'phags pa 'jam dpal gyi mtshan yang dag par brjod pa'i mngon par rtogs pa
Āryamañjuśrīnāmasaṅgītyabhisamaya
Text
ff. 321b–348a · 54 folio sides
- 321b
dzasgra chen po rgyun mi 'chad par sgrogs pa'i chos kyi rgyal po chen por 'gyur ro zhes pa ni phyogs bcu zhes pa ni 'jig rten drug gi phyogs bcu'o// dam pa'i chos ni gsung rab yan lag bcu gnyis so// rnga sgra dang 'dra bas na dza sgra'o// rgyun mi 'chad pas na rtag tu'o// chos kyi rgyal po chen po ni sangs rgyas bcom ldan 'das so// yang na rgyal po yang yin la chen po yang yin pas na rgyal po chen po ste/ 'khor los sgyur ba'i rgyal po lta bur chos la dbang sgyur bar 'gyur ro// de ni 'khor lo lnga pa'i phan yon tshig gi rnam grangs lnga bcu rtsa gcig tu brtsis pa'i bshad pa'o// ji srid mi yi dbang po yi// zhabs kyi pad+mar mchod byas nas// 'jam dpal ye shes sems dpa' yi// mtshan ni yang dag brjod pa'i mchog/ lag na rdo rje la bshad pa// zab mo rtogs dka' rdo rje'i tshig/ mkha' 'gro'i gnas su phyin gyur pa'i// sgrub pa po ni snying po snyed// de yi zhal nas rgyud pa'i mthus/ don zab bde gshegs spyod yul ba// bdag gis kyang ni rnam par bgrol// dran par ma gyur dgra yis ni// gdams ngag las ni tshig dga' dag/ nor na dam pas bzod par mdzod// bdag gi lus dang ngag yid kyis// gus pas dam pa rnam par phye// yon tan gter ni rab gsal ba'i// dge de 'gro ba'i rgyud la smin// bdag kyang 'di dang gzhan dag tu// dam pa'i zhabs dang mi 'bral zhing // 'jam pa'i dbyangs kyi zhal mthong nas// de bzhin 'gro ba'i don byed shog/ 'phags pa 'jam dpal gyi phan yon gyi 'grel pa sngags kyi snying po bsdus pa zhes bya ba/ dpal mkhas pa chen po dus kyi 'khor lo pa grags pas mdzad pa rdzogs so// // rgya gar gyi mkhan po A nAr+ya a b+ha ya badz+ra dang / dge bsnyen rdo rje rgyal pos bskur cing zhus te gtan la phab pa'o// / @[।।] #// rgya gar skad du/
- 322a
Ar+ya many+dzu shrI nA ma sad+d+hi t+ya b+hi sa ma ya/ bod skad du/ 'phags pa 'jam dpal gyi mtshan yang dag par brjod pa'i mngon par rtogs pa/ 'jam dpal gzhon nur gyur pa la phyag 'tshal lo// bcom ldan bsod nams ye shes tshogs sprul pa/ skye bo dregs ldan dregs pa med gzigs nas// 'dul dka' sems can rnams ni rtag pa ru// 'jigs byed 'jigs pa'i gzugs kyis 'dul byed pa'i// rang snang kun skad kyis thos pha rol phyin// sems can bsam pa'i dbang gis mos pa bzhin// ma nor 'khrul spangs lam ni ston mdzad pa'i// ston mchog gang yin de la phyag 'tshal lo// don gnyis ldan par rab grub phyir// yang dag rim pa la brten nas/ sangs rgyas kun gyi ye shes sku// mngon par rtogs par bya phyir brjod// sbyin bdag chen po gtso bo ste// tshul khrims chen po 'chang ba'i mchog/ bzod chen 'chang ba brtan pa po// brtson 'grus chen po brtul ba yin/ bsam gtan chen po ting 'dzin gnas// shes rab chen po lus 'chang ba// stobs po che la thabs che ba// smon lam ye shes rgya mtsho ste// byams chen rang bzhin dpag tu med// snying rje chen po blo yi mchog/ ces bya ba la sogs pa mdo'i don la 'jug par bya ste// gsang sngags kyi sgo'i spyad pa spyod par 'dod pa'i rigs kyi bu 'am rigs kyi bu mo gang la la 'khor ba'i rgya mtsho'i pha rol tu phyin par 'dod pas/ nyon mongs pas ni sems dkrugs shing // mi shes pa'i 'dam gyi tshogs chen por bying ba'i sems can rnams la phan par 'dod pa'i blos dam pa nye bar bsten cing 'dod pa'i lha dang dam tshig la gus pas tshe 'di'i chos la zhen pa spangs la// ji skad gsungs pa'i gnas khang stong dang / ri dang / chu klung dang / nags tshang tshing la sogs pa las dang rjes su mthun par gsungs pa gang du sems dga' ba der sa'i bdag po 'am/ skye dgu dam pa gnas pa'i sa 'byung ba'i gnod pa la sogs pa mi
- 322b
mthun pa med pa der rnal 'byor brtsam par bya'o// sgrub pa po'i mtshan nyid dang / gnas kyi nges pa bstan pa ste dang po'o// // de nas byang chub kyi yan lag tu dkyil 'khor legs par bya zhing / me tog dang / spos la sogs pa ci nus pas tshogs par bya'o// de nas bsam gtan dang / sngags dang / rdzas rnams kyis gdong la sogs pa dag par byas la bde ba'i stan la 'dug par bya'o// de la rang lha'i gzugs su skad cig gis dmigs la/ oM pra kr-i ti pa ri shud+d+ha sarba d+harmA pra kr-i ti pa ri shud+d+ha ha/ zhes pas dam tshig gi ril bu khar bcug pas sgo gsum dag par bya'o// gdong la sogs pa dag pa'i nges pa bstan pa ste gnyis pa'o// // de nas rang gi snying gar sna tshogs pad+ma dang bla ba'i dkyil 'khor la a kun di'i kha dog lta bu bsams la/ a A/ a I/ u A/ e ai/ oM a~M/ oM aHbcu gnyis kyis tha ma bskor bar bsam par bya'o// a las 'od zer ston ka'i zla ba'i 'od lta bus de bzhin gshegs pa thams cad sad par byas la/ rang gi mdun gyi nam mkha' la dgug par bya'o// de nas dbyangs dang po bzhi las spros pa'i spos dang / me tog dang / mar me dang / dri rnams yi ge gsum dang spel te/ rang gi sngakra kyis dbul lo// de nas bar ma gsum las spros pa'i la s+ye dang / mA le dang / gI rti dang / nir t+ya dang / bzhi snga ma ltar dbul bar bya'o// de nas tha ma bzhi las/ rdo rje dbyings phyug ma dang / rin chen dbyings phyug ma dang / pad+ma dbyings phyug ma dang / las kyi dbyings phyug ma rnams kyis phyi dang nang dang gsang ba'i mchod pas yang dag par mchod la/ skye ba thog ma med pa nas mi shes pa'i dbang gis nyon mongs pas kun nas bslang ba'i sgo gsum gyi sdig pa so sor bshags par bgyi zhing / de dag gi nyes pa mthong bas phyis mi byed par sdom pa blang bar bgyi'o// rdzogs pa'i sangs rgyas dang byang chub sems dpa' rnams dang / rang sangs rgyas dang / 'phags pa'i dge
- 323a
'dun dang / so so'i skye bo gang dag thar pa'i don gyi dge ba'i rtsa ba la rjes su yi rang bar bgyi'o// gang yang dgongs pa'i dbang gis thub pa mya ngan las 'da' bar bzhed pa la/ sems can thams cad kyi don duyun ring du bzhugs par gsol lo// sangs rgyas bcom ldan 'das chos kyi 'khor lo mi skor bar mdzad pa de dag la yang 'khor lo bskor bar gsol ba gdab par 'tshal lo// de nas dge ba'i rtsa ba gang dag yod pa kun khyad par can du yongs su bsngo bar byas la/ sangs rgyas chos dang dge 'dun gang srid pa'i 'jigs pa sel bar nus pa de dag la bdag gis byang chub thob pa'i bar de srid du skyabs su mchi'o// bdag gi lus 'di yang sems can thams cad kyi don du sangs rgyas dang byang chub sems dpa'i dkyil 'khor dang tha mi dad pa yang dbul bar bgyi'o// de'i rjes la bdag rdzogs pa'i sangs rgyas su gyur par byas la/ sems can thams cad kyi don brgya'o zhes smon lam gdab par bya'o// de dag gis ni srid pa'i chos la chags pa'i nyes pa dang ma chags pa'i phan yon shes pa'i rnal 'byor pas 'di ltar dngos po gsum mi 'dzin par gtong ste/ longs spyod kyi dngos po bya ba phyi dang nang la sogs pa dang dge ba'i dngos po 'das pa la sogs pa dang / rab tu 'phangs pa'i rang nyid kyi dngos po sems can gyi don du btang ba'o// bsod nams kyi tshogs la 'jug pa'i nges pa ste gsum pa'o// // de nas theg pa mchog las mi nyams par bya ba'i phyir sems can gyi don bya bar mos pa yang / byams chen rang bzhin dpag tu med// snying rje chen po blo yi mchog/ ces gsungs te/ dpag tu med cing gzhal ba las 'das pa'i sems can gyi khams ma lus pa'i don byed pas na tshad med pa'o// byams pa chen po tshad med pa de bas na byams chen rang bzhin no// de yang srid pa thog ma med pa nas 'khor ba'i phyir/ 'dir btags pa'i pha ma la sogs pa bzhin du/ dus kun tu yang de bzhin te/ de bas
- 323b
na sems can thams cad gnyen gshes so zhes gsungs pas sems can kun la bu sdug pa ltar byams par bya'o// rab tu sdug pa'i bu gsal shing la btsug na pha ma yid bde ba'i go ta la ga la yod de/ snying rtse ba'i bsam pas yid la byed pa gzhan mi 'byung ste/ bu sems dpa' 'ba' zhig gis nyin mtshan 'da' bar byed do// de bzhin du blo mchog dang ldan pa yang sems can rnams la snying rje chen pos de bzhin du gnas so// yang skyes bu thabs lamakhas pas pha mnyam thag pa'i drung du phyin te/ grogs po dag 'di ltar mya ngan ma byed cig/ khyed la ci dang ci bdog pa bdag la stsol cig/ bdag la nub pa ci bdog pas byed bu dang 'grogs par bya'o zhes zer te/ de dag gis kyang bdog pakhas len to// de nas thabs la mkhas pas bu gsal shing las bkrol te/ gso dpyad bzhin du sos par byas nas de'i pha ma la b+hin te rab tu dga' bar byas so// de bzhin du skyes bu mchog gis dge ba'i rtsa ba ci dang tsi bdog pa thams cad 'khor ba'i sdug bsngal las sgrol ba'i don du btang na sems can sdug bsngal dang bral ba'i dga' ba'i rlabs ni 'jig rten gyi dga' ba gang gis dper yang mi 'gro ba thob bo// de'i tshe bu dang 'grogs pa'i dga' ba'i shugs kyis sngar gyi sdug bsngal dang yo byad la mi bsngo mi bgrang bar btang snyoms su gnas so// de bzhin du sems can rnams kyi don mthong nas kyang bsod nams kyi dngos po btang ba'i lan la re ba med par btang snyoms su gnas so// de bas na sems can gang dag srid pa'i rgya mtshor gru zhig pa dang / g.yang sar phyin pa dang / ngan skyugs su nub pa las gdon par bya'o zhes smon par bya'o// tshad med pa bzhi bsgom pa'i nges pa ste bzhi pa'o// // da ni don dam pa byang chub kyi sems dran par bya ste/ 'di ltar sangs rgyas bcom ldan 'das// rdzogs pa'i sangs rgyas a las byung // a ni yig 'bru kun gyi mchog
- 324a
don chen yi ge dam pa yin// a kA ro mu khaM sarba d+harma NAM At+ma tAn+na twA ta zhes pa'o// da ni dbyer mi phyed pa'i byang chub kyi sems dran par bya ste/ khong nas 'byung ba skye ba med// tshig tu brjod pa spangs pa ste/ brjod pa kun gyi rgyu yi mchog/ tshig kun rab tu gsal bar byed// Ar+ya sarba d+harmA swa b+hA ba At+ma ko&haM/ zhes bya bas so// 'di lta ste/ bsod nams ldan pas bsod nams tshogs// ye shes ye shes khyad par che// ye/ shes ldan pa yod med shes// tshogs gnyis tshogs ni bsags pa po// zhes gsungs pa'i rim pas/ thabs snying rje chen pos bsod nams kyi tshogs bsag pa dang / shes rab stong pa chen pos ye shes kyi tshogs bsags pas 'gro ba'i don byed pa ni byang chub kyi sems yin la/ tshogs gnyis ro gcig par gyur pa ni de'i mtshan nyid do// de nyid ni a ste/ de ltar rdzogs pa'i sangs rgyas kun 'byung ba'o// de bas na yig 'bru kun las gang sangs rgyas 'byung ba de mchog yin no// de'i phyir sdom brtson gyis kyang sems ar bskyed par bya'o zhes pa'o// ci a ste kun rdzob tu'am zhe na don chen yi ge dam pa ste/ don yang yin la chen po yang yin pas don chen te/ gang gis rtogs na bdag dang gzhan gyi don 'byung ba'i phyir ro// de bas na dam pa dang mchog ci'o// khong nas 'byung ba ni chos can gang la yang chos nyid 'di dang ldan pa'i phyir ro// chos nyid ni rtogs par bya ba'i phyir dang // 'dzin pa phyin ci log las byung ba yongs su btang ba'i phyir/ thabs chen po 'di ltar bya'o// ma rig pa la sogs pa 'khor ba lugs su 'jug pa yongs su spang ba'i phyir/ sa la sogs pa khams drug tu 'dus pa'i phung po la bdag dang bdag gir 'dzin pa btang ste/ de yang 'jig pa'i dus su chu yis me 'jig par byed do// phyis me med pa'i phyir sa yang med de sra ba 'dor zhing lan tshwa bzhin zhu nas chu yi nang du thim par 'gyur ro// de rlung gi shugs
- 324b
