'phags pa shes rab kyi pha rol tu phyin pa rdo rje rgyal mtshan gyi mdo theg pa chen po
Āryaprajñāpāramitābajraketumahūyānasūtra
Text
ff. 292a–293a · 3 folio sides
- 292a
sangs rgyas bcom ldan 'das rnams dang dus rtag tu 'grogs par 'gyur ro// byang chub kyi sems dang ldan par 'gyur ro// bcom ldan 'das kyis de skad ces bka' stsal pa dang / byang chub sems dpa' phyag na rdo rje dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa shes rab kyi pha rol tu phyin pa lag na rdo rje'i mdo// theg pa chen po rdzog s+ho/ @#// rgya gar skad du/ Ar+ya pradz+nyA pA/ ra mi tA badz+ra ke tu ma hA yA na sU tra/ bod skad du/ 'phags pa shes rab kyi pha rol tu phyin pa rdo rje rgyal mtshan gyi mdo theg pa chen po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bzhugs te/ thams cad dang ldan pa'i 'khor dang thabs gcig go// de nas de'i tshe'akhor der byang chub sems dpa' rdo rje rgyal mtshan 'dug pa de stan las langs te/ bcom ldan 'das la 'di skad ces gsol to// bcom ldan 'das chos gang dang ldan na shes rab kyi pha rol tu phyin pa lags/ bcom ldan 'das kyis bka' stsal pa/ rdo rje'i rgyal mtshan chos rnam pa bzhi dang ldan na ste/ bzhi gang zhe na/ 'di lta ste/ chos thams cad stong pa nyid du/
- 292b
mngon pa dang / 'dus byas thams cad mi rtag pa dang / sdug bsngal bar shes pa dang spros pa thams cad dang bral ba'i chos nyid du ldan pa dang / thams cad mi rtog mi dmigs par bsgom pa'o// gzhan yang chos rnam bzhi dang ldan na shes rab skye ba'i rgyu ste/ bzhi gang zhe na/ 'di lta ste/ dang po gang zag chos spro ba'i mkhan po rten pa dang / gnyis pa de'i dam pa'i chos nyan pa dang / gsum pa don la 'jug cing sems pa dang / bzhi pa bzhan la tshul bzhin du ston par mos pa ste/ 'di ni shes rab skye ba'i rgyu'o// rigs kyi bu gzhan yang byang chub sems dpa' rnams kyis 'di lta ste/ chos thams cad rang bzhin gyis rnam par dag pas stong pa dang / bdag med pa dang / dngos po med pa'i ngo bo nyid dang / mtshan ma med pa dang / ma bcings pa dang / ma grol ba dang / snang ba med pa dang / mun pa med pa'i rang bzhin du shes par bya'o// de lta bas na byang chub sems dpa' rnams kyis shes rab kyi pha rol tu phyin pa la bslab par bya'o// chos thams cad skye ba med pa dang / gnas pa med pa'i tshul gyis shes rab kyi pha rol tu phyin pa la bslab par bya'o// bcom ldan 'das kyis bka' stsal pa/ dngos po'i ngo bo nyid du bsgom/ shes rab skye ba'i rgya la mos/ mtshan ma thams cad dang bral ba'i/
- 293a
shes rab don la bslab par bya'o// bcom ldan 'das kyis de skad ces bka' stsal nas/ byang chub sems dpa' rdo rje rgyal mtshan la sogs pa lha dang mi dang lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa shes rab kyi pha rol tu phyin pa rdo rje rgyal mtshan gyi mdo rdzogs s+ho/ dge'o/ bkris 'gro kun byang chub myur thob shogs/ sarba mang+ga lam/ zhu dag/
Colophon
'phags pa shes rab kyi pha rol tu phyin pa rdo rje rgyal mtshan gyi mdo rdzogs s+ho/