S441MW22083_0441rgyudAll versions of this work

'jig rten gsum las rnam par rgyal ba rtog pa'i rgyal po chen po

Trailokyabijāyamahākalparāja

Text

ff. 189a–252a · 127 folio sides

  1. 189a

    rnal 'byor mchog/ mkhas pas de la bshad par bya// thams cad gsung ba zhes bya ba'i rgyud kyi rgyal po rdzogs so// / rgya gar gyi mkhan po padz+ra kAr barma dang / zhu chen gyi lo tsa ba dge slong rin chen bzang pos bsgyur cing zhus te gtan la phab pa'o// rgya gar skad du/ tre lo kya bi dzA ya mahA kalpa rA dza/ bod skad du/ 'jig rten gsum las rnam par rgyal ba rtog pa'i rgyal po chen po/ dpal rdo rje sems dpa' la phyag 'tshal lo// 'di skad bdag gis thos pa dus gcig na/ bcom ldan 'das ri rab ri'i rtse mo na rdo rje dang nor bu rin po che'i rtse mo'i khang pa brtsegs pa na// byang chub sems dpa' bye ba phrag du ma dang / lha dang / klu dang / gnod sbyin dang / dri za dang / 'am ci dang / 'byung po dang / sha za dang / brjed byed dang / ma mo rnams dang / bltar rung ba dang / bltar mi rung ba dum sangs rgyas kyi bstan pa la mngon par dad pa rnams dang thabs cig tu bzhugs de nas bcom ldan 'das phyag na rdo rje byang chub sems dpa' chen po nam mkha'i dkyil nas babs te/ bcom ldan 'das kyi zhabs gnyis la spyi bos phyag 'tshal nas/ bcom ldan 'das la lan gsum bskor ba byas nas 'di skad ces gsol to/ / yang bcom ldan 'das bdag gis lha chen po la sogs pa sems can ma rungs pa de dag la dam tshig 'dzin du stsal bar 'tshal

  2. 189b

    na/ / bcom ldan 'das de'i slad du bdag la bka' stsal du gsol// de nas phyag na rdo rje byang chub sems dpa' sems dpa' chen po'i tshig bcom ldan 'das chos kyi rgyal po chen po de bzhin gshegs pas gsan nas/ phyag na rdo rje la 'di skad ces gsungs so// gnod sbyin khyod shin tu khengs pa/ shin tu khro ba/ shin tu 'thur ba/ de ji ltar khyod kyis sems can rnams kyi don gyi phyir 'di lta bu'i sngags kyi tshig smra/ de nas bcom ldan 'das la/ phyag na rdo rje byang chub sems dpa' sems dpa' chen pos 'di skad ces gsol to// de'i phyir na bcom ldan 'das bdag sems can ma lus pa 'dul bar bgyid de/ / gang gi phyir na bdag gis 'dod pa'i bde ba can rnams dbang du bgyi ba la sogs pas btul nas bla na med pa'i bde ba la 'god par 'tshal lo// sems can ma rungs pa rnams gsad pa la sogs pas sbyangs te/ zhi ba la dgod par 'tshal lo// de nas bcom ldan 'das kyis/ phyag na rdo rje byang chub sems dpa' la legs so zhes bya ba byin te/ phyag na rdo rje legs so legs so/ / 'jig rten thams cad kyi don gyi phyir dang / phan pa'i phyir dang / bde ba'i phyir snying po 'di smros shig/ de nas phyag na rdo rje byang chub sems dpas lha thams cad nas/ mi rnams thams cad kyi bar du sangs rgyas kyi bstan pa la mngon par dad pa de rnams la bka' stsal pa/ grogs po dag sangs rgyas la skyabs su dengs shig/ nga'i bka' yang rjes su skyongs shig

  3. 190a

    de nas bcom ldan 'das kyi zhabs gnyis la phyag na rdo rjes phyag 'tshal nas 'jig rten gsum las rnam par rgyal ba'i snying po 'di gsungs so/ / oM swam+b+ha ni pran+na n+tu/ u0f7fdz+dzaT+Ta g r-ih+NA pa ya gr-ih+NA pa ya hU~M/ A na ya ho b+ha ga bAn badz+ra hUM phaT/ de nas 'di gsungs pa tsam gyis 'jig rten gsum thams cad g.yos/ rab tu g.yos/ kun tu rab tu g.yos so// 'gul/ rab tu 'grel/ kun tu rab tu 'gul lo// 'phar/ rab tu 'phar/ kun tu rab tu 'phar ro// de nas lha thams cad la sogs pa sems can thams cad 'dar yad yed nas bcom ldan 'das ga la der lhag kho ra khor yug dang kho ra khor yug chen po'i ri la sogs pa tshun chud kyi gling bzhi pa'i 'jig rten gyi khams thams cad du sems can thams cad kyis gang ngo / / de nas bcom ldan 'das phyag na rdo rjes gling bzhi pa'i 'jig rten gyi khams su tshogs pa'i dkyil 'khor chen po la gzigs nas 'di skad gsungs so/ / grogs po rnams sangs rgyas la sogs pa la skyabs su 'gro bar khas long zhig/ nga'i bka' yang rjes su skyongs shig/ de nas 'dus pa'i 'khor chen po thams cad bcom ldan 'das phyag na rdo rjes skrag ste 'dar yang yad nas bcom ldan 'das de bzhin gshegs pa la skyabasu dong ngo // de nas bcom ldan 'das la/ lha chen po'i lha dang / mthu bo che dang / tshangs pa rnams kyis 'di skad ces gsol to// bcom ldan 'das 'di lta bu'i sems can 'di ltar rdzu 'phrul che ba/ 'di ltar byin che zhing bdag cag 'chos

  4. 190b

    pa 'di su lags/ de nas bcom ldan 'das kyis don 'di bstan pa'i phyir tshigs su bcad pa 'di glengs te gsungs so// sems can kun la phan pa'i phyir// sangs rgyas kun gyis byin gyis brlabs kun tu bzang po kun gyi bdag/ sangs rgyas thams cad nyid bskyed 'di// phyag na rdo rje gnod sbyin che// ma rungs 'chol la dbang ba ste// gang ming brjod pa de yis ni// sangs rgyas sa yang thob par 'gyur/ / de nas phyag na rdo rje byang chub sems dpa' chen pos yang gsungs pa/ kye kye lha dag sangs rgyas la skyabs su deng la nga'i bka' bzhin du'ang gyis shig/ rdo rje 'bar ba gcig tu 'bar bar gyur pa 'dis khyed thams cad gtan bsregs par gyur ta re/ de nas lha chen po la sogs pa rnams kyis 'di skad ces smras so// khyod ni gnod sbyin/ nged ni lta bas na nged kyis gnod sbyin gyi bka' rjes su skyong bar mi nus so/ / de nas phyag na rdo rjes 'di thos nas khros te/ bcom ldan 'das la 'di ska ces gsol to// bcom ldan 'das bcom ldan 'das rnams kyis bdag ma rungs pa thams cad 'dul bar dbang bskur te bskos so/ / de bas na gal te bcom ldan 'das kyis bdag la bka' stsal na lha chen po 'di 'dul bar 'tshal lo// de nas bcom ldan 'das kyis/ lha chen po la 'di skad ces gsungs so/ / sems can chen po khas long zhig/ 'dis khyod gsad da re/ de nas bcom ldan 'das la/ lha chen po la sogs pa 'jig rten gsum thams cad kyi dbang po rnams

  5. 191a

    kyis 'di skad ces gsol to/ / bco ldan 'das gnod sbyin ma rungs pa 'di'i bka' bzhin byed pa bdag cag ma lags so// de nas lha chen pos bcom ldan 'das kyi zhabs gnyis la phyag 'tshal te/ bcom ldan 'das phyag na rdo rje la 'di skad ces smras so// kye gnod sbyin nga ni thams cad kyi dbang po chen po/ byed pa po/ 'joms pa po/ skye dgu'i bdag po tshangs pa'o// gtogs 'dod do// dbang phyug chen po'o// de nas phyag na rdo rje byang chub sems dpa' chen po khros nas 'di skad gsungs so// khyod ni lus srul po/ mi sha za ba/ ma rungs pa/ drag shul gyi las byed pas na gtum po ste/ sha ba'i lus bsrel ba na ji ltar tshangs pa dang // gtogs 'dod dang / dbang phyug chen po yin/ tshangs pa zhes bya ba ni mi 'gyur ba'o// gtogs 'dod ces bya ba ni thar pa'o/ / dbang phyug chen po zhes bya ba ni 'dod pa'i khams kyi dbang po ste// sems can thams cad kyi dbang po dang yin pas 'dul nus so// de nas dbang phyug chen po lha chen po khros nas bcom ldan 'das kyi zhabs gnyis la phyag 'tshal te/ 'jig su rung ba chen po'i gzugs khros pa chen po'i gad mos bgad nas/ 'jigs pa chen por byed pa/ 'bar ba chen po gtong ba/ 'jig rten gyi khams thams cad mtha' med par gzugs sna tshogs su byas/ 'bar ba chen po'i grub pa/ mi mtshungs pa/ rdo rje dang / mdung rtse gsum pa dang / 'khor lo dang / sha ka ti dang / be con dang / mi mtshungs pa'i

  6. 191b

    mtshon cha 'debs shing gtong ba rnams kyi tshogs dang / 'byung ba'i tshogs dang bcas par kun bstan to// bdud dang bgegs byed pa dang / mtha' dang mu med pa'i gzugs sna tshogs su sprul/ khro bo rab tu mi bzad pa ma rungs pa'i tshogs chen po dang lhan cig tu rab tu 'thab cing shin tu 'gyed pa/ gling bzhi pa'i 'jig rten gyi khams mtshan mo'i mun nag tu byas/ 'bar ba chen po'i phung pos glongs te rab tu snang bar byas so/ / de nas bcom ldan 'das phyag na rdo rje 'chang ba chen po cung zad du mche ba'i thog ma gtsigs pa/ smin ma'i mtshams kyi khro gnyer gyi rlabs bskyod pa/ mig g.yon pa cher bgrad de/ rdo rje'i lta ba khro ba dang bcas pas zab mo'i tshig gis shigs pa/ snying po mchog 'jig rten gsum las rnam par rgyal ba'i dpal zhes bya ba 'di gsungs so// hUM/ de nas hUM zhes bya ba des stong gsum gyi stong chen po'i 'jig rten gyi khams kun sgra des gang nas/ g.yos/ rab tu g.yos/ kun tu rab tu g.yos so// 'khrol/ rab tu 'khrol/ kun tu rab tu 'khrol lo// de nas dbang phyug chen po la sogs pa lha'i tshogs thams cad bcom ldan 'das la skyab tu gsol/ bde bar gshegs pa skyab tu gsol zhes nas/ bcom ldan 'das la skyabs su dong ngo // de nas bcom ldan 'das kyis/ phyag na rdo rje la 'di skad ces gsungs so// gang 'di lta bu'i sngags kyi tshig smra ba ni khyod rab tu mi bsrungs so// de nas phyag na rdo rjes bcom ldan 'das kyi zhabs gnyis la phyag 'tshal nas/ yang 'jig rten gsum las rnam par rgyal ba 'di gsungs so//

  7. 192a

    oM sum+b+ha ni sur+N+Na rmA/ gr-in+ta gr-its+tshats+tsha/ gr-ih+NA pa ya gr-ih+NA pa ya ts+tsha/ A na ya ho b+ha ga bAn badz+ra rU phaT/ de nas 'di gsungs pa tsam gyis lha chen po la sogs pa lha'i bdag po thams cad 'khor dang bcas par bcom ldan 'das phyag na rdo rje gang na ba der mgo rkang bzlog ste/ ri rab ri'i rtse mo'i dkyil 'khor chen por btsud nas brlams par byas te/ bcom ldan 'das phyag na rdo rje'i zhabs g.yon pas mnan to/ / de nas bcom ldan 'das kyis/ phyag na rdo rje byang chub sems dpa' sems dpa' chen po la legs so legs so zhes bya ba byin te/ phyag na rdo rje khyod kyis 'di 'dra bar sems can 'dul bar byed pa legs so legs so/ / de bas na thul la dbugs phyung zhig/ de nas phyag na rdo rje byang chub sems dpa' sems dpa' chen pos de dag gi don gyi phyir rdo rjes bcings pa 'di gsungs so// oM badz+ra dr-i D+ho me b+ha ba rak+Sha sar+b+ba na swA hA/ de nas phyag na rdo rjes 'di gsungs pa tsam gyis lha chen po la sogs pa lha de dag dran pa rnyed do// de nas bcom ldan 'das kyis/ de dag la 'di skad gsungs so// grogs po dag sems can chen po 'di'i bka' bzhin byed par khas long zhig/ de nas bcom ldan 'das la/ de dag thams cad mgrin gcig tu bdag cag mchid kyis 'tshal lo zhes gsol to// de nas phyag na rdo rje byang chub sems dpa' sems dpa' chen pos yang rang gyi snying po 'di gsungs so/ / hU~M Tak+ki ho/ de nas 'di brjod pa tsam gyis lha la sogs pa thams cad dbang du byas te/ bcom ldan 'das phyag na rdo rje la phyag 'tshal nas mchi

  8. 192b

    ma blags te nga ro bton nas skyabs su dong ste/ bcom ldan 'das la skyab tu gsol/ de bdag cag khyod kyi bka' nyan na ji ltar bgyi ba stsal du gsol zhes so// de nas phyag na rdo rje byang chub sems dpa' sems dpa' chen pos de rnams la gsungs pa/ grogs po dag byang chub kyi sems dang / sdom pa gzung bar khas long zhig/ de dag gis gsol pa/ bcom ldan 'das bdag cag gis sangs rgyas bcom ldan 'das rnams la bsnyen bkur bgyid cing byang chub tu sems bskyed par 'tshal lo/ / de nas phyag na rdo rje byang chub sems dpa' sems dpa' chen pos yang de rnams ji lta ba bzhin du dkyil 'khor du btsud nas sdom pa gzung du bcug ste byang chub kyi sems brtan par byas pa/ sems can thams cad bde ba stsol// phyag na rdo rje bdag che dang // 'dod pa smad par mi bya'o// 'di ni gsang ba yin no// de nas bcom ldan 'das kyis de dag sdom pa 'dzin du bcug nas dam tshig byin pa ni/ oM badz+ra sa ma ya a b+hi Shits+tsha bi rA ga ya sar+b+ba kA man hUM phaT/ de nas de dag gis smras pa/ 'di ni bdud kyis smras pas na bdag cag mi nyan to/ / de nas bcom ldan 'das de bzhin gshegs pas de dag la khyed cag gis 'di lam brnyas shig ces gsungs pa dang // de dag gis gsol pa/ ji ltar 'dod chags dang bral ba ni sangs rgyas kyi byang chub bo zhes bcom ldan 'das kyis bka' stsal to/ / bcom ldan 'das kyis bka' stsal pa// kye grogs po dag ni ji ltar 'dul bzhin byed pa ste/ de nyid kyis 'jig rten gyi khams 'di sa/

  9. 193a

    'byin te/ ji ltar bde ba la mi chags pa dang / sdug bsngal la 'dod chags pa ji lta bus 'jig rten 'dul bar 'gyur ba'i chos sangs rgyas bcom ldan 'das rnams 'chad par mdzad de/ de dag sbyang ba'i phyir 'di ni de bzhin gshegs pa thams cad kun tu bzang po byang chub sems dpas ci nas kyang 'dod chags dang bral bar ma byed cig ces bka' stsal to/ / de nas phyag na rdo rjes yang gsungs pa/ oM badz+ra sa ma ya a b+hi Shiny+tsAm bi ra ga ya sar+b+ba kA mAM hUM phaT/ de nas de dag gis ji ltar bcom ldan 'das kyis bka' stsal pa bzhin no'i/ gsol to// de nas yang phyag na rdo rjes lag tu rdo rje byin te/ rdo rje dbang bskur ba 'di byin no/ / oM badz+rA a b+hi Shiny+tsa sar+b+ba ta thA ga ta badz+ra d+ha rod tre badz+ra pa Ni sIHsas/ de nas rdo rje ming gis dbang bskur ba byin pa ni/ 'di lta ste/ dbang phyug chen po ni rdo rje rigs sngags mchog go/ / mthu bo che ni rdo rje sgyu ma'o// tshangs pa ni rdo rje mi smra ba'o// sgra gzhon nu ni rdo rje dril bu'o// dbang po ni rdo rje 'thab cha ste/ de dag la sogs pa 'jig rten gsum gyi dbang po thams cad rig pa'i blon po chen por dbang bskur ro/ / de nas bar snang la rgyu ba rnams rdo rje ming gis dbang bskur ba byin pa ni/ 'di lta ste/ bdud rtsi 'khyil ba ni rdo rje 'khyil ba'o// zla ba ni rdo rje 'ongango / / be con rtse mo ni rdo rje becon no// skya slong ni rdo rje rgya slong ste/ de rnams ni rdo rje khro bor dbang bskur ro// de nas nam mkha' la rgyu ba'i lha rnams rdo rje ming gis dbang bskur ba byin pa ni

  10. 193b

    'di lta ste/ chang gis myos pa ni rdo rje srin po'o// chang byed ni rdo rje 'phreng ba'o// rgyal ba ni rdo rje dbang ngo // rgyal ba skyed pa ni rdo rje rnam par rgyal ba ste/ de dag la sogs pa ni tshogs kyi bdag bor dbang bsgyur ro/ / de nas sa pa rnams rdo rje ming gis dbang bsgyur ba byin pa ni/ 'di lta s+t+waM/ mdzod skyong ni rdorjeklu shing ngo // rmu ni rdo rje rlung ngo // me ni rdo rje ma'o// grwa per ni rdo rje 'jigs pa ste/ de dag la sogs pa ni rdo rje pho nyar dbang bskur ro// de nas sa 'og na gnas pa'i lha'i dbang po thams cad rdo rje ming gis dbang bskur ba byin pa ni/ 'di lta ste/ phag ni rdo rje kyo ba'o// gshin rje ni rdo rje nag po'o/ / sa'i spyi bo ni rdo rje rnam 'dren no// ba ru Na ni rdo rje klu ste/ de dag la sogs pa ni rdo rje bran du dbang bskur ro// de nas 'jig rten gsum gyi bdag po rnams kyis lha mo thams cad kyi lag tu rdo rje byin te rdo rjes dbang bskur nas/ rdo rje ming gis dbang bskur ba byin pa ni/ 'di lta ste/ nyon mongs pa ni rdo rje khro ba ma'o// nor can ni rdo rje gser ma'o// tshangs ma ni rdo rje zhi ba'o// dug mo ni rdo rje gzhon nu ma'o/ / dbang mo ni rdo rje khu tshur te/ de dag la sogs pa ni rigs kyi blon mo chen mor dbang bskur ro// de nas par snang la rgyu ba'i ma rnams dbang bskur ba byin pa ni/ 'di lta ste/ bdud rtsim ni rdo rje bdud rtsi ma'o/ / 'khrungs ma ni rdo rje sdug gu ma'o// be com 'chang ma ni rdo rje be tson rtse mo'o// skye 'phrog ma ni rdo rje rked 'chings maste// de dag la sogs pa ni rdo rje khro mor dbang bskur ro//

  11. 194a

    de nas nam mkha' la rgyu ba'i ma rnams dbang bskur ba byin pa ni/ 'di lta ste/ gsod ma ni rdo rje gsod ma'o// za ba mo ni rdo rje za ba mo'o// gos ni rdo rje bgo ba mo'o// dga' mo ni rdo rje/ dbang mo ste// de dag la sogs pa ni rdo rje tshogs ma mor dbang bskur ro// de nas sa la rgyu ba'i ma rnams dbang bskur ba byin pa ni/ 'di lta ste/ zhi ma ni rdo rje pho nya mo'o// rlung ma ni rdo rje mgyogs ma'o// me ni rdo rje 'bar mo'o// ku be ra ma ni rdo rje thag gu ma ste/ de dag la sogs pa ni rdo rje pho nya mor dbang bskur ro// de nas sa 'og na gnas pa'i ma rnams dbang bskur ba byin pa ni/ 'di lta ste/ phag mo ni rdo rje gdong ngo / / mgo lpags ma ni rdo rje nag mo'o// sna chad ma ni rdo rje myags ma'o// klu mo ni rdo rje chu srin ma ste// de dag la sogs pa ni bran mor dbang bskur ro// de nas phyag na rdo rje byang chub sems dpa chen pos btsud pa de dag thams cad kyis sad+ma rgyas kyi ye shes bskyed nas rdo rje'i dam tshig byin pa'o/ / oM ba li tong pa li tod badz+ra A kaR+Sha ya hUM dza/ lha rnams dgug pa'o// oM badz+ra a gr-i bi Ta ya sa ma ya hUM/ bar snang la rgyu ba rnams kyi'o// oM badz+ra mA lA gra laM/ 'phreng ba 'chang ba rnams kyi'o// oM badz+ra ban d+ha NaM/ sa la rgyu ba rnams kyi'o// oM badz+ra pA tA la b+hany+dza b+hany+dza hUM phaT/ sa 'og na gnas pa / rnams kyi'o// oM he ru ka badz+ra sa ma ya sar+b+ba duSh+TAM sa ma ya mu pra b+hany+dza tsakra hUM phaT/ ma rnams thams cad kyi'o// de nas bcom ldan 'das kyi zhabs gnyis la phyag na rdo rjes phyag 'tshal nas 'di skad ces

  12. 194b

    gsol to/ / bcom ldan 'das bdag ni sems can thams cad 'dul ba lags na/ bcom ldan 'das ma rungs pa'i sems can gyi dkyil 'khor de dag la ji ltar bgyi ba bka' stsol cig/ bcom ldan 'das kyis gsungs pa/ gang gis sems can de rnams sems can thams cad la phan pa byas nas tha na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i dam tshig 'di nyid la tshud cig/ de nas yang phyag na rdo rjes gsol pa/ bcom ldan 'das mkha' 'gro ma la sogs pa 'di dag la nan tan ji ltar bgyi/ rims la sogs pa ji ltar bgyi/ dmyal ba la sogs pa ngan song gi 'gro ba rnams ji ltar bgyi/ bcom ldan 'das kyis gsungs pa/ dam tshig de nyid la nan tan byed du tshud cig/ de nas phyag na rdo rjes yang gsol pa/ bcom ldan 'das mi 'di rnams ji ltar nan tan bgyi/ bcom ldan 'das kyis gsungs pa/ de bzhin gshegs pa thams cad kyi dkyil 'khor chen por btsud nas rdo rje'i dkyil 'khor du tshud cig/ rdo rje'i dkyil 'khor du btsud nas dam tshig gi dkyil 'khor du tshud cig/ dam tshig gi dkyil 'khor du btsud nas las kyi dkyil 'khor du tshud cig/ de nas phyag na rdo rje byang chub sems dpa' chen po/ bcom ldan 'das kyis gsung ba la yi rangs te tshigs su bcad pa 'di smras so/ / sems can kun la phan pa'i phyir// sangs rgyas kun gyis byin brlabs te// grub pa thams cad byed pa'i mchog/ dkyil 'khor

  13. 195a

    chen po bshad par bya'o/ / de nas yang dag rang bshad pa// dkyil 'khor chen po dam partse// chos kyi dkyil 'khor chul 'dra bar// dkyil 'khor thams cad thig gdab bo// de la srang bu bre ba'i cho ga ni/ 'di lta ste/ gsar zhing legs par byas pa dang // tshad ma bzang po'i srad bu yis// shes rab can gyis srang bre ba// 'jig rten gsum rgyal dran zhing ngo // de yi dbus su gdab pa ni/ / seng ldeng phur pa brtan par ro// de la srad bu bre gsungs pa// srad bu nyis bltab kyis bya ste// bcu drug cha ru bgo bar bya// thams cad du ni ri ma gsum mchog/ kho ra khor yug rigs dag kyang phur bu yis mi de bzhin no/ / de yi nang du bya ba ni// srad bu rim bdun ldan par te// tshon ser dri mim ldan pa yis// theg rnams kyang ni gdab par bya// de yi dbus su gzhag pa ni/ shin tu bkrabs pa'i nas phul bzhi'o// de yi steng du mgon po ste// sangs rgyas gzugs brnyan gzhag par bya// sangs rgyas thang 'khor thams cad du// byang chub brgyad ni rim bzhin par// bri 'am yang dag gzhag par bya/ / mtshon sna lnga mchog rnams kyis so// sangs rgyas spyan snga de ru ni// phyag na rdo rje de bzhin no// bri 'am gzhag par bya ba ni// rdo rje hUM zhes par 'dul ba'o// de yi zhabs ni g.yon pa yis/ dbang phyug chen po mnan par bya'o// g.yas pa'i zhabs kyis btsir ba ni// nyon mongs ma yin lha mo'o// 'dod drug spyod pa'i lha rnams kyang // srad bu rim bdun par dag tu// bri 'am yang na gzhag

  14. 195b

    par bya/ / rdo rje shugs kyis 'gongs nas su// phyi rol byung nas de ru yang // gling rnams pa'i yang bri bar bya// dbyibs dang cho ga ji bzhin du// grwa yi ri mo legs par dgod// gling rnams kyi dbus thams cad du/ / 'jig rten ji bzhin sogs par bya// tshangs pa la sogs de bzhin rnams// de ru 'jig rten dbang po dgod// kho ra khor yug pa'i ri dang // gling rnams kyi yang bar dag tu// phyi yi rdo rje rigs rnams kyi/ / dkyil 'khor yang dag bri bar bya// sgo srungs bri bar bya ba yang // rdo rje sgo bzhi de dag tu// rdo rje kyo bzhags pa dang // srog dang dril bu de bzhin no// kho ra khor yug ri yi ni// phyi rol dmyal ba brgyad rnams so/ / gnam ngal dang ni nad dag dang // mkha' 'gro ma dang don drag rnams// gzhag gam yang na bri bar bya// chos min can ni gzhig phyir ro// de yi phyi rol du dgod pa// gtor ma sna tshogs mchog rnams so/ / de nas dkyil 'khor chen po'i cho ga 'byung ste/ de la thog ma nyid du slob dpon gyis de bzhin gshegs pa thams cad la phyag 'tshal nas 'jug pa ni gtsang mas gos gtsang ma bgos la// se ral thag gu dmar po thogs nas rdo rje 'dzin ma'i phyag rgya bcings la/ de'i steng du dri zhim po'i me tog gzhag nas snying po 'di brjod la zhugs shig/ oM badz+ra pra tIts+tsha maM ha ha ha ha hi/ de nas pus mo g.yas pa'i lhang ma la btsugs nas du ru ka'i bdug pa'am ci bdog pas gsol to/ / rdo rje 'dzin ma mdzub mo gnyis kyo bcang du byas la snying po 'di brjod do// oM uru kra gra bo r-i Ni bi ri tsi badz+ra ma ya bi b+hid ye swAH/ r

  15. 196a

    tsa gcig bzlas na de las mtshan ma 'byung ba ni ba spu g.yo ba la sogs pa dang / / sa g.yo ba 'am/ dri zhim po 'am/ 'od zer mthong ba'o// de nas phyag na rdo rje'i spyi bor me tog gtor cig/ de nas slob ma gzhug ste/ de thog ma nyid du bkrus nas slob ma gos gtsang ma bskon te/ gsum la skyabs su btang ba dang / bslab pa'i sdom pa la so sor gnas par byas nas/ de nas byang chub kyi sems skyed cig/ de nas gdong ras kyis g.yogs nas mgo gtsug tor du byas te/ rdo rje 'dzin ma'i phyag rgya bcings la chug cig/ bcug nas me tog gtor te/ de nas gang la babs pa de ni de'i lha'o/ / de nas gdong bcings pa bkrol nas rang gi rig pa'i lha ston la/ de la mchod cing slob dpon la'ang ci 'dod pa'i yon phul nas/ de rang gi rig pa 'am sngags bzlas te phyag rgya'ang bcing ngo/ / 'jig rten gsum las rnam par rgyal ba rtog pa chen po'i rgyal po las/ 'jig rten gsum gyi 'khor lo zhes bya ba'i dkyil 'khor chen po'o// / de nas rdo rje'i dkyil 'khor 'byung ste/ rdo rje 'phreng ba mnyam ldan pas// rdo rje'i dkyil 'khor brtag par bya// 'jug par bya ba de bzhin te// las kyang de dang 'dra bar bya'o// dkyil 'khor de ru zhugs nas ni// de bzhin rdo rje gsor bar bya/ / 'jig rten gsum rgyal rab bslabs nas// rdo rje mchog ni bsgrub par bya// de la rdo rje sgrub pa'i cho ga ni lag pa gnyis rdo rje'i phyag rgya 'dzin pas rdo rje bzung nas ji srid du 'gul ba de srid bzlas

  16. 196b

    so/ / de phyin nad rdo rje des las thams cad byed do// rdo rje'i dkyil 'khor ro// de nas dam tshig gi dkyil 'khor 'byung ste// dkyil 'khor chen po kun bris nas// mtshan ma thams cad bstan par bya/ 'jug pa rdo rje dril bu dang // rdo rje 'dzin mchog phyag rgyas so// de la rdo rje dril bu'i phyag rgya ni 'di yin no// rdo rje 'dzin ma kun byas nas// rdo rje kun tu brtag bya ba// g.yas par bzhag nas g.yon pa yis// dril bu gsil nas 'jug par bya// btsud nas su ni dril bu de// mnyam par bzhag pas gsil bar bya// slob dpon gyur cig dam tshig kyang // rtag tu srungs shes brjod par bya// ji ltar dril bu'i sgra 'di ni// de yi mi rtag pa ru gsungs// de ltar khyod la byin na ni// rdo rje chen po zhes bya 'dis// nges par sreg par 'gyur ba ni// de ste rdo rje 'dzin dang dang // skyabs gsum brtul zhugs de bzhin te// ji ltar byang chub sems 'dod rnams/ / khyod kyis de tshe spangs gyur na'o// de la 'di ni dam tshig gi sngags so// oM sar sa ma ya hUM phaT/ de nas de bzhin du 'dug la/ de nas rdo rje'i chu 'di blung do// de nas gdong bcings pa bkrol nas cho ga bzhin du bya'o// dam tshig gi dkyil 'khor ro// de nas las kyi dkyil 'khor 'byung ste/ de bzhin dkyil 'khor bris nas su// cha lugs mang po gzhag par btsung nas las rnams thams cad kyang / / slob dpon gyis ni de bzhin bslab// de nas las kyi rab tu sbyar ba 'di'o// bcom ldan 'das kyi spyan sngar thab gru bzhir byas la/ mngar po'i yam cing

