gshin rje gshed dgra nag po'i 'khor lo las thams cad grub par byed pa zhes bya ba'i rgyud kyi rgyal po
Yamārikṛṣṇakarmasarbacakrasiddhakaranāmatantrarāja
Text
ff. 119a–134a · 31 folio sides
- 119a
sngon gyi thugs dam las mi 'da'// mi 'grub pa ni mi srid do// ya ma rA dza sa do me ya/ ya me do ru Na yo da ya/ ya so ni ra ya kA ya/ yak+She yats+tsha ni rA ma ya hUM hU phaT/ phaT// de skad smras pa dang // rdo rje 'jigs byed chen po yis// chos kyi rgyal po la sogs pa// gshin rje'i pho nya la sogs kun// sgrol ba'i gang du byin gyis brlabs// ma dang sring ma bu / mo dang // 'khor bcas kun la bka' bsgo ba// lnga brgya dus kyi mtha' ma la// nga yi bstan pa 'byung ba'i tshe// rnal 'byor rig 'dzin ldan pa la// bka' bsgo'i las rnams tshul bzhin gyis// zhes pas dam bcas pas dang / mnan bzhin du mna' bor ro// gtam rgyud kyi rtog pa rdzogs so// rgya gar skad du/ ya mA ri kr-iSh+Na karma sarba tsakra sid+d+ha ka ra nA ma tan+t+ra rA dza/ bod skad du/ gshin rje gshed dgra nag po'i 'khor lo las thams cad 'grub par byed pa zhes bya ba'i rgyud kyi rgyal po/ bcom ldan 'das rdo rje mkha' 'gro la phyag 'tshal lo/ / 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje'i btsun mo'i b+ha ga la gti muka rdorje dang / ser sna rdo rje dang / 'dod chags rdo rje dang / phrag dog rdo rje dang / sa rdo rje dang / chu rdo rje dang / me rdo rje dang / rlung rdo rje dang / byang chub kyi sems bde ba chen po ma dang / yon tan
- 119b
byi 'phreng ba ma dang / sems can gyi rgyud tshim par byed pa ma dang / btson 'grus kyi ngo bo ma dang / bdug spos ma dang / me tog ma dang / mar me ma dang / dri chab ma dang / de la sogs pa dpag tu med pa dang thabs cig tu bzhugs so/ / de nas lha mo be ta li stan las langs te thal mo sbyar nas/ bcom ldan 'das la 'di skad ces gsol to// bcom ldan 'das da ltar 'di na gdug pa can rnams kyis sems can thams cad la 'tshe bar bgyid pa dang / ma 'ongs pa na'ang theg pa chen po pa dang / sems can thams cad la'ang 'tshe bar bgyid pa dag 'byung na de rnams ji ltar tshar gcad par gyis/ de nas bcom ldan 'das bgegs thams cad 'joms par byed pa zhes bya ba'i ting nge 'dzin la sgom par zhugs te/ nyid kyi skra gsung thugs rdo rje las snying po 'byung ngo / / hrI/ de ma thag tu bcom ldan 'das nyid zhal drug pa/ phyag drug pa/ zhabs drug pa'i ngo bor gyur nas/ ma he ru gnyis pa la brdzis te/ ma he'i bdag po chung ma bcas par/ oM hrIHSh+T+rIHwi kr-ita nan hUM hUM phaT phaT swA hA/ zhes zhal bzhad pa dang bcas pas/ oM gsung zhing mnan par gyur to// lha dang / lha ma yin dang / bdud thams cad kyis skrag cing 'dar ba dang bcas pas 'dud par gyur to/ / tshangs pa dang dbang po la sogs pa thams cad kyang phyag 'tshal zhing 'dud par gyur to// de nas bcom ldan khro bo yi// rgyal po chen po rab 'jigs
- 120a
thugs rje chen po dang ldan pas/ / gsung ni 'di skad bka' stsal to// de nas sgrub pa bshad bya ba// rtsibs brgyad dbus kyi lte ba la// bdag nyid phyag da zhal rnams ni/ / drug drug ldan par gyur pa sgom// zhabs kyang re dang 'dra ba ste// g.yas kyi dang po'i phyag na ni// rdo rje tho ba g.yas gnyis na// ral gri de bzhin g.yon gyi yang / / dang por zhags pa sdigs mdzub ldan// gnyis par gtun shing legs par 'dzin// rdo rje drile bu mtha' mas bsnams// steng zhal nag po rab 'jigs pa// zhabs gnyis rdo rje skyil krung ste/ / brkyang bskum gar gyis zhabs bzhir gnas// stag lpags kyis ni rnam dkris shing // seng ge ser la ral pa ni// gyen 'greng 'dus te spyi bor yang // thod pa'i 'phreng bas rnam par bcings/ / 'di ni khro bo tshol pa ste// lag cha sna tshogs dag dang ldan// shar rtsibs la sogs rnam bzhi la// gti mug sogs te bzhi po yang // dkar dang ser dang dmar ba yang / / de bzhin bzhi pa ljang khu ste// g.yas kyis 'khor lo rin chen 'bar// pad+ma sna tshogs rdo rje ste// g.yon gyis dril bu legs par 'dzin// mtshams su laM sogs la skyes pa/ / lha mo bzhi po nges par bsam// bdag po 'dra ste sgeg nyams 'dzin// grA yi lha mo mtshams la ni// lA s+ye mu ti kur ldan no// rin chen 'phreng ba phyag gnyis bsnam//
- 120b
pi wang sgrog pa'i gsung dbyangs can// gar gyis rgyas par 'gro ba yi// don la rtag tu brtson 'grus ldan// bdug spos sogs dang bzhi po yang // rang gi mtshan ma nges par 'dzin// phyag rgya'i sngags rnams brjod pas so/ / de nas yang bcom ldan 'das de bzhin gshegs pa thams cad kyi bdag pos gti mug rdo rje'i sngags 'di gsungs so// oM dza na dzi ka/ de nas bcom ldan 'das de bzhin gshegs pa thams cad kyi bdag pos sngags 'di gsungs pa ni ser sna rdo rje'o/ / oM rat+na d+h+r-i ka/ de nas yang bcom ldan 'das de bzhin gshegs pa thams cad kyi bdag pos sngags 'di gsungs so/ / oM A ro li ka ste 'dod chags rdo rje'o// de nas yang bcom ldan 'das de bzhin gshegs pa thams cad kyi bdag pos phrag dog rdo rje'i sngags 'di gsungs so/ oM pradz+nyA d+h+r-i ka/ de nas yang bcom ldan 'das de bzhin gshegs pa thams cad kyi bdag po bde bar gshegs pas rdo rje'i sngags 'di gsungs so// lo tsa na hUM/ de nas yang bcom ldan 'das de bzhin gshegs pa thams cad kyi bdag pos chu rdo rje'i sngags 'di gsungs so/ / oM mA ma kI tAM/ de nas yang bcom ldan 'das de bzhin gshegs pa thams cad kyi bdag pos me rdo rje'i sngags 'di gsungs so/ / paN+Di ra hrI/ de nas yang bcom ldan 'das de bzhin gshegs pa thams cad kyi bdag pos rlung rdo rje'i sngags 'di gsungs so// tA ra a/ de nas bcom ldan 'das de bzhin
