rgyud kyi rgyal po gser gyi rus sbal rdo rje thig pa rtsa ba'i rgyud
Text
ff. 481a–500a · 39 folio sides
- 481a
ye shes mun pa med pa zhes bya ba dang / thag ring du bgrod pa nam mkha' dang mnyam pa'i rgyud ces bya bar yang zung zhig/ kha sa mUnA dza nam mkha' dang mnyam pa'i rgyud las/ mtshan gyi don gtad pa'i le'u ste nyer lnga pa'o// // de nas yang smon pa nyid snang ba thams cad nam mkha'i ri mo'i gzhal yas khang du bsdus nas bzhugs so// de nas rnal 'byor gyi dbang phyug chen po de dang // nam mkha'i mtha' dang mnyam pa'i 'jig rten gyi khams nas 'dus pa'i rnal 'byor gyi dbang phyug thams cad yi rangs par gyur to// kha sa mun dza nam mkha' dang mnyam pa'i rgyud rdzogs so// // rgyu glur skad du/ tan tA rA dza sA nA ha sa nga badz+rad ri ha bi tan tA/ bod skad du/ rgyud kyi rgyal po gser gyi rus sbal rdo rje thig pa rtsa ba'i rgyud/ mkhyen ldan ston pa'i sku la phyag 'tshal lo// 'di skad gsungs pa'i dus gcig na/ rnam pa thams cang mkhyen pa'i ston pa des// thugs rje chu mnga' 'gro ba'i don bya'i phyir// skye ba med las skye ba'i cho 'phrul bstan// nam mkha' lta bu'i chos sku mtshon bral bas// gzugs skur bzhengs nas 'gro don mthar dbyung phyir// ye sangs gnas su shes rab bro rtsa la bskyed// 'og min gnas
- 481b
su bgro 'dul chos lung mnos// sum cu rtsa gsum 'khor rnams kun la bshad// 'od gsal gnas su bro yi rtsa la rnams sbyangs// 'dul ba'i dus la bab pa thugs kyis mkhyen// yab kyi lta bas phab cing yum gyi lhums su zhugs// zla dgu ngo bcu skye ba bzhengs tshul bstan// shin tu mtshan bzang sum cu rtsa gnyis dang // dpe byang bzang po brgyad cur yongs su ldan// de ltar sems can yongs su spro ba skyed phyir// dgung lo rim pas mdzad pas mtha' ru byung // 'gro ba sems can ga gis gang 'dul ba// chos sgo brgyad khri bzhi stong phye ste bstan// de bstan gnas kyang rnam pa gsum du bshad// kha cig stobs ldan po gsal dang che la// kun grags rgya cher yongs su 'phel te bstan// kha cig 'phro can snod dang ldan pa la// mdo yi don rnams nges par bsdus la bstan// kha cig dang mos nges par 'dzin 'chang la// rtsa ba'i mnu ngag lhug pa nyid du bstan// spyir ni 'di la 'di ltar ba shad mi lang // bye ma'i la bzhin grangs las 'das pa ste// bag phye la sogs smra shad lnga bzhin snang // 'gro ba'i don phyir dgos ched dngas bstan no// gang zhig gson gshin 'gro don byed pa la// gnam 'greng phyed nyal kha sbu ba don rnams kyang // nges par thar
- 482a
chags la shan phyed de bstan// gang zhig bstan pa 'dzin skyong dad pa la// rgyud lung bye brag mang du bstan pa yang // ya ma ki la mdo yis phye ste bstan// gang zhig dge bcu spyod cing 'dul khrims bsrung la dad pa la// 'dul khrims sdom pa mang du bstan pa yang // nyan thos byang chub sems dpa'i mdo yis phye ste bstan// gang zhig phyi rgyud gsang sngags la dad pa// rtsa ba'i dkyil 'khor mang du bstan pa yang // bya ba gnyis ka rnal 'byor rgyud kyis phye ste bstan// gang zhig gsang sngags nang la dad pa la// bsnyen bsgrub rim pa mang du bstan pa yang // bskyed rdzogs rnam pa gnyis su phye ste bstan// gang zhig theg chen nyid la mos pa la// sems phyogs bye brag mang du bstan pa la// a ti yo ga'i mdo yis phye ste bstan// de ltar bye brag mang du bstan gyur kyang // de don de las de nyid shin tu 'byung ba dka'// 'byung ba dkon phyir thugs kyi dkyil 'khor nas// nges pa'i snying po rtsa ba'i rgyud// rgyud kyi rnam pa yongs su bskrun pa yang // rgyud dang phyi ma bskal ba dum bur bstan// rin chen rigs chen bum pa'i blo can la// rgyud 'di rgyud kyi rgyud de rus sbal rtsa ba'i rgyud// lta bas thag bcad spyod pas la dor phyi ru bstan// tsan dan rigs can pad+ma'i blo can la// byang
- 482b
sems thigs pa phyi ma'i rgyud // shes pa nges pa gcig la gzhag phyir bstan// ma nges tha dad so so'i blo can la// bkol ba so so'i rgyud chung bcu gnyis po// gang zag mtshan rtags rgyud kyi mtshan rnams bstan// gang zhig rdzogs chen la ma zlos shing shan ma phyed pa la// rdzogs pa spyi gcod rgyud nyid bstan par bya// gang zhig snying po'i don bral lo mi'i tshigs phyogs la// rtsa ba bsdus pa'i rgyud nyid bstan par bya// gang zhig rtog 'dzin gnyis su lta ba la// nyag gcig dgongs pa'i rgyud nyid bstan par bya// gang zhig mtshon pa tshig gi don byed la// yi ge med pa'i rgyud nyid bstan par bya// gang zhig rtag chang gzung 'dzin gnyis su lta ba la// mtha' ru sel ba'i rgyud nyid bstan par bya// gang zhig gser dang bong nyid rtog can la// dri med dag pa'i rgyud nyid bstan par bya// gang zhig snying po don la 'gyur pa'i blo can la// / lta ba rdo rje'i rgyud nyid bstan par bya// gang zhig dgongs pa'i don gol sgyu ma'i lus ma bde ba la// bsam gtan cog pu'i rgyud nyid bstan par bya// gang zhig lta ba'i lta ba ma rtogs la// thugs kyi yang gter rgyud nyid bstan par bya// gang zhig man ngag gis man ngag ma rtogs pa la// gsang ba yang gter rgyud nyid bstan par bya// gang
- 483a
