ye shes spyan sgrub pa zhes bya ba
Jñānacakṣusādhanāma
Text
ff. 246b–248a · 4 folio sides
- 246b
byed// bde ba sbyongs shig rnal 'byor pa zhes dang // sangs rgyas mkha' 'gro na re// ma btsal lhun gyis grub pa'i don// dri ma med pa po shes pas// 'khor ba mya ngan 'das par grol// rang rig sangs rgyas bla na med// gnas lugs rtogs shig rnal 'byor pa zhes gsungs nas gsang tshig snying gtam du gdams te rang gnas su gshegs so// de nas bla mas yul dbus 'gyur tshal du byon sangs rgyas kyi bstan pa dar bar mdzad do// gnas pa rtsa yi dus 'khor gyis// phyi nang chos kun shes par byed// g.yo ba rlang se dus 'khor gyis// sred dang zhi ba kha lo sgyur// 'gyur ba byang sems dus 'khor gyis// phun sum tshogs pa skyed par byed// 'khor// lo gsum gyi den thos nas// 'khor lo gsum gyi don bkod pas// khams gsum gnas pa'i sems can rnams// sku gsum mngon du rtags par shog/ dpal dus kyi 'khor lo 'i man ngag/ 'khor lo gsum byigyi ri pa nyi ma zla ba sgrub pa zhes bya ba rdzogs so// // rgya gar shar phyogs dza ga d+ha la'i paN+Di ta ma hA bi b+hU ti tsan+d+ras// dpal dang ri glang 'khor du sgra rang 'gyur du bsgyur nas gsungs pa'o// dge'o// gi se shes kun grub shes bya ba bzhugs so// rgya gar skad du/ dz+nyA na tsak+Shu sA d+ha nA ma/ bod skad du/ ye shes spyan sgrub pa zhes bya ba/ dpal rdo rje sems dpa' la phyag 'tshal lo// sku gsungs yon tan phrin las rab rdzogs pa'i// spyan lnga sgrib med 'gro ba'i don mdzad pa// dpal ldan lha'i sku la phyag 'tshal lo// dpal ljon dus 'khor dam pa dang po las// mkha' 'gro rab gsang spyan lnga rab sgrub pa// sgrib pa dang bral gsal bar bdag gi so bri// dur khrod shin tu bla gab can yid 'ong // phyi nang gsang ba'i mchod pas rab mchod nas// khrus byas gtan gnas tshangs pa'i gnas bzhi ldan// skyil krung bcas nas dbang po rnam
- 247a
par phye// thub pa'i lta bas rnam par bltas pa ni/ smig rgyu du ba me khyer mar me mkha'// zla nyi rA hu la dang glog ltar snang // thog med snang ba la sogs gang yang 'byung // brjod kyis mi lang yi spyan gyis mthong // srog rtsol sbyor bas 'dzin pa sbyang // rdo rje gtsug tor lta stangs lus gnas ldan// nam mkha' sems can mig gi 'dzum pa yi// rdo rje'i lam du zhugs pas nam mkha' las// du ba smig rgyu srin bu me khyer dang // mar me 'ab ro dang zla ba nyi ma dang // rA hu la dang glog dang thig ler snang // snyigs ma snang ba rab tu 'byung ba yin// gnas shing mkha'i sbyor ba yis// dkar dang ser dang dmar dang ldan// mthing kha sangs rgyas 'od rnams 'char// 'od chen rnam par snang bar byed// 'od skor 'og min zhing yang mthong // gzugs brnyan gnyis kyi sbyor ba yis// de nang gzugs brnyan yul med pa// longs spyod rdzogs sku du ma mthong // rdzogs pa'i sangs rgyas lam me ba// lha yi spyan gyis rnam par mthong // ye shes mig gcig dri ma med// bcom ldan 'das kyis 'dus pa las// srog rtsol sbyor bas 'dzin pa sbyangs// rten 'gyur rdo rje'i lam nas ni// nam mkha'i khams su spro bar bya// mngon shes lnga ni thob par 'gyur// 'od kyi dkyil 'khor 'char bar 'gyur// d+hU tI'i nang du 'od gsal gzung // rtog med sems kyi de nyid shes// rdo rje lus kyi da nyid mthong // gsang sngags chos la mkhas par 'gyur// srog rtsol sgo ru 'od gsal gzung // rgyu ba rlung gi de nyid shes// rlung lnga'i kha dog mthong bar 'gyur// zhi rgyas las rnams dbang du 'du// snang ba'i steng du 'od gsal gzung // phra ba 'od la brten nas ni// rags pa'i 'od chen po spras pas// rtog med 'di la srid 'das snang // kun rdzob rgyu dang 'bras bu'i chos// chos kyi spyan gyis mthong bar 'gyur// 'gro ba'i mar
- 247b
