sangs rgyas kun gyi dgongs pa'i bcud bsdus ri bo brtsegs pa'i rgyud
Buddhasarbamalathuladunabharilakrihritantra
Text
ff. 128b–140b · 25 folio sides
- 128b
'tshol zongs du tshongs// de la bstan na gnyis ka dmyal bar lhung // de bas man ngag shin tu btsal bces// ces gsung so// nyi zla 'bar ba'i rgyud las// dus mtshan dang gtad rgya bstan pa'i le'u ste bcu gsum pa'o// dus gsum gyi sangs rgyas tha~Md kyi dgongs pa 'dus pa/ ka dag rnams kyi gsang don bcu dril pa// ma rig mun sel nyi zla 'bar ba'i rgyud rdzogs so// / skyon pad+ma 'byung gnas dang / lo tsa ba ka ba dpal rtsegs kyis bsgyur zhing gtan la phab pa'o// / gter rgya// nyang ral pa can gyi gter ma'o// // sangs rgyas kun gyi dgongs pa'i bcung bsdus ri bo brtsegs pa'i rgyud bzhugs// rgya gar skad du/ bud d+ha sarba ma la thu la du na b+ha ri la kri hri tan+t+ra/ bod skad du/ sangs rgyas kun gyi dgongs pa'i bcud bsdus ri bo brtsegs pa'i rgyud/ dam pa dang po'i sangs rgyas ka ngag rnam par snang ba'i sku la phyag 'tshalo// 'di skad bdag gis rtogs shing bshad pa'i dus gcig na// kun gzhi mkha' klong rnam par dag pa'i gnas// rin po che 'od sna tshogs 'phro ba'i gdangs// dbyings rnam par dag pa'i klong kun bzhi'i pho brang // rtsal zer yan lag 'od gsal kun 'byung gi mkha' sems nyid khyab brdal chen po'i dkyil 'khor/ rang bzhin gyi 'od gsal ba// de nyid du rnam par dag pa/ rgyu rkyen 'pho 'gyur med pa/ skye 'ag gnyis med pa rang grol ba// rang 'thung 'od gsal rnam dag bsam gyi khyab kyi lha khang ni// 'phro 'dra dang 'phel 'grib med pa'i lan so// gnas de na ye thog ma'i sangs rgyas/ ka ngag dngos med zang ka ma snang gsal bzhi
- 129a
rang bzhin du bzhug so// ston pa de nyid las mi zhan par rang byung rang dngas kyis 'khor la// chos kyi dbyings kyi bstan pa/ ye med mtshon med blo 'das tha snyad ming las 'das pa'i theg pa/ ngag tu mi gsungs byin gyis brlabs kyis gsung so// ye thog gzhi'i ston pa 'khor lor byin gyis brlabs kyi ston pa ni// dam pa dang po'i sangs rgyas kun gyi spyi phung bya ba bzhugaso// des 'od gsal rnam dag dkyir la bye bral btso la bsgru med pa'i bstan pa gsungaso// ye shes mthu'i ston pa ni/ rang bzhin kun tu bzang pos// rdo rje sems dpa' la thugs kyi bstan pa byin gyis brlabs kyis bshad// sngon 'byung phun sum tshogs pa'o// de'i rjes 'jug phun sum tshogs pa lnga ni// ston pa rdo rje sems dpa' yis// sems lhag can gyi 'khor rnams la// gsang sngags yang snying spyi theg bshad// 'od gsal gnas bshad ngo bo dus/ rjes 'jug phun sum tshogs lnga'o// de'i gdung gsob phun sum tshogs lnga ni// u rgyan gnasu dga' rab rdo rje yis// 'jam dpal gshes gnyen 'khor la rgyud sde'i spyi bshad rig 'dzin rig pas rgyud// gdung gsob phun sum tshogs pa lnga'o// ye thog ston pa'i rjes 'jug gdung 'tsho ba pa'o// dam pa dang po'i rjes 'jug gdung 'tsho ba ni// de'i rjes 'jug 'od gsal snang mdzad kyis// 'og min gnasu sa bcu'i 'khor la bshad// gsang sngags bstan pa rang gi ngo bo yis// de yis gdung 'tsho ba phun sum tshogs lnga ni// gsang ba'i gnasu ston pa he ru ka/ gsang sngags skyes rim zhi khro'i 'khor la bshad//
- 129b
mtshan ma sna tshogs dus// dam pa dang po'i rjes 'jug dung gsob bo// rdo rje sems dpa'i gdung gsob rjes 'jug ni// khang bzang gnasu sprul sku'i ston pa yis// mos tshab kun dga' bo la sde gnod rnam gsum bshad// sprul sku'i tshig tu sdebs te bshad pa'i dus// de yis gdung tsha ba phun sum tshogs lnga ni// kun dga' bo yis 'jam gling phur pa ru // dge slong lnga rgya'i 'khor la mdo sde 'dul bar bshad// dus ni tshig sde bas bshad pa'i dus// rdo rje sems dpa'i rjes 'jug gdung 'tsho ba bo// mdor bsdus phun sum tshogs la ni// rang bzhin ngo bo thugs rjes gsum// chos sku skye ba med pa'i ston pa dang // longs sku ye shes mthu'i ston pa dang // sprul sku byin gyis brlabs kyis ston pa ni// skye med yis byin brlabs ston pa ni// ston pa phun sum tshogs pa bshad// chos sku gsung du med pa'i ston pa dang // lung sku rang gi ngo bo ston pa dang // sprul sku gsung du brjod pa'i ston pa gsum// mang dang ngo bo brjod pa ni// bstan pa phun sum tshogs par bshad// long sku sprul sku sems dpa' chos sku'i 'khoraka/ sa bcu rigs lnga yab yum longs spyod rdzogs sku'i 'khor// rig drug sde brgyad 'dod dus sprul sku'i 'khor// rang rgyud 'brel dang don gyis gcig/ 'dod pas sngags pa'i 'khor rnams ni// 'khor ni phun sum tshogs par bshad// chos dbying rnam par dag pa chos sku'i gnas// khyad par 'og min longs spyod rdzogs pa'i gnas// khang bzang sprul pa ya yi gnas// thams cad bsdu dang khyad par 'phags// khang bzang sprul pa bzhugs pa ni// gnas
- 130a
