F557MW1KG13607_0557rgyudAll versions of this work

sangs rgyas 'khor dang bcas pa'i mtshan brgya rtsa brgyad pa gzungs sngags dang bcas pa

Text

ff. 112b–119a · 14 folio sides

  1. 112b

    sems can thams cad kyi gnas dang / sems can thams cad kyi rgyud la/ chos dang zang zing gi longs spyod dpag tu med pa/ bsam gyi mi khyab brjod kyi mi langs ba 'byung zhing rgyas par gyur cig/ sangs rgyas kyi bden pa dang / chos kyi bden pa dang / dge 'dun gyi bden pa dang / gsang sngags dang / rig sngags dang / snying po dang / phyag rgya dang / ting nge 'dzin gyi byin gyis brlabs dang bden pa'i mthus/ pha rol tu phyin pa la sogs pa'i chos kyi sbyin pa dang / zang zing gi sbyin pa 'dis lus dang sems mnyan pa dang / tshim pa dang / dga' bar gyur cig/ de nas bcom ldan 'das kyis legs so zhes bya ba byin nas/ khyim bdag bzang skyong lags so legs so// de'i 'khor lha dang / mi dang lha ma yin thams cad kyis chos sbyin 'di ltar bya'o// bcom ldan 'das kyis de skad ces bka' stsal nas/ thams cad dang ldan pa'i 'khor de dag dang / khyim bdag bzang skyong yi rangs te/ bcom ldan 'das kyis gsungs pa la mngon par bstod do// / bdud rtsi 'byung ba'i gzungs rdzogs so// / sangs rgyas 'khor dang bcas pa'i mtshan brgya rtsa brgyad pa gzungs sngags dang bcas pa las// spen pa sangs rgyas kyis mtshan brgya rtsa brgyad pa bcom ldan 'das rnam par snang mdzad/ snying rje'i tsan dan gyi dri zhim po'i spos kyi byug pa'i sku/ zhabs

  2. 113a

    ltar gyi pad+me lha dang lha ma yin gyi nor bu'i cod pan gyi gtugs pa rang 'byung sel mdzad bla ma 'jig rten la phan par mdzad pa/ ston pa de bzhin gshegs pa thub pa nyes pa thams cad dang bral ba/ zhi ba'i bdag nyid can gzugs mdzes pa/ mtshan gsal ba'i gzi brjid can sku dpe byad kyis brgyan pa/ yon tan thams cad yang dag par rdzogs pa la phyag 'tshal lo// pad+ma rgyas pa ltar zhal bzhad de/ tshems dkar zhing mdzes la thags bzang bas rab tu rgyas zhing snang la nor bu dri ma med pa ltar 'od gsal zhing mdzes te sba zhing gsal ba/ nyi ma'i 'od zer stong 'bar ba mang po'i 'od snang ba'i dkyil 'khor zil gyis gnon pa/ thub pa'i mchog stobs bcu dang ldan pa la phyag 'tshal lo// 'dud do// oM b+he hAM hAM/ a a/ hi hi/ shi ba shi ba/ shan te shan ti/ sha ma sha ma/ sha mA pa ya/ ta thA ta nu ga ta/ su b+ha bA/ a b+ha wa/ sa mud da ya/ sa ma ba la/ a sa ma ba la/ a ba ra la ba la/ a me ta b+hA la/ a te ba la/ g+hung g+hung / d+hid+hau/ b+hai b+hi/ b+he du b+he du/ hi hi/ b+ha ga wa na/ b+han tad ka ya/ su ra ta b+ho ga ma hA/ shan ti ka ra/ pa pa ki la li ba sha na ka swA hA/ de nas dpe byad mtshan gsal bas/ yan lag thams cad rab brgyan cing /

