Gpb009.018MW1KG14783_0009_018All versions of this work

rin po che rgyas pa chen po'i rgyud

Ratnapuṣtamahātantra

Text

ff. 240b–291b · 103 folio sides

  1. 240b

    pa'o// // @#// rgya gar skad du/ rat+na puSh+pa ma hA tan+t+ra/ bod skad du/ rin po che rgyas pa chen po'i rgyud/ bcom ldan dpal kun tu bzang po la phyag 'tshal lo// 'di skad rnam par bshad pa'i dus nyid na/ rang byung lhun grub pho brang gdal ba ru// ye sangs rgyas pa'i ston pa kun bzang des// tha dad med pa'i ston pa rdo rje sems dpa' la// thams cad de bzhin nyid las byung ba ste// de las ma gtogs dngos po gang yang med// de bzhin nyid la phun sum tshogs lnga ste// byung ba'i sku yi phun sum tshogs lnga dang // 'byung ba'i sku yi phun sum tshogs lnga dang // byung nas gnas pa'i sku yi phun sum tshogs lnga'o// ye shes phun sum tshogs pa la yang rnam lnga ste// byung dang 'byung dang byung nas gnas pa'o// sems su byung ba'i phun sum tshogs pa rnams lnga ste// sems su byung dang 'byung dang byung nas gnas pa'o// yid du byung ba la yang phun sum tshogs pa rnam lnga ste// yid du byung dang 'byung dang byung nas gnas pa'o// zer du byung ba'i phun sum tshogs pa ni// sku yi zer du byung ba'i phun sum tshogs lnga dang // ye shes zer du 'byung ba'i phun sum tshogs lnga dang // sems nyid zer du gnas pa'i phun sum tshogs lnga dang // yid nyid zer du shar ba'i phun sum tshogs lnga'o// sku nyid sku ru byung ba'i phun sum tshogs lnga dang // sku nyid ye shes

  2. 241a

    'byung ba'i phun sum tshogs lnga dang // sku nyid sems su gnas pa'i phun sum tshogs lnga dang // sku nyid 'od du shar ba'i phun sum tshogs lnga'o// ye shes ye shes phun sum tshogs lnga dang // ye shes sku ru byung ba'i phun sum tshogs lnga dang // ye shes sems su gnas pa'i phun sum tshogs lnga dang // ye shes zer du shar ba'i phun sum tshogs lnga'o// sems nyid sku ru byung ba'i phun sum tshogs lnga dang // sems nyid ye shes 'byung ba'i phun sum tshogs lnga dang // sems nyid sems su gnas pa'i phun sum tshogs pa dang // sems nyid zer du shar ba'i phun sum tshogs pa'o// zer nyid sku ru byung ba'i phun sum tshogs lnga dang // zer nyid ye shes 'byung ba'i phun tshogs lnga dang // zer nyid sems su gnas pa'i phun sum tshogs pa dang // zer nyid zer du shar ba'i phun sum tshogs pa'o// dus dang gnas dang ston pa 'khor nyid dang // bstan pa kun dang dbyer med gang gnas pa// byung dang 'byung nas gnas pa kun la khyab// snying po nyid la de bzhin gang gnas pa// de las byung ba kun kyang de bzhin no// rin po che rgyas pa chen po'i mdo las/ gleng gzhi'i phun sum tshogs pa'i le'u ste dang po'o// // sdud pa'i gsang dbang rdo rje sems dpa' la// ston pa'i ston pa kun tu bzang po la// bcom ldan kun tu bzang po'i gnas lugs

  3. 241b

    dang // kun tu bzang po'i ngo bo dang // kun tu bzang po nyid kyi snang tshul dang // kun tu bzang po dpe yis mtshon byed dang // kun tu bzang po'i rigs rnams dbye ba dang // kun tu bzang po'i sku yi snang tshul dang // kun tu bzang po'i gsung gi snang tshul dang // kun tu bzang po'i thugs kyi snang tshul gang // ston pa'i ston pa kun tu bzang po des// sdud pa'i gsang dbang rdo rje sems dpa' la// kun tu bzang po nga yi gnas lugs ni// bcom ldan nga yi don che bas// thog ma tha ma med nas rang bzhin lhun gyis grub// dus gsum dbye ba med pas snying po'i ngang du gcig/ rang bzhin yongs la khyab pas thams cad kun tu bzang // dbyer med mnyam par gnas pas 'phel 'grib kun las 'das// kun tu bzang po nyid kyi ngo bo ni// dge dang mi dge dag las de nyid grub pa med// las dang smon lam dag gis rkyen ma byas// rang byung ngang zhi 'dus ma byas pa yis// zag med phung po rang byung ye shes lnga// yod pa ma yin de ni med pa min// snang ba ma yin de ni stong ma yin// nga nyid gang du ma grub pas// sna tshogs thams cad de nyid nga yi dang // kun 'byung yon tan rin chen sku// dbu ma gnyis su yod ma yin// yod de ye shes chen po'i sku// med de nam mkha' dag pa'i ngang // dngos dang dngos po ma yin pas// rang bzhin sgyu ma lta bu'i

  4. 242a

    sgra// bltas na snang ste brtags na stong // sgyu mas sgyu ma'i don yang byed// ma g.yos rang snang de kho na// stong pa snying po'i don nyid mtshon// sgyu ma dngos su ma grub pas// med pas 'gag pa dngos ma yin// mi rtog ye shes chen po des// zag med sgyu ma'i sku la brten// yon tan ma 'gags mtshan dper snang // chags pa med cing thogs pa med// ye shes mtha' gting med par gsal// mtha' dbus med pa kun gyi dbyings// rang bzhin med pa thams cad chub// rtogs pa'i sgra bsam yul las 'das// sangs rgyas sku ste rang byung mchog/ kun tu bzang po nyid kyi snang tshul ni// gang zhig nga la gzugs su mthong // gang dag nga sgrar 'dzin par na// dngos po rdzas su 'dod pa rnams// log par rtog pa'i spyod yul te// dam pa'i don la de nyid med// mthong ngo zhes ni 'khrul pa'i sku// dran no zhes ni rtog pa'i thugs// sgyu ma'i sku ni med pas stong // snying po'i sku ni cir yang 'char// bsam du med pas rtogs pa dka'// btsal du med de ye nas gnas// spang thob med pa'i 'bras bu nyid// tshe'o rang byung gdod nas che// sangs rgyas ma yin sems can min// 'bras bu ma yin lam ma yin// ngo bo nyid de rang byung sku// kun tu bzang po'i mtshon bya ni// ming tshig yul las 'das pas mtshon du med pas na// brda' tsam

  5. 242b

    dag gis phyogs gcig mtshon pas na// 'dus ma byas pa'i nam mkha' chen po de// thogs par byed pa'i reg bya kun dang bral// nam mkha' de la gnas kyang thams cad gnas// nam mkha' de las byung yang thams cad byung // rang byung rang zhi nam mkha' de 'dra la// lhun grub kun bzang dang mtshungs zhes bya'o// kun tu bzang po'i rigs rnams dbye ba ni// ris med kun la de bzhin khyab pa'o// ye shes kun tu bzang po ni// rang rig rang gsal gad la khyab dbyer med kun tu bzang po ni// lhun grub snying po de nyid do// sems nyid kun tu bzang po ni// gsal la rtog pa med pa'o// yid kyi kun tu bzang po ni// thams cad bya ba byed pa'o// kun tu bzang po'i sku yi rang bzhin ni// gyur ba med pa snying po nges pa'i klong // gos pa med pa bde ba chen po'i ngang // yongs la khyab pa 'du 'bral med pa nyid// 'phel 'grib med pa thams cad 'byung ba'i gzhi// kun la yod kyang de nyid gzugs ma yin// ris med 'dus ma byas pas mtshon du med pa ste// zhi 'gag med pas thams cad 'byung ba ste// gos pa med pas rang bzhin dag pa'i sku// de bzhin thogs pa med pas gang ltar brtags par snang // dngos po sgyu mar med pas thams cad kun bzang nyid// gong ltar mthong brtags de nyid dag pa la// de las gzhan zhig snang ba yod ma

  6. 243a

    yin// skye med rnam dag chos kyi dbyings nyid las// skye ba'i cho 'phrul sna tshogs cir yang snang // thugs rje thabs mkhas rol pa cir yang 'char// stong dang skye bar snang ba dbyer med pas// mtha' rnams kun las 'das pas 'di zhes brjod du med// ye nas nga ni dag pa'i sku// kun tu bzang zhes bya ba ni// thams cad kun gyi sku yin pas// ye nas nga ni rgyal ba'i sku// ye nas nga ni byang sems sku// ye nas nga ni 'phags pa'i sku// ye nas nga ni dgra bcom sku// kun tu bzang po mnyam pa'i ngang // mi 'gyur bde ba g.yung drung sku// thig le nyag gcig spros med sku// thabs mkhas cir yang 'char ba'i sku// sna tshogs rang snang chen po yis// ye 'byams chen po'i bdag nyid de// rang byung 'char ba'i sku nyid las// sku las sku 'byung sku snang ba'o// kun tu bzang po'i gsung gi snang tshul ni// log rtogs nyon mongs spangs pa yis// gsung mchog 'di ni grub pa med// nges pa'i don gyi snying po las// rang byung rang zhi rang sgra yis// ye shes rang byung rang sgra yin// ye shes 'gag med snying po'i gsung // ma btsal ma bsgrubs rang byung sgra// bde stong rig stong gsal stong sgra// kun khyab gos pa med pa'i sgra// gsung gcig sgra yis thams cad go/ rtog med sgra chen 'byams pa'i gsung // dus gsum rgyun mi 'chad par

  7. 243b

    'byung // dbyings kyi gsung las ma 'das kyang // nyon mongs brgyad khri bzhi stong la// 'dul ba'i gnyen po brgyad khri dang // bzhi stong de dag 'byung ba yin// gang la gang 'dul de la der ston pa// brjod du med pa brjod pa chen po'i mchog/ ming tshig yi ge kun las 'das// sgra las rgyal ba'i gsung mchog ste// ngag tu brjod pa gsung ma yin// tshig tu snang ba dngos ma yin// brjod ces gsungs pa don ma yin// 'khor rnams so so'i snang ba las// brjod pa'i rgyu dang brjod pa'i yul// tha dad nga yis ma brjod kyang // rgyal ba'i sras po cang mi gsung // ma gsungs pas ni rgya cher bshad// smras pa'i don rnams yod ma mthong // rang byung rang zhi'i gsung nyid do// snying po spros bral gsung nyid kyis// thams cad de bzhin nyid du gsal// gad la khyab rig pa'i gsung nyid kyis// rig pa brjod du med pa'i gsung // gsal la rtog med gsung nyid kyis// dbyer med byang chub sems su gsal// mtshon bya brda' don gsung nyid kyis// sgra ming la brten don du gsal// gsung las gsung byung gsung snang ba'o// kun tu bzang po thugs kyi snang tshul ni// rang byung gdod nas dag pa yi// ye shes ye shes las byung bas// dus gsum 'bral ba med pa'i ngang // mi skye mi 'bral nam mkha'i thugs// thugs rje ma g.yos

  8. 244a

    'gro ba'i dpal// ye shes dbyings las ma g.yos par// so so'i ting 'dzin sna tshogs gsal// rtogs te blta ru yod pa min// snang ste bsgom du yod pa min// shes nas spyad du yod pa min// rang las byung zhing rang las zhi// 'bras bu rang byung rang zhi'o// kun bzang thugs kyi rang bzhin no// sangs rgyas thams cad nga las byung // ye shes thams cad nga las bskyed// nga med nga yi sngon rol nas// nga yang nga med pa nyid nga'o// nga ni me long bzhin snang bas// sgeg mos bltas na mthong ba'o// thugs las thugs byung thugs snang ba'o// rin po che rgyas pa chen po'i rgyud las// kun tu bzang po'i rang bzhin bstan pa'i le'u ste gnyis pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// kun tu bzang mo'i gnas lugs dang // kun tu bzang mo'i ngo bo dang // kun tu bzang mo'i snang tshul dang // kun tu bzang mo dpe yis mtshon byed dang // kun tu bzang mo'i rigs rnams dang // kun tu bzang mo'i sku yi snang lugs dang // kun tu bzang mo'i thugs kyi snang lugs dang // kun tu bzang mo'i thugs kyi snang tshul dang // de rnams gcig las tha dad snang ba ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// skye med kun tu

  9. 244b

    bzang mo'i gnas lugs ni// gzhi la skye ba med pa kun tu bzang mo ni// skye ba med par ldan pa'i chos bdun te// rang bzhin skye ba med par gnas pas ngo bo skye med 'byung // rang bzhin 'byung ba med pas snying po cir yang 'char// rang bzhin 'gag pa med pas sna tshogs cir yang gsal// thog mtha' med par rang bzhin lhun gyis grub// gzhi nyid dag pas ngo bo dag pa byung // rtsal nyid dag pas skye med yongs su dag/ ye nas stong pas snying po gsal stong 'byung / kun ni khyab pa yin pa ste/ skye med stong pas kun la khyab/ 'khor ba'i dus na stong pa la/ myang 'das dus na stong pa nyid/ tu ni 'gag pa med pa yin/ ngo bo 'gag pa med pa yis/ thams cad 'byung ba'i gzhi yang byas/ bzang ni gos pa med cing 'phel 'grib med// thog ma tha ma med par bzang // mo ni skyed par byed pas te// dbyings las ye shes skyed par byed// skye med kun tu bzang mo'i ngo bo ni// lhun grub skye ba med pa de nyid las// chos kyi sku nyid skye ba med pa byung // chos sku skye med rigs med de nyid las// rang byung ye shes rig pa mi rtog byung // ye shes rig gsal stong pa chen po las// sems kyi sems nyid stong pa chen po byung // rang byung ma bcos ngo bo nyid kyi sku// kun las 'gro bas kun tu bzang mo nyid// skye med kun tu bzang mo'i snang tshul ni// skye med

  10. 245a

    dbyings su shar ba yis// gang ltar 'dod pa bzhin du snang // sangs rgyas rnams ni ye shes skye// byang sems rnams ni sgra lus spang // 'phags pa rnams ni ting 'dzin skye// rang rgyal rnams ni 'gro don mdzad// nyan thos rnams kyang thar lam spang // sangs rgyas rnams kyi sku ru gnas// lam la gnas dang lam yang thob// zhi dang khro la sogs pa yis// dkyil 'khor ma lus sna tshogs 'chang // chos sku longs sku sprul pa'i sku// gang ltar bzhin du 'char ba'o// skye med kun tu bzang mo'i mtshon dpe ni// skye med mtshon pa'i dpe las 'das pa ste// brda' tsam dag gis mtshon par bya ba ni// nam mkha' kun las grol ba chos nyid nam mkha' ni// kun yang 'char du rung ste kun gyis gos pa med// thams cad thams cad 'char ba'i dpal// nam mkha' chen po'i tshul du gnas pa'o// skye med kun tu bzang mo'i rigs rnams ni// skye med de la bde gshegs gzugs brnyan shar// bde gshegs rgyal ba du ma so sor snang // snang ba'i dus na rang bzhin skye ba med// rang byung ye shes rig gsal skye med du// chos kyi dbyings kyi rang bzhin so sor gsal// gsal tsam nyid na ye shes skye ba med// sems nyid stong pa rang gsal skye med du// 'gro drug rnams kyi bag chags so sor gsal// gsal tsam nyid na sems nyid skye ba med// skye

  11. 245b

    med 'gag med ye nas rang byung dag/ skye med kun tu bzang mo sku yi snang tshul ni// rang byung 'dus ma byas pa yis// rgyu 'bras gnyen po yod ma yin// ngo bo dbyings 'gag med pa yis// sku dang ye shes sna tshogs snang // rtsal nyid du mar shar ba yis// rigs rnams sbrul sku so sor snang // ngo bo gos pa med pa yis// gang ltar byas kyang gos pa med// sku yi rang bzhin de dag las// gang ltar brtags pa nyid du shar// dus mtha' med par ye nas gnas// 'pho 'gyur med par lhun gyis grub// dkyil 'khor sna tshogs 'char ba'o// skye med kun tu bzang mo'i gsung gi rang bzhin ni// khyab pa'i gsung ni nam mkha' lta bu ste// ma bcos rang byung nam mkha' lta bu nyid// yongs la khyab pas nam mkha' lta bu'i gsung // gos pa med pas nam mkha' lta bu'i gsung // bcos su med pa nam mkha' lta bu yis// 'gag pa med pas nam mkha' lta bu'i gsung // dbyings las sgra byung skye ba med pa'i gsung // gsung mchog 'di ni skye ba med pa'i gsung // bdag med stong pa bde ba seng ge'i sgra// kun gyi rang bzhin byed pa med pa'o// skye med kun tu bzang mo thugs kyi rang bzhin ni// dbyings kyi snying po kun mkhyen pas// rtog med mnyam nyid bde chen thugs// 'du 'bral med pa'i rang bzhin klong // rab byung ma bcos snying po'i thugs// mtha'

  12. 246a

    med nam mkha' snying po'i klong // spang thob med pa'i 'bras bu 'di// ye shes dkyil 'khor thig le'i thugs// sna tshogs thams cad thugs las byung // kun gyi rang bzhin byed pa'o// rin po che rgyas pa chen po'i rgyud las/ kun tu bzang mo'i rang bzhin bstan pa'i le'u ste gsum pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// sras mchog sdud pa'i gnas lugs dang // ngo bo chos rnams du dang ldan pa dang // snang tshul ji ltar snang ba dang // dbyer med ji ltar gnas pa dang // sku gsung thugs dang gang ldan lags// ston pa'i ston pa kun tu bzang po des// sdud pa'i gsang dbang rdo rje sems dpa' la// byung ba'i gnas lugs 'byung ba'i gnas lugs dang // byung nas gnas pa'i gnas lugs rnam gsum ste// gzhi yi rdo rje sems dpa'i gnas lugs de// byung ba gzhi yi sku yi gnas lugs ni// thog ma med pa'i dus nyid nas// sangs rgyas sems can ming med de// gzhi nyid gang du ma gyur pas// gang du yang ni ma bcos pa'o// gang du yang ni ma bcos pas// chos rnams thams cad bsdus pa'o// 'byung ba'i sku yi gnas lugs ni// mi 'gyur ba yi rdo rje ste// nam mkha' chen po de nyid yin// phyi nang dbyer med gnas pas sems// gang gis gos par ma gyur

