'phags pa sangs rgyas thams cad kyi yan lag dang ldan pa zhes bya ba'i gzungs
Text
ff. 74a–75b · 4 folio sides
- 74a
pa'i bka' lung dang mthun par 'gyur/ bdag cag gis de bzhin gshegs pa'i dam pa'i chos yongs su bzung bar 'gyur/ rigs kyi bu'am rigs kyi bu mo de dag la yang don chen po dang pan pa'i dngos po chen por 'gyur lags so/ / bcom ldan 'das kyis bka' stsal pa/ lha'i bu dag de'i phyir ji skad smras pa de bzhin du gyis shig/ 'di ni khyed la rjes su bstan pa'o// bcom ldan 'das kyis de skad ces bka' stsal nas/ dbang phyug chen po bka' thub bzang po la sogs pa gnas gtsang ma'i ris kyi lha'i bu rnams dang / thams cad dang ldan pa'i 'khor de yi rangs te bcom ldan 'das kyis gsungs pa la mngon par bstod do/ / 'phags pa sangs rgyas kyi snying po zhes bya ba'i gzungs rdzogs s+ho// // rgya gar gyi mkhan po 'dzin mi tra dang / dA na shI la dang / zhu chen gyi lo tsA ba ban d+he ye shes sdes bsgyur cing zhus te/ skad gsar chad kyis kyang bcos nas gtan la phan pa/ / rgya gar skad du/ Ar+ya sarba bud+d+ha a dag pa ti nA ma d+hA ra NI/ bod skad du/ 'phags pa sangs rgyas thams cad kyi yan lag dang ldan pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa'i dus gcig na/ bcom ldan 'das gang gA'i klung chen po'i 'gram na 'jig rten skyong ba bzhi dang thabs gcig tu bzhugs te/ de'i tshe bcom ldan 'das kyis rnam thos kyi bu la sogs pa rgyal po chen po bzhi la 'di skad ces bka' stsal to// rgyal po chen po dag skyes pa dang / bud med dang khye'u dang bu mo rnams la 'jigs pa chen po bzhi bo 'di dag 'byung ngo / / bzhi gang zhe na/ 'di lta ste/ rga ba dang na ba dang rgud pa dang 'chi ba'o// de la yang 'jigs pa chen po gcig ste/ 'di ltar 'chi bdag gi 'jigs pa chen po ste/ bcom pa med pa mnyen po med pa
- 74b
tag kyi bzhin 'brang ba'o/ / rgyal po chen po dag de la 'jigs pa chen pa gcig pa de'i mnyen po ngas 'dir brjod par bya'o// de nas bcom ldan 'das la rgyal po chen po bzhis 'di skad ces gsol to// bcom ldan 'das gang gi slad du bcom ldan 'das kyis srog rab tu stsal pas/ skye dgu rjes su bzung ba ni deng bdag cag gis rnyed pa legs par rnyed do// de nas bcom ldan 'das shar phyogs su mngon du phyogs te bzhugs nas se gol gyi sgras de bzhin gshegs pa thams cad la bskul te/ 'di skad ces de bzhin gshegs pa dgra bcom pa yang dag par rdzogs pa'i sangs rgyas gang sred ga sems can rnams la thugs brtse ba'i slad du bla na med/ pa yang dag par rdzogs pa'i byang chub mngon par rdzogs par sangs rgyas pa de dag bdag gi grogs mdzod cig/ des na bdag 'dir sangs rgyas thams cad kyi byin gyi rlabs nas sems can thams cad kyi dus ma yin par 'chi ba rab tu bzlog par bgyi'o/ / sngon ma bskor ba'i chos kyi 'khor lo gnyis pa yang bskor bar bgyi'o zhes gsung do// de bzhin du lho dang nub dang byang dang steng dang 'og gi de bzhin gshegs pa thams cad la bskul te/ 'di skad ces de bzhin gshegs pa dgra bcom pa yang dag par rdzogs pa'i sangs rgyas gang su dag sems can rnams la thugs brtse ba'i don du bla na med pa yang dag par rdzogs pa'i byang chub mngon par rdzogs par sangs rgyas pa de dag bdag gi grogs mdzod cig ces gsung ngo / / de bzhin du phyogs mtshams rnams su yang 'di skad ces gang gi phyir 'di dag tshe dang stobs dang kha dog dang ldan pa yongs su 'grub cing rus ma yin par 'chi ba'i 'jigs pa 'byung bar mi 'gyur bar sangs rgyas thams cad bdag gi grogs mdzod cig ces gsung so/ / de nas phyogs bcu'i sa'i khams ji snyed sangs rgyas kyi spyan la snang bar 'gyur ba de snyed kyi 'jig rten gyi
- 75a
