rDzogs chen - Man ngag sde/gSang ba'i skorAll versions of this work

rdo rje srin po rno ba rdo rje mchu can gyi rgyud zhes bya ba rgyud thams cad kyi snying po/ 'khor ba dong sprugs chen po'i rgyud

Bajrarakś.acidhabajramutaratantranamama

Text

ff. 230b–237b · 15 folio sides

  1. 230b

    thugs rje 'byung ba'i sgom 'gags/ nor bus rgyal sa zin pas sangs rgyas mya ngan las 'anga'o// ces byang chub sems dpa' rgyal mtshan nA mo'i rgyud las/ ngo spong ba ni la spyi 'dud lnga dgrol ba'i le'u ste/ bzhi pa'o// kye byang chub sems dpa' sems dpa' chen po// da mya ngan las 'da' ba'i 'og tu/ 'khor gyi mi pho bzhi la/ gang 'dul ba'i chos gzhis ston po mngon par mthong ba bzhin ston cig gsang ba bla na med pa 'dul ba'i 'khor la/ bya brtsal med pa na mkha' lta bu'i chos bstan/ mtshan yongasu rdzogs pa'i byed pa'i 'khor la/ chu'i zla'i dkyil 'khor lta bu'i chos bstan/ mos pa spyod pa'i 'khor lo// gdung sha ri re ri bo che'i chos bstan/ tshad med pa bzhi dang ldan pa'i 'khor la/ sman gyi lha bai dUr+ya 'od kyi rgyal po bstan no// rigs kyi bungs 'jig rten gyi khams su rang lo nyi shu rtsa bzhi mon// sems can gyi lo/ stong brgyad brgya nyi shu rtsa bzhi sprul pa'i skur bzhug so// ces byang chub sems dpa' rgyal mtshan gyi rtse mo'i rgyud las/ sangs rgyas kyi ring srel gang zag gdab par bstan pa'i le'u ste lnga pa'o// byang chub kyi sems rgyal mtshon rtse mo'i rgyud rdzog so// / srin po rdo ba rgya kyi rgyung chungs/ @rgya gar skad du/ badz+ra rak+Sha tsi d+ha badz+ri mu ta ra tan+t+ran ma ma/ bod ska du rdo rje srin po rno ba rdo rje mgu can gyi rgyud zhes bya ba rgyud thams cad kyi snying po/ 'khor ba dong sbugs chen po'i rgyud/ he ru ka nag po chen po thor tshugs gcig la phyag 'tshalo// rdo rje sems dpa'i zhal tshems/ sangs rgyas 'a

  2. 231a

    dpag med pa'i sku'i rten du bzhags pa/ chos nyid rang snang gi nam mkha' la/ rin po che gser gyi glegs bam la bai DUr+ya zhun mas rang nan tu bris pa/ mdun gyi na mkha' la bab so// de nas byung chub sems dpa' sems dpa' chen pos/ sangs rgyas mi g.yo ba'i 'od kyi phung po la brkyang phyag phul te/ yan lag lnga sa la btsugs te/ yi dam gyi lha la gsol ba btab ste gzigs pas/ rgyud thams cad kyi snying po// yang gsang rmad du byung ba'i rgyud/ sman gyi rgyal po dur bying lta bu/ chos chen po'i gsang ba rmad du byung ba/ chos thams cad gzugs rab tu che ba/ rdo rje srin po 'brug gi sgra sgrogs pa/ gcan zan gyi rgyal po ser ge lta bu/ le'u bdun gyi rdo rje 'chang gi gral thob par byed pa/ badz+ra kro ta ha ya gri ba d+ha ra ma rat+na sarba pa stem+b+ha Sha a si/ de nas khro bo'i rgyal po chen po// le'u dang po rgyal po'i pho brang mes bsregs par bstan/ gnyis pas 'dzam gling gi grong khyer chen po bzhi gzhom par bstan/ gsum pas 'gro ba drug gi sems can thams cad kyi srog cha gcod par bstan/ bzhi pas ri bong thams cad khyur ming du za bstan/ lnga pas nyi zla thams cad gos su gon par bstan/ drug pas dam pa'i chos chu bo chen por bar bstan/ bdun pas sangs rgyas thams cad du bzhugs par bstan no// bstod cing bsang ba'i rgyal pos ngas khyod la legs par bstan par bya/ badz+ras tra ku ru ba la pra bi sha ya/ ma rig mun pa'i kha 'byer nyi ma'i 'od po che// kun la snyoms pa'i zeng ldan byams thugs can// dpag bsam shing bzhin zad med ye shes gter// dogos dgu phun sum tshogs pa'i srid gsum