kyis chu ma lus par skams nas nam mkhar mi snang bar 'gyur ro// de bzhin du khams kyi tshogs myur du 'jig par 'gyur ro// de nas sems dang mthun pa'i mthar nam mkha'i khams rnam pa kun gyis bkris pa yul dang rnam/ par bral ba chos nyid dang rgyu mthun par gnas so// de kho na la gzhan dag las/ oM shU n+ya tA dz+nyA na badz+ra swa b+hA ba At+ma ko&hUM/ zhes pa dang / oM a ni mit+ta dz+nyA na badz+ra swa b+hA ba At+ma ko&haM i a pra Ni hi ta dz+nyA na badz+ra swa b+hA ba AH ko&haM/ oM a na b+hi saM skA raM dz+nyA na badz+ra swab+hA ba at+ma ko haM/ zhes 'chad pa'i don 'di'o// de nas 'dir nam mkha' las byung rang byung ba ni don 'di'o// byang chub kyi sems rdo rje dbyings la 'jug pa'i nges pa ste lnga pa'o// denas nA da las raM rdzogs par byis pas nyi ma'i dkyil 'khor la hU~M bltas te/ de las byung ba'i shes rab mtshan chen 'chang ba yi// nyon mongs lcags kyu che ba'i mchog/ grags chen spyan grags chen po ste// snang ba chen po gsal ba che// zhes bya ba'i don la 'jug par bya ste/ sa bon hUM las byung ba 'i' khro bo hUM mdzad mdog nag po zhal gcig phyag bzhi pa g.yas pa ral gri dang mda' 'dzin pa/ g.yon pa ut+pal dang gzhu 'dzin pa/ khro bo'i rgyan dang ldan pa/ skra dang s+pha ra la sogs pa dmar ser du gnas pas gyen du 'bar ba/ lus thung la gzi brjid che ba/ 'khor lo rtsibs brgyad pa'i mu khyud dang ldan pa'i bgegs kyi gtso bo mnan par bsgoms la/ mi shes pa'i bgegs thams cad shes rab kyi mtshon chen pos gcod par bsam mo// de nas yang snying ga'i nyi ma la rang gi sa bon gnas pa las/ khro bo gnod mdzes bton la phyi rol gyi nyon mongs pa'i sems kyis gdug par gyur pa kun dgug par bya ste/ de yang zhal gcig phyag gnyis dang ldan pas/ lcags kyu dang sdigs mdzub dang zhags pa 'chang bas/ bgegs thams cad bkug par bsams la/ oM sum+b+ha ni sum+b+ha hUM hUM phaT/
- 325a
gr-ih+Na gr-ih+Na hUM hUM phaT/ oM gr-ih+NA pa ya grih+NA pa ya hUM hUM phaT/ oM A na ya ho b+ha ga bAn bi d+ha rA dzA hUM hUM phaT/ zhes bka' bsgo ba byas pas/ phyogs skyong bcug kug la/ 'khor lo'i rtsibs rnams dang steng du rang rang gi phyogs rnams su skyel bar bsam mo// sems gdug pa dang ldan pa de rnams la/ de bzhin gshegs pa'i sku gsung thugs kyis phur pas gdab cing sems can gyi don bya ba'i phyir/ oM g+ha g+ha g+hA ta ya zhes bya ba la sogs pa'i sngags phyogs bcu 'jig rten gyi khams su grags// pa chen por gyur pa dang / mi dge bcu spong ba'i tshig snyan par grags pa chen po 'jig pa'i dus kyi sprin gyi sgra lta bus rnam par rgyal ba dang / nI la daN+Da dang / ya mAN+Da ka dang / a tsa la dang / a mo g+ha pA sha dang / ha ya grI ba dang / a mra ta kuN+Da li dang / trai lo kya bi dza dang / uSh+NI tsakral sogs pa kun ji skad gsungs pa'i mdog dang / phyag mtshan dang ldan pa/ stod zhal gsum phyag drug pa/ smad gsal shing gi rnam par 'gegs kyi gtso bo rnams la btab pa rabs ma mo// de nas bgegs de rnams mi dge ba spangs nas dge ba spyod pa nyid dge ba la chos sdud pa yang ngo // yang sarba pA paM hUM phaT/ ces bya ba la sogs pa brjod pas sdig pa rnams la phur pa btab pas de bzhin gshegs pa'i sku gsung thugs kyi phur pa btab cing sdig par gyur pa gtan bcom pa ni/ nang gi dgegs bcom zhing sdom pa'i tshul khrims la gnas par byas pa'o// gang gis tshul khrims kyi phung po dang ldan pa'i bsrung ba'i 'khor lo 'di ni tshul khrims chen po dang ldan pa'o// de nas rab dang dra ba spro bar bya ba'i phyir/ yang thugs ka'i sa bon las 'od zer gyi snang ba chen po spros te/ oM badz+ra pra ka ra hUM zhes pas phyogs mtshams rdo rje ra bar gyur par bsam mo// oM me de ni badz+ra hUM/ zhes pas sa gzhi sna tshogs rdo rjer bcing ngo // oM badz+ra pa lngar hUM/ zhes brjod pas steng rdo rje'i gur du bcing ngo/ oM badz+ra bi di na hUM/ zhes pas bar snang la rdo rje'i bla rer gyur pa'o// oM badz+ra sar dza la zhes pas ra ba'i phyi rol tu mda'i dra ba'o// oM badz+ra dz+wA lA na lA rka hUM/ zhes pas gsal ba chen po me'i rab 'jig pa'i dus kyi me ltar gang gis kyang bzod par dka' bar
- 325b
bsam mo// byang chub sems kyi bar chad sel ba zhes bya ba bsrung ba dam po bya ba'i nges pa ste drug pa'o// de ltar bsrung ba bya ba de yang bzod pa dang ldan pa yin gyi/ mi bzod pas ni dka' thub bsrung bar lta ga la nus te/ de bas na sdug bsngal dang du len pa ni sdug bsngal gyi snod khams gsum mi spong zhing gsang sngags kyi lam gyis gzhal yas khang par rten dang brten par bsgom pa dang / sdug bsngal la ji mi snyam pa'i bzod pa'i phyir mngal gyi sdug bsngal gyi bzod pas mngal skyes kyi bskyed pa'i tshul dang / sdug bsngal la chos shes pa'i bzod pa'i phyir phung po la sogs pa thams cad lhar bskyes pa'o// de'i phyir bsrung bar ba'i nang du yum shes rab kyi pha rol tu phyin pa'i ngo bo nyid stong pa nyid dang / mtshan ma med pa dang / smon pa med pa dang / 'dus ma byas pa gru gsum nam mkha'i khams can rim gyis phra ba/ kha dog dkar po mthar thug pa med par bsgom par bya'o// gzugs che lus kyang che ba ste// kha dog che zhing lus bong che// ming yang che zhing rgya che ba// dkyil 'khor chen po yangs pa yin// zhes bya ba ni don la 'jug par bya ste/ 'di ltar nyams su len pa la ni tshig gi rkang rim pa ma yin pas go bar bya'o// de yang dkyil 'khor chen po yangs pa ni 'dir dkyil 'khor chen po yang yin/ yangs pa yang de yin pas/ dkyil 'khor chen po yangs bache'o// de ni dkyil 'khor gsum gyi rten byed pas chen po'o// yangs pa che ni 'di ltar yi ge yaM las gyur pa gzhulta bu kha dog sngon po ba dan dang bcas brgyar dpag tshad 'bum phrag bzhi pa steng 'og tu sna tshogs rdo rje gnyis kyis mtshan pa'o// de'i ste du ming yang che ba ni ming gi rnam grangs mang po'o// rgya che ba ni chu'i dkyil 'khor la ltos po'o// raM las byung ba me'i dkyil 'khor gru gsum dmar po 'bar bas mtshan brgyar dpag tshad 'bum phrag gsum pa/ 'og dang steng du hU~M yongs su gyur pa'i sna tshogs rdo rje gnyis dang lhan cig g.yung drung gis mtshan pa'o// de'i steng du kha dog che zhing lus bong che ba ste/ kha dog che ba ni dkar po dri mas mgos pa dang ba'o// lus che ba ni sa'i dkyil 'khor la ltos pa'o// de yang baM yongs su gyur pa las chu'i
- 326a
dkyil 'khor dkar po zlum po bum pas mtshan cing rgyar dpag tshad 'bum phrag gnyis pa steng dang 'og tu hUM las gyur pa'i sna tshogs rdo rje gnyis dang lhan cig pad+mas mtshan pa'o// de'i steng du gzugs che lus kyang che ba ste/ gzugs che ba ni kha dog dang dbyibs kyis kun la khyab pa'o// lus kyang che ba ni lhun po ri'i rgyal po la ltos pa'o// laM yongs su gyur pa las sa'i dkyil 'khor gru bzhi ser po rdo rje phyed mas mtshan pa 'og dang steng du hUM yongs su gyur pa'i sna tshogs rdo rje dang lhan cig rdo rjes mtshan pa'o// de'i steng du sum las gyur pa'i lhun po rdo rje'i rang bzhin 'og gi rgyal dpag tshad bcu drug bcu drug pa'o// steng gi rgyar dpag tshad lnga bcu lnga bcu pa'o// de'i steng du k+Sha las gyur pa'i sna tshogs pad+ma lhun po'i phyed tsam mo// de'i phyed kyi ze 'bru dang dpag tshad stong phrag phyed dang bcu gsum mo// de'i dbus su brum yongs su gyur pa las gzhal yas khang rdo rje dbyings chen po'i khang pa brtsegs pa/ sku'i dkyil 'khor rlung gi 'khor yug la thug pa rgyar dpag tshad 'bum phrag bzhi pa'o// de'i phyed la gsung gi dkyil 'khor chu'i 'khor yug la thug pa'o// de'i phyed la thugs kyi dkyil 'khor sa'i 'khor yug la thug pa'o// de'i phyed ni bde ba chen po'i 'khor lo'o// de'i yang phyed ni bcom ldan 'das kyis pad+ma'o// pad+ma'i su mtshan lte ba'o// de yang bde ba chen po'i 'khor lo ma gtogs pa gzhan de phan chad dbyibs ni kun nas gru bzhi pa'o// sgo ni zla ba'i rnam grangs kyis bzhi bzhi'o// de bzhin du ka ba bcu drug drang rta babs rnams dang / dur khrod brgyad dang sgo khyud rnams dang / 'gram pa dang / logs dang / rtsig pa gcig dang / gsum dang / kha dog lnga'i rtsig pa dang / kha khyer rnams dang / sna tshogs pa'i rin chen pha gu dang / dra ba dang dra ba phyed pa dang / bku li dang / kra ma shi rA dang / dril bu dang / rgyal mtshan gyis gtams pa/ me long dang / rnga yab dang / me tog gi phreng
- 326b
ba dang / mtshams rnams su sna tshogs rdo rje dang / rin po ches spras pa/ rdo rje'i phreng bas kun tu bskor ba/ zla ba dang nyi ma dang / bum pa dang / rnga yab dang / byang chub kyi shing dang / yid bzhin gyi nor bu la sogs pa'i rgyan gyis brgyan pa'i sangs rgyas kyi zhing khams su sgom pa ni snod kyi 'jig rten la maM skyo bar bya ba'i nges pa ste bdun pa'o// // da ni skye gnas la dri mi snyam pas mngal du 'jug pa'i rim pa brjod par bya ste/ 'du byed yongs su dag par bya ba'i phyir ro// 'dir dkyil 'khor gyi lte ba la g.yon skor gyi/ aM ai raM uM l-i/ aM a~M a oM a la/ haM yaM khaM raM laM/ gsum pa'i cha lnga zhes bya'o// de ltar bco lnga'i mthar thig le a la dang bcu drug tu bya'o// de nas g.yas skor du nag po'i tshes gcig la sogs pa'i cha sbyin te/ lA wA rA yA A al oM ar e a lA~M A r-I AM A// zhes pa chabaco lnga'i mthar aHzhes pa chog drag dang bcu drug pa'o// 'di rnams ni mi chen po'i mtshan sum cu rtsa gnyis te zla ba'i cha'o// nas ka la sogs pa nyi ma'i dkyil 'khor la gsal byed kyi bdag nyid bzhi bcu dang ldan pa dgod par bya ste/ sde tshan drug tu bcad pa ni sum cu rtsa lngar 'gyur ro// de bzhin du wa la ra ya Da d+ha lan gnyis su smos pa'i dbang gis so// gsal ma par sa pa chen pas/ # n+daH/ zhes pa pa cwas shes la sogs pa dgru ba dang na pa'o// nas gsan dgod pa/ dag+ha ga kha ka/ rka dz+nye tsha tse/ Nar+tha Da ta Ta/ maM b+ha ba pa pa/ na d+ha da tha ta/ na sha Sha hras/ ya ra wa laH/ d+ha Da wa la ra ya/ zhes pa bzhi bcu'o// de ltar dpe byad brgyad bcu nyi ma'i cha dang ma la len pa dang rdul du nges pa dang / phung po la sogs pa'i lha'i chos zhes pa ste brgyad pa'o// // de ltar bzod pa la sogs pa'i chos ldog pa brtson 'grus chen po brdul ba med na 'phel bar mi 'gyur te/ de'i phyir sbyor ba'i brtson 'grus ni bstan
- 327a
ma thag pa de dang rnam par shes pa rnam par dag pa la sogs pa 'dis kyang ngo // rdzogs pa'i sangs rgyas su bzhengs pa nyid ni mi ldog pa'i brtson 'grus so// mtshan dang dpe byad la sogs pas brgyan pa ni yongs su mthar byin pa'i brtson 'grus so// nyi ma dang zla ba'i dbus su hUM gis byas pa'i rdo rje rnam par shes pa hUM dang ldan pa'o// de yang zla ba dang dbyangs yig ldan pa ni me long lta bu'i ye shes so// rnam par shes pa'i phung po rnam par dag pa mi bskyod pa ste mchod pa chen po zhe sdang che/ nyon mongs kun gyi dgra che ba/ zhes pa'o// nyi ma'i dkyil 'khor gsal byed dang ldan pa ni// mnyam pa nyid kyi ye shes dang / tshor ba'i phung po rnam par dag pa rin chen 'byung ldan te/ mchod pa chen po chags pa che// chags pa thams cad sel bar byed// ces pa'o// sa bon hUM dang rdo rjen so sor kun tu rtog pa'i ye shes dang 'du shes dang 'du shes kyi phung po rnam par dag ba snang ba mtha' yas te/ mchod pa chen po 'dod chags che// sems can thams cad dga' bar byed// ces pa'o// de rnams las 'od zer dri ma med cing kha dog lnga dang ldan par spros te/ ming dang gzugs yongs su sbyangs nas ro gcig par gyur pa ni bya ba grub pa'i ye shes dang / 'du byed kyi phung po rnam par dag pa don yod grub pa'o// mchod pa chen po khro ba che// khro ba chen po dgra che ba// zhes pa'o// de nas yan lag thams cad kyi cha shA yongs su rdzogs pa nas rnam par shes pa hUM dang ldan par byas pa ni chos kyi dbyings shin tu rnam par dag pa'i ye shes dang gzugs kyi phung po rnam par dag pa'i rang bzhin rnam par snang mdzad do// mchod pa chen po gti mug che// gti mug blo ste gti mug sel// ces pa'o// sbyor ba'i brtson 'grus la de bzhin gshegs pa lngas byin gyis brlabs pa'i nges pa ste dgu pa'o// // da ni mi ldog pa'i brtson 'grus kyis lha rnams kyi sku mngon par rdzogs
- 327b
