byang chub kyi sems rgyal mtshan rtse mo'i rgyud ces bya ba
Bodhisatvadhvachaagratantranama
Text
ff. 227a–230b · 8 folio sides
- 227a
@'di rtag tu 'chongs// ces gsungs so// thig le gsang ba'i brda' rgyud las/ rgyud yongasu gtad pa ste le'u bcu dgu pa'o// / rdzog s+ho// skad du/ bo d+hi satwa d+hA tsha a gra tan+t+ra nA ma/ bod skad du/ byang chub kyi sems rgyal mtshan rtse mo'i rgyud ces bya ba/ sangs rgyas mar me mdzad stong gi gtsug phud rin po che la phyag 'tshalo// 'di skad bdag gi thos pa'i dus gcig na/ sangs rgyas mi g.yo ba'i bskal pa dang po la/ yangs pa chen po grong khyer ma bkod par snang ba zhes bya ba na/ de bzhin gshegs pa 'od kyi phung po zhes bya ba mngon par 'dus mi byed chos nyid rang snang gi nam mkha' dang mnyam par bzhugs pa/ snying po byang chub la mngon par byang chub la/ chos thams cad spros pa med pa rang gi rgyun du bkod pa zhes bya ba la ma rmongs par mngon par 'dus mi byed pa/ kun tu bzang po thams cad rgya mtsho dang / chu bran gyi tshul du 'byung zhing 'dug/ las thams cad lam brtsal bar grub pa/ byed pa po med par klong gcig tu 'khyil ba/ sku'i ring sel chen po snang ba 'od kyi phung por bzhugs pa/ gsung gi ring srel chen po rgyal mtshan gyi rtse mo ltar nub pa med par sgrogs pa/ thugs kyi ring bsrel chen po rdo rje lta bur 'gyur ba med pa'o// ces byang sems rgyal mtshan rtse mo'i rgyud las/ dang po byung tshul bstan pa dang / rang gi 'dug tshul bstan pa'i le'u
- 227b
ste dang po'o// / de nas byang chub sems dpa' sems dpa' chen pos chos thams cad mi mnyam pa dang mnyam par bstan pa'i ting nge 'dzin las bzhengs te/ kye gsang ba'i bdag po lag na/ rdo rje gsang ba smad du byung ba 'di ni/ stobs mi mnyam mo// rdzu 'phrul mi mnyamo// thugs rje'i bye brag mi mnyam mo// bzhugs pa'i klong mi mnyam mo// lag na rdo rje legs par yid la zung shig/ de ltar yin te de ltar ma yin no// chos thams cad kyi de bzhin nyid mnyam mo// ci ste rang gi ngo bo gcig pa'i phyir// rtsal mnyamo// ci ste byed pa'i mtha' dang med pa'i phyiraro// thugs rje mnyamo// ci ste ye shes lnga mi 'gag pa'i phyir ro// bzhugs pa'i klong mnyam mo// ci ste chos nyid la tha dad med pa'i phyiraro// ci ste nga'i shaus rab zab mo ni/ rgyal mtshan gyi rtse mo dang 'dra ste nus pa med do// nor bu rin po che dang 'dra ste zang mi shes so// na mkha' dang 'dra ste mthar thugs pa med do// ri bo dang 'dra ste 'gyur ba med do// pad+ma dang 'dra ste skyon med do// sa bzhi dang 'dra ste thams cad 'byung ngo // shing gi rgyal po yongasu sa brtol dang 'dra ste/ srid pa gsum du nub pa med cing rgyas pa de bzhin du/ byang chub kyi sems mi nub pa'i rgyal mtshan/ mi 'gyur ba'i g.yung drung / ma bslang ba'i ye shes/ rgyun du brtag pa'i shes rab/ mtshon pa med pa mya ngan las 'das so// rigs kyi bu chos nyid rdo rje/ rgya gram ni bgod legs/ chos sku rdo rje rtse mo ni rtseg legs/ theg le mi 'gyur ba'i rgyal mtshan ni dbangs mtho// thugs rje sprin gyi chang kha' ni 'khod snyoms/ ting 'dzin mi g.yo ba'i dang 'phyangs ni gnyen 'khyil/ l-i
- 228a
