MW21521_F4EB6Dམན་ངག་ཨ་ཏི་ཡོ་གའི་ཆོས་སྐོར།All versions of this work

byang chub kyi sems rin chen 'khor lo zhes bya ba'i rgyud

Text

ff. 391a–403a · 25 folio sides

  1. 391a

    so// !/ rgya gar skad du/ bo d+hi satwa rat+na tsakra tan+t+ra nA ma/ bod skad du/ byang chub kyi sems rin chen 'khor lo zhes bya ba'i rgyud/ byang chub kyi sems ye shes rdzogs pa'i 'khor lo la phyag 'tshal lo// 'di skad bdag gis be shad pa'i dus gcig na/ 'og min gyi gnas sems nyid bdal ba chen po'i zhing khams na/ rang byung rdzogs pa'i bcom ldan 'das dgongs pa rang byung gi don la bzhugs so// yang de'i tshe smin pa chen po'i 'khor 'di lta/ ste/ rang bzhin gyis gnas pa dang / rang bzhin la lta ba dang / rang bzhin rtogs pa chen po/ rang bzhin rdzogs pa chen po'i don la mngon par dga' ba 'ba' zhig dag 'dus so// de nas rig pa'i rgyal pos sna tshogs bsam bral gyi ting nge 'dzin la snyoms par zhugs so// de'i tshe 'dus pa'i tshegs kyis thams cad rang byung du mthong bar gyur to// de nas bcom ldan 'das rig pa'i rgyal pos 'di skad ces gsungs so// rang byung dag pas ye sangs rgyas// chos dang chos nyid sna tshogs pa// rig pa nyid yin rnam par dag/ smin pa'i 'khor tshegs rang sems kyis// sna tshogs rang byung nyid du ltos// zhes gsungs so// de nas smin pa chen po'i nang nas sems dpa'

  2. 391b

    rdo rje byung ste 'di skad ces gsol to// rig pa rnam dag bcom ldan 'das// sku gsum rdzogs pa'i ye shes che// mdzad pa phyogs bcu mu mtha' yas// thugs rje rang snang phyogs rigs med// btang snyoms chen po kun tu bzang // rig pa mchog gi dkyil 'khor nas// rdzogs pa'i ye shes thabs chen gyis// gsal ba'i ye shes sgo phye nas/ dpal gyi mgur nas gsungs bsgrags pas// 'dus pa'i 'khor la gsal bar gsungs// zhes gsol to// de nas rig pa'i rgyal po sa// sems dpa' rdo rje la 'di skad ces ba ka' stsal to// e shes rdzogs pa bde ba che// mtha' yas 'gro ba kun la ldan// rig pa dbyer med kun tu bzang // gang a ma yin rig par gsal// rtsol ba'i sems bral mngon sangs rgyas// rgyu'abras gnyis med 'gyur ba bral// rnam snang ba shes pa rang gnas pa// byed pa gnyis kyis mthong bar gyis// shes pa'i rnam grangs gang skyes kyang // rnam byang nyid las gzhan ma yin// bsam gyis mi khyab dus na shas// 'khor ba'i shes pa glo bur bya// rang bzhin ma yin rkyen gyis snang // brjod pa'i snyan pa nyid dang mtshungs// rnam par rtog pa'i sems nyid ni// gang ltar brtags pa de bzhin mthong // du ma'i rigs/

  3. 392a

    kyis rtog pa dag/ sgo rnams kun tu rgyu ba ste// me gcig skar khung du ma bzhin// don gyi rnam byang du ma min// rig pa dbyer med dkyil 'khor 'dire/ mtha' bral lta ba'i don ldan gyis// rang ba zhag dgongs pas gnas par bya// rang byung thugs rje g.yo med kyis// 'gro don ma lus rdzogs par ma dzad// sku gsum lhun grub 'bras bu ni// gzhan ma yin te de nyid rdzogs// rigs drug dbang po tshig chod dmo// sbyang ba'i 'phro can gang yang rung // sems kyi rnam grangs gong sgo nas// spyi blugs dbang la gnas byas te// rna rgyud gad ma dag nod par bya// bgrod med lam la gi nas byas la// sbyang med sa yi yon tan spel// rim med cig car 'jug pa yis// rang byung ye shes bla ma yis// rab tu che mchog chos kyi sku// btsal med brtag pa mngon sangs rgyas// 'gro ba rig pa gang dag la// bas ma bral nyid du 'dug par bya// shes pa rang lugs thal byung ba// dus gsum me go yo gnas 'gyur na// rgyal ba'i ye shes gsal mthar phyin// ces gsungs so// byang chub kyi sems rin chen 'khor lo la sa/ gleng gzhi'i le'u ste dang po'o// // de nas rig pa'i rgyal po sau/ sems

