rdzogs pa chen po kun tu bzang po ye shes gsal bar ston pa_/_gsang sngags kyi lam mchog 'dus pa'i rgyud
Text
ff. 289a–293a · 9 folio sides
- 289a
to zhes gsungs so// kun tu bzang po ye shes gsal bar ston pa'i rgyud phyi ma'i phyi ma las le'u bzhi pa'o// / mthar thug pa'i rgyud ces bya ba rdzogs so// rgya gar skad du/ san ti ma hA sa man ta b+ha tra dz+nyA na gu h+ya man tra nA ma tan+t+ra/ bod skad du rdzogs pa chen po kun tu bzang po yang shes gsal bar ston pa/ gsang sngags kyi lam mchog 'dus pa'i rgyud ces bya ba/ bcom ldan 'das dpal kun tu bzang po sku gsum dbyer med ngang la phyag 'tshal lo// 'di skad bdag gis thos pa'i dus gcig na/ bcom ldan 'das dpal rdo rje 'chang gis sangs rgyas dpal kun tu bzang po sku dang ye shes dbyer med pa nyid/ chos nyid yum gyi mkha' b+ha ga la bzhugs te/ rigs lnga'i sangs rgyas la sogs te 'khor rnams dang thabs cig tu/ rig pa stong gsal bde ba chen po'i ting nge 'dzin la snyoms pa zhugs so// rdzogs pa chen po kun tu bzang po ye shes gsal bar ston pa gsang sngags lam mchog 'dus pa'i rgyud las/ gleng gzhi'i le'u ste dang po'o// / de nas dpal rdo rje sems dpas/ bcom ldan 'das la gsol pa/ kye bcom ldan 'das
- 289b
rdo rje 'chang // sku dang ye shes thams cad mkhyen// gsang sngags rdzogs chen don nyid de// bdag cag rnams la bshad du gsol// zhes gsol bas/ bcom ldan 'das dpal kun tu bzang pos bka' stsal pa// rdzogs pa chen po'i don nyid ni// lta ba phul byung ngo mtshar che// theg pa kun gyi dngos bzhir shar// theg brgyad lta ba ma spangs la// kun gyi mthar ma lhung ba nyid// theg pa kun gyi la bzla yin// khyad par ma hA yo ga dang // a nu yo gar gsungs pa yin// rdzogs pa'i rim par bstan pa yin// zhes gsungs so// rdzogs pa chen po kun tu bzang po ye shes gsol bar ston pa gsang sngags lam mchog 'dus pa'i rgyud las/ rdzogs pa chen po don nyid bstan pa'i le'u ste gnyis pa'o// // de nas yang dpal rdo rje sems dpas gsol ba/ kye kye kun bzang bcom ldan 'das// rdzogs pa chen po'i rnal 'byor pas// lam gyi khyad par ji lta bas// 'bras bu'i thob tshul bshad du gsol// zhes gsol pas/ dpal kun tu bzang po nyid kyis bka' stsal pa/ sde snod gsum gyi bskal ba ni// grangs med pa shad kyang rnyed dka' ba// bzhi pa rdo rje'i sde snod 'dis// bgrod pa med par sangs rgyas thob// gsang sngags
- 290a
rdo rje'i 'bras bu'i lam// lam 'bras dbyer med 'bras bu'i lam// kri ya yo ga u pa yang // lta ba spyod pa phyir gyur te// mtshan nyid dag las 'phags ma nus// lha dang sngags kyi re zhig 'phags// lta spyod nang du gyur pas na// rtsa rlung thig le dbang la rdzogs// gas bsngags nang pa khyad par che// ma hA yo ga bskyed pa'i tshu la// a nu yo ga rdzogs pa'i tshul// a ti yo ga la bzla'i tshul// tshul gsum dbyer med gcig gi ngang // bskyed dang rdzogs pa zung 'jug nyid// bskyed rim bsod nams tshogs nyid las// 'bras bu gzugs sku 'byung bar 'gyur// de med sku dang zhing khams su// gdul bya'i snang ba 'byung mi 'gyur// rdzogs ri mi ye shes tshogs las ni// 'bras bu chos sku 'byung bar 'gyur// de med sangs rgyas dngos 'dzin 'gyur// de ltar zung 'jug lam med na// mthar thug 'bras bu 'byung mi 'gyur// 'byung ni ma srid lung dang 'gal// gzhan du re zhig phyogs re la// sangs rgyas zhes su btags par zad// gsang sngags mtha' drug ldan byas nas// yo byad gnyis la longs spyad pas// rnal 'byor dbang phyug dam pa de// rdo rje sems dpa'i gral du phyin// tshe 'di nyid dam par ma dor// sku dang ye shes thob par 'gyur//