@ni phun sum tshogs par bshad// chos sku'i byin gyis brlabs kyis bshad pa'i dus// longs skus rang gis ngo bos bshad pa'i dus// sprul skus tshig tu bsdeb te bshang ba'i dus// 'das dang ma 'ongs da ltar gsum// dus ni phun sum tshogs par bshad// sngon 'byung rjes 'jug gdung gso ba de bzhin// gcig dang 'brel dang gtan la 'bebs// ma tshangs med dang dgos pa tshangs// rgyud kyi phun sum tshogs pa'o// zhes gsungaso// sangs rgyas kun gyi dgongs pa'i bcud 'dus ri bo rtsegs pa'i rgyud las// phun sum tshogs pa gsal bar bstan pa'i le'u ste dang po'o// // de nas ye thoT ka dag sangs rgyas la// rang byung dang dngas khye'u chung gis// phyag 'tshal pus gtsugs thal mo sbyar gus pas 'di skad zhus// a tha tiSh+Tha ma hA su kha ho// phun sum tshogs pa'i don ni de ltar na// gang yang med pa'i ma/ na thabs ga rgya pas na sa// byas skyed// ngag nas ga ya sna lags/ ba ga ga rtogs// byar med blo 'das ji ltar lags// dngos med gnas na gang gis thob// sangs rgyas kun gyis thugs kyi bcud// dgongs pa'i bcud 'di ji ltar 'dus// ri bo rtsegs pa dpe yis ji ltar bstan// / gsang sngags brda' yis ji ltar bshad// ma bsgrub 'bras bu ji ltar thob// theg dgu'i lta bsgom ji ltar lags// de las spyi ti gang gis spags// spyi ti'i yo ga don rtogs na// gol bsgrib 'khrul pa
- 130b
yod dam med// shes med blo 'das la chen gang du zla// 'khor gyi don 'dris bco brgyad pa'o// ston pas 'khor la gnang bar zhu// shin tu zab par dka' gsol cig/ ces zhu ba 'phul ba'o// ri bo rtsegs pa'i rgyud las/ gleng bslang ba'i le'u ste gnyis pa'o// / de nas dang dngas khye'u chung gis// ye thog ka ngag sangs rgyas la// gang yang med pa'i sngon rol ni// sngon thogs dus na ji ltar gnas// ces zhus pas/ ye thog ka dag sangs rgyas kyis// 'od dang rtsal dang shes rig dran sems dang / 'gyur ba yid dang yan lag 'gag med 'khor// rang byung dang gsal 'gag med 'khor// rang byung dang dag 'od gsal 'khor// sa chu me rlung na mkha' dang // 'dod chags zhe sdang gti mug nga rgyal phrag lnga// de sogs dug lnga rtog tshogs nyon mongs 'khor rnams dang / 'dzam gling mi rnams lha srin sde brgyad dang // snang srid skye dgu'i yod med rtag chad dang // sa bcu'i byang chub sems dpa' rgyal ba'i rig/ rnal 'byor rnam bzhi skal ldan mos tshogs la// ngang dngas gsal dang 'khor tshogs la// thog ma'i kun bzang ka dag/ rnal ma yis// sku dang gsung thugs yon tan phrin las lngas// 'od zer rnam lngas phyogs bcur kun tu 'phros// sems can rnams kyi ngan song gsum// sbyong bar byed pa'i 'od 'phros nas// nyon mongs pas ni sems 'khrugs pas// ma shes 'dab du bying ba yis// sems can kun la sman pa dang / khyab bdag bdag la sman pa dang / bdag don gzhan la thugs rtse phyir// nyon mongs ma lus gsal
- 131a
bdang / ma shes ma lus shes bya'i phyir// dbang po bsam pa mkhyen mchog gi/ bsam pa'i khyad par ji bzhin du// rba dang gang mthur theg pa yis// tha med 'bras bu thob bya'i phyir// sems can rnams dang mos tshogs 'khor// byang chub rang ches sangs rgyas gcer mthong bshad// 'khor rnams ma yengs gus pas nyon// a a tiSh+Tha b+ho ya d+harma d+ha du hri da ma ha su kha ho// b+ha ta d+harma sarba d+hA tu thu la hri da ya A// sngon thogs sngon ming dang bral na yang // ming bral shes phyir 'khor la bshad// gang yang med pa'i sngon rol na// tha snyad ming gis mi 'pheb te/ rnam pa kun rnam pa med// dngos med zang ka rnal ma de// ka dag bzhi med kun gyi bzhi// cang med cir yang ye med// shes med dang dngas stong sangs de// de nyid rnam shes yul las 'das// dang po'i sangs rgyas rgyu med pas// thog ma med pas spros med pa'o// sangs rgyas thog ma tha ma med// yang dag mtha' la rnam par gnas// yang dag bdag med de bzhin nyid// ye shes gnyis med tshul 'chang ba// ye shes ldan pa yod mi shes// ye shes mi gcig gdod nas dag/ rnam par rtog med lhun gyis grub// thug pa med pa dpe med pa// mi sngon mi snang gsal byed min// mi 'gyur kun 'gro khyab pa de// dper bya kun las 'das pa'o// ming tsam 'di shes bstan pa ni// ka dag sangs rgyas mtshon du med// dngos med blo 'das tha snyad med// ces gsungaso// sangs rgyas kun gyi dngos po'i bcud 'dus ri bo brtsegs pa'i rgyud las// gang yang med pa'i sngon rol na// dngos med shes med mtshan med ka dag
- 131b
