs so// / bam po gnyis pa/ de nas 'jam dpal gzhon nur gyur pa 'di snyam du sems te/ bcom ldan 'das kyi spyan sngar bdag su dang lhan cig tu dri ba bstan pa bshad par bsam gyis mi khyab pa'i gzhi rnams dang / shes par dka' ba'i gzhi rnams dang / gnas med pa'i gzhi rnams dang / spros pa med pa'i gzhi rnams dang / spros pa dang bral ba'i gzhi rnams

  38. 20a

    @dang / brjod du med pa'i gzhi rnams dang / bstan du med pa'i gzhi rnams dang / zab mo'i gzhi rnams dang / bden pa'i gzhi rnams dang / chags pa med pa'i gzhi rnams dang / mi byed pa'i gzhi rnams dang / stong pa nyid kyi gzhi rnams dang / mtshan ma med pa'i gzhi rnams dang / smon pa med pa'i gzhi rnams dang / de bzhin nyid bstan pa'i gzhi rnams dang yang dag pa'i mtha'i gzhi rnams dang / chos kyi dbyings kyi gzhi rnams dang / mtshungs pa med pa'i gzhi rnams dang / blang ba med pa'i gzhi rnams dang / dor ba med pa'i gzhi rnams dang / sangs rgyas kyi gzhi rnams dang / chos kyi gzhi rnams dang / dge 'dun gyi gzhi rnams dang / ye shes yongs su rdzogs pa 'thob pa'i gzhi rnams dang / khams gsum mnyam pa nyid kyi gzhi rnams dang / chos thams cad mi dmigs pa'i gzhi rnams dang / chos thams cad skye ba med par bstan pa'i gzhi rnams dang / sang+ge'i gzhi rnams dang / dpa' bo'i gzhi rnams dang / gzhi med pa'i gzhi de dag bstan pa na snod du 'gyur ba ni su yod snyam mo/ / de nas yang 'jam dpal gzhon nur gyur pa 'di snyam du sems te/ lha'i bu blo gros rab gnas 'di ni sngon gyi rgyal ba la lhag par bya ba byas pa/ zab mo la bzod pa thogs pa med pa'i spobs pa dang ldan pa yin gyis/ bcom ldan 'das kyi spyan sngar bdag 'di dang lhan cig tu dri ba bstan pa bshad par bya'o snyam mo// de nas 'jam dpal gzhon

  39. 20b

    nur gyur pas/ lha'i bu blo gros rab gnas la 'di skad ces smras so// lha'i bu khyod ni zab mo la bzod pa thogs pa med pa'i spobs pa dang ldan pa yin na/ bcom ldan 'das kyi spyan sngar kho bo dang lhan cig tu dri ba bstan pa bshad par nus sam/ de skad ces smras pa dang / lnga'i bu blo gros rab gnas kyis/ 'jam dpal gzhon nur gyur pa la 'di skad ces smras so// 'jam dpal gal te khyod gsung bar mi mdzad/ rjod par mi mdzad/ 'don par yang mi mdzad/ yi ge'ang mi mdzad/ sgra'ang mi gsan pa lta na/ bdag gis de bzhin bstan par bgyi'o// 'jam dpal gyis smras pa/ lha'i bu gal te khyod nyan par mi byed/ 'dzin par mi byed/ 'chang bar mi byed/ kun chub par mi byed/ sems par mi byed/ rig par mi byed/ rnam par rig par mi byed/ len par mi byed/ gtong bar mi byed cing / thos nas kyang gzhan dag la ston par mi byed pa lta na/ kho bos kyang de bzhin bstan par bya'o// de ci'i phyir zhe na/ lha'i bu sangs rgyas kyi byang chub ni yi ge med pa/ sems med pa/ sems dang bral ba ste/ gang gis ming brjod cing / ming de'ang g.yo ba med pa'i phyir ro// lha'i bus smras pa/ 'jam dpal lha'i bu 'di dag ni khyod las chos bstan pa nyan par 'tshal gyi sa phyogs 'di nyid du khyod kyis lha'i bu 'di dag la chos kyi bka' mchid gsungs shig/ 'jam dpal gyis smras pa/ lha'i bu kho bo ni nyan par 'dod pa rnams la chos ston par mi byed de/

  40. 21a

    'dzin par 'dod pa rnams la'ang ma yin no// de ci'i phyir zhe na/ lha'i bu bdag tu 'dzin na nyan 'dod par 'gyur la/ sems can du 'dzin pa dang / srog tu 'dzin pa dang / gang zag tu 'dzin na nyan 'dod par 'gyur ba'i phyir ro// lha'i bu gang la ngar 'dzin pa dang / nga yir 'dzin pa yod pa de ni 'di snyam du 'di ni ston par byed pa'o// bdag ni nyan pa'o// 'di ni bshad par bya ba'o snyam du sems pas/ de ni chags pa gsum gyis chags pa yin te/ gsum gang zhe na/ bdag tu dmigs pa dang / sems can du dmigs pa dang / chos su dmigs pa'o/ / lha'i bu gang la ngar 'dzin pa dang / nga yir 'dzin pa med pa de ni 'khor gsum yongs su dag pas chos ston par byed de/ rnam par rtog par mi byed/ sems par mi byed/ rlom sems su mi byed do// de la 'khor gsum yongs su dag pa gang zhe na/ bdag tu dmigs pa med cing / rnam par rtog par mi byed/ rlom sems su mi byed/ sems par mi byed pa dang / chos smra bar dmigs pa med cing / rnam par rtog par mi byed/ rlom sems su mi byed/ sems par mi byed pa dang / chos su dmigs pa med cing / rnam par rtog par mi byed// rlom sems su mi byed/ sems par mi byed pa ste/ lha'i bu gang dag de ltar nyan pa de dag ni mnyam par nyan pa yin te/ mi mnyam par ma yin no// lha'i bu blo gros rab gnas kyis

  41. 21b

    smras pa/ 'jam dpal ci nas kyang mi ldog pa nyid kyi slad du bstan pa bshad pa legs so legs so// 'jam dpal gyis smras pa/ lha'i bu ci rung rnam par ma rtog cig/ byang chub sems dpa' gang ldog pa de ni byang chub mngon par rdzogs par 'tshang rgya ste/ byang chub kyang dmigs su med do// lha'i bus smras pa/ 'jam dpal gang las ldog/ 'jam dpal gyis smras pa/ lha'i bu 'dod chags las ldog go/ zhe sdang las ldog go// gti mug las ldog go// sred pa las ldog go/ ma rig pa las ldog go/ 'khor bar skye ba'i yan lag bcu gnyis kyi bar las ldog go/ rgya las ldog go/ lta ba las ldog go/ ming las ldog go/ gzugs las ldog go/ 'dod pa'i khams las ldog go/ gzugs kyi khams las ldog ko/ gzugs med pa'i khams las ldog go/ nyan thos kyi spyod pa las ldog go/ rang sangs rgyas kyi spyod pa las ldog go/ rtog pa las ldog go/ 'dzin pa las ldog go/ mtshan ma las ldog go/ dngos por 'dzin pa las ldog go/ chad par lta ba las ldog go/ / rtag par lta ba las ldog go// blang ba las ldog go/ dor ba las ldog go/ bdag tu 'du shes pa las ldog go/ sems can du 'du shes pa las ldog go/ srog tu 'du shes pa las ldog go// gang zag tu 'du shes pa las ldog go// yid la byed pa dag las ldog go/ chags pa dag las ldog go/ phyin ci log dag las ldog go/ 'jigs tshogs las ldog go/ 'jig tshogs la lta ba

  42. 22a

    las ldog go/ / 'jigs tshogs kyi rtsa ba las byung blta ba'i rnam pa drug cu rtsa gnyis las ldog go// sgrib pa dag las ldog go// phung po lngar 'dzin pa dag las ldog go/ rgya dang nang gi skye mched thams cad las ldog go/ / khams rnams las ldog go// sangs rgyas su 'du shes pa las ldog go// chos su 'du shes pa las ldog go// dge 'dun du 'du shes pa las ldog go// bdag sangs rgyas su 'gyur ro// bdag chos ston par 'gyur ro// bdag sems can grol bar byed par 'gyur ro// bdag bdud 'dul bar 'gyur ro// bdag ye shes thob par 'gyur ro snyam pa'i 'du shes de dag las ldog go/ / de bzhin gshegs pa'i stobs bcu la rtog par mi byed do// sangs rgyas kyi chos ma 'dres pa bco brgyad la rtog par mi byed do// dbang po rnams dang / stobs rnams dang / mi 'jigs pa rnams la rtog par mi byed do// mtshan ma rnams la rtog par mi byed do// sangs rgyas kyi zhing bkod pa rnams la rtog par mi byed do// nyan thos kyi dge 'dun phun sum tshogs pa la rtog par mi byed cing / rtog pa thams cad las ldog ste/ lha'i bu de ltar byang chub sems dpa' gang de las ldog pa de ni mi ldog pa yin no// lha'i bus smras pa/ 'jam dpal gang las mi ldog/ 'jam dpal gyis smras pa/ lha'i bu sangs rgyas kyi ye shes las mi ldog go/ stong pa nyid las mi ldog go// mtshan ma med pa las mi ldog go/ smon pa med pa las mi ldog go/ de bzhin nyid las mi ldog go/

  43. 22b

    chos kyi dbyings las mi ldog go// yang dag pa'i mtha' las mi ldog go// mnyam pa nyid las mi ldog go// lha'i bus smras pa/ 'jam dpal de skad ces byang chub sems dpa' gang rtog pa dang rnam par rtog pa dang / yongs su rtog pa'i chos de dag las ldog pa de ni des na ldog pa zhes bya'o// zhes gsung ba de ci gang dag las ldog pa'i chos de dag mchis pa zhig gam/ 'on te ma mchis pa zhig gam/ 'on te mchis pa dang ma mchis pa zhig gam/ 'on te mchis pa'ang ma lags/ ma mchis pa'ang ma lags pa zhig lags/ 'jam dpal gyis smras pa/ lha'i bu gang dag las ldog pa'i chos de dag ni yod pa'ang ma yin/ med pa'ang ma yin/ yod pa dang med pa'ang ma yin/ yod pa'ang ma yin/ med pa'ang ma yin pa'ang ma yin no// lha'i bus smras pa/ 'jam dpal 'o na gang las ldog/ 'jam dpal gyis smras pa/ lha'i bu yang dag pa ma yin par 'dzin pa dang / legs pa ma yin par 'dzin pa dang / ldog par 'dzin pa gang yin pa de 'dzin par mi byed/ yongs su gtong bar mi byed/ mtshan mar mi byed pa de'i phyir ldog pa zhes bya ste/ de ni yod par yang bstan par mi bya/ med par yang bstan par mi bya'o// de ci'i phyir zhe na/ gal te yod pa dang med pa las ldog par gyur na/ de ni skyon du 'gyur ba'i phyir ro// de ci'i phyir zhe na/ gal te yod pa las ldog par gyur na/ rtag par 'gyur la/ med pa las ldog par gyur na/ chad

  44. 23a

    par 'gyur ba'i phyir ro/ / de bzhin gshegs pa ni rtag pa dang chad pa'i phyir chos ston par mi mdzad de/ sangs rgyas bcom ldan 'das rnams kyi chos bstan pa ni rtag pa'i/ phyir yang ma yin/ chad pa'i phyir yang ma yin no// lha'i bu de bzhin nyid gang yin pa de ni sngon ma byung bar gyur pa'o zhes 'du shes kyis yod pa ma yin par yongs su shes par zad kyi/ de la ni chad pa'ang med/ rtag pa'ang med de/ lha'i bu de ltar na byang chub sems dpa' ldog pa yin no// bstan pa 'di bshad pa na/ lha'i bu khris mi skye ba'i chos la bzod pa thob par gyur to// de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so// 'jam dpal de bzhin gshegs pa la blta ba dang / phyag bgyi ba dang // bsnyen bkur bgyi ba dang / zhu ba dang / zhu blag bgyi ba'i slad du/ de bzhin gshegs pa'i spyan sngar bzhud kyis gshegs so// 'jam dpal gyis smras pa/ lha'i bu rnam par rtog pa lam spyod cig/ de bzhin gshegs pa de ni kho bos blangs zin to// lha'i bus smras pa/ 'jam dpal de bzhin gshegs pa de gang na bzhugs/ 'jam dpal gyis smras pa/ lha'i bu de ni kho bo'i mdun na bzhugs so// lha'i bus smras pa/ 'jam dpal de ni mi gda' 'o// 'jam dpal gyis smras pa/ lha'i bu gal te khyod kyis thams cad mthong na/

  45. 23b

    des de bzhin gshegs pa mthong bar mi 'gyur ro// lha'i bus smras pa/ 'jam dpal ci'i slad du de skad ces de bzhin gshegs pa de ni kho bos blangs zin te/ de ni kho bo'i mdun na bzhugs so zhes gsungs/ 'jam dpal gyis smras pa/ lha'i bu 'di ji snyam du sems/ kho bo mdun zhes bya ba ci zhig yin snyam/ lha'i bus smras pa/ 'jam dpal nam mkha'i khams lags so/ / 'jam dpal gyis smras pa/ lha'i bu de bzhin gshegs pa de'ang 'di lta ste/ nam mkha'i khams yin no// de ci'i phyir zhe na/ chos thams cad nam mkha' dang mnyam pa'i phyir/ nam mkha' ji lta bu yin pa de bzhin gshegs pa'ang de lta bu yin pas/ nam mkha' dang de bzhin gshegs pa de ni gnyis su med de/ gnyis su byar med pa'i phyir ro/ / lha'i bu de lta bas na khyod de bzhin gshegs pa lta bar 'dod na/ mtha' 'di khong du chud par bya zhing / cung zad kyang rnam par brtag par mi bya'o// de nas yang 'jam dpal gzhon nur gyur pas de'i tshe/ khang pa brtsegs pa gru bzhi lham pa/ ka ba bzhi pa/ cha mnyam pa/ shin tu 'byes pa/ mdzes pa/ blta na sdug pa sum khri nyis stong mngon par sprul to/ / khang pa brtsegs pa de dag tu rin po che'i khri stan lha'i dpag bsam shing las byung ba'i gos kyis bshams pa dag kyang sprul cing / khri stan re re la'ang byang chub sems dpa'i lus gzugs

  46. 24a

    skyes bu chen po'i mtshan sum cu rtsa gnyis dang ldan pa dag sprul to/ / de nas 'jam dpal gzhon nur gyur pas ji lta bu'i byin gyi rlabs byin gyis brlabs nas/ 'di lta bur 'gyur ba'i byin gyi rlabs byin gyis brlabs pas/ stong gsum gyi stong chen po'i 'jig rten gyi khams 'di na rnam par spyod pa'i pad+ma gang dag yin pa de dag dang / khang pa brtsegs pa de dag du bzhin gshegs pa ka la ba der dong ste lhags nas/ bcom ldan 'das dge slong gi dge 'dun dang bcas pa la lan gsum bskor ba byas te/ steng gi bar snang la bcom ldan 'das kyi 'khor gyi dkyil 'khor la snang bar byed cing / phyogs bzhi kun nas 'khor bar 'khod do// de nas pad+ma de dag la 'khod pa'i byang chub sems dpa' sprul pa gang dag yin pa de dag dang / khang pa brtsegs pa dag na 'khod pa'i byang chub sems dpa' gang dag yin pa de dag thams cad kyi/ bcom ldan 'das la sgra dbyangs mthun par tshigs su bcad pa 'di dag gis mngon par bston to/ / kang+gA'i bye snyed bsam gyis mi khyab pa'i// sangs rgyas bye ba phrag mang khyod kyis mchod// byang chub mchog gi spyad pa stsal mdzad pas// de skad mi mchog khyod ni mdzes pa lags/ / thub pa mtshan gyis yongs su spras gyur pa// sku mchog srid pa gsum na lha de ste// 'dren pa gang la ming dang srog dang ni// gang zag ma mchis chos ni 'grol ston// rnam par

  47. 24b

    'dren pas sbyin dang tshul khrims spyad/ / bzod pa brtson 'grus de bzhin bsam gtan bsten// khyod kyi shes rab srid gsum thogs mi mnga'// ye shes mthar byon khyod la phyag 'tshal lo/ / gang zhig chos rje lha dang mis mchod pa'i// 'jig rten 'dren pa la ni 'dun 'gyur zhing // stong pa nyid la mos par bgyi ba yi// mi de 'jig rten dag gi 'dren par 'gyur// gang dag sngon byung de bzhin gshegs pa dang // gang dag phyogs rnams bzhugs pa'i 'dren pa dag/ de dag gis ni mtshan med stong pa'i chos// rang bzhin mtshan nyid ma mchis rtag tu bsgom// 'di la rang bzhini sems can gang yang ni// skye dang 'chi ba dmigs su ma mchis shing // 'ong ba ma mchis 'gro ba ma mchis te// chos rnams thams cad nam mkha' ji bzhin no// ji ltar mi yis sgyu ma bstan gyur pa/ / snang yang de bzhin nyid du ma mchis ltar// de bzhin chos rnams sgyu ma 'dra ba dang // rmi lam lta bur bde bar gshegs pas bstan// gang zag la las gang+gA'i bye snyed kyi/ / 'jig rten khams rnams 'dir ni sbyin byin pas// 'dus byas stong par bzod pa gang lags pa// bzod pa de ni sbyin las khyad par 'phags// byang chub 'dod pa'i byang chub sems dpa' yis/ / bskal pa bye ba gad+hA'i bye snyed du// me tog spos dang de bzhin zas skom dag/ phul nas mi mchog sangs rgyas mchod pa bas// gang gis gang

  48. 25a

    la mi dang srog dang ni/ / gang zag ma mchis de 'dra'i chos 'di dag/ thos nas de la 'od gsal bzod thob pa// de yis mi rnams dam pa mchod pa lags// gang la ming dang gang zag 'du shes mchis/ / bskal pa bye ba mang por zas skom dang // shing rta dpung chung khri stan sbyin bgyis kyang // des ni 'gro ba grol ba mi 'thob bo// mi mchog gang dag mya ngan 'das pa dang / / de dag gis kyang sems can ma bkrol ba// mkhas rnams rang bzhin 'od gsal stong pa yi// chos rnams de ltar mkhyen pas rnam par grol// sangs rgyas 'byung dang yul du gnas pa dang / / de bzhin bstan la dad pa thob par dka'// mi yi srid pa'ang rnyed par dka' bas na// rgyal ba rnams kyi bstan la lags brtson gyis// mi khom brgyad po thams cad rnam spangs shing / / khom pa phun sum rnyed dka' thob gyur la// bde gshegs bstan la dad pa rnyed gyur pa'i// mkhas pa rnams kyis rigs pa'i rnal 'byor spyod// sgra la 'tshal zhing 'dug par ma byed par/ / chos thos gyur nas rtag tu nan tan gyis// khyed kyis rtag tu dkon pa'i gnas ston la// des ni mi rnams dam par 'gyur bar byos// chos smra'i dge bshes gang yin stan gyis / / sdig pa'i grags la 'ga' yang ma sten cig/ sems can kun la sems ni mnyam gyis la// sems can de la nam yang ma rlom zhig/ tshul khrims ldan dang mang du thos kyis

  49. 25b

    la/ / rtag tu phyag dar khrod dang bsod snyoms spyod// g.yel ba med par shing drung sten gyis la// bkus te bor ba mchog la ma smod cig/ 'dus byas 'di dag thams cad 'dus byas min// mtshan nyid gcig cing smig rgyu 'dra ba yis// dam pa'i don gyi mu gcig shes gyis la// myur du gzhal yas byang chub reg par gyis// phung po lnga rnams sgyu ma bzhin du ltos// nang gi skye mched drug dang phyi yi drug/ de dag grong stong 'dra bar gsungs pas na// de la nam yang rten par ma byed cig/ 'dod chags zhe sdang rang bzhin stong pa nyid// gti muka nga rgyal yongs su rtog pas bskyed// / rtog pa de yang ma byung 'byung med par// de ltar shes na 'dren pa rnams su 'gyur// de nas sprul pa de dag gis tshigs su bcad pa de dag smras pa na/ 'khor de las srog chags nyi khri nyis stong bla na med pa yang dag par rdzogs pa'i byang chub tu sems skyes so/ / dge slong lnga brgya ni len pa med par zag pa rnams las sems rnam par grol lo// dge slong sum brgya ni chos rnams la chos kyi mig rdul med cing dri ma dang bral ba rnam par dag go/ / dge slong ma sum stong yang chos rnams la chos kyi mig rdul med cing dri ma dang bral ba rnam dag go/ dge bsnyen bdun stong dang // dge bsnyen ma stong dang / lha'i bu nyi khri bdun stong yang chos rnams la chos kyi mig rdul med cing dri ma dang bral ba rnam par dag go/ byang chub sems dpa' sum brgyas ni mi skye ba'i chos la bzod pa thob bo// stong gsum

  50. 26a

    rdzi stong chen po'i 'jig rten gyi khams 'di'ang rnam pa drug tu rab tu g.yos te/ g.yos/ rab tu g.yos/ kun tu rab tu g.yos// 'gul/ rab tu 'gul/ kun tu rab tu 'gul/ ldeg/ rab tu ldeg/ kun tu rab tu ldeg go/ de nas bcom ldan 'das la gnas brtan shA ri'i bus 'di skad ces gsol to// bcom ldan 'das gang gis stong gsum gyi stong chen po'i 'jig rten gyi khams 'di rnam pa drug tu rab tu g.yos pa dang / byang chub sems dpa'i lus gzugs pad+ma dag dang / khang pa brtsegs pa 'di dag na mchis pa 'di rnams chos zab mo 'di lta bu ston par bgyid pa dang / 'khor 'di'ang snang ba chen pos khyab par gyur pa dang / lha'i bu bye ba phrag 'di snyed 'dus pa dang / byang chub sems dpa' bye ba phrag mang po 'dus pa 'di dag su'i mthu lags/ de skad ces gsol pa dang / bcom ldan 'das kyis gnas brtan shA ri'i bu la 'di skad ces bka' stsal to// shA ri'i bu 'di ni 'jam dpal gzhon nur gyur pa'i mthu yin te/ des bkod pa 'di lta bu 'di dag kun tu snang ngo // de ci'i phyir zhe na/ shA ri'i bu 'di ltar deng de bzhin gshegs pa la/ 'jam dpal gzhon nur gyur pa/ lha'i bu blo gros rab gnas dang lhan cig tu sangs rgyas kyi chos bsam gyis mi khyab pa yongs su bsgrub pa'i phyir/ bdud kyi dkyil 'khor thams cad rnam par 'jig par byed pa zhes bya ba'i chos kyi rnam grangs zhu

