rDzogs chen - Man ngag sde/gSang ba'i skorAll versions of this work

ye shes bla ma chen po'i rgyud

Jñanagurumahatantra

Text

ff. 216a–222a · 13 folio sides

  1. 216a

    'di// rlung dang ser bus thos mi rung ste// sangs rgyas spyan gyi dbying su smras te bzhag/ rdo rje sems dpa'i rgyas gdab bo// thugs kyi dgongs pa shes rab blo ldan la// dang ldan brtson 'grus che ba'i sgom pa la// nyid nas nyid du gtams te rgya yis gdab// sems rmad bcwo brgyad gdoms ngag mdor bsdus pa// blo ldan shes can la bstan par bzhag/ ces rdo rje rje mo 'dus pa'i rgyud las// gang zag la bsnyad par bstan pa'i le'u ste bcu pa'o// / gsung gi rgyud rdo rje rtse mo 'dus pa zhes bya ba/ slob dpon bi mA la dang / lo ts+tsha ba ka lcog zhang gsum gyis bsgyur cing zhus te gtan la phab pa rdzog so// rnabs she dzi na sa ma@#rgyag swA du/ dz+nyA na su ru mahAtan tra/ khongs du/ ye shes blam chen po'i rgyud/ bcom ldan 'das dpal rdo rje sems dpa' la phyag 'tshag lo// 'di skad bdag gis thos pa'i dus gcig na/ phyogs bcu dus gsum gyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs cing 'tsho skyong ba dang / sa la gnas pa'i byang chub sems dpa' dang / 'phags pa dgra bcom pa dang / nyan thos dang rang sangs rgyas la sogs te/ myi dang mi ma yin gyi tshogasu gyur pa/ bka' dang dam la gnas shing mtsho skyong ba de dag thams cad la sogs pa nyon cig/ stong gsum gyi stong chen po'i 'jig rten gyi khams thams cad ni/ ngas rin po ma byung bus dgang nas yod kyis/ khyed sdug bsngol bar ma byed cig/ sems zhum par ma byed cig/ yid 'thams par ma byed cig/ sa

  2. 216b

    bka' stsal to// stong gsum gyi stong chen po'i 'jig rten gyi khams rin po che byung bus bkang ba ni zad cing stongs pa yod kyis/ rigs kyi bu byang chub kyi snying po yid bzhin gyi nor bu zad cing stong pa med pa/ bri zhing brlag pa med pa/ yid bzhin gyi zas zad pa med pa'i gter/ ngas bstan gyis nyon cig/ rigs kyi bu sangs rgyas kyi sa nas/ sangs rgyas kyi zhing du 'gro ba la bgrod pa'i lam med/ chos kyi sku nas ye shes sku thob par byed pa la ye shes med/ rigs kyi bu 'bras bu bla na med pa'i ye shes thob pa yang med pa thob pa yang med do// shes rab kyi pha rol tu phyin pa'i phyir/ rang rig pa'i ye shes kyis/ ma rig pa gdang sha bcad nas/ sangs rgyas kyi che ba yongs su rdzogs par bya ba'i phyir/ ye shes kyi pha rol tu phyin pa yong su rdzogs par bya'o// sangs rgyas kyi stobs dang mi 'jog pa bdog dang gzhan gyi don mthar phyin par byed pas/ stobs kyi pha rol tu phyin par bya'o// de nas bac+doMs kyi shangs kyi rlung sgron nas/ 'od zer rnam pa lnga sprod te/ 'od zer de'i snying por gsang ba'i bdag po lag na rdo rje phyung ste/ zhu ba por bzhags nas/ bka' stsal to// gsang ba'i dbyings nas rang byung ba// stobs kyi bdag po rdo rje 'chang lag na rdo rje khro bo tsha// log lta shugs kyis bsgral bar byos// ces brjod nas/ rang byung gi bcom ldan 'das snying po byang chub na 'du 'bral med par bzhugs pa/ phyogs bcu dus gsum gyi de bzhin gshegs pa thams cad kyi 'byung gnas rang bzhin rnam par dag pa'i su/ drugs rje'i 'di zer gyi stong gsum gyi stong chen po'i 'jig rten gyi khams ma lus mi lus lus pa med par bzhugs pa/ su gsungs thugs che bor yon tan meng du byung bas/ sa kyang da

