F458MW1KG13607_0458rgyudAll versions of this work

'phags pa mkha' 'gro ma rdo rje gur zhes bya ba'i rgyud kyi rgyal po chen po'i brtag pa

Aryaḍākinibajrapancaraṃsaṅgrahamanḍadhamahātantradājaṇakalpanāma

Text

ff. 56a–122b · 132 folio sides

  1. 56a

    ye shes 'di ni che za zhing // rdo rje na mkha'i dkyil lta bu// rdul bral bar sbyin zhi ba nyid// khyod rang yang ni de yi ba// rdo rje dang pad ma byin gyis brlab pa'i sngags ni// oM pad ma su kha d+ha ra ma hA rA ga su khaM dang / tsa tur A nan+da b+hu ka bi shwa hu hA hU~M kar+yaM ku ru shA me// oM badz+ra ma hA de Sha tsa tun a nan+da dA ya ka kha ga mu khA ye ka ra so nA tha hUM hUM hUM kar+ya ku ru Sha me/ spyi bor ni oM gyi rnam pa// snying khar ni hU~M gyi rnaM pa/ ze 'bru la i'i rnam pa'o// rgyud kyi rgyal po chen po// sgyu ma'i brtag pa zhes bya ba// brtag pa su cu rtsa gnyis las phyung ba// brtag pa gnyis kyi bdag nyid// kye'i rdo rje mkha' 'gro ma'i dra ba'o// sdom pa'i rgyud kyi rgyal po chen po rdzogs so// phyogs dus kun du// bkra shis pa dang // dge legs chen pos khyab par gyur cig/ rgya gar gyi mkhan po ga ya d+ha ra dang // dge slong shAkya ye shes kyis bsgyur cing zhus te// gtan la pab pa'o// dge'o// zhes dag/ bkris/ 56'a1(rgyud): mkha' 'gro ba rdo gur bzhugs so// dbang / 56'b1(rgyud): rgya gar skad du/ ar+yA DA ki ni badz+ra pan tsa raM saM gra ha ma nA d+ha ma hA tan tra rA dza Na ka la pa na ma// bod skad du// 'phags pa mkha 56'b2(rgyud): 'gro ma rdo rje gur zhes bya ba'i rgyud kyi rgyal po chen po dkyil 'khor ba'i rtog pa// bcom ldan 'das rdo rje mkha'i 'gro ma la phyag 'tshal lo// mkha' dang 56'b3(rgyud): bems po gsal ba dang // gsal ba med dang rab dbye dang // sna tshogs rdo rje'i gzhi gnas dang // sems can khams dang yid rol dang // 'jig rten 56'b4(rgyud): sems can dang snod dang // sa 'og sa stengs sa bla dang // bar snang yid dang lus dang ngag/ gcig dang gnyis dang mkha' bde dang // drug dang lnga dang 56'b5(rgyud): drug gnyis dang // 'gro ba rnams ni bzhi po dang // khams gsum pa ni ma lus dang // pha dang bu dang ma yang rung // phyi rol don dang nang dang yang / 56'b6(rgyud): btsun mo kun dang chos dang ni// thams cad las dang bdag med dang // 'bras bu rgyu dang bya ba zhes// bsgrub bya ba sgrub pa rdo rje bdag/ 'di ltar kun bzhi 56'b7(rgyud): rnams shes dang / chos kyi dbyings dang ma skyes dngos// sems can khams dang na mkha' dang // bdag med bdag gi 'du shes dang // dngos dang bral

  2. 57a

    yang dngos med min// bde ba can te gru gsum dang // rdul med pa dang skyon bral dang // rdul bral dang ni sdig bcom dang // rang bzhin rba rlabs med pa dang // mtha'i bde ba bde rig dang // gsang ba mchog dang dges pa dang // nyi shur gcig gis ma chang dang // thams cad bdag nyid rtag bzhugs dang // kun dngos sangs rgyas sems dpa'o// 'dir ni rang 'byung bcom ldan 'das// mkha' 'gro ma ni rdo rje gur// lhag pa'i lha nyid gcig pa'o// dges rdor 'bum lnga'i bdag nyid las// dkyil 'khor rnam pa lngar gsungs ste// rdo rje can dang rtag pa dang // de bzhin rdo rje gzi brjid dang // pad ma gar dang dbang phyug dang / rta'i rgyal po lnga pa'o// rdo rje'i mkha' 'gro'i dkyil 'khor du// gau'u ra'i tsau ri be ta li'i// g+hasma ri dang puk+ka sI// sa ri tsan+da Do ma bi mo// rdo rje rtag pa'i dkyil 'khor du// skam pa mo dang zhag ldan nyid// nya gdol ma dang lcags kyu 'dzin// me tog la sogs gri'i char// rdo rje nyi mi'i dkyil 'khor du// nyi phyag ma dang mar me ma// rin chen sgron ma glog phyag ma/ sgeg mo la sogs tha'i char// pad ma gar dbang dkyil 'khor du// pad ma ma dang chos 'byung ma// lcags sgrogs ma dang sdom ma dang // gling bu la sogs gra'i

  3. 57b

    char// rang rang dbyibs su sbyar ba'o// rta'i rgyal po'i dkyil 'khor du// rdo rje sgo lcags lde mig ma// sgo 'dzin ma dang yol ba 'dzin// spyan sogs de bzhin gra rnams su/ rdo rje mkha' 'gro ma rnams kun// g.yon pa'i zhabs rnams brkyang bas bzhugs// snying khar khu tshur g.yon sdig 'dzub// sna tshogs kha dog cher 'bar ma/ shin tu zhes sdang zhe sdang che// go rI la sogs rab grags pa// shin tu gti mug rmongs chen phyir// skam pa la sogs cher 'bar ba'o// shin tu gzi brjid cher 'bebs pas// nyi ma la sogs rab tu grags// shin tu 'dod chags chags chen phyir// pad stsogs chos kyi dkyil 'khor du'o// phrag dog chen po'i sgrib chen phyir// sgo lcags la sogs myur 'gror ro// rgyal ba mgon po rtag pa ni// gti mug thams cad zad mdzad pa'o// rdo rje nyi ma rgyal chen po// rnam par rtog ba'i rab rib 'joms// 'dod pa chen po'i gar dbang ni// chags ldan rnams kyi byang chub rtsol// rang 'byung rdo rje phrag dog che// theg pa gzhan ni rnam sbas pa'o// / rdo rje sems dpa' rgyal chen ni// mi spyod ye shes 'byung gnas te/ skye 'gro mi bzad 'gron gnyer phyir// sgrib pa lnga ni 'joms pa'o// de bzhin gshegs de'i

  4. 58a

    sems ni rang bzhin rnam rtog gis// dri mas skye bo sbags par byas// de phyir kun tu rab 'bad pas// thugs kyi rdo rje rnam par sbyang // sems dag ni bde ba yin// nyon mongs dug ni thams cad 'joms// gal te stong pa thabs yin na// de tshe sangs rgyas nyid mi 'gyur// rgyu las 'bras bu gzhan med phyir// thabs ni stong pa nyid ma yin// lta ba rnams las log rnams dang // bdag tu lta ba tshol rnams kyi// bdag tu 'dzin pa bzlog pa'i phyir// rgyal ba rnams kyi stong pa bstan// de phyir dkyil 'khor 'khor lo zhes// bde ba thabs kyi sdom pa ste// sangs rgyas nga rgyal rnal 'byor gyis// sangs rgyas nyid yun mi ring 'gyur// ston pa sum bcu rtsa gnyis mtshan// mnga' bdag dpe byas brgya bcur ldan// de phyir thabs des bsgrub bya ste// thabs ni ston pa'i gzugs can no// rnam pa thams can gyi mchog tu rgya che ba'i sems can 'jug pa'i le'u ste// dang po'o// / de nas rdo rje khams gsum khyab// rnal 'byor ma ni rdo rje gur// dam tshig mchod pa yid 'ong ba/ rang gi 'khor la bka' stsal pa/ glu ni rdo rje can la dbul// sangs rgyas la ni gar dbul lo// de bzhin dri ni nyi ma'o// bza' btung 'jig rten dbang phyug la'o//

  5. 58b

    rnam par dag pa'i rdo rje zhes bya ba'i ting nge 'dzin to// zhe sdang gti mug nga rgyal dang // skye bo chags ldan ser sna dang // bsdu phyir rdo rje can 'khor lo// du ma'i rnam par rang nyid gyur// shin tu gdug cing drag pa la// zhi bas phan par mi 'gyur bas// de ltar rdo rje can gzigs te// rang nyid dgyes pa'i rdo rjer mdzad// shin tu stong par zhen rnams dang // med pa'i rtul zhugs 'dzin rnams kyi// don du sangs rgyas gti mug 'jig/ rdo rje can rdzogs sangs rgyas gyur// shin tu nga rgyal gdug pa rnams// skye 'gro'i nga rgyal zad mdzad pa// rdo rje nyi rgyal rang nyid ni// nga rgyal chen po'i mun pa 'joms// skye bo chags bral byang chub spangs// sems can gang zhig bde byed par// chags pas byang chub rab bsgrub phyir// pad ma gar dbang phyug tu gyur// kun mkhyen lam la gnas nas ni// gang zhig lam ni gzhan 'gro ba// de ni byang chub rab sprin phyir// mnga' bdag rdo rje rang 'byung nyid// dbang po gang dang gang lam nyid// de de'i rang bzhin phyir na 'gro// phan pa mchog gi sbyor ba yis// sangs rgyas kun gyi rang bzhin byed// gang dang gang gi bsam pa yis// mi rnams kyi ni yid sbyar na// des na de'i dngos 'gro ba// nor bu sna tshogs gzugs ji bzhin//

  6. 59a

    rta mchog la ni gos mchod de// 'di ni dam tshig dam pa'o// rdo rje mchod pa byas pa yis// rdo rje can kun mnyes par byed// a ka ru nag dgyes rdo rje// tsan dan dkar po brtag pa la// 'jig rten gtso la de nyid dmar// kha che rdo rje snang ldan la// rti'i rgyal ba thams cad de// rdo rje hU~M las byung ba'i dri// dri'i sbyor ba 'di yis ni// sangs rgyas mchog nyid thob par 'gyur// kha dang tshab rdo rje dbul// dang rab rdo rje brtag pa la// sgyur ba rdo rje nyid ma la'o// de bzhin lan ci 'jig rten gcor// rta yi rgyal po thams cad dam// skab rab tu brtag par bya// rdo rje 'dzin pa dgyes rdor la// shing skyes me tog nag po'o// mA li ka dang mA li tI// kun d+ha sangs rgyas rtag la dbul// shing skyes ud pal dang dri med// gsal byed la ni nges par sbyar// ud dpal dmar dang chu skyes dang // ban tu dmar po pa ta la// pad ma gar dbang phyug la dbul// rta mchog rdo rje can la kun// rdo rje can gyi 'khru gsum ste// sangs rgyas dkyil 'khor khru bzhi pa// khru lnga pa ni snang byed la'o// gar dbang phyug gi khru drug pa/ rting rgyal ba'i khru bdun pa'o// phan rdo rje nyi ma la'o// lam du 'jug na rta mchog la'o// sangs rgyas mgon la gnyid log na// gar dbang phyug gi bde ba'o// glu gar da

  7. 59b

    bzhin rol mo dang // sa bzhi yongs su 'dzin dus su// rdo rje sku ru gnas bya ste// rang gi rnal 'byor rab tu bsgrub// in Ta ni la rdo rje ste// zla ba nor bu thub chen dang / nor bu dmar rgyal mkha' mdzod kyi'o// pad ma rA ga spyan ras gzigs// ma ra ga ta ta yi ste// rin chen sna ldi'i rdul mtshon mchog/ de nas bcom ldan rdo rje 'chang // chen po mkha' 'gro rdo rje gur// 'byung po rnams dang 'jig chen po// zhes bya ba'i ting nge 'dzin la bzhugs te// dam tshig yang dag rab gsal mdzad// sa bon kun tu bzang po'i bdag/ in+d+ra ni la'i 'od dang mnyam// 'jigs pa chen po phyag bzhi pa// khro bo rol pa'i gzugs can no// dbang ldan 'byung po'i la mnan nas// g.yas na rdo rje 'dzin pa'o// phyag g.yon sdigs par mdzad pa de// gnyis po yang dag phyag rgyar sbyor// zhabs g.yon brkyang bas yang dag gnas// mche ba cung zad rtsigs par mdzad// mgo bo phreng ba'i 'od thod ldan// dbu skra 'dzings shing zla phyed brgyan// ri bo'i rtser ni sgom byas nas// 'byung po rnams kyi 'jigs chen 'grub// gnod sbyin 'byung po du ma dang // klu'i bu mo gnad sbyin mo// mi mo lha mo mdzes ma rnams// sgrub pa po la 'grub par 'gyur// sngags ni// oM b+hu ta TA mar b+hu ta a d+hi pa ti ak+Sho b+hU

  8. 60a

    ki ri Ti na// sarba b+hU te pre ta/ pi sha tsa~MtsaM sa d+ha ya hUM phaT// zhes bya'o// de nas rdor 'dzin rdo rje che// mkha' 'gro ma ni rdo rje gur// stobs chen ting 'dzin la zhugs te// char chen rab tu 'bebs par mdzad// char pa med na stobs chen las// chu'i tshogs ni dbab par bya// pad ma 'dab brgyad bsam byas la// de nas klu brgyad dgod par bya// stobs po che ni rang sbyar nas// de rnams rnga mar rab tu mnan// kha dog nag po cher 'bar ba// 'jigs pa yang ni 'jigs par mdzad// phyag brgyad pa la zhabs bzhir ldan// rdo rje mkha' lding gdan du mdzad// phyag rnams kyi ni klu dag rnams// yi ge pu ti'i sngags zlos shing // hUM gnyis kyi ni rab bcug ste// phaT ni mthar ru sbyar byas la'o// dang po zhal ni nag po ste// gnyis pa zla ba'i 'od ltar mdzes// gsum pa kha dog ser po'i 'od// bzhi pa dmar por brjod pa'o// rdo rje sems dpa' rnam brgyan cing // sbrul gyi brgyan gyis yang dag brgyan// klu rnams kyis ni char dbab phyir// stobs po che ni rab bsgom bya// de nas rgyal po rdo rje 'dzin// sangs rgyas kun gyi rang bzhin 'ching // rdo rje gur ni gsungs pa'o// sangs rgyas de nyid rab gsal mdzad// rdo rje pad ma'o byas shing /

  9. 60b

    ri 'ong can ni zos pa dang // rdo rje chu mchog mthung byed la'o// sangs rgyas nyid mkhyen 'di nga yin// dag pa'i gnas dang gnas chen po nam// sangs rgyas kun gyis rab gang ba// rdo rje rin chen rab bral 'bar// gang gyur dang ni 'chad pa yin// rtag pa'i grong khyer yid 'ong 'bar// rdo rje lu gu rgyud mkha' 'gro// sdug kun che phyir sangs rgyas kun// rdo rje lcags sgrog gis bcings na// gnyis dang ldan par g.yo 'gyur te// sangs rgyas rnams dang 'dod bya thob// rgyal ba mgon po byams pa ni// ye shes spyan gyis rnam par gzigs// rdo rje lu gu rgyud bcings pas// rgyal po'i tshogs rnams bcing par bya'o// gang zhig dngos grub mi ster na// lcags kyu yis ni bcings te dgug/ rdo rje lcags kyu 'go ri che// rdo rje zhags btsori ma// rdo rje lcags sgrog bai ta li// rdo rje dril bu g+hasma ri// sangs rgyas rnams ni dbang mdzad ma// bzlas dang sgom pa mngon dga' ba'i// dngos grub gal te mi ster na// de tshe mkha' 'gro ma bzhi yis// sangs rgyas rnams la stobs kyis bsgrub/ de nas rgyal ba rdo rje 'dzin// mkha' 'gro ma ni rdo rje gur// 'bum lnga dag tu ngas bsdus dang // mtha' yas rgyud du rab tu phye// sangs rgyas dkyil 'khor 'bru/

  10. 61a

    phrag cig/ rdo rje can gyi'ang de bzhin 'bum// rdo rje nyi mi'i 'bum gyis te// rdo rje chos kyi 'ang 'bum gyis so// 'bum phrag phyed kyis rdo rje rta/ 'byung po 'jigs chen stong phrag lnga// las kyi tshogs ni lnga yis so// ku ru kul+le'i khri gsum gyis// lnga yis sangs rgyas rnams kyi gar// lhag ma stong phrag lnga yis ni// rgyud kun cho ga'i rim pa'o// mkha' 'gro dgyes pa'i rdo rje dang // mkha' 'gro mar ni bcas pa rnams// 'bum phrag lnga yis nges bsdus pa'o// de nas blo ldan rdo rje 'dzin// mkha' 'gro ma ni rdo rje gur// sangs rgyas gar gis ting 'dzin bzhugs// gar dang glu la rab zhen pa'i// sems can rnams ni bsdu ba'i phyir// sangs rgyas gar la rol par mdzad// sangs rgyas gar gyi rdo rje yis// 'dod chags can gyi byang chub bsgrub// de nas rdo rje can byon te// me tog snyim par rab sbyar nas// sems can kun la phan 'dog pa'i// dam tshig der ni bshad par bya// sems can rnams ni bsdu ba yis// bsdus pa'i sems can ji snyed pa// sgong skyes mngal nas skyes pa'am// drod gsher las skyes brdzus skyes sam// gzugs can rnams sam gzugs med dam// 'du shes can nam 'du shes ni// med pa ma yin pa rnams dang // 'du shes med pa pa rnams sam/

  11. 61b

    nga yi sems can de rnams kun// phyag rgya chen po'i sgo 'phang la// rab tu dgod par bya'o zhes// dam tshig che bshad de nas ni// mig g.yon mi g.yo mgon byung ste// ma skyod ye shes brnyed ldan pa'i// ston pa la ni rnams brtson to// su khyod dam tshigs yi ge hUM// 'o na thub chen mtha' 'phen nam// bdag min dpal ldan thugs rje stobs/ khyod kyis stobs bcom min nam su// su khyod dam tshig yi ge oM// thub pa skyes mchog bram ze'am khyod// bdag med rnam par snang mdzad dpal// khyod ni me bcom 'dod bral lam// su khyod dam tshigs yi ge a// mkha' lding mkhyen ldan mnga' bdag su// bdag med gar gyi dbang phyug dpal// khyod ni gar mkhan gzhan rgan mkhan// su khyod dam tshigs yi ge traM// khyod ni gdugs te tsha ba 'jom// bdag men rdo rje nyi dpal mtshan// 'khor lo rnams khyod ji ltar men// su khyod dam tshig yi ge khaM/ khyod ni stong pas bkris pa'o// bdag med rdo rje mgyogs 'gro yin// khyod ni rta ste pha rol 'gro// su khyod dam tshig snying rje khang // e ma mdzes pa'i chang 'tshong ma// bdag med mi g.yo mA ma ki/ zhang po khyim 'dzin ma 'am su// su khyod dam tshig zhi pa nyid// bud med g.yo sgyu 'dzin ma su// bdag med lha mo spyan ma

  12. 62a

    yin// mig ste g.yo ba dang bcas sam// su khyod dam tshig 'dod chags che// smad 'tshong ma la sus smrar yod// bdag med lha mo gas dkar po// ji ltar dkar mor 'dzin pa med// su khyod dam tshig dbang chen mo// btsun mo pho nya mo 'am su// mig g.yon bdag med sgrol ma'o// mig bcom ma ste long ma 'am su// mig g.yon dag ni nor dpal ldan// khrel mdzem med pa nyid legs pa'o// khrel med sangs rgyas nyid ma yin// tshig nyung lta dang mthun pa min// de nas rdo rje brtsod pa'o// mig g.yon gyis ni rab gsungs pa// rdo rje sems dpa' sdang ba che// rmongs pa thub pa rnam par snang mdzad// 'dod la zhen pas 'jig rten gtso/ brnabs sems rdo rje snang byed yin// skyon kun byed pa don yod ste// 'dren pa lnga po skyon ldan no// sgong skyes mngal nas skyes pa 'am// drod gsher las skyes de bzhin du// gzugs can rnams sam gzugs med dam// rdzus nas skyes pa nyid rnams ni// thams cad sangs rgyas bya'o zhes// de ltar khyed kyis gsungs pa las// dang por sangs rgyas khyod gyur na// de rnams ci ste rgyas ma gyur// de na de phyir brdzun gyi tshig/ ji ltar mnga' bdag gis gsungs ste// sems can rnams la sangs rgyas nyid// gang

  13. 62b

    bskus khyed na ngo mtshar me// 'chi'i'i tshe'am mu ge 'am// bas kyi rgol ba gnod pa dang // rab gnas dkyil 'khor sbyin sreg dang / char mi 'bab dang zhi ba dang / sngags sgom dang ldan pa ni// gang zhig nga la rtag rol pa// de'i mdun du nga 'dug ste// de la log par nga mi 'gyur// slob dpon lnga dang lha mo bzhi// mi g.yo'i bdag nyid rtsod pa'o/ dkyil 'khor khang pa'i gnas su ni// sangs rgyas gar la rol pa byas// khams bzhi dang ni rtsa ba dang // 'jig nga ba yi brgyan rnams kyis// sangs rgyas rnams kyi ra mo gar// bde zhing dga' dang bcas par bya// chos 'byung grong khyer nyams dga' bar// glu ni dam tshig rdo rje ste// gar ni rdo rje gom pas so// rdza rnga sgeg sogs tha ma ra ste// dngos grub chen po rab ster ba// 'di ni gsang ba chen po'o// rdo rje sems dpas gsungs bzhin du// rab tu 'bad pas bsrung bar bya// glu sna tshogs dang rol mo'i sgra// gar dang 'jigs pa chen por 'jug pa dang char dbab pa dang // mi g.yo ba'i bdag nyid chen po ston pa'i le'u ste gnyis pa'o// de nas rgyal po rdo rje 'dzin// mkha' 'gram ni rdo rje gur// rdo nga gur ne ting 'dzin bzhugs// 'byung ba chen pa'i gtor ma gsungs// nam mkha' dbyings kyi das

  14. 63a

    gnas par// pad ma 'dab brgyad sgom byas la// dbang po shar gyi 'dab mar bsam// mthar byed lho ru dgod par bya// chu bdag nub kyi 'dab mar ro// byang du gnod sprin dgod par bya// mer ni byin pa chen po ste// de bzhin ro zan bden bral du// rlung ngu rlung nyid bsam par bya// 'byung ba'i gtso bo dbang ldan du// nyi zla tshangs lha sogs pa dang // tshangs ris kyi ni dam pa dang // tshangs pa 'dun na 'don nyid dang // dga' ldan pa dang thab bral rnams// rgyal po chen po bzhi rnams dang / gzhan 'phrul dbang byed pa rnams dang // gang zhig 'phrul dga'i lha rnams dang // dag pa'i gnas na gang gnas dang // bde ba can der 'dug rnams dang // 'og min na ni gnas rnams dang // 'od zer can gyi 'jig rten khams// sum cu rtsa gsum gang gnas rnams// chos 'byung nang du son pa ste// thams cad steng du bsam par bya// stobs kyis rgyu dang skyong ba dang // de bzhin mtha' yas nor rgyas bu// 'jog po dang ni rigs ldan nyid// dpa' chen 'dab ma bzang po dang // lha min sems can dmyal ba rnams// chos 'byung gnas su 'og tu'o// oM las tshangs lha la sogs ste// hUM las dum bu blangs la sogs// A las stabs kyi rgyu sogs pa'o// lag

