'phags pa de bzhin gshegs pa'i snying po zhes bya ba theg pa chen po'i mdo
Āryatāthāgatāgārbhanāmamahāyanasūtra
Text
ff. 221b–244b · 47 folio sides
- 221b
rgya gar skad du/ ar+ya tA thA ga tA gAr+b+ha na ma ma hA yan su tra bod skad du/ 'phags pa de bzhin gshegs pa'i snying po zhes bya ba theg chen po'i mdo sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das mngon par rdzogs par sangs rgyas nas lo bcu pa zhes pa na/ shin tu tsha ba'i dus kyi tshe/ rgyal po'i khab na bya rgod phung po'i ri la/ rin po che'i gdugs kyi khang bzangs kyi snying po'i khang pa brtsegs pa na/ slob pa dang / mi slob pa'i nyan thos kyi dge slong 'bum du tshang pa'i dge slong gi dge 'dun chen
- 222a
po phal cher/ dgra bcom pa/ zag pa zad pa/ nyon mongs pa med pa dbang dang ldan par gyur pa/ sems shin du rnam par grol ba/ cang shes pa/ glang po chen go/ bya ba byas pa/ byed pa byas pa/ khur bor ba/ bdag gi don rjes su thob pa/ srid pa kun tu sbyor ba/ yod zad pa/ yang dag pa'i shes pas sems rnam par grol ba/ sems can thams cad kyi dbang gi dam pa'i pha rol tu son pa sha stag la 'di lta ste/ tshe dang ldan pa 'od srungs chen po dang / tshe dang ldan pa de lteng rgyas 'od srungs dang / tshe dang ldan pa chu rlung 'od srungs dang / tshe dang ldan pa ka yA 'od srungs dang / tshe dang ldan pa kat+ya'i bu chen po dang / tshe dang ldan pa gsus po che dang / tshe dang ldan pa ba ku la dang / tshe dang ldan pa nam
- 222b
gru dang / tshe dang ldan pa rab 'byor dang / tshe dang ldan pa byams pa'i bu gang po dang / tshe dang ldan pa ngag dbang dang / tshe dang ldan pa shi ri'i bu dang / tshe dang ldan pa me'u 'gal gyi bu chen dang / tshe dang ldan pa cang shes ko'u Di n+ya dang / tshe dang ldan pa 'char ka dang / tshe dang ldan pa sgra can 'dzin dang / tshe dang ldan pa dga' bo dang / tshe dang ldan pa nye dga' bo dang / tshe dang ldan pa kun dga' bo la sogs pa dge slong 'bum du tshang ba dang / thabs cig tu bzhugs so// byang chub sems dpa' sems dpa' chen po sangs rgyas kyi zhing tha dad pa nas 'du ba gang ga'i klung drug bcu'i bye ma snyed thams cad kyang / skye ba cig gi thogs pa/ mngon par shes pa chen po dang / stobs dang mi 'jigs pa dang / sangs rgyas bye ba khrag khrig 'bum phrag mang po la snyen bkur byas pa/ phyir mi ldog pa'i chos kyi 'khor lo rab tu bskor ba/ sngon bdag gi ming thos pa tsam gyis 'jig rten gyi khams tshad med grangs med pa'i sems can bla na med pa yang dag par rdzogs pa'i byang chub las phyir mi ldog par gyur pa sha stag la 'di lta ste/ byang chub sems pa' sems dpa' chen
- 223a
po chos kyis blo gros dang / seng ge'i blo gros dang / sngags gi blo gros dang / don gyi blo gros dang / rin po che'i blo gros dang / rab mchod blo gros dang / zla 'od dang / rin chen zla 'od dang / zla ba nya ba'i 'od dang / rnam par gnon pa chen po dang rnam par gnon pa dpag med dang / rnam par gnon pa mtha' yas dang / 'jig rten gsum rnam par gnon pa dang / mi g.yo ba'i rnam par gnon dang / mthu chen thob dang / spyan ras gzigs dbang phyug dang / spos kyi glang po dang / spos dga' dang / spos dag gi dpal dang / dpal gyi snying po dang / nyi ma'i snying po dang / tog chen dang / tog chen po dang / tog dri ma med pa dang / rin chen mtha' yas dbyug gu dang / rin chen dbyug gu 'dor dang / rin chen dri med dbyug gu dang / mchog tu dga' ba'i rgyal po dang / rtag tu rab dang dang / lag na rin po che dang / nam mkha' mdzod dang / tsan dan dang / ri bo dang / ri rab dang / ri bo chen po dang / yon tan rin chen snang dang / gzugs kyi dbang phyug gi rgyal po dang / sems can thams cad kyi nad sel dang / rab tu yid dga' dang / mi skyo ba dang /
- 223b
skyo med dang / 'od byed dang / tsan dan dang / g.yo bzlog dang / dpag med mngon sgrags dbyangs dang / byang chub kun nas/ bslang dang / mthong ba don yod dang / chos thams cad la dbang bsgyur ba dang / byang chub sems dpa' sems dpa' chen po byams pa dang / 'jam dpal gzhon nur gyur pa dang / de dag la sogs pa byang chub sems dpa' sems dpa' chen po gang ga'i klung drug bcu'i bye ma snyed dang yang thabs cig go// lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dpag tu med pa dang / thabs cig go// de nas bcom ldan 'das 'khor 'bum phrag du mas yongs bskor cing 'dun gyi bltas te/ rgyal po dang / blon po chen po dang / tshong dpon dang / khyim bdag dang / blon po dang / grong lngal dang / yul gyi mi rnams kyis sti stang du byas/ bla mar byas/ rim 'gror byas zhing mchod do// de'i tshe bcom ldan 'das gshos gsol ba'i 'og tu tsan dan gyi snying po'i khang po brtsegs pa de nyid kyi nang du yang dag 'jog la zhugs par gyur to// de nas sangs rgyas kyi mthus/
- 224a
san dan gyi snying pa'i khang pa rtsegs pa las pad+ma 'dab ma bye ba khrag khrig phrag 'bum yod pa/ chang shing rta'i 'phang ba tsam pa/ kha dog dang ldan pa kham bye ba khrag khrig 'bum byung bar 'gyur te/ de dag steng gi bar snang la mngon par 'phags nas/ tham cad dang ldan pa'i sangs rgyas kyi zhing 'di khebs par gyur te/ 'di lta ste dper na rin po che'i khri bzhin du kun du gnas par gyur to// pad ma'i snying po re re la yang de bzhin gshegs pa'i sku dkyil krung bcas te bzhugs shing 'od zer 'bum dag rab tu 'gyed pa kun du snang la pad ma de dag thams cad kyang shin tu kha bye bar gyur to// de nas sangs rgyas kyi byin gyis brlabs kyi pad ma de dag gi 'dab ma de dag thams cad mag pa dang / nog nog pa dang / dra ba dang / smad par 'os pa dang / mngon par dga' bar 'gyur ba ma yin par gyur to// 'on kyang pad ma'i snying po de dag la de bzhin gshegs pa'i sku rnams kyil mo krung bcas te bzhugs zhing 'od zer 'bum phrag dag 'gyed par kun du snang de bzhin gshegs pa'i ska pad ma'i snying po la bzhugs pa de dag gis kyang thams cad dang pa'i sangs rgyas kyi zhing 'di khyab par gyur te/ de'i tshe sangs
- 224b
