Untitled work
Text
ff. 148a–150a · 5 folio sides
- 148a
gang yang mi skyong mi len mi 'dor bas// 'di zhes brjod tshig bral mnyam nyid// zhes bstan// / bsgom du med pa bstan pa ni// srid pa 'byung ba snang ba yod pa'i chos chos nyid byang chub sems la snang ba med// ma brtsal rang bzhin bzhag pa bsgom pa'i mchog/ brtsal med chos la yod par rnam brtsal na// na mkha' dgu la khang po 'brubs pa 'dra// med par yod pa'i 'bras bu song mi 'byung nga/ ces bstan// // rol pa rang bzhin las 'byung bar bstan pa ni// byang chub sems ni kun gyi snying po ste// chos kun lhag ma med par yongasu rdzogs// gnyen po med pas gzhan gyi dbang mi 'gyur// 'gyur ba med pa'i rang bzhin drang por bshad// gnas dpe ni nam mkha' bzhin te mtha' yas khyab// rgyu rkyen med pas gzhan la rag ma lus// ces bstan// byang chub sems kyi mdo 'grel chen po bcu las// yongasu rdzo pa'i mdo'i don gyi 'grel pa rdzogas+ho// / de nas sems dpa' chen po nges// 'ongs pa'i tshogs la chos zad tshig dang yi ges gtan la dbab du med// tshig dang yi ge 'brel pa'i sgo nas// gang zag gi blo'i rtogs par bya ba'i phyir// don gyi 'grel pa lnga po 'di gsung so// kye 'dus pa'i tshogs chen nga nyon cag/ snga rabs 'das pa'i sangs rgyas kyang // don gyi 'grel pa lnga po 'dis// rtogs nas skye mched sa la gshegs da ltar bzhugs pa'i rnal 'byor yang // don gyi 'grel pa lnga po 'dis/ nga yi lung chen don rtogs nas/ dgongs pa 'di yi gnas par byed// spang nas byon pa'i gdung 'tsho ba rnams// don gyi 'grel pa lnga po 'dis
- 148b
gtan la phab nas rtogs par 'gyur// 'grel lnga gang dang gang zhe na// tshig par 'bru yi 'grel pa dang // dpe don rgyu 'bras 'grel pa dang // yan lag spyi 'byed 'grel pa dang / 'byed par byed pa'i 'grel pa dang // sdud par byed pa'i 'grel pa'o// tsheg par 'bru yi 'grel pa ni// yi ge don dang rang bzhin dang // tshig dang yig shugs yan lag rtags// de yang ji lta bu zhe ni// yi ge 'bru gcig lus po la// dgos pa'i yan lag bdun tshang ste// 'og dang yan lag tsheg shad bdun/ 'gos ni ma nor lam 'dren la// tsheg mig lta zhing shad rta zhon// yan lag shugs kyis 'gro bar byed/ yan lag shugs kyis 'gros bslang nas// mgo ni don gyi lam du zhugs// tshig gis chos rnams ming du smra/ shad kyis sde pa tshigasu bcod/ yi ge don dang rang bzhin bstan// chog par 'bru yi tshig don ni// tsheg par tshigs kyis gcad pa ni// ston pa nga yig gsung du nges par gsungs// lhag pa shor ba sil bu rnams/ 'dres pa gang zag ma yi tshags// nga yis gsung pa'i don la smra// tsheg par 'bra yi tshig don// tshig par 'bru yi yug shugs ni// gong ma'i shags dang 'og ma'i shugs// bar ma 'brel pa bdag shug kyis// gang yin pa ni brtags par bya// tsheg par 'bru yi yan lag ni// tshig 'bru gcig la yan lag bdun// sgra yi 'bod pa lnga gnyis gcig/ yan lag shugs kyis yig 'bru 'ded/ yig 'bru gar 'gror yan lag dang // yan lag 'bros te rtags par bya// rtseg par 'bru yi 'brel pa ni// dpe don rgyu yi 'brel pa ni// don gyi tshig dang dpe yi tshig/ rgyu yi tshig
- 149a
dang 'bras bu'i tshig/ tshig gang yig 'bru rtag bya ste/ yan lag 'bru yis ston par byed// de 'dra de bzhin de ltar gsum// dpe ru bstan pa'i 'grel pa'o// de bas de phyir nges na gsum dang gtan tshigs bstan pa'i 'brel pa'o// de nas de yang de las gsum// rgyu 'bras bstan pa'i 'grel pa'o// de yin de yin yid ches na/ don gyi 'grel pa yin par bshad// 'bru dang yan lag gcig la yang // dpe don de ltar yod pas na// de bzhin 'bru lag kun la brtag/ dpe don rgyu 'bras 'grel par bshad// gtan tshigs don gyi 'grel pa ni// yang na gang gi don byung ba// tshig 'bru las ni don byung ba// rgyu yi tshig gam 'bras