  15. 63b

    gnyis gdong gcig can rnams ste// steng du lha rnams dkar po che// dbang po la sogs khyab 'jug 'dra// stobs kyi rgyu sogs mar po che// rang 'od rig ma lus khrang ldan// rdo rje dril bu lag pa sbrel// g.yas kyang bas ni stan la gnas// tshangs sogs rtag pa'i phyag rgya gdab// rdo rje rgya byin la sogs la// stobs kyi rgyu sogs gar gyi gtso// thams cad rigs gsum gnas su skyes// dkar mos dgug pa byas nas ni// chom rkun ma yi zhags pas bcings// ro langs mas ni sgrog gis bcings// za nus dril bus dbang byas nas// de nas mchod yon zhal bsil 'bul// sngags 'di yis ni mnyes par bya// oM A hUM/ de nas re shig 'thor mthung 'bul// sngags 'di yid ni gshegs su gsol// oM badz+ra satwa sa ma ya// ma nu pa la ya// badz+ra satwa te no pa tiSh+Tha Da~M D+ho mAM b+ha ba// su to Sh+yo me b+ha ba/ a nu rag to me b+ha ba// su po Sh+yo mi b+ha ba// sha shud+d+ho mi b+ha pa wa// hrid la me a d+hi tiSh+Tha// sarba sid+hi ma me pra yan+da// sarba kar+tha su tsa me// tsit+ta shrI yang ku ru n+tu/ haha ho// bag wa na sarba ta thA ga ta badz+ra ma mi mu ny+tsa 'dri bya ba mang sa ma ya/ satwa ma mra// zhes bya'o// de nas rgyal ba rdo rje 'dzin// mkha' 'gro ma ni de rje gar/

  16. 64a

    @ting 'dzin rdo rje ming bzhugs te// rdo rje ming ni gsal bar mdzad// ming gis dbang bskur dus su ni// rdo rje ming gi dbang skur na// skye ba 'dir ni sangs rgyas nyid// skyes pa rnams kyis bum pa'i dbang gis 'og tu ming gi dus su// rdo rje gzhad pa dang // rdo rje rnam par sgeg pa dang // rdo rje ldem pa dang // rdo rje rol pa dang / rdo rje bde ba dang // rdo rje bde ba'i myu gu dang // rdo rje pad ma dang // rdo rje pad ma'i myu gu dang // rdo rje a la la dang // rdo rje pad mi'i lcags kyu dang // rdo rje ye shes dang / rdo rje yid bzhin nor bu dang // rdo rje yan lag med pa dang // rdo rje shes rab myu gu dang // rdo rje snying rje myu gu dang // rdo rje mchog tu dga' ba dang // rdo rje dga' ba bde ba dang // rdo rje snang bar byed pa dang // rdo rje 'bebs pa dang // rdo rje na mkha' dang // rdo rje shes rab dang // rdo rje pha rol phyin pa dang // rdo rje chags pa ste// rdo rje'i ming de rnams ni/ dag pa'i gnas phyag rgya chen po 'grub pa rnams kyi'o// bud med rnams kyi ming 'byung ste// rdo rje snyems dang // rdo rje mtshon cha ma dang // rdo rje e ma'o bde ba dang // rdo rje bdag med pa dang // rdo rje spyan ma dang // rdo rje mkha' 'gro ma dang // rdo rje sor mo dang // rdo rje sgyu 'phrul ma dang // rdo rje 'bar ma dang // rdo rje lcags ma mo dang // rdo rje

  17. 64b

    shugs can ma dang // rdo rje ro langs ma dang // rdo rje lcags kyu ma dang // rdo rje phreng skor ma dang // rdo rje phreng ba mo dang // rdo rje sgeg mo dang // rdo rje bzhad pa mo dang // rdo rje sdebs ma dang // rdo rje kha se ma dang // rdo rje pad mo dang // rdo rje 'byung gnas ma dang // rdo rje gos gter ma dang // rdo rje chags ma dang // rdo rje sgrol ma dang // rdo rje do zhal mo dang / rdo rje rnam par bsgeg ma dang // rdo rje blo ldan mo dang // rdo rje skong ka ma dang // rdo rje kha chu ma dang // rdo rje dbug 'byin ma dang // rdo rje lag pa mo ni rdo rje mkha' 'gro ma rnams kyi'o// de nas de bzhin gshegs pa rnams kyi mtshan du gyur pa 'byung ste// rdo rje sems dpa' dges rdo rje// rab 'byung rnam snang chen po ste// rdo rje la a li thugs rje khro// de bzhin rdo rje khro bo nyid// rdo rje bdud rtsi bdud rtsi 'khyil// he ru ka ni snying rje stobs// rtag pa rdo rje gti mug ste// sna tshogs gyur pa rnam snang mdzad// oM yig sgyu 'phrul dra ba yang // rdo rje skur ni rab tu grags// sa ya'i snying po gti mug che// thob pa'i dbang phyug gshin rje gshed// de bzhin gshegs pa shAkya thub// sangs rgyas zhes byar mtshan du grags// rdo rje nyi ma rin tshan gtso// de bzhin rin chen rgyal po nyid// rdo rje gzi brjid rgyal po nyid// rdo rje nyim snang byed de// rta mgrin 'jig rten gcog

  18. 65a

    dang / spyan ras gzigs dang rdo rje chos// pad ma gar dbang 'dod chags dang // 'jig rten mgon po rab tu grags// rta mchog dang ni/ rta rgyal dang // rta bdun rgyal dang rta rgyal dpal// rdo rje dam tshig rta mchog dang // de bzhin las nyid rdo rje dang // don yon dang ni don yod grub// rdo rje myur 'gro rab tu grags/ rdo rje 'dzin dang rdo rje sems// rnam rgyal phyag na rdo rje dang // dpe med rdo rje bde ba dang // dam pa dang po bde chen po// chags dang zhe sdang gti mug dang // de bzhin dam tshig sems nor bu// de rnams rigs rnams drug tu brjod// 'dod pa thar pa bsgrub pa'o// de bzhin gshegs pa thams cad kyi mtshan mchog tu ston pa'i le'u ste/ gsum pa'o// rdo rje snying po mngon byang chub// rtag pa'i rgyal po dang po ste// sgyu 'phrul rtag pa gnyis pa'o// rdo rje gur ni gsum pa ste// bzhi pa sna tshogs rtag pa zhes// rdo rje brtag pa lnga pa'o// brtag pa drug pa stobs po che// brtag pa bdun pa mi g.yo mgon// gzungs kyi brtag pa brgyad pa ste// dgu pa mkha' 'gro ku ru la/ 'jig rten brtag pa bcu pa'o// rnam par snang mdzad bcu gcig pa// dngos grub brtag pa bcu gnyis pa// sgrol mi'i rtag pa bcu gsum pa// rdo rje phag ma

  19. 65b

    bcu bzhi pa// bco lnga pa ni gzi brjid che// bdag med brtag pa bcu drug pa// bcu bdun pa ni gshin rje gshed// hUM mdzad kyi ni bco brgyad pa// so sor 'brang ma bcu dgu pa// sbyin sreg brtag pa nyi shu pa'o// rab gnas nyi shu rtsa gcig pa'o// dkyil 'khor chen po'i brtags pa ni// nyi shu rtsa gnyi su brjod// gtor mi'i brtag pa nyi shu gsum// nyi shu bzhi pa sta gon no// mngon par rtog pa nyi shu lnga// de bzhin phyag rgya nyi shu drug/ byed pa nyi shu bdun pa'o// glu ni nyi shu brgyad pa ste// gar gi dbang phyag brtag pa ni// sum bcur gcig gis ma tshang dang // brtag pa gsum cu pa yang bshad// stong phrag sum bcu'i grangs kyis ni// mkha' 'gro mkha' 'gro ma rnams kyi// rgya mtsho chen po 'bum phrag lnga// dgyes pa'i rdo rje rdo rje 'dzin// e ma rgya chen rgyud bstan pa'o// 'bum lnga dges pa'i rdo rje las// snying po 'di ni yongs bsdus pa'o// 'di ni rgyud kyi nges pas ste// rdo rje mkha' 'gros gsungs pa'o// dges pa'i rdo rje rnal 'byor rgyud// dang por rgyal ba rnams kyis bshad/ phyi nas rnal 'byor mi'i rgyud// de nyid mo gzugs bsdu phyir ro// bcom ldan 'das ji ltar spros pa las bsdus pa lags// bskal pa bzang po 'di la byang chub

  20. 66a

    sems dpa' rnams dang // so so'i skye bo rnams che thung bar gyur te// ji ltar de rnams kyis 'dzin par nus par 'gyur// ji ltar de rnams kyis thos pa byed par 'gyur// ji ltar bsnyen bkur nus par 'gyur// bcom ldan 'das so so'i skye bo rnams ji ltar tshe thung bar 'gyur ba lags// rdo rje 'dzin pas bka' stsal pa// gang rnams slob dpon gyur pa de srid du de rnams rtsa ba'i ltung ba can du gyur pa dang // gang dag 'jug pa de ni mi dge ba bcu'i lam la 'jug par 'gyur ba dang // gang dag so so'i skye bo de rnams kyang srog gcod pa can du 'gyur bas ji ltar 'dzin nus par 'gyur// ji lta bu zer// gang dag bud med kyis tshogs rnams 'dod pa la gcig tu mngon par zhen cing kun tu zhen par gyur te/ de'i phyir na rgyud rnams thams cad kyis rgya cher bstan pa ma yin no// de nas bcom ldan 'das de bzhin gshegs pa thams cad rdo rje 'dzin pa'i rdo rje'i gsung bstan te/ cang mi gsung ba thob par gyur nas tshig 'di skad du gsungs so// dur khrod dang ni chu 'gro dang / nags chal 'bab chu grong khyer du// snying rje chen po dges rdo rje// nga bsnyen kun la dngos grub ster// tshe skyes rnam pa'i chu 'gram dang // sku gdung

  21. 66b

    mchod rten zab mo dang // rkang skyob bsil ba'i 'og tu ni// nga ni sangs rgyas dngos grub ster// tshong dus dang ni tshong dal nyid// ya thog rnams pa'i khang pa ru/ rdo rje nyi mang brten cing // gus ldan rnams la dngos grub ster// rgyun du glu dang gar can dang // chang tshong ma'i khyim rnams su// pad ma gar dbang nga 'di ni// gus ldan rnams la dngos grub ste// myur 'gro rtag tu zhon gyur cing // cung zad lam nas bgrod pa na// don yod rta ni brten byas na// don yod rnams kyi dngos grub ster// de nas bcom ldan rdo rje 'dzin// mkha' 'gro ma ni rdo rje gur// rnam rgyal phyag rgya'i ting nge 'dzin bzhugs// phyag rgya phyag mtshan yang dag gsungs/ sku gsung thugs su brtag pa'i phyir// phyag rgya rnam gsum shes par bya// sku ni lags pa'i phyag rgya yin// sngags bzlas ngag gi phyag rgya yin// thugs kyi mtshan ma'i phyag rgya yin// de nyid bsam gtan dkyil 'khor la// phyag g.yas na ni skam pa ste// de bzhin g.yon na sdig 'dzub bo// skam pa ma drag mkha' 'gro ma/ gdug pa rnams kyi 'khur ba 'don// phyag g.yas na ni zhags pa ste// de bzhin gdug pa rnam par 'gugs// zhags pa ma der shes bya ste// g.yon pas

  22. 67a

    gdug la sdig 'dzub mo// g.yas pa na ni nya rdol ste// gdug pa bkri bar brtson pa mo// 'di rnams nya rdol mar bshad de// g.yon pas gdug la sdig 'dzub mdzad// phyag g.yas na ni lcags kyu ste// gdug pa rnams ni 'gugs par brtson// rdo rje gyo ma 'di rab bshad// g.yon pas gdug la sdig 'dzub mdzad// phyag g.yas na ni nyi ma ste// gti mug mun nag rnam par sel// g.yon na sdig 'dzub 'dzin par mdzad// 'di ni rdo rje 'dzin par bshad// phyag g.yas mar me'i snod ldan zhing // de bzhin g.yon na sdig 'dzub mdzad// rnams rtog rab rib sel mdzad ma// 'di ni rdo rje mar me bshad// phyag g.yas na ni rin chen ste/ sems can rnams la sprin gsol ma'o// g.yon na sdig 'dzub 'chang ma ste// 'di ni rdo rje sgrol mar bshad// phyag g.yas na ni glog 'khyug ste// rnam par rtog pa'i chu bo 'joms// de bzhin g.yon pa sdig 'dzub ma// 'di de glog phyag mar shes bya// phyag g.yas na ni pad ma ste// pad ma'i chags par brjod par bya// g.yon na sdig 'jub ldan nyid de// pad ma mkha' 'gro ma 'dir brjod// g.yas na pad mi'i b+ha ga ste// bde ba chen po rnam 'phel ma'o// g.yon ni sdig 'jub 'dzin ma ste/

  23. 67b

    de ni chos 'byung mar brjod do// phyag g.yas na ni lcags sgrogs ste// sdug kun byang chub 'ching ba mo// g.yon na sdig 'dzub mdzad ma ni// rdo rje ljags sgrog ma ru brjod// sangs rgyas rjes chags 'ching ba yis// bdag nyid 'bad pas 'ching ma ste// byang chub chags pas rab bsgrub ma// 'di ni rdo rje sdem mor bshad// phyag g.yas na ni sgo lcags ste// kun mkhyen ye shes bsrung ba mo// g.yon na sdig 'dzub 'dzin mdzad ma// rdo rje sgo lcags ma der brjod// phyag g.yas na ni lde mig ste// ye shes blangs nas dkrol ba mo// g.yon na sdig 'dzub 'dzin mi na// rdo rje lde mig ma 'di bshad// phyag g.yas na ni sgo mo ste// ye shes skyes pa ma bkag pa'o// g.yon na sdig 'dzub 'dzin pa mo// 'di ni rdo rje sgo mar brjod// phyag g.yas ni ni yol ba ste// rang 'od btsun mo bsrung ba yin// g.yon na sdig 'dzub 'dzin pa mo// rdo rje yol ba mor bshad do// 'di ni sangs rgyas thams cad kyi// mkha' 'gro ma ni dam pa'i tshogs// mkha' 'gro lnga po rab bsgrub phyir// mkha' 'gro mi'i rgyud gsungs so// de nas byang chub sems dpa' de rnams thams cad mkha' 'gro ma'i rdo rje'i gsung thos nas// 'jigs shing

  24. 68a

    'dar ba thob par 'gyur// kye bcom ldan 'das ci 'di nyid che ba'i dam tshig tu gsung ba lags sam// de nas bcom ldan 'das kyis byang chub sems dpa' thams cad la 'di skad ces bka' stsal to// bcom ldan 'das byang chub sems dpa' thams cad 'jig rten gyi khams 'od zer can zhes bya ba na// rdo rje nges par brjod pa zhes bya ba'i legs par sbyar ba yod de// 'di ni de'i yin te// dbyings las nam mkhar 'gro ma zhes// skad kyi dbyings rnams brtags pas/ thams cad mkha' la spyod 'grub pa// mkha' 'gro ma 'dir rab grags so// de nas byang chub sems dpa' de rnams thams cad gsung 'di thos nas cang mi smra ba'i ngo bor 'gyur to// gyur pa de nas tshig 'di dag gsol to// e ma ho mkha' 'gro ma'i rgyud// rgyud rnams kun las 'das pa ste// rtogs sla'ang rtogs par dka' ba dang // rigs na'ang mi rig pa nyid do// de nas de bzhin gshegs pa mi skyod pa la sogs pa rdo rje can thams cad kyis byang chub sems dpa' rnams kyi sems bskul pa'i phyir 'di skad ces gsungs so// bcom ldan 'das byang chub sems dpa' thams cad rgyud kyi rgyal po rdo rje gur 'dir// rnal 'byor ma dang mkha' 'gro ma rnams

  25. 68b

    'dir ji ltar 'du bar byas pa'i phyir// byams pa la sogs pa de rnams kyi gsol pa// thog mar rdo rje 'dzin pa yis// sgong skyes la sogs ma lus pa/ bdag gis srid las bsgral lo zhes// byang chub tu ni mngon brjod na// ci phyir btsun mo rnams por bya// srog chags gsod la 'bad ldan dang // lta ba las ni log rnams dang // btsun mo rnams ni bsdu ba'i phyir// bde ba'i thabs ni rgyas min zhing // gzhung nyung ba la don rgyas pa// blo dman rab tu rtogs byed pa'i// sngags rnams kyi ni khyad par phyir// rgyud kun gyi ni snying po yi// mkha' 'gro ma'i rgyud bshad do// rdo rje nges par brjod pa zhes bya ba'i ting nge 'dzin to// 'di ni bshad pa tsam gyis ni// bdag med rnal 'byor ma nyid kyis// sngon du gar gyis mchod byas nas// rang gi 'khor lo grub ster gsungs// sangs rgyas dang ni rdo rje sems// gal te rdo rje chos dang ni// rta mchog rdo rje nyi ma ni// bdag ni spangs na mi 'grub po// nga nyid sangs rgyas thams cad kyi// skyed pa'i gzugs kyis gnas pa'o// de rnams kyi ni mdzes mang // de rnams la'ang dngas grub ster// mig sman dang ni nang ma gyogs dang // ral gris 'og sgrub pa dang // ri lu ma dang

  26. 69a

    la spyod pa dang // mi sdang ba dang bcud kyi len// rigs 'dzin 'khor lo sgyur nyid dang // bu mo 'gugs pa mchog dang ni// sgrub pos ngal mnyes byas pas// dngos grub rdo rje rnams thob po// 'jo ba'i phyir ni mang por ni// smras pa 'di yis ci zhig bya// nga spangs sgrub pa med do kye// byang chub med cing sgom pa med// gang zhig nga ni rtag dran pa// rtag tu klog cing sems pa dang // phreng sngags la ni bzlog byed cing // de'i sku ni sgom byed pa// gal te sgyu mi gzugs kyis kyang // gal te rmi lam na nga mthong // shin tu bsgoms pa'i rgyun las ni// mngon gsum du ni mthong bar 'gyur// gzugs brnyan dag la sbyar ba'i phyir// de yi dngos grub sbyin par bya// bde ba chen por sbar ba'i phyir// rdo rje pad mar rab sbyar ba'i// gang zhig bdag la 'dod ster na// lus can de la su zhig brjod// rdo rje mchod pa rab sbyar zhing // gang zhig nyin phyed sgom byed na// shes rab pha rol phyin grub pa// de ltar nga ster the tshom med// bdag nyid he ru kar byas la// rang gi btsun mo ngar bsgoms ste// chags chen gis ni 'dod spyod gang // de rnams la ni nga mnyes 'gyur// 'dod pa'i yon tan lngar ldan par/

  27. 69b

    dga' ba'i rol pas ldan pa dang // klu dang rol ma'i tshogs rnams dang // 'dod kun bde bas thob pa dang // sna tshogs sgeg par sbyor ba dang // sna tshogs ri'i btung ba dang // gos b+hakra sna tshogs gis ldan zhing // sna tshogs dri yi byug ldan pa// gang zhig brtags pa rang bsnyen pa// de la dngos grub rab ster te// de yi 'dod ldan nga ma yin// phyag rgya chen po'i go 'phang nas// oM a A/ i I/ u A/ ra r-I/ l-i l-I/ e AM/ o IM aM a swA hA// gang zhig 'di yis nga la ni// skul bar byed pa'i rgyal sras te// de'i rwa stengs su 'dug ste// bud med sgyu ma'i snyoms 'jug bde// shar du rdo rje sbyin zhes bya// lho ru 'go/ ri'i gzugs can ma// nub tu chu yi mkha' 'gro ma// byang du rdo rje mkha' 'gro ma// dbus su bzhugs pa nga nyid do// dkyil 'khor snying po som byed gang // de'i mdzes ma rtag pa rang // phyag gnyis zhal ni cig ma la// gri gug mi yi thod pas sbrel// stag gi lpags pas rnam bkres shing // spyan gsum gyen du skra brjes ma// phyag rgya lnga yis rnam brgyan ma// shar sgor ser mo chen mo ste// lhor ni chom rkun gzugs can ma// ro langs ma ni nub kyi sgor// de bzhin byang

  28. 70a

    sgor za nus ma'o// lha mo spos ma dbang ldan du'o// dag byed mtshams su ri khrod ma// srin pa'i mtshams su drag 'dzin ma'o// rtag 'tsha ru ni rmi ma'o// 'tshams dang mtshams bral de rnams su// bkod de gang zhig nga bsgom pa// de yis lag tu dpal son te/ sus kyang 'phrog par nus pa min// de kun mdog nag 'od dang ldan// yi dwags steng du gar dang bcas// dpa' mo khro tshul chen mo 'chang // g.yon na kha T+wAM 'dzin pa mo// de nas bcom ldan rdo rje 'chang / mkha' 'gro ma ni rdo rje gur// ting 'dzin mchog dga' la bzhugs ste// rig pa'i dbang ni yang dag gsungs// rdo rje thugs ni rab bsgom las// rang gi rig dang skyes bu'i chus// bum pa brgyad po thams cad dkang // rdo rje can bsams mnyes par bya'o// 'dir ni dbu rgyan sbyin bya ba// rdo rje nyi ma rab bsgom bya// rdo rje tshigs bcad rab sbyar nas// thams cad sngon bzhin bsams byas la// rdo rje chen po rtse dgu pa// rang gi lag pas snying gar bya'o// slob ma 'jig rten dbang byas la/ rdo rje sems dpa' zhes dbang skur// sangs rgyas dbang kun rdo rje yis// de ring khyod ni dbang bskur 'gyur// 'di ni sangs kun nyid du// rab grub phyir na rdo rje

  29. 70b

    bzung // lha mo sgrol mas 'khyud ldan pa'i// slob ma rta mchog du bsams te// lag par rdo rje dril 'khrol bzhugs// rdo rje bdag po dbang skur bya// oM badz+ras d+hi pa ti s+t+wa~M a b+hi Shany+tsa mi tiSh+Tha badz+ra sa mA ya s+t+wa~M zhes pa'o// slob ma rnam par snang mdzad la// ming gis kyang ni dbang skur bya'o// oM badz+ra satwa s+t+waM a bI Shiny+tsa mi badz+ra na ma a b+hi She ke ta zhes ste// kye dpal che ge ma rdo rje zhes so// gang gang snang ba de kun rang // de rang gtso bo he ru ka/ chos rnams rang bzhin gyis dag pas// sangs rgyas ye shes su gang lta// 'di de sangs rgyas thams cad nyid// rdo rje sems dpa'i phyag na gnas// rdo rje snying pos brtul zhugs bstan// khyod kyis kyang ni rtag tu bzung // oM sarba ta thA ga ta sid+ha badz+ra sa ma ya tiSh+Tha staM d+ha ra ya mi// hi hi hi hi hi hUM// thams cad rim par cho ga yis// thams cad bla na med mchod nas ni/ de nas rdo rje lag nas lag/ slob ma rdo rje brtul shugs sbyin// thog mtha' med pa'i sems dpa' ni// rdo rje sems dpa' bde chen po// kun tu bzang po kun bdag nyid// ji rje sring pa bdag pa'i bdag/ da la yang na dril ba sbyin// shes rab par ba byin skye bar/ sems can kun gyi na gyi phyir// ku tu tshul bu'i ming /

  30. 71a

    'di de sangs rgyas thams cad kyi// shes rab dbyangs rjes 'gror bshad// rgyal bas byang chub mchog brjod pa// khyod kyis kyang ni rtag par bzung // kun tu dbugs phyung rab sbyin nas// rang nyid shAkya thub gyur te// slob ma chen po lung bstan na// sangs rgyas nyid 'dir the tsom med// khyod ni 'chi 'jigs mya ngan med// de bzhin nad dang rgas pa med// bde chen theg pa 'dir byin na// nga yis bu khyod lung bstan 'gyur// oM ngas 'dir khyod la lung bstan pas// srid pa'i ngan 'gro las grol ste// rdo rje sems dpa' de bzhin gshegs// srid pa shin tu bsgrub phyir ro// kye deng phan chad sa 'og dang // sa steng dang sa bla na rdo rje che ge mo zhes bya ba'i de bzhin gshegs par 'grub bo// bcom ldan 'das rig pa chen po dbang skur ba'i dam tshig gis de skad ces bka' stsal to// de nas bcom ldan rdo rje 'dzin// ting 'dzin rdo rje ston pa pos// rdo rje dam tshig zhes bya ba// phyung ste gsung 'di bka' stsal to// bla ma rdo rje can mchod cing // bdun po rnam par dag pa bya/ byang chub tu ni sems bskyed de// chos kyi 'byung gnas rnam par bsgom// de la sangs rgyas gnas bsams te// rnam pa lnga po bsgom par bya// dang po skyes bu sems don/