  13. 246b

    pa// de ni dpa' bo chen po yin// ngo bo mi 'gyur gnas pa yis// de las byung bar 'gyur ba med par gnas// byung nas gnas pa sku yi gnas lugs ni// sems kyi rang bzhin gang du mi 'gyur bas// byung dang 'byung ba'i chos rnams thams cad bsdus nas gnas// ngo bo chos rnams gsum dang ldan pa ste// kun tu bzang po rigs med ngo bo dang yang ldan// kun tu bzang mo skye med ye shes dang yang ldan// dbyer med gnas pa sdud pa po nyid de// byung ba'i sdud pa pos ni kun tu bzang po'i chos rnams 'gag med bsdus// 'byung ba'i sdud pa pos ni kun tu bzang mo'i chos rnams bsdus// byung nas gnas pa'i sdud pa pos ni rang bzhin gcig par dbyer med sdud pa'o// rdo rje sems pa dpa' bo'i snang tshul ni// gzhi nyid cir yang nges pa med pa yis// phyi nyid dag pas nam mkha' lta bur snang // nang nyid dag pas ye shes lta bur snang / dbyer med dag pas phyi nang gcig par snang // phyogs lhung med pas gang ltar 'dod par snang // thams cad nga yi snang ba yin// phyi nang gsang ba nga yis bsdus// nga las ma byung snang ba ni// rdul tsam dag ni yod pa min// gang ltar snang yang rdo rje sems dpa'o// dbyer med ji ltar gnas dpe ni// kun tu bzang po sna tshogs snang ba dang // kun tu bzang mo skye 'gag med pa de// dbyer med sdud pa po yis/

  14. 247a

    bsdus pa ste// dper na shel dang shel gyi 'od bzhin du// rang bzhin tha dad ma yin ngo bo gcig par gnas// kun tu bzang po dar gyi kha dog bzhin// kun tu bzang mo dar gyi seng pa bzhin// sdud pa po ni dar gyi spyi bzhin gnas// zhi 'gag med pa kun tu bzang po ste// de kun ngo bo skye ba med pa kun tu bzang mo nyid// skye 'gag ngo bo gcig pa rdo rje sems dpa' ste// spu gri'i so dang rgyu dang kha dog bzhin// kun tu bzang mo rgyu yi rang bzhin byung ba la// kun tu bzang po kha dog rang bzhin gsal ba nyid// rdo rje sems dpa' so yi rang bzhin gcod pa ste// nyi ma'i snying po zer dang 'od du gnas// 'od dang zer ni snying pos bsdus pa ste// rdo rje sems dpa' nyid kyang de bzhin gnas// kun tu bzang mo chos sku nyid yin la// kun tu bzang mo longs sku yin pa ste// rdo rje sems dpa' sprul pa'i sku lta bu// dper na me long spyi dang gsal dngas gzugs brnyan bzhin// dbyer med sdud pa rdo rje sems dpa' nyid// snang tshad thams cad rdo rje sems dpa'i sku// sgra rnams thams cad rdo rje sems dpa'i gsung // dran rtog thams cad rdo rje sems dpa'i thugs// yang dag rdzogs pa'i sangs rgyas thams cad ni// rdo rje sems dpa' nyid las byung ba ste// rdo rje sems dpa' che zhes rtogs pas na// rdzogs pa'i

  15. 247b

    'bras bu 'di las byung // 'di las ma rtogs sangs rgyas med pa'o// rin po che rgyas pa chen po'i rgyud las/ rdo rje sems dpa'i gnas lugs bstan pa'i le'u ste bzhi pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// 'khrul pa'i lus ngag dag gi ngo bo la// kun tu bzang mo gang la gnas pa yin// kun tu bzang po gang la gnas pa yin// rdo rje sems dpa' gang la gnas pa yin// lus gang de la rdzogs ma rdzogs pa lags// ma rdzogs rdzogs pa chen po ji ltar lags// de la rdzogs na rdzogs lugs ji ltar lags// ston pa'i ston pa kun tu bzang po des// sdud pa'i gsang dbang rdo rje sems dpa' la// lus ngag dag la kun bzang yab yum dang // rdo rje sems dpa' dngos su rdzogs pa ste// gsal ba'i rnam par shes pa kun tu bzang mo ste// de yi yul du snang ba kun tu bzang po nyid// phyi nang gnyis su bsdus nas 'dzin pa rdo rje sems// mig gi rnam par shes pa kun tu bzang mo la// de yi yul du snang ba kun tu bzang po nyid// mig gi dbang po rdo rje sems dpa'o// rna ba'i rnam shes kun tu bzang mo la// de yi yul sgra kun tu bzang po nyid// rna ba'i dbang po rdo rje sems dpa'o// sna yi rnam shes kun tu bzang mo la// de yi yul dri kun tu bzang po'o// sna yi dbang po rdo rje sems

  16. 248a

    dpa'o// lce yi rnam shes kun tu bzang mo la// de yi yul ro kun tu bzang po nyid// lce yi dbang po rdo rje sems dpa'o// lus kyi rnam shes kun tu bzang mo la// yul de'i reg bya kun tu bzang po nyid// lus kyi dbang po rdo rje sems dpa'o// yid kyi rnam shes kun tu bzang mo la// de yi yul chos kun tu bzang po nyid// yid kyi dbang po rdo rje sems dpa'o// phyi yi yul rnams snang la rang bzhin med// nang gi shes pa gsal la rtog pa med// dbang po lhug pa rig la 'dzin pa med// phyi nang bcos su med pa rdzogs pa chen po'i don// de ltar lhun gyis grub pas bsgom med bsgom pa'i don// byar med byas pa med pa byung ba'i spyod pa yin// lus ngag 'khrul par gnas pa de nyid la// sku gsung rang bzhin lhun gyis grub par rdzogs// lus ngag rig la rnam shes gsum dang ldan// sku nyid gsal ba'i rnam par shes pa dang // ye shes gsal ba'i rnam par shes pa dang // sems nyid gsal ba'i rnam par shes pa'o// dbang po rnam pa gsum dang ldan pa ste// rten med gsal ba nyid kyi dbang po dang // thogs med stobs dang ldan pa'i dbang po dang // bag chags lus dang ldan pa'i dbang po'o// yul ni rnam pa gsum dang ldan pa ste// dmigs pa kun dang bral ba'i yul nyid dang // dmigs kyang 'dzin pa med pa'i lus nyid

  17. 248b

    dang // snang ba so sor snang ba'i yul nyid do// byung dang 'byung dang byung nas gnas pa'o// rin po che rgyas pa chen po'i rgyud las/ 'khrul pa'i lus la sku gsum rdzogs pa'i le'u ste lnga pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// yi ge med las yi ger byung ba gang // brgyud pa med las brgyud par byung ba gang // rtog pa med las rtog pa byung ba gang // snang ba med las snang bar byung ba gang // ston pa'i ston pa kun tu bzang po des// sdud pa'i gsang dbang rdo rje sems dpa' la// thog ma med pa'i dus nyid nas// sangs rgyas sems can ming med pas// gang du ma grub nam mkha'i tshul du gnas// snang tshul gang yang mi dmigs pas// yi ge dag ni yod min pas// mtshon bya mtshon byed kun las 'das pa na// ming dang brda' don 'brel pa yod ma yin// yi ge med las yi ge byung ba ni// skye med kun tu bzang mo grub pa yis// de yi mtshon byed byung bas yi ge a// a de'i ngo bo gsum dang ldan pa la// a de skye ba med pa kun tu bzang mo yin// a de a ru 'byung ba kun tu bzang po yis// a de sdud par byed pa rdo rje sems dpa' yin// a las ming byung ming las tshig byung nas// ming don mtshon par byed pa'i yi ge byung // rgyu yi yi ge byung ba'i yi ge yin// 'byung ba'i yi ge ming du byung

  18. 249a

    ba yin// byung nas gnas pa'i yi ge yul du 'god pa yin// brgyud pa med par brgyud par byung ba ni// rang bzhin rnam dag ye sangs rgyas pa las// rgyu dang lam dang 'bras bur yod ma yin// bsgrub bya kun dang bral ba gzhi yi rang bzhin las// ngo bo nyid kyi sku las gzhi yi rtsal gsum byung // skye med mtshon pa kun tu bzang mo dang // skye ba mtshon pa kun tu bzang po dang // gnyis med mtshon pa rdo rje sems dpa' dang // de las brgyud pa rnam gsum byung ba ni// thugs kyis thugs la brgyud pa yis// chos kyi sku yi snang ba shar bar byung // sku yis sku la brgyud pa yis// longs spyod rdzogs pa sku yi snang ba shar bar byung ba'o// gsung gis gsung la brgyud pa yis// sprul pa'i sku yi snang ba shar bar byung ba'o// rtog pa med las rtog pa byung ba ni// gzhi yi sku la rtog dang brtag yul med// de las byung ba dag la rtog yul gnyis su snang // nang lha'i rig par shar bas sku dang ye shes rtog/ phyi lha'i rig pa shar bas bag chags khams gsum rtog/ snang ba med las snang bar byung ba ni// snying po nyid las phyi dang nang med kyang // de las byung bas phyi dang nang du snang // phyi yi snang ba kun tu bzang po la// nang gi ngo bo kun tu bzang mo yin// dbyer med snang ba rdo rje sems dpa' yin// nang gi rig pa de ltar shar ba yis// phyi

  19. 249b

    yi snang ba kun yang de bzhin 'char// phyi yi snang ba ji ltar shar ba bzhin// nang gi rig pa dag kyang de bzhin 'char// des na phyi dang nang du snang ba dbyer med do// gzhi nyid dag las thams cad rdzogs pas na// gzhi rtogs pa ni thams cad rtogs pa'o// rin po che rgyas pa chen po'i rgyud las/ gzhi las byung ba'i le'u ste drug pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// sku dang ye shes dag gi ngo bo dang // sku dang ye shes dag gi tshad nyid dang // sku dang ye shes dag gi khyab tshul dang // sku dang ye shes dag gi snang lugs dang // sku dang ye shes dag gi dbye ba gang // ston pa'i ston pa kun tu bzang po des// sdud pa'i gsang dbang rdo rje sems dpa' la// sku dang ye shes dag gi ngo bo ni// gang du ma grub cir yang snang ba de// 'dzin med chags pa med pa sku yi ngo bo yin// de la gsal rtog med na ye shes ngo bo yin// phyogs bcu dus gsum dag na bzhugs pa yi// 'khor dang mya ngan 'das pa thams cad kun// so so'i gnas dang so so'i rigs rnams kun// snang ba'i yul rnams so/ sor snang mod kyang // chos kyi sku las thams cad ma 'das te// tshogs brgyad yul du de nyid ma gyur pas// stong pa ye shes sku yi snying po can// rtogs pa'i sgra bsam yul las 'das pa de// de ni chos kyi sku yi/

  20. 250a

    ngo bo yin pa'o// de rtogs dri ma med pa ye shes snying po yin// sku dang ye shes dag gi tshad nyid ni// ji bzhin gnas pa ma bcos pas// rtsol bsgrub kun dang bral ba sku yi tshad// rang byung ye shes rig pa ma g.yos pa// snang la rang bzhin med pa ye shes tshad// sku dang ye shes dag gi khyab tshul ni// stong gsum stong gi mi mjed 'jig rten khams// rgyal ba'i zhing khams du ma thams cad dang // khams gsum rigs drug bag chags so so las// sems can rgyud kyis bsdus pa thams cad kun// sku dang ye shes dag las byung bas na// de las ma gtogs dngos po gang yang med// des na sku dang ye shes dag gis kun la khyab// 'dus ma byas kyi nam mkha' chen po de// kun la khyab cing kun la gnas pas na// sku dang ye shes dag kyang de bzhin mtshungs// sku dang ye shes dag gi snang tshul ni// sku ni rig med ngo bo spros dang bral// de las byung ba sku yi snang tshul ni// zhi 'gag med pa snying po stong par snang // 'byung ba sku yi snang tshul ni// yod dang med pa'i mtha' rnams mi dmigs te// rig med stong pa'i tshul du snang ba yin// byung nas gnas pa sku yi snang tshul ni// thams cad byang chub sems las byung ba'i snang ba ste// de las ma gtogs dngos po gang yang med// dngos po 'khor bar snang ba dang // mtshan ma theg pa'i khyad

  21. 250b

    par rnams// yan lag rtogs pa'i sems nyid de// sems nyid rtogs pas sangs mi rgya// sems kyi snang ba yan lag snang ba yin// yan lag phung po dngos po 'khor ba ste// rnam shes mtha' yas skye mched nyid bzhin no// sems las sems byung sems kyis snang ba shar// sku dang ye shes dag gi dbye ba ni// sku yi shar lugs bsam gyis mi khyab kyang // snang lugs rnam gsum du ni snang ba yin// ngo bo nyid kyi sku yi gnas lugs ni// rtogs te sangs rgyas dgongs pa mi 'char zhing // ma rtogs sems can bag chags mi snang ba// gang du ma g.yos gdal ba chen po de// mnyam pa nyid kyi sku zhes bya ba yin// dper na nam mkha' dag pa'i tshul du gnas pa yin// de las byung ba sangs rgyas chos kyi sku yi gnas lugs ni// snying po de las thams cad byung bas na// de las byung dang 'byung nas gnas pa kun// de las ma 'das dbyer med rtogs pas na// thams cad sangs rgyas chos kyi sku nyid do// dper na nam mkha' nas byung nam mkha'i cho 'phrul yang // nam mkha' nyid las yongs su ma 'das so// yan lag chos kyi sku yi rang bzhin ni// stong pa'i rtsal nyid stong par snang ba las// byang chub sems gcig stong pa lta bur snang // snying po'i ye shes rig pa ma g.yos pas// rang byung ye shes rig pa dbyer med do// yan lag ye shes skad cig stong

  22. 251a

    par rtogs// sku dang ye shes chen po 'di nyid las// rgyu dang 'bras bu dag ni yod ma yin// rgyu yi dus na 'bras bu mngon du gnas// 'bras bu kho na rgyu nyid kho na'o// lam rnams sbyang med pa rnams bgrod med pas// sku dang ye shes dag pa chen po yin// 'du 'bral med pa'i zhing khams yongs su dag/ gnyis med rdo rje 'chang gi sku nyid do// rin po che rgyas pa chen po'i rgyud las/ sku dang ye shes kyi le'u ste bdun pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// theg pa chen po'i tshad dang ni// theg pa chen po'i rgyu mtshan dang // theg pa chen por gzhag pa'i dpe nyid gang // ston pa'i ston pa kun tu bzang po des// sdud pa'i gsang dbang rdo rje sems dpa' la// rgyud kyi rgyal po chen po 'di// dbyings dang ye shes 'bral ba ste// dus gsum sangs rgyas thams cad kyi// dgongs pa gcig tu 'brel ba'i don// sku dang gsung dang thugs kyi rgyud// 'byung gnas gtan la nges par 'bebs// thabs mang ba yi rgyud yin pas// theg pa sna tshogs 'dul ba'i rgyud// thabs che ba yi rgyud yin pas// ma nges ye shes rang la 'char// don che ba yi rgyud yin pas// gang ltar byas kyang 'bras bu 'byung // thabs sla ba yi rgyud yin pas// sku dang ye shes rang la gnas// thabs myur ba yi rgyud

  23. 251b

    yin pas// skad cig gcig gis rdzogs sangs rgyas// theg pa chen po'i rgyu mtshan ni// gcig dang gnyis su phye ba med pas na// theg pa chen po zhes su bya ba yin// dbyings las ye shes shar pas sna tshogs rgyan du shar// ye shes dbyings su shar bas stong pa chen po'i don// theg pa kun gyi snying po rang nyid gnas// gcig las thams cad byung bas theg pa'i 'bras bu yin// gcig rtogs kun nyid rtogs pas theg pa chen po yin// theg pa'i rang bzhin shes rab snying rje ste// spang thob med pa'i theg pa nye bar gzung // theg pa chen por bzhag pa'i dpe nyid ni// phyogs lhung med pa nam mkha' lta bu ste// kun las gsal ba nyi ma lta bu dang // gos pa med pa pad+ma lta bu dang // yon tan kun 'byung yid bzhin nor bu ltar// theg pa chen po nyid kyang de dang mtshungs// theg pa rnams ni du ma ste// blo yi tshad du gyur pa de bzhin bas// gcig las ma gsungs sna tshogs snang mod kyang // dngos gcig yid ni tha dad phyir// de yis don rnams 'grub par byed// ji ltar 'gro ba'i mthong stangs kyis// rgyal ba nyid kyang sdug bsngal rgyu// dmyal ba yi dwags dud 'gro bzhin// theg pa'i don yang de bzhin no// nyon mongs grangs las 'das pas na// theg pa rnams kyang grangs las 'das// gang la brten nas don 'thob pas// de la theg pa

  24. 252a

    zhes bya'o// 'od med rang bzhin lhun grub pas// theg pa chen po zhes bya'o// rin po che rgyas pa chen po'i rgyud las/ theg pa chen po'i rang bzhin gyis le'u ste brgyad pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// chos kyi sku yi zhing khams snang tshul dang // longs spyod rdzogs pa'i sku yi zhing khams snang tshul dang // sbrul sku'i zhing khams snang tshul gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos kyi sku yi zhing khams snang tshul ni// phyi dag kun tu bzang po'i dgongs pa dang // nang dag kun tu bzang mo'i dgongs pa dang // dbyer med dag pa rdo rje sems dpa' yang // dag pa chos kyi sku yi zhing khams yin// ma dag chos kyi sku yi zhing khams ni// 'byung ba sa la brten pa'i snod dang bcud nyid dang // 'byung ba chu la brten pa'i snod dang bcud nyid dang // 'byung ba me la brten pa'i snod dang bcud nyid dang // 'byung ba rlung la brten pa'i snod dang bcud nyid dang // 'byung ba'i rtsal la brten pa'i snod dang bcud nyid dang // 'byung ba'i mdangs la brten pa'i snod dang bcud nyid dang // 'byung ba mkha' la brten pa'i snod dang bcud nyid ni// 'byung dbyer yang med chos kyi sku yi zhing khams yin// sangs rgyas chos kyi sku yi snang

  25. 252b

    tshul ni// bsam gyis mi khyab brjod kyis mi lang yang // dper na me long g.ya' med rang bzhin dag pa der// gang gis bltas pas gzugs brnyan de bzhin 'char// brda' tsam mtshon na snang lugs gsum yin te// snang la rang bzhin med pa chos sku'i snang ba yin// gsal la rtog pa med pa ye shes snang ba yin// sna tshogs bag chags snang ba sems can snang ba yin// sku la ma gtogs snang ba gang yang med// phyi nang nang du snang ba chos kyi dbyings// longs spyod rdzogs pa'i sku yi zhing khams ni// mdo tsam dag gis mtshon par bya ba ni// rang byung longs spyod rdzogs pa'i sku nyid dang // yan lag longs spyod rdzogs pa'i sku dang ni// 'khrul snang longs spyod rdzogs pa'i sku nyid do// rang bzhin longs spyod rdzogs pa'i sku de ni// gzhi las ma btsal rang byung lhun grub pa// yon tan thams cad rdzogs par snang ba'o// sku yi byin rlabs ye shes lnga ru shar// ye shes lnga las bde gshegs rigs lngar shar// yan lag longs spyod rdzogs pa'i sku de ni// sems nyid cir yang snang bas na// rnam par snang mdzad lhun gyis grub// sems la 'gyur ba med pas na// rdo rje sems dpar lhan gyi grub// sems las thams cad byung bas na// rin chen 'byung ldan lhan gyis grub// sems la thams cad snang bas na// snang ba mtha' yas lhun gyis grub// sems