  51. 26b

    zhing / zhu blag byed par 'gyur ba'i phyir ro// de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to// bcom ldan 'das 'jam dpal gzhon nur gyur pa de 'khor 'dus pa 'di na mi gda' 'o/ / bcom ldan 'das kyis bka' stsal pa/ shA ri'i bu khyod re zhig sdod cig dang / 'jam dpal gzhon nur gyur pa de de'u re 'dud kyi dkyil 'khor thams cad dang / bdud kyi gnas thams cad dang / bdud thams cad zil gyis gnos cing / bkod pa chen pos de bzhin gshegs pa ga la ba der 'ong bar 'gyur ro// de nas 'jam dpal gzhon nur gyur pa bdud kyi dkyil 'khor thams cad rnam par 'jig par byed pa zhes bya ba'i ting nge 'dzin la snyoms par zhugs so// 'jam dpal gzhon nur gyur pa bdud kyi dkyil 'khor thams cad rnam par 'jig par byed pa'i ting nge 'dzin la snyoms par zhugs ma thag tu/ de nas de'i mod la stong gsum gyi stong chen po'i 'jig rten gyi khams 'di na bdud kyi gnas bye ba brgya phrag ji snyed pa de dag thams cad mog mog por gyur to/ / bdud sdig can de dag kyang rang rang gi lus rgas shing gtugs la 'khogs par gyur nas/ lag pa 'khar ba la rten cing 'gro bar gyur to/ / de dag gi lha'i bu mo rnams kyang rgas shing gtugs la 'khogs par gyur pa dang / rang rang gi gzhal med khang dag kyang brnyings shing rab tu 'jig la mun pa mun

  52. 27a

    nag tu gyur par mthong ngo / / de nas bdud sdig can de dag skrag cing sngangs la yi chad cing sgyid lug ste/ spu'i khung bu zing zhes byed par gyur nas/ 'di snyam du rnam par/ rtog ste/ gang gis bdag cag bdud kyi gnas rnams 'di lta bu'i gnas skabs su gyur pa 'di'i rgyu ni gang yin/ rkyen ni gang yin/ bdag cag 'di nas 'chi 'pho zhing med pa 'am/ cig tu mi 'gyur grang snyam mo/ / bdud de dag gi rnam par rtog pa de lta bu de skyes ma thag tu/ de nas 'jam dpal gzhon nur gyur pas/ lha'i bu sprul pa ther 'bum sprul te/ bdud de dag gi mdun du bkod do// de nas lha'i bu sprul pa de dag gis bdud sdig can de dag la 'di skad ces smras so// grogs po dag 'di ni byang chub sems dpa' phyir mi ldog pa 'jam dpal gzhon nur gyur pa zhes bya ba de ltar bdud kyi dkyil 'khor thams cad rnam par 'jig par byed pa zhes bya ba'i ting nge 'dzin la snyoms par zhugs pa de'i mthu yin te/ khyed la 'tshe ba 'ga' yang 'byung bar mi 'gyur gyis ma skrag cig/ lha'i bu sprul pa de dag gis tshig de skad ces smras ma thag tu/ de nas bdud sdig can de dag gis sgra de'ang thos/ 'jam dpal gzhon nur gyur pa'i ming yang thos nas/ yang rgya cher sngangs shing skrag ste/ bdud kyi gnas de dag thams cad kyang rab tu g.yos so// de nas bdud sdig can de dag gis lha'i bu sprul pa de dag la 'di skad ces smras so// grogs po dag

  53. 27b

    yongs su skyobs shig/ grogs po dag yongs su skyobs shig/ de nas lha'i bu sprul pa de dag gis bdud sdig can de dag la 'di skad ces smras so// grogs po dag ma 'jigs shig grogs po dgra ma 'jigs shig/ khyed cag deng bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa kA la bya der song zhig dang de bzhin gshegs pa thugs rje dang ldan pa de ni sems can 'jigs par gyur pa rnams la mi 'jigs pa stsol bar mdzad do/ / de nas lha'i bu sprul pa de dag gis tshig de skad ces smras nas/ de nyid du mi snang bar gyur to// de nas bdud sdig can 'bum phrag ther 'bum du ma dang bcas pa de dag thams cad rgas shing gtugs la 'khogs shing lag pa 'khar ba la rten bzhin du 'dong zhing skad cig thang cig yud tsam cig la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der song ste lhags nas/ bcom ldan 'das la thams cad kyis sgra skad mthun par 'di skad ces gsol to// bcom ldan 'das bdag cag mi sdug pa'i rnam pa 'di lta bu 'di dag las yongs su bskyab tu gsol/ bde bar gshegs pa bdag cag yongs su bskyab tu gsol/ bcom ldan 'das sangs rgyas bye ba phrag 'bum gyi mtshan yongs su bsgrags pa ni mi rdo lags kyi/ 'jam

  54. 28a

    dpal gzhon nur gyur pa gcig pu'i ming ni de lta ma lags so/ / de ci'i slad du zhe na/ 'jam dpal gzhon nur gyur pa'i ming thos nas bdag cag 'jigs shing sngangs la skrag par gyur te/ 'chi 'pho ba snyam du 'tshal cing / ma mchis par 'gyur ba snyam du 'tshal ba'i slad du'o// de nas bcom ldan 'das kyis bdud sdig can de dag la 'di skad ces bka' stsal to// bdud sdig can dag de de bzhin no// ji skad smras pa de bzhin te/ ji ltar 'jam dpal gzhon nur gyur pas yongs su smin pa dang / rnam par dbye ba med par sems can rnams kyi don byas pa dang / byed par 'gyur ba de ltar sangs rgyas bye ba phrag 'bum gyis kyang sems can rnams kyi don ma mdzad mi mdzad pas/ de'i phyir ji ltar 'jam dpal gzhon nur gyur pa gcig pu'i ming yongs su bsgrags pa de ltar sangs rgyas bye ba phrag 'bum gyi mtshan yongs su bsgrags pas ni/ khyed cag sdug bsngal zhing rnam par 'jig par mi 'gyur ro// de nas bcom ldan 'das la bdud sdig can de dag gis 'di skad ces gsol to/ / bcom ldan 'das bdag cag 'di ltar lus 'khogs pa 'dris nyam thag cing ngo tsha lags pas/ bcom ldan 'das sngon bdag cag gi kha dog rgyas par gyur pa gang lags pa de lta bu 'tshal lags so/ / bcom ldan 'das kyis bka' stsal pa/ khyed cag 'jam dpal gzhon nur gyur pa ma 'ongs kyi bar du re zhig 'di nyid du sdod cig dang /

  55. 28b

    des khyed cag mi sdug pa'i rnam pa 'di las yongs su thar par byed par 'gyur ro// de nas 'jam dpal gzhon nur gyur pa ting nge 'dzin de las langs te/ stan las langs nas/ byang chub sems dpa' 'bum phrag du mas kyang yongs su bskor cing mdun du bdar/ lha'i bu 'bum phrag du ma dang / klu dang / gnod sbyin dang / dri za dang / lha ma yin dang nam mkha' lding dang / mi 'am ci dang / lto 'phye chen po 'bum phrag du ma sil snyan 'bum phrag mang po dag rab tu gsil zhing / me tog ut+pa la dang / pad+ma dang / ku mu ta dang / pad+ma dkar po'i char dag rab tu 'bebs pa sha stag kis yongs su bskor cing mdun du bdar te/ bkod pa chen po dang / rnam par rtse ba chen pos bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'dug go/ de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal khyod bdud kyi dkyil 'khor thams cad rnam par 'jig par byed pa zhes bya ba'i ting nge 'dzin la snyoms par 'jug gam/ 'jam dpal gyis gsol pa/ bcom ldan 'das snyoms par 'jug lags so// bcom ldan 'das kyis bka' stsal pa/ 'jam dpal khyod kyi ting nge 'dzin

  56. 29a

    bsgrub pa de de bzhin gshegs pa gang las thos/ khyod kyis ting nge 'dzin de bsgrubs nas ni ji srid cig lon/ 'jam dpal gyis gsol pa/ bcom ldan 'das gang gi tshe bdag gis ting nge 'dzini bsgrub pa de thos shing / bdag gis ting nge 'dzin de bsgrubs pa de'i tshe na bcom ldan 'das kyis byang chub tu thugs bskyed par yang ma gyur lags so// bcom ldan 'das kyis bka' stsal pa/ 'jam dpal khyod kyis gang las ting nge 'dzin bsgrub pa de thos pa'i de bzhin gshegs pa de'i mtshan ci/ 'jam dpal gyis gsol pa/ bcom ldan 'das sngon byung ba 'das pa'i dus bskal pa bsam gyis mi khyab pa'i yang ches bsam gyis mi khyab pa/ grangs ma mchis pa'i yang ches grangs ma mchis pa 'das pa de'i tshe de'i dus na de bzhin gshegs pa me tog man+da ra ba'i dri zhes bgyi ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das byung ste/ de ting nge 'dzin bsgrub pa de gsung bar gyur nas/ de bzhin gshegs pa de las bdag gis bdud kyi dkyil 'khor thams cad rnam par 'jig par bgyid pa'i ting nge 'dzin bsgrub pa de thos lags so/ / bcom ldan 'das kyis bka' stsal pa/ 'jam dpal bsgrub pa de dag gang yin/ 'jam dpal gyis

  57. 29b

    gsol pa/ bcom ldan 'das byang chub sems dpa' rnam pa nyi shu dang ldan na bdud kyi dkyil 'khor thams cad rnam par 'jig par bgyid pa'i ting nge 'dzin de 'thob ste/ nyi shu gang zhe na/ bcom ldan 'das 'di la bya chub sems dpa' 'dod chags rnam par 'jig cing / 'dod chags kyi sems rnam par 'jig par bgyid pa dang / zhe sdang rnam par 'jig cing / zhe sdang gi sems rnam par 'jig par bgyid pa dang / gti mug rnam par 'jig cing / gti mug gi sems rnam par 'jig par bgyid pa dang / phrag dog rnam par 'jig cing / phrag dog gi sems rnam par 'jig par bgyid pa dang / nga rgyal rnam par 'jig cing / nga rgyal gyi sems rnam par 'jig par bgyid pa dang / 'chab pa rnam par 'jig cing / 'chab pa'i sems rnam par 'jig par bgyid pa dang / khro ba rnam par 'jig cing / khro ba'i sems rnam par 'jig par bgyid pa dang / yongs su gdung ba rnam par 'jig cing / yongs su gdung ba'i sems rnam par 'jig par bgyid pa dang / 'du shes rnam par 'jig cing / 'du shes kyi sems rnam par 'jig par bgyid pa dang / lta ba rnam par 'jig cing // lta ba'i sems rnam par 'jig par bgyid pa dang / rtog pa rnam par 'jig cing / rtog pa'i sems rnam par 'jig par bgyid pa dang / len pa rnam par 'jig cing / len pa'i sems

  58. 30a

    rnam par 'jig par bgyid pa dang / 'dzin pa rnam par 'jig cing / 'dzin pa'i sems rnam par 'jig par bgyid pa dang / mtshan ma rnam par 'jig cing mtshan ma'i sems rnam par 'jig par bgyid pa dang / srid pa rnam par 'jig cing / srid pa'i sems rnam par 'jig par bgyid pa dang / rtag pa rnam par 'jig cing / rtag pa'i sems rnam par 'jig par bgyid pa dang / chad pa rnam par 'jig cing / chad pa'i sems rnam par 'jig par bgyid pa dang / phung po rnam par 'jig cing / phung po'i sems rnam par 'jig par bgyid pa dang / khams rnam par 'jig cing / khams kyi sems rnam par 'jig par bgyid pa dang / skye mched rnam par 'jig cing / skye mched kyi sems rnam par 'jig par bgyid pa dang / khams gsum pa rnam par 'jig cing / khams gsum pa la dmigs pa'i sems rnam par 'jig par bgyid pa ste/ bcom ldan 'das byang chub sems dpa' rnam pa nyi shu po de dag dang ldan na ting nge 'dzin de 'thob bo/ / bcom ldan 'das gzhan yang byang chub sems dpa' chos bzhi dang ldan na ting nge 'dzin de 'thob bo// bzhi gang zhe na/ lhag pa'i bsam pa la yang dag par 'jug pa dang / g.yo ma mchis pa dang / zab pa dang / bdog pa thams cad yongs su gtong ba ste/ bcom ldan 'das byang

  59. 30b

    chub sems dpa' chos bzhi po de dag dang ldan na ting nge 'dzin de 'thob bo/ / bcom ldan 'das gzhan yang byang chub sems dpa' chos bzhi dang ldan na ting nge 'dzin de 'thob ste/ bzhi gang zhe na/ slu ba ma mchis pa dang / bden pa'i tshig gis dam 'cha' ba dang / 'du shes kyi dbang gi spyod yul ma lags pa dang / chos thams cad mi 'dzin pa ste/ bcom ldan 'das byang chub sems dpa' chos bzhi po de dag dang ldan na ting nge 'dzin de 'thob bo/ / bcom ldan 'das gzhan yang byang chub sems dpa' chos bzhi dang ldan na ting nge 'dzin de 'thob ste/ bzhi gang zhe na/ dge ba'i bshes gnyen la rten pa dang / sdig pa'i grogs po spong ba dang / sbyangs pa dang / tshul khrims dang / yo byad bsnyungs pa dang ldan pa dang / 'du 'dzi ma mchis par spyod pa ste/ bcom ldan 'das byang chub sems dpa' chos bzhi po de dag dang ldan na ting nge 'dzin de 'thob bo// bcom ldan 'das gzhan yang byang chub sems dpa' chos bzhi dang ldan na ting nge 'dzin de 'thob ste/ bzhi gang zhe na/ tshul khrims ma nyams pa dang / tshul khrims ma ral ba dang / tshul khrims mi rten pa dang / tshul khrims nag nog ma mchis pa ste/ bcom ldan 'das byang chub sems dpa' chos bzhi po de dag dang ldan na ting nge 'dzin de 'thob bo// bcom ldan 'das gzhan yang byang chub sems dpa' chos

  60. 31a

    bzhi dang ldan na ting nge 'dzin de 'thob ste/ bzhi gang zhe na/ nyan thos kyi sems yongs su spong ba dang / rang sangs rgyas kyi sems la lhag par mi dmigs pa dang / bzod pa la gnas pa dang / sems can la rlom sems ma mchis pa ste/ bcom ldan 'das byang chub sems dpa' chos bzhi po de dag dang ldan na ting nge 'dzin de 'thob bo// bcom ldan 'das gzhan yang byang chub sems dpa' chos bzhi dang ldan na ting nge 'dzin de 'thob ste/ bzhi gang zhe na/ stong pa nyid kyi chos sgom zhing / gang zag la rlom sems ma mchis pa dang / mtshan ma mchis pa sgom zhing / mtshan ma yongs su spong ba dang / smon pa ma mchis pa sgom zhing / smon pa'i sems yongs su spong ba dang / cho ga 'tshal zhing dngos po thams cad yongs su gtong ba dang bzhi ste/ bcom ldan 'das byang chub sems dpa' rnam pa de dag dang / chos de dag dang ldan na bdud kyi dkyil 'khor thams cad rnam par 'jig par bgyid pa'i ting nge 'dzin de 'thob bo/ / bcom ldan 'das de ltar de bzhin gshegs pa me tog man+dA ra ba'i dris ting nge 'dzin bsgrub pa de rab tu bstan te/ bcom ldan 'das bdag gis de bzhin gshegs pa de las ting nge 'dzin bsgrub pa de thos shing / bcom ldan 'das de bzhin gshegs pa me tog man+da ra ba'i dri de'i 'og tu de bzhin gshegs pa dgra bcom pa yang dag par

  61. 31b

    rdzogs pa'i sangs rgyas nor bu dang / rin po che dang / glog dang / nyi zla thams cad zil gyis gnon pa'i 'od ces bgyi ba byung bar gyur te/ bcom ldan 'das bdag gis de bzhin gshegs pa de'i spyan sngar ting nge 'dzin de bsgrubs so/ / bstan pa 'di bshad pa na/ 'khor de las byang chub sems dpa' khris ni ting nge 'dzin de bsgrubs so// de nas bcom ldan 'das la gnas brtan shA ri'i bus 'di skad ces gsol to// bcom ldan 'das 'jam dpal gzhon nur gyur pas ci tsam du ting nge 'dzin de legs par bsgrubs shing / ting nge 'dzin de legs par bsgrubs pas/ bdud sdig can 'di dag mi sdug pa'i rnam pa 'di lta bur bgyis pa de ni ngo mtshar lags so// de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ / shA ri'i bu 'di ji snyam du sems/ stong gsum gyi stong chen po'i 'jig rten gyi khams 'di 'ba' zhig gi bdud sdig can 'di dag 'di dag 'di ltar mi sdug pa'i rnam par byas so snyam na/ shA ri'i bu khyod kyis de ltar mi blta'o// de ci'i phyir zhe na/ shA ri'i bu 'di lta ste/ 'jam dpal gzhon nur gyur pa'i byin gyis brlabs kyis phyogs bcu kun gyi sangs rgyas kyi zhing kang+gA'i klung gi bye ma snyed dag na/ bdud sdig can gang dag 'khod pa de dag thams cad kyang 'di lta bu'i gnas skabs su gyur

  62. 32a

    pa'i phyir ro/ / de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal khyod kyis byin gyis brlabs 'dri thong la ci nas kyang bdud sdig can 'di dag sngon gyi kha dog rgyas pa dang ldan par 'gyur bar gyis shig/ de nas 'jam dpal gzhon nur gyur pas byin gyis brlabs de btang ngo // byin gyis brlabs de btang ma thag tu/ de nas bdud sdig can de dag sngon gyi kha dog rgyas pa dang ldan par gyur to// de nas 'jam dpal gzhon nur gyur pas/ bdud sdig can de dag dang / bdud kyi dkyil 'khor de dag la smras pa/ sdig can dag gang la mig dang / gang la mika gi 'du shes dang / gang la mig tu lhag par 'dzin pa dang / gang la mig gi mtshan ma dang / gang la mig tu lhag par dmigs pa dang / gang la mig tu mngon par chags pa dang / gang la mig gi rlom sems dang / gang la mig bdag gir 'dzin pa dang / gang la mig gi rten dang / gang la mig la mngon par zhen pa dang / gang la mig/ gi spros pa dang / gang la mig nga'i ba nyid dang / gang la mig kun tu srung ba dang / gang la mig bsgom pa dang / grang la mig blang ba dang / gang la mig dor ba dang / gang la mig tu rtog pa dang / gang la mig tu sam/ pa dang / gang la mig yongs su 'grub pa dang / gang la mig 'gog pa dang / gang la mig skye ba dang / gang la mig tu 'dzin pa dang / gang la mika 'ong ba yod pa de la ni/ khyod bdud kyi las bar chad byed pa'i yul yod

  63. 32b

    do/ / sdig can dag de bzhin du gang la rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg bya dang / chos dang / gang la chos kyi 'du shes dang / gang la chos su lhag par 'dzin pa dang / gang la chos kyi mtshan ma dang / gang la chos su lhag par dmigs pa dang / gang la chos su mngon par chags pa dang / gang la chos kyi rlom sems dang / gang la chos bdag gir 'dzin pa dang / gang la chos kyi rten dang / gang la chos la mngon par zhen pa dang / gang la chos kyi spros pa dang / gang la chos nga'i ba nyid dang / gang la chos kun tu srung ba dang / gang la chos bsgom pa dang / gang la chos blang ba dang / gang la chos dor ba dang / gang la chos su rtog pa dang / gang la chos su sems pa dang / gang la chos yongs su 'grub pa dang / gang la chos 'gog pa dang / gang la chos skye ba dang / gang la chos su 'dzin pa dang / gang la chos 'ong ba yod pa de la ni khyed bdud kyi las bar chad byed pa'i yul yod do// sdig can dag gang la mig med pa dang / gang la mig gi 'du shes med pa dang / gang la mig tu lhag par 'dzin pa med pa dang / gang la mig gi mtshan ma med pa dang / gang la mig tu lhag par dmigs pa med pa dang / gang la mig tu mngon par chags pa med pa dang / gang la mig gi rlom sems med pa dang / gang la mig bdag gir 'dzin pa med pa dang / gang la mig gi rten med pa dang / gang la mig la mngon par zhen par med pa dang / gang la mig gi spros pa med pa dang / gang la mig nga'i ba nyid med pa dang /

  64. 33a

    gang la mig kun tu srung ba med pa dang / gang la mig bsgom pa med pa dang / gang la mig blang ba med pa dang / gang la mig dor ba med pa dang / gang la mig tu rtog pa med pa dang / gang la mig tu sems pa med pa dang / gang la mig yongs su 'grub pa med pa dang / gang la mig 'gog pa med pa dang / gang la mig skye ba med pa dang / gang la mig tu 'dzin pa med pa dang / gang la mig 'ong ba med pa de la ni khyed kyi gnas med do/ / yul med do// bdag po med do// stobs med do// dbang phyug med do// mthus bzung ba med do// sdig can dag de bzhin du/ gang la rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg bya dang / chod med pa dang / gang la chos kyi 'du shes med pa dang / gang la chos su lhag par 'dzin pa med pa dang / gang la chos kyi mtshan ma med pa dang / gang la chos su lhag par dmigs pa med pa dang / gang la chos su mngon par chags pa med pa dang / gang la chos kyi rlom sems med pa dang / gang la chos bdag ga ri 'dzin pa med pa dang / gang la chos kyi rten med pa dang / gang la chos la mngon par zhen pa med pa dang / gang la chos kyi spros pa med pa dang / gang la chos nga'i ba nyid med pa dang / gang la chos kun tu srung ba med pa dang / gang la chos bsgom pa med pa dang / gang la chos blang ba med pa dang / gang la chos dor ba med pa dang / gang la chos su rtog pa med pa dang / gang la chos su sems pa med pa dang / gang la chos yongs su 'grub pa