  31. 71b

    mkha' 'gro ma'i 'khor lo spro// dri za rab tu zhugs pa ni// lhung ste zhu ba rjes dran pa// mtshams kyi lha mo rnams kyi bskul// bskul nas 'khor lo 'dren pa ni/ mig la sogs pa gti mug sogs// rdo rje gsum po gnas gsum dgod// de nas rdo rje chags chen te// ye shes dngos po rab bcug la// rig ma brgyad rnams kyi dbang bskur// bdud rtsi yang ni myang bya zhing // lha mo brgyad rnams kyis mchod nyid// 'khor lo 'dren pa la bstod bya'o// de nas yan lag drug bsgoms ste// rang yang ma byin brlab pa yis// byin gyis brlabs par bya ba yin// cho ga go rims rim pa yis// de nas mtshan mar mtshon par bya// dang po sprin gyi rnam pa ste// gnyis pa du ba lta bu'o// gsum pa srin bu me khyer dngos// bzhi pa mar me gsal 'bar ba'o// lnga pa rtag tu snang ba ni// sprin med nam mkha' lta bu'o// thams cad mkhyen pa'i rgyud de lta bu// dngos grub des 'jug de ba yin// phyi nas sgyu mi'i rnam pa ltar// rmi lam rnam pa skad cig 'gyur// khams gsum rgyu dang mi rgyu ba// ma lus lus pa med par 'gyur// 'jig rten khams ni thams cad du// ji srid rdo rje'i lus can rnams// ye shes 'phungs pa'i

  32. 72a

    blo ldan pa// de yi rjes su thams cad 'brang // khams gsum lam ni nyams dga' bar// ji srid skye nas las byung rnams// phyag rgya chen po rab sbyor ba// de rnams kun la nye bar spyod// byang chub sems dpa' de bzhin gshegs// rdo rje tshig tu thos nas ni// dga' zhing spro bar rab gyur nas// sprin mdzad rdo rje rnams su gyur// rig ma chen mo bdag med dang // mnga' bdag rdo rje snang mdzad dang // rgyal chen rdo rje sems dpa' dang // rta mchog thub pa chen po dang // rdo rje nyi ma gzi brjid che// mnga' bdag chen po rta mchog ni// lus kyi gong bu 'gul 'gyur zhing // lus dang ngag sems nyid kyang ngo // rgyal po lan gcig gis bton na// 'phral du mngon gsum byed pa'o// de nas rgyal po rdo rje 'dzin// sku gsum rdo rje mchog 'chang ba// ting 'dzin rdo rje mnyam bzhugs ste// gsung ni 'di skad bka' stsal to// dkyil 'khor rdo rje mkha' 'gro mal// dbus bzhugs zhal brgyad stobs pa che// bcu drug phyag rnams kyis ldan zhing // in+d+ra nI la dang mnyam 'od// 'bar ba chen po zhabs bzhi pa// sgeg pas drag pa'i gzugs can te// dkyil dkrung phyed pas gar du bzhugs// rus pa'i rgyan gyis rnam par brgyan// dang pa'i zhal ni

  33. 72b

    nag po la// dkar po dmar pos rnam par brgyan// bdud bzhi po la rab mnan cing // spyi bor rdo rje 'dzin mchog ste// rdo rje de la mdog bsgoms ste// 'od chen kha dog nag por ro// dbang bskur ba'i gnas nyid du// sangs rgyas lngas ni rnam par brgyan// glang po rta bong ba lang dang // rnga mo mi dang bse kha sgo// de bzhin du ni byi la rnams// g.yas pa'i thod pa brgyad po ru// gnyis 'thung la sogs rim shes bya// swa dang chu dang rlung dang ni// gzi brjid zla ba nyi ma nyid// mthar byed dang ni nor sbyin dang // g.yon pa'i thod pa brgyad na'o// skyes bu chen po bzhengs pa rdo rje zhes bya ba'i ting nge 'dzin to// mig la gti mug rdo rje dgod// zhe sdang rdo rje rna ba ro// ser sna chags dang de bzhin reg/ bdag med ma yang bsgom par bya'o// kun kyang zhal cig phyag gnyis 'gyur// sna tshogs gzugs ldan btsun mo rnams/ gri gug thod pas phyag rnam 'brel// srog song steng du yang dag gnas// sa spyod ma dang mkha' spyod nyid// de bzhin sa 'og gnas pa mo// 'di nyid kyi ni cho ga yis/ gnas gsum du ni gnas par bsnams// yi ge oM ni rgyal chen po// sku yi rdo rje rnam par brgyan// rgyal po chen pa rdo rje thugs// rdo rje sems dpa'i gnas na bcus/

  34. 73a

    @yi ge a ni de nyid mchog/ ngag gi lam gyi gsal byed brjod// sku gsung thugs dang rdo rje yis// chos can rigs gsum po rnams 'byung nyi ma'i dkyil 'khor dbus gnas par// 'go rI'i gzugs can bsgom par bya'o// lcags kyu dang ni sdig 'dzub 'dzin// kha dog dkar mo gzugs chen mo// 'go rI yi rdo rje can zhes bya ba'i ting nge 'dzin to// dkyil 'khor dmar po'i dbus gnas par// tso bo ri'i gzugs can bsgom bya ste// gcom gser gyi mdog 'dra 'o// mtshon chen rdo rje zhags pa can// rdo rje dkyil 'khor dbus gnas par// dmar po'i 'od 'dra be ta li// rdo rje lcags sgrogs nga rgyal gtum// byang chub rnam par 'ching mdzad ma'o// 'od kyi dkyil 'khor dbus gnas par// g+hasma rI ni de nas bsgom// rdo rje dril bu phyag bsgril ma// ma ra ka ti'i mdog 'dra ba// rdo rje sgo skyong mi'i nges par bsgom pa rdo rje zhes bya ba'i ting nge 'dzin to// gra ru lha mo bzhi po rnams// byang chub sbyar phyir bsgom par bya// byang chub sems dbum pa ri// me thab dang ni rgyal mtshan che// gnyis med ma ma ki sbyar nas// mgon po de ltar sgom par bya// 'dod chags chen po'i rjes chags kyis// bde ba rba rlabs med pa thob// 'byung ba

  35. 73b

    bzhi mchog rdo rje zhes bya ba'i ting nge 'dzin to// de nas rgyal po rdo rje 'dzin// theg pa mchog gsum ston po// rnam kun ting 'dzin la zhugs te// gsung ni 'di skad bka' stsal to// hUM las byung ba'i khro bo rnams// rtag tu zhe sdang mchog ldan te// sems kyi nang du khros byas la// rab tu 'bad pas bsgrub par bya'o// na ma sa man+ta bud d+he b+h+yo// na mo badz+ra mud ka ra// hastA ya tsan Da man Da lA k+She pa ka ra ya hUM phaT// de nas khro bo che gsungs pas// sangs rgyas byang chub sems dpa' kun// 'jigs shing 'dar bar gyur nas ni// mnga' bdag rdo rje 'dzin dran 'gyur// mi mo'i pad ma gas chag med// srubs gcig pa'am bsrubs gnyis par// rig ma bzhi yi rab sbyor bar// sangs rgyas kun gyis mnyam par gang // gang rjes rdul gyi cho ga yis// rkang pas mnan te bzlas pa bya// sku gsum bskyed nas bsgoms pa yis// rtag tu bu mo 'gugs par 'gyur// gshin rje bshed po rdo rje zhes bya ba'i ting nge 'dzin to// na maHsa man ta bud+d+he b+h+yo// ma hA Da tsA/ d+ha ra bi bid+ha su ra a su ra// mar d+ha na b+hU tAn na ram ta hUM phaT// de nas gzhan gyis mi thub stabs// khro ba chen pos de gsungs pas// byang chub sems dpa' de bzhin gshegs/

  36. 74a

    gzhan yang 'ad da du gyur// 'byung ba yi dgas ga bzhis// grul 'bum dang ni mkha' 'groms// nas pa papa la rnams pacas badzud rjeg zing bas bde// gzhan gyis mi grub pa'i ting nge 'dzin to/ rnams san byung kyi rjesas sus mad padas sa kA ru shAg na gas/ dug pa ni dgug byas shing // de bzhin du rgyal ba blangs par bya'o// pad ma snyems pa zhes bya'i ting nge 'dzin to// nam sa man ta bud d+he b+h+yo// na mo badz+ra kro d+hA yA// mahA daMSh+To ka Ta/ b+hi bA ya// badz+ra san taH// dar bA ya/ oM a mra ta kun+da li hU~M phaT// de nas khro ba cher bshad pa// 'gegs 'jams rdo rje 'chang bas ste// sangs rgyas kun dang sems dpa' che// yid ni dga' ba med par 'gyur// rlung khyer ras ni rab blangs ste// sgrub pa'i ming yang rab bzung nas// de yi rkang rjes rdul byas pa'i/ tshogs bdag rkang pa'i 'og bcug la// rdo rje bdud rtsi ting 'dzin las// dz+wa pha Ta yig brjod du byas te// khro ba'i sngags kyis rab sgyur gyis// sangs rgyas nyid kyang blang par 'gyur// 'dud rtse rje zhes bya ba'i ting nge 'dzin te// shin tu smras pa rnams su ni// 'askul ba 'di ni rab tu bya'o// ye shes de rje zhes byas ni// nyis

  37. 74b

    bdun gyis 'grub par 'gyur// na ma san ta bud d+he b+h+yo// oM ya ma dan Ta ya ni la ran TA ya// tu ru tu ru// mu ru mu ru// sarba duSh+TAn mA ra ya hUM phaT/ de nas khro ba dbyug sngon po// ag tshar che ldan gsung tsam gyis// sems dpa' sangs rgyas thams cad kyi// srog kyang 'don par byed yin te// gdug pa rnams ni ltung ba yin/ rab tu sbyor ba'i cho gas bskul// bsgoms shing brgya phrag brgyad du ni// bzlas na shin tu 'grub pa yin// dbyug pas mnan pa rdo rje zhes bya ba'i ting nge 'dzin to// na ma san ta bud d+he b+ho// na mo mahA bA lA ya u tsuSh+ma kro d+ha rA dza ya sarba nA ga naM hri d+ha yaM ta Ta hUM phaT// de nas ga tuM po gsungs pa yis// dug gdong 'jigs shing stobs bral te// 'jigs shing stobs bral te// 'jigs shing 'dar bar gyur nas ni// stobs chen ni dran par 'gyur// rdo rje stobs kyis snang bar byed pa zhes bya'i ting nge 'dzin to// nam sa man ta bud d+he b+h+yo// na mo a tsa la kA Na/ tsen+d+ra tseT+Ta/ mo nA mo n+ta/ tun tun+ta/ g+ha g+ha g+hA ta ya g+hA ta ya hUM phaT/ de nas mi g.yo A tshar che// rdo rje khro chen gsungs pa yi// lha dang klu dang gnod sbyin che// rmongs te sa la 'gyel bar gyur ro// khro ba'i rgyal po 'di yis ni// rdo rje dkyil

  38. 75a

    'khor rab sbyar nas// seng ge zhon pa'i cho ga yis// mi dang lha rnams 'gugs par 'gyur// oM suM b+hi ni suM b+hi ni hUM// gr-ih+Na gr-ih+Na hU~M/ gr-ih+NA pA ya gr-ih+NA pA ya hUM// a n+ya ya ho// b+ha ga wan bi d+ya rA dza hUM phaT// rdo rje sa 'og gnas pa yis// khro babo chen pos gsungs pa yis// lha yi bu mo klu mor bcas// bgegs ma nu ma 'dar ldan ma// sku gsung thugs ni bsgoms pa yis// rdo rje zhags pas bcing bya'o// lcags kyu yis ni rnams bral nas// bu mo thams cad 'gugs par bya'o// 'jig rten gsum 'gugs pa zhes bya ba'i ting nge 'dzin to// // rdo rje chos ni sprin chen po// rdo rje sems dpa' mchog sprod// rdo rje nyi ma tshogs chen dang // rta mchog gis ni tshogs chen po// rtag pa'i ni sprin gyis ni// zhags pa'i lcags kyu sgom pa yis// sangs rgyas rnams kyang 'gugs byed na// sa stengs skye bo smos ci dgos// rang gi rig ma'i skyes bur bsam// sku gsung rdo rje rnam par mdzes// lcags kyu la sogs sbyor ba yis// bu mo bkug la spyad par bya// bcom ldan 'das 'gugs pa'i dam tshig chen pos 'di skad ces bka' stsal to// nam sa man ta bud+d+he

  39. 75b

    b+h+yo/ oM Ta gi hUM dza// rdo rgyus sam ni btsag la yang // rdo rje lcags kyu rab sbyor bas// zla ba bza' yis bzung dus su// kha ru bcuganas bsgrub/ bya ste// ming ni bri ba tsam dang ni// mdzes par brgya ni bzlas pa yis// klu dang khyab 'jug dbang ldan drag/ chung mar bcas pas dgug par bya// rdo rje dam tshig lcags kyu zhes bya ba'i ting nge 'dzin to// bsam gtan sngags kyi ting nge 'dzin gnas// rang gi rig dang skyes pa'i bdag/ dgug di'i gnas la bzung bya ste// thub pa gzhan du mi gsung ngo // // na ma sa man ta b+hud+d+ha naM// naHma sa man ta d+haR+Ya naM// na ma sa man ta saM g+ha naM// oM sI tA ta ba tre/ oM bi ma la// oM sha ka ra/ oM pra t+yaM gi ra/ oM badz+ra suSh+NI Tha tsakra bar ti// sarba ya na tra ma tra mu la kaR+Ya tAnAM ki la naM ba ma ma tre te ye na tsi kr-i nan te// sarba na du tshin+ti tsin+d+ra/ bin+d+ha bin+d+ha/ tsi ri tsi ri// gi ri gi ri/ ma ra ma ra/ hUM hUM hUM hUM hUM hUM hUM hUM hUM hUM/ phaT phaT phaT/ bdag nyid bsrung ba'i sbyor ba ni/ 'khrul 'khor sngags sogs pashig pa la// dpung par rig pa gnas byas la// 'jog rten gsum gyis 'di mi 'gyur// khro ba chen po rdo rje 'khom/

  40. 76a

    zhes bya ba'i ting nge 'dzin to// dben pa'i nags tshal dag tu'ang rung // g.yeng ba thams cad rnam spangs par// mchog gi rnal 'byor 'di bsgrubs na// thub pa gzhan du gsung pa med// khro bo chen po'i 'khor lo'i snying po sngags kyi 'jug pa zhes bya ba bstan pa'i le'u ste/ bzhi pa'o// // de nas bcom ldan rdo rje can// sems can kun gyi snying la zhugs// ye shes kun mkhyen du byung ba// nges par rab tu gsal bar bya// sangs rgyas skur ni bsgom byas te// rdo rje sems dpa' rab bsgoms bya// sangs rgyas skur ni rab bsgoms ste// rdo rje rnam snang dran par bya'o// sangs rgyas bskur ni rab bsgoms ste// rdo rje nyi ma rab bsgom bya'o// sangs rgyas skur ni rab bsgoms ste// 'dod chags rdo rje rnam bsgom bya// sems pa'i sku ru rab bsgoms ste// don yod rta bor rab bsgoms bya'o// sangs rgyas sku las rab byung ba'i// rtag tu dkyil 'khor rnam bsgoms bya'o// sngags nyid kyis ni thams cad kyi// snying khar ye shes gnas su dgod// ye shes sems dpa'i rab sbyor bas// sangs rgyas byang chub thob par 'gyur// rang sngags yi ge rdzogs

  41. 76b

    pa yin// phyag rgya'i mtshan ma brtag par bya'i// spro zhing bsdu ba byas pa ni// dkyil 'khor rnams kyi 'byung gnas yin// sgra la rnams gsum shes bya ste// lha/ rnams la ni dbul bar bya// de nyid bcom ldan rdo rje can// rdo rje sems dpa' grags chen po// gzugs la rnam gsum shes bya ste// lha rnams la ni dbul bar bya/ de nyid bcom ldan rgyal ba ste// mnga' bdag rdo rje rnam snang mdzad// dri la rnam gsum shes bya ste// lha rnams la ni dbul bar bya// de nyid sangs rgyas bcom ldan 'das// rin chen phung po rab tu grags// ro la rnam gsum shes bya ste// lha rnams la ni dbul bar bya// de nyid bcom ldan 'dod chags che// de bzhin gshegs pa rdo rje chos// reg la rnam gsum shes bya ste// lha rnams la ni dbul bar bya// de nyid bcom ldan sna tshogs pa// 'bras bu don yod rtsol mdzad pa'o// bsrung ba dam tshig dbus gnas par// dkyil 'khor lnga po bsgom par bya// lnga lnga'i bdag nyid rdzogs sangs rgyas// ye shes lnga yi rnam par bsgom// 'dod pa'i yon tan lngas bkod cing // sna tshogs 'od zer kun tu 'khrigs// sna tshogs las ni byed par bshad// thams cad bsdus pa'i dkyil 'khor ni/

  42. 77a

    nyi shu rtsa lngar phye ba'o// rdul mtshon gyis ni gdab par bya// sangs rgyas lnga rnams rang bzhin gyis// phung po lnga rnams rab tu grags// sangs rgyas mgon po'i dkyil 'khor ni// shar gyi sgor ni rab grags ste// rdo rje nyi ma lho ru'o// 'dod chags rdo rje nub tu ste// rta yi rgyal po byang du'o// dbus su rdo rje sems dpa' nyid// shar du dkar po chen po ste// lho ru ser po yang dag ldan// nub kyi char ni dmar po ste// byang du ljang ser yang dag ldan/ grwa yi cha rnams thams cad dang // sgo rnams kyi ni sgo khyud dang // rdo rje rin chen rnams btsugs pas// rnam pa sna tshogs mdzes par snang // sangs rgyas mgon po gang nyid kyis// dkyil 'khor dbus mar bya ba yin// de nyid kyi ni dkyil 'khor bshad// snying po len phyir dkyil 'khor ste// dkyil 'khor re re bsgom pa 'am// yang na bsdus pa'i dkyil 'khor ro// brgyad brgyad kyi ni dbus zhugs sam// yang na nyi shu lnga rnams ni// ske skyong ma rnams sgor bkod pa/ de tshe bsdus pa'i dkyil 'khor ro// lcags kyu zhags pa lcags sgrogs dang // de bzhin rdo rje 'bebs pa nyid// bcom ldan 'das 'das pa chen po dam

  43. 77b

    tshig kyis de skad ces bka' stsal to// dreng dang bya rgod de bzhin bse// ba men dang ni stag nyid dang // wa spre chu srin na gra ni// rdo rje chos kyi g.yas rnams// khra dang 'ug pa chu bya dkar// seng ge gzhad dang de bzhin lug/ khri snyen sa le phag dang ldan// g.yon na rtag tu gnas pa'o// rma bya ma he ma ra ka/ nya dang nya rgyal rus sbal dang // klu lhag de bzhin dang mo rnams// rtag pa'i g.yas pa rnams na'o// dpyid srog chags mdzes lha dang // srog chags ha la ha la dang // a 'dzin dang byi la dang // 'bri dang dri ldan sa ra ga/ g.yon pa'i thod pa rnams na'o// ka ran ta ka'i bya dang dur pa dang // lug dang bya ni ne tse ra nyid dang // bye'u khra dang ni hor ma dag dang // 'ol ba dang ni nye khra rnams// nyi mi'i g.yon pa men pa na'o// stobs kyi rgyu dang dung skyong dang // rigs ldan pad ma pad bzang dang // 'jog po nor rgyas mtha' yas rnams// rin chen rgyal po'i g.yon rnams na'o// gza' lag phur bu bzhag rings dang // sgra gcan mig dmar pa bsangs// spen pa dang ni khyab 'jug rnams// rta rgyal g.yon pa min par grags// dbang po tshangs pa de bzhin drag/ 'dod

  44. 78a

    lha de bzhin gshol mda' 'dzin// gcer bu dang ni thag bzang ris// rtor ma zhes bya g.yon rnams na'o// blo dang dbugs dang de bzhin spro// khrag kyag mdze dang g.yan pa dang // khong sran spangs pa'i rang bzhin rnams// glang po tshogs pa rab tu grags// gzhang nad dang ni 'bog nad dang // chu rdo'i nad dang khong gzer dang // rgyu nad spos nad bkres nad dang // mig ser nad rnams dred mo sogs// mig tshag nad dang so nad dang // khrag 'khris dang ni bad rlung dang // bad kan khrag dang mtshan mar rdol// chu nad dang ni 'brum rgod dang // rma bya la sogs pa rnams yin// rkang srangs khong spos chu so na// chu lgangs dang / ni klad gzer dang // 'khru nad tsha nad rkang 'brum rnams// ka ran ta yi bya sogs rnams// rlung 'khris de bzhin ma zhu dang // ling thog rab rib gza' gu can// gzhogs phyed na dang lha 'khor nad// rlung bsgom tshogs rnams gza' lag sogs// 'gro ba rnams ni rab mchog ni// mi rnams kyi ni 'gro bas ste// de ni nad kyis g.yengs mthong ste// sems can gzir bar mi 'gyur phyir// sangs rgyas lnga rnams rdzu 'phrul che// nad nyid sku las bzlog mdzad pa'o// nad 'i bya byid

  45. 78b

    sangs rgyas ni// glang po la sogs nad rnams bsnams// de ltar bsgom pa byed pa la// nad dang khong nad khang khro med// nad med 'chi ba med do kye// nga rgyal med cing gti mug med// bkres pa med cing skom pa med// de bzhin ngan song sdug bsngal med// lha dang lha min mi rnams ni// sus kyang 'ching bar mi 'gyur ro// nang rnams thams cad dbugs phyung zhing // rab tu bzlog par byed pa rdo rje zhes bya ba'i le'u ste/ lnga pa'o// de nas rgyal ba rdo rje 'dzin// kun gyi gzugs ni rnam 'dzin pa'o// mkha' 'gro ma yi yid 'phrog pas// gsung ni 'di skad bka' stsal to// thugs kyi rjes su dran dmigs ste// sangs rgyas rjes dran sgom par bya'o// rin chen sems ni rab bsams ste// chos kyi rjes dran bsgom par bya'o// lag rjes dran ldan rnal 'byor pa// 'khor lo chen po rab bsgom bya'o// rnal 'byor rab mchog 'di la bu// ma byung 'byung bar mi 'gyur ro// phyag rgya bzhi yis rgyas btab ste/ rdo rje sems dpa' bsgom par bya'o// phyag rgya chen po rgyas btab dngos// rdo rje snang mdzad bsim par bya'o// rdo rje phyag rgya yi rab sbyor bas/

  46. 79a

    rin chen phung por rab bsgom bya'o// chos kyi phyag rgya'i rab sbyor gyis// rdo rje las la'ang phyag rgyas gdab// zhe sdang rgyal po rgyal chen po/ skyon rnams kun ni zad pas// spro ba'i sbyor bas bsgom par bya'o// rab tu bsdus par bstan pa'o// sangs rgyas mgon por rnams sgoms ste/ sangs rgyas sprin gyis kun 'khrigs par// spro zhing bsdus pa'i sbyor ba yis// sangs rgyas byang chub rab bsgrub pa'o// rin chen rgyal po rin chen sems// nga rgyal skyon ni zad mdzad pa'o// sems kyi sprin gyi rab sbyor bas// slar yang bsdu bar yang dag bstan// chos kyi rgyal po 'dod chags che// spro zhing sdud pa'i gzugs can du// thun mtshams bzhir ni dang bcas la// bsgoms na myur du dngos grub thob// sems ni myur 'gro ltar bsams nas// don yod 'bras bu rtsol bar 'gyur// rta mchog gi ni sprid chen gyis// bsdu bar rnam par bsgom par bya// bcom ldan 'das spro ba dang bsdu ba'i dam tshig chen pos de skad ces bka' bstsal to// nyi ma'i dkyil 'khor dbus gnas par// sems kyi dngos por rnam par bsgom// bsal ba'i dkyil 'khor dbus gnas par// sku yi yi ge rnam pa/

