Q2019MW1KG13126_2019bstod tshogsAll versions of this work

bsam gyis mi khyab par bstod pa

Acintastaba

Text

ff. 88b–91a · 6 folio sides

  1. 88b

    las 'das ma// gang khyod 'gar yang rten mi mnga'// de ltar gda' yang kun rdzob tu// bdag cag dag lam 'di 'dra bas// khyod ni bstod byar mi gda' na'ang // bstod pas shin du mya ngan 'das// shes rab pha rol phyin bstod las// bdag gi dge ba gang bsags pa// de yis 'jig rten ma lus pa// shes rab pha rol phyin gnol shig/ shes rab kyi pha rol tu phyin ma'i bstod pa slob dpon 'phags pa klu sgrub kyis mdzad pa rdzogs so// / kha che'i paN+Di ta thig le bum pa dang / lo tsA ba blo ldan shes rab kyis bskung ba'o// @#// ma ba pa yod pa/ rgya gar skad du/ oM tsan+da swA ba/ bod sa da du/ bsam gyis mi khyab par bsnyad pa/ 'jam dpal gzhon nur byu pi la phyag 'tshal la/ gang zhig dngas pa rten 'byung rnams// ngo bo med pa nyid dra gsungs// ye shes mnyam med bsam mi khyab// dpe med de la phyag 'tshal lo// ji ltar khyod kyis thig tshon la// nyid kyis chos la bdag med rtogs// de bzhin blo dang ldan rnams la// thugs rje'i dbang gis bstan pa mdzad// rkyen rnams las ni 'brel 'byung ba// ma skyes lags par khyod kyis gsungs// ngo bo nyid kyis de ma skyes// de phyir stong par rab tu bstan// ji ltar 'di na sba brten nas// brag cha kun du 'byung ba ltar// snu ma sngog rgyu bzhin du yang // de bzhin srid pa kun tu 'byung // sbrum dang ni smig d+ha dang // dri za'i gro khyer gzugs brnyan dang // rmi la ma gal te ma skyes ni// mthong ba la sogs dpe mod 'gyur// ji ltar rgyu rkyen las byung ba// de dag byas pa can du bzhed// de bzhin rkyen las byung ba kun// mgon po khyod kyis de ltar gzungs// byis pa gang dag ci brjod pa// bgyis pa zhes bgyid de mchis te// chang ba stong pa 'dra ba

  2. 89a

    lags// don bzhin ma lags rab tu bstan// gang tshe byas pa'i dngos ma skyes// de tshe da ltar byung ba yi// gang zhig pas na 'das par 'gyur// ma 'ongs pa yang ji ltar bltos// rang las dngos po skye ba med// gzhan dang gnyis ka las ma yin// yod min med min yod mod min// de tshe gang las gzhan zhig 'byung // ma skyes pa la rang bzhin med// de phyir gang las kun tu 'byung // rang bzhini dngos po med grub pas// gzhan las kyang ni 'byung ba med// rang nyid yod na gzhan yod 'gyur// gzhan nyid yod na rang nyid yod// de dag bltos pa can du grub// pha rol tshu la bzhin du gsungs// gang tshe ci la'ang mi bltos pa// de tshe gang la gang zhig 'byung // gang tshe ring la mi bltos pa// de tshe zung sogs gal mchis// ji ltar gcig sogs ma mchis pa// 'das dang ma 'ongs la sogs pa// nyon mongs rnams kyang de bzhin te// yang dag log pa'adi rang las ni// dngos gang rang las ma mchis na// de tshe thams cad ni zhig mchis// gzhan zhes brjod pa gang lags te// rang gi rang bzhin med na min// gang tshe gzhan gyi dngos med pa// de tshe dngos rnams rang bzhin med// de tshe gzhan dngos dngos 'dzin pa// don gyi theg pa ci zhig mchis// gdong ma nyid nas mnyam gyur pa// rang bzhin gyis kyang mya ngan 'das// yang dag par ni ma skyes lags// de skad chos rnams khyod kyis gsungs// blo ldan khyod kyis gzugs la sogs// ngo bo nyid med par bstan pa// dbu bcu bur sgyu la sogs// smig rgyu chu shing 'dra ba lags// dbang po rnams kyis gang dmigs de// gal te yang dag mchis gyur na// byis pas yang dag rig par 'gyur// gang tshe yang dag shes pas ci//