- 121a
gshegs pa thams cad kyi bdag pos bde ba chen po skyed par byed pa'i sngags 'di gsungs so/ / lA s+ye/ de nas yang yon tan brgyud pa bla ma'i sngags 'di gsungs so// mA le/ de nas bcom ldan 'das kyis dbyangs can ma skyed par byed pa'i sngags 'di gsungs so// gI ti/ de nas yang bcom ldan 'das kyis gar ma'i sngags 'di gsungs so// nr-i ti de nas bcom ldan 'das kyis mchod pa'i sngags rnams gsungs pa ni/ oM badz+ra d+hU pa/ oM badz+ra puSh+pa/ oM badz+ra dI pa/ oM badz+ra gan+d+he/ de nas yang bcom ldan 'das thams cad 'gugs par byed pa'i sngags dang / de bzhin gshegs pa thams cad zhugs pa dang / de bzhin gshegs pa thams cad bcings pa dang / de bzhin gshegs pa thams cad rjes su dgas par byed pa'i sngags rnams bcom ldan 'das de bzhin gshegs pa thams kyi bdag pos gsungs pa ni/ oM badz+ra aM ku sha dzaH/ oM badz+ra pA sha hUM/ oM badz+ra s+pho Ta baM/ oM badz+ra A be sha hoH/ blo ldan mkhas pas ci nus kyis// thig gis thig ni gdab pa la/ / tshad ldan 'jur mdud med pa dang / gsher zhing gsar pa mdzes pa yis// shar du bltas te gdab par bya// tshangs thig gnyis pa gdab pa yang // lho ru bltas te gdab par bya/ / de 'og mtha' yi thig gdab pa// byin par gnas te dbang ldan blta// rlung gnas bden bral kha bltas te// nub tu legs par bri bar bya// de nas shar du kha bltas te// byang du bris te
- 121b
byin zar gnas/ / bden bral min po'i mtha' ma gdab// blta ba bden bral phyogs su'o// slob dpon ldang min grogs po ni// ri dgas zhon pa'i phyogs 'dug ste// mtshams thig dang po gdab par bya// gnyis pa'ang bden bral phyogs 'dug ste// bgegs phyogs brkyang la gdab par bya// dbus dang mtha' mar phye ba yi// gzhal yas khang pa'i mtshan nyid ni// gru bzhir bgyi zhing sgo bzhi dang // rta babs bzhi ni brgyan pa yi// dbus kyi rtsibs brgyad lte ba la// rdo rje tho ba bri bar bya// nyi ma'i dkyil 'khor dbus nyid du// gri gug kyang ni bri bar bya// shar rtsibs 'khor lo chen po ste/ rin chen lho yi phyogs rtsibs la// pad+ma dmar po nub tu za// byang du rdo rje kun tu rtse// shar lho phyogs su'ang de dang 'dra// grwa bzhir rgyal po'ang nyis brtseg tu// mtshan ma rnams ni legs pa bri sgo bzhi dag tu bri ba yang / / lcags kyu zhags pa sgrog dril bu// gzhan yang rgyan kun legs par bri// mchod pa legs par dgram par bya// khu tshur dku gnyis gzhag pa dang // de bzhin dpral bar nyug pa dang / / kha nas 'byin dang gar bskyod dang // bdug spos nyug dang me tog 'thor// mthe bong bsgreng ste rang lus la'am// gzhan la nyug tshul gnas pa ni// brgyad po mchod pa'i lha mo dag/ bskyed dang legs gnas phyag rgya yin// sku gsung thugs kyi lha rnams dang // rang lus bcug ste gnas pa la// sngags kyis byin gyis brlabs pa ni// oM sarba ta thA ga ta kA ya badz+ra
- 122a
swa b+hA ba At+ma korga/ oM sarba ta thA ga ta bA ka badz+ra swa b+hA ba At+ma ko rahA/ oM sarba ta thAg tsit+ta badz+ra swa b+hA ba At+ma kohaM/ mig sogs byin gyis brlab pa la// gti mug rdo rje sogs kyis gsungs/ / dbang sbubs stong pa nyid byas te// snying po 'am ming gi yi ge yis// rigs kyis phyag mtshan bsnams pa yi// sku rnams nges par bskyed pas so// de nas bcom ldan 'das de bzhin gshegs pa thams cad kyi bdag pos bdag bdud rtsi myang ba zhes bya ba'i ting nge 'dzin la snyoms par zhugs te sngags 'di gsungs so/ / oM AHhUM/ dag cing 'bar ba rnam brtags te/ / nyi ma'i dkyil 'khor dbus gnas pas// zhe sdang rdo rje'i bdag po ste// zla ba'i dbus su gti mug bsam// rin chen dbus su bsam pa yang // ser sna nyid du bsam par bya/ / pad+ma'i dbus su 'dod chags bsam// sna tshogs dbus su phrag dog bsam// bsam bya ljags la sa bon te// 'phros pas bkug ste tshim par bya// shar ni dkar po chen po ste/ / lho ni ser po nyid du'o// nub ni dmar por nges par shes// byangan ljang khur yang dag ldan// de las de bzhin re ba'i rim// dkyil 'khor sgom pa'i tshe na yang // byams dang snying rje dga' btang snyoms/ / tshad med pa yi rim pa yis// sems can rnams la phan gdags phyir// brtan dang g.yo ba'i dngos po rnams// yod min med min gnyis ka min// gnyis ka
- 122b
min pa'ang ma yin te/ / spos bral jo bo med par sgom// oM shU n+ya tA dz+nyA na badz+ra swa b+hA ba At+ma ko u0f856/ raM las nyi ma rnam bsgoms te// de dbus las kyi rdo rje ni// kun tu rtse lnga'i rang bzhin te/ de dbus hUM las rdo rje ni// kun tu phra mos bgegs bcom ste// ra ba gur dang sa gzhi yang // de yi 'og tu nges par sgom// gru gsum gyen bsgreng dkar po ni// shin tu gsal bar bdag gis dmigs/ / zhe sdang las ni sngar ma byung // byung zhing 'byung bar mi 'gyur ro// byang chub sems la gzhol ba dang // gtong zhing thos pa'i khengs pa med// le lo bcom zhing khro ba med// ser sna med de g.yo yang med// sgyu spangs shes rab gsal ba dang // gcig tu theg pa che la gzhol// de ni dka' ba med par yang // gzhan gyi don du 'di brtsams na// grangs ni bye ba tshang ba yis/ / bcu bzhir tshang ba'i gsang sngags kyis// las rnams kun grub the tshom med// yang lha mos/ bcom ldan 'das la 'di skad ces gsol to// de yi 'khrul 'khor ji lta bu/ / yi ge rnams ni ji ltar bri// bcom ldan 'das kyis bka' stsal pa// bdun tshan bdun dang ldan pa yi// re mig legs par bri bar bya// las kun byed pa'i 'khor lo la// mchod pa yis kyang legs mchod la// de 'og las rnams brtsam par bya// bzlas pa'i mtshan ma rmi lam mam// mngon sum byung bar gyur nas kyang // 'khrul 'khor rnams ni bri
- 123a