  47. 79b

    bsgom// dkyil 'khor dmar po dbus gnas par// rin chen sems kyi yi ge dgod// chos kyi dkyil 'khor dbus par// gsung gi yi ge rnam par bsgom// las kyi dkyil 'khor dbus gnas par// don yod gzugs can yi ge dgod// sku gsum mi phyed bsgom pa yis// ye shes rdo rje bsgom par bya'o// rdo rje sems dpa'i mi phyed pa'o// chos kyi 'khor lo rnam snang du'o// rin chen sems kyi rin chen ste// 'dod chags pad ma pad ma bzang // shes rab ral gri don yod pa'o// shes rab rnon po'i rang bzhin phyir// rnam rtog ri bo gcod pa ste// sngags dang phyag rgyar btab pa yin// dpag tshad bye ba'i khyon tsam du// rdo rje dkyil 'khor bsgom bya ste// rtag pa'i dkyil 'khor nyid dang ni// rin chen phung po 'bar chen dang // chos phung 'gon po chen po dang // las kyi rdo rje de bzhin gshegs// 'bar chen sna tshogs 'od chen la// sangs rgyas srin gyis rnam par mdzes// nam mkha'i dbyings kyi dbus gnas par// ye shes dkyil 'khor bsgom par bya'o// bkur gnas chen po rab byas la// 'dod pa'i yon tan lngar ldan par// kun tu sna tshogs gzugs rnams su/

  48. 80a

    mchod pa kun gyis mchod par bya'o// 'tshams kyi lha mor rab sbyor bas// ye shes rgya mtsho rab du bsgrub// ye shes 'khor lo 'bar ba che// dam tshig 'khor lo phab byas ste// sangs rgyas kun dang mnyam sbyor bas// skad cig las ni gnyis med 'gyur// bse ba dang dang ru rak+Sha// bo d+hi tsi dang pad ma'i 'bru// mu tig la sogs byi ru sogs// bsam gtan ldan pas sngags su bzla'o// sngags 'di sman 'dren par gsung ste// sangs rgyas byang chub sems dpa' dang // mkha' 'gro ma dang btsun mo bzang // mngon par phyogs par byas pa'i phyir// dper na skyos chen gang zhig la// che la myur ba'i sgras pos ni// / thos pa tsam gyis 'ongs pa bzhin// sangs rgyas skad cig gis byon 'gyur// na mkha'i khams ni ji snyed par// 'jig rten khams ni stong phrag na/ bde chen phun tshogs phyag rgya che// sangs rgyas na mkha' 'dra bar bzhugs// yod ni de rnams sngags rig la// rdo rje spyan gyis mi gzigs zhe'o// gang gi sngags kyi theg pa rnyed pa// de ni byang chub mchog thob pa'o// sangs rgyas byang chub sems dpa' ni// sngags kyi spyod pa mchog spyod rnams// rdo rje

  49. 80b

    sngags ni rab bsgoms pas// mtshungs med ye shes rab tu thob// de ltar mkhyen nas sangs rgyas rnams// sngags kyi spyod pa'i tshul la zhugs// de yang sangs rgyas mnyam brjod pas// mi gzigs pa nyid spyad cing bya// chos kyi dbyings ni 'od gsal bar// sangs rgyas nga rgyal dmigs par bya// de'i phyir ni bsgoms pa ni// spangs rgyas dang mnyam 'gro// ji ltar ma nor chos nyid du// ji ltar sangs rgyas 'jig rten te// nam mkha' dri ma med pa bzhin/ de bzhin sems can khams bshad do// rnam rtog bden pa ma yin pas// rin chen sems ni dri mar bcas// ji ltar nam mkha' 'jigs med bzhin// dag pa'i sems ni dag par 'gyur// rin chen sems ni rab bskul bas// ji ltar nam mkha' de bzhin sems// skye 'dir sangs rgyas mchog nyid du// sems bsgoms pas ni 'tshang rgya'o// rin chen sems las phyir gyur pa'i// sangs rgyas med cing sems can med// gnas pa'i don dang rnams shes dag/ phyi rol gyur pa 'ga' yang med// khams gsum na ni dbang phyug che// sangs rgyas kun nyid kyis byed// khams gsum na ni rgyal chen po// sems

  50. 81a

    nyid cig pus thob par 'gyur// gzugs dang sgra dang de bzhin dri// ro dang reg bya skyes pa'i dngos// rin chen sems 'dir brjed nyid ste// chos dbyings mchog tu zhi ba'o// gzugs dang tshor ba 'du shes dang // 'du byed dang ni rnam shes nyid// thams cad sems 'dir dngos po las// thub bas gzhan du ma gsungaso// yid bzhir nor bu chen pos ni// 'dod don 'bras bu rab rtsol bzhin// bden zhing dag pa'i sems nyid kyang // sangs rgyas byang chub 'bras rab ster// de nyid kyis na sangs rgyas kyis// rdo rje thugs ni bskul ba ni// zab ma'i rnam pa'i rtsa ba can// byed par bka' ba'i dngos grub rtsol/ rdo rje sems dpa'i snying pos rab tu gsal bar byed pa'i le'u ste// drug pa'o// de nas rdo rje rdor 'dzin che/ mkha' 'gro ma ni rdo rje gur// rnal 'byor ting 'dzin bskyed bzhugs ste// sbyor ba'i bdag nyid rab tu gsungs// sangs rgyas gnas bzhi rdzogs byas la// kun tu bzang po bden pa'i dngos// rnam pa lnga po bsgom bya ste// rang gi lhag lha'i bsgrub thabs bya// de bzhin dkyil 'khor rnams bkod la// mchod

  51. 81b

    bstod bdud rtsi la sogs par// rim pa yis ni bsgom byas nas// yan lag drug ni sbyor bar 'dod// oM sarba ta thA ga ta a b+hi She ka ta badz+ra swa b+ha ga e ma ko ho// bcom ldan rdo rje sems dpa' mi bskyod pas// de skad ces bka' stsal to// oM sarba ta thA ga ta a mri ta sA da na// badz+ra swa b+ha wa ad ma ko ha/ bcom ldan 'das tshe dpag tu med pa rdo rje de bzhin gshegs pas de skad ces bka' stsal to// oM sarba ta thA ga ta stu ti badz+ra swa b+ha wa ad ma ko ho// bcom ldan 'das rin po che'i tog de bzhin gshegs pas de skad ces bka' stsal to// oM sarba ta thA ga pu dza badz+ra swa b+ha wa ed ma ko ha// bcom ldan 'das rta mchog rdo rje de bzhin gshegs pas de skad ces bka' stsal to// oM sarba ta thA ga ta a nu rA ga na badz+ra swa b+ha wa ad ma ko ha// bcom ldan 'das rdo rje nyi ma de bzhin gshegs pas de skad ces bka' stsal to// spros pa dang ni bsdus pa'i sku// rgyal chen rnam par snang mdzad ste// chos dbyings yi ge las skyes pas// de ni sangs rgyas gnas dgod bya// oM sarba ta thA ga ta a ni la badz+ra swa b+ha wa yad ma ka rka/ rnam par snang mdzad rdo rje zhes bya ba'i ting nge 'dzin

  52. 82a

    to// na mkha' dbyings kyi dbugs gnas par// 'byung po bzhi bdag dkyil 'khor te// de te sangs rgyas bsam bya na// spros pa'i gnas ni rtse ga ma dgod// rdo rje lta bur mi phyed phyir// mi bskyod nga ni de bsgom bya// 'jig med skye ba ma yin pa'o// rtag pa rnam par snang mdzad do// sems ni 'dod chags zhes bya ste// rdo rje sems dpa' gnas la bzhugs// gang phyir dngos grub 'brel rtsol ba// de nas don yod rab grags pa/ rig par byed pa rdo rje zhes bya ba'i ting nge 'dzin to// dang po bum pa'i dbang skur ste// gsang ba'i dbang las gnyis pa'o// gsum pa shes rab ye shes ste// ji ltar de bzhin gshegs pa men// dkyil 'khor dam pa bris nas ni// dam tshig sems kyi cho ga yis// nang gi sbyin bsreg byas nas ni// de tshe dbugs/ ni 'byung bar bya// dam tshig lnga rnams kyis bkang ste// mkha' 'gro lnga dang mnyam ldan zhing // mkha' 'gro ma'i tshogs ldan pas// slob ma rdo rje la dbang skur// rdo rjes 'ad rab rab tu sbyor// rang gi lhag pa'i lhar sbyar nas// slob ma rtag par bsams la kye// rgyun gyi rigs kyi mang du bya'o// spyan dang ma ma kI

  53. 82b

    dang sgrol// gos dkar la sogs gzugs rnams kyi// rdo rje btsun mo'i sbyor ba yis// rdo rje bla na med pa bstan// de nyid bla na med pa 'di// gnyis med 'gyur ba med pa yin// bde ba dam pa ro myong ba// chos dbyings 'od gsal rnam par ro// sgrib pa med pa rdo rje zhes bya ba'i ting nge 'dzin to// g+ha yig ha yig zhes bya dang / swa yig dang po tha ma ni// 'bar ba dam pa nyid yin te// dngos grub dam pa rab ster ba'o// de rnams cho ga yis zos tsam gyis// rdo rje bdud rtsi phun sum tshogs// sangs rgyas kun dang mnyam sbyor zhing // rdo rje dang yang mnyam por 'gyur// nad rnams thams cad rab 'jig cing // 'di yi lus bzang mdog sdug byed// 'jig rten kun gyi yid 'phrog cing // phas kyi smra ba kun 'jam byed// 'jig rten kun gyis brgyan byas shing // lha dang lha min rnams kyis mchod// mkha' 'gro lnga bdag der gyur te// chos kyi kha zas rnams la spyod// dam tshig chen po'i bsam gtan la// gnas pa de rje zhes bya ba'i ting nge 'dzin to// mi snang bsnyen pa'i rnal 'byor pa// nad kun rnam par spong bar 'gyur// rtag pa yis ni mdangs chen 'gyur/

  54. 83a

    de bzhin kun ni rnam snang mdzad// 'gro dang nu ma rta bdun pa'o// de rnams rdzogs pa'i sangs rgyas lngar// rdo rje mkha' 'gro gsung pa yin// sa khams rnam par dag pa yin// spyan la 'khor los mdzes pa'o// de bzhin gsal ba rdo rje dbyings// me ni pad ma'i bu mo'o// sgrol ma rlung khams dag pa ste// rdo rje btsun mo bzhi rnams su// rdo rje gur zhes bya ba'i// mkha' 'gro rdo rje mdzes mas gsung // sngags thams cad dang // rnam par dag pa rnams dang // bdud rtsi lnga'i phan yon dang bcas pa rdo rje zhes bya ba'i le'u ste// bdun pa'o// khyod ni rdo rje sdang rnams yongs su skyong mdzad dag pa'i thugs// shin tu rnam dag chos kyis rgyan byas bzang po'i sku// spos mos bdag la di ring gzigs ste stong pa dor mdzod la// 'dren pa 'jig rten pa'i rgyu las skye ba bzhes mdzod cig/ khyod ni 'jig rten gti mug yongs su skyong mdzad dag pa'i sku// gzugs brnyan lta bu chos rnams rab tu brgyan pa bzang po'i sku// ri khrod ma dag gzigs ste mgon pa stong pa dor mdzod la// mgon po 'dren pa 'jig rten pa'i rgyu las skye ba bzhes mdzod

  55. 83b

    rdo rje nyims rgas pa med// rdo rje chos ni snyan pa yi// bud med lus la longs spyod do// srog chags lus byung rdo rje bdag/ don yod rgyal po/ chen pos ste// dpal ldan don kun 'grub pa dang // rnal 'byor pa des zhi bar gtong // mi bskyod gtung ba'i sbyor ba yis// stong phrag lngar ni 'tsho bar 'gyur// rtag pa yis ni khri ru brjod// rdo rje nyi mas bye bar ste// tshe dpag med kyis grangs med tshe// nam mkha' ji srid rta bdun pas// dpag med rdo rje nyi ma gnyis// 'khor ba bsgrub pa'i rtsa ba yin// 'di dag rnal 'byor pas bsten na// skal bzangs rnams dang mnyam par 'gyur// ye shes shes rab pha rol phyin// rdo rje nyi mar 'di bshad do// chos rnams kyi ni thabs rnams kun// de bzhin gshegs pa tshe dpag med// sangs rgyas rnams kyang rdo rje nyid// thabs dang shes rab 'phel/ mdzad ma// sa 'og sa stengs par snang mkha'// 'jig rten khams rnams kun na ni// khrag dang khu ba sa las byung lus// bcom ldan 'das rdo rje dbang phyug gi 'di skad ces gsol to// sen mo sku dang de bzhin gdung // khu ba snang ba mtha' yas so// khrag dang lpags pa brjid chen ste// rkang dang tshil bu rdo rje 'dzin/

  56. 84a

    cig/ khyod ni rdo rje chags pa yongasu skyong mdzad dag pa'i gsung // nges pa so sor rtogs pas rab tu brgyan pa bzang po'i sku/ gtum po bdag la de ring gzigs ste stong pa dor mdzod la// mgon po 'dren pa 'jig rten pa'i rgyu las skye ba bzhes mdzod cig/ khyod ni sangs rgyas thams cad skyong mdzad thams cad gzugs// thams cad nan tan mnyam pa nyid kyis rab tu brgyan mdzad pa// sme ma bdag la de ring gzigs te stong pa dor mdzod la// mgon po 'jig rten 'dren pa pa'i rgyu las skye ba pa zhes mdzod cig/ sku thams cad slong bar byed pa rdo rje zhes bya ba'i ting nge 'dzin to// slong bar byed pa'i gnas ni// 'khor lo rnams ni thams cad la// ye shes rdo rje bya bar ni// dkyil 'khor bdag pos de skad gsungs// oM sarba ta thA ga tA khe tsa ri badz+ra swa b+ha wa yang ma ko ha// oM sarba ta thA ga tA b+ha tsir badz+ra swa b+ha wa ad ma ko ha~M// oM sarba ta thA ga tA pA lA wa si ni badz+ri sa b+ha ba ad ma ko ha// sku gsung thugs kyi chos rnams kyi// gnas rnams rtag par byin brlabs par// ye shes rdo rje byas nas ni// byang chub tshul 'di bstan pa yin// bcom ldan 'das sku gsung thugs kyi bdag

  57. 84b

    pos de skad ces bka' stsal to// phyag rgya chen po rab sbyor bas// rin chen skur ni rnam par sbyor// bsam gtan rdo rje rab bsams nas// rin chen sems su rab tu bsgrub// rdo rje bzlas pa'i khyad par gyis// dri med rdo rje gsung du 'gyur// gti mug rdo rjer sbyar bas ni// mig gi rnam shes sbyong ba yin// sgri'i sgor ni bas byas la// zhe sdang rdo rjer rab tu bsam// sna ni ser sna rdo rje ste// kha ni 'dod chags rdo rjes so// phrag dog rdo rje lus po ste// yid ni kun tu bzang pos so// de nyid bdag med mkha' 'gro ma// 'di rnams kyis ni thams cad sbyong // gang gis tshe na dngos po ngan pa yod min pa// de yi tshe yang rgyal ba rnams kyis sbyong ba yod// 'khor lo kun rdzob bden par rab tu gnas pas ste// chos nyid kyi ni rang bzhin bsgom pa tsam yin no// chos nyid dngos po ma yin ma nor yang dag mtha'// gang zag kun gyis rnam bral 'jig rten pa// sems de'i nus mthu 'jig rten 'gro med do// chos nyid gzugs kyis thams cad rnam par spong // bsregs la bsregs dang dug kyis lus po lpags pa la ni dug gzhan dag ni sman gyur dang // dper na rna ba ru ni nu song ba yang slar yang chu nyid thab su 'gyur

  58. 85a

    ba dang // rlung gis myos pa'i sems can rnams la skye bo mkhas pas mon sren dre'u ster ba dang // 'dod chags kyis ni skye bo myos pa rnams la'ang 'dod chags me yis de bzhin rtog par bya// 'dod chags kyis bskyed 'jig rten la// 'dod chags spangs na rlag par 'gyur// rdo rje chags pa yongs shes na// yid ni rdo rje sems dpar 'gyur// chags pa'i zhags pas rnam bcings pas// 'jig rten chags pas myur bar 'gyur// chags dang bral ba'i byang chub ni// chags pa mchog ldan rnams kyis smad// de nas yang dag rab bshad pa// rdo rje sgron ma rab bsgrub pa'o// sbyin bsreg las kyi cho ga yis// 'dod pa'i don kun bsgrub par bya'o// de la sngags kyi tshig tu gyur pa 'di lta ste// na mo ar+ya a ba lo ki ti shwa ra ya// bo te sa twA ya/ ma hA satwA ya/ ma hA ka ru ni ka ya// tad+ya thA/ oM tA re/ tu ta re/ tut+tA re/ sarba duSh+TAn/ ma ma kr-i te dza ma b+ha ya// stam b+ha ya/ mo ha ya/ b+han d+ha ya/ hUM hU~M hUM/ phaT phaT phaT phaT/ sarba sta~M b+ha ni tA re swA hA// ma mo dkyil 'khor dbus bzhugs par// lha ma sgrol mar bsgom par bya// phyag brgyad ma la zhal bzhin/

  59. 85b

    rgyan rnams kun gyis rab tu brgyan// gzhon nu ma'i mtshan gyis brgyan// kha dog gser dang mtshungs par bsgom// rdo rje nyi mas dbang bskur ma// cod pan chen po sangs rgyas bzhi// mdangs sdug na so gzhon byed can// gser gyi rna cha g.yo bag can// sna tshogs pad ma'i gdan la bzhugs// 'od zer dmar po rnam par brgyan// rdo rje de bzhin zhags pa dang // dung dang mda' ni g.yas na bsnams// rdo rje lcags kyu ud dpal dang // gzhu dang sdig 'dzub g.yon na 'dzin// rdo rje dkyil 'khor sbyor ba yis// sa gsum po ni 'grub par byed// shar du me tog sgrol ma ste// kha dog dkar mo yid 'ong ma// yi ge oM dngos pos bskyed// phyag ni me tog phreng 'dzin rtson// zhal cig phyag ni gnyis ma nyid// rgyan rnams kun gyis rnam par brgyan// lhor ni spos kyi sgrol ma ste// mdog nag ma la gzugs mdzes ma// gdug pi'i yu bas phrag sbrel ma// brgya ni rnams kun gyis rnam par brgyan// nub tu mar me sgrol ma ste// mar me kong bu 'dzin brtson phyag/ rgyan chache ldan kha dog ser// gser gyi rna cha g.yo ba gcan// byang du dri'i sgrol ma ste// dri'i dang por 'dzin brtson phyag/ lha mo kha/

  60. 86a

    dog 'od dmar mtshungs// dkyil 'khor snying po bsgom bya'o// de nas sgo skyong ma rnams bsam// ljags kyu sogs pas rab bye ma'o// steng du tsug gtor rnam rgyal te// 'og tu gnod mdzes rab sgom bya// 'khor lo klu zhags bsams nas ni// sngags ni spro zhing bzlas pa bya// oM tA re tud tA re tu re swA hA/ pha rol phyin pa bcu'i gnas// yi ge bcus ni lha mo bcur// 'bad pa yis ni sgom 'gyur na// las kun rab tu bsgrub par byed// rab dang mchog dang sngags 'di ni// sangs rgyas kun gyis phyag byas pa'o// glags pas 'grub byed drag po ste// rdo rje gur gyis gsungs pa'o// sngags 'dis gos sam skra la lan// bdun du sngags kyis gdab par bya ste// mdud pa bcings nas 'brog dgon par song kyang // gang gis kyang bag tsha bar mi 'gyur te// rtag dang chom rkun dang // chu srin ki pi re dang // seng ge dang // sbrul dang / glang po dang / ma he dang / dred dang / ba men la sogs pa rnams dang // pha rol tu phyin pa bcu la gnas pa rnams bsgoms ste// gong gis rab tu sbyar ba yis// dgos pa thams cad la de'i mtshan dran pa tsam gyis 'jig cing 'bros par 'gyur ro//

  61. 86b

    sngags 'dis ni ud pa la yi sbyin bsreg ji srid lan brgya rtsa brgyad du bya'o// oM ta re tuta tA re tu re che ge mo bdag gi dbang du gyur cig/ swA hA/ yang sngags de nyid kyis// kha'i gshog pa la lan gsum bcu rtsa gnyis su sngags ste// dgra bo yi khyim du sbas na// nyi ma bdun gyis bskyod par 'gyur ro// oM ta re tuta ta re tu re tsa la// pra tsa la sha g+hu ga ga ni ma// na lha sbyin uts+tsha ta ya hUM phaT// de nas gzhan yang rab tu 'gyur te// oM ta re tuta ta re tu re// gzhon nu ma'i ming che / ge mo zhes bya ba'i phas bdag la lugs bzhin du ster bar gyur cig swA hA/ ma da na shing rdum ma'i sa bon dang // bsko bar byed pa nyid dang ni// mya ngan med kyi 'bras dag/ stong phrag lngar ni bsreg pa dag/ bu ram mar dang sbrang cir ldan// bu mo 'grub pa'i sbyin bsreg shes// rang gi bu mo khyer 'ongs ster// rnal 'byor pa nyin ma dag gis thob// de nas gzhan yang rab tu sbyor ba yin te// oM tA re tuta tA re tu ro// che ge mo zhes bya ba rang gi gnas nas bdag gi drung du khrag shig dza// sngags 'di yis rgyas shug gi tsher ma// rang byung gi me tog tu sngags ste// sngags 'dis stong phrag tu sbyin bsregs byas na/

  62. 87a

    mi yi bu mo 'gugs par 'gyur ro// de nas gzhan yang rab tu sbyor bar 'gyur te// bud med kyi rang 'byung gis lpags pa'i ras la/ bcom ldan 'das ma zhal cig phyag gnyis ma// ud pal dang zhags pa phyag na bsnams pa bri'o// de'i mdun du me tog bzang po mdzes pa 'di dag la sogs pas mchod pa byas la// de nas bsgom pa dang ldan pas 'di bzlas par bya'o// oM tA re tuta tA re tu re bdag 'tshal ba'i che ge me rmi lam du gsungs shig hUM phaT// stong phrag lnga yis yongs par 'gyur ro// zhags pa yis ni 'gul bcings ste// lcags kyu yis ni rnam dral nas// bsgrub bya rkang 'og tu bsams na// bran gyi gzugs kyis sprod par byed// de nas gzhan yang rab tu sbyor bar 'gyur ste// sgrol ma'i gzungs lan bdun sngags pa'i sngags kyis// mngon du gdab cher byas la/ bdag nyid kyi mig gnyis po dag la// mig sman byug pa ltar byas na// rgyal po'i rigs rnams drung du rab tu 'jug go/ de nas rgyal po de slob ma bzhin du bsnyen bkur byed par 'gyur zhing ngan du mi smra bar dkor rnams ster bar 'gyur ro// snyan par smra bar byed cing zan lta bur nye bar 'gro bar 'gyur zhing / khros pa yang ltas

  63. 87b

    pa tsam gyis rang gi dbang du 'gyur ro// de lta bu ni yang dag par 'gyur ba yin no// de nas gzhan yang rab tu sbyor bar 'gyur te// sgrol ma'i gzungs rgya phrag cig gis rnam par bzlas ste// sbrul gdug pa kha gnyis pa phye mar byas// mchod yon gi shing bal du dril bar byas ste// kha dog dmar po'i mar gyis rab tu sbyar nas/ mig sman du byas ste blangs na// rdo rje chos dang rdo rje nyi mar snos la// rdo rje rta mchog gis gdug par bdugs nas// rdul de nyid dang bcas par mig sman du byas na/ rdo rje mig gi gang la ltas na// de de'i tshe pad ma gar gyis dbang phyug 'bad par ma gyur na// bdag sgrol ma ma yin zhing // bdag gis sangs rgyas bcom ldan 'ad rnams gsad par 'gyur ba yin no// de nas gzhan yang rab tu sbyong bar 'gyur te// byis pa so ma skyes pa'i lce blangs ste// sgrol ma'i gzungs kyis lan bdun du mngon par sngags kyis btab pa byas la// shing sbyangs mi'i rgyal po'i rtsa ba 'gi haM dang lhan cig du byas nas// bral bar thig ler byas ste gang ltas na/ de dbang du 'gyur ro// de nas gzhan yang rab tu sbyor bar 'gyur te/ lto ba'i srin bu la gzungs kyis lan bdun du mngon par sngags kyis btab te/