  17. 197a

    la me bus la/ mngar po'i me tog dang 'bras bu rnams sbrang rtsi dang mar la sbags te/ bla gos g.yas su gzar la ku sha'i bam po la 'dug ste/ rdo rje'i tshig tu bzlas shing / zhi ba dang / rgyas pa dang / dbang du bya ba la sogs pa zhi ba'i las rnams la lag pa g.yon pas bdag gi phyag rgya bcings la/ g.yas pas bsregs na de dag 'grub par 'gyur ro// bcom ldan 'das kyi rgyab tu thab zur gsum du kha ba'i tshor ma rnon po'i yam shing dang / 'dab ma dang / me tog dang / yal ga dang / rtse mo dang / sdong bu dang / 'bras bu'ang de dang 'dra bar rang gi khrag gis bskus nas stan mkhrang po la 'dug ste/ bla gos g.yon du gzar la khros pa'i tshig gis bzlas shing g.yon pas bsregs na dgug pa dang / gzhug pa dang / bcing ba dang / rgyas gdab pa dang / gzhom pa dang / btsir ba dang / bskal ba dang / myos par bya ba dang / gtan 'pho ba la sogs pa las drag po rnams rab tu 'grub par 'gyur ro// de nas bcom ldan 'das de bzhin gshegs pa thams cad dgug pa dang / dam tshig gis bcing ba dang / dbang du bya ba la sogs pa grub pa thams cad kyi las ni bcom ldan 'das kyi g.yas su rtswa 'jam po bting ba la 'dug nas/ stod g.yogs sbyar ma lhar bgos te/ ting nge 'dzin gyis bzlas shing 'khor lo tsA bu'i thab tu dra ba med pa'i mdag ma la til dang 'bras la sogs pa nas 'bras g.yas g.yon gyis sreg go// bcom ldan 'das kyi g.yon du rdo rjeH

  18. 197b

    bu'i thab byas la stod g.yogs kyis yan lag thams cad bcings la rlod stan 'jam po la 'dug nas/ yam shing thams cad 'bar ba'i 'phreng ba 'dzings pa'i me la lag pa g.yas pa rdo rje dang bcas pa rdo rje khu tshur gyi phyag rgya bcings nas/ lag pa g.yon pa rdo rje khu tshur 'dzin pas gzar bu bzung nas 'dzum zhing dga' bar byas te/ rdo rje tshig gis zlos shing ro thams cad bsregs na/ rdo rje 'dzin pa dgug pa dang / gzhug pa dang / bcing ba dang / dbang du bya ba la sogs pa dam pa 'grub pa'i sbyin sreg gi cho ga'o// 'jig rten gsum las rnam par rgyal ba rtog pa chen po'i rgyal po las/ dkyil 'khor thams cad kyi cho ga'o/ / de nas yo byad bshad par bya'o zhes nas/ bcom ldan 'das rdo rje 'dzin gyis gsungs pa/ dkyil 'khor gyi cho ga thams cad mthong nas sgrub bo/ de ci'i phyir zhe na/ dkyil 'khor du ni ma zhugs sam// dam tshig spangs par gyur pa ni// phyag na rdo rje mi 'grub pa// gsang ba yang dag mi shes pas// bcom ldan sems dpa' 'dod pa'o// chags dang rdo rje de nyid de// de la chags par ma gyur na// phyag na rdo rje mi 'grub bo// de bas yang dag ma mthong bas// dkyil 'khor du ni grub ma gsungs// yang dag ma mthong grub pa'i// bam can gyis mi 'grub bo/ / bar du 'jigs pa rnyed nas su// nad kyis kyang ni 'jigs par byed// gdon yang de la brtson par 'gyur// shi nas du 'bod du ltung ngo // de ltar dkyil 'khor thams cad du

  19. 198a

    @chug la nad dang gdon la sogs pa ston cig/ bcom ldan 'das de bzhin gshegs pa gser gyi kha dog ras la bri bar bya ste/ de'i thad 'khor kun tu byang chub sems dpa' brgyad bri ba ni/ 'di lhaste/ g.yas phyogs su ni 'phags pa spyan ras gzigs dbang po dang / 'jam dpal dang / sems bskyed ma thag tu chos kyi 'khor lo bskor ba'o// g.yon phyogs su ni rdo rje khu tshur dang / byams pa dang / nam mkha'i mdzod do// steng du nam mkha'i snying po'o// bcom ldan 'das kyi 'og tu ni phyag na rdo rje ste/ rdo rje hUM zhes bya ba'i phyag na rdo rje dang bcas pa lag pa gnyis kyis bcing ngo // lag pa gnyis po gzhan la/ g.yas pa ni rdo rje gsor// g.yon pas ni me tog gi gzhu dang mda' lnga bsnams pa/ sku mdog ni ut+pal sngon po lta bu/ yid tsam 'dzum la mche ba chung zad gtsigs pa/ khro ba dang bcas pas bzhad pa'i zhal/ phyir brkyang bskum du gnas pa/ rgyan thams cad kyis brgyan pa/ zhabs g.yon pas lha chemapo'i 'gram pa g.yon par mnan/ zhabs g.yas pa bskum pas u ma'i nu mar btsir te/ stong so/ khra bos yan lag g.yogs pa/ ko rlon gyi smad g.yogs can/ de bzhin gshegs pa thams cad dbu rgyan du thogs pa'o// de nas ches zhag gcig nas mgo brtsams te tshes bco lngar ram/ zla bar ram/ lo'i bar du nyin re bzhin brgya stong bzlas te/ gos dkar po gtsang ma bgos la/ bdag gi khyim du gnas shing bas gtsang ma yid bzhin du mos te bzlas na/ de nas zla ba gcig lon pa dang / tha ba dang pos ni hUM zhes

  20. 198b

    bya bas phyi rol gyi las rnams 'grub par 'gyur ro/ / gnyis kyis ni las thams cad 'grub par 'gyur ro// gsum gyis ni bcom ldan 'das rmi lam du ston cing 'das pa dang ma 'ongs pa thams cad ston to// bzhis ni sems can thams cad dgug pa dang dbang du bya bar nus so// zla ba lngas ni yid bzhin du snang ba dang mi snang bar 'gyur ro// zla ba drug gis ni ci 'dod pa thams cad kyi gzugasu 'gyur ro// zla ba bdun gyis ni bdag gi lus sangs rgyas dang / byang chub sems dpa' dang / phyag na rdo rjer ston cing cho 'phrul thams cad kyang ston to// zla ba brgyad kyis ni stong gsum gyi stong chen po'i 'jig rten gyi khams kyi lha la sogs pa dgug pa dang / gzhug pa dang / bcing ba dang / dbang du byed cing las su bsgo'o// zla ba dgus ni byang chub sems dpa' rnams thams cad dgug pa dang / gzhug pa dang / bcing ba dang / dbang du byed do// zla ba bcus ni sa bcu thob par 'gyur ro// zla ba bcu gcig gis ni bcu gcig pa sangs rgyas kyis thob bo// zla ba bcu gnyis pas ni rdo rje 'dzin par 'gyur ro// de nas sgrub pa bstan te/ ras la rdo rje hUM zhes pa de bzhin du bris la/ de'i thad 'khor thams cad du mthu chen po la sogs pa nas/ klu ba ru Na'i mtha'i bar du bcom ldan 'das la skor zhing pus mo btsugs pa bris la/ de nas de bzhin du bzlas pa ni rdo rje hUM zhes pa ni phyag rgya grangs med par bzlas te/ zla ba'i mtha'i bar du tshes nyi shu dgu'i mtshan thal byung bzlas na nang par thams cad 'ong ngo / 'ongs nas kyang dbang du 'gyur te thams cad bsgo ba bzhin du

  21. 199a

    byed do/ / ngam sgru pa gnas byung / bcom ldan 'das de bzhin du gyis sa gsar kyi mangs kyi lha mo lalogs pa thams cad nga rang byu gleng nas gar nga brdzus pa ma / zugs su dra'o// de nas de bzhin du zla ba gcig gi mtshan pal byung du thos shig/ de nas nang par kun lhags te/ de bzhin du gar dag gis sgrub pa po la mchod do// 'don rtog pa 'angar dris pa sas mngam du bamasangs des mi 'jigs par bya'o/ / de nas dbang du 'byung u0f7f/ ga tu las thams cad byed pa'i g.yog mor 'gyur ro// de nas chog gdanaH/ ras la bcom ldan 'das de bzhin du bris la/ gas de bzhin du brjid snang brdzas n anung tha ma la rdo rje 'dzin pa thob ste/ ci 'dod pa grub pa'i mchog kyang thob bo// gzhan yang sgrub pa phyag na rdo rje'i spyan sngar 'bum zlos shig/ de nas dgos pa kun bcom ldan 'das kyis mdzad do// phyag na rdo rje spyan sngar ci 'dod par yam shing thams cad kyi sbyin sreg gis lo gcig gi bar du bsregs na thams cad 'grub par 'gyur ro/ / de nas rdo rje hUM zhes pa bris pa de'i spyan sngar lo gcig gi bar du grangs med par rjes shig/ de ma tha mar bcom ldan 'das rang gis ci 'dod pa'i mchog stsol bar 'gyur ro/ / bcom ldan 'das de bzhin gshegs pa'i spyan sngar rdo rje hUM zhes pa'i phyag rgya bcings la de bzhin gshegs pa 'gul gyi bar du zlos shig de nas phyag rgya 'grub par 'gyur ro/ / grub pa des na dgug pa dang / dbang du bya ba dang / gzhug pa dang / drang ba dang / ltung ba dang / dbab pa dang / stan 'pho ba la sogs pa las phan chags kyi bcings pas

  22. 199b

    hUM zhes pa mdzad do/ / de nas cho ga gzhan te/ rig pas dbang bskur bar bya bar 'dod nadri'am/ 'dzi ba las phyugan rdo rje'i ma lugs byas la phrag gnyis brgyang rje rdo rje 'dzin to// de thub par gyi ches gcig nas brtsams te/ ches bco lnga'i bar du mar ba ni ze brgyad kyis khrus shig/ de nas tha mar mtshan thal byung bzlas so// de nas nang par gzugs de bzhad de/ de nas rig pa thams cad kyi bdag por 'gyur ro// de nas sgrub pa gzhan 'byung ste/ sangs rgyas bcom ldan 'das kyi cha lugs dri 'am/ 'jib la de bzhin du phyag brkyang ba rdo rje 'dzin par byas la/ de'i zhabs kyi bar du spos chus bkrus nas/ de phyin chad yid bzhin du mi snang bar 'gyur ro/ / de nas sgrub pa gzhan te/ ras la bcom ldan 'das phyag na rdo rje phyag bzhi par byas la/ de'i phyag g.yas par pad+mo/ g.yon par rdo rje/ g.yas par rdo rje hUM zhes pa/ g.yon par mnga' dang gzhu/ de nas de'i spyan sngar stong phrag brgya bzlas pa'i mjug tu zhag gsum sbyang ba byas te mtshan thal byung bzlas na/ de'i nang par de dang 'dra ba'i gzugs su 'gyur te/ bskal par gnas shing mi dga' ba dang / sems can thams cad dbang du bya ba dang // thams cad du 'gro bar 'gyur ro// de nas dkyil 'khor sgrub pa 'byung ste// dkyil 'khor mthong bas lci ba gsum gyis khrus byas/ dus gsum du gos brjes la/ rdo rje 'dzin ma'i phyag rgya bcings nas brgyang stong dus gsum du nyin bdun bzlas na// de nas phyag na rdo rje slob dpon gyi gzugs su byas nas rmi lam du thams cad smra'o// de nas dkyil 'khor sgrub pa'i cho ga gzhan 'byung ste/

  23. 200a

    dkyil 'khor chen po mthong bas zla ba gcig gi bar du de bzhin dungs gsum du khrus byas nas dus gdum du gos rngas/ dun gsus du ba'ang gi sgribs dkyil 'khor byas pa/ no lugs kyi mtshon chas der rdo rje bris la/ de la lha zhing rdo rje 'dzin ma'i phyag rgya bcings te/ brgyad brgya bzlas na zla ba gcig gi mthar bcom ldan 'das mthong ngo // de nas rdon sgrub pa 'byung ste/ rdo rje ras sas rtsig pa 'am/ shing leb la bris nas/ de la mchod pa byas te rdo rje khu tshur gyis bzung la/ lo gcig tshun chad rdo rje nam 'bar gyi bar du zlos shig/ 'bar ba des na nam mkha' la 'gro ba dang / lo bcu drug lon pa'i lus phyag na rdo rje dang mtshungs pa'i gzugs dang / stobs dang / mdog tu gyur te/ 'dod pa'i longs spyod thams cad dang ldan pa/ bde ba dang yid bde ba thams cad thob par 'gyur ro// tshe 'jal stong phrag brgyar 'gyur ro/ / de nas ral gri sgrub pa 'byung ste/ rdo rje khu tshur gyis ral gri bzung la lo gcig gi bar du bzlas na rig 'dzin thams cad kyi bdag po rig 'dzin par 'gyur ro// de nas 'khor lo sgrub pa 'byung ste/ 'khor lo'i dkyil 'kho bris la lcags kyi 'khor lo thogs nas/ nam rdo rjer gyur cing slar yang 'khor lor gyur gyi bar du bzlas so// de nas de thogs pas na rig 'dzin thams cad kyi 'khor lo bskor bar 'gyur ro/ / de mas kyo btang sgrub par 'dod pas phyag na rdo rje'i spyan sngar gser gyi kyo btang byas te lag pa g.yon pa'i rdo rje khu tshur gyis bzung la/ grub pa rnam gsum du gyur gyi bar du dazlas la dros pa

  24. 200b

    tsam gyis thams cad kun 'gugs nus par 'gyur ro/ / dud pa byung ba tsam gyis thams cad dbang du byed par 'gyur ro// 'bar bas ni thams cad 'gugs nus pa dang / dbang du bya nus shing rig 'dzin gyi rgyal por 'gyur ro/ / de nas lha la sogs pa 'gugs pa 'byung ste/ lha chen po la sogs pa lha rnams gang yang rung ba'i cha lugs rkang pa g.yon pas mnan la rdo rje hUM zhes bya ba'i phyag rgya bcings te/ bsdigs shing zla ba gcig gi mtha'i bar bzlas na lha thams cad lhags te/ las thams cad byed pa'i g.yog tu 'gyur ro// klu dbang du bya bar 'dod na klu'i mtshor lte ba man chad chu'i nang du bcug la lo gcig tshun chad klu thams cad rang gi gzugs su ston cing las thams cad byed pa'i g.yog tu gyur kyi bar du bzlas so/ / gnod sbyin dbang du bya bar 'dod pas gnod sbyin gang la gnas pa'i gnas der rdo rje hUM zhes pa'i phyag rgya bcings la gnod sbyin de dag lhags te bka' ci stsal ces smra ba'i bar bzlas so/ / de phyin chad bka' thams cad byed pa'i g.yog tu 'gyur ro// de nas ma rnams thams cad dbang du bya bar 'dod pas ma'i gnas su song nas khro mo'i snying khar rdog pas mnan la zla ba gcig lon gyi bar du bzlas/ tshes nyi shu dgu la 'jigs su rung ba'i sgra chen po 'byin par byed do// de nas dbang du gyur nas bka' bzhin byed pa'i g.yog mor 'gyur phrag pa la khyer nas mtho ris su 'khrid ngo do/ / slar yang khrid de 'ongs nas tshogs kyi bdag por bcug cing de dag gis mchod de/ sngon ma byung ba'i don thams cad dang / 'dod pa thams cad dang / na chung

  25. 201a

    thams cad 'gug go/ / 'di lta bu'i rnal 'byor yang ster te/ rnal 'byor gang gis khro bo 'jig rten du'ang 'gro zhing phyir yang 'ong ngo // de la sus kyang cung zad kyang byed mi nus so// denas dpa' chen mo grub par 'dod pa des phyag na rdo rje'i spyan sngar bzlas pa ni phyag na rdo rje'i sku las lha mo'i lus mthong gi bar du ste/ de las ma 'gul ces bsgo'o// de phyin chad don thams cad sbyor bar 'gyur sangs rgyas pa'ang ster ba'i bar du'o/ / de nas mtsho dbyangs ma dbang du bya bar 'dod na/ de nas phyag na rdo rje'i spyan sngar yi ge 'phreng bar byas la/ 'phreng ba'i yi ge bkod cing mthar phyin pa'i bar du bklag te/ nyin re zhing dus gsum du las byas la/ de nas brgyad stong bzlas na zla ba gcig lon pa dang mtsho dbyangs ma mthong ngo // de phyin chad thogs pa med pa'i spobs pa dang ldan par 'gyur ro// 'jig rten pa dang 'jig rten las 'das pa'i gtsug lag thams cad dang / / bshes gnyen can du bya ba thams cad dang / bzo thams cad kyang ma bslabs par des rab tu shes so// de nas lig bu mig dang / gur kum dang / ldong ros dang / ba bla rnams la sgrub pa 'byung ste/ lig bu mig blangs la/ 'jom pa'i steng du bzhag nas lag pas mnan te grub pa rnam gsum byung gi bar du bzlas so// gcig gis ni mi snang bar 'gyur ro/ / gnyis pas ni gzugs mang por 'gyur ro// gsum pas ni gnas gong mar 'dzeg pa nam mkha' la 'gro bar 'gyur ro// gur kum la sogs pa bzung ste/ 'jom pa'i bu gar bcug

  26. 201b

    la rdo rje 'dzin ma'i phyag rgyas mnan nas 'dod pa thams cad kyi bdag po dang / rig 'dzin dang / thams cad du 'gro ba dang / tshe lo stong du thub par 'gyur ro// de nas sA la b+hany+tsi ka sgrub pa 'byung ste/ gnas gang na sA la bAny+tsi ka ri mor bris pa 'am/ gzugs su byas pa de'i 'jom pa la sor mo bzhag ste/ zla ba gcig gi bar du zlos shig/ de nas zla ba gcig mthar mtshan thog thag zlos shig/ de nas nang par rang gi gzugs su bstan nas 'dod pa thams cad sbyin pa'i chung mar 'gyur ro/ / gnod sbyin ma sgrub par 'dod pas gnod sbyin ma gang na 'dug pa'i gnas der 'dug la/ rang gi gzugs su 'ongs kyi bar du bzlas na de la 'dod pa thams cad ster ba'i bran mor 'gyur ro/ / de nas sha za mo sgrub par 'dod pas phyag dar phung po mes btang ste/ lag pa g.yon pas rang gi mtshan ma de bzung la g.yas pas gzegs ma bsres pa ni phyag dar gyi phung po de las ji tsam du sha za mo gdeng mangs gzugs mi sdug pa 'ongs te rang gi gzugs su gnas so/ / de'ang de bzhin du bran mor 'gyur ro// de nas ci bgyi sgrub par 'dod pas nyin zhag gcig sbyasna ba byas la/ tshes nyi shu dgu la brgyad stong bzlas te/ de nas zla ba gcig slong mo la za zhing grangs med par bzlas te/ zla ba gcig lon pa dang nub gsum sbyang nas mtshan thog thug bzlas so// de nas nang par tsaM kyi 'od nas des mi 'jigs par byas te/ de nas de rang nas 'grub bo// de byin cad 'dod pa thams cad 'bral ba'i g.yog tu 'gyur te/ mtho ris kyi lha mo 'di 'grub cing 'dul lo// de yang skyel zhing slar yang

  27. 202a

    'gug go/ / 'das pa dang / ma 'ongs pa dang / da ltar gyi thams cad kyang smra'o// gzhan gyi nor thams cad kyang phrogs nas 'bu'o// de nas rig pa'i brtul zhugs bya bar 'dod pas dngos grub med pa gang yin pa des zla ba drug gi bar du nyin zhag bcu bcu zhing spyad pa snga ma rjes la slong mo'i kha zas la sogs pa nas rlung bza' ba'i bar du'o/ / de nas mjug tu mtshan thal byung bzlas na nang par sangs rgyas pa'ang sbyin par 'gyur ro/ / de nas nyin re zhing bco brgyad kyi bar du sngon gyi sprad pa rnam byas la/ de'i mjug tu mtshan thal byung bzlas na nang par las thams cad 'grub par 'gyur ba ni hUM zhes thang cig brjod pas kyang ngo // de nas ro langs sgrub pa 'byung ste/ ma smas ma nyams pa'i mi ro blang la legs par bkrus nas byug pas legs par byugs te/ me tog gi 'phreng bas btags nas rkang pa g.yon pas mnan la dbugs byung bar du bzlas na de ldang ste langs pa dang / de zhon na thams cad du 'gro zhing tshe'ang lo stong phrag brgyar 'gyur ro// de nas ro langs kyi grub pa mchog sgrub pa 'byung ste/ ma smas ma nyams pa'i mi ro blangs nas b zhin du rab tu brgyan pa zhon te langs shing yang 'gyel ba'i bar du bzlas na de bzhin gshegs pa'i skur 'gyur ro/ / de phrag pa la khyer na de bzhin gshegs pa thams cad bsrel ba'i rig 'dzin 'jig rten gyi kham rab 'byams thams cad du rdzu 'phrul gyis 'gro ba dang / tshe rang bskal par 'gyur ro zhes bcom ldan 'das phyag na rdo rjes gsungs so// de nas ma bsgrubs kyang dkyil 'khor mthong ba nyid kyis las su 'gyur ba ni/

  28. 202b

    'di lta ste/ thang cig brjod pas ni bdag dang / gzhan dang / grong dang / grong khyer dang / rgyal po la sogs pa srung bar 'gyur ro// mtshams bcad pa la sogs pa ni brtan par blta bas mtshams bcad pa de bzhin gshegs pa thams cad kyang mi 'da' na gzhan lta ci smos/ sa'i dkyil 'khor dang / nam mkha' dang / phyogs bcings pa'ang lta ba des so// dbab pa ni reg pa dang ma reg pas ral gri dang / me long dang / snod dang / mthe bong dang / shing ljon pa dang / bris pa dang / cha lugs dang / gzhu dang / mda' dang / rdo rje la sogs pa dbab pa'i phyag rgya gos kyis g.yogs la bcings te/ gu gul gyi gdug pas dbab bo/ gdon zhi bar bya ba ni hUM zhes pas so// hUM zhes pa'i phyag rgyas ni sems can thams cad 'phungs par byed do// rdo rje lcags sgrog gi phyag rgyas ni byad ma'i gdon las thar par 'gyur ro// he ru ka rdo rje'i phyag rgya bstan pas ni byang mas bsad pa las slar gso bar bya'o/ / rdo rje'i phyag rgya bzung bas sgra las bzung ste bslangs pas ni dug mnan pa dang / dug bslang ba dang / dug zhi bar bya ba dang / dug spo ba dang / dug gzhig par bya ba dang / dug gis shi ba las gso bar bya'o// rdo rje hUM zhes pa gcig gis so// gter dbyung ba ni zangs kyi ril ba chus bkang la/ rdo rje hUM zhes pa'i mdzub mo dang gu gul gyis bdug pa byas tebazlas na gal te gter yod na ni chu de ldud do/ / de ste med na ni 'khyil lo// de nas 'jig rten gsum las rnam par rgyal ba'i hUM zhes pa bzlas te blang ngo // snang ba dgug pa ni dong ka'i ljon pa'i yam shing

  29. 203a

    gis medus te/ zho dang / sbrang rtsi dang / mar gyi la ra dza ko sha te ka'i me tog la bzlas nas stong phrag brgya bsregs na snang ba thob bo// 'og gi gnas su rdo rje 'og gi phyag rgyas 'khrul 'khor thams cad bcom nas rdo rje hUM zhes pa bzlas te zhugs na de la sus kyang gtse bar mi 'gyur ro/ / gtogs 'dod kyi 'khor los kyang ci'ang byed par mi 'gyu ro// phyag na rdo rje'i spyan sngar rdo rje 'am/ nor bu ma ra ga ti 'am/ pad+ma rA ga 'am/ mu tig gam/ gser ram/ dbyig gam/ gzhan ci'ang rung ba 'am/ skyes pa 'am/ bud med dam/ sangs rgyas kyi sku gzugs la lo gcig gi bar du dus gsum du brgya brgyar bzlas nas/ de nas lo gcig lon na brgya 'gyur du 'gyur ro// de snyed du brgyar bzlas na de snyed gyi brgyar 'gyur ro// de nas stong du bzlas na'ang stong du 'gyur ro// longs skyed dgug pa ni stong phrag brgyar bzlas so/ / dgug pa ni rdo rje kyo ba tang gi phyag rgyas zla ba bzhis khugs so// dbang du bya ba ni rdo rje khu tshur gyi dam tshig gi phyag rgyas so// sems can thams cad gtan 'pho ba ni rdo rje hUM zhes pa'i phyag rgya bcings te stong phrag brgyar bzlas na/ sems can thams cad yid kyis dmigs pa bzhin gtan 'pho'o// chu mnan pa ni rdo rje phyag rgya bcings la chu'i steng du 'gror rung ba'i bar du bzlas so/ / me maman pa ni thang cig bzlas pas so// lo tog srung ba ni rdo rje blta bas te/ de la srog chags rnams gang gis kyang gnod par mi 'gyur zhing / byi ba la sogs pa'ang 'da' bar mi byed do//

  30. 203b

    rdeg pa spyong ba ni khro bo'i lta bas te/ gang du bltas pa der 'pho'o// bza' ba dang btung ba thams cad spong ba ni 'bar ba'i lta bas rang gi snod du 'pho'o// sdig pa dang sbrul thams cad med par bya ba ni thang cig brjod pas so/ / gcan gzan thams cad la thang cig bzlas pas med par 'gyur ro// rkun po thams cad pham pa ni rdo rje khu tshur bcangs pas so// dmag las sgrol ba ni rdo rje 'dzin ma'i phyag rgyas so// gzhu dang / mda' dang / mdung dang / rgyal mtshan mnan nas 'gul gyi bar du bzlas te/ de thogs na dmag thams cad las rgyal bar 'gyur ro// zhal che la ni thams cad gcig brjod pas rtsod pa'i la @thebs par 'gyur ro/ / zhi ba thams cad ni til gyi sbyin sreg gis so// rgyas pa thams cad ni yungs kar gyi sbyin sreg gis so// gtan 'pho ba thams cad ni tsher ma'i sbyin sreg gis so// 'tshe ba dang / gnam ngal dang / rmi lam ngan pa thams cad gzhil ba ni til dang 'bras kyi sbyin sreg gis so// gzhom pa thams cad ni hUM zhes pas so// dgod du gzhug pa dang / myos par bya ba tham cad la phaT ces bya bas so/ / thams cad gnyid log tu gzhug pa ni bskum la mig btsums te brgya bzlas pas thams cad gnyid log par bya ba yin no// sems can thams cad rgyas gdab pa ni rdo rje khro bo'i lta bas bltas na chas btab par 'gyur te/ nyin bdun las lhag par mi gson no// ngag dbrog pa ni rang gi lce sos bzung nas hUM zhes bya ba'i bar du sbyar ba'o// snying drang ba ni rdo rje sor mo'i phyag rgya dpung pa bsnol te/ rang gi mam

  31. 204a

    khang du tho shing snying po bzlas nan bdun tshun chad 'pho bar 'gyur ro/ / gling gcad pa ni rdo grangs cigacad par bya'o// snying dbye ba ni rdo rje thugs phur gyis btab ste/ ming nas shing gzugs so/ / snying spo ba ni lag pa gnyis kyis rdo rje blangs te/ mtshan bdun du rab tu sbyor nga byas pas 'pho bar 'gyur ro// de nas phyag rgya 'di rnams las thar par bya ba bshad de/ ngas rgyas 'debs pa la mi bu tshur dam pas so/ / ngag dbrog pa la ni rdo rje ngag gi bzlas pas so// snying 'dren pa la ni rdo rje khu tshur gyi phyag rgya snying khar dgrol lo// bcad pa la ni rdo rje hUM zhes pa bzlas nas 'o mas khrus shig/ bye ba la phur bu phyung nas rdo rje dris skus shig/ snying spos pa la ni rdo rje snying por thar par 'gyur ro// de bzhin du byad ma'i phyag rgya'ang spo bar 'gyur ro// snying sgrub par 'dod na bud med kyi snying khar bzlas na de'i snying kha nas sgra thos par 'gyur ro/ / skyes pa'i snying khar yang de bzhin du bya ste/ snying kha thams cad du'ang de ltar ro// de nas pha rol gyi sems shes pa sgrub par 'dod pas ni rdo rje hUM zhes pa brgyar bzlas na pha rol gyi sems shes so/ / sngon gyi gnas shes par bya ba ni rdo rje hUM zhes bzlas pas so// rmi lam mthong bar 'dod pas ni rdo rje hUM zhes pa lan nyi shu rtsa gcig bzlas shing bdug pas ka pi tsas bdugs te gnyid log na/ de nas bcom ldan 'das kyis 'das pa dang / ma 'ongs pa dang / da ltar gyi shes pa ston to// tshig sgrub par 'dod pas na rdo rje tshig gi stong phrag brgya bzlas na rdo rje tshig gis rang gi lces smras pa thams cad bden par 'gyur te