  3. 231b

    gnyen la thugs rje'i zhags pas rig drug sems can 'chang // 'gro ba 'dam nas 'dren mdzad lcags kyu can// sems can mun pa kha 'byed chags mnga' ba// sgo gsum dad pas bdag phyag 'tshal// sems/ dang ye shes gnyis kyi khyad par ste// sems dang chu dang 'dra ste thams cad sdud// ye shes me dang 'dra ste thams cad bsreg/ tshu yi ldan ljin len byed sregs pa min// me yi ldan ljin sregs byed sdud pa min// me yis spus bsregs chags par byed mi srid// chu yi sbur bsdud sregs par byed mi srid// de bzhin sems kyi dge sdig bag chags thams cad bsdud// ye shes me yis rnam rtogs bag chags 'grogs// sems kyi bag chags rnam dpal bsregs mi nus// ye shes bag chags sregs nas slar mi skye// chu yi sbar sdud gzhan dang 'grogs skal med// me ni mo nyid sregs byed 'grogs pa med// ye shes bag chags sregs nas slar mi 'grogs// byi rta ma yis rtse la slar bu 'du rug la rung // de bzhin sangs rgyas ye shes sgrib med la// nyon mongs bag chags 'du ru ga la rung // de nas sems ni ya nas bag chags slang // ye shes bag chags bral bas rig pa'o// sems dang ye shes dbye ba'i thabs bstan pa'o// lag na rdo rje khyod nyon cig/ rnal 'byor stong pa'i ngang gnas pas// mu stegs 'khrul pa'i lam dang 'dra// sangs rgyas lus kyi rgyan bzang ba// ye shes/ lus can dri ma med// nga la bsdud nas yaM sangs rgyas// ya tha rgyal ba'i dkyil 'khor nas// mtha myal ba'i gnas yun chad// rig pa'i ye shes pa rang ngo // ma bcos lhun gyis grub pas btsal du med// khro bor rgyal

  4. 232a

    po 'jigs pa'i gzugs// 'khor ba'i khrag zhag 'thung ba'o// nyon mongs skye ba'i chos rnams ni// rang byung ye shes bdag med sku// mi gnas shes rab pha rol phyin// thugs rdza sbrul sku'i zhing khams kyang // skye med dag pa'i klong du las// rang bzhin dag pa'i gzhal yas khang // me long ye shes klong du'angasu// ngo bo nyid kyi snang ba yang // mi gnas ye shes klong du 'das// ji ltar gling bzhi'i rgyal po yang // bsod nams longs spyod mthar klags kyang // bram ze gdugs pa'i rmongs pa yis// ji ltar glags gyur pa bzhin// 'khor ba'i bag chags sbyangs dga' bas// snying po don gyi bcud mthong na// skad cig gsum lnga grol bar gyur// zhes 'khor ba dang spug chen po'i rgyud las/ rgyal po'i pho brang mes bsregs pa'i le'u ste dang po'o// / de nas yang bcom ldan 'das rdo rje 'chang chen po des/ rtul shugs kyi ting nge 'dzin la snyoms par bzhugs so// de nas gsang ba'i bdag pos zhus pa/ kye bcom ldan 'das rdo rje 'chang rtul zhugs kyi ting 'dzin las bzhengs nas/ bshig par dka' ba'i grong khyer chen po bzhi// thabs mkhas thugs rdo rdzu 'phrul stobs ldan pas// sangs rgyas zhing du yang dag bskul pa'i phyir// lag na rdo rje bdag la bshad du gsol// de nas bcom ldan 'das zhugs kyi ting nge 'dzin la bzhengs nas/ gsang ba'i bdag po khyod nyon cig/ badz+riN+Di tau/ ljo bas/ taN d+ha/ smin tu/ ra~M kher naN ha ri sIng gol// kun bzang nal ni phyogs bcu kun tu gzigs// yum gyi b+hag 'di glang gcig tu khyil// gnyis med 'debs thams cad yongs la khyar//