  64. 88a

    rdo rje chos dang ldan par byas nas// go la dang ldan par bu mo gang yin pa la byin te// 'di zos na mchog gi sbyor ba 'dis spongs par mi/ 'gyur zhing // rang gi bdag po bzhag nas// gzhan la dga' ba med cing gzhan du 'gro bar mi 'gyur ro// de nas gzhan yang rab tu sbyor bar 'gyur te// mar khu chen pos bdag nyid kyi yan lag la skas la// 'od dpag tu med pa bsgoms nas// sgrol mi'i gzungs bzlas par bya'o// bzlas pa'i mthar 'bras dkar po btags pa yis// skus ste dril pa'i dri ma la snum khur byas te// gang la byin na de tshegs chas lnga dang bral yang spangs par mi 'gyur ro// de nas gzhan yang rab tu sbyor bar 'gyur ro// zla ba gzung ba'i dus su// sgrol mi'i gzungs bzlas pa byed cing snyan par byas ste// de las byung ba'i 'jig rten dbang phyug blangs la// dung gi phye ma dang bsgoms nas// rab tu myos ma zhig la byin na// ji srid tshogs chas lnga dang bral yang de'i rjes su 'gro'o// de nas gzhan yang rab tu sbyor bar 'gyur ro// sgrol mi'i gzungs sngags 'dis shing ma ti'i 'bras bu la rgya rtsa brgyad du yongs su bzlas pa la// lo ma ka ma zhes bya ba'i 'bras bu dang // rta 'gring du bcas pa

  65. 88b

    des gang la skus na de dbang du 'gyur ro// de nas gzhan yang rab tu sbyor bar 'gyur ro// oM ta re tuta ta re tu re che ge che mo bcings pa grol bar mdzod cig mu swAhA/ sngags 'dis mchod yon gyi shing lo ma la bsgrub byi'i ming bar du bcug pa bris te// nya kyi pi'i khyim du sbas na bcings pa grol bar 'gyur ro// de nas gzhan yang bshad bya ba// shes rab pha rol phyin ma skyed// gang zhig bsgoms pa tsam gyis ni// phas smra ba kun tshar gcod 'gyur// lha mo zhal cig phyag gnyis ma/ kha dog dkar mo yid 'ong ma// lcang lo phyed phyed 'khyil bag can// chu skyes dkar mo la rab bzhugs// g.yas pa'i phyag na pad ma ni// dkar po'i 'dog tu rnam par bsgom// g.yon na shes rab pha rol phyin// rdo rje dkyil dkrungs gis rab tu bzhugs// yan lag rgyad rnams kun gyi mdzes// mchog tu dga' bar mdzad pa'o// a yig ye shes 'byung nas ni// lte ba'i dkyil 'khor la bsgom bya'o// dam tshig sems dpar rnams rdzogs na// ye shes sems dpa'i bzlam pa bya/ rnal 'byor thab drug gi skem pas// shes rab pa la byin par 'gyur/ zhag bdun du ni rabasgyur bas/ bstan chos thams cad nas

  66. 89a

    gsal 'gyur// 'bum phrag cig tu bzlas sbyor nas// nyin rer tshigs bcad rgya byed cing // 'bad mi byed pas gzhung brgya skyong // de la sngags kyi tshig ni 'di yin te// oM pi tsu pi tsu// pradz+nyA wa ra d+ha ni/ dz+wa la dz+wa la/ ma la war d+ha ni// d+hi ri d+hi ri/ bud d+hi war d+ha ni/ swA hA/ khra da skad mi 'don dus su bslangs pa ma yin pa'i sings po la lan bdun du sngags kyis btab pa byas cing // ji srid zla ba drug gi bar du 'thungs na// de shes rab chen por 'gyur ro// de nas yang dag bshad bya ba// rdo rje slob dpon mtshan ldan nyid// de yis nye bar bstan pa'i sngags// bsgrub pa po la dbul lo kye// brten zhing zab mo'i chos dang ldan// rig pa'i gnas lnga kun la mkhas// sbyin bsreg dkyil 'khor sngags shis cing // rab gnas rtor ma'i pha rol son// de nyid bcu po rnam par rig/ nyan thos spyod pa skyong byed cing // sngags kyi theg pa'i rim pas gus// gzugs ldan mthong na dga' ba dang // dkyil 'khor 'gri mkhas bzlas par ldan// rtsa ba'i ltung ba rab 'joms shing // sngags dang rgyud kyi rab sbyor gyis// 'jig rten rnams la bde ster ba// de 'dra bla ma'i mngon byas la// gang gis kyang

  67. 89b

    ni smad mi bya// bla ma de slong skye bo gang // dmyal ba chen por 'gro bar 'gyur// dper na rgyal po rdo rje 'dzin// sangs rgyas kun gyis mchog gis mchod/ rdo rje gur gyi 'gro bas kyang // de bzhin bla ma nan tan bya'o// bla ma'i sku dang grib ma dang // chags lham stan dang sngas rnams la// rmongs chen gang zhig 'gom byed na// de ni mi rnams spu grir 'gyur// de che dbang skur mchog thob pa'i// slob mas bla mi'i bka' 'das na// 'jig rten 'dir yang sdug bsngal zhing // 'jig rten pha rol dmyal bar 'gro// g.yo dang sgyu yi rab sbyor gyis// snyen bkur log pas gsal byed na// blo khrag mdze nas nad chen gyis// shi nas dmyal ba sogs par 'gro// de ltar de shes slob pa rnams// bla mi'i bsnyer bkur mchog byas na/ dngos grub rgya chen 'grub par 'gyur// bla mi'i bka' ni rab tu sbyang bya'o// tshogs kyi ston mo rtog bya zhing // zhi sogs so sor bskul bar bya'o// dge 'dun ston mo snga dro bya// bla ma sangs rgyas kyang mnyes bya// bla ma la ni yin bul te// de rjes tshogs rnams thams cad la'o// bdag gis dgos pa rab brtson na// tshig 'di yis rab bsgrub bya// rgyan rnams kun gyis byas zhing /

  68. 90a

    @yan lag rdo rje brgyan gyis mdzes// rdo rje dril bu rab blangs ste// lam gyi bzhi mdor gtor ma sbyin// me tog bdug spos de bzhin dri/ dri'i dung sogs g.yas na ste// g.yas na sngags kyi mchod yon sdod// mdun du bzed snod bzhags byas la// zhabs bsil sngon du 'gro ba 'bul// me tog spos sogs go rims bzhin// sgeg sogs mchod pas mchod byas la// skal pa chen por 'gyur ba yin// gtor ba'i tshul gyis me tog ste// bdug pa bdug pa'i tshul gyis so// mar me'i sdong bu'i tshul gyis mchod// byug pa'i tshul gyis dri mchog gi/ sgeg mo sgeg pa'i tshul gyis so// phreng bas phreng ba'i mkha' 'gro mi'i// glu ma hUM dang mnyam ldan pas// gar ni pus mo dgug tshul nyid// bla med chos pa de rnams kyis// sangs rgyas rnams ni mnyam par bya'o// sangs rgyas mchod pas mchod byas na// dngos grub rgya chen byed par 'gyur// rdo rje mkha' 'gro'i bka' bzhin du// rtag tu 'khor lo mchog rnams dang // bzlas dang bsgom par mngon chags ni// 'di ni bla med mchod pa yin// 'jig rten spyod pa'i lugs kyis ni// mngon du me tog spos sogs kyis// mchod pa nyid ni mchog yin te// byang chub yan

  69. 90b

    lag rab mchog min// dkar po'i zhi ba rab tu brjod// ser po rgyas pa bsgrub pa ste// dmar po chen po dang dgug/ khros pa'i las la gnag pa'o// zhi la me tog dkar po ste// ser po rgyas pa rdo rje la'o// khros la me tog nag po ste// shin tu dmar po dbang dgug la'o// dkyil 'khor du ni ma zhugs dang // dbang bskur med pa'i rnal 'byor la// gang gis rab gnas ma mthong zhing // gang gis sbyin bsreg ma byas na// 'jig rten 'di dang gzhan du'ang // de la dngos grub mchog nyid med// gang zhig slob dpon mnyes ma byas// yang dag byang chub bgrod min nyid// sangs rgyas de nyid la bsgoms na// byang chub ma thob na yang kye// skye zhing skye ba rnams su de// 'khor lor sgyur ba'i go 'phang 'gyur// yang nas bdag nyid du 'am// dag pa'i gnas su mngon par 'gro// blo ldan dga' ldan du 'gro 'am// bde chen nam mkha' spyod du'o// 'jig rten 'dir ni gang 'grub pa// sangs rgyas de la ci zhig bya// 'jig rten gsum na tshe chen 'dir// rga dang na dang 'chi ba med// brgya byin tshangs pa de bzhin phrag/ sgra ldan dang ni me dang rlung // 'dod lha dang ni gshel mnga' can/

  70. 91a

    'di rnams kyis ni ston par 'gyur// lha klu de bzhin gnod sbyin dang // dri za dang ni lha min mi// mi ma yin dang mkha' spyod gang // de rnams 'khor 'gyur the tsom med// 'di ni rang 'byung bcom ldan 'das// chos kyi 'khor lo skor 'gyur te// 'khrungs pa dang ni byang chub dang // de bzhin lha rnams bzhugs pa dang // khyim nas nges par 'byung mdzad dang // dka' thub mdzad pa'i gnas dang ni// skye gnas yongs su 'dzin mdzad dang // yongs su mya ngan 'das ston dang // 'jig rten 'dul bar gzigs nas ni// 'di ni du mi'i gzugs su mdzad// sangs rgyas sems can skyabs dgos pas// sangs rgyas gar mkhan gar mdzad de// ri bong dag dang seng ge dang // glang po ri dwags rnams su yang // snying rje'i thugs kyis ston mdzad de// phyag rgya grub pas 'gro bar 'gyur// bud med sgyu 'phrul rab spros pas// chags ldan rnams la chos rab gsung // bud med sgyu ma nyid sangs rgyas// sgyu ma thams cad gso byed ma'o// shes rab pha rol phyin gzugs su// rtag tu bud med rnams rab gnas// sgyu ma chen po'i gnas bzhugs ste// sangs

  71. 91b

    rgyas byang chub rab gsol ma'o// khrol med mi brtan ngo tsha med// rtag tu chags la mchog sreg ma'o// phyag rgya chen po'i gnas bzhugs ste// dngos grub rab tu ster byed na// gzugs med dri med sems med cing // cung zad dga' med btsun mo la// rdo rje chags pa'i yid 'dod pas// bde ba dam pa'ang myong zhing mthong // skyes bu tshul khrims thob ldan zhing // bde gshegs bka' las 'da' min dang // bla mar gus zhing snying rje ldan// dges pa'i rnga rje rab phye ba'o// de nas bdag med rnal 'byor ma la sogs pa'i mkha' 'gro ma rnams kyis bstod pa'i rgyal po 'di yis gsol ba btab po// zhe sdang rdo rje phyag 'tshal bstod// gti mug rdo rje phyag 'tshal bstod// ser sna rdo rje bdag la skyobs// 'dod chags rdo rje bdag la gsol// phra dog rdza rje nga rgyal ste// sgyu 'phrul rdo rje mgon po kun// las kun rab tu bsgrub pa po// thams cad rdo rje bdag 'gur 'gyur// de nas bcom ldan 'das mkha' 'gro ma rnams kyi tshig nye bar gnas nas// dbyangs 'di skad ces gsungs par 'gyur ro// he yig ces bya ba'i dkyil 'khor la// gsar ba legs

  72. 92a

    par nges sgril ldan// tshad ma shin tu mdzes pa yis// skud pa shes rab can thig gdab// de la 'di ni slob dpon chen po yi// gsol ba btab pa'i dam tshig go/ de bzhin gshegs pa kun zhi ba// de bzhin gshegs pa kun gyis gnas// rdo rje sos dpa' kun gyi bdag/ rdo rje sems dpa' kun 'byung ba// dkyil 'khor tso bos bshad du gsol// dkyil 'khor rdo rje gsol gdab pa/ rnam par rgyal ba zhes bya ba'i ting nge 'dzin to// nga ni dpal ldan snying rje'i stobs// bsrung ba'i 'khor lo sbyor ba'o// rdo rje rtse mo 'bar ba yis// lus gsum las skyes dgas bya ste// rmongs pa'i bdag nyid gang 'da' ba// tshal bar 'gas kyis gzhan du min// bde chen ye shes rdzogs sangs rgyas// rdo rje sems dpa' dngos las skyes// lus sbrul po ni gang su dang // bgegs chen po rnams so sor song / 'khor lo yini brgyam nyid/ sgo rnams nyid du grags pa yin// rna khyud dang ni lha snam bu// sgo'i chad dang mnyam pa yin// logs dang 'jam pa

  73. 92b

    nyid dang ni// sgo yi phyed kyi cha ru'o// sgo nyid de bzhin byas yin// sgo phyed dra ba dra byed do// dang por tshangs pa'i thig yin no// gnyis par dra ba'i thig gdab bo// gsum pa ngos bzhi po rnams su// thig bzhi rab tu gdab par bya// tshangs pa'i thig nas cha gnyis ni// bor nas cha drug nas bgo bya// de nas sgo cha bor ba dang // cha dgu rab tu gdab par bya'o// de la 'di ni sa sbyang ba'i dam tshig go// oM a khaM bruM hUM// de la 'di ni ye shes kyis than pa'o// oM me di nA badz+ra badz+ra b+han d+ha hUM/ de la 'di ni thig gdab pa'i dam tshig go// oM sa ma ya su tra ma tI kra ma hUM/ de la 'di ni gdul mtshon gdab pa'i dam tshig go/ chos dbyings 'di ni dag pa ste// sems can khams ni rab grol bar// rgyal chen dgyes pa'i rdo rje ni// dkyil 'khor rab tu bri bar bya// dbang ldan pase kha sgo ni bri// dge slong ma'i mtshams su ste// chos kyi 'khor lo bden pa bral du'o// rlung du rdo ji bri bar bya// lcags kyu shar du bri bar bya// lho ru zhags pa nyid yin no// nub tu de bzhin lcags sgrog yin/

  74. 93a

    byang du rdo rje dril bu'o// dbus su snod ni dkar po ste// sna tshogs rdo rje mtshon bri'o// de nas rgyal po rdo rje 'dzin// sbyin bsreg dag pa rab tu phye// bsreg blugs rdo rje rab sbyar phyir// rdo rje thab khung gis rab sbyar// zhi la zlum por bya bar brjod// rgyas la gru bzhi dbyibs su bya// dbang la zla ba phyed par mtshungs// dgug pa la ni lcags kyu'i dbyibs// na mkhri'i dbyibs dang mtshungs pa ni// gsad dang zhe sdang las rnams dang // de bzhin bskrad dang 'dod min dang // yan lag nyams par rab sbyor dang // tsan dan a ka ru shing dang // gzhan yang dri ldan shing nyid kyis// me rab sbar te sbyin bsreg lugs// phyi nas yang ni dgug par bya// au e hi ma hA bud de de ba re shi// te dza sata maM// gri hI da tA a hu ti// a ha ra/ a smin na san ni hi to b+ha wa// lcags kyu yis ni dgug par bya// zhags pa nyid kyis rab bcug ste// lcags sgrog gis ni zhabs bcings la// dbang gi don byed dril bu'i skar/ bsgegs sogs brgyad kyis cho gas mchod// cho ga'i phyir yang mchod yon bya// mar la sogs pa rab sbyor bas// me ni kun tu tshims par bya'o// de la 'di

  75. 93b

    ni mchod yon rdo rje'i dam tshig go// oM pra wa ra sad ka ra ar+g+haM pra tIts+tsha swA hA/ de la 'di ni zhabs bsil ba'i dam tshig go// oM sarba pa paM da ha na badz+ra yA/ badz+ra satwa swa ya// sarba pa paM dA ha swA hA/ de la 'di ni bsreg rdzas thams cad drangs par byed pa'i dam tshig gi sngags so// oM badz+ra a na la ma hA b+hU ta dz+wa la sarba duSh+TAn b+hasmi ku ru hUM phaT// 'di Sh+Ta hUM hUM maM haM/ sa ma ya s+t+waM ma haM// de nas rang ni yi dam lhar bsgoms te// e ha he b+ha b+han ni ha// ba ga t+ya sa ma ye na dza/ arga du sam pra tin+na daM pU dza b+ha ba ha naM// pra srid me// de la 'di ni mnyes par byed pa'i dam tshig gi/ oM khyed kyis sems can don kun mdzad// ji lta bu yi dngos grub gsol// sangs rgyas yul du gshegs gsol te// slar yang byon par mdzad 'tshal lo// muH// bzhengs pa dang las sna tshogs kyi sbyor ba dang sbyin bsreg gi cho ga snyan pa'i le'u ste// / brgyad pa'o// de nas rgyal po rdo rje 'dzin/ rdo rje sems dpa'i rab gnas ni// 'jig rten lugs rjes rtogs byas nas// rtag tu gsungs par gyur pa'o//

  76. 94a

    dang por rig pa gzung byas nas// dril bu bkrol ba der 'bad bya// lag pa rdo rje gsor byed cing // rkang pa g.yas rkyang sbyar bar bya// zo rang sgra ni spangs pa ni// bum pa nyid ni lhag gnas bya'o// 'gul bar ras gzungs dkris kyis te// rin chen sman gyis yongs su dkang // oM de wa pi tsu badz+ra a ti tiSh+Tha/ oM ma hor ti a ti tiSh+Tha oM deSha ha ri ya ti tiSh+Tha/ oM ra gar ti a ti tiSh+Tha/ oM badz+ra ra ti a ti tiSh+Tha/ oM badz+ra gau rI a kar dza ya dza// oM badz+ra tsA ri pra be sha ya hUM// oM bai ta lI b+han d+ha ya baM/ oM badz+ra g+hasma ri ba shaM ku ru ho// 'di ni ye shes dgug pa'i cho ga'o// bi'i lnga dang 'dag tshal lnga// dri lnga rnams pa'i khyad par gyis// sku gzugs la ni byug par bya// mchod yon la sogs sngon bzhin bya// phyis kyang sbyor ba de nyid kyi// ze rang byugs te byin gyis brlabs// mig sogs la ni gti mug sogs// rdo rje gsum ni gnas gsum dgod// rang bdag rigs nyid kyis dbang bskur// mchod pa la sogs rim pas tsam// rang snying ye shes gnas bsams la// sangs rgyas rnams ni nang bzhugs te// ye shes bdud rtsi rab sbyor dang /

  77. 94b

    rims kyis mchod pa'i lha mo spro// byang chub sems mchog bsams byas nas// sangs rgyas bstod pa yang dag brtsam// dngos po kun gyi rang bzhin gyis/ stong nyid snying rje ldan rnams kyi// khyod ni rnal 'byor ma yi tshogs kyis yongs su bskor// khyod ni rang gi thugs kyis yongs su bsnyems ldan pa/ khyod kyis rgyu dang mi rgyu'i 'gro ba kun sbyang shing // sems can rnams la thugs rje'i thugs kyis rtogs mdzad pa'o// sgyu ma'i spros pa rnams la rdo rje 'phen mdzad cing // e ma ho he ru ka dpal rdo rje bsnyems ldan thugs// rdo rje se gol sbyor ba yis// rdo rje sems dpa' bsgoms par bya// rdo rje yi ge rab blangs pa'o// rdo rje dkyil 'khor rab bsgom zhing // rdo rje dkyil dbus gnas par bya// de nas rdo rje phung po bsgom// rdo rje smin byed bsams par bya/ rdo rje lce yi sbyor ba yis// sangs rgyas rnams ni rab bcug ste// rdo rje sngags kyis tshim par bya// bcom ldan 'das rdo rje bdud rtsi myang bas de skad ces bka' stsal to// sangs rgyas 'grub paru 'dod rnams kyis// rtse mo lnga ni nges bcings pas// na mkha'i dbyings kyi gnas par// sangs rgyas

  78. 95a

    phur gdab gnang la bor// de tshe dngos grub mi ster na// chos 'byung grong khyer nyams dga' bar// rdo rje ser mo rab sbyor bas/ rdo rje sems dpa'a'ang 'jig par 'gyur// oM du ru du ru// ts+tshin d+ha ts+tshin d+ha hUM hUM// rdo rje chen po phur bus de skad ces bka' stsal to// ma mo'i dkyil 'khor dbus gnas par// rta 'grin rab tu bsgom byas ste// phyag rgya chen por rab sbyor phyir// dbu rgyan la ni rdo rje chos// kha dog dmar po stobs po che// dbu la bad ma dmar po 'chang // gos dkar mo dang gnyis med sbyor// bcu drug phyag gis rnam par brgyan// g.yas pa'i zhal ni nag po ste// g.yon pa zla zer dri med 'dra// dang po dmar por shes bya ste// lhag mi'i zhal rnams bung ba mtshungs// zhal brgyad pa la zhabs bzhi pa// rdo rje chos ni 'od chen ldan// bdud bzhi po la rab gnon cing // 'dod chags chen po rjes chags pa'o// ma mo'i dkyil 'khor dbus gnas par// rdo rje snang mdzad dran par bya// dbu rgyan rdo rje 'dzin par bsam// kha dog dkar po 'bar ba che// bcu drug phyag dang zhal brgyad pa// zhabs bzhi pa ste 'jig mdzad pa// dbul chos kyi 'khor

  79. 95b

    lo 'chang // 'jigs pa yang ni 'jigs mdzad pa// spyan dang gnyis med sbyor ba yi// 'dod chags chen po rjes su chags// dang po'i zhal ni dkar po ste/ g.yas g.yon gnag dang dmar pos brgyan// lhag ma rnams ni bung ba mtshungs// ma me'i dkyil 'khor dbus gnas par// rdo rje nyi ma rnam par bsgom// dbu rgyan rdo rje rin chen bsam// rdo rje gzi brjid 'bar ba che// bcu drug phyag la zhal brgyad pa// zhabs bzhi pa la 'jig mdzad pa// yid bzhin nor bu spyi bor 'chang // gtso mo gser gyi kha dog 'dra// dang po'i zhal ni ser po ste// g.yas pa sngon po'i rnam par mtshungs// g.yon pa zla ba bzang po'i 'od// lhag ma rnams ni bung ba mtshungs// ma mo'i dkyil 'khor dbus gnas par// rta mchog rnam par bsgom par bya// dbu rgyan ral gri 'dzin par bsam// mdog ni ud pal ljang ser mtshungs// zhal brgyad pa la zhabs bzhir ldan// bcu drug phyag gis rnam par mdzes// dang po'i zhal ni ljang khu ste// rta yi gzugs ste 'jig mdzad ga/ g.yas pa kha dog nag po la// g.yon pa zla ba dri med 'dri// grub pa'i ral gri spyi bor 'chang // lhag ma rnams ni bung ba mtshungs// rdo rje nyi ma

  80. 96a

    rta mchog nyid// sgrol mi'i gzugs can phyag rgya 'di'o// lha mo rnams kyi phyag gnyis brjod// dgyes pa rdo rje'i dkyil 'khor du/ ral gri dag ni rtag pa nyid// de bzhin me long rtag pa la'o// bzang po'i gos ni rta 'grin ste// gser chen rdo rje nyi mar ro// rta mchog la ni rta nyid do// sangs rgyas 'bras bu 'dod pas ni// g.yon gyi mchog ni rtag pa nyid// bla ma la ni rtag par 'bul// de nyid bde gshegs rdo rje sems// skal bzang thub pa rnam snang mdzad// skal bzang 'jig rten dbang phyug dang // dpal ldan skal bzang nyi ma dang // rta yi rgyal po nyid kyang ngo // de nas rgyal po rdo rje 'dzin// sku gsum rdo rje mchog 'dzin pa/ rdo rje sems dpa'i dam tshig mchog/ mnga' bdag gI ni 'di skad gsungs// oM d+ha ra d+ha ra/ d+ha ra ya d+ha ra ya/ mar ba mar Da// badz+ra d+hig phaT swA hA/ de nas sngags chen po gsungs pas// rdo rje las 'khrungs rdo rje che// 'jig shing skrag pa rab thob nas// rdo rje dngos grub rab tu gsol// de nas bcom ldan 'das rdo rje chos kyi 'byung gnas zhes bya ba'i ting nge 'dzin la snyoms par zhugs ste// rta 'grin gyi sngags 'di ni gsungs pa// oM badz+ra d+harma sa ma ya sta~M hu lu