zhig 'khrul pa'i yid phyogs don bral la// mu tig 'phreng ba rlabs kyi rgyud nyid bstan par bya// gang zhig lta spyod ya bral gyur pa la// rjes 'jug spyod pa'i rgyud nyid bstan par bya// de bzhin blo yi khyad par so so la// man ngag rdo rje'i thig pa gcig tu babs// zhes ston pa nyid sku tsho ba'i yon tan dang ldan nas// thugs rjes phyi rabs kyi don du bstan pa gleng gzhi'i le'u ste dang po'o// // de nas ston pa nyid sku rdo rje lta bu'i ngo bor bzhugs te/ de'i tshe de'i dus na 'khor rnams kyi nang nas// sems dpa' rdo rjes zhus pa/ khams gsum 'khor ba'i sems can skye dang 'chi la rtag/ zo chu'i rgyun nam shing rta'i 'phang lo 'dra// sdug bsngal gzhi las thar pa'i dus mtha' med// 'khor ba 'di las thar pa thob thabs shig/ thugs kyi dkyil nas nges pa'i bcud phyung ba// phyi rabs don du bstan pa gzhag tu gsol// zhes zhus pa dang / de la ston pas bka' stsal pa// sems dpa' rdo rje la sogs kun// shin tu lus thung dbang po brtan par nyon// phyi rabs don du gser gyi rus sbal nyid// rdo rje thigs pa rtsa ba'i rgyud// tshigs su bcad de yongs su drangs pa 'di// khams gsum 'khor ba'i sems can rnams// skye dang 'chil rtag cing 'khor bar brgyud pa yang //
- 483b
ji bzhin de bzhin ma rtogs pas su brgyud pa yin// khams gsum sems can thar pa thob bya'i phyir// chos sgo brgyad khri bzhi stong grangs mang yang // thugs kyi dkyil nas nges pa'i bcud phyung ba// rtsa ba yongs su bsdus nas bstan pa 'di// ma nor nges pas thugs kyi dkyil du zhog/ nges par ma gzhag khams gsum 'khor bar 'gyur// khams gsum 'khor ba'i sems can skye dang 'chi la rtag pa yang // ji bzhin pa la de bzhin ma gzhag par// de dang mi mthun rnam par rtog par 'gyur// de brtag rgyu bsags khams gsum 'khor bar 'gyur// rnam rtog de yi rgyu rkyen bshad mi lang // bag che la sogs skra shad lto bzhin snang // de yi rgyu rkyen de la de don snang mi 'gyur// ma brtags ji bzhin gnas pa de bzhin nyid// mi rtog mi rtag brtag pa'i yul las 'das// brtag med yul las 'das pa mkha' gsal nam mkha'i glong // nam mkha'i glong ni ye nas de bzhin nyid// brtags pa'i dngos po dbyibs dang kha dog ste// 'di la dbyibs dang kha dog ma grub dngos med nam mkha'i ngang // cir yang bsgyur du med pas de bzhin nyid// de bzhin nyid ni mtshon pa yongs dang bral// mdzub khrid khra ba lta bur bstan pa de// de bstan zla mdzub mi gcig thag ring 'gyur// de bzhin de dang de gnyis thag ring bas// ji bzhin pa nyid nges par rang las 'char// de bzhin
- 484a
rtogs pa sangs rgyas nyag gcig ma// rnam par thams cad mkhyen pa'i sangs rgyas kyis// de bstan de nyid yongs su shes par gyis// theg pa'i bye brag grangs su ma bsnun kyang // bsdus pas sgo bzhi spyi ti yid dang lnga// sgo bzhi 'di ni drang don tsam du ngas bstan te// 'dir bzhugs rnam rtog nyid dang 'grogs par 'gyur// rnam rtog de las de nyid 'byung ba dka'// skye ba brgyud nas 'bras bu 'byung bar bshad// phyi nang sde snod yongs kyi spyi ti 'di// nges pa'i don du ngas bstan kun rdzogs te// gdul bya chung zos mgo la bstan pa dka'// 'di nyid ye nas tshogs nyid rdzogs shing sgrib gnyis dag/ dag pa'i don nyid ye nas de bzhin nyid// de bzhin nyid ni dbu mar yang mi dmigs bde ba gnyis las 'das// cir yang brtag dka' brtags pas rtogs pa dka'// lcags kyi sgrom bu mtheb rgyas btab pa bzhin// de bzhin nyid don 'di zhes bstan pa/ dkar// gting dpag gcad dka' man ngag rgya mtsho'i tshul// gces pa btsal dka' shel slong dag pa'i tshul// dkon la btsal dka' bas ma 'phel nor bu'i tshul 'di rtogs gang zag u dum wa ra'i tshul// 'di mthong dka' ba gser gyi rus sbal tshul// 'di don mthong ba rnams kyis 'di mi mthong // ma mthong mthong ba ye nas/
- 484b
de bzhin nyid// ma bslad ji bzhin gnas pa de bzhin la// gnyis med sangs rgyas gnas pa sgom pa'i grong // sgrub tshol smyon pa rtog ge byis pa 'dra// sa la ma gnyis med bgrod du phug mtha' med// sgo phugs gnyis med thams cad de bzhin nyid// lam med lam 'dod glang chen rmig snyegs 'dra// bskal pa tsam bgrod 'dri tho ba rab tu dka'// thams cad de bzhin nyid de der gnas pa// rdo rje grong du thams cad ye sangs rgyas// 'di don sgra dang tshad mas gzhigs pas brda mi phrad// gnyis 'dzin mu stegs rtag chad khrod du 'gyur// 'di don 'di la su brjod rtog pa'i rgyun// rnam rtog de la bla med phyogs na med // ma brtags mi rtog brtag med de bzhin nyid// de don shin tu gting dpag gcad pa dka'// tshad mas mi shigs dpes kyang mtshon du med// bden pa gnyis med che ge meng yi ge me da// sgrub med btsal med smon du rdul tsam mang // lung la mi rtog theg pa mi 'tshol ba'i// ya khya ba ye nas ya sangs rgyas pa 'di// rtogs ma thag tu sangs rgyas yin pa ra ba shad// ces rtsa pa'i rgyud las/ thams cad de bzhin nyid du bstan pa'i le'u ste gnyis pa'o// // de nas ston pas 'khor rnams la// rdzogs chen la nyid bzlas te
- 485a
bskrun/ rang bzhin lhun rdzogs rdzogs chen nyid// rdzogs pa chen por ye nas gnas// thams cad rdzogs pa'i rang bzhin la// babyung / ngan thang dror gnyis su med// theg pa la ma dang sgom sgrubartsol// rdzogs chen 'di la 'gul bar bshad// rgyu 'bras gnyis med rdo rje'i sku// skye shi med bar lhun gyis gnas// gnas pa'i don la gnyis su meng // des na chos dang sangs rgyas med// lta bas ltas pas 'khrul par snang // rgyu 'bras theg par bdag pas nor// lam gyi rims pa gting nas med// lam ni zhe la ma rdzogs pa'o// 'jug dang lha dang spyod bsrungs rnams// ma brtsal mi nas lhun gyis rdzogs// sgom dang blo yi the tshom med pas rdzogs chen nam mkha'i glong // nam mkha'i grong la bsrung dang sgrom 'jug lha spyod bya mi dgos// cis kyang dpag tu med pas rdzogs cher grong // grong chen 'di ni yid bzhin nor bu'i tshul// 'di tshol rnams kyis gzhan nas 'dim btsal// rlung la gnas shing gzhan nas ni 'tshol na/ bskal pa gsum du 'di btsal rnyed mi 'gyur// gang zhig sangs rgyas rnams kyis 'dim btsal// de bzhin sems can 'di tshol btsal mi rnyed// mi tshol ngo bo nyid
- 485b
