byams pas zhus pa zhes bya ba theg pa chen po'i mdo
Aryamaitreyapridcaparibartamamahayānasutra
Text
ff. 139a–155b · 32 folio sides
- 139a
zhing rnam par ston dang / lhun po brtsegs dang / spobs pa phun sum tshogs pa dang / dbang po'i dbang dang / sa 'dzin dang / sems can/ dmyal ba skems dang / ngan song spong dang / rin chen ze ba can dang / de dag la sogs pa byang chub sems dpa' khri dang thabs gcig ste/ de nas bcom ldan 'das 'khor brgya stong du mas yongs su bskor cing mdun gyis bltas nas chos ston to// de'i tshe byang chub sems dpa' byams pas/ 'khor de nyid du 'dus par gyur te/ 'dug go// de nas byang chub sems dpa' byams pas/ byang chub sems dpa' 'khor chen po de 'dus par rig nas/ stan las langs te bla gos phrag pa gcig/ tu gzar nas/ pus mo g.yas pa'i lha nga sa la gtsugs te/ bcom ldan 'das ga la ba der logs su thal mo sbar ba btud nas// bcom ldan 'das la 'di skad ces gsol to// gal te zhus nas zha ba lung bstan pa'i slad du/ bcom ldan 'das kyis bdag la skabs phye na/ de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol pa dang / bcom ldan 'das kyis byang chub sems dpa' sems dpa' chen byams pa la 'di skad ces bka' stsal to// byams pa dri ba lung bstan pa'i phyir/ de bzhin gshegs pas rtag tu skabs phyes/ byams pa khyod ci dang ci 'dod/
- 139b
pa dris shig dang / dris pa de dang de'i lung stan pas sems rangs par bya'o// de nas bcom ldan 'das la byang chub sems dpa' sems dpa' chen po byams pas 'di skad ces gsol to// bcom ldan 'das byang chub sems dpa' chos du dang ldan na/ ngan song thams cad spong zhing sdig pa'i grogs pa'i sug par lhung bar mi 'gyur la/ myur du bla na yang dag par rdzogs pa'i byang chub mngon par rdzogs par 'tshang rgya bar 'gyur ba lags/ de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to// byams pa khyod ni 'di ltar sngon gyi rgyal ba la lhag par bya ba byas pa/ dge ba'i rtsa ba bskyed pa/ tshe rabs dran pa/ spobs pa thob pa/ yun ring po nas tshangs par spyod pa spyad pa ste/ byams pa khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang mi rnams kyi don dang / phan pa dang bde ba dang / byang chub sems dpa'i theg pa pa'i rigs kyi bu dang / ri gus kyi bu mo da ltar gyi dang ma 'ongs pa rnams yongs su gzung ba'i phyir/ zhus nas khyod de bzhin gshegs pa la don 'dri bar sem ba legs so log so// byams pa de'i phyir legs par rab tu nyon la yid la zung shig dang bshad do// byang chub sems dpa' sems dpa' chen po byams pas
- 140a
bcom ldan 'das la legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// byang chub sems dpa' chos gcig dang ldan na/ ngan song thams cad spong zhing / sdig pa'i grogs pa'i lag tu mi 'gro la/ myur tu bla med pa yang dag par rdzogs pa'i byang chub mngon par rdzogs par 'tshang rgya ste/ chos gcig gang zhe na/ 'di lta ste lhag pa'i bsam pa phun sum tshogs pa'i byang chub kyi sems te/ byams pa byang chub sems dpa' chos gcig po de dang ldan na/ ngan song thams cad spong zhing sdig pa'i grogs pa'i lag tu mi 'gro ba/ myur du bla na med pa yang dag par rdzogs pa'i byang chub tu mngon par rdzogs par 'tshang rgya'o// byams pa gzhan yang byang chub sems dpa' chos gnyis dang ldan na ngan song thams cad spong zhing sdig pa'i grogs pa'i lag tu mi 'gro la// myur du bla na med pa yang dag par rdzogs pa'i byang chub tu mngon par rdzogs par 'tshang rgya ste/ gnyis gang zhe na/ 'di lta ste zhig nas yongs su tshol ba dang / lhag mthong la mkhas pa ste/ byang chub sems dpa' chos gnyis po de dag dang ldan na/ ngan song thams cad spong zhing sdig pa'i grogs pa'i lag tu mi 'gro la/ myur du bla na med pa yang dag par rdzogs pa'i byang chub tu mngon par rdzogs par 'tshang rgya'o// byams pa gzhan yang byang chub
- 140b
sems dpa' chos gsum dang ldan na/ ngan song thams cad spong zhing sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ gsum gang zhe na/ 'di lta ste snying rje chen po dang / stong pa nyid kyi chos nges par sems pa dang / des kyang rlom so so su mi byed pa ste/ byams pa byang chub sems dpa' chos gsum po de dag dang ldan na/ ngan song thams cad spong zhing sdig pa'i gro po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// byams pa gzhan yang byang chub sems dpa' chos bzhi dang ldan na/ ngan song thams cad spong zhing sdig pa'i grogs pa'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ bzhi gang zhe na/ 'di lta ste/ tshul khrims la gnas pa yin/ chos thams cad la som nyi med pa yin/ dge ba'i chos la mngon par dga' ba yin/ yang dag par zhugs shing yang dag par blangs pa las mi g.yo ba yin te/ byams pa byang chub sems dpa' chos bzhi de dang ldan na/ ngan song thams cad spong zhing / sdig pa'i grogs po'o lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// byams gzhan yang
- 141a