  26. 253a

    kyis bya ba kun byed pas// don yod grub par lhun gyis grub// zag pa med pa'i phung po lnga la brten// ye shes lus can de bzhin gshegs pa'i sku// zhing khams yongs su dbang ba chen po de// ma chags pad+ma can gyi sa la dbang // de rdzogs yi ge tshogs chen 'khor lo'i sa// zhing khams yongs su dag pa chen por snang // ye shes dbang thob nang rtags yon tan du ma phyi ru snang // zhing khams de na spyod pa'i bde gshegs la// snang ba rang gis don byas lhun gyis grub// 'khrul snang longs spyod rdzogs pa'i sku de ni/ sems can las dang bag chags dag la yang // mtshan dang dpe byad lta bu'i snang ba shar// rigs gsum lta bu'i rigs kyi don nyid byed// bsam gyis mi khyab bsam las 'das pa ni// dag pa chen po'i zhing khams chen po yin// rang bzhin dag pa'i zhing khams chen po ni// ye shes lnga ru snang ba'i zhing khams yin// rigs nyid dag pa'i zhing khams bde ba ni// sa dang lam la spyod pa'i zhing khams yin// sprul pa'i sgra yi zhing khams snang tshul ni// rang bzhin sprul pa'i sku de ni// thams cad sprul pa'i sku yin pas// de la brten nas don byed thams cad nus// 'dren pa sprul pa'i sku de ni// gang ltar 'dod pa de la der snang ba'o// gdul bya sprul pa'i sku nyid ni// zhi dang khro bo'i tshul du snang ba'o// ngo bo med las ngo/

  27. 253b

    bopor snang ba ni// de ni sprul pa'i sku zhes bya ba yin// mthong stangs dbang gis tha dad snang ba las// de ma rtogs pa'i snang ba yod pa min// gdul bya thams cad sprul pa'i sku yi zhing khams yin// rin po che rgyas pa chen po'i rgyud las/ sku gsum zhing khams kyi le'u ste dgu pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// lus ngag dag gi 'khrul pa las// lus gsum rim pas byung ba dang // shes rab rnam pa gsum dag dang // sku ni rnam pa gsum dag las// 'bras bu rnam gsum 'byung ba gang // ston pa'i ston pa kun tu bzang po des// sdud pa'i gsang dbang rdo rje sems dpa' la// zag dang bcas pa'i bag chags dag gi lus// chu bur spyan ldan snang ba kha dog gzugs// thos byung shes rab ming tshig sgra ldan brten// sems kyi ye shes snang yang rtog pa med// snang ba gzung 'dzin med pa'i sku nyid de// 'bras bu byang chub sems dpa' nyid 'thob po// zag pa med pa'i lus nyid la// lha yi spyan dang ldan pa 'byung // bsam pa las byung shes rab skye// rang byung ye shes chen po des// chos nyid nam mkha' lta bur rtogs// 'bras bu bde bar gshegs pa 'thob// ma btsal rang byung ye shes lus// rdo rje lta bu'i lus nyid la// ye shes spyan dang ldan pa 'byung // bsgom pa las byung shes

  28. 254a

    rab kyis// snying po rang byung ye shes shar// sangs rgyas chos sku dri med 'thob// 'bras bu sku gsum lhun gyis grub// zag dang bcas pa'i lus nyid ni// gzugs dang tshor ba 'du shes dang // 'du byed rnam par shes pa rnams// gcig tu 'dus pa gzugs su snang // de nyid dag la brten nas ni// chu bur spyan dang ldan pa 'byung // gsal bar dpag tshad rgyang grags mthong // dbang po rnam lnga de bzhin no// rkyen gzhan dag la brten nas ni// thos pa las byung shes rab kyis// mi rtog pa yi ye shes skye// sems nyid stong pa'i chos sku thob// de yi 'bras bu zag med lus// gzugs ni thogs med ting 'dzin/ lus// de la brten pa'i phung lnga yang // 'ja' tshon lta bu'i lus nyid las// lha yi spyan dang ldan pa ste// stong gsum bye ba phrag brgya gzigs// bsam pa las byung shes rab kyis// chos kyi sgo mo brgyad khri dang // bzhi stong thams cad lhun gyis grub// rang byung ye shes chen po des// phyi dang nang du snang ba yang // chos sku nam mkha' lta bur rtogs// de nyid dag la brten pas na// rdo rje lta bu'i lus nyid 'byung // ye shes phung por snang ba ni// chos kyi dbyings kyi ye shes dang // me long lta bu'i ye shes dang // mnyam pa nyid kyi ye shes dang // so sor rtog pa'i ye shes dang // bya ba grub pa'i ye shes rnams// gcig tu 'dus

  29. 254b

    pas ye shes lus// ye shes spyan dang ldan pa des// thams cad nam mkha' dkyil ltar gzigs// lhun grub rang byung ye shes des// sangs rgyas chos sku dri med rtogs// 'bras bu sku gsum dbyer med 'grub// zag dang bcas pa'i lus nyid las// ye shes lus can bde gshegs 'grub// rin po che rgyas pa chen po'i rgyud las/ rgyu phung po zag pa dang bcas pa la brten nas ye shes lus su grub pa'i le'u ste bcu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// lta ba'i ro snyoms tshad dang rtags gnyis dang // sgom pa'i ro snyoms tshad dang rtags gnyis dang // spyod pa'i ro snyoms tshad dang rtags gnyis dang // bar do'i ro snyoms tshad dang rtags gnyis gang // ston pa'i ston pa kun tu bzang po des// sdud pa'i gsang dbang rdo rje sems dpa' la// thog mtha' med pa'i dus nyid na// sku dang ye shes dbyer med gnas pa bzhin// sku dang ye shes rtsal dang zer du chad// yan lag sems can de la sku dang ye shes gnas// lam gyi dus na sku dang ye shes rtogs// 'bras bu'i dus na sku dang ye shes 'thob// mu stegs rtag chad gnyis su 'dzin pa dang // kun tu bzang po'i sku dang ye shes gnyis// bzang ngan med de dbyer med gcig par gnas// yin la yin par shes na lta ba

  30. 255a

    ste// gang la chags sdang med na lta ba'i tshad// 'jig rten chos brgyad dag las 'das pa dang // dmigs pa gsum 'das ming dang brda' mi snang // ming dang brda' des de don mtshon mi byed// brjod du med de yin tshul yin par shes// dper na lkugs pas ro myangs khong na gsal ba bzhin// brjod par 'dod kyang brjod pa'i don mi shes// gang ltar byas kyang de rnams rgyun du 'byung // de yi rtags ni lus dang sems las 'byung // lus la bag tsha med cing rtsol sogs med pa dang // sems la chags sdang med cing khong khro med pa 'byung // rkyen gyis bskyod dang mi bskyod gang yang med// de 'dra de la dga' dang chags pa med// rdo rje sems dpa' khong nas 'char ba yis// gang ltar byas kyang kun tu bzang po nyid// thams cad kun tu bzang por snang ba las// spang dang spang bar bya ba ga la yod// bsgom pa'i ro snyams tshad dang rtags gnyis ni// dmigs pa med pa'i chos nyid las// 'dzin pa med pa'i sgo lnga yis// ma g.yos yid kyi ye shes kyis// rtog pa med pa'i ye shes shar// phyi dang nang med de bzhin snang // yengs dang ma yengs gnyis med par// rang 'byung rang gi ngang gis 'byung // snang la rang bzhin med par shar// rig la brjod du med par grub// bde la myong rgyu med par bde// log 'dren can gyi

  31. 255b

    chags sdang dang // bde gshegs rang byung ye shes gnyis// dbyer med ro gcig de nyid yin// ma bcos ma phri dgag bsgrub med// gang la chags sdang med pa bsgom pa'i tshad// gang yang blang dor med pa bsgom pa'i tshad// gang la bying rgod med pa bsgom pa'i tshad// rkyen rnams ji ltar bskyod kyang yengs pa med// lus dang sems dang snang ba gsum las 'das// dmigs pa gsum las 'das pa bsgom pa'i rtags// zhen med chags med bsam gtan bdud las 'das// bsgom pa'i ro snyoms bde gshegs kun dang mnyam// tshad dang rtags kyis sku dang ye shes rdzogs// spyod pa'i ro snyoms tshad dang rtags gnyis ni// gang la chags sdang med cing gang la thogs pa med// ched du byas pa med pas ched du bya ru med// gang ltar byas kyang sku dang ye shes dang // sku yi sku ni gang du grub pa med// ye shes ye shes gang du rtog pa med// gang ltar byas kyang skra dang ye shes dang // dbyings kyis dbyings la rol pa'i spyod pa ni// gang ltar spyad kyang mnyam pa nyid kyi ngang // ye shes ye shes rol pa'i spyod pa ni// gang ltar rol yang rtog pa mi mnga'o// rig spyod gsang spyod brtul zhugs spyod pa la// gang ltar spyad kyang ye shes khyad par che// spyod pa'i tshad ni gos pa med pa'o// spyod pa'i rtags ni blang dor med pa'o// rang byung zhe 'dod med pa'i spyod

  32. 256a

    pa'o// blta ba las byung ye shes skyes pa dang // bsgom pa las byung ye shes skyes pa dang // spyod pa las byung ye shes skyes pa de// dbyer med gcig yin gang ltar bde bar bzhag/ rang bzhin par dor blta bsgom spyod pa dang // mnyam bzhag dus dang rjes thob mnyam pa ni// rmi lam bar do'i dus su de bzhin 'byung // rmi lam dus na de nyid brtan pa na// srid pa bar do'i dus su de bzhin gsal// gsal ba'i ye shes zang thal snang ba des// thams cad kun tu bzang po'i ngang du shar// 'bras bu sku gsum rang snang lhun gyis grub// rdo rje sems dpa' chen po de nyid do// rin po che rgyas pa chen po'i rgyud las/ theg pa chen po ro snyoms bzhi bstan pa'i le'u ste bcu gcig pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// lus gang tshe gcig sangs rgyas thob pa gang // sku dang ye shes brtan pa thob pa gang // bsre bkug bstan pa'i man ngag ji lta bu// de la ye shes rnam gsum gyis// mun pa rnam gsum sel ba gang // ting 'dzin rnam gsum skyes pa gang // 'bras bu rnam gsum rdzogs pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// sangs rgyas chos kyi sku yi zhal bstan dang // rang byung ye shes brtan

  33. 256b

    pa thob pa'i thabs// nam mkha' dag la nam mkhar ming ma btags// chos nyid nam mkha' chen po de nyid la// de la bsre bkug bsnan pa'i man ngag rim pas bya// shes pa gsal la dpangs bstod de// ming ma btags pa'i nam mkha' chen po la// sgo lnga rang sar bzhag nas ni// yid kyi rtog pa rgyun bcad de// shes pa lhug par btang la bsgom// sems las byung ba'i ye shes de// skad cig dang po'i shes pa de// snang ba ming dang bral nas ni// shes pa had de phyod de skye// mi rtogs pa yi ye shes yin// ming gis chod pa'i mun pa sangs// bag chags sgrib pa dag ces bya// rnam par mi rtog ting 'dzin skyes// snang ba rgyas gdab spyod pa bya'o// de yi brtan pa thob pa dang // tshogs drug yul la dgug pa yis// tshogs drug yul la mi spyod na// rang byung ye shes skyes pa yin// mtshan ma'i mun pa sangs zhes bya// nyon mongs sgrib pa dag pa yin// snang ba bskyed byed kyang pa'i ting 'dzin skyes// 'byung ba chen po'i spyod pa'o// de rnams rgyun tu 'byung ba ni// bsnan pa dag gi man ngag gis// skad cig dang po'i shes pa nyid// gang du yang ni ma g.yos pas// rnam par mi rtog ye shes 'byung // shes pa de nyid ngos bzung nas// skad cig gnyis las phar mi btang // rgyun gyi brtan pa thob pa dang // rang byung ye shes chen po yin// rang bzhin mun pa

  34. 257a

    sangs zhes bya// shes bya'i sgrib pa dag pa yin// rdo rje lta bu'i ting 'dzin thob// chos kyi sku yi zhal bstan pas// rang byung ye shes de la skyes// 'bras bu sku gsum lhun gyis grub// sangs rgyas pa yi sangs rgyas so// rin po che rgyas pa chen po'i rgyud las// sku dang ye shes zhal bstan pa'i le'u ste bcu gnyis pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// nyin gung rnal 'byor bya ba dang // srod la rnal 'byor bya ba dang // nam gung rnal 'byor bya ba yis// rgyun du ye shes thob pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// nyin gung rnal 'byor bya ba ni// mnyam par gzhag pa'i dus nyid na// tshogs drug nam mkha'i ngangapal bzhag/ sgo lnga la brten shes pa kun// yul la mi spyod thal le phung nger bzhag/ bying na shes pa gzengs kyang bstod// rgod na chos nyid rgyas kyang gdab// rnam par mi rtog ting 'dzin te// de rnams gsal bar ma gyur na// rjes las thob pa'i snang ba 'di// sgyu ma'i dpe brgyad lta bur 'char// gsal la stong pa 'ja' tshon lta bur snang // snang la med pa chu zla lta bu dang // rten med shar ba smig rgyu lta bu dang // brtags na med pa sgyu ma lta bu dang // yin la min pa gzugs brnyan lta bu

  35. 257b

    dang // dngos med snang ba sprul pa lta bu dang // don mi ldan pa brag cha lta bu dang // rang bzhin rang snang rmi lam lta bu'o// chos rnams thams cad de bzhin snang ba la// de la zhen med chags med dga' dang btang snyoms med// nyin gung yengs pa med pa yis// rgod na mnyam gzhag ngang la gnas// bying na rjes thob dang la gnas// chos sku ye shes rgyun du 'byung // srod la rnal 'byor bya ba ni// bsam gtan gnyid dang bsres pa ni// chos nyid ngang la gnas byas la// de las gnyid byung chos kyi sku// gnyid kyi rtog pa ma langs na// chos nyid ma yi ting 'dzin yin// gnyid kyi rtog pa langs pa na// gnyid ni bya gnyid lta bur bya// yang dang yang du thun du gcad// gnyid dang bsam gtan yang yang bsre// de yi rgyun nyid thob pa na// rig pa ma la bzhag pa yis// bag chags rmi lam ma byung na// ye shes rig ma skyes pa yis// chos nyid ngangal chos sku gnas// gting gsal chen po'i ye shes 'byung // de yi brtan pa thob pa dang // gnyid sad na yang de bzhin 'byung // rmi lam dag la brten nas ni// snang ba rjes thob nyid du snang // mtshan dgung rnal 'byor bya ba la// ye shes rang so mi g.yo bas// 'byed pa med pa'i chos sku de// rang byung ye shes rang la gsal// gal te rmi lam byung gyur na// sgyu ma lta bu'i ting 'dzin bsgom// rmi lam rmi lam shes pa

  36. 258a

    na// rmi lam bde dang sdug bsngal med// de yi brtan pa thob pas na// rmi lam dag la brten nas su// sku dang ye shes rab tu gsal// dpa' bar 'gro ba'i ting 'dzin thob// rmi lam thams cad rgyun chod na// sku dang rang byung ye shes nyid// dbyer med rtag tu der gnas so// de nyid 'gyur ba med pa dang // rdo rje lta bu'i ting 'dzin thob// rin po che rgyas pa chen po'i rgyud las// rnal 'byor bya ba bstan pa'i le'u ste bcu gsum pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// rang bzhin bar do gdeng dang ldan pa la// rmi lam par dor rtags su shar ba gang // srid pa bar dor 'bras bu thob pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// bar do rnam gsum kun dang ldan pa la// chos nyid rtogs pa'i byang sems la// rmi lam bar do mi mnga'o// bde gshegs rgyal ba'i sgra lnga dang // rdo rje dmyal ba'i rigs can la// las kyi sa bon mthu dang ldan pa yis// srid pa bar do de la yod ma yin// de dang mi ldan kun la bar do rnam gsum gnas// rang bzhin par dor lha mchog bstan pa na// rmi lam par dor lha nyid mchog tu gsal// srid pa bar dor lha nyid mchog 'bras thob// rang bzhin par dor sgyu mar shes pas na// rmi

  37. 258b

    lam par dor sdug bsngal mi 'byung zhing // srid pa bar dor sku lus mi len no// rang bzhin par dor stong par rtogs pa na// rmi lam par dor rmi lam mi 'byung zhing // srid pa bar dor ye shes stong nyid gsal// rang bzhin par dor rnam par mi rtog pas// rmi lam par dor rmi lam ye shes gsal// srid pa bar dor ye shes sku nyid thob// zhi gnas dus na rnam par mi rtog pas// rjes thob dus na stong pa mchog tu gsal// zhi gnas lhag mthong dbyer med mnyam pa na// rmi lam par do'i dus su de bzhin gnas// rang bzhin bar dor ye shes rtog pa na// rmi lam par dor ye shes rten med gsal// srid pa bar dor ye shes dngos su snang // rang bzhin bar dor chos nyid nam mkha' rtogs pa na// rmi lam par dor nam mkha' mchog tu gsal// srid pa bar dor chos nyid nam mkha' 'thob// rang bzhin bar dor zag bcas thogs pa'i lus// rmi lam par dor sgyu lus thogs med lus// srid pa bar dor zag med ye shes lus// rang bzhin par dor ji ltar rtogs pa bzhin// rmi lam par dor bag chags de bzhin snang // srid pa bar dor 'bras bu de bzhin 'thob// rin po che rgyas pa chen po'i rgyud las/ bar do rnam gsum 'bras bu bstan pa'i le'u ste bcu bzhi pa'o// // sdud pa'i gsang dbang rdo rje sems dpa'