  65. 33b

    med pa dang / gang la chos 'gog pa med pa dang / gang la chos sde bamed pa dang / gang la chos su 'dzin pa med pa dang / klang la chos 'ong ba med pa de la ni khyed kyi gnas med do// su med do// bdag po mang po// stobs med do// dbang phyug med do// mthus bzung ba med do// de nas 'jam dpal gzhon nur gyur pas de lta de ltar chos bstan pa des/ bdud kyi dkyil 'khor de las bdud khri bla na med pa yang dag par rdzos pa'i byang chub tu sems skyes so/ / bdud kyi dkyil 'khor de las bdud brgyad khri bzhi stong ni chos rnams la chos kyi mig rdul med cing dri ma dang bral ba rnam par dag go/ de nas bcom ldan 'das la gnas brtan 'od srungs chen pos 'di skad ces gsol to/ / bcom ldan 'das 'jam dpal gzhon nur gyur pa 'dir mchis lags kyi/ bcom ldan 'das bdag cag gis byang chub sema? dpa' de dag blta bar bgyi'o/ / de ci'i slad du zhe na/ bcom ldan 'das skyes bu dam pa de lta ba de dag mthong bar dka' ba'i slad du'o// de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal 'khor 'di phyogs bcu nas 'dus pa'i byang chub sems dpa' de dag da blta bar 'dod kyi/ khyod kyis ston cig/ de nas 'jam dpal gzhon nur gyur pasabyang chub sems dpa' chos dang / chos 'phags dang / chos kyi blo gros dang / nyi ma dang / bdud kyi mtshon cha dang / 'jam dbyangs dang / sdig pa bzhi dang / zhi ba srung dang / rnam rgyal srung dang /

  66. 34a

    chos rgyal rnam bsngags dang / de dag dang / byang chub sems dpa' gzhan dkal smras pa/ rigs kyi bu dag byed cag gi rung rang gi sangs rgyas kyi zhing dkun/ byang chub ses / de dag gi lus ci 'dra ba de lta bur khyed cag rang rang gi lus ston cig/ 'jam dpal gzhon nur gyur pas tshig de skad ces smras ma thag tu/ de nas de'i mod la byang chub sems dpa' de dag ting nge 'dzin de las langs te/ langs nas kyang rang rang gi lus dag bstan to// de nas byang chub sems dpa' kha cig gi lus ni ri rab tsam mo// kha cig gi lus ni dpag tshad brgyad khri tsam mo// kha cig gi lus ni dpag tshad bdun khri dang / drug khri dang / lnga khri dang / bzhi khri dang / sum khri dang / nyi khri dang / khri tsam mo// kha cig gi lus ni dpag tshad lnga stong dang / bzhi stong dang / gsum stong dang / nyis stong dang / stong tsam mo// kha cig gi lus ni dpag tshad lnga brgya dang / bzhi brgya dang / sum brgya dang / nyis brgya dang / brgya tsam mo// kha cig gi lus ni dpag tshad lnga bcu dang / bzhi bcu dang / sum bcu dang / nyi shu dang / bcu tsam mo// kha cig gi lus ni dpag tshad lnga dang / bzhi dang / gsum dang / gnyis dang / gcig tsam mo// byang chub sems dpa' kha cig gi lus ni 'jig rten gyi khams mi mjed 'di'i sems can rnams kyi lus ji tsam par khru phyed dang bzhi tsam ste/ de dag gi lus de lta bu dag kun tu snang ngo // de'i tshe na stong gsum gyi stong chen po'i 'jig rten gyi khams 'dir gang du byang chub sems dpa' gzi brjid che ba/ gzi brjid che ba sha stag

  67. 34b

    gis khyab par ma gyur pa'i sa phyogs ni/ tha na 'khar ba gzugs pa'i gtos tsam yang med de/ byang chub sems dpa' de dag gi 'od kyis kyang phyogs bcu'i sangs rgyas kyi zhing bye ba phrag 'bum dag kyang sdang bar gyur to/ / / de nas 'jam dpal gzhon nur gyur pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ka la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ / de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal khyod ci dang ci 'dod pa de bzhin gshegs pa la zhus shig dang / ngas zhus pa de dang de nyid kyi lan btab pas khyod kyi sems rangs par bya'o/ / de skad ces bka' stsal pa dang / 'jam dpal gzhon nur gyur pa dang thams cad dang ldan pa'i 'khor des bcom ldan 'das kyi ltar mnyan nus/ bcom ldan 'das la 'di skad ces gsol to/ / bcom ldan 'das byang chub sems dpa' byang chub sems dpa' zhes bgyi na/ bcom ldan 'das ci'i slad du byang chub sems dpa' zhes bgyi/ de skad ces gsol pa dang / bcom ldan 'das

  68. 35a

    kyis 'jam dpal gzhon nur gyur pa la 'di skad ces bka' stsal to/ / 'jam dpal chos thams cad rtogs pa'i phyir byang chub sems dpa' zhes bya'o// 'jam dpal gang / dag rtogs pa'i phyir byang chub sems dpa' byang chub sems dpa' zhes bya ba'i chos thams cad de dag gang zhe na/ 'jam dpal 'di la byang chub sems dpas mig rtogs par byed do// rna ba rtogs par byed do/ / sna rtogs par byed do// lce rtogs par byed do// lus rtogs par byed do// yid rtogs par byed do// 'jam dpal ji ltar byang chub sems dpas mig rtogs par byed/ ji ltar rna ba dang / sna dang / lce dang / lus dang / yid rtogs par byed ce na/ 'jam dpal 'di la byang chub sems dpas mig rang bzhin gyis stong zhes bya bar rtogs par byed kyang / rtogs so snyam du rnam par mi rtog go/ / rna ba dang / sna dang / lce dang / lus dang / yid rang bzhin gyis stong zhes bya bar rtogs par byed kyang / rtogs so snyam du rnam par mi rtog go/ gzugs rnams dang / sgra rnams dang / dri rnams dang / ro rnams dang/ reg bya rnams dang / chos rnams rang bzhin gyis stong zhes bya bar rtogs par byed kyang / rtogs so snyam du rnam par mi rtog go/ 'jam dpal gzhan yang byang chub sems dpas nye bar len pa'i phung po lnga po dag rtogs par byed do/ / ji ltar rtogs par byed ce na/ stong pa dag tu rtogs par byed do// mtshan ma med pa dag tu rtogs par byed do// smon pa med pa dag

  69. 35b

    tu rtogs par byed do/ / 'dod chags dang bral ba dag tu rtogs par byed do// zhi ba dag tu rtogs par byed do// dben pa dag tu rtogs par byed do// dngos po med pa dag tu rtogs par byed do// g.yod/ med pa dag tu rtogs par byed do// skye ba med pa dag tu rtogs par byed do// 'ong ba med pa dag tu rtogs par byed do// 'gro ba med pa dag tu rtogs par byed do// ngo bo nyid med pa dag tu rdzogs par byed do/ / bdag po med pa dag tu rtogs par byed do// rnam par rig pa med pa dag tu rtogs par byed do// shes pa med pa dag tu rtogs par byed do// mthong ba med pa dag tu rtogs par byed do// ma skyes pa dag tu rtogs par byed do// spros pa med pa dag tu rtogs par byed do// bdag gi med pa dag tu rtogs par byed do// rtog pas kun nas bslang ba dag tu rtogs par byed do// rnam par/ rtog pas kun nas bslang ba dag tu rtogs par byed do// rten cing 'brel par 'byung ba dag tu rtogs par byed do// sgyu ma lta bu dag tu rtogs par byed do// rmi lam lta bu dag tu rtogs par byed do// mig yor lta bu dag tu rtogs par byed do// brag cha lta bu dag tu rtogs par byed do// chu shing gi snying po lta bu dag tu rtogs par byed do// ring du mi gnas pa dag dang / snying po med pa dag dang / gsog dag dang / gsob dag tu rtogs par byed do// 'jam dpal gzhan yang byang chub sems dpas 'dod chags rtogs par byed do// zhe sdang rtogs par byed do// gti mug rtogs par byed do//

  70. 36a

    ji ltar rtogs par byed ce na/ 'dod chags dang / zhe sdang dang / gti mug dag ni yongs su rtog pas kun nas bslang ba yin par rtogs par byed de/ yongs su rtog pa de dag kyang stong pa dag dang / med pa dag dang / dngos po med pa dag dang / spros pa med pa dag dang / rnam par rig pa med pa dag tu rtogs par byed do// 'jam dpal gzhan yang byang chub sems dpas 'dod pa'i khams rtogs par byed do/ / gzugs kyi khams dang / gzugs med pa'i khams rtogs par byed do// ji ltar rtogs par byed ce na/ bdag med pa dang / stong pa dang / dben par rnam par rtogs par byed do/ / 'jam dpal gzhan yang byang chub sems dpas sems can gyi spyod pa rtogs par byed do// ji ltar rtogs par byed ce na/ sems can 'di dag ni 'dod chags spyad pa'o// sems can 'di dag ni zhe sdang spyad pa'o// sems can 'di dag ni gti mug spyad pa'o// sems can 'di dag ni cha mnyam pa spyad pa'o zhes bya bar rtogs nas/ spyod pa la mkhas pa rtogs par byed de/ gang gi shes pa'i rnam par rig pa bstan pa gang yin pa de'ang rtogs par byed cing / rtogs nas kyang ji lta ji ltar de dag rnam par grol ba de lta de ltar chos ston to// 'jam dpal gzhan yang byang chub se dpas sems can thams cad rtogs par byed do/ / ji ltar rtogs par byed ce na/ sems can thams cad ni ming tsam ste/ ming de'ang g.yo ba med pa dang / sems can 'di dag thams cad ni sems can gcig

  71. 36b

    paste/ sems can de'ang sems can med pa dang / de ltar yang rnam par mi rtog pa ste/ de'i phyir byang chub sems dpa' zhes bya'o// gang gi tshe byang chub sems dpas chos thams cad rtogs par byed pa de'i tshe byang chub rtogs par byed pa yin no/ / de la 'di skad ces bya ste/ mig dang rna ba de dag ni/ rang bzhin stong par rtogs byed kyang / rtogs snyam rtog par mi byed pa/ byang chub sems dpa' zhes kyang bya/ sna dang lce yang rang bzhin gyis/ dngos po med par rtogs byed kyang / rtogs snyam rtog par mi byed pa/ byang chub sems dpa' zhes kyang bya/ shes rab can gyis lus dang ni yid ni stong par rtogs byed cing / rtogs nas yang dag ston byed pa/ byang chub sems dpa' zhes kyang bya/ gzugs dang sgra dang dri dag dang / ro dang reg bya yid 'ong rnams/ thams cad stong par rtogs byed pa/ byang chub sems dpa' zhes kyang byang / gzugs dang tshor ba rtogs byed cing / 'du shes kyang ni de bzhin te/ 'du byed rnams dang rnam shes ni/ sgyu ma lta bur rtogs par byed/ lnga phyu rmi lam lta bu dang / mtshan nyid med par mtshan gcig par/ rtogs kyang rtogs snyam mi rtog pa/ byang chub sems dpa' zhes kyang bya/ nang ni byung ba ma yin te/ spros pa med cing 'dus ma byas/ de/ dag ming gis bstan pa ste/ ming de dngos po yong ma yin/ 'dod chags zhe sdang kun rtog gis/ kun nas bslang ba rtogs par byed/ rtog pa de yang byung min te/ gtan du dngos po yong ma yin/

  72. 37a

    gti mug rnam par tog las byung / rnam par rtog pa rgya las phye/ rgyu yang sta bas bskyed pa ste/ sgrub de yang dmigs su med/ khams gsum thams cad stong pa ste/ de ni med par rtogs par byed/ 'di na 'pho ba 'ga' med pa/ byang chub sems dpa' zhes kyang bya/ 'dod khams grub pa ma yin te/ rnam par rtog pas kun nas bslang / gzugs dang gzugs med de bzhin te/ de dag thams cad yod ma yin/ 'dod chag su spyod dang zhes sdang spyod/ de bzhin gti mug smon pa dang / sems ca spyod pa kung yin pa/ thams cad mkhas pas rtogs par byed/ sems can thams cad sems can gcig/ sems can de yang yod min par/ shes rab can gyis de rtogs kyang / sems can de la rlom sems med/ chos rnams kun gyi 'byung ba ni/ phyin ci log las skye ba ste/ gang dag phyin ci log rtog pa/ de ni log pa'i mtshan nyid do// shes pa kun la mkhas pa ni/ gang gi sgra la'ang chags pa med/ chags pa med par rtogs gyur pa/ byang chub sems dpa' zhes kyang bya/ rang gi sha rnams gtong byed kyang / de la gnas pa yod min zhing / ji bzhin rjes su rtogs gyur pa/ byang chub sems dpa' zhes kyang bya/ tshul khrims pha rol phyin gyur kyang // tshul khrims la ni rlom sems med/ sangs rgyas tshul don gang yin pa/ skye med 'byung ba med pa yin/ byams pas sems can khyab byed kyang / sems can dmigs su yod ma yin/ sems can

  73. 37b

    don ni rjes rtogs pa/ de ni ming gis bstan pa yin/ 'dus byas kun la rnam sems pa/ brtson 'grus rtsom la gnas gyur cing / 'jig rten stong par rig nas ni/ byang chub dam pa rtogs par byed/ de ni bsam gtan sgom byed kyang / de la rten pa yod min zhing / gnas med dmigs pa yod min pa/ de ltar mkhas pa sgom par byed/ bag chags lta ba'i nyon mongs rnams/ shes rab mtshon gyis gcod byed kyang / chos kyi dbyings la dbye ba dang / gcad pa'i rlom sems yod ma yin// // bam po gsum pa// // de nas bcom ldan 'dra la 'jam dpal gzhon nur gyur pas 'di skad ces gsol to/ / bcom ldan 'das byang chub sems dpa' sems dang po bskyed pa dang ldan pa sems dang po bskyed pa dang ldan pa zhes bgyi na/ bcom ldan 'das ji tsam gyis na byang chub sems dpa' sems dang po bskyud pa dang ldan pa zhes bgyi/ bcom ldan 'das kyis bka' stsal pa/ 'jam dpal byang chub sems dpa' gang gis khams gsum pa thams cad las 'du shes dang / yid la byed pa bskyed pa de ni sems dang po bskyed pa dang ldan pa zhes bya'o// 'jam dpal gyis gsol pa/ bcom ldan 'das kyis bka' stsal pa'i don bdag gis 'tshal ba ltar na/ byang chub sems dpa' gang gis 'dod chags bskyed pa dang / zhe sdang bskyed pa dang / gti mug bskyed pa de ni sems dang po bskyed pa dang ldan pa zhes bgyi'o// de nas

  74. 38a

    @lha'i bu blo gros rab gnas kyis 'jam dpal gzhon nur gyur pa la 'di skad ces smras so/ / 'jam dpal gal te 'dod chags dang / zhe sdang dang / gti mug dag bskyed pa byang chub sems dpa' sems dang po bskyed pa lags na/ de lta na byis pa so so'i skye bo rnams kyang sems dang po bskyed pa dang ldan pa lags par 'gyur ro// de ci'i slad du zhe na/ 'jam dpal 'di ltar de dag ni 'dod chags dang / zhe sdang dang / gti mug dag bskyed par bgyi ba'i slad du'o// 'jam dpal gyis smras pa/ lha'i bu byis pa so so'i skye bo rnams kyis ni 'dod chags dang / zhe sdang dang / gti mug dag skyed par mi nuso// de ci'i phyir zhe na/ lha'i bu 'dod chags dang / zhe sdang dang / gti mug dag ni sangs rgyas rnams dang / rang sangs rgyas rnams dang / nyan thos rnams dang / byang chub sems dpa' phyir mi ldog pa rnams kyis bskyed pa'i phyir ro// lha'i bus smras pa/ 'jam dpal 'khor 'dis khyod kyi ldem po ngag mi rtogs shing ma 'tshal te/ the tshom 'tshal bar 'gyur/ gyis/ rnam par phye ste bstan du gsol/ 'jam dpal gyis smras pa/ lha'i bu 'di ji snyam du sems/ 'dab chags bya steng gi bar snang la rgyu ba de 'phur te song ngam/ 'on te 'dug snyam lha'i bus smras pa/ 'jam dpal 'phur te mchis so// 'jam dpal gyis spras pa/ lha'i bu kho bo ni de las bsam nas de skad ces gang dag 'dod chags dang / zhe sdang dang / gti mug dag skyed par

  75. 38b

    byed pa de dag ni/ sangs rgyas rnams dang / rang sangs rgyas rnams dang / nyan thos rnams dang / byang chub sems dpa' phyir mi ldog pa rnams shes bya'o zhes ston te/ lnga'i bu gang la rten med pa de ni skye ba yin no/ / gang la lhag par chags pa med pa de ni skye ba yin no// gang la mngon par zhen pa med pa de ni skye ba yin no// lha'i bu glang la rten med pa dang / lhag par chags pa med pa dang / mngon par zhen pa med pa de ni skye ba yin te/ skye ba zhes bya ba de ni gzhi med pa yin no// skye ba zhes bya ba de ni rtag tu med pa'i gzhi yin no// skye ba zhes bya ba de ni 'byung ba med pa'i gzhi yin no// skye ba zhes bya ba de ni ngo bo nyid med pa'i gzhi yin no/ / skye ba zhes bya ba de ni dngos po med pa'i gzhi yin no// skye ba zhes bya ba de ni 'ong ba med pa'i gzhi yin no// skye ba zhes bya ba de ni 'gro ba med pa'i gzhi yin no// skye ba zhes bya ba de ni skye ba med pa'i gzhi yin no/ / skye ba zhes bya ba de ni dmigs pa med pa'i gzhi yin no// skye ba zhes bya ba de ni rnam par rig pa med pa'i gzhi yin no// skye ba zhes bya ba de ni rdul med pa'i gzhi yin no/ / skye ba zhes bya ba de ni rlom sems med pa'i gzhi yin no// skye ba zhes bya ba de ni spyod pa med pa'i gzhi yin no// skye ba zhes bya ba de ni brjod du med pa'i gzhi yin no// skye ba zhes bya ba de ni mi phyed pa'i gzhi yin no/ / skye ba zhes bya ba de ni yi ge med pa'i gzhi yin no// skye ba zhes bya ba de ni gzung ba med pa'i gzhi yin no// skye ba zhes bya ba de ni gnas med pa'i gzhi yin no// skye ba zhes bya ba de ni blang ba

  76. 39a

    med pa'i gzhi yin no/ / skye ba zhes bya ba de ni dor ba med pa'i gzhi yin no// skye ba zhes bya ba de ni phyir mi ldog pa'i gzhi yin te/ lha'i bu chos de la rlom sems su mi byed/ mngon par zhen par mi byed/ sems par mi byed/ shes par mi byed/ lta bar mi byed/ nyan par mi byed/ rnam par shes par mi byed/ len par mi byed/ gtong bar mi byed/ skyed par mi byed/ 'gog par mi byed pa gang yin pa de ni byang chub sems dpa' sems dang po skye ba yin no/ / lha'i bu de lta bas na/ byang chub sems dpas tshul de dang / chos kyi dbyings de dang / mnyam pa nyid de dang / mtha' de dang / thabs la mkhas pa des 'dod chags bskyed par bya'o// zhe sdang dang gti mug bskyed par bya'o// mig gi rten bskyed par bya'o// yid kyi rten gyi bar du bskyed par bya'o// gzugs la lhag par chag/ pa bskyed par bya'o// rnam par shes pa la lhag par chags pa'i bar du bskyed par bya'o// ming bskyed par bya'o// gzugs bskyed par bya'o// rgyu bskyed par bya'o// lta ba'i rnam pa thams cad bskyed par bya'o/ / ma rig pa bskyed par bya'o// srid pa'i sred pa bskyed par bya'o// rten cing 'brel par 'byung ba'i yan lag bcu gnyis la 'jug pa'i bar du bskyed par bya'o// 'dod pa'i yon tan lnga bskyed par bya'o/ / khams gsum pa la mngon par zhen pa bskyed par bya'o// ngar 'dzin pa dang / nga yir 'dzin pa bskyed par bya'o// 'jig tshogs bskyed par bya'o// 'jig tshogs la lta ba bskyed par bya'o//

  77. 39b

    lta ba'i rnam pa drug cu rtsa gnyis bskyed par bya'o// sangs rgyas su 'du shes pa dang / chos su 'du shes pa dang / dge 'dun du 'du shes pa bskyed par bya'o// bdag tu 'du shes pa dang / gzhan du 'du shes pa bskyed par bya'o/ / sar 'du shes pa bskyed par bya'o// chur 'du shes pa dang / mer 'du shes pa dang / rlung du 'du shes pa dang / nam mkhar 'du shes pa dang / rnam par shes par 'du shes pa bskyed par bya'o/ / phyin ci log bzhi bskyed par bya'o// sgrib pa lnga dang / rnam par shes pa gnas pa bzhi dang / log pa nyid brgyad dang / mi dge ba bcu'i las kyi lam rnams bskyed par bya'o/ / lha'i bu mdor na byang chub sems dpas rtog pa thams cad dang / yongs su rtog pa thams cad dang / rnam par rtog pa thams cad dang / mtshan ma thams cad dang / spros pa thams cad dang / 'dod pa thams cad dang / 'dzin pa thams cad dang / mngon par zhen pa thams cad dang / 'du shes thams cad dang / rlom sems thams cad dang / chags pa thams cad bskyed par bya ste/ lha'i bu rnam grangs des na/ khyod kyis 'di ltar chos de la mngon par zhen pa med pa dang / lhag par chags pa med pa gang yin pa de ni skye ba zhes bya ba yin par rig par bya'o// de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal gang gi phyir khyod kyis 'di lta ste/ sangs rgyas bcom ldan 'das gang+gA'i klung gi bye ma snyed la bsnyen bkur byas pa'i