  3. 217a

    kyi spyi phud kyi stong chen por gragaso// sku rma du byung bas sku'i dkyil 'khor gsang ba slad du byung ba dang / gsung rmad du byung ba gsung gi dkyil 'khor rmad du byung / gsung rigs pa'i khu sgrog pa dang / thugs rmad du byung bas thugs kyi dkyil 'khor mkhyen pas gzigs pa'o// thugs che ba/ thabs mkhas pa/ stobs kyi pha rol dpung 'joms pa/ shes rab zab mo'i rigs pa'i klong nas 'char bas chos thams cad kyi de bzhin nyid la sbyor ba/ gsang ba bla na med pa/ thun mong ma yin pa/ lta ba khyad par gyi ye shes rdzogs pa 'bras bu bla na med pa rgyu la smin pa/ 'byed pa med par klong gcig tu 'khyil pa/ shes bzhin du mi gan pa ma yin pa thams cad yin par sbyor ba yin pa la/ bdag med pa/ che ba'i ye shes dpag tu med par gnas pa/ chos thams cad la 'byed pa med pa'i shes rab zab mo klong yang ba de ni/ nga rang byung gi ye shes chen po/ rang snang ba'o// stong gsum gyi stong chen po'i 'jig rten gyi khams thams cad ni/ nga'i zhabs g.yon pa'i mtheb mo'i 'og tu mnan te/ bsdus so// 'khor ba dang mya ngan las 'das pa'i chos thams cad ni/ nga'i shes rab zab mo brtags dka' ba me tog ku mu ti'i 'bru'i khog par bsduso// 'gro ba rigs drug gi sems can ma lus pa 'jig rten dang / 'jig rten las 'das pa thams cad ni/ nga'i lag pa g.yon pa'i mthil du bzhag ste/ dper na kyu ru ra lag mthil du bzhag pa lta bu'o// chos kyi sku'i gzhi'i rang bzhin rnam par dag pa'i chos shes bya babs kyis grub pa/ thig le nyag gcig chos thaMd ye shes kyi snying por gnas pa/ dri ma med pa/ dri ma dang bral ba

  4. 217b

    med pa/ yod med rtag chud kyi mtha' thams cad las grol ba'o// rdo rje sems dpa'i zhal chems 'di stug po bkod pa'i gnas/ lcang lo can pho brang du gsang ba'i bdag po lag na rdo rje la gnang nas/ chos kyi sku la gnyen po gang gis kyang / mi shig par bstan pa'o// ces ye shes bla ma'i rgyud las/ le'u dang por gtsor bzhag pa sangs rgyas nyid kyi gsungs pa'i le'u ste dang po'o// / bcom ldan 'a gsang ba'i bdag po lag na rdo rje la phyag 'tshalo// 'di skad bdag gi thos pa'i dus gcig na/ bcom ldan 'das rdo rje 'chang chen po sku mi gnas pa'i klong nas rigs pa rang byung gi 'od gsal ba/ shangs kyi rlung sgoms nas/ rang byung gi 'od lnga las/ sprul pa'i sku gsang ba'i bdag po lag na rdo rje rang byung du byung ste/ rdo rje 'chang gi bka' stsal pa/ lag na rdo rje khyod nyon cig/ sangs rgyas kyi sa nas sangs rgyas kyi zhing du 'gro ba'i tshe/ chos kyi mtha' las grol bar byed pa'i dgongs pa la zla ba la/ sangs rgyas thams cad kyi dgongs pa 'dus pa'i rgyud/ sangs rgyas 'dus pa ye shes bla ma chen po'i rgyud 'di la spyi don bdun gyis bstan te/ le'u dang po rdo rje sems dpa zhal chems gsang ba'i lag na rdo rje la bzhag nas/ rdo rje lta bu dgongs pa la gnyen po med par bstan pa dang / le'u gnyis pa gsang ba'i bdag pos rdo rje'ichang la chos thams cad kyi de bzhin nyid dri ba bstan pa dang / le'u k+Sha ba lag na rdo rje byang chub sems dpa' rnams la gdams par bzhag pa bstan pa dang / le'u bzhi pa rjes su 'jug pa'i gang zag gis rtog pa khyad par can chos las grol las zla bar bstan pa dang / le'u lnga pa rtogs gang zag