par bya ste/ de na bcom ldan 'das dam pa dang po ni ming dang gzugs yongs su dag pa ste/ zhal bzhi pa spyan bcu gnyis pa/ dpung pa bcu gnyis pa/ b+hag nyi shu rtsa bzhi dang ldan pa/ mgrin pa gsum pa zhal bzhi pa gdangs shing mche ba gtsigs pa sku sngon po shar gyi zhal nag po drag po// g.yas kyi chags pa dang bcas padamar po'o// g.yon gyi rab tu zhi ba dkar po'o// nub kyi ting nge 'dzin la gnas pa ser po'o// mgrin pa dbus ma sngon pa'o// g.yas nyi ma ltar dmar po'o// g.yon zla ba'i mdog lta bu'o// dpung pa g.yas dang po ni sngon po// gnyis padamar po// gsum pa ni dkar po// de bzhin du g.yon pa yang ngo // de bzhin du yang g.yam pa'i dang / g.yon pa'i gnyis ni sngon po// gnyis ni dmar po// gnyis ni dkar po'o// de bzhin g.yas pa dang / g.yon pa'i lag pa bzhi ni nag po// bzhi ni dmar po// bzhi ni dkar po'o// de bzhin du sor mo tshigs gsum gsum dang / mthe bong ni sar po'o// mdzub moni dkar po'o// gung mo ni dmar po'o// srin lag ni nag pa'o// mthe'u chung ni ljang bu'o// lag mthil nas sor mo kun gyi tshigs dang po ni nag pa'o// gnyis pa ni dmar po'o// gsum pa ni dkar pa'o// zhabs gnyis kyis pad+ma dang zla ba dang nyi ma'i steng du drag po dang 'dod lha mnan pa ste/ de la 'dod pa'i lhan me tog lnga'i mda' dang gzhu thogs shing / zhags pa dang ljags kyu thogs pa'i lag pa bzhi pa/ gdong gcig pa/ mdog dmar po ste/ zhagra g.yas pa'i mthil dmar pos mnan pa'o// de bzhin du dbang phyug gdong gcig pa mig gsum pa lag pa bzhis rtse gsum dang / cang te'u dang / thod pa dang / kha T+wAM ga 'dzin pa dkar po ste/ zhabs g.yon pa'i mthil dkar pos mnan pa'o// bya ga dang po bzhi 'a mthil dang bral rde rdo dang / gnyis pa la la gri/ gsum pan rtse gsum pa/ bzhi pan gra zugs/ de bzhin du phyag dmar po bzhi'i mthil da pal mo'i mda'o// gnyis pan rdo rje las
- 328a
/ klu/ gsum pa na sgra sgrogs pa'i cang te'u/ bzhi pa na tho ba'o// phyag dkar po bzhi'i mthil na dang po na 'khor lo// gnyis pa na mdung / gsum pa na dbyug pa/ bzhi pa na dgra sta'o// rdo rje can gyi g.yas pa'i nyi ma'i phyag gi mtshon cha'i tshogs so// g.yon gyi dang po ni dril bu/ gnyis pa na phub/ gsum pa na kha T+wAM ga gdengs pa/ bzhi pa na khrag gis bkang ba'i thod pa'o// de bzhin du dmar po bzhi'i mthil dang po na gzhu/ gnyis pa na lcags kyu/ gsum pa na nor bu rin po che/ bzhi pa na pad+ma dkar po// dkar po bzhi'i mthil dang po na dung chos/ gnyis pa na me long / gsum pa na rdo rje lcags sgrog/ bzhi pa na tshangs pa'i mgo bo zla ba'i phyogs g.yon pa'i mtshon cha'i tshogs so// bcom ldan 'das dang gnyis su med pa'i yum sna tshogs ma ni zhal bzhi spyan bcu gnyis pa phyag brgyad ma sku mdog dmar ser mo// bcom ldan 'das g.yas brkyang ba yum g.yon brkyang bas 'khyud pa/ g.yas dang po gri gug/ gnyis pa na lcags kyu/ gsum pa na cang te'u sgra sgrogs pa/ bzhi pa na bgang phreng ngo // g.yon gyi dang po na nya phyis/ gnyis pa na zhags pa/ gsum pa na pad+ma dkar po 'dab ma brgyad pa/ bzhi pa na rin po che bzang po// phyag rgya lngas rgyas btab cing snyoms par 'jug pas gnas pa/ 'dir bcom ldan 'das ni zla phyed rdo rje dang / sna tshogs rdo rje dang / rdo rje sems dpa'i cod pan yin la/ bcom ldan 'das ma ni rdo rje sems dpa' tsam mo// 'di dag la yang rdo rje'i rgyan gyis brgyan pa ste/ gzhan du na rdo rje 'jigs byed zhal drug pa dang / gdor brgya pa zhes pa ni rigs nges pa'i khro bo dang / gdul bya'i rigs gcig pa tsam la dgongs pa'o// 'dir ni rigs mtha' dag dang / 'jig rten dang 'jig rten las 'das pa'i chos thams cad la dgongs pa'o// de bas na rdo rje shugs can 'jigs byed pa/ zhes pa ni 'dir bcom ldan 'das kyi stobs phun sum tshogs pa
- 328b
bstan to// rdo rje grags pa rdo rje snying gis ye shes phun sum tshogs pa'o// sgyu 'phrul rdo rje gsus po che// zhes pa ni sprul pa phun sum tshogs pas kun bskyed pa'o// rdo rje snying po mkha' 'dra bas ye shes phun sum tshogs pa'i dpe'i don to// migayo ral pa gcig gi sbyangs/ mi bskyod pa'i rtags ral pa'i thor tshugs gcig tu bsgyings pa'o// glang chen kau rlon na bzar gyon pa ni stag gi sham thabs dang zhes pa gzhan yang ston pa'o// drag chen ha ha zhes sgrogs pa'i tshigs bcad gnyis kyis bcom ldan 'das kyi gsung drag pos ma rungs pa 'dul ba'o// mtshon du rdo rje'i mda' thogs pa zhes tshigs bcad gnyis phyag mtshan nyid kyis mtshan nyid de/ rdo rje 'bar ba mig mi/ bzang ces pa nas tshig bcad gnyis kyis mtshan dang dpe byad mdor bstan pa tsam mo// rdo rje phreng thogs dpal dang ldan// rdo rje'i rgyan gyis brgyan pa ste// rgyan gyi mtshan nyid do// cod pan dang rna rgyan dang / mgul do dang / gdu bu dang / dpung rgyan dang / ska rags dang / rkang rgyan dang / dar dpyangs dang / rdo rje'i phreng ba dang / stag gi sham thabs la sogs pa kun no// gad rgyangs ha ha zhes pa tshigs bcad phyed dang gnyis kyis gsung gi mtshan nyid dang / tshig gi mtshan nyid de de ltar bcom ldan 'das kyis nges pa ste bcu pa'o// // de nas dkyil 'khor ba kun bskyed pa'i phyir las kyi phyag rgya bcu drug ma 'am/ ye shes kyi phyag rgya rig ma byin gyis brlabs te/ sngon du gsungs pa'i rim pa kun bla ma'i gad ma ngag gis bshad ma thag pa las go bar bya'o// 'dir phyi dang nang gi rim pa bzhin brtags pas dga' ba brtsam pa ni ji skad du/ gzugs dang lang tshos brgyan pa ni/ dang po legs par bslab par bya// bslabs nas bsgrub pa brtsam par bya// sku gsung thugs ni chags pa rnams// dpral ba la sogs gnas gsum dgod// swA hA gsang ba gtsug tor che// de nas pad+ma rnam par sbyang //
- 329a
a las pad+ma 'dab brgyad la// hUM gi yi ge rdo rje ldan// shes rab thabs kyi rgyu ru ni// de ltar rdo rje bcad pad+ma// hU~M las rang gi rdo rje ni// rtse lnga pa ru rnam par bsgom// de dbus pad+ma 'dab brgyad pa// a las rab tu brtag par bya// de ltar pad+ma rdo rjer bcas// byas nas pad+mar gzhug par bya// de nas dpa' bos hUM hUM brjod ces pa'i don go bla ste/ de nas b+ha ga'i nang du ni rdo rje phreng ba rim pa gsum gyis rab tu phye ba ge sar dang bcas pa'i pad+ma'o// de'i sgo'i nang du byang chub sems dpa'i pho brang ngo // de la sgo bzhi'o// de'i phyi rol tu gsung gi dkyil 'khor ro// gnas kyi cha de rnams der rang rang gi pad+ma'i ze 'bru so so la zla ba nyi ma'i dbus su son pa'i a A aM aHbzhi shar la sogs pa'i rim pa bzhin no// de bzhin du me la sogs par ha ha haM ha bzhi'o// de nas rim pa gnyis pa'i 'dab ma la/ oM ni chos kyi dung gi'o// hUM ni yid bzhin gyi nor bu'i'o// ho ni dpag bsam gyi shing gi'o// aHni chos kyi gaN+DI'o// de bzhin du mtshams rnams su/ hi hi hri tri/ hu hu/ h+ma hAM/ bum pa brgyad kyi'o// de nas rim pa gsum pa la// a i r-i u la rnams kyi phyogs kyi'o// de bzhin du laM u raM i a rnams ni mtshams rnams su'o// de bzhin gshegs pa rnams kyi sa bon no// li spyan ma'i 'o// u ni ma ma kI'o// r-i ni gos dkar mo'i'o// i ni sgrol ma'i'o// dpal gyi yum gyi ni ho'o// de bzhin du i ni kun tu bzang po'o// a ni phyag na rdo rje'o// e ni nam mkha'i snying po'i'o// a ra ni sa'i snying po'o// oM ni 'jig rten dbang phyug gi'o// a ni sgrib pa rnam par sel ba'i'o// byang chub sems dpa' rnams kyi'o// de bzhin a ni chos kyi dbyings kyi'o// I ni sgra rdo rje'o// ai ni reg rdo rje'i'o// Ar ni ro rdo rje ma'i 'o// oM ni gzugs rdo rje ma'i'o// A la ni dri rdo rje ma'i'o// rdo rje sems ma rnams kyi'o// de bzhin ha ni rab stobs kyi'o// wa ni 'gugs byed kyi'o// ha ni rengs byed kyi'o// ra ni nga rgyal can gyi'o// hi ni rengs
- 329b
byed ma'i'o// wa naM nga rgyal can ma'i'o// ya naM shin tu brtson 'grus ma'i 'o// ra ni skugs byed ma'i 'o// thugs kyi 'khor lo'i sgo ba rnams kyi'o// de bzhin du gsung gi 'khor lo'i sa bon rnams te rgan byad ma'i ni ha'o// haM ni dbang phyug chen mo'i'o// khyab 'jug ma'i nik+Sha'o// phag mo'i ni haM'o// gdong drug mo'i ni k+Sha'o// dbang mi'i ni he'o// tshangs ma'i ni k+Sha'o// drag mo'i ni ha'o// dpal mo'i ni k+ShaM'o// gtso mo rnams kyi sa bon no// haM ya a ya k+Sha yu sl-i yaM brgyad kyis ni rgan byad ma'i phyogs bzhi dang mtshams su rim pa bzhin 'khor rnams kyi sa bon no// de bzhin du k+Shi yA yAM yAM k+Shi yA skr-i yaHbrgyad ni mjug ma'i'o// de bzhin du hr-i raM r-I hAM ru r-I raM phag mo'i'o// k+ShaM rA rI d+h+r-id+hA rA d+h+r-i raHgdod drug ma'i'o// br-i la li l-Ikr-I lulA~M laM dbang mo'i'o// k+ShaM lA lAM lAM/ k+Shai lA l+lA laHtshangs mi'i'o// hu wa wewAM hU wA lpA hUM wu l+li l+r-i ni drag mo'i'o// kU wa waM wAMk+ShA lAl+lA waHni dpal chen mo'i'o// 'khor rnakyis ban naM// rnam par rgyal ba'i a // shin rje mthar byed kyi ro li// bde mtha brad kyi la'o// bgegs mthar byed ky-i u'o// sgo ba rnams kyis bonan// mi wA'i n-i ti ni// rlung lnga na nya'o// gshin rje dzam/ tri ni srin po'o// gzhun nu'i NaM'o// gnod sbyin gyi kaM ngo // brgya byin gyi ni taM no// tshangs pa'i ni NaM no// drag po'i ni saM ngo // chu lha'i ni paM mo// tshogs kyi bdag po'i ni tsi no// / khyab 'jug gi ni kaM ngo // sku'i dkyil 'khor gyi sa bon no// ya wa ral ni dbyugs pa sngon po dang / mi g.yo ba dang / 'dod pa'i rgyal po dang / stobs po che rnams kyi sa bon no// ya ni lu gu rgyud ma'o// wa ni tsun da ma'i'o// ra ni khro gnyer ma'i'o// la ni 'od zer can gyi'o// sku'i dkyil 'khor gyi sgo ba rnams kyi'o// da ni ka ba 'degs pa'i klu rnams kyi sa bon brjod par bya ste/ h+ya h+ya ni stobs kyi rgyu dang pad+ma'i'o// hra hra ni 'jog po dang pad+ma chen po'i'o// bla tA ni nor rgyas dang dung skyong gi'o// hA tra ni mtha' yas dang rigs ldan
- 330a
gyi'o// da ni khyi gdong la sogs pa rnams kyi brjod de/ g+hA ni shar gyi dur khrod kyi'o// lha lho'i'o// ts+tsha nub tu'o// k+Sh+m+R+YuM byang du'o// b+hU me ru'o// rtswa bden bral du'o// d+hU rlung du'o// mA dbang ldan du'o// sa bon spros nas bkod pa'i nges pa ste bcu gcig pa'o// // de nas phyi'i gzhal yas rje khang du lha so so'i gdan gyi ni steng du dbyu ra bar bya ste/ 'di ltar yad+hU ba yum gyi snyoms par zhug rjes pa las phreM rnam par shes pa brgyad dang dga' ba bzhi dang / skad cig ma bzhi'i ngo bor rtogs pas 'bras bu bzhir gyur pa ni/ rnam pa nyi shus byang chub pa ste/ de'i tshul gyis bskyed par bya'o// de'i phyi rol tu stan gyi bkod pa bstan par bya ste/ de la gtso bo yab yum ni bstan/ zin to// 'dir nag po 'bar ma nas brtsams te/ thugs kyi 'khor lo rim pa bsdus pa ni pad+ma dang zla ba dang nyi ma'i gdan no// gsung gi dkyil 'khor gyi rgan byed ma la sogs pa'i stan naM/ shar du rgan byed ma la sogs pa dgu ni yi dgas dmar mo'o// de bzhin du khyab mthug ma'i ni nam mkha' lding ngo // phag mo'i ma he'o// gzhon nu ma'i rma bya'o// dbang mo'i ni glang po che'o// tshangs ma'i ni ngang pa'o// drag po ni glang ngo // dpal chen mo'i ni seng ge'o// de dag kun kyang pad+ma'i steng du'o// da ni sku'i dkyil 'khor gyi brjod par bya ste/ bden bral la yi dgas dmar mo'o// khyab 'jug la ni nam mkha' lding ngo // gshin rje'i mahe'o// gzhon nu'i rma bya'o// dbang po'i glang po che'o// tshangs pa'i ni bang pa'o// drag po'i ni glang ngo // nor bdag gi ni glang po che'o// me lha'i ni lug go// chu lha'i ni chu srin no// rlung lha'i ni sha ba'o// tshogs bdag gi byaM la'o// da ni sgo ba'i brjod de/ 'od zer can gyi phag pa bdun gyi shing rta'o// skul byed ma'i rta bdun pa'i shing rta'o// khro gnyer can gyi ni seng ge bdun pa'i shing rta'o// de bzhin du ba gdong ma'i ni be'u D+ha'o// bya rgod gdong mi'i krung krung ngo // nam mkha' lding gi gdong ma'i ni mig ma'o// 'ug pa'i gdong ma'i ni 'jug ma'i
- 330b