tha snyad dpe dang tshig dang yi ge las 'das par bstan pa'i le'u ste gsum pa'o// / de nas dang dngas 'od 'bar gyis// ye thog ka dag sangs rgyas la// sangs rgyas sems can bzhi ni ji ltar la ces zhus pa dang / ston pas 'khor la bka' stsal pa// ka dag ngang la bye brag med na yang // rtsal gyi rig pas bshad kyis nyon// sangs rgyas seMn 'khor 'das bzhi// khyab bzhi g.yog gzhi 'byung bzhi nika/ kun gzhi mkha' klong brdal khyab ni// sangs rgyas son 'khor 'das bzhi// dngos med mnyam pa'i klong nas kun 'byung mdzod po che// rtsal zer sna tshogs 'byung ba'i bang mdzod yin// rgya mtsho'i sa gser bang mdzod bzhin mnyam pas skye 'byung zad med 'gyur ba med// ces gsungaso// ri bo rtsegs pa'i rgyud las// sangs rgyas sems kyi gzhi bstan pa'i le'u ste bzhi pa'o// // de nas dang dngas gsal dag gis// / ye thog ka dag sangs rgyas la// gnyis ka'i gzhi ru mnyam pa na// yar rgyas mar 'khrul skyon ni gang nas byung // zhus pa dang / ston pas 'khor la bka' stsal pa// snying pos khyab par mnyam pa la// rig dang ma rig rnam nyid las// yar rgyas mar 'khrul gnyisu byung // 'gyu dang mi 'gyu rnam gnyis las// sku gsum du gsum gnyisu byung // 'gyu dang mi 'gyu rnam nyid la// thog ma'i sangs rgyas 'khrul pa 'byung // zin dang ma zin rnam gnyis las// shes mi shes ni gnyi su byung // 'phrang dang ma 'phrang rnam nyid las// 'char sgo 'khrul sgo gnyisu byung // rtogs dang ma rtogs rnam nyid las// sku gsum kham sum gnyisu byung //
- 132a
ngo bo gcig la snang tshul gnyis// rtogs dang ma rtogs gnyisu byung // gcig min gnyis min yin ma yin// pha ron skye dang ga bur 'dra// ngo bo gcig la snang tshul gnyis// rkyen dang gang phrad sman du gnyis// dngos med kun byed gzhi gcig la// rtoT dang ma rton rnam gnyis las// sangs rgyas son gnyi su byung // gzhi gcig shugs las rtog chang gnyis// sngon la gang skyes ldog bcaso// don rtog ka dag chos kyi sku// ma rtogs 'gro drug 'khor bar 'khyams// tsas gsungaso// ri bo rtsegs pa'i rgyud las// yar rgyas mar 'khrul bstan pa'i le'u ste lnga pa'o// / de nas dang dngas gsal dag gis// ye thog ka dag sangs rgyas la// de gnyis skyon dang yon tan ji ltar lags// zhes zhus pa las// ston pas 'khor la bka' stsal pa// rtog na yon tan gnyis med// ma rtogs blo lha skyon yon byung // skyon gyi rtsa rlung g.yos pa yin// ye shes rlung 'gyur yid rtog skye ma nus// rig pa snying por thim pas 'gyu ma nus// snying por rig pa thim pas thog mar ye sangs rgyas// snying po ma dang phrad pas yis rang sa zin// rig yid ma rig rtsa tshong 'khrul pa ka nas ngag/ snying po'i klong gyur yon tan bsam mi khyab// rtogs tshad mkhyen tshad yon tan brjod mi lang // nA mkha'i khams dang nyi zla nor bu'i tshul// tsas gsungaso// ri bo rtsegs pa'i rgyud las// ka dag sangs rgyas kyi yon tan bstan pa'i le'u ste drug pa'o// / de nas dang dngos gsal dag gis// thog ma'i sangs rgyas ka dag kun bzang la// ma 'khrul skyon ni gang nas byung // zhes zhus pa dang //
- 132b
ston pas 'khor la bka' stsal pa// skyon ni rlung dang ma rig pa/ mnyam pa'i rang bzhin ma shes ma rig rlung // rlung gi skyon byas rig pas sa ma zin// rig pas zin pas yid rtog bskyed// yin nam min nam ming gi rnam pa skyes// ming la rtag pas semasu 'dog pa skyes// skyon gyi rtsa ba rlung rig ngar 'dzin gyis// ldog thabs mi shos yid kyi 'dod zhen skyes// de rnams stobs kyis 'od gzugs kha mig can// de yis skyon gyis nyon mongs drag tu skyes// bdag 'dzin dug lnga 'gong po nga bdag gis// ri drug sen 'khrul pas 'khor bar 'khyams// gzung 'dzin yul sems phyogs rig dag bsgrub skyon// snang ba bdag chags sdang skyon la brjod mi lang // rtsa ba yid gnyis nga bdag zhe 'dod dug gsum gyi skyon gyis rtsa ba yin// ces gsungaso// ri bo rtsigs pa'i rgyud las/ skyon gyis rtsa ba bstan pa'i le'u ste bdun pa'o// de nas dang dngas gsal bdag gis// ye thog ka dag sangs rgyas la// snying po ka dag gang gis rtogs// zhes zhus pas// ston pas 'khor la bka' stsal pa// snying po bcud spungs snang chen bshad// 'od gsal dang dngas thugs la chong // snying po ka dag rtog thabs la// zhe 'dod bya rtsal rtsol sgrub bzhag/ mi lta mi bsgom mi spyod blo las 'das// dngos med ka dag zang ma de// bya rtsal bsam 'das mtshon du med// blo 'das bsam bral dgongs pas rtogs// rtog pa'i dus na shes brjod mtha' dang bral// dngos med sku dngos cang med spyir snang med// ye med min de sna tshogs snang // sna tshoSha snang la dngos bzhi med// cang med
- 133a