bya ba'i/ / rmi lam mtshan ma 'di yin te// tshal chen zug pa'i gling dag dang // lha khang mchod rten gzhal yas su// dam pa rnams dang nges phrad de/ dbang bsgyur ri la 'dzeg pa dang // rgya mtshor bcas pa'i chu rgal lam// kra kro bran du 'khor rmin// nges par 'grub ste 'khor lo bri// de nas yang bcom ldan 'das kyis 'byung ba'i dkyil 'khor sgom pa gsungs te/ yaM las byung ba'i rlung dkyil 'khor// sngon po gzhu yi dbyibs can la// ba dan ldan par nges par bsam// raM las byung ba'i me'i dkyil 'khor gru gsum dmar po bsam par bya/ / baM las byung ba chu yin te// dkar po zlum po bsam par bya// la byung sa yi dkyil 'khor ni// ljang ser gru bzhi bsam byas te// sngon du bsam bya ltar rim bzhin/ / ta ra phyin nas nges par bsam// bruM las byung ba'i 'khor lo'i rtsibs// drug nyid ldan pa'i lte ba la// bruM las gzhal yas khang pa ste// gdan dang ldan par sgrub pos bsam/ / de nas yang bcom ldan 'das kyis rdo rje bsdu ba'i phyag rgya dang sngags kyis bde bar gshegs pa 'khor dang bcas pa bsdu bar bya'o// oM badz+ra sa mA dzaHlag dar gnyis ni nges bsnol la/ / mdzub gnyis lcags kyu'i tshul byas te// sa gol brdab cing brdung bar bya/ lcags kyu la sogs rnam pa bzhis// nges par dgug pa la sogs bya//
- 123b
de nas yang bcom ldan 'das de bzhin gshegs pa thams cad kyi bdag pos mchod pa'i sngags 'di gsungs so// oM ar+g+haM pra tIts+tsha swA hA/ pra bar sad kA ra pra tIts+tsha swA hA/ nag po ra ri med pa yi/ / bum pa lto che bre tshang ba// mchu 'phyang mgrin ring gdan ldan par// snying por ldan pa'i sman sogs gzhug/ mgrin par ras bzang dag gis dkri// 'dab mar ldan pa'i// lcug ma yang // dri dang ldan pa'i kha rgyan te// bdud rtsir ldan pa yis kyang mchod// bla re gdugs dang rgyal mtshan dang // ba dan sil snyan rol mo yis// gus pas dkyil 'khor la yang mchod/ / 'dzam bu'i gling ngam gling gzhan dag/ nor bu rin chen bkang ba yang // stong gsum la sogs de bzhin te// zhum pa med par byas te dbul// blo ldan sgrub pos sems can la/ phan pa'i sems kyis srog mi gcod// ma byin par yang mi blang ngo // 'dod pa mi spyod brdzun mi smra// gnod pa'i rgyud phyir chang mi btung // gdug pa rnams la bzlog ste bya// dngos su'am yang na sngags dang gzhan/ / 'khrul 'khor dang ni ting nge 'dzin// sman gyis kyang ni bya ba ste// de ltar mi byed de yi ni// nges par dam tshig nyams par 'gyur// gdon dang log 'dren dag gos kyang / / nges par 'chi ste dmyal bar ni// yun rings sdug bsngal gyis sdug ste// de bas nan tan ldan pa ru// bzod pa mi skyod snying rje yis// sngags kyis nges par gsad par bya//
- 124a
mi ldog pa yi sems su gnas// byang chub chu yis ra ro zhing // shes rab pha rol phyin pa yi// phyag rgya che la de gzhol te// ngo bo dang bral dngos po 'jig/ ma byin byang chub blang ba la/ / brtson pas le lo dor bar bya// brdzun du shes bya dngos po rnams// de nas de bzhin gzhan la brjod// rgyas btab pa yi dngos po la// rgya bshig shes rab ral gri yis// bcad cing rnam pa med pa la/ / bsad pa yang ni nga yis bsgrags// u med pa yi yi ge rnams// steng gi g.yas phyogs nyid nas bri// 'og gi yi ge bri ba ni// de nyid g.yon gyi phyogs nas bri// A li kA li nges bris te// k+Sha ma gtogs par dbus stong ste// de la bgegs kyi mtshan ma 'am// ming srog nges par bri ba yang // lto ba'i nang du chud par bri// 'khor lo nyid kyang de 'dra ba// bzhi dag tu bri ba ni// ma ning 'dod pa'i kA li dang // A li min te lhag ma yin// gdug pa'i yi ge bcu bzhi po// ming dang bcas par phyogs bzhir bri// dbyangs kyi yi ge bzhi pa yis// bzhi pa gcig gi mgo stengs su/ / gsum skor nyid ni shis pa yin// las kun byed pa'i 'khor lo de// 'dri bar byed pa'i spyi dus dang // khyad par dus tshes lha yi ni// rnal 'byor med pas bya ba min// phyogs su blta ba'i bye brag gis// las kyi sgrub pos shes par bya// las kun byed pa'i 'khor lo no// bde gshegs kun gyi snying po ste// de bzhin gshegs pa'i gsang ba'ang yin/
- 124b
'khor lo 'dir ni bcug pa gang // sangs rgyas kyang ni nges par 'jig/ dam chos smod pa'ang de bzhin zhi// 'khor los sgyur ba'ang dbang du 'du// lha min pra ti'ang zhi bar byed// dgra bcom gsod pa'ang de zhi la/ / brgya byin nyid kyang dbang du nges// de lta bu yi 'khor lo de// thog mar bris te de 'og tu// byin brlabs ma nor de nyid la// mchod pa gus par bdag gis bya// mchod min las rnams byed pa la/ / 'bras bu 'byung min 'khrul pa la'ang // 'bras med ngal ba nyid yin no// yang lha mo ro langs ma nyid stan las langs te mchod pa chen po byas te 'di skad ces gsol ba btab bo// 'khor lo/ 'dri ba'i snag tsha gang // bri gzhi smyu gu ji lta bu// gcig gam 'on te de tha dad// bcom ldan 'das kyis bshad du gsol// bcom ldan 'das kyis bka' stsal pa/ legs so legs so// de'i phyir legs par nyon la yid la zung zhig dang ngas bshad do/ / ji ltar las rnams bye brag yod pa ltar// bri ba'i gnas dang bzhugs pa'i gnas// tha dad de bzhin 'khor lo sgrub// snag che tha dad 'bru rnams bzhin/ / grong khyer chen po bsrung 'dod dam// skyes pa bsrung bar 'dod na yang // gro ga de bzhin u b+hi shun// zla gor zho sha'i shun pa 'am// ras la kha ches 'khor lo ni// bskul ba'i tshig dang ldan par ro/ / so ma btang ba'i kham por du// sdang mar dag dbus 'khor lo gzhug/ skud pa dkar pos legs par dkri// nang par shar du kha bltas te// me tog dkar po dag gis mchod/
- 125a