rgyas kyi zhing 'di shin tu mdzes par gyur to// de nas de'i tshe byang chub sems dpa'i tshogs thams cad dang / 'khor bzhi shin tu po ra du gyur cing dag par gyur to// bcom ldan 'das kyi rdzu 'phrul mngon par 'du mdzad pa de mthong ras the tshom du gyur te/ gang pad ma bye ba khrag khrig phrag 'bum 'di dag ni 'dab ma rnam 'di ltar kha dog ngan cing rung ba rnams kyang kha dog ngan la smad pa'i 'os su gyur to// mngon pa dga' bar 'gyur ba ma yin pa dang / pad ma'i snying po de dag la yang de bzhin gshegs pa'i sku re re dkyil mo dkrung bcas te/ bzhugs shing 'od zer 'bum phrag dag rab tu 'gyed pas/ shin tu mdzes pa kun du snang ba 'di'i rgyu ni gang yin/ rkyen ni gang yin snyam mo// de nas thams cad dang ldan pa'i byang chub sems dpa'i tshogs dang / 'khor bzhi po the tshom du gyur pa rnams 'dor bar bya ba'i mtshan ma byas so// de'i tshe tsan dan gyi snying po'i khang pa brtsegs pa der/ byang chub sems dpa' sems dpa' chen po rdo rje blo gros zhes bya ba 'das par gyur te 'dug go// de nas bcom ldan 'das kyis byang chub sems dpa' chen po rdo rje blo gros la bka' stsal pa/ rigs kyi bu khyed kyis chos can gyi gtam las choms te/ de bzhin
- 225a
gshegs pa dgra bcom pa yang dag par rdzogs pa'i sangs rgyas la yongs su zhu bar spobs par gyis shig de nas byang chub sems dpa' sems dpa' chen po rdo rje blo gros la bcom ldan 'das kyis gnang bas/ lha dang mi dang lha ma yin dang bcas pa'i 'jig rten dang / byang chub sems dpa' thams cad/ 'khor bzhi po dag gi the tshom gyi zug rngu rigs nas/ bcom ldan 'das la 'di skad ces gsol to// bcom ldan 'das 'jig rten gyi khams 'di thams cad pad ma kha dog ngan cing dri mi gda' ba 'di lta bu skye ba khrag khrig phrag 'bum 'di dag gis khebs pa dang / de dag gi dbus na yang de bzhin gshegs pa'i sku kyil mo krung bcas shing bzhugs te/ 'od zer 'bum phrag dag rab tu 'gyed par kun du gda' ba dang / de bzhin gshegs pa'i sku de dag mthong nas kyang / srog chags bye ba khrag khrig phrag 'bum thal mo sbyar te/ phyag 'tshal ba'i rgyu ni gang lags/ rkyen ni gang lags/ de nas de'i tshe byang chub sems dpa' rdo rje blo gros kyis tshigs su bcad pa 'di dag gsol to// sang rgyas stong phrag bye ba mi g.yo ba// pad ma dag gi dbus na
- 225b
bzhugs par ni/ khyod kyis 'di 'dra'i rdzu 'phrul ston mdzad pa/ bdag gis sngon chad nam yang 'di ma mthong // 'od zer ston/ rnams rab tu 'gyed mdzad cing // sangs rgyas zhing 'di thams cad khebs par mdzad// ngo mtshar tshogs kyi rnams la rol mdzad pa'i// 'dren pa rnams kyis bar chad ma mchis mdzes// mdab ma dag dag chu ba smad 'os pa/ kha dog ngan pa'i pad ma rnams dbus der// de dag rin chen rang bzhin 'dra zhugs pa// ci'i slad du rdzu 'phrul 'di dag sprul// bdag gi sangs gang ga'i bye ba snyed// de'i rdzu 'phrul khyad 'phags pa dag mthong // de ring gda' bo'i rnam sprul ce 'dra ba// sngon chad nam yang 'di 'dra 'di ma mthong / rkang gnyis gtso bo ltas ni bstan du gsol// rgyu gang rkyen gang lags pa bshad du gsol// 'jig rten don mdzad thugs brtsegs gsung du gsol// lus can ku gyi the tshom dkum du gsol// de nas bcom ldan 'das kyis byang chub sems dpa' sems dpa' chen po rdo rje blo gros la sogs pa thams cad dang ldan pa'i byang chub sems dpa'i tshogs la bka' stsal pa// rigs kyi bu dag de
- 226a
bzhin gshegs pa'i snying po zhes bya ba'i do shin tu rgyas pa yod de/ de rab tu bstan pa'i phyir de/ de bzhin gshegs pas snang ba'i mtshan ma 'di lta bu byas so// de'i phyir legs par rab tu nyon la yid la zung shig dang / nges bshad do// byang chub sems dpa' sems dpa' chen po rdo rje'i blo gros dang / thams cad dang ldan pa'i byang chub sems dpa'i tshogs des/ bcom ldan 'das la leg so zhes gsol nas/ bcom ldan 'das kyi bka' stsal pa/ rigs kyi bu dag ji ltar de bzhin gshegs pas/ sprul pa'i pad ma kha dog ngan pa dring ba smad par 'os pa mngon par dga' bar 'gyur ba ma yin pa 'di dag dang / de bzhin gshegs pa gzugs mdzes pa/ gzugs bzang ba/ lta na sdug pa dag pad ma'i snying po 'di dag la dkyil mo dkrung bcas zhing 'khod de/ 'od zer 'bum dag rab tu 'gyed cing 'khod pa de dag kyang rig nas lho dang / mi rnams phyag 'tshal mchod pa'i las kyang byed pa de bzhin du rigs kyi bu dag de bzhin gshegs pa dgra bcom pa yang dag par rdzogs pa'i sangs rgyas kyis kyang rang gi shes rab dang / ye shes dang / de bzhin gshegs pa'i mig gis
- 226b
sems can srog chags su gyur pa/ 'dod chags dang / zhe sdang dang / gti mug dang / sred pa dang / ma rigs pa'i nyon mo pa bye ba phrag 'bum gyi sbubs su gyur pa thams cad dang / rigs kyi bu dag sems can nyon mongs pa'i sbubs su gyur pa de dag gi nang na/ 'dra bar ye shes dang ldan pa/ mig dang ldan pa'i de bzhin gshegs pa mang po 'khod cing / dkyil mo krung bcas nas g.yo bar 'khod pa mthong ste/ nyon mongs pa thams cad kyis nyon mongs pa can du gyur pa de dag gi nang na/ de bzhin gshegs pa'i chos mi g.yo zhing srid pa'i 'gro ba thams cad kyis ma gos pa dag mthong nas/ de bzhin gshegs pa de dag ni nga dang 'dra'o zhes smra'o// rigs kyis bu dag de bzhin gshegs pa'i mig de ltar mdzes pa yin te/ de bzhin gshegs pa'i mig des/ sems can thams cad de bzhin gshegs pa'i snying por mthong ngo // rigs 'dzin gyi bu 'di lta ste dper na/ skyes bu lha'i mig can la la zhig gis lnga'i mig gis 'di ltar khwa dog ngan cing / 'di ltar dri nga ba'i pad ma kha ma bye zhing ma gyes pa dag la bltas te/ de'i dbus na pad ma'i snying po la de bzhin gshegs pa dkyil mo krung bcas
- 227a
shing 'dug par rig nas/ de bzhin gshegs pa'i gzugs lta bar 'dod de/ de bzhin gshegs pa'i gzugs de yang dag par sbyang ba'i phyir/ pad ma'i mdab ma kha dog ngan cing dri nga la smad par 'os pa de dag 'byed cing sel ba de bzhin du/ rigs kyi bu de bzhin gshegs pas kyang / sangs rgyas kyi mig gis sems can thams cad de bzhin gshegs pa'i snying por mthong nas/ sems can de dag gi 'dod chags dang / zhe sdang dang / gti mug dang / sred pa dang / ma rig pa'i nyon mongs pa'i sbubs dbye ba'i phyir chos ston te/ de sgrub pa'i de bzhin gshegs pa rnams ni yang dag pa nyid du gnaso// rigs kyi bu dag 'di ni chos rnams kyi chos nyid de/ de bzhin gshegs pa rnam byung yang rung / ma byung yang rung / sems can 'di dag ni rtag tu de bzhin gshegs pa'i snying po can yin na/ rigs kyi bu dag smod par 'os pa'i nyon mongs pa'i sbubs rnams kyis yog pas/ de dag gi nyon mongs pa'i sbubs bzhig pa dang / de bzhin gshegs pa'i ye shes kyang yongs su sbyang ba'i phyir/ de
- 227b