  5. 232b

    de nyid las byung sku gsum sems kyi dang // dug lnga'i mi bskyod chos kyi dbyings su bkod// nyon mongs ma spangs 'dam gyi phur ba 'dra// pad+ma'i spyan ldan spyod med dag pa'i sku// de dbang gyur na sangs rgyaso// rdzogs pa chen/ po'i ngo bo la// ngang du nyon mongs gcod pa'o// ma bcos mkha' 'dra lhun rdzogs te// nam mkha'i ngang la g.yos pa med// kye gsang ba'i bdag po gzigs mkhyen pa// 'dzam bu'i gling bzhi ni kun bzang zhal mthong so sor gzigs pa ste/ tshad med pa la gzigs pa'o// rang rig pa'i ye shes la gzigs snang rnam par dag pas/ gdul bya ni zhing khams kho na'o// lag na rdo rje khyod nyon cig/ ma 'ongs pa'i sems can gyi don du 'di skad smos cig/ sems can gyi don bya/ dran rtogs snang bzhi la/ dbang po rgyun can/ snang ba ngo sprad/ ye shes ngos gzung / rtog pa'i rjes bcad/ mar me mdzad bzang pos 'khor ba bzhi bzlog/ 'gro ba rang lugasu bzhag/ srid pa'i gsum ni bde ba'i gzhal yas khang // rang byung ye shes mi rtog nyon mongs bral// nyon mongs zhing dag sku gsum lhun gyis grub// dbang bskur rgyas gdab sku gsum ming gis mtshon// cha lugs phyag rgya ma lus kun la rdzogs// sku rten yig 'bru 'od zer phyogs bcu 'phro// gsang ba'i 'jig rten dregs pa dbang du bsdud// shin tu dkon pa'i chos nyid zab mo'i yul shes shing // mya ngan 'das la mi gnas 'khor lo mi gnas// byung chub sems dpa' di ni mya ngan 'das par 'gyur// zhes 'khor 'dod spug chen po'i rgyud las/ 'dzem bu gling gi grong khyer chen po zhig gzhom par bstan pa'i le'u ste gnyis pa'o// / de nas ye

