'phags pa dgongs pa'i rgyud kyi 'phreng ba chen po byang chub sems dpa'i rnam par nges pa chen po bstan pa las nor bu chen po rin po che la mkhas pa bstan pa yongs su bsngo ba chen po'i rgyal po zhes bya ba
Aryasandīmāhāsutradbodhisadtvamahabaniścayanirdeścadamahāmaniradnakouśallyanirdeśamahāpaniṇamananāmasāca
Text
ff. 249a–253b · 10 folio sides
- 249a
'jig rten yid rangs te/ bcom ldan 'das kyis gsungs pa la mngon par bstod do// / 'phags pa chos thams cad kyi rang bzhin mnyam nyid/ rnam par spros pa'i ting nge 'dzin rdzogs s+ho// / rgya gar gyi mkhan po shi len tra bo de dang / zhu chen gyi lo tsA ba ban de dar ma ti shi las sgyur cing nus te/ skad gsar bcad kyis kyang bcos nas gtan la phab pa'o// bkra shis/ / rgya gar skad du/ ar+ya san di mA hA su tra da bo d+hi sad tA ma ha ba ni sh+tsA ya nir de sh+tsa da ma hA ma ni rang na ko'u sha la l+ya nir de sha ma hA pa ni Na ma na nA ma ra tsa/ bod skad du/ 'phags pa dgongs pa'i rgyud kyi 'phreng ba chen po byang chub sems dpa'i rnam par nges pa chen po bstan pa las/ nor bu rin po che la mkhas pa bstan pa yongs su bsngo ba chen po'i rgyal po zhes bya ba/ sangs rgyas dang byang chub sems dpa' thams cad la phyag 'tshal lo// de nas bcom ldan 'das nor du chen po rdo rje rin po che'i rtse mo la bzhugs nas/ byang chub sems dpa' phyag na rdo rje la 'di skad ces bka' stsal to// kye rgyal ba'i sras 'di la rab tu gnas pa'i byang chub sems dpa' sems dpa' chen po// sems can thams cad kyi skyabs byed pa 'dod pa/ byang chub sems dpa'i bslab pa'i sdom pa blangs pa/ byang chub tu sem bskyed
- 249b
pa/ snying rje'i bdag nyid can de bzhin gshegs pa thams cad mnyes par byed 'dod pa byang chub sems dpa' chen po'i spyod pa'i tshogs nye bar rdzogs par 'dod pa/ de bzhin gshegs pa thams cad kyi ye shes rab tu thob par 'dod pa/ sgrib pa med pa'i ting nge 'dzin dang / gzungs dang rnam par thar pa'i sgo rnams kyis rnam par brtsa bar 'dod pa/ na mkha' mdzod nyid dang / lag na rin chen nyid thob par 'dod pas 'di ltar bsngo bar bya ste/ sangs rgyas bcom ldan 'das rnams dang / sa bcu la rab tu gnas pa'i byang chub sems dpa' rnams dang / rdo rje 'chang rnams dag la dgongs su gsol/ bdag byang chub tu sems bskyed pa/ lam la rab tu gnas pa'i mi 'di zhes bgyi ba/ de bzhin gshegs pa thams cad dang / byang chub sems dpa' thams cad la/ dus thams cad du yongs ye 'bul zhing mchis na/ de bzhin gshegs pa mnga' ba chen po can rnams dang / byang chub sems dpa' sems dpa' chen po sa chen po sa chen po bsnyes pa rnams kyi bzhes shing bdag la rtag tu bsod nams kyi stobs chen po dang / ye shes nye bar brtan pa dang / brtson 'grus dang / brtson pa'i bdag nyid dang / zhi ba dang / dul ba dang / nye bar zhi ba'i gnas dang / mngon par shes pa dang / pha rol tu phyin pa rnams yongs su rdzogs par mdzad du gsol/ de'i 'og tu yang 'di skad ces brjod par bya ste/ thugs rje chen
- 250a