bzhin gshegs pa dgra bcom pa yang dag par rdzogs pa'i sangs rgyas byang chub sems dpa' rnams la chos ston to// bya ba 'di la yang mos par byed do// de la byang chub sems dpa' chen po chos de dag la mngon par brtson par gnas pa de dag gang gi tshe/ nyon mongs pa dang / nye ba'i nyon mongs pa thams cad las yongs su grol bar gyur pa de'i tshe/ de bzhin gshegs pa dgra bcom pa yang dag par rdzogs pa'i sangs rgyas zhes bya ba'i grangs su 'gro ste/ de bzhin gshegs pa'i bya ba thams cad kyang byed do// de nas de'i tshe bcom ldan 'das kyis tshigs su bcad pa 'di dag bka' stsal to// ji ltar pad ma smad pa'i 'os gyur pa// de'i mdab ma sbubs gyur ma phye la// de bzhin gshegs pa'i snying po ma gos te/ mi 'ga' la las lha'i mig gis mthong // de ni nga'i mdapa ma 'byed pa na// dbus na rgyal ba'i lus ni mthong gyur nas// rgyal ba nye ba'i nyon mongs phyir mi 'gyur// de ni 'jig rten kun tu rgyal bar 'gyur// de bzhin ngas kyang srog chags thams cad kyi// dkyil der gnas pa'i rgyal ba rnam kyi lus// ji ltar smad 'os pad ma'i sbubs 'dra' ba'i// nyon mongs stong phrag bye bas khebs pa mthong //
- 228a
yang de dag gi ni bsal ba'i phyir// mkhas pa rnams la rtag tu chos ston to// sems can 'di dag sangs rgyas 'gyur bya zhes// rgyal ba'i phyir ni nyon mongs rnam par spyod// nga'i sangs rgyas mig 'di 'dra ste// de'i rgyal ba'i lus su gnas bro yi// sems can 'di dag thams cad mthong gyur te/ de dag rnam par sbyad phyir chos smra'o// rigs kyi bu dag gzhan yang 'dilta ste dper na/ sbrang tshang zlum po shing gi yal ga la 'phyang ba// bung ba 'bum gyis kun du bsrung bar byas shing / sbrang rtsis yongs su gang ba zhig yod la/ de nas sbrang rtsi 'dod pa'i mi zhig gis/ srog chags kyi rnam pa bung ba de dag thabs mkhas pas smad nas/ sbrang ci'i bya ba byed do// rigs kyi bu dag de bzhin du sems can thams cad kyang sbrang tshang dang 'dra ste/ de las sangs rgyas nyid nyon mongs pa dang / nye ba'i nyon mongs pa bye ba phrag 'bum gyis kun du bsrungs pa de bzhin gshegs pa'i ye shes rig par mthong ngo // rigs kyi bu dag ji ltar sbrang tshang gi nang na sbrang rtsi bung ba bye ba phrag gyis kun du bsrung ba yongs par skyes bu mkhas pa zhig gis/ shes pas rig pa de bzhin du
- 228b
sems can thams cad la yang sangs rgyas nyid nyon mongs pa dang / nye ba'i nyon mongs pa byed ba zag 'bum gyis kun du bsrungs pa yod pa de bzhin gshegs pa'i ye shes mthong bas rig te/ rigs kyi bu de dag la de bzhin gshegs pa yang skyes bu thabs mkhas pas/ bung ba bsal ba bzhin du sems can de dag gi 'dod chags dang / zhe sdang dang / gti mug dang / nga rgyal dang / rgyags pa dang / 'arlab pa dang / khro ba dang / gnod sems dang / phra dog dang / ser sna la sogs pa'i nyon mongs pa dang / nye ba'i nyon mongs pa rnams gsal nas/ ji ltar sems can de dag la yang nyon mongs pa dang / nye ba'i nyon mongs pa de dag gis nye ba'i nyon mongs pa can du mi 'gyur ba dang / gnod par mi 'gyur ba de ltar da ltar chos ston to// de bzhin gshegs pa'i ye shes mthong ba de/ rnam par spangs nas/ 'jig rten na de bzhin gshegs pa'i snying po byed de// rigs kyi bu dag nga'i de bzhin gshegs pa'i mig yongs su dag pa des/ ngas sems can thams cad de ltar mthong ngo // de nas de'i tshe bcom ldan 'das kyis tshigs su bcad pa 'di dag
- 229a
bka' stsal to// ji ltar 'di na sbrang chang yod pa la// bung bas kun du bsrangs shing sbas gyur la// mi gang sbrang rtsi 'dod pas de mthong na// de ni bung ba rab tu spyod par byed// de bzhin 'dir yang sbrang tshang lta bur ni/ sring pa gsum ni sems can thams cad do// de dag nyon mongs bye ba mang ba ste// nyon mongs dbus na de bzhin gshegs 'dug mthong // nga yang sangs rgyas rnam par sbyang don du// bung ba smod pa lta bur nyon mongs sel// gang gis nyon mongs bye ba gnod gyur pa// chos rnam 'dir ni thabs kyi rab sten te// de dag ji ltar de bzhin gshegs gyur la// 'jig rten kun du rtag tu bya byed cing // spos ldan ji ltar sbrang ma sbrang rtsi yi/ snod 'dra chos ston 'gyur ba bya phyir ro// rigs kyi bu dag gzhan yang 'di lta ste dper na/ 'bras sa lu 'am/ nas sam/ ci tse'am/ 'bru rnams ni snying po bub mas yongs su bsrungs pa yin te/ de'i rang gi phub ma las ma byung gi bar du bza' ba dang / bca' ba dang / myang ba'i bya ba mi byed kyi/ rigs kyi bu dag skyes pa 'am/ bud med gang dag
- 229b
/ 'phrul sa pas smras dang ngag she / sa stsu dang bya pag/ rigs kyi bu dag de bzhin du de bzhin gshegs pa yang de bzhin gshegs pa'i spyan gyi sems cad la de bzhin gshegs pa nyid sangs rgyas cing// rang byung nyid/ nyon mongs pa'i sbubs kyi shun pas dkris shing gnas par mthong ngo // rigs kyi bu dgra de bzhin gshegs pa yang nyon mongs pa'i sbubs kyi shun pa gsal ba dang / de bzhin gshegs pa nyid yongs su sbyang ba dang / sems can 'di dag ji ltar nyon mongs pa'i sbubs kyi shun pa thams cad las grol te/ 'jig rten du de bzhin gshegs pa dgra bcom pa yang dag par rdzogs pa'i sangs rgyas zhes bya ba'i grangs su 'gro bar 'gyur snyam nas/ sems can rnams la chos ston to// de nas de'i tshe bcom ldan 'das kyi tshigs su bcad pa 'di dag bka' stsal to// ji ltar 'bru 'am sa lu'i 'bras kyang rung // ci tse'am ni 'on te nas kyang rung // ji srid bar du de dag phub bcas pa// de'i bar du bya ba mi byed de// de dag gis ni brngas nas phub gsal na// bya ba rnam pa mang po dag
- 230a
nga bye/ gru sa rnas pa / mas rnamasas byam pa byed po/ dems sems can kun gyi sangs rgyas smra/ nyon mongs rnams kyi khebs par dus mthong nas// dus ni de dag rnam par snang bar bya/ sangs \u0f7fsa myur thob bya byer chos ston to// sems can kun la'ang 'dra ba'i chos nyid ni/ nyon mongs bcu'i dkris nas gang yod pa/ de na rnam sbyang thams cad ji lta bur// rgyal ba myur bya phyir chos ston to// rigs kyi bu dag gzhan yang 'di lta ste dper na// rul pa 'amanya/ nyis kyi gnas gshin ci dr-i maM nim pas kun nas gong bzhig du/ mi gzhan gsapa lam nas song bzhig gis gser gyi gar bu zlum pa zhen ltung bar gyur la/ bshang ci dri nga bas kun du du grang ba/ rul pa dang / nyal nyil gyi gnas der/ mi bcang ba gzhan dang gzhan gyis brnanag bkur mi snang bar gyur cing / der de lo bcu'am/ nyi shu 'am/ a ma bzhi bcu 'am/ snga bcwa 'am/ lo brgya'am/ ma nga du mi bcang bas chung mi ma pa'i chos can de sems can gang la yang phan pa mi byed do// rigs kyi bu dag de nas lhas lha'i mig gis gser gyi gar
- 230b