  6. 233a

    @shes kyi mgon po nyid// snying rje med pa'i tingange 'dzin la snyoms par bzhug so// de'i drung na gsang ba'i bdag po nyid spyi bor thal mo sbyar nas/ zhabs kyi pus mo sa la gtsugs nas gsol ba/ bcom ldan 'gon po 'od dpag med/ snying rje rab tu gnas pa'i ting 'dzin la gzhengs shig/ khams gsum gyi sems can ni nad pa lta bu ste/ sangs rgyas kyi sa nas sangs rgyas kyi zhing du bsgral ba'i thabs bstan/ gsol/ de nas bcom ldan 'das kyis bka' stsal pa/ gsang ba'i bdag po nyon cig/ skye shi med pa sreg cing 'dzin par 'dod na/ mi 'gyur rdo rje sku longs cig/ mai nu sarba tsit+ta e ka/ mA rA ne hUM phaT A/ lag na rdo rjes zhus pa/ de legs so// thog mar rang bzhin lhun gyis grub pa'o// mgon po 'od min 'gyur ba yid// srid pa'i 'gran zla med par 'khor bar ltung ba nyid// rang gi rang ngo ma shes pas// lhan cig skyes pa'i ma rig pa'i/ rang gzugs kyi sku snangs pas// mthong ba'i yul ngo shes pa'i rig pa ma shar ro// de la kun tu brtag pa'i ma rig pa 'byung ngo // rigs kyi bu de'i tshe de'i dus na/ sangs rgyas mar me mdzad// stong gi gtsugs phung rin che'i rdzas// dge ba'i grogs med pa'i mthong ba'i yul la// shes pa'i rig pa skad cig ma sheso// nga rang gi gzhi la 'khrul pa med pa'i phyir// de'i tshe de'i dus na rtogs pa khyad par can du gyur pa'o// rigs kyi bu de bzhin du rtogs pa'i don thugasu ma chud par/ rtsol ba'i bsam pas sangs rgyas na/ rang byung ye shes brdzun par 'gyur// rigs kyi bu sangs rgyas bden pa ni// gang sbyin la sbrang bu chags pa ltar mi gtong na/ sems can gyi bas/

  7. 233b

    ba ci ste bzung / de lta bas na byang chub kyi sems mun sel ba'i sku la/ rigs pa ngo sprad pas/ snang srid gsal bar shar ro// don gyi ngo spong pas tshigs dang yi ger 'bre'o// yul chos nyid do sprad pas/ snang la rang bzhin med do// me longs lta bu'i ye sheso// kye gsang ba'i byang chub kyi sems rtogs/ 'byams kun 'dus rigs pa'i klong la/ khyab brdal 'bru chub spyi sdu/ don slong phug sngags 'byams nyag gcig go// zhes 'khor ba dong sprugs chen po'i rgyud las/ khams gsum gyi sems can thams cad bsad par bstan pa'i le'u ste gsum pa'o// / de nas yang bcom ldan 'das thugs rje chen po dang ldan pa/ thabs mtha de bzhin du snang ba/ nad thams cad sel bar byed pa/ khro bo chen po bdud rtsi 'khyil pa nyid/ chos nyid rnam par dag pa'i tinge 'dzin la snyoms par 'jugs so// de'i tshe de'i dus na/ gsang ba'i bdag po lag na rdo rjes zhabs gnyis nyi ma dang zla ba brdzis te/ rdo rje 'bor ba tshangs pa'i 'jig rten la thugs par gsor zhing / zhal bgrad che ba gtsigs smin ma dpral bar bsdus/ ka yaM thugs rje chen po chos nyid kyi dgongs pa la ma brnal bar bzhengs shig/ khams gsum gyi sems can bsgral ba ma nus na/ 'jig rten gyi khams stong zhing zad par ji ste min/ bdag gi mi shes ma 'tshal lo// 'jig rten zad cing na/ sangs rgyas bden pa yang zad cing nub par 'gyur ro// zhes smras pa dang / bcom ldan 'das kyis bka' stsal ba/ lag na rdo rje ha cang yang khro bo'i sems dngam ldan par// drung ngul khod cig ces bka' stsal to// yul ma dag pa'i 'jig rten dang / dag pa'i 'dzi