  38. 259a

    yis// ston pa'i ston pa kun tu bzang po la// srid pa bar do'i lus kyi snang lugs dang // srid pa bar do dag la ye shes skye lugs dang // srid pa bar do dag la 'bras bu thob pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// lus ni rnam pa gsum dang ldan pa ste// bag chags dag gi snang lugs ni// sngon byung srid pa'i sha tshugs can// dbang po kun tshang thogs med ldan// rdzu 'phrul las kyi stobs dang ldan// de lta'i lus dang ldan par gnas// rdzu 'phrul dag gi lus de ni// 'dra mthun rigs mthun 'dra bar sprul nas ni// thogs med dbang po kun tshang ba// 'od dang chas nas bag chags gsal// srid pa'i rlung la zhon nas su// rigs mthun lta bu'i bag chags snang // ye shes dag gi lus de'i rang bzhin ni// lus med lus te 'ja' tshon sku// sku gsum dag gi snang ba 'dzin// ye shes sbrul sku cir yang 'char// ye shes 'od dang chas nas gnas// 'byung ba'i 'od dang bag chags 'od// rim pa bzhin du gnas pa'i lus// srid pa bar do dag la ye shes skye ba ni// bsam gtan ldan pa'i bar do ni// srid pa'i sdug bsngal du ma 'byung 'gyur yang // sdug bsngal de la brten nas rtog med pa// 'phags pa dgra bcom lta bu'i 'bras bu thob// srid pa bar ma do yi sdug

  39. 259b

    bsngal sna tshogs la// de la brten nas ye shes mchog tu 'byung // byang chub sems dpa' chen po'i 'bras bu thob// ye shes de yi dam pas zin pas na// srid pa bar ma do yi dus de ru// ye shes mchog tu gsal ba bdun yang 'byung // snga lus la brten bla ma'i gdams ngag dran// zag bcas lus dang bral bas ye shes mchog tu gsal// sdug bsngal du ma snang bas ye shes mchog tu gsal// thogs med lus dang ldan pas ye shes mchog tu gsal// shes pa snga phyi shes pas ye shes mchog tu gsal// snang ba du mar snang bas ye shes mchog tu gsal// bar do dam pa dran pa'i rten// lus dang bla ma dag dang ni// snang ba dag las ye shes 'byung // bsam gtan ldan pa'i snang ba ni// ye shes chen po'i 'od lnga shar// rdzu 'phrul ldan pa'i snang ba ni// srid pa nyi ma lta bu'i 'od// bag chags ldan pa'i snang ba ni// las kyi 'od dang ldan par gnas// 'chi ba don dam bden pa ste// rnal 'byor pa yi grogs yin pas// srid pa bar do dang du blang // srid pa bar do'i 'bras bu ni// ye shes gsal dang mi gsal gyis// dus der 'bras bu rim par thob// rin po che rgyas pa chen po'i rgyud las/ srid pa bar do la ye shes 'byung ba bstan pa'i le'u ste bco lnga pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang

  40. 260a

    po la// sangs rgyas chos kyi sku yi gnas lugs dang // sangs rgyas chos kyi sku yi ngo bo dang // sangs rgyas chos kyi sku yi rtsal snang dang // sangs rgyas chos kyi sku de'i khyad par dang // sangs rgyas chos kyi sku de'i khyab tshul gang // ston pa'i ston pa kun tu bzang po des// sdud pa'i gsang dbang rdo rje sems dpa' la// thog ma tha ma med pa na// sangs rgyas sems can gnyis med de// sangs rgyas chos sku chen po des// bsgrub med rtsol bsgrub med pas na// lam gyis bcos su ga la yod// nam mkha' chen po'i tshul du gnas// ngo bo rig med rig ma skyes pa de// rgyu 'bras kun las grol bas gnyen po med// rtsol med 'gag pa med pas snang tshul cir yang snang // rnam rtog yul du med pas 'di zhes bstan du med// rang byung rang la snang yang gos pa gang yang med// nyid las ma rtogs gang yang rtsal tsam med// thams cad sangs rgyas chos sku'i ngo bo yin// de yi rtsal gyis snang ba lnga po ni// gsal dngas mi g.yo mi 'gyur rgya ma chad// 'gag pa med pa'i yon tan sna tshogs mnga'// sangs rgyas chos sku'i snang ba khyad par ni// sku yi sku ru snang ba dang // ye shes sku ru snang ba'o// med pa'i sku ru snang ba dang // yod pa'i sku ru snang ba'o// sems kyi sku ru snang ba dang // sems las byung ba'i sku ru snang ba'o// sku yi gzhi nyid de

  41. 260b

    dag las// sku dang gsung dang thugs dang ni// yon tan phrin las sna tshogs ni// sku nyid dag las kun 'byung bas// gzhi yi sku dang rang bzhin sku// yan lag sku yis kun la khyab pa'o// rin po che rgyas pa chen po'i rgyud las/ chos sku bstan pa'i le'u ste bcu drug pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// rang byung ye shes gnas lugs dang // ngo bo rtsal dang yon tan khyab tshul gang // ston pa'i ston pa kun tu bzang po des// sdud pa'i gsang dbang rdo rje sems dpa' la// 'du 'bral med pa'i ye shes snying po de// phyogs bcu dus bzhi de bzhin gshegs pa yang // ye shes de la bde gshegs kun grub pas// thob pa ma yin zag ma ye nas gnas// rang byung ye shes ngo bo ni// rig pa mi rtog ma rig ma skyes de// rang rig rang gsal gad la khyab pa// mi rtog mnyam pa chen por gnas// rang byung ye shes yan lag rig skyes pas// rig pa'i rtsal rnams sna tshogs rig pa'i rtsal// lus gang rig pa'i rtsal ni sgo lnga'i yul du snang // de yi rtsal gyis snang ba bsam gyis mi khyab bo// rang byung ye shes gzhi gcig las// rang byung ye shes snying po dang // yan lag rang byung ye shes dang // sems kyi ye shes chen po dang // byung dang 'byung nas gnas pa'i ye shes so// rig pa 'gag pa med pa yis// yon

  42. 261a

    tan bsam gyis mi khyab pa'o// byang chub sems ni spu gri'i so// til mar ngar btags ral gri bzhin// gsal la dngas pa'i yon tan dang // 'gag pa med pa'i yon tan ldan// rig pa mi rtog gzhi nyid las// rig pa skyes pa bsam mi khyab// rgyal ba rdo rje sems dpa' nas// rdo rje sdug bsngal la thug par// rig pa de yis kun la khyab// ye shes rig pa gsal mi dpyod// yan lag rig skyes mi gsal dpyod par gnas// sems kyi rig pa skad cig 'dres mar 'byung // rig pa'i skye lugs bsam gyis mi khyab po// rin po che rgyas pa chen po'i rgyud las/ rang byung ye shes bstan pa'i le'u ste bcu bdun pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// thams cad sangs rgyas chos sku yin pa las// 'khrul zhes bya ba'i snang ba 'di dag kun// sku las 'khrul lam ye shes dag las 'khrul// de las ma rtogs rgyu gzhan zhig las 'khrul// sku las 'khrul na kun bzang nyid las 'khrul// thams cad kun tu bzang po yin pas na// ye shes 'khrul na thug pa med par 'gyur// rdo rje sems dpa' nyid kyang 'khrul zhes bya// rtogs pa'i blta bsgom spyod pa don med 'gyur// rgyu gzhan zhig las 'khrul na sems na sangs rgyas med// 'khrul zhes bya ba'i snang ba ji ltar

  43. 261b

    lags// ston pa'i ston pa kun tu bzang po des// sdud pa'i gsang dbang rdo rje sems dpa' la// rang bzhin rnam par dag pas bcos su med pas na// sku dang ye shes ngo bo dag la 'khrul pa med// dper na chu yi ngo bo ma 'khrul chu yi rlabs nyid 'khrul// me long ngo bo ma 'khrul gzugs brnyan 'khrul// chos sku ngo bo ye nas rnam dag pas// chos sku'i rtsal nyid 'gag pa med pa yi// yon tan ma 'gags cir yang snang ba yis// snang ba yan lag yul du bzung ba las// 'byung ba'i snang bas 'khrul pa'i 'dra gzhi byas// 'dra gzhi de la chos gsum ldan pa yis// 'dra mthun rigs mthun 'dra ba 'dus pa las// yid rten shes pa skyes pas 'khrul pa'i bag chags snang // bag chags de yis sku dang ye shes bsgribs// de la gnas pa'i 'khrul zhes bya ba ni// gzhan gyi 'khrul pas sku nyid bsgribs pa min// 'khrul zhes bya ba'i ngo bo de dag ni// yin pa bzhag nas min par bzung bas 'khrul// dper na mtho yor dag la mi ru bzung ba'am// zag pa dag las sbrul gyi blo bzhin no// rgyu nyid rang las byung ba'i 'khrul pa ni// sku dang sku las byung ba ma shes par// de nyid so sor snang bar bzung ba yis// bzung ba'i bag chags 'dra mthun rigs mthun la// gnyis su bzung bas 'khrul zhes bya ba yin// dper na nyi ma'i snying po nyi ma'i 'od de yang // 'od dang

  44. 262a

    nyi mar bzung bas 'khrul zhes bya// de dang de las byung bar ma shes so// rkyen nyid gzhan las byung ba'i 'khrul pa ni// sku yi rang bzhin yul du med pa la// yul du ched na bzung bas 'khrul pa yin// dper na smig rgyu'i chu yi phung po de// med kyang chu ru mthong ba bzhin// 'bras bu ma rig pa yi 'khrul pa ni// chos rnams thams cad gnyis su med pa la// phyi nang snod bcud gnyis snang yang // de yi bag chags khams gsum 'khor bar snang // sgra zla la sogs med mthong bzhin// rin po che rgyas pa chen po'i rgyud las/ 'khrul gzhi brtag pa'i le'u ste bco brgyad pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// 'khrul zhes bya ba'i snang ba 'di dag kun// gang las gang byung tshad ci gang gi sgo// ston pa'i ston pa kun tu bzang po des// sdud pa'i gsang dbang rdo rje sems dpa' la// rig pa ma g.yos rig pa rang gsal bas// de las byung ba'i rig pa sna tshogs ni// rang byung ye shes yan lag cha phra mo// g.yo mi g.yo las yid tsam zer g.yos pas// sngar g.yo ma myong phyis nyid g.yos pa yis// rig pa rang gsal 'od dang chas nas byung // rig pa rang las byung ba'i 'od de la// yin min yin gdeng nges pa'i shes pa skyes// 'od dang rig pa gnyis su so sor snang // rig pa rang gi

  45. 262b

    'od nyid yul du bzung / bzung ba'i bag chags zhen cing bltas pa yis// yul dang yul can gnyis su snang ba'o// rin po che rgyas pa chen po'i rgyud las/ 'khrul pa mdor bsdus pa'i le'u ste bcu dgu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// chos sku rang byung ye shes rig med de// de yi yon tan ma 'gags cir yang snang // yon tan phyogs gcig snang ba de dag la// chos sku gsal dngas mi g.yo mi 'gyur rgya ma chad// de yi yon tan so sor snang ba las/ kha dog rnam 'byung rnam lnga grub pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// gsal ba kha dog dkar por mthong // dngas pa kha dog dmar por mthong // mi g.yo kha dog sngon por mthong // mi 'gyur kha dog nag por mthong // mi 'gyur sa yin snyam ste sa ru bzung // bzung ba'i bag chags sra ba sa ru snang // gsal ba me yin snyam ste me ru bzung // bzung ba'i bag chags smin pa me ru snang // dngas pa chu yin snyam ste chu ru bzung // bzung ba'i bag chags sdud par byed pa chu ru snang // mi g.yo rlung yin snyam ste rlung du bzung // bzung ba'i bag chags g.yo byed rlung du bzung // rgya ma chad pa nam mkha' dag tu bzung // bzung ba'i bag chags go 'byed nam mkhar snang // de

  46. 263a

    rnams rigs mthun 'dra mthun 'du ba 'das pa yis// 'byung ba rnam lnga kha dog rnam lnga yang // byung dang 'byung dang byung nas gnas pa la// gzugs dang tshor ba 'du shes dang // 'du byed rnam par shes pa yang // 'dra zhing de las 'khrul pa yin// 'dod chags zhe sdang gti mug dang // nga rgyal phrag dog rnam lnga yang // 'dra gzhi de las byung ba yin// gzugs dang sgra dang dri dang ro// reg la sogs pa'i yul rnams kun// zhing gcig dang las 'khrul pa'o// rin po che rgyas pa chen po'i rgyud las/ 'khrul gzhi rtsa ba'i le'u ste nyi shu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la/ bcud du grub pa'i snang ba 'di dag kun// pho mo ma ning rang rgyud so so dang // lus gang 'khrul pa gang ltar 'khrul pa lags// ston pa'i ston pa kun tu bzang po des// sdud pa'i gsang dbang rdo rje sems dpa' la// rang byung ye shes yan lag rig skyes de// sngar g.yos ma myong phyi nyid g.yos pa las// rig pa de nyid 'od dang chas pa las// rang las byung ba'i snang bar ma rtogs par// snang ba'i 'od la yul du bzung ba yis// 'od de gcig tu mthong bas gzugs su bzung // bzung ba rang gis gzugs kyis bag chags snang // 'od las nyams su myong bas tshor bar bzung // bzung ba rang gis tshor ba'i bag

  47. 263b

    chags snang // 'od de mtshan mar mthong bas 'du shes bzung // bzung ba rang gis 'du shes mtshan mar gsal// gsal ba'i bag chags 'du shes nyid du snang // 'od de g.yo bar mthong bas 'du byed nyid du snang // g.yo ba'i bag chags 'du byed nyid du gsal// 'od des thams cad bskyed pas rnam par shes par bzung // bzung ba'i bag chags rnam par shes pa snang // de la zhen pas 'dod chags dag tu byung // shin tu gsal bas zhe sdang dag tu byung // byung bar ma shes ma rig pa ru byung // de nyid grub pas nga rgyal dag tu byung // gnyis su snang bas phrag dog dag tu byung // de rnams gcig tu 'dus pas gzugs kyi phung po grub// rig pa rang gsal dbang po sgo lngar snang // rig pa rang 'od yul lnga'i snang bar bzung // bzung ba'i bag chags lus gang 'khrul pa grub// rig pa yul la spyod pa pho ru byung // bzung ba'i bag chags skyes pa pho ru grub// rig pa yul la mi spyod mo ru bzung // bzung ba'i bag chags rig pa mo ru snang // rig pa rang sor gnas pa ma ning bzung // bzung ba'i bag chags ma ning dag tu snang // rang las byung ba'i 'od kyi snang ba dang // ming du btags pa'i yul gyi snang ba gnyis// 'dra mthun rig mthun 'dra bar mthong ba yis// 'dra gzhi de las 'khrul pa'i rgyu byas so// byung dang 'byung dang byung nas gnas pa ma

  48. 264a

    rtogs pas// 'khrul pa'i snang ba so sor byung ba yin// gzhi gcig dag las sna tshogs snang bar byung ba'o// rin po che rgyas pa chen po'i rgyud las/ bcud du 'khrul pa bstan pa'i le'u ste nyer gcig pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// spyi yi spyi las 'khrul pa byung ba ji lta bu// rgyud las byung ba'i 'khrul pa ji lta bu// rgyu med 'khrul pa byung ba ji lta bu// 'dra gzhi yod pa'i 'khrul pa ji lta bu// 'dra gzhi med pa'i 'khrul pa ji lta bu// ston pa'i stong pa kun tu bzang po des// sdud pa'i gsang dbang rdo rje sems dpa' la// spyi yi spyi las 'khrul pa ni// rig pa mi rtog rang sor gnas pa de// rig pa'i rtsal ni rnam pa gnyis su shar// rig pa de nyid stong par rtogs pa yis// yul dang yul can gnyis med rig pa rang gsal ba// de las thams cad 'byung bar shes pa yin// rtogs te sangs rgyas byung ba'i gzhi yang byas// rig pa de nyid ngo bo stong par ma rtogs pas// rig pa rang gsal 'od du mthong ba yin// 'od dang rig pa gnyis su snang ba byung // 'od de'i yul las rig pa sna tshogs brtags// khams gsum ma rtogs sems can 'byung ba'i gzhi// rig pa spyi la gnyis su mthong ba yis// spyi yi spyi las 'khrul par snang ba byung // rgyu las byung ba'i 'bras bu'i 'khrul

  49. 264b

    pa'i snang ba ni// yan lag rig pa'i ngo bo yul la mi spyod pa// rig pa rang sor nang gsal gnas pa las// ma rig pa zhes brtags te ma rig pa ru bzung // stong par ma shes yul du ma shes pas// ma rig pa zhes bya bar snang ba yin// rgyu nyid rang las byung ba'i ma rig pas// rang las byung ba'i snang ba gzhan du bzung // bzung ba rang gis yul gzhan nyid du snang // yul gyis rig pa sgrib pas rkyen gzhan ma rig pa// rgyu las byung ba'i ma rig pa ru mthong // rgyu med dag las byung ba'i 'khrul ba ni// rang byung chos sku gdod nas dag pa yi// de las byung ba'i yan lag rig pa yang // ma bcos snying po gdod nas dag pa yis// de la rnam rtog 'khrul pa gang yang med// rig pa'i ngo bo stong par gnas pa gting gsal yin// rig pa'i yan lag ngang gis dag pa rang gsal yin// rig pa gsal bar chas pa 'od gsal yin// 'khrul zhes bya ba btags pa tsam// min par yin par bzung bas 'khrul// don la 'khrul zhes bya bar med// rgyu med glo bur btags pa tsam// 'dra gzhi yod pa'i 'khrul pa ni// skye mched mu bzhi pa yi 'dra gzhi ni// rig pa gsal ba rang gis byas// snod du 'khrul ba'i 'dra gzhi ni// rig pa phyi ru gsal bar byas// 'dra gzhi med pa'i 'khrul pa ni// skye mched mu bzhi'i gnas rnams dang // srid pa bar dor

  50. 265a

    'khrul pa yin// snod du snang ba 'di dag kun// stong pa'i rtsal las byung bar ma shes 'khrul// bcud du snang ba 'di dag kun// rig pa'i zer las byung bar ma shes 'khrul// dbyer med gcig tu ma shes pas// theg pa sna tshogs 'khrul pa yin// gcig las med de so sor snang ba 'khrul// rin po che rgyas pa chen po'i rgyud las/ 'khrul gzhi tha dad le'u ste nyer gnyis pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// don dam dag gi 'khrul pa dang // kun rdzob dag gis 'khrul pa dang // sgyu ma dag gi 'khrul pa dang // log pa dag gi 'khrul pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// don dam dag la 'khrul pa mi mnga' yang // zhen cing chags nas 'khrul zhes bya ba yin// chos nyid rang bzhin stong par gnas pa la// stong pa stong par bzung na 'khrul zhes bya// stong pa nyid kyang stong pa nyid kyis grol// dper na bsam gtan dang po'i ting 'dzin bde ba la// chags shing zhen na de yang 'khrul pa yin// kun rdzob dag gi 'khrul pa'i snang ba ni// rnam shes brgyad la brten pa'i 'khrul pa dang // sgo lnga yul lnga brten pa'i 'khrul pa yis// dge ba byas kyang nyon mongs 'khrul pa'i ngang // mi dge byas kyang nyon mongs 'khrul pa