@ma yin gnyisu snang // gnyisu ma grub gcig tu 'dug/ gcig tu mi 'dug dngos po med// dngos med mtshan nyid blo las 'das// re shig mtshon na gsal stong dbyer med de// rang byung 'od gsal dang dngas rnam par dag/ gsal dngas sang de dngas la go skabs med// de yi snying po ka dag rtogs// ci yang ma yin byang chub sems// dngos med rtsis gdab blo las 'das pa'o// snying po bcud srungs gdams ngag bshad ces gsungs so// ri bo brtsegs pa'i rgyud las// snying po ka ngag rtogs pa'i le'u ste brgyad pa'o// / de nas dang dngas gsal dag gis// ye thog ka dag sangs rgyas la// byar med blo 'das ji ltar lags// zhes zhus pa dang / ston pas 'khor la bka' stsal pa/ byar med blo 'das ngas bshad kyis// 'khor rnams ma yengs gus pas nyon// dgu rtse spyi'i yo ga ni/ bya rtsal rtsol ba mi byed// ma bcos dang la bzhags pas mchog/ byas pa'i chos rnams 'jigs pa'i phyir// ma byas rang byung chos gcig bshad// rtsol bsgrub chos rnams yid smon yin// rtsol med bsgrub med chos gcig bshad// zhe 'dod bsam sbyang rje'i chos/ zhe 'dod bsam bral blo 'das chos gcig bshad// ces gsung so// ri bo rtsegs pa'i rgyud las/ byar med blo 'das bshad pa'i le'u ste dgu pa'o// / de nas dang dngas gsal dag gis// ye thog sa ng+yas la/ 'os med rnal ma gang gis bab// zhes zhus pas/ ston pas 'khor la bka' stsal po// dngos med rnal ma thob thabs ni/ lus ngag yid gsum rtsal bzhags la// mi lha mi bsgom skyong thob med// dngos men
- 133b
ye shes blo las 'das// gsal stong dang la mi 'bral ba// sang de gsal le dngos mtshan med// gang yang ma rtogs bsam las 'das// dngos med rnal ma zang ka la// gang la sems med rtog 'dzin med// rig yin dran sems blo las 'das// zhe 'dod rtsis gdab med pas thob// thob pa'i dus nas dngos med blo las 'das// snang srid chos la dbye gsal las// ces gsung so// ri bo rtsegs pa'i rgyud las// dngos med thob pa'i le'u ste bcu pa'o// / de nas dang dngas gsal dag gis// ye thog ka dag sangs rgyas la// sangs rgyas kun gyi thugs kyi bcud// dgongs pa'i yang snying ji ltar 'dus// zhes zhus pa dang / ston pas 'khor la bka' stsal pa// dgongs pa'i yang snying bcud 'dus ngas bshad kyis// 'khor rnams ma yengs thugs la zhog/ a ta ti Shag+na/ badz+ra satwa b+ho a sid+ha a a/ bud d+ha sarba ma la ti ShA thu la du na a a/ de nas ye thog sangs rgyas kyis// de bzhin gshegs pa thaMd kyis// thugs kyi yang snying dgongs pa'i bcud// sangs rgyas kun gyi dgongs 'dus bshad// 'od gsal dang dngas thugasu 'chongs// dngos med ka dag brjod 'das kyang // blo 'das rtogs pa bskyed phyir bshad// chos nyid rnam par dag pas na// chos kun rang bzhin rnam dag pa// de bzhin gshegs pa tha~Md kyis// thugs dam yang snying bcud 'dus 'di// dgongs pa'i mdo rnams gcig bsdus/ ba'i// ye med ka dag dngos med kun byed ni// spyod pa thaMd dang bral ba// mtha' dang dbus ni mi dmigs pa/ sgro skur med pa/ blang dor med pa/ rgyu 'bras las 'das pa// yi nas zin pa/ bya ba med pa brtsal ba med pa//
- 134a
bsgrub pa med brtsal du med pa gzhan mi 'byung // gnyen pa med pa byed pa po med pa// ma byas pa ma rtags pa/ bdag med pa ma bcos pa de yin pa/ nges pa ma nor ba/ ji bzhin pa ma 'gag pa/ ma skyes pa mi nub pa ma lhag pa mi snang ba ma byung ba/ mi 'gro ba ye nas gnas pa/ kun la khyab pa ming med pa gzugs med/ mtshan ma med pa tha snyad med pa/ bltar med pa gzung du med pa/ mtshon du med pa/ dpe med pa tshad med pa// brtag tu med pa rtog gi las 'das pa// dpag tu med pa bsam du med pa// bsam gyis mi khyab pa kun gyis 'byung gnas// thams cad nas thad du btang snyoms chen po'o// stong pa nyid las rig pa rang byung rang dngas byung sar thim// dbyer med ka dag blo las 'das// dngos med ka dag zang ka rnal ma shis// snying po yang snying bcud 'dus de kho na'o// ye thog ka dag gis sangs rgyas kyi thugs kyi yang snying dgongs pa'i bsdus pa'i dpe @ni/ shel gong gser dang / na mkha' dang nyi zla/ nor bu chu shing / rgya mtsho'i tshul// ka rag 'gyur med mchog dang bral// 'od gsal kun 'byung dngos med g.yo rtsol med// ces gsung so// ri bo rtsegs pa'i rgyud las/ ye thog ka dag sangs rgyas kyis dgongs pa'i bcung bsdus bstan pa'i le'u ste bcu gcig pa'o// / de nas 'od gsal dang dngas kyis// ye thog ka dag sangs rgyas la// du gsum sangs rgyas thaMd kyis thugs kyi yang snying gsal ba'i bcur 'dus gsung du gsol zhes zhus pa dang / ston pas 'khor la bka' stsal pa// dam pa dang po'i sangs rgyas 'od mi 'gyur bas gsung bas// chos sku'i rang bzhin med pa nyid
- 134b
mya ngan 'das zhes de la bya// stong nyid rang bzhin rnam par dag/ de nyid mi gnas blo las 'das// ces gsung so// de nas rang byung dang dngas kyisaka/ 'di skad gsungs// sems can gyi sangs rgyas rnams kyi gsal ba'i yang snying bcud 'dus// ye med gdod dag ka dag zang ka rnal ma blo 'das de mthong na// ye ji bzhin pa'i ngo bo ka dag zang ka mthong ba yino// mthong med dngos bral dmigs med de mthong ba yino// de la ni chos rdul tsam yang mi dmigaso// de ni na mkha'i mtshan nyid de// de ni byang chub par yang med do// de la sems can du gdags pa yang mdo// chos can yang med la// chos can du bdag pa yang medado// de ci'i phyir zhe na// chos thams cad ka dag pa'i byang chub sems te// nam mkha' ni mtshan nyid thams cad dang bral ba'o// de'i phyir na