zlum po de la bltas nas/ mi gzhan la kye'u mi khyod song la/ 'di na rin po che'i mchog gser/ rul pa dang / nyal nyil gyi rnam pas// non pa de byi dor gyis las gser gyis bya ba gyis ces bsgo na/ rigs kyi bu dag rul pa dang / nyal nyil gyi rnam pa zhes bya ba de ni nyon mongs pa rnams sna tshogs kyi tshig bla dgas so// gser gyi gar bu zhes bya ba de ni chud mi za ba'i chos can gyi tshig bla dag so// lhas lha'i mig ces bya ba de ni/ de bzhin gshegs pa dgra bcom pa yang dag par rdzogs pa'i sangs rgyas kyi tshig bla dag so// rigs kyi bu dag de ltar de bzhin gshegs pa dgra bcom pa yang dag par rdzogs pa'i sangs rgyas kyang sems can thams cad la de bzhin gshegs pa'i chos nyid chud mi za ba yod pa'i nyon mongs pa/ rul pa dang / 'dam rdzab lta bu rnam bsal ba'i phyir sems can rnams la chos ston to// de nas de'i tshe bcom ldan 'das kyis tshigs su bcad pa 'di skad ces bka' stsal to// ji ltar mi yi gser gyi gar ni// nyal nyi la rnam pa'i nang du lhung gyur la// der de lo ni nyi shu pa zhig du// da ltar gnas kyang mi 'jig chos can no// lhas ni lha'i mig gi de mthong nas// rnam par sbyang phyir gzhan la smras
- 231a
pa ni// 'di na rin chen mchog gi gser yod la// rnam par sbyongs la de ni bya ba gyis// de bzhin ngas ni sems can thams cad kyang // nyon mongs rnams kyis yun ring rtag non mthong // de dag gi ni blo bur nyon mongs shes// rang bzhin sbyang phyir thabs kyi chos ston no// rigs kyi bu dag gzhan yang 'di lta ste dper na/ dbul po zhig khyim gyi nang mdzod kyi 'og gi sa la gter chen po dbyig dang gser gyis rab tu gang ba mdzod kyi tshad tsam zhig mi bdun srid kyi sas yog pa'i 'og na/ yod pa gter chen po de mi dbul po de la 'di skad du/ kye mi nga ni gter chen po ste/ sas yog cing 'dug go zhes mi smra ste/ 'di lta ste/ gter chen po ni sems kyi ngo bo nyid kyi ngo bo nya sems can ma yin no// mi dbul po khyim gyi bdag po de ni dbul po'i sems kyi rjes su sems shing de nyid kyi steng na rnam par rgyu yang / sa'i 'og na gter chen po yod pa de ma zos mi shes ma mthong ngo // rigs kyi bu dag me de bzhin du sems can thams cad kyi mngon par zhen pa'i yid la byed pa'i khyim lta bur gyur pa'i 'og na/ de bzhin gshegs pa'i snying po stobs dang / mi 'jigs pa
- 231b
dang / ma 'dres pa dang / sangs rgyas kyi chos thams cad kyi mdzod gter chen po yod kyang sems can gzugs dang / sgra dang / dri dang / ro dang / reg pa la chags pas sdug bsngal bas 'khor ba na/ 'khor te/ chos kyi gten chen po de ma thos pas thob par ma gyur cing / yongs su sbyang ba'i phyir brtson par yang mi byed do// rigs kyi bu dag de bzhin gshegs pa 'jig rten du byung ste/ byang chub sems dpa'i nang du 'di lta bu'i chos kyi gter chen po yang dag par rab tu ston to// de dag kyang chos kyi gter chen po de la mos pas rko ste/ de'i phyir mig rten na de bzhin gshegs pa dgra bcom pa yang dag par rdzogs pa'i sangs rgyas shes bya ste/ chos kyi gter chen po lta bur gyur nas/ sems can la sngon ma byung ba'i gtan tshig gyi rnam pa dang / dpe dang / byed pa'i gtan tshig dang / bya ba rnam ston pa gter chen po'i mdzod kyi sbyin bdag chags pa med pa'i spobs pa dang ldan zhing / stobs dang / mi 'jigs pa dang / sangs rgyas kyi chos mang po'i mdzod du gyur pa yin no// rigs kyi bu dag de ltar de bzhin gshegs pa dgra bcom pa yang dag par rdzogs pa'i sangs rgyas kyang / de bzhin gshegs po'i mig
- 232a
shin du yongs su dag pas sems can thams cad de lta bur mthong nas/ de bzhin gshegs pa'i mig shig du yongs su dag pas sems can thams cad de lta bur mthong nas/ de bzhin gshegs pa'i ye shes dang / stobs dang / mi 'jigs pa dang / sangs rgyas kyi chos ma 'dres pa'i mdzod yongs su sbyang ba'i phyir/ byang chub sems dpa' rnams la chos ston to// de nas de'i tshe bcom ldan 'das kyi tshigs su gcad pa 'di dag bka' stsal to// ji ltar dbul po'i khyim gyi 'og logs na// dbyig dang gser gyis gang ba'i gter yod pa// de la g.yo ba 'am rlom sems yod min te// da ni khyod kyi yin zhes de mi smra// de'i tshe na sems can khyim bdag de/ dbul bar gyur la rnam par mi shes shing // sus kyang de la snyed pa med pas na// dbul po de ni de'i steng na 'dug/ de ltar ngas ni sangs rgyas mig gi su// sems can de dag thams cad dbul 'dra' la// de dag rnams la gter chen yod pa dang // g.yo ba med cing bde gshegs lus su mthong // ngas ni de mthong byang chub sems dpa' la/ khyod kyis nga'i ye shes mdzod zung la// dbul ba med cing 'jig rten mgon gyur pa// bla med chos
- 232b
gter 'gyur bar gyis shes bstan// gang dag ngas bstan mos gyur la// sems can de dag kun la gter yod do// gang dag mos nas/ bdag nyid rtsol byed pa// de dag myur du byang chub mchog thob 'gyur// rigs kyi bu dag gzhan yang 'di lta ste dper na// shing a mra'i 'bras bu 'am// spa'i 'bras bu'ang rung ste/ shing shun gyis sbubs kyi nang na myu gu'i sa bon chud mi za ba'i chos can yod pa gang gis sa la btab na/ shing gi rgyal po chen por 'gyur ro// rigs kyi bu dag de bzhin gshegs pa yang 'jig rten gnas pa/ 'dod chags dang / zhes sdang dang / gti mug dang / sred pa dang / ma rig pa'i nyon mongs pa'i phyir shun gyi sbubs kyi kun nas dkris par mthong / de la 'dod chags dang / zhe sdang dang / gti mug dang / sred pa dang / ma rig pa'i nyon mongs pa'i sbubs kyi nang na snying por gyur pa/ de/ bzhin gshegs pa'i chos nyid de ni/ sems can zhes bya ba'i ming du chag so// de la gang gsil bar gyur pa de ni mya ngan las 'das pa ste/ ma rig pa'i nyon mongs pa'i sbubs yongs su sbyangs pa'i phyir/ sems can gyi khas kyi ye shes chen po'i tshogs su gyur pa gang yin pa de ni rnyed
- 233a
pa'o// sems can gyi khams kyi ye shes chen po'i tshogs dam pa de ni/ de bzhin gshegs pa ji lta bu de bzhin du smras par lnga dang bcas pa'i 'jig rten gyi mthong nas/ de bzhin gshegs pa'i bya ba 'du shes su med/ rigs kyi bu dag de bzhin gshegs pas de ltar mthong nas/ byang chub sems dpa' sems dpa' chen po rnams la/ de bzhin gshegs pa'i ye shes khong du chud par bya ba'i phyir/ don nye bar ston to// de nas de'i tshe bcom ldan 'das kyis tshigs su bcad pa 'di dag bka' bstsal to// ji ltar smra'i 'bras bu thams cad ni// nang na spa'i myu gu yod pa ste// ta la dang ni 'dzam bu kun la yod// nang na yod pa'i 'bras bu skyed ma skyed/ de bzhin chos kyi dbang phyug 'dren pa yang // sems can thams cad spa'i sa bon 'dra// de kun nang na bde gshegs lus yod par// zag med sangs rgyas mig gi dam pas mthong // sbubs pa shig ma gyur na sems can brjod// mi shes gang na gnas kyang rlom sems med// ting 'dzin thob ste gnas na rang zhi ste// de la g.yo ba ci yang yod ma yin// dper na sdong chen pa be na las byung ltar// sems can