  3. 113b

    nyi ma shin tu gsal ba po// 'bar ba'i dkyil 'khor brgyan mnga' ba/ dregs shing dri mar rab spangs la/ dri med skyon bral chos kyi blo// khyab bdag chen po stobs bcur ldan/ rdul bral dpal dang ldan pa po// rin chen sa gzhi chen po la/ pho brang rtse mo rdo rje rtse/ rgyal ba'i sras rnam gnas gyur pa/ nor bu du ma rab 'phro zhing / 'od zer dri med gsal bkod pa'i/ rdo rje dkyil 'khor pho brang na/ thub pa'i longs spyod sa gzhi las/ seng ge'i khri chen yangs la bzhugs/ nor bu dbyig gi sa gzhi dang / khri chen rab swa de nyid la/ de bzhin gshegs pa dges chen gyis/ phun sum tshogs pa rgyan bkod pa/ thub med nor bu'i 'od// nyi zer gnon pa'i 'od ldan pa/ bde blag shin tu bkra shis tshul/ 'od gsal skyel mo krung bcas nas/ sku 'od 'bar ba'i dkyil 'khor can/ 'od gsal rgyal bas thub dbang gis/ dri med 'od zer skye ba ni/ mi g.yo rdo rje can zhes bya/ dkyil 'khor chen por zhugs pa yis/ rdo rje can dag rab 'dul ba/ gang yin de kun dag byas nas/ dkyil 'khor dri med bskor bar byed/ ngan song dri ma dam tshig kun/ legs par shin tu dag byas nas/ srid gsum dkyil 'khor rgya chen la/ rnam pa du mar 'od gsal ba/ 'gro dang mi 'gro ma lus pa/ bskor nas bde ba rdo/

  4. 114a

    rje can/ rdo rje ral gri thogs pa des/ cod pan ma g.yos nang du zhugs/ de nas 'jigs pa'i sgra skad kyis/ 'gengs shing mig ni glog ltar 'gyu/ rigs sngags hAM zhes sgrogs pa po// rdo rje 'jigs byed 'jigs pa/ bzhin mdzes 'dzum gyis rnam par rgyan/ sdig med mig rtsa rgod gyur cing / stan las langs te phyag 'tshal nas/ legs par mchod byas smras pa ni/ kye ma skye ba'i phyogs 'joms shing / bskal pa du ma'i dri ma sel/ rig sngags yon tan sgrub byed pa/ thub mchog rnams kyis rab tu gsungs/ de gzigs dge ba dri ma mnyes/ sangs rgyas gros rgyas par gyur/ byang chub sems dpa' blo gros che/ bskal pa gcig tu spyod pas kyang / rgyud mar sangs rgyas kun 'byung zhing / spyod pa du ma 'byung ba ni/ yon tan brgya yi spos ldan 'di/ thos par spro bar mi nus so// longs spyod rgya mtsho chen po can/ byang chub sems mchog dkyil 'khor du/ rgyal mchog rnams kyi sngon gsungs pa'i/ phyir mi ldog pa'i chos chen rnams/ 'di thos sangs rgyas spyod pa yis/ sems can rnams kyi sdig pa rnams// ma lus rab tu gsal nas ni/ blo chen dri ma med par 'gyur/ zhi zhing dag byed bkra shis la/ rdul med rgyan de zhi bar byed/ dge zhing mya ngan