  78. 40a

    phyir/ byang chub sems dpa' rnams kyi sems dang po skye ba 'di bstan pa legs so legs so// de nas bcom ldan 'das la tshe dang ldan pa shA ri'i bus 'di skad ces/ gsol to// bcom ldan 'das de ltar 'jam dpal gzhon nur gyur pas byang chub sems dpa' sems dang po skye ba 'di bstan pa'i sems skye ba 'di ni mi skye ba'i chos la bzod pa thob pa dang mtshungs so// bcom ldan 'das kyis bka' stsas pa/ shA ri'i bu de de bzhin no// ji skad smras pa de bzhin te/ shA ri'i bu gang gi tshe de bzhin gshegs pa mar me mdzad kyis ngal bram ze'i khye'u khyod ma 'ongs pa'i dus na/ bskal pa grangs med pa dag gis de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa de'i tshe na/ shA ri'i bu nga sems skye ba 'di dang bral bar ma gyur te/ shA ri'i bu de na ngas mi skye ba'i chos la bzod pa thob pa gang yin pa dang / byang chub sems dpa'i sems dang po skye ba de ni 'jam dpal gzhon nur gyur pas ji skad bstan pa 'di yin no/ / 'jam dpal gyis gsol pa/ bcom ldan 'das kyis bka' stsal pa'i don bdag gis 'tshal ba ltar na/ byang chub sems dpa'i sems skye ba thams cad ni sems dang po skye ba lags so/ / de ci'i slad du zhe na/ bcom ldan 'das 'di ltar sems skye ba thams cad ni skye ba ma mchis pa lags la/ skye ba ma mchis pa gang lags pa de ni/ byang chub sems dpa'i sems dang po skye ba

  79. 40b

    lags pa'i slad du'o/ / bstan pa 'di bshad pa na/ byang chub sems dpa' N+DI khri sum stong gis mi skye ba'i chos la bzod pa thob bo// dge slong lnga brgya ni len pa med par zag pa rnams las sems rnam par grol lo/ / lha'i bu dung phyur phrag drug ni chos rnams la chos kyi mig rdul med cing dri ma dang bral ba rnam par dag go de nas bcom ldan 'das la gnas brtan 'od srungs chen pos 'di skad ces gsol to/ / bcom ldan 'das de ltar 'jam dpal gzhon nur gyur pas chos bstan pas sems can 'di snyed kyi don bgyis pa ni 'jam dpal gzhon nur gyur pa dka' ba bgyid pa lags so// 'jam dpal gyis smras pa/ btsun pa 'od srungs chen po kho bo ni dka' ba byed pa ma yin no// de ci'i phyir zhe na/ btsun pa 'od srungs chen po chos thams cad byed pa med pa/ ma byas pa/ bya ba med pa yin phra/ kho bo chos 'ga' yang mi byed/ 'jig par mi byed pa'i phyir ro// kho bo ni sems can 'ga' yang grol bar mi byed/ 'ching bar mi byed do// de ci'i phyir zhe na/ sems can med pa'i phyir ro// btsun pa 'od srungs chen po gzhan yang de skad ces dka' ba byed pa yin no zhes zer ba ni/ btsun pa 'od srungs chen po kho bo ni dka' ba byed pa ma yin te/ de bzhin gshegs pa'ang ma yin/ dgra bcom pa rnams kyang ma yin rang sangs rgyas rnams kyang ma yin no/ / btsun pa 'od srungs chen po gang dag byis pa so so'i skye bo rnams dka' ba byed pa yin no zhes yang dag par smra ba brjod par gyur na/ de dag ni yang dag par smra ba brjod pa

  80. 41a

    yin no/ / de ci'i phyir zhe na/ btsun pa 'od srungs chen po 'di ltar sangs rgyas thams cad kyis ma brnyes/ mi brnyes/ brnyes par mi 'gyur ba gang yin pa dang / nyan thos thams cad dang / rang sangs rgyas thams cad kyis ma brnyes/ mi brnyes/ brnyes par mi 'gyur ba gang yin pa de byis pa so so'i skye bo rnams kyis rnyed pa'i phyir ro// 'od srungs chen pos smras pa/ 'jam dpal sangs rgyas thams cad kyis ci zhig ma brnyes/ 'jam dpal gyis smras pa/ btsun pa 'od srungs chen po bdag ma brnyes so// sems can ma brnyes so// srog ma brnyes so// gang zag ma brnyes so// rtag pa ma brnyes so// chad pa ma brnyes so// phung po rnams ma brnyes so// khams rnams ma brnyes so// skye mched rnams ma brnyas so// ming ma brnyes so// gzugs ma brnyes so// 'dod pa'i khams ma brnyes so// gzugs kyi khams ma brnyas so/ / gzugs med pa'i khams ma brnyes so// rtog pa dang / yongs su rtog pa dang / rnam par rtog pa dang / rgyu dang / skye ba rnams ma brnyes so// phyin ci log rnams ma brnyes so// 'dod chan dang/ zhe sdang dang / gti mug dag ma brnyes so// 'jig rten 'di dang 'jig rten pha rol ma brnyes so// ngar 'dzin pa dang nga yir 'dzin pa dag ma brnyes so// btsun pa 'od srungs chen po mdor na chos thams cad ma brnyas so/ / ma bshig/ ma bkrol/ ma bzung / ma btang / ma sbyar/ ma phye'o// btsun pa 'od srungs chen po rnam grangs des na/ khyod kyis 'di ltar sangs rgyas thams cad kyis ma brnyes pa gang yin pa

  81. 41b

    de ni/ byis pa so so'i skye bo thos pa dang mi ldan pa rnams kyis rnyed par rig par bya ste/ de'i phyir de dag ni dka' ba byed pa yin no// sangs rgyas rnams kyis ma mdzad pa gang yin pa dang / nyan thos rnams dang rang sangs rgyas rnams kyis ma byas pa gang yin pa de'ang byis pa so so'i skye bo rnams byed do/ / 'od srungs chen pos smras pa/ 'jam dpal ci zhig byed/ 'jam dpal gyis smras pa/ btsun pa 'od srungs chen po rtag pa byed do/ / chad pa byed do// kun tu sbyor ba byed do// mngon par gnas pa byed do// rlom sems byed do// sems pa byed do// skye ba byed do// 'jig pa byed do// len pa byed do// 'dor ba byed do// 'phro ba byed do// rtog pa byed do// rjes su chags pa byed do// khong khro ba byed do// khengs pa byed do// 'dud pa byed do// btsun pa 'od srungs chen po sangs rgyas bcom ldan 'das rnams kyis ma mdzad/ mi mdzad mdzad par mi 'gyur ba'i chos gang dag yin pa de dag byis pa so so'i skye bo rnams byed pas na/ de'i phyir de dag ni dka' ba byed pa yin no// de nas bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das mi skye ba'i bzod pa mi skye ba'i bzod pa zhes bgyi na/ bcom ldan 'das byang chub sems dpa'i mi skye ba'i chos la bzod pa zhes brgya ba de ni gang lags/ mi skye ba'i chos la bzod pa thob pa'i byang chub sems dpas ni ci zhig 'thob/ bcom ldan 'das kyis bka' stsal pa/ 'jam dpal thob pa ci'ang med pa'i phyir mi skye ba'i chos la

  82. 42a

    bzod pa thob pa zhes bya'o/ / de ci'i phyir zhe na/ bzod pa de ni 'thob pa med pa ste/ thob pa med pa/ thob pa dang bral ba/ ma thob pa/ ma bshig pa yin pa'i phyir ro// 'jam dpal mi skye ba'i chos la bzod pa zhes bya ba de ni/ chos thams cad skye ba med pa zhes bya ba bzod pa dang / chos thams cad 'ong ba med pa zhes bya ba bzod pa dang / chos thams cad 'gro ba med pa zhes bya ba bzod pa dang / chos thams cad mnyam pa med pa zhes bya ba bzod pa dang / chos thams cad bdag po med pa zhes bya ba bzod pa dang / chos thams cad blang ba med pa zhes bya ba bzod pa dang / chos thams cad dor ba med pa zhes bya ba bzod pa dang / chos thams cad dngos po med pa zhes bya ba bzod pa dang / chos thams cad ngo bo nyid med pa zhes bya ba bzod pa dang / chos thams cad 'dra ba med pa zhes bya ba bzod pa dang / chos thams cad rdul med cing nam mkha' dang mtshungs pa zhes bya ba bzod pa dang / chos thams cad dbyer med cing gcad du med pa zhes bya ba bzod pa dang / chos thams cad kun nas nyon mongs pa med pa zhes bya ba bzod pa dang / chos thams cad rnam par byang ba med pa zhes bya ba bzod pa dang / chos thams cad stong pa dang / mtshan ma med pa dang / smon pa med pa zhes bya ba bzod pa dang / chos thams cad 'dod chags dang bral ba dang / zhe sdang dang bral ba dang / gti mug dang bral ba zhes bya ba bzod pa dang / chos thams cad de bzhin nyid dang / chos kyi dbyings dang / yang dag pa'i mtha' la gnas pa zhes bya ba bzod

  83. 42b

    pa dang / chos thams cad ma brtags pa dang / rnam par ma brtags pa dang / ma rloms pa dang / ma spros pa dang / ma bsams pa dang / ma byas pa dang / stobs med pa dang / nyam chung ba dang / gsog dang / gso ba dang / sgyu ma lta bu dang / rmi lam lta bu dang / brag cha lta bu dang / mig yor lta bu dang / smig rgyu lta bu dang / mig yor lta bu dang / smig rgyu lta bu dang / chu shing gi snying po lta bu dang / chu bur lta bu dang / dbu ba rdos pa lta bu zhes bya ba bzod cing / de dag ni chos rnams kyang ma yin/ chos ma yin pa rnams kyang ma yin te/ ming gis brjod pa kho na yin zhing / ming de'ang g.yo ba med pa rang bzhin gyis dben pa yin no zhes bya ba de ltar bzod par byed/ mos par byed/ yid ches par byed/ 'jug par byed/ rtogs par byed cing // nem nur mi byed/ the tshom mi za la/ mi skrag mi dngang zhing / dngang bar mi 'gyur bar lus kyis reg par byas nas/ bsgrubs te gnas shing / lus kyang mi dmigs/ gnas pa'ang mi dmigs pa de ni/ 'jam dpal 'di lta ste/ mtshan ma thams cad rab tu mi rgyu ba'i phyir/ byang chub sems dpa'i mi skye ba'i chos la bzod pa zhes bya'o// 'jam dpal gyis gsol pa/ bcom ldan 'das bzod pa bzod pa zhes bgyi ba ni/ chos gang chos gang gis kyang smras par bgyir ma mchis pade ni bzod pa zhes bgyi'o/ / de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so// 'jam dpal chos gang zhig chos gang gis smras par bgyid/

  84. 43a

    'jam dpal gyis smras pa/ lha'i bu mig ni gzugs yid du 'ong ba dang / yid du mi 'ong ba dgra gis sbas par byed do// rna ba ni sma dag gis so// sA ni dri dag gis so// lce ni ro dag rmi so/ / lus ni reg bya dag gis so// lha'i bu yid ni chos yid du 'ong ba dang / yid du mi 'ong ba dag gis smras par byed de/ lha'i bu byang chub sems dpa' ni mig gis gzugs mthong ba'ang mtshan mar 'dzin par mi byed/ mngon rtags su 'dzin par mi byed/ rtog par mi byed/ rnam par rtog par mi byed/ rjes su chags par mi byed/ khong khro bar mi byed/ gzugs rang bzhin gyis stong par shes par byed cing / rlom sems su mi byed/ smras par mi byed do// de bzhin du rna bas sgra thos pa dang / snas dri bsnams pa dang / lces ro myang ba dang / lus kyis reg bya reg pa dang / yid kyis chos shes kyang mtshan mar 'dzin par mi byed/ mngon rtags su 'dzin par mi byed/ rtog par mi byed/ rnam par rtog par mi byed/ rjes su chags par mi byed/ khong khro bar mi byed de/ chos rang bzhin gyis stong par shes par byed cing / rlom sems su mi byed/ smas par mi byed do// lha'i bu de ltar skye mched drug po dag la chags par mi byed/ smras par mi byed de/ smas par mi byed pa gang yin pa de ni bzod pa zhes bya'o// lha'i bu bzod pa de lta bu thob pa'i byang chub sems dpa' ni chos rnams la skye ba'am mi skye bar mi rtog go/ / chos rnams la zag pa dang bcas pa 'am/ zag pa med pa 'am/ kha na ma tho ba dang bcas pa 'am/ kha nam

  85. 43b

    tho ba med pa'am/ 'dus byas sam/ 'dus ma byas su mi rtog ste/ gang gi tshe mi rtog pa de'i tshe mi skye ba'i chos la bzod pa zhes bya'o// bstan pa 'di bshud pa na/ srog chags drug khri nyis stong bla na med pa yang dag par rdzogs pa'i byang chub tu sems skyes so/ / byang chub sems dpa' khri nyis stong gis ni mi skye ba'i chos la bzod pa thob par gyur to// de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so/ / 'jam dpal sa nas sar 'phar bas nas sar 'phar ba zhes bgyi na/ ji ltar byang chub sems dpas sa nas sar 'phar bar bgyid/ 'jam dpal gyis smras pa/ lha'i bu sa nas sar 'phar bar byed pa gang yin pa de la dris shig/ lha'i bus smras pa/ 'jam dpal byang chub sems dpa' sa nas sar 'phar zhing sa bcu pa'i bar du gnon par mi bgyid dam/ 'jam dpal gyis smras pa/ lha'i bu khyod bcom ldan 'das kyis chos thams cad sgyu ma lta bu'o zhes gsungs pa la mos sam/ lha'i bus smras pa/ 'jam dpal mos so// 'jam dpal gyis smras pa/ lha'i bu ci sgyu ma dang sprul pa sa nas sar 'phar zhing sa bcu pa'i bar du gnon tam/ lha'i bus smras pa/ 'jam dpal de ni ma lags so// 'jam dpal gyis smras pa/ lha'i bu gang gi tshe sgyu ma dang sprul pa sa nas sar 'phar bar 'gyur ba de'i tshe/ kho bo'ang sa nas sar 'phar bar 'gyur ro// de ci'i phyir zhe na/ bcom ldan 'das kyis chos thams cad

  86. 44a

    sgyu ma lta bu'o zhes gsungs pa'i phyir ro/ / lha'i bu de lta mod kyis nas sar 'phar ba bstan pa de ni 'bar ba med par bstan par bya'i// 'phar bar ni ma yin no// de ci'i phyir zhe na/ chos thams cad 'pho ba med pas/ / chos rnams ni chos rnams su mi 'pho ba'i phyir te/ gzugs ni tshor bar mi 'pho// tshor ba'ang gzugs su mi 'pho// gzugs ni 'du shes su mi 'gro// 'du shes kyang gzum su mi 'pho/ gzugs ni 'du byed rnams su ma 'pho/ 'du byed rnams kyang gzugs su mi 'pho/ gzugs ni rnam par shes par mi 'pho/ rnam par shes pa'ang gzugs su mi 'pho/ tshor ba ni 'du shes su mi 'pho/ 'du shes kyang tshor bar mi 'pho/ tshor ba ni 'du byed rnams su mi 'pho/ 'du byed rnams kyang tshor bar mi 'pho/ tshor ba ni rnam par shes par mi 'pho/ rnam par shes pa'ang tshor bar mi 'pho/ 'du shes ni 'du byed rnams su mi 'pho/ 'du byed rnams kyang 'du shes su mi 'pho/ 'du shes ni rnam par shes par mi 'pho/ rnam par she ba'ang 'du shes su mi 'pho/ 'du byed rnams ni rnam par shes par mi 'pho/ rnam par shes pa'ang 'du byed rnams su mi 'pho/ mig ni rna bar mi 'pho/ rna ba'ang mig tu mi 'pho/ mig ni snar mi 'pho/ sna'ang mig tu mi 'a'o// mig ni lcer mi 'pho lce'ang mig tu mi 'pho/ mig ni lus su mi 'pho/ lus kyang mig tu mi 'pho/ mig ni yid du mi 'pho/ yid kyang mig tu mi 'pho/ rna ba ni snar mi 'pho/ sna'ang rna bar mi 'pho/ rna ba ni lcer mi 'pho/ lce'ang na

  87. 44b

    bar mi 'pho/ rna ba ni lus su mi 'pho/ lus kyang rna bar mi 'pho/ rna ba ni yid du mi 'pho/ yid kyang rna bar mi 'pho/ sna ni lcer mi 'pho/ lce'ang snar mi 'pho/ sA ni lus su mi 'pho/ lus kyang sngar mi 'phro sna ni yid du mi 'pho/ yid kyang snar mi 'pho/ lce ni lus su mi 'pho/ lus kyang lcer mi 'pho/ lce ni yid du mi 'pho/ yid kyang lcer mi 'pho/ lus ni yid du mi 'pho/ yid kyang lus su mi 'pho zhing / chos de dag ni spyod yul tha dad pa/ yul tha dad pa/ blun pa/ bems po/ sems pa med pa/ g.yo ba med pa/ byed pa med pa/ rtswa dang / rtsig pa lta bur snang ba/ sgyu ma lta bur rnam par rig pa med pa/ mtshan nyid med par mtshan nyid gcig pa ste/ de dag ni 'pho bar mi byed/ 'ong bar mi byed/ 'gro bar mi byed pa'i phyir ro// lha'i bu byang chub sems dpa' gang de ltar shes par byed pa de ni chos gang la'ang 'pho bar mi byed cing / sar yang rnam par rtog par mi byed/ sar 'phar bar yang mi mthong / sa yongs su spong bar yang mi byed de/ 'pho ba med pa dang 'jig pa med pa'i phyir byang chub las ldog par yang mi 'gyur ro/ / de ci'i phyir zhe na/ chos thams cad gzod ma nas rnam par dag pa'i phyir/ phung po dang / khams dang / skye mched kyi ngo bo nyid gang yin pa de ni 'pho ba med cing 'jig pa med pa'i phyir te/ lha'i bu de ni byang chub sems dpa' rnams kyi sa nas sar 'phar ba yin no// lha'i bu 'di lta ste/ dper na sgyu ma mkhan zhig gis sa bcu'i khang pa brtsegs

  88. 45a

    pa zhig mngon par sprul nas/ der sgyu ma'i mi zhig zhugs par gyur na/ lha'i bu 'di ji snyam du sems/ der zhugs pa 'ga' yang yod snyam mam/ lha'i bus smras pa/ 'jam dpal de ni ma mchis so// 'jam dpal gyis smras pa/ lha'i bu byang chub sems dpa'i sa bcur 'phar ba'ang de bzhin du blta bar bya'o// de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so/ / 'jam dpal la la zhig rab tu 'byung ba'i slad du khyod kyi thad du mchis na/ rab tu 'byung ba de la khyod ji skad gsung zhing / de rab tu ni ji ltar 'byin/ rdzogs par bsnyen par ni ji ltar mdzad/ tshul khrims kyi phung po la ni ji ltar sbyor/ bslab pa'i lung ni ji ltar 'bog par mdzad/ 'jam dpal gyis smras pa/ lha'i bu la la zhig rab tu 'byung ba'i phyir kho bo'i thad du 'ongs na/ de la kho bos 'di skad ces/ rigs kyi bu gal te khyod rab tu 'byung ba'i sems skyed par mi byed pa de lta na kho bo khyod rab tu dbyung ngo zhes smra'o// de ci'i phyir zhe na/ lha'i bu gang rab tu 'byung ba de ni 'dod pa'i khams su gnas pa 'am/ gzugs kyi khams su gnas pa 'am/ gzugs med pa'i khams su gnas pa'am/ 'dod pa'i yon tan lnga la gnas pa yin la/ gnas dgu la spyod pa'i rigs kyi bu ni chos mngon sum du byed pa'i phyir te/ lha'i bu dgu gang zhe na/ gang ci la'ang mi gnas pa de ni sems nye bar dmigs par mi byed pa dang / gang

  89. 45b

    sems nye bar dmigs par mi byed pa de ni rab tu 'byung bar mi 'dod pa dang / gang rab tu 'byung bar mi 'dod pa de ni rab tu 'byung ba'i sems skyed par mi byed pa dang / gang rab tu 'byung ba'i sems skyed par mi byed pa de ni mi skye ba dang / gang mi skye ba de ni sdug bsngal zad pa dang / gang sdug bsngal zad pa de ni gtan zad pa dang / gang gtan zad pa de ni mi zad pa dang / gang mi zad de ni zad par mi 'gyur ba dang / gang zad par mi 'gyur ba de ni nam mkha' yin pa ste/ lha'i bu kho bo ni rigs kyi bu de la de skad smra'o// lha'i bu gzhan yang la la zhig rab tu 'byung ba'i phyir kho bo'i thad du 'ongs na/ de la kho bo 'di skad ces/ rigs kyi bu khyod rab tu 'byung ba'i sems ma skyed cig/ de ci'i phyir zhe na/ 'di ltar sems de ni skye ba med pa'i phyir te/ de rnam par ma dkrugs shig/ rigs kyi bu gal te khyod skra 'breg par mi byed pa de lta na khyod legs par rab tu 'byung ba yin no zhes smra'o/ / lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu de bzhin gshegs pa ni gcad du med pa dang / dbyer med pa'i phyir chos ston par mdzad do// lha'i bus smras pa/ 'jam dpal ci zhig gcod par mi bgyid cing / ci zhig 'byed par mi bgyid/ 'jam dpal gyis smras pa/ lha'i bu gzugs ni gcod par mi byed cing / 'byed par mi byed do// tshor ba dang / 'du shes dang / 'du byed rnams dang / rnam par shes pa ni gcod par mi byed cing / 'byed par mi