  32. 204b

    bslang pa de stsol to/ / cho 'phrul ston pa ni rdo rje bzlas pa tshig gis brgyad brgya bzlas na rang gi lul la cho 'phrul du gyur pa ni/ sangs rgyas thams cad dang / byang chub sems dpa' dang / rdo rje 'dzin dang / lha dang / klu dang / gnod sbyin la sogs pa sems can thams cad gzugs brnyan gyi tshul du ston to// rang gi gzugs ci dga' bar bsgyur bar 'dod pas rdo rje tshig gis rdo rje bzlas pas stong phrag brgya 'azlas na gzugs gang dang gang 'dod pa de dang / bdag sangs rgyas kyi gzugs su'ang byed par 'gyur ro// mi snang bar 'dod pas rdo rje khu tshur gyis rdo rje bzung la/ rdo rje bzung bas mi snang bar 'gyur ba de srid kyi bar du bzlas so// btang bas ni 'grol lo/ / khri'u la 'dug nas rdo rje lag tu blangs te nam 'phar gyi bar du bzlas so// gdon gyis 'dzin du 'jug na rdo rje hUM zhes pas so// gdon gar byed du 'jug pa ni hi zhes pas so// gdon bskyod pa ni rtag ces pas so/ / gdon gzhom pa ni phaT ces pas so// gcer bar bya ba ni mi'i sgra'i skud pas rang gi dpung pa bcings na gcer bar 'gyur te gos brje bar 'gyur ro// sdang bar bya ba ni rdo rje khu tshur gyi dam tshig gi phyag rgya bsgral bas so/ / bskrad pa ni rdo rje khu tshur gyis 'phang ngo // dgos pa bskyed pa ni mtshan thog thag sha chen rang gi khrag gis bskus te sreg go// gzhan gyi bud med dgug pa ni rdo rje bzung nas snying po bzlas shing dgug gas yang na thams cad du khyab pa hUM zhes pa thams cad bya'o/ / bud med thams cad dga' bar spyod pa ni rang gi rtags rdo rje bcings pas bzung la nyin bdun dus gsum du langs kyi bar du slob bo// de nas mjug tu rnam

  33. 205a

    phyed bar du bslabs na rtag tu ldang la mi snyoms shing bcud mngal rtags shugs drag por 'gyur ro/ / bu mo spyad pa ni rdo rje bzung nas thams cad du khyab pa hUM zhes bya ba byas nas spyang ngo do// drang med thams cad dbang du bya ba ni rdo rje hUM zhes pa'i phyag rgya bcings la stong phrag brgya bzlas na bud med thams cad mgu bar 'gyur ro/ / phyag na rdo rje'i spyan sngar spyan ras gzigs dbang po'i dam tshig gi phyag rgya bcings la stong phrag brgya bzlas na bud med thams cad mgu bar 'gyur ro/ / sems can thams cad dbang du bya bar 'dod na rdo rje khu tshur gyi bcings pas rdo rje bzung la nam 'gul gyi bar du bzlas so// snang ba la dbang du bya bar 'dod na rdo rje blangs te rang gi spyi bor bzhag la spyi bor rdo rje brtan par gyur kyi bar du bzlas so/ / de nas snang ba'i mdun du 'dug na des snang bar rang gi dbang bskur ba yang stsol to// nor dgug pa ni rin po che'i gtso bo'i phye mas sbyin sreg bya bas so/ / char dbab pa ni rdo rje hUM zhes pa stong bzlas pas so// char gcad pa ni hUM zhes pa'o// ser ba bcad pa ni rdo rje gsor ba'i phyag rgyas so// gdon dgag pa yang phyag rgya de nyid kyis so/ / sprin dgag pa ni rdo rje hUM zhes pa brgyar bzlas pas so// rdo rje dkyil 'khor gyi steng du bzhag nas me tog dang bdug pas mchod de/ rdo rje 'dzin ma'i phyag rgyas mnan la rdo rje langs kyi bar du bzlas so de thogs nas sa bskor na ci 'dod pa bzhin du rgyu'i las rnams ston te/ / rdo rjes bskor bas dus ma yin par shing la 'bras bu dang me tog mthong ngo // nam mkha' la me tog gi 'phreng ba chags par bya ba

  34. 205b

    ni dbugs bsdams la rdo rje khu tshur bcings te gtor na 'chags so/ / cha lugs bzhud par bya ba na rdo rje'i phyag rgyas so// gar byed par bya ba ni rdo rje 'dzin mas so// smra bar bya ba ni hU~M zhes pas so// rgyug par bya na rdo rje dgug pa'i phyag rgyas so// smin ma 'bul bar bya na rdo rje'i phyag rgya 'dzin pas rdo rje thogs la rang gi smin mtshams su bskul bas so// sa g.yo bar byan rkang pa g.yon pa brdabs pas so// khyim bskul ba ni rdo rje dbab pa'i phyag rgyas so// khang pa dgug pa ni rdo rje khros pa'i kyo btang gi phyag rgya bcings pas so// sprin med par char dbab pa ni rdo rje hUM zhes bzlas pas so// skad cig tu sprin 'du zhing ston pa ni rdo rje bskor bas so/ / zla ba dang nyi ma dbab cing bstan pa ni rdo rje 'dra bas pas so// nyi ma dang zla ba mang por bstan na rdo rje bzhi nam mkha' la gtor bas so// dmag rnam bzhi bstan na rdo rje bskor bas so/ / mtshan mo nyin bar du bya na rdo rje 'bar ba bskor bas so// zin par mtshan mor byan mig btsums la rdo rje bskor bas so// thams cad nas rdo rje bstan na brgya bzlas te rdo rje bskor bas so// khams cad nas byang chub sems dpa' bstan na stong bzlas te rdo rje bskor bas so/ / phyag na rdo rje thams cad la bstan na stong phrag brgya bzlas te bskor bas so// thams cad nas sangs rgyas bstan na rdo rje la bye ba bzlas so// 'jig rten gsum las rnam par rgyal ba rtog pa chen po'i rgyal po las/ rdo rje traM zhes bya ba'i rtog pa chen po rdzogs so// / de nas bcom ldan 'das de bzhin gshegs pa dgra

  35. 206a

    bcom pa yang dag par rdzogs pa'i sangs rgyas kyis/ phyag na rdo rje la 'di skad ces gsungs so// ngas kyang sems can thams cad kyi don gyi phyir gang 'jig rten gsum las rnam par rgyal ba rtog pa chen po'i rgyal po 'dir brtson par 'gyur ba la de bzhin gshegs pa'i snying po 'di sbyin no/ / de nas phyag na rdo rjes bcom ldan 'das kyi zhabs la phyag 'tshal nas tsog tsog pur 'dug ste mnos pa/ oM badz+ra bid swA hA/ de nas 'di gsungs pa tsam gyis stong gsum gsum gyi stong chen po'i 'jig rten gyi khams rab tu g.yos/ sems can thams cad kyang rab tu g.yos nas phyag 'tshal zhing dbang du gyur to/ / de nas phyag na rdo rje byang chub sems dpa' sems dpa' chen pos bcom ldan 'das kyi zhabs la mgo bos phyag 'tshal na rdo rje rig pa'i dkyil 'khor 'di bshad do// dkyil 'khor chen po tshul du dkyil 'khor thams cad brtags te/ de'i dbus su nus phul bzhi la bcom ldan 'das bzhugs te/ de'i spyan sngar phyag na rdo rje yid kyis kyang tsog cog bur bzhag go// de nas de bzhin du gzhug go// grags nas 'di skad du khyod deng nas de bzhin gshegs pa nyid do// de ste dang na de bshang de zhes smos shig/ des smras pa/ gsungs shig ces pa dang / de nas khyod deng phan chang de bzhin gshegs pa gyur to zhes spros shig/ des spras pa/ ci'i phyir/ dkyil 'khor mthong ba'i phyir zhes des spros shig/ gang dkyil 'khor 'dir zhugs pa de de bzhin gshegs pa nyid du blta ste/ des sangs rgyas kyi byang

  36. 206b

    chub kyang tshe 'di nyid dam pha rol la thob par 'gyur ro/ / zhes smras nas phyag rgya spobs shig/ de bzhin gshegs pa'i dkyil 'khor ro// de nas phyag na rdo rjes bcom ldan 'das kyi zhabs la phyag 'tshal nas rdo rje'i dkyil 'khor bshad do/ / dkyil 'khor de bzhin du bris nas bcug la rdo rje'i sgrub pa sgrub bo// lag pa gnyis kyis rdo rje bzung la rang gi phyag rgya sgom mo// rdo rje zhes bya ba 'di ci yin/ snying po sgom pa ste/ rdo rje chog gis bzlas na des de bzhin gshegs pa'ang che 'di 'am gzhan la thob par 'gyur ro// rdo rje'i dkyil 'khor ro// thams cad dam tshig chen po'i tshul du bas la 'di spros shig/ dad brtan phyag na rdo rje la// de bzhin gshegs rigs de bzhin no// sems can thams cad mgu ba ru// khyod kyis de ltar brtag par bya// deng nas khyod kyis de ltar ma byas na sems can dmyal bar ltung bar 'gyur ro/ / dam tshig gi dkyil 'khor ro// yang dkyil 'khor de bzhin du bris la bcug nas las rnam bzhi yang bslab po// lus thams cad kyis gtugs te de bzhin gshegs pa thams cad la phyag 'tshal nas/ / de nas langs te yan lag lngas phyag byas te sdig pa thams cad bshags so// de nas langs nas thal mo sbyar te pus mo gnyis sa la gtugs nas bsod nams thams cad kyi rjes su yi rang ngo / / de nas langs te pus mo g.yas pa'i lha nga sa la btsugs la/ rdo rje 'dzin pa'i phyag rgya bcings nas phyag 'tshal to// de bzhin gshegs pa thams cad kyi rdo rje'i tshig gi badz+ra bi

  37. 207a

    rjod cig/ des ni de bzhin gshegs pa thams cad dang / phyag na rdo rje la phyag bya ba dang / bkur m+b+hi dang / mchod par 'gyur ro// de bzhin gshegs pa thams cad kyi dgongs pa yongs su rdzogs par 'gyur ro/ / mchod pa'i cho ga'o// / de nas phyag na rdo rje'i rig pa sgrub pa 'byung ste/ dkyil 'khor mthong nas ras la bcom ldan 'das de bzhin gshegs pa bris la de'i g.yas su spyan ras gzigs kyi dbang po/ g.yon du rdo rje khu tshur rgyan thams cad kyis brgyan pa bya'o// de nas gso sbyin can dus gsum du khrus byed pa/ dus gsum du bkrus pa'i gos gyon la stong phrag brgyar bzlas so/ / de'i mjug tu de bzhin gshegs pa thams cad kyi khu tshur bcings nas mtshan thal byung bzlas na nang par de bzhin gshegs pa thams cad gshegs te zhal ston to// mchog ci 'dod pa stsol te/ sangs rgyas pa'i bar du'ang stsol to// de nas yang cho ga bzhin te/ ras la de bzhin gshegs pa pad+ma'i steng du bzhugs par byas la/ de'i spyan sngar phyag na rdo rje thal mo sbyar te co ga tsog pur 'dug nas/ / bcom ldan 'das la blta bar bya/ bcom ldan 'das kyi g.yas phyogs su phyag na rdo rje ya gcig gis rdo rje gsor g.yon pa na pad+ma'o// bcom ldan 'das kyi g.yon phyogs su rdo rje khu tshur te khu tshur gnyis kyis rdo rje bsdams par byas la/ de nas chos gcig nas brtsams te zla ba gcig de bzhin du bzlas la tha ba tshang nas mtshan thal byung ba zlas ma/ de ltar de bzhin

  38. 207b

    gshegs pa byon nas mchog ci 'dod pa stsol to/ / yang chog gzhan ni ras la bcom ldan 'das de bzhin gshegs pa bris la de'i spyan sngar zla ba drug de bzhin du bzlas te/ mjug la nyin mtshan gas du sbyangs te phyag na rdo rje byon nas phyag na rdo rje 'dzin pa nyid byin gyi bar du bzlas so/ / de bzhin gshegs pa'i mchod rten gyi drung du stong phrag brgya bzlas na mjug tu de bzhin gshegs pa mthong ngo // nas mkha' la bltas te stong phrag brgya bzlas na nam mkha' la de bzhin gshegs pa thams cad mthong ngo / / des de la phun sum tshogs pa thams cad nyin gcig bzhin stsol to// sangs rgyas kyi spyan sngar stong phrag brgya bzlas na mchog 'thob bo/ / phyag na rdo rje'i spyan sngar stong phrag brgya bzlas na phyag na rdo rjes 'dod pa thams cad stsol to// 'phags pa spyan ras gzigs kyi dbang po'i spyan sngar stong phrag brgya bzlas na spyan ras gzigs kyi dbang pos lag nas bzung ste/ bde ba can gyi 'jig rten du khrid cing slar yang khrid de 'ong ngo // 'jig rten gsum las rnam par rgyal ba rtog pa chen po'i rgyal po las/ de bzhin gshegs pa'i rtogs pa rdzogs so// // de nas bcom ldan 'das la/ phyag na rdo rje byang chub sems dpas yang 'di skad ces gsol to// bcom l dan 'das bdag gis kyang 'jig rten gsum las rnam par rgyal ba rtog pa chen po'i rgyal po 'dir snying po gang brjod pa tsam gyis de bzhin gshegs pa thams cad rdo rje'i ri ltar mi g.yo ba'ang bskyod cing 'dren

  39. 208a

    rnasems can gzhan sa kyi smom ci 'o/ / gang dran pa tsam gyis mang 'jig pa thams cad rnam par dgrol bar 'gyur ro// gang brjod pa tsam gyis kyang mtshams med pa tham cad sngags su rnam par byang bar 'gyur ba dang / thams cad la srung bar 'gyur ba dang / phyag na rdo rjes kyang 'dod pa thams cad stsol bar 'gyur ba dang // mchog stsol ba dang / don thams cad sgrub pa dang / dgos pa thams cad byed cing rtag par phyi bzhin 'brang bar 'gyur ba dang / gang bslabs pa tsam gyis grub pa thams cad mngon par 'gyur bar byal bar bgyi'o// de nas bcom ldan 'das kyis/ phyag na rdo rje byang chub sems dpa' sems dpa' chen po la 'di skad ces bka' sprul to/ / phyag na rdo rje khyod kyis legs par spros shig/ ngas kyang gzung ngo // de nas phyag na rdo rjes rdo rje sems pa dang bcas pas rdo rje gsor te/ rang gi snying khar bstod pa'i tshul gyis bzung nas rang gi snying po 'di gsungs so/ / Tak+ki hUM dza/ de nas 'di gsungs pa tsam gyis 'jig rten gyi khams thams cad rab tu g.yos so// de bzhin gshegs pa thams cad g.yos/ rab tu g.yos/ 'phar/ rab tu 'phar/ byang chub sems dpa' rnams bskyod/ rab tu bskyod par gyur to// nyan thos dang rang sangs rgyas thams cad kyang ma rung bar gyur to// byang chub sems dpa' sa'i snying por gyur to/ / de bzhin gshegs pa thams cad kyis brtan par gyur to// de bzhin gshegs pa thams cad kyi rdo rje sems dpa'i grub pa'ang sra bar gyur to// bdud dang mi bgrungs pa'i phyogs

  40. 208b

    thams cad kyang brtag par byas so/ / gdon thams cad bcos bsad bcom sde 'dar bdabang nas/ bcom ldan 'das la skyabs su dong nas/ bcom ldan 'das bdag cag skyobs/ bde bar gshegs pa bdag cag skyobs shig pa dang / bcom ldan 'das kyis/ de dag la bka' stsal pa/ phyag na rdo rje 'di nyid la skyabs su deng zhig dang / 'di nyid kyis khyed la skyob par byed do// phyag na rdo rje'i snying kha nas kun tu 'bar bas bskor bas/ de bzhin gshegs pa thams cad kyi 'phreng ba la sogs pa'i rgyan thams cad kyis brgyan pa/ 'dzum zhing khro ba/ phyag gnyis kyis me tog gi gzhug 'gengs pa phyag gnyis kyis rdo rje hUM zhes pa bcom ldan 'das rdo rje 'dod pa'i khro bo phyung nas/ 'jig rten gyi khams thams cad kyi sems can kun 'dod pa'i khro bos sbyangs nas phyag na rdo rje'i spyan sngar 'dug ste bka' nod ngo // bcom ldan 'das kyis bka' stsal pa/ nga ji lta ba de bzhin du khyod kyis kyang sems can thams cad kyi don gyis shig ces so// de nas bcom ldan 'das kyis/ phyag na rdo rje la 'di skad ces gsungs so// lag na rdo rje de bas na khyod snying po gang gis sems can 'di dag thams cad brgyal ba dang / bcos pa dang / bcom pa kun 'tsho bar 'gyur ba dang / gzhan dag kyang rdo rje'i lus thob par 'gyur ba de spros shig/ oM TuM/ rdo rje go cha'i phyag rgya 'dis bdag nyid go bgos na rdo rje'i lus dang rdo rje'i tshe thob cing srung bar yang 'gyur te/ nam 'tsho'i bar du thams cad kyis mi tshugs par 'gyur ro// de nas phyag na rdo rje

  41. 209a

    byang chub sems dpas rdo rje 'khor lo'i dkyil 'khor chen po 'di gsungs so/ / de nas gzhan yang rab bshad pa// rdo rje 'khor lo'i dkyil 'khor che// gru bzhi pa de sgo bzhi pa'o/ / rta babs bzhi dang bcas pa ste// bcu drug cha dang ldan par ro// rdo rje'i ra bas mdzes pa ste// grwa dang sgo yi zur dag dang // de bzhin rta babs mtshams rnams su// rdo rje rin chen ldan par bya/ / ba dan 'phreng ba dril gyis brgyan// dang po'i phyi yi dkyil 'khor 'di// snying po bzlas shing bri bar bya// de yi nang gi 'khor lo yang // rdo rje srad bu mnyam ldan pa'o// rdo rje'i ka ba brgyad ldan zhing / / rdo rje'i ka ba mdun gnas su// dkyil 'khor brgyad kyi tshul du ste// 'od kyi dkyil 'khor bzhag pa'o// de yi dbus su sems dpa' che// phyag na rdo rje bzhugs par bya// sangs rgyas rin chen thams cad dag/ dbu rgyan du ni rgyan thogs pa// cung zad tsam du bzhad pa'i zhal// rdo rje snyems par mdzad pa ste// me tog mda' gzhu 'chang ba'o// de las gzhan pa phyag bzhi pa/ rdo rje sems dpa'i thugs nyid de// khro gnyer bzhad pa'i zhal ngo can// gnyis kyis me tog gzhu 'gengs shing // gnyis kyis rdo rje hUM mdzad pa'o// rdo rje can gyi g.yas phyogs su// rdo rje dga' ba bri bar bya/ / snying khar rdo rje bstan 'dzin cing // 'khyud pa lta bu'i sbyor bas so// phyag na rdo rje'i rgyab tu ni// chu srin rgyal mtshan 'chang ba ste// sems dpa' rdo rje dpal can te// rin chen

  42. 209b

    char pa rab tu 'bebs/ / rdo rje can gyi g.yon bris pa// rdo rje skems pa dmar po ste// gnyis kyis rdo rje sems pa 'dzin// sgeg pas mchod cing 'dud pa'o// dkyil 'khor gA yi gnas rnams su/ mchod pa'i lha mo bri bar bya// dpyid kyi rdo rje rdo rje'i sprin// ston ka'i rdo rje rdo rje kha ba mo// phyi yi dkyil 'khor gla dag tu// 'dod pa'i gzugs la sogs pa bri// sgo yi dpung rnams thams cad du// rdo rje 'dod pa'i kyo ba sogs/ / de nas dkyil 'khor chen po der// rdo rje slob dpon nyid rdo rje snying po'i phyag rgya bcings la zhugs la 'di skad du smros shig/ sems can kun gyi yid khyab cing // sems can kun la bde ba stsol/ / sems can kun gyi phar gyur pa'i// rdo rje sems dpa' bdag dang 'grub// Tak+ki hUM dza/ de nas de skad smras pa dang 'bab par 'gyur te/ de ltar babs pa tsam gyis phyag na rdo rje'i gzugs mthong ngo / / bcom ldan 'das mthong bar bstan pas grub pa thams cad kyang stsol te/ la la ni rdo rje 'dzin/ la la ni 'tshang rgya bar 'gyur ro// de nas slob ma gzhug ste snying po'i phyag rtsa bcings la/ des 'phreng ba bzang nas gos dmar pos yan lag bcings la/ ras dmar pos mig gnyis bka' ste bcu ga nas 'di skad ces smros shig/ khyod kyis dkyil 'khor ma mthong ba'i mi mkhas pa su la 'ang gsang ba 'di dag mi bsnyad par byos shig/ 'byung po'i gdon dang / 'phra men ma la sogs pa'i gdon gyis bsad par gyur ta re/ shi nas kyang dmyal bar ltung bar 'gyur ro zhes

  43. 210a

    bsgo nas gdong khrol cig/ de nas 'di skad ces smos shig/ gang dpung na pa 'di ni bcom ldan 'das phyag na rdo rje rje/ 'di ni dang po'i sems dpa' 'dod pa'i bdag po 'dod pa'i dbang po kun tu bzang po rdo rje sems dpa' 'o/ / gang mdun na ba 'di ni bcom ldan 'das 'di'i thugs yin te 'dod pa'i khro bo'o// gang g.yas na ba 'di ni sems can thams cad kyi reg pa'i bde ba ste/ rdo rje dag ba zhes bya ba'i byang chub sems dpa' 'o/ / gang rgyab na ba 'di ni bcom ldan 'das bdag nyid che ba'i rgyal mtshan te/ sems dpa' thams cad kyi byams pa slong ba dang nor sbyin pa'o// gang g.yon phyog nab 'di ni bdag nyid che ba'i bdud de/ / sems can thams cad chags par byed pa'o// gang gA'i bzhi po 'di rnams ni dus kyi mchod pa me tog dang / bdug pa dang / mar me dang / dri'i lha'o// gang phyi'i grwa'i gnas na ba de dag ni gzugs la sogs pa 'dod pa'i yon tan no/ / gang sgo srungs de dag ni mig dang / 'dod chags pa dang / mdza' ba dang mi mdza' ba ste/ kyo btang dang / zhags pa dang / zlog dang / 'bebs pa dag ni rgol bar mi 'gyur ro// khyod kyis kyang bcom ldan 'das 'dod pa thams cad kyi bdag po la smod par ma byed cig/ gang sangs rgyas kyi bstan pa la sems can thams cad rnam par dag par bya ba'i phyir 'dod chags dang bral ba 'chad de/ de ci'i phyir zhe na/ mu stegs can gyi rnams 'dod chags dang bral ba'i chos des thar pa'o// de bzhin gshegs pa rnams chags pa rnams ni

  44. 210b

    sa na nam chu la chags pasam tha ldan/ / byang chub ma dpa' rnams bdag gi rlung sang sems ca rjud par byed/ spyod dru byu nag bstan pa zhas / de nas snying po byin cig/ Tak+ki hU~M dza/ 'di bsgrubs na bcom ldan 'das sems dpa'i mchog 'grub par 'gyur ro// bcom ldan 'das grub pas na 'dod pa'i khro bo 'grub par 'gyur ro// de ci'i phyir na/ / snying po 'di bdag nyid che ba ste/ Tak+ki zhes bya ba ni 'dod pa'o// hUM zhes pa ni khro bo'o// de nyid dgug pa'i phyir dza zhes bya ba ni 'di khyod kyis bsgrub par bya'o// de nas phyag rgya chen po shes par slobs shig/ de nas dam tshig gi phyag rgya bcom ldan 'das kyi rdo rje'i thugs bsgrubs nas lag pa gnyis su rdo rje sbyin pa'i snying po ni 'di'o// oM badz+ra d+ha ra badz+ra pra tang d+hA ra ya sid d+hi Tak+ki hUM dza/ de nas 'phreng ba / phyag na rdo rje la phul bas de'i mgo la bskon no// de nas rdo rje ming gi dbang sbyin pa snying po 'dis so// oM badz+ra oM b+hi Shiny+tsa sar+b+ba karme shwa rad tra i daM badz+ra nA ma na ma a d+hiSh+NI ti dID+ho s+ya b+ha ba/ oM Tak+ki hUM dza/ de nas der 'dug ste/ phyag rgya chen po bcings nas rdo rje tshig gis brgyad stong bzlas na/ de nas sa g.yo ste grub pa thams cad lan cig bzlas pas 'grub bo// de nas dam tshig gi phyag rgya bcings la brgya bzlas na de'i thugs dbang du 'gyur ro/ / de phyin chad sems can thams cad kyi snying shes pa dang / sems can thams cad kyi snying la dbang byed do// thams cad kyi snying du sdug par 'gyur ro// thams cad kyi brtan

  45. 211a

    par chags so/ / snying thams cad las tshig thos par 'gyur ro// gyur pa dang / 'gyur ba dang / da ltar gyi tshig bden par 'gyur ro// bdag gi snying las kyang cho rdum/ rnam pa bzhi mthong zhing gzhan la'ang ston to// de'i snying las rdo rje 'byung bar 'gyur ro// des na sems can thams cad kyis mi sod pa dang / mi tshugs pa dang / mi gcod pa dang / mi phyed pa'i rdo rjes lus su 'gyur ro zhes/ bcom ldan 'das phyag na rdo rjes gsungs so// de nas gsang ba'i mchod pa bya ste/ rdo rje'i thugs bstod pa'i glus bstod do// de phyin chad grub pa thams cad rdzogs par 'gyur te/ 'dod pa thams cad dang gsang ba'i mchod pa thams cad myur du 'grub par 'gyur ro// de nas mchod pa thams cad kyis 'dra bar mchod nas/ ji snyed pa'i zas dang / ro dang / spyad pa thams cad kyis tshim par byas nas 'byung ngo / / rdo rje 'khor lo chen po'i tshi ga rgyas pa'o// de nas rdo rje'i dkyil 'khor du rdo rje 'dod pa khro bo la sogs pa'i phyag rgya ji lta ba bzhin bris te zhugs nas mchod pa'i lha rnams kyis gar gyi mchod pas snyim pa ma stongs par byas te/ rdo rje sems dpa'i phyag rgya chen po bcings la/ bcom ldan 'das kyi spyan sngar rdo rje'i glu'i rdo rje'i bzlas pas 'bum bzlas so/ / de nas rdo rje de lci bar 'gyur ro// de nas slar yang bar 'gyur ro// de nas de ltar mtshan gcig thal byung du bzlas na nang par rdo rje 'dzin tam/ rdo rje khro bo stong gsum gyi stong chen po'i

  46. 211b

    'jig rten gyi khams thams cad kyi bdag po lha'i gzugs dang / mdog dang / rgyun dang / spyan gsum pa la phyag bzhi pa rdo rje 'dod pa'i mdangs dang 'dra bar 'gyur te/ rdo rje 'dzin gyi tsher 'gyur ro/ rdo rje dkyil 'khor gyi cho ga rgyas pa'o// / de nas dam tshig gi dkyil 'khor te/ dkyil 'khor chen po'i srad bus thig btab ste/ de nas lha mo rnams bris la/ de'i dbus su bcom ldan 'das ji lta ba bzhin du gzhag nas 'di skad smos shig/ ho badz+ra satwa su ra ta s+t+waM/ de'i spyan sngar rdo rje gzhu 'gengs pa'i gzhu bris te/ de'i phyag rgya ni 'di'o// badz+ra a shwe hUM/ g.yas su rdo rje dga' mgu 'khyud par bya'o/ / de'i phyag rgya ni 'di'o// badz+ra ke li hUM/ rgyab tu chu srin rgyal mtshan 'chang ba byams ma'i rdo rje bri/ de'i phyag rgya ni 'di'o// badz+ra a gri ho/ g.yon du rdo rje snyems ma bris te/ rdo rje g.yon du sbyor bar bya/ de'i phyag rgya ni 'di'o// badz+rag r+b+he tsi ni/ de nas grwa dang sgor yang rang gi lha mo br-i/ de nas rdo rje slob dpon nyid shin tu chas la rdo rje lag tu thogs bud med kyang brgyan te/ lag pa gas rdo rje khu tshur bcings la/ dpung pa gnyis kyis 'khyud de zhugal 'di skad brjod do// sa ma ya s+t+waM a haM/ su ra ta po Tak+ki hUM dza/ de nas brjod pa tsam gyis bcom ldan 'das ston par mdzad de/ phyag rgya thams cad 'grub pa dang / dam tshig thams cad 'grub pa'ang stsol to// de nas slob ma'ang de bzhin du sring po'i rdo rje de nyid kyis bcud nas 'di zhes smos shig/ khyod kyis dam tshig 'di las ma 'da' zhig/

  47. 212a

    mi bde ba ma spangs por myur du shi zhing du 'bod chen por skyes par gyur ta re/ de nas dam tshig brjod do// bdag che kun gyi phyag rgya ni// 'dod pa bsam las yang dag 'byung // de bas rtsod// kyis sdig med pa'i// 'dod dang bsam pa ma gtang zhig/ 'di ni dam tshig srung ba'i sngags so// oM Takri hUM phaT/ 'dis rdo rje'i chu blud do// gang dngos po gzhan thams cad kyi phyir yang mnas bsgag ste/ de dag la'ang rdo rje'i phyag rgya 'dzin pas blud do/ / gang gis 'di las 'das na zla ba phyed kyis snying 'gas so zhes/ bcom ldan 'das phyag na rdo rje dam tshig chen pos gsungs so// de nas phyag rgya bcing ba bslab bo// de nas de bzhin du 'byung ngo / / shin tu dga' ba'i rdo rje zhes bya ba gsang ba'i dkyil 'khor ro// de nas las kyi dkyil 'khor de bzhin du bris nas nyid kyi sku'am mtshan ma gzhag go// der btsud nas las rnam bzhi bslab par bya'o/ / de la dang po nyid du 'dod pa thams cad stsol bar gyur te/ phyag na rdo rje'i phyag rgya chen po bcings nas rdo rje 'dzin phyag bzhi pa/ de bzhin gshegs pa thams cad kyi 'phreng ba la sogs pa'i rgyan gyis brgyan pa'i skur bdag nyid mthong ba de srid kyi bar du bzlas so/ / da phyin chad 'dod pa thams cad nus par 'gyur ro// de nas khro bo'i las bslab ste/ rdo rje hUM zhes bya ba'i phyag rgya bcings la bzlas na de bzhin gshegs pa thams cad thang cig bzlas te/ hUM zhes pas bsdigs na de bzhin gshegs pa'ang 'gyel bar 'gyur ro// de phyin chad 'gro ba gnas pa thams cad kyang 'gyel nus par 'gyur ro// de nas phyag na rdo rje'i las 'byung ste/

