dbang gi rab tu byed pa
Kṣekapratiye
Text
ff. 195a–202b · 14 folio sides
- 195a
med so sor rang gis rig bya rgyal ba rnams kyi chos kyi skul bdag phyag 'tshal// gang zhig 'jig rten las 'das bsam mi khyab pa legs spyad 'bras bu bdag nyid phun sum tshogs// blo ldan chen por gyur pa mnyes pa'i rgyur gyur 'khor gyi dbus su sna tshogs gsung mdzad cing // 'jig rten kun la khyab pa rgyun mi 'chad pa rgyal che'i dam chos sangs rgyas rnams kyis gsungs// longs spyod rdzogs sku chos kyi rgyal po chen por gnas pa de la 'dir ni bdag phyag 'tshal/ gang zhig sems can rnams kyi smin pa'i rgyur gyur la lar me bzhin gsal bar snang ba dang // slar yang la lar mngon par byang chub chos kyi 'khor lo rab du zhi ba gang mthong ba/ rnam pa du ma 'gro ba'i gzugs kyi thabs kyis 'jug cing srid pa gsum gyi 'jigs 'joms// phyogs bcu'i rjes su 'jug pa don chen thub pa rnams kyis sprul pa'i sku la phyag 'tshal lo// khams gsum spyod pa las grol mkha' dang mnyam par gyur pa dngos po kun gyi rang bzhin nyid// dag cing zhi la rnam dben mchog tu zhi la rang bzhin rnal 'byor nyid kyis rtogs bya ba// rtogs dkar rtag par dka' la zhi ba mi mnyam par khyab cing mtshan ma med pa nyid// mi mnyam pa'i bde ba rnam par mi rtog sku gcig
- 195b
rgyal ba rnams kyi sku la phyag 'tshal lo// sangs rgyas zhing khams mtha' yas rdul phran yon tan las byung ma lus 'jig rten khams rnams su// zla ba nyi ma la sogs skye gnas lha yul sa stengs nam mkhar rdo rje btsun mo'i mthar// bud med skye gnas chos kyi dbyings su bde 'gro ngan 'gro dus kun du ni rnam par bzhugs// rdzogs pa'i sangs rgyas srog chags phung po yul gyi yon tan ldan pa bsod nams sdig pa'i mthus// khu ba khrag dag rig ma'i pad mar tshud cing srog gi rlung dang rtsol ba'i rlung / da ni ye shes lnga'i rang bzhin can du 'gyur ba'i skyes bu rig ma yang dag ldan// yul gyi yon tan las byung de longs spyod pa'i gzugs sku ma yi khams la rab brten ma/ skyes pa bud med ma ning lha klu khyab 'jug rgyal ba thub pa rang las mthu las byung // gang gi de nyid de nyid lnga dang rigs gsum go 'phang gcig tu gsang ba yi// zhal rgya rigs 'dzin dbang po sa la sogs pa yul dang yul can bdag po chos kyi dbyings// zhal rgya pa de rgyu las gnyis skyes lag pa rkang pa'i yan lag sor mo'i tshigs rnams las// de las tshor ba gsum la sogs pa nub par 'gyur ba smra bzhin myur du 'gro bar 'gyur// gang zhig lnga dang gsum las yul dang yul can dri dang
- 196a
@lus la sogs pa 'byung bar 'gyur// sa la sogs pa lnga dang zla ba nyi ma mun pa rnams kyis khams rnams rgyas btab de yis/ de/ gcig gi du ma'i khams la gnyis skyes lag pa rkang pa'i ser mo'i tshogs rnams gang zhig tu// thams cad zla ba'i rgyu las mchog gi rigs rgya rgyas btab skyes pa dang ni bud med dag/ rten gyi 'byung ba'i tsho gas ni rang bzhin yon tan yang ni 'jigs med rdul gyi phung po ste// srog gi rgyu ni dbyangs yig la sogs rang bzhin yang ni 'jigs pa med pa srog gi khams// khu ba'i rten ni zla ba nyi ma yang ni rdul yin las ni srog chags phung po yi// de yi thabs kyis bsad par byas pas bsod nams sdig pa'i mthu las 'bras bu sa gzhan du// rang gi las kyis phung po lngar longs spyod cing slar yang gzhan du'ang slar yang sog par byed// de yi dkar po'i bsi gtan stong pa nyes pa brgya'i las kyi phung po zad pa min// gcer pu pa ni las kyi phung po rnam par 'jig 'gyur sreg byed me ni 'ba' zhig gis// dkar po'i bsam gtan dgra bcom sngags dang bstod pa nyes pa brgya phrag sems dang lus ngag las// pad ma khyab byed snying po'i ze 'bru'i dbang phyug dgra bcom thig le bzang po bsgom