  51. 265b

    dngos// rang sor bzhag yang 'khrul pa'i snang ba nyid// sgyu ma dag gi 'khrul pa'i snang ba ni// yod pa sgyu ma'i dpe brgyad ni// chu zla la sogs gzugs brnyan bzhin// de yang dngos kyi snang bar 'dzin// med pa skusgyu ma'i dpe brgyad ni// smig rgyu chu med chur mthong bzhin// sprul pa dag gi sgyu ma dang // sgyu ma dag gi sgyu ma dang // smig rgyu dag gi sgyu ma kun// de rnams sgyu ma'i 'khrul pa'o// log pa dag gi 'khrul pa ni// rmi lam bde dang sdug bsngal la// sad na rang bzhin med bzhin du// de la dam pa'i don byas nas// log pa'i bag chags snang byed pa// bag chags de yis bsgos pas na// log pa dag gi 'khrul pa yin// phyi dang nang gi theg pa yang // gnyis 'dzin byung na 'khrul pa'o// rin po che rgyas pa chen po'i rgyud las/ 'khrul pa las byung ba'i rigs bstan pa'i le'u ste nyer gsum pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// chos sku rang byung dbyer med gcig pa las// phyi rol mu stegs rtag pa 'khrul pa'i rgyu nyid dang // de yi skyed pa'i rkyen gyi 'dra gzhi dang // de ltar rtogs pa'i blta ba dang // de las byung ba'i bsgom pa dang // des bskyed 'bras bu 'khrul pa ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku stong pa rang

  52. 266a

    bzhin mi 'gyur bas// stong pa ma mthong mi 'gyur mthong ba yis// mi 'gyur ba de rtag pa'i bdag tu bzung // sa dang chu dang me dang rlung rnams kyang // phyi yi snod kyang de las byung bar mthong // gzugs dang tshor ba 'du shes 'du byed dang // rnam par shes pa la sogs thams cad kun// nang gi bcud kyang de yis bskyed par mthong // thams cad de las byung bas byed pa'i bdag tu mthong // mi 'gyur gnas pas rtag pa gcig pur bzung // rgyud nyid byed pa po dag bdag tu mthong // mthong ba'i bag chags zhen cing chags pa yis// 'bras bu byed pa po yi bdag nyid de// dkar la 'tsher la snum la 'gril par yod// tsit+ta gzhal yas khang na de gnas so// che na mthe bong chung na yungs 'bru tsam/ nang gi rig pa kun kyang de las byung // phyi yi yul rnams kun kyang de las byung // thams cad de las byung zhing des bskyed pas// rtag cing byed pa po yi bdag nyid de// bdag nyid rtag pa byed pa po ru rtogs// rtogs pa de ltar brtan pa bsgom pa yin// srog dang longs spyod thams cad mchod pa yis// phya'am dbang phyug byed pa po dga' nas// shi yang de yi 'bras bu de yis 'thob// rgyu dang rkyen dang 'dra gzhi ni// mi 'gyur ba la bdag tu mthong bas byas// rin po che rgyas pa chen po'i rgyud las/ mu

  53. 266b

    stegs rtag pa 'khrul pa'i le'u ste nyer bzhi pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// mu stegs chad pa 'khrul pa'i rgyu dang 'dra gzhi dang // rtogs pa'i lha sgom spyod pa 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// sku nyid stong pa rtsal nyid 'gag med pas// rtsal gyi yan lag stong par mthong ba las// rtsal dang stong pa dbyer med ma rtogs pas// rtsal nyid ris su chad pas stong par mthong ba des// mu stegs chad pa 'khrul pa'i rgyu byas so// rtsal nyid stong par mthong pas 'khrul pa'i 'dra gzhi byas// mu stegs rtog pa ci yang med pa dang // rtsal gyi snang ba ci yang med pa gnyis// 'dra mthun rigs mthun 'dra ba 'dus pa yis// mu stegs ci yang med pas 'dra gzhi byas// phyi nang thams cad med par mthong ba yis// pha ma gnyen tshan sbyor ba med pa dang // rgyu dang 'bras bu thams cad med par rtogs// ci yang med ces zer nas thams cad med par bsgom// sems de phyi nang med pas na// lus kyang sems kyi ngang la zhi// dge ba byas kyang sems la ga na phan// sdig pa spyod kyang sems la ga na gnod// nam mkha' dag la sprin dengs bzhin// slar skye ba dag ga la srid// de yi bag chags 'bras bu yis// ci yang med ces

  54. 267a

    rtogs pa'o// rin po che rgyas pa chen po'i rgyud las/ mu stegs chad pa 'khrul pa'i le'u ste nyer lnga pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// mu stegs phyal pa'i 'khrul pa'i rgyu dang ni// 'khrul pa'i 'dra gzhi rtogs pa'i lta ba dang // sgom dang spyod pa 'bras bu ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku'i rang bzhin ci yang med pa las// ci yang ma yin cir yang snang ba de// snang ba de dang sku yi ngo bo gnyis// gcig tu ma mthong tha dad mthong ba des// tha dad snang bas 'khrul pa'i rgyu nyid byas// de las byung ba'i snang ba de nyid las// phyi nyid stong pa nam mkha' lta bur mthong // nang gi rig pa gang du ma grub pas// rig pa de yang nam mkha' lta bur mthong // rig pa nyid dang rig pa'i rtsal de la// mu stegs phyal pa 'khrul pa'i 'dra gzhi byas// rig pa'i ngo bo stong par gnas pa dang // rig pa'i rang 'od rang bzhin med pa yis// sems kyi rang bzhin stong par gnas pa dang // sems des yul yang stong par mthong ba yis// de gnyis 'dra mthun rigs mthun 'dra ba 'dus pa yis// de yis mu stegs 'khrul pa'i 'dra gzhi byas// sems de'i rang bzhin btsal kyang mi rnyed pas// sems de'i ngo bo gang yang ma

  55. 267b

    grub pas// gang gis bya ru med cing byed rgyu med par rtogs// snang ba'i chos rnams thams cad ma lus kyang // snang ba ji ltar snang yang sems la gos pa med// sems dang yul ni tha dad gnyis su rtogs// sems de'i ngo bo bltar med bsgom du med// sems la gos pa med pas yul nyid gang dgar spyad// rgyu las byung ba 'byung ba de ltar rtogs// sems kyi ngo bo de ltar gnas pa yin// rgyu las byung bar rtogs pa byung ba'i mu stegs yin// rtogs pa de ltar 'byung bas 'byung ba'i mu stegs yin// 'bras bu de ltar grub pas byung nas gnas pa'i mu stegs yin// rgyu nyid phyal bar byung bas rtogs phyal byung // rtogs pa phyal pa byung bas lha bsgom phyal pa byung // 'bras bu phyal pa byung nas gnas pa yin// rin po che rgyas pa chen po'i rgyud las/ mu stegs phyal pa 'khrul pa'i le'u ste nyer drug pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// nyan thos bye brag smra ba 'khrul pa'i rgyu dang ni// rkyen dang 'khrul pa'i 'dra gzhi dang // lha bsgom spyod pa 'bras bu ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// nyan thos bye brag smra ba 'khrul pa'i rgyu nyid ni// sku yi rtsal nyid ma 'gags sna tshogs snang ba la// ngo bo ma mthong rtsal nyid mthong ba

  56. 268a

    la// nyan thos de yi mthong stangs gsum du shar// sna tshogs snang ba phra rab rdul du mthong // de la rang bzhin med pas cha shas med par mthong // de las thams cad grub pas rdul las grub par mthong // de gnyis 'dra mthun rigs 'dra 'dus pa las// nyan thos dag gi rgyu dang 'dra gzhi byas// phyi nang snod bcud gnyis su snang ba yang // phra rab rdul las thams cad grub par rtogs// g.yo ba'i rdul rnams du ma tshogs pa las// rlung gi snang ba lta bur shar ba yin// sdud pa'i rdul rnams du ma tshogs pa la// chu yi snang ba lta bur grub pa yin// sra ba'i rdul rnams du ma tshogs pa las// sa yi snang ba lta bur byung ba yis// smin pa'i rdul rnams du ma tshogs pa las// me yi snang ba lta bur grub pa yin// brtan pa'i rdul gyis kun la khyab pa yis// zlum sgor yang zum bsgom cha shas med par gnas pa la// snang ba thams cad rdul gyis snang ba yin// rdul de rang rang so so'i mtshan nyid mi snang yang // ma 'dres dbyibs su 'dus pas snang ba yin// dper na g.yag rnga ne seng lta bu yin// sor mo ma 'dres dbyibs su snang ba yin// de las ma rtogs snang ba gang yang med// gsal ba'i rdul dang mun pa'i rdul nyid kyis// nyin dang mtshan du snang ba byung ba po// bcud kyi snang ba kun kyang rdul las grub// gsal ba'i rdul de rig par

  57. 268b

    shar ba las// 'byung ba'i rdul gyi sbubs su chud pas na// phung po lnga la sogs pa snang ba yin// rdul gcig steng nas rdul gnas pas// rdul las ma grub gang yang med// rdul de'i mtshan nyid shes pa na// de rtogs pa yi lta ba yin// rdul de'i mtshan nyid brtan par sgom pas na// mun pa'i rdul las grol bas na// gsal ba'i rdul nyid snang ba las// rdul de snang ba brtan pa thob pa na// khrus dang gtsang sbra dag la brten pa na// 'byung ba'i rdul de bag chags dag par 'dod// 'byung ba'i rdul de'i bag chags dag pa yis// 'phags pa dgra bcom pa yi 'bras bu 'thong // rin po che rgyas pa chen po'i rgyud las/ nyan thos bye brag tu smra ba'i le'u ste nyer bdun pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// nyan thos mdo sde pa yi blta ba 'khrul pa'i rgyu nyid dang // 'khrul pa'i 'dra gzhi rtogs pa'i blta ba dang // nyams kyi sgom pa spyod pa'i 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku rang byung yan lag 'gyur med pas// 'gyur med yan lag gcig tu snang ba des// byung bar ma mthong yan lag gcig snang la// mthong stangs de yi 'khrul pa'i rgyu nyid byas// rdul du mthong bas 'khrul pa'i 'dra gzhi byas// phyi dang nang gi

  58. 269a

    snang ba du ma yang // rdul gcig 'dus pa'i snang ba yin par rtogs// bde gshegs ye shes sems su snang ba yang // gsal ba'i rdul rnams du ma 'dus pa las// bde bar gshegs pa'i snang bar byung ba yin// 'gro drug bag chags sems su snang ba yang // mun pa'i rdul rnams du ma 'dus pa las// 'gro drug bag chags so so'i snang ba byung // rig med rdul rnams du ma 'dus pa las// phyi yi snod kyi snang bar byung ba yin// snang ba du mar snang mod kyang // rdul rnams 'dus pa'i snang ba yin par rtogs// gsal ba'i rdul des kun la khyab pas na// de ltar rtogs na rtogs pa'i lta ba yin// de la ma yengs 'dzin na sgom pa yin// bag chags rdul de grol bar bya ba'i thabs// lus ngag yid gsum dag par spyod pa yis// gsal ba'i rdul de thob pas na// 'phags pa dgra bcom pa yi 'bras bu 'thob pa yin// rin po che rgyas pa chen po'i rgyud las/ nyan thos 'khrul pa'i le'u ste nyer brgyad pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// nyan thos rang snang pa yi rgyu dang 'dra gzhi dang // rtogs pa'i blta ba nyams kyi bsgom pa dang // de yi spyod pa de yi 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku'i

  59. 269b

    rang bzhin yon tan kun gsal bas// yan lag gsal ba snang ba'i rdul du mthong // gsal ba de yis thams cad skyed gzhi byas// sku nyid ma mthong yan lag gsal ba la// mthong ba de yis 'khrul pa'i rgyu nyid byas// de gnyis 'dra mthun rigs kyang mthun pa yis// nyan thos rang snang 'khrul pa'i 'dra gzhi byas// snang ba'i rdul de snod dang bcud du byung // skyed par byed pa'i yan lag dang // rang snang ba yi yan lag gnyis// snang ba'i rdul la gcig par rdzogs// snang ba rdul des thams cad sgrub// snang ba'i rdul gyi byin rlabs la// phyi yi snod kyi rnam pa de// rdul gyi gdangs las byung ba yin// dper na me mar 'od bzhin grub// snod bcud snang ba de bzhin shar// rdul nyid mtshan nyid med pa ste// rang bzhin gdangs dang chas nas byung // rdul gyi rang bzhin rang gsal bas// gsal la mi 'gyur rtogs pas na// rtogs pa chen po'i lta ba yin// de la brten nas sgom pa yin// dbyer med rdul du spyod pas na// rang bzhin byung ba'i spyod pa yin// rdul nyid 'od dang chas pas rtogs// rig pa zhing khams chas nas snang // 'phags pa dgra bcom 'bras bu de// gsal ba'i rdul nas grub pa yin// rin po che rgyas pa chen po'i rgyud las/ nyan thos rang snang 'khrul pa'i le'u ste nyer dgu pa'o// // sdud pa'i gsang dbang rdo rje sems dpa'

  60. 270a

    des// ston pa'i ston pa kun tu bzang po la// nyan thos rang rgyal 'khrul pa'i rgyu dang 'dra gzhi dang // de yi blta bsgom spyod pa'i 'bras bu de// gang las byung zhing gang la spyod pa lags// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku'i yon tan mi 'gyur yan lag las// yan lag grangs med mi 'gyur gnas pa des// rang rgyal dag gis yan lag bcu gnyis rtogs// yan lag de nyid 'khrul pa'i rgyu byas nas// chos sku ma mthong yan lag mthong bas 'khrul// chos sku'i yan lag bcu gnyis mthong ba dang // rten cing 'brel pa bcu gnyis 'dra mthun pas// 'dra mthun rigs mthun 'dra ba 'dus pa yis// rang rgyal 'khrul pa'i 'dra gzhi byas// yan lag chos kyi rtsal de la// rtsal la rten 'brel du mar mthong ba yis// phyi yang rten cing 'brel par mthong ba dang // nang yang rten cing 'brel par snang ba yin// rten cing 'brel pas thams cad byed pa yin// chos sku rig pa med pa yis// de yi mthong stangs snang ba yis// ma rig pa las byung bar mthong // ma rig pa dang 'du byed dang // rnam par shes pa ming dang gzugs// skye mched drug dang reg pa dang // tshor ba sred pa len pa dang // srid pa skye ba rga shi'o// ma rig pa la brten nas su// thams cad de bzhin du byung

  61. 270b

    ba'o// ma rig pa nyid 'gag pa na// skyed par byed pa'i rten 'brel 'gag/ skye ba rgas pa na ba shi ba las// de las 'das nas mya ngan 'das// tshogs na spyod pa shi ba bsgom pa na// ro'am dur khrod rus pa la brten nas// rang dang de yang gnyis su med par bsgom// de nyid rtogs pas rten 'brel bcu gnyis 'gag/ nang gi rten 'brel 'gags pas phyi yi rten 'brel 'gag/ 'chi med byang chub sems dpa'i lam nyid 'thob// rten 'brel gzhi la thim pas rang gi 'bras bu 'thob// tshogs na spyod cing gcig pur spyod pa yis// rten cing 'brel par 'byung ba'i thim lugs shes// de ltar shes pas rang rgyal 'bras bu 'thob// rin po che rgyas pa chen po'i rgyud las/ rang rgyal blta ba 'khrul pa'i le'u ste sum cu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// sems tsam 'khrul pa'i rgyu dang 'dra gzhi dang // rtogs pa'i blta ba nyams kyi bsgom pa dang // spyod pa'i rang bzhin 'bras bu thob pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku rang rig g.yo ba med pa las// yan lag rig skyes rig pa byung ba yis// yan lag byung bar ma mthong rig gsal mthong ba yis// mthong stangs de yis 'khrul pa'i rgyu byas so// de gnyis 'dra

  62. 271a

    mthun rigs mthun 'dra ba 'dus pa yis// sems tsam 'khrul pa dag gi 'dra gzhi byas// phyi dang nang du snang ba thams cad kun// sems nyid dag gi snang ba yin pa las// sems las ma gtogs gang yang yod ma yin// sems de'i ngo bo rang rig rang gsal ba// rgyu 'bras dag las grol bar rtogs// gsal ba nyams su myang ba las// gsal byed gzhan la ma ltos pas// bem po dag las log pa de// sems las byung ba'i rnam pa kun// sems nyid ji bzhin bden pas na// rnam pa kun yang bden pa yin// sems dang rnam par snang ba yang // bdag nyid gcig pas 'brel pa yang // sems nyid ji ltar snang ba de'i// rnam pa yang ni de kho na// rnam pa sna tshogs snang bas na// sems de yang ni sna tshogs snang // sems las byung ba'i rnam pa ni// sems nyid bden pas rnam mi bden// sems nyid dang gsal nyams su myong // rnam par snang ba 'di dag kun// dngos su yod pa ma yin te// med pa de nyid snang ba yin// dper na skra zla la sogs med mthong bzhin// phyi nang thams cad sems su rtogs// de rtogs pa ni blta ba yin// de bsgom pa ni sgom pa yin// de spyod pa ni spyod pa yin// byang chub sems dpa' rgyun gyi 'bras bu chen po 'thob pa'o// rin po che rgyas pa chen po'i rgyud las/ sems tsam blta ba

  63. 271b

    'khrul pa'i le'u ste so gcig pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// byang chub sems dpa' 'khrul pa'i rgyu nyid dang // 'khrul pa'i 'dra gzhi rtogs pa'i blta ba dang // de nyid nyams dang spyod pa'i 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku spros dang bral ba chen po las// yan lag sna tshogs stong pa de nyid las// chos sku ma mthong stong pa chen por mthong // yan lag stong pa stong pa de nyid kyis// chos rnams thams cad spros dang bral bar mthong // mthong ba de yis 'khrul pa'i rgyu nyid byas// chos sku'i yan lag stong par mthong ba dang // blo yis mthong ba'i stong pa chen po gnyis// 'dra mthun rigs mthun 'dra ba 'dus pa las// byang chub sems dpa' 'khrul pa'i 'dra gzhi byas// chos rnams thams cad stong par rtogs pa yis// mtha' dang dbus med stong pa'i de bzhin te// phyi nyid stong pas nang gi yul las 'das// nang nyid stong pas sems kyi rtogs las 'das// mtha' dbus med par stong pa chen por rtogs// sems nyid stong pa mtha' dang dbus med pas// rang byung gdod nas dag pa chen po des// bsam du med de bsam pa'i yul las 'das// de yi rang bzhin gnas pa sgom pa yin// de