shes chen po bzhi'i me longs ni 'od gsal/ tshangs pa'i sgra skad phun sum tshogs pa'i dril bu ni snyan/ zag pa med pa'i chos kyi 'khor lo ni bskor mkhas/ byang chub kyi srog shing ni 'gyur ba med/ gzhi gnas dang lhag mthong gi bre phul ni rtsegs legs/ sangs rgyas kyi mdzad spyod ni tshul shes/ sangs rgyas che ba'i yon tan dpag tu med pa'i rab gnas kyi mnga' phul te/ dam pa'i chos mtha' nas rgyas pa ni rang byung lhun rdzogs kyi dgongs pa'o// ces byang chub kyi sems rgyal mtshan rtse mo'i rgyud las/ chos thams cad mi mnyam pa dang mnyam par bstan pa'i le'u ste gnyis pa'o// / de nas bcom ldan 'das rdo rje 'chang / thugs rje mgon po 'od dpag med nga la dang po rgyu med pas/ tha ma rkyen gyi bshig tu med/ nga la bsgrub pa'i chos med pas/ dngos grub gzhan la re ba med/ nga la brten pa'i tshig med pas/ smra bsam yul las 'das pa yin// nga la bla na rje med pas// ye shes khyad par 'phags pa yin// nga la 'og nas gzhan med pas// snying rje chen por cir mi mdzad// nga nyid 'od kyi rang bzhin pas// thabs kyi ye shes dbyings nas gsal// nyi ma'i snying po rang shar bas// 'byung ba lnga bas gtso chen yin// nam mkha' lta bur dngos med pas// bag chags skyon gyis sgrib tu med// man shel lta bur rang dag pas// sku gnyis ma brtsal dbyings nas gsal// nad med nang na 'od gsal ba// shes rab spyan gsum rnam par dag/ ri rang lta bung gzugs che bas// gom pa gcig gi pha rol phyin// kun gzhi 'a nga
- 228b
zhabs med pas// snang srid lto bur zos kyang ngam 'grangs// nam mkha' gos su gon kyang ngam g.yogs sa gzhi gdan du bting yang nga ma 'dus// nyi zla phang du thad kyang nga ma dros// kye gsang ba'i bdag po// ye shes rgyal bo tshigs las 'das pa la// lung dang rig pa nga la ci phyir yin// chos nyid ye nas ngos dang bral ba la// brtags pa'i tha snyad nga yis chos ma yin// rang byung ye shes 'gag pa med pa la// chos pa'i skyon gyi ye nas gos pa med// 'khor ba mya 'das gnyisu med pa la// gol dang ma gol tshig gi tha snyad yin// rig pa'i rgyal po gzhi nas dag pa la// sgrib dang mi sgrib nga la dog pa med// snying po bdod nas rdzogs sangs rgya ba la/ bsam gtan nga la gnas pas bden pa'i tshigs dang bral// lung du ma bstan pa yi sgrib pa'o// rigs kyi bu sangs rgyas kyi bar du bla na med pa la dri bar bya'o// bden pa ma mthong gi bar du bsgoms pas mthong bar mi 'gyur ro// ces byang chub sems dpa' rgyal mtshan rtse mo'i rgyud las/ che ba'i yon tan bstan pa'i le'u ste gsum pa'o// // de nas byang chub sems dpa' sems dpa' chen pos/ spyi don lnga dgrol ba'i gdams ngag bstan pa/ dbang po bzhi bsdu chos nyid do spang / rigs pa gos gyon/ ye shes ma bu smad/ nor bu rgyal sa bzung ngo // dbang po bzhi bsdu ba la lnga ste/ bdag srid pa'i rtse mo rgal nas/ dbang po tshogs drug 'gags pa'i dus su/ byang chub sems dpa'i khye'u snga ma la bzhi ste/ khye'u sa'i snying po// rigs rdo rje'i rigs/ 'byung ba sa'i rang bzhin/ sku mi bskyod pa'i sprul pa/
- 229a