bdag nyid dkar po'i mdog tu bsam// mdun du skyes pa zla ba la// mtha' dag gnas pa mdun du bsam// sangs rgyas phyogs bcur bzhugs pa yis// bdud rtsi lngas gang bum pa yis/ / chu rgyun dag gi dbang bskur te// de 'og bzlas pa brtsam par bya// sA hA'i sngon du bskul tshig ldan// bud med la ni gi'u wang ste// phyi rol mtshams bzhir phur pa yis// bgegs bskrad steng du bla re bre/ / phye ma skyes pa'i ji bzhin no// bre brag tu yang skyes pa 'am// bud med zhi bar 'dod na yang // ga pur tsan dan dag gis ni// shir sha shing gi shun pa la// 'khor lo yi ge legs bris te/ shar du nang par bltas te mchod// las kun byed pa'i thab la yang // sngon gsungs zhal ldan dgod par bya// phyi rol mtshams bzhir phur pa yis// bgegs bskrad steng du bla re bre// bum pa kha / rgyan dang ldan zhing // ra ni chen 'bru dang sman du ldan// dri zhim chu dang ldan par bya// gos bzang gis ni mgrin pa dkri// phyogs bzhi dag tu gzhag par bya// thang ka 'am dkyil 'khor la mchod do// dri'am chu dang me tog dang // bsres pa'i skyor mos chu yang blugs// gzar bu stong gis sbyin sreg bya// chu des gzhan yang gtor bar bya// bar ma chad par nyin bdun du// de ltar rgyun du gtor ma sbyin/ / phyi nas 'khor lo rin chen de// bum pa'i nang nas rnam phyung ste// rgyal mtshan rtse la btags nas su// gnas mthon por yang gzhag par bya// zhi bar byed par the tshom med//
- 125b
sngar bshad pa yi shing shun dang // dur khrod ras la sgrub po yis// yung ba'i khu bas 'khor lo bri// so ma btang ba'i kham por du// sgrub pa'i rkang rjes sa dag dang // snang mdzad chu ngogs sa dag dang / / ri dang lam sa btags nas ni// ldong ros dang ni yung ba yi// khu bas sbrus te gzugs byas la// 'khor lo gnyis dril yung ba dang // ldong ros kyi ni khu bas bsku// snying khar bcug ste gzhug par bya/ / seng ldeng phur pa sor brgyad pas// lus la sogs pa gdab par bya// dgra rnams 'ong ba'i lam du yang // khung bur brkos te gzhug par bya// laM las dbang chen gyis mnan cing / / suM las skyes pa de stengs na// sna tshogs las kyis mnan pa yi// kham por skud ser dkri bar bya// rgyal chen dag ni ser po yang // dbang chen la gnas lhor bltas te// bsgrub bya ser po'i ris mnan par/ / bsams nas bzlas pa brtsam par bya// swA hA med par stam+b+ha ya// laM gyi mtha' can lnga stong bzlas// gtor ma rgyun du sbyin par bya// rengs pa chen po'i las 'di yis/ / dmag gi dpung yang nges par rengs// dga' tsam la ni smos ci dgos// sran ne lan gsum bsngags pa yis// dur khrod ras la 'khor lo bri// rims dang dug gis zin pa ste// de yi steng du gzhag par bya/ / bdag nyid dkar por rnam bsams te// cho gas byab cing gdon par bya// de ni de nas zhi bar 'gyur// ngag dag rengs par 'dod na yang // smyo byed khu ba dur khrod sol//
- 126a
btsag rnams bsres te so ma btang // kham por gnyis la 'khor lo 'di// po dang mo yi bskor phyogs gnyis// ma nor bris te kha sbyar la// ro bsregs sa dang thal bas g.yogs/ / steng du bzlas shing spel pa ni// stam+b+ha na dang ku ru lo// sA hA med pa'i sngags 'di yis// kha bcing ba ni nges par 'gyur// gang zhig gsad par byed pa la// snying rjer ldan pa'i gang zag kas/ / gdug byed las 'di byed pa la// gshin dgra lha yi rnal 'byor gyis// zhag gcig gis ni 'grub par byed// bcu bzhi nyi ma byed pa na// bya rog sgro rtsa'i sbu gu yis// dur khrod kyi ni ras dag la// dug dang tsha dang ske tshe dang // nim pa tsha ba gsum dag dang // tsha ba'i mar khu dur khrod sol// smyo byed mdzub mo'i khrag gis bri// ro bsregs pa yi thal ba dang / bsgrub bya'i rkang pa'i rjes kyi sa// mi yi rus phye la sogs la// gzugs byas de yi snying khar gzhug/ dur me dag la de bsro zhing // khros pa'i sems kyis khri bzlas na// skad cig tsam byigyis 'chi ba ni/ / de yi khyim mam dur du swa// de lta'i las kyi de 'grub ste// mtshan mo phyed na kha lhor blta// bdag nyid 'jigs pa'i gzugs can te// zhal sogs sngon du gsungs pa ltar// ma he'i steng na mche ba gtsigs// gsus khyim che la gyen skra 'bar// spu sogs gzhan yang de 'dra'o// ba spu dag gi bu ga nas// 'jigs mtshon sna tshogs thogs pa yi// khro bo mang
- 126b
po 'phro ba ste/ / bdag nyid bskal pa'i me ltar 'bar// bsgrub bya mdun du bsam bya ba// mtshams med rdzogs pa'i sdig dang ldan// dri ma can de phyogs gos 'chang // grong khyer skye bos 'tshe ba can/ / grang ba'i reg pas lus la rgyas// mtshon gyis btab pa byas pa la// gcan gzan sogs za mdun du bsam// gang du'ang de ltar yang yang brjod// lcags kyi khyud mes yan lag bsdams/ / tsher mas dbug pa byas pa ste// lus ni pags pa med par bsam// ske tshe lan tshwas lus byugs te// u chu ba yi sgra byin bsam// de yi mgon skyabs bsal byas nas/ / gshin rje'i lto ba'i mtha' mar gzhag/ be con thogs pas de za'o// 'di ltar bsad pas sangs rgyas kyi// sras su de ni skye bar 'gyur// las kyi sdib las de grol lo// gsod pa'i sngags de spel ba ni// hUM che ge mo mA ra ya hUM/ bsgrub bya nang dag dbye ba na// ma he rta yi pags pa dag/ yang na ro dang dur khrod ras// rnga dang ma he byi la 'am// khyi dang nim pa'i 'dab khu dang / / khyim bya'i khrag dang ske tshe bsre// der ni 'khor lo 'di bris te// rnam par 'gras pa bskul dang ldan// rta sbal dag gi nang bcug ste// ma he'i rmig pa'i nang bcu pa la// stong phrag bcu ni tshang bar bzlas/ / nim pa'i shing bsros de nang swa// de nang 'gras pa nyid dang ni// dpag tshad brgyas chos 'bab par 'gyur// a mu ki dang a mu ki/ bi dwe Sha ya phaT/ rims
- 127a