  81. 96b

    hu lu a ro lig phaT swA hA/ de nas 'di ni gsungs tsam gyis// rdo rje chos ni grags chen po// skrag cing 'jigs pa rab thob nas// chos kyi dngos grub rab tu gsol// de nas bcom ldan 'das rnam par snang mdzad rdo rje zhes bya ba'i ting nge 'dzin la snyoms par zhags te// rtag pa'i sngags 'di gsungs so// oM sha shad par ma shwa shad e h+ya hi dzi na dzika paT swA hA/ de nas 'di ni gsung tsam gyis// sangs rgyas de bzhin gshegs pa kun// rmongs shing 'jig pa rab thob nas// sangs rgyas dngos grub rtsol bar mdzad// de nas bcom ldan 'das nyi ma rin po che 'byung gnas zhes bya ba'i ting nge 'dzin la snyoms par zhugs te// rdo rje gin brjid kyi sngags 'di gsungaso// oM badz+ra sur+ya ta me b+hi d+he sa na sa ma ya s+t+waM// ma hA rad na d+hig phaT swA hA/ de nas 'di ni gsungs tsam gyis// rdo rje gzi brjid 'od chen po// rmongs shing 'jigs pa rab thob nas// nyi ma'i dngos grub rab tu rtsol// de nas bcom ldan 'das don yod pa'i rdo rje zhes bya ba'i ting nge 'dzin la snyoms par zhugs te// rdo rje rta mchog gi sngags 'di gsungs so// oM phu phu pu hi hi hi pradz+nyA d+h+r-ig phaT swA hA// de nas ni gsungs tsam gyis// don yod rdo rje

  82. 97a

    rigs 'byung bas// rmongs shing 'jigs pa rab thob nas// don yod dngos grub stsol bar mdzad// sangs rgyas dkyil 'khor zlum pa ste// rdo rje can gyi zla phyed pa'o// rdo rje chos kyi byed mo 'dra// nyi ma'i yid bzhin nor bu mtshungs// de bzhin gshegs pa thams cad kyi// rta mchog tha gsum rnam rab shes// rdo rje sems dpa' rgya chen dang // de nas rtag pa'i rgya nyi dang // rdo rje chos kyi rgya chen dang // rin chen rtog gi 'od byed dang // rin chen 'od kyi rab mdzes pa'o// don yod grub pa'i phyag rgya rnams// stag gis lpags pa'i rmad dkris can// dbu skra gyen du ma 'dres parjes// chags pa'i sbyor bas bsgom bya ste// phyag rgya chen po rab sbyor bas// chags pa dmar po'i spyan gyis ni// gzigs pa'i sems kyis brtson par 'bad// las sna tshogs pa rab tu bsgrub par ston pa'i le'u ste/ dgug pa'o// / de nas rgyal ba rdo rje 'dzin/ spyod pa'i mtshan nyid bka' stsal pa// rdorje spyod pas rab sbyor bas// rdo rje'i phyag rgya rab tu brtsam// 'bras bu me tog sogs brgyan pa'i// nags tshal

  83. 97b

    chen po'i sa phyogs su// sems dpa' chen po rnams rgyu zhing // nagasu slongs mo la rgyun// de rnams 'jigs shing skrag nas ni// kha zas bzang po bstar ba ster/ nags tshal bdag pa'i rigs kun ni// rdo rje can de'i 'khor du 'gyur// skyes par 'gyur ba'i 'gro rnams dang // skye bar 'gyur ba'i 'gro ba rnams// gti mug chen po rab sbyar ba'i// rdo rje'i mig gis mthong bar 'gyur// khams gsum rnams kyi lam mchog na// sgra rnams gang zhig rab grags pa// zhe sdang rdo rje sbyor ba yis// rna ba'i drung na gnas pa bzhin// mngon shes khyu mchog gis thos 'gyur// sems can kun gyi sems chen ni// shin tu mtshon ka nyid mtsho// to/ lag tu sgyur 'bras lnga bzhag bzhin// rdo rje sems kyi shes par 'gyur// rang gi skye ba stong phrag dang // gzhan gyi skye ba stong phrag rnams// nyin gsum lo ni pa'i dran pa bzhin// rdo rje sbyor bas dran par 'gyur// mngon shes phung po 'di nyid kyis// 'di kun snang bar byed pa ste// mngon shes lnga pa'i sbyar ba yis// sangs rgyas mngon shes zab par 'gyur// rdo'i skye mched rnam par dag pi 'i le'u ste// bcu par/

  84. 98a

    rtag pa nyid kyis ni ba ste// rdo rje nyims rgyas pa'o// rdo rje chos kyis dbang zhes ste// rdo rje sems dpas gsad pa'o// zhi ba'i sems kyis zhi ba'o// rgyas pa'i sems kyis rgyas pa ste// rin po che yi sprin ltar 'bar// rjes su chags pa'i sems kyis ni// bu mo dgug la spyad par bya'o// gsad la gdug pa'i sems kyis ni// me ni sprin gyi char ltar 'bab// sdud pa po las ser po dang // skye gnyis las ni tshangs pa mo// dpal ldan mo ni dgug pa dang / khor yug ldan pas rim pa nyid// chu srin rgyal mtshan las dga' ma// phyag rgya chen po rab sbyor bas// de kun drangs la nye bar spyad// gos pa med par chags pa ni/ bde ba'i sems kyis rol par bya'o// zhi ba la ni swA hA mthar// rgyas pa'i dus ste b+hu sha ta// gsad la tha mar hUM phaT te// dbang dgug dag la dza dang hri/ las thams cad pa'i le'u ste/ bcu cig pa'o// / de nas rgyal po rdo rje 'dzin// mkha' 'gro ma ni rdo rje gur// rdo rje mkha' 'gro sgrub don du// thub pa gsung ni 'di skad gsung // me tog 'bras bu sogs brgyan pa'i// ri be'i ri sul tshang cheng du//

  85. 98b

    rdo rje dkyil dkrungs rab byas te// brtul ldan bla ma sangs rgyas mchod// dkon mchog gsum la skyabs su mchi'o// sdig pa thams cad so sor gshegs/ 'gro ba'i dge la rjes yid rang // sangs rgyas byang chub yid la zung // sangs rgyas chos dang tshogs mchog la// byang chub bar du skyabs su mchi// byang chub sems su 'di bgyi ste// bdag dang gzhan don rab sgrub phyir// bdag gis byang chub sems mchog skyed// e ma ho sems can 'gron du gnyer// byang chub spyod mchog spyod mdzad bzhin// 'gro la phan phyir sangs rgyas shog/ tshangs pa'i gnas ni bzhi po rnams// byas te sems kyi ngal bso bya'o// de nas byang chub sems gnas bya// rdo rje bsrung mi'i dam tshig go// skye ba med pa'i sbyor ba yis// skye ba 'dir ni rab sgrags ste// dpa'o bden brdzun rnams spyad pas/ brtag pa nye bar brtag mi bya'o// oM shU n+ya tA dz+nyA na badz+ra swa b+hA ba ad ma ko haM// na mkha' dbyings kyi gnas par// sna tshogs rdo rje rnam par bsgom// yi ge hUM gi sbyor mchog gis// khro bo bcu rnams rim sa bzhin dgod// gshin rje mthar byed dang ni shes rab mthar byed dang // pad ma 'byin byed bgegs mthar 'byin

  86. 99a

    pa dang // 'dod pa'i khro dang de bzhin dbyig pa dang // mi g.yo ba dang stobs po che yang ste// dkar po gdung ba skyob pa'i btsug tor dang // rdo rjes 'og na ni gnas pa rnams// khro bo'i sbyor bas bsgoms gyur na// sbyor bas thams cad 'ching 'gyur te// bgegs rnams skrod par bsams na ni// dpag tshad brgyar ni bros te gnas// nam mkha' dbyings kyi dbus gnas par// rdo rje dkyil 'khor bsgoms par bya// rdo rje dkyil 'khor dbus gnas par// 'od kyi dkyil 'khor bsgoms par bya// me yi dkyil 'khor dbus gnas par// chu dkyil rtul zhugs can gyis bsgom// chu'i dkyil 'khor dbus gnas par// dbang chen dkyil 'khor bsgom par bya// dbang chen dkyil 'khor steng du ni// bdag nyid rnam par bsgom par bya// yi ge bruM las gan bsams te// rdo rje dkyil 'khor der brtag bya// rnam pa lngar ni rab brtag bya// ye shes lnga las byung ba yi// sems dpa'i bskur ni rnam par bsgom// rdo rje sems dpar rang byung ba// rig pa'i skyes bur rnam bsgom bya'o// oM d+harmaHd+hA du badz+ra swa b+ha ba yang ma koho// rdo rje bzhengs po zhes bya ba'i ting nge 'dzinan/

  87. 99b

    mig sogs la ni gti mug sogs// rdo rje gsum ni gnas gsum dgod// mkha' spyong ma ni rdo rje'i thugs// rdo rje gsung ni sa spyod ma// sa 'og ma ni rdo rje gur/ hUM aHoM gyi yi ges ni// bcom ldan 'das kyi snying por bya// rdo rje gau r-i chu ma dang // rdo rje mkha' 'gro ma bdag med// zhe sdang rdo rje zhabs mnan ma// dkyil 'khor snying po bsgom par bya// gau rI tsi ri be ta li// g+hasma rI rnams sgo skyong ma'o// pu ki sa dang sha ba rI// gtum mo Do ma b+hi ma rnams mtshams su'o// steng du mkha' la slod ma zhes// de bzhin 'og tu sa spyod ma// dbus su bdag med mkha' 'gro ma// mkha' 'gro'i dkyil 'khor bsgom par bya// byang chub rnga rje sangs rgyas la// chen po'i chen po stsal ba bzhin// bdag kyang rab tu skyab pa'i phyir// na mkha'i rdo rje bdag la gsol// dbang skur rdo rje chen po la/ khams gsum gyis ni phyag 'tshal ba// sangs rgyas rnams kyi gsang gsum las// rab tu byung ba sbyin par bya// ye shes kyis dbang bskur ba rab tu sbyin pa rdo rje zhes bya ba'i ting 'dzin to// rigs pa'i skyes bu dbang bskur che// rang lhag lha yi cod pan la// des ni dkyil 'khor dbang bskur te// bstad dang /

  88. 100a

    mchod pa la sogs bya'o// rdo rje ldes ni bdud rtsi myang // de nas yang ni ye shes bzhugs// nang du brjod pa'i sbyor ba yis// de nas sngags bzlas brtul zhugs can// rnal 'byor mi 'phung po bzhengs pa'i le'u ste/ bcu gnyis pa'o// de nas byams pa la sogs pa rdo rje'i byang chub sems dpa' rnams// rang rang bdag la rnam par rtog pa skyes par gyur te// bcom ldan 'das ji ltar na rnal 'byor mi'i rgyud kyi mtshan du rab tu 'jug pa lags// rdo rje 'dzin gyis gsungs pa// shes rab pha rol phyin pa'i thabs// 'di ni rnal 'byor mar brjod de// phyag rgya chen po rab sbyor bas// gang phyir de nyid la 'jug pa// rnal 'byor ma yi rgyud bzhed de// mkha' 'gro ma ni rdo rje gur// pha rol phyin pa kun gyi thabs// bsam gtan tsam gyis 'grub par 'gyur// mkha' 'gro ba de dang rgya mtsho bde dang na mkha' dang // gser gyi char pa dang ni dga' chen zas nus dang / bde chen sgeg pa dang ni gsang ba yid bde dang // rgyud de rnams la phan pa'i mkha' 'gro dang // sangs rgyas thams cad dges pa'i rdo rje dkyil 'khor dang /

  89. 100b

    gsang ba'i mdzod dang rdo rje bdud rtsi las byung dang // 'khor lo bde mchog gur dang phun sum tshogs pa rnams// rnal 'byor mi'i rgyud ni drug par grags pa yin// skyes bu 'dul bar mdzad don du// rnal 'byor rgyud rnam rab bshad pa// btsun mo rnams ni bsdu ba'i phyir// rnal 'byor ma yi rgyud rab bshad// dman pa rnams kyi bya ba'i rgyud// bya min rnal 'byor de lhag la'o// rnal 'byor mchog gi sems can mchog/ rnal 'byor bla med de lhag la'o// de nas byang chub sems dpa' rnams kyis bcom ldan 'das la zhus pa// bdag cag rnams kyis lha de'i spyod yul rnams// ji srid du ni rjes su spyod cing myong lags na// sems can gzhan rnams kyis bcom ldan 'das kyis gsung ba'i don ji ltar 'tshal bar 'gyur// bcom ldan 'das kyis bka' stsal pa// stong nyid snying rje dbyer med par// gang su sems ni rnam bsgom pa// 'di ni sangs rgyas chos dang ni// dge 'dun gyi ni bstan pa yin// mu stegs 'dren par byed pa dang / rgol ba rnams tshur gcod par byed pa dang // rang gi bde ba'i khyad par rnams brjod pa rdo rje zhes bya ba'i ting 'dzin to// rang gi byang chub thob bya

  90. 101a

    phyir// gzhan gyi don la bstan byas na// des ni sangs rgyas chos dang ni// dge 'dun gyi ni bstan par gnas// chos dbyings rang bzhin du bsgrubs nas// bdag tu 'dzin pa nges par sel// thabs dang shes rab bsdus byas na// des ni sangs rgyas bstan la gnas// de nas bcom ldan 'das rgyal ba'i sras thams cad bcom ldan 'das kyi gsung de lta bu thos pas mgu bar gyur te// tshig 'di skad ces gsol to// e ma'o kun tu bzang po yi// nam mkha' byung las bstan pa ste// nam mkha' gnas kyi sbyor ba yis// ye shes rgya mtsho rnam thos so// de nas rgyal po rdo rje 'dzin// bde ba chen po'i rnam 'phel ba'i// dam tshig thams cad bsten bya ste// sangs rgyas 'bras bu 'dod pa yis// bde smre de bzhin gar dang ni// glu dang rol mo rnams bya zhing // dri dang zeng ba byug pa yis// rig pa rgyal po rab tu 'grub// de bzhin bde ba rab bzung ste// ji bzhin sems dang ldan par spyod// zas dang spyod lam dzi/ bas// mi 'gyur mchog ni 'grub par 'gyur// bza' bca' ba yi rab sbyor dang // bzang po'i rgyan gyi brgyan byas nas// nyi ma gcig tu bskul ba yis//

  91. 101b

    de nyid mchog ni 'grub par 'gyur// rang gi dam tshig rtag tu bsgrub cing // rtag tu de bzhin gshegs pa mchod// rtag tu bla ma la yang 'bul// bla ma sangs rgyas kun dang mnyam// rnam par snang mdzad mgon po dang // bla ma rdo rje sems dpa' bzhin// ji ltar na mkha' mdzod chen dang // thub pa rdo rje chos ji bzhin// mgon po rta bdun rgyal po ltar// de bzhin slob dpon rab tu grags// de phyir kun tu rab 'bad pas// rdo rje slob dpon blo chen po// dge ba rab tu mi spyoms pa// nam yang smad par mi bya'o// rdo rje sdom pa zhes bya ba'i ting nge 'dzin te// / le'u ste bcu gsum pa'o// de nas bcom ldan rdo rje 'dzin che// rdo rje gsor bar brtson mdzad nas// bdag med mkha' 'gro mas mkhyud pas// bzang po'i spyod yul rab tu phye/ rdo rje gzugs ni blang bya ste// sems ni ji ltar 'dod pa yis// rigs 'dzin 'khor lo sgyur bar ni// thogs pa med pa'i sems kyis 'grub/ rnam pa lnga pa'i dri blangs ste// nam ldi'i rjes su rnams bsres te// lcag gsum gis ni dkris byas nas// ri lu'i rig pa 'dzin par 'gyur/

  92. 102a

    gur kum a ka ru mnyam ldan// nyi ma 'char ki'i 'od lta bu'o// ri lu kha ru bcug bya na'o// nyi ma'i rig pa 'dzin par 'gyur/ sha lnga mnyam par ldan byas nas// lcags gsum gyis ni dkris byas ste// rdo rje nyi ma rab sbyor gyis// nyi ma gcig gis 'grub par 'gyur// tsan dan dmar dang gur ku ma dang // sbrang ma'i gcin dang sbyar byas te// lcags gsum gyis ni dkris byas nas// myur 'gro'i rig pa 'dzin par 'gyur// 'dzin rten mgon por rnam bsgoms ste// gu gul lcags rnams kyis dkris ste// tsa na ka yi 'bru tsam gyis// rig pa 'dzin pa'i mgon por 'gyur/ ri lu'i bsam gtan yang dag pa'i rdo rje zhes bya ba'i ting nge 'dzin to// klu yi rgyal po mgo bsregs par// rang 'byung khrag gis bsgos byas te// rdo rje rtag pa'i sbyor ba yis// mig sman rig pa 'dzin par 'gyur// ldong ros sa bon dang mnyam ldan// stag khrag tshil bur bsnod byas ste// rdo rje sku yi sbyor ba yis// rkang zil bskus na 'grub par 'gyur// dbang po'i pra phug rtsa ru ni// 'dod pa'i lha yi dkyil 'khor dbus// rdo rjes 'og sbyor ba yis//

  93. 102b

    lha min bu mo rab tu bsgrug/ oM Da yul dang nye ba na// a s+thi'i 'bras chen zhes bya'i rir// gnod mdzes rdo rje'i sbyor ba yis// sa 'og rig pa 'dzin/ 'grub 'gyur// rdo rje sems dpa' rgyal chen po// yang dang yang du bskul bar bya// de nyid dngos grub thams cad kyi// yin bzhin nor bu'i 'od mnyam pa'o// rdo rje gnod mdzes sku chen ni// zhal cig pa la phyag gnyis pa// klu zhags ldan pas sdig 'dzub mdzad// kha dog nag por rnam par bsgom// rdo rje lcag gyu rab bsams pa'o// rnam kun ldan pa bsgom par bya// mi bskyed dam tshig gis mnan te// yi ge phu sngags kyis bskul ba'o// mig sman rab tu 'byung ba rdo rje zhes bya ba'i ting nge 'dzin to// de nas bcom ldan 'das de bzhin gshegs pa thams cad kyi gsung thos pas dga' ba thob nas ba spu langs par 'gyur te// gsung 'di skad gsungs so// e ma'o chos e ma'o chos// e ma'o chos kyis bden pa ni// chos rnams thams cad stong pa la/ yang dag dngos grub rab gnas gang // chu shing steng pa med pa la// snying po'i 'bras bu ro ldan bzhin// de bzhin snying po med lus la// bde ba 'gras

  94. 103a

    bu dngos grub gnas/ nam mkha' 'byung ba thams cad dang // chos rnams kun gyi bzhir 'gyur bzhin// mkha' bzhin dag pa'i sems nyid kyang // bde mchog dag pa'i sems nyid de// yul dang dbang po'i rang bzhin ni// sems las phyi rol 'gyur med kyang // gzugs sogs so sor snang ba rnams// sems nyid kho na snang ba yin// de nas byang chub sems dpa' sems dpa' chen po phyag na rdo rje de bzhin gshegs pa rnams la zhus pa// bcom ldan 'das de bzhin gshegs pa thams cad// stong pa ma yin phyi rol gyi don du// sems stong pa de ji ltar snang bar gyur pa lags// de bzhin gshegs pa rnams kyis gsungs pa// thog ma med pa'i srid gyur nas// phyi rol don du brtags pa te// thams cad sems kyis rnams 'phrul zhing // sems nyid kun tu song ba'o// byang chub sems kyis rnam 'phrul rab tu bstan pa// rdo rje zhes bya ba'i ting nge 'dzin to// de bzhin mdzes pa mig gi skyes ring pa// si h+la ga bur 'byung gnas can// bla steng du ni bzhag byas ste// lag par bzung la yang dag brtsam// rdo rje 'os ni gdab cing // rdo rje mnye bas mnye bar bya// rdo rje 'khyud pas rab gzung zhing // rdo rje 'dzin par rab gzir bya'o// rdo rje sor mo'i rab sbyor gyis// rdo rje sa bzhi rab bskal te// rdo rje sems su rnam phyung la/

  95. 103b

    rdo rje lce yi bza' bar bya'o// phyi nas de yi bde ldan du// rdo rje sems dpa' rab bcug ste// rdo rje bcing ba'i sbyor ba yis// rdo rje mchod bya rab tu brtsam// rdo rje dbab pa rab thob nas// rdo rje sems gyur rtul zhugs can// pad ma me tog rab ldan pa'i// me tog dmar pos mchod par bya'o// pad ma dmar pa'i khyad par sla// pad mos rdo rje can mnyes 'gyur// dri lnga rab tu sbyar ba dang // rgyal mtshan ga bur gyis mchod bya// 'di yis rgyas par 'gro 'gyur zhing // stobs dang brtson 'grus bde chen 'gyur// bltas pa nyid kyi bskal nas ni// 'jig rten 'di ni dbang du 'gyur// gang gis dkon mchog gsum gsong cing // gang gis sems can rnams zad byas// slob dpon dag la bskyes byas dang // sangs rgyas lam la spyod pa rnams// lcags kyu yis ni rab dkug nas// rkang pa lcags sgrog gyis bcing bya// zhags pa yis ni 'gul bcing bya// rdo rje'i bdag nyid rab bos lo// sangs rgyas na mkhar gang bar bsam// de las yang ni spang gzugs bya// 'di ni sangs rgyas thams cad dang // rdo rje sems dpa' mkhyen ldan bkrongs// 'di na sdig chen ldan pa ste// mnar med ltung ba'i bdag nyid can// dmyal ba chen por rab 'jug pa// de ltar bsams te 'di

  96. 104a

    gsang bya'o// rdo rje can gyi skur bsams la// na mkha' dbyings der rnams bsgoms ste// mi byed rdo rje'i rjes zhugs nas/ rdo rje dbyug thos bsnun par bya'o// lcags kyu la sogs mi nus na// bag zan la yang bsdus byas la// de nyid kyi ni gzugs bsams te// rdo rje dkyil 'khor du dor bya'o// 'dod pa'i rgyal po lcags kyu ste// dbyug pa sngon po rang mtshan ldan// stobs kyis rgyal po rtse gsum pa'o// mi g.yo ri rtse'i dkyil 'khor can// rnam par rtog pa chen po gsod pa rdo rje zhes bya ba'i ting nge 'dzin to// de nas rgyal po rdo rje 'dzin// thams cad dbu skra 'byin gsol ba pos// dam tshig rdo rje bsrung don du// spa byi'i spyod yul gsungs pa'o// rdo rje khro bo a tshar che// thams cad zhal cig phyag gnyis pa// snying khar khu tshur sdigs 'dzub la// g.yas pa rnams ni mtshon cha 'phyar// gshin rje gsod pa'i tho ba ste// rdo rje dbyug pa gzhan mi thub// ud pal dmar po rta 'grin gyi// bdud rtsi khyil ba mi byed pa'o// lcags kyu 'dod pa'i rgyal ba'o// dbugs sngon rang gi ming ldan pa'o// stobs kyi rgyal po che gsum pa'o// mig sa ri

  97. 104b

    rtse dkyil 'khor can// rgyal po dung skyong dkar ba'o// chos kyi 'khor lo rnam par bsgom// gsal shing rdo rje 'og gi'o// g.yas rkyang pa yi gnas pas bzhugs// an d+ha bsgril dang mnyam ngos su// mthar byed rnam par bsgom bya'o// zla ba nor bu chen po ltar// rdo rje gzhan gyis mi thub pa'o// khro bo pad ma dmar po che// sngon po rdo rje bdud rtsi bdag/ 'tshams rnams khro ba sngon po che// rdo rje 'dzin pa spyi bor 'dzin// gshin rje rnam snang nyid kyis ste/ rdo rje sems dpa' dbyug pa la'o// khro bo pad ma 'jig rten gtsos// sems dpa' rdo rje 'khyil pa la'o// rdo rje dkyil 'khor dbus gnas pas// 'og tu pad mi'i gdan bsams ste// rdo rje nyi ma rnams bsgoms la'o// khro bo bcu rnams rab tu bsgom// ye shes rdo rje rang nyid dbus// bcu phyed dkyil 'khor bdag nyid de// dkyil 'khor lnga po bsgom bya zhing // bdud rnams zhabs kyi 'og tu bsam// bsrung ba'i 'khor lo 'bar chen po// bskal pa'i me chen dang mtshungs pa// g.yo ba med pa ltar 'khor zhing // dpag tshad lnga rgya'i tshad tsam du// bsrung ba'i dam tshig rnam par rgyal// stangs