bzhin sangs rgyas par rgyun gyis rtags pas/ de'i phyir ni stong pa ye shes kyi snying po can zhes bya ste/ nga'i rang bzhin ni mdzes pa'i lha mo 'od zer can ni zhes bya ba yin te/ sems can rnams la tshad med pa bzhi 'gag pa med par skyob pa'i phyir/ lha mo yin la rang bzhin dag pa'i phyir nas 'od zer 'byung ba nga'i sprul pa'i sku 'od zer du snang ngo // de'i phyir stong gsum gyi stong chen po 'jig rten gyi khams 'od gyi snang bar nus pa'o// de'i rtsa la snang ba na mkha' la sprin gyi kha dog dkar dmar du snang ba dang / sa bzhi la rin po che dang / sa'i kha dog dang / rtsi shing dang / me tog gi kha dog dkar dmar ltar snang ba thams cad kyang / nga'i sku'i rol pa las byung ba yin no// ces dri ba dang po'o// // de nas bcom ldan 'das kyis bka' stsal pa/ byang chub sems dpa' chos kyi sku ni rang bzhin gyi rnam par dag nis brjod pa'i mtha' las 'dra kyang / tshig dang dbang po'i spyod yul min kyang / nga'i rang bzhin chen po ye nas sangs rgyas pas/ gzugs kyi sku'i 'od zer lngar snang ba yin te/ de ci'i phyir zhe na/ nga'i sku ye shes sgyu ma'i lus su ma bstan na/ ngo bo dang rang bzhin de bzhin gshegs pas mi gzigs mi mkhyen no// nga'i thugs rje sprul pa'i sku 'od du bstan pas sems can rnams kyi shes par bya ba'i ched du/ dbu'i thor gcugs dang / mdzad spu'i bu ga dang / shangs kyi rlung rlom dang / ldags kyi brjing / thugs kyi dab pa dzurjo / btsung du na la cing nam dzi rgya chu tu bye pa// 'angs ma rkyo nga ba ma mis kyi ze kyi mdzi nyi can
- 229b
nas yang bka' stsal pa/ byang chub sems dpa' sems dpa' chen po khyod kyis dris pa de legs so// yang dag par rdzogs pa'i sangs rgyas la thugs rje dang rdzu 'phrul bsam gyi mi khyab cing brjod kyis mi lang ba de dag kyang khyod la 'byung bar 'gyur // ci ste sangs rgyas nyid kyi sprul pa'i sku yin pa'i phyir ro// de'i phyir khyod kyis chen po lngas sangs rgyas pas/ sangs rgyas ye shes kyi lus can zhes bya ste/ khyod kyi ngo bo dang rang bzhi ni bsam pa'i mtha' las 'das so// khyod kyi thugs rje ni sprul pa'i skur bstan kyang / don lha mo lngar snang ste/ lha mo lnga'i gzhal yas nas// mi bskyod rdo rje 'chang ba'i sku// snying po byang chub nyid la gnas// sems can kun gyi don gyi phyir/ gsal ba'i lha mo chen mo me long 'dzin// rtags kyi phyag rgya dkar la 'tsher// mnyam pa'i lha mo mi bskyod sku// rtags kyi phyag rgya ser la 'tsher// pad+ma'i lha mo dril bu 'dzin// rtags kyi phyag rgya dmar la 'tsher// las kyai lha mo shugs 'chang ma// rtags kyi phyag rgya sngo la 'tsher// dbyings kyi lha mo rnam dag sku// rtags kyi phyag rgya mthing la 'tsher// 'od zer sna tshogs phyogs bcur 'phro// chos kyi dbyings kyi pho brang du// sgrib med gsal ba'i ngo bor shar// dkar dmar 'od zer sna lnga yang // ma 'dres yongasu gsal ba'i phyir// gsal ba dang / dro ba dang / bsil ba dang / yangs dang / yangs shing khyab pa sangs rgyas kyi spyan/ mthar phyin pa me longs gi ye shes/ mchod pa gzugs kyi mchod pa la spyod do// de rnams so sor thim mo// kun la de 'dra/ khye'u phyag na rdo rje/ las kyi rigs/ rlung gi rang bzhin sku sangs rgyas don grub kyi sprul pa/ rang bzhin las kyi sgron ma/ mthar phyin pa bya ba grub