po dang ldan pa dag bdag la dgongs su gsol/ bdag ming 'di zhes bgyi ba/ 'khor ba ltung ba/ 'ching bas bcings pa/ brtson ra chud pa/ chos kyi lam gtor ba/ nyon mongs pa'i dgra bdo bas mngon par gces pa/ mgon ma mchis pa/ skyabs ma mchis pa/ gnas pa ma mchis pa/ dpung nyen ma mchis pa/ ston pa ma mchis pa/ lam gol bar zhugs 'khor ba la mngon du phyog pa/ mya ngan las 'das pa la rgyab kyi ltas pa/ ngan song la gzhol ba/ ngan song la bab pa/ ngan song la bab pas/ mi dge ba'i gshe sa gnyen dang 'grogs par ltung ba/ dge pa'i ga shes gnyen dang bral ba/ snun pa la mi sman pa dang / mthun pa la mi mthun pa dang / dge ba la mi dge bar bzung ba sleb dpon ma mchis pa/ de bzhin gshegs pa dang / byang chub sems dpa' lta ba la brgyab kyis phyogs pa/ skye ba dang / rga ba dang / na ba dang / mi ngan gyi 'tshe bas gtses pa/ bde ba ma thob pa/ mi skrag pa ma thob pa/ mi 'jigs pa ma thob pa/ rtag tu mnyam par ma gzhag pa/ zhi ba dang / dul ba dang / sbyin pa dang / nges pa dang / yang dag par sdoms pa dang / bag yod pa dang bral ba/ ting nge 'dzin dang / gzungs dang / sa dang / bzod pa dang / shes rab kyi pha rol tu phyin pa rnams la gnas pa dang bral ba/ byams pa dang / btang snyoms la gnas pa dang mi ldan pa/ byang chub sem
- 250b
dpa'i tshul khrims kyi sdom pa rnam gsum rgyab kyis phyogs pa/ sgrib pa med pa'i ye shes po dang bral ba/ shin tu gnas pa'i chos kun tu 'byung ba'i rgyu nyid la mi gnas pa/ mngon par shes pa dang bral ba stobs rnams mthob pa/ mi 'jigs pa dang mi ldan zhing mi gnas pa/ mi brjod pa'i chos kyi rjes su 'gro ba'i skabs dang mi ldan pa/ yon tan gyi steng pa/ byang chub kyi yan lag bdun gyi gos gyis ma g.yogs pa/ 'phags pa'i lam yan lag rgyad kyis bgrod pa dang bral ba/ sdug bsngal brgya stong phrag du mas gtses pa/ rtag tu gdungs pa/ rtag tu dman pa/ rtag tu rmod pa/ rtag tu mnyam par ma bzhag pa/ rtag tu nyon mongs pa'i rjes su zhugs pa lags/ thugs rje chen pos dgongs te/ bdag gi skabs mdzad du gsol/ bdag gi dpung gnyen mdzad du gsol/ bdag gi byang chub chen po lam dang / byang chub kyi tshogs yongs su rdzogs par mdzad du gsol/ de bzhin gshegs pa'i stobs bcu dang / mi 'jig pa bzhi dang / sangs rgyas kyi chos ma 'dres pa bcwo brgyad dang / so so yang dag par rig pa bzhi dang / ting nge 'dzin dang / rnam par grol ba dang / gzungs rnams skyabs mdzad du gsol/ bdag gi phun sum tshogs pa thams cad yongasu rdzogs par mdzad du gsol// yon tan thams cad yongs su rdzogs par sprul du gsol/ sangs rgyas bcom ldan 'das dang / mthu chen po
- 251a
bsres pa'i byang chub sems dpa' rnams bdag la dgongs su gsol/ bdag gi sangs rgyas dang / byang chub sems dpa' thams cad la mchod pa dang / bkur sti chen po bgyis nas/ bdag 'bul lo/ phyogs bcu'i 'jig rten gyi khams na/ bkod pa chen po rnams kun tu gnas pa rin po che sna tshogs kyi rin po che'i gzhal med khang rnams dang / rin po che'i shing ljon pa rnams dang / rin po che'i ri rnams dang / rin po che'i bdun rnams dang / rin po che lan kan rnams dang / rin po che'i 'phreng ba rnams dang / rin po che'i gdugs rnams dang / rin po che'i rgyal mtshan rnams dang / rin po che'i chu bo rnams dang / rin po che'i mu tig gi dra ba rnams dang / rin po che'i snod rnams dang / rin po che'i 'phreng ba rnams dang / rin po che'i 'bar ba'i tshogs rnams dang / rin po che'i gling rgya ba dang / rin po chen po rnams dang / mar me'i sdong bu gtsang ba nor bu dang rin po che sna tshogs kyis spras pas 'tsher ba/ gser gyi gcod tsong mang pos btag pa rnams dang / pad ma 'dzam bu'i chu bo gser gyi ge sar chen po can rnams dang / gser gyi 'phreng ba rnams dang / gser gyi gzhal med khang rnams dang / rin po che'i 'grin rnams dang / rin po che'i 'bru'i char rnams dang / rin po che'i snying po can gyi khang bzangs brtsig pa ner bu rab mchog sna tshogs kyis spras pa/ rin po che'i lan kan can rnams dang /