byang chub sems dpa' chos lnga dang ldan na/ ngan song thams cad spong zhing sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs pa'i 'tshang rgya ste/ lnga gang zhe na/ 'di lta ste/ stong pa nyid la gnas pa dang / gzhan dag gi 'khrul pa mi tshol ba dang / bdag la rtog pa dang / chos la mngon par dga' ba dang / gzhan la phan 'dogs par zhugs pa yin/ byams pa byang chub sems dpa' chos lnga po de dag dang ldan na/ ngan song thams cad spong zhing sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// byams pa gzhan yang byang chub sems dpa' chos drag dang ldan na/ ngan song thams cad spong zhing sdig pa'i grogs pa'i lag tu mi 'gro la// myur bla na med pa yang dag par rdzogs pa'i byang chub mngon par rdzogs par 'tshang rgya ste/ drag gang zhe na/ 'di lta ste/ brkam pa med pa yin/ sdang ba med pa yin/ rmongs pa med pa yin/ dris ma thag du yang dag par ji lta ba bzhin du lan ldan pa yin/ bsnyen par dka' ba med pa yin/ stong pa nyid kyi spyod yul pa yin te/ byams pa byang chub sems dpa' chos drug po de dag dang ldan na/ ngan song thams cad spong zhing sdig pa'i grogs pA lag tu mi 'gro la/ myur du bla na med pa yang dag par rdzogs/
- 141b
pa'i byang chub mngon par rdzogs par 'tshang rgya'o// byams pa gzhan yang byang chub sems dpa' chos bdun dang ldan na/ ngan song thams cad spong zhing sdig/ pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ bdun gang zhe na/ 'di lta ste/ dran pa la mkhas pa yin/ chos la mkhas pa yin/ brtson 'grus brtsams pa yin/ dga' ba thob pa yin/ shin tu sbyangs pa dang ldan pa yin/ ting nge 'dzin la mkhas pa yin/ shes rab kyis rab tu mkhas pa yin te/ byams pa gzhan yang byang chub sems dpa' chos bdun dang ldan na/ ngan song thams cad spong zhing sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// byams pa gzhan yang byang chub sems dpa' chos brgyad dang ldan na/ ngan song thams cad spong zhing sdig pa'i grog so po'i lag tu mi 'gro la/ myur tu bla na med pa yang dag par rdzog pa'i byang chub mngon par rdzogs par 'tshang rgya'o// brgyad gang zhe na/ yang dag par lta ba can yin/ yang dag pa'i rtog pa can yin/ yang dag pa'i ngag can yin/ yang dag pa'i las kyi mtha' can yin/ yang dag pa'i 'tsho ba can yin/ yang dag pa'i rtsol ba can yin/ yang dag pa'i dran pa can yin/ yang dag pa'i ting nge 'dzin
- 142a
gcan yin te/ byams pa chos brgyad po de dag dang ldan na/ ngan song thams cad spong zhing sdig pa'i grogs po'i lag tu mi 'gro la/ myur tu bla na med pa yang dag par rdzogs pa'i byang chub mngon par rdzogs par 'tshang rgya'o// byams pa gzhan yang byang chub sems dpa' chos dgu dang ldan na/ ngan song thams cad spong zhing sdig pa'i grogs po'i lag tu mi 'gro la/ myur tu bla na med pa yang dag par rdzogs pa'i byang chub mngon par rdzogs par 'tshang rgya ste/ dgu gang zhe na 'di lta ste/ byams pa 'di la byang chub sems dpa' ni 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas so// rtog pa dang dpyod pa dang bral zhing nang rab tu dang sems kyi rgyud gcig tu gyur pas/ rtog pa med pa dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa bsgrubs te gnas so// dga' ba'i 'dod chags dang bral bas gtang snyoms la gnas shing dran pa dang shes bzhin can yin te/ bde ba lus kyis myong la 'phags pa rnams kyis gang de dran pa dang ldan pa bde ba la gnas pa/ gtang spobs pa'o zhes brjod pa ste/ dga' ba med pa bsam gtan gsum pa bsgrubs te gnas so// bde ba yang spangs te snga nas
- 142b
sdug bsngal yang spangs shing yid bde ba dang / yid mi bde ba yang nub pas/ bde ba yang ma yin sdug bsngal yang ma yin pa/ gtang snyoms dang dran pa yongs dag pa bsam gtan bzhi pa nye bar bsgrubs te gnas so// rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ na mkha' mtha' yas so snyam nas/ namakha' mtha' yas skye mched pa sgrubs te gnas so// rnam pa thams cad du na mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched bsgrubs te gnas so// rnam pa thams cad du rnam shes mtha' yas skye mched las yang dag par 'das te/ ci yang med do snyam nas ci yang med pa'i skye mched bsgrubs te gnas so// rnam pa thams cad du ci yang med pa'i skye mched las yang dag par 'das nas/ 'du shes med 'du shes med min skye mched bsgrubs te gnas so// rnam pa thams cad du 'du shes med 'du shes med min skye mched las yang dag par 'das nas/ 'du shes dang tshor ba 'gog pa bsgrubs nas gnas ba ste/ byams pa byang chub sems dpa' chos dgu bo de dang ldanan/ ngan song thams cad spong zhing sdig pa'i grogs pa'i lag tu mi 'grol/ myur du bla med pa yang da/
- 143a
par rdzogs pa'i byang chub mngon par rdzogs par 'tshang rgya'o// byams pa gzhan yang byang chub sems dpa' chos bcu dang ldan na/ ngan song thams cad spong zhing sdig pa'i grogs po'i lag tu mi 'gro la/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ bcu gang zhe na/ 'di lta ste rdo rje lta bu'i ting nge 'dzin dang ldan pa yin/ gnas dang gnas ma yin pa la mngon par brtson pa'i ting nge 'dzin dang ldan pa yin/ thabs kyis 'gro ba'i ting nge 'dzin dang ldan pa yin/ rnam par snang byed kyi ting nge 'dzin dang ldan pa yin/ kun nas snang ba'i ting nge 'dzin dang ldan pa yin/ kun tu gasla ba'i ting nge 'dzin dang ldan pa yin// rin chen zla ba'i ting nge 'dzin dang ldan pa yin/ zla ba sgron ma'i ting nge 'dzin dang ldan pa yin/ nyon mongs pa med pa'i ting nge 'dzin dang ldan pa yin/ rgyal mtshan gyi rtse mo// dpung rgyan gyi ting nge 'dzin dang ldan pa yin/ byams pa byang chub sems dpa' chos bcu po de dang ldan na/ ngan song thams cad spong zhing sdig pa'i grogs pa'i lag tu mi 'phrul/ myur du byu med pa yang dag par rdzogs pa'i byang chub mngon par rdzogs par 'chang rgya'o// de nas byang chub sems dpa' sems dpa' rer pa byamasapa tshim zhing mgul yid rangs te/ rab tu dga' nas dga' ba dang / yid bde ba skyes nas stan las langs te/ bla ges phrag pa gcig tu bgos te/ pus mogayos pa'i wA/