du thams cad gnas// rtsol sgrub lam la gnas pa'i gang zag rnams// dngul lnga gser zhun byas kyang gse rA mi btub// mtshon pa tshig tu ston pa la ma lus zhams// rdzogs chen 'di yi don du ga la 'phrogs// mi snang snang ba med pa'i chos nyid la// rang blos gang ltar ci bsam 'khrul par 'gyur// bsam pa nyid la mi 'jog na// de ni snying po nyag gcig ma// mngon sum mi gnas rdzogs chen 'di// sangs rgyas kyis kyang mtshon du med// de bzhin lta bas wA ru med// ma bltas gzhag na lta ba yin// rang bzhin de la mi 'jog na// de ka byang chub rdzogs chen nyid// mngon sum mi gnas rdzogs chen 'di// sangs rgyas nyid kyis mu tshon du med// btsal na rtsol nad sangs mi srid// ma btsal gzhag na rdzogs chen nyid// sgo phugs med cing bltar med mi gnas don// mdzad spyod rnam par dag pa'i rdzogs chen la// 'jug lha bsrung brjod gnyis ni 'khrul pa ste// mi 'jug mi lta mi bsrun te// sgrub rtsol lam la mi gnas na// de yi rang bzhin rdzogs chen yin// gang la mi rten mi sgom cir yang mi rtsol btsal nga med// thams cad lhun rdzogs ye nas rdzogs chen pas// sangs rgyas nyid kyi rol pa gcig tu bshad// ces rtsa ba'i rgyud las//
- 486a
rdzogs chen la bzla zhing rtsol sgrub las 'das par bsnun pa'i le'u ste gsum pa'o// // de nas ston pas 'khor rnams la// lam gyi nye ring bstan pa ni// ci spyad ci bltas ci bsgoms kyang // lam med lam la bsgrod pas gol// rdzogs chen 'di la sgo phugs meng // thams cad nyag gcig rdo rje'i sku// gnyis med mi 'gyur yang dag lam// lam gyi bgrod nas gdong rnam dag/ lam med lam 'jug 'khrul pa ste// sa bcur ltos kyang byang chub nyid la sgrib/ mi bgrod rang bzhin gnas pa'i don mengan// mtho ris bgrod pa'i rgyu las nyon mongs zin par 'gyur// lam med lam du zhugs pas yul rnyed rab tu dka'/ chus gdungs grang chen smig rgyu snyeg pa skar// bskal par bgrod kyang 'di thob rab tu dka'// theg pa gcig go snying po 'di// rtog ges thig lam mang du phye// mang du bye yang 'di nyid yin// 'di min bA cu ni lam mi rnyed// lam rnyed gyur kyang 'khrul pa'i lam// grang chen rdzab tu chud pa 'dra// lam bgrong dag nas thob byed pa// bya bral chos dang mi mthun te// 'di zhes mthong bar bya med pas// lam gyi phul du byin pa med// gang du ma byin de bzhin nyid kyi dang // nges lam 'di las bde ba'i lam med yin//
- 486b
zhes rtsa ba'i rgyud las/ theg pa gong 'og lam gyi nye reng bstan pa'i le'u ste bzhi pa'o// // de nas ston pas 'khor rnams la// 'dus byas dag gi las rnams kyis// byang chub 'bras bu thob dkar bstan// de bzhin de don ye nas 'dus ma byas// dus gsum 'jig 'bral med pas rdo rje'i sku// rgyu la brten pas 'di yi 'bras mi 'grub// ci ste lugs ma la sogs phyag rgya la// rnam par grol ba nyid kyi lam ni mi gnas pas// gzhi des dus gsum sangs rgyas rnams kyi lam rnyed na// thams cad nyid du phyag rgya'i ngo bor gnas// sgyu ma'i phyag rgya lugs ma'i phyag rgya la// 'bras bu rnam par grol ba'i lam mi gnas// de yi rnam par dag pa'i lam rnyed na// mthong thos la sogs phyag rgya'i ngo bor gnas// mchod dang gtong ba la sogs pas// rdo rje sems kyis mi zin na// che ba'i nga rgyal chen po yis// 'ching ba las ni grol mi 'gyur// dge rdzas sdug bsngal skye gzhir 'gyur// ngan song du yang skye bar byed// ces rtsa ba'i rgyud las/ ba so'i 'bur dang / gser dngul gyi lugs dang / ras bal gyi ris dang // 'jim pa'i lha dang / 'dus byas thams cad kyis byang chub kyi 'bras bu thob par dka' ba bstan pa ste le'u lnga pa'o// / de nas ston pas 'khor rnams la/
- 487a
theg pa 'og ma'i sdom pa yis// byang chub 'bras bu thob dkar bstan// nyag gcig sangs rgyas lam nyid la// 'gal ba med pa'i mtha' las 'das// sdig pa bcu spyad 'di mi sgrib// sdig pa nyid kyang byang chub nyid// sdig sgrib mi gnas don la gnyis su med// de phyir dka' thub sdom pa bsrung ba rdzogs chen don las gol// dka' thub bgrong rtsol 'bad rtsol gyis// yang dag sangs rgyas lam mi rnyed// sdom pas rtsa ba byang chub ring // mi bsrung mi sdom rdzogs chen mchog gi lam// rdzogs lam 'dri la spang thang med pa'i lam// gnyis med thams cad ma spangs pa yi lam// dge sdig gnyis med spang byung med par nyig gcig sangs rgyas lam// dge sdig gnyis spyod gse rang nga bong ba'i sems// 'khrul pa'i lam yin rdzogs chen lam ring 'gyur// rdzogs chen 'di la gnyis su mya mthong rnyed// gnyis med rdo rje mi 'gyur spang blang med// gnyis med mchog gi lam chen 'dir zhugs pa// mi len mi spong rdo rje yang dag lam// dag sdig gnyis med snying po thig la gcig/ rang rig de bzhin nyid kyi ye shes lhas// zhes rtsa ba'i rgyud las/ theg pa 'og ma'i dka' thub dang sdom pa bsrungs pas byang chub 'bras bu 'grub par dka' ba'i le'u ste drug pa'o//
- 487b
de nas ston pas 'khor rnams la// sngags phyi nang gis kyang // byang chub 'bras bu thob par dka' bar bstan// gzugs bral nyag gcig rdo rje mchog gi skra// rtsol sgrub mtha' las 'das pas rdzogs chen blo ru phyin// bden gnyis gang la mi gnas gnas pa'i blo dang bral// zla can zung 'jug pa yis 'di mi mthong // gnyis med spros bral rdzogs chen bde ba'i ngang // gzung 'dzin mtshan ma pa la 'di don ring // ci phyir ye shes 'bar ba'i gzhal yas khang // gzugs sku gdan dang mchod par gnas// dam pa de/ mthong mchod byas kyang // ting nge 'dzin gyis gsal gyur kyang // rang rig mnyam pa'i ngang rtogs che// zhi ba ma yin rnam rtog sgom// rnam par rtog nyid 'khrul pa ste// yang dag sangs rgyas lam mi rnyed// ye shes sems dang dam tshig sems// lam gyi sems dpar byin brlabs kyang // spyan drangs bzhugs gsol mchod byas kyang // ma yin log rtog 'khrul pa ste// shin tu byis pa'i spyod yul 'dra// mnyam pa don gyi ngo bo la// gzugs med gzugs su 'dzin pa med// rnam rtog nyid kyang ye shes la// lha sku nyid kyang de bzhin nyid// blun po rtog ge'i spyod yul min// mchod dang mchod par bya ba med// de ni rnam rtog 'khor ba'i rgyu// yang dag