kyis thebs par bya ba la/ / dur khrod ko ba che ba la// arga shing gi lo ma dang // tsi tra ka dang ske tshe dang // khrag gis 'khor lo bri bar bya// bis brkos la ri mo dag/ sed/ ldeng mdag me du med la// bsro zhing khros pas lnga brgya bzla// khyim dang lam gyi bzhi mdo dang // dur khrod sbas na rims kyis 'dzin// rgyas pa'i las kyis rgyas 'dod na// gi'u wang gis ni gro ga la/ 'khor lo gnyis ni rnam bris te// bskul tshigs ldan par yi ge bri// zla drug thad kyi mdun dag tu// gnod sbyin dang ni gnod sbyin mos// rin chen char ni 'bebs pa dang // gshin dgra ser po zla ser la// gnas par bsams te khri bzlas na// 'phags pa nor 'dzin 'dra bar 'gyur// oM che ge mo puSh+TiM ku ru oM/ gro ga sogs kyi shog shog la// gi'u wang dang ni rang byung gi/ me tog dag gis bri ba ste// yang na tha dag khrag dang ni/ / bil ba'i lo ma'i khu ba dang // ras dmar po yi khu ba dang // rtsi rnams bsres la bri bar bya// spra tshil gyis ni 'khor lo kril// bum pa mar sbrang ldan par gzhag/ dus bzhi dag tu mchod pa ni/ / me tog dmar pos mchod pa'o// de tshe bzlas pa tshul dag ni// ho ba shaM ku ru ho// de ma thag tu lha rnams kyang // dbang du byed par des 'gyur ro// gro ga dag la bri ba ni// zla ba gzas zin dus dag gam/ / rgyal gyi nyin par zi bya ste// skud pa dmar pos 'khor lo dkri// me tog dmar pos mchod pa bya// thod pa kha sbyar nang gzhag ste// bzlas pa khris ni brgya byin gyi// bu mo rang rnyed par nges 'gyur
- 127b
ro/ / dur khrod kyi ni ras dag la// gur kum sogs kyis 'khor lo bri// yi ge thig les rnam bskor te// a mu ki dang mA ma kI// mo ha na dang rnam spel la// bsgrub bya'i gos kyi mtha' ma la// legs btabs chos kyi dbyings nyid du/ / bsgoms nas zlos shing 'gro na yang // lha dang lha min gyis mi mthong // bdag nyid gshin dgra ny-id bsgoms nas// chu yi steng nas 'gro 'dod na// rdul phran lha yi rnam par te// oM r+yan du ni bdag rang nyid// nges par steng 'gro gzhan dag kyang // bu mos nags kyi ras bal la// skud pa bkal ba gzhon nu mas// sum sgril du yang de yis bya// gdug sngags stong du tshang bar te// bzlas tshul sngon du gsungs pa bzhin// skar ma rgyal gyi dus la bzla// bri ba'i nyin mo'ang de la'o// dkyil 'khor gyi ni lhar brtag pa// g.yon gyis mdun byas gzhan la gdags// ma lus mtshon dag rengs byed de/ / gcer bu la yang rengs par byed// me tog las ni gzhan du min// sha lnga sogs kyi ril bu ni// legs par grib ma dgal bskams// lcags gsum dag gas dkri bar bya// bzlas shing mchod pa byed pa'i tshe/ / dngul dag gi ni rengs bzhin bya// 'bar bar gyur pa nyid na yang // mchod pa legs par rnam byas te// bskor ba brgya phrag du ma bya// de nas blo ldan sgrub pa pos// khar bcug tsam gyis 'dod pa sgrub/ / phyung na sngon ltar rnal ma nyid// gso ba 'dra ba sa 'o mas kyang // nges par 'khrul 'khor bkru bar bya// rig sngags 'khrul 'khor las grol te// rnal ma nyid la gnas pa yin//
- 128a
snum ster dag gi sa bon la// nya lcibs dang ni byi tang ka/ khu bas yang de byugs pa la// thod pa sas ni rnam bkang bar// sbas te bzlas pa grangs med bya// de tshe mchod dang gtor ma dag/ yongs rgyas 'bras bu rnams blangs te// khar bcug mkha' 'gro byas 'gyur ro// de la 'di skad ces bya ste// zhus dang 'das byung gdug pa dang // mngon par rtogs pa'i ting nge 'dzin/ / dkyil 'khor rnam par spros pa dang // thig gis gzhal yas mtshan pa dang // rdul tshon phyogs las rnam par brtags// yang dag byin gyis brlabs pa dang // bdud rtsi myang bar bya ba dang / / tshangs pa'i gnas bzhi sgom pa dang // sngags kyi dngos med de bzhin mtshams// chos 'byung dang ni sgrub po dang // bzlas dang de yi grangs tshad dang // 'khor lo dang ni yi ge gnyis/ / nges par zhus dang mchod pa dang // 'khor lo 'dri ba'i mtshan ma dang // 'byung ba bzhi dang bsdu sogs dang // sdom pa 'khor lo'i yi ge bri// gzhi dang de bzhin snag tsha dang // so so las kyi bye brag de/ / bsdus te nga yis bstan pa yin// de nas bcom ldan 'das kyis 'byung po rnams la gtor mas tshim par bya ba zhes bya ba'i ting nge 'dzin la snyoms par zhugs te// sku dang / / gsung dang / thugs rdo rje las sngags 'di phyung ngo // oM hrIHSh+T+rIHwi kr-i tA na na hUM hUM phaT phaT sA hA/ 'byung po rnams dang rnam sbal te// tha mar sbyar ba byas pa ni// hi hi hiM hUM pheM pheM po swA hA/
- 128b
dur khrod rgyan gyis rnam bzhugs pa'i// zhe sdang gshin gshed rdo rje ni// spros med nam mkha' lta bu las// snying rje thabs kyis sku sprul pa// ye shes khro rgyal rab 'jigs pa'i// dud kha mun chen sku la 'dud/ / gar dgu nyams dang ldan pa yi// gti mug rdo rje gshin rje gshed// skye med don dam ngang nyid las// thabs kyis sprul pa'i skur bstan pa// 'jigs byed drag po'i cha lugs can/ / zla ba nya 'dra khyod la 'dud// bskal pa'i me ltar 'bar ba yi// ser sna gshin rje rdo rje ni// 'dzin pa po las grol ba yis// gdug pa 'dul phyir khro bor sprul// gter 'chang ser sna grol mdzad pa/ / bcom gser 'dra khyod la 'dud// chags pas ma lus dbang mdzad pa'i// 'dod chags gshin rje rdo rje ni// skye med rnam dag chos dbyings la// khams gsum pa dag khro bar sprul/ / ma chags spyan ldan thugs rje can// ban du lta bu'i sku la 'dud// shes rab thabs ldan he ru ka/ phrag dog gshin rje rdo rje ni// rnam rtog dpe dang bral ba las// thugs rje sprul pa'i khro bor ni/ / 'gro don brtson pa'i ral gri can// sna tshogs mdog can khyod la 'dud// thams cad bskyed pa'i lha mo che// dbang po lta bur bsgyur mdzad pa// khams gsum gzigs pa'i spyan dang ldan// rnam snang can gyis bdud bzhi 'jigs// bde ba chen pos rtag tu dgyes// ye shes spyan can khyod la 'dud// kun sdud lha mo rin po che// rnam rtog skyon las rnam grol yang // dus gsum bde