- 143b
ngas la gtsugs nas/ bcom ldan 'das ga la ba der logs su thal mo byar ba btud de/ bcom ldan 'das la tshul dang 'dra ba'i tshigs su bcad pa 'di dag gis mngon par bstod do// sngon chad sbyin pa sbyin mdzad pa// sdug pa'i bu dang zas skom dang // mig dang mig kyang gtong mdzad de// sangs rgyas sbyin kun pha rol phyin// g.yag rnga bzhin du yun ring nas// khyod kyis tshul khrims ma nyams bsrungs// khrims kyis khyod 'dra' ma mchis te// sangs rgyas tshul khrims pha rol phyin// bzod pa'i stobs ni bskyed mdzad na// byams pas nongs pa bgyis pa bzod// bzod pa'i stobs rnams kun dang ldan// sangs rgyas bzod legs pa rol phyin// brtson 'grus stobs ni bskyed mdzad nas/ zhi ba de bla na med pa brnyes// brtson 'grus stobs kyi stobs dang ldan// sangs rgyas brtson legs pha rol phyin// sdig pa thams cad sreg mdzad de// 'dren pa skyes chen bsam gtan dgyes// bsam gtan stobs kyis stobs dang ldan// sangs rgyas bsam legs pha rol phyin// chos rnams de dang rang bzhin stong // ngo bo nyid kyis gang mi skye// shes rab kyis ni pha rol gshegs// sangs rgyas shes legs pha rol phyin// mkhyen chen byang chub shing drung du// sder bcas bdud ni khyod kyis btul/ don gyi mchog ni brnyes par gyur// sangs rgyas bdud kyi tshogs ngan 'joms// skyes chen ba ra na ser ni// chos kyi 'khor lo rab tu bskor// mu stegs chog ngan skrag par mdzad/
- 144a
sangs rgyas mu stegs can tshogs 'joms// shes rab chen po bla na med// kun nas zla dpe' yong ma mchis// dkon mchog chos de/ ston par mdzad// 'dren pa sangs rgyas 'od mdzad lags// sbyin pa dang ni khrims stobs dang // bzod brtson khyod dang 'dra ma mchis// kun gyi pha rol phyin par gyur// sangs rgyas yon tan mang po 'phags// de nas byang chub sems dpa' sems dpa' chen po byams pas/ bcom ldan 'das la tshul dang 'dra ba'i tshigs su pa 'di dag gis mngon par bstod nas/ phyogs gcig tu 'dug go/ de nas bcom ldan 'das la tshe dang ldan pa kun dga' bos 'di skad ces gsol to// btsun pa bcom ldan 'das byang chub sems dpa' sems dpa' chen po byams pa 'di 'di ltar spobs pa phun sum tshogs pa dang / 'di ltar shin tu rnam par nges pa'i tshig gis chos ston pa dang / 'di ltar tshig dang yi ge mtshungs pa'i chos ston pa dang / 'di ltar zab mo'i tshig gis ston pa dang / 'di ltar legs par 'phel ba'i tshig gis chos ston pa dang / dran pa'i tshig gis chos ston pa ni ngo mtshar lags so// bcom ldan 'das kyis bka' stsal pa/ kun dga' bo de de bzhin no// ji skad smras pa bzhin te/ byang chub sems dpa' byams pa spobs pa phun sum tshogs pa dang ldan zhing / byang chub sems dpa' byams pa shin tu rnam par nges pa'i tshig gis chos ston pa nas/ rjes su dran pa'i tshig gis chos ston pa
- 144b
sa pa sa nga sa mas sa/ rlu ba ma dus na/ bags pags med pa pas ba gyur bad ma 'dus sa/ de bzhi ga shegs pa datha nam pacing dag pa rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lce dang mi rnam kyi ston pa/ sangs rgyas bcom ldan 'das snang bas rnam par rol pa'i mngon par shes pa zhes bya ba 'jig rten du byung ste/ de'i tshe bram ze'i khye'u bzang dag ces bya ba gzugs bzang ba/ mdzes pa blta na sdug pa/ kha dog bzang po rgyas pa mchog dang ldan pa zhig yod de/ bskyed mos tshal du 'gro ste/ grong bar bdu phyin pa dang / de bzhin gshegs pa dgra bcom pa yang dag par rdzogs pa'i sangs rgyas snang bas rnam par rol pa'i mngon par shes pa mdzes pa/ dad par bya ba/ dbang po zhig bugs ni pa/ dul ba dang ni gnas kyi mchog brnyes pa/ dul ba dang gi gnas kyi dam pa'i rnas pa/ dbang po bsrungs pa/ glang po che thul pa lta bu// 'tsho ltar dang ning rlig/ ba med la gsal ba skyes bu chen po'i mtshan sum cu rtsa gnyis po de dag gis sku legs par rgyan pa/ dpe byad bzang po brgyad sru de dag gis sku rnam par spras pa/ shing
- 146a
sa lha'i rgyal po me tog shin tu rgyas pa 'dra ba/ ri'i rgyal po ri rab ltar mngon par 'phags pa/ zhal zla ba'i dkyil 'khor ltar zhi ba/ nyi ma'i dkyil 'khor ltar lam me lhan ne lhang nge ba/ shing n+ya gro ta ltar chu zhing gab pa/ 'od 'bar ba'i skas dpal chen po 'bar ba mthong ngo // mthong nas kyang de bcom ldan 'das la sems dad par gyur te/ de sems dad nas 'di snyam du sems ste/ a la la de bzhin gshegs pa'i sku 'di rnam par spras shing kha dog dang // gzi brjid dang / dpal dang / mtshan rnams kyis 'di ltar 'bar zhing / lam mi ldan ne lhang nge ba ngo mtshar to snyam mo// de nas bram ze'i khye'u bzang dag gis 'di skad smras te/ a la la bdag kyang ma 'ongs pa'i dus na lus 'di 'dra ba dang ldan par gyur cig/ kha dog dang / gzi brjid dang / dpal dang mtshan rnams kyis 'di ltar 'ber zhing lam me lhan ne lhang nge bar gyur cig ces smon lam de skad btab nas/ sa la nyal te 'di snyam du bsams so// gal te bdag kyang ma 'ongs pa'i dus na 'di lta bu'i lus dang ldan par 'gyur te/ kha dog dang gzi brjid dang / dpal dang mtshan rnams kyis 'bar zhing lam me ldan ni ljang ngerang 'gyur nas/ de ban gshegs pa'i zhabs bdag gi lus la reg par gyur cig snyam mo// kun dga' bo de nas de bzhin gshegs pa dgra bcom pa yang dag par rdzogs sangs rgyas sa