- 488a
sangs rgyas lam 'dod rnams// rtog bral nyag gcig rdo rje las// de bzhin nyid du gnas par bya// zhes rtsa ba'i rgyud las/ sngags phyi nang gnyis kyis byang chub 'bras bu thob dka' bar bstan pa'i le'u bdun pa'o// // de nas ston pas 'khor rnams la// rdzogs chen 'di don dgongs par bstan// drug ldand sel bla med rdzogs pa'i don// 'di don ma rtogs gsal bas dam par bcings// bicings pa'i don ni nyon mongs brgyad khri ste// gnyen po rdzogs chen 'di yis grol bar 'gyur// 'khor ba gnyis las mi thar thar pa med pa yang // rdzogs lam 'di nyid rnyed nas thar par 'gyur// rdzogs chen la ma ni kun gyi nad sel sman// ma g.yos g.yos pa med pa thams cad dang du gnas// 'di 'dod gnyis 'dzin ma bral lam mi rnyed// shin tu nang gdungs gso ba'i glags yongs med// khu byug dus gzung zla khongs sgeg pa lhur// gzhan gyi rang rgyud sbyangs te gzhung stegs kyang // dwagos 'dod rdzogs chen ma thob par du byang mi chub 'jug pa'i sgo bzhir zhugs shing lam sbyangs yang // spyi yi don mchog ma rtogs par du sangs mi rgyas// spyi phugs 'di nyid kun gyi gzhi mo yin// thams cad gzhi
- 488b
mo nyid du shes par bya// rdzogs chen 'di don rtsol sgrub mtha' las 'das// 'das pa'i don ni bla med 'bras bu'i mchog/ bshad brjod rtsol bas 'di don rnyed pa dka'// dus gsum bla med sangs rgyas rnam kyis kyang // pra shang brjod bral ba'i don nyid 'dis mthong na// bla med sangs rgyas 'bras bu grub pa yin// / rdzogs chen la ma 'di kun gyi phug yin te// blo 'khrul 'di don nyid la mi spyod pa// mching bu byi dor byas kyang rin chen med// shug pas sgeg par byas kyang tsan dan min// snying po'i don 'di ma mthong na// rgya mtsho'i 'gram du 'dug nas skom gri shi// zhes rtsa ba'i rgyud las/ theg pa gzhan gyi gzhung ma nyams snyeg pa yang // tha ma rdzogs chen spyi don dgos par bstan pa'i le'u ste brgyad pa'o// / de nas ston pas 'khor rnams la// bla med rdzogs pa chen po'i don// kha tshig lag la mi brten par// ci la'ang mi brtan pa ru bsten// bla med rdzogs chen brjod 'das ni// mtshon pa tshig la mi gnas te// gal te gnas na tshig rtogs gol// bsam med snying po'i don nyid la// rna thos tsam gyi yon tan la// yin snyam de smra dge sdig spyod// rtag chad don dang de mi 'gal//
- 489a
mnyam chen don bral tshag brjod kyang // zil gyis mi non grol mi 'gyur// ye ma nyam gdeng dang mi ldan na// tshig mnyam rtogs tsam rlung ma zlog/ rnam par dag don mi shes par// tshig tsam thos pas 'jug byed cing // de don bsod nams mi gsogs par// gang yang mi 'grub chad par 'gyur// bla med rdzogs chen don 'dri la// sgom du med ce sra brjod pa yang // kha cig tshig des don byed pa// de ni mu stegs lta ba'i mchog/ rtag chad gnyis ldan chad pa'i mchog/ bden par ba skal pa khrir brtags kyang // 'idzin pa'i dbang gis sdug bsngal zhing // chad pa'i dbang gnas mchog smin te// sdig ma spyad kyi dmyal ba yang // ji tsam bsags pa'i 'bum gsum gnas// zhes rtsa ba'i rgyud las/ theg pa gzhan gyi go bag pa de kha tshig tu mi gtang zhing kha tshig tu mi brtan par bstan pa'i le'u skye dgu pa'o// // de nas ston pas 'khor rnams la// bsgom pa'i bsam pa dgos par bstun// snying po 'di dang ma 'brel ba'i// rmig gi drang srong dgon pa mkhan// nyams de med par snying pa nyid// ma sgoms par ni mthong mi srid// mthong snyam pa ni gol sa yin// mthong med dag gi ye shes kyis//
- 489b
byin gyis brlabs kyis bsgom par bya// rtog 'dzin sems la mi gnas pa// yang dag don nyid ma bsgoms na// bla med thar pa thob mi srid// dgon pa dben bcu de don sgrom// dri med dag pa'i ye shes kyis// brjod du med pa'i do nyid sgom// bla med thar pa thob par 'gyur// nges pa'i don nyid ma bsgoms na// yang dag sangs rgyas lam ring bas// byang chub nyid la thog mtha' mang // dus gsum sangs rgyas rnams kyis kyang // gnyis mang ye shes don bsgoms nas// sangs rgyas sa la gnas ba yin// bde ba'i 'bras bu gang 'dod pa// gnyis su med pa'i snying po sgoms// zhes rtsa ba'i rgyud las/ sgom dgos par bstan pa'i le'u ste bcu pa'o// / de nas ston pas 'khor rnams lnga// sgom pa dag gi thabs rnams bstan// bla med thar pa thob dga' ba// shes rab thabs la bstan pas 'grub// ming tsam thabs la rten pas su// bde ba'i don nyid rang las byung // thabs med shes rab dang bral ba// glang chen chus gdungs rmigs snyeg 'dra// drang mos 'phro can snod ldan la// gang zag mtshan rtags gzung thabs bstan// zhe sdang dag gi shas che la// dngul dkar zhun ma'i sems 'dzin bstan// gti mug dag gi shas che
- 490a
la/ sgrung gsal sgron ma'i sems 'dzin bstan// nga rgyal dag gi shas che la// zhib lha yi sems 'dzin bstan// 'dod chags dag gi shas che la// bdud rtsi bum pa'i sems 'dzin bstan// phrug dog dag gi shas che la// yi ge 'bru yi sems 'dzin bstan// rnam lnga 'di la bstan nas yang // ngo bo nyid ni shin tu sgoms// byang chub dam pa sangs rgyas rang gi sems// sna tshogs glog bzhin snang yang gyi nar gzhag/ bsam zhing sgom ste sgom pa'i yul las 'das// bde gshegs rang rig rang byung rang zhir bzhag/ khong glong yangs par gzhag pa de bzhin no// yul drug rkyen gyis mi non 'khrul mi 'gyur// 'du shes dag ni bsam du med pas na// gang yang mi sems ma bsams pa ru gzhog/ bsam zhing sgom ste sgom pa'i yul las 'das// de nyid rang rig rang byung rang zhir gzhag/ gzhag pa'i dngos po sangs rgyas nyid kyi thugs// 'di zhes bstan du sangs rgyas nyid kyis med// ces rtsa ba'i rgyud las/ sgom pa'i thabs bskrun pa'i le'u skye bcu gcig pa'o// / de nas ston pas 'khor rnams la// nges pa'i don gyi ngo bo bstan// rdzogs pa chen po'i ngo bo ni// dran pa'i rtog pa mi 'byung bas// ti ni yongs