  4. 392b

    dpa' rdo rje la 'di skad ces bka' stsal to// sna tshogs 'khor ba'i rtog pa dang // rdzogs nyid ye shes rang bzhin cig/ rdzogs pa'i ye shes rtog pa nyid// rtog pa gang yin ye shes nyid// tha dad yod pa ma yin te// ye shes rdzogs pa'i rang bzhin ni// kun spangs kun gyi dngos gzhi can// 'dzin pa du ma'i rtog pa 'di// byang chub sems su brjed pa yin// brjod med sems kyi rang bzhin la// ma brjod go bar mi 'gyur bas// brjod med don gyis mtshon par bya// kun bzang sems kyi rnam dag la/ mtshon bya mtshon byed gang yang med// btsal med rang bzhag nyid kyis mtshon// tha mal snang ba'i shes pa dag/ bka' yi shes pas dran byas te// gtang 'dzin/ med pa'i ngang la bzhag/ yid la mi byed bya ba btang // blo yis ma spyad rang bzhin gsal// 'dzin pa'i rgyu 'bras gang yang min// 'bras bu nyid kyis 'bras bu grub// re 'dod rtsol ba'i mtha' ru 'gyur// 'dzin med rang bzhin sman chen gyis// 'khor ba'i gcong rnying kun dang bral// rnam rtog ye shes 'od gsal nyid// rang gnas ye shes ye nas dag/ rin chen dag pa'i gling bzhin du// sems kyi ye shes e nas dag/ rim med sems kyi rang bzhin la/ bgrod pa'i lam gyis thob pa med//

  5. 393a

    rnam grol 'bras bu rang byung nyid// bgrong med rnam grol rdzogs pa'i lam// 'dod dang rtsol med lhun gyis grub// ye shes nyi ma'i snying por shar/ ma lus gzung 'dzin gnyis med mi g.yo ba/ rgyu dang 'bras bur rtog 'dzin cing // ye shes sgyu ma'i 'dzin pas bcings// sems nyid mkha' 'dra lta ba'i glong // ye shes spangs pa bdal ba che// thung ngor gnyis med rtsol dang bral/ byang chub sems kyi lha thag pa cad// ting 'dzin zhibs nyams su zung / byang chub sems kyi skya ba ni// glang ltar ci yang ma yin pas// rang byung ye shes mtshan nyid gsal// mi bsam gyi nang bzhag pa'o// bsam gyis mi khyab ye shes mthong // ra byung rdzogs pa'i ci / yum sasu bral sa skye sangs rtus// tshul bral bra ma zang ba'i lag// 'ching bral bags gtud med// ra sbyin pas 'dis// rang sems nanyis med rtogs par gyis/ bta sem la bzad po med// byung ma khangs nga sa bzhin/ ming btang bzha gabral// rang bzhin ngas pas ngogs thal/ byos yul ma lus sems su shes// tshogs lo ba'i ma me

  6. 393b

    med// gnyis las gzhan sems grub pa med// rig pa ci yang ma yin pas// 'dod pa'i sems pa kun dang bral// shes pa mtha' bral stong pa nyid// ye shes 'od gAs la rang gas la rang gnas pa// yid la 'dzin med ye shes gsalnga// ral pa snang yang grub pa med// sgyu ma'i ye shes rtsal du 'phro// ma bcos sgyu ma'i lhun grub la// 'dzin pa'i sems dang dngos gzung med// ye shes rgyal ba rnam par dag/ 'dzin pa'i sems bral rig pa gsal// sems nyid nam mkha'i lta ba la// nam mkha' lta bur bsam du med// nam mkha' bsam du med pa bzhin// ye shes bsam du med pa'ang yin// cir yang mi dgongs rang bzhag pa// dus gsum rgyal ba'i lta ba yin// ltar med rang bzhag lta ba ni// dus gsum gang yang ma yin te// 'gyur med dbyings kyi lta ba yin// 'dod pa'i bya ba gang yang min// ngo bo nyid la yangs dog med// sems nyid dri ma ka dag la// 'gyur med rin chen gser bzhin no// 'dzin pa'i rlung gis g.yos gyur kyang // rig pa'i ngo bo 'gyur ba med// rgya mtsho chen po'i snang ba bzhin// phyi nang mi mnga' ye shes gsal// mtha' dbus mi mnga' phyogs dang bral// ye shes sems nyid lta ba la// rgyud de rkyen gyi rtsol ba med// rdo rje nying 'dra 'jigs pa ming // nyi ma rin chen