- 146b
bas rnam par rol pa'i mngon par shes pa des/ bram ze'i khye'u bzang dag gi lhag pa'i bsam pa mkhyen nas/ bram ze'i khye'u bzang dag ga la ba der gshegs te/ bram ze'i khye'u bzang dag la zhabs kyis reg par mdzad do// de bzhin gshegs pa snang bas rnam par rol pa'i mngon par shes pa des/ bram ze'i khye'u bzang dag la zhabs kyis reg par mdzad ma thag tu/ de nas de'i tshe mi skye ba'i chos la bzod pa thob par gyur to// kun dga' bo de nas de bzhin gshegs pa snang bas rnam par rol pa'i mngon par shes pa des snum logs su gzigs nas/ dge slong rnams la bka' stsal pa/ dge slong dag khyed gang gis bram ze'i khye'u bzang dag de'i lus la rkang pas mi rdzi shig/ de ci'i phyir zhe na/ byang chub sems dpa' sems dpa' chen po 'di mi skye ba'i chos la bzod pa thob pa'i phyir ro// de nas de nyid kyi tshe bram ze'i khye'u ba'ang dag gis lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa mngon gsum du bya ba'i shes pa thob po// rdzu 'phrul yang mngon par bsgrubs so// de bzhin gshegs pa snang bas rnam par rol pa'i mngon par shes pa'i spyan sngar tshul dang 'dra ba'i tshigs su bcad pa dag gis kyang mngon par bstod do// phyogs dang phyogs mtshams rnams su bskor te btsal bgyis kyang // 'jig rten dag na mi dbang khyod 'dra yong ma mchis// 'gro ba kun nas rdzogs pa'i sangs
- 147a
rgyas mngon par 'phags// rnam par 'dren pa rang 'byung khyod la bdag phyag 'tshal// dper na bar snang na ni nyi ma lhan ne ltar// phyogs dang // phyogs mtshams kun gyi 'jig rten khams rnams na// 'jig rten 'di dag thams cad 'od kyis lham mer gyur// sangs rgyas yon tan gzi mnga' khyod la bdag phyag 'tshal/ ji ltar seng ge nags khrod dag na sgra sgrogs pa// wa tshogs phal chen thams cad zil gyis gnon par bgyid// ji ltar mi yi dam pa mthu chen mnga' ba yang / mu steg can mang 'dus pa thams cad zil gyis gnon// bde bar gshegs pa smin mtshams bar gyi mdzod spu dkar// dngul dang kha ba'i tshogs bzhin mtha' yas gzi brjid can// des ni 'jig rten 'di dag thams cad snang bar bgyis// 'jig rten kun na sangs rgyas khyod ni mi mnyam mnyam// skyes bu khyu mchog zhabs la lha'i 'khor lo mnga'/ gsal zhing mdzes la rtsibs stong 'tshal zhing mu khyud 'khor// de dag gis ni ri dang nags bcas sa 'di rnams// rab tu g.yo bgyid thub pa gang zag mtshud med pa/ nyon mongs shas chen dor ba bgyi ba thams cad bor// 'phags pa nges par 'byin pa'i lam ni rab tu brnyes// nor rnams kun dang ldan zhing yon tan rnams kyis phyag / bsam pa bzhin du 'phags pa'i nor rnams bkad mdzad pa// sa dang mtshungs shing sbyin pa'i gnas gyur mtshungs ma mchis// yon tan kun la mnga' brtse/
- 147b
tshul khrims rnam dag pa// ji ltar na mkha' lag pa mi thogs mi chags ltar// 'jig rten dag na khyod la rjes chags khro mi mnga'// bzod pa zad kyis gtugs pa do// dang chos rnams kun// snying po ma mchis pa dang gsob gsog tu mkhyen// srid pa'i 'gro ba thams cad dag na gang rnams la// rlom sems 'gyur yi sems can srog dang dngos ma brnyes// khas dang spyod pa dag dang sbyor dang bsam pa mkhyen// rmad du byung dang rnam par 'byed mdzad sgron mar gyur// chu bo chen pos ded pa'i 'gro ba gzigs gyur nas// sngon chad brtson 'grus stobs brtson mthu ni bstan pa mdzad// skye ba spangs shing nyon mongs zhi ba'i thugs dang ldan// thugs rgya chen po skye dang rga shi mtha' mar 'byin// nam mkha' dkyil dang mtshangs par chags pa mi mnga' rgyu// 'jig rten chos kyis mi gos 'jig rten gsum na rgyu// bdag nyid chen po shes rab kyis ni snang bar mdzad// mun pa mun gnag gyur pa thams cad rnam par sel// 'dod chags rdul zhi mdzad cing zhe sdang gti mug gi/ dri ma sna tshog/ mun bskul khyod la phyag 'tshal lo// kun dga' bo de tshun chad bram ze'i khye'u bzang dag de'i rdzu 'phrul rnams sam/ mngon par shes pa rnams yongs su nyams par ma gyur to// kun dga' bo de'i tshe de'i dus na/ bram ze'i khye'u bzang dag ces bya bar gyur pa de gzhan zhig yin snyam du khyod dogs shing yid gnyis sam the tsom zan
- 148a
de ltar mi blta'o// de ci'i phyir zhe na/ byang chub sems dpa' sems dpa' chen po byams pa 'di nyid de'i tshe de'i dus na bram ze'i khye'u bzang dag ces bya bar gyur to// de bzhin gshegs pa dgra bcom pa yang dag par rdzogs pa'i sangs rgyas snang bas rnam par rol pa'i mngon par shes pa de la tshigs su pa 'di dag gis mngon par bstod do// de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to// bcom ldan 'das byang chub sems dpa' sems dpa' chen po byams pa de gal te yun ring po de srid nas mi skye ba'i chos la bzod pa thob lags na// ci'i slad du myur du bla na med pa yang dag par rdzogs pa'i byang chub mngon par rdzogs par sangs rgyas/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo byang chub sems dpa' rnams kyi bkod pa dang / yongs su bzung ba ni gnyis po 'di dag gnyis gang she na/ sems can bkod pa dang / sems can yongasu gzung ba dang / zhing bkod pa dang / zhing yong su gzung ba dang / gnyis po 'di dag yin na/ byang chub sems dpa' sems dpa' chen po byams pas ni sngon byang chub sems dpa'i spyad pa spyod pa'i tshe/ zhing gi bkod pa rnam par spangs shing / zhing yongs su