- 251b
rig sngags 'chang chen po'i skyed mos cha la nyams dga' ba rnams dang / gnas nyams dka' ba rnams dang / gzhal med khang nyams dga' ba dang / skyed mos tshal nyams dga' ba rnams dang / lha'i nye bar spyad pa nyams dga' ba yongs su ma spyad pa ji snyed mchis pa de dag thams cad/ sangs rgyas dang byang chub sems dpa' thams cad la 'bul lo// gang dag 'jam du gling na mchis pa'i sman pa rnam pa sna tshogs pa rnams dang / bcud kyis len gyi rigs rnams dang / gang dag dus thams cad pa'i nor bu dang / gang dag zhal zas ro zhim po phun sum tshogs pa/ khyad par du 'phags pa rnams dang / gang dag dri gda' ba'i ljon rnams dang / tsan dan gyi ljon shing rnam pa sna tshogs dus kyi rjes su 'brang ba/ tsan dan dmar po rnams dang / rtag tu me tog dang ldan pa'i nags tshal chen po rnams dang / spos kyi ngad rgyas pa yid du mchi ba'i dri gda'i ljon shing gi rigs rnams dang / gang dag dpag bsams kyi shing bdag gi ma mchis/ yongs su 'dzin pa ma mchis pa rnams dang / gang dag rgya mtsho'i nor bu rnam pa sna tshogs rnams dang / yid bzhin gyi nor bu rnams dang / gang dag ri lhun po dang / ti se dang / spos kyi ngad ldan dang / ma la ya dang / 'bigs byed dang / man dar ba dang / rdo rje'i ri la stsogs pa'i rin po che sna tshogs kyi zom rnams dang / rin po che sna tshogs kyi khang pa brtseg ma rnams dang / rin po che sna tsho/
- 252a
tingakyi phug rnams dang / rin po che sna tshogs kyi brag rnams dang / rin po che sna tshogs kyi sa bzhin bltar ba dang / rin po che sna tshogs kyi gzhal med khang rnams dang / rin po che sna tshogs kyi phung po rnams dang / rin po che sna tshogs kyi them skas rnams dang / nor bu rin po che sna tshogs kyi ka ba rnams dang / rin po che sna tshogs kyi khang pa'i tshad rnams dang / nor bu bedur sna tshogs sgron ma rnams dang / gang dag lnga yul gyi gzhal med khang blta na sdug pa rnams dang / gang dag lha yul gyi lha grong khyer gyi gzhal med khang yongs su bzung ba ma mchis pa rnams dang / gang dag lha yul gyi me tog blta na sdug pa rnams dang / gang dag lha yul gyi glu dbyangs kyi cha byed rnams dang / gzhal med 'ang stong pa rnams kyi char rlung gis spyod pa/ sgra snyan pa 'byin pa dang / rol mo'i cha spyad kyi rnam pa ma bkrol bar rang sgra 'byin pa dang / gang dag lha yul gyi bya'i tshogs gzhal med stong pa rnams na gnas shing skad snyan pa 'byin pa dang / gang dag rin po che'i sprin dbyangs 'byin pa dang / gang dag lha'i nor bu rnams dang / gang dag glu dbyangs rnams dang / gang dag dri gda' ba'i me tog gi ljon shing / 'brang ba'i ljon shing rnams dang / spos kyi ljon shing rnams dang / rgyal mtshan gyi ljon shing rnams dang / ba dan gyi ljon shing nams dang / rin po che'i ljon shing
- 252b