- 196b
par byed// de dbus lus po sbas pa rtses mo brgya phrag 'bar ba kun nas gsal byed pa can// lha rnams gsang ba'i mdzod gyur mchog gi go 'phang 'di ni brgya byin rgyal po 'di ni mchod 'os pa// yon tan 'di ni sreg blugs zabs ma lus las kyi phung po bsreg par 'gyur bar mthong // gang zhig gnod pa'i bsam gtan la zhugs gyur pa nyin dang mtshan du de'i sdig 'phel 'gyur// gang zhig gnod pa'i bsam gtan las ldog gyur pas nyin dang mtshan du de'i sdig nyams 'gyur// gang zhig drag po'i bsam gta/ la zhugs gyur pas nyin dang mtshan du de yi sdig pa 'phel// gang zhig drag po bsam gtan las ni ldog par gyur pa nyin dang mtshan mo de yi sdig pa nyams// gang zhig chos kyi/ bsam gtan la zhugs gyur pas nyin dang mtshan du de yi sdig pa nyams// gang zhig chos kyi bsam gtan las ldog gyur pas nyin dang mtshan du de yi sdig pa 'phel// gang / zhig dkar po'i bsam gtan la zhugs gyur pas nyin dang mtshan du de'i sdig pa nyams// gang zhig dkar po'i bsam gtan las ldog gyur pas nyin dang mtshan du de'i sdig pa 'phel// gang zhig nyin dang mtshan du 'tshe ba la zhugs gyur pa de rnams sdig pa 'phel bar 'gyur// gang zhig nyin dang mtshan du 'che ba ldog par gyur pa de rnams kyis
- 197a
ni bsod nams 'phel/ de bzhin pa dang chang dang gzhan gyi nor 'phrog pa dang 'dod pas log par g.yem pa dang // 'dod chags zhe sdang gti mug rnams dang nges par khro mang rgyal ba 'dod pa rnams kyis 'gyur// gang zhig sbyin pa la zhugs gyur pas nyin dang mtshan du de'i bsod nams 'phel bar 'gyur/ gang zhig sbyin pa las ldog gyur pas nyin dang mtshan du de yi sdig pa 'phel bar 'gyur// de bzhin tshul khrims bzod pa nyin dang mtshan du 'gyur la rdo rje'i brtson 'grus de bzhin du/ shes rab thabs dang smon lam stobs kyi sbyor bar ldan zhing stong nyid ye shes rdo rje rnams// dngos dang dngos med byed po sgribs dang na mkha' 'phrog par byed pa dang ni mchog gi bdag/ na mkha' med na byed po gnas min 'dir ni gang zhig stong pa nyid smra ba rnams kyi tshig/ sems can rnams kyi byed por ma byas bsod nams sdig pa dus rnams kun du rnam par 'phel// rgyal ba stobs bcu ldan pa ye shes can dang lha rnams longs ma spyad par 'jig pa min// so sor bsdud la sogs pa drug po stobs bcu'i stobs dang ldan pas stong nyid sgom par gsungs// mtshan mo du ba la sogs sbyor bas slar yang nyin mo na mkhar mar me la sogs pas// so sor
- 197b
bsdud pas rnal 'byor pa yis dus gsum dngos po na mkha'i dkyil du son par mthong // bsam gtan gyis kying shin du de la shin tu sems gtan byas pas phyi rol dngos po rnam par spong // srog rtsol gyi ni srog gi rlung dag nyi zla'i rgyu ba bral nas mun par rgyu bar byed// dbugs kyi 'byung 'jug bral nas slar yang 'dzin pa'i yan lag gis ni thig le 'dzin par byed// rjes su dran pas rang gi gzugs las zla ba bzhin du na mkhar 'od yang 'phro bar byed// ting nge 'dzin gyis khu ba rdo rje nas brtsams mgo bo dri med bde bas rab gang 'gyur// nam mkhar ltas pas gti mug rnam par 'jig par 'gyur te stong pa nyid mthong bas// nang gi bdag nyid bltas pas 'dod chags 'jig par 'gyur te srog gi rlung dag bkag pas so// yan lag med pa bltas pas zhe sdang 'jig par 'gyur te khu ba dri med bde ba yis// sna rtser ltas pas nga rgyal 'jigs par 'gyur te gzhom du med pa tshangs pa'i gsungs las so// srog dang rtsol ba bkag pas sangs rgyas gzugs brnyan dri ma bral ba'i dkyil 'khor yang dag pa// gsang ba'i lte ba snying/ mgrin pa mgo bo rdo rje rnamasu rim bzhin sazung ste/ khu ba gyen du song zhing khrag kyang 'og tu 'gro la tshangs dbyangs gzhom du med pa las// sku gsung thugs kyi rdo rje gsum dang dri ma