- 129a
gshegs bdag gir byed/ / rin chen tog can mdzes pa'i sku// don dam thugs chud 'khor ba sel// ma lus kun gyi bdag la 'dud// 'dus byas ma lus sreg byed pa// rnam rtog zhi ba'i rang bzhin las// khams gsum ma lus sgrol bar byed// 'od dpag med kyis rab mdzes pa// ma chags phyag na bsnams pa yi// 'phrin las dag byed can la 'dud// thugs rjes g.yo ba'i rang bzhin can/ / 'jig rten gsum dag sgrol bar byed// gnyis med bde chen ngang nyid las// 'phrin las grub pa'i rang bzhin can// btang snyoms zhugs par 'gro ba 'dul// kun tu las kyis rgyal la 'dud// ces gzugs rdo rje la sogs pa la so sor yongs su bstod do// de nas yang thams cad kyi bdag pos legs so zhes bya ba byin te lha mo rnams kyi sku la btsud de/ gdug pa 'jigs pa'i ye ge ni// bcu bzhi pa la dmigs pa yang // 'khor bar dmigs par bya ba'am// nyi ma'i steng na skyes pa ltar// dmigs te ma yengs brjed pa med// bzlas pa nyid ni de ltar bya// bye ba tshang bar bzlas pa yis// rab 'byams las la mi 'grub pa// med de de yis thams cad 'grub// 'bum dang sa ya bzlas pas kyang // phra mo'i las rnams 'grub par byed/ / gzhan du mi 'gro sems kyis ni// de lta'i tshul du bzlas pa bya// yul gzhan blo ni 'gro ba yis// bskal par bzlas kyang 'bras mi 'byin// mi 'phro sems kyis 'di
- 129b
zlothos shing / / lam du zhugs pa'i skyes bu la// stag sogs chu yis mi 'jigs so// de nas yang dag bshad par bya// dbang gis blo sbyangs rab ldan pas// 'bras thob de med mi 'grub ste// de bas don bshad par bya/ / bram po'i dbang gis thog mar sbyang // gsang ba'i dbang gis gnyis par te// gsum par bya ba de nyid ni// shes rab ye shes de yin te// de ltar de bzhin bzhi pa yin// brtan pa yo ngas po ma lus pa/ / bsgom par bya ba'i dus nyid la// blos ni yongs su mi sgom ste// kun gyi mtshan nyid ma shes na// sgom pa kho na de min te// thams cad dngos nyid yongs shes na// de ni sgom par yongs su bsgrags/ / de nyid bla mi'i kha yis te// 'bad pas ma nyes bya de mi smad// de la thams cad 'byung ba ste// bla ma la smod g.yo sgyu can// nges par de ni dug dang yang // gdon chen dag ni ma lus sa/ / 'chi zhing rlabs par de gyur nas// dmyal ba dag tu yun ring ltung // bskal pa du mar sdug bsngal te// rtag tu cho nges 'debs par byed// de bas blo gros chen po la// nam du'ang mi smad gzhan dun/ / bkur sti phu dud 'gro ba la// phan pa'i sems kyis de ltar bya// gzhan yang bsgom par bya ba nyid// gang dag dbang po'i lam 'gro ba// de yi ngo bor bdag gis bya// bsam gtan ma byed de blo yi kun tu blo yis bsgom par bya/ / bcom ldan bdag po chen po yis// gsang dbang lag na rdo rje la// bos nas gsang ba'i dbyangs 'di gsungs// gzugs sgra la sogs drug po rnams// dngos med mal
- 130a
dang 'dra ba las/ / longs spyod yul du du mar snang // shel la tshon ni ji bzhin du// 'dod pa lnga dang chos rnams la// rtag tu rnal 'byor spyod par shog/ a la la ho rol du gsol/ / mnams par mdzod// mi 'dzin sgyu ma lta bu la// gar gyis dgyes pa'i rol pa mdzod// rig bya dgag pa med pa la// mi g.yo bzhin du rol par mdzod// hong chags pa med pas chags par mdzod/ / de nas yang dag rab bshad pa// sngags dang phyag rgya dbang bskur ba'i// de yi mtshan nyid bshad pa'i phyir// gsung ni 'di skad bka' stsal to// lce la sgom pa'i rdo rje ni// rdo rje gnod mdzes nag po ste/ / kha ni kun tu gyes pa ni// lag gnyis thal mo nges sbyar te// gung mo'i rtsa ba'i tshigs nyid la// mthe bong nges par sbyar bar bya// mdzub mo gung mo'i rgyab rtser sbyar// 'di ni dam tshig phyag / rgya ste// snying kha dpral ba lkog ma dang // spyi bor byin gyis brlabs par bya// oM hrIHSh+T+rIHwi kr-i tA na na hUM hUM phaT phaT a d+hi tiSh+Tha swa maM/ gzhan yang rdo rje sems ma sogs// phyag rgyas dbang bskur dbu rgyan brtag/ gti mug rdo rje la sogs pa// so so'i bdag po dgu rgyan cing // dbang bskur chen bum pa che// phyag gis bsnams te dbang bskur ro// 'khor lo las kun byed pa la// gsang dbang lag na rdo rje yis/ / bstod pa'i rgyal po 'di yis bstod// gdug pa skrag byed 'khor lo me ltar 'bar// dus gsum khro rgyal he ru ka yi thugs// las rnams dag byed phrag dog rdo rje ste// ma lus tshems
- 130b
gcod gsol bas sku yi dang / / hUM dang phaT kyi gdug rtsub sbyor bas gsung // kun gyi rang bzhin khyod kyi gshin rje yi// lhor 'dzud bka' las des kyang mi 'da' zhing // phyogs bcu'i sprul pa'i gnas nas 'gugs mdzad pa/ / ma lus kun byed 'khor lo tsha mchog la// gzhan gyi don rdzogs gus pas phyag 'tshal lo// khyod ni dpa' bo thub chen kun gyi bdud// nga yis lam bstan bdud rnams mi phyed kyang // dam las 'da' zhing log pa kun skyed la/ / khyod kyang bka' las ma 'da' las rnams sgrubs// tshe dang srog bsdus yan lag rnam par bcings// bdud rtsi chu rgyun rnal 'byor nga la 'dod sgrub na// ngas ni sbyin bya khyod ni/ dam las ma 'da' zhig/ ces dpal gshin rje dgra nag po'i 'khor lo gzhan gyi lto ba la gnas 'cha' bar 'dod pa'i gtan 'pho ba ma yin pa'i tshe bya'o// 'khor lo sgang khar lta ba'i tshe// sa bon tshul te lte ba la// yi ge ma lus 'dod pa yang / / mtshan nyid ngan pa'i rtog pa las// grol te mtha' gsum ngo bo las// k+Sha ni zad pa'i bdag nyid la// u ni hUM gi bdag nyid de// de ni sems kyi rang bzhin nyid// dga' las 'das pa'i ye shes te// thabs ni/ shes rab ldan pa las// dus thabs bsten pa'i bdag nyid kyis// 'thob ste gzhan du de mi 'thob// chu 'gram chen po bas mtha' dang // dur khrod shing drung dgon pa ste// dben pa'i yul dang ma mo'i khyim// der ni mgon po 'di la 'bad/ / gzhan du bsgrubs kyang de mi 'grub// skad cig de la rang bzhin kun// nges par mi snang rig pa yi// lam du gyur pa med par shes// 'bras bu de ni rgya chen te// mtha' yi 'thob pa de yin no// de nas yang