  5. 218a

    rdo rje gdan la mngon par rdzogs par sangs rgyas par bstan pa dang / le'u drug pa sangs rgyas med par bstan pa dang / le'u bdun pa sangs rgyas med pas rnal 'byor chen po la 'bras bu med par bstan pa'o// de nas byang chub sems dpa' sems dpa' chen po dri ma meng thugs rje chen po// chos thams cad kyi de bzhin nyid zhes bya ba/ ma bcom pa lags sam/ gnyisu med pa lags sam/ mnyam pa nyid lagasam/ mi g.yo ba lags mo/ shes rab gsal ba rtogs pa med pa lags ma/ dngos po gsal la rang bzhin med pa tsam lags sam/ stong pa nyid lags sam/ dngos po'i chos thams cad sgyu ma tsam du shes pa lags sam/ ti nge 'dzin rgya mtsho ltar bur g.yos pa med pas/ shes pa rtog med du 'char ba de chos thams cad kyi de bzhin nyid lags ma/ de ji ltar lags/ bdag gis ma shes ma btsal to// kye thugs rje thabasu ldan pas bdag la lung bstan du gsol/ ces dri ba dris te/ de nas bcom ldan 'das kyis bka' stsal pa/ lag na rdo rje khyod nyon cig/ khyed kyi dring dris pa de legaso// yang dag par rdzogs pa'i sangs rgyas kyi dgongs pa ni/ na mkha'i mtha' dang mnyam/ rgya mtsho chen po bas gting zab po// me tog ku mu dI sa bon las cha phra'o// lung dang rigs pas rjesu mi dpogaso// rigs kyi bu chos thams cad kyi de bzhin nyid ces bya ba/ de yang chos thams cad ni mtshon pa'i tshig bla dwag so// yang dag par rdzogs pa'i sangs rgyas ni chos thams cad la mi gnas pa'o// de yang sa la gnas pa'i byang chub sems dpa' mos pa spyod pa'i sa la gnas pa rnams kyi/ shes bya la nyam su myong ba'i chos ni//

  6. 218b

    rang gi ngo bo ma bcos pa nyid chos nyid du go ste/ chos nyid ma bcos pa de dag dang gzhan du mi byed pas/ gnyi su med pa zhes bya'o// gnyi su med pas don pa la rtse gcig tu mnyam par bzhag pas chos nyid mnyam pa nyid ces bya'o// byang chub kyi sems mnyam par bzhag pa'i dus na/ lus ngag yid gsum la g.yo 'gul mi mnga' bas/ mi g.yo ba rgya mtsho lta bu zhes bya'o// byang chub kyi sems mi g.yo ba'i ngang las shes rab kyi rtsal sna tsho/ skye skye ba de nyid rang gis shes rab las/ tha mi dad pa la sna tshogs rang byung gi ye shes gsal ba'i dus na/ lhun gyis grub pa'i ye shes zhes bya'o// shes pa de nyid gsal ba la rtogs pa med pa ni dper na mar me rlung gi ma skyospyod pa ltar/ gnas pa de rang gi shes pa'i tshad shes pa tsam de yin gyis/ dngos po ni ma yino// dngos po gsal ba ni sgo lnga'i rnam par shes pa ma 'gags pa tsam la yin la/ snang ba'i chos la rang bzhin med pa sgyu ma tsam dang / mig sgyu tsam du shes pa ni/ sangs rgyas kyi dgongs pa ni ma yin te/ byang chub sems dpa' mos pa spyod pa'i spyad pa'o// sangs rgyas dgongs pa ni stong pa yang ma yin/ mi stong pa yang ma yin/ stong pa nyid zhes bya ba rang bzhin/ chad lta mi 'gro 'am/ re shig dngos po la zhen pa bzlog pa'i thab su stong pa nyid ces gsung so// stong pa nyid ces bya ba'i go ba ni/ chos nyid la dngos por ma grub pas stong la/ ye shes la skye 'gag med pas nyid ces bya'o// dngos po la sgyu ma tsam du shes pa de la dngos po la blo log pa tsam gyi shes pa skye ba yin la/ sems gnas pa tsam gyi nyams la shes pa rtogs med du 'char ba ni bsam gtan cung zad tsam gyi chos yin pas/

