Q990MW1PD96684_0990mdo sna tshogsAll versions of this work

tshigs su bcad pa bzhi ba

Text

ff. 213b–214a · 2 folio sides

  1. 213b

    sogs pa 'thob/ / su dag 'jig rten bla mas gsungs pa yi// dam chos tshul bzang thos nas nyams su len// de dag nyon mongs chu rlabs rab 'jigs pa'i// srid pa'i rgya mtsho myur du rgal bar 'gyur// rgyal po dag pa'i las 'di thams cad ni/ / 'khor ba'i bde ba sna tshogs smin gyur nas// sangs rgyas kyi ni byang chub dam pa yi// 'bras bu bde blag kho nar thob par 'gyur// de nas rgyal po dga' mdangs ldan pa yis// drang srong dge 'dun bskor ba byas/ nas kyang // thub dbang zhabs la mgo bos phyag 'tshal te// rgyal po rgyal byed tshal nas byung bar 'gyur// gsal rgyal gyi tshigs su bcad pa rdzogs s+ho// / rgya gar skad du/ e ka bA thA / bod skad du/ tshigs su bcad pa gcig pa/ dkon mchog gsum la phyag 'tshal lo// skyes bu khyu mchog khyod 'dra'i dge slong chen po gzhan dag lha yul sa la med// 'jig rten 'di na'ang yod pa ma yin rnam thos bu yi gnas na'ang yod ma yin lha'i pho brang gnas mchog dag na'ang yod min phyogs dang phyogs mtshams dag na'ang med/ / ri dang nags su bcas pa'i sa steng rgyas pa kun du yul cig ga la yod// tshigs su bcad pa gcig pa rdzogs s+ho// / @// rgya gar skad du/ tsa tur gA thA/ bod skad du/ tshigs su bcad pa bzhi pa/ dkon mchog gsum la phyag 'tshal lo// skur gyur pa ni thams cad la// mtshan mchog sum bcu gnyis mnga' ba// rdzogs pa'i sangs rgyas grags ldan pa'i/ / rgyal ba kun la phyag 'tshal lo// rdzogs sangs gang du bltam pa dang // gang du byang chub la reg dang // zhi ba'i 'khor lo bskor ba dang // zag med mya ngan 'das pa dang // bde gshegs gang du bzhugs pa dang / 'chag pa dang ni bzhengs pa dang / seng ge lta bur gzims pa yin// gnas de la ni bdag phyag 'tshal// stang dang 'og dang bar dag dang // phyogs dang phyogs mtshams rnams su yang // sku bcas sku ni med pa yi// mchod rten la

  2. 214a

    ni bdag phyag 'tshal/ / gang gis tshigs bcad 'di bzhi yis// de bzhin gshegs la stod byed pa// de ni tshe rabs stong du yang // ngan 'gror 'gro bar mi 'gyur ro// tshigs su bcad pa bzhi pa rdzogs s+ho// rgya gar skad du/ nA ga rA dzA b+he rI gA thA/ bod skad du/ klu'i rgyal po rda sgra'i tshigs su bcad pa/ sangs rgyas dang / byang chub sems dpa' thams cad la phyag 'tshal lo// de bzhin gshegs pas rab bstan pa// byang chub sems dpa' skyes pa'i rabs/ / thams cad legs par 'dus nas su// shin du dad pa'i sems kyis nyon// rdzogs pa'i sangs rgyas lha yi lha// de bzhin gshegs pa bzhugs pa na// dge slong rnams ni gcig la gcig kha stob las sogs rnams kyis 'gyed/ / dge slong tshig ngan 'don pa dag/ drang srong chen pos gsan pa na// de phyir thub pas dge 'dun rnams// bsdus nas 'di skad bka' stsal te// khyed cag la stobs las sogs pas// gcig la gcig ni 'tshe byed pa// khyim nas khyim med rab byung dang // de dag 'thun pa ma yin no// rtag tu yang dag dga' byed pa'i// chos drug gang yin la 'jug pa// 'di ni khyim nas khyim med par// rab tu byung ba rnam dang 'thun/ / sems can kun la snying brtse'i phyir// 'tshe ba med par des bsgoms nas// ji ltar byang chub don gnyer ba// dge slong nga las 'di nyon cig/ shes rab ldan pa'i mi yis 'di// thos nas sdig pa rnams spongs la/ / grub dang bde ba thob bya'i phyir// dge ba'i chos la spyad par gyis// sngon gyi spun drung gyur pa yi// klu yi rgyal po gnyis byung ba// gcig gi ming ni rnga zhes bya// gnyis pa nye rnga zhes bya'o// gnyis ka srog gcod las ldog cing / / tshul khrims ldan zhing dbang chen grangs// klu yi skye gnas la smod cing // ma yi srid pa 'dod par gyur// tshul ldan mang du thos pa yi// dge sbyong bram ze mthong ba dang // mi yi tshul du bsgyur nas ni// bsnyen

Colophon

tshigs su bcad pa bzhi pa rdzogs s.ho||