  48. 212b

    sems can thams cad 'dod pa dang / khro bo gnyis kyis 'dul bar 'dod na/ rdo rje 'dzin ma'i phyag rgyas me tog la sogs pas mchod pa byas te/ rdo rje thugs kyi phyag rgya bdag gi snying khar bcings la/ phyag na rdo rje'i spyan sngar rdo rje 'dzin thob pa de srid du bzlas so// de bzhin gshegs pa thams cad kyi las byed par 'dod pas/ phyag na rdo rje'i spyan sngar byang chub tu sems bskyed la sbyin pa sbyin/ tshul khrims bsrung / bzod pa bsgom/ brtson 'grus brtsam/ bsam gtan la snyoms par gzhag/ shes rab yongs su rdzogs par bya ste/ ci 'dod ci nus kyis bya zhing rtag tu bzlas pa ni phyag na rdo rje'i sku 'am de bzhin gshegs pa'i skur mthong gi bar du bya'o/ / de nas sa bcu po 'thob ste/ de bzhin gshegs pa'i las byed pa'i byang chub sems dpar 'gyur ro// las kyi dkyil 'khor gyi cho ga'o// de nas bsgrub pa 'byung ste/ dkyil 'khor du ni ma zhugs par// dam tshig shes pa ma yin dang // slob ma ma yin gzhan rnams la// mi zad snying po 'di mi sbyin// dkyil 'khor mthong bas sgrub pa ni phyag na rdo rje'i spyan sngar stong phrag brgya bzlas na sar bsnyen pa byas par 'gyur ro/ / de nas ras la bris te/ ras kyi dbus su ni bcom ldan 'das de bzhin gshegs pa bri// de'i g.yas su phyag na rdo rje phyag bzhi pa'i thugs ka nas thugs 'byung ba de bzhin du bri/ g.yon du spyan ras gzigs kyi dbang po phyag bzhi pa ste/ gnyis na ni pad+mo'i ting nge 'dzin 'chang / gnyis kyis ni me tog gi gzhu 'gengs pa kha dog dmar po bri/

  49. 213a

    spyan sngar de bzhin du rdo rje 'dod pa'i khro bo za'o// steng du nam mkha'i snying po bri/ zar mchod pa'i lha rang gi mchod pas bkram pa dang mgo bor ro// de nas ras la bris pa'i spyan sngar zla ba bzhir/ dus bzhir stong bzlas shing bsgrubs na/ de nas zla ba tshang ba dang de bzhin gshegs pa'ang stsol bar 'gyur ro// ras la bcom ldan 'das dkyil 'khor gyi tshul du bris la/ sems dpa' chen po dang lha mo'ang de bzhin du bya'o/ / de'i spyan sngar zla ba gcig tu grangs med par bzlas shing 'dod pa thams cad zos la bsgrubs te/ de nas zla ba gcig lon pa dang / phyag na rdo rje'i phyag rgya chen po bcings la/ mtshan thal byung bzlas na nang par rdo rje 'dzin 'thob bo/ / ras la bcom ldan 'das phyag na rdo rje de bzhin du bris la/ de'i spyan sngar zla ba phyed kyi bar du rtag par bzlas pa mi nyal mi mnal bar bzlas te/ de nas zla ba phyed lon pa dang mtshan mo thal byung du bzlas na nang par phyag na rdo rje dang mtshungs pa dang / 'dod pa'i longs spyod chen po dang / bde ba dang / yid bde ba thams cad kyang 'thob cing thams cad du 'gro bar 'gyur ro// ras la bcom ldan 'das khro bo de bzhin du bris la/ de'i spyan sngar rdo rje shugs kyi phyag rgya bcings te/ stong phrag brgya bzlas na des 'grub par 'gyur te/ bsgo ba bzhin las thams cad byed do// sangs rgyas kyi zhing thams cad du'ang khyer zhing slar yang khyer te 'ong ngo / / sangs rgyas kyi zhing thams cad kyi 'dod pa'i bde ba thams cad khyed te 'ongs nas de la sbyin no/ des kyang longs spyod par nusan lha'i bu mo tham cad lta ci spos 'am byin yang stsol to// phyagan rdo rje 'dzin pa nas sa rgyas kyisas

  50. 213b

    bsgo bas stsol bar 'gyur ro/ / sangs rgyas kyi spyan sngar 'bum bzlas na de bzhin gshegs pa thams cad bkug ste dbang du byed do// phyag na rdo rje'i spyan sngar rdo rje thugs kyi phyag rgya bcings nas stong phrag brgya bzlas na/ de nas phyag na rdo rje nyid kyi dpal gyi lha mo khrid de byon nas sgrub pa po'i mdun du 'dor ro// de nas sgrub pa pos bcom ldan 'das khyod nyid bdag gis grub par 'tshal gyi/ 'di ci 'tshal zhes spros shig/ de nas bcom ldan 'das dgyes te ci 'dod pa'i mchog stsol bar 'gyur ro// grub pa thams cad kyang 'grub bo// spyan ras gzigs dbang po'i spyan sngar 'bum bzlas na spyan ras gzigs dbang pos mchog stsol bar 'gyur ro/ / nam mkha'i snying po'i spyan sngar 'bum bzlas na dbang stsol bar 'gyur te/ bsam pa thams cad yongs su rdzogs par mdzad do// rdo rje gzhog ste de'i mdun du 'bum bzlas na de nas las thams cad yid bzhin du grub par byed do/ / phyag rgya chen po bcings nas 'bum bzlas na phyag na rdo rje 'dzin gyis mchog stsol to// dam tshig gi phyag rgya bcings nas 'bum bzlas na rdo rje 'dzin mngon du mthong zhing phyag rgya'i las kun grub pa'ang stsol bar 'gyur ro/ / rdo rje lag tu thogs nas 'bum bzlas na rdo rje khu tshur gyis rdo rje bzung ba tsam gyis mi snang bar 'gyur ro// 'khor lo thogs te 'bum bzlas na 'khor lo'i rig pa 'dzin par 'gyur ro/ / kyo ba btang thogs te 'bum bzlas na kyo btang nges thams cad 'gugs nus par 'gyur ro// zhags pa thogs te 'bum bzlas na zhags pa des thams

  51. 214a

    cad drang rus par 'gyur ro/ / lag pa gnyis rdo rjes bcings pa bsdams te 'bum bzlas na sems can thams cad bcing nus par 'gyur ro// rdo rje dbang ba'i phyag rgya bcings nas 'bum bzlas na gnas pa dang 'gro ba thams cad dbab nus par 'gyur ro/ / rdo rje hUM zhes bya ba'i phyag rgya bcings nas 'bum bzlas na hUM zhes bya ba gcig gis gnas pa dang / 'gro ba thams cad skad cig gis ltung bar byed nus par 'gyur ro/ / lha chen po rkang pa g.yon pas mnan la 'jig rten gsum las rnam par rgyal ba'i phyag rgya bcings nas 'bum bzlas na/ zla ba gcig tshun chad kyis der 'ongs te dbang du 'gyur ro/ / mthu bo che rkang pa g.yon pas mnan te 'bum bzlas na 'khor lo thob ste/ 'khor lo de thogs na 'grub par 'gyur ro// tshangs pa mnan te 'bum bzlas na tshangs par spyod par 'gyur ro// brgya byin rkang pa g.yon pas mnan te 'bum bzlas na rdo rje sbyin par 'gyur te/ rdo rje bskor bas char gcad pa dang / dbab pa dang / thang cig gis ni gnam lcags dang ser ba 'bebs so// sa nad gzhon nu mnan te 'bum bzlas na gzhon nu ma thams cad kyi bdag por 'gyur ro/ / las thams cad kyang byed par 'gyur ro// nyi ma la bltas te 'bum bzlas na bdud rtsi rna cha sbyin par 'gyur te/ des na lha'i lo stong 'tsho bar 'gyur ro// zla ba la 'bar ba'i lta bas mgu bar bltas te stong phrag brgya bzlas na zla ba gnyis su mthong ste/ de phyin chad zla ba dang mtshungs pa'i 'od dang mdangs su 'gyur te/

  52. 214b

    sems can thams cad kyi mig tu mdzes shing / sems can thams cad kyi snying du sdug par 'gyur ro// gapa' chen po'i gzugs la bltas te 'bum bzlas na de nas be con thob ste/ be con des ni 'thabs na dgra las rgyal te nor thams cad 'thob bo/ / skya seng gi gnas su song ste'i bum bzlas na skya gleng las kun byed do// rgun gyis myos pa mnan te 'bum bzlas na chang gi snod thams cad nam 'tsho'i bar du mi zad par 'gyur ro/ / ma d+hu ka ra la bltas te stong phrag brgya bzlas na dbang bskur ba thob par 'gyur ro// rgyal ba la bltas te 'bum bzlas na 'thab mo dang rtsod pa'i g.yul thams cad las rgyal bar 'gyur ro/ / rgyal ba thob pa mnan te 'bum bzlas na thams cad las rgyal bar 'gyur ro// mdzod skyong rkang pa g.yon pas mnan te 'bum bzlas na bza' ba dang btung ba mi zad par 'gyur ro// 'gro ba thams cad kyang 'di la zad par mi nus so/ / rlung mngon du byas te stong phrag brgya bzlas na rlung gis de dang mthun par 'dod pa thams cad byed par 'gyur ro// me la bltas te 'bum bzlas na me'i dbus su 'dug pa dang / nyal ba dang / 'gro ma'ang mi 'tshig ste/ me'i gzir gyur cing nyin gcig kyang gser srang rerare sbyin no// ngal bso bo mnan te 'bum bzlas na gnod sbyin thams cad kyi bdag por gyur nas nor thams cad kyang sbyin par 'gyur ro/ / phag mo mngon du byas te stong phrag brgya bzlas na sa la 'dug pa'i gter 'byin no// gshin rje mnan te 'jam bzlas na mi 'chi bar 'gyur ro// gnam 'dren pa'i

  53. 215a

    cha lugs la bltas te stong phrag brgya bzlas na de las thams cad pa'i g.yog tu 'gyur ro/ / klu ba ru Na mnan te 'bum bzlas na klu thams cad las kun byed pa'i g.yog tu 'gyur ro/ / ma'i gnas su song nas stong phrag brgya bzlas na ma thams cad g.yog byed cing don thams cad byed par 'gyur ro// sa la 'dug ste 'bum bzlas na sa'i dbang por 'gyur ro// nam mkha' la bltas te 'bum bzlas na nam mkha' la 'gro ba'i sems can thams cad bsgyel ba dang / dbang byed par 'gyur zhing nam mkha' la 'gro bar 'gyur ro// sa'i 'og mngon du byas te stong phrag brgya bzlas na sa'i 'og na 'khod pa kun la dbang du 'gyur ro/ / rin po che thogs te 'bum bzlas na stong phrag brgyar 'phel bar 'gyur ro// gser gyi dong tshe la sogs pa 'ang de bzhin no// skyes pa bzung ste 'bum bzlas na stong phrag brgyar 'phel bar 'gyur ro/ / bud med bzung ste stong phrag brgya bzlas na stong phrag brgyar 'phel bar 'gyur ro// rta la zhon te 'bum bzlas na 'bum du 'phel bar 'gyur ro// glang po che la zhon te 'bum bzlas na 'bum du 'phel bar 'gyur ro// ba lang la sogs pa phyugs kyi rwa gnyis bzung ste 'bum bzlas na stong phrag brgyar 'phel bar 'gyur ro// gos dang rgyan gyi chas la stong phrag brgyar bzlas na stong phrag brgyar 'phel bar 'gyur ro/ / dpal mo la bltas te 'bum bzlas na dbang du 'gyur ro// mtsho dbyangs ma la bltas te 'bum bzlas na tshig rnam par dag par 'gyur

  54. 215b

    ro/ / de nas bslangs na ci bslangs pa de kun ster bar 'gyur ro// gtsug lag thams cad dang rnam par shes pa thams cad shes par 'gyur ro// grub byed ma bzung nas 'bum bzlas na 'das pa dang / daltar dang / ma 'ongs pa kun kyang ston cing ched du ma bslangs par nor sbyin par 'gyur ro// sA la ban tsi ka mnan nas 'bum bzlas na nyin re bzhin yang gser gyi dong tshe brgyad brgyad ster bar 'gyur ro// gos kyi sgrob ma la mnan te 'bum bzlas na mi zad par 'gyur ro/ / gang dang gang gi snod mnan te 'bum bzlas na de dang de mi zad par 'gyur ro// gnod sbyin gyi cha lugs mnan te 'bum bzlas na gnod sbyin gyis ci dang ci 'dod pa kun sbyin par 'gyur ro/ / srin po mnan te 'bum bzlas na de de'i g.yog tu 'gyur ro// 'byung po mnan te 'bum bzlas na 'byung po thams cad kyi bdag por 'gyur ro// sha za'i cha lugs bris pa mnan te 'bum bzlas na de de'i g.yog byed par 'gyur ro/ / de bzhin du gnod sbyin ma la sogs pa'ang sgrub bo// ri la 'dzegs te 'bum bzlas na ni ri thams cad dbang du 'gyur ro// phyugs kyi lhas su 'dug ste/ 'bum bzlas na phyugs thams cad la dbang du 'gyur ro// shing ljon gyi drung du 'bum bzlas na shing ljon pa'i lha rnams mchog sbyin par 'gyur ro// zhing la 'dug ste 'bum bzlas na bza' ba 'bum dang ldan par 'gyur ro/ / tshong pa dang bcas pa'i grong du 'bum bzlas na nor thams cad ma bslangs par thob par 'gyur ro// gnas byin can du 'bum bzlas na thams cad la dbang du 'gyur ro// grong du 'bum bzlas na

  55. 216a

    zla ba gcig tshun chad kyis grong de thob bo/ / gtsug lag khang du 'bum bzlas na gtsug lag khang na gnas pas nor thams cad sbyin par 'gyur ro// lha'i rten du 'bum bzlas na lngas nor/ thams cad sbyin par 'gyur ro// khang pa stong par 'bum bzlas na sha za thams cad de'i g.yog tu 'gyur te/ dgos pa thams cad sbyor bar 'gyur ro// snang ba'i gnas su 'bum bzlas na snang ba dbang du 'gyur ro/ / skyed mos tshal du 'bum bzlas na skyed mos tshal gyi me tog dang 'bras bu thams cad rtag tu 'byung bar 'gyur ro// mtshor 'bum bzlas na mtsho de'i lha la dbang bar 'gyur ro// gter gyi gnas su 'bum bzlas na gter rang 'byung bar 'gyur ro/ / dgod cing 'bum bzlas na rtag tu dga' bar 'gyur te/ bgad pa tsam gyis las thams cad byed par 'gyur ro// khros pas 'bum bzlas na thams cad gtan 'pho bar nus par 'gyur ro/ / cang mi zer bar 'bum bzlas na sems can thams cad dbang du 'gyur ro// lkugs pa'i brtul zhugs kyis 'bum bzlas na tshig thams cad kyi dbang du 'gyur ro// bud med kyi 'joms par rtags btsugs te/ 'bum bzlas na 'dod pa thams cad kyi bdag po dang / nam mkha' la 'gro ba 'grub par 'gyur ro// 'jom pa la mdzub mo btsugs te 'bum bzlas na de byas pas gnas pa dang 'gro ba dang / thams cad 'dren cing 'gugs pa dang / gtong ba dang / 'gyel ba dang / slong bar 'gyur ro// 'jom par lta zhing 'bum bzlas na bud med thams cad dga'

  56. 216b

    bar 'gyur ro/ / 'jom par yig bu mig bcug skye 'bum bzlas na mi snang bar 'gyur ro// 'jom par gur gum bslus te 'bum bzlas na des bslus pas 'dod pa'i gzugs su 'gyur ro// 'jom par ba bla bcug ste 'bum bzlas na nam mkha' la 'gro ba 'grub par 'gyur ro/ / 'jom par ldong ros bcug ste 'bum bzlas na rig 'dzin du 'gyur ro// ral gri thogs te 'bum bzlas na ral gri can gyi rig 'dzin du 'gyur ro/ / 'khor lo thogs ste 'bum bzlas na 'khor lo can gyi rig 'dzin du 'gyur ro// kyo ba btang thogs te 'bum bzlas na kyo ba btang des thams cad 'gugs nus par 'gyur ro// rdo rje gsor nas stong phrag brgya bzlas na rdo rje rig 'dzin du 'gyur ro// phyag na rdo rje lag gis bzung nas 'bum bzlas na de bzhin gshegs pa thams cad kyi rdo rje 'dzin pa'i rig 'dzin du 'gyur ro// de bzhin gshegs pa la lag gis bzung ste 'bum bzlas na de bzhin gshegs pa thams cad la mchod pa byed pa'i dam pa'i chos kyi rig 'dzin du 'gyur ro/ / sangs rgyas rjes su dran zhing 'bum bzlas na sangs rgyas thams cad mthong bas 'grub par 'gyur ro/ / phyag na rdo rje la phyag 'tshal zhing 'bum bzlas na phyag na rdo rjes kyang de mchod na gzhan gyis lta ci smos/ spyan ras gzigs dbang phyug gi zhabs la bzung ste 'bum pa zlas na ting nge 'dzin thob bo/ / rdo rje snying po bzung nas 'bum bzlas na nor thams cad sbyin par 'gyur ro// rdo rje batshur bcangs la rdo rjekhu tshur gyi spyan sngar 'bum pa zlas ma khra tshur badz+ra

  57. 217a

    pa tsam gyis las kun byed nus par 'gyur ro/ / 'jam dpal gzhon nu la blta zhing 'bum bzlas na nam mkha' la yi ge snang ste thams cad smra ba dang spobs pa thogs pa med par thob par 'gyur ro/ / sems bskyed ma thag tu chos kyi 'khor lo bskor ba'i byang chub sems dpa' la bskor cing 'bum bzlas na dkyil 'khor thams cad du zhugs par 'gyur ro// nam mkha'i mdzod la bltas te 'bum bzlas na nam mkha' la rgyu ba thams dang / don thams cad dang / sangs rgyas dang byang chub sems dpa' la sogs pa thams cad kyi bar du ston to// byams pa'i zhabs la bzung ste 'bum bzlas na mtho ris kyi 'dod pa'i bde ba thams cad nyams su myong bar 'gyur ro/ / dkyil 'khor bris nas 'bum bzlas na dkyil 'khor thams cad kyi bdag po slob dpon dang yid kyis thams cad 'grub par 'gyur ro/ / dkyil 'khor chen por brtags te zhugs nas 'bum bzlas na de bzhin gshegs pa thams cad rdo rje 'dzin dang bcas par 'gyur ro// phyag na rdo rje'i spyan sngar phyag rgya chen po bcings la dkyil 'khor chen por 'dug ste/ rdo rje'i bzlas pas stong phrag brgya rdo rje tshig gis bzlas na dngos grub thams cad dang / phun gsum tshogs pa thams cad dang / bshes gnyen thams cad dang / las thams cad kyang nus par 'gyur ro// 'dod pa'i bdag po dang / dbang phyug dang / byed pa po dang / 'byin pa dang / mi pad mi nyams pa dang / 'dod pa thams cad rnam

  58. 217b

    su myong zhing / bde ba dang yid bde ba thams cad rnyed cing 'thob ste/ sems can thams cad la phan pa dang bde ba 'grub pa'i sbyin par 'gyur ba dang / de rang gi gnyen dang / shes gnyen dang grogs thams cad kyis kyang mthong ngo / / de dag la'ang 'grub par byed do// bsams pa tsam gyis sgyu ma thams cad ston to// de bzhin gshegs pa thams cad kyi gzugs kyang ston to// de bzhin gshegs thams cad kyi cho 'phrul yang ston to/ / de bzhin gshegs pa thams cad kyi rnam par 'phrul pa'ang ston to// skad cig gis gzugs sna tshogs su ston par 'gyur te/ rdo rje 'dzin gyi tshe dang / stobs dang / gzugs dang / na tshod dang / shes pa ji tsam pa dang mtshungs par 'gyur ro zhes/ bcom ldan 'das phyag na rdo rjes gsungs so// dkyil 'khor chen por 'dug ste dam tshig gi phyag rgya bcings nas khro bo'i tshig gis bcom ldan 'das la lta zhing don gyis 'bum bzlas na des rdo rje khro bo lta bur bdag gi lus 'gyur ro/ / hUM zhes pas kyang de bzhin gshegs pa thams cad kyang 'dzin pa dang / khams gsum gyi dbang po dang / spyan gsum pa'i khro bo chen por gyur nas ma lus pa'i de bzhin gshegs pa thams cad mthong zhing mchod pa dang / sems can thams cad grub pa gsol te/ de ltar mi zad mi nyams par 'gyur ro zhes/ bcom ldan 'das phyag mardo rjes gsungs so// 'jig rten gsum las rnam par rgyal ba rtogs pa chen po'i rgyal po las/ phyag na rdo rje'i rtog pa'o// de nas bcom ldan

  59. 218a

    'das la/ 'phags pa spyan ras gzigs dbang po byang chub sems dpa' sems dpa' chen pos 'di skad ces gsol to// bcom ldan 'das bdag gis kyang 'jig rten gsum las rnam par rgyal ba rtog pa chen pa'i rgyal po 'dir rang gi snying po 'di stsal to/ / gang brjod pa tsam gyis de bzhin pa thams cad kyi ting nge 'dzin mngon du grub pa dang / 'jigs pa dang / gnam dal dang / 'tshe ba dang nad thams cad 'jigs par 'gyur ro/ / de nas bcom ldan 'das kyis/ 'phags pa spyan ras gzigs kyi dbang po byang chub sems dpa' la legs so zhes bya ba byin te/ legs so legs so// spyan ras gzigs kyi dbang po khyod kyis smros shig/ de nas 'phags pa spyan ras gzigs kyi del po byang chub sems dpa' sems dpa' chen pos rang gi snying po 'di gsungs so// A ro li ka/ de nas 'di brjod pa tsam gyis de bzhin gshegs pa thams cad lhan cig tu 'dus te/ ri rab ri'i rtse mor bcom ldan 'das rnam par snang mdzad de bzhin gshegs pa ga la ba der dong nas/ bcom ldan 'das 'phags papaspyan ras gzigs kyi dbang po'i dkyil 'khor du gyur te zhugs so/ / de nas 'phags pa spyan ras gzigs kyi dbang po byang chub sems dpa' sems dpa' chen pos rang gi snying po'i dkyil 'khor 'di gsungs so/ / de nas yang dag par bshad pa// dkyil 'khor chen po dam pa ste// 'jig rten gsum rgyal tshul bzhin du// phyi yi dkyil 'khor bri bar bya// de dbus srad bu mnyam pa ru// zla ban

  60. 218b

    bar ni gdab pa ru/ / gnyis pa'i grwa ni sgor bstan te// dkyil 'khor mchog ni bri bar bya// dkyil 'khor brgyad kyi tshul du ste// dbus su thig ni bzhi yang bri// tshon rtsi dmar po dag gis ni/ pad+mo 'dab brgyad bri bar bya// de yi snying po'i dbus su ni// 'jig rten mgon po bzhugs par bya// 'dab ma kun gyi steng rnams su// sangs rgyas cha lugs byi bar bya// pad+ma che mchog phyag rgya yis/ / der ni slob dpon zhugs nas kyang / dkyil 'khor gnas su 'dug nas ni// rnal 'byor snyoms par 'jug par bya// ji ltar pad+mo chu rnams dang // nyes pa'i bab chags mang po yis// chags par mi 'gyur de bzhin 'dir// 'gro ba chags pas dag par gyur pa yin// 'di lan cig brjod nas sgom ste// de nas mdzub mo gnyis kyi kyo ba btang gis kun drangs la pad+mo chen po de spyan ras gzigs kyi dbang po'i spyan sngar grol lo/ / de la pad+mo chen po'i kyo ba btang ni 'di'o// oM mahA pad+ma hUM dza hriH/ de nas bcom ldan 'das 'phags pa spyan ras gzigs dbang po nyid byon te/ slob dpon la zhal ston par mdzad nas yang na 'od zer yang 'gyeng ngo / / de nas phyag rgya de nyid kyis slob ma gzhug go// dkar pos g.yogs la gos dkar po bgos lo// thod dkar pos mgo la gtsug tor byas nas bcug ste/ tshigs su bcad pa 'di brjod nas don yang bstan par bya'o// de nas lag pa g.yon par pad+mo byin/ g.yas par sngags kyi nor bu bskur la 'di skad smos shig/ sangs rgyas thams cad pad+mo na/

  61. 219a

    dkyil 'khor chen po dam pa ste// rtag pa ru ni brtag par bya// khyod ni deng nas spyan ras gzigs// de nas phyag rgya chen po bcing ba dang / ting nge 'dzin la sogs pa bsgrub bo// de bzhin gshegs pa thams cad kyi dkyil 'khor chen po pad+mo zhes bya'o// de nas pad+mo'i dkyil 'khor 'byung ste/ pad+mo'i dkyil 'khor de bzhin du bris la// dbus kyi snying po la 'dug nas de bzhin gshegs pa thams cad kyi ting nge 'dzin la pad+ma 'dab ma kha 'byed pa'i tshul gyis lta zhing stong phrag brgya bzlas na 'phags pa kun tu spyan ras gzigs kyi dbang po thob bo/ / pad+mo'i dkyil 'khor ro// de nas dam tshig gi dkyil 'khor 'byung ste/ dkyil 'khor de bzhin du byas la de'i dbus su pad+mo stong bzhag ste/ de nas pad+mo re re zhing bzang po thang res bcom ldan 'das la pad+mo stong 'bul lo// de nas slob ma bcug ste dam tshig brjod do/ / slob min bu min ma yin te// dam tshig can la dam tshig bstan// 'dod pa'i 'dod chags thams cad ni// dag pa nyid ni pad+ma bzhin// dam tshig gi dkyil 'khor ro// de nas las kyi dkyil 'khor de bzhin bris la mchod pa rnam pa bzhis mchod do/ / sangs rgyas thams cad yid kyis te// phyag na rdo rje'i tshig gis so// lus kyis 'jig rten mgon po ste// nam mkha'i snying po las kyis so/ / las kyi dkyil 'khor ro// de nas bcom ldan 'das spyan ras gzigs dbang pos sgrub pa'i cho ga 'di gsungs so// ras la bcom ldan 'das spyan ras gzigs dbang po ri rab ri'i rtse mo na rang

  62. 219b

    gi ting nge 'dzin du zhugs shing / de bzhin gshegs pa brgyad mtha' kun tu bzhugs par dri/ de nas zla ba yar gyi chos zhag gcig nas brtsams nas rtag tu thams cad dag pa'i ting nge 'dzin gyis rgyun du/ bzlas te/ nam spyan ras gzigs dbang po'i zhal nas de bzhin gshegs pa'i sku byung nas sgrub pa po'i pad+mo'i dbus su bzhugs te/ yang de las gzhan pa'i sku byung nas sgrub pa po'i dbang bskur ba'i gnas su brtan par 'gyur gyi bar du bzlas so/ / de nas spyan ras gzigs kyi skur kun gyur te/ skad cig gcig gis bde ba can gyi 'jig rten gyi khams su 'gro zhing ldog go// sems can thams cad kyang mthong ste/ tshe dpag tu med par 'gyur ro// de nas sgrub pa 'byung ste/ 'bum bzlas na sgrib pa thams cad rnam par dag par 'gyur ro// nyis 'bum bzlas na mtshams med pa la sogs pa'i sdig pa thams cad ma lus par 'byang bar 'gyur ro/ / sum 'bum bzlas na bsod nams thams cad mngon du 'gyur ro// de nas dngos grub thams cad dang / de bzhin gshegs pa la sogs pa dang / / phun sum tshogs pa thams cad dang / bshes gnyen thams cad mngon du 'gyur ro// de nas phyag rgya chen po bcings te stong phrag brgya bzlas pa'i mjug tu mtshan thal byung bzlas na/ de'i nang par de bzhin gshegs pa thams cad byon nas de'i snying khar zhugs te/ de nas de bzhin gshegs pa thob bo// yang na khar zhugs na spyan ras gzigs dbang po thob bo// de nas ma bsgrubs

  63. 220a

    kyang las su 'gyur ba ni dang po brjod pas bdag srung ngo / / gnyis brjod pas ni gzhan dang / grong dang / grong khyer srung ngo // gsum pa brjod pas ni las thams cad byed do// dpang pa ni tsan dan gyi bdug pas so/ / gdon thams cad zhi bar bya ba ni hrIHzhes bya bas so// sems can thams cad dbang du bya ba ni rdo rje me tog bzlas te byin no// sems can thams cad mnan pa ri sa ser pos so/ / bud med dbang du bya ba ni su ma na'i me tog la bsngags pas so// chom rkun mnan pa ni yung kar gyi sbyin sreg gis so// ri dgas dang bya mnan pa ni yungs kar gtor bas so// sgyu ma mnan pa ni rma bya'i chang bus so/ / rmi lam mthong bar bya ba ni dus gsum du bzlas pas so// rmi lam ngan pa gzhil ba ni til gyi sbyin sreg gis so// sems can thams cad dbang du bya ba ni khyim bya'i sgrosgo'i sbyin sreg gis so/ / bu mo thor bu ngabang du bya ba ni bu mo'i skra'i sbyin sreg gis so// yugs sa mo dbang du bya ba ni bud med kyi me tog gi sbyin sreg gis so// bud med thams cad dbang du bya ba ni bud med kyi dbang po'i sbyin sreg gis so/ / 'dod pa thams cad dbang du bya ba ni bcom ldan 'das spyan ras gzigs dbang po la mchod pa byas nas nub gsum rangs par bzlas na/ de nas 'dod pa tham cad rtag tu thob par 'gyur ro/ / spyan ras gzigs dbang po'i spyan sngar nyin re zhing dus gsum du lan gsum bzlas na/ de nas bcom ldan 'das kyis zla ba gsum gyis re ba ci 'dod pa'i mchog stsol