gdong ma'o// mtshams kyi'o// khyi gdong ma'i ni ba se ru gcig go// phag gdong ma'i ni dom mo// ce spang ma'i ni bse ru gcig go// stag gi gdong ma'i ni g.yag go/ phyogs kyi'o// gdan rnams kyi nges pa ste bcu gnyis pa'o// da ni lha rnams kyi sku mdog dang phyag mtshan brjod de/ de dag la nag mo 'bar ma la sogs pa rang gi ming gi mdog can zhal bzhi spun bcu gnyis ma phyag brgyad pa'o// nag mo 'bar ma dang ser mo 'bar ma'i zhal mdog ni dang po ser ba/ g.yas dkar ba g.yon dmar ba/ nub sngon po'o// dkar mo 'bar ma'i shar dkar ba/ lho gnag pa/ nub dmar po/ byang ser po'o// dmar mo 'bar ma'i dang po dmar ba/ g.yas nag po/ g.yon dkar po/ nub ser po'o// nag mo 'bar ma'i g.yas dang po na spos snod// gnyis pa na tsan dan dang / gur gum gyi snod/ bzhi pa na ni gla rtsi dang bcas pa'i gabur gyi snod do// g.yon gyi dang po na dril bu/ gnyis pa na pad+ma/ gsum pa na lha'i shing gi me tog/ bzhi pa na me tog sna tshogs kyi phreng ba'o// dmar mo 'bar ma'i g.yas kyi dang po na mar me/ gnyis pa na do shal/ gsum pa na cod pan/ bzhi pa na gdu bu/ de bzhin du g.yon gyi dang po na gos/ gnyis pa na ska rags/ gsum pa na rin po/ che'i rna cha/ bzhi pa na rkang rgyan no// de bzhin du ser mo 'bar ma'i g.yas kyi dang po na dung / gnyis pa na gling bu/ gsum pa na nor bu/ bzhi pa na cang te'u'o// g.yon gyi dang po na pi wang / gnyis pa na rnga bo che/ gsum pa na sgra dkrol ba'i dril bu/ bzhi pa na ru dung / de bzhin du dkar mo bar ma'i g.yas kyi dang po na 'o ma'i snod/ gnyis pan chu'i snod/ gsum pa na sman bzang po// bzhi pa na chang gi snod g.yon dang po na bdud rtsi'i snod do// gnyis pa na grub pa'i bcud kyi snod do// gsum pa na rtse'i 'bras bu'o// bzhi pa na zan gyi snod ni dkar mo'o zhes pa'o// 'di rnams rang gi phyag rgya rdo rje sems dpa' dang lhan cig skyes pa'o// de bzhin du me ru kha gsal ba nag mo// bden bral du
- 331a
'od zer can dmar mo dang / rlung du khyab 'jug ma ser mo// dbang ldan du 'bar ma dkar mo'o// 'di rnams kyang zhal phyag la sogs pa snga ma bzhin no// kun mthun par phyag brgyad kyis rnga yab dmar po brgyad bsnams pa'o// de'i phyi rol tu 'dab ma brgyad la bdud rtsi lngas gang ba'i bum pa shar la sogs pa'i phyogs kun tu gnyis gnyis so// mtshams rnams su dbang ldan du chos kyi dung dkar po'o// bden bral du chos kyi gaN+DI dmar po'o// me ru yid bzhin gyi nor bu nag po'o// rlung du dpag bsam gyi shing ljang gu'o// de'i phyi rol tu phyogs kyi 'dab ma bzhi la/ de la shar gyi 'dab ma la don yod grub pa zhal gsum phyag drug pa/ zhal g.yas skor du nag po dang / dkar po dang dmar po'o// de bzhin du lhor rin chen 'byung ldan rtsa ba'i zhal dang sku mdog dmar po// g.yas dkar po g.yon nag po// byang du 'od dpag med rtsa ba'i zhal sku dang mthun par dkar po// g.yas gnag pa g.yon dmar po'o// nub tu rnam par snang mdzad ser po// g.yas dkar ba/ g.yon nag po'o// 'di dag ni nyi ma'i dkyil 'khor la'o// me ru sgrol mngon yod grub pa bzhin no// bden bral du gos dkar mo rin chen 'byung ldan bzhin no// dbang ldan du mA ma kI 'od dpag med bzhin no// rlung du spyan ma rnam par snang mdzad bzhin no// 'di rnams ni zla ba'i dkyil 'khor la'o// shar gyi sgo'i khro bo rab stobs la sogs pa bzhi ni don yod grub pa'i mdog dang phyag mtshan no// steng gi gtsug tor ni mi bskyod pa'i mdog dang phyag mtshan can te/ ljang gu'o// khro bo rnams ni g.yas brkyang ba'i// lha mo rnams ni g.yon brkyang ba'o// de ni skye mched drug rnam par dag par bya ba'i phyir/ 'dod pa chen po bde ba che// dga' ba chen po mgu ba che// zhes pa'i don la 'jug par bya'o// de la 'dod pa chen po ni gzugs la sogs pa'i skye mched drug go// bde ba che ba ni de'i yul la brten
- 331b
pa'i tshor ba po nang gi skye mched drug go// dga' ba chen po ni de dag las gzhan pa'i rnam par shes pa drug go// mgu ba che ni 'dod pa'i bye brag gi sems mgu bar byed pa'o// da ni de dag gi lha bskyed pa bshad de/ shar sgo'i g.yas phyogs su nam mkha'i snying po sku mdog dang dbyi bas don yod grub pa bzhin no// mer reg bya rdo rje ma sgrol ma bzhin no// lho sgo'i g.yas su sa'i snying po rin chen 'byung ldan bzhin no// bden bral du ro rdo rje gos dkar mo bzhin no// nub sgo g.yas su sgrib pa sel ba rnam par snang mdzad bzhin no// rlung du dri rdo rje ma spyan ma bzhin no// byang sgo'i g.yas su 'jig rten dbang phyug 'od dpag med bzhin no// dbang ldan du gzugs rdo rje mA ma kI bzhin no// 'og tu shar sgo'i g.yon du kun du bzang po kha dog sngon po zhal gsum phyag drug pa dam pa dang po bzhin no// byang sgo g.yon du sgra rdo rje kun du bzang po bzhin no// sang du lho sgo'i g.yon du phyag na rdo rje me skyod pa bzhin no// ljang gu'o// nub sgo'i g.yon du chos kyi dbyings kyi rdo rje phyag na rdo rje bzhin no// de rnams las thabs rnams ni rdo rje skyil mo krung gis bde ba chen po'o// lha mo rnams pad+ma'i 'dab ma la 'khyud pa'i tshul gyis gtso bo la rgyab kyis phyogs nas dga' ba cha pa'o// da ni gnod tshan rnams brjod par bya ste/ don yod grub pa dang mthun par nag po'o// lha mo sgrol ma dang / khro bo rab stobs dang / byang chub sems dpa' nam mkha'i snying po dang / sems ma reg rdo rje ma rnams ni phyag g.yas dang po na ral gri/ gnyis pa na gri gug/ gsum pa na rtse gsum mo// g.yon gyi dang po na phyag/ gnyis pa na thod pa/ gsum pa na kha T+wAM ga dkar po'o// de bzhin du rin chen 'byung ldan dang mthun pa'i lha mo gos dkar mo dang khro mo 'gugs byed ma dang / byang chub sems dpa' sa'i snying po dang / sems ma ro rdo rje ma ni phyag g.yas kyi dang po na me'i mda'/ gnyis pa na rdo rje lcags kyu/ gsum pa na sgra sgrogs pa'i cang te'u/ g.yon
- 332a
gyi dang po na gzhu/ gnyis pa na zhags pa/ gsum pa na nor du dri ma med pa rtse dgu pa'o// de bzhin du rnam par snang mdzad dang mthun pa'i lha mo spyan ma dang / khro bo rengs byed dang / byang chub sems dpa' sgrib pa sel ba dang / sems ma dri rdo rje ma rnams phyag g.yas kyi dang po na 'khor lo// gnyis pa na dbyug pa/ gsum pa na 'jig par byed pa'i rdo rje'o// g.yon pa'i dang po na dung / gnyis pa na rdo rje lu gu rgyud// gsum pa na dril bu sgra dang bcas pa'o// de bzhin du 'od dpag med dang mthun pa'i lha mo mA ma kI dang / khro bo rengs byed dang / byang chub sems dpa' 'jig rten dbang phyug dang / sems ma gzugs rdo rje ma rnams kyi/ g.yas kyi dang po na thob/ gnyis pa na mdung / gsum pa na rtse gsum mo// g.yon gyi dang po na pad+ma 'dab ma brgyad pa dkar po// gnyis pa na me long / gsum pa na bgrang phreng ngo // de bzhin du mi stod pa dang / lha mo rdo rje dbyings kyi dbang phyug ma dang / khro bo gtsug tor dang / byang chub sems dpa' phyag na rdo rje dang / sems mchos kyi dbyings kyi rdo rje ma rnams kyi g.yas kyi dang po na rdo rje/ gnyis pa na gr-i gug/ gsum pa na dgra swA'o// g.yon gyi dang po ni dril bu/ gnyis pa na thod pa/ gsum pa na ut+pa la'o// de bzhin du rdo rje sems dpa' dang / lha mo sna tshogs yum dang / khro bo gnod mdzes dang byang chub sems dpa' kun tu bzang po dang / sems ma sgra rdo rje ma rnam kyi mtshan ma yang nges pa'o// yang na sgrol ma dang / kun du bzang po'i uta pa la dang / kha T+wAM ga'i gnas dang / tshangs pa'i mgo bo'i gnas su'o// da ni gsung gi dkyil 'khor gyi lha brjod par bya ste/ de la shar gyi pad+mar rgan byed ma gdong cig ma nag mo'o// me ru khyab 'jug ma snga ma dang 'dra'o// gshin rje dang bden bral du phag mo dang gdong drug ma snga ma dmar mo'o// rlung du tshangs ma gdong bzhi ma ser mo'o// byang du drag mo gdong gcig ma dkar mo'o// dbang
- 332b
ldan du dpal mo yang de bzhin no// ji ltar gtso mo lte ba la gnas pa'i mdog dang / dbyibs bzhin 'dab ma la gnas pa'i 'khor rnams kyang de bzhin no// rgan byad ma la sogs pa rnams kyi phyag mtshan brjod par bya ste/ rgan byad ma'i g.yas dang pon gri gug/ gnyis pa na rtse gsum mo// g.yon dang po na thod pa/ gnyis pa na kha T+wAM ga'o// go rims bzhin du khyab 'jug ma'i 'khor lo dang / thod dbyug dang / pad+ma dang / dung ngo // phag mo'i dbyug pa dang / ral gri dang / lu gu rgyud dang phub po// gzhon nu ma'i mdung dang / lcags kyu dang / rin po che dang / zhags pa'o// dbang mo'i rdo rje dang / mda' dang / dril bu dang gzhu'o// tshangs ma'i pad+ma dang / dbyug pa dang / thabs khung dang / dgang gzar ro// drag po'i rtse gsum dang / cang te'u dang / kha T+wAM ga dang sprul lo// dpal chen mo'i pad+ma dang / bgrang phreng dang / pad+ma dang / rin po che'o// 'dab ma'i rnal 'byor ma rnams kyi mtshan ma yang de bzhin no// da ni de rnams kyi ming brjod par bya ste/ rgan byad ma'i mdun gang yin pa'i shar te/ de nas g.yas skor du dang po la 'jigs ma/ gnyis pa la sogs par drag mo dang / mche ba gtsigs ma dang / 'bar ma'i gdong ma dang / rlung gi shugs ma dang / rab gtum ma dang / drag mig ma dang / rna chen ma rnams so// khyab 'jug ma'i dang po la sogs par g.yang ma dang / snu ma dang / grags ma dang / dpa' mo dang / rnam par rgyal ma dang / dpal rgyal ma da / dpal rgyal byed ma dang / dpal gyi rdo rje ma'o// phag mo'i 'dab mdang po la keng rus ma dang / dus mtshan ma dang / rab tu khros ma'i gdang ma dang / dus kyi ldem dang / tshig ma dang / nag mo dang / 'jigs ma dang / gzugs ngan ma'o// gzhon nu'i dang po'i 'dab ma la pad+ma dang / de bzhin du yan lag med ma dang / gzhing num dang / rigs kyi bdag mo la gnas ma dang / rin po che'i phreng ba dang / mig bzangs ma dang / rigs bzangs mo dang / bzang mo'o// dbang
- 333a
mo'i dang po la sogs par rdo rje'i 'od dang / rdo rje'i lus dang / gser gtso ma lta bu dang / 'dod pa la dbang ma dang / ri mo 'dri ma dang / rtsol mo dang / kun tshim ma dang / shin tu sgrol ma'o// tshangs ma'i shar la sogs par rtsa dang bcas ma dang / pad+ma'i mig dang / chu las skyes ma dang / ldan ma dang / blo ma dang / ngag gi dbang phyug ma dang / glu len byed ma dang / klog ma dang / drag mo'o// de nas drag mo'i shar la sogs par dkar mo dang / gang+gA dang / rtag ma dang / shin tu myur ma dang / thig le mchog ma dang / dpal gyi gdong ma dang / ser skya ma dang / nag mo'o// de nas dpal mo'i 'dab ma la dkar mo dang / zla ba dri med ma dang / zla ba'i gdong ma dang / ngang pa'i gdong can ma dang / 'dzin byed ma dang / pad+ma dang / skar bcas mig dang / dri ma med pa'i zla ba mo'o// de ltar gtso mo dang bcas pa bdun cu don gnyis gsung gi 'khor lo'i sgo skyong bzhi ni snga ma'i mdog dang mtshan ma'o// de rnams dang ro mnyam pa ni 'gugs ma dang / 'bebs ma dang / 'ching byed ma dang / dgyes skyed ma'o// da ni sku'i dkyil 'khor gyi lha rnams bskyed de/ bden bral ni shar sgo'i g.yas su'o// 'di la sogs pa kun gdong gcig pa lag pa bzhi pa'o// 'di'i g.yas pa ral gri dang gri gug/ g.yon pa na phug dang thod pa'o// rlung lha g.yas par dpag bsam gyi shing dang / pa ri dzA ra ta'i me tog go/ g.yon pa ra in+d+ra nI la dang / ut+pal sngon po'o// lho sgo'i g.yon du gshin rjer dbyug pa dang / ral gri/ g.yon du lugu rgyud dang zhags pa'o// lho sgo'i g.yas su me lha'i g.yas su mdung dang zhags pa'o// g.yon pad+ma dang spyi blugs so// bden bral du gdong drag pa'i g.yas su pad+ma dang mdung ngo // g.yon du rin po tsheche dang me long ngo // nub sgo'i g.yon du gnod sbyin gyi g.yas su nor bu rin po che dang dbyug to// g.yon pa na ne'u le dang pad+mo'o// nub sgo'i g.yas su brgya byin g.yas sra rdo rje dang me'i mda'o// g.yon na dril bu dang gzhu'o// rlung
- 333b