  3. 89b

    dbang po rnams ni bems po dang // tshad ma nyid kyang ma yin dang // lung ma bstan pa nyid dang ni// log par yongs shes khyod kyis gsungs// gang gis ci zhig ma rtogs pa// yang dag ji bzhin thugs chud nas// des na 'jig rten mi shes pas// bsgribs pa zhes kyang khyod kyis gsungs// yod ces pa ni lhag par lta// med ces pa ni chad par lta// des na mtha' gnyis bral ba yi// chos de khyod kyis bstan pa mdzad// des na chos rnams mu bzhi dang // bral bar khyod kyis bka' stsal lags// rnam shes bya ba 'am ma lags la// rmi lam mig 'phrul las byung dang // zla ba gnyis la sogs mthong bzhin// 'gro ba 'byung ba de dngos su// ma byung de bzhin khyod kyis gzigs// ji ltar rgyu las rmi lam na// 'byung ba mthong ba de bzhin du// dngos po thams cad 'byung ba bzhin// 'jig pa'ang de bzhin bzhed pa lags// de bzhin chags sogs sdug bsngal dang // 'khor ba sdug bsngal kun nyon mongs// tshogs rdzogs pa dang thar pa yang // rmi lam 'dra bar khyod kyis gsungs// de bzhin skyes dang ma skyes dang / 'ongs pa dang ni song ba yang // de bzhin bcings grol ye shes la// gnyis 'dod yang dag rig ma lags// gang las skyes pa yod ma lags// de la mya ngan 'das gang yod// sgyu ma'i gla ngo po 'dra bas na// / don du bzod nas zhi ba nyid// skyes pa nyid na'angam skyes pa// sgyu ma'i glang po ji bzhin bzhed// de bzhin thams cad skyes pa'am// yang dag par ni ma skyes lags// 'jig rten mgon po dpag med kyis// / sems can dpag tu ma mchis pa// so sor mya ngan 'das mdzad kyang // de dag gis kyang gdam bkrol// thub chen gang phyir sems can rnams// rang las mo skyes de yi phyir// gang yang gang gis ma bkrol zhes//

  4. 90a

    de skad khyod kyis gsal bar gsungs// ji ltar sbyar ma mkhan gyis byas// dngos po stong pa de bzhin du// byas pa thams cad dngos stong gzhan// khyod gsung de bzhin byed pa po// byed pa po yang gzhan gyis bgyis// byas pa can du 'gyur ba legs// yang ni de yi bya ba byed// byed pa por ni thal bar 'gyur// 'di dag thams cad ming tsam zhes// khyod kyis gsung ni bstod de gsungs// brjod pa las ni gzhan gyur pa// brjod par bgyi ba yod ma mchis// de phyir chos rnams thams cad ni// rtog pa tsam zhes khyod kyis gsungs// gang gis stong par rnam rtog pa'i// rtog pa yang ni med ces gsungs// dngos dang dngos med gnyis 'das pa// la lar ma 'das pa yang lags// shes pa med cing shes bya'ang med// med min yod min gang lags dang // gang yang gcig min du ma'ang min// gnyis ka ma yin gcig kyang med// bzhi med pa dang mi gsal dang // bsam mi khyab dang dpe med dang // gang yang mi skye mi 'gag dang // chad pa med cing rtag med pa// de ni nam mkha' 'dra ba lags// yi ge ye shes spyod yul min// de ni rten cing 'brel par 'byung // de ni stong par khyod bzhed lags// dam pa'i chos kyang de lta bu// de bzhin gshegs pa'ang de dang mtshungs// de ni de nyid don dang ni// de bzhin nyid dang rdzas su bzhed// de ni yang dag mi bslub// de rdzogs pas na sangs rgyas brjod// sangs rgyas rnams dang chos dbyings dang // des na don du tha ma dad// bdag nyid dang ni gzhan rnams dang // des na mnyam par khyod bzhed lags// dngos po rnams las stong gzhan min// de med par yang dngos po med// de phyir rten cing 'byung ba'i dngos// stong pa lags par khyod kyis bstan// rgyu dang rkyen las byung ba'ang lags// /

