F710MW1KG13607_0710rgyudAll versions of this work

pad+ma'i spyan pa'i gzungs

Text

ff. 133a–134a · 3 folio sides

  1. 133a

    de ni shin tu yid rangs te// rgyal ba'i mtshan la the tshom med// mtshan rnams 'di dag 'dzin byed pa// 'jig rten mgon po rnams las ni// zab mo'i chos 'di thos gyur te// thos nas thams cad 'dzin par 'gyur// de nas pha rol phyin pa dang // mi 'jigs pa dang stobs rnams dang / mtshan dang / dpe byad bzang po rnams// ma lus pa ni rdzogs par 'gyur// sangs rgyas de dag rnams kyini// gang gi gi du 'di gyur ba/ ni bla med yang dag rdzogs// byang chub rdzogs nas 'tshang rgyar 'gyur// skyes pa 'am ni bud med gang // mtshan rnams 'di dag 'dzin pa yin// yon tan 'di dang gzhan dag kyang // sangs rgyas bskal pa rgyun tu gsungs// bag yod ldan par gyur nas ni// yon tan phun sum 'di thos nas/ rdzogs pa'i sangs rgyas grags ldan pa// de dag mtshan rnams 'dzin par 'gyur// sangs rgyas 'di dag dpal snying po// sprin gyi rgyal po mi yi mchog/

  2. 133b

    'jig rten mgon po 'di dag gis// mtshan ni bskar par gang nyan pa// gang dag 'di dag mtshan cing // thos nas gas par byed 'gyur pa// de dang de dag shes rab che// rkang gnyis rnams kyis mchog tu 'gyur// drang srong chen po de dag ni 'di 'dra'i mtshan dag thos gyur nas// bag yod ldan cing mkhas gyur nas// / shes rab ldan mi su yis 'dzin// bcom ldan 'das kyi de skad ces bka' stsal nas// byang chub sems dpa' de dag dang // de slong de dag dang // thams cad dang ldan pa'i 'khor de dag dang / lha dang mi dang lha ma yin dang dri zar bcas pa'i 'jig rten yid rangs te// bcom ldan 'das kyis gsungs pa la mngon par bstod do// 'phags pa sangs rgyas bcu gnyis pa zhes bya ba'i mdo rdzogs s+ho// bod skad du/ 'phags pa gdon mi za ba zhes bya ba'i gzungs// 'di skad bdag gis thos pa'i dus cig na/ bcom ldan

  3. 134a

    'das be sha li'i spre'u rdzing gi 'gram gyi khang pu brtsegs pa na bzhugs te/ de'i tshe brgya byin lha'i dbang pos bcom ldan 'das la 'di skad ces gsol to// bcom ldan 'das bdag lha ma yin rnams kyis rgol zhing gtses te// bdag dang lha ma yin dus yun ring por mi mdza' zhing dgrar gyur na/ bcom ldan 'das kyis bdag la ci nas kyang yun ring por phan pa dang // bde bar 'gyur ba'i phyir/ de lta bu'i chos bdag la bshad du gsol/ de skad ces gsol pa dang / bcom ldan 'das kyis brgya byin lha'i dbang po la 'di skad ces bka' stsal to// de'i phyir ke'u shi ka khyod kyis nga'i snying po gdon mi za ba zhes bya ba'i rig sngags 'di long shig/ tad+ya thA/ urba pa/ ni tri si rbi si/ u tru rdu re/ hUM le hUM me/ di khu me/ pra t+yaM ga ma/ a ga nA ma hA ma yu rin nam/ bdag 'jigs pa thams cad dang / 'che ba thams cad dang / 'khor thams cad dang bcas pa la bsrungs

Colophon

'phags pa pad ma'i spyan zhes bya ba'i gzungs rdzogs s+ho/