- 131a
thams cad kyi bdag po bde bar gshegs pas rdo rje sa'i cho ga gsungs pa/ skyob pa sangs rgyas thams cad kyi// spyod pa'i tshul dang khyad par gyis// sa dang pha rob phyin pa la// lha mo khyod ni dpang du gyur/ / srung ba'i dkyil 'khor rab gnas pas// sdang ba'i log 'dren skye bo dang // bgegs rnams bsal ba 'di skad gsungs// dpal ldan bdag ni rdo rje 'dzin// bsrung ba'i 'khor lo rab sbyor bas// bdag gi ye shes rdo rje yis// lus ngag yid du bcas pa dgas// sangs rgyas kun gyi bdag nyid ni// khro bo gshin rje nag po'i bdag/ slob dpon gyis ni dkyil 'khor bri// zhes lan gsum gyi bar du brjod par bya'o// dkyil 'khor gyi ni drung nyid du// dar gyis gdong ni bkab pa la// sgo drung gnas pa khyod gang yin// slob dpon gyis ni rab brjod do// des bdag skal ba ldan par brjod// ji ltar bla med dpa' bo yis// mgon la dbang ni bskur ba bzhin/ / bla med byang chub gnas bya'i phyir// bdag la'ang mgon po dbang bskur gsol// me tog sogs te mchod pa'i mchog/ rab 'byams rgya mtsho ma lus pas// slob dpon dpa' bo de nyid la// yang yang mchod cing bstod pa'i tshogs/ / rgyas par mnyes bya de 'og tu// dpa' bos de la dbang rnams sbyin// de nas rgyal po bde chen po// dpa' bo longs spyod kun ldan pa// 'gro don brtson po'i sku gsum bdag/ nyid kyis 'di skad bka' stsal to/ / sbyin sreg med na 'bras mi 'byin// de bas bdag nyid dam pa yis// de yi las la 'bad par bya// gos nag rgyan gyis rnam brgyan la// gshin rjer rnam bltas rnal 'byor pas// blom
- 131b
skyil krung bcas pa yis/ / sran ti'i stan la bdag 'dug nas// las rnams bsgrub par bya ba ni// mtshan mo 'am nyi ma phyed nyid la// rang 'byung ma yi dkyil 'khor du// hUM phaT mtha' na yod pa yi// sngags kyis thob/ ma bar mtha' mar// sbyin sreg bya ste de mi ni// dur khrod me 'am rus pa 'am// rdo nyid las ni byung ba'am// tsaN+DA li yi khyim nyid nas// thab khung gru gsum can der ni// tsher ma can gyi bud shing rdzas// rlung yab sbar te hUM dza la raM/ / dza la hUM brjod me sbar brjod// lag g.yas ku sha bcas pa yis// mthe bong srin lag rtsa ru gzugs// oM e he hi ma hA b+hU ti de ba r-i Shi dI dza satwa ma gr-i hI tA A hUM ti A hA ra a smin sa ni hi to b+ha ba zhes brjod la spyan drang ngo / / 'bar ba me yi dbus nyid du// ming de zad byed ces bya ba// khro bo me ltar phun sum tshogs// ba spu kham pa de bzhin du// du ba'i mdog can zur mig steng du gzigs// sgra chen mche// ba bzhi ldan stobs po che// yaM las rlung gi dkyil 'khor te// bzhugs nas drag po'i yi ge brjod// spyan gsum pa la phyag bzhi pa// rim pa'i gnas la legs par bzhugs// zhal bdun rnam gtsigs ma he la/ / bcibs pa du ba'i 'phreng rnams 'khrigs// phyag gnyis mdung dang rdo rje 'dzin// gnyis kyis ral gri gri gug 'dzin// de yi g.yas kyi phyogs nyid du// bde bzhin bdun gyi phyogs nyid dam// spyan drangs byin rlabs ldan pa la/ / ar+g+ha sogs kyis mchod pa bya// oM Ar+g+ha pra tits+tsha swA hA/ lag g.yas mdzub mo mthe bong dag/ skam pa lta bur rnam byas pas// chu blangs bskyod pas dbul bar bya// oM ta ba
- 132a
@tam mthar ni sngon gyi brjod/ / zhabs bkru ba la shis pa yin// dgang gzar yu ba sor bcu drug/ de min sor bzhi zabs sor gnyis// zur gsum dbus su sor gnyis tshad/ rtse gsum 'phreng bas yongs su bskor// de yi dbus su'ang mtshan ma ste// stag sbrul gang 'dod pas mtshan bya// khu bcug 'dzag pa sor gcig go// khro bo rdo rjes mchu yi dbyibs// byin brlabs sor gcig tshad can no/ / blugs gzar yu ba sor bcu bzhi// zabs su sor gcig gru gsum dang // yu ba'i mthar ni rtse gsum pa// gdengs pa byin brlabs mngon spyod kyi// gzar bu yin par nga yis bstan/ / gnam lcags tsher ma can sogs shing // de la de byas sangs rgyas 'jigs// bsreg rdzas gzugs brnyan la sogs sreg/ stong du tshang bas 'bras bu ni// nges par 'byin par byed pa yin/ / g.yon gyi rtsa der dgang gzar la// g.yas pa blugs pa'i gzar ba yi// kha ni pad+ma'i 'dab ma yin// sor mo gnyis par de rgyas so// rdo rje bar gyi thod pa dag/ bsreg rdzas kyi ni snod yin la/ / rdzas rnams rdo rje rin chen dpa'// hUM phaT kyi ni mtha' can gyis// bsreg bya sa chu me dang rlung // nam mkha' lta bu'i dbus su gnas// kha bye gnas pa rtag tu'o// kun tu'ang kha phye bskor bar bya/ / bzhi gnyis 'dab ma'i steng du ste// lte ba dang ni yang dag ldan// lhan cig rnam par shes pa'i lha// nam mkha' nyid du nges par 'bar// de yi mtshan mar shes bya ba// rdul
- 132b