byang chub ni ye med ka dag blo 'das la btsal bar bya'o// ka dag dngos med zang kA de/ rang bzhin gyis yong su dag pa'i phyir// dngos po med cing blo byed pa po las 'das pas// nang na yang med// phyi rol na yang med// gnyis ka med pa yang mi dmig so// de la sangs rgyas kyis mi gzigs ma gzigs/ gzigs par mi 'gyur ro// ji ltar ma gzigs na// kha dog dbyibs dang mun par mi gzig so// pho mo ma ning khams gsum ji ltar bur yang ma gzig so// ka dag dngos med blo 'das med// ming du btags pa yang medo/ ming du btags pa thams cad ni bla dag su rig par bya'o// de'i phyir na sangs rgyas ni bla dag so// chos ni bla dag so// dge 'dun yang bla ngag so// de bzhin du dbyings dang ye shes dang / chos kyi sku dang / sku tha dad pa dang /
- 135a
sems can du 'jig rten la sogs pa thaMd du btags shing // chags pa ji snyed pa bla dgas 'ba' shig tu rig par bya'o// bla dgas gang yin pa de ni// blo bur du ming du btags pa ste// ye nas ldan pa ma yin// gal te ye nas ldan pa zhig yin na ni// gang blo bur pa thams cad phyis mi 'byung bar 'gyuraro// gang la ming btags gzhi med// rgyud btags chags pa grub pa yin// de ni byar med byas pa yin/ mi snang ba la kun snang ba thams cad blo bur snang // snang nyid med pa'i snying po de/ yod med gnyisu dmigs pa med// sangs rgyas med la sangs rgyas dang // byang chub nyid la sogs pa yis// tha snyad ming gis bla dgas rnams// mi shes blo la bstan phyir btags// de la dngos gzhi ga la yod// thad nas thams cad du bla dgas kyi bla dgas kyi mtshan ma medo// rnam pa medo yul medo 'jug pa mdo// sa byas pa medo/ / lung bstan pa medo// nges par snyed pa medo// ye med ka dag ye gsal rnal ma'i blo 'das te// thams cad nas ni thams ca du byang chub pa nyid // stong pa nyid de kho na nyid // nges pa dam pa nyid do// gzhan ma yin pa nyi // skye ba med pa nyid do// 'gag pa med pa nyid// de bzhin nyid// ma nor ba de bzhin nyid do// chos nyid// chos kyi dbyings nyid // bsam gyis mi khyab pa bsam du med pa nyid do// de dag thaMd kyang dngos po med pa ka dag blo 'das nyid do// ka dag bzang ka de la gcig dang mang po dang // gcig mang por snang ba dang / mang po gcig tu 'gyur ba de la ni// gcig ces bya ba blo las 'das pa'o// tha dad zhes pa gnyis snang las grolo// zhe sung so// /
- 135b
de nas sangs rgyas kun bzang pos// thugs kyi yang snying bka' stsal pa// rang bzhin gcig pa dang // ma gos pa dang go 'byed pa dang / skye ba med pa dang / 'jigs pa med pa dang dbyibs med pa dang // kha dog med pa dang 'dus ma byas pa dang / gzung ba med pa dang // 'dzin pa med pa dang mtha' dang dbus med pa dang // 'phel ba dang 'grib pa med pa dang / 'gro ba dang 'ong ba med pa dang // g.yo ba dang 'gul ba med pa dang // chags pa dang gnas pa med pa dang 'jigs pa stong pa med pa dang // 'gyur ba dang ma khyab pa med pa dang // mi 'byung ba dang ma chub pa med pa dang // skyo ba dang dub pa med pa dang // mtshan nyid dang rgyu rkyen med pa dang // 'bras bu dang rtsol ba med pa dang / mngon par 'du byed pa ma yino// dper na na mkha' dang 'dra'o// nam mkha' de ni/ yod pa las med par 'gyur ba ma yin// med pa las yod par 'gyur ba ma yin// de bzhin du gzhal ba las mi gsal bar 'gyur ba 'am// mi gsal ba las gsal bar 'gyur ba la tha dad las cig tu 'gyur ba dang / yin pa las min par 'gyur ba dang // min pa las yin par 'gyur ba dang / nye ba dang ring ba dang / de bzhin du che chung bzang ngan bde sdug/ khyab dang ma khyab dang / byung dang ma byung dang / ngag dang ma dag dang / grub dang ma grub dang / ngag dang ma dag dang / mthong dang ma mthong dang / yangs dang dog dang / dbyibs dang kha dog dang phyi dang nang dang / skye ba dang 'gag pa dang / 'pho dang mi 'pho dang 'gyur dang mi 'gyur dang // mun pa dang snang ba dang sngon dang phyi ma dang // mtha' dang dbus dang / gong ma de dag thams cad kyang bdag dang
- 136a
gzhan du 'gyur ba dang // de bzhin du blangs nas dor bar gyur pa dang // dor ba las blangs par gyur pa dang // med pa'i phyir// na mkha' thams cad du ma bcos pa'o// de bzhin du dngos med ka dag rnal ma la// dus thams cad du ma bcos ma spang ba'o// mi rtsol mi sems blo bcos zhe 'dod dang rtsis brda ba med par gnaso// rgyal ba kun tu bzang po de bzhin gshegs pa dus gsum gyis sangs rgyas thams cad kyi thugs kyi yang snying dgongs pa'i bcud bsdus nas gsung so// de nas yang dpal rdo rje sems dpas thugs dgongs kyi bcud bsdus nas gsungs// bsam gyis mi khyab chos 'di rnams de bzhin nyi du gcig bas na/ gang gis de bzhin de shes na// kun la dbang bskur thob pa yin// rdo rje sems dpas gsungaso// sangs rgyas kun gyi dgongs pa'i bcud// sems lhag can gyis bka' stsal pa/ ka dag rnal ma rang dngas pas// 'di zhes tshig tu ma gsungs pas// khyab pas cig pa'i byin brlabs kyis// ji ltar 'dod pa so sor 'jal// ces gsungaso// de nas rdo rje sems dpa' yis// dus gsum bde gshegs thugs kyi bcud// dgongs pa'i bcud 'dus bka' stsal pa// bsam gyis mi khyab kun shes nA// bsam du med par de bzhag na// dpag tu med pa'i yon tan 'byung // rnam pa thams cad mkhyen pa yin// zhes gsung so// de nas 'od gsal rnam ngag gis// sangs rgyas kun gyi thugs kyi bcud // kun gyi rtsa ba 'dir bcad bas// 'di don rang rig thos pa'i mchog/ thams cad 'di las 'byung ba na// 'ji shes kun shes shes rab mchog/
