F144MW1KG13607_0144mdo sdeAll versions of this work

tshigs su bcad pa bzhi pa

Caturgathā

Text

ff. 350b–351a · 2 folio sides

  1. 350b

    ring ma le/ tsu lu nu lu ke sarba bud de swAhA/ tshigs su gcad pa gnyis pa'i gzungs/ rdzogs so// rgya gar skad du/ traM ga thA/ bod skad du/ tshigs gcad pa gsum pa/ tshigasu bcad pa ga suM kyi gzungs la ni// tshig gam don gyi sgo nas gang sbyor ba// sems can dam pa blo dang ldan pa des/ phan yon rnam pa bcu dag thob par 'gyur// khams rnams mtha' dag rgyas par 'gyur ba dang // 'chi ba'i chen mchog dga' dam pa 'thob// ji ltar 'dod pa bzhin du skye ba dang // thams cad du ni tshe rabs dran par 'gyur// sangs rgyas rnams dang phrad par 'gyur ba dang // de bzhin de dag las ni theg mchog thos// mos par 'gyur ba blo dang bcas pa dang / sgo gnyis dang ni byang chub myur du 'thob// tshigs su gcad pa gsum pa// / rdzogs so// @rgya gar skad du/ tsa tu ra ga thA/ bod skad du/ tshigasu gcad pa bzhi pa/ dkon mchog gsum la phyag 'tshal lo// skur gyur pa ni thams cad la// mtshan mchog gsum cu gnyis mnga' ba// rdzogs pa'i sangs rgyas grags ldan pa// rgyal ba kun la phyag 'tshal lo// sangs rgyas gang du bltams pa dang // gang du byang chub la reg dang // zhi ba'i 'khor lo bskor ba dang // zag med mya ngan 'das pa dang // bde gshegs gang du bzhugs pa dang // 'chag pa dang ni bzhengs pa dang // seng ge lta bur gzims pa yi/

  2. 351a

    gnas de la ni bdag phyag 'tshal// steng dang 'og dang bar dag dang // phyogs dang phyogs mtshams rnams su yang // sku bcas sku ni med pa yi// mchod rten la ni bdag phyag 'tshal// rkang gnyis dam pa shar dang ni// byang gi phyogs char bzhugs pa yi// rgyal ba bsten dka' zhes bya ba// de yi tshigs bshad 'di gsungs so// gang gis tshig bshad 'di bzhi yis// de bzhin gshegs la bstod byed na// bskal pa bye ba stong du yang // de ni ngan 'gror 'gro mi 'gyur// tshigasu gcad bzhi pa/ rdzogs so// @rgya gar skad du/ ma hA sa ma dza su tra nA ma ma hA su traM/ bod skad du/ mdo chen po 'dus pa chen po'i mdo zhes bya ba/ dkon mchog gsum la phyag 'tshal lo// 'di skad bdag gis thos pa dus gcig na/ bcom ldan 'das shAkya rnams kyi ser skya'i gnas kyi nags tshal na/ dge slong lnga brgya thams cad kyang dgra bcom pa/ zag pa zad pa bya ba byas pa/ byed pa byas pa/ khur bor ba/ bdag gi don rjesu thob pa/ srid par kun du sbyor ba yongs su zad pa/ yang dag par shes pas sems shin du rnam par grol ba sha stag dang thabs gcig tu bzhugs so// de nas bcom ldan 'das dge slong gi dge 'dun la mya ngan las 'das pa dang ldan pa'i chos kyi gtam ston par mdzad de/ de'i tshe na phyogs bcu

Colophon

tshigs su bcad pa bzhi pa// rdzogs so/