- 148b
gzung ba yongs su gzung ngo // kun dga' bo nga sngon byang chub sems dpa'i spyad pa spyod pa'i tshe/ ngas ni sems bkod pa rnam par sbyangs/ sems can yongs su gzung ba/ yongasu gzung / zhing bkod pa yang rnam par sbyangs/ zhing yongs su gzung ba yang yongasu bzung ngo // kun dga' bo ngas mngon par shes te/ byang chub sems dpa' sems dpa' chen po byams pa yang dag par zhugs nas/ bskal pa bzhi bcu rtsa gnyis lon pa'i 'og tungs/ gdod bla na med pa yang dag par rdzogs pa'i byang chub tu sems bskyed de/ kun dga' bo bskal pa bzang po 'di 'das nas/ bskal pa bzhi bcu rtsa bzhin bla na med pa yang dag par rdzogs pa'i byang chub mngon par rdzogs par 'tshang rgya ba'i rig pa las/ kun dga' bo ngas brtson 'grus 'bar ba byas nas/ myur tu bla na med pa yang dag par rdzogs pa'i byang chub tu mngon par rdzogs par sangs rgyas te/ kun dga' bo ngas brtson 'grus rlabs po ches myur tu bla na med pa yang dag par rdzogs pa'i byang chub tu myur du mngon par rdzogs par sangs so// kun dga' bo chos bcu po 'di dag gis nga myur tu bla na med pa yang dag par rdzogs pa'i byang chub tu mngon par rdzogs par sangs rgyas te/ bcu gang zhe na/ bdog pa thams cad yongasu btang ba dang / chung ma spangs pa yongs su btang ba dang / bu pangs ba yongs su btang ba dang / mgo 'phangs pa yongs su btang ba dang / mig phangs pa yongs su btang ba dang / rgyal srid phangs pa yongs su btang ba dang / longs spyod phangs pa/
- 149a
yongs su btang ba dang / khrag 'das pa yongs su btang ba dang / rus pa dang nang bangs pa yongs su btang ba dang / yan lag pangs pa thams cadasam su bta bas sgru ma med pa 'ang dag par rdzogs pa'i byed nab mngan par rdzogs par sangs rgyas te/ kun dpa ma tshas chu ba de dag gis dbyung tha mad pa yang dran par rdzogs pa'i bring dris mngon par rdzogs pa sa sa rgyas so// kun ga ba gtan pang chos bcu myur du blan med pa yang dag par rdzogs pa'i tu mngon par rdzogs par sangs rgyas te/ bcu gang zhe na/ kun dga' bo nga tshul khrims kyi yon gyi nos la gnas te/ myur du bla na med pa yang dag par rdzogs pa'i byang chu mngon par rdzogs par sangs rgyas so// kun dga' bo nga bzod pa'i stobs dang ldan pas/ myur tu bla na med pa yang dag par rdzogs pa'i byang chub mngon par rdzogs par sangs rgyas so// kun dga' bo nga brtson 'grus 'bar ba brtsams pas/ myur tu bla na med pa yang dag par rdzogs pa'i byang chub mngon par rdzogs par sangs rgyas so// kun dga' bo bsam gtan gyi yon tan la gnas te/ myur tu bla na med pa yang dag par rdzogs pa'i byang chub mngon par rdzogs par sangs rgyas so// kun dga' bor shes rab kyi pha rol tu phyin pa la gnas te/ myur tu bla na med pa yang dag par rdzogs pa'i byang chub mngon par rdzogs par sangs rgyas so//
- 149b
kun dga' bo ngas sems can thams cad yongs su ma btang bas/ myur du bla na med pa yang dag par rdzogs pa'i byang chub mngon par rdzogs par sangs rgyas so// kun dga' bo nga thabs la mkhas pa la gnas te/ myur tu bla na med pa yang dag par rdzogs pa'i byang chub mngon par rdzogs par sangs rgyas so// kun dga' bo nga sems can thams cad la sems snyom pas/ myur tu bla na med pa yang dag par rdzogs pa'i byang chub mngon par rdzogs par sangs rgyas so// kun dga' bo ngas sto/ pa nyid kyi chos rtogs pas/ myur tu bla na med pa yang dag par rdzogs pa'i byang chub mngon par rdzogs par sangs rgyas so// kun dga' bo ngas mtshan ma med pa dang / smon pa med pa'i chos rtogs pas/ m+WAr tu bla na med pa yang dag par rdzogs pa'i byang nungab mngon par rdzogs par sangs rgyaso// kun dga' bo chos bcu po de dag gis dbyug ma pa yang dag pa sa pa rnas nga sa // sma du bu ga d+hA dag gis bla na med pa yang dag par rdzogs pa'i byang chub mngon par rdzogs par sangs rgyas pa de/ gal te khyod kyis shes su zin na/ kun dga' ba khyod kyis spobs mi 'byung / gad ci'i phyir zhen/ kun dga' ba sngon byung ba 'das pa'i dus na/ rgyam bu gan du nang bams cad tshun pa zhes bya ba/ gzugs bzang tha ma
- 150a
blta na sdug pa/ kha dog bzang po rgyas pa mchog dang ldan pa/ rgyal po'i 'byor pa chen po dang / rgyal po'i mthu chen po dang ldan pa/ zhig yod pa de skyed mos tshal du 'gro ste/ grong bar du phyin pa dang / gnod pas nyen cing sdug bsngal la/ nad tshobs chen pos btab pa'i mi zhig mthong ngo // ma nas kyang de snying rje bar gyur te/ mi dag la der song ste phyin nas 'di skad ces smraso// kye ma khyod ci sdug bsngal lam/ des smras pa/ lha bdag ni nad kyis btab bo// des smras pa/ kye mi khyod kyi nad cis zhi bar 'gyur/ khyod la ci spyir/ des 'di skad ces smras so// gal te bdag gis lha khyod kyi lus las ci tsam gyis tshim par 'gyur khrag cig btung du gyur pa lta na/ bdag gi nad zhi bar 'gyur ro// kun dga' bo de nas rgyal po gzhon nu nor thams cad sbyin pa des/ mtshon rnon po blangs te/ rang gi lus phug nas khrag gzags te/ mi de la btung bar byin no// kun dga' bo mi des 'thungs ma thag tu/ mi de'i nad sos par gyurate kun dgu' brgyal bu gzhon nu ra thams cad sbyin pas rang gi lus drug ste/ khrag thams cad ga phags kyang 'thong pa'i ba'i sems gcig pang med do// kun da po'i'i che de'i dus na rgyal du gnon nu dor bams cad sbyin par gyur pa de gzhan nag yin sram du khyod dgas shing 'ad gnyis za'am/ bcom pan de sbyar mi bgyi'o//
