Q3038MW1KG13126_3038rgyud 'grelAll versions of this work

rig sngags bcad pa dang mnan pa'i cho ga

Text

ff. 98a–98b · 2 folio sides

  1. 98a

    klu'i gnas su sbas na mdzes 'dzin par 'gyur ro// dbang ma thob cing man ngag med// tshad dang mi ldan 'di mi bya// 'di la nyes pa yod pas na// shin tu gsang zhing spel mi bya// slob dpon las kyi rdo rjes mdzad pa'i gsang ba thugs kyi pur gcig ma'o// // paN+Di ta wa la tsan+d+ra dang / lo tsA ba dang mtshul khrims kyis bsgyur ba'o// // oM badz+ra tsaN+Da ma hA ro Sha na ma g+ho maM sha hUM/ che ge mo shi raM ki la ye ta hUM phaT/ shi raM staM b+ha ya hUM phaT/ ka ti mu la ye ta hUM phaT/ ke ti mu kha staM b+ha ya hUM phaT/ hri ta staM b+ha ya hUM phaT/ pa ta ki l-i ye ta hUM phaT/ mchog phur gyis gnas lngar gdab bo// stong gsum snod kyi sems can rnams// khro bo gtum po'i sku ru bsgom// 'gro drug bcud kyi 'jig rten dag/ bcom ldan gtum po'i bsam pa bya// de la bas ma rgyud ni/ rlung rdo rje/ rgya gram nas srid pa'i rtse mo'i bar tu stong pa gyi mtha' dag rdo rje gtum po rdul gcig gi sdang na rdul snyed kyi sku'i rang bzhin du bsam ste/ de'i dbus su zla ba'i dkyil 'khor la zhabs g.yo zhing brdabs pas stong gsum gyi stong chen po'i 'jig rten gyi khams kyi zad tsam zla ba'i dkyil 'khor 'dar ba dang / sku'i ba spu'i bu ga nas nyi ma stong gi 'od gzi brjid can gyi me'i 'od zer 'phro ba dang / ljags kyi rdo rje las bzlas pa'i sngags kyi 'od zer rim pa gsum 'bros/ stong gsum gyi stong rdo rje phra mo'i 'od zer gyis 'gengs pa dang / klu brgyad kyi rgyan gyis brgyan pas bdug pa dra ba'i 'od kyis klu phra mo dang sa bdag rnams bsreg pa dang / thugs kyi rdo rje las khro bo dum 'phros pas/ bskal pa chen po'i rlung bzhin du bgegs kun tu 'thor ba dang / phyag gi rdo rje gsor bas/

  2. 98b

    gang du gnod par sems pa de'i sa phyogs su/ rdo rje chen po 'od zer sgrogs 'phen pa bzhin du yang dang yang bstan par bsam/ de nas bzlas pa ma zin bar du hUM 'brug gi sgra lta bu rgyun tu 'don/ bsnan pa'i 'khor lo zangs lcags kyi phye ma dang / yungs kar ke tshe dug chus zab bo// / yang rnam pa gcig la/ snying kha'i hUM las 'phros pas sangs rgyas dang byang chub sems dpa' thams cad phyag na rdo rjer gyur te/ 'jim po mi dmigs pa las phyag na rdo rjer gyur/ sngags brgya rtsa brgyad bzlas nas/ shog bral gnod pa'i gdon lam stam b+ha bon na shAn taM sta~M b+ha naM ku ru naM hUM phaT/ sAts+tsha de mchod rten nag po 'od 'bar ba mthong ba tsam gyis skrag par byed pa/ bum pa'i nang du phyag na rdo rje 'khor dang bcas pa thams cad mtshon cha thogs pa bzhugs par bsam mo// de nas snyid ga'i 'od zer gyis gzhan gyi srub ma rig sngags rnams bkug nas mthu med par bsam zhing / gtum po'i zhabs 'og nas mi 'chor bar bsam/ de nas mchod pa dang bden pa'i byin brlabs brjod pa la sogs pa bya'o// de lta bu 'bum btab na/ drang srong dmod pa yang zlog par 'gyur ro// rig sngags bcad pa dang mnan pa'i cho ga'o// // dpal phyag na rdo rje'i sbyin sreg mdor bsdus pa/ bkra shis pa'i gnas su me thab zlum po dkar po byas la/ tsan+dan nA ma 'o ma can gyi shing dkar po la zlum por brtsigs te/ ye shes sems dpa' spyan drangs la/ dang po bdun rnam dag bya/ de nas me/ tog dkar pos dus gsum du mchod cing / 'bras chan dang mar gyi sbyin sreg bya/ brgya rtsa brgyad byas na gang la dmigs pa de zhi bar 'gyur ro// shAn+tiM ku ru ye swA hA/ dpal 'phel ba'i gnas su

Colophon

rigs sngags bcad pa dang mnan pa'i cho ga'o