- 233b
'di dag ji ltar 'tshang rgya zhing // lha dang bcas pa'i 'jig rten skyab 'gyur zhes/ yongs su sbyang ba'i don du chos gtam smra// rigs kyi bu dag gzhan yang 'di lta ste dper na/ skyes bu dbul po zhig la/ de bzhin gshegs pa'i gzugs rin po che sna bdun las byas pa/ lag 'thil tsam zhig yod la/ de nas skyes bu dbul po de bzhin gshegs pa'i gzugs de khyer te/ 'brog dgon pa las shin du 'da' ba 'dod par gyur nas/ ji nas kyang de bzhin gyis mi tshor zhing rkun pos mi khyer bar bya ba'i phyir/ des ras rul pa dri mi zhim pa'i dum bu dum dkris ste/ de nas skyes bu de 'brog dgon pa de nyid du nyes pa gang gang gis kyang 'chi ba'i dus byas par ma gyur la/ de'i de bzhin gshegs pa'i gzugs rin po las byas la/ ras rul pa'i dum bus dkris pa yang rdog lam de na 'phyan zhing 'dug pa dang / 'dron po rnams kyi ma shes nas/ 'goms zhing 'goms shing dong la/ ras rul ba dri mi zhim pa'i dum bu'i thum po kun du 'dril ba 'di gang nas rlung gi 'das zhes smad pa'i dngos po yang ston pa dang / 'brog na gnas pa'i lhas lha'i mig gis rnam par bltas nas/ mi gzhan dag cig la
- 234a
bstan te/ skyes bu dag ras kyi dum bu 'di'i nang na de bzhin gshegs pa'i gzugs rin po che las byas pa/ 'jig rten thams cad kyi phyag byas par 'os pa yod kyis phye shig ces bsgo'o// rigs kyi bu dag de bzhin gshegs pa yang sems can thams cad nyon mongs pa'i dkri bas dkris te smad pa'i 'os su gyur pa yun rin por 'khor ba'i dgon pa na kun tu 'khyam par mthong ste/ rigs kyi/ bu dag tha na dud 'gro'i skye gnas su song ba/ rnams kyang ste sems can nyon mongs pa sna tshogs kyi dkri bas dkris par gyur pa rnams kyi nang na yang de bzhin gshegs pa'i lus nga ci 'dra ba yod pa mthong ngo // rigs kyi bu dag de la de bzhin gshegs pa ni/ ji ltar de bzhin gshegs pa'i ye shes mthong ba nye ba'i nyon mongs pa dang bral zhing yongs su dag par gyur la/ ji ltar da ltar bzhin du 'jig rten thos cad kyis phyag bya ba'i 'os su 'gyur snyam nas/ nyon mongs pa'i dkri bas dkris pa las thar par bya ba'i phyir/ byang chub sems dpa' thams cad la chos ston to// de nas de'i tshe bcom ldan 'das kyis tshigs su bcad pa 'di dag bka' stsal to// ji ltar dri nga
- 234b
da pa'i 'os rnams kyis// yongs su bkris pa bde gshegs pa'i gzugs// rin chen byas pa ras dum dkris pa de// lam gyi bar na bor te 'khyab gyur pa// lha'i mig gi de ni mthong nas su// lha des gzhan zhig la ni rab smras pa// 'di ni de bzhin gshegs pa rin chen brjod// ras thum thum bu 'di ni myur du phye// de bzhin nga'i lha mig 'di 'dra ba// des ni sems can 'di dag thams cad kyang / nyon mongs dgribs dkris pa rab sdug bsngal// 'khor ba'i sdug bsngal gyis ni rtag brtses mthong // ngas ni nyon mongs dkris pa'i nang dag na// rgyal ba'i sku ni mnyam par bzhag gyur la// de mi g.yo ba med cing mi 'gyur yang // de yod su thar pa gang yang med par mthong // ngas mthong de nas bskal ma btab pa ni// byang chub mchog du thams cad zhugs pa nyon// de ltar sems can chos nyid 'di 'dra rtag/ 'di na yongs su dkris pa'i rgyal ba bzhugs bde bar gshegs kyi ye shes yongs spros nas/ gang tshe nyon mongs thams cad rab zhi ga/ de tshe 'di ni sangs rgyas ming thob ste// lha dang mi rnams dang ni rab tu dga'/
- 235a
rigs kyi bu dag gzhan yang 'di lta ste dper na bud med mgon med par gyur pa mdog ngan pa dri mi zhim pa smad par 'od pa/ 'jigs su rung ba/ blta na mi sdug pa/ 'dre mo 'dra ba zhig mgon med pa'i khang par zhugs nas gnas so// de der gnas pa dang sbrum mar gyur te/ gang gis gdon mi za bar 'khor lo bsgyur ba'i rgyal srid byed par 'gyur ba'i sems can de 'dra ba zhig de'i mngal du zhugs kyang bud med de'i mngal na 'dug pa'i sems can de dag mngal du zhugs pa'i sems can 'di ci 'dra ba zhig zhugs pa'i sems can 'di ci 'dra ba zhig snyam du yang yid la mi byed/ bdag gi mngal du zhugs sam/ ma zhugs snyam du de de na yid la mi byed kyi/ gzhan du de dbul ba'i sems dang / zhum pa dang / dman pa dang / kho ru chung ba snyam pa'i sems rjes su sems zhing mdog ngan pa dang / dri mi zhim pa nyid kyis mgon med pa'i khang pa na gnas te/ dus 'da' bar byed do// rigs kyi bu dag de bzhin du sems can thams cad kyang mgon med par gyur cing 'khor ba'i sdug bsngal gyis gtses par gyur la/ srid par skye ba'i gnas dgon pa'i
- 235b
khang pa na gnas so// de nas sems can rnams la de bzhin gshegs pa'i rigs zhugs te/ khong na yod kyang sems can de dag khong du ma chud do// rigs kyi bu dag de la de bzhin gshegs pa'i sems can dag bdag nyid mi gsad par bya ba'i phyir/ rigs kyi bu dag khyed bdag nyid sre zhi bar ma byed cig/ khyod brtson 'grus brtan par gyis shig/ khyed la de bzhin gshegs pa yod pa dus zhig na 'byung bar 'gyur te/ khyed byang chub sems dpa' zhes bya ba'i grangs su 'gro bar 'gyur gyi/ sems can zhes bya bar ma yin no// der yang sangs rgyas zhes bya ba'i grangs su 'gro'o// byang chub sems dpa' zhes bya bar ni ma yin no zhes chos ston to// de nas de'i tshe bcom ldan 'das kyi tshigs su bcad pa 'di dag bka' stsal to// ji ltar bud med mgon med gyur pa zhig/ kha dog ngan cing gzugs ni mi sdug pa// byis pa yin te mgon med khang par gnas// re zhig dus na de na 'di sbrum gyur// de'i mengal du gang zhig nges par ni// 'khor lo sgyur ba'i rgyal po che ba nyid rin chen rnams kyi 'phags pa gling bzhi yi// bdag po byed par 'gyur ba de 'drar zhugs// bud med byis pa de ni de ltar bur/
- 236a
mngal du zhugs sam ma zhugs ma shes la// mgon med khang pa na ni gnas byed de// dbul ba snyam du sems zhing dus 'da' byed// de bzhin ngas ni sems can thams cad kyang // mgon med gyur la sdug bsngal chos kyi nyen khams gsum pa'i bde ba chung la gnas// nang na chos nyid mnga' ba 'dra yod mthong // de 'dra mthong nas byang chub sems dpa' la/ 'jig rten phan par byed pa mngal gnas na// sems can gyis ni chos nyid ma shes kyis// bdag dman 'du shes ma skyes cig ces bstan/ khyed cag brtson 'grus brtsam pa brtan gyis dang // rang lus ring por mi thogs rgyal bar 'gyur// dus zhig byang chub snying po thod gyur nas// srog chags stong phrag bye ba grol byed 'gyur// rigs kyi bu dag gzhan yang 'di lta ste dper na/ sgra mi/ la ti'i gzugs sapa/ glang pa co'i gzugs sam/ bud med kyi gzugs sam/ skyes pa'i gzugs dag cig byas 'jim pa'i nang du bcug nas/ g.yogs la bzhu ste/ zags par byas la gser bzhugs ste/ zhu bar gyur pa bkang nas/
- 236b
