Q3065MW1KG13126_3065rgyud 'grelAll versions of this work

dpal u rgyan nas byung ba gsang ba'i gsang ba chen po de kho na nyid kyi man ngag

Śrīoṭiyanabibiguhyamahāguhyatattvaupadeśa

Text

ff. 66a–66b · 2 folio sides

  1. 66a

    dpal u rgyan nas byung ba gsang ba chen po de kho na nyid kyi mnang ga/ @#// rgya gar skad du/ shrI o Ti yan bi ni gu h+ya ma hA gu h+ya taSh+TA u pa de sha/ bod skad du/ dpal u rgyan nas byung ba gsang ba chen po de kho na nyid kyi man ngag dpal rdo rje sems dpa' la phyag 'tshal lo// thugs rje chen po la phyag 'tshal lo// lus gnas cha shas bcas par rtogs// des 'byung de bzhin cha shas med// cha shas can dang cha med pa// shes nas 'di grol the tshom med// dngos po thams cad mnyam pa nyid// bAr du 'jug par dka' ba nyid// dpe dang gtan tshigs rnam par spangs// rang bzhin gyis ni 'od gsal zhing // gnyug ma ru ni gnas pa ste// dpyad pa'i yul las 'das pa yin// rtsod med zhi ba mtshon cha med// nges pa'i chos kyi dbyings la gnas// bskul ba med cing rgyu ba med// shin tu stong zhing rdul med pa// sgra las 'das shing yon tan spangs// dngos po kun gyi rang bzhin gnas// gang zhig 'grol rnam gnas pa// de ni sangs rgyas u ru brtags// dpe med brtag pa med po ru// mkhas pas ma lus bsgom par bya// ma brtag par mi gang rtog pa// de yis thams cad brtags pa yin// rtog pa bde dang sdug/ bsngal 'khor// nga yi rgyud du gsal ma byas// shes nyen can la de yi chos// so so ru ni bstan pa yin// nyon mongs sgrib pa med pa dang // las rnams thams cad rnam par spangs// de nyid 'dir ni rab shes na// srid pa'i rtog las rnam grol 'gyur// dngos rnam rang bzhin dag pa la// rang bzhin nyid du rnyog byed pa// de yi don dam shes min te// las kyi zhags pas bcings pa yin// kha cig dkyil 'khor las byed yin// kha cig 'gying zhing gsang sngags rjes// bcig dag ni gsang sngags 'chang // kha cig sbyin theg mched sbyin byed// bcig rgyag kyis ni gnas// bcig 'dod chags ni sdang bsten// de kun las kyi 'khor bar gnas// gang du 'gro ba gnas srung bar/

  2. 66b

    gsang chen 'di ni shes gyur na// gang la'ang sdig pa yod min cing // dgag par bya ba ci yang med// las rnams thams cad byas kyang ni// gos med skur ni rnam par grol// las rnams thams cad de la gnas// las rnams kun gyi gtso bo yi// sku gsung thugs la sogs pa dang // dbang po'i yid bcas shin tu gnas// rtag tu legs par dpyad pa ste// lus kyi nyes pas gos med pa// rang bzhin dag pas sku gsum gnas// kun rtog yid kyi shes pa min// de bas dngos po thams cad ni// nyin mtshan bcas te de la gnas// bzod sogs de yi rang bzhin nyid// thams cad mkhyen pa rol cing bzhugs// shes rab thabs kyi cho ga yis// las dang gtso// gsang chen 'gro ba la gnas pa// mngon pa'i nga rgyal can gyis min// sems dang sems byung rang bzhin gyis// bde ba chen po rang nyid sad// 'khor bar med pa'i dngos po gang // byang chub sems kyi rang bzhin bsgom// gnyi ga'i rang bzhin dbyer med pa// sems kyi rang bzhin shes nas ni// sems kyi rgyu ba kun spangs te// mnyam pa'i rom la gnas par bya// gsang ba chen po gnas med pa// rnal 'byor pa yi gsang chen sbyor// dpal u rgyan nas byung ba/ gsang ba gsang ba chen po de kho na nyid kyi man ngag ces bya ba slob dpon chen po dA ri ka pas mdzad pa rdzogs so// @#// dngos po gsal ba'i rjes bu 'tho ba'i de len nyid grub pa/ @#// rgya gar skad du/ bya ga ta b+hA ba a nu ga ta tak+Sha sid+d+hi/ bod skad du/ dngos po gsal ba'i rjes su 'gro ba'i de kho na nyid grub pa/ dkon mchog gsum la phyag 'tshal lo// dpal rdo rje sems dpa' la phyag 'tshal lo// bcom ldan

Colophon

dpal u rgyan nas byung ba/_gsang ba gsang ba chen po de kho na nyid kyi man ngag ces bya ba slob dpon chen po dA ri ka pas mdzad pa rdzogs so/