- 290b
gal te rtsol zhan ma nyams na// skye ba len grangs 'ga' yis 'thob// ces gsungs so// kun tu bzang po ye shes gsal bar ston pa/ gsang sngags lam mchog 'dus pa'i rgyud las/ rdo rje theg pa lam gyi khyad par gyis 'bras bu thob pa'i dus bstan pa'i le'u ste gsum pa'o// // de nas yang dpal rdo rje sems dpas gsol pa// kye ma bcom ldan kun bzang po// rdzogs pa chen po rol pa la// ga sang sngags mtha' drug gsungs pa de// don nyid rim par bshad du gsol// zhes gsol pas/ kun tu bzang po rgyal bas bka' stsal pa// gsang sngags mtha' drug gsungs pa ni// dang por bskyed pa'i tshul dbang bskur nas// de nas rig pa'i rtsal dbang bskur// dbang nyid chags par byed pa la// gzhi nyid dam tshig gzung bar bya// thams cad ma rkam pa chen por ba srung // de la lta bas tha ga bcad pa sa// rang byung yer shes btsa la bral ba// rig pa stong gsal don la rtag/ nyams su ting 'dzin blang ba ni// bskyed pa'i rim pa'i tshul gzung nas// mtshan bcas lha yi 'khor lo'am// ya ba yum dpa' bo gcig par sgom// rigs 'dus gtso bo rdzogs rim brten// lho dang stong pazung 'jug nyid// de bstan
- 291a
lus sems bsgrims byas la// sems gzung lam du blang ba 'am// yang na lus sems glod pa 'am// sems gzung stong gsal bang du gzhag bying rgod rmugs na skyon gsum bcos// la nyid spyod pa dor ba ni// rang gi nyams rtog don dang sbyar// de ltar rim par blang ba yis// gdams ngag rim pa ma gol bas// don gyi 'bras bu sgrub pa ste// bse thabs gsum sgom nyid la gtad// rig pa stong gsal bo de chen nyid// gdam sang shing gang du ma grub la// ga dag sa bya gang yang ma 'gags shar// rtogs pa'i ye shes rnam 'phrul las// thams cad rol par shes par bya// gzhan yang lam du blang ba ni// lta ba gdeng dang bcas pa dang // 'jug sgo lam dang bcas pa nyid// spyod pa grogs dang bcas pa las// 'bras bu sku dang bcas pa 'byung // zhes so// rdzogs pa chen po kun tu bzang po ye shes gsal bar ston pa'i gsang sngags lam mchog 'dus pa zhes bya ba'i rgyud las/ gsang sngags kyi mtha' drug ye shes rol par bstan pa'i le'u ste bzhi pa'o// / de nas yang dpal rdo rje sems dpas gsol pa/ kye bcom ldan 'das gsang ba'i bdag po/ ma hA yo ga dang / a nu yo ga dang / a ti yo ga gsum
- 291b
dbyer med gcig tu gsungs pa'i rgyud de nyid rnams ni/ dpal rdo rje 'chang gis bdag cag rnams la gsungs pa ni ngo mtshar che'o// de nas rgyud 'di gang du ga nas shing/ spyod pa'i don pa shad du gsol/ zhes gsol pas/ bcom ldan 'das dpal kun tu bzang po ngo bo nyid kyi sku des bka' stsal pa/ rdo rje sem sa dpa' la sogs po rnams nyon cig/ a ti yo ga'i rgyud 'di nyid la sogs pa rnams ni/ 'og min gyi gnas yum gyi mkha' nyid du/ nga nyid kyis khyed 'dus pa'i 'khor rnams la ba shad de/ sdud pa po 'jam dpal dang / spyan ras gzigs dang / phyag na rdo rjes bsdus te/ lha gnas gsum du grags te/ de nas ga ser gyi glegs ba ma la bai DUR+Ya 'i zhun mas rang nan du bris te/ 'dzam bu'i gling gi lho phyogs su sprul pa'i sangs rgyas 'byon pa'i ga na sa/ rdo rje ga dan du babs nas spyod par 'gyur ro// de yang ma hA yo ga'i rgyud thams cad ni rgyal po dza zhes bya ba'i khang stengs su babs par gyur la/ a nu yo gA'i rgyud thams cad ni sing nga li'i nags tshal du 'byung bar 'gyur te/ a ti o ga rdzogs pa chen po'i rgyud 'di nyid la sogs pa thams cad ni/ d+hA na ko ka'i gling du 'byung zhing dar nas rgyas shing spyod