- 199a
bral ba gang gis ston pa sangs rgyas nyid// khyim la sogs pa'i lha'i mig dang rang bzhin yon tan dbang gis lha la sogs pa'i lha'i spyan/ 8/ rang rgyal nyan thos dag gi sems rtogs shes pa sangs rgyas spyan te gsum pa'o// byang chub sems dpa' rnams kyi dri ma bral la rnam dag bzhi pa shes rab spyan du 'gyur// sangs rgyas rnams kyi thams cad gzigs pa dri ma gsum dang bral ba lnga pa ye shes spyan// rgyu 'thun dga' ba khu ba rdo rje yang ste 'dzin na/ nges par rdo rje 'dzin pa yis// lus kyi sa bon khu ba pa ste 'khor lo 'dzin pa lte ba'i 'khor lo'i bde ba gang // mtshon bya de nyid mtshon bzhin pa'i snying sgra dang bcas bde ba mgon po 'khor ba 'jig/ gang gis mgrin par de rig g.yo med bde ba 'dzin pa de ni tshor byed rin chen 'dzin// gang gis mgo bor zla ba 'dzin pa 'di ni khu ba dri bral bde ba shes rab 'dzin// gtsug gtor tshangs pa'i bu gar 'gyur med mchog gi bde ba dga' ba bcu drug rab gang ba// gang gis shes rab rang bzhin med pa mchog gi zla ba cha shas bcu drug rdzogs pa'i mtha'// de ni dpag med gang gi rig pa mgo bor rdo rje dang bcas drug pa rdo rje sems// snang ba ye shes khams su
- 199b
'gyur te gang zhig spyi bor 'gyur med rdo rje skyes bu la// dri bral sa'i thig le mgo'i skyes bu de ni chung dang nyi ma 'grib pa yang // sgra can me dang rnam smin snying kha sgra bcas bde ba rlung dang lte ba 'jug rings ste// gsang ba'i 'khor lor mun can bcom pa'i bde ba stong pa can ni stong pa mun pa'i khams gang zhig/ mig la sogs pa yul can drug po lha mo rnams las sa snying la sogs gang // gzugs kyi phung po la sogs gang zhig yul drug rnams kyang lha ru brtags pa de rnams kyis// dag pa'i dbang po la sogs yul can drug po gang zhig gnod mdzes rgyal po sogs// de rnams khu ba mi 'pho la sogs yul drug rnams kyang sngon po la sogs de rnams so// gang zhig khro bo gshin rje gshed ni zla ba dang bcas srogs rlung rab tu bcom gyur pa// nyi ma dang bcas srog rlung rab bcom 'gyur gang zhig khro bo pad ma mtha' byed do// sgra gcan dang bcas srog rlung rab du bcom pas gang zhig khro bo bgegs mthar byed pa ste// 'jug rings dang bcas srog rlung nges par bcom pa gang zhig khro bo shes rab mthar byed do// srog rlung 'gags pas phyag gnyis dges rdor zhib 'dir ni nga rgyal 'joms pa rdo rje sems dpa' ste// srog rlung bkag pas phyag bzhi pa yi dges rdor byin za gas sngang
- 200a
'joms pa byang chub sems// dges pa'i rdo rje 'dod chags 'joms pa zhal gsum phyag drug dbang phyug sems dpa' chen por 'gyur/ zhal brgyad pa la zhabs bzhi gti mug 'joms pa tshangs pa bden pa dam tshig sems// lte bar srog rlung bkag pas dri ma gsum bral rdo rje sems de ni sangs rgyas nyid// snying kha ra bkag pa dri ma gsum bral byang chub sems dpa' rang rgyal de ni sangs rgyas nyid// mgrin par nyi ma de ni dri ma gsum bral sems dpa' chen po nyan thos nyid du 'gyur/ dpral bar rlung gi dbang po 'gags bde ba dang bcas dam tshig sems dpa' ston pa'i sras// lte ba'i 'khor