rim gyis grangs sam/ mnyam par gnas par gyur pa'i gzugs de dag thams cad phyi rol gyi 'jim pa gnag cing kha dog mi sdug kyang / nang gri rnams ni gser las byas pa dag go// de nas 'gar ba 'am 'gar ba'i slob ma zhig gis de las gzugs gang dag grangs par gyur par mthong ba de dang de dag gi phyi rim gyi 'jim pa tho bas bgogs na/ de nas skad cig de la nang na gser las byas pa'i gzugs yod pa yongs su dag par 'gyur ro// rigs kyi bu dag de bzhin du de bzhin gshegs pa'i mig gis sems can thams cad 'jim pa'i gzugs lta bu yin la/ phyi rol gyi nyon mongs pa dang / nye ba'i nyon mongs pa'i sbubs kyi nang gi sbu bu chos kyis gang ste/ zag pa med pa'i ye shes chen po'i nang na/ de bzhin gshegs pa mdzes par 'dug pa mthong ngo // rigs kyi bu dag de la de bzhin gshegs pa sems can thams cad de ltar mthong na/ byang chub sems dpa'i nang du song ste/ 'di lta bu'i chos kyi rnam grangs 'di dag yang dag par rab tu ston to// de la byang chub sems dpa' sems dpa' chen po gang dag zhi zhing gsal bar gyur pa de dag gi de bzhin gshegs
- 237a
pa'i ye shes rin po mo yongs su sbyang ba'i phyir/ de bzhin gshegs pa chos kyi de'i phobs phyi ral gyi na mongs pa thams cad 'gogs so// rigs kyi bu dag mgar ba zhes bya ba de ni de bzhin gshegs pa'i tshig bla dag so// rigs kyi bu dag de bzhin gshegs pa dgra bcom pa yang dag par rdzogs pa'i sangs rgyas kyis sangs rgyas kyi mig gis sems can thams cad de ltar mthong nas/ nyon mongs pa'i de dag las thar bar bya ste/ sangs rgyas kyi ye shes la rab tu dgod pa'i phyir chos ston to// de nas de'i tshe bcom ldan 'das kyi tshigs su bcad pa 'di dag bka' stsal to// ji ltar gzugs ni phyi rol 'jim pas g.yogs// nang ni sbu bu yod cing g.yog yin la/ rin chen bzhus pas rab tu bkang na ni// brgya stong phrag ni mang por 'gyur ba yin// mgar bas shin tu grangs par gyur shes nas// 'di ltar rin chen las ni byas pa 'di// rnam dag gzugs 'gyur las gang bya snyam ste// gzugs la g.yogs pa'i 'jim pa 'gogs par byed/ de bzhin ngas ni sems can thams cad kyang // gser gzugs 'jims pas g.yogs pa 'dra ba ste// phyi rol shun pa nyon mongs sbubs
- 237b
yin la// nang na sangs rgyas ye shes yod par mthong // de la byang chub sems dpa' gang dag ni/ zhi zhing gsil bar gyur pa dag/ ga gis de dag nyon mongs ma lus 'byin// chos kyi lag chas de la 'gogs par byed// rin chen gzugs ni lta na sdug pa ltar// rgyal sras gang zhig 'dir ni dag gyur pa// stobs bcu dag gi lus rnams longs gang ste// lhar bcas 'jig rten 'di na mchod par 'gyur/ ngas ni srog chags thams cad de ltar mthong // byang chub sems dpa' 'ang ni de ltar mthong ngo // de ltar dag pa bde bar gshegs 'gyur te/ bde gshegs dag ni sangs rgyas tshul ston to// de nas bcom ldan 'das kyis byang chub sems dpa' rdo rje blo gros la bka' bstsal pa/ rdo rje'i blo/ gros rigs kyi bu 'am rigs kyi bu mo 'am khyim pa 'am/ rab tu byung ba yang rung ste/ gang zhig de bzhin gshegs pa'i snying po'i chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / glegs bam du byas te 'jog pa dang / gzhan/ dag la brgya cher 'chad pa dang / yang dag par rab tu ston pa de bsod nams mang du skyed par 'gyur ro// rdo rje'i blo gros yang byang chub sems
- 238a
dpa' gzhan gang zhig de bzhin gshegs pa'i ye shes sgrub pa'i phyir brtson par gyur/ 'jig rten gyi khams re rer yang sangs rgyas thams cad la mchod pa'i phyir rdzu 'phrul sgrubs nas/ 'di lta bu'i ting nge 'dzin la snyoms par zhugs te/ ting nge 'dzin gyi stobs skyed pa des/ sangs rgyas kyi zhing bye bo khrag khrig 'bum phrag gang ga'i klung gi bye ma bas kyang mang ba rnams su gang ga'i klung gi bye ma bas kyang mang ba'i sangs rgyas bcom ldan 'das byang chub sems dpa' rnams dang bcas/ nyan thos kyi dge 'dun dang bcas pa bzhugs shing gnas pa'i de bzhin gshegs pa re re la yang khang pa brtsegs pa'i dus su bde ba brgyar dpag tshad tsam la/ 'bang du dpag tshad bcu pa/ rin po che thams cad las byas pa/ lha'i dri zhim po dang ldan pa/ me tog gi sil ma sna tshogs bkram pa/ longs spyod kha na ma tho ba med pa/ thams cad dang ldan pa/ 'bum phrag gang ga'i klung lnga bcu'i bye ma snyed nyin re zhing phul te/ bskal pa 'bum du tshang ba'i bar du 'di lta bu'i mchod pa byed pas/ rigs kyi bu 'am rigs kyi bu mo gang gzhan zhig byang chub tu sems bskyed de// de bzhin gshegs pa'i snying po chos rnam grangs
- 238b
'di dpe'i cig tsam lus la 'chang ngam glegs bam du gnas par byed na/ rdo rje'i blo gros de'i bsod nams mngon par 'du byed pa la bsod nams mngon par 'du byed pa snga mas brgya'i cha dang / stong gin dang / 'bum gyi cha dang / grangs dang na dang bgrang ba dang / dper yang nye bar mi 'gro ste/ rgyur yang mi brjod do// rdo rje'i blo gros yang byang chub sems pa' gang sangs rgyas kyi chos yongs su tshol bas sangs rgyas bcom ldan 'das de dag las de bzhin gshegs pa ri ri la yang bskal pa 'bum chang gi bar du/ shing man dar ba'i me tog khal bzhi pa 'bum 'thor la/ rdo rje'i blo gros dge sbyong mang / dge slong ma 'am/ dge sten nam/ dge sbyin ma zhig gis byang chub tu sems bskyed de/ de bzhin gshegs pa'i snying pa'i chos kyi rnam grangs 'di bas nas bral mo lan cig skur te rjes su yid rang shes tshig cig sbas na/ rdo rje'i thags bsod nas mngon par 'du bya ba dang / dge ba mngon par 'du bya ba de la me tog dang / me tog phreng ba bul ba dang ldan pa de bzhin gshegs pa la bzhag par bsod nams mngon par 'du bya ba dang / dge bas mngon par 'du bya ba dang / dgeg pas mngon par 'du bya ba snga ma de brgya'i cha dang / stong
- 239a
gi rba dang / 'bum gyi dang / dang / bzang ba dang / dper yang nye bar mi 'gra ste/ rgyur yang mi bzod do// de nas de'i tshe bcom ldan 'das kyi tshigs su bcad pa 'di dag bka' stsal to// sems can la la gang zhig byang chub la mos pa skyed nas 'di nyan 'dzin pa 'am// yi ge 'bri'am glegs bam bzhag byed cing // gus dang bcas pa'i tshigs bcad cig bshad dam// de bzhin gshegs pa'i snying po 'di thos nas// gang zhig byang chub mchog 'di tshol byed na// bsod nams bung po ji tsam bskyed 'gyur ba/ de'i phan yon 'dir ni mnyan par gyis// rdzu 'phrul stabs mchog 'di la gnas nas su// dbang po bskal pa dag ni stong bar du// phyogs bcu rnams su ma'i gan pa dang / nyin thos bcas pa rnams la sti stang byed// ji ltar ga ga stong mang bye ba bas// de bas lhag pa'i bsam gyi mi khyab pa'i// gzhal med khang mchog rin chen las byas pa// 'jig rten zla dpon re re la yang phul// de dag 'phang du dpag nad bcu yod pa/ mchu dang rgyar ni dpag chad gcig yod pa/ thos dang 'dug pa dag dang rag