du tshangs pa'i g.yas nal thA ga dang gzhu'o// g.yon du pad+ma dang thab khung ngo // byung sgo'i g.yon du drag po'i g.yas pa na rtse gsum pa dang / gnyis pa na mda'/ g.yon pa na kha T+wAM ga sprul dang ldan pa dang gzhu'o// lho ru chu lha'i g.yas pa na zhags pa dang rin po che'o// g.yon pa na rin po che chu shel lo// dbang ldan du log 'dren gyi g.yas su dgra sta dang rdo rje'o// g.yon du zhags pa dang rin po che'o// sha ra sgo'i g.yon du khyab 'jug gi g.yas pa na 'khor lo dang dbyug to// g.yon pa na pad+ma dang dud ngo // da ni sgo ma rnams kyi brjod par bya ste/ lu gu rgyad ma'i g.yas na ral gri dang rdo rje/ g.yon pa na phug dang sAl lo// khro gnyer ma'i g.yas na mda' dang lpags kyu/ g.yon pa na gzhu dang zhags pa'o// 'od zer can gyi g.yas pa na rdo rje dang / dbyug pa dang / g.yon pa na rin po che dang dung ngo // skul byed ma'i g.yas na tho ba dang mdung ngo // g.yon pa na pad+ma dang me long ngo // shin du sngon mo'i g.yas pa na/ gri dang rdo rje/ g.yon pa na tho ba dang dril bu'o// drag mig ma'i g.yas pa na dgra sta dang rtse gsum/ g.yon pa na sprul zhags dang kha T+wAM ga'o// drag mig ma'i ni shing rta rkang pa brgyad pa sa la 'gro ba'o// shin tu sngon mo ni nam mkhar 'gro ba'o// ma rungs ma dang bcas pa kha dog lnga'i rlung gis nam mkhar 'gro ba lus sbom la mig gsum pa'o// da ni phyi'i dkyil 'khor gyi rta babs bzhi'i ka ba brgyad kyi 'og tu klu chen po brgyad dang / 'og dang steng du yang rgyal ba dang rnam par rgyal ba brjod de/ thams cad gdong gcig pa lag pa bzhi pa/ g.yas gnyis kyis bdud rtsi bum pa dang / gnyis pa na rdo rje'o// g.yon pa na pad+ma dang / gnyis pa ni rin po che'o// de la shar du rlung gi dkyil 'khor la pad+ma dang stobs kyi rgyu'o// lho ru me'i dkyil 'khor la nor rgyas dang dung skyong ngo // nub tu sa'i dkyil 'khor la 'jog po dang pad+ma chen po'o// byang du chu'i dkyil 'khor la mtha' yas dang rigs ldan no//
- 334a
nam mkhar rgyal ba'o// ye shes la rnam par rgyal ba'o// da ni dur khrod brgyad kyi brjod de/ shar du khyi'i gdong ma'o// lhor phag gdong ma'o// nub tu rtse spung gdong ma'o// byang du stag gi gdong can ma'o// me ru wa gdong ma'o// bden bral du bya rgod gdong ma'o// rlung du nam mkha' ldeng gi gdong ma'o// dbang ldan du 'ug pa'i gdong ma'o// 'di rnams ni gdong gcig pa lag pa gr-i gug dang thod pas khyab pa'o// sa 'og tu drag mig ma'o// nam mkhar shin du sngon ma'o// gcer bu phyag rgya lngas brgyan pa dkyil 'khor la dmigs pa'o// da ni mchod pa'i lha mo rnams brjod par bya ste/ shar du dri ma dang phreng ba ma'o// lhor spos dang mar me ma'o// nub tu sgrol ma dang bzhad ma'o// byang durnga brdung ma dang gar ma'o// nam mkhar glu ma dang 'dod ma'o// 'og tu lha bshos ma dang bdud rtsi'i 'bras bu'o// rdul tshon gyi dkyil 'khor la ni shar nub kyi rtabapas 'og tu bya'o// de rnams ni thugs kyi dkyil 'khor gyi sgo bzhi'i kha khyer g.yas g.yon du dgod pa'o// gsung gi dkyil 'khor gyi gzungs kyi snum bral dgod pa ni shar du 'byed par 'dod ma dang / de bzhin du lhor 'khru bar 'dod ma dang / shar du rengs par 'dod ma dang / byang du rgyas par 'dod ma'o// de bzhin du gsad par bskyod par 'dod ma dang / rol mo 'dod ma dang / rgyan 'dod ma dang / bza' ba 'dod ma dang / dri 'dod ma dang / gos 'dod ma dang / 'khrig pa 'dod ma dang / lus 'khru bar 'dod ma dang / ku cos smras par 'dod ma dang / lus kyi dri ma 'dod ma dang / gar 'dod ma dang / stan 'dod ma dang / 'o thug 'dod ma dang / mal 'dod ma dang / nyed par 'dod ma dang / yang dag par gdung bar 'dod ma dang / gnyen 'dod ma dang / tshig 'jam pa smra bar 'dod/ ma dang / skems par 'dod ma dang / skrod par 'dod ma dang / reg par 'dod ma dang / 'gugs par 'dod ma dang / 'ching bar 'dod ma dang / phur pa 'debs par 'dod ma dang / gnod pa byed par 'dod ma dang / yan lag kun
- 334b
skyusbyar bar 'dod ma dang / dri chu dang dri chen kun 'chag par 'dod ma dang / sems sla bar 'dod ma dang / ku co mang du smra bar 'dod ma dang / zas lhag ma za bar 'dod ma dang / brtsod par 'dod ma dang / sla bar 'dod ma dang / bu po khro bar 'dod pa'o// de rnams ni 'dod ma sum cu rtsa bdun no// yang de bzhin 'dod ma sum cu rtsa bdun gyi 'dod ma rnams la sa ldog pa'i lha mo sum cu rtsa badran ni sku'i dkyil 'khor gyi gzungs kyi snam bu la dgod par bya'o// gzhan yang sems can gyi bya ba gang ci yang rung ba nyi ma re re'i dus su rnal 'byor pa thams cad bya ba de rnams kyis byed pa ni khams kyi dbang gi nges pas so// de'i phyi rol tu 'byung po'i skye gnas bye ba phrag phyed dang bzhi sngags pas spro bar bya'o// lha rnams kyi sku mdog dang mtshan ma dang bzhugs sa dang / phyogs kyi nges pa ste bcu gsum pa'o// // de ltar brtson 'grus dang ldan pas bya ba gzhan btang zhing sems nang du dmigs nas sangs rgyas kyi yon tan mngon par sgrub par byed pa'i bsam gtan gyi ting nge 'dzin dang / mi g.yo ba las langs nas sems can gyi don byed pa dag pa'i bsam gtan no// de bas ni ming dang gzungs rnam par dag pa'i phyir/ stan mo sor bkod pa'i steng du sa poni rnams rim pa ji lta bar spros te/ chags pa chen po'i mthar ba spu'i bu ga kun nas 'od zer kha dog drug pa spros te/ 'gro ba thams cad kyi khams drug pa'i sbyang bya sbyangs nas zhal du zhugs pas/ phung po lnga den dus gsum du skad cig thams cad bye brag phyed ces bya ba'i don go bar bya ste/ sngar phung po la sogs kun lhar skyes pa dang / da ltar tshul 'dis bsam gtan la gnas pa dang / ma 'ongs pa ni shes rab chen po'i lus kyis 'gro ba'i don byed pa ni dus gsum du'o// skad cig thams cad ces bya ba ni skad cig thams cad bye brag phyed ces pa'i skad cig de nyid dang / skad cig thams cad mngon par rtogs// sems kyi skad cig
- 335a
don kun rig/ skad cig gcig gis rdzogs sangs rgyas pa kun te/ mi g.yo ba'i bsam gtan skad cig ma de la dus gsum gyi phung po la sogs pa srid pa'i chos dang dpal dam pa dang po la sogs pa mya ngan las 'das pa'i chos kun ro gcig gang gis mngon du byas pas mngon par rtogs zhes pa'o// ci'i phyir zhe na/ sems kyis te/ ji skad du kye rgyal ba'i sras khams gsum pa 'di ni sems tsam ste/ dus gsum yang sems tsam mo zhes gsungs pa'i phyir ro// sems kyi don mi g.yo ba'i bsam gtan lhan cig skyes pa 'di'o// rig ces pa ni myong ba'am rtogs pa'i// des skad cig ma la sangs rgyas pa ste/ blo rtogs phyir na sangs rgyas te zhes so// / tshul ci zhe na/ rnam pa lngas byang chub pa gtso bo lnga skyed pa bsnyen pa'i tshul dang / rnam pa nyi shus byang chub pas 'khor skyed pa nye ba'i bsten pa dang / skad cig mas byang chub pa rdzogs pa'i sangs rgyas sgrub pa'i tshul 'dis so// bsgrub pa chen po la yab yum zhu nas dbyer med cing thig le chen po yi ge med par gyur pa dang / sgrol ma byams ma'i ngo bos dpal dam pa dang po'i thugs bskul bar byed do// de yang sgrol ma bdag ni tshe mo bas/ bdag ni dri med/ rnal 'byor ma/ bdag ni dkyil 'khor rang bzhin pas// rje btsun dam pa'i thugs bzhengs shig ces pa'o// de nas mA ma kIs snying rje'i ngo bos// sku rdo rje skul ba'i phyir// mA ma kIs ni sring mo dang / rnam par smin pa'i sbyor gnas pas/ bdag ni dkyil 'khor rang bzhin pas// dang po'i sangs rgyas khyod bzhengs shig ces pa'o// de nas gos dkar mo dga' ba'i ngo bo bas/ gsung rdo rje bskal ba'i phyir// gos dkar nga ni bu mo bas// skyes bu med pa'i sbyor gnas pas// bdag ni dkyil 'khor rang bzhin pas// gsung gi bdag po khyod bzhengs shig ces pa'o// de nas spyan ma btang snyoms kyis ngo bos// ye shes kyis rdo rje bskul ba'i phyir// bdag gi rang bzhin
- 335b
'gro ba'i ma// rgyu mthun rnal 'byor la gnas pa// bdag ni dkyil 'khor rang bzhin pas// ye shes sku lnga khyod bzhengs shig ce'o// zhes pa ni glus bskul ba'i nges pa ste bcu bzhi pa'o// // de ltar mi g.yo ba la sogs pa'i bsam gtan dang / sngar bstan pa de thams cad kyang shes rab kyi yan lag tu bstan la/ shes rab yan lag tu 'dus pa ni rnam pa thams cad kyi mchog dang ldan pa'i sku skyed de/ zla ba dang nyi ma gnyis 'dus pa las/ hUM las byung ba'i rdo rje las sa bon de nyid kyis mtshan nas skad cig de nyid la/ bcom ldan 'das snyamal bur mtha' dag la gzigs te/ sems can thams cad kyi don gyi phyir/ shes rab chen po'i lus su bzhengs te/ gzugs mad gzugs bzang dam pa ste// sna tshogs gzugs can yid las skyes// gzugs rnams thams cad snang ba'i dpal// gzugs brnyan ma lus 'chang ba'i mchog/ tshugs pa med cing cher grags pa// khams gsum dbang phyug chen po ste/ 'phags la ma shin du mthol gnas// dar pa chen po chos kyi tog/ 'jig rten gsum na gzhon lus gcig/ gnas gtan rgan po skye dgu'i bdag/ sum bcu rtsa gnyis mtshan 'chang ba// sdug gu 'jig rten gsum na mdzes// zhes tshigs su bcad pa'i don dang ldan pa'i bcom ldan 'das 'jam dpal dang po'i sangs rgyas skad cig gis mngon par rdzogs par byang chub pa zhal phyag la sogs pa sngar bsten pa'i tshul bzhin du yum dang la sbyor du bzhengs pa ni reg pa yongs su dgapa'o// sngar mi g.yo ba ldan cig skyes pa bzhin skur bzhengs pa gnas pa ni tshor ba yongs su dag pa'o// des ni rdzogs pa'i sangs rgyas bzhengs pa'i nges pa ste bcolnga pa'o// // de la rnam pa lngas mngon par byang chub pa na mngal nas skyes pa'o// rnam pa nyi shus byang chub pa ni skyong las skyes pa'o// skad cig gis byang chub pa ni rdzas nas skyes pa'o// de yang mngal
- 336a
skyes dang skong skyes la ni drod dang gsher las skyes pas kyang khyab pa'o// gling bzhi'i mi la sogs pa kha cig ni mngal skyes so// tshangs pa'i 'jig rten la sogs pa kha cig ni sgo nga las skyes pa'o// gang skad cig tsam gyis skye ba ni rdzus nas skye ba ste/ dmyal ba la sogs pa'i sems can no// drod gsher las skyes pa ni srin bu la sogs pa'i sems can kha cig go// de dag gis sred par gyur pa'i gnas sbyangs zhing chos mthun pa/ tsam du skyed pa'i rim pa rnal 'byor pa la gsungs so// don dam par chos kyi dbyings rnam par dag pa las rang byung ba'i phyir skye gnas med do// ci'i phyir zhe na/ sangs rgyas rnams ni ye shes kyi sku can te/ rdo rje ltar 'dras ma byas pa yin pa'i phyir ro// gzhan du na srid pa'i skye gnas pa'i lus ni mi rtag pa dang / brtan pa med pa ste/ 'gro ba thams cad 'dus byas pa'i bdag nyid yin pa'i phyir ro// de yang spyan lnga chags pa med pa 'chang // sangs rgyas thams cad skyes pa po// sangs rgyas sras po dam pa'i mchog/ shes pa srid 'byung skye gnas med// chos las 'byung ba srid pa sel// gcig pu sra mkhregs rdo rje'i bdag/ skyes ma thag tu 'gro ba'i bdag ces bya ba la sogs pa skye gnas bstan pa'i nges pa ste bcu drug pa'o// // de nas sred pa dang len pa yongs su dag par bya ba'i phyir/ phyi dang nang du dkyil 'khor ba rnams spro zhing bsgru bas bltas te gtso bo thugs kar pad+ma dang nyi zla'i steng du mtshan ma dang sa bon bltas pas ye shes kyi 'khor lo gzhugs par bya'o// 'dis ni ye shes kyi 'khor lo dang ro mnyam par 'gyur ba'i phyir sems kyi stobs kyis tha mal pa'i las la mi 'jug ste lus dang ngag dang yid ye shes dang ro mnyam par gyur pas de rnams kyi las kyis zil gyis mi non pa'i phyir ro// nyon mongs pa rnams kyang ye shes su gnas gyur pas nyon mongs pa mi sdud pa'i stobs so//
- 336b