  5. 90b

    gzhan gyis dbang las kun rdzob ste// gzhan gyi dbang zhes rab tu gsungs// dam pa'i don ni bcos ma yin// ngo bo nyid dang rang bzhin dang // yang dag rdzas dngos yod pa'ang lags// brtags pa'i dngos po med pa nyid// gzhan gyi dbang ni yod ma lags// btags pa'i dngos po yod ces pa// sgro 'dogs lags par khyod kyis gsungs// byas pa chad nas med ces pa// chad pa lags par khyod kyis gsungs// yang dag shes pas chad pa med// rtag pa nyid kyang med par bshad// 'gro ba dngos pos stong pa lags// de slad smig rgyu 'dra bar bzhed// ji ltar ri dgas skom chu ni// tshad med rtag pa yod ma yin// de bzhin 'gro ba thams cad kyang // tshad med rtag pa med par gsungs// gang la rdzas shig ste 'gyur ba// de la chang sogs 'jigs pa 'byung // de la 'jig rten mtha' yod dang // mtha' med par yang 'gyur ba lags sa pa sa/ nA sa pa/ nga// gas pa nga gas dang// smras sngags / / lta ba thams cad 'gog byed pa'i// dam pa'i chos ni bstan pa lags// ngo bo med pa nyid bstan pa// de ni yang dag dam pa lags// dngos po'i gdon gyis zin rnams kyi// gso ba de ni bla na med// des na chos kyi mchod sbyin pa// mchod sbyin rim pas rtag rgyun du// 'jig rten gsum po sbyin sreg mdzad// dngos 'dzin 'jigs pa gcod bskyed cing // mu stegs ri dwags 'jigs bgyid pa// bdag med seng ge'i nga ro'i sgra// rmad byung de ni khyod kyis gsungs// stong pa nyid dang ches zab pa'i// chos kyi rnga chen brdung ba lags// ngo bo nyid med dgra bo che'i// chos kyi dung ni bus pa lags// sangs rgyas bstan pa bdud rtsi yi//

  6. 91a

    chos kyi rdzas ni gsungs pa lags// chos rnams kyi ni ngo bo nyid// nges pa'i don do zhes kyang bstan// gang yang skye dang 'gag 'jogapa// sems can srog la sogs bstan pa// de ni bkri don na rdzob tu// mgon pa khyod kyis btsun pa lags// shes rab pa rab byin ma tha ye// pha rol gang gis rang byin te// bsod nams yon tan rin chen phyag/ mgon khyod yon tan pa la phyin// de lal dpe med bsam mi khyab// 'gro ba'i mgon po bstod pa yis// bdag gis bsod nams gang thob des// 'gro ba khyod dang mtshungs par shog/ bsam gyis mi khyab par bstod pa slob dpon chen po klu sgrub nas ma hU~M bags/ / na/ smadapas dus dugam gyur pa la phyag 'tshal lo// bla med lam las gshegs pa yi// de bzhin gshegs pa bstod 'das kyang // gus shing spro ba'i sems kyis ni// bdag gis bsod 'das bstod par bgyid// bdag dang gzhan dang gnyis ka las// rnam par dben pa'i dngos gzigs kyang // khyod kyi thugs rje sems can las// ma log pa ni ngo mtshar lags// ngo bo nyid kyis ma skyes shing // tshig las 'das pa'i spyod yul gyi// chos rnams khyod kyis gang bstan pa// de ni khyod kying mtshar lags// phreng po khams dang skye mched rnams// khyod kyis bsgrags par mdzad lags kyang // de dag yongs su 'dzin pa no// skad kyis kyang ni bzlog par mdzad// gang zhig rkyen las de ma mchis// dngos rnams byin las ji ltang ste// de skad mkhas pa khyod gsungs pas// spros pa rnams ni bcang pa lags// gang

Colophon

bsam gyis mi khyab par bstod pa slob dpon chen po klu sgrub kyi zhal snga nas mdzad pa rdzogs so/