  7. 219a

    de bzhin nyid kyi don dang mi 'byor ro// rigs kyi bu chos thams cad kyi de bzhin nyid gang zhes na/ ngas mdo tsam cig bstan gyis nyon cig/ chos kyi sku'i ngo bo ni rang bzhin rnam par dag pa spros pa'i mtha' ma spangs par/ spros pa nye bar zhi ba/ brjod pa'i mtha' ma spangs par brjod pa las 'das pa/ dbang po'i sgom 'gags par/ dbang po'i spyod yul ma yin no// ka dag pa'i ye shes rtog medadu gsal ba/ gsal ba bdag med pa'o// rang bzhin ni ma bcos 'gyur med lhun rdzogs ma slad ma 'gags pa'o// thugs rje'i sprul pa'i sku ni 'od zer gyi phung por gnas so// zhing dag pa ni dngos po'i mtha' las 'das te rang bzhin med pa'o// mtshon pa'i ye shes thig le nyag gcig/ a tir 'dus ces bla ma chen po'i rgyud las/ lag na rdo rjes dris pa'i lan rdo rje 'chang gis bstan pa'i le'u ste gnyis pa'o// // de nas byung chub sems dpa' chen po lag na rdo rjes/ rdo rje 'chang gis rjesu 'jug pa'i byang chub sems dpa' rnams la/ gdam par bzhag pa'i thabs bstan du gsol/ ces zhus te/ bcom ldan 'das kyi bka' stsal pa/ lag na rdo rje khyod nyon cig/ rdo rje sems dpa' sangs rgyas kun gyi dngos// thugs rje sprul sku mtshan dang tshul shes ldan// skye med dbyings nas skye ba'i skur bstan pa// 'gag med mkha'i klong nas nyi shar bzhin// dngos med phyogs bral rnam dag chos kyi dbyings// rang bzhin 'od gsal chos nyid rnam par dag/ ma spos ma bkod zhing kham rnam deg nas// rang byung ye shes ma bcos mkhyen mnga' ba// sku gsungs lhun grub shes rab pha rol phyin// gzungs dzi/

  8. 219b

    gnyis med mi gnas mya ngan 'das// thabs kyi rgyal po stobs mchog byang chub sku// 'gro ba yongs la dpal mgon nyi shar ba// rdo rje sems dpa' mi bskyod byang chub sems// thugs khwa'i ye shes 'bum gyis gzi// kun tu bzang po rang byung bcom ldan 'das// 'gro ba yongs la na mkha' lta bur shang // mkhyen pa'i ye shes stobs bcu pha rol phyin// rnam par grol ba'i ye shes bdud bzhi 'joms/ dkyil gyi thugs rje ma bsgribs mkhyen mnga' ba// snying po ma bcos kun gzhi byang chub sems// sa dang lam mi bgrod pas pha rol phyin// rang byung ye shes gsal ba'i dbyings nas shar// thugs rje thabs mkhas 'gro don so sor mkhyen// snying po byang chub ye nas rnam par dag/ las dang thugs rje ma bsgrib mkhyen mnga' bas// rdo rje sems dpa' thugs rje stobs po che// thabs kyi ye shes ma bsgribs mkhyen mnga' ba// thugs rje'i nyi ma'i 'gro ba yongs ma sher// ces bka' stsal to// rigs kyi bu sangs rgyas kyi gdams pa bstan pa'i dus su/ rgyud thams cad kyi de bzhin nyid shes par bya'o// sangs rgyas kyi ngo bo ston pa'i dus su/ 'khor ba thog mtha' gcod pa'i gdams ngag tshigs gsum gyi bstan par bya'o// sangs rgyas kyi bden pa mthong ba'i dus bstan pa'i tshe/ skad cig ma gsum gyi man ngag shes par bya'o// ces ye shes bla ma chen po'i rgyud las/ rjesu 'jug pa'i sems dpa' rnams la gdams par bstan pa'i le'u ste gsum pa'o// / de nas byang chub sems dpa'i chen pos/ chos thams cad kyi de bzhin nyid ling du chud de/ spyi ming dag pa'i gling nas thugs rje'i 'od shing bas// mi nu rgyal