  90. 46a

    byed do/ / lha'i bu gang 'di snyam du bdag gi skra breg go snyam du sems pa de ni ngar 'dzin pa dang / nga yir 'dzin pa la gnas pa yin pas/ ngar 'dzin pa dang / nga yir 'dzin pa la spyod pa dag gis ni mnyam pa nyid mi mthong zhing / bdag tu dmigs pa yod na slar dmigs par 'gyur la/ sgrar dmigs pa yod na sems can du dmigs par 'gyur zhing / sems can du dmigs pa yod na 'breg pa'i 'du shes 'byung bar 'gyur ro/ / lha'i bu gang la bdag tu dmigs pa med pa de la gzhan du dmigs pa med do// gang la gzhan du dmigs pa med pa de la ngar 'dzin pa med do// gang la ngar 'dzin pa med pa des nga yir 'dzin pa spangs so// gang gis nga yir 'dzin pa spangs pa de rnam par mi rtog go// gang rnam par mi rtog pa de mi 'gyur ro// gang mi 'gyur ba de ni spros pa med do/ / gang spros pa med pa de mi len/ mi 'dor/ mi byed/ 'jig par mi byed/ mi gcod/ mi 'byed/ mi sbyor/ mi 'bral/ mi nur/ mi spong zhing / 'bri bar mi byed/ gang bar mi byed sdud par mi byed/ 'phro bar mi byed/ rlom sems su mi byed/ smra bar mi byed/ rjod par mi byed/ rab tu brjod par mi byed de/ de ni yang dag pa la gnas pa yin no// lha'i bus smras pa/ 'jam dpal yang dag pa zhes bgyi ba ci lags/ 'jam dpal gyis smras pa/ lha'i bu gang yang dag pa zhes bya ba ni nam mkha' ste/ nam mkha' ni 'grib pa 'am/ 'phel ba 'am/ 'byung ba 'am/

  91. 46b

    'jig par mi 'gyur bas/ de'i phyir nam mkha' de ni yang dag pa'o// yang dag pa ni stong pa nyid do// yang dag pa ni de bzhin nyid do// yang dag pa ni chos kyi dbyings so// yang dag pa ni yang dag pa'i mtha' 'o/ / yang dag pa gang yin pa de ni ma byung ba'o// de ci'i phyir zhe na/ de ni ma byung zhing 'byung bar mi 'gyur bas// de'i phyir de ni ma byung ba yin no// lha'i bu gzhan yang la la zhig rab tu 'byung ba'i phyir kho bo'i thad du 'ongs na/ de la kho bo 'di skad ces/ rigs kyi bu gal te khyod ngur smrig 'dzin par mi byed cing / gyon par mi byed pa de lta na khyod rab tu dbyung ngo zhes smra'o// lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu de bzhin gshegs pa ni 'dzin pa med pa'i phyir chos ston par mdzad kyi/ 'dzin pa'i phyir ni ma yin no/ / lha'i bus smras pa/ 'jam dpal ci zhig mi mdzin/ 'jam dpal gyis smras pa/ lha'i bu gzugs rtag ces bya ba'am/ mi rtag ces bya bar mi 'dzin to// tshor ba dang / 'du shes dang / 'du byed rnams dang / rnam par shes pa rtag ces bya ba 'am/ mi rtag ces bya bar mi 'dzin to// mig mi 'dzin to// gzugs mi 'dzin to// rnab mi 'dzin to// sgra mi 'dzin to// sna mi 'dzin to// dri mi 'dzin to// lce mi 'dzin to// ro mi 'dzin to// lus mi 'dzin to// reg bya mi 'dzin to// yid mi 'dzin to// chos mi 'dzin to// 'dod chags mi 'dzin to// zhe sdang mi 'dzin

  92. 47a

    to/ / kAti mug mi 'dzin to// phyin ci log mi 'dzin te/ lha'i bu mdor na chos thams cad mi 'dzin/ mi gtong / mi spong / mi 'dor ro// lha'i bu grang ngur smrig la 'dzin pa'i 'du shes dang ldan pa de ni lta ba'i rnam pa can yin par kho bo smra ste/ lha'i bu ngur smrig 'dzin pas ni rnam par dag pa 'am/ rnam par grol bar mi 'gyur ro// de ci'i phyir zhe na/ lnga'i bu sangs rgyas bcom ldan 'das rnams kyi byang chub ni snyigs ma med pa yin pa'i phyir ro/ / lha'i bus smras pa/ 'jam dpal snyigs ma zhes bgyi ba ci lags/ 'jam dpal gyis smras pa/ lha'i bu 'dod chags ni snyigs ma'o/ / zhe sdang ni snyigs ma'o// gti mug ni snyigs ma'o// rgyu ni snyigs ma'o// lta ba ni snyigs ma'o// ming ni snyigs ma'o// gzugs ni snyigs ma'o// 'du shes ni snyigs ma'o/ / lhag par 'dzin pa ni snyigs ma'o// mtshan ma ni snyigs ma'o// spros pa ni snyigs ma'o// lha'i bu gang mi dge ba'i chos de dag yid la mi byed pa de ni snyigs ma med pa'o// gang snyigs ma med pa de ni ci'ang med pa'o/ / gang ci'ang med pa de ni nyon mongs pa med pa'o// gang nyon mongs pa med pa de ni nam mkha' yin no// lha'i bus smras pa/ 'jam dpal lhag par bya ba med pa lhag par bya ba med pa zhes bgyi na/ 'jam dpal lhag par bya ba med pa zhes bgyi ba ci lags/ 'jam dpal gyis smras pa/ lha'i bu lhag par mi bya lhag par mi bya zhes bya ba ni/ chos 'ga' yang lhag par mi

  93. 47b

    bya ba de ni lhag par mi bya ba zhes bya ste/ lha'i bu gang dag lhag par byed pa de dag la de bzhin gshegs pa lhag par mi bya ba zhes gsungs te/ de ni lhag par mi bya ba zhes bya'o// lha'i bus smras pa/ 'jam dpal ci zhig lhag par bgyid/ 'jam dpal gyis smras pa/ lha'i bu mnyam pa nyid las 'da' bar byed cing / mnyam pa nyid las 'das nas/ chos gang ma rnyed mi rnyed rnyed par mi 'gyur zhing / ma byung mi 'byung 'byung bar mi 'gyur ba'i chos de la log par gnas shing lhag par byed de/ 'di lta ste/ bdag ces bya bar rtog cing lhag par byed pa dang / sems can dang / srog dang / gang zag dang / shed las skyes dang / shed bu dang / rtag pa dang / chad pa zhes bya bar rtog cing lhag par byed pa dang / phung po rnams dang / khams rnams dang / skye mched rnams zhes bya bar rtog cing lhag par byed pa dang / sangs rgyas dang / chos dang / dge 'dun zhes bya bar rtog cing lhag par byed pa dang / 'di ni tshul khrims dang ldan pa'o// 'di ni tshul khrims 'chal pa'o zhes bya bar rtog cing lhag par byed pa dang / kun nas nyon mongs pa dang / rnam par byang ba 'thob pa dang / 'bras bu dang / mngon sum du bya ba zhes bya bar rtog cing lhag par byed pa dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid dang / sangs rgyas nyid ces bya bar rtog cing lhag par byed pa dang / 'di ni stong pa nyid dang / mtshan ma med

  94. 48a

    pa dang / smon pa med pa dang / rig pa dang / rnam par grol ba dang / 'dod chags dang bral ba'o zhes bya bar rtog cing lhag par byed de/ lha'i bu byis pa so so'i skye b+h+yo thos pa dang mi ldan pa rnams ni lhag par bya ba de lta bu de dag la rtog cing lhag par byed do/ / mi gti mug can de dag rtogs par bya ba'i chos la sgro 'dogs shing yongs su rtog par byed de/ de dag gi sgro 'dog pa la 'dun pa bzlog pa'i phyir/ de bzhin gshegs pa lhag par bya ba med pa ston pa mdzad do// de nas lha'i bu blo gros rab gnas kyis 'jam dpal gzhon nur gyur pa la legs so zhes bya ba byin te/ 'jam dpal legs so legs so// 'jam dpal khyod kyis lhag par bya ba med pa bstan pa 'di bshad pa legs so legs so// bcom ldan 'das kyis kyang 'jam dpal gzhon nur gyur pa la legs so zhes bya ba byin te/ 'jam dpal legs so legs so// gal te bstan par bya na de skad bstan par bya'o// gzhan yang 'jam dpal gzhon nur gyur pas lha'i bu blo gros rab gnas la 'di skad ces smras so/ / lha'i bu gang la la zhig rab tu 'byung ba'i phyir kho bo'i thad du 'ongs na/ de la kho bo 'di skad ces/ rigs kyi bu gal te khyod rdzogs par bstan par mi byed pa de lta na khyod rab tu byung ba yin no zhes smra'o/ / lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu bcom ldan 'das kyis rdzogs par

  95. 48b

    bsnyen pa ni 'di gnyis yin par gsungs te/ gnyis gang zhe na/ mnyam par rdzogs par bsnyen pa dang / mi mnyam par rdzogs par bsnyen pa'o// de la mi mnyam par rdzogs par bsnyen pa gang zhen/ gang mi/ mnyam par ltung ba'o// de la mi mnyam pa gang zhe na/ bdag tu 'dzin pa dang / sems can du 'dzin pa dang / srog tu 'dzin pa dang / gang zag tu 'dzin pa dang / rtag pa dang / chad pa dang / nga rgyal dang / log par lta ba dang / chags pa dang / zhe sdang dang / gti mug tu ltung ba dang / 'dod pa'i khams dang / gzugs kyi khams dang / gzugs med pa'i khams su ltung ba dang / lhag par 'dzin pa dang / rlom sems dang / nye bar len par ltung ba ste/ lha'i bu mdor na mi dge ba'i chos thams cad du ltung ba dang / sdig pa'i grogs po rnams kyi lag tu ltung ba dang / nges par 'byung bar mi shes shing / yongs su 'dzin pa thams cad yongs su 'dzin par byed pa gang yin pa de ni lha'i bu mi mnyam par rdzogs par bsnyen pa yin no/ / de la mnyam par rdzogs par bsnyen pa gang zhe na/ gang mnyam pa nyid du bab pa'o/ / de la mnyam pa nyid gang zhe na/ stong pa nyid mnyam pa nyid dang / mtshan ma med pa mnyam pa nyid dang / smon pa med pa mnyam pa nyid de/ lha'i bu rnam par thar pa'i sgo gsum po de dag mngon sum du bya ba yang dag pa ji lta ba bzhin sgrub cing / rtog pa med pa dang / rnam par rtog pa med pa dang / kun tu rtog pa med pa dang / phyir mi ldog pa gang yin pa de ni/ lha'i bu mnyam par rdzogs

  96. 49a

    / par bsnyen pa yin no// D+ha'i bu gzhan yang 'dod chags sel bar byed pa dang / zhe sdang sel bar byed pa dang / gti mug sel bar byed pa dang / sred pa dang / ma rig pa dang 'jig tshogs dang / 'jig tshogs kyi rtsa ba las byung ba lta ba'i rnam pa drug cu rtsa gnyis sel bar byed pa dang / phyin ci log rnams sel bar byed pa dang / nyes par spyod pa gsum dang / log pa nyid brgyad dang / kun nas mnar sems kyi dngos po dgu dang / mi dge ba bcu'i las kyi lam sel bar byed pa gang yin pa de ni yang dag par rdzogs par bsnyen pa zhes bya'o// lha'i bu 'di lta ste/ dper na sa gzhi la brten nas sa bon thams cad skye zhing / rtswa dang / shing dang / gel ba dang / sman dang / nags tshal rnams kyang skye la/ de dag 'phel ba na rdzogs pa zhes bya'o// lha'i bu de bzhin du gang dag bstan pa 'di la rdzogs par byed pa de dag kyang rdzogs par bsnyen pa zhes bya'o/ / lha'i bu 'di lta ste/ dper na sa chen po ni sa bon thams cad kyi rten yin te/ tshul khrims phun sum tshogs pa'ang de bzhin du blta bar bya'o/ / de ci'i phyir zhe na/ tshul khrims la brten nas chos mngon par rtogs par 'gyur ba'i phyir ro// ji ltar sa bon rnams dang / ji ltar sman rnams rnam par 'phel bu la rdzogs pa zhes bya ba de bzhin du tshul khrims dang dad pa la rten pa'i byang chub kyi phyogs kyi chos thams cad skye zhing rdzogs par 'gyur te/ lha'i bu rnam par thar pa'i sgo gsum po de dag rtogs shing / spros pa thams

  97. 49b

    cad yang dag par chad pa gang yin pa de ni 'das pa dang / sa 'ongs pa dang / daltar byung ba'i sangs rgyas bcom ldan 'das rnams kyi nyan thos thams cad kyi rdzogs par bsnyen pa yin no// lnga'i bu glang d+he/ ltar rdzogs par bsnyen par byed pa de ni yang dag par rdzogs par bsnyen par byed pa yin gyi/ mi mnyam par ni ma yin no// lha'i bu gzhan yang de ltar rab tu byung zhing / de ltar rdzogs par bsnyen pa de la kho bos 'di skad ces/ rigs kyi bu gal te khyod bslab pa len par mi byed pa de lta na khyod bslab pa 'dod pa yin no zhes rjes su bstan pa sbyin par bya'o// lha'i bus smras pa/ 'jam dngal khyod ci las dgongs te de skad ston/ 'jam dpal gyis smras pa/ lha'i bu chos thams cad ni ma blangs pa yin pas/ lha'i bu gang tshul khrims len pa de ni khams gsum len pa yin no// lha'i bu 'di ji snyam du sems/ bslab pa de gang yin snyam// lha'i bus smras pa/ 'jam dpal so sor thar pa'i sdom pa gang lags pa'o// 'jam dpal gyis smras pa/ lha'i bu so sor thar pa'i sdom pa gang yin/ lha'i bus smras pa/ 'jam dpal sdom pa zhes bgyi ba ni lus sdom pa dang / ngag sdom pa dang / yid sdom pa ste/ de ni so sor thar pa'i sdom pa zhes bgyi'o// 'jam dpal gyis smras pa/ lha'i bu 'dri ji snyam du sems/ lus dang / ngag dang // yid kyis ma byas/ mi byed/ byed par mi 'gyur ba'i las gang yin pa de la sngon po 'am/ ser po'am/ dmar po 'am/ dkar po 'am/ bcod kha 'am/ shel gyi kha dog lta bu'o zhes gdags par nus snyam

  98. 50a

    ma ma/ lha'i bus smras pa/ 'jam dpal de ni ma lags so// 'jam dpal gyis smras pa/ lha'i bu 'o na ji skad brjod par bya/ lha'i bus smras pa/ 'jam dpal mngon par 'dub gyid pa ma mchis pa zhes brjod par bgyi ste/ de ni lus kyi las sam/ ngag gi las sam/ yid kyi lA zhes gdags par rngo mi thog go// 'jam dpal gyis smras pa/ lha'i bu 'di ji snyam du samra gang mngon par 'du bya ba med pa de blang bar nus snyam mam/ lha'i bus smras pa/ 'jam dpal de ni ma lags so// 'jam dpal gyis smras pa/ lha'i bu de'i phyir kho bo ni de las bsams nas de skad ces gang bslab pa len par mi byed pa de bslab pa 'dod pa yin no zhes ston to/ / lha'i bu lhag pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab kyi bslab pa zhes bya ba gang yin pa de'ang mtha' de nyid kyis rtogs par bya ste/ tshul khrims mi dmigs pas/ lhag pa'i tshul khrims kyi bslab pa zhes bya'o// sems mi dmigs pas/ lhag pa'i sems kyi bslab pa zhes bya'o/ / shes rab mi dmigs pas/ lhag pa'i shes rab kyi bslab pa zhes bya'o// sems rtog pa med pa dang / rlom sems med pa dang / rnam par rtog pa med pa dang / skye ba med pas lhag pa'i sems kyi bslab pa zhes bya'o// tshul khrims rtog pa med pa dang / rlom sems med pa dang / rnam par rtog pa med pa dang / skye ba med pas lhag pa'i tshul khrims kyi bslab pa

  99. 50b

    zhes bya'o/ / shes rab rtog pa med pa dang / rlom sems med pa dang / rnam par rtog pa med pa dang / skye ba med pas lhag pa'i shes rab kyi bslab pa zhes bya'o// lha'i bu gang gis sems ma rnyed pa de tshul khrims su rlom/ sems mi byed do// gang tshul khrims su rlom sems mi byed pa des ting nge 'dzin mi dmigs so// gang gis ting nge 'dzin mi dmigs pa des shes rab mi dmigs so// gang gis shes rab mi dmigs/ pa de la the tsom thams cad mi 'byung ngo // gang la the tshom thams cad mi 'byung ba de bslab pa mi len to// gang bslab pa mi len pa de bslab pa 'dod pa zhes bya'o// gang bslab pa 'dod pa de phyir/ mi 'ong ba'o// gang phyir mi 'ong ba de rnam par dag pa'o// gang rnam par dag pa de bral ba'o// gang bral ba de zag pa med pa'o// gang zag pa med pa de yang dag par zhugs pa'o// gang yang dag par zhugs pa de la bcos pa med do// gang bcos pa med pa de na nam mkha'o// de ci'i phyir zhe na/ nam mkha' ni bcom pa med pa'i phyir ro// lha'i bu gang de ltar slob pa de ni slob par mi byed do/ / gang slob par mi byed pa de ni slob par byed do// gang la slob ce na/ ci la'ang mi slob ste/ gang gi tshe ci la'ang mi slob pa de ni yang dag pa'i bslab pa la gnas pa zhes bya'o// gzhan yang 'jam dpal gzhon nur gyur pas lha'i bu blo gros rab gnas la 'di skad ces smras so// lha'i bu de ltar rab tu byung zhing / de ltar rdzogs par bsnyen pa de la kho bo 'di skad ces/

  100. 51a

    rigs kyi bu gal te khyod stong gsum gyi stong chen po'i 'jig rten gyi khams thams cad kyi dad pas byin pa yongs su longs spyod par byed cing / yongs su sbyong bar mi byed pa de lta na khyod tshul khrims yongs su dag pa yin no zhes smra'o/ / lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu gang len par byed pa dang / bde bar byed pa de ni sbyong bar byed do/ / gang dmigs par byed pa de ni sbyong bar byed do// gang rlom sems su byed pa de ni sbyong bar byed do// gang rtog par byed pa de ni sbyong bar byed do// lha'i bu gang len par mi byed pa dang / bde bar mi byed pa dang / dmigs par mi byed pa dang / rlom sems su mi byed pa dang / rtog par mi byed pa de ni ci'ang sbyong bar mi byed do// de ci'i phyir zhe na/ de ni gtan dag pa yin pa'i phyir ro/ / lha'i bu de lta bas na so so'i skye bo rnams ni dad pas byin pa sbyong bar byed kyi/ dgra bcom pa dag ni ma yin no// de ci'i phyir zhe na/ so so'i skye bo rnams ni len par byed/ bde bar byed/ dmigs bar byed/ rlom sems su byed/ rtog par byed cing / bdag ni len pa yin no snyam du rtog par byed/ 'di ni sbyin par byed pa yin no snyam du rtog par byed pas/ de dag ni sbyong bar byed pa yin pa'i phyir te/ ji ltar sbyong bar byed ce na/ srid pa'i 'gro bar skye ba 'grub par byed cing / der sbyong bar byed do// lha'i bu dgra bcom pa dag ni srid pa gzhan du gtogs pa'i lus gzhan 'ga' yang 'grub par

  101. 51b

    mi byed pas/ de dag ni ci'ang spyod par mi byed do// de dag bsod snyoms de len pa na'ang 'khor gsum yongs su dag pas len to// lha'i bu 'khor gsum yongs su dag pa de'ang gang zhe na/ len par byed pa'i bdag gang yin pa'ang mi dmigs/ sbyin par byed pa'i sbyin pa po gang yin pa'ang mi dmigs/ blang bar bya ba'i bsod snyoms gang yin pa'ang mi dmigs pa ste/ lha'i bu de ni 'khor gsum yongs su dag pa zhes bya'o/ / lha'i bu gang de ltar dag pa de ni yang sbyong bar mi byed pas na/ kho bo ni de las bsams nas de skad ces gang stong gsum gyi stong chen po'i 'jig rten gyi khams thams cad kyi dad pas byin pa yongs su longs spyod par byed cing / yongs su sbyong bar mi byed pa de ni 'jig cen na sbyin gnas kyi 'os yin te/ de ni legs par rab tu byung ba yin no zhes ston to// gzhan yang 'jam dpal gzhon nur gyur pas lha'i bu blo gros rab gnas la 'di skad ces smras so// lha'i bu de ltar rab tu byung zhing / de ltar rdzogs par bsnyen pa de la kho bo 'di skad ces/ rigs kyi bu gal te khyod dgon par mi gnas shing / grong du ma yin/ thag nye bar ma yin/ thag ring bar ma yin// lam gol bar ma yin/ gcig pu ma yin/ skye bo mang po'i dbus su ma yin/ 'du 'dzi'i nang du ma yin/ dben par ma yin la/ bsod snyoms spyod par yang mi byed/ mgron du'ang mi 'gro// phyag dar khrod pa'ang mi byed/ smad pa'i lhung bzed dang chos gos kyang mi 'chang // bla bab

  102. 52a

    med pa'ang mi byed/ 'dod pa chung bar yang mi byed/ 'dod chen che bar yang mi byed/ chos shes par yang mi byed/ chog mi shes par yang mi byed/ rab tu dben par yang ni byung / rab tu mi dben par yang mi byed/ shing drung par yang mi byed/ gnas khang du'ang mi gnas/ sman bkus te bor ba'ang mi sten/ mar gsar dang sbrang rtsi'ang mi sten cing // rigs kyi bu gal te khyod sbyangs pa'i yon tan gyi chos de lta bu thams cad yang dag par blangs te/ 'jug par mi byed pa de lta na khyod sbyangs pa dang ldan pa yin no zhes smra'o// de ci'i phyir zhe na/ lha'i bu gang 'di snyam du bdag ni phyag dar spong pa'o// bsod snyoms pa'o// shing drung pa'o// bdag ni sman bkus te bor bas chog shes pa'o// bdag ni 'dod pa rung ba'o// dadag ni chog shes pa'o// bdag ni dgon pa pa'o// bdag ni bla gab med pa'o// bdag ni sbyangs pa dang ldan pa'o snyam du sems pa de dag ni mngon pa'i nga rgyal can gyi rnam par g.yo ba yin pa'i phyir ro// lha'i bu yang dag par zhugs pa la ni lhag par g.yo ba dang / bral bar g.yod de dag mi 'byung ngo / / de ci'i phyir zhe na/ 'di ltar de la rnam par rtog pa med pas bdag nyid kyang mi dmigs na/ sbyangs pa'i yon tan rnams su dmigs pa lta ci smos te/ de ni gnas med pa'i phyir ro// lha'i bu de ldabs na/ khang sbyangs pa'i yon tan de dag yang dag par blangs te/ 'jug cing rlom sems su mi byed/ rnam par rtog par mi byed pa de ni sbyangs pa dang ldan pa yin no zhes kho bo smra'o// de ci'i phyir