  8. 234a

    rten 'das pa na/ rang bzhin gyi rnam par dag pa na/ rgyan ma bkod par snang ba zhes bya ba yod kyi/ der khyod seng ge'i 'gros stangs kyis song la/ glang po lta stangs kyis ltos shig/ 'jig rten/ gyi khams zad cing stongs par lta ci smos kyis/ lag na rdo rje khyod nyid kyang cig bla dwagaso// de nas lag na rdo rjes seng ge'i 'gros lhangs kyis 'ongs pas/ de ma thag tu ye shes kyi rgyan ma bkod par snang ba yang mthong ngo // glang po che'i lha stangs kyis lhas pas/ 'khor ba thams cad zad cing stongs so// kA yi lag na rdo rje khyod nyon cig/ khro bo bdud rtsi 'khyil ba yis// 'jig rten khams ni rngub par byas so// a haM kArti shes sA ri/ sA wA g+ha/ a bA yA tra b+hU/ byang chub sems rang byung lhun rdzogs ma chags/ bde 'gro gcod byed sta gri/ drang song kha la me 'bar/ snang srid rgyas btab/ gnam sa lho sbyar/ ri bo til 'brur gtsung / rgya mtsho rgyal mtshan rtsi la btags// byang chub sems dpa' bran 'khor tshud// dper na bran gyi rgyal po mchod pa ltar// bde gshegs kun gyi bdag mchod pas// chu bran rgya mtshor 'du ba'i tshul// rigs kyi bu khyod sdug bsngal bar ma byed cig/ snod bcud a tir 'dus pas// snang srid phyag rgya mas btab// mnyam nyid don rtogs thams cad bde la bkod// snang ba stong thim ri bo khyur mig byas// stong la ma chags 'khor ba gdod tshogs chad// nyon mongs zhing ngag rgya mtsho chub kyi btab// sdug bsngal bcid bcad bde ba chen po'i sku// thams cad yongs rdzogs thig le nyag gcig la// dus gsum dug lnga sku gsum ye shes lnga// lnga gnyis bde chen thig le chen por gcig

  9. 234b

    gcig la kun rdzob tha snyad rnam par dag/ thig le nyag gcig rang byung ye shes sku// rnam par dag pa pad+ma dbyings kyi dkyil 'khor nas// 'du 'bral med pa'i gsang ba'i mkha' snyoms// bya btsal med pa bde ba chen po'i sku// gar yang thog med 'brug gi sgra ltar sgrogs// glang chen 'gros ltar 'gyur med gcig pu la// rus sbal gab pa'i tshul du bsngags gnas pa// btsal med bya bral zin pa'i yul gnas pa// zin pas brtsol bas sdug bsngal nad med sel ba// rgya mtsho'i gting nas gser gyi pha bong 'dra// bde dang sdug bsngal rgyu thun de gnas pa// rin chen gser la nor bu phyag rgya'i tshul// bsgom dang bsgom bya gnyis med don rtog na// so la ral gri til mar ngar rtags 'dra// dge sdig gnyisu med pa'i don rtogs na// man shel sku ltar rang gi rgyu dag pas// dpe don rtags dang gsum gyi tshad bstan pas// rdo rje lta bu'i ting 'dzin thob pa yin// lung gi rgyal po rigs pa'i khu byug bltos// zin pas rtson pas nad spangs te// lhun gyis grub gnas la yang gzhags pa yin// a ti rang sar gnas pa ni// lung gi rgyal po rtsal chen bde ba'i sku// bsgrub med rtsal sbugs smon pa med pa yis// byar med lhun rdzogs snga ma de bzhin nyid// rtogs spyod rnam dag chos dbyings gnyis med lam// log byis pa'i spyod pas ci zhi bslu// sangs rgyas dgongs pa'i ye nas gnas pa la// da lta nga la gnas pa byar med de// byang sems bsgom pa chu bo rlung 'byams nas// bsgom dang sgom bya gnyis med don rtogs na// don dam ngang la bzhag par bya ba ni// chu bo rlung 'byams sgom pa zin pa yin// rgyun gyi ting 'dzin ye bral yin par ma