- 490b
su rdzogs pa yin// rnam shes yul la ma chags pas// shes rab yongs su rdzogs pa yin// tI ni shes rab yongs rdzogs pas// rtog pa med pa'i shes rab skye// / khams gsum las su 'das par 'gyur// gang la sems med de bzhin nyid// gang yang mi dmigs cir mi rtog/ cir yang mi bsgrub mi sems pa// sems kyi dmigs zhes bya ba ste// thams cad ma lus rdzogs pa yin// rtog spyod med pas bde ba'i mchog/ shes pa gzung 'dzin dang bral ba// bstan pa ngo bo nyid kyi sku// de la dmigs bya rdul phran med// de phyir dmigs su ci zhig yod// dmigs su med pas ci zhig dmigs// de la de gzhag de gnas pa// pad+ma'i spyan de nges mthong 'gyur// shes pa med pa shes rab mchog/ gsal ba med pas ye shes dang // 'dzin pa med pas ting 'dzin rlung // rtsol ba med na tshul khrims rdzogs// shes nas mi byed gti mug dang // mi sgom sgom pa 'du 'bral med// mi shes pa ni shes rab brten// mi 'dzin 'dzin pa'i ting 'dzin bstan// mi lta ba de lta bar nges// snang ba med na dngos med pas// de ni/ nyag gcig mchog gi sku// de bzhin sku la mtshon du med// de nyid dbyings de mthong du med// ma mthong ba nyid mthong ba yin// cir yang mi dmigs gti mug ste//
- 491a
ma rig pa na ye shes gsal// rig pa'i ye shes gang ldan pas// yi ge med pa'i don la lta// 'dzin dang rtog dang dmigs dang bral// gang la mi// brten sgom pa'i mchog/ nyon mongs nyid kyang byang chub zhi// zhi de ci yang bsam du med// gang la rtag tu med pa'i byang chub lam// don la 'jug tu med pa'i rdzogs chen lta ba'i// glogrong // 'di ltar dran med stobs ldan dgongs pa'i mchog/ bde dang mi bde sems na gnyis med de// yon tan skyon du mthong ba gang lags pa// bden pa'i don lam nyams dgongs pa'i mchog/ shes rab chen po yul dang dbang por lta ste mthong nas lha mi bya// dang po shes rab rnam gsum gyis// chos nyid nyams su blangs pa'i mis// lta ba nam mkha'i dbyings nyid la// de bzhin sems ni de dang 'dra// de la goms shing red pa dang // mkha' la mkha' nyid rnam par sgom// sgom pa'i dus ni mthong ba ni// cung zad tsam yang mthong du med// nges bsgoms mchog chen sa de la// skad cig tsam yang ma grub na// ji tsam grub pa mnyam pa nyid// mnyam pa'i 'khor lo zhes bya bshad// ces rtsa ba'i rgyud las/ nges don bstan pa'i le'u ste bcu gnyis pa'o// / de nas ston pas 'khor rnams la// lta ba spang blang med par bstan// thams
- 491b
cad ngo bo de bzhin nyid// lam ni nye lam bde bar rdzogs// thams cad snying po thig ler gcig/ ngo bo med pa'i snying po la// ngo bo med pa'i rtog byung na// ngo bo med pa shin tu rtag/ snying po'i ngo bo ngo bo med// ngo bo dang po ngo bo ni// 'on ci dgar gzhag de yang // yang dag 'dzin pa'i rnal 'byor pas// ma bzlog ma brlan ngo bo nyid// rang byung rang zhi nyid du gzhag/ gnyis me nga bo thig le gcig/ dbang po yul la 'gags min pas// yul 'gags log na snying po med// phyi nang gnyis med de bzhin nying // shes pa yul la yan du btub pa min// yul la shes pa gzhig mi bya// thams cad gnyen pos bcos su med// 'du shes mi spang rig pa mi blang ste// blang dor sems dang gang bral sgom pa yin// bag chags che phra rgyud srid pas// mi skyed mi 'gag rang khar gzhag/ bskyed na 'du shes bskyed pa ste// bkag na bying bar 'gyur bas na// rang byung rang ni rang 'gag pa// ngo bo nyid kyi don dang 'jal// zhes rtsa ba'i rgyud las/ lta ba spang blang med par bstan pa'i le'u ste bcu gsum pa'o// / / de nas ston pas 'khor rnams la// mtha' ru phyin pa'i tshad rnams bstan// thams cad sangs rgyas rang bzhin la// rang blo spang blang gang med pa// bsam gtan
- 492a
mtha' ru phyin pa'i tshad// gnyis med gnyis su mi 'dzin cing // gser bong phyogs char mi 'dzin mi ltan// bsam gtan mtha' ru phyin pa'i tshad// mi rtog mi sems mi dmigs na// bsam gtan mtha' ru phyin pa'i tshang // 'byung ba nam mkha'i ngang nyid las// sprin dang khu rlung 'byung ba yang // rang byung rang zhi nam mkha'i ngang // de bzhin rang gi byang chub sems// de g.yos ma yin mtshan rtog kun// rang byung rang zhi sems kyi ngang // de ltar byung tshe bsam gtan tshad// bde bar rtsol bAr rtsol na de bzhin nyid// mtshan ma dag pa bsam gtan tshang // gdengs sems ldan zhing 'gyur ba med// de ltar byung tshe bsam gtan tshad// de min langs pa'i sems byung na// phyin ci log gi rnam rtog ste// de dag de la de don med// lta ba med pa'i lta ba ni// lbu ba mthu' ru phyin pa'i tshad// shin tu blun pa mi gsal ba// bran pa'i 'byung 'jug nyams pa ste// rtog spyod bag la zhal ba'i tshad// blun po dam du zin pa ni// ting 'dzin don la zhen pa'i tshang // gang la chags pa'i sems med na// bsam ga tan lhun gyis grub pa'i tshad// rtag tu 'di ltar gang gnas pa// sangs rgyas sa la gnas pa yin// zhes rtsa ba'i rgyud las/ bsam gtan mthar phyin pa'i tshad bstan pa'i le'u ste bcu bzhi
- 492b
