'phags pa sangs rgyas kyi snying po zhes bya ba'i gzungs kyi chos kyi rnam grangs
Text
ff. 16b–19a · 6 folio sides
- 16b
chos kyi rnam grangs 'di slad ma'i dus na 'khor bzhi rnams la phyi bshol ma mchis pa dang / mi bskrad par bstan par bgyi/ bshad par bgyi'o// rigs kyi bu'am/ rigs kyi bu mo de dag la yang nges par bstan par bgyi zhing bsgrag par bgyi'o/ / des na de bzhin gshegs pa'i bka' lung dang 'thun par 'gyur/ bdag cag gis de bzhin gshegs pa'i dam pa'i chos yongs su bzung bar 'gyur/ rigs kyi bu 'am/ rigs kyi bu mo de dag la yang don chen po dang / phan pa'i dngos po chen por 'gyur lags so// bcom ldan 'das kyis bka' stsal pa/ lha'i bu dag de'i phyir ji skad smras pa de bzhin gyis shig/ 'di ni khyed la rjes su bstan pa'o// bcom ldan 'das kyis de skad ces bka' stsal nas/ dbang phyug chen po dka' thub bzang po la sogs pa gnas gtsang ma'i ris kyi lha'i bu rnams dang / thams cad dang ldan pa'i 'khor de yid rangs te/ bcom ldan 'das kyis gsungs pa la mngon par bstod do// 'phags pa sangs rgyas kyi snying po zhes gyi ba'i gzungs rdzogs s+ho// rgya gar gyi mkhan po dzi na mi ta dang / dAn shI la dang / zhus chen gyi lo ts+tsha baban de ye shes sdes bsgyur cing zhus te/ skad gsar chad kyis kyang bcos nas gtan la zab pa/ / rgya gar skad du/ Ar+ya bud d+ha hri dA ya nA ma d+hA Ni d+harma shwad+ya ya/ bod skad du/ 'phags pa sangs rgyas kyi snying po zhes bya ba'i gzungs kyi chos kyi rnam grangs sangs rgyas dang / byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das de bzhin gshegs pa'i spyod yul chos kyi dbye dgon pa rin po che bkod pa'i 'khor gyi khyams ye shes kyis rnam par dpyad pa/ sngon sangs rgyas kyis byin gyis brlabs pa/ sems can thams cad kyis mngon par bstod pa/ byang chub sems dpa' chen po'i gnas rnam pa thams cad kyi mchog dang ldan pa/ chos thams cad mnyam pa nyid kyi rjes su spyod pa kun nas 'od kyi
- 17a
khang bzangs kyi dbus na byang chub sems dpa' bye ba khrag khrig 'bum phrag du ma thams cad kyang 'jig rten gyi khams tha dad pa nas lung bstan pa/ thams cad kyang 'jig rten gyi khams tha dad pa nas 'dus pa/ thams cad kyang de bzhin gshegs pa chos kyi rgyal po'i sras/ thams cad kyang gzungs dang ting nge 'dzin sna tshogs pa sha stag gis yongs su bskor cing mdun gyis bltas nas thabs gcig tu bzhugs te chos ston to/ / de nas bcom ldan 'das kyis byang chub sems dpa'i 'khor rgya chen po la bka' stsal pa/ rigs kyi bu dag skye bo mang po la phan pa dang / skye bo mang po la bde ba dang / 'jig rten la thugs brtse ba dang / lha dang mi'i skye bo phal po che'i don dang / phan pa dang bde ba'i phyir de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed kyis gsungs pa sangs rgyas kyi snying po zhes bya ba'i gzungs kyi chos kyi rnam grangs yod do/ / rigs kyi bu 'am rigs kyi bu mo gang la la sangs rgyas kyi snying po zhes bya ba'i gzungs kyi chos kyi rnam grangs 'di 'chang ngam/ 'dzin tam/ klog gam/ kun chub par byed dam/ gzhan dag la yang rgya cher yang dag par rab tu ston tam/ dad dam/ lhag pa'i bsam pas mos par byed na/ de bla na med pa yang dag par rdzogs pa'i byang chub las phyir mi ldog par 'gyur/ chos thams cad 'dzin pa dang mi 'bral bar 'gyur/ sangs rgyas bcom ldan 'das rnams dang mi 'bral bar 'gyur/ de bzhin gshegs pa la blta ba dang / bsnyen bkur byed pa dang mi 'bral bar 'gyur/ chos nyin pa dang mi 'bral bar 'gyur/ dge 'dun la rim gro byed pa dang mi 'bral bar 'gyur/ bskal pa stong du 'khor ba'i srid pa'i rgya mtsho phyir bsnyil bar 'gyur/ bla na med pa yang dag par rdzogs pa'i byang chub tu mngon par
- 17b