  64. 220b

    bar 'gyur ro/ / sangs rgyas kyi spyan sngar zla ba gsum gyi bar du nyin mtshan gsum bzlas na de bzhin gshegs pas mchog stsol bar 'gyur ro// 'jig rten gsum las rnam par rgyal ba rtog pa chen po'i rgyal po las/ spyan ras gzigs kyi dbang po'i rtog pa'o// / de nas bcom ldan 'das la/ 'phags pa nam mkha'i snying po byang chub sems dpa' sems dpa' chen pos 'di skad ces gsol to/ / bcom ldan 'das bdag gis kyang 'jig rten gsum las rnam par rgyal ba rtog pa chen po'i rgyal por rang gi snying po 'bul gyis/ bcom ldan 'das kyis bzhes su gsol 'dis sems can thams cad dbang skur ba thob pa la sogs pa bsam pa thams cad yongs su rdzogs par 'gyur ro/ / de nas bcom ldan 'das kyis// 'phags pa nam mkha'i snying po byang chub sems dpa' la/ skyes bu chen po smos shig ces bka' stsal te/ de nas 'phags pa nam mkha'i snying po byang chub sems dpa' sems dpa' chen pos rang gi snying po 'di gsungs so// traM bA bA Ta Ta ha ha/ de nas 'di brjod pas nam mkha' la dbang bskur ba thams cad la sogs pa rin po che'i rgyan thams cad dang / gos dang / gser dang / nor rin po che'i dbyig la sogs pa thams cad kyi char bab po/ / bcom ldan 'das kyi sku kun tu rgyan thams cad kyis brgyan te bzhugs so// de nas nam mkha'i snying po byang chub sems dpas dkyil 'khor chen po 'di gsungs so// rdo rje'i dkyil 'khor tshul bzhin

  65. 221a

    te/ / rdo rje rin chen mnyam ldan zhing // grwa brgyad shin tu mnyam par bya// rin chen kun dang ldan par bya// der slob dpon zhugs te rdo rje rin po che'i phyag rgya dbang bskur ba'i gnas su gzhag la zhugs nas 'di zhes brjod do/ / re ba thams cad grub pa yi// nam mkha' grub pa mchog yin te// grub cig grub cig sems chen po// bcom ldan thams cad grub par ro// de nas bcom ldan 'das nam mkha'i snying po byang chub sems dpa' byin gyis rlob par mdzad do/ / de nas dkyil 'khor gyi dbus su nam mkha'i snying po'i cha lugs gzhag la/ de'i thad 'khor kun tu phyag na rdo rje la sogs pa skyes bu dam pa brgyad gzhag par bya'o/ / de nas slob ma rdo rje khu tshur gyis gzhug go// bcu ga nas 'di skad ces brjod do// sems can kun la phan phyir dang // bsam pa thams cad rdzogs bya'i phyir/ / don zhes bstan pa gang yin de// byang chub sems ni bstan pa yin// de nas sbyin pa rnam pa bzhi bslab bo// de la dbang bskur ba sbyin pa dang / nor sbyin pa dang / zas sbyin pa dang / chos sbyin pa'o/ / del dbang bskur ba sbyin pa ni de bzhin gshegs pa rnams la'o// nor sbyin pa ni sems can thams cad la'o// zas sbyin pa ni byol song thams cad la'o// chos sbyin pa ni sems can mi snang ba thams cad la 'o/ / de nas snying po byin la rin po che thams cad kyis byin gyis brlabs pa'i bum pa'i chus dbang bskur te 'di zhes brjod do// oM badz+ra rat+na b+ha kI She a b+hi Shi ny+tsa sarbA nA bi t+ye hUM bA bA Ta Ta saH/ de nas rdo rje

  66. 221b

    / nor bu'i khu tshur gyis phyag rgya bslab ste/ sngags ni 'di'o// hUM bA taH/ de nas rdo rje rin po che phyag rgya bcings te/ sngags ni 'di'o// oM bA bA ta mu baM/ de nas mchod pa rnam bzhi bya ste 'byung ngo // dbang thams cad bskur ba'i dkyil 'khor ro// de nas rdo rje rin po che'i dkyil 'khor 'byung ste/ rdo rje rin po che dbus su bris la/ lag tu nor bu thogs nas rdo rje rin po che langs kyi bar du bzlas so// de nas de bzhin gshegs pa byon te dbang bskur bar mdzad do// dbang bskur ba des na thams cad kyi dbang por 'gyur ro// rin po che'i dkyil 'khor ro// de nas dam tshig gi dkyil 'khor te/ nam mkha'i snying po'i cha lugs bris la/ spyan sngar nor dang / gser dang / mu tig dang / nor bu rin po che la sogs pa gang yang rung ba bzhag la/ de nas de btsud de thams cad bstan nas dam tshig 'di sbyin no/ / sangs rgyas la sogs sems dpa' dag/ gal te nyin re mchod stong na// khyod kyis nor dang don bsags pa// tshe rabs kun tu 'jig par 'gyur// de la 'di ni mna'i snying po'o// oM bA ha TaT ya swA hA/ de nas chus dbang bskur ro// dam tshig gi dkyil 'khor ro// las kyi dkyil 'khor bris la de bzhin gshegs pa rgyan thams cad kyis brgyan par bya ste/ de'i dbus su bzhag nas der btsud de/ de nas las rnam pa lnga bslab pa ni// 'di lta ste/ dbang sbyin pas de bzhin gshegs pa thams cad la mchod pa bya'o// de nas nor sbyin pa ni dge sbyong dang bram ze la sogs pa la ci nus kyis

  67. 222a

    sbyin no/ / de nas pas sbyin pa ni byol song rnams la sbyin no// de nas mi 'jigs pa'i sbyin pa ni gyod khrid thams cad la sbyin no// de nas chos sbyin pa ni mi snang ba'i sems can rnams la sbyin no/ / las kyi dkyil 'khor ro// de nas sgrub pa 'byung ste/ ras la bcom ldan 'das de bzhin gshegs pa rgyan thams cad kyis brgyan pa// rdo rje rin po che'i dbang bskur bas dbang bskur ba bris te/ de'i g.ya phyogs su 'phags pa nam mkha'i snying po bcom ldan 'das la dbang bskur ba'i 'phreng bas dbang bskur ba'o/ / g.yon phyogs su bcom ldan 'das phyag na rdo rje rgyan thams cad kyis brgyan pa'o// de nas ras la bris pa de'i spyan sngar 'bum bzlas pa'i 'jug tu nyi ma shar ba nas brtsams te/ phyi de nyin gyi nyi ma shar gyi bar du bzlas na/ de nas bcom ldan 'das nam mkha'i snying po ras la bris pa de las byung nas sgrub pa po de la rdo rje rin po che'i dbang bskur bas dbang bskur ro/ / dbang bskur ba de nas de bzhin gshegs par 'gyur ro// de nas ma bsgrubs par yang las su 'gyur ba ni 'bum bzlas na don thams cad phun sum tshogs par 'gyur ro/ / phyag na rdo rje'i spyan sngar 'bum bzlas na gter chen po rnyed do// spyan ras gzigs dbang phyug gi spyan sngar 'bum bzlas na spyan ras gzigs dbang pos phun sum tshogs pa thams cad stsol bar 'gyur ro/ / nam mkha'i snying po'i spyan sngar 'bum bzlas na rgyal srid thob bo// rdo rje khu tshur gyi spyan sngar 'bum bzlas na

  68. 222b

    nam mkha' la khu tshur bcings pas gser gyi dong tshe 'byung ngo / / 'jam dpal gzhon nu la bltas te 'bum bzlas na chos kyi nor dang gzungs thob bo// des nor yang skye bar byed do// rdo rje 'khor lo srin lag gi sor mos mnan te 'bum bzlas na 'khor lo skor bar 'gyur ro/ / nam mkha'i mdzod kun nas 'khyud de 'bum bzlas pas nam mkha' las nor thams cad dang zas thams cad kyi yo byad zad mi shes par 'gyur ro/ / byams pa la bltas te 'bum bzlas na bcom ldan 'das byams pa byang chub sems dpa' dga' ldan rnams kyi dbang mchog byin nas slar yang 'ong ngo // de phyin chad 'dod pa thams cad kyi nor gyi bdag por 'gyur ro/ / 'jig rten gsum las rnam par rgyal ba rtog pa chen po'i rgyal po las/ nam mkha'i snying po'i rtog pa'o// // de nas rdo rje khu tshur gyis byang chub sems dpa' thams cad 'dus pa'i 'khor thams cad bskyed nas/ bcom ldan 'das la 'di skad ces gsol to// bdag gis kyang 'jig rten gsum las rnam par rgyal ba'i rtog pa chen po'i rgyal po 'dir rang gi snying po dbul bar bgyi ste/ bdag gis bskal pa stong phrag dgu bcu rtsa gcig pa la rdo rje'i ri rab de bzhin gshegs pa las blangs te/ des 'jig rten gyi khams thams cad kyi rdul phra mo snyed kyi sems can rnams grub pa thams cad grub par byas te/ de'i bskyed pa nas de bzhir gshegs pa rdzogs kyi bar du'o// de nas bcom ldan 'das kyis/ rdo rje khu tshur byang chub

  69. 223a

    sems dpa' chen po la legs so zhes bya ba byin te/ legs so legs so// rdo rje khu tshur khyod kyis smros shig/ de nas rdo rje khu tshur gyis stong gsum gyi stong chen po'i 'jig rten gyi khams thams cad rab tu g.yos par byas nas rang gi snying po 'di gsungs so/ / oM ru Tu ru Tu hUM ma tha/ de nas 'di gsungs pa tsam gyis de bzhin gshegs pa thams cad dang / rdo rje 'dzin dang / 'khor thams cad dang bcas nas ri rab ri'i rtse mor bcom ldan 'das ga la ba der lhags te/ lag pa gnyis kyis rang gi khu tshur gyi phyag rgya bcings nas/ de bzhin gshegs pa thams cad kyi byang chub la dmigs shing / bcom ldan 'das rdo rje khu tshur gyi dkyil 'khor chen por gyur nas bkod do// de nas rdo rje khu tshur gyis de bzhin gshegs pa thams cad phyag rgyas btab nas dkyil 'khor chen po 'di gsungs so/ / de nas gzhan yang rab bshad pa// dkyil 'khor chen po dam pa ste// rdo rje dkyil 'khor 'dra ba ni// rdo rje khu tshur zhes gsungs so// de yi dbus su sems chen po// rdo rje khu tshur gzhag par bya/ / rdo rje khu tshur rdo rjer bcas// lag pa gnyis ni btsir bar bya// de yi ngos ni thams cad du// sangs rgyas gzugs rnams gzhag par bya// de dag gi ni grwa kun tu// byang chub sems dpa' kun bri'o/ / de nas rdo rje khu tshur gyi dkyil 'khor 'dir rdo rje slob dpon gyis rdo rje dang bcas pa'i khu tshur gyi dam tshig gi phyag rgya bcings te zhugs la 'di rjod cig/ hUM da k+Shi Ni sma ra Na dzaT/ de nas bcom

  70. 223b

    ldan 'das rdo rje khu tshur slob dpon la grub par gyur te/ de la phyag rgya'ang brtan par 'gyur zhing sus kyang dbye bar mi nus so// de nas snying po 'dis bdag gi snying khar dgrol lo// oM badz+ra muSh+Ti muH/ de nas slob ma gzhug pa ste/ rdo rje khu tshur gyi dam tshig gi phyag rgya rdo rje dang bcas pa/ 'phreng ba dang bcas par bya ste/ de bzhin du ras dmar pos mig gnyis bkab ste/ de nas 'di zhes brjod do// deng khyod de bzhin gshegs pa thams cad kyi phyag rgyas btab pa ni chos kyi phyag rgya dang // rdo rje 'dzin gyi rdo rje'i phyag rgyas kyang btab bo// khyod chos dang rdo rje las gang 'dod/ des smras pa/ gnyis ka'o zhe na/ de nas rdo rje slob dpon gyis rdo rje dang / de bzhin gshegs pa'i cha lugs blangs nas 'phreng ba de'i mgo la bzhag ste/ dgrol ba'i snying po de nyid kyis phyag rgya snying khar dgrol lo// de nas lag tu sbyin pa ni lag pa g.yon par rdo rje'o// g.yas par de bzhin gshegs pa'o// de ste de bzhin gshegs pa'o zhes zer na/ de nas de bzhin gshegs pa nyid sbyin no// de ste rdo rje'o zhes zer na/ de'i lag pa g.yon par rdo rje byin la 'di skad sgo zhig/ 'di gnyis ni khyod kyi grub par dmigs la rtag tu mchod pa gyis shig/ de nas gdong g.yogs pa bkrol la dkyil 'khor ston la 'di smos shig/ de bzhin gshegs pa thams cad kyi// lus dang ngag sems rdo rje rnams// bsdus pa khu tshur zhes bya ste// bcings na rdo rje khu tshur bshad// de nas snying po byin la phyag rgya bcing ba slobs

  71. 224a

    shig/ dam tshig gi khu chur zhes bya ba'i dkyil 'khor ro// de nas phyag rgya'i dkyil 'khor 'byung ste/ dkyil 'khod chen po rdul bzhin du/ kyil 'khor thams cad yang dag pri ni le ma tshigs sangs rgyas sku lus gzhag par bya/ / thams cad rgyan gyi brgyan pa yi// rdo rje khu tshur kun 'dzin pa'o// de yi ngos ni thams cad du// phyag rgya bzhi ni bri bar bya// zla ba'i dkyil 'khor dbus rnams su// rdorje rin chen yang de bzhin// de bzhin rdo rje pad+mo'i dbus// rdo rje rgya gram bri bar bya// grwa yi phyogs rnams thams cad du// mchod pa rnam bzhi bri bar bya// de nas btsud nas phyag rgya kun// bcing ba yang ni bslab par bya/ / sgrub pa gsang ba dag dang ni// bskul ba gsang ba bslab par bya/ 'di rnams thams cad kun bris nas// sgrubs shig ces ni brjod par bya// phyag rgya'i dkyil 'khor ro// de nas dam tshig gi dkyil 'khor 'byung ste/ de bzhin du mtshan ma bzhag nas 'di zhes brjod do// ci ste dkyil 'khor ma mthong na// phyag rgya shes pa bstan pa ni// rdo rje rin chen rgyal ba dang // sna tshogs pas khyod gsod par 'gyur// dam tshig gi dkyil 'khor ro// de nas las kyi dkyil 'khor 'byung ste// dkyil 'khor de bzhin du bris la/ bcom ldan 'das rdo rje khu tshur gyi spyan sngar phyag rgya'i las bslab bo/ / de la phyag rgya bcings pa ni 'di'o// rdo rje bcing ba kun byas la// sor mo thams cad dgug bya ste// rdo rje 'bebs pa'i phyag rgya dang // rdo rje khu tshur phyag rgya bcing // de nas lag

  72. 224b

    pa'i phyag rgya bcing ngo / / de lta bur mi ldan na 'dod pa thams cad kyi mchog sgrub pas ni dam tshig chen po yang dag pa'i ye shes kyi snying po thang cig bzlas pas phyag rgya thams cad bcing bar bya ste/ thams cad kyi ni ma yin no/ / las kyi dkyil 'khor ro// de nas bcom ldan 'das rdo rje khu tshur gyi sgrub pa 'byung ste/ 'o ma 'thung zhing rdo rje khu tshur gyi dam tshig gi phyag rgya bcings nas 'bum bzlas na sngar bsnyen pa byas par 'gyur ro/ / de nas ras la bri bar bya ste/ ras la bcom ldan 'das 'phags pa rdo rje khu tshur rgyan thams cad kyis brgyan pa bris la/ phyag gnyis kyis rdo rje dang bcas pa'i rdo rje khu tshur bcings pa rdo rje dbang bskur ba'i dar gyis bcings la/ / de'i thad 'khor thams cad du de bzhin gshegs pa'i 'khor gyi dkyil 'khor rnams bya'o// de bzhin gshegs pa de dag kyang phyag gnyis ka de bzhin gshegs pa thams cad kyi rdo rje khu tshur du bcing bar bya'o/ / byang chub sems dpa' de dag thams cad kyang ting nge 'dzin du snyoms par zhugs par bya'o// de nas de'i spyan sngar de bzhin gshegs pa thams cad kyi khu tshur bcings la/ stong phrag brgya bzlas pa'i mjug tu zhag bdun sbyangs nas bdag de bzhin gshegs pa thams cad kyi skur bsgoms la mtshan thal byung du bzlas so// de nas nam phyed nas 'dod kyi las sna tshogs snang bar 'gyur ro// de nas 'di rjod cig/ oM badz+ra maSh+Ti san phan sarba mA ra Na phaT/ de nas nang par gyi dus na bcom ldan 'das thams cad byon te lus kun

  73. 225a

    tu 'jug go/ / de nas de bzhin gshegs pa dgra bcom pa yang dag par rdzogs pa'i sangs rgyas su 'gyur ro// yang ras kyi cho ga 'byung ste/ ras la bcom ldan 'das de bzhin gshegs pargyan thams cad kyis brgyan pa bris te/ de'i g.yas phyogs su bcom ldan 'das rdo rje khu tshur rgyan thams cad kyis brgyan pa/ sku mdog sngo bsangs ut+pal sngon po lta bu/ rdo rje khu tshur gyi phyag g.yon pa'i khu tshur gyis rdo rje bsnams pa/ g.yas pa mchog sbyin pa ste/ de'i g.yas su bcom ldan 'das ma rdo rje'i dam tshig gi khu tshur can rgyan thams cad kyis brgyan pa/ gzhon nu ma dam tshig gi lu tshur gyis rdo rje dam du 'tshir ba mdog dmar por bya'o/ / de'i thad du rdo rje'i gsal phur ma rgyan thams cad kyis brgyan pa/ spyan gsum pa/ lag pa gnyis kyis rdo rje gsal phur thogs pa'o// bcom ldan 'das kyi g.yon phyogs su spyan ras gzigs kyi dbang po thor tsugs kyi dbu rgyan thams cad kyis brgyan pa/ pad+mo dang mchod sprin gyi phyag tu byas la/ de'i g.yon du pad+mo chen po'i rdo rje byang chub sems dpa' rdo rje'i sde zhes bya ba'o/ / de'i g.yon du rdo rje'i dpal mo dang / rdo rje pho nya mo'o// rdo rje dpal mo ni gser gyi sku mdog go/ dpal gyi gzugs 'chang ba phyag na rdo rje 'dzin pa'o// rdo rje ponya mo na mdog sngon mo la rdo rje khar ba 'chang ba'o/ / de nas zla ba yar gyi ngo tshos gcig nas brtsams te/ rdo rje khu tshur gyi dam tshig gi phyag rgya bcings nas stong phrag brgya bzlas na/ gzugs kyi ras de las phaT

  74. 225b

    ces bya ba thos na/ de nas bcom ldan 'das phyag na rdo rje 'grub par 'gyur te/ de phyin chad nam mkha'i dkyil na spyod cing 'dod pa'i ma snang bar yang 'gyur/ dpag tshad stong du phar yang 'gro zhing gyen du'ang 'gro'o/ / ci 'dod pa'i gzugs su 'gyur ro// kun tu 'khyil pas 'khyil pa'i skra can lo bcu drug lon pa'i lus su gyur nas 'dod pa'i longs spyod thams cad la ci 'dod pa bzhin longs spyod par 'gyur ro/ / rdo rje khu tshur bcings pas sems can thams cad la phan gdags pa dang / chad pas gcad pa la sogs pa thams cad nus par 'gyur ro// gzugs bzang po bskal par gnas shing / rga ba dang shi bar yang mi 'gyur ro// yang cho ga gzhan te/ ras la bcom ldan 'das de bzhin gshegs pa bris la// de'i g.yas phyogs su phyag na rdo rje rgyan thams cad kyis brgyan pa sku mdog ut+pal sngon po'i kha dog/ phyag na rdo rje dang bcas pas rdo rje khu tshur bcings te sbyar la bcom ldan 'das la 'dud par bya/ de'i g.yon phyogs su bcom ldan 'das ma dam tshig gi khu tshur rgyan thams cad kyis brgyan pa yid tsam 'dud pa/ bcom ldan 'das la phyag 'tshal ba/ lag pa g.yas pa na a mra'i 'bras bu 'bul ba/ g.yon pa na rdo rje khu tshur gyis rdo rje 'dzin to// de nas ras la bris pa'i spyan sngar zhag gsum sbyangs la/ gu gul gyi ril bu sran ma tsam du ru ka'i 'bru mar la bsnyugs pa brgyad stong dub med pa'i mdag ma la sreg go// de nas gzugs de 'gul te bcom ldan 'das kyi zhal

  75. 226a

    nas 'od zer 'byung ngo / / de nas bcom ldan 'das rdo rje khu tshur gyis mchog stsol ba ni/ rgyal po 'am/ 'khor lo bskor ba 'am/ lha ma yin pa dbang ba 'am/ sa brjod pa 'am sa'i 'og brjod pa 'am/ khams brjod pa 'am/ 'dod pa'i khams mi snang ba 'am/ nam mkha' la 'gro bar 'gyur ro// yang sgrub pa gzhan gyi cho ga ste/ ras la bcom ldan 'das rdo rje khu tshur rgyan thams cad kyis brgyan pa bris la/ de bzhin du rdo rje dang bcas pa'i phyag gnyis kyis rdo rje khu tshur bcings pa ut+pa la sngon po'i mdog tu byas la/ de'i spyan sngar dam tshig gi rdo rje khu tshur bcings te/ stong phrag brgya bzlas pa'i mjug nyin mtshan gsum thal byung bzlas na nam phyed nas bcom ldan 'das nyid byon te mchog stsol bar 'gyur ro/ / ras sam/ shing le ba bam/ rtsig ngos la bcom ldan 'das rdo rje khu tshur de bzhin du rdo rje dang a mra'i 'bras bu thogs par byas te/ de'i spyan sngar stong phrag brgya bzlas na phyag rgya thams cad bcings pa tsam gyis las thams cad gdon mi za bar byed par 'gyur ro// de nas ma bsgrubs pa'i las rnams 'byung ste/ / rdo rje dam tshig gi khu tshur bcings nas 'bum zlos na khu tshur bcings pas nam mkha'a' 'gro bar 'gyur ro// lag pa g.yon pas rdo rje nga a pa dong khu tshur bcings na phyag na rdo rje la sogs pa'i gzugs 'byung bar 'gyur bani 'bum bzlas so/ / lag pa g.yon pas rdo rje khu nur bcings te stong phrag brgya bzlas mkhu tshur bcings pa des mi snang bar 'gyur ro// phral na snang bar 'gyur ro// rdo rje bcing ba'i khu tshur byas la

  76. 226b

    'bum bzlas ma bu tshur bcangs pas bcing ba dang / nges par bya ba dang / gnyid log par bya ba thams cad nus par 'gyur ro// nam mkha' la rdo rje khu tshur bcangs te 'bum bzlas na rdo rje khu tshur bung pa tsam gyis nam mkha' la nor dang / gser dang / mu tig dang / rgyan dang / rin po che dang / gos dang / bza' ba dang / btung ba dang / me dang / chu dang / me tog dang / 'bras bu dang / myu gu dang / yi ge dang / 'thab cha dang / ston skyobs dang / mtshon cha dang / glegs bam dang / rtog pa dang / mdo sde dang / sangs rgyas kyi sku la sogs pa dngos po gnas pa dang / 'gro ba ci 'dod pa dgug par byed do/ / g.yas pa rdo rje khu tshur bcangs la 'bum bzlas na rdo rje khu tshur bstan pas gnas pa dang / 'gro ba thams cad dgug pa dang / 'dren pa dang / 'gyel bar nus par 'gyur ro/ / khu tshur bsgyur bas thams cad gtan 'pho nus par 'gyur ro// g.yas pas rdo rje khu tshur bcangs la stong phrag brgya bzlas na rdo rje khu tshur byabs pas thams cad las nor dang / gser dab rgyan dang / gos dang / mtshon cha dang / me tog dang / 'bras bu la sogs pa dngos po thams cad 'gug go/ gzugs dang / sgra dang / dri dang / ro dang / reg bya las dam pa thams cad kyang 'gug go/ / bud med kyi num dang / mngal phyogs dang / mig dang / sna dang / mchu dang / rna ba dang / mgo dang / brla dang / ska rags dang / gsang khru la sogs pa dngos

  77. 227a

    thams cad kyang 'gug go/ / bkrol na thar bar 'gyur ro// nyin zhag gcig sbyang la lag pa gnyis rdo rje kha tshur bcangs te/ stong phrag brgya bzlas na de phyin chadang khu tshur bcas pas las thams cad byed do/ / de la las rnams ni dgug pa dang / gzhug pa dang / bcing ba dang / dbang du bya ba dang / rengs par bya ba dang / rmugs par bya ba dang / rgyas gdab pa dang / gnyid log pa dang / bslang ba dang / drang ba dang / bsgyel ba dang / brdabs pa dang / bskrad pa dang / dbye ba dang / go bzlog pa dang / gtan 'pho ba dang / gso ba dang / sgyu ma thams cad bstan pa dang / dus tshig bsgyur ba dang / sa la sogs pa g.yo ba dang / thams cad la dbab pa dang / dkyil 'khor du gzhug pa dang / gar byed pa dang / glu len pa dang / sngon ma byung ba sbyor ba dang / so sor lung ston pa dang / 'khrul 'khor thams cad gzhom pa dang / sgo thams cad dbye ba dang / gdon thams cad 'jug pa dang / dug thams cad bslang ba dang / ma rung par bya ba dang / thams cad spo ba dang / thams cad kyi phyag rgya gzhom pa dang / thams cad 'gebs pa dang / gas pa sbyar ba dang / sbrul bslad pa dang / gzung ba dang / gtang ba dang ser ba dang / char dbab pa dang / glog dbyung ba dang / thams cad slar gcad pa dang / sngan chad med pa'i gos dang / rgyan dang / rin po che dang / me tog dang / 'bras bu dang / skyes pa dang

  78. 227b

    bud med dang / bya dang / ri dgas dgug pa dang / gtong ba dang / gzugs mang po ston pa dang / mi snang ba dang / nam mkha' la 'gro ba bstan pa la sogs pa 'dod pa bzhin las thams cad byed par 'gyur ro/ / 'jig rten gsum las rnam par rgyal ba'i rtog pa chen po'i rgyal po las/ rdo rje khu tshur gyi rtog pa'o// // de nas bcom ldan 'das la/ 'jam dpal gzhon nur gyur pa byang chub sems dpas 'di skad ces gsol to/ / bcom ldan 'das bdag gis kyang rang gi snying po 'jig rten gsum las rnam par rgyal ba'i rtog pa 'dir stsal bar bgyi ste/ gang brjod pa tsam gyis de bzhin gshegs pa thams cad kyi mdzod brjod par 'gyur ro/ / de nas bcom ldan 'das kyis 'jam dpal gzhon nur gyur pa la/ rigs kyi bu khyod kyis smros shig ces gsungs so// de nas 'jam dpal gzhon nur gyur pas smras pa/ a ra pa tsa na/ de nas 'di brjod ma thag tu de bzhin gshegs pa thams cad kyi chos thams cad mnyam pa nyid las yi ge mnyam pa nyid sems can thams cad kyis shes rab kyi pha rol tu phyin pa'i grub pa thob par 'gyur ba bshad do/ / de nas dkyil 'khor 'byung ba ste/ 'khor lo'i dkyil 'khor yar gyi ngo tshas bcu bzhi 'am bco lnga la bris te/ de'i dbus kyi lte bar 'jam dpal bzhugs par bya'o/ / rdo rje ral gri dang glegs bam thogs par byas la/ de'i thad 'khor thams cad yi ge a ra pa tsa na la sogs pa'i 'phreng ba bri bar bya'o// de nas slob

  79. 228a

    dpon gyis rdo rje ral gri dam tshig gi phyag rgya bcings la zhugs te/ niSh+Ta pany+tsa gra/ zhes pa'i yi ge 'di lnga brjod do// de nas bcom ldan 'das kyis slob dpon la thogs pa med pa'i spobs pa'ang stsol te/ de phyin chad bcom ldan 'das kyis nam mkha' la yi ger bris te thams cad gsung ngo // de bzhin du slob ma bcug ste 'di zhes smros shig/ deng khyod kyis de bzhin gshegs pa'i chos thob par 'gyur gyis/ snying po 'di khyod kyis su la'ang ma smra zhig/ de la gsang ba'i yi ge 'di rnams so// a ra pa tsam zhes bya ba ste/ 'dod pa thams cad thob bo// de ci phyir zhe na/ a zhes bya ba ni 'dod pa'o// ra zhes bya ba ni chags pa'o// pa zhes bya ba ni don dam pa'o// tsa zhes bya ba ni spyod pa'o// na zhes bya ba ni rang bzhin med pa'o// de ltar 'dod pa dang / chags pa dang / don dam pa dang / spyod pa dang / rang bzhin med pa nyid kyi snying po 'di bsgoms te bsgrubs na 'dod pa thams cad thob par 'gyur ro// de bzhin gshegs pa ni 'dod pa thams cad kyi snod yin te/ de bas na snying po 'dis de bzhin gshegs pa dang / rdo rje 'dzin kyang myur du thob par 'gyur ro// de nas phyag rgya bcing ba bslab bo// spros pa med pa'i mchog ces bya'o// de nas ral gri'i dkyil 'khor 'byung ste/ de bzhin du rdo rje dkyil 'khor bris la/ de'i dbus su ral gri bzhag ste/ mdun du snying po 'di bsgrubs na/ des 'jam dpal gzhon nur gyur pa bsgrubs par 'gyur

  80. 228b

    ro/ rdo rje ral gri'i dkyil 'khor ro// dam tshig gi dkyil 'khor ni dkyil 'khor chen po'i tshul bzhin du bIl zhugs nas 'di zhes brjod do// a kA ro mu khaM sarba d+harmA NAM/ A d+ya nud pan na twAta/ a we u0f7f b a ni chos thams cad kyi sgo ste thog ma nas ma skyes pa'i phyir ro/ / zhes nang par langs nas nyin re lan re brjod na mtshams med pa thams cad kyis mi gos so// dam tshig gi dkyil 'khor ro// de nas las kyi dkyil 'khor 'byung ste/ shes rab kyi pha rol tu phyin pa dkyil 'khor gyi dbus su bzhag nas mchod pa rnam pa bzhis mchod pa ni 'dri ba dang / klog pa dang / kha ton byed pa dang / sgom pas so/ / las kyi dkyil 'khor ro// de nas sgrub 'dod pas dkyil 'khor chen po'i tshul du ras la bris nas/ yi ge 'phreng ba thams cad brjod de 'di skad du/ chos thams cad ni rang bzhin gyi sgrub pa'o zhes kyang brjod nas/ yi ge 'di 'bum bzlas na spobs pa mi zad par 'jam dpal dang mtshungs pa dang / nam mkha' la 'gro bar 'gyur ro// de nas ma bsgrubs kyang las su 'gyur ba ni lan cig bzlas pas sdug bsngal thams cad las grol lo/ / gnyis bzlas pas mtshams med pa thams cad lhag ma ma lus par zad par 'gyur ro// gsum bzlas pas ting nge 'dzin mngon du 'gyur ro// ba bzlas pas dran pa dang ldan par 'gyur ro/ / lnga bzlas pas myur du bla na med pa yang dag par rdzogs pa'i byang chub tu mngon par 'tshang rgya'o// sku gdung dang bcas pa'i mchod rten la yi ge 'phreng