  7. 394a

    'bar ba ltar// rang gsal rnam par rtog dang bral// 'khor ba nyid na ye sangs rgyas// rang sems rig pa gang yang rung // bsam pa dang bral ye shes nyid/ chos dang chos nyid gang yang min// mtha' bral ye shes rdzogs pa 'di// rtag pa ma yin mi rtag min// shes pa mi dgag 'dod pa min// bya byed mi rtsol rang bzhin drag/ dbu ma chen po drang po'i sems// phyogs kyi yul la 'jug pa med// sems nyid yul la gang 'jug na// 'dzin pa'i phyogs bcas 'dod pa nyid// dbu ma'i sems dang / mi ldan par// bag chags 'dzin pa'i sems kyis dgugs// bsam med rig pa brjod med 'di// tha snyad ming la mi gnas te// gdul bya sman pa'i sems drag la// tha snyad sgra yi 'khor los bstan// snang srid snang ba sna tshogs pa// sku gsung thugs las ma g.yos te// dran rtog ting 'dzin rig pa'i thugs// nam mkha' lta bur ma bzad pa// bde chen rig pa sems kyi brgyan// rnam par rtog pa'i sgro 'dogs gcod// 'od gsal rig pa'i 'khor lo yin// lus can rnams kyi sgra rnams ni// sngags kyi gsung du grags pa yin// snang stong ginyis med rig pa'i gsung // kha dog dbyibs su gang snang ba// sku mchog brgyan gyi 'khor los zag// rdo rje lta bur dbyer med pa// sems

  8. 394b

    kyi rang bzhin kun tu bzang // sku gsum rdzogs pa'i bde ba che// bas ma med rang bzhag nyid kyi sa go// rig pa mchog ldan kun tu bzang // bka' yi 'khor lo 'bu ma phrag a sa/ ting 'dzin mi rtog rang bzhi ni gsal// rang rig 'gyur med rdo rje lung // ya shes rdzogs pa'i lung gi sa ni// thams cad ye shes ngo bor gsal// zhen pa'i sgra skur ma lus pa// e shes rig pa'i 'khor lor gcod// dran gsal rig pa'i snang ba la// gang ldan gsal ba'i rig pa mthong // rang gnas ye shes 'od gsal bas/ spyasbyin drangs ma yin e gnas pa// ye shes kun bzang 'pho 'gyur med// lhan grub rig pa rtsal med pas// spro dang bsdu ba'i ngang gi sa zhi// rang byung khyad par lam chen ni/ blang dor gnyis med rig pa'i ngang // ye shes dbu ma mtha' bral la// bgrod pa'i lam med ye sangs rgyas// rig pa kun bral chos nyid la// rang gsal 'od la gang gnas pa/ rim par ma yin cir mi dgongs// ye shes kun bzang lam chen la// blo yi stobs kyis gang 'jug pa// sbyor ldan kun gyi lam dang bral// btsal med rang byung bde chen ni// 'dod pa'i rtsol bas gang 'phangs pa'i// rims 'jug rgyu 'bras ma lus stong // kun bzang rang rig 'od gsel la// 'dod pa'i sbyor ba gang 'jug na/

  9. 395a

    phyogs bral rang byung don dang bral// rtsa ba rnam dag mkha' ltar khyab// rnam rtog 'dzin pa'i spyod yul min// sgo med stong pa'i thig le ni// rnam pa dang med gsang ba'i sems// btags pa sna tshogs ngo bo la// mi g.yo rang bzhin dkyil 'khor nas// e shes nyi mo kun mthong yang // shin tu spor ldan rnal 'byor la// btags pa'i snang ba mthong ba med// bsam gyis mi khyab gang dus na// 'od gsal yeng shes don snang yang // gang mthong sna tshogs sems dang bra'o// rang byung dag pa'i dkyil 'khor la// rang bzhag rig pa kun rtogs kyang // sbyor 'dod sna tshogs mthong ba med// gsang ba'i 'khor lo rdzogs pa 'di// rgyu rkyen mthar 'gyur rang gnas pa// dri med snying po rang gsal bas// rgyu rkyen 'dod pa'i ngo boso stong // gang zhig rgyu 'bras ngo bo nyid// des na ri bong rwa bzhin no// rgyu med rgyus bskyed de dang 'dra// rang gnas ye shes gdod nas grub// gang drag pa yi 'khor lo la// sbyor 'dred rgyus rtsol gang zhig na// 'thun pa nyid na mi mthun pa// thug pa med de gong la 'thad// khyad med pad+ma'i rang bzhin dag/ 'du byed las kyi rdo rje 'chang // 'dul mdzad ting 'dzin 'bum phrag yas// bsam bral ting 'dzin 'od gsal sems// thabs 'jug sgrub pa ma lus