- 239b
ldan pa// de na rin chen byas pa'i khri ba shams shing / dar dang bcos su bu'i ras ni brgya gting ba'i/ khri dag dag ni khri stan gzhan rnams dang // ji ltar gang ga'i klung bzhin dpag med pa// rgyal ba gcig la dbul ba byas gyur na// rgyal ba gang dag 'jig rten khams bzhugs pa// ji ltar gang gA'i bye ma bas mang ba// rgyal ba de dag rnams la de ltar phul// kun la de ltar mchod pa byed pa bas// mkhas pa gang zhig mdo sde 'di thos nas// dpe' gcig tsam zhig yang dag 'dzin byed dam// gzung nas mi 'ga' zhig la 'chang byed na// de ni de bas bsod nams phung po mang // dpa' bos bzung ba'i bsod nams 'di la ni// cha dang dper yang de ni nyer mi 'gro// srog chags dag ni kun gyi skyab 'gyur zhing // de ni myur du byang chub mchog 'tshang rgya// de bzhin gshegs kyi snying po 'dra yod pa// sems can dag ni kun gyi chos nyid 'di// byang chub sems dpe' mkhas pa gang sems pa// de ni rang byung sangs rgyas myur du 'gyur// rdo rje'i blo gros rnam grangs 'dis nga 'di ltar chos kyi rnam grangs 'di ji ltar byang chub sems dpa' sems dpa' chen po rnams
- 240a
la mkhyen pa'i ye shes bsgrub par 'gyur ba'i bces sbas byed par rig par bya'o// rdo rje'i blo gros sngon byung ba 'das pa'i dus na/ bskal pa grangs med pa shin tu rgyas pa/ tshad med pa bsam gyi mi khyab pa mtshungs pa med pa/ brjod du med pa/ de'i pha rol pas kyang ches pha rol tu gyur pa/ de'i tshe de'i dus na/ de bzhin gshegs pa dgra bcom pa yang dag par rdzog nga'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ b+hAn+da med pa/ lha dang mi rnams kyi ston pa/ sangs rgyas bcom ldan 'das rtag tu 'od zer gtong zhes bya ba 'jig rten du byung ngo // rdo rje'i blo gros ci'i phyir de bzhin gshegs pa de rtag tu 'od zer gtong zhes bya ba zhe na/ rdo rje'i blo gros bcom ldan 'das de bzhin gshegs pa rtag tu 'od zer gtong de byang chub sems dpa' gyur pa na/ ma'i mngal du zhugs ma zag du/ de ma'i mngal na 'dug bzhin du lus las 'od byung ste/ shar phyogs su 'jig rten gyi khams 'bum phrag sangs rgyas kyi zhing bcu'i rdul phra rab kyi rdul rnyed dag snang bas rtag tu khyab
- 240b
par gyur to// de bzhin du lho dang / nub dang / byang dang / shar lho dang / lho nub dang / nub byang dang / byang shar dang / 'og dang / steng gi phyogs dang / phyogs bcu'i 'jig rten gyi khams 'bum phrag sangs rgyas kyi zhing bcu'i rdul rnyed dag snang bas rtag tu khyab par gyur te/ byang chub sems dpa' de'i lus kyi 'od dga' bar 'gyur ba sdug pa mchog du dga' bar byed pa mgu bar gyur pas 'jig rten gyi khas 'bum phrag de snyed pas rtag par gyur to// rdo rje'i blo gros byang chub sems dpa' ma'i mngal na gnas pa de'i 'od kyis/ 'jig rten gyi khams 'bum phrag de dag du sems can gang la reg par gyur pa de dag thams cad gzi brjid dang ldan pa dang / dran pa dang ldan pa dang / blo gros dang ldan pa dang / rtogs pa dang ldan pa dang / spobs pa dang ldan par 'gyur ro// 'jig rten gyi khams 'bum phrag de dag na sems can gang dag dmyal ba dang / dud 'gro'i skye gnas dang / gshin rje'i 'jig rten dang / lha ma yin rnams kyi nang du skye bar gyur pa de dag thams cad byang chub sems dpa' de'i 'od kyis reg pa tsam gyis/ rang gi 'gro ba dag nas 'phos te/ lnga dang /
- 241a
mi rnams kyi nang du skyes so// de dag reg pa tsam gyi bla na med pa yang dag par rdzogs pa'i byang chub las mi ldag par 'gyur ro// yang phyir mi ldog pa gong dag 'os des reg ma thag tu de dag thams cad mi skye ba'i chos la bzad pa thob par gyur to/ yon tan lnga brgya'i le'u zhes bya ba'i gzungs kyang thob bo// byang chub sems dpa' ma'i mngal na gnos pa de'i lus kyi 'od kyi 'jig rten gyi khas 'bum gang dag la reg pa gyur pa de dag thams cad bai dUr+ya las grub par yongs su gnas par gyur to// gser gyi skud pas mig mangs ris su bris par gyur la/ mig mangs ris thams cad nas kyang rin po che'i shing ljon pa/ me tog dang / 'bras bu dang / dri dang / dog dang ldan pa rnams mthon par gyur to// rin po che'i shing de dag rlung gis skyod cing / rlung gis bskul na 'di lta ste/ sangs rgyas kyi sgra dang / chos kyi sgra dang / dge 'dun gyi sgra dang / byang chub sems dpa'i sgra dang / byang chub sems dpa'i stobs dang / dbang po dang / byang chub kyi yan lag dang / rnam par thar pa dang / ting nge 'dzin dang / snyoms par 'jug pa'i sgra snyan par yid du 'od
- 241b
ba 'di lta bu byung ngo // rin po che'i shing ljon pa'i sgra des kyang 'jig rten gyi khams 'bum de dag thams cad sems can rnams dga' ba dang / mchog tu dga' ba thob nas gnas so// sangs rgyas kyi zhing de thams cad na yang sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin gyi ris rnams med par 'gyur ro// byang chub sems dpa' ma'i mngal na gnas pa de yang sems can de dag thams cad la zla ba'i dkyil 'khor bzhin du snang bar gyur to// mngal na gnas pa nyid la nyin lan gsum mtshan lan gsum du thal mo sbyar ro// rdo rje'i blo gros de ltar byang chub sems dpa' de btsas pa dang / mngon par byung ba dang / byang chub mngon par rdzogs par sangs rgyas kyi bor du/ byang chub sems dpa' de'i lus las 'od rtag tu byung bar gyur to// mngon par rdzogs par sangs rgyas nas kyang / bcom ldan 'das de'i lus la 'od byung bar gyur/ nul bzhin du yongs su mya ngan las 'da' ba'i dus kyi bar du/ bcom ldan 'das de'i lus kyi 'od de rtag du byung bar gyur to// de bzhin gshegs pa de yongs su mya ngan las 'das te/ ring srel 'jig rten na gnas pa'i tshe'ang lus kyi 'od de rtag tu byung bar gyur te/
- 242a
rdo rje'i blo gros de'i phyir/ bcom ldan 'das de rtag du 'od zer stong pa zhes bya bar lha dang mi rnams kyi mtshan gsol to// rdo rje'i blo gros yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rtag tu 'od zer gtong de dang po mngon par rdzogs par sangs rgyas pa'i bstan pa la/ byang chub sems dpa' 'od zer mtha' yas shes bya ba g.yog stong dang ldan pa zhig byung ste/ rdo rje'i blo gros byang chub sems dpa' 'od zer mtha' yas de/ de bzhin gshegs pa dgra bcom pa yang dag par rdzogs pa'i sangs rgyas rtag tu 'od zer de la de bzhin gshegs pa'i snying po ches kyi rnam grangs 'di las btsam te yongs su dris so// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rtag tu 'od gtong des/ byang chub sems dpa' de dag rjes su bzung ba dang / yongs su bzung ba'i phyir stan cig la 'dug bzhin du/ bskal pa chen po lnga brgyar de bzhin gshegs pa'i snying po'i chos kyi rnam grangs 'di yang dag par rab tu bshad de/ de bzhin gshegs pa'i snying po'i chos kyi rnam grangs 'di tshigs su bcad par shes bya bas/ chos bsgrub pa dang / nges pa'i tshig