  103. 52b

    na/ lha'i bu dge slong gang 'dod chags sbyong ba dang / zhe sdang sbyong ba dang / gti mug sbyong ba dang / khams gsum sbyong ba dang / phung po rnams sbyong ba dang / khams rnams sbyong ba dang / nang gi skye mched drug dang phyi'i skye mched drug po dag sbyong bar byed cing / ci nas kyang mi len/ mi 'dor/ mi sgom/ mi sel/ rnam par mi sel ba de ltar sbyong bar byed pa de ni sbyangs pa dang ldan pa yin no zhes kho bo smra ba'i phyir ro/ / lha'i bu gzhan yang de ltar rab tu byung zhing / de ltar rdzogs par bsnyen pa de la kho bo 'di skad ces/ rigs kyi bu gal te khyod bden pa bzhi rtogs par mi byed dran pa nye bar gzhag pa bzhi'ing mi sgom/ yang dag par spong ba bzhi'ang ma yin/ rdzu 'phrul gyi rkang pa bzhi'ang ma yin/ dbang po lnga'ang ma yin/ stobs lnga'ang ma yin/ byang chub kyi yan lag bdun yang ma yin/ 'phags pa'i lam yan lag brgyad pa'ang mi sgom zhing / byang chub kyi phyogs kyi chos sum cu rtsa bdun yang mi sgom/ mngon sum du mi byed/ rnam par than pa'i sgo gsum yang mi sgom mngon sum du mi byed pa de lta na/ khyod byang chub kyi phyogs kyi chos rnams sgom pa yin no zhes smra'o// de ci'i phyir zhe na/ lha'i bu de ni mi skye ba'i mtshan nyid rtogs pa zhes bya ste/ de ni bsgom par byar med cing mngon sum du byar med pa'i phyir ro/ / de ci'i phyir zhe na/ mi skye ba ni mngon sum du byar mi nus pa'i phyir ro// lha'i bu dran pa nye bar gzhag pa rnams zhes bya ba ni chos thams cad dran

  104. 53a

    med cang mi sa byed pa da pa/ dran pa rna 'o// kyis song ba 'du pa rnams d+hA/ mra p+na labadu skye ga nas/ gazlabs rten pa'i thamasapa'ang thog nas bdun kun sa med pa la gnas pani yong na skye bar thug pa rnams rnas pa skyes bya'o// sa sgos shAn/ danas kya bar mi byed / 'jig byar mi byed pa de ltar slob par byed pas/ de'i phyir sgon par byed pa zhes bya ste/ byang chub kyi phyogs kyi chos sus cu du bdun po thams cadasa'ang de bzhin du sbyar ro// lha'i bu gang gi dge slong rnal 'byor pa rdul 'byor spyod pas chos thams cad myi dmigs pa de'i tshe na/ rlom sems su mi byed do// rang gi tshe rlom sems su mi byed pa de'i tshe/ sgom par mi byang ro/ gang gi tshe sgom par mi byed pa de'i tshe/ mngon sum du mi byed do// de ci'i phyir zhe na/ lha'i bu byang chub kyi phyogs kyi chos sum cu rtsa bdun zhes bya ba gang yin pa de ni ming tsam ste/ ming de'ang g.yo ba med pa/ rkyen las skyes pa/ mtshan nyid med par mtshan nyid gcig pa/ brjod kyang rung / ma brjod kyang rung / ming gis yongs su shes pa gang yin pa de dmigs su med pa'i phyir te/ byang chub kyi phyogs kyi chos sum cu rtsa bdun yongs su shes pa gang yin pa de ni bden pa mthong bayin no// bus smras pa// 'jam dpas rnas 'byor 'aspyod pa rnal 'byor spyod pa zhes

  105. 53b

    bgyin/ ji ltar na dge slong rnal 'byor spyod pa lags/ 'jam dpal gyis spras pa/ lha'i bu gang gi tshe rnal 'byor spyod pa 'di lta ste/ chos thams cad skye ba med pa'i tshul gyis tshul gcig tu/ sbyor bar byed na/ de'i phyir rnal 'byor spyod pa zhes bya'o// gang gi tshe ci'i'ang mi spyod na/ de'i phyir rnal 'byor spyod pa zhes bya'o// ci la mi spyod ce na/ 'di lta ste/ chos thams cad yod pa ma yin pa'i phyir/ 'jig rten 'di la mi spyod/ 'jig rten pha rol la mi spyod/ khams gsum la mi spyod de/ de'i phyir rnal 'byor spyod pa zhes bya'o// lha'i bu gang gi tshe rnal 'byor spyod pa chos 'ga' yang sbyor bar mi byed/ 'byed par mi byed na/ de'i phyir rnal 'byor spyod pa zhes bya'o// de nas 'khor de las dge slong stong phrag mang po dag 'di snyam du/ bcom ldan 'das de bzhin gshegs pas rnam par thar pa'i sgo gsum rtogs pas mya ngan las 'da' ba dang / byang chub kyi phyogs kyi chos sum cu rtsa bdun mngon sum du byas pas mya ngan las 'da' bar 'gyur ro zhes gsungs pa de 'jam dpal gzhon nur gyur pa 'di bkag par gyur na/ 'jam dpal gzhon nur gyur pas bstan pa 'di ji ltar rung ste/ chos bstan pa 'di 'gal ba 'am cig tu ma gyur gang snyam du the tshom gyi sems skyes par gyur to// nas 'jam dpal gzhon nur gyur pas dge slong de dag gi sems kyis yongs su rtog pa sems kyis shes nas/ gnas brtan shA ri'i du la smras pa/ btsun pa shA ri'i bu khyod ni de bzhin

  106. 54a

    gshegs pas yid ches pa dang pa dang ldan pa shes rab chen po rnams kyi mchog tu bstan pa yin na/ btsun pa shA rari'i bu gang gi tshe khyod kyis 'dod chags dang bral ba'i chos mngon sum du byas pa'i tshe/ brdzun pas bden pa bzhi po dag dmigs pa 'am/ mngon sum du byas pa'am/ bsgoms pa 'am/ byang chub kyi phyogs kyi chos sum cu rtsa bdun dang / rnam par thar pa'i sgo gsum po dag dmigs pa'am/ mngon sum du byas pa 'am/ bsgoms pa cig yod dam/ shA ri'i bus smras pa/ 'jam dpal de ni med de/ gang mngon sum du bya ba 'am/ bsgom par bya ba 'am/ rtogs par bya ba'i chos de ni 'ga' yang dmigs su med do// de ci'i phyir zhe na/ chos thams cad ni blang du med pa/ ma skyes pa/ rnam par rig pa med pa stong pa yin pas/ stong pas stong pa nyid mngon sum du mi byed pa'i phyir ro/ / bstan pa 'di bshad pa na/ dge slong sum stong len pa med par zag pa rnams las sems rnam par grol lo// ba po bzhi pa skye tha ma'o// / de nas lha'i bu blo gros rab gnas kyis 'jam dpal gzhon nur gyur pa la legs so zhes bya ba byin te/ 'jam dpal de ni 'di lta ste/ phye bas go ba zab mol bzod pa stong pa nyid la gnas pas bstan pa lags te/ legs so legs so// 'jam dpal gyis smras pa/ lha'i bu kho bo ni phyengs so ba ma yin gyi/ byis pa so so'i skye bo thams cad ni phye

  107. 54b

    ngas go bson no/ / de ci'i phyir zhe na/ 'di ltar de dag ni 'byed par byed pa yin pa'i phyir ro// ci zhib 'byed par byed ce na/ sems can dmyal ba 'byed par byed do// dud 'phro skye banas 'byed bar byed/ bshin rje'i 'dzin rten 'byed par byed do// 'ams gsum pa 'byed par byed do// de ltar 'byed pa rnams dang / kun tu 'byed pa rnams kyi 'khor ba'i sngon gyi mtha' mi mngon no// lha'i du pa rnams ni 'dod chags kun tu 'byed par byed do/ / zhe sdang kun tu 'byed par byed do// gti mug kun tu 'byed par byed do// lta ba kun tu 'byed par byed do// ming dang bzugs kun tu 'byed par byed do/ / lha'i bu sangs rgyas rnams ni phye bas go ba ma yin no// nyan thos rnams kyang ma yin/ rang sangs rgyas rnams kyang ma yin// byang chub sems dpa' bzod pa thob pa rnams kyang ma yin gyi/ lnga'i du byis pa rnams ni phye ngas go ba yin no// lha'i dus smras pa/ 'jam dpal 'o na ci khyod rnam par spros na go ba lags sam/ 'jam dpal gyis smras pa/ lha'i bu de ni ma yin no// lha'i dus smras / 'jam dpal 'o na dkri pA lags sam/ 'jam dpal gyis smras pa/ lha'i du de ni ma yin no// lha'i bus smras pa/ 'jam dpal 'o na tshig lhur len pa lags sam/ 'jam dpal gyis smras pa/ lha'i bu de de bzhin te/ kho bo ni tshig lhur len pa yin no// lha'i bus smras pa/ 'jam dpal khyod ci las dgongs de de skad ston/ 'jam dpal gyis smras pa/ lha'i chu

  108. 55a

    gang byang chub sems dpa' ni yi ge gcig dang tshig gtsigalas kyang mi gsol/ yi ke de nyid dang / tshig de nyid kyi don dang / rdul dang / sgo dang / lam yang dag pa ji ltar bzhin rab tu shes par byed/ 'di ni stong pa'o zhes bya bar shes par byed/ 'di ni dben pa'o zhes bya bar shes par byed/ 'di ni dngos po med pa'o zhes bya bar shes par byed/ 'di ni skye ba med pa'o zhes bya bar shes par byed cing / ci nas kyang rnam par shes par mi byed/ rig par mi byed/ tshor bar mi byed pa de ltar shes par byed pas/ de'i phyir tshig lhur len pa zhes bya'o// de nas bcom ldan 'das kyis 'ja dpal gzhon nur gyur ba la legs so zhes bya ba byin te/ 'jam dpal de ni 'di lta ste/ gzungs thob pas bstan pa yin te/ legs so legs so// 'jam dpal gyis gsol pa/ bcom ldan 'das bad ba ni gzungs thob pa ma lags so/ / de ci'i slad du zhe na/ bcom ldan 'das byis pa rnams ni gzungs thob pa lags kyi/ sangs rgyas rnams dang byang chub sems dpa' rnams ni gzungs thob pa ma lags pa'i slad du'o/ / de ci'i slad du zhe na/ bcom ldan 'das byis pa rnams ni 'dzin par bgyid pa'i slad du ste/ ci zhig 'dzin par bgyid ce na/ bdag tu 'dzin pa 'dzin par bgyid do// sems can du 'dzin pa dang / srog tu 'dzin pa dang / gang zag tu 'dzin pa 'dzin par 'gyid do// chad par 'dzin pa dang / rtag par 'dzin pa dang / 'dod chags dang / zhe sdang dang / gti

  109. 55b

    mug 'dzin par bgyid do/ / ma rig pa dang / srid pa'i sred pa dang / phung po lnga dang / 'jig tshogs dang / khams bco brgyad dang / nang gi skye mched drug dang / byi'i skye mched drug 'dzin par bgyid do// rtog pa dang / rnam par rtog pa dang / yongs su rtog pa dang / lta ba'i rnam pa dag 'dzin par bgyid de/ bcom ldan 'das de lta lags pas/ byis pa rnams ni gzungs thob pa lag so// rtog ge ba rnams ni rtog pa dang / rnam par rtog pa dang / yongs su rtog pa dang / lta ba'i rnam pa dag 'dzin par bgyid pas/ bcom ldan 'das de'i slad du byis pa rnams ni gzungs thob pa lags so// de ci'i slad du zhe na/ byis pa rnams chos gang dag 'dzin par bgyid pa de dag ni/ sangs rgyas rnams 'dzin par mi mdzad/ nyan thos rnams kyang mi bgyid/ rang sangs rgyas rnams kyang mi bgyid/ byang chub sems dpa' rnams kyang mi bgyid pas/ de'i slad du byis pa rnams ni gzungs thob pa lags so// de ci'i slad du zhe na/ 'di ltar byis pa rnams ni legs par 'dzin pam lags pa 'dzin par bgyid kyi/ sangs rgyas rnams ni mi mdzad/ nyan thos rnams kyang mi bgyid// rang sangs rgyas rnams kyang mi bgyid/ byang chub sems dpa' rnams kyang mi bgyid pa'i slad du'o// de nas lha'i bu blo gros rang gnas kyis 'jam dpal gzhon nur gyur pa la 'di skad ces smras so/ / 'jam dpal gal te khyod bzungs thob pa ma lags na/ 'o na ci khyod rtogs pa bul ba lags sam/ 'jam dpal gyis smras pa/

  110. 56a

    bu de de bzhin te/ kho bo ni rtogs pa bul ba yin no// de ci'i phyir zhe na/ lha'i dri zho za na rtogs pa gang sangs rgyas rnams dang / nyan thos rnams dang / rang sangs rgyas rnams dang / bya chub sems dpa' rnams kyis kyang mi mkhyen pa de tsam du bul ba'i rtogs pa dang ldan pa yin pa'i phyir ro/ / lha'i bu byis pa so so'i skye bo gang dag yin pa de dag ni rtogs pa dul ba ma yin no// de ci'i phyir zhe na/ byis pa so so'i skye bo rnams ni mngon par chags pa'i rtogs pa can yin la/ mkhas pa rnams ni rtogs pa bul ba dang ldan pa'i phyir ro// rgyun du zhugs pa rnams kyang re zhig mngon par chags pa'i rtogs pa can du ston na/ byis pa so so'i skye bo gzhan dag lta smos kyang ci dgos te/ lha'i bu de lta bas na/ kho bo ni rtogs pa bul ba yin gyi/ gzungs thob pa ma yin no// de ci'i phyir zhe na/ kho bos ni gang bzung bar bya ba cung zad kyang ma rnyed pa'i phyir ro/ / bstan pa 'di bshad pa na/ 'khor de las dge slong lnga brgya tsam chos kyi rnam grangs 'di ma rtogs te/ spangs shing 'gal bar byas nas/ rang rang gi lus de dag nyid kyis sems can dmyal ba chen po rnams su ltung bar gyur to/ / de nas tshe dang ldan pa shA ri'i bus 'jams dpal gzhon nur gyur pa la 'di skad ces smras so// 'jam dpal dge slong lta tsam po 'di dag chos kyi rnam grangs 'di ma rtogs te/ spangs shing 'gal bar byas nas/ rang rang gi lus 'di dag nyid kyis sems can dmyal ba chen po rnams su lhung bar gyur gyis// de lta bu'i gnas

  111. 56b

    zab mo dag ma ston par so sor rtogs te ston cig/ 'jam dpal gyis smras pa/ btsun pa shA ri'i bu khyod ma rtog cig/ gang sems can dmyal bar 'gro ba'i chos de lta bu 'ga' yang dmigs su med/ do// de ci'i phyir zhe na/ chos thams cad skye ba med pa'i phyir ro// btsun pa shA ri'i bu gzhan yang de skad ces so sor rtogs te ston cig ces zer ba ni/ btsun pa shA ri'i bu rigs kyi bu 'am/ rigs kyi bu mo bdag tu lta ba la rten pa 'am/ sems can du lta ba la rten pa 'am/ srog tu lta ba la rten pa 'am/ gang zag tu lta ba la rten pa gang gis/ de bzhin gshegs pa dgra bcom pa yang dag par rdzogs pa'i sangs rgyas dge slong gi dge 'dun dang bcas pa gang+gA'i klung gi bye ma snyed cig la ji srid 'tsho'i bar du bde ba'i yo byad thams cad kyis bsnyen bkur byas la/ gang gis chos zab mo shes par dka' ba 'jig rten thams cad dang mi mthun pa 'di lta bu 'di thos shing / chos stong pa dang / mtshan ma med pa dang / smon pa med pa dang / zhi ba dang / dben pa dang / skye ba med pa dang / sems can med pa dang srog med pa dang / gang zag med pa dang / mi rtag pa dang / sdug bsngal ba dang / bdag med pa 'di lta bu 'di thos nas spangs te/ sems can dmyal ba rnams su lhung bar gyur pa ni/ btsun pa shA ri'i bu rigs kyi bu 'am/ rigs kyi bu mo chos zab mo 'di thos nas spangs te/ sems can dmyal ba rnams su lhung ba de ches myur bar de dag nas ldang zhing rnam par thar bar 'gyur gyi/ rigs kyi bu 'am/ rigs

  112. 57a

    k yi bu mo ngas su rtsu ba la rten pa tshus 'di ma thob pa debazhin gshe pa rlom pa dus 'as pa rbA gling N+DI sa na s gyu ma yin no/ / de nas bcom ldan 'das kyis 'jam dpal gzhon nur gyur pa la legs so zhes bya babyin te/ 'jam dpal legs sa legs so// dzin du smras pa de bzhin te// thos pa'i ni sangs rgyas 'byung ba dang 'dra'o/ / thos pa 'di ni rgyun du zhugs pa'i 'bras bu dang 'dra'o// thos pa 'di na lan cig phyir 'ong ba'i 'bras bu dang 'dra'o// thos pa 'dri ni phyir mi 'ong ba'i 'bras bu dang 'dra'o// bos pa 'di ni dgra bcom pa nyid dang 'dra'o// de ci'i phyir zhe na/ bdag tu lta ba la rten pa dang / dmigs pa can la ni 'thob pa 'am/ mngon par rtogs pa med pa'i phyir ro// de nas bcom ldan 'das kyis tshe dang ldan pa shA ri'i bu la 'di skad ces bka' stsal to/ / shA ri'i bu dge slong de dag ni sems can dmyal ba de dag nas ches myur bar ldang zhing yongs su mya ngan las 'da' bar 'gyur gyi/ 'di na mi gti mug can dmigs pa'i lta ba dang ldan pa/ the tsom du gyur pa gang dag de bzhin gshegs pa la mchod par byed pa de dag ni de lta ma yin no// shA ri'i bu de lta mod kyi/ de ni de dag gi yongs su mya ngan las 'da' ba'i rgyur 'gyur ba yin te/ myur du rnam par thar par ni mi 'gyur ro// de ci'i phyir zhe na/ 'di ltar chos zab mo dag ma thos pa'i phyir ro// shA ri'i bu gzhan

  113. 57b

    yang rigs kyi bu 'am/ rigs kyi bu mo gang dag rna ba blags te/ chos zab mo 'di mnyan nas ma rtogs shing spangs te/ sems can dmyal bar 'gro ba de dag ni ches myur bar rnam par thar par 'gyur gyi dmigs pa can the tshom du gyur pa gzhan dag ni de lta ma yin no/ / de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so// 'jam dpal khyod bdag dang tshangs pa mtshungs par spyod pa gnod dam/ 'jam dpal gyis smras pa/ lha'i bu gal te khyod tshangs par spyod pa mi len cing / tshangs par spyad pa spyod par mi byed pa de lta na kho bo khyod dang tshangs pa mtshungs par spyod 'dod do/ / lha'i bus smras pa/ 'jam dpal khyod rtsi las dgongs te de skad ston/ 'drim dpal gyis smras pa/ lha'i bu gang len par byed pa de ni spyod par byed kyi/ gang len par mi byed pa de ni ci'ang spyod par mi byed do// lha'i bu gang tshangs par spyad pa dmigs par byed pa de ni spyod par byed kyi/ gang dmigs par mi byed pa de ni ci'ang spyod par mi byed do// lha'i bus smras pa/ 'jam dpal 'o na ci khyod tshangs par mi spyod lags sam/ 'jam dpal gyis smras pa/ lha'i bu de de bzhin te/ kho bo ni tshangs par mi spyod do// de ci'i phyir zhe na/ kho bo ni tshangs pa'ang ma yin la/ sprod pa'ang ma yin pas/ de'i phyir kho bo ni tshangs par mi spyod do// lha'i bus smras pa/ 'jam dpal de ni 'di lta ste/ thobs pa med pa'i spobs pa

  114. 58a

    dang ldan pas stan pa de sags te/ legs so lems so// 'jam dpas kyis smras pa/ shrI Ta la rgyal gags pa med pa'i yongs padang ldan pa yin par gyur na ni/ de lta na thogs par yang 'gyur ro// de ci'i phyir zhe na/ ji tsam du bdag gi yod pa dang / ji tsam du bdag gi mngon par zhen pa yod pa de tsam du thogs par 'gyur ba'i phyir ro// 'jam dpal gzhon nur gyur pas lha'i bu blo gros rab gnas la gzhan yang 'di skad ces smras so// lha'i bu gal te khyod sems dran thams cad srog dang bral bar byed cing / mtshon cha'ang thogs pa mi byed/ ral gri'ang ma yin/ bong ba'ang ma yin/ dbyug pa'ang thogs par mi byed pa de lha na kho bo khyod dang tshangs pa mtshungs par spyod 'dod do// lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu sems can sems can zhes bya ba ci zhig yin par shes/ lha'i bus smras pa/ 'jam dpal sems can sems can zhes bgyi ba ni/ 'di lta/ ste/ ming tsam dang / 'dzin pa'i 'du shes tsam lags so// 'jam dpal gyis smras pa/ lha'i bu de lta bas na bdag tu 'dzin pa'i 'du shes gsad par bya'o// sems can du 'dzin ba'i 'du shes gsad par bya'o/ / srog tu 'dzin pa'i 'du shes gsad par bya'o// gang zag tu 'dzin pa'i 'du shes gsad par bya'o// ming du 'dzin pa'i 'du shes gsad par bya'o//