  81. 229a

    ba g.yas phyogs nas a zhes bya ba'i drung du na zhes bya ba phyin gyi bar du bri'o/ / de nas bskor zhing yi ge 'bum bzlas te/ yi ge re re 'bum rdzogs na bcom ldan 'das de bzhin gsheg+sa pa dang / 'jam dpal dang / phyag na rdo rje cig car 'grub ste/ nyin re zhing mthong bar bstan nas chos bshad de slar gshegs so// tshe 'di nyid las sangs rgyas pa man chad kyang stsol to// 'jig rten gsum las rnam par rgyal ba'i rtog pa chen po'i rgyal po las/ 'jam dpal gzhon nu'i rtog pa'o// // de nas bcom ldan 'das la/ rdo rje 'khor lo byang chub sems dpas 'di skad ces gsol to/ / bcom ldan 'das bdag gis kyang 'jig rten gsum las rnam par rgyal ba'i rtog pa chen po'i rgyal po 'dir snying po 'di skul bar bgyi ste/ gang brjod pa tsam gyis dkyil 'khor thams cad du zhugs par 'gyur ro/ / de nas bcom ldan 'das kyis/ rdo rje 'khor lo byang chub sems dpa' la bskul lo// de nas rdo rje 'khor lo byang chub sems dpas bcom ldan 'das la rang gi snying po phul ba/ oM badz+ra tsakra hUM/ de nas 'di brjod pa tsam gyis de bzhin gshegs pa thams cad la sogs pa dang / sems can thams cad kyis dkyil 'khor de nyid du zhugs so/ / de nas rdo rje 'khor lo byang chub sems dpas dkyil 'khor 'di bshad do// rdo rje 'khor lo bzhin bris la// rdo rje 'khor lo bdag che ba// rang gi lag na phyag rgya thogs// de yi dbus su gzhag

  82. 229b

    par bya/ de yi thad 'khor thams cad du// rigs kyi dkyil 'khor tshogs rnams bri// de yang sems can chen po rnams// de dag nyid ni legs par bri// de nas blo ldan thog ma ru// rdo rje 'khor los 'jug par bya/ / zhugs nas snying po 'di bzlas so// dzaHhUM baM hoHzhes brjod na// des bcom ldan 'das dgyes te grub pa thams cad du stsol to// de bzhin du slob ma bcug nas de nyid du bsgrub par bya'o/ / rdo rje 'khor lo'i phyag rgya bcings nas 'bum bzlas na de bzhin gshegs pa 'am/ rdo rje 'dzin thob par 'gyur ro// rdo rje 'khor lo zhes bya ba'o// rdo rje 'khor lo'i dbus su rdo rje bris/ de bzhin du bzlas na rdo rje 'dzin du 'gyur ro// rdo rje dkyil 'khor ro// dkyil 'khor de bzhin du bris nas mtshan ma bzhag ste 'di zhes brjod do// rdo rje 'khor lo 'jug pa yis// mthong dang de bzhin bsgrubs na ni/ / rtog pa thams cad 'grub par 'gyur// de bas brtags te bsgrub par bya// dam tshig gi dkyil 'khor ro// dkyil 'khor bris pa de nyid do// phyag rgya shes pa sgrub pa'i phyir// brtson 'grus brtan pas thams cad kyi// bla na med pas bslab par bya// las kyi dkyil 'khor ro// dkyil 'khor du zhugs pa tsam gyis ma sgrubs par las thams cad byed de/ ji ltar dga' ba'i cho ga 'am rtog pa las bshad pa sgrubs shig/ 'jig rten gsum las rnam par rgyal ba'i rtog pa chen po'i rgyal po las/ rdo rje 'khor lo'i rtog pa'o// / de nas bcom ldan

  83. 230a

    'das la nam mkha'i mdzod byang chub sems dpas 'di skad ces gsol to/ / bcom ldan 'das bdag gis kyang 'jig rten gsum las rnam par rgyal ba'i rtog pa chen po'i rgyal po 'dir rang gi snying po skul bar bgyi ste/ snying po gang brjod pa tsam gyis mchod pa thams cad kyi gnas su 'gyur ba'o// bcom ldan 'das kyis smros shig ces gsungs so// de nas nam mkha' mdzod kyis gsungs pa/ oM ga ga na saM b+ha ba badz+ra pA tsa ho/ de nas de'i dus bcom ldan 'das kyis dkyil 'khor thams cad la nam mkha' las mchod pa kun 'byung bar byas so// de nas dkyil 'khor 'byung ste/ rdo rje 'khor lo bzhin du bri// de yi dbus su nor chen te// nam mkha' dang por bzhugs par bya// rgyal ba kun gyis bskor ba bya'o// dang por slob dpon 'jug pa ni// mchod pa kun mchog phyag rgyas so/ / dkyil 'khor de ru zhugs nas ni// rdo rje thams cad brjod par bya// de nas bcom ldan 'das 'grub ste// de bzhin du slob ma'ang bcug nas rdo rje thams cad dam tshig gi snying po 'di brjod la phyag rgya'ang spobs shig/ mchod pa thams cad ces bya ba'i dkyil 'khor ro// de nas nam mkha'i dkyil 'khor ste// yid kyis dkyil 'khor bris la der zhugs shig/ zhugs nas 'di skad rjod cig/ 'di dag thams cad ni nam mkha' nyid de/ bden pa gang gi nam mkha' gzugs med pa las gzugs 'byung ba des na de bzhin gshegs pa thams cad

  84. 230b

    / la mchod pa dang / yid la 'dod pa'i grub pa thams cad nam mkha' las 'byung bar gyur cig ces byas nas 'dug ste/ rdo rje kun gyi phyag rgya bcings nas 'bum bzlas na/ de nas nam mkha' las mchod pa'i rnam pa thams cad dang / don thams cad dang / phun sum tshogs pa thams cad kyang 'byung bar 'gyur ro// rdo rje'i dkyil 'khor ro// dkyil 'khor bris nas btsud de 'di ni khyod kyi dam tshig go zhes rjod cig/ 'byung ba kun las nam mkha' ni// 'byung ba chen po lnga pa'o// nam mkha' la ni 'dod pa 'byung // 'dod pa'i mchod pa grub gyur cig/ ces smras nas/ 'dis khyod kyis de bzhin gshegs pa thams cad mchod cig ces sgo zhig/ dam tshig gi dkyil 'khor ro// slob ma nam mkha' la yid kyis dkyil 'khor 'drir bcug la/ der slob ma yid kyis mchod pa'ang slobs shig/ yid kyis 'di skad rjod cig/ nam mkha'i mchod pas de bzhin gshegs pa thams cad la mchod do zhes nyin re zhing byas na 'grub bo// 'jig rten gsum las rnam par rgyal ba'i rtog pa chen po'i rgyal po las/ nam mkha' mdzod kyi rtog pa'o// // de nas bcom ldan 'das la/ 'phags pa byams pa byang chub sems dpas 'di skad ces gsol to// bcom ldan 'das bdag gis kyang 'jig rten gsum las rnam par rgyal ba'i rtog pa chen po'i rgyal po 'dir rang gi snying po sgrol bar bgyi ste/ gang brjod pa tsam gyis sems can thams cad byams pa'i sems

  85. 231a

    skye bar 'gyur ba'o/ / bcom ldan 'das kyis rigs kyi bu smros shig ces gsungs so// de nas bcom ldan 'das byams pa byang chub sems dpas rang gi ming po 'di gsungs so/ / oM me tri dr-i n+ta tsi ta tiSh+Tha ho/ de nas 'di brjod pa tsam gyis de bzhin gshegs pa thams cad byams pa'i ting nge 'dzin la snyoms par zhugs te bzhugs so// de nas dkyil 'khor 'byung ste/ 'khor lo'i dkyil 'khor bris pa der byams pa gzhag ste/ de bzhin gshegs pa bzhi dang / byang chub sems dpa' bzhi bya ste/ cho ga bstan pa'i phyag rgyas zhugs la 'di zhes brjod ngo/ badz+ra dr-i D+ha tiSh+Tha/ de nas byams pa'i ting nge 'dzin la snyoms par zhugs nas slob ma de bzhin du dkyil 'khor chen po thams cad du 'jug pa'i tshul gyis btsud do// btsud nas byams pa chen po'i phyag rma bslab ste/ de nas go chas bskon no// bstan pa chen po zhes bya ba'i dkyil 'khor ro// de nas byams pa'i dkyil 'khor 'byung ste/ byams pas zhugs la byams pa'i ting nge 'dzin sgrubs shig/ byams pa'i dkyil 'khor ro// dkyil 'khor du bcug la 'di zhes brjod do// rangs sam yang na khros kyang rung // mdza' dang sdang ba de bzhin te// 'gro las gal te rgyal 'dod na// byam pa chen po sgom par gyis/ / dam tshig gi dkyil 'khor ro// de nas dkyil 'khor du btsud la 'di bslab bo// sangs rgyas thams cad la phyag 'tshal lo// sems can thams cad dge bar gyur cig

  86. 231b

    'byung po thams cad la byams pa dang / byol song thams cad la mi 'jigs pa sbyin no// las kyi dkyil 'khor ro// byams pa bsgoms pas grub pa thams cad ci 'dod pa'i sgrub pas sgrub bo/ / las rnams kyang yid kyis ci dad pa'i cho ga dang byams pas sgrubs shig/ 'jig rten gsum las rnam par rgyal ba'i rtog pa chen po'i rgyal po las/ byams pa'i rtog pa'o// / / de nas bcom ldan 'das kyi zhabs la rdo rje rig pa'i dam tshig la sogs pas mgo bos phyag 'tshal te/ 'jig rten gsum las rnam par rgyal ba'i rtog pa chen po'i rgyal po 'dir rang gi snying po phul ba/ oM dri/ oM b+hin+da badz+ra shU la/ oM ts+tshin+d+ra hUM tsakra phaT/ oM b+hur b+hu ba swa swA hA/ oM ha na b+hin+da badz+ra hUM phaT/ oM la la la la a b+hi shi g+har+b+ha Tan/ de nas de dag gi dkyil 'khor 'byung ste/ dkyil 'khor zlum po'i dkyil 'khor gyi grwa'i srad bu'i dbus su dbang phyug chen po bri/ der gzhan dag kyang rim gyis thams cad bri ba 'am/ gzhag pa 'am/ mthar ni tshon gyi thig le'ang gzhag go/ / de nas thog mar slob dpon gyis gsal phur gsum pa'i rtags kyi phyag rgya bcings la 'dug go// g.yon logs nas rdo rje'i slob ma'ang bcug ste/ de nas phyag rgya'ang bslab bo// de phyin chad tham cad 'grub cing 'jig rten thams cad kyi rig 'dzin du 'gyur ro/ / 'jig rten gsum las rnam par rgyal ba'i rtog pa chen po'i rgyal po las/ rig pa'i blon po chen po'i rtog pa'o// / de nas rdo rje 'khyil ba la

  87. 232a

    sogs pa rdo rje khro bos 'jig rten gsum las rnam par rgyal ba'i rtog pa chen po'i rgyal po 'dir rang gi snying po phul ba/ oM a mri ta kuN+Da li kha kha kha kha kro d+ha dzA lA ma la hUM phaT/ oM mahA pra ba sbon la c+doMs oMgs da nyan tan tshu Ta/ oM kA la pA shakra A kAT+Ta hU~M phaT/ de nas de dag gi dkyil 'khor 'byung ste/ dkyil 'khor gruba'i pa bris la/ de'i dbus su rdo rje gzhag go// phyogs bzhir ni khro bo rnams de bzhin du bar chad du byas la dgod do/ / de nas slob dpon bdud rtsi 'khyil pa'i phyag rgyar zhugs nas phyag rgya bcing ba bslab bo// de nas thams cad dgug pa dang / dbang du bya ba dang / gtan 'pho ba dang / spang ba 'grub bo// rdo rje khro bo'i rtog pa'o// de nas rdo rje srin po la sogs pa tshogs kyi gtso bos snying po 'di rnams phul lo// oM ma hA pA la ka ma hA ga Na de bi ba pi ba ru hrIHran sarba duSh+TAn nA phaT/ oM mA la d+ha ra tsa la tsa la ya hUM/ oM d+ha nu ru d+ha ra ba shI ku ru sarba satwA na swA hA/ oM dza ya bi dza ya hUM phaT/ de nas dkyil 'khor 'byung ste/ gzhu lta bur dkyil 'khor bris la der rdo rje gzhag ge/ g.yas su'ang gnyis/ g.yon du'ang gnyis so// de nas rdo rje srin po'i phyag rgyas btsud do// de nas phyag rgya bslabs nas cho ga bslab pa ni/ gang dge ba dang drin gzo dang / lha yi 'khor mthong ma gtogs par/ / gzhan rnams de dag thams cad kun// mi dge ba rnams gtan 'phor bya// 'jig rten gsum las rnam par rgyal ba'i rtog pa chen po'i rgyal po las/ tshogs kyi gtso bo'i rtog

  88. 232b

    pa'o/ / / de nas rdo rje gtun shing la sogs pa'i pho nyas rang gi snying po smras pa/ oM lAng ga lI b+h+rUM/ oM ma hA pa tahUM/ oM badz+ra dz+wa la ya swAhA/ oM bi ka Ta b+hai ra ba de hi me sa ra brtu phaT/ de nas de dag gi dkyil 'khor 'byung ba ni shing rta dang 'dra ba'i dkyil 'khor bris te/ dbus su rdo rje bzhag nas rdo rje gtun shing gi phyag rgyas bcug la las 'di bslab bo// mi dge ba'i sems can thams cad 'thungs shig/ phrogs shog/ sregs shig/ bo zhig/ de nas phyag rgya bcing ba bslab bo// 'jig rten gsum las rnam par rgyal ba'i rtog pa chen po'i rgyal po las/ pho nya'i tshogs kyi rtog pa'o/ / // de nas bcom ldan 'das la/ rdo rje kyo btang la sogs pa bran rnams kyis 'di skad ces gsol to// bcom ldan 'das bdag cag kyang 'jig rten gsum las / rnam par rgyal ba'i rtog pa chen po'i rgyal po 'dir rang gi snying po 'bul lo// oM bA ra hA daMSh+To da ka Ta ba ga to d+ha ra sarba na kha na kha na hUM phaT/ oM sarba mA ra da Da hUM phaT/ oM bi ka te ka daMSh+Ti b+hin+da hUM phaT/ oM ma hA ma Ni ha ra ha ra hUM phaT/ de nas de dag gi dkyil 'khor 'di'o// gru gsum par bris la/ mngon sum par phyag rgyas zhugs nas gar gyi phyag rgya bcing ba bslab ste/ gar gyi mchod pas ni dbus kyi / rdorje la mchod do// 'jig rten gsum las rnam par rgyal ba'i rtog pa chen po'i rgyal po las/ bran gyi rtog pa'o// / de nas ma thams cad kyis ku tsa'i sgra bton te/ gar gyi mchod pa chen

  89. 233a

    pos bcom ldan 'das la mchod nas rang rang gi snying po phul lo/ / de nas rdo rje'i blon po chen mo dag gis smras pa/ oM badz+ra kro d+ha ra li hUM Ta/ oM badz+ra tsakra tshin+d+ra hUM phaT/ oM hUM/ oM badz+ra muSh+Ti phan shin d+ha ha na hUM phaT/ oM ku mA ra ha bi sha g+ha Na ti ke ra Na ti na tsA lA ya sarba duSh+TA na hUM phaT/ de nas de dag gi dkyil 'khor gru bzhi pa de'i sgor 'khor la sogs pa bri'o// de'i bus su rdo rje dro mar memilagan rdo rje rigs la phur chen gzhag go/ / dam tshig gi cho ga ni de bzhin no// 'jig rten gsum las rnam par rgyal ba'i rtog pa chen po'i rgyal po las/ rig pa'i rgyal mo chen mo rnams kyi rtog pa'o// de nas rdo rje khro mo rnams kyis rang gi snying po smras pa/ oM a mr-i te hU~M phaT/ oM so mya kro d+ha hU~M phaT/ oM daN+Da d+hA ri Tha san hUM phaT/ oM paM ga le hUM phaT/ dkyil 'khor rdzar brgyad pa bris te/ dbus su rdo rje gzhag go// rwa bzhir bgos pa rnams la bzhi po rim gyis gzhag go// 'jug pa la sogs pa'i cho ga ni de nyid do// 'di ni khro mo'i dkyil 'khor ro// 'jig rjen gsum las rnam par rgyal ba'i rtog pa chen po'i rgyal po las/ rdo rje khro mo rnams kyi rtog pa'o// / de nas tshogs ma mo rnams kyis smras pa/ oM kharba ma ri NAdz+dza/ oM a sha si ba dz+re sir maho/ oM pA sha sa yeng+ga/ oM sarba ra ma Ner ti pri ye po/ de nas de ngag gi dkyil 'khor ni zlum po ste/ sgo bzhi pa dbus su sa ral srang bu byas te/ theg bzhi btab la rim pazhir bri'o// gsan yang phyi'i dkyil ma

  90. 233b

    de bzhin du zlum por thig bzhi rim du btab la/ de'i dbus su gnod sbyin gyi gdong bri'o// ngos bzhir ni rim gyis te/ shar phyogs nas bri ba 'am gzhag par bya'o// sgo bzhir rdo rje'i mngag gzhug ma bri ba 'am gzhag par bya'o/ / de'i snying po ni 'di'o// b+hi tsi ri Ti b+h+yo b+h+yo/ de ltar rig pa'i blon mo chen mo la sogs pa thams cad du gyis shig/ 'di thang cig bzlas pas thams cad khugs so// de nas gdong g.yogs nas lag pa gnyis kyis rkang pa'i mthe bong gzung ste phyag 'tshal nas skyil mo krung gis gar byed cing zhugs la dbab bo// bcangs nas dam tshig byin cig/ sarba mA ra kha da pi ba de hib ras ma ya ho/ de nas de bzhin du dam tshig sbyin no// glu gar dang / sil snyan dang / zas dang / skom gyis thams cad tshim par byas la dril bus phab pa ste/ de nas dngos grub thams cad dang bde ba thams cad dang / phun sum tshogs pa thams cad rnyed nas/ rnal 'byor dang nam mkha' la 'gro ba la sogs pa'ang thob bo zhes smros shig/ 'jig rten gsum las rnam par rgyal ba'i rtog pa chen po'i rgyal po las/ rdo rje'i tshogs ma mo'i rtog pa'o// de nas rdo rje pho nya mo rnams kyis smras pa/ oM b+h+yoHoM ka la~M ma ri Ni/ badz+ra rak+Sha sa ha na sa rban TI ma/ oM pU Ta Ne thA/ ma saka ra bA ka tre hUM phaH/ dkyil 'khor grwa lnga par bris te/ rdo rje grwa'i dbus su gzhag go// bzhi ni rdo rje'i pho nya mo bzhag ste/ ngo cho ga de bzhin du bya'o// 'jig rten gsum las rnam par rgyal ba'i rtog pa chen

  91. 234a

    po'i rgyal po las/ rdo rje pho nya mo'i rtog pa'o// / de nas rdo rje bran mo rnams kyis smras pa/ oM dA ra hi badz+ra mu khi dri to ta rA pa ta la sa ma ya ma nu sma ra A bi sha hUM phaT/ oM kA li kA pa li mA la d+ha ri Ni ka Ta ka Ta ma Ta ma Ta bi mA ra ya sarba mA ra Ni hUM phaT/ oM pu ta ni u tsusma ru drA khA da sarbA na sho Sha ya swA hA/ oM ma ka ra mu khi ha ra ha ra hUM/ dkyil 'khor gru bzhi la bzhir bris nas/ de'i dbus su rdo rje bris te/ de bzhin gar gyis mchod do// 'jig rten gsum las rnam par rgyal ba'i rtog pa chen po'i rgyal po las/ bran mo'i dog pa'o// na bcom ldan 'das de bzhin gshegs pas/ phyag na rdo rje la 'di skad ces gsungs so// de bzhin gshegs pa thams cad kyi gsang ba 'dzin pa khyod yin no// de bas na rtog pa'i rgyal po 'dir ngon yod cing myur du grub par bya ba'i phyir gang gis sems can tham cad dngos grub dam pa bde blag tu thob par 'gyur ba'i phyi ma'i rgyud shod cig/ de ci'i phyir zhe na/ sems can 'di rnams ni brtson 'grus kyis 'dul rang pa dang mi ldan pa/ sdig pa byed pa/ brdzun smra ba/ le lo tsam/ dka' ba spyad pa mi bzod pa/ 'dod chags dang bral bas 'dul ba/ rtag tu chags pa de dag gi don gyi phyir gang gis sems can de dag bya ba thams cad byed bzhin pa dang / brtson 'grus med pa dang / dka' ba spyad pa'ang med par bde brag tu tshe 'di nyid la myur du 'grub par 'gyur ba de de bzhin gshegs pas byin gyis brlabs

  92. 234b

    kyis shong cig/ 'dzam bu'i gling gi mi 'di dag ni yul la mngon par dga' zhing / bdag gi grogs po dang / pha dang / ma dang / bu dang / chung ma rnams mthong 'dod cing / de'ang sred pas 'khol ba ste/ phyogs nas phyogs su'ang 'gro mi nus na/ sangs rgyas kyi zhing dang rig 'dzin gyi gnas su lta ci smos/ de nas bcom ldan 'das kyi zhabs gnyis la phyag na rdo rjes phyag 'tshal te phyi ma'i rgyud bshad do// de nas bcom ldan 'das/ de bzhin gshegs pa ga la byung // phyag na rdo rje ga las skyes// rdo rje yang ni ga las byung // phyag rgya snying po'i rig pa dang // sngags rnams khyad par ci zhig yod// gsang ba sgrub pa ji lta bu/ / phyag rgya bcing ba ji lta bu// de rnams kyi ni de nyid gang // byin gyis brlabs sogs ji lta bu// sgrub pa rnams kyang ji ltar mthong // dngos grub 'dod pa ji lta bu// ras la ri mo ji ltar bri/ sku gzugs tshad ni ji tsam zhig/ ji ltar bzlas pa bya ba gsungs// ci 'dra bar ni mchod par bgyi// bsod nams med pas ji ltar 'grub// ji ltar grub pa myur bar 'gyur// slob dpon du yang ji ltar 'gyur// las rnams bsgrub pa ji ltar bya// de dag gi ni de nyid gang // thams cad bdag la bshad pa'i rigs// de nas de bzhin gshegs pa 'byung ba bstan te/ sems dpa' thog ma tha ma med// nam mkha' skye ba'i mtshan nyid do/ / kun tu bzang po thams cad bdag/ 'dod pa 'gro ba bdag po yin// sems can kun sems gang yin pa// brtan pas sems dpa' zhes pa'o// mnyam par gzhag pas ting nge

  93. 235a

    'dzin/ / nges par rdo rje nyid du 'gyur// de la smras pa/ sems gzugs med pa la ji ltar na sra ba'i rdo rjer 'gyur/ smras pa/ ji ltar rnam par shes pa la sems can skye ban sha rus pa 'byung bar 'gyur ba bzhin te/ sdug pa dang / chags pa dang / bde ba dang / rnam par shes pa gzugs med pa rnams 'dus pa las sems can skye ba dang / ji ltar klu rnams khros pas sems kyi ting nge 'dzin nges pas nam mkha' la gnam lcags 'byung ba 'am/ glog dang bcas pa 'byung ba de bzhin du nges pa chags pa dag las rdo rje nyid du 'gyur te/ sems dpar byin rlabs sbyor ba yis// rdo rje sems dpar yang 'gyur ro// bcom ldan rdo rje de nyid ni// bsgoms pas sems dpa' nyid du 'gyur// de la sems dpar byin gyis rlob pa'i sbyor ba gang zhe na/ sems dpa' kun gyi bdag che ba bdag nyid la yang gnas so zhes/ / byin gyis brlabs nas sems dpa' bdag/ yin zhes nga rgyal bsgom par bya// de nyid bcom ldan sems dpa' ste// rdo rje sems dpa' 'am rgyal ba yin// rang sems so sor brtags pa ni// sangs rgyas byang chub de nyid yin// de nyid phyag na rdo rje sde// rdo rje 'dzin pa'i tshul gyis so// 'jig rten dbang po nam mkha' snying // de ltar gzhan yang de nyid do// sangs rgyas rigs kyang de nyid de// de ni rdo rje 'chang ba'i rigs// de nyid spyan ras gzigs kyi rigs// de nyid nor bu'i rigs yin te// khams gsum de nyid yin zhes gsungs// 'jig rten gsum

  94. 235b

    po'ang de nyid do/ / de nyid byed dang 'byin pa po// sems can kun gyi mes po ste// de nyid sems can gnas yin te// 'byung ba che rnams de nyid do// de nyid 'gro ba'i mgon po ste// gnas pa dang ni 'gro ba yin/ / zhes bcom ldan 'das thog ma dang tha ma med pa'i sems dpa' phyag na rdo rjes gsungs so// de kho na chen po zhes bya ba'i rab tu byed pa dang po'o// / de nas snying po dang / phyag rgya dang / sngags dang / rig pa'i khyad par gyi rab tu bya ba ste/ snying po'i khyad par ni gsang ba dang ting nge 'dzin ces bya'o// de la sems can gyi don gyi phyir gsang ba brjod pa dang smra ba ni snying po brjod de/ snying po brjod pas ni snying gis bsam pa'i grub pa thob ces bya ba ni snying po'i khyad par ro/ / de nas phyag rgya'i khyad par ni// rdo rje'i sku gsung thugs rnams kyi// gzugs brnyan sbyor ba 'di dag ni// phyag rgya kun gyi khyad par te/ / 'byung ba yang ni de yis bstan// ji ltar jo bo'i rgyu mthong na// bran rnams 'gal bar mi byed pa// de bzhin rgyal ba nyid rnams kyang // phyag rgya 'da' bar yong mi mdzad// rdo rje'i sku dang gsung dang thugs/ / ji ltar gnas dang mthun byas la// mtshan ma'i phyag rgyar ldan pa yi// sems dpa' chen por bdag nyid bsgyur// de ni phyag rgya chen po'o// lus dang ngag sems rdo rje yi// sor bsnol bstan pa dam tshig ste/ sems kyi shes rab ldan pa las// gnyis phye las kyi phyag rgya yin// de dag dam tshig rtsa ba ste// rtsa byung bcing ba rgyu yi mchog/ gang gis thams cad lus brtan

  95. 236a

    'gyur/ / de phyir phyag rgya brjod pa yin// gang gis thams cad rgyas btab pa// chung mi za zhing rab sbas te// mnga' bdag gzugs brnyan 'chang bas na// sgrub pa po rnams myur du 'grub/ / gang dag mthong na sangs rgyas dang // sems dpa' la sogs mthong bar 'gyur// dam tshig nyams pas gzir bas na// 'da' bar mi 'gyur grub par 'gyur// phyag rgya khyad par de yin te/ / don dam pa'i de kho na nyid kyang phyag rgya chen po zhes bya'o// de la sngags kyi khyad par ni 'di yin te// ngag tsam spros pa med pa ste// sangs rgyas bka' yis grub pa nyid// chos kyi tshig gis bskul ba ste// de dag sngags zhes bya ba yin// de la rig pa'i khyad par ni/ 'di lta ste/ ma rig pa ni med par byed// rig pa de bzhin chud par byed// don rnams rtogs par gyur pas na/ / rig pa zhes ni de phyir bya// snying po dang / phyag rgya dang / sngags dang / rig pa'i rab tu bya ba gnyis pa'o// // de nas phyag rgya bcing ba'i rab tu bya ba bshad do zhes bcom ldan 'das bla na med pa'i phyag rgya thams cad kyi ye shes rdo rje 'dzin pas gsungs so/ / de la phyag rgya chen po de ni de nyid bskul ba'i snying pos bcing ngo // dam tshig dang las kyi phyag rgya ni rdo rje bcing ba dang gdab pa la sogs pa byas nas bcing ngo / / dam tshig chen po'i de kho na nyid bskul ba'i snying pos phyag rgya chen po la sogs pa phyag rgyabs cad bcing po// de'ang ma chags pa dang // slob ma ma yin pa dang / snod ma yin pa

  96. 236b

    dang / dad pa meng pa la mi sbyin no// yun du sbyang na de dag kyang 'grub par 'gyur ro// de la de kho na nyid bskul ba'i snying po 'di'o// sa ma ya s+t+waM/ de la dam tshig chen po'i de kho na nyid bskul ba'i snying po ni 'di yin no/ / sa ma ya ho su ra ta s+t+waM/ rdo rje khro bos phyag rgya thams cad rang gis bcing ngam/ gzhan la bcing du gzhug na ni hUM zhes bya ba thang cig tsam gyis so// de nas rdo rje bcing ba la sogs pa bcing ba 'byung ste/ badz+ra ban+d+ha/ zhes brjod la rdo rje bcing ba snying khar chings shig/ de nas snying po 'dis sor mo thams cad brdab par bya'o// oM badz+ra ban+d+ha tA Ta/ 'dis ni phyag rgya thams cad dgug cing dbang du byed do// de nas rdo rje ye shes dbab pa'i dam tshig gi phyag rgya bcing ngo / / badz+ra A be sha/ zhes brjod la snying po 'dis rdo rje dbab par bskyed par bya'o// aH/ thams cad dbab pa'i snying po 'di ni gdon mi za ba'o// de nas rdo rje khu tshur gyi dam tshig gi phyag rgya bcing ba ni/ badz+ra muSh+Ti/ zhes brjod la bcing ngo // de ste de ltar ma byas na yang / sa ma ya s+t+waM/ zhes brjod la phyag rgya chen po la sogs pa rigs thams cad kyi phyag rgya bcing bar bya'o/ / de bzhin gshegs pa thams cad kyi lus dang / ngag dang / sems kyi phyag rgya thams cad kyi snying po don yod pa 'da' bar bya ba ma yin pa ste/ stong bzlas pas phyag rgya bcing ba thams cad 'grub par 'gyur ro/ / dam tshig chen po'i phyag rgya lan cig bzlas na grub pa thams cad la gces par 'gyur ro// de nas phyag rgya bcing ba 'byung ste/ thal mo sbyar la sor mo phan tshun bsnol ba ni rdo rje'i thal