khams dag sangs rgyas bcom ldan 'das kyis til gyi gang bu bzhin du gang ste/ de dag gis de bzhin gshegs pa'i grogs mdzad par zhal gyis bzhes nas de bzhin gshegs pa de dag thams cad 'di ga gsung ngo / / 6/ tsapAtsu lA tsa la yin te/ swA s+t+ri ka tsaH/ a kAti/ pra sha mAn du/ sarba rog/ a naH/ kun grem bAkan mA/ nar tsar ra/ he ma ga gi e mgo ri em ni shAnade/ sems saM/ ko'ur be ko u0f7f ba ge te ku ra re/ ku ra re/ ku ma ti/ bi Sha sa ma Ne/ shi Sha b+hi/ tsa le tsa le/ bi tsa le/ mA bi la ma ga hu mu hu mu swA hA// gsang ba ba'i bdag po ji snyed pa thams cad kyang de bzhin gshegs pa thams cad dang nye bar 'dug nas de dag gis smras pa/ hUM hUM/ si si swA hA// de skad ces bka' stsal pa dang de bzhin gshegs pa thams cad mi snang bar gyur to// de nas bcom ldan 'das la rgyal po chen po rnam thos kyi bus 'di skad ces gsol to/ / bcom ldan 'das bdag gis kyang de bzhin gshegs pa'i byin gyi rlabs kyis bsrung bar bgyi'o// dus ma lags par 'gum pa las bzlog par bgyi'o// tad+ya thA/ shwe te/ shwe te/ shwe te/ le li li/ 'phags skyes pos kyang smas pa/ mA taM ge mA taM ge/ mA taM gi ne/ shu mA shA mA/ yul 'khor srung gis kyang smras pa/ tsa re tsa re swA hA// mig mi bzang gis kyang smras pa/ ba li ma ba ba/ bcom ldan 'das kyis 'di skad ces bka' stsal to// rgyal po chen po dag gang la la zhig sangs rgyas thams cad kyi gzigs pa'i rig sngags 'di nyi ni re la lan re 'don na rigs kyi bu 'am/ rigs kyi bu mo de la ston par 'du shes pa skyed par bya'o// rigs kyi bu 'am rigs kyi bu mo de ngan song gsum du 'gro bar mi 'gyur ro/ / 'dis sems can thams cad kyi srog la phan btags par 'gyur ro// gang zhig sems can thams cad kyi don du nyin gcig bzhin du tshig tu 'don pa dang
- 75b
gang yang 'di klog pa de la dus ma yin par 'chi ba'i 'jigs pa med do/ / de'i lus la nad ngan pa 'byung bar mi 'gyur ro// chus 'chi ba'i dus byed par mi 'gyur ro// mes ma yin/ mtshon gyis ma yin/ dug gis ma yin lce 'bab pas ma yin no/ / gang na rgyal ba'i bu dag rig sngags 'don pa'i sa phyogs de sangs rgyas dang / byang chub sems dpa' thams cad kyis dgongs par rig par bya'o// yi ger 'dri'am/ yi ger 'drir 'jug pa des sangs rgyas bcom ldan 'das la rim gror bya ba thams cad kyis sti stang byas par 'gyur ro/ / de ci'i phyir zhe na/ sems can rnams la rim gro byed pa ni sangs rgyas la rim gro byed pa yin no zhes de bzhin gshegs pa rnams gsung ba'i phyir ro/ / su zhig gis 'di bris nas yan lag la btags na de'i yan lag thams cad bsrungs par 'gyur ro// bcom ldan 'das kyis de skad ces bka' stsal nas rgyal po chen po bzhi dang / thams cad dang ldan pa'i 'khor de dang / lha dang mi dang lha ma yin dang dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// / 'phags pa sangs rgyas thams cad kyi yan lag dang ldan pa zhes bya ba'i gzungs rdzogs s+ho// / rgya gar gyi mkhan po 'dzin mi tra dang / dAn shI la dang / zhu chen gyi lo ts+tsha ba ban d+he ye shes sdes bsgyur cing zhus te skad gsar chad kyis kyang bcos nas gtan la phab pa/ / rgya gar skad du/ Ar+ya tsan dan ad ga nA ma d+hA ra NI/ bod skad du/ 'phags pa tsan dan gyi yan lag ces bya ba'i gzungs/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na dge slong gi dge 'dun chen po dge slong khri nyis stong lnga brgya'i dge slong gi dge 'dun chen po
Colophon
'phags pa sangs rgyas thams cad kyi yan lag dang ldan pa zhes bya ba'i gzungs rdzogs s+ho // // rgya gar gyi mkhan po 'dzi na mi tra dang /dA na sh'i la dang /zhu chen gyi lo ts+tsha ba ban dhe ye shes sdes bsgyur cing zhus te skad gsar chad gyis kyang bcos nas gtan la phab pa // ('a, 75b6-7)