- 150b
de ci'i phyir zhe na/ nga nyid de'i tshe de'i dus na rgyal bu gzhon nu nor thams cad sbyin pa zhes bya bar gyur to// kun dga' bo rgya mtsho chen po bzhi'i chu'i phung po ni tshad gzung du yod bla na med pa yang dag par rdzogs pa'i byang chub 'di yongs su rje tshol zhing / nges sngon sems can rnams la khrag byin pa ni tshad med do// kun dga' bo sngon byung ba 'das pa'i dus na rgyal bu gzhon nu me tog ces bya ba gzugs bzang ba mdzes pa blta na sdug pa/ kha dog bzang po rgyas pa mchog dang ldan pa/ rgyal po'i 'byor pa chen po dang / rgyal po'i mthu chen po dang ldan pa zhig yod pa de skyed mos tshal gyi sar 'gro ste/ grong bar du phyin pa dang / skya rbab kyi nad kyis btab pa'i mi gnad pas nyen pa sdug bsngal ba nad tshabs chen po zhig mthong ngo // des de mthong nas kyang snying rje bar gyur te/ de mi dag la der song nas 'di skad ces smras so// kye ci zhig gis mi khyod kyi nad zhi bar la khyod la ci zhig sbyin/ des 'di skad ces smras so// gal te bdag gis lnga khyod kyi lus las ci tsam zhig gis tshim par 'gyur ba'i rkang nig zab pa lda na/ bdag ga nad zhi bar 'gyur ro// de nas rgyal bu gzhon nu me tog de nim zhing mgu la yid rangs te/ rab tu dga' nas/ bde ba dang yid bde ba smos te rang gi lus brdungs nas/ rkang khrus te mi de'i lus la bskus so// kun dga' bo nga skyes ma thag tu mi de'i nad sos par gyur to// kun dga' bo rgyal po gzhon nu me tog gis rang gi lus brdungs rkang gzugs/
- 151a
nas sems la 'gyod pa med par gyur to// kun dga' bo de'i tshe de'i dus na rgyal bu gzhon nu me tog ces bya bar gyur pa de/ gzhan zhig yin pa snyam du khyod dogs shing yid gnyis za 'am/ the tsom za na de ltar mi blta'o// de ci'i phyir zhe na/ nga nyid de'i tshe de'i dus na rgyal bu gzhon nu me tog ces bya bar gyur to// kun dga' bo rgya mtsho chen po bzhi'i chu'i tshad gzung du yod kyi/ bla na med pa yang dag par rdzogs pa'i byang chub 'di yongs su tshol zhing ngas sngon sems can rnams la rkang byin pa ni tshad medo// dga' bo sngon byung ba 'das pa'i dus na/ rgyal po zla 'od ces bya ba gzugs bzang ba/ mdzes pa blta na sdug pa/ kha dog bzang po rgyas pa mchog dang ldan pa/ rgyal pa'i 'byor pa sbyin po dang / rgyal ba'i mthu chen po dang ldan pa zhig yang bde bste / chos tshal du 'ag ste/ thong bar du phyin pa dang / mi mig med pa long ba dbul lo gas ba/ spong mo byed pa zhig mthong ngo // mthong nas kyang de steng rje bar gyur to// de nas mi de rgyal po zla 'od gal ba der song ste/ phyin nas 'di skad ces smras so// lha khyodam skyed do// khro khyod ni dgyes so// bdag ni sdug bsngal lo// long ngo // mig sa mchis so// dngul so// bzhin no// spongs po 'o// bgon pa mchis so// dpa ba denas kyim pazlal rgyas me de yang me ma cig ca sa/ dus kyi kyim pagapa bzhin du de la 'di ga ces smras so// sam khyong sa ci dgas
- 151b
bza' ba dang / btung ba dang / gzhon pa dang / rgyan pa dang / gser dang / nor bu dang / mu tig dang / rin po che sna tshogs sbyin par bya 'am/ khyod la gang dgos pa de smros shig/ mi des smras pa/ bdag la mi 'tshal na/ bdag la mi stsal bar gsol/ kun dga' bo de nas rgyal po zla 'od des/ rang gi mig phyung ste mi de la byin no// kun dga' bo rgyal po zla 'od kyis rang gi mi phyung ste mi de la byin yang de'i sems la 'gyod pa med par gyur to// kun dga' bo de'i tshe de'i dus na rgyal po zla 'od ces bya bar gyur pa de/ gzhan zhig yin pa snyam du khyod dogs shing yid gnyis za 'am/ the tsom za na de ltar mi blta'o// de ci'i phyir zhe na/ nga nyid de'i tshe de'i dus na rgyal po zla 'od ces bya bar gyur te/ kun dga' bo ro'i rgyal po ro rab la ni tshad gzung du yod kyi/ bla na med pa yang dag par rdzogs pa'i byang chub 'di yongs su tshol zhing ngas sems can rnams la mig byin pa ni ches mang ste/ tshad med do// kun dga' bo byang chub sems dpa' sems dpa' chen po byams pa ni sngon byang chub sems dpa'i spyad pa spyod pa na// theg pa bde ba 'jug pa bde ba/ lam bde bas b+hA na sde pa yang dag par rdzogs pa'i byang chub yang dag par bsgrubs so// kun dga' bo byang chub sems dpa' sem dpa chen po byams pas ni/ sngon byang chub sems dpa'i spyad pa spyod pa'i tshe/ lag pa yongs su btang ba ma byas/ rkang pa yongs su btang ba ma byas/ chung ma yongasu btang
- 152a