- 136b
ces gsung so// de nas gsal dag dang dngas khye'u chung gis// sangs rgyas kun gyi thugs dgongs pa// gsang ba'i nang nas gsang chen 'di// nyid kyi nyid kyang mi mthong bar// gzhan gyi ka dag gang la mthong // zhe sung so// de nas dang dngas khye'u chung gis// sangs rgyas kun gyi bcud gsungs pa// chos rnams kun gyi snying po 'di// gser dang mkha' bzhin mi 'gyur bas// mi nub gtor bral med pa'i phyir// chos kyi dam pa chen po mchog/ ces gsungaso// de nas dang dngas rin chen gyis// sangs rgyas thugs kyis bcud gsungs pa// mi 'gyur na mkha'i rang bzhin de// dag pa dag la dag pa nyid// rtog pa rtogs pas rtog par snang // spyi 'dus der snang ci yang med/ ces gsung so// dri med rnam dag dgongs gsungs pa// rang bzhin ka dag mi bcos pa// yongs kyi 'od la de bzhin nyid// kun gyi snying po de nyid pas// cis kyang ma bsgrib na mkha' che// zhes gsungaso// zhen med dang dngas/ bcud gsungs pa// stong pa nyid kyi snying po la// sna tshogs snang ba'i 'khor gyis bskor// sus kyang ma byas rang byung la// ka dag ji bzhin dkyil 'khor nyid// ces gsungaso// de nas rig pa'i khye'u chung gis// sangs rgyas gsang ba'i yang snying gsungs// dngos med ka dag mngon gyur na// med pa mi zad 'byung ba yis// che ba'i yon tan rgyun mi 'chang // cir snang kun 'byung rin chen gter// ces gsungaso// rang dngas kun grol dgongs bsungs pa// sangs rgyas kun gyi dgongs pa 'di// shes na de la gang gnas pa// ka ngag nyid la dbang thob pa'o// de bzhin dgongs pa'i rig 'dzin nyid// ces gsung so// de nas kun ri 'phrul rnga yis/
- 137a
@#/ sangs rgyas dgongs pa'i bcung gsungs pa// ka dag dngos med zang kham/ gzhi rdza med pa'i skad cig ma// de bzhin nyid na bde chen thob// ces gsung so// yang rig pa'i rgyal pos gsungs pa/ ka dag rnal ma de nyid ni// dpag cing gzhal bar mtha' yas pas// dpag med rgyal po'i pho brang yin// de na kun dgor der gcig gnas// zhes gsungaso// yang dngos med kun byed dgongs pa'i bcud gsungs pa/ ye nas ka dag ma bcos ji bzhin pa// chos so lcog gi snying po ste// med pa las byung sna tshogs snang // snang med de bzhin dkyor rdzogs// zhes gsungaso// de nas cad med cir spyod kyi dgongs 'dus gsungaso// de bzhin nyi du don bstan du// de bzhin du kun gcig pas// gang gis gang la gang zhig bstan// nyid la nyid glen kho nar zad// ces gsungaso// sems nyid kun byed rgyal pos dgongs pa'i bcud gsungs pa// ji snyed bsam gyi mi khyab pa'i// chos kun ka dag stong rig na// sangs rgyas kun dang mnyam sbyor ba// rnal 'byor chen po'i bsam gtan yin// zhes gsungs so// gsal dngas spros gcod kyi gsungs pa// ka dag sgra brjod med pa las// bde mtshon phyir na tha snyad brjod// gang brjod pa nyid dngos me do nyid// de nyid spros med blo 'das don// zhes gsung so// de nas rang byung rig gsungs pa// dngos med kun snang kun gyi gzhi// seMn sangs rgyas gnyis kyi dbyings// rig dang ma rig gnyis kho nar// ngag dang ma dag gnyi su snang // zhes gsung so// de nas rang dngas rin chen gyis gsungs pa/ bsam gyis mi khyab mi shes par//
- 137b
bsam med ngang du gang 'jog pa// byis pa de ni blun pa yin// mun pa'i skye mched gang du 'gyur// zhes gol bar gsungaso// de nas 'dzin med kun gyi gsungs// bsam med bsam gyis mi khyab chos// lhag par mthong na zhi gnas pa// rnam rtog spong len gang spyod pa// de dag sgrib pa mun mtha' yas/ zhes gsungaso// dngos med zang thal gyi dgongs pa'i bcud gsungs pa// dngos med chos kun rang bzhin ni// ma skyes pa las thams cad skyes// skyed pa nyid na skye ba med// ces gsungs// blo 'das ye med kyis gsungs pa// gdod dag kun snang ye shes 'di// sus kyang ma byas rang byung ste// thams cad 'byung ba'i rtsa ba ni// rang las byung ba'i dkyil 'khor rdzogs// zhes gsung so// gnyis snang spros chod kyis gsungs pa// 'khor ba dang ni mya ngan 'das// so sor snang ba ma yin te// ji bzhin de bzhin nyid nges na// de la 'khor ba'i rang bzhin med// ces gsungaso// de nas gsang ba'i bdag po yis// sangs rgyas dgongs pa'i bcud gsungs// ka dag de nyid cir yang mi snang na// blo bur rnam rtog tha dad pa'i// rnam rtog de ni zad par snang // snang ba nyid na snang ba med// ces gsung so// mngon rdzogs rgyal pos thugs kyi bcud gsungs pa// dngos med ka dag ye shes dngos grub pa// zad pa med cing 'phel ba med// nga gdod sdong grub tu ga la yod// ces gsungs pa'o// rang byung rgyal pos gsungs pa// thogs pa med nas bsags pa yi// rnam rtog sprin phung dag med pa// stong nyid skad cig rig pa yis// de bzhin nyid du rnam par bsgral// zhes gsung so// pad+ma dri med dgongs pa'i/