  115. 58b

    lha'i bus smras pa/ 'jam dpal cis dgum par bgyi/ 'jam dpal gyis smras pa/ lha'i bu shes rab kyi mtshon gyis gsad par bya ste/ shes rab kyi mtshon des kyang / ci nas kyang 'dzin pa med pa dang / gcod pa med pa de ltar gzung bar bya zhing de ltar gsad par bya'o// lha'i bu rnam grangs des na khyod kyis 'di ltar gang gis bdag gi 'du shes dang sems can gyi 'du shes gsad pa des sems can thams cad gsad pa yin par rig par bya'o/ / 'jam dpal gzhon nur gyur pas lha'i bu blo gros rab gnas la gzhan yang 'di skad ces smras so// lha'i bu gal te khyod mi dge ba bcu'i las kyi lam rnams yang dag par blangs te 'jug cing / nag po'i phyogs thams cad kyi mnyam pa nyid kyis dkar po'i phyogs thams cad yang dag par blangs te 'jug par byed pa de lta na kho bo khyod dang tshangs pa mtshungs par spyod 'dod do/ / lha'i bus smras pa/ 'jam dpal khyod rtsi las dgongs te de skad ston// 'jam dpal gyis smras pa/ lha'i bu nag po'i phyogs kyi mnyam pa nyid gang yin pa des de mnyam pa nyid yin pas/ ngo mnyam pa nyid du 'jug par byed pa de lta na kho bo khyod dang tshangs pa mtshungs par spyod do// sgra'i bu 'di ji snyam du sems/ nas pa'i phyogs kyi mnyam pa nyid gang yin snyam/ lAn bus smras pa/ bajam dpal bya ba ma mchis pa dang / lhag par bya ba mi 'gyid pa lags so// 'jam dpal gyis spras pa/ lha'i bu dkar po'i phyogs zhes bya ba gang yin snyam/ lha'i dus

  116. 59a

    smras pa/ 'jam dpal chos kyi dbyings dang / de bzhin nyid dang / yang dag pa'i mtha' dang / rnam par thar pa'i sgo gsum ste/ de ni dkar po'i phyogs lags so// 'jam dpal rgyas smras pa/ sna'i bu rlom kyi dbyings kyis sgring par nus sam/ lha'i bus smras pa/ 'jam dpal de ni ma lags so// jam dpas kyis smras pa/ lha'i bu de'i phyir 'a bo ni de las bsams nas de skad / ces gal te khyod nag po'i phyogs thams cad kyi mnyam pa nyid kyis dkar po'i phyogs thams cad yang dag par blangs te 'jug par byed pa de ldan tho bo khyod dang tshangs pa mtshungs par spyod 'dod ngo zhes ston to// 'jam dpal gzhon nur gyur pas lha'i bu blo gros rab gnas la gzhan yang 'di skad ces smras so// lha'i bu gal te khyod gsad pa dang po phyir phyung ba de'i mgo la mtshon gyis 'debs par byed pa de lta na kho bo khyod dang tshangs pa mtshungs par spyod 'dod do/ / lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu gsang pa gsad pa zhes bya ba de gang zhe / na/ lha'i bu 'dod chags ni gsad pa zhes bya'o// zhe sdang dang gti mug ni gsad pa zhes bya'o// nga rgyal dang / khro ba dang / 'chab pa dang / phrag dog dang / sgyu dang / g.yo dang / ser sna dang / lhag par 'dzin pa dang / mtshan ma dang / nye bar len pa dang / 'du shes dang / tshor ba ni gsad pa zhes bya ste/ lha'i bu de dag ni gsad pa yin par gsungs so// lha'i bu rnal 'byor pa rnal 'byor spyod pa gang 'dod

  117. 59b

    chags kyi sems skyes pa sel bar byed/ zhi bar byed/ rab tu zhi bar byed pa de la ni stong par snang bas/ mi sdug pa la 'jug par mi byed par sems 'di ba las skyes/ gang du 'gag/ yul gang la chags par 'gyur// gang gis chags par 'gyur zhes 'dod chags kyi sems de nyid kyi 'byung ba dang 'jig pa la so sor rtog par byed de/ de de ltar so sor rtog par byed pa na 'dod chags kyang mi dmigs/ gang la chags par 'gyur ba dang / gang gis chags par 'gyur ba de'ang mi dmigs so// gang gi tshe mi dmigs pa de'i tshe mi len to// gang gi tshe mi len pa de'i tshe mi 'dor ro// gang gi tshe mi 'dor ba de'i tshe mi 'dzin mi spong ste/ de ni myalan las 'das pa zhes bya'o/ / zhe sdang dang / gti mug dang / nga rgyal dang / khro ba dang / 'chab pa dang / phrag dog dang / skya dang / g.yo dang / ser sna dang / lhag par 'dzin pa dang / mtshan ma dang / nye bar len pa dang / 'du shes dang / tshor ba'i sems la'ang de bzhin du sbyar te/ lha'i bu gang bsad pa de lta bu skyes ma thag tu gsod par byed pa de ni gsad pa dang po phyir phyung ba de'i mgo la mtshon gyis 'debs pa zhes bya ste/ de'i phyir kho bo ni de las bsams nas de skad ces ston to// 'jam dpal gzhon nur gyur pas lha'i bu blo gros rab gnas la gzhan yang 'di skad ces smas so/ / lha'i bu gal te khyod sangs rgyas mnyes par mi byed/ chos mnyes par mi byed/ dge 'dun mnyes par mi byed pa de lta na kho bo khyod dang tshangs pa mtshungs par spod 'dod do// lha'i bus

  118. 60a

    @smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu sangs rgyas sangs rgyas zhes bya ba ci zhig yin par shes/ lha'i bus smras pa/ 'jam dpal de bzhin nyid dang / chos kyi dbyings lags so// 'jam dpal gyis smras pa/ lha'i bu 'di ji snyam du sems/ de bzhin nyid dang / chos kyi dbyings mnyes par byar nus snyam ma me/ lha'i bus smras pa/ 'jam dpal de ni ma lags so// 'jam dpal kyis smras pa/ lha'i bu kho bo ni de las bsams nas de skad ces gal te khyod sangs rgyas mnyes par mi byed pa de lta na 'o bo khyod dang tshangs pa mtshungs par spyod do zhes ston to/ / lha'i bu chos chos shes bya ba ci zhig yin par shes/ lha'i bus smras pa/ 'jam dpal chos shes bya ba ni 'dod chags dang bral ba nyid dang / chos nyid lags so/ / 'jam dpal gyis smras pa/ lha'i bu 'di ji snyam du sems/ 'dod chags dang bral ba nyid dang / chos nyid mnyes par byar nus snyam mam/ lha'i bus smras pa/ 'jam dpal de ni ma langs so/ / 'jam dpal gyis smras pa/ lha'i bu 'o bo ni de las bsams nas de skad ces gal te khyod chos mnyes par mi byed pa de lta na kho bo khyod dang tshangs pa mtshungs par spyod 'dod do zhes ston to// lha'i bu dge 'dun dge 'dun zhes bya ba ci zhig yin par shes/ lha'i bus smras pa/ 'jam dpal 'phags pa nyan thos rnams ni 'dus ma bgyis kyis rab tu phye ba lags pas/ bcom ldan 'das

  119. 60b

    kyi nyan thos kyi dge 'dun ni 'dus ma bgyis pa lags so/ / 'jam dpal gyis smras pa/ lha'i bu 'di ji snyam du sems/ 'dus ma byas mnyes par nus snum mam/ lnga'i bus smras pa/ 'jam dpal de ni ma lags so/ / 'jam dpal gyis smras pa/ lha'i bu kho bo ni de las bsams nas de skad ces gal te khyod dge 'dun mnyes par mi byed pa de lta na kho bo khyod dang tshangs pa mtshungs par spyod 'dod do zhes ston to/ / lha'i bu gzhan yang gang sangs rgyas su dmigs pa de ni sangs rgyas mnyes par byed do// gang chos su dmigs pa de ni chos mnyes par byed do// gang dge 'dun du dmigs pa de ni dge 'dun mnyes par byed do/ / lha'i bu gang sangs rgyas su mi dmigs pa dang / chos su mi dmigs pa dang / dge 'dun du mi dmigs pa de ni sangs rgyas mnyes par ma byas/ des ni chos mnyes par ma byas/ des ni dge 'dun mnyes par ma byas pa kho na yin no// de ci'i phyir zhe na/ des de dag ma dmigs pas na/ des mnyes par ma byas pa'i phyir ro// lha'i bu gzhan yang gang dag sangs rgyas la chags pa dang / chos la chags pa dang / dge 'dun la chags pa de dag gis sangs rgyas mnyes par byas/ chos mnyes par byas/ dge 'dun mnyes par byas pa yin no// gang dag gis sangs rgyas ma dmigs pa de dag ni sangs rgyas la chags pa med pas/ de dag gis sangs rgyas mnyes par ma byas pa yin no// gang dag gis chos ma

  120. 61a

    dmigs pa de dag ni chos la chags pa med pas/ de dag gis chos mnyes par ma byas pa yin no// gang dag gis dge 'dun ma dmigs pa de dag ni dge 'dun la chags pa med pas de dag gis dge 'dun mnyes par ma byas pa yin no/ / lha'i bu mnyes par ma byas pa mnyes par ma byas pa zhes bya ba de ni 'dod chags dang bral ba'i gnas yin/ de ni kun tu sbyor ba dang bral ba'i gnas yin/ de ni rnam par bshig pa'i gnas yin/ de ni sems dang bral ba'i gnas yin// de ni ma byung ba'i gnas yin/ de ni rnam par nges pa'i gnas yin/ de ni yid byung bar ma byas pa'i gnas yin/ pas/ de'i phyir mnyes par ma byas pa zhes bya ste/ lha'i bu de'i phyir kho bo ni de las bsams nas de skad ces gal te khyod sangs rgyas dang / chos dang / dge 'dun mnyes par mi byed pa de lta na kho bo khyod dang tshangs pa mtshungs par spyod 'dod do zhes ston to/ / de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so// 'jam dpal 'di ltar ji tsam du khyod chos zab mo'i gnas dag ston par mdzad pa ni ngo mtshar te/ bdag cag gis khyod la bgyis pa gzo bar bgyi'o// 'jam dpal gyis smras pa/ lha'i bu khyod byas pa gzo bar ma byed cig/ lha'i bus smras pa/ 'jam dpal 'on ci bgyis pa mi gzo bar bgyi'am/ 'jam dpal gyis smras pa/ lha'i bu de de bzhin te/ lha'i bu khyod byas pa mi gzo bar byos la/ byas pa gzo bar ma byed cig

  121. 61b

    lha'i bus smras pa/ 'jam dpal ci khyod bgyis pa'i gzo ba lags sam/ 'jam dpal gyis smras pa/ lha'i bu de de bzhin te/ kho bo ni byas pa mi gzo ba yin gyi/ byas pa gzo ba ma yin no// lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu byis pa rnams ni rnam pa gzhan dang gzhan dag byed pas na/ byis pa rnams ni gzhan dang gzhan dag gi byed pa po ste/ gang gi phyir lta ba'i rnam pa gzhan dag byed pa de'i phyir de dag ni byas pa gzo ba zhes bya'o// lha'i bu yang dag par zhugs pa'i rigs kyi bu dag ni bya ba 'am/ mi bya ba gang yang mi byed de/ gang gi tshe mi byed pa de'i phyir de dag ni byas pa mi gzo ba zhes bya'o// ji skad du sangs rgyas bcom ldan 'das rnams kyis/ 'di lta ste/ chos thams cad ni bya ba med pa/ byed pa med pa/ lhag par byed pa med pa ste/ mnyam pa nyid las kyang mi 'da' la/ gzhan len par yang mi byed/ bya ba gzhan yang mi byed pas mnyam pa nyid yin no zhes gsungs pas na/ de'i phyir byas pa mi gzo ba zhes bya/ / lha'i bus smras pa/ 'jam dpal byed bzod pa'am/ 'on tu chos nyid dam/ sa gnas te gad ston/ 'jam dpal kyis smras pa/ lha'i bu bzod pa la'ang ma len/ la'ang ma yin no// lha'i bus smras pa/ 'jam dpal 'on khyod gang ra hU~M zheg ston/ 'jam dpal gyis smras pa/ lha'i bu sgyu ma'i skyes bu'i lus gang la gnas pa la'o// lha'i bus smras pa/

  122. 62a

    'jam dpal sgyu ma'i skyes bu'i lus gang la gnas/ 'jam dpal gyis sbas pa/ lha'i bu sgyu ma'i skyes bu'i lus ni de bzhin nyid gang la gnas pa de la gnas so// lha'i bu gzhan yang de skad ces khyod bzod pa'am/ 'od te chos nyid dam/ gang la gnas te de skad ston ces zer ba ni/ lha'i bu bzod pa zhes bya ba ni ming tsam ste/ ming la gnas par mi nus so// chos nyid kyang 'gyur ba med cing rtog pa med pa ste/ de la'ang gnas med do// lha'i bu de bzhin gshegs pa ni sems can thams cad gang la gnas te ston par byed pa de nyid la bzhugs te ston par mdzad do// de ci'i phyir zhe na/ de bzhin gshegs pa ni de bzhin nyid la bzhugs te ston la/ sems can thams cad kyang de bzhin nyid las mi g.yo ste/ sems can thams cad kyi de bzhin nyid gang yin pa dang / de bzhin gshegs pa'i de bzhin nyid gang yin pa'i de bzhin nyid de ni gnyis su med pa'i phyir ro/ / de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so// 'jam dpal dge sbyong dang bram ze zhes bgyi na/ ji tsam gyis na dge sbyong dang bram ze zhes bgyi/ 'jam dpal gyis smras pa/ lha'i bu gang dge sbyong yang ma yin/ bram ze'ang ma yin pa de ni dge sbyong dang bram ze zhes bya'o// de ci'i phyir zhe na/ lha'i bu gang 'dod pa'i khams la'ang mi chags/ gzugs dang gzugs med pa'i khams la'ang mi chags pa de ni dge sbyong yin no zhes kho bo sme zhing / lha'i bu gang mig las ma

  123. 62b

    'dzag/ rna ba las mi 'dzag/ ska las mi 'dzag/ lce las mi 'dzag/ lus las mi 'dzag/ yid las mi 'dzag pa de ni dge sbyong yin no zhes kho bo sbal lha'i bu gang la gnas pa med cing / gnas par gdags pa med pa dang / kun tu gnas pa med cing / kun tu gnas par gdags pa med pa de ni dge sbyong yin no zhes kho bo smra ba'i phyir dang / lha'i bu gang las kyang mi 'ong // gang du'ang mi 'gro la/ rma med cing rma dang bral ba de ni bram ze yin no zhes kho bo smra ba'i phyir ro// gang dge sbyong yang ma yin/ bram ze'ang ma yin pa de ni dge sbyong dang bram ze zhes bya'o zhes bya ba'i tshig de'i bstan pa de ni de yin no/ / de nas 'khor de nyid du byang chub sems dpa' bsam gtan bzhi bsgoms pa/ mngon par shes pa lnga thob pa lnga zhig 'dus par gyur pa de dag dadung bzod pa thob pa ma yin pas/ gnas shing snyoms par 'jug par byed/ gnas shing rnam par ldang bar byed de/ byang chub sems dpa' de dag gis sngon pa bsad pa dang / ma bsad pab dang / dgra bcom pa bsad pa'i sngon gyi gnas rjes su dran zhing / de dag la las kyi rnam par smin pa de'i las kyi lhag ma yod pas/ de dag sems yongs su gdung ba des chos zab mo dag la mi bzod cing / bdag nyid la rten cing rnam par rtog pa kho nar byed de/ de dag gis 'di lta ste/ chos la bzod pa ma thob pas/ kun nas ldang ba de rnam par gnon par ma nus so//

  124. 63a

    de nas bcom ldan 'das kyis byang chub sems dpa' lnga po de dag gdul ba'i dbang gi phyir/ 'jam dpal gzhon nur gyur pa'i sems bsdu bar mdzad do// de nas 'jam dpal gzhon nur gyur pa stan las langs te/ bla gos phrag pa gcig tu gzar nas/ lag pa g.yas pas ral gri blangs te legs par bdar nas/ bcom ldan 'das ga la ba de logs su brgyugs so/ / de nas bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal nga ni bsad zin cing legs par bsang zin gyis thong zhig/ de ci'i phyir zhe na/ 'jam dpal skyes bu gang zag gis gang gi tshe bsad do snyam pa'i sems skyed par byed pa'i sems skyes pa yun ring po nas bsad zin pa'i phyir ro// de nas byang chub sems dpa' lnga po de dag 'di snyam du sems te/ chos thams cad ni sgyu ma lta bu ste/ 'di la bdag gam/ sems can nam/ srog gam/ gang zag gam/ shed las skyes sam/ shed bu ni 'ga' yang med do// 'di la pa'ang med/ ma'ang med/ sangs rgyas kyang med// chos kyang med/ dge 'dun yang med do// 'di la gang mtshams med pa byed par 'gyur ba 'ga' yang med do// de ci'i phyir zhe na/ 'jam dpal gzhon nur gyur pa 'di ni mkhas pa/ mdzangs pa/ yid gzhungs pa/ sangs rgyas thams cad kyis bstod pa/ bsngags pa/ zab mo la bzod pa/ sangs rgyas bye ba khrag khrig 'bum phrag mang po la bsnyen bkur byas pa/ sngon gyi rgyal ba la lhag par bya ba byas pa/ chos thams

  125. 63b

    cad rab tu 'byed pa'i shes pa la mkhas pa/ ji lta ba bzhin du chos ston pa/ yang dag par smra ba/ de bzhin gshegs pa la gus pa dang bcas pa yin na/ de mtshon rnon po thogs te/ de bzhin gshegs// pa ga la ba der rgyug cing / de bzhin gshegs pa'ang de skad ces/ 'jam dpal nga ni bsad zin cing legs par bsad zin gyis thong zhig ces gsungs pa'i phyir te/ gal te 'di la sangs rgyas shes bya ba dang / chos shes bya ba dang / dge 'dun zhes bya ba dang / pha zhes bya ba dang / ma zhes bya ba dang / dgra bcom pa zhes bya ba'i chos ther zug tu gnas pa 'ga' zhig yongs su grub par gyur na ni/ mtshams med pa 'dzin pa de la nges par 'byung ba'ang yod par mi 'gyur ba zhig na/ gang gi phyir chos de dag ni med la/ log pa yang dag pa ma yin par gzung ba/ stong pa sgyu ma lta bu yin pa de'i phyir 'di la gang byed par 'gyur ba 'am/ gang la byed par 'gyur ba'i byed pa 'ga' yang med do snyam mo// byang chub sems dpa' lnga po de dag gis de ltar shes pas/ mi skye ba'i chos la bzod pa thob par gyur nas/ de dag dga' ba dang mchog tu dka' ba de nyid kyis ta la bdun srid tsam du nam mkha' la mngon par 'alags te/ mngon par 'phags nas/ bcom ldan 'das la tshigs su bcad pa 'di dag gis mngon par bstod do/ / chos kun sgyu ma lta bu ste// yongs su rtog pas kun nas bskyed// 'di la grub pa ma mchis te// chos 'di thams cad grong pa lags// bdag tu 'du shes mongs pa

  126. 64a

    @rnams/ / log par yongs su rtog par bgyid// sngon gyi mthar ni mi bzad pa'i// sug las bgyis pa de yang dran// tshe rabs sngam rnams su ni// pa ma sbyin gnas bkum gyur cing / dge slong bcom bkum pa yi// sug las shin tu mi bzad bgyis// sug las de yi rnam smin gyis// sdug bsngal tshor ba myong gyur cing // 'gyod pa skyes par gyur pa ni// chos thos pas na rnam dag gyur/ grags chen zug rngu 'byin pa yis// bdag cag 'gyod pa bsal mdzad pas// gang la nyon mongs ma mchis pa'i// chos dbyings rjes su rtogs par gyur// sangs rgyas thams la mkhas pa ste// thub pa thabs kyi mkhyen pa mnga'// thabs des sems can thams cad kyi// 'gyod pa dag ni rnam par bsal// chos rnams rang bzhin stong pas na// 'di la sangs rgyas chos dang yang // dge 'dun / mi dmigs 'di la ni// pha ma ma mchis dgra bcom min// 'di la 'gum pa ma mchis te// 'gum pa 'ga' yang mchis ma lags// mnyam nyid ji bzhin 'byung ba ste// de ni chos rnams mtshan nyid lags/ / 'jam dbyangs shes rab chen po pa// chos rnams pha rol phyin pa yis// mtshon cha rnon po thogs nas ni// sangs rgyas ga la bzhugs par brgyugs// sangs rgyas ji bzhin mtshon de bzhin/ / de dag gnyis ka mtshan nyid gcig/ mi skye 'byung ba ma mchis te// 'di la dgum pa 'ga' ma mchis// mtshon cha thogs pa'i chos kyi rnam grangs 'di bshad pa na// phyogs bcu'i

  127. 64b

    sangs rgyas kyi zhing gang+gA'i klung gi bye ma snyed dag rnam pa drug tu rab tu g.yos shing / sa chen po g.yos pa'ang 'jig rten du byung bar gyur to// de nas phyogs bcu'i 'jig rten gyi khams kyi/ sangs rgyas kyi zhing de dag na/ sangs rgyas bcom ldan 'das gang dag bzhugs te 'tsho zhes pa de dag la rang rang gi bsnyen bkur dag gis zhus pa/ bcom ldan 'das gang gis dog sa chen po g.yos pa 'di lta bu 'jig rten du byung ba 'di su'i mthu lags/ sangs rgyas bcom ldan 'das de dag gis bka' stsal pa/ rigs kyi bu dag 'jig rten gyi khams mi mjed ces bya ba yod de/ de na de bzhin gsheg pa dgra bcom pa yang dag par rdzogs pa'i sangs rgyas shAkya thub pa zhes bya ba chos ston to/ / 'jig rten gyi khams mi mjed de na/ byang chub sems dpa' 'jam dpal gzhon nur gyur pa zhes bya ba bla na med pa yang dag par rdzogs pa'i byang chub las phyir mi ldog pa zhig 'dug pa des/ 'di lta ste/ byang chub sems dpa' gzhan dag gdul ba'i dbang gi phyir/ shes rab kyi ral gri'i mtshon rnon po thogs te/ bcom ldan 'das de bzhin gshegs pa shAkya thub pa ga la ba de logs su brgyugs so/ / de nas sangs rgyas bcom ldan 'das de dag gis shes rab kyi mtshon las brtsams te/ ci nas kyang sems can dpag tu med pa dag mig rnam par dag pa dang / sems rnam par grol ba dang / bzod pa skyes pa dang / byang chub la zhugs par gyur pa de lta de ltar chos bstan to// de nas bcom ldan 'das kyis ci nas kyang