  5. 114b

    thams cad sel/ sdug bsngal thams cad nges par 'joms/ dbang byed gsang sngags dam pa ste/ sa steng sdig pa thams cad sel/ ma dmad 'bras bu nges par smin/ bstan pa yin te sdang ba 'dul/ nyes pa byas pa sel ba yi/ gzungs 'di gang gi thos gyur des/ sangs rgyas rnyed par bka' ba yang ring por mi thob par 'gyur/ sgrib pa thams cad rab zhi zhing / khyab bdag nyon mongs kun sel ba/ gang zhig nyon mongs zhi byed pa'i/ gzungs 'di 'chang bar byed pa yi/ kun tu bzang po nyid dang ni/ lag na rdo rje nyid kyang thob/ rig sngags 'chang gi bdag po yang / 'di thos pas ni thob par 'gyur// 'jig rten kun la la me ba/ bcom ldan rnam par snang mdzad kyang / dkyil 'khor dam pa gting med pa/ 'di ni ji srid ma gsan par/ rab zhi nyon mongs 'dul ba yi/ rang 'byung go 'phang ma brnyes te/ rnam par dag phyir gsan gyur nas/ gsan ma zag tu rnam par dag/ de phyir phun sum tshogs pa dang / legs pa 'dod pas brjod par bya/ gzhan gyi mi thub gzungs gsan nas/ thub pa kun gyi gang bsnyes pa/ 'khor ba 'dir ni nam du yang / bdud kyi las dang 'khrugs med dang / mya ngan med cing 'theb med pa/ gzungs la gnas pas thob par 'gyur/ gnas kyi dam pa thob nas kyang //

  6. 115a

    thub pa'i dri ma med pa'i blo// gzigs pa bzang rnams gar gshegs pa'i/ bzang 'gro de ni 'gro bar 'gyur// legs par 'dod pa rnams kyi ni/ tshig gi mdo 'di mnyan par bgyi/ nyon mongs zad par bya ba la/ rgyal bas gsungs pa'i gzungs 'dis mchog/ sdig pa byed cing dge la sdang / 'dug pa'i rang bzhin rab 'dzugs pa/ gang gis thos nas de spong ba/ nga yi mngon sum 'byor par 'gyur/ sdig pa gzhan yang mi bya zhing / snga ma rnams yang bshags par bya/ gzungs mchog ni mthu stobs kyis/ sdig pa thams cad byang bar 'gyur/ tshe rabs gzhan stong dag dang / tshe rabs bye ba phrag brgyar yang / sdig pa mi dge gang byas pa/ dag 'gyur 'di la the tshom med/ yar gyi ngo na ches brgyad dang / de bzhin tshes ni bco lnga la/ bsnyen gnas legs par lhur blangs la/ cho ga bzhin du sangs rgyas mchod/ de nas rmongs pa med par yang / nyon mongs sgra ni rab 'joms shing / shin tu thub dka' dpe med pa/ nyes pa bzlog pa'i gzungs brjod na/ thub pa'i zhal gyi zla ba 'od/ 'bar ba nges par 'theng bar 'gyur/ des na tshogs rnams rdzogs pa yi/ rgyal ba'i sras po nyid du 'gyur/ 'od dpag med la mnga' ba yis/ yon tan

  7. 115b

    mtha' yas rab rgyas pa/ bskal pa bye ba stong du yang / mtha' mi rtogs pa thob par 'gyur/ de nas rdo rje 'chang gi tshig/ dkyil 'khor dag 'khor rnams kyis/ thos nas rgyan rnams sna tshogs pa/ bcom ldan 'das la 'bul bar byed/ rdo rje ral gri la sogs pa'i// balha bdag gsal ba thams cad dang / ri bo ti se ri rab la/ gnas pa'i rig sngags 'chang rnams dang / de bzhin dkyil 'khor chen po na/ 'khod pa'i rigs 'chang rnams dang / ma la ya yi rtse mo la/ gnas shing rgyan 'bar thogs rnams dang / khyab 'jug lha chen la sogs pa'i/ lha'i bdag po rnams ni/ lag na rdo rje la sogs pa'i/ byang chub sems dpa' stobs chen rnams/ nor bu'i dpung rgyan rna cha dang / rgyan rnams kun tu g.yo ba'i lus/ rab tu bskyed de langs nas ni/ sdig bral mnga' bdag rgyal ba la/ phyag 'tshal thal mo sbyar byas nas/ kun gyi sa yi dbang phyug po// thub mchog dam pa de la ni/ mtshan brgya rtsa brgyad dag gis bstod/ mnyam nyid chos de de bzhin nyid/ shin tu togs pa lam me ba/ dul ba brtan pa dri ma sel/ dri ma med pa skyon bral ba/ thub pa sangs rgyas shin tu zhi/ 'jig rten mgon po skye dgu'i bdag/ de bzhin gshegs pa nyon mongs thul/ de bzhin rgyal ba