- 138a
@#@#bcud gsungs pa// yod mthong snang grags chos lcog dgongs pa'i bcud lcog/ tha snyad sna tshogs mtha' yas kyang // dngos med ka dag de bzhin nyid// ma sgrib 'od gsal rnam dag cing // zhes gsungaso// de nas sna tshogs 'ub chub dgongs pa'i bcud gsungs pa// dpag tu med pa'i ji ltar na// sgron ma bsam gyis mi khyab pas// ji snyed pa'i chos bstan pa// mtha' yas don ni cig tu zang // dngos med zad ka ka dag dgongs bcu do// de bzhin gshegs pa tha~Md kyis// sangs rgyas kun gyi thugs dgongs bcud// snying po yang snying bcud bsdus pa// tha~Md thad ji snyed pa// tshig gi tsam dag pa yis// 'di la bya ba ci yang med// dngos med ka dag ye sangs rgyas// e ho a a a sid+hi sid+d+hi aHd+ha thim/ dus gsum bde gshegs sangs rgyas kyang // dngos med ka dag tha snyad blo 'das te// ka ngag lhun grub thug dgongs bcud ka ma lus dgongs 'dus ri rab lhun grub brtsegs// zhes gsungs so// sangs rgyas kun gyi dgongs 'dus ri po brtsegs pa'i rgyud las/ sangs rgyas thams cad kyi thugs kyi yang snying dgas ba'i bcud 'dus par bstan pa'i le'u ste bcu gnyis pa'o// / de nas dang dngas khye'u chung gis// ye thog ka dag sangs rgyas la// ri bo rtsegs pa dpe yis ji ltar bstan// zhes zhus pa dang / ston bas 'khor la bka' stsal ba// dngos med ka dag dpe las 'das nas kyang // dang dngas 'od gsal da'i yi mtshon ma bshad// dper na ri bo rtsegs pa yang / lhun po'i ngang la 'gyur med rtsegs// g.yo brtsol lo/
- 138b
'gyur med par grub/ ye med gdong dag ka rag brtsegs// dngos med blo 'das byar brtsegs// stong gsal gdangs la dngas sangs brtsegs// snying po'i ngang du ye shes brtsegs// chos nyid klong du rtsal zer brtsegs// chos sku'i klong du sku gsum brtsegs// snying po skye 'gag gnyis med brtsegs// ka dag bstan pa mi 'gyur te// dngos med ma bcos gsal la dngas pa'o// ka dag blo 'das byar med brtsegs// ye nas rgyun chad med// de phyir ri bo brtsegs pa'i rgyud// ces gsung so// ri bo brtsegs pa'i rgyud las// ri bo dpe bstan pa'i le'u ste bcu gsum pa'o// / de nas dang dngas khye'u chung gis// ye thog ka dag sangs rgyas la// gsang sngags brda' yis ji ltar bshad// zhes zhus pa dang // ston pas 'khor la bka' stsal pa// gsang sngags lha bsgoms brda' yis bstan// dang dngas khye'u chung gis thugs la 'tshong // khyung chen na mkha' lding ba dang // rus sbal khar zhon bcug pa dang // smyon pa glang po chur zhugs dang // ri rgyal lhun po 'gyur med dang // shel gong nor bu rin chen gser// gang 'don gnad 'grol man ngag gis// shes rab can gyi brda' gdan bkrol// zhes gsung so// seng ge na mkha'i 'brug thos dang // rus sbal mtha' la snyeg pa dang // ral gri snum gyi ngar btags dang // glang po dmag gi tshogs bsgyur dang // bkres ba g.yos legs zang za dang // gtso ma g.ya' dang bral ba dang // me long dri ma bral ba dang // nyi ma mun pa med pa dang // rgya mtsho g.yo 'gul med pa dang // dung nyid ye dag dkar ba dang // sgron mo mun pa sel ba dang
- 139a
chu bo rgyun chad med pa'o// ces gsung so// ri bo rtsegs pa'i rgyud las// gsang sngags brda' bstan pa'i le'u ste bcu bzhi pa'o// / de nas dang dngas khye'u chung gis// ye thog ka dag sangs rgyas la// ma bsgrub 'bras bu ji ltar thob// ces zhus pa dang / ston pas 'khor la bka' stsal ba// thog zhan zhe 'dod ngas ma bshad// rtsol med de nas 'bras bu bstan// dang dngas khye'u chung gis thugs la 'tshong // ye nas dag dang dngos med de// rang la gdod ma nyid na gnas// ka dag blo 'das rtog pas thob// de la 'bras bu tho ba zhes bshad// ces gsung so// ri bo rtsegs pa'i rgyud las 'bras bu stan pa'i le'u ste bco lnga pa'o// / de nas dang dngas khye chung gis// ye thog ka dag sangs rgyas la// theg dgu'i lha sgom ji ltar lags// zhes zhus pa dang / ye thog ston pas bka' stsal pa// snying po ka dag ltar med kyang // blo khyed theg pa'i lha sgom bshad// dngas dngas khye'u chung thugs la 'chongs// nyan thos pa'i lha sgom ni// yul rdul gang zag bdag med ltar// 'gog pa'i snyoms 'jug tshogs drug yul bkag bsgom// rang rgyal ba'i lha sgom ni// rten 'brel bcu gnyis rnam par rig byed lta// byang chub sems dpa'i lha sgom ni// bden pa gnyisu lha la stong par bsgom// gsang snga Ta phyir rgyud lta sgom ni// dag pa chos nyid kri ya'i lha drug bsgom// u pa ya yi lha bsgom ni// dpon g.yog tshul lta sum cu rtsa bdun bsgom// yo ga ba yi lha sgom ni/ skye 'gag gnyis med byang chub rnam