  98. 105a

    kyi rdo rje zhes bya ba'i ting nge 'dzin to// de nas bcom ldan 'das dpa' bachen po// rang byin gyis brlabs pa'i theg pa la zhugs te/ rang byin gyis brlab pa'i sbyor ba ru// de nyid phyir na gsungs pa ste// snying khi'i dbus na zla ba gnas// zla ba'i gzugs la mi shigs pa// sna tshogs 'od kyi rnam 'khrigs ldan// des ni dkyil 'khor rnam par bsgom// rdo rje bdag med ma mkha' 'gro// skul ba'i tshogs bsgom par bya'o// mkha' 'gro ma'i sna rtser ni// nyungs dkar gnas par rnam par bsgom// khams gsum rgyu dang mi rgyu ba'i// 'gro ba ma lus nyungs kar du'o// de lta bu yi bsgoms 'gyur na/ rang byin brlob par rab tu 'grub// gzugs dang sgra dang de bzhin dri// ro dang reg byar mngon ldan zhing // rnal 'byor nyid kyis der bsams na// de nas bad dang gzhan med par// rdo rje pad ma las 'byung zhing // yang dag bde ba dngos mchog bde// dpa' brlab med cing snang ba med// rnam par rtog med 'gyur pa med// cung zad chang la rab zhugs s+ho// bdag med ma la rang rig gzhag/ bral ba'i dga' ba dag gi mnga'// rtog pa'i 'dra ba rnam bral zhing /

  99. 105b

    mig yo rnam par 'khrul med pa// dgas rdar zhes byi 'dangs par gsal// he ru ka dngas bem pa min// rnam pa lngarnams yongs spangs pa'i// bdag nyid mgon po he ru ka/ de nyid du'ang rig pa med pa ste// ska cig de las thams cad 'gyur// 'das dang ma 'ongs da ltar rnams// sangs rgyas sangs rgyas sras rnams kyang // thams cad mkhyen pa nyid du mthong // chu rgyus dra ba dang bcas shing // yan lag kun ldan bu gcan// lus de med par snang bar 'gyur// de'i de skad cig de nyid la// dgyes pa'i rdo rje'i skur 'dzin 'gyur// nam mkha' ji bzhin dmigs med cing // mtshan ma med cing skye ba med// sna tshogs rnam bral bsgrib lnga spangs// sangs rgyas dngos rnams dang bral ba// me longs gzugs brnyan ji bzhin du// de yi bdag nyid du snang bar/ he ru ka yi dngos por gsal// 'di nyid dngos po yul rnams dang // phung por gnas pa mkha' dang mnyam// bden nyid 'dir rab skyes lus ste/ 'dus byas don gyis gzhan min pas// mig gis gzugs ni 'dzin med cing // rna ba yis ni sgra min to// lce yis kyang rig mi rig/ sna yis kyang ni dris

  100. 106a

    min// lus kyi gong bus reg med de// bde ba chen po'i gzugs phyir na'o// bud med mchog mthong las bde zhing // glu thos pas kyang yang dag bde// dri zhim bsnam la bde ba che// skye gnas reg las bde ba che// ro mchog btub pa'i rab sbyar ba'i// bde ba sdus kyang zlog mi nus/ bde ba chen por 'gro ba khyab// bde ba spangs na rig med pa// sangs rgyas byang chub sems dpa' dang // rnal 'byol ma dang btsun ma'i mchog/ de bzhin sangs rgyas du ma lnga// sna tshogs sangs rgyas bde mar song // de nas phyag na rdo rje byang chub sems dpa' chen pos// bcom ldan 'das kyis bde ba chen so sor gsungs pa la// tshig 'di skad ces gsol to// tha mal rnam rtog gzhom don du// yang dag bsgom pa rab grags kyi// rang bzhin gnas skabs bsgom pa ni// sgom pa ma yin mi bsgom min// byang chub de lta bur shes te ci'i phyir na// 'on kyang de lta bu ni lus blo bur gyis dri mas spags pa 'du bya'i phyir na// sangs rgyas kyi rnam bsgom par bgyi ba lags so// phyag na rdo rje yang gsel ba// cig zhig chis lus kyi bsgom pa la dgos pa ci mchis// bcom ldan 'das kyis

  101. 106b

    bka' stsal pa// gsang ba'i bdag po dgos pa yod do// bcom ldan 'das mtshan ji skad bgyi ba mchis// rdo rje 'dzin pas bka' stsal pa// sangs rgyas rnams kyi de kho na nyid ces bya'o// sangs rgyas kyi de nyid ces bgyi ba de ji lta bu// rnam pa thams cad mkhyen pa'o// de ci lus can zhig gam// de de bzhin du bden no// de ci'i phyir zhe na// rdo rje 'dzin gyis bka' stsal pa// mtshan gsum cu rtsa gnyis dang // dpe byad bzang po brgya bcus brgyan pa'i sku 'di ni nga yin no// ci'i phyir na// yul rnams kyi rgyus nga bsgrub par bya ba yin pas na'o// phyag na rdo rjes yang gsol pa// ci bcom ldan 'das bems po 'am// rdo rje 'dzin gyis bka' stsal pa// nga ni me long lta bu'i ye shes so// me long lta bu'i ye shes de lta bu// rdo rje 'dzin gyis bka' stsal pa// de bden pa yang ma yin zhing // brdzun pa yang ma yin la// blang bar bya ba yang ma yin la// dor bar bya ba yang ma yin no// de bzhin du mnyam pa nyid kyis ye shes kyang nga'o// so sor rtog pa'i ye shes kyang nga'o// bya ba nan tan gyi ye shes kyang nga'o// de bzhin du shin tu rnam par dag pa'i ye shes kyang nga'o// de bas na byang chub sems dpa' chen po/

  102. 107a

    byang chub ni da skad du dngangos pa med par ma smra shig/ dngos pa med pa nyid de dngas po'ang // de bzhin gshegs par gdod nas tshal/ mchog gi sku dang ldan pa ste// zab cing rgya chen sku mnga' ba'o// he ru ka nga'o sems dpa' che// bdag med ma dang thabs cig sbyor// bems po ma yin bde chen nga // 'jig rten 'dul phyir bems po nga // bud med skyes pa ma ning dang // 'gro ba rnams la ngas khyab po// de nyid kyis na gsang 'dus dang // rgyal ba rgya mtshor ngas bshad do// ma ning gnas pa'ang 'grub pa ste// byang chub sems dpa' rdo rje can// lha mo ma ma ki de gang // bud med rang bzhin ma yin la// sangs rgyas he ru ka nga yin// de nyid phyir na ma ning ngo // 'gro gnyis dngos po mthong nas nga // thabs dang shes rab bdag nyid do// shin tu sbyang ba'i rnal 'byor gis// ma ma ki med mi skyong med// don dam pa'i rang bzhin gyi go 'phang chen po rdo rje zhes bya ba'i ting nge 'dzin to// de nas bcom ldan 'das dpa' chen po// rdo rje 'dod pa'i bde chen po// bde chen yan lag med rdo rje// gsung ni 'di skad bka' stsal to// phyag drug pa ni sgeg dang bcas// zhal cig pa ste mapar tshugs 'chang // brgya phrag gnyis

  103. 107b

    lon mdog ser po// yan lag med pa'i rdo rje bsgrub// dpa' bo g.yas na mda' rnams shing gnyis pa'i phyag na ral gri ste// gsum par me long shes par bya// g.yon naM gyi phyag na gzha bsnams shing // gnyis par ud pal dmar po nyid// gsum par lo ma me tog ldan// g.yas brkyang pa yi gnas pas bzhugs// phyag drug pa ni nyid du bsgom// bu mo'i snying khar bsams nas ni// bud med thams cad 'grub par 'gyur// mda' yis 'o ma 'dzin phug nas// mya ngan med kyi snying khar bsnun// ral gri mi mo sdigs bya zhing // me long yang ni de bstan nas// gzhu 'gengs thabs kyis gnas bsams te// ud pa la zhags pas bcings de dgugs// gang 'dod rnam par myos bsams te// skra grol 'dod pas mtshon chen ma// snyan pa'i tshig ni rab smra zhing // gad mo'i rnam par dgod par byed// yan lag mgrin skad kyis brgyan spras// go lasaM khar ni bkang nas ni// 'dod pas stobs dang bral bar bsams// rdo rje mchog par rab sbyor bas// brtan de sems ldan rjes chags bya'o// 'dod byed sngags ni mi shigs pas// snying khar de ni bskul bar bya'o// oM

  104. 108a

    tshig sa a kar dza ya ma n+ta ga 'ching // de ltar 'jam pa'i mgon po ni// yid la bsgom par byas nas ni// bud med rnams dbang 'od 'gyur te// bsgrub pa po ni 'dod pas spyod// rdza phyed tsam gyi sbyor ba yis// bzlas pa khri ru rab sbyar zhing // bsgrub bya dga' ba'i sems ldan pa// gser gyi rnacha g.yo bag can// haM gaus sa bon las skyes pa// rgyan rnams kun gyis rnams mdzes pa'o// myos byed btad pa'i rab sbyor bas/ rdo rje yan lag med pa bslab// bde dang sdug bsngal rang bzhin ni// sa bon mchog ni mi shigs pa// bde chen mchog tu zhi bas ste// sems can thams cang mgu bar mdzad// de nyid kyis na srog chen po// mchog dga' ba ste rab mdzes pa// rtag tu bde dang sdug bsngal ni// de'i spros par grags pa yin/ mya ngan gzir dang de bzhin nad// bde dang bde bral de bzhin nyid// rdo rje sems dpa' rgyal po che// de nyid dbyangs yig drug pas mchod// zla ba byed pas rab ldan zhing // thig les spyi bor mchod pa'o// lha rnams kun gyi bzhi pa ste// rgyud rnams kyi yang khyad par ro// de nas bcom ldan 'das de bzhin

  105. 108b

    gshegs pa thams cad// bcom ldan 'das byang chub kyi sems rdo rje 'dzin chen po'i sa bon gyi yi ge gnas pas// thugs rab tu dgos par 'gyur to// gyur na 'di skad ces gsungs so// bsam gtan med cing dngos 'ang med// sngags med lha yang med pas ste// rdo rje sems dpa' rang 'byung ba// byang chub sems tshul 'di rten pa'o// bcom ldan 'das rdo rje dam tshig gis 'di skad ces bka' stsal to// bsod nams med cing sdig pa'ang med// byang chub med cing sangs rgyas med// ye shes lnga'i rab sbyor bas// byang chub sems ni brtan pa'o// bcom ldan 'das sangs rgyas pa'i dam tshig gis 'di skad ces bka' stsal to// sngags med bzlas pa'ang med pa ste// chos kyi dbyings kyis rang bzhin gyis// 'gro ba gsum kun med pa ste// bsgom pa med cing bsgom pa'ang med// bcom ldan 'das rin po che'i dam tshig gis de skad ces bka' stsal to// kun rdzob du ni 'jig rten yod// spyad pas gang na'ang 'jig rten ci// rtag tu 'jig rten ldan par 'jug/ byang chub tshul 'di brten pa'o// bcom ldan 'das pad ma'i dam tshig gis de skad ces bka' stsal te/

  106. 109a

    skab med cing dmigs pa'ang med// mi byed namakha'i 'byung gnas ste// zab cing rgya che'i rang bzhin can// byang chub tshul 'di brtan pa'o// bcom ldan 'das ral gri'i dam tshig gis de skad ces bka' stsal to// dper na sgyu ma 'am me long bzhin// de bzhin bde dang sdug bsngal de// dngos rnams ji bzhin yongs su shes// byang chub tshul 'di brtan pa'o// bcom ldan 'das yum mkha' 'gro bdag med mas de skad ces bka' stsal to// stong zhing gnas med gnas kyi mchog/ rmi lam sgyu mi'i rang bzhin can// sems kyi rang bzhin bsgom pa ste// ji srid du yang med pa'o// zhes bya ba ma ma ki'o// srid med mya ngan 'das med tshe// de 'di rdo rje bde chen po// bsgom pa med cing sgom pa'ang med// dgos pa mchog tu bsgrub pa de'o// zhes bya ba ni spyan ma'i'o// dbyangs dang yi ge rnam bral te// de ni sems dang thig le min// 'di ni bde chen dam pa ste// bri zhing bsnan pa yod ma yin// zhes bya ba dgos dkar mo yi'o// dper na gzugs rnyan rang bzhin no// de bzhin bsgom bya'i dngos gang yang // stong zhing snang med gnas mchog te// de tshe sdig dang bsod nams med/

  107. 109b

    dper na chu dang zla ba ni// grogs dag brdzun min bden pa'ang min// de bzhin dkyil 'khor 'khor lo 'di// dang zhing gsal ba'i rang bzhin no// zhes bya ba ni sgrol ma yi'o// de nas gzhu las mda' rab tu 'phan pa nyid kyi sku dang gsung dang thugs rdo rje las rab tu phyung ngo // gang 'dzub ser sna'i bar 'theb kyi/ khu tshur dag gis mda' bzung ste// khu tshur g.yon par gzhu bzhag la// pha rol dpung la gsor zhing sdigs/ dpung 'gor kos ko rab bzung ste// mtshon char khu tshur gyis drangs la// bdud kyi dkyil 'khor rab sdig pa// yi ge hUM gis 'phang bar bya'o// pus gnyis cung zad bskum byas nas// gzhu ni dbugs rngub kyis dgang zhing // khu tshur rna ltag tu bzung nas// brang ni rgyas pas brkang byas nas// mig dang sems ni mtshon char gtad// kha ni hUM gris bkang bya ste// g.yon brkyang ba yi sbyor ba yis// srin po gshin rje gsad par bya// mang du smras pas 'dir ci bya// bsdus pa tsam 'dir 'jug byas ste/ gzhu'i rig byed rol pa ni// de bzhin rdo rje 'dzin pas spyad// de nas bcom ldan 'das rdo rje rol mo gsum zhes bya ba'i ting nge 'dzin la bsnyoms par zhugs ste/

  108. 110a

    rnam par bsgegs pha rol mo 'di nyid kyis// sku dang gsung dang thugs rdo rje las phyung ngo // thai he thi he/ thi he dzi he/ tha ka tha ka/ ar thuH/ ar thu tha// thi ho thi ho// b+hi hi b+hi hi/ ulpaM u lpaM/ kr-i ka kr-i ka/ tha ka tha ka/ tim+bo tilAM/ ta Ta ta Ta/ wi ta wi ta/ cha lang sil chung mkhar dza dang / pi wang rdza rnga kha cig dang // rnga ni pi dza ra zhes dang // pi lding dang ni gling bu nyid// mu kun nga ri rnga dang ni// de bzhin ka ra ta ka sa// rnam gsum rab dbyes gdung byas te// dal dang mig zums thal rdabs pa'o// 'di ni dkyil 'khor bsnyen bskur la// bla na med pa'i mchod pa'o// rang gis dam tshig bshad pa yis// mang por smras pa 'di ci bya// ji srid glu gar brtan chos bzhin// rdo rje can gyi'ang rol mo de'o// de nas bcom ldan 'das dri zhim po'i rdo rje zhes bya ba'i ting nge 'dzin la snyoms par zhugs ste// bdug pa'i mchod pa 'di nyid kyi sku dang gsung dang thugs rdo rje las phyung ngo // tsan dan dang ni gur gum nyid// brag zhun de bzhin sder ldan te// spos ni spos chen de rnams kyis// he ru ka la rab 'bul bya// ka tse ra dang tso'u ka nyid dang // de bzhin sgra sgra zhes pa nyid// spos

  109. 110b

    su grub bya rnams kyis// rtag pa la ni nges par sbyar// lce bog dang ni 'bo la nyid// de bzhin sder me ri dgas ste// spos de rin chen rgyal po la// a ka ru dang bu ram nyid// thams cad la ni ldan par bya// shing ti dri zhim shi ta nyid// brag bzhun de bzhin shing la gang // 'jig rten mgon po bdug par ni// rdo rje 'dzin// gyis rtag par gsungs// sna tshogs dri yi khyad par rnams// sna tshogs rdo rje mang po ni// rta bdun rgyal po'i mchod pa ste// tshar bcad bslab la dus kun du'o// ji srid dri'i brtan chos las// bdug pa'i ri lu byed ma mchog/ de kun phyag na rdo rje yis// rdo rje'i mchod pa rab tu grags// de nas bcom ldan 'das rdo rje gom pa'i rnam par bkod pa rnam par rol pa rdo rje zhes bya ba'i ting nge 'dzin la snyoms par zhugs te// rdo rje gar 'di nyid kyi sku dang gsung dang thugs rdo rje las phyung ngo // byug pas kyang ni byug tshul lo// mtshon cha dang bcas sgeg bcas mchog/ rol bcas mchog gyis rjes bsgyur zhing // rdo rje gom pa brgyad rnams kyis// rdo rje gom par gar bya'o// me tog rnam par rab sbyar dang // bdug snod 'dzin tshul rab sbyor zhing // lag pas mar me'i snod 'dogs tshul// byug pas kyang ni

  110. 111a

    byug tshul lo// de bzhin lag pas mi tshul dang // dkur rten rkang pa phyogs su skor// dkrol ba dang bstun sbyor bas bskor// de bzhin/ slar yang bzlog phyir bskor// de nas rgyan pa'i gar bya ste// bskyod pa'i gar ni yang bya'o// de bzhin krol myur ba yi gar// bya ste 'khor lo rab tu bskor// gru bzhi ru ni gdeng bya ste// phyir ni pad ma'i lag pas bskor// sa las pus mo gnyis btsugs te/ lag pa mchod rten 'du byed lta bu'o// ji srid gar gyi bstan chos su// mngon par bshad par byas pa ni// ji srid rdo rje sems pa yi// rnam par rol pas byang chub bsgrub// de nas bcom ldan 'das rdo rje dam tshig mnyes par byed pa zhes bya ba'i ting nge 'dzin la snyoms par zhugs te// tshogs kyis dkyil 'khor la 'di nyid kyi sku gsung thugs rdo rje las phyung ngo // rang gis lhag pa'i lhar dmigs te// bzang po'i rgyan gyis rnam brgyan la// phun sum tshogs par kun dmigs nas// lta ba'i gnas su bsreg lugs bya'o// shar dang nub byang lho dang ni// phyogs su gnas pa rnams cher mchod// lha mo phyogs bral gnas rnams la// lhag ma'i tshe ni mchog gis mchod// yid kyis mar me sbyar ba dang // so ba'i 'bras dang ma chags 'bras bu rnams dang ni zho zan dang // yam shing de bzhi ti la la bsam// dur pi'i chun po nyid dang ni// bsam gtan rdo rje dag gis bsreg

  111. 111b

    de la sngags kyi tshig rnams su gyur pa ni 'di rnams so// oM ag ne ye hUM/ mar gyi'o// oM sarba ba paM da ha na badz+ra ya/ badz+ra satwA ya/ sarba ba paM da ha swA hA/ til nag po yi'o// oM badz+ra puSh+pA ye swA hA/ 'bras kyi rgyal po ma chags pa yi'o// oM sarba sam ba de swA hA/ zho zan gyi'o// oM badz+ra bi dza ya swA hA/ 'bras so ba'o// oM ma hA be ka ya swA hA/ nas kyi'o// oM ma hA pA la ya swA hA/ mon sran dri'u ye'o// oM badz+ra g+hasma ri swA hA/ gri yi'o// oM badz+ra sa yu She swAhA/ dur ba'i chen po'i 'o// oM badz+ra a pra ti ha ta badz+ra ya swA hA/ ku sha yi'o// oM badz+ra yadz+nyA na ya swA hA/ u dum wa ra yi'o// oM bo d+hi bri k+Sha ya swA hA/ byang chub kyi shing gi'o// oM badz+ra la tA ya swA hA// shing rlag shi ya'o// oM badz+ra ku be ra ya swAhA/ shing N+ye gro ta yi'a'o// oM sa ha ka rA ya swA hA// shing a s+tha yi'o// tsam pa mya ngan med dang pun d+ha ka/ ka ta ma a dzu ni'i me tog nyid// ji lta bur ni rnyed pa bzlas bya ste// me tog 'di rnams kyi ni sbyin bsreg bya'o// rgun 'brum a pa na sa nyid dang // a ru ra dang na li kyi la ste// 'khor lo lnga por cho ga'i rim pa yis// 'bras bu de rnams kyis ni sbyin bsreg bya'o// sha lnga bdud rtsi lnga nyid dang // dkyil 'khor lnga'i bsgom pa yis// 'di yis rdo rje can mnyes shing // ye shes me yang rab mnyes so// rgyal ba rtag sa

  112. 112a

    mnyes pa dang // gser gyis 'od kyang mnyes 'gyur te// pad ma gar dbang mnyes 'gyur zhing rta mchog bdag po mnyes par 'gyur// tshangs pa brgya byin dbang phyug che// khyab 'jug rlung lha nu chen dang // 'dod lha dang ni gshol 'dzin dang // zla ba nyi ma bza' gzhan dang // sa dang zhags pa 'dzin pa dang / de bzhin nor sbyin khrag 'byung dang // chos rgyal dang ni klu nyid dang // dri za lha min mi rnams dang // sum cu rtsa gsum lha rnams dang // 'og min na ni gnas rnams dang / rgyal chen rig na gnas rnams dang // gzhan 'phrul dbang byed pa rnams dang // 'phrul dga' yi ni lha rnams dang // gtsang mi'i gnas na gnas rnams dang // 'od zer can gyi 'jig rten gyi// khams na gnas pa rnams nyid dang // khams chen po na gnas nyid dang // sems can gling bzhi gnas rnams dang // khams gsum na ni gnas rnams dang // snod dang sems can 'jig rten na// lcug ma sdong po spur ma sogs// sa dga' ba la gnas rnams dang // dri med pha rol son pa nyid// 'od 'bri ba la gnas rnams dang // mi g.yo ba la gnas byas dang // chos kyi sprin du nges 'gro dang // sbyang dka' bar ni song ba dang // ring du song ba

  113. 112b

    thob rnams dang // 'od byed pa la nges gnas pa'i// mgon pos bcu'i dbang phyug dang // 'phags pa gang zag chen po brgyad// rdzogs sangs rgyas dang nyan thos dang / rwa dang ral gri gzugs nyid dang // / dmyal ba yi dgas byol song dang // lha dang lha min mi rnams dang // sbyin bsreg cho gas 'gu gyur te// de bzhin tshogs kyi dkyil 'khor ro// ye shes chen po dang bsod nams kyi tshogs kyi chu bo 'dzin pa zhes bya ba'i ting nge 'dzin to// de nas bcom ldan 'das de bzhin gshegs pa thams cad rjes su chags pa zhes bya ba'i ting nge 'dzin la snyoms par zhugs te// dam tshig gi mchod pa 'di gsung so// rdo rje sems dpar bskyed byas la// rdo rje pad ma bsgom par bya/ de'i sna rtser rang gi yi ge bsam// yid bzhin nor bu de bzhin oM// ye shes rab tu mi btang phyir// nor bu'i bu gar phaT yig te// phyag rgya'i cho ga 'di yis ni// rdzogs sangs rgyas kyis rol par mdzod// rdo rje sems dpar gnas bya ste// rang gi lhag pa'i lhar sbyor bas// phyag rgya chen po'i gnas 'dug na// sa rnams tha~Md rab 'grub 'gyur// shAkya seng ger gnas byas la// rang gi lhag pa'i lhar sbyar dag/ las kyis phyag rgya'i gnas 'dug na// kun gyis rgyal po thob par 'gyur/

  114. 113a

    rang gi lhag pa'i lhar sbyor bdag/ rdo rje ga'i 'arjid ting 'dzin ldan// dam tshig phyag rgya rab sbyor bas// sa gsum po rnams 'grub par 'gyur/ rang gi lhag pa'i lhar sbyor bas// pad ma gar gyi dbang phyug bdag/ chos kyi phyag rgya rab gnas na// rdo rje chos su 'grub par 'gyur// rang gi lhag pa'i lhar sbyor bas/ rta mchog tu ni gnas byas ste// dam tshig phyag rgya rab sbyar bas// sgrol ma'i dngos grub rab 'grub 'gyur// de nas bcom ldan 'das rdo rje gar gyi dga' 'gur byed pa zhes bya ba'i ting nge 'dzin la snyoms par zhugs ste// rdo rje gar gyi byed pa 'di nyid kyi sku dang gsung dang thugs rdo rje las byung ngo // g.yas rkyang ba dang // g.yon brkyang ba dang / mnyam par gnas pa dang // rdo rje gom pa dang // zlum pa dang // sna tshod pa dang // rus sbal gyi thabs dang // bung ba 'dra ba'i thabs dang // rgya mtsho'i rlabs dang ri bo 'debs pa'i thabs dang // rol pa yis 'phen pa dang // khros pa'i 'phen pa rnams ni rkang pa'i gar ro// rdo rje 'phyar ba'i tshul dang // 'khor lo 'phyar ba'i tshul dang / rin po che 'byar ba'i tshul dang / pad ma 'phyar ba'i tshul dang / ral gri 'phyar ba'i tshul dang // mdung 'phen pa'i tshul dang / mda' 'phen pa'i