  97. 237a

    'o/ / de nyid sor mo'i bar rnams su shiH bsdams pa ni rdo rje bcing ba'o// de nyid las mthe bong gnyis nang du bcug ste/ mthe'u chung dang srin lag gi rab du btsugs la bcum pa 'di ni rdo rje dbab pa'i dam tshig gi phyag rgya'o/ / de nyid las mthe bong gnyis gzhibs la nang du gzhug la/ de bzhin du mthe'u chung dang srin lag gi bar du btsugs te/ mdzub mo shin tu bkug pa ni rdo rje wa tshur dam tshig gi phyag rgya'o/ / de nyid las gnyis su byas pa ni las kyi phyag rgya gzhan du 'gyur te/ dam tshig chen po de kho na nyid lan cig brjod la snying kha 'am/ nam mkha' la so sor bcing ngo // ngag gi phyag rgya yang / badz+ra dzi hwA/ zhes brjod la phyag rgya bcing ngo // lta ba'i phyag rgya ni snying po'i don gyis bcing ngo // so'i phyag rgya dang / mchu'i phyag rgya dang / mig bsgul ba'i phyag rgya dang / snying dang / lus g.yo ba'i phyag rgya ni/ sa ma ya s+t+waM/ zhes brjod na bcing ba grub par 'gyur ro// de nas rdo rje hUM zhes pa'i phyag rgya bcing ba 'byung ste/ rdo rje khro bo'i mdzub mo ni rdo rje khu tshur du byas la mdzub mo brkyang na rdo rje khro bo zhes bya ba yin no/ / rdo rje khro bo'i mdzub mo gnyis// lag ngar bsnol te bcings nas kyang // mthe'u chung lcags kyu sbrel byas la// hUM zhes pa ni bsdigs par byed// de nyid g.yas pakyo ba tang du byas pa ni rdo rje khro bo'i kyo btang ngo / / de la 'di ni dam tshig gi phyag rgya'o// lag mthil dag tu rdo rje bcing // mthe bong gshibs pas bkab pa yis// khu tshur byas pa dam tshig gi/ phyag rgya rdo rje khro bo ste/

  98. 237b

    ti rin ti ri zhes bya'o// b+h+rUM ni ngag gi phyag rgya'o// ye shes kyi phyag rgya ni thams cad gsod pa'i khro bo'o// rdo rje'i sa gzhi bcing ba ni rdo rje bcing ba sa la brkyang ste bzhag pa 'dis rdo rje'i sa gzhir 'gyur te/ de la sus kyang grags mi rnyeng ngo / / de la 'di ni rdo rje 'dod pa'i khro bo'i phyag rgya'o// rdo rje bcing ba bcings la mdzub mo rdo rje ltar byas pa ni thams cad la dbang byed pa'i phyag rgya'o// rdo rje'i dam tshig rdo rje bcings la mdzub mo gnyis mnyam par gshibs pas snying khar gtugs shig/ gal te de las 'da' bar byas na snying gas te 'chi'o// rdo rje phyag rgya gnyis bcing la// mdzub mo kyo ba tang du bcings la// dkri zhing phyir dkri byas pa ni/ / lha rnams dgug pa'i mchog yin no// rdo rje bcings pa brtan byas la// mdzub mo bkug pa shin tu btsir// mthe bong gnyis ka gshibs pa yis// dbus su btsir ba bar snang gi/ rdo rje khu tshur gnyis bcangs la/ / mthe'u chung gnyis ka spel nas su// mdzub mo yi ni rgyab sbyar te// bzlog pa nam mkhar rgyu rnams kyi'o// rdo rje bcing ba brtan byas nas// khu tshur gyis ni sa mnan pa/ 'di ni sa pa'i dam tshig ste/ / thams cad byed pa 'da' bar dka'// rdo rje khu tshur gnyis bcings te// g.yon pa'i mdzub mos mdzub mo bcing // mthe'u chung sor mo mnyam brdab pa// 'di ni 'og ma rnams dgug pa'o/ / mdzub mo gnyis ka brtan po ru// rdo rje bcings pa sbrel bar bya// gung mo mthe bong rdo rjer bya// rgyan rnams thams cad 'joms pa'o// rdo rje dkri ba dang / rdo rje btsir ba dang / rdo rje 'phreng ba dang /

  99. 238a

    rdo rjes dang / rdo rje sa'i 'og dang / rdo rje he ru ka'o// de la rdo rje shugs kyi phyag rgya ni 'di'o// dkyil 'khor dag ni byed pa na// srad bu 'am yang na ri mo la// 'jug pa dang ni 'byung ba ni/ / sgrub pas yid kyis bteg nas so// de la ye shes kyi phyag rgya'i snying po ni 'di'o// oM badz+ra be gahUM/ 'dis ni dam tshig ma nyams par 'gyur ro// gzhan du dam tshig nyams pa grub pa med par 'gyur ro/ / de la de bzhin gshegs pa thams cad la phyag 'tshal ba'i phyag rgya ni 'di'o// dpung pa gnyis rdo rje bcings te rdo rje'i khu tshur gnyis su byas la// pus mo btsugs te mgo bo sa la btsugs te phyag bya'o/ / phyag na rdo rje la ni de nyid kyis ngang pa'i stabs kyis gnas par byas la/ 'dzum zhing bskyod pa dang / smin ma 'gyed pa dang bcas pa'i mig gis phyag btsal lo// gzhan rnams la ni pus mo btsugs pa'o/ / de la rdo rje 'dzin ma'i dam tshig gi phyag rgya bcing ba ni 'di yin te/ lag pa gnyis kyi rgyab sbyar nas// mthe bong mthe'u chung sbrel bar bya'o// rdo rje 'dzin ma'i phyag rgya 'di// sangs rgyas thams cad dbang du byed/ / pra tits+tsha badz+ra/ snying po 'dis me tog gtor ro// rdo rje kyo btang gi phyag rgya ni rdo rje 'dzin ma'i mdzub mo gnyis kyo btang gi tshul du bya'o// de bzhin gshegs pa thams cad la sogs pa dang / sems can thams cad dgug pa'i dam tshig 'da' bar mi bya ba ste/ dam tshig lcags kyu yin no// de nas de bzhin gshegs pa thams cad kyi rtog pa'i phyag rgya bcing ba 'byung ste/ rdo rje'i khu tshur gnyis

  100. 238b

    bcings nas/ / g.yas pas bsdams par bya ba ni// rdo rje khro bo'i mdzub mo g.yon// sangs byang chub mchog bsam pa'o// de la de bzhin gshegs pa thams cad kyi dam tshig gi phyag rgya ni 'di'o// mthe bong gnyis ka'i skyil mo krung // mdzub mo gnyis ka dgug par bya// rdo rje thal mo 'od dkyil 'khor// gung mo gnyis ka kha 'byed pa// 'di ni de bzhin gshegs pa thams cad kyi sku'i phyag rgya ste/ de bzhin gshegs pa thams cad dgug pa dang / gzhug pa dang / dbang du bya ba las 'da' bar mi 'gyur zhing / 'di mthong bas de bzhin gshegs pa thams cad kyi sku mthong bar 'gyur ro// de nas badz+ra bid kyi ye shes kyi phyag rgya ste/ sems ni rnam dag shes bya ba// brtan pas sems dpa' zhes bya'o// mnyam par gzhag pas ting nge 'dzin// nges pas rdo rje nyid du 'gyur// sangs rgyas ngo bo'i bdag nyid de/ / sems nyid sangs rgyas nyid yin no// sangs rgyas kun gyis byin brlabs pas// nges par sangs rgyas nyid du 'gyur// phyag rgya chen po bcings nas de sgom mo// de nas de bzhin gshegs pa thams cad kyis rang gi sems so sor brtags pa la sogs pas sangs rgyas su yongs su sbyar ba byas nas/ ji ltar tshe 'di nyid la sangs rgyas pa thob par 'gyur te/ de ltar byin gyis rlob pa mdzad do// de bzhin gshegs pa thams cad kyi khu tshur ni las kyi phyag rgya'o// de nas phyag na rdo rje'i phyag rgya chen po ni 'di yin no// lus dang ngag sems rdo rje yis// phyag na rdo rjer bdag nyid 'gyur// rdo rje 'gying ba rab/

  101. 239a

    'byed cing // 'gying dang bcas pas rdo rje gsor// 'di yis kun 'gro skad cig gis// 'ong dang gyen du 'gro bar 'gyur// 'dod pa kun dbang thams cad pa// phyag na rdo rje 'dra bar 'gyur/ / de nas dam tshig gi phyag rgya'o// rdo rje bcing ba bcings nas kyang // gung mo nang bcug snying khar gzhag/ mthe bong mthe'u chung kha phye mnyam// rdo rje chen po de ltar bcing // sems dpa' kun gyi ting 'dzin gyis/ / 'di ni snying khar bcings pa yis// phyag rgya kun gyi dngos grub pa// dam pa dag kyang thob par 'gyur// de la ye shes kyi phyag rgya ni 'di'o// zla ba'i dkyil 'khor dbus su ni/ / lus dang ngag sems rdo rje yis// phyag na rdo rje bdag gi lus// bsgoms na myur du 'grub par 'gyur// rdo rje khu tshur gnyis byas la// 'gying bcas rdo rje gsor byas na// 'gying zhing gyen du bstan tshul gyis/ / snying khar gzung na 'grub par 'gyur// de la bcom ldan 'das kyi sku'i phyag rgya bcing ba ni 'di yin no// rdo rje khu tshur gnyis bcings la// g.yon pa gzhu 'dren sbyor ba dang / / mda' 'phen pa yi tshul gyis su// kun la bsnun na chags par bya// de nas bcom ldan 'das dbang bskur ba'i 'phreng ba'i phyag rgya bcing ba ni de bzhin gshegs pa'i sku'i phyag rgya gtsug tor du gzhag go/ / de nas phab sde gung mo rdo rjer byas ste/ de las bskor te gung mo nor bur byas la g.yas phyogs su gzhag go// lhag par gung mo'i rdo rje'i pad+mo gzhag go// de las bskor te gung mo

  102. 239b

    dang mthe'u chung gyes par byas la g.yon du gzhag go/ / de nas mdzub mo gnyis mdud pa byas te/ 'phreng ba bcing ba'i tshul du lhag par mdud pa byas la/ sor mo thams cad mthe'u chung nas mthar/ gyis 'jig pa'i tshul gyis dgrol ba ni cod pan gyi tshul bzhin dgrol lo// phyag na rdo rje'i phyag rgya'o// de nas bcom ldan 'das thog ma dang tha ma med pa'i sems dpa' sgrub par 'dod pas lha mo'i dkyil 'khor byas te/ de nas nyin gcig cing bdag nyid byin gyis brlabs nas/ ji lta bu'i dus su ci nus pas ci 'dod pa bde bar byas la// phyag rgya chen po'i tshul gyis glu dbyangs kyis rdo rje'i tshig tu rdo rje sems / dpa' bzlas te/ de nas snying po 'di ci 'dod pas bzlas so// oM ma hA su kha badz+ra satwa dzaHhUM baM ho su ra ta s+t+waM/ de ltar zla ba gcig bzlas te sgrub bo// zla ba gcig lon pa'i mjug tu tshes bco lnga la ngal na phyag rgya bkrol la/ rdo rje'i thal mo brkyang nas lus thams cad kyis phyag bya'o// cung zad gnas nas ji ltar ngal bar mi 'gyur bar byas te/ de ltar mtshan rangs par bzlas na de'i nang par bcom ldan 'das zla ba'i kha dog zla ba'i dkyil 'khor dang mtshungs pa'i 'od can byon te/ sgrub pa po 'khyud nas de'i lus kun tu zhugs so// de nas sgrub pa po'ang zla ba'i dkyil 'khor 'dra ba'i 'od can dang / zla ba'i 'od can de bzhin gshegs pa thams cad kyi 'phreng ba la sogs pa dang / lha'i rgyan thams cad kyis brgyan pa/ rdo rje 'dzin gyi lus dang / ngag dang / sems rdo rje thams cad dang 'dra bar

  103. 240a

    'gyur ro/ / bdag gi rigs dang / gnyen dang / grogs po dang / gnyen pa shes la sogs pa dang / sems can thams cad kyis gzugs bzang po mthong na'ang 'chi bar mi 'gyur ro/ / lta bar byed do// mchod par byed do// bstan par byed do// don thams cad byed do// de'ang rang gi khyim de nyid na gnas bzhin du lha'i cho 'phrul byed do// de bzhin gshegs par yang gyur nas rdzu 'phrul dang cho 'phrul thams cad byed do/ / rdo rje hUM zhes bya ba la sogs pa'i gzugs kyis kyang 'dul bar byed do// sems can de dag gis kyang mthong ngo // ma btul ba rnams kyang 'dul lo/ / ji ltar 'dod pa'i gzugs su 'gyur ba dang / thams cad du 'gro ba dang // phyir 'ong ba dang / gyen du 'gro bar 'gyur ba dang / 'jig rten gyi khams thams cad du de bzhin gshegs pa thams cad la mchod pa byas nas phyir 'ong ba'i bar du'o/ / don thams cad la longs spyod pa dang / 'dod pa thams cad la dbang ba dang / 'dod pa thams cad spyod pa'i tshe nam mkha' dang mtshungs par 'gyur ro zhes bcom ldan 'das rdo rje sems dpas gsungs so/ / de nas rdo rje 'dod pa khro bo'i phyag rgya bcing ba ni rdo rje'i khu tshur gnyis bcangs pa las/ mnga' 'phen pa'i tshul gyis me tog gi gzhu 'dren pa ni thams cad dga' bar byed pa yin no/ / rdo rje'i khu tshur gnyis kyis snying khar rdo rje hUM zhes pa ste/ g.yas pa'i rdo rje khu tshur gyi baben pas rdo rje 'phangs pas ni thams cad gtan pa po'o// de nas 'di ni dam tshig gi phyag rgya'o//

  104. 240b

    rdo rje khu tshur gnyis bcings te// de ltar kyo ba mthe'u chung mjug/ mdud nas mthe bong gshibs pa yis// bsdams te snying khar gzhag par bya// 'di ni de bzhin gshegs pa thams cad la sogs pa nges par dgug pa dang / gzhug pa dang / bcing ba dang / dbang du bya ba dang / 'dren par byed pa'o// rdo rje khu tshur gyis 'khyud pa ni rdo rje dga' ba'i phyag rgya'o// dam tshig gi phyag rgya 'byung ste/ rdo rje bcing ba bsdam pas nas/ / g.yon pa'i mdzub mtheb mo mtshan du// mthe bo'i rtags ni btsud nas su// de bskyod par du bsdam par bya// 'dis ni bud med thams cad dga' bar byed do// rdo rje khu tshur gnyis kyis rgyal mtshan 'dzin pa'i tshul du bya'o/ / rdo rje'i rgyal mtshan no// dam tshig gi phyag rgya 'byung ste// rdo rje bcing ba bsdam byas nas// mdzub mo gnyis ni dgug par bya// srin lag gshibs la mthe/ chung bkyeng // de ltar mthe bong gnyis kyang bkyed// 'di bstan pa tsam gyis de bzhin gshegs pa thams cad kyang byams pa bstan par mdzad na// gzhan lta ci smos/ rdo rje khu tshur gnyis kyis snyems par byed pa ni rdo rje snyems pa'o/ / dam tshig gi phyag rgya 'byung ste// rdo rje bcing ba kun byas nas// rtsib logs gnyis su bskor nas su// 'dzin pas bskyod pas 'dud pa ste// khro bo thams cad mgu bar byed/ / rdo rje sems dpa' mchog bcas dang // rdo rje gar gi rab sbyor bas// mdor na me tog la sogs pa'i// gsang ba'i mchod pa myur du 'grub// rtog pa gzhan gyi gsang ba'i mchod pa dang yang sbyar

  105. 241a

    ro/ / de nas rdo rje gar 'byung ste// rdo rje khu tshur gnyis bcangs nas// 'dzum pas mtha' nas brtsams te dgrol// glog bzhin bsgyur te bskor zhing dgrol// 'gram pa dang ni gtsug tor gzhag/ rdo rje gar zhes bya ba ste// bdag che'i mchod pa thams cad do// mchod pa 'di ni gsol bas na// dngos med nyid kyang myur du 'grub// de nas rdo rje gzugs la sogs pa'i phyag rgya bcing ba ni rdo rje bcing ba brkyang la mthil du blta'o/ / rdo rje bcings pas g.yon pa'i mdzub mo ni pi wang gi shing ngo // g.yas pa bkug pas ni len te/ brkyang ba'i lag mthil gyis rang gi snying khar byug go/ me tog gi thal mo'i tshul gyis rdo rje ro btung bar bya'o// rdo rje khu tshur gnyis bcangs te// g.yon pa'i mthe'u chung ni g.yas pa'i kyo btang gi gzung ngo // kyo btang de g.yas pas sems dpa'i dam tshig thams cad dang sems can thams cad kyang dgug go/ / rdo rje bcings la mthe bong 'dud pa ni zhags pa'i phyag rgya'o// rdo rje khu tshur gnyis kyi mdzub mo sbrel ba ni thams cad bcing ngo // rdo rje 'bebs pa'i phyag rgyas ni thams cad 'bebs par byed do/ / de nas go cha'i phyag rgya 'byung ste/ khu tshur bcing ba gnyis snying khar 'dud pa'i tshul du bya'o// spos nas yang lhag par yang de bzhin no// spros nas snying khar yang de bzhin no/ / yang bar du'ang 'dud do// yang spos nas snying kha dang lhag par yang de bzhin no// mgo la'ang de bzhin dbang bskur ba'i gnas su'o// 'phreng ba bcing ba'i 'dud pa'i tshul gyis mthe'u chung

  106. 241b

    la sogs pa'i sor mo thams cad dgrol ba'i cod pan gyi tshul du bya'o/ / de nas 'phags pa spyan ras gzigs kyi dbang po'i phyag rgya bcing ba ni// pad+mo zum pa'i thal mo sbyar// pad+mo chen por grags pa ste/ / mthe'u chung mthe bong gnyis 'gyed pa// sdig pa rnams ni sel ba'o// de nyid mdzub mo kyo btang du byas pa ni thams cad 'gugs pa'o// de nas pad+mo 'byung ste/ rdo rje bcings pa'i mdzub mo gnyis bkug la mthe bong mnyam pa'i steng du gung mo gnyis gzhag go/ / de gnyis su byas nas g.yon pa la g.yas pas pad+mo 'byed par bya'o// de nas pad+mo dag gi phyag rgya ni hrI/ ye shes kyi phyag rgya ni pad+mo 'byed pas 'dod chags la sogs pa'i dri ma sbyong bar gsung ba nyid do/ / de nas nam mkha'i snying po'i phyag rgya bcing ba ni nor bu'i khu tshur gnyis ka sa dbang bskur ba'i 'phreng ba bcing ngo // de nas rdo rje rin po che'i phyag rgya ni/ / rdo rje bcing ba kun byas nas// mdzub mo mnyam nas mtheb dang sbyar// de dag ngos su sprad pa ste// dbang bskur gnas su dbang sbyin no// de nyid kha yar bstan la snying khar gzhag pa ni nor bu'i khu tshur zhes bshad de/ / don thams cad 'phrog pa'o// de nyid las mthe bo'i rdo rjes mdzub mo mnyam pa mnan te/ rgyab bskum pa ni rdo rje'i nor bu'o// traM/ chos kyi phyag rgya'o// ye shes kyi phyag rgya thams cad nam mkhar sgom pa'o// de nas rdo rje khu tshur gyi phyag rgya bcing ba ni de ltar sngar bshad pa nyid do// bAM/ ngag gi phyag rgya'o// byams pa'i bcing ba ni bcing ba'i nang na mchog

  107. 242a

    ste/ ye shes kyi phyag rgya'o// mdun du ni rdo rje chen po'i phyag rgya'o// g.yas su ni rdo rje rin po che'i phyag rgya bstan pa nyid do// rgyab tu ni rdo rje bcing ba snying khar bkan nas mthe bong sbyar te mdzub mo gnyis dgug par bya'o/ / rdo rje padz+ra mchog gi phyag rgya'o// rdo rje bcing ba'i mthe bong dang mthe'u chung gnyis snying khar brkyang ba ni rdo ste/ rdo rje thams cad do// rigs thams cad kyi dang tshig gi phyag rgya ste/ grub pa thams cad stsol ba phyag rgya'i dkyil 'khor du bri'o// de nas 'jam dpal gyi phyag rgya bcing ba ni rdo rje khu tshur mdzub mo'i rtse mo bkug pa 'di ni ral gri'o// gnyis pa ni gles bam mo/ / dam tshig gi phyag rgya'o// g.yon pa'i glegs bam bcangs pa'i mthe'u chung ni g.yas pa'i ral gri 'dzin pas gzung ngo // A/ chos kyi phyag rgya'o// chos thams cad la yi ge med ces bya ba/ ni ye shes kyi phyag rgya'o// de nas rdo rje 'khor lo'i phyag rgya bcing ba ni/ rdo rje'i khu tshur gnyis bcangs te// mthe'u chung mdzub mo'i rdo rje bcing // rdo rje 'khor lo zhes bshad de// dkyil 'khor thams cad sgrub pa po/ / 'di mthong bas dkyil 'khor thams cad mthong bar 'gyur ro// de bzhin du dbus su kha bzhag ste bzlas na dkyil 'khor thams cad du zhugs par 'gyur zhing de bzhin du sgrub par 'gyur ro/ / hUM/ chos kyi phyag rgya'o// de nas nam mkha' mdzod kyi phyag rgya bcing ba ni rdo rje nor bu'i phyag rgya las mthe'u chung dang srin lag mnyam pa'i rgyal mtshan gleng ba'i tshul du bya'o// chos kyi

  108. 242b

    phyag rgya ni/ traM/ 'phags pa byams pa byang chub sems dpa' chen po'i phyag rgya bcing ba ni rdo rje go cha'i phyag rgya'o// ngag gi phyag rgya ni/ oM/ de nas rtogs pa thams cad spyi'i phyag rgya shes pa 'byung ste/ de la lus kyi phyag rgyar 'gyur ba ni// 'di lta ste/ 'greng yang rung / 'dug kyang rung / rkang pa bsnams te brkyang ba dang / lag pa sgreng ba ni rdo rje'i phyog rgya'o// mchog bsgrub pa la rdo rje dang mtshungs par 'gyur ro/ / langs nas g.yon pas rdo rje khu tshur bcangs nas g.yas pa bkug pas drangs pa ni rdo rje lcags kyu'i phyag rgya ste/ thams cad 'dren pa'i phyag rgya yin no/ / langs la pus mo bkyed de bkug nas lag pa gnyis bsdams te gyen du brkyang ba ni thams cad gtan 'pho ba'i ral gri'o// dpung pa gnyis kyis rang gi snying khar 'khyud pa ni go cha ste mi phyed pa'o/ / de nas rang gi phyag rgya bcing ba ni/ a ho he hUM/ dbab pa dang / dbang du bya ba dang / bsrung ba dang / gtan 'pho ba'i phyag rgya'o// de nas lta ba'i phyag rgya 'byung ba ni/ myur 'gyur rdo rje'i lta ba ste/ / bgrang de btsums pa 'dren pa yin// khro bo'i lta ba khro gnyer te// brtan par lta ba mi g.yo ba'o// de nas 'di dag gau las 'byung ba ni rdo rje'i lte bas skye 'gro thams cad mgu bar bya'o/ / bgrang ba'i lta bas ni thams cad dkrug pa dang // rims dang / gdon dang / dug dang / byad ma la sogs pa dang / nad thams cad sel to// khro bo'i lta bas ni thams cad gtan 'pho'o//

  109. 243a

    brtan par lta bas ni thams cad byung ngo // de la snying po ni 'di rnams yin no// 'adz+ra u0f7fsarba/ dIp+ta hrI a ng+ku shang/ oM bo d+ha dr-ir+tha ya/ dr-i d+hadzad+haH/ so'i phyag tu 'byung / so bca' bas ni gtan 'pho'o// mur bas ni dbang du byed do// snying po bzlas shing khro bo'i ting nge 'dzin bzlas te phyag rgya'i las byed do// g.yas nas gtsu ba ni 'gugs pa'o// g.yon pas gtsu ba ni dbang du byed pa'o/ / ma mchu sos mnan pas ni gtan 'pho'o// mchu gnyis ka bsdams pas ni srung ngo // sangs rgyas rjes su dran pa dang / rdo rje 'dzin pa rjes su dran pa dang / rdo rje khro bo rjes su dran pa dang / rdo rje rjes su dran pa ni thams cad sgrub pa ste/ mchu'i phyag rgya'o// mig g.yas pa bskyod pas dbang du byed do// mig g.yon pa bskyod pas rjes su chags so// gnyis ka btsum pas ni gtan 'pho'o// gnyis ka bgrang pas ni srung ngo / / thams cad kyi snying po bzlas te gyen du bltas na nam mkha' la 'gro bar 'gyur ro// thur du bltas na sa'i dbang por 'gyur ro// g.yas nas bskor ba ni de bzhin gshegs pa thams cad la mchod do/ / g.yon nas bskor ba ni phyag na rdo rje la mchod de// thams cad kyi snying po stong bzlas nas sgrub bo// de nas phyi rol gyi rdo rje rigs kyi phyag rgya bcing ba 'byung ste/ de la 'jig rten pa'i phyag rgya rnams ni 'jig rten pa'i khu tshur las 'byung ste/ rdo rje khu tshur ni rdo rje bcing ba las g.yon pa'i mthe bong nang du bcug nas mthe'u chung dang srin lag gi bar du btsir la bsdam par bya ste/ de nyid la phyag

  110. 243b

    rgya'i snying po 'di 'bum bzlas te sgrub bo/ / oM badz+ra mu drA hUM/ rdo rje khu tshur gnyis su byas te/ g.yas pas mtshan ma ji ltar byas pa bzhin du gzung ngo // ma rnams thams cad kyi phyag rgya bcing ba ni 'di bzhin du rdo rje'i khu tshur las g.yon pa rdo rje khro bo'i mdzub mo sgreng ba ste/ dur khrod dam tshogs kyi gnas su rdo rje khro bo'i mdzub mos mi khrag thigs pa gsum khar blangs te myangs nas/ mi ro ma smas shing ma nyams pa rkang pa g.yon pas mnan te brgya bzlas na nam mkhar 'gro ba dang / mi snang bar 'gyur ba dang / byad ma thams cad dbang du 'gyur ro// tshogs de dag thams cad kyi dbang por 'gyur ro// thag 'jug pa dang phan dongogs nus par 'gyur ro/ / mkha' 'gro ma'i bde ba'i mchog thams cad dang / rtog pa thams cad dang / las thams cad dang / phyag rgya thams cad 'grub par 'gyur ro// de nas khro bo'i khu tshur sgrub pa'i snying po ni 'di yin no/ / oM badz+ra A ra li/ phyag rgya bcing ba'i bar du'o// de nas de'i rjes la phyag rgya thams cad kyi gsang ba'i bsgrub pa'i skabs bshad par bya ste/ de nas de bzhin gshegs pa'i phyag rgya gsang ba sgrub pa ni dkyil 'khor bri ste/ der 'di skad brjod do// bcom ldan phyag rgya btsun mo 'di// rtag tu bdag la skul bar stsol// sems can kun gyi don grub phyir// grub pa mchog ni bsgrub par bgyi/ / phyag na rdo rje dkyil 'khor nas 'di zhes brjod do// su ra te sa ma ya s+t+waM ho/ badz+ra satwa Ad+ya sid d+ha nan/ de nas byang chub sems dpa' gzhan rnams kyi gsang ba'i phyag rgya sgrub pa

  111. 244a

    ni/ byang chub sems dpa' bdag nyid che// rtag tu bdag la grub pa stsol// de nas phyi rol gyi rdo rje rigs kyi gsang ba bsgrub pa ni phyag na rdo rje khro bo ni thams cad byed pa yin no zhes deskad brjod la bsgrub par bya'o/ / ma rnams kyi gsang ba'i phyag rgya sgrub pa ni dkyil 'khor du zhugs nas ts+tsha b+h+yo zhes rjod cig/ gsang ba bsgrub pa'i rab tu bya ba'o// / de nas phyag rgya'i de khon 'byung ste/ de bzhin gshegs pa'i phyag rgya'i de kho na ni sems las sangs rgyas kyi chos 'byung ngo // yang dag par na 'di dag ste/ de bzhin gshegs pa'i btsun mo'i thugs la gnas pa yin no// bdag kyang de bzhin gshegs pa yin pas bdag gi chung ma yin no zhes sngar bsgoms la phyag rgya sgrub bo// phyag na rdo rje'i phyag rgya'i de kho na ni// rab dga' bcing ba kun gyi mchog/ de bas phyag rgya rnam su byas/ / 'dod pa rdo rje sems dpa' yis// grub brtan myur du stsol bar mdzad// de nas gzhan dag ni/ bcom ldan rtag pa 'dod pa ste// de dag de bzhin gshegs pa'o// de las thams cad bdag nyid gzugs/ / bdag kyang phyag rgya grub par shog/ de nas phyi rol gyi rdo rje'i rigs kyi phyag rgya yis// de kho na ni phyag na rdo rje lha thams cad dbang du byas nas rdo rjer byas te/ de dag gi phyag rgya'ang rdo rje'i phyas rgya nyid do/ / de nas ma rnams kyi phyag rgya'i de kho na nyid ni// ma rung thams cad za ba'i phyir// lha rnams kun gyis byas pa ste// phyag rgya 'bebs pas de yi phyir// bsgoms nas kyang ni bsgrub par bya//