yongs su longs ma spyod pa de dag thams cad sangs rgyas dang / byang chub sems dpa' thams cad la 'bul lo// gang dag sangs rgyas kyi spyan gyis gzig pa'i 'jig rten gyi khams thams cad na mchod pa chen po'i sprin/ me tog gi sprin rnams dang / dri'i sprin rnams dang / 'phreng ba'i sprin rnams dang / gdug pa sprin rnams dang / lha ba lhub kyi sprin rnams dang / byug pa'i sprin rnams dang / rin po che'i gdugs kyi sprin rnams dang / rin po che'i rgyal mtshan gyi sprin rnam dang / rin po che'i ba dan gyi sprin rnams dang / rin po che'i gos kyi sprin rnams dang / rin po che'i ljon shing gi sprin rnams dang / rin po ches bkang ba'i snod kyi sprin rnams dang / rin po che'i nor bu chen po spungs pa'i sprin rnams dang / rin po che rnam pa sna tshogs kyi sprin rnams dang / mar me'i snod stong gi 'jig rten gyi khams kyi tshad tsam la dri zhim po'i 'bru mar gyis yongs su bkang zhing snying po'i ras ri rab brgya'i tshad tsam rab tu 'bar ba rnams sangs rgyas bcom ldan 'das thams cad dang / byang chub sems dpa' thams cad la dngul lo// de dag thams cad la gsol ba ni/ byang chub kyi snying por gshegs pa dang / bdud 'dul ba/ dang / mngon par byang chub pa dang / chos kyi 'khor lo bskor ba dang / yongs su mya ngan las mda' bar bzhed pa rnams/ la sems can rnams kyi don du/
- 253a
bskal pa mang bzhugs par gsol lo// ji ltar de bzhin gshegs pa rnams kyis mi dmigs par bzhugs te bsngos pa ltar bdag gi bsod nams thams cad bla na med pa yang dag par rdzogs pa'i byang chub tu yongs su bsngo bar bgyi'o// de bzhin gshegs pa thams cad dang // byang chub sems dpa' thams cad dang // sems can thams cad kyi bsod nams thams cad bA na/ sdig pa thams cad kyang so sor bshags so// oM ma sma ra sA ra/ ska ra ma hA dza ba hUM/ de'i 'ob tu ji ltar 'dod pa bzhin lha rdzas kyi mchod pa chen po'i sprin rnams de bzhin gshegs pa thams cad kyi spyan sngar 'byung bar 'gyur ro// / rigs kyi bu 'am rigs kyi bu mo gang la la zhig/ sangs rgyas dmigs pa yid la byed pas yongs su bsngo ba chen po'i 'khor lo 'di nyin par ram/ mtshan mo 'don na/ de'i sgeg pa rnams yongs su zad par 'gyur zhing / nan mongs pa thams cad kyang bsrangs par 'gyur ro// gang du sbas pa'i yon tan
- 253b
rnams kyang mthob par 'gyur ro// lan cig bzlas brjod byas na/ tshangs pargya'i bsod nams 'thob par 'gyur ro// rmi lam na yang rtag tu de bzhin gshegs pa rnams chos ston pa mthong bar 'gyur ro// / rigs sngags rnams kyang yang dag par grub par 'gyur ro// rdo rje 'chang gis yongs su bzung bar yang 'gyur ro// ji ltar 'dod pa'i sangs rgyas kyi zhing rnams sa su yang skye bar 'gyur ro// 'phags pa dgongs pa'i rgyud kyi 'phreng ba chen po// byang chub sems dpe'i rnam par nges pa chen po bstan pa las/ nor bu rin po che rin po che la mkhas pa bstan pa yongs su bsngo ba chen po'i rgyal po rdzogs s+ho// / 'a che'i mkhan po dar ma ka ra dang / lo tsa ba ban de dpal 'byor gyis sgyur ba/ rgya gar gyi mkhan po bi r+ya ka ra pra b+ha dang / zhu chen gyi lo tsa ba ban de dpal brtsegs kyi bsgyur te gtan la phang pa// bkra shis/
Colophon
'phags pa dgongs pa'i rgyud kyi 'phreng ba chen po byang chub sems dpa'i rnam par nges pa chen po bstan pa las/ nor bu chen po rin po che la mkhas pa bstan pa yongs su bsngo ba chen po'i rgyal po rdzogs s+ho// kha che'i mkhan po dar ma ka ra dang/ lo tsa ba ban de dpal 'byor gyis bsgyur pa/ rgya gar gyi mkhan po bid r+ya ka ra pra b+ha dang/ zhu chen gyi lo tsa ba ban de dpal brtsegs kyi bsgyur te gtan la phab pa/