  115. 113b

    tshul dang // dbyug pa 'byar ba'i tshul dang // thob 'byar ba'i tshul dang // gsal shing 'byar ba'i tshul dang // mtshan kan ya 'ben pa'i tshul dang // kha bcu pa 'phen pa'i tshul dang // ral gri phru gru 'debs pa'i tshul dang // dbyig pa phra'o 'phyar ba'i tshul dang // mdung rtse gcig pa 'phyar ba'i tshul dang // mtshon rtse gcig pa 'phen pa'i tshul dang // 'phen lce gnyis pa'i tshul dang // 'phen lce gsum pa'i tshul dang // me tog 'thor ba'i tshul dang // spos kyi gdug pa'i tshul dang // mar me 'bul ba'i tshul dang // dris byug pa'i tshul dang // sgeg pa lta bu dang // phreng ba lta bu dang // gli'i tshul lta bu dang // gar byed pa lta bu dang // lag pa gling bu 'bud pa lta bu dang // lag pa pi wang sbreng ba lta bu dang // lag pa rdza rnga rdung ba lta bu dang // lag brgya rnga brdung ba lta bu rnams ni lag pa'i gar ro// rdo rje dkyil mo dgrangs dang // sems dpa'i dkyil dkrungs dang // pad ma'i 'dug stangs dang // bzang ba'i 'dug stangs dang // dkyil dkrung byed pa dang / bkra shis kyis 'dug stangs dang // bdud med pa'i bkod pa dang // sgeg pa'i nyams dang // dpa' ba'i nyams dang // sme ba'i nyams dang // nod pa'i

  116. 114a

    nyams dang / gshe ba'i nyams dang // 'jig par byed pa'i nyams dang // zhi ba'i nyams dang // rngam pa'i nyams dang // snying rdza nyams dang // drug ldan gyi rjes su 'gro ba'i glu dang // drang srong gi rjes su 'gro ba'i glu dang // sa 'dzin gyi rjes su 'gro ba'i glu dang // bar mi'i rjes su 'gro ba'i glu dang / lnga pa'i rjes su 'gro ba'i glu dang // blo bsal ba'i rjes su 'gro ba'i glu dang // 'khor nyan gyi rjes su 'gro ba'i glu dang // bzhugs pa dal bar byed pa dang / myur ba rab tu bye ba dang // drag po rab tu phye ba dang // lhag par rab tu phye ba dang // phyed bcag par rab tu bye ba dang // de rnams rnam par bsres pa dang // chags pa gnyis mngon par 'dus byas pa dang / bre phugs 'ba' zhig tsam du bsdams ste mnan pa dang // rkang 'ba' zhig tsam du bsdams ste mnan pa dang / lce mnan pa dang / sa mnan pa rnams ni glu'i gar ro// sa bzhi yongs su gzungs dus su// dam tshig 'di ni rab bskul te// 'di ni dam tshig bla med te// yogs rdo rje can gyis na sa nga ga gas / tshang 'i gan rgyas 'dzi pa / ba gis sa pa 'thas lags kyi/ ma gas

  117. 114b

    rab dgyes mdzod// yid dga'i snying por ro mchog ldan// bdug pa bla re dri mchog ldan// gus pa yis ni 'bul lags kyis// so sor bzhes te dgyes par mdzod/ dmar gsal bdug pa dag cing gtsang // dge zhing mun sel mar me 'di// bdag gis gus pas 'bul lags kyis// so sor bzhes te dgyes par mdzod// gtsang zhing bzang la dag pa'i dri// skye gnas gtsang mar ldan 'di rnam// bdag ni gus pas 'bul lags kyis// sa sor bzhes nas dgyes par mdzod// oM badz+ra g+han De a// dril bu bzung ba'i sngags so// oM ma hA badz+ra hUM// rdo rje bzung ba'i sngags so// dngos po sna tshogs rnam par brtag pa'i le'u ste// bcu bzhi pa'o// // de nas rgyal po rdo rje 'dzin// rnal 'byor ma ni rdo rje gur// sangs rgyas kun dang sangs rgyas ni// gsung ni 'di skad ces gsungs so// phyag gnyis pa la zhal cig pa// rdo rje skye gnas rang bzhin can// rdo rje dang snod kha cig/ phyag du bsams te spro zhing bzla'o// phyag bzhi pa yang de bzhin te// rdo rje las byung zhal gsum pa'o// dkar po dmar pa de bzhin snga// phag ma dang ni lhan cig sbyor// kha dog sngol phyag drug pa// lug rgyungam

  118. 115a

    dang na cig byur// sangs rgyas snga ma cad panas// zhal gsum par ni lhag paskam byara'o// mdag bang ba la phyag ban zhal cig mal dbang byed ma// rdo rje chos kyis zhabs kyis mnan// ku ru kul+le rnam par bsgom// de dag rgyud rnams thams cad ni// 'di skad bdag gis thos bste// dus cig dus na 'di ltar ro// bdag gis bcom ldan spyan sngar ste// btsun mo'i chos su rnams rgyas pas// lta stangs dgug dang brda chen po/ don mang 'bab sogs rab bya'o// lam yig ye shes las skyes pas// 'jig rten mgon po thub chen po// zhal gcig phyag ni gnyis pa la// mchod sbyin dag ni pad mos brgyan// pad mi'i gdan la yang dag bzhugs// cod pan la ni rdo rje chos// mang yig ye shes las skyes pa// 'jam pa'i dbyangs kyang ser po ste// mchod sbyin ud pa la yi brgyan// mi skyod rdo rje spyi ngor 'dzin// hUM yig ye shes las skyes pa// phyag na ral gri sdig 'dzub 'dzin// ma he chen po'i rgyab na ni// dpa' g.yon brkyang ba yis bzhugs// 'jigs byed chen po khro bo gzugs ldan// mi bskyod dbu brgyan cher 'chang ba'o// hUM yig ye shes

  119. 115b

    las skyes pa// rdo rje hU~M mdzad rdo rje can// rdo rje dril bu rab sbyar bas// phyag gnyis phyag rgya bcings nas ni// g.yon pa'i zhabs ni brkyang ba yis/ 'jigs byed lug la gzir ba ste// rdo rje gcod pan spyi bo bsams// khams gsum rnal rgyal dran par bya'o// ta ma yig ye shes las skyes pa// mchog sbyi ud dpal mtshon cha can// lha mo kha dog sngo bzang mtshungs// bzang po'i zhabs kyis rtag tu bzhugs// sna tshogs pad ma lha mo'i gdan// dbu la don yod 'dzin mdzad ma// bsgeg pa chen po dang ldan pa// sgrol ma'i skur ni bsgom par bya'o// maM yig dngos po las byung ba// mchog sbyin mya ngan 'chang 'dzin ma// nyi ma 'char kha'i 'od mtshungs shing // spyi bor rnam par snang mdzad skyes// g.yon brkyang ba yi sbyor ba yis// rta bdun gyis drangs shing rta mnan// yan lag sgeg ba'i nyams kyis brgyan// brtul zhugs can gyis rtag par ni// 'od zer can ni bsgom par bya// tsam yig dngos po las byung ba// ston kha'i na mkha' dang 'dra zhing // rin chen snye mi'i snying khar 'dzin// g.yas brkyang ba'i 'phen pas bzhugs// sna tshogs pad ma lha mo'i gdan// rtag pa yis ni dbu la mnan/

  120. 116a

    / byang chub sems 'bab byung ba yi// rnam par myos pa'i lha mor bsgom// baM yig ye shes las byung ba/ gser rgyun ma ni shin tu ser// phyag na mchod sbyin 'bras so ba// rdo rje dkyil dkrungs rab sbyar bas// yan lag rin chen 'byung bas rgyan// spyan ni shin tu bsgeg cing sgyings/ gnod sbyin rgyal mo sgom na ni// de nas thugs dang 'dra bar 'gyur// dzaM yig ye shes las byung ba'i// na mkha'i mdzod ni rnam par bsgom// mdog ser g.yas pa mchog sbyin la// rin chen ne'u rgyal bu g.yon// rdo rje rin chen 'byung gnas kyis// spyi bo'i dkyil du brgyan pa ste// rin chen char 'bebs rnams bsams la// 'khyor mor rdo rje chu blugs 'bul// sku mdog dmar po yid 'ong ma'i// lha mo ral gri 'khor lo 'dzin// dbu la rtag pas mnan pa ste// 'jam pa'i sku ni rnam par 'gro// na mkha'i khamasu bsgom bya ste// zlum po'i thabs kyis rnam bzhugs pa// rang las rab 'thon dus bzhin no// de nas bcom ldan 'das rdo rje 'dzin chen po sna tshogs pa'i sngags kyi rol pa zhes bya ba'i ting nge 'dzin la snyoms par bzhugs ste// sngags kyis tshogs rnams kun du gsungs so//

  121. 116b

    oM ma Ni pad me hUM phaT swAhA/ !oM many+dzu dzu badz+ra ya mu sAhA/ oM hriHSh+NI bi tri ta na na hU~M hA hU~M phaT phaT swAhA/ oM hU~M phaT swAhA/ oM ta re tuta tA re tu re swAhA/ oM mA ri ts+yai ma~M swA hA/ oM tsa le tsu le tsun daM swA hA// oM ba su d+ha ri ma hA/ nriSh+Tha ti ni ba ti ni ba su swA hA/ oM dzam b+ha la dza len dra swA hA// oM ma Ni d+ha ri badz+ri Na ma ha pra ti sA re hUM hUM phaT phaT swA hA/ 'jig rten mgon gyis nad rnams la'o// gshin rje'i yi dwags gnod sbyin la'o// lha dang lha min hUM mdzad kyis// sgrol mas 'jig rteni dbang byas la// chom rkun zhig la 'od zer can// bskul byed mas ni sems can kun// bzhugs pa'i cho gar bshad pa yin// gser 'breng ma dang 'jam b+ha la// nor rnams bsgrub par 'dod pa yin// byas pa mi 'tsho mi mo la// so sor 'brang mas byis pa bsrung / rdo rje mkha' 'gros gsung ba yi// sngags kyi rkang pa thams cad 'grub// bzlas pa 'bul gyi sbyor ba yis// las rnams thams cad rab 'grub po// snying kha'i bde ba bskul ba zhes bya'i ting nge 'dzin to// de nas bcom ldan 'das rdo rje 'dzin pa chen pos nag po chen po 'di nyid kyi sku dang gsung dang thugs rdo rje las

  122. 117a

    byung ngo // de nyid tu yig las skyes pas// lag pa gnyis la ma gcigapa// kha dag nag po drag chen po// 'bar bgri gug zod pa 'dzin/ mgo bo blon pas do shal byas// 'jigs byed chen po 'che ba gtsigs// gzugs thung ba la brjid po che// kha nas khrag ni 'dzag pa po// slo dpon la rtag gang sdang dang // dkon mchog gsum la 'khrug ldan dang // sems can du ma gsod rnams dang // rang gi yan lag sha bcad de// nag po chen pos za bar 'gyur// khrag gi rgyun yang 'thung bar byed// yang na mgo bo'i stengs 'dug nas// til 'bru tsam du btub par byed// chang dang shi med sran de 'us// me tog spos dang byug pa dang // sha lnga bdud rtsi lnga nyid kyis// gtor mas nag po chen po mchod// oM shre ma hA kA lA ya// shA san u pa hi ri ni e Sha a pa Sha tsi ma ka lo a yaM yid// ratan tra yA ya sa pa ka rin ya ti tha tid+yA/ s+pha ra si ta d+hi yi 'duSh+TAn// kha kha khA hi/ khA di/ mar mA ra/ gr-ih+Na grih+Na/ ban d+ha ban d+ha/ da daH/ btsa pa tsa/ 'di na me ken hUM phaT// cha ba gsum gyis gzugs brnyan byas pa'i// lus dang dug dang skye tshe chog bzhin du bris la// tsher mas

  123. 117b

    phyag rgya'i dngos grub bsgom pa ste bkang ba'i mo la gang gis ming dang bcas par spro ba byas na// de yi mod ma mi mthong bar 'gyur ro// de nas gzhan yang bshad bya ba// phyag rgya'i dngos grub dngos grub che// dngos grub kun gyi spyod yul min// skad cig gzugs ste bde chen po// bsgom pa dang ni sngags nyid dang // sbyin pa'ang skad cig las phun tshogs// spyan mas 'gul pa khyud pa yi// snang mdzad skad cig la sangs rgyas// mchog tu dga' ba dga' chen po// gnyis med phun tshogs skra cig la// ma me ki ste sdom pa'o// rdo rje 'dzin rgyal ska cig las// ska cig las gnyis med phran tshogs// rdo rje pad ma mchod pa mchog/ rdo rje mchod pa rab sbyor bas// rdo rje gus pa mchog rab bo// pad mar 'dod sems rnam spangs te// pad mar rdo rje mchod par bya// bdag las rang bdag bsams byas te// rdo rje pad ma rab sbyor bas// rdo rje'i bu mo rdzu 'phrul che// mdog nag mo la mchod par bya// rig pa'i skyes bur rab bsams ste// rdo rje pad mi mchod pa mchag / de bzhin gshegs pa'i bu ma mchag/ dngas grub dan du phyag rgyar mchod// rig pa'i skyes bur ngar bsams ste// rdo rje pad mi

  124. 118a

    mchod pa mchog/ gdol pa chen po rab byung ma// phyag rgya dngos grub don du mchod// phyag rgya chen por rab tu bsgrub pa'i thabs kyi rdo rje zhes bya'i ting nge 'dzin to// nyin gcig gis ni 'grub 'gyur ram// tshogs nyi ma gnyis na 'am// nyin gsum bar du sbyar bas bsam/ de bzhin nyi ma bzhi yis bsam// nyin lngar rab tu sbyar ba yis// 'grub pa 'di la the tshom med// me tog sogs pas mchod byas nas// bsam gtan gnas su rab 'dug ste// phyag rgyar lhan cig rab zhugs te// rdo rje sbyor ba yang dag tsam// rdo rje nyi ma nub nas ni// sbyor ba 'di ni rab brtsams nas// skya rengs 'char ba'i dus su ni// 'grub par 'di la the tsom med// 'dod chags chen po'i rjes chags kyis// 'dod chags chen po'i rang bzhin phyir// chags chen ting 'dzin la gnas ste// phyag rgya chen por rab tu bsgrub// bde ba rdo rje spyan ma zhes bya ba'i ting nge 'dzin to// rang rig sa kir byas ste// pad mar rdo rje can bcug ste// de ni dngos grub bcas 'gyur te// brag rgya chen por 'dir sgrags so// mi mo'i phyag rgya bzung nas

  125. 118b

    ni// de la 'khor lo rab bye ste// me tog spos kyi brgyan byas nas// rdo rje bsgom par rab bsams bya'o// spyan dang mA ma ki sgrol ma// gos dkar mo rab yid 'phrog ma// me tog spos kyi 'khrigs byas la// rdo rje mchod pa rab brtsams na// sngags pa rtag par 'grub pa dang // rdo rje can du'ang 'grub pa te// rdo rje nyi ma 'grub pa dang // mi 'gyur mchog tu'ang 'grub par 'gyur// rta yi rgyal por 'grub 'gyur zhing // kun gyi gtso bo'ang 'grub par 'gyur// dang por chu yi dbang bskur te// gnyis pa dbu brgyan dbang bskur la// gsum pa rdo rje'i dbang bskur la// rang gi bdag po re zhi ba ste// lnga par ming gi dbang bskur ro// drug par rdzogs pa'i sangs rgyas nyid// bdun par bum pa'i dbang bskur ro// brgyad par gsang ba'i dbang bskur te// dgu par shes rab ye shes dbang bskur ro// de nyid rdo rje'i rab sbyor bas// rdo rje brtul shugs kun sbyin bya// ston pa nyid ni lung ston te// de dag ni dbang bskur ba'i cho ga'o// slob dpon dmod par mi bya ste// bde gshegs bka' las mi 'da' dang /

  126. 119a

    spun la mi sdang ba nyid dang // sems can rnams la byams dman min// de nyid skal med la mi sba// skal ldan sems can sun mi 'byin// rang gi lus la brnyas mi byed// chos rnams nyid la tshad mi 'dzin// gzhan gyi chos ni sun mi 'byin// btsun mo rnams la mi brnyas pa'o// rtsa ba'i ltung ba rab tu gzhol bar bstan pa rdo rje zhes bya ba'i ting nge 'dzin to// byang chub snying po'i bar du ni// dkon mchog gsum nyid mi spong zhing // dam tshig rnams ni rab tu bskyang // rdo rje dril bu bcas pa dang // gtsug tor rtag tu bcang ba dang // sbyin bsreg gis ni dag bya zhing // dkyil 'khor rtag tu bzhengs par bya// rtag tu bde gshegs rab gnas bya// 'byung chen rnams la gtor ma sbyin// phyag rgya bcings pa rnam par spang // mchod rten las ni mi bya zhing // rdo rje gsum mchog phyag mi 'tshal// dkyil 'khor la sogs lus kyi las// rmi lam du yang mi bya'o// bla ma spun zlar phyag 'tshal gyi/ slob dpon gzhan la phyag mi 'tshal// rtag tu rnam par sngags bzlas dag/ bsam gtan nyid dang 'bral mi bya// rtag tu slob ma sdu bya zhing / rtag tu

  127. 119b

    bshad par bya ba yin// sems can rnams ni rtag bskyang zhing // sangs rgyas la rtag mchod chen bya// 'dzam b+ha la la chu sbyin dang // las rnams thams cad rab tu spyad// mchod rten las ni bye ma las// mkhas pas cho ga bzhin du bya'o// de nas bcom ldan 'das byang chub sems dpa' thams cad dang // pho nya mo thams cad dang // de bzhin gshegs pa thams cad kyis rdo rje'i ma shes phan nges gsungs pa thos te// ched du brjod pa 'di skad ces ched du brjod do// kun tu sems can thams cad kyi// sdig pa thams cad rnams sbyong zhing // sangs rgyas kyi chos thams cad la// rdo rje mkha' 'gro phyag 'tshal lo// 'gro bsdang bas non gzigs nas// zhe sdang kun tu zad byi'i phyir// rdo rje sems dpa' rgyal chen po// zhe sdang rdo rje phyag 'tshal stong // bud med kyis 'dul 'gro ba gzigs// bdag med rnal 'byor ma nyid 'gyur// phyag 'os thub pa pha rol phyin// sgyu ma'i phyag rgya phyag 'tshal bstod// 'gro ba rjo pas gzir gzigs na// gti mug thams cad yang mdzad pa// mgon po rgyal ba rnam snang mdzad// gti mug rdo rje phyag 'tshal bstod// rdo rje sams

  128. 120a

    dpa' rgyal po che// zhe sdang rdo rje phyag 'tshal bstod// 'gro ba khengs pas gzir gzigs nas// nga rgyal thams cad zad mdzad pa/ rdo rje nyi ma rgyal po che// rdo rje dregs pa phyag 'tshal bstod// 'gro ba chags pas gzir gzigs nas// chags pa thams cad zad mdzad pa// rta 'grin rgyal po chen po ste// rdo rje chags pa phyag 'tshal bstod// 'gro ba phra dog gzir gzigs nas// thams cad kyi ni zad mdzad pa// rdo rje rta bdun rgyal po che/ thams cad gzugs la phyag 'tshal bstod// de nas bcom ldan 'das byang chub sems dpa' thams cad kyis// de bzhin gshegs pa thams cad la zhus pa/ bcom ldan 'das de bzhin gshegs pa thams cad// dpal rdo rje 'dzin pas dbang bskur ba'i slob dpon la lta bar bgyi// de bzhin gshegs pa rnams kyis gsungs pa// 'gro ba'i ston pa slob dpon ste// sangs rgyas kun gyis ston byas pa// bdag cag gi na pha dang mar// 'di ltar de ni yid la bsams// de ci'i phyir zhe na// de bzhin gshegs pa rnams kyis gsungs pa rdo rje sems dang sangs rgyas dang // rdo rje chos dang gzi brjid dang /

  129. 120b

    ta yi rgyal po'i dngos grub ni// gang phyir des ni dka' ba min// mig sman dang ni rkang mgyogs dang // ral gri dang ni sa 'og 'grub// ri lu dang ni mkha' spyod nyid// mi snang ba dang bcud kyis len// gang phyir des ni rdo rje can// mnyes par byas pas myur du thob// de phyir slob dpon mdun byon nas// de bzhin gshegs pa rnams la phyag 'tshal lo// bdag nyid rdo rje sems dpa' zhes// de nyid slob dpon gzugasu 'dzin// sems dpa' phan gdags dmigs nas ni// tha mal pa'i gzugs su gnas// slob dpon 'das byed dus na ni// 'jig rten pa ni shi zhes rol// rmongs ldan mi rnams gang zer ba// shi zhes pas de 'dir rmongs pa'o// shi ba zhes bya rtogs pa ste// dag pa'i gnas su khrid pa'o// yang na bde ba can du skye// gang 'dod rigs su skye bar 'gyur// sna tshogs me tog lag 'thed cing // sna tshogs rgyal mtshan byug pa dang // sna tshogs glu yi tshogs rnams dang / rdo rje 'dzin bcas rgyal sras kyis// sna tshogs rgyan dang tshogs bcas kyi// dbang bskur bzung ba nyid kyis ni// lus mtha' nas ni lus mthar

  130. 121a

    / dadza la bu lag 'as pa dag rgyan bskrun paraH/ pa nam byin te// bum pa'i dbang bskur rnams byin la// mig sogs rdo rje gti mug sogs/ rdo rje gsum ni gnas gsum dgod/ rdo rje thabs khung rab sbyor gyis// 'du byed rab tu bya bar bston// nyi ma gsum ni lon pa na// rus pa'i 'phreng ba bsdus byas la// dri dang 'o mas bran nas ni// de yis mchod rten bya ba'o// bcom ldan 'das kyi de skad ces bka' stsal nas// lha dang mi dang lha ma yin dang dri za'i 'jig rten du bcas pa'i 'khor thams cad bcom ldan 'das kyis gsungs pa la dga' zhing rjes su yid rang ngo/ mkha' 'gro ma rdo rje gur zhes bya ba rgyud kyi rgyal po chen po'i rtag pa rdzogs so// sarba mad+ma laM/ gcig zhus dag/ he he/ dge

  131. 122a

    saM bu Ti'i rgyud bzhugs s+ho//

  132. 122b

    rgya gar skad du/ sam bu Ti na ma ma hA tan+ta/ yang dag pa'i sbyor ba zhes bya ba'i rgyud chen po// rdo rje mkha' 'gro la phyag 'tshal lo// 'di skad bdag gi thos pa'i dus na// bcom ldan 'das de bzhin gshegs pa thams cad kyi sku dang / gsung dang / thugs rdo rje'i btsun mo'i b+ha ga la bzhugs so// de nas yang bcom ldan 'das kyi rnal 'byor dbang phyug bye ba phrag brgyad bcu'i nang nas/ rdo rje snying po la gzigs te/ 'dzum pa mdzad do// mdzum pa mdzad ma thag tu// de'i tshe rdo rje snying po bstan las langs te/ bla gos phrag pa cig tu byas nas/ pus mo g.yas pa'i lha nga sa la btsugs te/ thal mo sbyar ba byas nas bcom ldan 'das la 'di skad ces gsol to// ye shes kyi dbang po rgyud thams cad kyi gleng bzhi'i gsang ba yang dag pa'i

Colophon

mkha' 'gro ma rdo rje gur zhes bya ba'i rgyud kyi rgyal po chen po'i brtag pa rdzogs so/