rdzogs par sangs rgyas kyi bar du tshe rabs dran par 'gyur/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur// de la 'byung po'i tshogs thams cad srung bar 'gyur/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa thams cad dga' bar 'gyur/ de'i lus la nad kyis mi tshugs par 'gyur/ pha rol gyi gnod pas 'chi ba'i dus byed par mi 'gyur/ chad pa spang ba dang / mtshon cha spang ba dang / dug bcil nas 'chi ba'i dus byed par mi 'gyur/ de la bdud sdig can gyis glags rnyed par mi 'gyur/ bdud kyi ris kyi lha rnams kyis skabs rnyed par mi 'gyur te/ gang du yid la byas pa der bdud kyi ris kyi lha de dag thams cad skrag cing dngangal dngang bar 'gyur zhing phyogs bcur 'bros par 'gyur ro// de la 'di dag sangs rgyas kyi tshig go/ sangs rgyas kyi tshig chen po'o// sangs rgyas kyis gnang ba'i tshig chen po'o// sangs rgyas thams cad kyi tshig go/ de bzhin gshegs pa thams cad kyi tshig yin na// tad+ya thA/ bud d+he/ su bud d+he/ ma hA bud d+he/ i hA bud d+he/ tad tra bud d+he/ bud d+he/ bud d+he bud d+he/ bud d+he/ bud d+ha ma ti/ bud d+he/ sarba bud d+ha/ a nu ma te/ sarba bud d+ha/ a nu dz+nyA na te/ bud d+ha/ bud d+ha/ bud d+ha/ bud d+ha/ bud d+ha/ bud d+ha/ bud d+ha/ bud d+ha/ bud d+ha/ bud d+ha// sangs rgyas kyi yul mtha' yas te/ chos bstan pa yang mtha' yas mod kyi// gcig tu yid la bya ba ni mdor na bsgom pa'o// gzungs 'di ni sems rnams la thugs brtse ba'i phyir sangs rgyas thams cad kyis gsungs pa ste/ chos thams cad kyis phyag rgya yin no// tad+ya thA/ shud d+he/ su shud d+he/ su shud d+he/ sho d+ha ni/ sang sho d+ha ni/ nirma le/ ma la a ba ga te/ ga ti sa mA ti tran ti/ kra me sa ma sa re/ sa rA sa ra ba ri a sho ke/ bi sho ka/ sho ka sha
- 18a
ma ni/ shan te/ u ba shan te/ pra shan te/ a bab+hA se/ sarba puN+ye ba ri ma te te/ sarba d+harma pra ti man titi/ ta ra ha ra/ ma la ha ra/ tsa ra tsa ra/ saM tsa ra/ tsa la tsa la/ saM tsa la ta/ la ta la ma ta la sa ma ta la/ ri ni rin su ri ne/ sa ma ri ni/ ri na ma te/ lo ka d+ha re/ lo ka d+ha re Ne/ d+ha ra d+ha re / Da ra Da ra/ ro d+ha ro d+hi/ ma hA bi dza ya/ bA ti ni/ ha na ha na/ sarba bud d+he/ tri pre shi/ tra si/ sarba dz+nyA pa the/ sarba dz+nyA ba ra mi te/ ma hA pra ti Sh+Tha na sa bA na ne/ sa man a la ke bud d+he/ bi/ Shaye/ bud d+ha/ pra te maNe ta/ b+ha ga ba te sa ra sa ra/ pra sa ra pra sa ra/ ba~M sa ra bi sa ra/ khA sa ra sarba sho ka a pa ga te swA hA// bcom ldan 'das kyis sangs rgyas kyi snying po'i gzungs kyi chos kyi rnam grangs 'di bshad ma thag tu ri dang gnas su bcas pa dang / tshal rnam pa drug tu g.yos// stong gsum gyi stong chen po'i 'jig rten gyi khams kyis yang g.yos so// rab tu g.yos so// kun tu rab tu g.yos so// rgya mtsho chen po yang 'khrugs/ rab tu 'khrugs/ kun tu rab tu 'khrugs so// ri'i rgyal po ri rab kyang ldeg cing 'gul to// bdud kyi gnas thams cad skrag nas/ bdud kyi ris kyi lha rnams dang / bdud sdig can rnams shin tu sdug bsngal yid mi bde bar gyur nyams thag go/ / sems can gang dag sa chen po g.yos par mthong ba de dag gis de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo/ / de bzhin gshegs pa dgra bcom pa yang dag par rdzogs pa'i sangs rgyas la phyag 'tshal le zhes ched du brjod pa lan gsum du brjod do// lha gang dag sangs rgyas la mngon par dad pa de dag gis lha'i me tog man d+ha ra ba dang / man d+ha ra ba chen po chen pos bcom ldan 'das la gtor/ mngon par gtor nas/ gang dag sangs rgyas la skyabasu sor bde dag thams cad rab tu dga' ba skyes so// de la 'di skad ces bya ste/ shAH
- 18b
