rab tu gnas pa'i rgyan
Tiṣṭhamahāsiti _alaṅkāra
Text
ff. 221b–223a · 4 folio sides
- 221b
bzhi par 'dod pa yis// kha dog dkar po 'phro 'du yis// rang gi sdig dang bag chags dang // gzhan gyi sdig rtsub zhi bar byed// tshe ring rigs rgyud longs spyod rnams// rgyas par 'dod pa 'od zer ser// bde gshegs 'od bskul rang lus kyi// rang bzhin tshe rnams rgyas par byed// dkar dmar khu ba'i 'phro 'du yis// 'jig rten rigs rgyud rgyas par byed// nor dang rdzas ni rgyas 'dod pas// rin chen bcud ni tshul du bsgrub// kha dog dmar po sbar ba yis// dmigs pa ma lus dbang du sngad// tshar bcad dus kyi sbyor ba ni// 'khor lo 'od zer skur gyur te// dgug cing tho ba la sogs pas// drag po'i mtshon cha thog phab pas// spyi bo gtsug gnas rnams su ni// phung po gzhog pa'i sbyor ba bya// sa bon 'joms dang 'byed byed pas// 'grub par 'gyur bar gsungs pa yin// de la sogs pa'i sbyor ba rnams// mkhas pa yis ni shes par bya// de rnams sngags kyi mtha' la ni// nad dang sdug bsngal thams cad las// thar bar gyur cig hUM phaT swA hA// zhes pa sgrub pa'i snying por gsungs// 'di ni kun gyi man ngag go/ mkhas pa tshig la mi ltos par// gzu zlums la gzhal gang zag gis// bskal par bslabs kyang 'bras bu med// de bas mkhas pa rab tu gces// 'di brtsams pa yi dge ba yis// rags dang phra ba'i rtog pa dang // nad kyi zug rngu zhi ba dang // sngags kyis nyon mongs kun spangs nas// / gos sngon dngos grub thob par shog/ sngags kyi rgyan nA gA rdzu nas mdzad pa rdzogs so// 6// rab gnas kyi brgyan 'azugs/ @#// rgya gar skad du/ tiSh+Tha ma hA si ti/ a lang kA ra/ bod skad du/
- 222a
rab du gnas pa'i rgyan/ rdo rje bsnams la phyag 'tshal lo// dus gsum sangs rgyas kun gyi dang // zla ba lta bu mthu mnga' ba'i// sel cing snang bar byed pa yi// mnga' ba dag rdo rje can la 'dud// chogs gseg nus pa tshogs byung bas// rab tu gnas pa bshad par bya// sngags pa yon tan kun ldan pas// bkra shis pa yi gnas dag tu// bsnyen pa rnam gsum rdzogs pa yis// lhag par gnas pa'i cho ga bya// mnga' dbul ba dang mchod pa brtsam// sngags kyis gnas pa'i don du ni// rgyas par rab gnas chen por blta// 'di ru cung zhig bsdus nas bstan// dang por rdul tshon dkyil 'khor bri// 'dom do pa 'am 'dom gang ba// gru bzhi mthas par byas pa la// thig ni legs par yongs btab la// sa tshon byin gyis brlab bya la// tshon rnams dgye ba'i rim pa ni// dbus kyi pho brang mthing ga la// pad+ma 'dab brgyad mdzes par btang // shar gyi cha ni dkar po la// lho yi cha ri ser po ste// nub kyi cha ni dmar por snang // byang gi don yod grub pa ljang // mthing ga dkar dang ser dang dmar// ljang bu rnams su gsungs pa ni// pany+tsa re khA'i rtsig pa'o// sgo gnyis mtshams dang twa ra Na// dra ba dra ba phyed pa dang // rgyan rnams kyis ni rnam par spras/ tha ma srung ba phreng bas brgyad// dkyil 'khor gyi ni shar ngos su// dbang stegs steng du mdzes pa'i gdan// sku gsung thugs kyi rtag mchog bzhag/ chu gsum dus pas khrus rnams bye// mchod pa'i yo byad rdzogs pa la// bla re gdugs dang rgyal mtshan dang // me tog rnams kyis yongs su klubs// de nas rang gi bsam pa rdzogs// lhag pa'i ting 'dzin gsal bar shes/
- 222b