- 139b
/ lnga bsgom// skyed rdzogs rnam gsum lha sgom ni// nang stong gnyis med ting 'dzin rnam gsum sgom// a nu yo ga'i lha bsgom ni// dbyings dang ye shes ma skyed rdzogs tshul bsgom// a ti yo ga'i lha sgom ni// snang sring chos sku stong pa nyid du bsgom/ zhes gsung so// ri bo rtsegs pa'i rgyud las// theg pa'i lha sgom bstan pa'i le'u ste bcu drug pa'o// / de nas dang ngangs khye'u chung gis// ye thog ka dag sangs rgyas la// dgu las spyi ti gang gis sbags// ces zhus pa dang / ston pas 'khor la bka' stsal pa// dngos med ka dag srag dang ma sbag med// blo khyad dgu'i rtse'i spyi rje'i sbag tshul ni// ka dag blo 'das zhe 'dod rten med kyi// phyogs bral lta ba dgu las sngags// yid sems g.yo 'gul gang las bsam sgo med// dran sems gang la mi skye sgom pa'i rgyal po sngags// gong yang ma chags yid smon blo las 'das// tsas gsung so// ri bo brtsegs pa'i rgyud las/ dgu las spyi ti 'phags pa'i le'u ste bcu bdun pa'o// / de nas dang dngas khye'u chung gis// ye thog ka dag sangs rgyas la// dgu rtse rtog ma gol bsgrib yod dam med// ces zhus pas/ ston pas 'khor la bka' stsal pa// spyi rje blo 'das 'di rtog na// gol grib 'khrul pa gang yang med// stong gsal ka dag gsal stong // ye med gdod nas dngos gzhi med// gol grib 'khrul gsum ka nas dag/ ces gsung so// ston pas 'khor la yang gsungs pa// de ma rtog gi gang zag la// gol bsgrib 'khrul pa bsam mi khyab// theg pa de la bcu tshan bcu//
- 140a
@gol grib sum brgya drug cu yod// mdor bsdus rnam pa gsum du bsdus// gnas don martog bsgribs pa yis// ka dag ma rtogs 'khrul pa yin// 'og ma 'og ma'i lha sgom gyis// gong ma gong ma'i bsgrib pa yin// zhes gsung so// ri bo rtsegs pa'i rgyud las// gol sgribs 'khrul pa bstan pa'i le'u ste bco brgyad pa'o// / de nas dang ngangs khye'u chung gis// ye thog ka dag sangs rgyas la// shes med blo 'das gol grib la ni gang gi zla// zhes zhus pa dang / ston pas 'khor la bka' stsal pa// shes med blo 'das rtog pa yin// snying po ma bu ngo phrad 'khrul du med// dngos med 'od gsal mun sangs grib pa med/ 'gro sgo ma nor gol du med// gol sgrib 'khrul gsum la zla'o// zhes gsungaso// rig po rtsegs pa'i rgyud las/ gol sgrib 'khrul pa zla ba'i le'u ste bcu dgu pa'o// @de nas dad dngas khye'u chung gis// ye thog ka drag sangs rgyas la// lha sgom la zla ji ltar lags// zhes zhus pa/ ston pas 'khor la bka' stsal pa// lha sgom spyod 'bras la b+hU ni// yin rgyu ye med tshig med ltar med zhe 'dod med// lta ba'i rgyal po rten med 'chal pas lta ba'i la chen zla// ma ni rgyu ye med g.yo rtsol dran rtogs bsam mi dmigs med// g.yo 'gul rtog med sgom pa'i la chen zla// byar med gang yang ma chags spyod pa'i la chen zla// dngos med gdong grub ka dag blo 'das 'bras bu'i la chen zla/ lha sgom skyong 'bras la chen zla// rten med mi 'gyur rtog skyong blo las 'das// bzhir bsdus dbyer med gcig tu bla/
- 140b
gcig ni dngos med ka dag go// ces gsungaso// ri bo rtsegs pa'i rgyud las// lha sgom la zla ba'i le'u ste nyi shu pa'o// / de nas dang dngas khye'u chung gis// me thog ka dag sangs rgyas la// mtshan dang gtad rgyu ji ltar gzung zhes zhus pa dang // ston pas 'khor la bka' stsal pa// dus gsum de bzhin gshegs pas gcig tu bsdus// sangs rgyas kun gyi thugs dgongs gsang ba'i yang snying bcung // bcud 'dus ri 'o rtsegs pa'i sku gsum lhun grub brtsegs// de phyir sangs rgyas kun gyi dgongs pa 'dus pa ri bo brtsegs pa bzung // theg pa dgu las khyad par 'phags pa'i phyir// dgu rtse spyi ti yo ga bya bar bzung // lha sgom spyod 'bras kun gyi la zla'i phyir// la zla spyi rgyal kun gyi rgyud du bzung // ces gsungaso// ston pas yang gsungs pa/ rgyud 'di gtad pa'i snod ldan ni// ri bo blo la nyi zla'i sems// rang gi shes rab dar dkar rgyud// shel gong ngam tshig bu chud spyod// de ldan 'jig rten 'di na kun// bla ma btsug khur dam tshig bsrungs// shes rab che la gtong phod che// ngang ring dge sems man ngag 'chang // de lta bu la rgyud 'di gtad snod med rnams la ma gtad gcig/ ces gsung so// sangs rgyas kun gyi dgongs pa'i bcud 'dus ri bo rtsegs pa'i rgyud las// mtshan dang gtang rgya bstan pa'i le'u ste nye gcig pa'o// sangs rgyas kun gyi dgongs pa'i bcung 'dus ri bo chags pa'i rgyud rdzogs so// / slob dpon pad+ma dang skab dpal brtsegs kyis bsgyur ba'o// // mnga' bdag nyang gi gter ma'o