gyi rnam par de nyid do/ / thig le yi ge med pa ste// rgyun mi 'chad par 'od kyis gnas// brgyar gshegs skra yi tshad kyis so// argas rab tu sbar bar bya// sngar gsungs 'byung ba rnam bzhi dang / ma mkhar yang dag ldan pa yi/ / sor mo lnga dang nges ldan pas// gang gi sbyin sreg des bya'o// gzhan dag sor mo gsum gyis bsres// dmigs pa thams cad 'gags par 'gyur// steng med stong pa nam mkhar 'dra/ / shes rab pha rol phyin pa yi// phyag rgya chen po dbang du 'gyur// bde gshegs kun dang mnyam 'gyur ba// shes rab dang ni snying rje ches// 'gags pa med pa'i chos 'gyur ro// bde chen nam mkha' lta bu ste/ / rnal 'byor pa yi dmigs pa yin// mdog gnag 'dab brgyad lta bu la// rgya dang zabs su sor mo ni// nyi shu de bzhin bcu pa'i thab// byang du rtse mo bstan pa la// rdo rje tho ba'i mtshan ma med/ / sor ni bzhi par bri bar bya// de steng sor mo gsum bor bar// kha khyer yang ni de yi tshad// sa nag bong bu rnga mo'i spangs// mi rus 'bras kyi phub ma dang // sol ba'i phye mas rnam byugs la// mi zhim dri dang bdug pas mchod/ / dur khrod shing ngam bong bu dang // rnga mo'i spangs bskams bud shing ngo // sor gcig gis ni dma' ba yin// min pa de bzhin seng ldeng dang // sa pa de bzhin bas shing dang / dur khrod shing bu sor bcu pa// rtsa ba'i cha las rnam byung ba// dur khrod mar khu rnams bsnyugs la// de yis yam shing bya ba yin// bya rog 'ug pa'i gshog pa dang // nim pa'i 'dab mthal ba dang /
- 133a
rjes sa dang bong bu dang // rnga mo sogs kyi spangs dang ni// skra dang zhag dang bshang ba dang // gci ba mi rus yungs kar dang // yungs mar khrag dang lan tshwa dang // de la sogs pa re re zhing // ji ltar rnyed pa'i rdzas rnams ni// dug dang khrag dang smyo byed kyi// 'dab khu thal ba sol pa dang // 'bras kyi phub ma la sogs la// dgra bo dag gi gzugs byas la// mgo nas brtsams te ral gri yas// dum bur btub cing lcags phor du/ / khrag dang chu dang mi rnams dang // bong bu'i gcin la phaT ldan pa'i// gdub pa'i yi ge rnam bzlas pa'i// rdzas la bsang gtor byas nas kyang // slob dpon la sdang rmongs pa 'di// brjod cing sbyin sreg dbul bar bya// de la 'dadi skad ces bya ste// 'byung po tshim bya gtor ma dang // bstod bzlas mnyes par bya ba dang // dbang gi dbye ba bstan pa dang // dkyil 'khor 'jug par bya ba dang / de yi sa la mchod pa sogs// cod pan du ni bde gshegs gzhag/ mngon spyod hom gyi cho ga dang // bsdus nas bar du rnam pa brgyad// pad+ma dkar 'dra mgrin pa ring // gzugs mdzes ha cang ring ba min// lus la rdul 'byung yid 'phrogs// dri ni shin tu'ang zhim pa yin// lta stangs mig sogs ri dgas 'dra// mgrin dang lto ba rang ri dgas kyi// skal bzang rkeng pa'ang ri dgas kyi// glang chen dri ldan bzhin 'phel che/ / myos shing nu ma rab tu rgyas// gzhan yang kun rdzob bden pa ni// bong thung de yi skra yang thung // rkang lag ring zhing bzhin ring ma// nya yi dri bro bong ring mo// zla 'dra skye gnas rab tu ring /
- 133b
skye gnas chung zhing yan lag rtsub// bong ring de bzhin nu ma mkhrang // skra srab dal smra yan lag chung // sngo bsangs ri mo mnyam pa de/ gsang ba shes rab rnam gnyis la// rig mar nga yis bsgrags pa yin// nga pa'i 'gros can sgra 'khyil ma// bzhin zlum nu rgyas lus kyang rgyas// shin tu ring min dal bar smra// dbus gnas rna 'phyang gnyer gsum can// mtshan nyid ngan zhing le lo che// yan lab gnag cing skra 'khyil ma/ / khang par gnas shing lus rtsub ma// sa la'i dri 'byung sa la'i bro// nu spangs de ni skyes bu bzhin// chang gis myos pa'i dpa' mo ste// chang la shin tu chags pa yin// de gnyis de la shis pa yin/ / tha ma tha mar nges par yin// 'chi ba'i bsam gtan de nyid ni// bde ba dam pa kho bos 'dod// 'di la'ang bde ba de nyid yin// ka sogs spangs pa'i A li naM// bcu drug yin te phrag gnyis po/ / 'khor lo sogs pa'i sa bon yin// zla ba de dag sum cu gnyis// a sogs spangs pa'i kA li ste// bcu bdun gnyis pa de stengs su// ya sogs spangs pa min pa nyid// gsum pa'i gsum dang bzhi pa'i gnyis/ / bcu phrag bzhi ste de phrag gnyis// sem mo bzang sogs sa bon te// nyi mar rnam bsgrags de dbus gnas// hUM dang a yi rang bzhin las// rdo rje tho sogs so sor rtog thim pas nan tan ye shes te/ / chod kyi dbyings nyid dag pa ste// gshin dgrar bdag nyid 'dod pa yin// rgyan gyi bye brag lus la gnas// de ni 'di skad bya ba ste// rig pa shes rab bstan pa dang /
- 134a
bskyed pa'i rgya mi bye brag na// mtha' mar bstan te sdom gsum mo// mtshon par byed pa'i bdag nyid de/ mtshon tu sngon bstan ning yin no// gshin rje gshed nan pa las thams grub par byed pa'i 'khor lo'i rgyud/ / rgyud kyi rgyal po chen po rdzogs so// @rgya gar skad du/ shrI badz+ra b+hai ra bA kal+la tan+t+ra rA dzA/ bod skad du/ dpal rdo rje 'jigs byed kyi rtog pa'i rgyud kyi rgyal po/ ngag gi dbang phyug la phyag 'tshal lo// de nas 'di ni bshad bya ba// ji ltar 'gro rnams zad byed pa// sdug bsngal rnams mthar byed pa yi// bsgrub bya'i thabs chen mchog gyur pa/ / gsang sngags de las 'byung bar 'gyur// dang mo rnam par snang mdzad do// de dang nye bar ngag dbang phyug/ rdo rje 'khor lo sgyur ba'o// gdon gyi bdag dang 'byung po yi/ mgo dang mtha' ma gnyis ldan bya/ / mchod rten sreg byed mtha' dang bcas// gzhan du shes par mi 'gyur ro// rdo rje can gyi mtha' la gnas// yi ge 'bum phrag khri brjod na// nyams pa thams cad sel byed cing / zhi dang rgyas dang dbang mngon spyod/ / gsod dang skrod dgug dbye rengs dang // dman par byed dang rgyal srid sogs// thob pa nyid la the tshom med// dur khrod tshang tshing khrod ngogs rtsub// shing gcig khang stong mtshan gcig dben/ / gang 'dod gnas su bsam gtan brtsam// de nas bcom ldan 'das chos thams cad la khyab pa me long lta bu zhes bya ba'i ting nge 'dzin la snyoms par zhugs te/ sku dang ye shes thams cad
Colophon
gshin rje gshed nag po'i las thams cad grub par byed pa'i 'khor lo'i rgyud/ rgyud kyi rgyal po chen po rdzogs so/