  64. 272a

    las sangs pa med pa spyod pa yin// 'bras bu byang chub sems dpa' chen pa 'thob// ngan pa che rgyas pa zin za'i chud las/ byang chub sems dpa' lta ba 'phrul bal ma'u ste gnas pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// byang sems sgyu ma lta bu 'khrul pa'i rgyu dang ni// 'dra gzhi rtogs pa'i tshad nyid dang // lta ba spyod pa 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// rang byung chos sku chen po las// 'gag med rtsal rnams cir yang snang // sku las byung bar ma mthong bas// rtsal rnams so sor snang ba las// so so'i snang ba de nyid las// sgyu ma lta bur mthong ba yis// byang sems 'khrul pa'i rgyu nyid byas// rtsa rnams brtags na med pa dang // sgyu mar brtags na med pa yis// 'dra mthun rigs mthun 'dra ba 'dus pa yis// byang sems 'khrul pa de yi 'dra gzhi byas// phyi yi snang ba 'od gsal sbra mar rtogs// snang yang brtags na med pa yin// nang gi snang ba rig gsal sgyu mar rtogs// brtags na phung po dag ni gting mi rnyed pa'o// rig pa sgyu ma snang bas 'gro ba sgyu ma byung // sgyu mas sgyu ma dag gi don yang byed// ye shes sgyu ma tsam du rtogs pa yis// lam lnga bgrod pas sa bcu rim

  65. 272b

    gyis 'thob// 'bras bu pha rol phyin pa yongs su rdzogs pa yin// byang chub sems dpa' rigs gsum 'bras bu 'thob/ rin po che rgyas pa chen po'i rgyud las/ byang chub sems dpa' sgyu ma tsam gyi lta ba 'khrul snang gi le'u ste so gsum pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// kri yA 'khrul pa'i rgyu dang 'dra gzhi dang // 'jug pa'i sgo dang lha sgom spyod pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku rang byung yon tan ma 'gags pas// yon tan yan lag rtsal gsum chad pa las// rtsal gsum dag las sku gsum snang bar shar// snang ba de gsum 'od du mthong ba las// lha yi sku yi phyag rgya gsal ba las// byung ba ma mthong yan lag mthong bas 'khrul// 'od dang lha gnyis 'dra mthun rigs mthun pas// 'od la lha mthong dag gi snang ba des// kri yAr 'khrul pa dag gi 'dra gzhi byas// 'od la mthong stangs rnam pa gsum du mthong // rgyu nyid dag pas 'od du mthong ba yin// lus ngag yid gsum dag pa'i sgo nas 'jug/ rang bzhin dag pas snang ba lha nyid snang // 'jam dpal spyan ras gzigs dang phyag na rdo rjer snang // snang ba de nyid yang dag bden par rtogs// lha nyid rjer mthong rang nyid khol du mthong // lha

  66. 273a

    mchod bstod dang 'bras bu ster bar mthong // de nyid mnyes pas yon tan rang la dgad// lha nyid rtogs pas snang ba kho nar shar// yul dang yul can gnyis su snang ba yin// dam tshig sems dpar gsal zhing brtan pa dang // ye shes sems dpa'i 'bras bu dngos su snang // de rtogs pa yis 'bras bu 'thob pa'o// rin po che rgyas pa chen po'i rgyud las/ kri yA 'khrul par snang ba'i le'u ste so bzhi pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// yo ga 'khrul pa'i rgyu dang 'dra gzhi dang // 'jug pa'i sgo dang rtogs pa'i lta ba dang // de yi bsgom pa spyod pa'i 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku yon tan ma 'gags lngar snang bas// chos sku'i don ma mthong bas yon tan snang ba la// yon tan ma 'gags 'od lngar shar ba las// 'od la rigs bzhi'i de bzhin gshegs par mthong // mthong ba de yis 'khrul pa'i rgyu nyid byas// lha dang 'od du snang ba'i 'dra mthun rigs mthun byas// gnyis dag gis 'khrul pa'i 'dra gzhi byas// lus ngag yid gsum dag pa de nyid kyis// dag na lha yi snang ba mched par mthong // lus ngag yid gsum dag pa chen pos 'jug/ khrus dang gtsang sbra dag la

  67. 273b

    brten pas lus nyid dag/ gsang sngags bzlas brjod byas pas ngag nyid dag/ tshad med bzhi bsgom yid nyid dag pa yis// dpon dang g.yog tu mthong nas mchod bstod byas pa yin// ye shes sems dpa' de nyid mnyes pas so// dam tshig sems dpa' de la 'bras bu 'thob// rin po che rgyas pa chen po'i rgyud las/ yo ga 'khrul snang gi le'u ste so lnga pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// u pa ya yi 'khrul pa'i rgyu nyid dang // 'dra gzhi 'jug sgo rtogs pa'i blta ba dang // de yi sgom pa spyod pa'i 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku'i rang bzhin yon tan ma 'gags pas// yon tan yan lag rnam pa gnyis su snang // gnyis snang de yis 'khrul pa'i gzhi byas nas// 'od la lha mthong lha nyid dag par mthong // gnyis su mthong bas 'dra mthun rigs mthun pas// 'jug pa'i sgo ni dag pa dag la 'jug/ rtogs pa'i lta ba snang ba rigs lngar rtogs// rje dang 'bangs su mthong ba yis// ye shes sems dpa' dag la ni// mchod dang bstod pas dngos grub 'byung // dam tshig sems dpar byin gyis rlobs// sgom pa rigs lnga mdun du bsgom// lta ba yar blta spyod pa mar spyod

  68. 274a

    pas// 'bras bu lha yi snang ba grub par 'dod// rin po che rgyas pa chen po'i rgyud las/ u pa ya 'khrul pa'i le'u ste so drug pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// ma hA yo ga 'khrul pa'i rgyu nyid dang // 'khrul pa'i 'dra gzhi 'jug pa'i sgo nyid dang // rtogs pa'i lta ba nyams kyi sgom pa dang // spyod pa'i bdag nyid grub pa'i 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku ris med yon tan 'gag med pas// yon tan ma 'gags rang bzhin med pa las// chos nyid ma mthong yon tan mthong ba las// mthong ba de yis 'khrul pa'i rgyu nyid byas// yon tan ma 'gags 'od du snang ba dang // shes rab ming med shes rab dag tu rtogs// thabs dang shes rab dag tu mthong ba yis// yon tan mthong stangs de gnyis 'dra ba yis// 'dra mthun rigs mthun 'dra ba 'dus pa las// phyi dang nang gi snang bar byung ba yin// phyi yi snang ba lha yi gzhal yas khang // rig pa'i snang ba lha dang lha mo nyid// de gnyis thabs dang shes rab dag tu rtogs pa yis// thams cad rgyal ba'i dkyil 'khor lhun gyis grub// rdo rje phung po yan lag rgyal ba'i dkyil 'khor lhun gyis grub// ting 'dzin rnam gsum sgo nas zhugs pa

  69. 274b

    yis// rgyal ba'i dkyil 'khor chen por snang ba byung // de gnyis rang dang dbyer med bsgom pa yis// 'bras bu rigs kyi dkyil 'khor lhun gyis grub// rin po che rgyas pa chen po'i rgyud las/ ma ha yo ga 'khrul pa'i le'u ste so bdun pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// a nu yo ga 'khrul pa'i rgyu nyid dang // de yi 'dra gzhi 'jug pa'i sgo dang rtogs pa'i lta ba nyams kyi sgom pa dang // spyod pa'i bdag nyid grub pa'i 'bras bu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku rang bzhin stong par gnas pa dang // ye shes rang bzhin rig pa mi g.yo ba// stong pa snang bar rtogs la ye shes bcud du rtogs// de gnyis so sor snang bar 'dod pa yis// so sor bzung bas 'khrul pa'i rgyu nyid byas// gzung ba rang gis so sor snang ba byung // gnyis snang de yis 'khrul pa'i 'dra gzhi byas// 'dra mthun rigs mthun 'dra ba 'dus pa yis// dbyings dang ye shes gnyis kyi snang bar shar// ye shes dbyings la 'jug par mthong ba yis// thams cad dbyings ni stong par snang ba las// rig pa'i ye shes dag gis zhugs pas na// gnyis med 'od gsal zung 'jug bsgoms pa yis// de dang dbyer med spyod

  70. 275a

    pas spyod pa yin// de rtogs lhun gyis grub pa'i 'bras bu yin// rin po che rgyas pa chen po'i rgyud las/ a nu yo ga 'khrul snang gi le'u ste so brgyad pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la/ rdzogs pa chen po'i rdzogs pa ji lta bu// thams cad rdzogs pa'i 'bras bu de nyid gang // ston pa'i ston pa kun tu bzang po des// sdud pa'i gsang dbang rdo rje sems dpa' la// gzhi yi dus na chos rnams thams cad rdzogs// chos sku rang bzhin spros dang bral bas chos kyi sku nyid rdzogs// rig pa gsal la ma 'gags longs sku rdzogs// rtsal nyid cir yang snang bas sbrul sku rdzogs// snang ba yul du grub pa nyid las sku gsum rdzogs// snang ba rang bzhin stong pa chos sku rdzogs// snang ba gsal bar gnas pas longs sku rdzogs// snang ba don dang mthun pas sbrul sku rdzogs// gti mug chos kyi sku ru snang ba dang // zhe sdang gsal ba longs spyod rdzogs pa'i sku ru snang // 'dod chags dag pa sprul pa'i sku yin pas// sku gsum rang byung dag tu shar ba yin// thams cad sku gsum dag tu snang ba las// dug gsum spangs pa'i pha rol na// sku gsum dag ni yod ma yin// tshogs brgyad yul du snang ba yang // sku las ma gtogs gang yang med// thams cad de bzhin nyid kyi snang ba

  71. 275b

    de// chos sku ris med chen po de// rang byung nam mkha' dag tu shar// mtha' dbus med par yangs pa ste// skye 'gag med cing bri gang med// lta ba rang bzhin med pa'i don// de ni chos sku chen por 'dod// de las byung ba'i snang ba ni// rnam par snang mdzad longs skur shar// chos sku de yi rtsal nyid las// rig pa sna tshogs rtsal shar bas// sbrul sku chen po'i snang ba yin// sbrul skus yul du spyad pa des// yul dang yul can yin pa'i phyir// yid smon blo yi chos yin pas// ji ltar spyad kyang 'dus byas yin// sems nyid dag pa rtogs pas na// nyid la nyid rtogs sangs mi rgya// ye shes rig stong thig le de// rgyu rkyen ka/ nas yin nam bka' las ma grub pas// rang byung ye shes rig gsal yin// 'gag pa med pas shar bas na// rang gsal longs sku chen po yin// rtogs bsam blo las 'das pas na// rang snang grol ba'i me long 'di// rig gsal sbrul sku shar ba yin// rang byung sems kyi sgra de ni// brjod pa'i mtha' dang bral bas na// ngo bo nam mkha' lta bu de// rnam par dag pa chen po nyid// longs sku 'ja' tshon lta bu la// ngo bopo rnam par snang mdzad snang // gang zag blo la nges med pas// sprul pa'i sku yang nges med snang // sku yi sku gsum chen po dang // sems kyi sku gsum chen po ni// sku gsum 'du 'bral med pa yin// dbyer

  72. 276a

    med rtsal gyi snang tshul yin// sku gsum btsal du med pa gdod nas lhun gyis grub// dug gsum spang du med pas ye shes gdod nas dag/ thams cad rang byung dang la rdzogs pa yin// 'bras bu rdzogs pa chen po'i rang bzhin no// rin po che rgyas pa chen po'i rgyud las/ a ti yo ga'i lta ba bstan pa'i le'u ste so dgu pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// chos sku chen po kun la khyab pa la// 'gro drug rnams kyis chos nyid mi snang bar// sdug bsngal sna tshogs ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// rang byung chos sku chen po de nyid ni// dbyer med gcig yin bri gang med par chags// gcig las mthong stangs tha dad byung bas na// chos sku rang byung 'od gsal chen po des// 'od gsal me ru mthong bas dmyal ba'i sdug bsngal rgyu// ma g.yos chu ru mthong bas grang ba'i sdug bsngal rgyu// sprul pa gshin rjer mthong bas sdug bsngal chen po'i rgyu// don byed 'dren pa slar la srog gcod mthong // gsung gi chos ston log pa'i sgra nyid 'byung // gtogs sod chod la sogs pa'i sgra ru thos// gdul bya phyag mtshan spu gri la sogs mthong // gcig las med kyang log pa'i snang ba yin// chos sku spros bral chen po

  73. 276b

    dang // rig pa'i ye shes dbyer med pas// de gnyis chags par mthong ste 'dod chags dag tu mthong // mthong ba'i bag chags zhen cing chags pa yis// de yi rgyu mthun las kyi 'bras bu yin// phyi yi snang ba sgrib pas rnag khrag dag tu mthong // nang gi snang ba sgrib pas zas las me nyid 'byung // sku nyid snang bas kha 'bar ma ru mthong // 'dod chags dbang gis snang ba sdug bsngal rgyu// rigs mthun sprul pa sdug bsngal sna tshogs myang // chos nyid rig pa g.yo ba med pa des// ma 'gags yon tan cir yang snang // rig pa g.yo ba med pa de nyid las// rig pa ma rig pa yi rgyu de nyid// 'gag pa med pa'i yan lag snang ba la// snang ba mun par snang ba des// byol song rnams kyis snang ba mun par mthong // nyi ma 'bum ltar gsal yang mun pa nyid du snang // glang mgo nyid kyis don byas kyang // sprul pa nyid la brten nas sdug bsngal 'byung // byol song rnams kyi mthong stangs de bzhin no// chos sku ma 'gags rtsal nyid snang ba las// rtsal rnams so so'i snang ba shar ba las// gling bzhi mi yi tshogs drug snang bar mthong // snang ba de la brten nas bde dang sdug bsngal rgyu// 'du byed dag gi sdug bsngal snang ba yis// yan lag de rtsal snang ba so so las// lha yi snang ba rin chen sna tshogs la// 'dod pa'i bde ba chu bcud lta bu nyid// 'gyur ba'i

  74. 277a

    sdug bsngal rang nyid snang ba las// mthong stangs so so dag gi yul yin pas// rang rang bag chags so so'i ris su grub// med kyang snang bas 'khrul pa'i snang ba ni// log rtogs 'khrul pas chos nyid gsal ba min// chos sku'i rtsal nyid snang ba las// so so'i rigs kyi snang ba byung ba yin// rig pa mi rig rig par shar ba las// gang zag rigs rnams so sor byung ba yin// dper na gzhi gcig dag las snang tshul tha dad pa// chu yi rang bzhin ngo bo gcig pa las// dmyal bas me mar me yi phung por mthong // yi dwags rnag khrag dag tu mthong ba yin// byol song dag gis gnas su mthong ba dang // mi yis chur mthong lha yis bdud rtsir mthong // gcig las med de tha dad snang ba yin// chos nyid ma mthong rtsal nyid mthong ba yin// bag chags dbang gis tha dad 'byung ba'o// rin po che rgyas pa chen po'i rgyud las/ rigs drug bag chags snang ba bstan pa'i le'u ste bzhi bcu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// srid pa bar do'i 'khrul pa'i mthong stangs dang // ngo bo snang tshul ji ltar snang ba lags// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku rang gi byin rlabs rtsal lngar shar ba las// rig pa rkyang pa

  75. 277b

    de yi kha dog lnga ru mthong // mthong ba nyid kyis rig pa sad pa las// kha dog lnga ru mthong bas byung ba yin// byung ba rang gi 'khrul pa'i rgyu nyid byas// 'od la kha dog rnam lngar mthong ba yin// 'dra mthun rigs mthun 'dra ba 'dus pa yin// bar do 'khrul pa dag gi 'dra gzhi byas// gsal ba'i yon tan rnam pa gsum dag las// gting gsal dag gi rig pa'i ye shes gsal// dngas gsal dag gi dbyer med gnas pa yin// 'od gsal dag gi phyi yi yon tan 'char// yon tan lngar snang 'byung nga lnga ru 'char// 'byung ba rnam lnga kha dog lngar shar bas// dkar dang dmar ba ser ba'i kha dog dang // nag dang ldang bar snang ba'i kha dog la// yul du snang bas nyon mongs dug lngar snang // nang du snang bas rig pa kha dog lnga// dbyer med spyad pas 'dod spyod rnam lnga'o// srid pa'i rlung lngas bskyod pas yid kyi rgyu ba rgyu// phyi yi yid gsum yul la rtog 'jal dpyod// nang gi yid gsum bag chags dran rtog snang // gsang ba'i yid gsum sems la rtog sems dpyod// srid pa bar do'i dus na las dang bag chags snang // bag chags gang dang ldan pa'i snang ba shar// chos nyid dngos su snang yang yul dang kha dog gsal// ye shes mchog tu gsal bas bag chags sdug bsngal bskyed// 'dun pa'i 'dod chags 'od la shes pa 'jug/ mchog tu

  76. 278a

    gsal bas sdug bsngal bskyed pa'i rgyu// chos sku yan lag sdug bsngal dag tu shar// rin po che rgyas pa chen po'i rgyud las/ bar do 'khrul snang gi le'u ste zhe gcig pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// 'od gsal lha yi snang ba dang // gzugs med lha yi snang ba gang // ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku 'gag med rig gsal 'od du shar// 'od du snang ba'i yan lag rang la gsal// rang 'od rang shar gnyis su snang ba yis// nam mkha' dag la brten pas bag chags de ltar snang // rang gi snang ba 'od du shar ba las// gsal 'grib dag gi snang ba sdug bsngal chu// 'dod pa'i yon tan bral nas su// phung po 'od lus chen po des// 'gyur ba'i sdug bsngal dag pas na// gzugs med lha yi snang ba ni// chos rnams nam mkha' lta bur mthong // chos rnams ci yang med par mthong // yod pa nam mkha' lta bu la// med pa ci yang mi dmigs pa// chos rnams rnam par shes par mthong // med bzhi'i phung po dag tu grub// snang ba gzugs su mi dmigs pa'o// rin po che rgyas pa chen po'i rgyud las/ lha 'khrul snang gi le'u ste zhe gnyis pa'o// // sdud pa'i gsang dbang rdo rje sems dpa'

  77. 278b

    des// ston pa'i ston pa kun tu bzang po la// yid kyi rgyu ba rnam pa dgur byung bas// lha bsgom 'bras bu gol ba ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku 'gag med rig gsal 'od du shar// 'od du snang ba'i yan lag rang la gsal// phyi yi rgyu ba rnam gsum yul la gzhal// nang gi rgyu ba rnam gsum sems la 'jal// gsang ba'i rgyu ba rnam gsum lta sgom dag la 'jal// phyi yi chos sku chen po des// ma bcos so mar rang snang bas// dang po rang rig ye shes des// rig ma skyes pa ye shes yin// rig pa skyes pa yid yin te// rig pa rig pa skyes pa yin// dang po ci yin snyam pa dang // bar du yin min snyam pa dang // thog mar yin gdeng shes pa yis// so ma'i chos nyid de yis bsgribs// ma bcos pa yi snying po la// byas pa'i blo yi snang bar byung // 'dus byas chos nyid chen po yin// nang gi byang chub sems nyid de// gsal la mi rtog 'dzin med pas// byang chub sems su bzung nas ni// sems la yin min rnam gsum 'byung // gzung ba rang gi sems nyid bsgribs// gsang ba'i chos sku chen po des// rang bzhin rnam dag 'gag pa med// ma bcos pa yi snying po la// bltar med bltas na yid kyi yul// bsgom med bsgoms na rtog pa yin// gsang ba'i rgyu bas