- 292a
par 'gyur ro// gzhan yang gsang sngags kyi rgyud rnams dpal phyag na rdo rje la sogs pas/ ye shes kyi mkha' 'gro ma rnams la gtad nas slad nas yang 'byung zhing rgyas par 'gyur ro// de nyid kyi dus su sder byung ba'i rgyud sde rnam gsum ni/ byang phyogs 'dzam bu'i gling gi dbus yin pas/ der khyad pa du dar bar 'gyur la/ rdo rje gdan gyi drung du ni mi spyad par byang chub kyi shing drung du gter du sbed par 'gyur te/ ci'i phyir zhe na/ 'dul ba'i snod du ma gyur pa'i phyir ro// de nyid kyi dus su ni/ smad nas 'byung ba rnams dang / bya'i phyogs kyi gnas su ni/ sngar byung ba'i rgyud sde rnam pa gsum dang / slad nas byung ba'i rgyud rnams dang gnyis kar dar zhi rgyas par 'gyur te/ gzhung du spyod pa rnams ni rdo rje'achang gi sa thob par 'gyur la/ de log par spyad cing dam nyams pa rnams ni de las gzhan du'ang yin no// de yang rgyud 'di nyid ni rtags tsam 'dzin pa'i dus 'byung du nye ba na/ rnal 'byor pa skal ba dang ldan zhing tshogs bsags pa rnams spyod cing dar nas rig pa steng gsal rtogs te/ sangs rgyas kyi sa la gnas par 'gyur ro// zhes bka' stsal ba dang / bcom ldan 'das dpal
- 292b
kun tu bzang po rdo rje 'chang la 'khor rnams kyis bstod pa ni/ ye shes sku yi stong gsum zil gyis gnon// 'gag med gsung gis brtan pa rgya mtshor bsgrags// gnyis med thugs kyi thams cad sa la mkhyen// kun bzang rdo rje 'cha 'chen khyod la bstod// ces pas bstod par gyur to// de nas dpal kun tu bzang pos yang bka' stsal pa/ e ma ho/ rdo rje sems dpa' tshogs// gsang sngags lam gyi don 'dus rgyud// kun gyi thun mong ma yin te// shin tu gsang la gzung bar bya'o// zhes bka' stsal pa dang / 'khor thams cad bsti gnas kyi sa la gnas pa las/ spyir chibs kyi sa la sangs rgyas par gyur to// rdzogs pa chen po kun tu bzang po yeng shes gas la bar ston pa gas nga sngags thams cad kyi lam mchog 'dus pa'i rgyad las/ gsang sngags ji ltar 'byung ba lung bstan pa dang rgyud yongs su gzung zhing gtad ba'i le'u ste lnga'o// // rdzogs pa chen po kun tu bzang po yang shes gsal bar ston pa/ gsang sngags thabs kyi lam mchog 'dus pa'i rgyud ces bya ba rdzogs so// // rgya gar gyi mkhan bong shrI sing ha dang / rdo rje yang gter gyis bsgyur cing
- 293a
zhus te gtan la phab pa'o// // / rgya gar skad du/ de wa a b+hi Shiny+tsa rat+na tsak+ka tan+t+ra na ma \u0f7fbod skad du/ lha rgyud rin po che dbang 'khor lo zhes bya ba/ bcom ldan 'das dpal kun tu bzang po la phyag 'tshal lo// 'di skad bdag gis thos pa dus gcig na/ chos dbyings bdal ba chen po'i pho brang na/ rgyo yongs su ma chad pa'i zhing khams/ gser gyi 'od zer rab tu 'phro ba zhes bya ba/ bai DUr+ya zhun mas nan tan du byas pa'i sa gzhi/ ma 'dres la yongs su rdzogs pa'i gnas chen po/ gser la rin po ches spras pa'i gnas/ de na bcom ldan 'daso kun tu bzang po bzhugs 'khor ni nyid las mi gzhan pa'i 'khor ye shes rnam pa lnga la sogs te/ rgyal sras sprul pa'i 'khor rdo rje sems dpa' dang / dbang med dod pas 'dus pa'i 'khor mkha' 'gro ma rdo rje drag mo khro gnyer gdong zhes bya ba dang / sgrol ma dang / 'od zer can dang / phag mo dang / lce spyang la sogs te dur khrod kyi bdag mo glog gi 'phreng ba la sogs pa sa bskor te// de'i tshe de'i dus na gsang ba'i bdag pos/ bcom ldan 'das la gsol