- 242b
dang / dpe 'bum phrag du mas byang chub sems dpa' de dag la yang dag par rab tu bcad pas phyogs bcu rnams su sangs rgyas kyi zhing bcu'i rdul snyed/ kyi 'jig rten gyi khams su yang tshegs chung dus go bar gyur to// rdo rje'i blo gros de la byang chub sems dpa' gang dag gis de bzhin gshegs pa'i snying po'i chos kyi rnam grangs 'di tha na de bzhin gshegs pa'i snying po zhes bya ba'i ming thos pa de dag thams cad mtha' kyi dge ba'i rtsa ba yongs su smin nas/ yon tan bkod pa de dang 'dra ba nyid du/ bla na med pa yang dag par rdzogs pa'i byang chub mngon par rdzogs par sangs rgyas te/ byang chub sems dpa' sems dpa' chen po bzhi ni ma gtogs so// rdo rje'i blo gros de'i tshe de'i dus na/ byang chub sems dpa' 'od zer mtha' yas pa zhes bya bar gyur pa de gzhan zhig yin snyam du khyod sems na de de ltar mi lta ste/ rdo rje'i blo gros khyod nyid de'i tshe de'i dus na/ byang chub sems dpa' 'od zer mtha' yas zhes bya bar gyur to// bcom ldan 'das de'i snyan pa la gang dgang rung du yang bla na med pa yang dag par rdzogs par sangs rgyas pa'i byang / nub sems dpa' bzhi pa de dag gang zhe na/ 'di lta ste/ byang chub sems dpa' 'jam dpal dang / mthu chen thob dang / spyan ras gzigs
- 243a
dbang phyug dang / rdo rje'i blo gros khyed nyid bzhi pa'o// rdo rje'i blo gros de ltar de bzhin gshegs pa'i snying po'i chos kyi rnams grangs 'di thos pa tsam gyis// byang chub sems dpa' sems dpa' chen po rnams la sangs rgyas kyi ye shes sgrub pas don che ba yin no// de nas de'i tshe/ bcom ldan 'das kyis tshigs su bcad pa ni dag bka' stsal to// 'das pa'i dus ni bskal pa mtha'i yas pa/ bcom ldan 'od zer stong pa zhes bya byung // de'i lus la 'di 'dra'i 'od byung bas/ zhing rnams bye ba stong dag snang bar 'gyur// rgyal ba dang po mngon rdzogs sangs rgyas rig byang chub sems dpa' 'od zer mtha' yas kyis// de tshe bde gshegs rgyal ba de la zhus// mdo 'di rtag tu yang dag rab tu bshad// gang gis rgyal de'i bstan la mdo sde 'di// 'dren pa las ni mngon sum thob gyur pa// de kun myur du byang chub dam pa thob// byang chub sems dpa' bzhi ni ma gtogs te// mthu chen thob dang spyan ras gzigs dbang phyug/ byang chub sem/ dpa' 'jam dpal gsum pa ste// rdo rje'i blo gros khyod nyid bzhi pa yin// de tshe de dag mdo 'di zos gyur nas// byang chub sems
- 243b
dpa' 'od zer mtha' yas pa// de tshe gang gis rgyal la zhus byung ste// de'i dbang byas bde gshegs sras pa ni// de ni rdo rje'i blo gros khyod nyid yin// nga yang sngon gyi spyad pa spyod pa'i tshe// bde bar gshegs pa seng ge'i rgyal mtshan las// mdo sde 'di yi ming ni thob par 'gyur// gus par byas te thos nas thal mo sbyar// nga ni legs par byas pa'i las de yis// byang chub dam pa myur du thob par gyur/ de las byang chub dam pa mkhas rnams kyis// rtag tu mdo mchog 'di ni bzung bar byas// rdo rje'i blo gros rigs kyi bu 'am rigs kyi bu mo las kyi sgrib pas gang dag de bzhin gshegs pa'i snying po'i chos kyi rnam grangs 'di nyan tam// lung nod dam/ kha ton du byed dam/ ston kyang rung chos kyi rnam grangs 'di nyan pa dang / lung nod pa dang / kha ton byed pa dang / rab tu 'chang ba dang / yi ger 'dri ba de dag la rigs rlung dus ches de dag kyang mngon sum du 'gyur// las kyi sgrib pa de byang bar 'gyur ro// de nas bcom ldan 'das la tshe dang ldan pa kun dga' bos 'di skad ces gsol to// bamam ldan 'das rigs kyi bu'am// rigs kyi bu mo gang las kyi sgrib pas bsgribs par mi
- 244a
'gyur zhing / chos kyi rnam grangs 'di la brtson par bgyid pa de dag sangs rgyas bcom ldan 'das ji snyed cig las mang du thos pas chos ston pa'i slad du nges par 'byung bar 'gyur lags/ bcom ldan 'das kyis bka' stsal pa/ kun dga' bo rigs kyi bu 'am/ rigs kyi bu mo gang dag sangs rgyas brgya'i chos bstan pa kun du brgya bzung ba'i phyir/ nges par 'byung ba dag kyang yod do// kun dga' bo rigs kyi bu 'am rigs kyi bu mo gang dag sangs rgyas nyis brgya dang / sum brgya dang / bzhi brgya dang / lnga brgya dang / stong dang / nyis stong dang / sum stong dang / bzhi stong dang / lnga stong dang / drug stong dang / bdun stong dang / brgyad stong dang / dgu stong dang / khri dang / sangs rgyas 'bum nas/ sangs rgyas bye ba khrag khrig 'bum dag chos bstan pa kun du bzung ba'i phyir nges par 'byung bar 'gyur ba dag kyang yod do// kun dga' bo byang chub sems dpa' gang chos kyi rnam grangs 'di 'chang ba dang / klog pa dang / gzhan dag la yang rgya cher yang dag par rab tu ston pa dang / glegs bam du byas te/ 'chang ba des 'di snyam du bdag gis deng nyid bla na med pa yang dag par rdzogs pa'i byang
- 244b
nub thob bo// snyam du sems bskyed par bya ste/ de ni ji ltar da ltarang bzhin du/ lha dang mi dang lha ma yin du bcas pa'i 'jig rten gyi phyag bya ba'i 'os/ dang / mchod pa bya ba'i 'od yin no// de nas de'i tshe bcom ldan 'das kyis tshigs su bcad pa 'di dag bka' stsal to// byang chub sems dpa' mdo sde 'di thos nas/ bdag gis byang chub dam pa thob par bsam// gang gi lag na mdo sde 'di yod pa// de ni nga ltar 'jig rten phyag bya'i 'os// de ni 'jig rten mgon po rnam par 'dren// khrid byed rnam par khrid byed bsngags pa'i 'os// gang gi lag na mdo sde 'di yod pa// de ni de ltar chos kyi rgyal zhes bya// gang gi lag na mdo sde 'di yod pa/ mi'i khyu mchog chos kyi sgron ma 'dzin// de ni zla nya lta bur blta ba'i 'os// 'jig rten mgon po lta bur phyag bya'i gnas// bcom ldan 'das kyi de skad ces bka' stsal nas// byang chub sems dpa' rdo rje'i blo gros dang // thams cad dang ldan pa'i byang chub sems dpa'i tshogs de dag dang / nyan thos chen po de dang / 'khor de dag dang / lha dang mi dang lha ma yin dang / dri zar bcas pa'i 'jig rten yid rang ste/ bcom ldan 'das kyis gsungs pa bal mngon par bstod do/ 'phags pa de bzhin gshegs pa'i snying po zhes bya ba theg pa chen po'i mdo// rdzogs s+ho//
Colophon
'phags pa de bzhin gshegs pa'i snying po zhes bya ba theg pa chen po'i mdo// rdzogs s+ho/