  78. 279a

    bsgribs pa yin// de ltar bsgribs lugs rnam gsum la// snang ba rnam pa gsum du byung / chos sgra rig pa mi gnas pas// snang snod gnyis kyang nyid lta bur snang ba byung // rig pa de nyid ma g.yos pas// bder gshegs ye shes sems su byung // rig pa de nyid g.yos pa yis// 'gro drug bag chags sems su byung // phyi yi sgrib pa rnam gsum dang // nang gi sgrib pa rnam gsum dang // gsang ba'i sgrib pa rnam gsum gyis// chos sku yid bzhin nor bu de// yod pa ma mthong stor ba tshor// stor bar tshor ba'i rang bzhin gyis// de tshe dbu ma nyid du gnas// thar pa'i lam stor nyid du gnas// mun pas 'thibs pa nyid du gnas// skyabs med mgon dang bral bar gnas// 'khor ba'i chu bos khyer bar gnas// nyam zag sdug bsngal dag gis zin// rang gsang thabs kyis chod pa'o// rin po che rgyas pa chen po'i rgyud las/ chos sku rang sgrib kyi le'u ste zhe gsum pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// rang byung ye shes chen po la// chos kyi phung po brgyad khri dang // bzhi stong byung ba ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku las byung ye shes rig pa de// rig pa gdangs gsal de yi byin rlabs

  79. 279b

    las// chos sku longs sku sprul pa'i skur byung ste// chos sku nyid las nges pa'i don byung ngo // longs sku dag las drang ba'i don byung ngo // sbrul sku dag las bkri ba'i don byung ngo // rang byung chos sku chen po las// rang byung ye shes rig skyes pas// rig pa'i byin rlabs chen po las// bder gshegs sku gsum ngo bor byung // de yi thugs rje'i shugs skyes pas// chos sku sgo mo mang por gsungs// nyon mongs brgyad khri bzhi stong la// de yi gdul bya brgyad khri dang // bzhi stong mang por byung ba yin// snang tshul gsung rab yan lag bcu gnyis byung // bkri dang drang dang nges pa'i don// rnam pa gsum du 'dus pa yin// rim par bstan pa kun tu rol// rdzogs chen nges pa gcig tu bstan// don la gcig las med pa las// tha dad du mar byung ba de// rang byung chos sku'i byin rlabs so// rin po che rgyas pa chen po'i rgyud las/ bstan pa ji ltar byung ba'i le'u ste zhe bzhi pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// lus gang 'khrul pa rim gyis bzlog pas na// sems de'i gnas lugs ji ltar gnas pa la// sems de gzhag pa'i thabs dang sems de bcos pa'i thabs// sems de zin pa'i rtags dang sems de'i sgrib pa dag pa ji lta bu// ston pa'i ston pa kun tu bzang po des// sdud

  80. 280a

    pa'i gsang dbang rdo rje sems dpa' la// sems nyid mi rtog stong par gnas pa la// sems nyid chos sku stong par gnas pa dang // sems nyid ye shes rig pa stong pa de/ yang sems kyis ye shes stong par rig pa de// yid kyi skad cig dang por byung bas na// rig pa de dang stong pa gnyis med pas// stong pa de yi ngang la gzhag par bya'o// sems kyis ye shes dag pa sems 'dzin na// rang rig rang ming med pa la// skad cig rig par rang gsal de// skad cig gnyis par mi gtang bar// seng nge ye re gzung bar bya'o// sems kyis sems la sems 'dzin ni// skad cig dang po'i rig pa steng byung de// yul la shes pa had kyis snang ba de// rig pa 'dzin pa med pa des// yul la 'dzin pa med par gzhag/ rgod na shes pa bsgrims la gzhag/ bying na shes pa glod la gzhag/ snang na rang bzhin med par gzhag/ stong na 'dzin pa med par gzhag/ sems de zin pa'i rtags de ni// sgo lnga yul la mi spyod cing // rtog med had de gnas pas na// sems kyis sems ni zin pa yin// de yis sgrib pa dag pa'i rtags// snang ba ming dang bral ba'i snang ba yis// bag chags sgrib pa dag pa yis// yul la nyon mongs mi skye bas// nyon mongs sgrib pa dag pa yin// sems kyis chos sku spyod pa la// sems kyi ye shes 'dzin med pas// shes bya'i sgrib pa

  81. 280b

    dag pa yin// de la mnyam gzhag rjes thob gnyis// gnyis su med pas dbyer med pas// mnyam na sems kyi 'bras bu yin// de yi brtan pa thob pa na// lus kyi 'khrul pa bzlog pa'o// rin po che rgyas pa chen po'i rgyud las/ sems sems la bzung ba'i le'u ste zhe lnga pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// dbang po 'bring po'i 'khrul pa bzlog byas pa// phyi yi ye shes dag la sems gzhag dang // nang gi ye shes dag la gzhag pa dang // gsang ba'i ye shes dag la gzhag pa dang // de yi zin rtags sgrib pa dag pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// de nyid rim gyis blta so ma bcos snang ba 'di nyid la// sgo lnga so ma bcos pas 'dzin par med par gzhag par bya'o// de tshe nyid na 'bras bu chos sku 'thob// chos sku nam mkha'i snying po la// tshogs drug rim ltar rim gyis blug/ tshogs drug rim gyis sangs rgyas pas// sangs rgyas pa yi sangs rgyas yin// chos sku nam mkha'i snying po de// nam mkha'i ming dang bral ba nyid// bsam med bsam gyis mi khyab pas// bsam gyis mi khyab bsam med pa'o// rang byung chos sku'i snying po la// blta zhing shin tu brtan pa ni// rang byung chos sku'i snying po de// rang byung ye shes yan

  82. 281a

    lag chos kyi sku// sna tshogs grangs med snang ba'i sku// snang ba ma bcos pa dag la// shes pa ma bcos pa dag gzhag/ ma bcos pa ni bcos pa'i mchog/ byung ba'i sku gsum chen po la// byung ba'i ye shes rnam gsum gzhag/ 'byung ba dag gi sku gsum la// 'byung ba dag gi ye shes gzhag/ byung nas gnas pa'i sku gsum la// byung nas gnas pa'i ye shes gzhag/ nam mkhar ming ma btags pa yis// nam mkha'i snying po bltas byas na// de tshe sangs rgyas nyid du 'gyur// sngon ma mthong ba'i chos sku mthong // bltar med bltas na lta ba'i mchog/ bsgom med bsgoms na sgom pa'i mchog/ de yi sgrib pa rnam gsum ni// phyi nang gsang ba'i yid med pas// sgrib pa rang byung dag pa yin// gnas lugs de ltar gnas pa la// yin lugs de ltar yin zhe na// bsgrib med ye nas dag pa yin// rin po che rgyas pa chen po'i rgyud las/ sku dang ye shes la sems gzhag pa'i thabs kyi le'u ste zhe drug pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// bar do rnam pa gsum dag tu// lus gsum gang dang ldan pa yin// spyan gsum ji ltar gsal ba yin// sku gsum ji ltar ldan pa yin// ye shes ji ltar skyes pa yin// ston pa'i ston pa kun tu bzang po des// sdud pa'i gsang dbang rdo rje

  83. 281b

    sems dpa' la// rang bzhin par do'i dus dag tu// zag dang bcas pa'i lus nyid de// phung po thogs dang bcas pa la// sha khrag bcas pa'i lus nyid la// phung po khams dang skye mched la// sems las sems byung brten pa'i lus// sems kyi chos sku stong pa dang // sems kyi ye shes rtog pa med// mig la brten nas gsal bas na// nyin mo nam mkha' stong la blta// nub mo kun gzhi ngang la blta// nyin mo sems kyi ye shes rtog med byung // nub mo sems kyi ye shes stong pa byung // nyin mo chu bur mig la brten// nub mo yid kyi mig la brten// de la gnas shing goms byas nas// sems kyis sku dang ye shes thob// rmi lam par do'i lus de ni// zag pa med pa'i lus yin te// tshul khrims chen po'i phung po dang // ting nge 'dzin gyi phung po dang // shes rab kyis ni phung po dang // rnam par grol ba'i phung po dang // rnam grol ye shes gzigs pa'i phung po dang // de lta bu yi phung po la// rten med spyan dang ldan pa yis// lha yi spyan dang ldan gsal bas// mthong med sangs rgyas chos sku mthong // rang byung ye shes bde gsal skyes// nyin mtshan med pa'i snang ba las// dbyer med sku dang ye shes thob// srid pa bar do'i lus de ni// ye shes lus can de bzhin gshegs// ye shes lnga yi phung po la// rigs lnga de bzhin gshegs

  84. 282a

    par snang // phyi dang nang gi sgrib med par// ye shes spyan dang ldan pa 'byung // de lta'i spyan dang ldan pa des// dbyer med sangs rgyas chos sku mthong // rang byung ye shes snying po bskyed// dbyer med lhun grub gol med pas// gang ltar byas kyang sangs rgyas sku// yid bzhin nor bu lta bu nyid/ dgag bsgrub gang yang med par gnas// snang ba de ltar rang shar bas// 'khor ba nyid kyang 'bras bu'o// rin po che rgyas pa chen po'i rgyud las/ bar do rnam gsum las ye shes rim gyis gsal ba'i le'u ste zhe bdun pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// sangs rgyas longs sku chen po la// sems gzhag de nyid brtan pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// sku yi longs sku dag la sems de gzhag pa ni// sna tshogs cir yang snang sku'i longs sku la// tshogs drug 'dzin pa med par bsre bar bya// phyi dang nang gi longs sku bsres nas ni// kha dog rnam lnga ye shes rnam lngar bsre// sgo lnga 'dzin pa med pa rang sor gnas// sgo lnga yul lnga shes pa rnam lnga yis// gzung 'dzin med par shes pa rang sor gzhag/ gsal ba'i longs sku gnyis med bsres pa na// sku yi longs sku chen po thob pa yin// longs sku longs sku dag la

  85. 282b

    gzhag pa ni// rig pa'i ngo bo gsal la ma 'dres pas// chos sku gsal la ma 'dres dag la gzhag/ snang la rang bzhin med pa dang // gsal la rang bzhin med pa gnyis// dbyer med gcig tu gzhag pas na// de yi brtan pa thob pa dang // rmi lam dus su de nyid snang // bar do'i dus su dngos su snang // rigs lnga so so'i snang ba las// zhing khams yongs su dag par snang // 'khrul pa'i lus la brten nas ni// ma 'khrul pa yi sku nyid byung // 'khrul pa'i sku la brten nas ni// ma 'khrul pa yi ye shes 'byung // 'khrul pa'i snang ba la brten nas// ma 'khrul pa yi snang ba 'byung // sku ru yin pas sku nyid 'byung // gzhan las byung ba ma yin no// rin po che rgyas pa chen po'i rgyud las/ longs sku la sems bzhag pa'i le'u ste zhe brgyad pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// thams cad chos sku yin pa las// sa lam bgrod du med pa la// bgrod par mthong ba ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku nyid las dang lam// log par rtog pa'i snang ba ste// chos kyi sku dang ye shes gnyis// 'og ma'i lam nyid 'byongs pa dang // gong ma'i sa nyid thob pa na// sku dang ye shes thob pa min// rang gi sku dang ye shes

  86. 283a

    gnyis// thog ma med nas rang la byung // rang nyid spangs pa'i pha rol na// sku dang ye shes yod pa min// sangs rgyas rnams kyi ye shes de// rang la gnas te gzhan na med// dmyal ba'i gnas der gnas gyur kyang // spu gri la sogs sdug bsngal rnams// ye shes nyid du snang ba las// sdug bsngal 'byung ba ga la srid// sems can dmyal ba'i sdug bsngal de// sangs rgyas gnas su gnas na yang // sangs rgyas rnams kyi ye shes de// sdug bsngal nyid du snang ba las// ye shes snang ba ga la srid// rang la gnas pa'i ye shes de// rang nyid rang la ma shar na// gong ma'i sa yi yon tan de// rnam grangs yin te don ma yin// rang byung ye shes ma shar na// sa dang lam la spyad du med// thob bya thob rgyu med pa na// sa dang lam zhes bya ba med// phyi nang chos skur ma shar na// sgrib dang bsgribs pa 'gog pa'i lam// yang dag nyid du ma grub pas// gang ltar byas kyang 'dus byas chos// chos kyi sku nyid ma rtogs shing // rig pa'i ye shes ma shar na// mi rtog pa nyid byung gyur kyang // snyoms par 'jug pa rnam gnyis bzhin// dga' bde'i ye shes skyes gyur kyang // bsam gtan gnyis pa'i lha bzhin no// chos rnams nam mkhar shes gyur kyang // rig pa yul la spyod pa na// nam mkha' mtha' yas skye mched bzhin// snang ba

  87. 283b

    bkag nas stong bzung na// ci yang med pa'i skye mched bzhin// thams cad rnam par shes bzung na// rnam shes mtha' yas skye mched bzhin// snang ba nges par bzung ba na// so so'i skye bo'i lta ba bzhin// dbyings kyi rang bzhin shes pa na// snang ba spang du med pa la// stong pa de nyid bsgrub tu med// dbyings kyi snang ba cir yang 'char// ye shes snang ba cir yang gsal// dbyer med snang ba cir yang rol// ma bkag ma bsgrubs bde ba'i ngang // ma bcos snying po de nyid don// ma bsgrubs mtha' rnams kun las 'das// ma bkag gol ba'i sa lam med// 'bras bu re dogs med pa yis// 'byed pa med pa kun tu bzang // rdo rje theg pa chen po 'di// phyi dang nang du snang ba yang // thabs dang shes rab 'brel pa'i brda'// thams cad mkhyen pa'i ye shes sku// 'di las ma rtogs gang yang med// rnam pa thams cad mkhyen pa yang // ma bcos pa las byung ba ste// bcos na thams cad mkhyen pa med// snang ba ma bcos chos nyid la// rig pa ma bcos ye shes nyid// dbyer med shes na ye shes thams cad mkhyen// sa lam sbyang na gol ba'i lam// rdo rje sems dpa' zhes bya ni// rang bzhin ma bcos pa las byung // sa dang lam du 'dzin pa kun// log par rtog pa'i spyod yul lo// rin po che rgyas pa chen po'i rgyud las/ sku dang ye

  88. 284a

    shes la sa lam bgrod du med pa'i le'u ste zhe dgu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// dus gsum sangs rgyas thams cad kyi// sku dang ye shes rang la gnas pa las// phyi nang dbang de bskur ba ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// dus gsum 'du 'bral med pa'i rtags// sku dang ye shes rang las byung // de nyid mtshon par byed pa'i rtags// brda' la brten nas don nyid mtshon// snang ba thams cad dbang gi brda// phyi yi brda la brten nas ni// rnam par mi rtog ye shes skyes// nang gi rig pa la brten nas// phyi yi snang ba chos nyid 'char// dbyer med rtogs pa dbang mchog thob// rang byung chos sku rtogs tsam na// rang nyid rang la sku lnga 'byung // ye shes lnga yi snang bar shar// dbang zhes bya ba rang bzhin no// thabs la brten nas don mtshon pas// rang gi ye shes dbang du gyur// sku yi rtogs lugs bsam mi khyab// ye shes skye lugs bsam mi khyab// bsam gyis mi khyab brjod du med// snang ba la brten chos nyid skye ba dang // rig pa la brten ye shes skyes pas na// ye shes gang ltar byung yang dbang yin no// thabs dang thabs las byung ba'i dbang mchog des// thabs ni bsam

  89. 284b

    gyis mi khyab pas// ye shes bsam gyis mi khyab skye// 'gag med chos skur gang ltar bltas pa shar// de dang ldan pa thams cad dbang yin no// rin po che rgyas pa chen po'i rgyud las// dbang nges pa bstan pa'i le'u ste lnga bcu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// chos sku skye ba med pa'i rang bzhin la// pha rol phyin drug rdzogs pa ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos nyid rnam par dag pa'i rang bzhin la// thams cad de la gnas shing de la spyod pa de// dbyer med mnyam par gnas pas sbyin pa'o// rang bzhin med par shes pas pha rol phyin pa yin// chos sku rang bzhin gos pa med pa la// ngo bo rang bzhin dag pa'i tshul khrims te// gang gis gos pa med pa tshul khrims pha rol phyin// chos nyid rang bzhin gdod nas zhi ba las// rang bzhin khong khro med pa bzod pa ste// dbyer med gnyis su med pa pha rol phyin pa'o// skye med gdod nas rang bzhin kun la khyab// don thob le lo med pa brtson pa ste// kun khyab dbyer med gnas pa pha rol phyin pa'o// chos nyid gdod nas rang bzhin rnam dag pas// rtog med mnyam nyid gnas pa bsam gtan te// rang bzhin yengs pa med pas pha rol phyin// chos kyi sku yi rang

  90. 285a

    bzhin de nyid la// thams cad de bzhin nyid na gnas pas shes rab ste// rang bzhin de ltar rtogs pas pha rol phyin// chos kyi sku yi rang bzhin don rtogs na// pha rol phyin pa thams cad yongs su rdzogs pa ste// rdzogs pa chen po'i 'od la gang gnas pa// 'di bsgom thams cad yongs su bsgoms pa'o// rin po che rgyas pa chen po'i rgyud las/ dka' thub sgo nas pha rol phyin pa drug spyad du med pas/ pha rol phyin pa rang la rdzogs pa'i le'u ste nga gcig pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// 'dus byas blo yi nam mkha' la// 'dus ma byas pa skye ba nyid// sems kyi gzhag thabs ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// chos nyid 'dus ma byas pa de// nam mkha'i ngo bo rang bzhin yin// gang du ma grub spros bral ba// de la 'dus byas blo nyid bzhag/ ma byas pa yi shes pa de// de la had de phyod de bzhag/ yul gyi snang ba mi dpyod cing // sems kyi rtog pas lta ba ma dpyad na// mi dmigs pa ru snang bas na// rig pa'i stong pa chen po dang // nam mkha' stong pa 'dres pa yin// gang du ma grub spros bral ba// de ltar rtogs pa lta ba yin// de la gnas pa sgom pa yin// gang ltar spyod pa spyod pa yin// snang ba 'dzin/