rdzogs pa'i byang chub yang dag par ma byas/ bu phangs pa yongs su btang ba ma byas/ grong dang grong rdal dang / grong khyer dang / ljongs dang / yul 'khor dang / rgyal po'i pho brang 'khor phangs pa yongs su btang ba ma byas te/ kun dga' bo byang chub sems dpa' sems dpa' chen po byams pas ni sngon byang chub sems dpa'i spyad pa spyod pa'i tshe// thabs mkhas pas yongs su zin pas/ theg pa bde ba/ 'jug pa bde ba/ lam bde bas bla na med pa yang dag par bsgrubs so// de nas bcom ldan 'das la tshe dang ldan pa/ kun dga' bos 'di skad ces gsol to// bcom ldan 'das byang chub sems dpa' sems dpa' chen po byams pas thabs mkhas pas lam gang la gnas nas/ bla na/ med pa yang dag par rdzogs pa'i byang chub yang dag par bsgrubs pa'i thabs la mkhas pa gang lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo 'di la byang chub sems sems dpa' chen po byams pas sngon byang chub sems dpa'i spyad pa spyod pa'i tshe/ nyin lan gsum mtshan lan gsum du bla gos phrag pa gcig tu gzar nas/ pus mo g.yas pa'i lha nga sa la btsugs nas/ ral mo sbyar te/ sangs rgyas thams cad sngon gsum du byas te tshig 'di skad ces smras so// sangs rgyas kun la phyag 'tshal lo// drang srong lha mig ldan pa yi// byang chub sems dpa' rnams dang ni// nyan thos rnams la phyag 'tshal lo//
- 152b
ngan 'gro thams cad bzlog bgyid cing // mtho ris lam ni rab ston la// rga shi med par 'dren bgyid pa// byang chub sems la phyag 'tshal lo// sems kyi dbang du gyur pas na/ bdag gis sdig pa ci bgyis pa// sangs rgyas spyan sngar mchis nas su// bdag gis de dag bshags par bgyi// bdag las rnam pa gsum gang gis// bsod nams tshogs ni skyes pa de// bdag gi kun mkhyen sa bon de// bdag gi byang chub mi zad shog/ phyogs bcu dag gi zhing rnams su// sangs rgyas mchod pa gang 'byung ba// sangs rgyas mkhyen/ pa yi rang bas// de la bdag ni yi rang ngo // sdig pa thams cad bshags par bgyid// bsod nams kun la yi rang ngo // sangs rgyas kun la phyag 'tshal lo// bdag ni ye shes mchog thob shog/ phyogs bcu dag gi phyogs rnams na// sa bcu dag la gnas pa yi// byang chub sems dpa' bya chub mchog/ 'tshang rgya bgyid par skal ma 'debs// byang chub dam pa sangs rgyas zhing // sde dang bcas pa'i bdud btul nas// srog chags kun la sman slad du// chos kyi 'khor lo bskor 'gyur cig/ chos rje chen po'i sgra yis ni// sdug bsngal sems can mthar bgyid shog/ bskal pa bye ba bsam yas su// chos ston mdzad cing bzhugs 'gyur cig/ 'dod pa'i 'dam du bying 'gyur cig/ srid pa'i srad bus dmapa patata 'ching ba kun gyis bcings bdag la// rkang gnyis mchog rnams gzigs su gsol// sems kyis dri mar bgyis pa lags// sangs rgyas rnams ni spod mi mdzad//
- 153a
sems can rnams la byams thugs ldan// srid pa'i mtsho las bsgral bar shog/ rdzogs pa'i sangs rgyas gang bzhugs dang // gang dag 'das/ dang ma byon dang // de dag rjes su bdag slob cing // byang chub spyad pa spyod 'gyur cig/ pha rol phyin drug rdzogs bgyis nas// 'gro drug sems can 'thar bgyid shog mngon shes drug po mngon bgyis nas// bla med byang chub reg 'gyur cig/ ma skyes pa dang mi 'byung dang // rang bzhin ma mchis gnas ma mchis// rnam rig ma mchis dngos ma mchis// stong pa'i chos ni rtog par shog/ sangs rgyas drang srong chen po ltar// sems can ma mchis srog ma mchis// gang zag ma mchis gso ma mchis// bdag ma mchis pa'i chos rtogs shog/ bdag 'dzin bdag gir 'dzin pa ni// dngos po kun la mi gnas par// sems can kun la bde slad du// ser sna ma mchis sbyin gtong shog/ dngos po dngos po ma mchis pas// bdag gi longs spyod lhan grub shog/ dngos po thams cad rnam 'jig pas// sbyin pa'i pha rol phyin rdzogs shog/ khrims kyi tshul khrims skyon med cing // tshul khrims rnam par dag dang ldan// rlom sems med pa'i tshul khrims kyis// tshul khrims pha rol phyin rdzogs shog/ sa 'am yang na chu 'am me// rlung gi khams ltar mi gnas shing // bzod pa'i khro ba ma mchis par// bzod pa'i pha rol phyin rdzogs shog/ brtson 'grus brtsams pa'i brtson 'grus kyis//
- 153b
brtan sgro le lo ma mchis shing // stobs dang ldan pa'i lus sems kyis// brtson 'grus pha rol phyin rdzogs shog/ sgyu ma lta bu'i ting nge 'dzin dang // dpa' bar 'gro ba'i ting nge 'dzin dang // rdo rje lta bu'i ting nge 'dzin gyis// bsam gtan pha rol phyin rdzogs shog/ rnam par thar pa'i sgo gsum dang // dus gsum mnyam pa nyid dang yang // rigs gsum mngon gsum bgyis pa yis// shes rab pha rol phyin rdzogs shog/ sangs rgyas kun gyis bsngags pa dang // 'od dang gzi brjid 'bar ba dang // byang chub sems dpa'i brtson 'grus kyis// bdag gi bsam pa rdzogs 'gyur cig/ de ltar spyad pa spyod byed cing // byams pa grags dang ldan pa yis// pha rol phyin drag rdzogs byas nas// sa bcu po/ la rab tu gnas// kun dga' bo byang chub sems dpa' sems dpa' chen po byams pas/ gang la gnas nas thabs la mkhas pas theg pa bde ba/ 'jug pa bde ba/ lam bde bas bla na med pa yang dag par rdzogs pa'i byang chub yang dag par bsgrubs pa'i thabs la mkhas pa ni de yin no// kun dga' bo byang chub sems dpa' sems dpa' chen po byan pas/ sngon byang chub sems dpa'i spyod pa sprod pa'i tshe/ sems can rnams 'dod chags chung ba/ zhe sdang chung ba dang gti mug chung ba dang / dge ba bcu'i las kyi lam dang ldan pa gyur la/ phyis bdag bla na med pa yang dag par rdzogs pa'i byang chub mo par rdzogs par sangs rgyas na ci ma rung zhes de ltar zhing rnam par sbyang so// kun dga' bo dus de dang chod de 'byung /