  112. 244b

    bzhin gshegs pa'i de kho na rab tu sbyor bas thog mar bsgoms nas sgrub bo// phyag rgya'i de kho na'i rab tu bya ba'o// / de nas rtog pa thams cad kyi byin gyis brlab pa la sogs pa'i las bshad do zhes nas/ / bcom ldan 'das phyag na rdo rjes gsungs pa/ nyin re dang po dus bzhin du// rdo rje che mchog phyag rgya yis// snying kha smin mtshams lkog ma gtsug/ bdag nyid byin gyis brlab par bya/ / de la byin gyis brlab pa'i snying po ni 'di yin no// badz+ra satwa/ badz+ra rat+na/ badz+ra d+harma/ badz+ra karma/ de la 'di ni rdo rje rin po che'i dbang bskur ba'i snying po yin no// oM sarba ta thA ga a b+hi She ka ta a b+hi Shiny+tsa/ snying po 'dis rdo rje rin po che'i phyag rgya smin mtshams su bzhag ste/ mdzub mo gnyis kyis 'phreng ba'i tshul du bcings la/ lhag par mdud pa'i tshul du byas nas bskor ro/ / mthe'u chung nas brtsams te bkrol bas sor mo thams cad bkrol te dar sbyangs pa ltar bya'o// de nas ting nge 'dzin gyi ye shes bskyod pa na rdo rje bcing ba bkan te phang par bzhag nas sgom pa'i snying po 'dis rang gi snying khar rdo rje bsam mo/ / oM badz+ra At+ma ka/ rdo rje'i bzlas pas ci 'dod pa bzlas so// de nas rdo rje mchod pa'i rab tu bya ba ni/ rdo rje'i khu tshur gnyis bcangs nas// rdo rje 'gying legs par bya/ / rdo rje 'phreng ba de bzhin gru// rdo rje gar yang spyi bo nas// der bstod pa'i rdo rje'i glu blang zhing mchod par bya'o// rdo rje sems dpa' bsdus pa'o// rdo rje rin chen bla med de/ rdorje

  113. 245a

    chos ni glur blangs pas/ / rdo rje las ni mdzad par gsol// dga' ba dang / dbang bskur ba dang / glu dang / mchod pa 'dis de bzhin gshegs pa nyid kyang rnyed par mi dka' na grub pa gzhan lta ci smos/ / de ci'i phyir zhe na/ de ltar sems dpa'i bde ba 'di dang mtshungs pa med do// de nas phyag rgya rdo rje sa'i byin gyis brlab pa la sogs pa 'byung ste/ nyin re dang por dus bzhin du/ / rdo rje'i byin gyis brlab tshul gyis// bdag gis bdag nyid byin brlabs nas// sems dpar byin brlabs rnal 'byor ldan// rdo rje dang bcas rdo rje bcing // rdo rje 'bebs la sogs tshul gyis/ rdo rje khu tshur rdo rje bcas// gnyis byas phyag rgya'i mchog gis su// bdag nyid byin gyis brlab par bya// 'dod pa bdag nyid ces kyang sgom// de nas rdo rje sems dpa' yi// gas ba'i snying po bzlas par bya'o/ / de la gsang ba'i snying po 'di rdo rje'i glus ci 'dod pa bzlas so// Tak+ki dza ho/ de nas sgrub pa gzhan yang rdo rje bcing bas rtags bzung ste 'bum bzlas na 'dod pa thams cad kyi dbang phyug dang / 'dod pa'i gzugs dang / 'dod pa'i tshe dang / 'dod pa'i bdag po dang / kun tu 'gro ba thams cad grub par 'gyur ro// de nas phyag na rdo rje'i dbang bskur ba'i rab tu bya ba 'byung ba ni de bzhin gshegs pa thams cad kyi 'phreng ba'i dbang bskur ba ji lta ba bzhin du snying po 'dis sbyin no/ / oM sarba ta thA ga ta rat+na a b+hi She ka a/ de nas de bzhin gshegs pa tham

  114. 245b

    cad kyi ye shes bskyed pa ting nge 'dzin la dmigs pa ni/ ji ltar bcom ldan 'das sems can thams cad nyid yin pa ni de bzhin du/ bdag kyang thams cad nyid do zhes nas snying po 'dis tham cad dgug pa dang / gzhug pa dang / bcing ba dang / dbang du byas te sgom mo/ de la snying po ni 'di'o// oM satwa dzaHhUM baM hoH/ de nas bcom ldan 'das kyi spyan sngar gsang ba'i mchod pa bya ba ni byin gyis brlab pa la sogs pa thams cad byed de/ / rdo rje khu tshur gnyis bcangs la// rdo rje gar dang sbar nas su// me tog la sogs dbul ba ni// gsang ba'i mchod pa phyag rgya dbul/ / gzhu 'dren pa yi tshul gyis su// rdo rje mda' ni 'phen par bya// kun nas 'khyud dang rgyal mtshan bsgreng // gnyis snyems 'dzin pas 'dud pa'o// rdo rje'i bstod pa 'dis rdo rje'i glu blang zhing mchod do/ / gzugs la sogs pa 'dod pa dag gi bde ba dang / shin tu yid bde bcom ldan rab dga' khyod la 'dud/ khyod kyis bdag la deng du dga' bde kun mchod la// mchog gi bdag nyid grub pa'ang myur du tshul bzhin sgrol/ / bstod pa'i snying po 'dis thams cad grub par 'gyur ro// bcom ldan 'das phyag na rdo rje la nyin rer lan rer bstod na bcom ldan 'das las thams cad thob par 'gyur ro/ / slob dpon de rang gi lce las kyang 'das pa dang / ma 'ongs pa dang / da ltar gyi thams cad dang / bcom ldan 'das kyi bka' dang / rtog pa thams cad dang / tshig gi rgyud thams cad

  115. 246a

    kyang smra bar 'gyur ro/ / lha'i glu sngon ma byung ba len to// rdo rje'i glus 'bum bzlas na rdo rje 'dzin par 'gyur ro// de ltar lan cig byin gyis brlabs la/ de nas phyis sgrubs shig de nas nyin gcig bzhin byin gyis brlab pa la sogs pa nyin rer lan rer byas na grub pa thams cad dang / phun sum tshogs pa thams cad dang / dbang bskur ba la sogs pa dang / shes pa thams cad dang las thams cad 'grub bo/ / de bzhin gshegs pa thams cad la sogs pa dang / sems dpa' rnams der lhags nas phra mo la sogs pa ston te tshig sgra'o// byams par byed/ mchod do/ de'ang de bzhin gshegs pa thams cad la mchod pa dang / rim gro thams cad kyis mchod do// sems can thams cad la tshar gcad pa dang / phan 'dogs nus par 'gyur ro// 'jig pa med pa dang / zad pa med pa dang / 'god pa med pa dang / 'jigs pa med par 'gyur ro// sems can thams cad kyi 'jigs pa thams cad dang / nad thams cad dang / sdug bsngal thams cad sel te/ cho 'phrul thams cad ston to// bdag nyid kyis de bzhin gshegs pa thams cad la sogs pa sems dpa'i gzugs man chad dang / bdag gi lus thams cad dang / nam mkha' dang sa dang / shing dang / ri dang / chu rnams las kyang de bzhin gshegs pa thams cad la sogs pa'i gzugs thams cad ston par byed do// 'od zer ston pa la sogs pa'i cho 'phral

  116. 246b

    thams cad ston to/ / rang yang sangs rgyas kyi gzugs la sogs pa dang / thams cad kyi gzugs su 'gyur ro// mig gis 'das pa dang / ma 'ongs pa dang / da ltar gyi shes pa thams cad yi ge rnams las mthong ngo / / thams cad las thos shing rang gi lces smra'o// sngon ma byung ba'i rtog pa dang mdo sde thams cad 'chang ngo do// ston skyo ba thams cad dang / sil snyan dang / 'phong dang / mtshon 'debs pa dang / bshes gnyen dang / bzo dang / sgyu rtsal thams cad lhun gyis grub par shes par 'gyur ro// nyin gcig bzhin du gzugs chen po dang / mdog dang / stobs dang / dpa' ba dang / tshe dang / nad med pa dang / dngos grub thams cad dang ldan par 'gyur ro// sems can thams cad kyi sems dang / spyod pa dang / sgra skad dang / tshig shes shing mthong ngo / / nyin gcig bzhin thams cad mngon par shes par 'gyur ro// mdor na de bzhin gshegs pa nyid dang / rdo rje 'dzin pa la sogs pa dngos grub thams cad ma bsgrubs par tshe 'di nyid la thob par 'gyur ro/ / byin gyis brlabs la sogs pa'i rab tu bya ba'o// / de la bsgrub pa'i rab tu bya ba 'byung ste// de bzhin gshegs pa sgrub pa ni mdun du bdag nyid sangs rgyas kyi sku rjes su dran pa sgom zhing snying po dang / phyag rgya dang / sngags dang / rig pa rnams sgrub bo// phyag na rdo rje sgrub pa ni sems dpar byin gyis brlab pa'i rnal 'byor ram/ 'dod par sgom pa 'am/

  117. 247a

    rdo rje sems dpa' rjes su dran pa 'am/ bdag gi snying khar rdo rje sgom pa 'am/ bdag gi mdun du sangs rgyas rjes su dran par byed bzhin du snying po dang / phyag rgya dang / sngags dang / rig pa rnams sgrub bo// sems dpa' chen po thams cad ni bdag nyid kyis rang gi sems dpa' rjes su dran pa 'am// snying khar rdo rje chen po sgom zhing snying po dang / phyag rgya dang / sngags dang / rig pa rnam bsgrub par bya'o/ / phyi'i rdo rje'i rigs sgrub pa ni khro bo'i tshul gyis snying po dang / phyag rgya dang / sngags dang / rig pa rnams sgrub bo// rdo rje ma rnams sgrub pa ni sems can thams cad za ba'i rjes su dran pa'am/ bdag nyid rdo rje srin por gyur to/ de'i phyir bdag nyid kyang sems can thams cad bza' 'o zhes khros te snying po dang // phyag rgya dang / sngags dang / rig pa rnams bsgrub par bya'o// bsgrub pa'i rab tu bya ba'o/ / / de nas sgrub pa'i thabs kyi rab tu bya ba 'byung ste/ ji ltar 'jig rten 'dul 'gyur ba// de ltar sgrub par gsungs pa ste// grub pa thams cad byed pa'i mchog sgrub pa'i thabs kyi rab tu bya ba'o/ / / de nas ras kyi rab tu bya ba 'byung ste/ de la de bzhin gshegs pa'i ras ni sgra med par byas la dkyil 'khor zlum por thig gdab bo// phyag na rdo rje'i ras ni ngos thams cad par gru bzhi po dar ram ras la bri'o/ / sems dpa' chen po rnams kyi ni ji lta bur 'dus pa'i 'khor bzhin du'o// phyi'i rdo rje'i rigs rnams kyis ma bsdus pa la 'dus pa'i 'khor

  118. 247b

    ji lta ba bzhin du dgod do/ / rdo rje ma rnams kyi mnyams pa la kha tshar ma bcad pa ste/ ri mo mkhan gso sbyin can gyis sbyin med pa'i tshon rtsi snod gsar par bzhag pas bri/ ras kyi rab tu bya ba'o// de la cha lugs kyi tshad rab tu bya ba ni/ de bzhin gshegs pa'i ni de bzhin gshegs pa'i mtho gang tsam du bya ba'o// phyag na rdo rje'i ni mtha' med pa'i phyir ji ltar 'dod pa'i tshad du bya ba'o// de la rdo rje'i tshad ni ji tsam du 'gyur zhe na/ rang gi mthe bo'i tshigs kyi sor mo bcu drug tu bya'o// de la rdo rje'i dbyibs ci 'dra bar bya zhe na/ zur bzhi la rtse lnga pa 'od zer gyi 'phreng ba can sum char bya'o// sems dpa' chen po thams cad ni mthe bo'i tshigs kyi sor bcu drug gi tshad du bya ste/ thams cad kyang pad+mo la bzhugs par bya'o// de bzhin du sku gzugs kyi tshad las dkyil 'khor gyi tshad kyang de dang 'dra bar bya'o/ / de la 'di ni bzlas pa'i rab tu bya ba ste/ de la de bzhin gshegs pa rnams kyi ni dgongs pa'i gsung ting nge 'dzin gyi tshig ste/ rdo rje rnams kyi'ang de bzhin no// de la rtog pa thams cad kyi spyir ni rdo rje'i tshig gis bzlas te sgrub bo/ / phyag na rdo rje'i ni rdo rje tshig gi glu dang sbyar te bzlas so// rdo rje hUM zhes pa la sogs pa rdo rje'i khro bo rnams ni rdo rje'i khro bo'i tshig gis bzlas so// phyi'i rdo rje'i rigs rnams richochos kyi tshig gis khro ba'i sgra chen po gsal bar byas te khro bo dang bcas pas bzlas so/ / rdo rje'i ma rnams ni rdo rje'i tshig phra mos bzlas so// de la ting 'dzin gyi ngag ni yid kyis bzlas so// de la rdo rje

  119. 248a

    ngag ni/ lce thog rab tu mi g.yo bar// so mchu gnyis ka sgyur ba ste// rtog pa kun la rig pa ni// rdo rje'i ngag ni sgra spangs pa'o// de la rdo rje'i glu'i tshig ni// Sha Ta pa la sogs pa'i glu/ / grong dga' ba rnams blangs pa yis// rdo rje'i tshig bzlas rtog pa ru// rdo rje'i glu zhes grags pa'o// de la rdo rje khro bo'i tshig ni 'di'o// hUM zhes pa yi 'brug sgra 'dra// de bzhin phra zhing sgra dang ldan// khro bo gsal ba rdo rje che'o// khro bo'i tshig ces grags pa'o// tshig gi rab tu bya ba'o// / de la 'di ni bzlas pa'i cho ga rab tu bya ba yin te// rtog pa dag ni kun la yang // sems dpa' gang dang gang dag gi/ snying po phyag rgya sngags sgrub pas// de yi bdag nyid spyan drang grub// gnas dang srog chags thams cad ni// rang gi tshul gyi cho ga thams cad sgrub bo// rdo rje bzlas pa ni rtog pa thams cad sgrub pa'o/ / rdo rje sems dpa'i gsang ba'i bzlas pa 'byung ste/ phyag na rdo rje'i snying po dang / phyag rgya sngags rig de bzhin te// bzlas pa'i don gyis mgon po bzlas// rtog pa kun la'ang bsgrub par bya/ / phyi yi rdo rje rigs rnams kyi// khro bo'i mnyam par 'jog pa'o// rdo rje ma rnams thams cad kyi// yid kyis su ni snying yang gzung // bzlas pa'i don zhes bya ba la// phyag na rdo rje'i 'dod pa sgom zhing bzlas pa ste/ 'di ltar oM zhes bya ba ni 'dod pa ste bde ba chen po'o// 'dod pa ni rdo rje sems dpa' zhes bya'o// 'dod pa ni thams cad dgug pa dang / gzhug pa dang / bcing ba dang / dbang

  120. 248b

    du byed pa'i phyir ro/ / dzaHhUM baM hoH/ 'dod pa ni shin tu dga' ba'o// 'dod pa ni bzlas pa'i don to// gsang ba'i bzlas pa 'di bzlas na bsod nams chung ngu'ang 'grub par 'gyur te/ de bzhin gshegs pa thams cad kyis kyang bslu bar mi nus so/ / thal mo khong stong du sbyar la mchod pa bya ste/ de la me tog gi mchod pa ni me tog gi thal mo gyen du phye bas so// bdug pa'i mchod pa ni thur du brkyang bas so// mar me'i mchod pa ni mthe bong bsnyams pas g.yogs pa'o/ / dri'i mchod pa ni rab tu brkyang ste stong pa 'am gang bas so// phyag rgya 'di rnams kyis yang dag pa nyid du mchod par 'gyur ba ni sangs rgyas kyi zhing thams cad dang / dkyil 'khor thams cad dang / dam tshig sems dpa' thams cad dang / snying po dang / phyag rgya dang / sngags dang / rig pa dang / lha rnams thams cad la 'ang ngo // mchod pa'i rab tu bya ba'o/ / // de la bsod nams med pa'i sems can gyi bsgrub pa'i rab tu bya ba 'byung ste/ dkyil 'khor gang yang rung ba zhig nyin re zhing ji tsam 'dod pa'i tshad du nyi ma bzhir bris nas/ lta ba bzhin du der zhugs la phyag rgya chen po bcings nas rang gi lhag pa'i lha lan brgya bzlas so// bsod nams med pa'i sems can gyi bsgrub pa'i rab tu bya ba'o// / de la myur du 'grub par 'gyur ba'i rab tu bya ba ste/ de la de bzhin gshegs pa'i myur du 'grub par 'gyur ba ni/ ting 'dzin chos sbyin la sogs dang / rgya chen tshul rnams klog pa dang / dad la gnas te de bzhin mchod// dngos

  121. 249a

    grub myur sbyin chen po yin/ / de la phyag na rdo rje'i myur du 'grub par 'gyur ba ni/ 'dod la chags dang bral min dang / 'dod la chags pa'i dam pas mchod// 'dod la ci nus chag bya ba/ / myur du dngos grub sbyin pa yin// de la 'di ni sems dpa' chen po rnams kyi myur du 'grub pa ni/ sbyin dang tshul khrims de bzhin bzod// brtson 'grus bsam gtan de bzhin blo// ci nus kyis kyang bya ba ni/ / nyin gcig bzhin du ci 'dod par// phyi'i rdo rje'i rigs kyi grub pa myur ba ni/ sangs rgyas mchod cing de bzhin dang // phyag na rdo rje'i brtul zhugs brtan// rdo rje rtag tu lag na gzung / / mi 'grungs thams cad tshar gcod mchog/ de nas rdo rje ma rnams kyi grub pa myur du bsgrub pa'i rab tu bya ba ste/ sems can dag la dad pa dang // mchod cing dam tshig srung ba ste/ phyag rgya'i gar gyis mchod pa dang / / sems can ma rung drag shul bya// grub pa myur ba'i rab tu bya ba'o// // de la slob dpon gyi rab tu bya ba 'byung ste/ de la 'di ni de bzhin gshegs pa'i dkyil 'khor gyi slob dpon du grub pa ste/ dkyil 'khor du de bzhin gshegs pa'i spyan sngar badz+ra bid ces bya ba'i snying po stong rtsa brgyad bzlas nas/ slob dpon rang gis dam tshig gi phyag rgya stong bzlas te / slob ma dbang bskur ba'i snying po ni 'di'o// badz+ra satwa/ badz+ra rat+na/ badz+ra d+harmA/ badz+ra karma/ oM a nu kha ma d+hi tiSh+Tha sarba ta thA ga a d+yad te swAhA/ 'di brgya bzlas pa ni snying kha la sogs par phyag rgya

  122. 249b

    / bzhag nas spyi bor thams cad bzlas so// de nas de bzhin gshegs pa'i rigs kyi slob dpon sbyin no// phyag na rdo rje'i cha lugs spyi bor bzung nas snying po 'di brgya 'am brgya rtsa brgyad du bzlas shing / brgya bzlas pas ni de bzhin gshegs pa'i rdo rje'i slob dpon du 'gyur ro// brgya rtsa brgyad bzlas pas ni ting nge 'dzin gyi rdo rje slob dpon du 'gyur ro// de la snying po ni 'di'o// oM mahA su kha badz+ra satwa dzaHhUM hoHsu ra ta s+t+waM/ de nas de'i lag tu rdo rje sbyin no/ de nas rdo rje rigs kyi ste/ lag pa gnyis su rdo rje byin nas rdo rje rigs kyi rdo rje'i dri chus bsres pa'i bum pas dbang bskur to// snying po 'di'o// oM badz+ra a d+hi pa d+hi tAM a b+hi Shiny+tsa mi dr-iD+ho b+ha ba dzaHhUM baM ho hUM phaT/ de nas pad+mo rigs kyi slob dpon du sgrub pa ni pad+mo lag tu byin nas stong rtsa brgyad bzlas te pad+mo'i 'phreng bas mgo bcing ngo // snying po 'di brjod do/ / oM pad+ma mA la a b+hi Shiny+tsa lo ka shwa ra tre swa ma hrIHrdo rje rin po che'i slob dpon du sgrub pa ni rdo rje rin po che'i phyag rgya slob ma dbang bskur ba'i gnas su bzhag nas snying po 'di stong bzlas so// oM badz+ra rat+na a b+hi Shiny+tsa rat+na d+hi pa ti twe b+ha ba TaT/ slob dpon gyis dkyil 'khor thams cad du bcud de dbang bskur ro// phyag na rdo rje slob dpon du bya ste/ yang bdag nyid kyis dkyil 'khor bris la/ bdag nyid la bdag gis slob dpon du dbang bskur ro// de la slob dpon gyi brtul zhugs ni/ 'di lta ste/ de bzhin gshegs pa'i slob dpon ni zla ba gcig gi bar du rab tu byung la bslab pa thams

  123. 250a

    cad bzung ste/ rang gi lhag pa'i lha dus gsum du sgrub bo// de bzhin gshegs pa'i rigs kyi slob dpon gyi brtul zhugs ni zla ba phyed kyi bar du nyin re zhing bcom ldan 'das kyi spyan sngar byin gyis brlab pa la sogs pa byas nas phyag na rdo rje'i sku 'am/ rang gi lha nyid la mchod nas kyo ba tang gis bkug ste mi skyo bar bzlas te/ lam dang lam ma yin pa'i skabs mi dbye'o/ / de nas phyag na rdo rje'i brtul zhugs 'byung ste/ nyin re zhing nang par langs nas bdag nyid byin gyis brlab pa la sogs pa byas te/ bkrus la dri zhim po dang / gos 'tsher ba dang / rgyan gyis chas te/ glu dang / sil snyan dang / bkod pa dang / sgeg pa rnams dang ldan pas bcom ldan 'das la me tog la sogs pa gsang ba'i mchod pa rnams kyis yang dag par mchod nas/ bcom ldan 'das dang bdag nyid la 'dod pa'i dngos pos mchod pa bya ste/ dam tshig chen po'i de kho na nyid ci 'dod pa bzlas te/ phyed yol gyi bar du 'dod pa'i yon tan lnga spyad nas/ de bzhin du mchod pa byas te/ ci 'dod par bzlas so// de nas yang mtshan rangs par 'dod pa lnga rnams la brten cing bzlas par bya ste/ de ltar zhag bzhi'i bar du bya'o// de nas rdo rje rigs kyi brtul zhugs ni zla ba phyed kyi bar smyon par bsgyur nas/ de bzhin gshegs pa thams cad la phyag 'tshal zhing phyag na rdo rje mchod de/ mgo sa la gtugs nas sgren mor byung ngam gos gyon yang rung ste/

  124. 250b

    mgo bo rdob cing mi 'o cog la gshe zhing rgyal phyag rgya rnams kyis gar byas te/ yid kyis de bzhin gshegs pa bsams nas mtshams bcing ba la sogs pa byas nas/ bcom ldan 'das la dza lta ba bzhin du mchod pa byas te brgya rtsa brgyad bzlas so/ / de nas pad+mo'i rigs kyi brtul zhugs ni bcom ldan 'das la mchod pa byas te/ ba'i gcin rngubs gang 'thungs la/ ba'i lci ba cung zad zos na dag pa'i brtul zhugs thams cad 'grub bo/ / de nas zhag bdun du ting nge 'dzin la mnyam par gzhag nas stong rtsa brgyad bzlas so// de nas nor bu'i rigs kyi brtul zhugs ni nyin re zhing rang la dbang bskur nas de bzhin gshegs pa dang / sems dpa' chen po rnams mchod de rgyal po lta bur sgom zhing rgyal po'i pho brang du song nas rgyal po'i mdun du brgya brgya zhag brgyad kyi bar du bzlas so// de ltar na slob dpon gyis grub pa thams cad dang / phun sum tshogs pa thams cad dang / shes pa thams cad dang / kun gyis mchod pa la sogs pa dang / las thams cad thob par 'gyur ro// slob dpon gyi rab tu bya ba'o// / de nas las grub pa ni snying po brgya rtsa brgyad bzlas te las thams cad byas na thams cad 'grub par 'gyur ro// rdo rje'i phyag rgya chen po bcings nas rdo rje'i bzlas pa brgyad stong bzlas na/ 'jig rten pa dang 'jig rten las 'das pa'i las thams cad la phyag rgya thams cad bcings pa tsam gyis bdag dang pha rol gnyis ka 'grub par 'gyur

  125. 251a

    ro/ / sngags ni rdo rje tshig gis stong phrag brgyar bzlas na sngags thams cad thang cig bzlas pas las kun byed do// rig pa stong phrag brgyar bzlas na/ de nas rig pa thams cad thang cig bzlas pas las thams cad byed do/ / de nas snying po dang / phyag rgya dang / sngags dang / rig pa rnams 'byung ste/ badz+ra satwa ni snying po'o// satwa badz+ra ni phyag rgya'o// oM ni sngags so// / khi ti ni rig pa'o// de nas snying po dang / phyag rgya dang / sngags dang / rig pa thams cad sgrub pa'i snying po 'byung ste/ oM ma hA su kha badz+ra satwa dzaHhUM baM ho/ su ra ta s+t+waM/ 'di bcom ldan 'das kyi spyan sngar rdo rje sems dpas bzlas pas glu dang rdo rje'i tshig gis stong rtsa brgyad bzlas na snying po dang / phyag rgya dang / sngags dang / rig pa'i dngos grub thams cad 'grub par 'gyur ro zhes/ bcom ldan 'das rdo rje sems dpas gsungs so// 'jig rten gsum las rnam par rgyal ba rtog pa chen po'i rgyal po las/ phyi ma'i rgyud bshad pa'o// // de nas bcom ldan 'das la/ phyag na rdo rje byang chub sems dpas 'di skad ces gsol to// bcom ldan 'das bdag gis 'jig rten gsum las rnam par rgyal ba'i chos kyi rnam grangs 'di bshang lags na/ de bas na bcom ldan 'das ji ltar de bzhin gshegs pa rnams grub pa de sems can 'dul ba'i slad du yul gzhan du 'chi 'am/ dbul por 'gyur ba 'am/ 'khrug pa 'am/ phrag dog gam/ sma dbab pa

  126. 251b

    'am/ sdug bsngal ba'am/ 'dod pa chung ba 'am/ 'dod pa la chags pa 'am/ rab tu byung ba sems dpa' 'am/ gnod pa mang ba 'am/ nyes pa mang ba 'am/ mya ngan nam/ nad ngam/ 'jigs pa mang po la sogs pa gzhan yang dad pa med par 'gyur ba de lta bur mi 'gyur bar lhag pa'i bsam pa'i chos skye ba dang / sgrib pa yongs su byang bar 'gyur ba de ltar byin gyis brlab par gsol/ de nas bcom ldan 'das kyis/ phyag na rdo rje la 'di skad ces gsungs so// dam tshig chen po de kho na nyid sku dang / gsung dang / thugs rdo rje thams cad pa mthul ba 'dul ba 'di khyod kyis de bzhin du bshad pa de dag gi phyir de bzhin gshegs pa thams cad kyis byin gyis brlabs so/ / de nas sgrub pa po de dag gis dang por re zhig de brgyad stong ji lta bar bzlas nas de nyid dam gzhan dag gi'ang rung bsgrub par bya'o/ / gang dag 'dod chags dang bral ba'i chos kyis 'dul ba de lta bu dag kyang 'byung bar 'gyur te/ de dag la'ang snying po 'di sbyin no/ oM b+h+ya sarba ta thA ga ta badz+ra satwa ho/ sa ma ya s+t+waM/ 'di'ang brgya stong du bzlas nas de nyid dam gzhan yang bsgrub par bya'o// de nas bcom ldan 'das kyi zhabs la phyag na rdo rjes phyag 'tshal te tshigs su bcad pa 'di gsungs so// sems can kun la phan pa'i phyir/ / rtog pa'i dam pa rab bshad pa// 'jig rten gsum rgyal zhes bya ba// grub pa thams cad rab stsol mchog/ gang gis brjod pa tsam gyis na// sdig pa kun las rnam par grol

  127. 252a

    'jig rten kun na mchod pa ste/ / grub pa thams cad thob par 'gyur// gang dag 'dri zhing klog pa dang // 'dzin cing smra pa de bzhin te// de yang tshe 'di nyid la ni// grub pa thams cad thob 'gyur na/ / dad pa brtul zhugs brtan pa yis// grub par byed pa ci smos te// sangs rgyas phyag na rdo rje nyid// tshe 'di nyid la de yis thob// rtog pa kun kyang sbyar yang rung // rang gis byas pa'ang de bzhin te/ / rtog pa'i rgyal po nyid bsgrubs na// dad pa med kyang myur du 'grub// bdag gi khyim du gnas pa yang // de la bdag kyang kun 'grub phyir// de la bdag ni srung bar gnas dngos grub dang ni 'dod kun dang / / 'phel ba dang ni 'tshe med dang // shes pa rnams dang tshe dang stobs// gzugs mchog nges par stsol bar bgyi// de nas bcom ldan 'das gdan las bzhengs te/ khams gsum mtha' dag lus dang / ngag dang / sems rdo rje'i rdul phra mo rnams kyis khyab nas de bzhin gshegs pa thams cad dang legs so zhes bya ba byin te/ legs so legs so sems dpa' chen po zhes bya ba nas/ bcom ldan 'das phyag na rdo rjes gsungs pa la mngon par dgyes par gyur to// 'jig rten gsum las rnam par rgyal ba rtog pa chen po'i rgyal po kun rdzogs so// rgya gar skad du/ sarba durga ti pa ri sho d+ha na te dzo rA dza ta thA ga ta ar+ha te samyak+saM bud+d+ha s+ya kalpa nA ma/ bod skad du/ de bzhin gshegs pa

Colophon

'jig rten gsum las rnam par rgyal ba rtog pa chen po'i rgyal po kun rdzogs so/