pa'o// / de nas ston pas 'khor rnams la// sgom chags nad rnams bsal te bstan// de bzhin nyid ni mi gnyis thig le gcig/ dmigs pa'i yul ni rdul dang ri rab 'dra// 'dra ba rtog pa rlung chen gtso// gnas med gnas la spyod chags sgom pa go la// mi rtog N+DI la'ang rmugs med pas// ting 'dzan ro la cha gas mi bya// de bzhin nyid la gzugs med pas// dmigs bya'i yul ni ci zhig yod// dmigs su med pa'i dmigs pa ni// sgom chags nad de 'khor ba'i rgyu// dam pa nyid mthong de la zhen pa ni// sgom chags nad kyis zin pa zhes bya'o// don mthong shes pa yod gyur na// des ni ma mthong sgrom chags nad// mi rtog zab mo nyams myong ngan// myong ba nyid kyis sgom chags med// rtag cha dgol sar mthong gyur na// dus gsum dag tu de dang ldan// ting 'dzin ro la chags gyur na// rtag chang mu gnyis mtha' mi sel// ma rabs bu snga tha ma'i sems// 'du shes med pa'i khrod du skye// zhes rtsa ba'i rgyud las/ sgom chags kyi nang bskul ba bstan pa ste le'u ske bco lnga pa'o// // de nas ston pas 'khor rnams la// 'di zhes bstan du med pas bstan// de bzhin nyid kyi snying po nyid//
- 493a
'di 'dra zhes ni bstan du med// sus kyang 'di 'dra gsungs pa yin// 'di zhes bstan du sangs rgyas nyid kyis med// lcags kyi sgrom bu mthe ba rgyas btab pa bzhin// nor gzung dam pa khyad par bstan pa dka'// de bzhin nyid la dbyibs dang kha dog med// med pa'i don la ya nas ltar med 'dri zhes mtha' las 'das// 'das pa de don sangs rgyas nyid kyi thugs// 'di 'dra bstan du sangs rgyas nyid kyis med// de bzhin de la bshad brjod mtha' dang bral// 'di 'dras bstan med snying po don gyi mchog/ mtshon cing dpag dka' nam mkha' rgya mtsho'i tshul// de bzhin gting dpag gcad dka' 'di zhes bsnyen du med// yod med mtha' las 'das pas snying po// don gyi mchog/ cir yang bstan myang nam mkha'i ngang // de bzhin de la 'di zhes bstan du med// yod mtha' med mtha' snying po don gyi mchog/ spyir yang bstan med nam mkha' dag pa'i ngang // de bzhin de la 'di zhes bstan du med// ces rtsa ba'i rgyud las 'di zhes bya stan du med pa'i le'u ste bcu drug pa'o// / / de nas ston pas 'khor rnams la// bla med rdzogs chen don 'di la// rig pa tshur 'char dgos 'di bstan// de bzhin nyid kyi snying po la// cis kyang mtshon
- 493b
dumed pa ste// ji tsam zab pa'i tshig brjod kyang // don dang 'thun par yong mi 'gyur// byang chub nam mkha'i mtshan nyid ni// sus kyang mthong bar mi 'gyur te// mkhas btsun gzhan dang 'brel ma yin// rang rig ye shes khong nas ma shar na// mi shes bstan pas byang chub lam mi rnyed// me long gzugs brgyun tshul du tshul snang 'gyur// yang dag byang chub shin tu rnyed pa dka'// khyad par can gyi thabs la bstan pas 'grub// ming gi tha dad tsam du bden mod kyis// mngon sum bde ba'i don nyid rang las 'char bar 'gyur// mtshon pa tshig tu ji tsam bstan gyur kyang // mtshon pa de dang de nyid mi mthun te// yang dag rig pa khong nas ma shar na// de bzhin nyid kyi don de ga la spogs// yang dag don gyi rig pa shar ba'i tshe// thams cad ma bsgribs ngo bo nyid du gnas// gang zhig sangs rgyas 'bras bu lam 'dod pras// dgon pa dben gzung gzung 'dzin gnyis spangs la// rang rig gsal ba'i ye shes btsal bar bya// zhes rtsa ba'i rgyud las/ yang dag pa'i don la rig pa tshur 'char dgos par bstan pa'i le'u ste bcu bdun pa'o// / de nas ston pas 'khor rnams la// 'khor thar gnyis su med par bstan//
- 494a
thams cad snying po de bzhin thig le gcig/ 'khor thar gnyis med bde ba chen po'i ngang // gnyis mtha' gasder bong sus kyang gsungs ma yin/ thams cad thig le gcig ste dbye ba'i tha snyad med// bla med nges pa'i snying po don tshol na// 'khor thar gnyis mi gzung ste de bzhin nyid du shes par bya// kha cig dmyal 'jigs rna brgyud thos ma thag/ de 'jigs shin tu skrag gyur nas// gsal phyir dge ba'i tshogs spyad kyang // bsam pa bstan phyir thar mi 'gyur// dmyal 'jigs bla med thob pa'i bsam med na// tsha grang dmyal srangs sha ma ri// bsam pa ji ltar bsam pa ltar// mi bzod sdug bsngal de yis mthong // 'jigs par gang bsam de yi gshed// des na 'khor thar gnyis su med// ma bcos thig le gcig gi dang // mnyam pa nyid kyang sangs rgyas la// 'jigs pa med pa// lam gyi mchog/ ma spangs mi spong mchog gis// thams cad rang bzhin lhun gyis rdzogs// gnyis mthar mi dbyung gcig gi dang // ma bcos thig le gcig la gzhag/ ces rtsa ba'i rgyud las/ 'khor thar gnyis su med par bstan pa'i le'u ste bco brgyad pa'o// // de nas ston pas 'khor rnams la//
- 494b
spyod pa spang brang med par bstan// de bzhin nyid kyi don 'di la// cis kyang sgrib par mi 'gyur bas// gang ltar spyad kyang de bzhin nyid// ci yang mi spyod bla med spyod pa'i mchog/ ci spyad me tog skye ba 'di yi don// spyod pa bzang ste glang chen chur zhugs bzhin// ci la mi spyod de bzhin bde bar gnas// thams cad de bzhin nyid du yongs gnas pas// gang spyod ci spyad thams cad spyod pa'i mchog/ ma 'gag mi 'gegs thams cad de bzhin nyid// rigs drug bdud dang mu skyegs srin po'i spyod// rdzogs chen spyod par ma gyur gang yang med// ci mi spyod pa'i spyod pa che// shin tu mchog pa dag tu bshad// ces rtsa ba'i rgyud las/ spyod pa spang blang med por bskrun pa'i le'u ste bcu dgu pa'o// // de nas sbron pas 'khor rnams la// gnyis su dbye ba med par bstan// de bzhin nyid don snying po thig le gcig/ gnyis med ye shes khyab brdul yongs su 'dus// gnyis med mthong ba'i lbub ma rabs bu skra lta// rang gi shes pa dam par byas te de snyems pa// chags sdang zhe sdang skyed na gti mug yin te de mi mthong // brjod du yod pa thams cad rtog pa'i rgyun// rnam rtog de la bla med phyogs na med// ma bslad ji bzhin gnas pa'i
- 495a