  9. 220a

    @mtshan rdo rje sems dpa'i zhal// che ba'i ye shes dpag med bsam las 'das// lcang lo can gyi sku sprul byang chub sems// gsang ba'i bdag po rdzu 'phrul stobs po che// sprin gyi shugs can bdud rtsi'i char 'bebs pa// thig le nyag cig rang byung ye shes sku// ma g.yos rgya mtsho lta bur sku 'khrungs pa// u dum 'bar 'dri'i me tog lta bur bcas// ma skyes snying po me tog 'bras bur smin// skye med dbyings nas skye ba'i skur bstan pa// rdo rje sems dpas sku sprul mkhyen mnga' ba// ro langs bde ba rang byung ye shes sku// mkhyen pa'i ye shes kha nas nyi shar 'dra// ma rmongs mkhyen ldan shes rab pha rol phyin// bsod nams ye shes tshogs chen rdzogs pa'i sku// bla med byang chub snying po mkhyen gsal rigs// thabs mkhas ldan pas bdag dang gzhan don mdzad// kye gsang ba'i bdag po mkhyen pas gzigs// yang dag rdzogs pa'i sangs rgyas thams cad kyi sku dang gsungs// thugs rdo rje bla ma chen po'i rgyud las grol bar byed pa// zag pa med pa'i shes rab mthar phyin pa// chos thams cad las rnam par grol po// ye shes thabs kyi mngon du 'byung ba// rgyud thams cad kyi rtsa ba// man ngag thams cad kyi mtshon pa mya ngan las 'das// shes bya la rten pa thams cad ni ngo bo ting ngo // sku rnam par dag pa'i rang byung ye shesu shar ba// dri ma med pa man shel gyi sku lta bu/ rang dag pa rkyen med par sna tshogs gsal ba rang gi rang bzhin rnam par dag pa'o// shes bya la sgrib pa med pas nyon mongs pa la skrag pa med pa'o// phyin ci log gi rnam par rtogs pa thams cad chos nyid kyi klong du la bzlas pas/ phyir mi ldog par

  10. 220b

    shin tu gnas te/ sku skye shi med pa'i stong pa chen po ye shes 'od zer du mya ngan las 'das so// gsung smon pa med pa smra bsam brjod med du mya ngan las 'daso// thugs bde ba chen po yongasu grub pa/ yong su dag pa/ yongs su ma 'gags po/ snying po byang chub la nges zhugs pa'i mthar phyin to// kye sems dpa' chen po yang dag par rdzogs pa'i sangs rgyas la chos med do// sangs rgyas la lam mdo// sangs rgyas la 'bras bu med do// ces ye shes bla ma chen po'i rgyud las/ rtogs pa khyad par bstan pa dang / rang byung gi ye shes chos la 'das par bstan pa'i le'u ste bzhi pa'o// // de nas byang chub sems dpa' sems dpa' chen po rdo rje gdan la mngon par rdzogs par sangs rgyas te/ lus ma bor bar lha mo 'od zer can gyi dkyil 'khor du/ ngag ma bor bar tshangs pa'i sgra skad phun sum tshogs par sangs rgyaso// yid 'jug pa med pa'i rang byung gi ye shes zag med kyi klong du grol ba mthar phyin par sangs rgyaso// mdzad spyod phun sum tshogs par bya ba med pa'i klong du sangs rgyaso// phrin las mthar phyi ma btsal bar grub par sangs rgyaso// chos thams cad chos med pa'i klongs du sangs rgyaso// phyi snod kyi 'jig rten 'byung ba lngas bsdus pa thams cad skye med ye shes kyi klong rnam par sangs rgyaso// nang bcud 'jig rten 'byung ba lngas bsdus pa thams cad skye med ye shes kyi grong mkha' klong rnam par dag par sangs rgyas so// nang bcud 'jig rten 'gro ba rig drug gi sems can srog gis bsdus pa thams cad/ ye shes chen po lnga mi gnas pa'i ye shes chen po dang

  11. 221a

    @#/ drug tu sangs rgyas so// chos kyi sku thig le nyag gcig gdan la/ gzugs kyi sku gnyis 'bras bur smin pas/ rdo rje'i gdan la mngon par rdzogs par sangs rgyaso// sangs rgyas nyag gcig dri ma med// sku gsum ye shes zag bzang // byang chub kyi snying po rnam par grol// gser gyi nyi ma rang byung sku// 'khor los bsgyur ba stobs po che// skad cig 'gags pas rnam grol sa// thabs kyi shes rab stobs po che// shes rab rig pa sA s+thA a// ces ye shes bla ma chen po'i rgyud las// byang chub sems dpa' rtogs pa skad cig ma rdo rje gdan la mngon par rdzogs par sangs rgyas par bstan pa'i le'u ste lnga pa'od/ de nas byang chub sems dpa' sems dpa' chen po rdo rje'i gdan la sangs rgyas pa'i tshe/ bdag ni snying po byang chub la mngon par rdzogs par sangs rgyaso// zhes che ba'i yon tan dpag tu med pa ni rang bzhin lhun gyis grub ste mthar phyin nas sems can ma smin pa smin par bya'o// smin pa grol bar bya'o// grol ba mthar phyin par bya'o// mthar phyin pa phyir mi ldog par bya'o// snyam du bsam na yang / de ni ma yin trA~Ms+yab+hU wa/ a ba ra~M mi ta/ ces bajug par bya'o// de nis brda mi ldan rdo rje 'chang // thugs rje mgon po 'od dpag med// sha sha~M pA ra mi ta'i// gsang bdag phyag na rdo rje khyod// sA taM ba ri pra swa d+haM/ ngas pa khyod kyi yid la bzung / d+har ma kA ya/ i d+him+ba/ spos dang dral ba'i chos nyid la// a mu ba ri ka lin/ cheng du brjod du med smra bas ma 'das// d+ha ra ma pu pa ri/ sA gI b+h+yAM/ sangs rgyas med par bdag 'dod pa// i ni