  10. 395b

    yin/ mi g.yo thig le byang chub sems// yongs su ston pa'i ngo bo nyid// rang rig rdzogs pa mchog gi sku// rang byung sems la ngo bo cig/ rig pa mchog gi bstan pa ni// brjod med kun la rang bzhini ston// rnam dag rin chen lta bur gsungs// mi g.yo thig le nyid du gsal// yi ge tha dad kun dang bral// ma 'gags rang snang don du bshad// sna tshogs snang ba'i rang bzhin dag/ rang rig nges don nyid du bstan// rnam bshad rang byung bstan pa'i mchog/ rang rtsal ba yi rang bzhin gyis// de 'khor bsam pa ji bzhin bstan/ bstan pa'i yan lag 'bum phrag yas// rang byung dag pa'i shugs kyis 'byung // 'dod rtsol blo la drang ba dang // thugs kyi dgongs pa nges pa'i don// gdul/ bya rab 'bring don du bshad// nges pa'i snying po gsang ba nyid// drang ba'i don min rang byung bshad// chos sku rang byung ston pa'i mchog/ der 'dus 'khor dang bstan pa dag nyid las mi gnyis rang byung nyid// rig pa mchog gi sbyor ba la// so so ma yin brjod bya cig/ tha snyad du ma'i brjod bya gang // kun bzang rig pa'i gsang don ston// brjod pa dman pa'i sku yis bstan// rang byung rig pa mchog gi sku// rang byung mchog gi sku gsum rdzogs// ma bcos rang bzhin snying po la// 'dod pa rnam pa gang yang min//

  11. 396a

    bsgrub bya ma lus kun gyi bdag/ ye shes nyi ma sgrib med gsal// snang ba ma lus rang byung sems// rig mchog ldan pa bde gshegs bka'// rang byung tshad ma mngon sum gsal// 'khor ba'i rtog pa gcod rnying dag/ ye shes rang rig nyid du 'bar// spyi blugs tshangs pa'i thabs kyi gsal// gsang ba'i don myong 'od gsal lung // gzer chen man ngag theg pa'i sgras// rig pa'i brda 'jal tshegs dang bral// mngon sum me shes gsal ba yi// rjes su rang bzhag ye nas dpags// zhes gsung so// byang chub kyi sems rin chen 'khor lo las/ 'khor ba ye shes su bstan pa'i le'u ste gnyis pa'o// // de nas rig pa'i rgyal pos/ sems dpa' rdo rje la bka' stsal pa/ rang byung rdzogs pa lta ba'i glong // mnyam nyid ye shes rig pa'i sems// snang ba ye shes rdzogs pa nyid// nam mkha' rdo rje lta ba'i mchog/ med rang byung sems la lta// btsal med rig pa'i rnal 'byor yin// 'jug pa gnyis med rig pa'i glong // ye shes mkha' mnyam sgra don med// rang gsal yul la mi rtog pas// ye shes thig le nyi ma shar// snang med ma 'gags cir mi dgongs// sdang ba rig pa'i thig ler bsdus// sdug bsngal bde ba'i ngang du gnas// re 'dod kun

  12. 396b

    bral thob spangs med// rang byung bde ba'i sems nyid la// snang ba nyid du grub pa min// bde chen rig pa mtsho ltar zug/ ye shes rig pa mkha' ltar mnyam// dngos grub rin chen 'od ltar 'byung // zhes gsungs so// byang chub kyi sems rin chen 'khor lo las/ lta ba bstan pa'i le'u ste gsum pa'o// // de nas rig pa'i rgyal pos rang bzhin bstan pa'i don gsungs pa// rig pa'i sems nyid snang med la// ting 'dzin mi g.yo 'jug pa med// rtsol med rig pa bsam dang bral// ye shes rdzogs pa'i 'khor lo la// thig le bde chen bsam mi khyab// rol pa bde chen chu rlab snga ltar// ye shes ji bzhin mi bskyed pa// ye nas yin phyir bya mi dgos// e shes gsal ba'i phyag rgya yis// mtshan ma ye shes 'khor lo bskor// 'dzin pa'i rang bzhin kun dang bral// rang byung snying po g.yo med na// dbang sgyur rgyal po'i thugs/ dang mnyam// ting 'idzin rang bzhag mkha' dang mnyam// mi 'gyur ye shes mkha' ltar khyab// rtsol bral rig pa'i ye shes la// yangs pa med par rang bzhin gzhag dang po'i ngo la snang ba la// mi rtog rang bzhin rig par gsal// ye shes kun bzang 'phro 'du med// gang la mi 'dzin rang byung sems// mtshan ma'i spod pas 'gyur ba ni// brda/

  13. 397a

    'jug pa'i gdams ngag sbyin// ting 'dzin 'khor lo sgro skar gcod// ye shes 'khor lo mtha' dbus med// rang rig 'khor lo gzung 'dzin bral// shes rig ye shes nyid du 'char// 'dzin pa'i rim 'jug theg khyad kyis// ngos gzung rtog dang dmigs 'byed pa// 'dod 'dzin ma lus de dag stong // rang rig stong nyid rnam bcas pas// bde chen lhun grub rang rig gsal// ye shes rig pa'i 'khor lo la// gang yang yin no rnam kun bcas// ye shes rang gsal ma bisgrubs ga sa la// rnam ngag ye shes rang snang la// zhen pa'i rtog pas bzlog tu med// lhun grub 'bras bu btsal mi dgos// kun bzang 'bar ba'i ye shes la// gzung 'dzin gnyen po rten mi dgos/ thogs med rang byung phyogs dang bral/ byang chub rang sems kho na bas// lam gyis ma bcos yi sangs rgyas// gang yang rnam par ci rtog kyang // rang rig bde chen mngon sum gsal// 'dod pa'i skabs bral gang mthong tshor// rang bzhag ye shes rdzogs pa mthong // btsal med rang byung rdo rje'i bdag/ skye med rdo rje mi 'gyur 'chang / lhan grub rin chen 'bar ba'i 'od// dri med pad+mar 'byung bdag/ btsal med lam gyis 'dzin dang bral// 'dzin meda'akhor lo 'bar ba'i sku// dus gsum

