F263MW1KG13607_0263mdo sdeAll versions of this work

'phags pa rgyal ba'i blo gros zhes bya ba theg pa chen po'i mdo

Āryajāyamaratirnāmamahāyānasūtra

Text

ff. 257b–258b · 3 folio sides

  1. 257b

    mtshan bde legs// nyi ma gung la yang bde legs shing // khyed cag kun tu bde legs shog/ khyed cag sdig par ma gyur cig/ sangs rgyas lha rnams stong ngag gis// yongs su bskor te gshegs mdzad kyis// sdang sems ldan pa rnams byer cig/ snying rje'i bdag nyid can rnams 'khod// sangs rgyas rang sangs rgyas rnams dang // dgra bcom slob pa'i bden tshig gis// 'jig rten mi phan byed rnams// grong khyer 'dir ni gtong gyur cig/ sems can kun dang srog chags kun/ 'byung po kun dang khyed cag kun/ bde ba 'ba' zhig ldan gyur cig/ thams cad nad rnams med par shog/ kun gyis bzang rnams mthong gyur cig/ gang yang sdig pa ma gyur cig/ 'byung po gang dag 'dir ni lhags gyur cing // sa dang bar snang dag la gnas pa rnams// skye dgu rnams la rtag tu byams byed shog/ nyin dang mtshan du chos kyang spyod gyur cig/ 'phags pa yangs pa'i grong khyer du 'dug pa'i mdo rdzogs s+ho// rgya gar skad du/ Ar+ya dzA ya mar tir na ma ma yA na sU tra/ bod skad du// 'phags pa rgyal ba'i blo gros zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das mnyan yod na rgyal bu rgyal

  2. 258a

    rgyabyed kyi tshal mgon med zas sbyin gyi kun dga' ra ba na dge slong gi dge 'dun chen po dang thabs gcig tu bzhugs te/ de nas bcom ldan 'das kyis byang chub sems dpa' rgyal ba'i blo gros la rigs kyi bu 'am rigs kyi bu mo bsod nams 'dod pas de bzhin gshegs pa la mchod par bya'o// shes rab 'dod pas mnyan pa la brtson par bya'o// long spyod 'dod pas gtong ba spel bar bya'o// gzugs bzangs par 'dod pas bzod pa bsgom par bya'o// spobs pa 'dod pas bla ma la gus par bya'o// gzungs 'dod pas mngon pa'i nga rgyal med par bya'o// bde ba 'dod pas sdig pa thams cad yongs su spang bar bya'o// sems can thams cad bde bar byar 'dod pas byang chub tu sems bskyed par bya'o// skad snyan par 'dod pas bden par smra bar bya'o// yon tan 'dod pas dge ba'i bshes gnyen dag la bsten par bya'o// zhi gnas 'dod pas 'du 'dzi med pa mang du bya'o// lpags mthong 'dod pas chos la stong par so sor brtags pa mang du bya'o// tshangs pa'i 'jig rten 'dod pas byams pa dang / snying rje dang dga' ba dang btang snyoms bsgoms par bya'o// lha dang mi'i phun sum tshogs par 'dod pas dge ba bcu'i las kyi lam yang dag par blangs te gnas par bya'o// yongs su mya ngan las 'das pa 'dod pas thos pa la mngon par brtson par bya'o// yon tan

  3. 258b

    thams cad 'thob par 'dod pas dkon mchog gsum la mchod par bya'o// bcom ldan 'das kyis de skad ces bka' stsal nas/ byang chub sems dpa' rgyal ba'i blo gros dang / thams cad dang ldan pa'i 'khor de dag dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyi gsungs pa la mngon par bstod do// 'phags pa rgyal ba'i blo gros zhes bya ba theg pa chen po'i mdo rdzogs s+ho// / rgya gar skad du// Ar+ya sa ma pri te/ pa ra maR+Sha sad t+ya nir de sha na ma ma hA na sU tra// bod skad du/ 'phags pa kun rdzob dang don dam pa'i bden pa bstan pa zhes bya ba theg pa chen po'i mdo/ bam po dang po// sangs rgyas dang byang chub sems dpa' thams cad la phyag 'tshal lo// bcom ldan 'das rgyal po'i khab na/ bya rgod kyi phung po'i ri la/ dge slong brgyad stong gi dge 'dun chen po dang / byang chub sems dpa' bdun khri nyis stong dang / 'dod pa na spyod pa dang / gzugs na spyod pa'i lha'i bu rnams dang thabs gcig tu bzhugs te/ de bzhin bcom ldan 'das 'khor brgya stong du mas yongs su bskor cing / mdun gyis bltas dpa nas chos ston to// de nas lha'i bu rab tu zhi ba rnams par dul ba'i dbang phyug ces bya ba 'khor des 'dus par gyur te/ 'dug pa des bcom ldan 'das kyi zhabs mgo bos phyag 'tshal

Colophon

'phags pa rgyal ba'i blo gros zhes bya ba theg pa chen po'i mdo rdzogs s+ho/