  8. 116a

    rdul bsal ba/ ston pa ston mdzad bstan pa te/ sdig pa med pa rdul dang bral/ 'jig rten mgon mdzad snang mdzad pa/ dag pa zhi ba zas gtsang sras/ nyon mongs rab 'joms phan 'dogs pa/ ston pa po ste dri ma sel/ spyod tshul dri med tshul bzang ba/ zab pa rnam par gnon pa bstan/ brtson po thugs rje rnam par rgyal/ mgon po de bzhin mgon mdzad pa/ zhi ba'i bdag nyid zhe sdang bral/ bcings pa las grol mas/ sa rten zla pa'is/ dgags sa 'dun rjes med/ ngan sangs sa pa dpal dang / dpas med dad panan gshegs mdzad/ mnyam pa med pa dpe med pa/ khyab bdag nyon mongs las rnams spongs/ kheng pa med par dman pa med/ mnyam pa de bzhin mi mnyam mnyam// snang ba bsnyes pa snang byed med/ 'jig rten snang mdzad sdig med pa/ sgrib pa thams cad rnam par spangs/ 'jig rten kun la phan par brtson/ dpa' bo zhi bzhi mdzad pa/ nyon mongs dgra rnams zad par mdzad/ mnga' bdag thabs mkhyen thab che ba/ sems can kun gyi zas lags/ don yod mnyes dka' blo dang ldan/ rdo rje dkyil 'khor thub par dka'/ skyob pa 'jig sel tshangs pa ste/ de bzhin sangs rgyas chos 'dzin pa/ dpa'

  9. 116b

    po chen po 'jigs pa med/ gzugs bzangs mtshan rnams bsal ba ste/ sum bcu rtsa gnyis mtshan mnga' ba/ chos kyi longs spyod brgya mtsho la/ dpe byad bzang po bkod pa yis/ spras pa'i bdag nyid ya mtshan ston/ dka' ba med pa'i ston pa po// de bzhin des pa bde sbyin pa/ thub chen yangs pa rgya che ba/ bdud bzhi stobs rnams sel mdzad pa/ brtson chen spro ba chen po ste/ dges pa chen po stobs po che/ mthu mnyes ston pa chen po ste/ gnas ldan dbang rigs dar ba lags/ gsal ba gsung ldan dpe med pa/ dge pa stong pa nyid kyi rgyal/ rab tu zhi ba mun pa med/ blo gros chen po chos 'dzin pa/ ne sum tshogs ldan sa chen brnyas/ 'dod pa rnam ni 'dul mdzad pa/ dpal mdzad dpal mnga' dpal dang ldan/ dpal gyi longs spyod shin tu rgyal/ bcom ldan legs sgos sgo bar mdzad/ gsung ldan bkra shis rgyal ba'i gnas/ mnyam nyid mnyam ma nyid mkhyen pa/ mnyam pa nyid kyi mtshan dpag med/ rab tu dgos pa longs spyod gsal/ zhi bcas sel ba mnyam pa lags/ blo dag blo ldan dri ma spangs/ gnas chen sten