ngang nyid la// thams cad rdzogs pas gnyis su med// dbyings dang ye shes gnyis su 'dzin pa yang // de ni sgrib pa'i skyon chen yin// blang ngor bde la rab gnas pa sa// byang chub mchog tu 'gro mi 'gyur// rna dbang gzhan las thos mi 'gyur// ngag gis brjod du med pa'i phyir// ye shes dbyings su mthong ba med// 'khrul pa'i lam la gnyis lta med// de ni mu stegs lta ba'i mchog/ yang dag sangs rgyas lam nyid la// gnyis su med pa bde ba'i lam// / ma bcos thig le gcig gi ngang // gtan la mi phebs sems nyid de// bsdus med spros med rang byung nyid// de la dran dang mi dran dang // rtag dang chad dang sgom sgrub dang // sgra brjod 'khrul pa'i 'khrul pa skye// slong gsum sems can bsad pa bas// sdig pa'i mchog tu 'gro bar 'gyur// zhes rtsa ba'i rgyud las/ gnyis su dbyer med par bstan pa'i le'u ste nyi shu pa'o// // de nas ston pas 'khor rnams la// shin tu rtsol sgrub dgos par bstan// bla med 'bras bu gang 'dod pa// shin tu las rnams 'du 'dzi spang // mchod nas mgron du bya ba min// lus langs rtog pa
- 495b
langs pa re// rnal 'byor yang rab blo ldan la// gsang chen mnyam pa'i spring po 'di// thob pa'i bskal pa bya chen// 'gro dang 'dug dang nyal ba dang // ma nyams de yi ngang du gnas// dus med rtag tu ma yeng sgrom// chu srin rdzas zin tshul du mi gtong na// khyad par bdud rtsi mchog tu de nyid 'grub// mthong bAs bltar med tshol 'dod na// mgo la me shor lta bu'i brtson 'grus bskyed// de min nyal 'dug de rnyed 'di dang ma ldan na// skye ba'i blo 'chal mu stegs In// rang bzhin med pa'i don nyid 'di// blun pos rtogs pa'i spyod yul min// de bzhin nyid la rnam rtog med// yang dag sangs rgyas lam 'dod pas// shin tu brtson 'grus don sgoms na// bla me 'bras bu thob par 'gyur// zhes rtsa ba'i rgyud las/ brtson 'grus bskyed par bstan pa'i le'u ste rtsa gcig pa'o// / / de nas ston pas 'khor rnams la// bla med theg chen 'dri rtags na// yon tan shugs kyis 'byung bar bstan// sems ni ye nas de bzhin nyid du bstan// gang du'ang mthong ba med pa mi 'gyur bas// drang ba'i rlung ni bdud bzhi rol// de bzhin nyid du thams cad gnas// nyon mongs ma spangs
- 496a
/ byang chub nyid// spang blang med de ye shes dang // lhun rdzogs tha snyad med pa 'gyur// thams cad byang chub ngo bo nyid// ngo bo nyid gas la reg pa des// rgyal po nyid du dmangs 'gro 'gyur// sangs rgyas sems can mi byed gang yang dbyer mya dran// b+h+ram+bu sangs rgyas dang ngam shugs kyis 'char// bud bas me tog 'jibs kyang sbrang rtsi'i snying po 'byung ba ltar// sems nyid ji ltar dag kyang ma rdor sprul pa'i snying po 'byung // 'byung bla nam mkha'i dang laswA ni// sprin dang zhwa rlung 'byung ba bzhin// de bzhin gnyis med ngang las ni/ tha med sangs rgyas shugs kyis 'byung // kun 'gyu spring po theg mchog 'di ni yid bzhin nor bu'i tshul// dge sa 'dod re ba dang dam shugs kyis 'byung // yan tan kun 'byung med bzhin no rab ni sgra// sgyu 'di rtogs thams cad shugs kyis 'byung // zhes rtsu ba'i rgyud las/ theg mchog 'di dang ldanan yon tan shugs kyis 'byung bar bstan pa'i lo'u sa pa'o// de nas smon pas 'khor rnams la// gnyis med ye shes rtogs gyur na// rig par nga dbang thob par bstan// de bzhin nyid/
- 496b
don gang gnas pa// gnyis med ye shes thob pa'i dbang // thams cad kun la dbang sgyur nas// rig pa rang dbang thob pa'i dbang // rang rig ci la mi gnas pa// blang dor med mnyam sems mos na// thams cad kun la dbang sgyur ba'i// rig pa rang dbang thob pa'i dbadra// ngo bo nyid du nyid gnas nA// ngo bo lhun gyis rdzogs pa'i dbang// gnyis med ye shes 'od gsal na// mi 'gyur rdo rje nyag gcig sku// mi 'gyur rig pa rang dbang thob// ci la mi sems rtog bral na// de bzhin nyid du lhun rdzogs pas// rang dbang ye shes rdzogs pa'i dbang // snying po ji bzhin de bzhin du// rtsol sgrub mtha' las 'das/ gyur na// rig pa'i ye shes rang dbang thob// ces rtsa ba'i rgyud las/ gnyis med kyi don rtogs na rig pa rang dbang thob par bstan pa'i le'u sta rtsa gsum pa'o// / / de nas ston pas 'khor rnams la// de bzhin nyid kyi don rtogs na// mchog gi dngos grub thob par bstan// de bzhin nyid ni dngos po kun dang bral// bral ba de don mtshon du med pa ste// rang rig ye shes 'od gsal ni// dngos po dngos su dag pas dngos grub mchog/ byang chub/
- 497a
ngo bo nyid du kun gnas pas// rtog pa'i dbang gis kun dang 'brel ma yin// mi rtog rtog med rtog pa'i yul las 'das// gzung 'dzin rtog mtha' las 'dus na?// mchog gi dngos grub grub par 'gyur// gzung 'dzin gnyis lha mu stegs 'khrul pa'i lta// dngos po nyid du gnas pa dngos mi grub// mi 'dzin mi rtog gnyis med 'od gsal na// dngos po'i gnas lugs dag pas dngos grub mchog/ rang byung 'od gsal bdud rtsi/ chen po 'di// su yis rtogs na dngos grub chen po mchog/ yang dag nges pa'i snying po 'di rtogs na// rgyal mchog lhun gyis grub pas dngos grub pas// 'jig rten mthu can rnams kyis 'phrog tu med// snying po don mchog dngos grub rang gi sems// 'jig rten dngos grub mtshan ma'i rnam pa ste// dngos grub de la bdud rtsi ming bar bshad// ces rtsa ba'i rgyud las/ rdzogs chen nyid kyi don rtogs na mchog gi dngos grub yin par bstan pa'i le'u ste rtsa bzhi pa'o// de nas ston pas 'khor rnams la// theg chen 'di dang ldan gyur na// sdig pa kun las grol bar bstan// mnyam pa'i ngang la
- 497b