me ye shes sgron// sgrib pa med pa chos kyi spyan// spyi dang rang gi mtshan nyid shes// shes rab spyan gyis rnam par thob// da ni sangs rgyas spyan bsgrub te// srog dang rtsol ba la brten nas// rtog med chos sku mthong bar 'gyur// rdo rje'i sbyor bas longs sku mthong // gnyis med snang dag sprul sku mthong // rtog med gsal bas me long ye shes dang // rtog med ngang las 'od rnams so sor rtog/ snang tshogs stong snang mnyam nyid ye shes so// rnam par dag pas bya sgrub ye shes te// ma skyes tshes shes chos dbyings ye shes so// ye shes lnga mthong sangs rgyas kun dang mnyam// rang bzhin lhun grub sangs rgyas ni// mdor na phung po drug rnams ni// sangs rgyas drug tu rab tu grags// rdo rje'i skye mched nyid dag kyang // dkar dang sgrol ma zhes sogs pa// me dang rlung sogs rab tu drags// phyi nang gsang po'i dkyil 'khor gyi// sangs rgyas bde chen zhing khams gnas// de la bcom ldan dam bcas pa// bsam pa thams cad yongs spangs nas// zhag gcig yongs su brtag par bya// gal te yid ched ma byung na// de tshe de tshig bdag gis brdzun// snyan rgyung lag len ldan pa gces// skye ba bskyed pa'i rim pa las// 'chi ba rdzogs pa'i rim pa 'jug/ 'byung ba rim par thim pa las// phyi ru stobs thim nang du nus thim na// 'od lnga spun la sogs pa'i bsu ba 'byung / rigs lnga snyoms 'jug ye shes ngo yi gzung // 'od gsal chos sku'i ngo bo sangs rgyas 'byung // 'chi ba zhes bya rnam rtog ste// mkha' spyod gnas su khrid pa'o// 'chi ba 'od gsal tshes sku las// bar de longs spyod rdzogs sku 'char// snang ba mched dang thob pa las// snga gzugs srid pa'i sha gzugs can// dbang po tshang kun thogs med 'gro/ las kyi rdzu 'phrul bsam mi khyab// 'jigs pa'i sgra bzhi yang dag g.yang
- 248a
sa gsum// thig le mi brtan bzhin du snang bar 'gyur// snyigs ma nyams pas 'khrul snang sbra ru ljang // 'od lnga nyams pas rig drug gnas su skye// snang ba la sogs chos kyi sku ru shes// 'khrul pa'i snang ba rang gi mdangs su shes// 'jigs skrag med shes skyes bu las zin 'dra// spros bral mkha' mtshungs chos sku pha la skyes// dngas ma'i 'od las longs sku zhal yang mthong // nyon mongs lnga dag ye shes lnga ru shar// zag med bde ba nam mkhar mi shong ngo // skye ba sprul pa'i sku ru mngon sangs rgyas// thabs dang shes rab gnyis dang sku gsungs thugs// sa bcu pa spyod nas gsangs pa'i sgo las ni// byon nas 'gro ba'i don ni byed par 'gyur// dus 'khor shes kyang gdams pa 'di mi ldan// ngal ba don med sangs rgyas 'bras mi 'byung // phyi rtsis gsal yang snying po'i don mi gsal// de bas skal ldan 'gro kun phan phyir bris// dus kyi 'khor lo'i gdams pa dam pa dang po las// spyan lnga bsgrub pa'i thabs slob dpon dus zhabs kyis mdzad pa rdzogs so// // dus zhabs kyis thugs rje chen po la sogs pa rig gsum mgon po lagasan no// des ye shes kyi mkha' 'gro sur+ya d+harmA la/ de sa rat+na shrI b+hi dra laM/ des shAkya shrI b+ha dra la/ des rgya gang shar phyogs dzA ga d+ha la'i paN+Di ta ma hA bi b+hU tI tsan+d+ras sgra rang 'gyur du mdzad nas bsgyur ba'o// dge'o// khyogasuM kyi'i ting rigs pa bshes kyi phru// rgya gar skad du/ tri dzo gi hrid bya ka ra nA ma/ bod skad du/ rnal 'byor gsum gyi snying po gsal ba zhes bya ba/ 'jam pa'i dbyangs la phyag 'tshal lo// oM rdo rje sems kyis snang ba lam du nges// hUM rdo rje sems dpa' phyag 'tshal nas// sbyang pa rab tu gyur pa'i lam// phyag rgya chen po bsgom par bshad// dbang gis smin byas dam tshig ldan// de la rnal 'byor gsum bstan
Colophon
spyan lnga bsgrub pa'i thabs slob dpon dus zhabs kyis mdzad pa rdzogs so/_/dus zhabs kyis thugs rje chen po la sogs pa rig gsum mgon po la gsan no/_des ye shes kyi mkha' 'gro suR+Ya d+harma la/_des rat+na shrI b+ha dra la/_des shAkya shrI b+ha dra la/_des rgya gar shar phyogs dzA ga d+ha la'i paN+Di ta ma hA bi b+hu ti tsan dras sgra rang 'gyur du mdzad nas bsgyur ba'o