lor mi 'gyur bde ba gang zhig khro'i dbang po'i rtsa bzhi dang / sum bcu rtsa gnyis dang ldan ro la ro yis bsgyur ba gang zhig bde mchog 'khor log suM// lag pa rkang pa'i rus pa'i dum brgyad dang lag 'thil sor tshigs dum bu rnams 'khor lo drug gi rtsa rnams 'dir ni nyis 'gyur ba de mchog chen po'i rnal 'byor ma rnams la// gtsug gtor rtsa bzhi rnams su 'phrog pa rnam par bral dang de bzhin chos kyi 'khor lo brgyad // mgrin par sum bcu rtsa gnyis rnams su 'gyur te drug bcu rtsa bzhi lte ba'i 'khor lo ru// gang zhig zla ba'i cha yis gang ba mgo bo dkar po de 'dir
- 200b
gsang bar dkar po'i cha// 'khor lo'i rtsa rnams yang ni mchog tu mi 'gyur bde ba dus kyi 'khor lo lhag pa'i lnga// dus ni drug bcus lhag dang bcas pa'i brgya phrag gsum ste tshigs 'tshams rnams kyang rdo rje'i sku// rgyu skar rnams ni dbyug gu na mkha' lag pa rgyal po de'ang dang po'i sangs rgyas gsung // zla ba'i cha shas sum bcu na mkha' gdengs can zla ba'i rtsa ni zla bzang po// rtsa dang bas spu gang zhig ma lus lus la gnas pa rdo rje myu gu'i ming can te// rdo rje chu dang bshang ba khrag rnams lus kyi stong pa nyid kyis lce yis ldag par 'gyur// byams pa'i tshems kyis gdong dang lag pa rkang pa'i sha rnams zos pas des na drag po la// mngon shes lnga yi zhal chen yul gyi phyugs kyi tsho gas rnams zos pas des na seng ge ste// bsod nams yis tshul khrims dam pa dri ma gsum bral dus kyi 'khor lo spyan gsum pa// dpal ldan 'dus par sku rnams gang zhig yul dang yul can srog chags rnams kyi mthu las byung // der ni 'ga' zhig khams rnams de dag lha ru rtag tu bdud kyi rigs la gsal bar mdzad// rtsa dang sha dang rus pa khu ba khrag rnams rdul phran 'dus pas lha rnams kyis ni gnas// srog chags so so sangs rgyas lnga yul bar snang sa steng rang rang gnas su gtso bor gnas// mdor byas rdzun gyi rim
- 201a
pas 'gyur la yul dang yul can bsgrub byad rdo rje bzlas pa yin// rang bzhin byin brlabs srog rlung ri bong can du bzhi pa 'dir ni mngon par byang / chub 'dod// 'dir ni lnga pa zung 'jug rim pa mchog tu gyur pa dpal ldan gsang ba 'dus par yang // bdud rnams yang dag bzung phyir srid pa gsum gyi bla mas lha'i skyed pa'i rim pa gsungs// gang zhig byang chub sems dpa' dge ba bcu'i lam dang sprin dang tshul khrims sogs las skyes// skyes pa skye bar 'dod par 'gyur gyi yid tsam min la brtags pa dang bdag kyang ngo // bdud kyi tshig 'di dag ni rang gi yid la byed cing de 'dra'i khyab pa'i rang bzhin gyi// bsam gtan rje bo 'ga' yang yod min lha yul sa stengs bsod nams tshul khrims rnam par dman// stobs bcu mchog dang ldan pas rdzogs pa'i lha dag chos kyi dbyings la yang dag gnas pa ste// rten par bya'i lcags kyu rdo rje mda' gzhu dril bu ral gri zhags pas bsgrub pa min// bkug cing 'dir ni bzhug dang mchog tu 'jigs par gyur pa rdung zhing lag pa bcing ba yi// bsam gtan 'dis ni dge ba bral nas bdud rnams shi nas ngan 'gror 'gro bar 'gyur// sangs rgyas pa yi lha rnams dri ma gsum dang bral zhing sems can kun gyis son mdzad pa/
- 201b