  14. 397b

    nyid du 'da' ba med// ces gsungs so// byang chub kyi sems rin chen 'khor lo las/ ting nge 'dzin ye shes su bstan pa'i le'u ste bzhi pa'o// / de nas rig pa'i rgyal pos/ yang sems nyid phun sum tshogs pa'i don gsal bar bya ba'i ched du 'di skad ces gsungs so// rang byung rnam dag ye shes sku// brjod med rig pa'i bstan pa bkram// rang snang rig pa smin pa'i 'khor// ye shes rdzogs pa'i rol pa bshad// rang byung 'od gsal cig las tshogs// rtsol byas dman pa'i 'dul 'khor la// blo dang mthun par bstan pa brtags// zhes gsungs so// de nas sems dpa' rdo rjes 'di skad ces zhus so// ye shes kuH bzang ston pa'i thugs// dbyer med rang byung ngo bo nyid// bde chen lhun grub chos kyi dbyings// rnam rtog phyi nang ji snyed pa// rang byung gsal ba'i don la 'dus// rnam dag rdzogs pa de nyid kyang // dran bzhin log pa'i rmongs pas bcings// snang med rang byung bde chen la// sna tshogs dngos par rang sems 'khrul// bde 'jam dbyings las ma g.yos kyang // 'khrul rtog sdug bsngal sna tshogs myong // rnam dag mi ga yo thugs rjes shod// ces zhus so// de nas rig pa'i rgyal pos bka'

  15. 398a

    stsal pa/ ye shes rang byung chos kyi sku// kun bzung ye shes chos kyi sku// bstan pa ma lus ji snyed pa// bya med rang byung sems su bshad// de nyid gang la de dag ste// gang la bshad pa shugs kyis go/ snang dang srid pa'i chos rnams kun// rang byung sems la sa ma g.yos pas// rang rig rdzogs par shugs kyis gsal// gang la gang gsal ngo bo bstan// shugs kyis brgyud nas de mthong ba// rang byung nyi ma'i 'od kyi mchog/ ma bcos gsal ba'i 'khor lo la// 'dzin pa'i dri ma kun gyis dbyen// me shel 'od ltar rig pa 'char// bde chen reg pa'i 'khor lor bshad// brda don sgo yis rgyud don rtog/ rig pa'i gdeng ldan ye shes glong // gsal ba'i ye shes dgongs pa la// thugs rje rin chen 'od ltar 'phro// tshig gi don bral ye shes rdzogs pa che// brda bsgo lam gyi zhen pa gang bzlog kyang // brda dang tha snyad rig pa'i snying por 'char// rang byung rtsa ba ma lus gcig tu rtogs// sbyor ldan lam gyi rtog pa ma lus 'das// dngos grub rang byung dgos ces bsam mi khyab// sgron mas gser bzhin yi ge'i don du bshad// brda bral stong nyid rang la bzlog par bya// de nyid bzhin te thams cad kun la yin// rang byung bde chen 'khor lo la// ye shes don du rang

  16. 398b

    gsal zhing // 'dzin med rig pa'i mkha' la ban/ rgyub med pa'i ye shes bskyed// rang bzhin gsal ba'i 'od la bzhugs// glu ga sung gsal gA'i don snyan ma spyan rdzogs pa shes thig da// ba skad+ma sgra mi rnas shAn// ye shes mtshan pas 'dres pa'i 'ang // ngan la byud+d+had rnal rmu gas rdzogs// rin po'i byed snang gsal ba// nges med sbyor ldan blo bzhin no// bod chen rig pa'i rgyal po la// 'od gsal rig pa'i 'khor lo bskor// yi ge med pa'i rang gsal la// ye shes srog gi thur pa thebs// zhes gsungs so// byang chub kyi sems rin chen 'khor lo las/ gtan la phab pa'i le'u ste lnga pa'o// / de nas rig pa'i rgyal bos rang rig pa phun sum tshogs pa 'di bka' stsal to// ye shes khyab bdag rig pa'i sku// rang byung rig pa ma 'gags gsal// brjod med sems kyi de kho na// rang byung ston pa thugs rje'i bdag/ 'gro drug sems can thams cad kyi// rang sems ston par ma shes na// rang byung mthong ba yongs mi 'gyur// de sa na ye shes rdzogs pa'i don/ rang rig bde bas shes par gyis// rang byung rgyal po ston pa'i mchog/ ye shes ma 'gags cir yang gsal// rig pa glong gi 'khor du rdzogs// rang sems