  10. 117a

    par ldan pas/ rgyas pa longs spyod dri ma med/ thub pa thugs rje'i rgyan mnga' ba/ skal pa bzang po'i 'jigs pa'i skyabs/ de bzhin 'jigs med nyon mongs sel/ dri med skyon bral longs spyod can/ sna tshogs 'od ldan dkyil 'khor mdzes/ sku bzang dge ba'i rigs pa'i mchog/ thugs rje'i 'od ldan 'od gsal ba/ mi gnas longs spyod dam pa lags/ chos kyi rgyu ste yon tan gnas/ brjed 'od mchod gnas long spyod che/ na mkha' mtshan de rnam dag blo/ rin chen gzugs bskab bkra shis pa/ khyu mchog mche can pa rdzi ma/ rgyal ba skyo gsal shes rab can/ shes rab thabs dang ldan pa ste/ 'jig rten mi dge kun las 'das/ dag par longs spyod bstan pa can/ sa dang stobs dang ye shes bzod/ pha rol phyin pa kun la mnga'/ ting 'dzin mnyam par longs spyod pa/ rnam thar sgol mngon gsum du/ gtong ba sangs rgyas kun dang mnyam/ chos chen bde bar 'char ba lag thams cad mkhyen pa yul las 'das/ spyod yul sgrib pa mi mnga' ba/ byang chub sems dpa'i tshul che ba/ shes bya'i yul rnams mtha' dag la/ sgrib pa med par 'char bar mnyes/ rigs chen mthun par skyes pa ste/ de bzhin gshegs pa dge ba'i gnas/ khyad par brnyes pa mnyam nyid brnyes//

  11. 117b

    mi mnyam sangs rgyas kun dang mnyam/ don chen shin tu mthar phyin pa/ nyon mongs bral bar thub par dka'/ kadage sbyong sdig pa sbyong mdzad pa/ gnod pa med par bde bar sbyin/ blo rgya che ba thams cad mkhyen/ thos pa'i mtshon cha ma lus gsan/ dkon pa bde ba thob 'gyur ba/ mnyam pa khrod par yul dang ldan/ 'jig rten thams cad dar mdzad mgon/ zhi gnas mtshon cha thub par dka'/ bsam gyi khyab bsam yas yul/ dpe med pa de dang bya ba/ 'od bzang rab dges dpal dang ldan/ legs gsung blo yi stobs kyis 'byung / mkhas pa zhal bzang bde byed pa/ rab dges 'das pa'i spyod yul can/ gsung ba chen po ye shes che/ gnas chen bkra shis chen po ste/ mchod par gyur pa yul las 'das/ bya ba'i mtshan nyid med pa po// sangs rgyas yul du skyes pa ste/ shes bya'i spyod yul rgya che ba/ kun mkhyen longs spyod 'bras bu can/ 'jig rten dbang 'das spyod yul pa/ kun mkhyen yul gyi snang ba ste// thabs mnga' phun sum tshogs mnga' ba/ rdzu 'phrul rol pa'i stobs dang ldan/ chos kyi gar thabs ston pa po// rab ston yon tan bsgyur mdzad pa/ spyod pa ma lus 'dud par mdzad/ yongs su rdzogs pa rnam par dag/ sangs rgyas spyod tshul rnams sangs rgyas/ bgegs dang me legs byed pa bco

  12. 118a

    bdud kyi dregs pa sel bar mdzad/ g.yul ngor rnam par rgyal ba brnyes/ dpa' bo chen po thub med stobs/ theg pa chen po'i shing rta bcibs/ blo chen rgyal bar dka' ba yi/ nyon mongs rgya mtsho'i pha rol gshegs/ theg pa chen po'i tshul la gnas/ thegs pa mchog la longs spyod pa/ nyan thos 'das pa'i spyod yul can/ rang rgyal las kyang 'das pa ste/ sangs rgyas yi 'bras bu smin/ gong nas gong du byed par mkhyen/ khyed ni na mkha'i gnas na bzhugs/ bde 'byung sa dang zhing rnams kyis/ 'tsho chen dag la longs par spyod/ sangs rgyas dbang po rgyas pa la/ mtshan brgya rtsa brgyad kyi bstod nas/ de la lha sogs tshogs rnams kyis phyag byas mgo smad phyogs cig 'khod/ de nas dkyil 'khor chen po na/ gnas pa ma lus chem mar 'khod/ zod du rdo rje'i zong 'chang ba/ langs nas cod pan rab tu g.yos/ dkyil 'khor 'thon po thams cad du/ skad ber chen pos yongs pa bkang nas/ nor bu'i / rgyan ni rnams g.yo zhing / ha ha grag pa'i sgra sbags te/ kye ma sangs rgyas yon tan che/ bskal pa grangs med gsum bsags pa/ byang chub sems sku zlog rnams kyis/ mtshan rgya rtsa brgyad legs par brjod// kye ma brnyed dang bde 'byung ba'i/ mtshan brgya rtsa brgyad thos nas kyang //