  128. 65a

    'khor de na sems can las dang po pa dge ba'i rtsa ba chung ba rnam par rtog pa mang ba gang dag 'khod pa de dag gis mtshon de mi mthong zhing / chos bstan pa de'ang mi thos pa de ltar byin gyis brlabs so/ / de nas gnas brtan shA ri'i bus 'jam dpal gzhon nur pa la 'di skad ces smras so// 'jam dpal khyod kyis ston pa dgrongs pa'i phyir/ brtul ba'i las mi bzad pa mngon par 'dus byas pa de khyod la gang du rnam par smin par 'gyur/ 'jam dpal gyis smras pa/ btsun pa shA ri'i bu de de bzhin no// ji skad smras pa de bzhin te/ kho bos las mi bzad pa de lta bu ni byas na/ de gang du rnam par smin par 'gyur ba'i gnas ni mi shes so// btsun pa shA ri'i bu de lta mod kyi sgyu ma'i skyes bu'i las gang du rnam par smin par 'gyur ba der kho bo'i yang rnam par smin par 'gyur ro/ / de ci'i phyir zhe na/ btsun pa shA ri'i bu sgyu ma'i skyes bu'ang mi rtog rnam par mi rtog la/ chos thams cad kyang mi rtog rnam par mi rtog pa'i phyir ro// btsun pa shA ri'i bu 'di ltar de btsun pa nyid la dris/ khyod ji ltar bzod pa de ltar ston cig/ btsun pa mtshon dmigs su yod dam/ shA ri'i bus smras pa/ 'jam dpal de ni ma yin no// 'jam dpal gyis smras pa/ btsun pa las dmigs su yod dam/ shA ri'i bus smras pa/ 'jam dpal de ni ma yin no// 'jam dpal gyis smras pa/ btsun pa rnam par smin pa dmigs su yod dam

  129. 65b

    ri'i bus smras pa/ 'jam dpal de ni ma yin no// 'jam dpal gyis smras pa/ btsun pa shA ri'i bu mtshon yang med/ las kyang med/ rnam par smin pa'ang med na/ 'o na las de gang du rnam par smin par 'gyur/ shA ri'i bus smras pa/ 'jam dpal khyod kyi bsam pa des bstan pa ltar na/ las de ni gang du'ang rnam par smin par mi 'gyur ro// de ci'i phyir zhe na/ chos thams cad las med pa/ rnam par smin pa med pa'i phyir ro// de nas bcom ldan 'das la gang dag phyogs bcu'i 'jig rten gyi khams nas 'dus pa'i byang chub sems dpa' de dag gis gsol pa/ bcom ldan 'das 'jam dpal gzhon nur gyur pa 'di ci nas kyang bdag cag gi sangs rgyas kyi zhing dag tu mchi zhing / sangs rgyas kyi zhing de dag tu chos ston par 'gyur ba de ltar thugs brtse bas spro bar mdzad du gsol/ de nas 'jam dpal gzhon nur gyur pas byang chub sems dpa' de dag la 'di skad ces smras so// rigs kyi bu dag khyed cag je rang rang gi sangs rgyas kyi zhing rnams su ltos shig/ de nas byang chub sems dpa' de dag gis phyogs bcu kun gyi rang rang gi sangs rgyas kyi zhing rnams su bltas so// bltas pa na phyogs bcu kun gyi rang rang gi sangs rgyas kyi zhing de dag nas/ 'jam dpal gzhon nur gyur pa'i sgra snyan pa'ang thos/ 'jam dpal gzhon nur gyur pa sangs rgyas bcom ldan 'das de dag gi

  130. 66a

    spyan snga na 'dug cing / lha'i bu blo gros rab gnas chos kyi rnam grangs 'di nyid 'dri ba la chos ston pa dang / de dag tu byang chub sems dpa' 'dus pa de snyed dang / lha'i bu 'dus pa de snyed kyang mthong ngo // mthong nas kyang 'di snyam du 'jam dpal gzhon nur gyur pa 'di de ltar sangs rgyas kyi zhing 'di nas kyang mi g.yo la/ thams cad du'ang de bzhin nye bar ston pa ni ngo mtshar to/ / ngo mtshar to snyam du ngo mtshar dang ldan par gyur to// de nas 'jam dpal gzhon nur gyur pas byang chub sems dpa' de dag la 'di skad ces smras so// rigs kyi bu dag 'di lta ste/ dper na sgyu ma mkhan ni sgyu ma shin tu bslabs pa'i phyir stan las kyang mi g.yo la/ gzugs rnam pa sna tshogs dag kyang ston par byed do// de bzhin du byang chub sems dpa' shes rab kyi pha rol tu phyin pa la legs par bslabs pa'ang sgyu ma lta bu'i chos rnams la sangs rgyas kyi zhing ji snyed du de bzhin nye bar ston par 'dod pa de snyed du sprul pa dag sprul par byed do/ / de ci'i phyir zhe na/ 'di lta ste/ chos 'di sgyu ma lta bur rig pa'i phyir ro// de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal chos kyi rnam zangs 'di thos pa de ni sangs rgyas 'byung ba dang 'dra'o/ / chos kyi rnam grangs 'di thos pa de ni chos dang dge 'dun 'byung ba dang 'dra'o// chos kyi rnam grangs 'di thos pa de ni rgyun du zhugs pa'i 'bras bu dang 'dra'o//

  131. 66b

    chos kyi rnam grangs 'di thos pa de ni lan cig phyir 'ong ba'i 'bras bu dang 'dra'o// chos kyi rnam grangs 'di thos pa de ni phyir mi 'ong ba'i 'bras bu dang 'dra'o// chos kyi rnam grangs 'di thos pa de ni/ dgra bcom pa nyid dang 'dra ste/ 'jam dpal chos kyi rnam grangs 'di la mos shing yid ches pa dang / byang chub kyi snying po la 'dug pa gang yin pa de ni 'dra ba yin no// 'jam dpal gyis gsol pa/ bcom ldan 'das de de lta lags te/ de ni stong pa nyid ji lta ba de ltar 'dra ba lags so// de ni mtshan ma ma mchis pa ji lta ba de ltar 'dra ba lags so// de ni smon pa ma mchi// pa ji lta ba de ltar 'dra ba lags so// de ni de bzhin nyid ji lta ba de ltar 'dra ba lags so// de ni chos kyi dbyings ji lta ba de ltar 'dra ba lags so// de ni yang dag pa'i mtha' ji lta ba de ltar 'dra ba lags so/ / de ni mnyam pa nyid ji lta ba de ltar 'dra ba lags so// de ni rnam par grol ba ji lta ba de ltar 'dra ba lags so// de ni dben pa ji lta ba de ltar 'dra ba lags so// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das chos kyi rnam grangs 'di ci nas kyang ma 'ongs pa'i dus lnga brgya tha mar gyur pa na spyod par 'gyur zhing / rigs kyi bu dang rigs kyi bu mo dag gi rna lam du grag par 'gyur ba de ltar de bzhin gshegs pas byin gyis brlab tu gsol/ de nas de'i tshe stong gsum gyi steng chen po'i

  132. 67a

    'jig rten gyi khams 'di na lha dang mi rnams kyi rngam ma'i sgra gang ji snyed pa de dag thams cad ma dkrol bar sgra grag cing / shing ljon pa thams cad las kyang me tog sna tshogs dag rab tu rgyas la lhags par gyur to/ / rdzing bu dag nas kyang pad+ma mang po dag rab tu 'thon par gyur to// stong gsum gyi stong chen po'i 'jig rten gyi khams 'di'ang rnam pa drug tu rab tu g.yos shing snang ba chen pos khyab par gyur nas/ nyi ma dang zla ba 'di dag kyang mi snang bar gyur to// lha bye ba 'bum phrag mang po dag kyang dga' zhing mgu la yi rangs te/ steng gi bar snang la 'khod nas me tog gi/ char dag mngon par rab tu 'bebs shing / phye ma dang / spos dang / me tog 'phreng dang / byug pa'i char dag kyang mngon par rab tu 'bebs so// sil snyan dag kyang rab tu gsil zhing / lha'i glu dbyang mang po dag kyang bsgrags nas/ thams cad kyis thal mo sbyar ba btud de/ kha mthun par tshig 'di skad ces/ a la la 'jam dpal gzhon nur gyur pas bstan pa'i chos/ a la la chos/ a la la chos/ 'jig rten du chos kyi 'khor lo gnyis pa bskor ba'ang mthong ngo / / sems can gang dag gis chos kyi rnam grangs 'di thos pa dang / zos nas kyang mos par 'gyur ba de dag ni dge ba'i rtsa ba ngan ngon dang ldan pa ma yin no// gang dag gis chos kyi rnam grangs 'di thos nas skrag par mi 'gyur ba de dag ni sngon gyi rgyal ba la lhag par bya ba byas pa/ zab mo la bzod pa yin no zhes kyang smras so// de nas bcom

  133. 67b

    ldan 'das la 'jam dpal gzhon nur gyur pas 'di skad ces gsol to/ / bcom ldan 'das chos kyi rnam grangs 'di byin gyis brlab pa'i slad du snga ltas 'di dag byung ba las na/ 'di ni ma 'ongs pa'i dus na spyod par 'gyur ro/ / bcom ldan 'das kyis bka' stsal pa/ 'jam dpal de de bzhin te/ chos kyi rnam grangs 'di byin gyis brlab pa'i phyir snga ltas byung ba 'di dag yin no// 'jam dpal gyis gsol pa/ bcom ldan 'das chos kyi rnam grangs 'di yun ring du gnas par bgyi ba'i slad du/ bcom ldan 'das kyis bden pa'i byin gyis brlab mdzad du gsol/ bcom ldan 'das kyis bka' stsal pa/ 'jam dpal bden pa dang / bden pa'i tshig gang gis rnam par thar pa'i sgo gsum la brten nas/ rnam par grol ba'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig/ 'jam dpal gyis gsol pa/ bcom ldan 'das bden pa dang / bden pa'i tshig gang gis bdag ma mchis pa dang / sems can ma mchis pa dang / srog ma mchis pa dang / gang zag/ ma mchis pa dang / shed las skyes ma mchis pa dang / shed bu ma mchis pa dang / kun nas nyon mongs pa ma mchis pa dang / rnam par byang ba ma mchis pa'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha man spyod par gyur cig/ bcom ldan 'das bden pa dang / bden pa'i tshig gang gis 'dod chags ma mchis pa dang / zhe sdang ma mchis pa dang /

  134. 68a

    gti mug ma mchis pa dang / ming ma mchis pa dang / gzugs ma mchis pa dang / rgyu ma mchis pa dang / lta ba ma mchis pa dang / srid pa ma mchis pa dang / srid pa yongs su 'tshal ba ma mchis pa dang / lus ma mchis pa dang / lus su gdags pa ma mchis pa dang / sem ma mchis pa dang / sems su gdags pa ma mchis pa dang / dran pa ma mchis pa dang / dran par bgyid pa dag ma mchis pa dang / dran pa nye bar gzhag pa dag ma mchis pa dang / gzhag pa ma mchis pa dang / nye bar gzhag pa ma mchis pa dang / gzugs ma mchis pa dang / tshor ba ma mchis pa dang / 'du shes ma mchis pa dang / 'du byed rnams ma mchis pa dang / rnam par shes pa ma mchis pa dang / mig ma mchis pa dang / gzugs ma mchis pa dang / rna ba ma mchis pa dang / sgra ma mchis pa dang / sna ma mchis pa dang / dri ma mchis pa dang / lce ma mchis pa dang / ro ma mchis pa dang / lus ma mchis pa dang / reg bya ma mchis pa dang / yid ma mchis pa dang / chos ma mchis pa dang / 'dod pa'i khams ma mchis pa dang / gzugs khams ma mchis pa dang / gzugs ma mchis pa'i khams ma mchis pa dang / 'di la rtag pa ma mchis pa dang / chad pa ma mchis bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig/ bcom ldan 'das bden pa dang / bden pa'i tshig gang gis rgyun du zhugs pa ma mchis

  135. 68b

    pa dang / rgyun du zhugs pa'i 'bras bu ma mchis pa dang / lan cig phyir 'ong ba ma mchis pa dang / lan cig phyir 'ong ba'i 'bras bu ma mchis pa dang / phyir mi 'ong ba ma mchis pa dang / phyir mi 'ong ba'i 'bras bu ma mchis pa dang / dgra bcom pa ma mchis pa dang / dgra bcom pa'i chos rnams ma mchis pa dang / rang sangs rgyas ma mchis pa dang / rang sangs rgyas kyi chos rnams ma mchis pa dang / de bzhin gshegs pa ma mchis pa dang / de bzhin gshegs pa'i chos rnams ma mchis pa dang / stobs rnams ma mchis pa dang / mi 'jigs pa rnams ma mchis pa dang / ye shes ma mchis pa dang / rnam par shes pa ma mchis pa dang / stong pa nyid ma mchis pa dang / mtshan ma ma mchis pa ma mchis pa dang / smon pa ma mchis pa ma mchis pa dang / 'dod chags dang bral ba nyid/ ma mchis pa dang / rang bzhin ma mchis pa dang / 'thob pa ma mchis pa dang / mngon sum du bgyi ba ma mchis pa dang / mngon par rtogs pa ma mchis pa dang / rig pa ma mchis pa dang rnam par grol ba ma mchis pa dang / 'gram ma mchis pa dang / pha rol ma mchis pa dang / tshu rol ma mchis pa dang / thar pa ma mchis pa dang / ming ma mchis pa dang / ming du gdags pa ma mchis pa'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig/ bcom ldan 'das bden pa dang / bden pa'i tshig gang gis chos

  136. 69a

    bstan pa 'dis 'ga' yang ma sbyar/ ma grol/ mi sbyor/ mi 'grol ba'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig/ bcom ldan 'das bden pa dang / bden pa'i tshig gang gis sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis sems can 'ga' yang ma bkrol/ yongs su mya ngan las ma 'das/ de dag gis sems can 'ga' yang ma brnyes/ ma bshig/ chos 'ga' yang ma bskyed/ ma bkag/ rnam par ma bshig/ ma bskyod pa dang / ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas de dag sems can 'ga' yang 'grol bar mi 'gyur/ yongs su mya ngan las zlo bar mi 'gyur/ de dag gis sems can 'ga' yang brnyes par mi 'gyur/ 'jig par mi 'gyur/ chos 'ga' yang skyed par mi 'gyur/ 'gog par mi 'gyur/ rnam par 'jig par mi 'gyur/ spyod par mi 'gyur ba dang / da ltar byang ba'i de bzhin gshegs pa dgra bcom pa yang dag par rdzogs pa'i sangs rgyas de dag sems can 'ga' yang mi 'grol/ yongs su mya ngan las mi zlo// de dag sems can 'ga' yang mi brnyas/ mi 'jig/ chos 'ga' yang mi skyed/ mi 'gog/ rnam par mi 'jig/ mi skyod pa'i bden pa dang / bden pa'i tshig des chos kyi rnam grangs 'di ma 'ongs

  137. 69b

    pa'i dus lnga brgya tha man spyod par gyur cig/ bcom ldan 'das bden pa dang / bden pa'i tshig gang gis chos bstan pa 'di la cung zad kyang ma spras/ ma brjod/ ma bshad/ ma bstan/ brtags// ma bsgrags/ ma bsnyad/ ma smos/ ma bzlas shing / chos bstan pa 'di la yi ge gcig kyang ma brjod la/ chos bstan pa 'di gang gis kyang ma mnyan/ 'ga' yang nyan par mi 'gyur/ 'ga' yang rnam par grol bar mi 'gyur ba'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha man 'dzam bu'i gling na spyod par gyur cig/ bcom ldan 'das bden pa dang / bden pa'i tshig gang gis 'di la tshul khrims ma mchis pa dang / tshul khrims kyi 'bras bu ma mchis pa dang / ting nge 'dzin ma mchis pa dang / ting nge 'dzin gyi gnas ma mchis pa dang / shes rab ma mchis pa dang / shes rab kyi dbang po ma mchis pa dang / rnam par grol ba ma mchis pa dang / rnam par grol ba'i ye shes ma mchis pa'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na 'dzam bu'i gling na smod par gyur cig/ bcom ldan 'das bden pa dang / bden pa'i tshig gang gis byang chub sems dpa' sbyin pa stsol bar mi bgyid/ tshul khrims srung bar mi bgyid/ bzod pa sgrub par mi bgyid/ brtson 'grus rtsom par mi bgyid/ bsam gtan rnams sgom par mi bgyid/ shes rab spyod par mi bgyid/ byang chub don du gnyer bar mi bgyid/ yang dag pa la 'jug par mi bgyid/ byang chub thob par mi bgyid/ stobs

  138. 70a

    rnams thob par mi bgyid/ mi 'jigs pa rnams thob par mi bgyid/ dbang po rnams thob par mi bgyid/ so so yang dag par rig pa rnams thob par mi bgyid/ chos kyi 'khor lo skor bar mi bgyid/ sems can grol bar mi bgyid/ smra bar mi bgyid pa'i bden pa dang / bden pa'i tshig dre tshwa kyi rnam grangs 'di ma 'ongs pa'i dus lnga brgya tha ma na 'dzam bu'i gling na spyod par gyur cig/ de nas de'i tshe stong gsum gyi stong chen po'i 'jig rten gyi khams 'di rnam pa drug tu rab tu g.yos par gyur to// de nas bcom ldan 'das la byang chub sems dpa' byams pas 'di skad ces gsol to/ / bcom ldan 'das 'ji rten du dog sa cher g.yos par gyur pa 'di'i rgyu ni gang lags/ rkyen ni gang lags/ de skad ces gsol pa dang / bcom ldan 'das kyis byang chub sems dpa' byams pa la 'di skad ces bka' stsal to/ / byams pa dman pa la mos pa'i sems can 'di dag 'dzin par mi 'gyur na/ ma legs kyis thong zhig/ de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to// bcom ldan 'das skye bo mang po la sman pa dang / skye bo mang po la bde ba dang lha dang mi rnams kyi don gyi slad du bshad du gsol/ bcom ldan 'das kyis bka' stsal pa/ byams pa chos kyi rnam grangs 'dis phyogs 'di nyid du sangs rgyas bye ba khrag khrig 'bum phrag bdun

  139. 70b

    cu rtsa bzhis bstan te/ thams cad du'ang 'jam dpal gzhon nur gyur pa dang / lha'i bu blo gros rab gnas kyis zhus so// byams pas gsol pa/ bcom ldan 'das 'jam dpal gzhon nur gyur pa dang // lha'i bu blo gros rab gnas kyis chos kyi rnam grangs 'di thos nas ji srid cig lags/ bcom ldan 'das kyis bka' stsal pa/ byams pa rigs kyi bu 'di dag gis bskal pa grangs med pa phrag 'bum 'das pa nas/ de bzhin gshegs pa kun nas me tog mngon par 'phags pa seng ge'i rtsal gyi yon tan phung po zhes bya ba las chos kyi rnam grangs 'di thos so// chos kyi rnam grangs 'di bshad pa na/ sems can gang+gA'i klung gi bye ma snyed dag bla na med pa yang dag par rdzogs pa'i byang chub tu sems skyes so// de'i nyis 'gyur snyed kyis na phyir mi ldog pa'i bzod pa thob bo// de'i nyis 'gyur snyed ni chos rnams la chos kyi mig rdul med cing dri ma dang bral ba rnam par dag go/ / bcom ldan 'das kyis de skad ces bka' stsal nas/ dge slong de dag dang / 'jam dpal gzhon nur gyur pa dang / lha'i bu blo gros rab gnas dang / ji ltar 'dus pa'i byang chub sems dpa' de dag dang / lha'i bu de dag dang / tshe dang ldan pa shA ri'i bu dang / gnas brtan 'od srung chen po dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i

  140. 71a

    chos kyi rnam grangs le'u stong phrag brgya pa las/ lha bu blo gros rab gnas kyis zhus pa zhes bya ba'i le'u ste/ 'dus pa sum cu drug pa rdzogs so// rgya gar gyi mkhan po su ren rnga bo d+hi dang / badz+nyA bar ma dang / zhu chen gyi lo tsab zhang ye shes sde la sogs pas bsgyur cing nus te gtan la phab pa/ bam po bzhi/ sh+lo ka stong nyis brgya/ / rgya gar skad du/ Ar+ya sing ha pa ri prits+tsha nA ma ma hA yA na su tra/ bod skad du/ 'phags pa seng ges zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ril/ dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ byang chub sems dpa'i dge 'dun chen po dang yang thabs cig go// thams cad mkhyen cing thams cad gzigs// / / rgyal ba gang zag mtshungs pa med// rgyal po ma skyes dgra yi bu// seng ge zhes ni grags pa zhig/ tshong dpon bu mo lnga brgya yis// mdun du bdar te lhan cig tu// rgyal po'i khab nas de byung nas// rgyal po'i 'byor pa chen po yis/ / gser las byas pa'i gdugs thogs te// rdzogs sangs rgyas kyi gan song nas// zhabs la mgo bos phyag 'tshal te// lnga brgya po yis gdugs de dag/ tshang bar thub pa

Colophon

rgya gar gyi mkhan po su ren dra bo d+hi dang pradz+nyA bar ma dang zhu chen gyi lo tsa ba zhang ye shes sde las sogs pas bsgyur cing zhus te gtan la phab pa / bam po bzhi sh+lau ka stong gnyis brgya/