bu'i tshig/ dpe yi tshig gang don gyi tshig/ rtags sem gtan tshigs gang yin tshig/ rtags te don 'byung bar bya// gtan tshigs ngag gi 'brel par bshad// 'byed par byed pa'i 'grel pa ni// so so dag gi ngo bstan nas// sde dang tshan dang ris su phye// dgos dang sdus pa'i tshig don bcas// spyi don yan lag gang byed pa// 'byed par byed pa'i 'grel pa yin// chos kun rtsa ba gcig sdus nas/ spros pa med pa'i don bstan pa/ dgos pa'i don du gcig byed pa/ sdud par byed pa'i 'brel pa yin// tsheg dang 'bru yi don 'di ni// tsheg par 'bru yi 'brel par bshad 'dra dang yin min don 'di ni// dpe don rgyu 'bras 'brel par bshang // rtags te gtan tshigs don 'byin na// gtan tshigs ngag gis 'brel bar bshad// so so sde mtshan ris 'byed na// sa gcod pa'i/
- 149b
'grel par bshang // rtsa ba gcig tu don ston na// sdug par byed pa'i 'brel par bshad// tsheg par 'bru yi 'grel pa yis// tsheg par 'bru dang tshig mi lngas// 'bru la lhag ma mi lngas te// 'bru 'joms pa'i 'grel par bshad// dpe don rgyu 'bras 'grel pa 'dis// 'dra dang yin min don bstan na// chos de la ni ming du 'dogs// ngo bo snyan pa'i 'grel par bshad// brtan tshigs don gyis 'grel pa ni ma nor pa yi snying po 'byin// nges par gtan la 'bebs pas na/ don gyi 'grel pa'i 'grel par bshad// 'byed par byed pa'i 'brel pas ni// so so dag gi ngo bstan nas/ sde dang tshan dang ris 'byed pas sa gcod pa'i 'grel par bshad// sdud par byed pa'i 'grel pa ni// chos kun rtsa ba cig 'dus nas/ spros pa med pa'i don du ston// don sdud pa yi 'brel par bshad// don gyi 'grel pa lnga po 'dis ma bshad skyon yang lnga yod de// tshig par 'bru yi 'brel med ni// tshig par 'bru des tshig mi sdebs// 'bru mchoms pa'i skon du 'gyur// de pi don rgyu 'bras 'grel med na// ma grol brda' don 'khrul gyur nasad/ chos la ming gis mi thogs te// mtshon du med pa'i skyon du 'gyur// gtan tshigs ngag gi 'grel med ni// don ni rtsa ba mi snyed de// don mi phyin pa'i skyon du 'gyur// 'byed par byed pa'i 'grel med nad/ tha dad 'dzin blo gcig skyes te// so sor bye brag mi phyed de/ sa mi chod pa'i skyon du 'gyur// sdang bar byed pa'i 'grel med na// rtsa ba tsog tu mi 'gyur te/ mtha' yas pa yi skyon du 'gyur da
- 150a
des na 'grel pa lnga pa 'dis// dus gsum bzhugs pa'i sangs rgyas kyi// gsung gi tshig tu ngas smras pa// 'dus pa'i 'khor tshogs khyed rnams kyis// kun bzang rdo rje nga yi lung byang chub sems kyi rang bzhi ni// rtogs phyir 'grel pa lnga po 'di// nga yis khyed la bstan pa yin// ces yongasu rdzogs pa'i mdo dang don gyi 'grel pa lnga pa'o rdzogs s+ho// / de nas sem dpa' chen po des/ byang chub sems kyi bstan pa gtad ba 'di gsungaso// kye 'das pa'i tshogs chen 'di zungs shig/ byang chub sems kyi mdo bcu 'di/ snang srid stong bcung tha~Mng dang / 'khor 'das sangs rgyas sems can dang // sten 'khor kun bzang byang chub dang // bstan pa sems med rdzogs chen la// ye nas gnyis med gcig pa'i phyir// gcig le gnyisu bgrang du med// bgrang du med pa'i bden tshig dgu gcig don spros pa med pa 'dis// nga yis khyed la bstan pa yang // slong 'gegs sbyang zhing bgrod pa dang // gzung 'dzin blang ngor bya ba dang // lta spyod rtsol sgrub byar ming // lam dang gnyen pos bcos med pard byang sems kun bzang rang bzhin du// nga yis bstan pa'i don 'di ni// byang chub sems kyi lung chen yin// rgyud dang mdo sde spyi 'grel yin// man ngag kun gyi rtsa ba yin// gsung rab kun gyi snying po yin bstan pa kun gyi yang rtse yin// theg pa kun gyi nying gu yin// ma rig pa yi mun sel yin// rtog pa dra ba 'di yis sel// nyon mongs 'phreng thag 'di yis chod// ye shes chen po snang ba 'dis// lhag