  17. 399a

    bde la kun rdzogs pas// bstan pa rgya mtsho rigs pa'i klong // rnam dag par sems skye med pas// 'gyur med 'khor la rig pa'i gnas// ye shes rtsal med gnas kyi mchog/ rang byung ston pa 'od gsal thugs// 'dzin med rig pa'i nyi ma shar// me she la 'od ltar byin rlabs 'khrigs// 'od gsal rig pa'i bstan pa sgrogs/ rang byung rkyen bral gnas kyi mchog/ rang byung bde chen ye shes rol pa'i sku// yi ge brda bral ye shes rig pa'i gsung // tshig gi lam chad ye shes sgron ma 'bar/ len med 'dzin bral bde mchog gsang ba'i lam// brda yi 'jug pas gsang ba'i don mi gsal// ming dang don med rang byung ye shes gsal// rig pa thig le gsal ba gsung / brjod med ye shes 'khor lo bdag/ tha snyad kun bral brjod bya ba dag/ bdag med rang byung ye shes nyid// rig pa'i 'khor lo dag la 'char// bde chen 'od 'bar thig le'i mtha'// rang byung gzer chen rang la 'debs// rang byung 'khor lo rang la gcod// rig pa'i phyag rgya 'gyur ba med// ces gsungs so// byang chub kyi sems rin chen 'khor lo las/ phun sum tshogs pa'i de kho na nyid bstan pa'i le'u ste drug pa'o// // de nas rig pa'i rgyal pos btsal ba med pa'i chos dang chos can

  18. 399b

    mi dmigs pa 'dri bka' stsal to// btsal med rang bzhag ye sangs rgyas// rnam dag rang byung snying po la// thams cad ye shes snying por gsal// ye shes 'khor lo snang med/ ye shes rin chen rtsol dang bral// rang byung mi 'gyur kun tu bzang // sems nyid byang chub rig bdag la// lus ngag sems kyi rtsol med pas// ting 'dzin mi ga mo 'jug dang bral// rang byung 'khor lo rol pas rol// ye shes spyod pa pad+ma ltar// spyod bzhin ma chags ye nas dag/ bsam dang bral ba'i chos nyid la// ye shes 'khor lo rang bzhin te// dus gsum g.yo ba med par gnas// rtog pa'i dngos po gang snong yang // rang byung rig pa'i 'khor los gcod// rig pa rgya mtsho mkha' ltar zab// mngon sum snang ba'i ye shes la// sangs rgyas sems can khyad med kyang // rang dbang sems la mi gnas na// sems nyid bde bar spyod mi nus// 'dzin med dag gi lcags bkrol yang // goms pa'i bag chags bcings dang 'dra// ye shes 'khor lo rab dbang na// ji ltar gnas kyang bya btsal med// rig pa mtha' bral dkyil 'khor la// lus kyi brtsal med dkyil 'khor gsal// rang snang rig pa 'od gsal la// ngag gis brtsal med rig pa'i gsung // mi 'gyur kun bzang ye shes la// thugs kyis

  19. 400a

    brtsal med bsam dang bral// snang ba gzugs kyi snang ba kun// mnyam nyid chos kyi skun thim// grags pa sgra yi snang ba kun// mtshon pa'i rang brtags gsung du thim// shes rig ma lus ji snyed pa// thugs kyis mtshan pa'i rang brtags te// ye shes rig po'i thugs su thim// rig pa 'gyur med rdo rje ltar// dbyer med ye shes bya btsal bral// zhes gsungs so// de nas rdo rje sems dpas 'di skad zhus so// rnam dag yeng shes dkyil 'khor nas// 'gro drug ye nas sangs rgyas kyang / lam stobs drag pos bdag zhugs te// rang rkyen log pa'ashugs kyis dkrugs// rang bzhin rin chene nar bral bas// ris drug gnas su 'khor bar khyams// dus 'dir thugs rje'i byin rlabs kyis// rdzogs pa'i sems la mas skyes pa// de tshe rtsol bral 'bras bu yod// rnam rtog g.yo ba ci 'gyur ba// rig pa'i don la gang gis bstan// des pa'i gras 'don gang gis mthong // zhes gsungs so// de nas rig po'i rgyal pos bka' stsal pa// ye shes rdzogs pa'i sems bskyong zung // spro ba'i sems ldan don la sbyor// rang bzhag rig pa ma yin par// brdo sgo rtogs pa'i rjes ma 'brang // bde chen gsang ba'i 'khor lo la// gnyis su med pa'i rang bzhin pas// chos can chos nyid gang yang min// 'dod po'i blo yis gang