mngon par rdzogs par sangs rgyas pa na bdud dang bar du gcod pa dang smra ba po gzhan rnams kyis mi tshugs pa'i stobs kyis pha rol tu phyin pa'o// de bas na sa bon las 'od zer kha dog lnga dang ldan pa spros te/ dzaHhUM baM hoHhaM/ zhes brjod pas bkug la sngar bzhin du mchod pa dang bstod pa la sogs pas mnyes par byas la/ rdo rje shugs kyis 'jigs pa'i gzugs/ zhal rab tu bzhad pa zla ba phyed pa'i mche ba gtsigs pa/ sgra sgrogs pas 'jigs par mdzad pa spyan bcu gnyis mnga' ba/ zhabs gnyis shes rab thabs kyis yan lag dang ldan pa/ bdag po bzhin mtshon cha dang lhan cig glang po'i lpags pa na bzar gsol ba/ phyag rgya lngas rnam par brgyan pa/ mi skyod pa'i cod pan can/ thod pa dang / mgo bo'i phreng ba 'dzin pa/ sbrul gyi rgyan can/ hUM gi rdo rje las byung ba'i rdo rje shugs kyis gzhug cing bcings la dgyes pa dang ro mnyam par bya ba ni/ phyag rgya bzhi gcig rdo rje dbyug pas so// ji ltar dbus su gtso bo dang gtso bo ro gcig par gyur pa bzhin du/ dkyil 'khor pa thams cad kyang ro mnyam par bya'o// oM yo ga shud+d+haHsarba d+harmA yo ga shud+d+ho&haM/ zhes bya bas so// ye shes kyi 'khor lo dang dam tshig gi 'khor lo ro mnyam par bya ba'i nges pa ste bcu bdun pa'o// // de nas thabs chen pos skye ba yongs su dag par bya ba'i phyir/ ye shes dang dam tshig ro mnyam par gyur cing yongs su rdzogs pa na dbang bskur bar bya ste/ ci'i phyir zhe na/ thabs chen pos sdug bsngal rab tu zhi bas skyon mi sdud pa dang / sems can 'jug par byed pas rigs nges pa dang / rgyu 'bras ro gcig par rgyas btab pas myur du mngon par rdzogs pas sangs rgya'o// ye shes dbang bskur cod pan can// rdzogs pa'i sangs rgyas rgyan du thogs// sdug bsngal gsum gyi sdug bsngal bzhi// zhes bya ba'i don la 'jug par bya ste/ 'di skad du me long mnyam nyid ye shes dang /
- 337a
gsum pa so sor rtog pa dang / gzhan yang bya ba nan tan dang / chos dbyings rnam par dag pa ste// gzugs dang tshor ba 'du shes dang / 'du byed rnam par shes pa nyid// sa drang chu dang me dag dang / rlung dang stong pa nam mkha' ste// sngon par byang chub rnam pa lnga// shes bcu rnam dag bdag nyid can// shes bcu rnam dga'achang ba po// chos dbyings rnam dag ces bya ba'i// de nyid lha yi gzugs yin te// de don dbang bskur brtsam par bya zhes bya'o// de bas na oM bi shud+d+haHsarba d+harmA/ d+harmA d+hA tu swa b+hA ba At+ma ko&haM/ zhes pa'i rjes la/ rang gi snying ga'i sa bon las byung ba'i 'od zer gyi tshogs kyis/ sangs rgyas dang byang chub sems dpa' dang / rig pa'i lha mo dang / khro bo'i rgyal po la sogs pa rnams bkug la gang dri bstan pa'i rim pas yang dag par mchod nas/ oM sarba ta thA ga ta oM b+hi Shi wA tu maM/ zhes gsol ba btab pas/ de dag gi dbang bdun po 'di bsgyur bar bsam mo// byis pa skyes pa ma yis ni/ chu yis khrus ni byed pa'o// de las gtsug pus bzhag pa ni// tsad pan du ni yongs su brtag/ de la rna ba phrag pa ni// dar spangs su ni nges par brjod// nyin dang mtshan du spyod pa ni// rdo rje dril bu'i dbang yin no// langs spyod ldani btul zhugs te// ming btags pa ni ming gi dbang // pa ya~M bslab pa dag gis ni// rtag tu rjes su gnang ba sbyin// de ltar rnam pa bdun gyis ni// dbang bdun pa ni bstan po yin// nas gsungs pas/ bdud rtsi lngas gang ba'i bum pa'i dbang bskur ba'i tshena'o// bdud rtsi lnga ni ye shes ldang rig par bya bas dbang bskur ro// bum pa ni shes rab ye shes so// de'i ye shes kyis dbang bskur bas/ gsang ba dang shes rab kyang bla ma'i mnangag gis shes par bya'o// 'dir rim pa ji lta ba bzhin du dga' ba dang / skad cig dang / 'bras bu bzhi la sogs pa'i mtshan nyid go bar bya'o// dgod pa dang / lta ba dang / 'byed pa dang / 'khrig pa bani/
- 337b
rnam par dag pas/ slob dpon dang / gsang ba dang / shes rab ye shes dang / mchog tu dga' ba'i bde ba chen po'i dbang bzhi pa blang bar bya'o// de skad du yang / de la bag ma len pa ni/ dbang mchog tu mi bstan pa yin// de la bu mo len pa ni// lag pa 'ching bar brjod pa'o// thabs dang shes rab sbyor ba yis// phyi mthar bde ba de 'gyur ro// lus skye ba ni bsnyen pa ste// srog 'byung ba ni bsgrub pa'o// gnyis skye ba ni slar skye na// nye bar sgrub par brjod pa'o// thabs dang shes rab snyoms 'jug gis// nye bar bsgrub pa tha ma'o// zhes gsungs so// de ltar dbang bskur nas rang gi rigs kyi bdag pos rgyas gdab pa ni// rdo rje sems dpa' dang mi bskyod pa ni phan tshun rgyas gdab par bya'o// gnyi ga yang thugs rdo rje ste// chos gos dang gtsu ga tor 'dzin pa/ rdo rje skyil krung gis gnas pa phyag rgyas la reg pa'o// 'di ni de bzhin gshegs pa'i dbugs dbyung ba'o// 'dir rigs lngas thams cad du rgyas 'debs pa dgag par bya ste/ rang rang gi rigs kyi rang bzhin gyis sangs rgyas rnams skyed par byed pa'i phyir ro// 'on te ye shes dang rnam par shes pa'i chos kyis sangs rgyas lnga'i cod pan nges 'ga' bya'o// gzugs rnam par snang mdzad kyi dbu la mi bskyod pas rgyas gdab ste/ thugs kyis sku'i rnam pa la rgyas gdab ces gsungs pa'i phyir ro// 'od dpag med la rnam par snang mdzad kyis te/ sku gsung rab tu brjod pa'i phyir ro// rin chen 'byung ldan la 'od dpag med du 'gyur te/ rdul gyi chos can gyi phyir ro// rin chen 'byung ldan ni don yod grub pa ste/ ro las sha 'byung ba'i phyir ro// rigs drug pos ral pa'i cod pan 'dzin pa ni mu stegs 'dzud pa'i phyir ro// dbang phyug gi gdong pa rnam par dag pa 'am/ tshangs pa'i gdong rnam par dag pa ni zhal lnga'o// kun ral pa'i cod pan no// 'dir dag pa ni rnam par snang mdzad do// g.yon pa 'od dpag med do// kun 'dzin pa rin chen 'byung
- 338a
ldan no// de'i skyes bu ni don yod grub pa'o// dbang ldan ni mi bskyod pa'o// dus me ni rdo rje sems dpa'o// sa dang chu dang me dang rlung dang nam mkha' dang / ye shes kyi rang bzhin tha mal pa'i phung po rnams la dag pa'i phung po gtsug tor dang chos gos 'dzin pa la sogs pas rgyas btab pa nyid do// de ltar drug po rnams kyi ral par brjod do// de'i phyir ral pa mun ci cod pan thogs// gdong lnga zur phud lnga dang ldan zhes bya ba la sogs pa gsung so// lha gzhan rnams ni cod pan rin po che la sogs pa'i rang bzhin gyis rgyas gdab ste/ gang dang gang las skyes pa de la rgyas gdab 'chad par 'gyur ro// de bas na gang la gang gis rgyas gdab pas de dang de'i ngo bor gyur ci'o// yang gsungs pa/ 'bras bus rgyal rgyas btab cing // khrus ni 'bras bul rgyas gang // d+hA dang bras bu'i 'bral pa ni// ma pa dang byang na zab mo 'gyur// rgyu nga 'bras bu sangs zhus pa'o// dbas dani bshad zhes bya ba la sogs pa'o// ci'i phyir rgyas gdab ce na// rkyen du thogs pa'i phyir na/ 'jig rten dang 'jig rten las 'das pa'i rigs kun la mdzes pas yid dga' ba dang / rigs pa'i sgo nas sgrub pa po dngos grub nye ba'i/ phyir ro// cir 'gyur zhe na/ 'du byed kyi sdug bsngal la sogs pa kun zhi nas rnam par grol ba gsum gyi 'bras bu thob par 'gyur ro// gzhan yang phung po lnga don de nyid shes// rnam dag phung po lnga 'ching ba// zhes bya ba la sog pa yang ngo // dbang bskur ba dang phyag rgya'i nges pa ste bco brgyad pa'o// // de nas sku dang gsung dang thugs byin gyis brlab par bya ste/ sangs rgyas kun gyi sku che ba// sangs rgyas kun gyi gsung yang yin// sangs rgyas kun gyi thugs che ba/ sangs rgyas kun gyi thugs la gnas zhes pa'i don la 'jug par bya ste/ dpral bar a las zla ba'i dkyil 'khor la/ oM gyi sa bon las 'khor lo rtsibs brgyad pa de dag las gyur pa'i sku rdo rje sku mdog
- 338b
dkar po/ zhal gsum phyag drug pa rtsa ba'i zhal dkar po// g.yon dmar ba/ g.yas nag po// g.yas na 'khor lo dang / rdo rje dang pad+ma 'dzin pa g.yon ral gri dang dril bu dang nor bu 'dzin pa'o// rang gi shes rab dang lhan cig bsams la/ rang gi sku dang mtshungs pa'i 'od zer gyis sems can thams cad kyi lus kyi nyes pa dag par byas shing sangs rgyas thams cad kyi sku'i gsang bar gang gsungs par byin gyis rlabs nas slar 'dus pas sku rdo rje dang / dbyed med par bsam mo// de bzhin du mgrin par re/ nyi ma dang pad+ma yongs su gyur pa las/ gsung rdo rje shes rab dang bcas pa sku mdog dmang po zhal gsum pa phyag drag pa/ g.yon dang g.yas dkar po dang nag po'o// g.yas pad+ma dang / rdo rje dang / 'khor lo// g.yon nor bu dang dril bu dang ral gri 'chang ba'o// yang snga ma bzhin rang gi sku dang mtshungs pa'i 'od zer gyis/ sems can thams cad kyi ngag ginyis pa kun dag par byas nas sangs rgyas thams cad kyi gsung ni gsang babyin gyis brlabs te slar 'dus pas gsung rdo rje byin gyis brlab par bsam par bya'o// de bzhin du de nas snying gar thig le sgragacan gyi dkyil 'khor kha dog sngon po dang / hUM dang rje rje rje lnga pa yongs su gyur pa las thugs rdo rje shes rab dang bcas pa/ nag po zhal gsum phyag drug pa/ zhal g.yon dang g.yas dmar ba dang dkar ba/ g.yas na rdo rje dang 'khor lo dang pad+ma'o// g.yon na dril bu dang / nor bu dang / ral gri 'dzin pa'o// de nas snga ma bzhin rang gi sku dang mtshungs pa'i 'od zer spros pas/ sems can thams cad kyi yid kyi nyes pa sbyangs nas/ sangs rgyas thams cad kyi thugs kyi gsang bar gang gsungs par byin gyis brlabs nas/ slar 'dus pas thugs rdo rje dang dbyer med par byin gyis brlab bo// lhan cig spyod pa dang rjes su spyod pa rnams la ho swA hA// zhes pa rnams kyis te/ bla ma'i man ngag bzhin bya'o// dkyil 'khor ba kun kyang sku gsung thugs rdo rje dbyin gyis brlab par mos par bya'o// rigs gsum 'chang
- 339a
ba gsang sngags 'dzin// ces bya ba la sogs pa ste/ sku gsung thugs byin gyis brlab pa'i nges pa ste bcu dgu pa'o// // de nas skye mched drug gi go cha bgo bar bya ste/ ma 'ongs pa na mngon par shes pa drug dang ldan pa'i phyir ro// mngon shes drug ldan rjes dran drug/ byang chub sems dpa' sems dpa' che// zhes bya ba'i don la 'jug par bya'o// de yang sngar gyi thugs kyi dkyil 'khor gyi skabs kyi nam mkha'i snying po la sogs pa rnams yul dang / yul can ji ltar bkod pa de bzhin du/ 'dir yang mig la sogs pa'i skye mched drug la dgod par bya'o// des cir 'gyur zhe na/ skyes pa dang ni skye ba dang // skye zhing gang du skye 'gyur ba// gti mug rdo rje'i sbyor ba las// rdo rje mig gi mthong bar 'gyur// khams gsum las ni nyams dga' bar// sgra ni gang zhig rab grag pa// rna ba'i drung na gnas pa bzhin// zhe sdang rdo rje'i sbyor ba las// drang srong mngon par shes pa thob/ sems can kun gyi sems chen po// mtshon dka' lta bu'i mtshan nyid ni// lag mthil kyu ru ra bzhag bzhin// rdo rje sems kyis shes par 'gyur// skye ba bye ba stong phrag tu// rang gi rigs ni stong phrag gcig/ rdo rje sbyor bas dran 'gyur te// nyi ma gsum bzhin dran par 'gyur// sgyu 'phrul dra ba du ma yis// 'di ni snang bar byed par 'gyur// mngon shes drag gi sbyor ba yis// sangs rgyas mngon shes thob par 'gyur// zhes gsungs pas skye mched byin gyis brlabs pa'i nges pa ste nyi shu pa'o// // de nas skyed pa'i rim pa'i mtshan nyid ji ltar shes par bya ba ston te/ 'dir bzhin dang lag pa la sogs pa'i mtshan nyid ni rnam par rtog pa dang / dmigs pa'i yul 'dzin pa'i phyir zhen pa'i rgyu ste/ de bas na ci zhig bya zhe na/ bden pa de'i phyir/ mdo'i don la 'jug par bya'o// mkhas pa sgyu 'phrul chen po 'chang // sgyu 'phrul chen po don grub pa// sgyu 'phrul chen po dga' bas dga'// sgyu 'phrul
- 339b