  10. 235a

    shes na// 'khyud chen gshogs rdzogs bka' 'di dang du long // mi g.yo rang bzhin gnas pas sman chen ma byas na// mtho ris bgrod pa'i lam nges nyon mongs zin par 'gyur// lam de lam du 'jug par rnams kyi nad che ba// phyin par 'dod pa ri dwag smig rgyu snyag pa ltar// rnyed pa'i yul med 'jig rten gsum las yongs mi 'byung ngo // chos las 'das pa'i sku ngo ma shes na// nam mkha' che lung nges pa las// rang gi mthu yis rig pa las// chos de gzhan las 'byung mi 'gyur// ces rgyud thams cad kyi snying po yin pa'i phyir// 'khor ba dong sprugs chen po'i rgyud ces bya ba/ lung thams cad kyi 'gal ba'i phyir/ lung gi rgyud pas yid ches pa'i// zhes 'khor ba dong spug chen po'i rgyud las/ snang srid khyur mi bza' ba'i le'u ste bzhi pa'o// // de nas bcom ldan 'das khams gsum rnam par rgyal can zhes bya ba/ 'od dpung stug pa'i ting 'dzin la snyoms par bzhugs so// yang gsang ba'i bdag pos zhus pa/ bcom ldan 'das 'od dpag tu med pa'i ting nge 'dzin las bzhengs shig/ yang dag par rdzogs pa'i sangs rgyas 'od zer dpag tu med par 'byung ba 'di/ ci'i rgyu ci'i rkyen/ ngas khams gsum gyi sems can la/ ji ltar 'od zer phung po 'byung ba bstan par bya zhes zhus pas/ bcom ldan 'das khams gsum gyi rnam par rgyal ba/ 'od phung gi ting nge 'dzin la bzhengs te/ zhab 'dzum pa mdzad nas/ gsang ba'i bdag pos khyod kyi dri badri ba de legs so// yang dag ltar rdzogs pa'i sangs rgyas la/ ye shes lnga'i rtsel ma 'gags par/ 'od zing kyi phung po gnas//

  11. 235b

    'byung ba chen po lnga ma btsal bar lhun gyis grub pas/ yongasu khyab par gnaso// rigs kyi bu gang zhig mngon par sangs rgyas pa'i tshe/ phyir 'byung ba lnga/ snang byed kyi sgron ma la 'dus so// nang gi 'byung ba lnga/ rigs ba'i sgron ma la 'dus so// snang byed kyi sgron ma la 'dus pa'i dus na/ ye shes kyi nyi ma la yang 'dus te/ dus rtag tu lhang nge lhan ne/ nyin mo dang mtshan mo yang ma yin no// de bzhin du bde bar gshegs pa thams cad/ lha dang lha mo dang / na mkha'i ri mo la sogs te/ 'od thams cad dang po/ byung yang rigs pa'i las byung ngo // tha ma yang rigs pa las 'dus so// na mkha' tsha chung nges pa las/ de la phyogs kyi 'od 'dus so// phyogs bzhi mtshams bla 'og grub// ma nges 'ja' mtshon kha dog las// rigs kyi bu khyad par snang zhes gsungs so// kye gsang ba'i bdag po// go bar dka' ba'i tshig 'di yid la zung cig/ ma hAd wA sarba ru pA a tiny+dza a yu d+haR+Shi badz+ra d+hA du/ de nas bcom ldan 'das 'gyes pa chen po// lag na rdo rje rdo rje che// stobs kyi pha rol dpung 'joms pas// sku mdog gnag cing 'jigs pa che// gzugs che yan lag rag pa ste// khro gnyer bzhin ni mi sdugs pa'o// phyag mtshan rdo rje 'bar ba yis// 'jig rten khams kun 'joms par byed// ye shes me dpung chen po yis// srid pa gsum yang sregs par byed// hUM dang phaT kyi sgra sgrogs pas// gdugs pa thams cad dpa' dra skongs// bdud dang mu stegs dbang du bsdud// 'gro ba'i mgon po de bzhin no// kA'i ltos cig nyon cig rdo rje 'chang // khams gsum dpa' god ma gyur na// lag na rdo rje don dam pa// nga yi bka' 'di brdzun pas na//