gnas pa'i tshe// rlung byung ye shes 'od gsal ba// dge sdig gnyis ka rnam par sel// gnyis med ye shes khyab brdal bas// sdig pa kun las rnam par grol// sdig spyad sdig pa ma bsams na// sdig pa kun las nges grol te// zhi ba'i rlung nas ye shes 'phyo// nyam nga'i rkyen gyis mi sgrib 'di yI lam// lam chen 'di la dag sdig gnyis mi mnga'// padagra gzhan mi mthong mi 'dzin na// nyon mongs kun la 'jol nyog kyang // rnam grol lum la sgrib mi 'gyur// theg chen 'di dang ldan gyur na// dge dang sdig pa gnyis med de// sdig pa kun las nges par grol// bla med 'bras bu thob par 'gyur// 'di don de bzhin nyid rtogs na// thams cad ngo bo de nyid pas// sdig pa kun las nges par grol// zhes rtsa ba'i rgyud las/ theg pa chen po'i don dang ldan na sdig pa kun las nges par grol bar bstan pa'i la'u ste rtsa lnga pa'o// // de nas ston pas 'khor rnams la// theg chen 'di dang ldan gyur na// phra mo bsgyur du rung bar bstan// bla med theg chen 'di rtogs na// thams cad de bzhin nyid gnas pas// theg pa thams cad 'di ru 'dus// theg pa phra mo 'di ru 'dus
- 498a
rung gis// the ga pa 'di nyid phra mor shong mi 'gyur// zangs la gser rtsis gser du bsgyur rung gis// blangs rtsis gser du bsgyur du 'dod pa med// 'di yi don gyis gzhan gyi 'bras rung gis// gzhan gyi don gyis 'di yi don mi rung // snying po don mchog khyad par 'di nyid ni// bla med the ga chen phra mo gdod nas med// thams cad ji bzhin de bzhin nyid du gnas// 'di la yon tan thams cad shugs kyis 'byung // lAm ni nye lam bgrod med bde bar rdzogs// lam gyi mchog tu gyur pa'i snying po 'dis// stong pa nyid kyi sems de gzugs yod med// shes rab mos la 'di tshol rab tu bla// zhes rtsa bu'i rgyud las/ theg chen 'di dang ldan na phra mo bsgyur dub tu bya par bsnun pa'i le'u stu rtswa drug pa'o// // de nas ston pas 'khor rnams la// rtsing po shes pa bcad par bstan pa// rdzogs chen 'di yi rang bzhin ni// rtsing po shes pa sa ma gcad na// phra mo'i shes pa sa rlabs mi chod// don kun blo la mi snang bar// sgra phyir 'breng ba don mang yal// rgya che rtsing pos drag cad la// phra mo bag la nyal bdab pa// gtan tshigs kyis ni ma yin no//
- 498b
phra mo'i shes pa grangs las 'das// don kun so so rang rang ba'o// de bzhin lta ba so sor lta// rdzogs chen 'di ni rab rtsing ste// don ni cha ril nyag gcig tu/ thams cad khyab brdal 'ub chub po// rtsing po 'di dang ma ldan ma rgya na// lam med lam zhugs so sor go la// 'jug dang lha dang bsrung ba dang // de bzhin 'jug sgo so so ba// 'khrul pa'i lAm yin mtha' las gol// nye lam rtsol bral nang 'dis sel// rab tu rtsing ste gcig tu gnan// nye lam zhag gcig yongs su rdzogs// thams cad thig le gcig tu gnas// zhes rtsa ba'i rgyud las/ rtsing po shes pas gcad par bstan pa'i le'u ste rtsa bdun pa'o// / de nas ston pas 'khor rnams la// 'di la mos pa'i gang zag la// phyogs dang ris su med par bstan// de bzhin nyid kyi snying po nyid// 'gro ba kun la rang bzhin gnas// rkyen gyis mi btsal gzhan las min// thams cad yA nas sangs rgyas pas// 'gro ba kun la phyogs ris med// / 'di 'dra 'di 'chang 'di 'don pa// gang goms sangs rgyas sa la gnas// 'di la mos pa tha dad kyis// mu stegs srin po'i rigs drug rnams//
- 499a
phyogs dang ris su ma chad de// gang goms de yis 'bras bu thob// thams cad rang bzhin sangs rgyas nyid// rang gis de nyid ma rtogs na// 'khrul par 'gyur te so sor snang // 'khor ba nyid las thar mtha' med// rang sangs rgyas pa de rtog sman// rig pa ye shes ldan pas na// bla me shes rab zhag gcig ma// des ni the med thar pa thob// ces rtsa ba'i rgyud las/ theg chen 'di la mos pa'i gang zag la phyogs ris med par bskrun pa'i le'u ske rtsa brgyad pa'o// // de nas ston pas 'khor rnams la// kun gyi thun mong min par bskrun// bla ming rdzogs pa chen po'i don/ shin tu don dam rtag par dka'// brtags pas mI rtog rnam par rtog/ shin tu 'di dron ldan pA dka'// 'di don ldan pa brgya nang nas// gcig med ba rgya la yod srid na// bde ga shags sras kyi thu bo yin// 'di don 'don pa rin chen rigs// rin chen rigs ni shin tu dkon// yang rab nyag gcig u dum 'bar// 'di don min pas mthong ba min// rab tu brtag dka' rtog pa dka'// 'di zhes nyid du de nyid med// yang dag
- 499b
sangs rgyas sras 'dod pa// btsal med dang la de bzhin gzhag/ yang na thabs chen lnga la brten// dgon par yun rings mnyam gzhag na// 'di nyid snying po don dang ldan// de yang gser bong ma yin par// nyag gcig skul bstan pa na// de bzhin nyid kyi don dang ldan// zhes rtsa ba'i rgyud las 'di don kun gyi thun mong ma yin pa'i le'u ste rtsa dgu pa'o// / de nas ston pas 'khor rnams la// kun la bstan pa min par gsungs// bya bral bla mud rdzogs chen 'dri// ba shwang dang brjod dang rtsol sgrub dang // 'di zhes mtha' las 'das pa ste// de bzhin kun la bstan par bya ba min// nges pa'i snying po rgyud mchog 'di // chu sprin mgrin chud rin chen bzhin// kun la bstan par bya ba smin// rin chen rigs la khyad kyis sbyin// dang ldan skal can+da gang zag rnams// 'di phrang 'di dang gang ldan pa// sangs rgyas sa la gnas pa yin// des kyang nges par 'di gzung ste// kun la bstan par bya ba min// dad ldan rnams la khad kyis sbyin// zhes rtsa ba'i rgyud las/ kun la bstan par bya ba min par gsungs pa'i le'u ste sum cu
- 500a
b.rad+ha N+DiN+Dal phyogs m+b+hi sam+b+hal theg pa rtsa ba'i rgyud/ rgyu ma / mas phyogs kyi/ brnams cad kyi grags dgengs pa'i gdung rdzogs so/ ma ya kha tham/ nor 'dong bu po dge slong bdag 'dra yis// rin chen sna lnga'i snying po gser khyer nas// rin chen srog lam 'joms dka' ba'i surnams dranas// nges pa'i snying po byAng sems r+b+bad sbra rtsa gnyis bats+tsha/ 'jam dpal ba shes gnyen sgyu ma dang / bdag 'ja de can yis// tha skang bskrun te chan la phab nas kyang / bod kyi yul du rmongs pa tshan gsum byung ba camachis nas/ 'dir mang bdag rgyal brgyad phyug sam/ rmongs pa chen gsum dus rang bar shog/ dang ma mi canas 'gyur rinas sgo/ thag nas lhung grags kyis gtar nas bton pa'o//