chen po mig 'phrul can// mkhas pa ni skyed pa'i rim pa'i mtshan nyid la'o// sgyu ma ni rkyen tshogs pa la ltos pa'o// sna tshogs su 'byung bas na sgyu 'phrul lo// de'i mtshan nyid gang bsgom pa ni 'chang ba'o// des kyang 'jig rten pa'i mig ngo mcher bskyed pas na don grub par byed pa'o// de bzhin du sgyu ma ste bu'i rnam par 'phrul par dkyil 'khor gyi 'khor lo sgrub par byed pa ni bdag dang gzhan dga' bar byed pa'o// de'i phyir dpal dam pa dang pa'i dkyil 'khor rdo rje dbyings chen po lha sum brgya drug cu'o// sems sku mo'i bdag pos mig 'phral gyi rnam pa ltar spro ba dang sprad pa dang phyi dang nang du gtogs pa ma lus pa shes par byed pas na thams cad mkhyen pa nyid ye shes lnga la sogs pa thob par byed do// thabs la mi mkhas pas ni bsod nams tsam byas par 'gyur ro// 'dir spros pa'i rnam pa du ma zhig du bstan kyang / sgyu ma ltar 'jig rten pa'i bkod pa dang / chos mthun pas bstan pa dang / de ning gi rang bzhin skyes pa dang skye bar gyur pa dang / dgasang sngags kyi dbang gi lam du bya ba dang / lam mngon par rtogs par sgrub pa'i thabs su bya ba dang / sgrub pa'i thabs kyi ye shes su gtogs shing thams cad mthun pa nathob par byed pa ni de bzhin gshegs pas gsungs pa'i nges pa'o// skyed pa'i rim po'i ngobo nyid kyis nges pa ga nyi shu rtsa gcig pa'o// // da ni rnam par dge ba'i rang bzhin shes par bya ste/ 'dir dra ba la sogs pa brgyad dang / bum pa brgyad spyan cig snying gachos kyi 'khor lo rnam par dag par bya ba ni du bal sogs pa bur pa rnams dang / snying ga chos kyi 'bor lo'o// rtsa brgyad kyi ni dag pa yin// rigs ma rnams dang sangs rgyas rnams// spyi bo dron lhan cig skyes// rtsibs ni bcu drug pa ru grags// mgrin pa langs spyad 'khang la yi// me yi bdag po nyis 'gyur ni// byang chub sa pas ni dag pa'o// lta ba sprul pa'i 'khor ma ni// nor la gdangs can gyis bsgres pa'i// 'jigs ma
- 340a
la sogs dag pa'o// lag pa rkang pa dag gi tshigs// stong pa drug dang me yis grangs// las kyi 'khor lo'i lha rnams dag/ klu dang gtum mo bcu drug rnams// sor mo rnams kyi tshigs kyi mtshams// bya ba'i 'khor lo dag par 'gyur// 'khor lo drug gi ze 'bru la// rigs drug sngags kyi rtsa ba yis// rigs drag po ni rnam par dag/ mu khyud ka sogs a sogs pas// bskor ba khams drug dag pa'o// phyi rim dag pa'i sngags kyis bskor// chos kun dag pa rnams gnyis kyi// snying po'i sngags shes shes par bya// 'khor lo drug la rnam par dag pa'i nges pa ste nyi shu rtsa gnyis pa'o// // da ni gtso bo la sogs pa'i dag pa shes par bya ste/ thog ma med bdag spros med ba dag/ de bzhin nyid bdag dag pa'i bdag/ rdo rje can dpal dus rtag par// mi yi bdag po 'gyur ba ni// lo zla la sogs dbye bas so// sems kyi rnam par snang ba med// nyi ma so so'i dbang gis ni// sna tshogs yum ni rnam par dag/ dra ba la sogs rlung dag pa// rang gi snying ga'i pad+ma ya// rtsa ba'i 'khor lor gnas pa'o// drag po chung ma bcas mnan pa// nyon mongs pa yi bdud bcom pa'o// khyab bdag zhabs kyi mthil gyis ni// bdud mnan bdud tshogs bcom pa'o// dung dang gaN+DI nor bu dang // ljon shing zhes pa de bzhin dung // sku yi rdo rje la sogs pa'i// bum brgyad lus kyi bdud rtsi brgyad// rgyal ba rnam par rgyal bum pa// byang chub sems dang rdul dag pa'o// 'du byed don yod grub pa ste// tshor ba rin chen 'byung ldan dang // 'du shes 'od dpag med pa'o// gzugs ni rnam par snang mdzad do// khu ba rkang dang khrag dang ni// dri chu dri chen rnams dag pa'i// kham drug dag pa lha mo drug/ yul dang yul can rnam dag pa// byang chub sems dpa' phyag brgyar bcas// khro bo lnga ni stobs lnga nyid// gzhan ni dbang po lnga yin te// rgan byed ma sogs brgyad dang 'khor// pad+ma'i 'dab mar song ba
- 340b
rnams/ nyi ma dus tshod rnam dag pa'o// bde bral la sogs zla bcu gnyis// pad+ma'i 'dab mar song ba rnams// chu tshod rnams kyi dbugs bgrang tshad// klu dang gtum me rnams gsang ba'i// mi yi bdag po nyis 'gyur gyi// cha rnams kyis ni rnam dag pa'o// de bzhin 'dod ma la sogs pa// rang bzhin yon tan dbang gis ni// lus ni rnam par dag pa'o// sgra rnams grub pa ma lus pa// ba spu rnams ni 'byung po'i tshogs// sa yi steng na gnas rnams so// de nyid rnams ni gtso mtshon cha// rang bzhin yon tan dbang gis ni// khams rnams dag pa phyi phyag rgya// rdo rje rnam ni nang phyag rgya// gtso bo yi ni snying du ni// zla steng yang dag gnas pa'o// rdo rje can dpal sna tshogs yum// srid pa rnam pa gsum spong ba/ dus gsum ye shes sbyor ba'o// g.yon du srog ni rgyur 'gyur zhing // de bzhin g.yas su btul ba gang // de ni g.yon brkyang gnas pa'o// mnyam pa'i rkang stabs gzhan g.yas brkyang // me dang nyi ma lus rgyu ba'o// yang ba dang ni zlum po dang // mchog gi rol pa yis ni stabs// rdo rje pad+ma yi ni gdan// nam mkha'i la sogs rgyu ba ni// mthun dang mi mthun par song ba// srog gi rlung ni rnam pa lnga'o// sa las 'khor lo rab tu skye// chu las pad+ma ru ni 'gyur// me las nor bu skye 'gyur zhing // rlung las ral gri skye ba yin// stong pa las ni rdo rjer 'gyur// ye shes las ni gri gug go/ gos las bdud rtsi yi ni snod// de bzhin du ni 'gyur ba yin// me long phreng ba pi waM dang // drug pa chos ni 'byung ba nyid// sa dang chu dang byin za dang // rlung dang nam mkha' ye shes las// phub dang mdung dang mda' dang ni// dgra sta dang ni cang te'u dang // mtshan ma lnga ni de bzhin no// dbyug ba zhags pa lcags kyu dang // de bzhin tho brtse gsum nyid// gzhu dang ut+pa la nyid dang // slar la yang ni de bzhin du// gos dang kha T+wAM ga dril bu// de bzhin lu gu rgyud sogs pa// chu las skyes dang thod pa dang // phub dang mche ba can 'phags pa// 'dir ni lhag pa'i mtshan ma
- 341a
gang / sa dang chu dang me dang ni// rlung dang nam mkha' las skyes par// de rnams de bzhin shes par bya// de bzhin yon tan dbang gis ni lha dang lha mo rnams kyi'o// lha dang phyag mtshan la sogs pa dag pa'i nges pa ste nyi shu gsum pa'o// // de nas rnam par dag pa'i dkyil 'khor gyi 'khor lo la mchod pa'i las bya ba'i phyir// phyi dang nang dang gsang ba dang de kho na nyid kyi mchod pas mchod par bya'o// de yang bsnyen pa la sogs pa ldan pag pa'i'i stonas te/ des gas pa gnyis pa dmigs pa'i dus na// zugs pa sngags pa men na drug la sems pan+d+ha basbyin pa sa 'i ma cha pal/ dang bad+ma rnams par 'jug pa'i ba palas byung ba/ bzhi pa dang lhan cig khams drug pa ni rdo rje dbyings phyug ma la sogs pa lha mo spros pas nye ba'i bsnyen pa ste nang gi mchod pa'o// gang gi tshe shes rab kyi pad+mar sems kyi thig le la bdud rtsi lnga'i gong bur gyur pa nyid bsgrub ste gsang ba'i mchod pa'o// thig le la dga' ba bzhi nyams su myong nas// lhan cig skyes pa dbus ma mchog gis// rigs ldan rnams mchod pa ni// bsgrub pa chen po ste de kho na'i mchod pa'o// de skad du yang / dbus ma mtshig gi dbug dang ni// dri yi chu dang ldan pa nas// rtag pa'i dus kyi byed par gyis// rig ldan rnams ni mchod par bya// zhes rtsa ba'i rgyud las gsungs so// de bas na mchod pa de lta bus lha rnams mnyes nas mchog gsol bar 'gyur gyis/ dri chen la sogs pa zos pas ni ma yin no// de yang gsang sngags kyi dam tshig bcus mchod pa yang / bdud rtsi zhes bya ba ni lhan cig skyes pa'i thig le 'dzin pa'o// lnga ni de las byung ba'i phung po lnga'o// sgron ma lngar gsungs pa ni dbang po lnga'o// de yan lag bzhi'i sgo nas bsgrubs shing lha rnams mchod pas bdag dang gzhan gyi don du 'gyur ba ni// mchod pa chen po 'dod chags che// sems can thams cad dga' bar byed// ces pa la sogs pa tshigs su
- 341b
bcad pa'i don la sbyar bar bya'o// mchod pa'i yan lag gi nges pa ste nyi shu bzhi pa'o// de ltar mchod pa'i rjes su bstod pa ni// mchog gi snying rje dag gis ni// 'khor ba mi zad sdug bsngal las// gdon phyir ye shes lam las ni// ston pa khyod ni yid kyis zhog/ khyod ni rgan yang gzhon nu ste// rgyal ba mtha' dag gi ni sras// dang po sangs rgyas kyi dang po// bud med sbyor la tshangs spyod pa'o// mchog gi snying rje dag gis ni// 'jig rten gnyen te gshin rje'i dgra// khyod ni zhi ba'i rdo rje nyid// srid pa yi ni 'jigs sel ba// khyod ni rtag par bdud kyi bdud// srid pa 'di las grol ba khyod// 'gro ba smin pa'i don du ni// 'jug pa yi ni gshin rje khyod// thub pa yi ni rigs 'dud pa// bram ze rigs kyi nyi ma dag/ zhabs kyi rtsa ba la 'dud bzhin// phyag 'tshal 'dud cing phyag 'tshal 'dud// sems dpa' chen po dang po mchog/ dge chen rnams kyi dag pa che// kun tu bzang po kun gzigs pa// rdo rje snyems pa bdag po'i bdag/ thugs kyi sems dpa' ting 'dzin mchog/ rdo rje chen po stobs po che// kun tu bzang po spyod pa'i mchog/ snying por gyur cing bdud 'joms pa// sangs rgyas kun gyi byang chub che// sangs rgyas byang chub mchog tu 'gyur// hUM mdzad hUM ste 'jig rten gyi/ dbang po'i thugs kyi gtso bo nyid// 'dod chags chen po bde ba che// 'dod dang thar pa'i nor che ba// dus gsum srid gsum mchog gsum ste// 'jig rten gsum mchog khams gsum pa// mi rgyu ba na mchog tu gsal// shin tu phra dang sbom po'i tshogs// rgyu ba rnams ni rab mchog mnyes// srid pa'i 'khor lo sbyor mdzad pa// thogs mtha' med cing bsal ba min// sngon du sdug pa rnam par gnas// thugs kyi phyag rgya sbyor ba che// dam tshig de ni go cha che// rdo rje khro bo khro ba che// 'bar zhing 'jigs pa 'dul ba po// bdug pa'i tshogs ni 'dul ba che// drag cing khrol 'jigs pa ste// de bzhin gshegs pa'i dngos grub che// mchog gi las can las chen po// dam chos la ni bzang po'i//
- 342a
25/ byang chub gams na/ gas da pa// thams ca dag papa d+d+ha// sa rabazlabs rten cheg// da thags da rji 'di/ margyag/ tshogs chen pa dang phrug so// nam mapa'am las rtag pa'i don// sems can kun gyi gnas chen po// dpal ldan 'byor pa 'byor pa'i rgyal// bsam pa thams cad rdzogs mdzad pa// phyag 'tshal 'dud cing phyag 'tshal 'dud// 'jam dpal dpal dang ldan pa'i mchog/ mchog sbyin rdo rje mchog khyod 'dud// ces bya ba la sogs pas bstod pa bya ba ni rtsa ba'i rgyud las gsungs pa stod pa'i nges pa ste nyi shu lnga pa'o// // de nas sngon du gsungs pa'i rim pas bdud rtsi myang bar bya ste/ de yang las kyi phyag rgya la sogs pa rnams la dmigs nas rdzas bcu po man ngag bzhin pad+ma'i snod du sbyang ba dang / 'bar ba dang rtogs par byas pas lha rnams tshim pa ni nang gi bdud rtsis tshim par byas pa'o// phyi'i rdzas bcu pad+ma'i snod du gzhag nas// rtsom chen la sogs pa bcos shing ye shes dang ro mnyam par byis te/ oM AHhu ha ho hrIHzhes pas kha dog 'phrog pa la sogs pa byas nas lha rnams tshim par byas pa ni phyi'i bdud rtsi myang ba'o// bdud rtsi myang ba'i nges pa ste nyi shu drug pa'o// // de nas rga shi yongs su dag pa'i phyir/ rnam par mi rtog pa'i ye shes dang / chos thams cad ro mnyam pa'i ye shes dang / bde ba chen po'i ye shes goms pa'i phyir phra mo dang thig le'i rnal 'byor bsam par bya'o// de yang sngon du skyed pa'i rim pas ni dkyil 'khor rgyal po mchog go// ngag bskyed pas na las rgyal po mchog go// las kyi dbang po'i bya ba sgyur bas byang chub sems kyi thig le skyed pa ni thig le'i rnal 'byor ro// khu ba 'dzag pa las bde ba dmigs pa ni phra mo'i rnal 'byor ro// de rnams kyis lo bcu drug gi mthar 'byung bar 'gyur ro// skyed pa'i rim pa la ni des ye shes gsum
- 342b