  12. 236a

    nyon cig ltos cig rdo rje 'chang // 'jig rten khams 'di 'khrug par byed// rdo rje lan cig gsor ba yis// srid pa mnyam yang me ru 'bar// rdo rje lan gnyis gsor ba yis// bdud/ dang srin po khrag tu skyugs// rdo rje lan gsum gsor ba yis// rdo rje 'chang chen glan bub bsgre// snying 'dir lus zhum pa spu zings// bcom ldan 'das kyis bka' sprul pa// lag na rdo rje ring gser 'phreng // stobs bcu pha rol yul 'jom sa pa// dal khro ba'i sems med kyi// bdud dang srin po mi ma yin// snying rje med bar tshad gcod cig/ lag na rdo rje khrod pa yis// rdo rje lan cig gsor ba yis// bdud dang srin po mi ma yin// gan bub snying 'dar khrag skyugs cing // ci bgyis bka' nyan gsung sdod do// 'bangs su mchis na rdo rje 'chang // lag na rdo rjes ma mdzad pa// shin tu 'jig shing dngangs skrag pas// bcom ldan thugs rje chen po dang ldan pa/ bdag cag gi srog sa gzhom du gsol// lag na rdo rje dgyes pa bzhin du bgyid do// de nas bcom ldan 'das kyis bka' stsal pa/ lag na rdo rje ha cang khro bo'i dbang du gyur cig/ ngas phyogs bcu dus gsum gyis sangs rgyas thams cad// bde ba la bkod cing sa lam bgrod par nus kyis/ bdud dang srin po yang bde ba med pa la bgod par bya'o// phyi'i snod kyi 'jig rten 'byung ba lngas bsdus pa yang // sangs rgyas kyi zhing dag par yongasu bzung zin gyis/ nang bcud kyis bsdus pa'i 'gro ba ri drug gi sems can thams cad/ sangs rgyas ye shes kyi lus can byin gyis brlabs pas/ khyod sdug bsngal bar ma byed cig/ ces bka' stsal pa/ bcom

  13. 236b

    ldan 'das mnyam pa'i ting nge 'dzin la snyoms par zhugaso// 'khor ba dong sprugs chen po'i rgyud las/ nyi zla gos su gyon pa lag na rdo rjes bdud btul ba'i le'u ste lnga pa'o// // de nas bcom ldan 'das rdo rje 'chang // thogs nas rang bzhin lhun gyis grub// rgyu rkyen med par mya ngan 'das// chos min shes rab rang byung ba// mi gnas rdo rje'i snying po'i sku// bya btsal med pas bde gnas pa// de ni rang byung ye shes yin// tshig dang yi ge nga ma bskyed// na mkha'i klong nas rang byung ba// mi gnas bde ldan phun sum tshogs// chos kyi yang dag don brjod du// snying po dag po'i klong nas shar// kye gsang ba'i bdag po// / rang byung gi ye shes/ shes bya babs kyis grub pa las/ byas pa'i chos ka nas med/ pradz+nyA ba ra mi ta sarba ha ra ni a pa ra bud d+ha yo// de nas bcom ldan rdo rje 'chang // rtsol ba'i sdug bsngal chos min gyis/ chos la gnas par mi bya'o// bde ba chen po'i sku mnga' bas// ma btsal bzhag na rdo rje'i sku// 'gyur ba med pa rdo rje'i sku mnga' bas// bya btsal med na ye shes sku// sna tshogs dag pa'i sku mnga' bas// ma bkag btang na rang byung sku// snying po spyod na dag pa la// chos spyod bcu yis sangs mi brgya// ma btsal lhun gyi grub pa la// yon tan bcu yis btsal du med// bka' lung phyi mo rang shar bas// chos kyi shes rab bskyed du med/ sangs rgyas chos las mo byung bas// rgyud lung mon ngag nga yi dug/ kye gsang ba'i bdag po// chos las 'das pa'i sku ma shes na// rang gi rig pa la dris shog/ de'i mtshon dpe ngo ma shes na// rdo rje sems dpa'i me