  12. 221b

    a Ni a ti a/ na mkha'i ri mo'i phyag rgya 'dra// ka a kA ra a ka ra/ lag na rdo rje khyod cig/ thams cad mkhyen pa'i spyan mnga' yang // yang dag sangs rgyas don mi gzigs// nga yi sangs rgyas don mthong na// mthong ba nyid na 'gags par 'gyur// 'jig rten khams kun sangs rgyas kyang // nga nyid gcig pu rnam par dag/ nga med gzhon med gcig pu nyid// rang byung ye shes nyid kyang tshigs gi mtha' las 'das// 'das pa'i chos la sangs rgyas ga la yod// ces ye shes bla ma chen po'i rgyud las/ sangs rgyas med par bstan pa'i le'u ste drug pa'o// // de nas byang chub sems dpa' sems dpa' chen pos// sangs rgyas med par 'bras bu 'byung ces gsungs te/ rigs kyi bu byang chub kyi snying po// byang chub nyid du shar te/ byang chub kyi snying po las byang chub logasu bsgrub tu med de mi gnas so// rang byung gi ye shes nyi du gzu kyi skur 'byung // rang byung gi ye shes las log pa'i gzugs kyi sgyu med de mi gnas so// de bzhin du 'bras dang til la sogs pa yang / sa bon de nyid 'bras bur 'byung ba las/ sa bon las log pa'i 'bras bu mi 'byung gi/ de phyir rdzogs pa chen po'i man ngag las/ rang byung gi ye shes rang snang rang shar/ rang las grub/ rang gi shes/ rang las rdzogs te/ rgyud dag pa'i dbyings las/ 'bras bu ye shes kyi dkyil 'khor snang ba'o// de'i phyir sa sbyangs du med pas bgrod du med/ 'bras bu gzhan la re ba med par thag chad pa'i ye shes so// ces ye shes bla ma chen po'i rgyud las/ 'bras bu med par bstan pa'i le'u ste bdun

  13. 222a

    pa'o// / 'og min gyi gnas chos kyi dbyings kyi pho brang du/ sangs rgyas 'od bsrungs chen pos gsungs pa/ zhu ba po lag na rdo rjes zhus/ bsdud pa po dga' rab rdo rjes bsdus nas/ sa non pa'i byang chub sems dpa' mi bzhi la rgyud ste/ 'jig rten du 'phelo// rgyud kyi snying po ye shes bla ma'i rgyud// bskal pa thog ma med pa'i sngon rol nas// bskal pa bzang po byang chub sems dpa'i thugs nas thugs rgyud/ snyan nas snyan du bsgrags/ phyag nas phyag tu gtad de rgya yis gdab// rgya gar ngan sngags 'bru gsum 'phyong du btags// ra chod gzu lum byed pa'i slob ma la// sdig la mi 'dzem brnag pa'i lnga la sbyar// gu lang rin chen gser gyi rtag btsugs kyang // brnag pa'i ngan sngags 'bru gsum shor re skan// bi ma mi tra mkhas pa'i skye mchog khyed// sangs rgyas thugs kyi dgongs pa rgyud bdun po// rdo rje dbyings kyi pho brang dbyingasu spos// ces shrI sing has gsungs nas rgya yis btab po// rdzogs s+ho// / de nas bi mA la mi tra bod du byon nas/ dbang bskur chos bshad nas/ rje 'bangs gnyis la bka' gdams #po/ sangs rgyas thugs kyi dgongs pa nyung brgyud po// rdo rje gdan gyi 'og nas seng ge ma smad dgu// stobs chung rnams kyis seng ge mi thub kyis// rgyal blon phyag tu gtad kyi shor ra re// rgyal po snyan khung chung ba dang // rnon po gdug pa che ba dang // chos pa dmal mi gnas pas// thugs la chongs la gter du spos// ces gsungs nas/ slar gter du smra so// / thig la gam pa'i yang rgyung chus so//