seng ge yang dag rdzogs pa yi/ sangs rgyas skyob pas skad cig yud gang la// sangs rgyas thams cad kya ni snying po yi// gzungs 'di dag ni rab tu bshad pa yi// skad cig yud deras yang rnam drug g.yos// rgya mtsha 'khrugs shing bdud kyi gnas kun kyang / / rab tu g.yos nas bdud kyi ris rnams kyi// lha dag rab tu spangs shing 'khrugs par 'gyur// bdud yid mi bder sdug bsngal mya ngan non// de tshe lha rnams ngo mtshar rab zos nas// 'jig rten mgon la mchod pa bya ba'i phyir// nam mkhar gnas nas me tog man d+ha 'thor// gang dag sangs rgyas mngon dang gzhan rnams kyi// se mdodong do shal spos rnams dang // phye ma dag dngabyug pa gos rnams dang // rgyan dang dpung brgyan dag kyang rab tu 'bul// brgyad po 'di dag ni de'i yon tan gyi phan yon gyi brgyan du 'gyur ba'o// brgyad gang zhe na 'di lta ste/ byang chub kyi sems mi brjed pa'i rgyan dang // thos pa thams cad yongs su tshol bas mi ngoms pa'i rgyan dang / chos zab mo rnam par nges pa rten cing 'brel bar 'byung ba'i rgyan dang / sems can thams cad kyi dbang po mchog dang mchog ma yin pa shes pa'i rgyan dang / ji ltar thos pa dang ji ltar khong du chud pa'i chos rnams la tshul bzhin so sor rtog cing dpyod pa'i rgyan dang / sems can thams cad yongs su smin par bya ba'i phyir chos thams cad mi dmigs pa'i rgyan dang / rgyan de yang sangs rgyas kyi byin gyis brlabs kyis thabs la mkhas pa'i rgyan dang / / gzungs thob pa'i rgyan te/ brgyad po de dag ni de'i yon tan gyi phan yon gyi rgyan du 'gyur ro// gzungs 'di rtag par rgyan du yid la bya'o// sangs rgyas rjes su dran pa bsgom par bya'o// gzungs kyi gzhi 'di rnams yid la byas na las kyi sgrib pa thams cad yongs su byang bar 'gyur ro/ / pad ma rnam par bkod pa zhes bya ba'i ting nge 'dzin kyang thob bo// nad thams cad dang / na ba thams cad la lag pas byab par
- 19a
bya'o/ / bzlas brjod kyang dpag tu med par bya'o// bcom ldan 'das kyis de skad ces bka' stsal nas/ byang chub sems dpa' sems dpa' chen po de dag dang / nyan thos chen po de dag dag / lha da dang lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa sangs rgyas kyi snying po zhes bya ba'i gzungs kyi chos kyi rnam grangs rdzogs s+ho/ / rgya gar gyi mkhan po dzI na mi tra dag dA na shI la dang / zhu chen gyi lo ts+tsha ba ban de ye shes sdes bsgyur cing zhus te skad gsar chad kyis kyang bcos nas gtan la phab pa// @6// rgya ga skad du/ Ar+ya sarba bud d+ha ang ga ba ti nA ma d+hA ra NI/ bod skad du/ 'phags pa sangs rgyas thams cad kyi yan lag dang ldan pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das gang gA'i klung chen po'i 'akram na 'jig rten skyong ba bzhi dang thabs gcig tu bzhugs te/ de'i tshe bcom ldan 'das kyis rnam thos kyi bu la sogs pa rgyal po chen po bzhi la 'di skad ces bka' stsal to/ / rgyal po chen po dag skyes pa dang / bud med dang / khye'u dang / bu mo rnams la 'jigs pa chen po bzhi po 'di dag 'byung ngo // bzhi gang zhe na/ 'di lta ste/ rga ba dang / na ba dang / rgud pa dang / 'chi ba'o// de la yang 'jigs pa chen po gcig ste/ 'di ltar 'chi bdag gi 'jigs pa chen po ste/ btsam pa med pa/ gnyen po med pa/ rtag tu phyi bzhin 'brang ba'o// rgyal po chen po dag de la 'jigs pa chen po gcig po de'i gnyen po ngas 'dir brjod par bya'o/ / de nas bcom ldan 'das la rgyal po chen po bzhis 'di skad ces gsol to// bcom ldan 'das gang gi slad du bcom ldan 'das kyis srog rab tu
Colophon
'phags pa sangs rgyas kyi snying po zhes bya ba'i gzungs kyi chos kyi rnam grangs rdzogs s+ho // rgya gar gyi mkhan po j'i na mi tra dang /dA na sh'i la dang /zhu chen gyi lo ts+tsha ba ban de ye shes sdes bsgyur cing zhus te skad gsar chad kyis kyang bcos nas gtan la phab pa / (na, 19a2-3)