  13. 118b

    gang zhig klog cing rgyal la bstod/ 'bras bu chen po thob par 'gyur/ mtshan brgya rtsa brgyad sngags bcas pa/ bcom ldan 'das drung brjod na ni/ sgrib dang kun nas nyon mongs dang / sdig pa thams cad dag pa thob/ mtshan brgya rtsa brgyad mchog ston na/ sgrib pa kun las nges grol zhing / nyon mongs mtha' dag rnam par spongs/ shes rab chen po nyid du 'gyur/ de ni longs spyod chen po dang / bde ba las kyang nyams mi 'gyur/ de ni tshe rabs thams cad du/ blo ldan tshe rabs dran par 'gyur/ de nas rdo rje'i thod bcings pa/ yon tan mtha' yas sras de la/ bcom ldan bdud las rgyal ba yis/ mngon gsum gzigs nas bka' stsal pa/ rgyal ba'i sa 'di zhi ba ste/ nga rgyal la sogs nyon mongs 'joms/ 'jig rten bde ba kun las 'das/ de bzhin gshegs de mngon sum mchog/ gzhan gyi mi thub gzungs dag dang ni/ mtshan brgya rtsa brgyad nyan byed pa/ de dag rnam dag nyid de/ sems can kun la bde ba 'dod pa/ lan cig thos pa tsam gyis kyang / de dag sa chen 'bras bur gnas/ ring por mi thogs dga' 'gyur na/ 'chang sogs lha la ci zhig smos/ de phyir rtag tu rab tu bsgrims/ gtan du bde ba 'dod pa yi/ yon tan rgya mtsho ldan pa'i gzungs/ mnyan par bya zhing bcang bar bya/ gang zhig gnang par langs nas brjod/

  14. 119a

    bdag nyid kyis kyang gton na ni/ de yi don kun 'grub 'gyur la/ gnod pa dang yang phrad mi 'gyur/ 'di ni yon tan kun gyi spos/ dge ba phun sum tshogs bgyid pa/ kun mkhyen 'bras bu bla med mchog/ bde 'byung thob par byed pa yin/ 'bras bu 'byor pa ci yang rung thob par mi 'gyur dogs pa med/ kun mkhyen go 'phangs thob gyur nas/ dpe med gnas su 'gro bar 'gyur/ 'di ni dge zhing 'bras bur ldan/ sangs rgyas sa'i 'bras bu sbyin/ yid du 'ong zhing yon tan ldan/ snying rje dri ma med sbyin pa/ 'di ni mnyam pa nyid kyi mdo// 'jig rten kun gnas dga' ba ste/ 'jig rten kun gyi bde 'byung ba/ 'di dang 'dra ba gang yang med/ ston pa sangs rgyas bcom ldan 'das kyi mtshan brgya rtsa brgyad pa/ gzungs sngags dang bcas pa rdzogs / 'phags pa byams pa'i mtshan brgya rtsa brgyad pa gzungs sngags dang bcas pa/ byang chub sems dpa' sems dpa' chen po rgyal chab du dbang bskur ba/ 'phags pa byams pa la phyag 'tshal lo// de nas byang chub sems dpa' sems dpa' chen po byams pas rang gis snying po smras pa/ na maHs+t+waM yang d+h+r-i ka naM/ sarba ta thA ga ta nan/ oM sa ra sa ra/ su ru su ru/ d+ha ra d+ha ra/ ma hA d+ha ra/ tsa ra tsa ra/ ma hA tsa ra/

Colophon

sangs rgyas bcom ldan 'das kyi mtshan brgya rtsa brgyad pa/ gzungs sngags dang bcas pa rdzogs so/