  14. 237a

    long la dris shig/ sangs rgyas kyi sku rang la gnas pa ngo ma shes na/ byang chub sems kyi sgron ma la ltos shig/ kye sems dpa' chen po// mtshon pa'i byang chub sems dpa' yin/ kyang / rtog pa'i lta ba rang rig pa'i ye shes kho na'o// phyogs bcu dus gsum gyis sangs rgyas thams cad kyang / chos las 'das pa'i sku snying po byang chub la 'du 'bral med par rtag por gnaso// rigs kyi bu chos thams cad chos nyid rgya mtsho dang 'dra ba'i ngang du/ bya brtsal med par gtims shig ces rdo rje 'chang gis bka' stsal to// 'khor ba dong sgrog chen po'i rgyud las/ dam pa'i chos rgya mtsho chen po la spo ba'i le'u ste drug pa'o// / de nas bcom ldan 'das kyis/ gsang ba bla na med pa'i ti nge 'dzin las bzhengs shig/ nges phyogs bcu dus gsum gyi sangs rgyas thams cad kyi sku dang gsung thugs rdo rje bla na med pa'i mthar ga la skyal/ sangs rgyas thams cad kyi dgongs pa'i mthar gar gtugs/ khams gsum gyi sems can thams cad 'khor ba ru bzlog pa'i dus su/ rang re'i zhing khams gcig gam tha dad / rgyud lung man ngag mthar gar skyal/ khams gsum 'khor ba'i 'dam rdzab kyi zhing gar sbyar/ sems can gyi sdug bsngal gyi bye brag thugs rje chen po'i rtsal gang la sbyar/ sangs rgyas mya ngan las ma 'das kyi bar du/ dgongs pa'i mtha' tsamo la bzhag/ mya ngan las 'das nas mthar thugs pa'i so gar bzhag/ ces zhus te/ lag na rdo rje nyan cig/ sku gsung thugs rdo rje bla na med pa'i mtha'/ sangs

  15. 237b

    thams cad kyi mes sangs rgyas nyag gcig la skyal lo// sangs rgyas thams cad kyi dgongs pa'i mtha'i ni/ rang rig pa'i ye shes la bzhag go/ 'khor ba ru bzlog pa'i dus su/ mar me'i sdong bu la mar me'i sdong bu mnan ba'i tshul du zhing khams gcig/ rgyud lung man ngag gi mtha' ni/ brjod bya brjod byed med par skyalo// 'khor ba'i 'dam rdzab ni/ rnam par dag pa'i zhing / bde chen por ma bkod pa snang ba la sbyar ro// sems can gyi sdug bsngal ni/ rig pa'i rgyal ma 'gag pa la sbyar ro// sangs rgyas mya ngan las ma 'das kyi bar du/ rgyu ma lta bu'i sku 'ja' chen lta bu mthong ba'i nyam su myong bar bya'o// mya ngan las 'das nas mi gnas pa'i ye shes chen po bzhago// 'khor ba dong sprugs chen po'i rgyud las/ sangs rgyas thams cadud du bzhugs pa'i le'u ste bdun pa'o// / mkhas pa'i mkhas pa bla ma dam pa'i gdams ngag la// dka' dang sngos nas don gyi man ngag bcol// rdo rje gden nas shrI sid+has gnang // rang gi rgyud sbyangs 'gro ba'i don byas nas// sangs rgyas thugs kyi dgongs pas ma nor rgyud// thugs kyi klong nas bcud gsum spros pa ni// byang chub sems dpa' re re'i don du bzhag/ rgyud kyi snying po min ngag gzer bzhi po// sde dang tshams su bcad nas rgya yis btab// 'chi med bdud rtsi thig le nyag gci go/ rdo rje gdan gyi 'og nas bzhes pa 'di// rgyud rgyal rtsad por sa sa gas pa sa mas su rdzun