dbang bskur ba la rab tu gnas// gsung ni hrIHlas byung ba'i rigs// thugs ni mi bskyod rdo rje sems// sku ni rtag pa'i rang bzhin no// sAts+tsha mchod rten la sogs pa// sangs te zhu nas lce las/ ni// ye shes sAts+tsha mchod rten gyi// 'byung ba'i rgyu ru rnam par snang // lha khang 'bru yi rten las su// gong gi stobs kyis gong 'gyur ba// rang gi snang ba 'byung ba yin// slob dpon rab tu 'gyings bcas pas// rdo rje dril bu ldan pa yis// bde gshegs nam mkhar spyan drangs la// phyag 'tshal mchod bstod rgyas par bya// de nas phyag rgya bzhi ldan pas// rtag gsum dag la bzhag par bya// des ni mchod pa rgyas pa'o// dkyil 'khor gsang ba'i lha la dbul// rin chen sna bdun lha mo brgyad// ma lus bstod cing bzod par gsol// gsang sngags rgyal po mtha' la ni// 'bru gsum yi ge btags pas ni// brgya rtsa brgyad nas stong rtsa brgyad// bzlas pa 'od zer gzhung bzhin bstim// zhubs sku gsung thugs kyi rtags// rang rang rnams la gsal zhing rgyas// de la mchod pa sna tshogs kyang // dkon mchog skyabs chen rnams dang yang // ma lus lus pa med pa la// yang dag pa ru rab tu bsngags// gtor ma gnyis kyis gtsang ris dang // bgegs dang ris drug ma lus pa// gtor ma chen po sbyin du mchod// bskor ba bya zhing smon lam gdab// rab gnas bsdus pa'i tshe ga naM// nI lAM badz+ra mtha' bsgyur la// na mo bud d+hA ya// na mo d+harmA ya// na mo smai b+hA ya/ ad na te/ dar ni/ tad+ya thA/ AM kaR+Sha Ni/ sar+b+ba ba/ sarba d+har+m+mA/ nis sam/ i sa ma thi/ pi pa sha na/ bi ma la su pa ri/ d+harmA ka ti ka na/ ba la ni si shwa/ ya tha ma le/ tsi la tsa le tsa le/ bu lwa/
- 223a
hu lu/ bi shad de/ man+t+ra man+ta swA hA// stong dang brgya yi bzlas pa yis// ska gsum thugs kyi ngo bo ru// byin gyis brlabs pa tsam ni bya// yang na tre yang de/ zhes pa'i sngags kyis bya// de ltar slob dpon de la ni// ci yod rang gi nor rnams dbul// de nas rab gnas brtan pa yis// mgron rnams dgye zhing smon lam gdab// shi ba phyi yi cho ga yang // khrus byas rdul tshon gong bzhin bri// spyan drang mdun gyi nam mkha' la// mchod cing ye shes me nas bsang // sbyang zhing ro ni sreg rdzas su// me lha nyid la dbul bar bya// gtor ma cha gnyis cho ga yis// bsngo zhing smon lam gdab par bya// thig bsdus sa tshon chu la dbo// 'di brtsams pa yi dge ba yis// bdag dang khams gsum sems can rnams// nad dang sdug bsngal rtsad chod nas// zhing khams gtsang mar skye bar shog/ dge slong nA gArdza nas mdzad pa rdzogs so// / 6/ btod ma'i brgyan bzhugs/ @#// rgya gar skad du/ ba lI tA laM kA ra/ bod skad du/ gtor ma'i rgyan/ bcom ldan 'das rdo rje bsnams la phyag 'tshal lo// kun gyi grogs 'grol las kyi mchog/ bkra shis bar chod sel mdzad pa// gtor ma'i las ni bdag gis bshad// phyi nang gtor ma rgya chen 'di// rgyas par gtor ma chen po bstan// bsdus pa la sogs man ngag 'di// sgrub pa po yi don du bsdus// thams cad ldan pa'i gtor ma la// hUM gi 'od zer 'phros pa yis// raM gyis bsregs te yaM gis/ pus// khaM gis bkrus te dag pa las// stong pa'i ngang las yaM las rlung // ma dang brten pa'i dngos po dang // a las bde skyong nang du ni// baM las bdud rtsi chu rgyun 'byung // de dbus zabs dang /
Colophon
dge slong nA gA rdzu nas mdzad pa rdzogs so/