shin du dri zhim me tog dri dang spos dang mar me dang ni lnga ba shos dang // gsang sngags bzlas dang bstod pa nges pa brgya yis rten bya bsgrub pa po la rab dges nas// sa 'og 'jig rten lha yul sa stengs par snang rnams su grub pa'ang rig pa 'dzin pa ster// zla ba nyi ma'i rtsa dag bkag cing nyin mtshan dus su srog gi gsang sngags gang zhig ni// zla ba cig la nam mkha' mkha' dang stong ba grang dro dus ro mun pa dbyer med bzlas/ steng dang 'og gnyis 'dzin pas lam gsum bral nas srog gi rlung gang khyer bzhin pas// grub par 'gyur te ri bong 'dzin pa lta bu nam mkha' na mkha' 'gro bas rig pa ste// bsod nams don du byang chub sems dpa' thugs rjes rgyal srid chung ma bdag gi sha yang gtong // ye shes don du dus gsum dngos po stong pa'i gzugs brnyen mi yi dri bral klog byed cing // tshul khrims du kha khu ba rdo rje mgo bor khyer la mgo nas tshangs pa'i bu ga ru// bsod nas ye shes tshul khrims yang dag dri ma rnam par bral nas rdo rje sems dpar 'gyur// shin du skyon can skye bo gang zhig rgyal srid sems kyis ster ba len pas longs mi spyod// yon tan me lus ldan pa'i chung ma sems kyis byin yang gang zhig len pas longs spyod min// sha dag sems kyis byin yang ga
- 202a
/ zhig sha'i dam tshig can gyis len pas longs spyod min// sbyin pa de yis byang chub sems dpa' gal te stobs bcu ldan pa datshe dman rigs cis mi 'gyur// byams dka' thub mchog ni tho rangs dus su chang gi don du chang 'tshong khyim du 'gro// nyin mtshan dus su mchog gi thugs rje 'i don du nya pa rnams kyi tshong dus su// dgongs kyi dus su bud med la 'jug phyir du dga' bas bran mo rnams kyi khyim du 'gro// chang nyo bud med rnams kyis dri ma gsu tha a ba d+hU ti dman rigs cis ma yin// gang dag dngos po du mar gyur pa ser skya ba ni cig pa nyid du dam 'cha' la// gang gi sgrub bya med pa nyid la brtan g.yo'i 'gro ba yod pa nyid du dam 'cha' ba// gang tshe brtan tshigs bsgrub bya dang mtshungs 'gyur ba de tshe sgrub pa po'i sgrub bya min// gal te bsgrub bya gzhan la brtan tshigs kyang gzhan gyur pa de tshe de'i dam bcas nyams// sgra rnams rtag par dam bcas na mkha' lta bur byas pa'i lus med par grub de bzhin du// sgra rnams mi rtag dam bcas bum pa lta bur byas te shin du rtsol bas byung ba'i phyir// na mkha'i las ni rtag par grub kyang khyod kyi kha las sgra rnams mi rtag nges par grub// gzugs
- 202b
dang reg bya dri dang ro bzhin lnga pa sgra yang cis ma yin// de ni gang gis thog mar rtogs par sa stengs par snang khams sgra des slar yang ni// rna bas sgra rnams rab du rtog par gyur pa de ni sgra rnams rtag pa nyid yin lo// gang gis thog mar don rtogs gyur pas sa stengs par snang khams su slar yang de tshul gyis// rna bas don rnams nges par rtogs par gyur pas de ci gzugs rnams rtag pa nyid yin nam// rtag pa gsal bya cig tu yon tan ma lus rang bzhin sgra zhig rna ba'i bu gar gnas// mgrin pa nas brjod gsal byed sgra yi tshogs rnams slar yang rtag par gyur par ma yin la// gang zhig brjod pa gcig gis nyan byed rna ba'i bu gar sgra yi ku cor 'gyur min nam// rtag pa mngon par gsal bya de ltar 'gyur gyi gzhan la ltos pas nus pa'ang min// dngos po'i byed po rgyu ni slar yang mun pa gsal bar byed pa gzhan na gnas pas ni// rtag pa mngon pa gsal bar byas pa gang zhig rgyu yis bskyed pa 'dir ni byas pa ste// byas pa dang ni gzhan pa dag chos mi 'thun pas grub par 'gyur ba nyid ma yin/ chos mi 'thun pa de phyir byas pa rnams ni yod par 'gyur lo cig shos de med do// gang zhig mngon par gsal bya'i rgyur gyur mngon par gsal byed de ni ci yi rgyu ma yin//
Colophon
dbang gi rab tu byed pa rdzogs s+ho// //kha che'i paN+Di ta so ma nA tha dang/ bod kyi lo ts+tsha ba// //'brod dge slong shes rab grags kyis bsgyur ba'o