  91. 285b

    med rtog med pas// bag chags sgrib pa nub pa yis// tshogs drug mkha' la grub blugs kyang pa yis// yul la mi spyod ye shes yin// yul dang yul can gnyis med pas// nyon mongs sgrib pa dag pa yin// sgo lnga rang sar dag pa yis// longs spyod rdzogs sku thob pa yin// ye shes rgyun du gnas pa yis// rtog pa kun la 'das pa yin// rang byung ye shes rdzogs pas na// rdzogs pa chen po'i sangs rgyas yin// ting 'dzin don la ma chags pas// shes bya'i sgrib pa dag pa yin// rang byung ye shes chen po de// sangs rgyas chos sku mthong zhes bya// mthong med mthong ba mthong ba'i mchog/ mthong las 'das pa ye shes mchog/ 'dus rgyas blo yi nam mkha' la// 'dus ma byas pa'i chos nyid byung // rang byung snying po sku yi gnas// de rtogs sangs rgyas btsal du med// spang thob med pa'i ye shes so// rin po che rgyas pa chen po'i rgyud las/ 'dus ma byas sems la 'dus ma byas byung ba'i le'u ste nga gnyis pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// 'khrul pa'i lus nas sems nyid don pa dang // sems nyid mkha' la bzhag ste brtag pa dang // lus la brtags te nang du bsdu ba gang // ston pa'i ston pa kun tu bzang po des// sdud pa'i gsang dbang rdo rje sems dpa' la// lus ni mi

  92. 286a

    dmigs pa yi phyir// nam mkha' dag la rig pa gzhag/ lus por mkha' la bzhag nas ni// ting 'dzin lus dang ldan pa de// rang bzhin med par seng nge bzhag/ ye shes gting gsal chen po 'byung // rang lus nam mkha' stong pa lta bu la// snang ba nam mkha' lta bur snang // nam mkha' mi dmigs lus kyang mi dmigs pas// rig pa dag kyang dmigs pa yod pa min// dmigs pa gsum las 'das pas ting 'dzin lus// rig pa mkha' la bton nas ni// lus la brtag pa gsum bya ste// mi dmigs pa ru brtags nas ni// sdug bsngal kun yang mi 'byung ngo // rgyal ba du mar brtags nas ni// yon tan thams cad kun 'byung ngo // dur khrod lta bur brtags nas ni// chags med ye shes bde bar 'char// rig pa nang du bsdu ba ni// gti mug byed pa med pa yis// rig pa mi g.yo mi rtog pas// snying po de la tshogs drug bsdu// rang bung ma bcos de bzhin no// rin po che rgyas pa chen po'i rgyud las/ rig pa phyi nang gi le'u steng gsum pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// chos sku'i rang bzhin dbyer med gcig pa las// glags tshol ba dang bar du gcod pa dang // bdud kyi sde pa byung ba ji lta bu// ston pa'i ston pa kun tu bzang po des// sdud pa'i gsang

  93. 286b

    dbang rdo rje sems dpa' la// yang dag lam du zhugs la bdud 'byung bas// bdud kyi sde la gnas pas bdud mi 'byung // phyi yi bdud ni mtshan mar 'dzin pa ste// nang gi bdud ni log par rtogs pa nyid// gsang ba'i bdud ni ye shes ngos ma zin// bar gcod bdud ni don las log par khrid// don dang mi ldan bdud kyi sde pa yin// sgo lnga yul la chags pa phung po'i bdud// yid g.yos yul la spyod pa nyon mongs bdud// bltar med log par lta ba lha yi bu'i bdud// lam thob bar du gcod pa 'chi bar byed pa'i bdud// bdud kyi rigs ni nyon mongs du ma ste// de yi 'bras bu log par blta ba rnams// dga' rab dbang phyug rigs la sogs pa'o// mchod legs bsten na dngos grub 'byung bar byed// de las log na 'jig rten sdug bsngal bskyed// glags tshol glags rnyed bar du gcod pa'i bdud// bar du gcod na thams cad bdud yin no// rtogs na chos nyid ma rtogs bdud yin no// 'dzin na ye shes nyid la 'dzin kyang bdud yin no// bsam gtan nyid la chags kyang bdud yin pas// yang dag lam la gnas pa'i bdud de ni// rdo rje slob dpon bdud du snang ba 'byung // mthong na log lta skye zhing dregs pa zhe sdang skyes// gzugs mi sdug cing yid mi chags pa 'byung // phyi dang nang du snang ba thams

  94. 287a

    cad kun// yid kyis dpyad cing gzung 'dzin lta ba'i bdud// yid 'phrog bying dang the tshom sgom pa'i bdud// don med bka' bzhin ma grub rgya yan spyod pa'i bdud// bdud dang ye shes gnyis ni dbyer med pas// yid kyis dpyad cing bzung na bdud yin no// ma dpyad rang sor bzhag na ye shes yin// dpyod dang mi dpyod gnyis las ma 'das so// rin po che rgyas pa chen po'i rgyud las/ bdud 'byung ba bstan pa'i le'u ste nga bzhi pa'o// // sdud pa'i gsang dbang rdo rje sems dga' des// ston pa'i ston pa kun tu bzang po la// 'bras bu'i theg pa chen po 'di// rigs ni gang la snang ba lags// dus ni ji srid zhig na 'byung // snang lugs ji ltar snang ba lags// ston pa'i ston pa kun tu bzang po des/ sdud pa'i gsang dbang rdo rje sems dpa' la// tshe rabs thog ma med pa nas// bla ma mchod cing bsnyen pa dang // dkon mchog yi dam mchod pa dang // dam pa'i don la blo sbyangs pas// theg pa chen po la mos pas// de yi smon lam dbang gis su// rin chen 'dzam bu gling nyid du// rigs rgyud mi lus dag pa 'dzin// dbang po rnam shes yan lag rdzogs// shes rab mig dang ldan pa yis// snyigs ma lnga yi dus de ru// bde gshegs thugs kyi bstan pa shar// mkha' 'gro zhing skyong gnang ba thob// bcom ldan 'das

  95. 287b

    kyi bstan pa ni// sku dang gsung gi bstan pa yang // lo ni bdun brgya rtsa lngar snang // thugs kyi bstan pa drug cu gcig/ 'dzam gling shar gyi phyogs dag nas// dga' rab dbang phyug sprul pa yis// rang dang 'dra ba'i tshul bzung nas// bstan pa de nyid 'jig par byed// nga ni mi snang mkha' 'gro yis// las dag de la snang bar byed// de nas de yi sprul pa'i skus// thugs kyi bstan pa nyi bzhin shar// las dag rnams la snang bar byed// theg pa 'di don mthong ba na// skad cig gcig gis rdzogs sangs rgyas// snod dang mi ldan gang zag la// theg pa 'di nyid snang gyur kyang // rdo rje dmyal ba chen po'i rgyu// 'ching ba'i sgrib pa ldan pa la// theg pa 'di nyid snang mi srid// theg pa 'di yi don rtogs na// rdo rje sems dpa' khong nas 'char// de bzhin nga yis lung bstan to// theg pa chen po 'di nyid ni// gang zag de la snang bar nges// srid pa bar dor 'bras bu thob// rin po che rgyas pa chen po'i rgyud las/ theg pa chen po'i gang zag la lung bstan pa'i le'u ste nga lnga pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// rdo rje sems dpa' chen po ni// mya ngan 'das pa'i tshig bcu gang // ston pa'i ston pa kun tu bzang po des// sdud pa'i gsang dbang rdo rje sems dpa' la// rdo rje sems dpa' bltas byas

  96. 288a

    na// phyogs lhung med pa'i sems dpa' des// sems dpa' de yi don rtogs na// sgrib pa med pa ye shes sku// skye 'gag med pa ye shes klong // mtha' dbus med pa'i zhing khams na// rtsal 'gag med pa'i sangs rgyas gnas// shes dang ye shes bdag po'i mchog/ thams cad mkhyen pa'i ye shes sku// bsgrib dang sgrib pa ga la yod// rin po che rgyas pa chen po'i rgyud las/ rdo rje'i tshig bcu bstan pa'i le'u ste nga drug pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// 'di nyid lha sgom spyod pa yis// drod dang rtags dang cho 'phrul dang // ye shes mngon shes 'byung ba gang // ston pa'i ston pa kun tu bzang po des// sdud pa'i gsang dbang rdo rje sems dpa' la// lha sgom theg pa 'di dang ldan pa na// drod ni 'di rnams 'byung ba ste// byang chub sems ni snying rje chen po 'byung // chags pa med cing sbyin la dga' ba dang // nga rgyal med cing nyon mongs chung ba dang // gtsang btsog med cing 'dod pa chung ba dang // khong nas shes rab chen po gsal ldan zhing // rtags ni 'di rnams byung ba ste// gnyid med nyin mtshan med par gsal ba dang // phyi dang nang gi srin bu med pa dang // lus ni yang zhing bkrag mdangs gsal ba dang // gzhon nu'i lus ldan yan lag grims pas

  97. 288b

    'byung // 'bring la rmi lam ye shes skye ba dang // tha ma rmi lam 'khrul par shes pa'o// cho 'phrul dag ni 'di rnams 'byung ba ste// 'byung ba dag la dbang nyid thob pa'i bdag/ sa la 'dzul zhing chu la bying ba med// mkha' la 'phur zhing rlung la zhon pa ste// lus las me 'byung me yis mi 'tshig go/ sems nyid dag la dbang ni thob pa'i rtags// mang po byed cing shi ba slong nus so// cho 'phrul bsam gyis mi khyab 'gyed kyang nus// ye shes mngon shes drug kyang 'byung // ye shes mngon shes ma lus pa ru gzigs// lha yi snyan gyis stong gsum spyi phud thos// rigs drug sems ni ma lus pa ru shes// 'chi 'pho dag dang skye ba ma lus shes// rdzu 'phrul sprul pa'i gdul bya ma lus shes// zad par zil gyis gnon pa ma lus shes// gzhi la rig shes rdzogs pa yis// mngon par shes pa ma lus shar// bsgoms pa las byung shes rab khong nas skye// drod rtags bsam gyis mi khyab 'byung ba ste// de la chags zhing zhen na bdud yin no// rang bzhin med par bzhag na yon tan no// rin po che rgyas pa chen po'i rgyud las/ drod rtags kyi le'u ste nga bdun pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// theg pa chen po 'di nyid la// mos sam 'bri'am klog pa dang // 'chang ngam yid la byed pa dang // nyan

  98. 289a

    dang bshad dang bsgom pa dang // 'di la rtag tu mchod pa rnams// de gnas 'bras bu ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// theg pa 'di la mos pa kun// ma nor dam pa'i lam zhugs nas// sems bskyed pa yi 'bras bu rdzogs// srid pa gar 'byung gar skyes yang // bar do rnam pa gsum nyid du// theg pa 'di dang mi 'bral zhing // bla ma lta bur lung yang ston// 'di nyid bris pa tsam gyis su// ngan song rnams las rab rgyal zhing // bde gshegs kun gyis byin gyis brlab// sras kyi dam pa sangs rgyas sras// mkha' 'gro rnams kyi lung yang 'thob// 'di nyid bklags pa tsam gyis su// khams gsum rnams las rab 'das shing // 'chi ka'i rna bug brjod pa na// ngan song las ni thar bar byed// mi min gdon la sogs pa yis// gdug pa zhi nas dag 'thob// lha dang mkha' 'gro thams cad kyis// rje bor mthong nas nges par bkur// yang dag nges pa'i lung yang ston// 'di nyid bcang ba tsam gyis su// ngan song gsum las rab thar zhing // 'jig rten 'di nas pha rol gyi// don rnams thams cad 'grub par byed// 'di nyid yid la byed pa yis// bder gshegs thams cad bkur bas na// yang dag lam na gnas pa na// byang chub sems dpas byin gyis

  99. 289b

    rlobs// 'di nyid nyan pa tsam gyis su// theg pa thams cad mnyan pas na// sangs rgyas dgongs pa kun 'grub pas// mthun pa'i ye shes rang snang bas// sangs rgyas rnams kyi sras su mthong // byang sems kun gyi spun du gzigs// mkha' 'gro rnams kyis byin gyis brlab// gar 'byung de ni gar skyes yang // theg pa 'di la rtag tu spyod// 'di nyid bshad pa tsam gyis su// dus gsum rgyun mi 'chad pa ru// rtag tu chos kyi 'khor lo bskor// bar do rnam pa gsum du yang // bder gshegs thugs kyis dam par gzigs// rdo rje sems dpa' dngos su snang // de yi lung nyid bstan nas ni// yang dag nges pa'i 'bras bu thob// de nyid bsgoms pa tsam gyis su// tshe gcig yang dag 'bras bu ster// sku gsum snang bar lhun gyis grub// de yi yon tan bsam mi khyab// 'di nyid mchod bstod byas pa yis// dkon mchog gsum po kun mchod dang // nye ba'i sras kyi dam par 'dzin// sdug bsngal rnams ni mi 'byung zhing // dbul ba thams cad sel ba'o// stong gsum rdul ni bsams nus te// 'di yi bsod nams bsam mi nus// rin po che rgyas pa chen po'i rgyud las/ theg pa 'dis bsod nams bstan pa'i le'u ste nga brgyad pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// tha dad gnyis

  100. 290a

    su snang ba la// gcig ces bya ba ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// thams cad rang bzhin rnam par dag pas na// snod ces bya ba sangs rgyas snod// bcud ces bya ba sangs rgyas bcud// sna tshogs snang ba ye shes nyid// rigs drug sems can sangs rgyas nyid// sangs rgyas nyid las ma gtogs pa// rdul tsam dag kyang yod ma yin// thams cad rang bzhin dag pas na// bltar med bltas na 'khrul pa yin// bsgom med bsgom na 'khrul pa yin// spyod med spyod na 'khrul pa yin// thob med thob na 'khrul pa yin// yang dag nyid na btsal du med// 'khor ba ka dag rin chen gling // rang byung kun tu bzang por gnas// thams cad dbyer med gcig pas na// yang dag rdzogs pa de kho na'o// rin po che rgyas pa chen po'i rgyud las/ 'khor ba dong spug gi le'u ste nga dgu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// chos kyi sku yi rang bzhin de// skye 'gag med pa'i mtshan nyid gang // ston pa'i ston pa kun tu bzang po des// sdud pa'i gsang dbang rdo rje sems dpa' la// rang bzhin skye ba med pa yis// yon tan 'gag pa med par shar// snying po yul la mi dmigs pas// gnas par bya ba'i rang

  101. 290b

    bzhin med// 'gro 'ong yon tan rang shar bas// bde ba ye shes rang gsal 'od// de la yon tan 'od lngar shar// rang gsal 'od ni lha bzhin gsal// lha dang 'od ni rang bzhin gcig/ de dang de yi 'brel pa las// snang ba gnyis su shar ba'o// nyi ma'i snying po zer dang chas// man shel snying po 'od dang chas// gser gyi rang bzhin ser dang chas// me long rang bzhin gsal dang chas// gsal ba'i rang bzhin 'od dang chas// sems can rang bzhin yid dang chas// stong pa ye shes gsal dang chas// thams cad sku gsum rang chas pas// byas pa ma yin byung ba yin// rang rang so so'i mtshan nyid kyang // chos kyi sku las byung bas na// spangs pas de nyid spangs pa min// rang bzhin shes na yongs kyis spangs// snang ba chos sku rang las byung // snang ba spangs pas chos sku med// dug lnga ye shes rang las byung // mi rtog mi 'dzin gti mug la// gsal bar snang ba zhe sdang la// bde bar snang ba 'dod chags la// stong par snang ba phrag dog la// gos pa med pa nga rgyal nyid// de yang ye shes yod ma yin// thams cad rang las byung bas na// rang las shar ba'i snang ba las// gang ltar spyad kyang gos pa med// rang byung rang shar ma shes na// gang ltar spyad kyang 'khrul pa'o// rin po che rgyas pa chen po'i rgyud las/ chos thams cad rang las byung

  102. 291a

    bar bstan pa'i le'u ste drug cu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// rgyud 'di gang las byung zhing gang la gtad pa dang // rjes su yi rang yongs su rdzogs pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// gzhi 'gag med pa'i snying po de nyid las// chos rnams thams cad rang byung rang shar bas// de las byung zhing de la spyod pa las// byung ba ma rtogs shar ba mthong ba yis// theg pa rnam pa bsam gyis mi khyab pas// byung dang byung nas gnas pa'i theg pa 'di// kun tu bzang po'i dgongs pa de bzhin bstan// ji ltar byung zhing shar bar snang ba 'di// rdo rje sems dpa' nyid la ngas bstan to// sems dpa' che zhes snang ba'i theg pa 'di// kun la yod de rang gsang thabs kyis chod// chod pa'i mun pas ye shes rang 'od gsal/ rdo rje sems dpa' nga nyid kyis// ji bzhin pa yi dgongs pa de// sangs rgyas kun la ngas bstan to// de nas 'khor rnams yi rang nas// rnam par snang mdzad rdo rje sems// rin chen rigs dang pad+ma'i rigs// las kyi rigs mchog la sogs pa// rjes su yi rang thal sbyar nas// thams cad rgyun mi chad pa ru// dus gsum dag tu chos kyi 'khor lo bskor// byang chub sems dpa' la sogs

  103. 291b

    pa'i// lha dang mkha' 'gro thams cad kyis// 'di la 'chang ngam spyod pa yi// tshul dang mthun pa'i dgongs pa sgrub// legs so legs so de phyir brjod// bzang po'i bdag po yi rang ngo // rin po che rgyas pa chen po'i rgyud las/ gtad cing yi rang ba'i le'u ste re gcig pa'o// rin po che rgyas pa chen po'i rgud rdzogs so// shrI sid+ha dang bai ro tsa nas bsgyur ba'o// / // rgya gar skad du/ sarba ta thA ga ta tsit+ta gu h+ya dz+nyA na a r+tha gar+b+ha kro d+ha badz+ra ku la tan+ta pir+N+Nar+tha bid+hi yo ga sad+d+hi na ma ma hA yA na sU tra/ bod skad du/ de bzhin gshegs pa thams cad kyi thugs gsang ba'i ye shes don gyi snying po khro bo rdo rje'i rigs kun 'dus rig pa'i mdo rnal 'byor grub pa'i rgyud ces bya ba theg pa chen po'i mdo/ bcom ldan 'das dpal sgrol byed thugs rje'i rgyal po la phyag 'tshal lo// 'di skad bdag gis thos pa'i dus gcig na/ de bzhin gshegs pa thams cad kyi bcom ldan dpal kun du bzang po rdo rje sang he ru ka gsang ba mchog gi bdag po byin gyis brlabs kyi dbang phyug mi zad mdzod kyi bkod pa/ che ba'i don la dam pa'i spyod pas bskyod pa de/ rmad du byung ba'i don 'di nyid bshad pa'i gnas gsang ba'i yang gsang ba kun gzhi chos kyi dbyings kyi pho brang thig le bdal ba'i klong / ye 'byam rmad