  20. 400b

    sbyar ba dman pa'i sems la bstan pas zad// bsam bral ye shes 'khor lo la// chos dang chos nyid gang 'dod pa// rang byung gsang ba'i sems ma shes// bde mchog 'khor lo'i don ma rnyed// mi 'gyur gsal ba'i sems dang bral// ye shes rin chen 'od kyang nub// 'khor ba'i lcags las thar pa med// sna tshogs 'khor lo'i rang bzhin la// rmongs pa'i blo yis blang dor byed// gnyis med rang byang 'od gsal la// sgo dang skur pa sa rang sems sAngs// zhes gsungs so// byanga? chu ba kye sems rin chen 'khor lo las// brtsal ba med pa la chos dang chos can ma grub par bstan pa'i le'u ste bdun pa'o// // de nas yang rig pa'i rgyal pos/ ye shes rig pa'i spyod pa 'di gsungs so// ye shes bde mchog kun tu bzang // rang byung nam mkha' rdo rje nyid// la spyod kyang chag pa med// sgo gsum bag yang sa lhag pa nyid// snang med rang byung ye shes gsol// rang bzhag ye shes spyod pa la// blang dor gnyis med bde chen dang // mkha' mnyam ye shwe rang byung la// dus gsum 'da' ba med par gnas// rang 'bar ye shes dkyil 'khor nas// dngos grub rin chen 'od ltar 'byung // ye shes rgya mtsho mu mtha' med// 'od gsal rig pa'i ge dang ldan la/ mtshon pa lam gyi rgyu dang bral// rang byung lu na don mthong bas// lung chen tshad ma kun gyi bdag/ rig pa'i ye shes brjod bral bas// brjod pa'i lung la sems mi 'khyug/ sems nyid rig pa'i

  21. 401a

    sgron ma yis// rin chen med shel ltar gsal bas// rin chen man ngag kun gyi bdag/ kun gsal me long mthong thob pas// rna rgyud sgra la rag ma las// chos nyid nam mkha' lta bu la// rang byung gsal ba'i nyi ma shar// bsam sbyor blo yi dri ma dag/ 'dod 'jug rim rtsol kun dang bral// bsam med rang bzhag spyad par gnas// sku gsum rig pa'i dkyil 'khor nas// thugs rje nyi ma'i zer shar nas// 'gro 'dul spyod pa ci bder spyod// thabs kyi rig pa ra shar nas// ye shes gsal bar 'gro don mdzad// yeng shes rang byung 'dren skur shar// sna tshogs spu la sku rin chen spros// gang dag dman po'i 'khor dag la// blo dang mthun pa'i bstan pa bkod// 'dod pa'i blo yis dpag med kyang // thig le gcig lus 'das pa med// sbyor ldan blo yi theg pa rnams// ye shes thugs rje'i skur byung nas// rang byung gcig la bstan par zad// rim 'jug blo yi theg pa rnams/ 'dren pa'i sku yis drang don bstan// nges pa'i theg gcig snying po la// 'dod pa'i yan lag kun dang bral// bstan pa'i rnam pa ma lus kun// yeng shes rig pa'i bka' la rdzogs// zhes gsung so so// byang chub kyi sems rin chen 'khor lo las/ spyod pa bstan pa'i le'u ste brgyad pa'o// // de nas rig pa'i rgyal pos/ rang byung rdzogs pa'i

  22. 401b

    dkyil 'khor 'di bka' stsal to// sems nyid rang byung dkyil 'khor ni// ma bcos rig pa lhun grub ste// mtha' dbus med pa'i gzhal yas na// rang dbang ye shes rdzogs sangs rgyas/ rang byung rig pa 'khor mtha' med// lhun grub po brang chen po ni// spyan drangs ma yin yi sangs rgyus// rang byung gsal ba'i sngags ldan pa'i// lha yi snying po dbul mi dgos bde chen gsol ba'i don ldan pas// ye shes gsang ba'i dkyil 'khor me nyes// rang byung gsal ba'i sems nyid kun gyi lha// dus gsum 'du 'bral med pa thugs dam mo// rnam dag reg pa ka dag la// nyes pa'i dri ma dang bral ba'i// ye shes dam tshig rnam par dag/ brjod med rig pa'i don mthong na// rang byung gsal ba'i dam tshig thob// rang ba zhag sems las mi 'da' na// mi rtog dam tshig nyid yin pas// rang byung dam tshig rnam par dag/ mi rtog ye shes 'dzin bral la/ bsod nams ye shes lha ni gyis grub// rdo rje gsang ba'i dkyil 'khor ni// 'gyur med rang byung kun tu bzang // ye shes gsang ba'i dkyil 'khor ro// mtha' dbus med pa'i snying po la// spang len med pa'i sems kyis 'jug/ rang bzhin rnam dag dbye ba med// lhun grub rang bzhin ye sangs rgyas// rang rig 'od gsal rnam par dag/ ye shes gang mtshon mtshan nyid gsal// lhun grub rang rig kun tu bzang // ye shes rdzogs pa'i dkyil 'khor lta/