- 230a
@#pa'i ye shes/ mchod pa sgra yi mchod pa'o// khye'u na mkha'i snying po de bzhin gshegs pa'i rigs/ nam mkha'i rang bzhin/ sku snang mdzad kyi sprul pa/ rang bzhin skye med/ mthar phyin pa/ rnam par dag pa'i ye shes/ mchod pa'i dri'i mchod pa'o// khye'u spyan ras gzigs/ rin po che'i rigs/ chu'i rang bzhin/ sku sangs rgyas 'byung gnas kyi sprul pa/ rang bzhin ma me kun khyab/ mthar phyin pa mnyam pa nyid 'byed pa med pa'i ye shes/ mchod pa re'i mchod pa'o// khye'u sgrib pa rnam par sel ba/ pad+ma'i rigs/ me'i rang bzhin/ sku snang ba mtha' yas kyi sprul pa/ rang bzhin na bza' dkar mo// mthar phyin pa so sor smin pa'i ye shes/ mchod pa reg bya'i mchod pa'o// byang chub sems dpa' khye'u lnga po de'i khye'u snang ba rigs byed la so so gos gyon gnas su thim nas gnas so// de nas khye'u snang ba rig byed/ rigs med pa'i rigs/ a'i rang bzhin/ sku 'od dpag tu med pa'i rang bzhin/ ma bcos pas mthar phyin pa mi gnas pa'i ye shes/ mchod pa bya ba med pa'i mchod pa'o// chos nyid do spyad pa la gnyis te/ dbyings dang ye shes kha sbyor ro// rigs pa gos gon la gnyis te/ rig pa'i 'od kyi lus la 'jug pa dang / 'od rigs pa la 'jug pa'o// ye shes ma bu phrad pa la gnyis te/ sngon byung gi sangs rgyas la/ rjes 'jug gi sangs rgyas 'jug pa'o// nor bus rgyal sa zin pa ni/ sems can sangs rgyas pa'o// dbang bzhi bsdus chos nyid ma dang spang / chos nyid ngo sprang pas/ ka dag pa'i ye shes rang snang / rig pa'i go gon pas/ rdo rje lta bu'i ting 'dzin thob/ ye shes ma bu sprad pas/
- 230b
thugs rje 'byung ba'i sgom 'gags/ nor bus rgyal sa zin pas sangs rgyas mya ngan las 'anga'o// ces byang chub sems dpa' rgyal mtshan nA mo'i rgyud las/ ngo spong ba ni la spyi 'dud lnga dgrol ba'i le'u ste/ bzhi pa'o// kye byang chub sems dpa' sems dpa' chen po// da mya ngan las 'da' ba'i 'og tu/ 'khor gyi mi pho bzhi la/ gang 'dul ba'i chos gzhis ston po mngon par mthong ba bzhin ston cig gsang ba bla na med pa 'dul ba'i 'khor la/ bya brtsal med pa na mkha' lta bu'i chos bstan/ mtshan yongasu rdzogs pa'i byed pa'i 'khor la/ chu'i zla'i dkyil 'khor lta bu'i chos bstan/ mos pa spyod pa'i 'khor lo// gdung sha ri re ri bo che'i chos bstan/ tshad med pa bzhi dang ldan pa'i 'khor la/ sman gyi lha bai dUr+ya 'od kyi rgyal po bstan no// rigs kyi bungs 'jig rten gyi khams su rang lo nyi shu rtsa bzhi mon// sems can gyi lo/ stong brgyad brgya nyi shu rtsa bzhi sprul pa'i skur bzhug so// ces byang chub sems dpa' rgyal mtshan gyi rtse mo'i rgyud las/ sangs rgyas kyi ring srel gang zag gdab par bstan pa'i le'u ste lnga pa'o// byang chub kyi sems rgyal mtshon rtse mo'i rgyud rdzog so// / srin po rdo ba rgya kyi rgyung chungs/ @rgya gar skad du/ badz+ra rak+Sha tsi d+ha badz+ri mu ta ra tan+t+ran ma ma/ bod ska du rdo rje srin po rno ba rdo rje mgu can gyi rgyud zhes bya ba rgyud thams cad kyi snying po/ 'khor ba dong sbugs chen po'i rgyud/ he ru ka nag po chen po thor tshugs gcig la phyag 'tshalo// rdo rje sems dpa'i zhal tshems/ sangs rgyas 'a