- 154a
ba yod de/ de'i tshe de'i dus na sems can dag 'dod chags chung ba dang / zhe sdang chung ba dang / gti mug chung ba dang / dge ba bcu'i las kyi lam dang ldan pa dag byung bar gyur te/ de'i 'og tu byang chub sems dpa' sems dpa' chen po byams pa smon lam gyi dbang gyis/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// kun dga' bo ngas sngon byang chub sems dpa'i spyad pa spyod pa'i tshe/ snyigs ma lnga dang ldan pa'i 'jig rten gnas pa'i tshe/ sems can 'dod chags kyis shas che ba dang / zhe sdang gi shas che ba dang / gti mug gi shas tsho ba dang / 'dod chags bdo ba dang / gAti mug bdo ba dang / chos ma yin pa la chags zhen pa dang / chags pa yang zil gyis non pa dang / chos log pas yongs su zin pa dang / pha la khu ba dang / ma la 'khu ba dang / spun la 'khu ba dang / ming sring la 'khru/ ba dang / khyod shugs la 'khu ba dang / nye dul 'khu ba dang / 'phags pa la 'khu ba dang / mkhan po dang slob dpon la la khu ba dang / bdag la 'khu ba dang / mi la 'khu ba dang / mi dri ma can dang / mi dmu rgod dang / mi cang shes pa ma yin pa rnams kyi nang du bdag bla na med pa yang dag par rdzogs pa'i byang chub mngon por rdzogs par sangs rgyas na ci ma rung zhes de ltar smon lam yongasu sbyangs te/ dus yang ba 'di lta bu la gnas nas/ kun dga' bo ngas snying rje chen po mdun du byas te/ snying rje chen po dang ldan pas/ ngad
- 154b
ltar grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor rnams su zhugs te/ chos ston pa nang la kha ngan zer zhing gshe rgya ste/ cho ga par mi dbyung ba/ rtsub pa brlang pos spang bar byed do// kun dga' bo nga la chad par smra ba yin no zhes kyang zer ro// rtag par sba ba yin no zhes kyang zer ro// 'khor 'dod pa mang ngo zhes kyang gleng ngo // 'dod pa che'o zhes kyang gleng ngo // khyim gyi nang du zhugs na yang nga la sas kyang 'thor ro// dug dang sres pa'i kha zas kyang sbyin no// me'i phung po yang nye bar bsgrubs so// 'di lta ste/ sangs rgyas su gyur kyang mdzes ldan zhes bya ba lta bu 'khrig pa'i chos dang ldan pas/ nga la skur pa yang btab po// kun dga' bo nga ni snying rje chen po mdun du byas te/ snying rje chen po dang ldan pas/ da ltar sems can de lta bu de dag la chos ston to// de skad ces bka' stsal pa dang / bcom ldan 'das la kun dga' bos 'di skad ces gsol to// bcom ldan 'das sems can de lta bu de dag chos ston pa mdzad pa ni/ de bzhin gshegs pa dgra bcom pa yang dag par rdzogs pa'i sangs rgyas ma dul ba 'dul ba/ khur chen po bsnams pa/ dga' bar mdzad pa lags so// de skad ces gsol ba dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo de de bzhin no// ji skad smras pa bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas ma dul ba 'dug ga
- 155a
mdzes pa dang / bdag gis chos kyi rnam grangs 'di khur chen po bsnams pa/ dge ba'i chos thams cad dang ldan pa/ gang dag sems can de dag sems can de 'dra ba dag la/ chos ston pa ni/ dka' ba mdzad pa'o// de ci'i phyir zhe na/ 'di ltar snying rje chen pos yongs su zin pa'i phyir ro// de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to// bcom ldan 'das 'di ltar chos kyi rnam grangs 'di thos shing / bcom ldan 'das kyi khyu mchog gi gnas 'di thos nas spu zing zhes bgyid pa ni ngo mtshar logs so// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' sprul pa/ kun dga' bo de'i phyir chos kyi rnam grangs 'di sngon gyi smon lam yang dag par 'phags pa zhes bya bar yang zung shig/ de bzhin gshegs pa yang dag par 'byung ba zhes bya bar ya/ zung shig/ byang chub kyi dgongs pa 'byung ba zhes bya bar yang zung shig/ byams pas zhus pa zhes bya bar yang zung shig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' byams pa dang / dge slong lnga brgya po de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// / 'phags pa dkon mchog brtsegs pa che
- 155b
pa chos kyi rnam grangs stong phrag brgya pa las/ byams pas zhus pa'i le'u zhes bya ste/ 'dus pa bzhi bcu rtsa gcig pa rdzogs s+ho// rgya gar skad du/ ar+ya me tri ya pa ri prid tsa/ na ma ma ha ya na su tra/ bod skad du/ 'phags pa dkon mchog brtsegs pa chen po chos kyi rnam grangs le'u stong phrag brgya pa las/ byams pas zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos/ ba dus gcig na/ bcom ldan 'das 'khor brgya stong du mas yongasu bskor cing mdun gyis bltas nas chos ston to// de'i tshe byang chub sems dpa' sems dpa' chen po byams pa zhes bya ba/ 'khor de nyid du 'dus par gyur te 'dug go// de nas byang chub sems dpa' sems dpa' chen po byams pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la gcugs te/ bcom ldan 'das ga la ba de log su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ de bzhin gshegs pa dgra bcom pa yang dag/ par rdzogs pa'i sangs rgyas la bdage phyogs 'ga' zhi ga zhu lags so// de skad ces gsol pa dang / bcom ldan 'das kyis byang chub sems dpa' sems dpa' chen brgya
Colophon
byams pas zhus pa'i le'u ste/ 'dus pa bzhi bcu rtsa gcig pa rdzogs+ho/