  23. 402a

    gzung 'dzin da bral dri ma med// ye shes sgyu ma kun tu bzang // rang byung sgyu ma ngos bzung med// rnam dag ra 'byung dkyil 'khor gsum// ma skyes spyan grub bya ba med// don ma gang 'jug sbyor ldan rnams// yi ge brda med gnyis med gsal// sgyu ma bya bral rig pas rtogs// rang snang rig pa'i 'od la bzhugs// bsam med rang bzhags lo ba// ci yang ma yin gyi nag rang gsal ye shes nyi ma'i 'od// kun bzang rgyal ba'i thugs dam mo// zhes gsungs so// de nas sems dpa' rdo rjes 'di skad ces zhus so// snang med rang snang bde chen la// brtags pa'i snang bas gnyis su mthong // rang bzhin rnam dag srer bzhin yang // thog med dus nas don ma mthong // dus 'dir sbyor 'jug gang dag ni// gsang ba'i don la mos pas 'jug/ gsal byed rin chen sgron ma gang // 'dzin pa'i dri ma gang gis drag/ beng chen gsang ba gang gis mnyes// zhes zhus so// de nas rig pa'i / rgyal pos bka' stsa lA pa// bsam gyis mi khyab dus gang la// gang ldan rig pa'i lce mig gis// rin chen semasi nyid khong du chud// snang ba'i snang ba ci 'gyur yang // yid la mi byed rang bzhag na// 'dzin pa'i dri ma rnam par dog/ ces gsungs so// byang chub kyi sems rin chen 'khor lo las/ dkyil 'khor gsang ba'i le'u ste dgu pa'o//

  24. 402b

    / de nas rig pa'i rgyal pos/ sems dpa' rdo rje la 'di skad ces bka' stsal to// sems nyid gsang ba sngags kyi lha// rang bzhin dag pas sbyang mi dgos// ldan pa de nyid tsam du zad rang rig rdzogs pa'i ye shes la// ngo bor grub pa gang yang med// rtogs pa'i mthu yis cir yang mthong // me long dag pa'i gzugs brnyan ltar// ye shes gsang ba'i gdams pa yis// rig pa'i ye shes kun tu bzang // yi ge med pa'i don du mthong // rang gsal rjes su rang bzhag na// e shes rdzogs pa rjes su dpags// rang rig rdzogs pa nyid na gsal// ye ga sa la rig ba'i 'khor lo lo// 'dod pa'i blo yis gang rtsol ba// ra 'dod theg pa'i khyad par ni// gsang ba'i don la ma lus stong // 'dod pa'i stobs kyis 'phangs nas rtsol// rang gsal 'khor lo'i don dang 'gal// 'drod rgyus gsal ba'i ye shes kyang // rtsol ba nyid las 'da' ba med// rdzogs pa'i ye shes bde chen ni// rang bzhin rig pa'i 'khor los dag/ rnam dgarang byung 'od gsal la// glo bur sgrib pa dang gis med// rang bzhin ma yin rkyen gyis snang // rang bzhin ba gang dag ni// glo bur rkyen la rag las yin// rang gsal rig pa'i rang bzhin dang // 'khor ba'i rtog pabi'i rang bzhin cig// gang la spang bya ma yin te// gang gi rnam pa de gang bzhin// de bzhin 'gyur ba de nyid med// sems ni ji bzhin mnyam pa nyid// sangs rgyas thugs kyi rnal 'byor to// yang dag lam la mi ge med// zhing nyid

  25. 403a

    @##du bdag 'jug pas// thob pa med cing spangs pa med// rig pa'i thugs la gsal bas gsang // byang chub sems kyi ye shes ni// rnam shes dmigs pa'i yul las 'das// rig pa 'od gsal gzung 'dzin med// byang chub snying por bzhugs pa'i tshe// ngo bo nyid ni dmigs su med// ye shes kun bzang rnam par dag/ 'bar ba'i ting 'dzin ngo mtshar che// rang gsal reg pa cir mi dgongs// bde gshegs 'khor lo ngo bo ni// mi 'joms pa a rdo rje 'chang // kun 'byung rin chen lta bu'i 'od// skyon khyad ma grub 'od gsal nyid// bcos med dgongs pa ci yang min// gzhan na de la de bzhin pa// shes pa du ma gang ma nges// de 'od nyid la de ltar 'gyur// rtsol 'jug gang dag de don la// mthar 'gyur de bzhin de la 'byung // des na gnas pa'i don yin na// bde ldani rig pa'i sangs rgyas la// rtog pa'i rnam pa kun med pas// gang zhig 'bras bus ji ltar 'dod// sbyor ldan don la yin pas na// de bzhin thams cad dag par 'gyur// zhes gsungs so// byang chub kyi sems rin chen 'khor lo las/ rig pu rgyu rkyen gyis ma bskyed pa'i le'u ste bcu pa'o// // byang chub kyi sems rin chen 'khor lo zhes bya ba'i rgyud rdzogs so//