bskyed par bya'o// de yang de'i bde ba bsgrub pa'i las kyi phyag rgya ni byis pa'i skye bo rnams la gsungs pa'o// ye shes kyi phyag rgya rnams ni bar ma la'o// phyag rgya chen po ni rnal 'byor pa mchog rnams kyi'o// de bas na rtsa ba'i rgyud las bcom ldan 'das kyis gsungs pa// rigs can lon bcu drug ma// gzugs dang lang chos brgyan pa ni// dang por legs par bkrab b+ha ste// bslabs nas bsgrub pa brtsam par bya// sku gsung thugs kyi chags pa rnams// dpral ba la sogs rnams su bkod// swA hA gsang ba gtsug tor che// de nas pad+ma rnam sbyang bya// a las pad+ma 'dab brgyad la// hUM gi yi ges rdo rjer ldan// shes rab thabs kyi rgyu ru ni// de ltar rdo rje bcas pad+ma// hUM las rang gi rdorje ni/ rtse lnga pa ni rnam par bsgom// de dbus pad+ma 'dab brgyad pa// a las rab tu brtag par bya// de ltar pad+ma rdo rjer bcas// byas pas pad+mar gzhugs par bya// de nas rnal 'byor hUM hUM brjod// de ltar rdo rje 'dzin bdag gis/ b+ha gar ling ga rab bzhag nas// byang chub sems ni dor mi bya// khams gsum pa ni ma lus pa// sangs rgyas sku ru bsgom par bya// lte bar gtum mo sbar ba yis// de bzhin gshegs pa lnga bsregs shing // spyan// ma mig la sogs pa ni// bsregs nas ri bong can haM 'dzag/ khu ba'i chos can bdud rtsi nyid// thig le'i gzugs su 'jog pa ni// thig le'i rnal 'byor ces su brjod// bcu drug phyed phyed thig le 'dzin// cha med cha las 'das pa ni// bsam gtan bzhi yi rtse mo 'dzin// pho mo'i rnal 'byor ces su brjod// rgyu mthun la sogs steng dus so// dung can ma ni phyag rgya che// gtum mo ru ni de brjod do// lte ba'i steng du g.yung mo gang // a ba d+hU tI mi'i sA// 'od chen lnga'i rang bzhin srog/ dkyil 'khor lnga ni rgyu 'gyur ba// sna rtse'i yungs kar zhes brjod de// de yang srog dang rtsol bar brjod// khams gsum po ni ma lus pa'i// srid pa gsum po yongs shes pa'i//
- 343a
/ srog gi 'gog pa can te yang // 'gro dang mi 'gro yungs dkar la// so sor sdud pa phyag rgya che// nam mkha' stong pa'i mtshan nyid do// sA rtse de'i ni sa phyogs ni// gang du yad ni gtod pa nyid// mtshan ma'i mthar ni ri mo gang // de gzugs g.yo dang mi g.yo ba// rnal 'byor bsam gtan la sogs pa// de yi ma lus bsgom par bya// 'di ni rtsa ba'i rgyud las thig le dang // phra mo'i rnal 'byor bcom ldan 'das 'jam dpal gyis gsungs pa'i nges pa ste nyi shu rtsa bdun pa'o// // de nas bsam gtan gyis dub na bzlas pa bya ba ni rnam par grol ba'i don du sreg dang rtsol ba la dmigs par bya ste/ de yang 'gro ba dang 'ong ba dang gnas pa la gams par bya'o// ji ltar zhin g.yon du 'gro ba dang 'ong ba ni sku rdo rje'i bzlas pa'o// g.yas su srog 'gro ba dang / 'ong ba ni gsung rdo rje'i bzlas pa'o// dbu mar srog 'gro ba dang 'ong ba ni thugs rdo rje'i bzlas par brjod do// de bzhin du zla ba dang nyi ma dang / A laM dang kA li la sogs pa dang / 'dod chags dang / chags bral dang / thabs dang shes rab la sogs pa'i rnam grangs kun bla ma'i man ngag bzhin shes par bya ste/ 'di rnams 'gog pas thams cad mkhyen pa mi shig pa thob par byed pa ni 'byin par byed pa dang / gang bar byed pa dang / bum par byed pa'i sbyor bas legs par bsdams pa dang / de bsten pas lha rnams kyis mchog ster bar 'gyur gyi/ srog gzir ba dang ngag gi bzlas pas ni ma yin no// de yang sangs rgyas kun gyi thugs che ba// sangs rgyas kun gyi thugs la gnas// sangs rgyas kun gyi sku che ba// sangs rgyas kun gyi gsung yang yin// rdo rje nyi ma snang ba che// rdo rje zla ba dri med 'od// chags bral la sogs chags pa che// kha dog sna tshogs 'bar ba'i 'od// rdo rje skyil krung rdzogs sangs rgyas// zhes bya ba la sogs pa'i nges pa gsungs so// da ni thun mongs
- 343b
gi dngos grub kyis gzhan gyi don bya ba'i phyir/ ngag gi bzlas pa bya ba sngar bstan pa bzhin/ bdag dpal dam pa dang por bsams pa'i gnas drug tu 'khor lo drug ji skad bshad pa'i 'dab ma'i grangs ji lta ba bzhin du lta zhing // gtsug tor gyi 'khor lo nam mkha'i khams kyi ye shes 'byung ba'i gnas sngon po'o// snying gar rlung gi khams kyi 'byung ba nag po dang / mgrin par me'i khams kyi sngags 'byung ba dmar po dang / dpral ba chu'i khams kyi sngag 'byung ba dkar po dang / lte bar sa'i khams kyi sngags 'byung ba ser po dang / gsang bar rnam par shes pa dang ye shes kyi khams 'byung ba dkar po dang nag po'o// 'khor lo de rnams la 'byung ba dang / 'byung ba las gyur pa'i lhag pa'i lha sngar spros pa rnams gsungs la/ yab yum gnyis snyoms par 'jug pa'i tshul gyis/ bzlas brjod bya ste/ ci'i phyir zhe na/ stong pa'i sku dang srog mnyam par sbyor ba las 'bras bu 'byung gi/ gzhan du na las kyi dngos grub ni stong pa'i sku dang srog ma bsgrubs na med de/ dper na pha ma gnyis med na bu ga la zhig ces pa ni 'jig rten pa las rab tu grags pa bzhin no// de bas na 'dir gang gi tshe rnal 'byor pa'i srogs a ba d+hU tIr song bas/ sku gsal bar mthong ba de'i tshe/ de'i sku ci 'dra bar bsams te/ de yang rang gi snying gar zla ba dang / nyi ma dang / me'i dkyil 'khor la gnas pa'i rdo rje nag po sa bon hUM las byung ba bltas la/ de'i lte bar rdo las byung ba'i lcags kyu 'dzin pas khams gsum pa mtha' dag yongs su bkang nas rdo rje lcags kyu de rnams kyis srid pa gsum du gsal ba'i ye shes kyi 'khor lo dang khams gsum pa kun bkug nas a ba d+hU tI'i rdo rje'i sgor btsud pas/ 'khor lo drug la gnas pa'i rigs dang rigs can thams cad zhu nas las gang la mos pa'i de bzhin gshegs par gyur par bsam mo// gnas gang du zhe na/ zhu ba byang chub kyi sems de nyid yum gyi pad+mar spro bar
- 344a
bya'o// ci 'dra bar zhig ce na/ ji ltar skyes bu'i rang gi rdo rjer dga' ba nyams su myong nas bud med kyi pad+mar blags pa de bzhin du lha'i rnal 'byor gyis lha mo'i pad+mar dbyung bar bya'o// rnam pa ci 'dra ba zhig ce na/ rdo rje 'dzin pa rang 'dra ba nyi ma'i dkyil 'khor la bzhugs par bsam mo// de'i snying gar las thams cad pa 'grub par byed pa'i shes rab kyi rtsi ba drug pa mu khyud bzhi dang ldan pa la gsang sngags kyi tshigs drug dgod pa ni/ dang po rtsibs la sogs par/ oM sku'i sngags thog mar bzhag la rang gi rigs kyi sngags thugs kyi yi ge dang / ming gsung gi yi ge rnams bkod pa las kyi kha dog dang mthun par sngags bzlas brjod bya zhing / 'chang bzhin pa'i las kyi lha rnams spro bar/ bya'o// mu khyud dang po ni oM las skyes pa'i zla ba'i dkyil 'khor ro// gnyis pa ni a las nyi ma'i dkyil 'khor ro// gsum pa ni hUM las sgra gcan gyi'o// bzhi pa ni haM las dus kyi me'o// zla ba'i dkyil 'khor la ni a a la sogs pa bcu gnyis thig le dang bcas pa'o// nyi ma'i dkyil 'khor la ni ka la sogs pa gsal byed tsheg drag dang bcas pa'o// sgra gcan gyi dkyil 'khor la ni ma ning raM r-I la sogs pa'o// dus kyi me la ni phreng ba'i sngags so// de rnams kyi dbus su ni a don dam pa'i yi ge rab mchog go// gang gi yi ge thog mar thugs kyi yi ge gzhag pa ci'i phyir zhe na/ bcom ldan 'das nyid kyi nges pa ste/ 'di skad du/ ming gi dang por thugs rdo rjer// 'gyur ro mi yi bdag po kye// lha dang lha mo rnams kyi ni/ ming gi yi ge thams cad ni// gsung gi rdo rje ru ni 'gyur// de'i dang por sku rdo rje// de phyir nying lag gi ni sngags// rnam pa mang por gyur pa ni// res 'ga' klag pas 'grub pa'o// zhes gsungs so// yang na ming gi dang po ni bde gshegs drug gi rtsibs la bkod pa'o// dang por ni yi ge rab mchog dang por lte ba la bzhag pa'o// de nyid sangs rgyas kun gyi thugs yin pas na thugs rdo rje'o// lha dang ni bde gshegs drug gi ste go sla'o// lha mo ni 'di ltar/ oM tA re tut+tA re tu re
- 344b
swA hA/ oM paN+Da ra ba si ni ba da si swA hA// oM mA ma kI re ki ri swA hA// oM lo tsa ne ba su de swA hA// zhes bya ba la sogs pa lta bu'o// ming gi yi ge ni/ gang gi ming gi yi ge smras pa nyid do// de rnams phyi rol mu khyud la bkod pa ni nying lag gi sngags so// dper na lus kyi cha shes rkang pa dang lag pa la sogs pa bzhin no// de rnams yang mang bar 'gyur te/ las so so pa dbang byed par 'gyur ro// sngon gyi las 'phro can gyis ni glags pas 'grub po// las so so ba nyid gang zhe na/ i las skyes pa ral gri 'dzin pa ni rlung gi lha mo'o// ri las gyur pa pad+ma 'am mda' 'dzin pa ni me'i lha'o// u las pad+ma 'am/ ut+pa la thogs pa chu'i lha'o// li las 'khor lo 'dzin pa sa'i lha'o// de bzhin du dbyangs dang gsal byed so so'i rigs kyi dbye bas sa bon las phyag mtshan// de las lha so sor spros shing bkug la bzlas brjod bya'o// grangs ni bzlas pa bye ba ru ni grags// de yi bcu chas sbyin bsreg go// zhes gsungs pas/ de'i bcu cha ni sbyin pa sreg 'bum phrag bcu'o// de ltar bzlas brjod dang bcas pa'i sbyin bsregs gis 'grub par 'gyur te/ gzhan du na don med pa kho nar 'gyur ro// de yang lha gang dang gang yin pa'i bzlas pa dang bgrang phreng la sogs pa rgyu mthun pas 'grub pa ni chos nyid kyi bden pa'o// gal te bsgrub bya'i ming gi yi ge dang po de'i dgrar 'gyur te/ de'i tshe sgrub pa po 'chi bar 'gyur ro// 'on te bran du gyur na de'i tshe nyon mongs par 'gyur ro// 'on te bshes gnyen du gyur na de'i tshe grub par 'gyur ro// lha'i ming gi dang po dbyings yig dgrar gyur na/ sgrub pa po 'chi bar 'gyur ro// gal te gsal byed dgrar gyur na nad kyis thebs par 'gyur ro// gzhan dgrar gyur pa ni rtsa ba'i rgyud las bcom ldan 'das kyis gsungs pa// gang zhig a kuR+sha mgrin byung gang / dbyangs dang gsal byed mtshan nyid can// stong pa rlung sogs khams rnams kyi// mdza' bo nyid kyis rtag tu gnas// i tsU ya sha yang
- 345a
ni rkan/ dbyangs dang gsal byed mtshan nyid de// rlung gi khams las yang dag byung // chu las skyes pa'i dgra rnams so// raM Tu ra Sha spyi bo ru// dbyangs dang gsal byed mtshan nyid de// me khams yang dag byung ba rnams// sa las skyes pa rnams kyi dgra// u pu waSh+pa mchu can gang // dbyangs dang gsal byed mtshan nyid de/ chu khams yang dag byung ba rnams// me las skyes pa rnams kyi dgra/ li tu las so can rnams// dbyangs dang gsal byed mtshan nyid de// sa khams yang dag byung ba rnams// rlung las skyes pa rnams kyi dgra// rlung gi grogs ni stong pa nyid// chu ni nus pa med phyir bran// chu yi grogs po sa nyid de// me yi nus pa med phyir bran/ me yi grogs po rlung nyid de// sa yi nus pa med phyir bran// sa yi grogs ni chu nyid de// rlung ni bran du gyur pa'o// sngags kyi dang po yi ge'i rigs// phyag 'tshal ba ni ma gtogs te// sems de nyid ni sngags rnams kyi// ska na skyed par byed pa'i rgyu// thig le dang ni yang dag ldan// sngags kyi dang po yi ge gang // snga phye las ni dang po gzung // dang po brjod pa'i rgyu nyid de// dbyangs dang gsal byed dbye ba yis// de nyid rnam pa gnyis su 'gyur// srog gi dgra dang gshed kyi ni// lus kyi yang ni brjod par bya// srog gi dgra dang gshed dang ni// bran du yang ni dbyangs rnams brjod// lus kyi dgra dang gshed dang ni// bran yang gsal byed bdag nyid do// dbyangs yig dgra yi sgrub pa po/ srog 'phrog pa ni som nyid med// gsal byed dgra yi mtshan nyid kyis// lus la nad la sogs pa bskyed// sde mtshan gcig la'ang lnga ru 'gyur// ka sogs gsal byed chos can gyis// de rnams kyis ni sa sogs rigs// sngags kyi sgrub pa shes par bya// paka Na man rnams ni// rlung skyes la sogs rnams kyi gshed// g+ha dz+ha d+ha b+ha d+ha 'di rnams// chu las skyes pa rnams kyi dgra// ga dza Da ba da 'di rnams// sa las skyes pa rnams kyi dgra// kha che Na pa
- 345b
tha 'di rnams// me las skyes pa rnams kyi dgra// ka tsa Ta pa ta 'di rnams// rlung las skyes pa rnams kyi dgra// dbyangs sogs yi ge yang dag gnas// rang gi sde'am gzhan yang rung // bsgrub pa rnams kyi yi ge gnyis// skye ba las skyes mi skye 'gyur// zhes bcom ldan 'das kyis gsungs so// yang de nyid las dang po'i yi ge las rnam pa drug gsungs pa 'di lta ste/ sngags sogs gsal byed rnams kyi'am// dbyings rnams kyi ni bsgrub pa'i phyir// 'di'i las ni rnam drug gsungs// bsnyen pa bzlas pa rab tu bya'o// dang po bstan par bya ba ste// de nas dbab dang bsreg pa dang // de nas sngags pa tshim pa dang // gso dang dges pa de nas ni// tshegs drag bcos dang stong pa yis// mnan pa'i sngags ni sngon 'gro ba// sngags kyi rgyal po bsgoms pa yis// rgyal ba'i gnas skabs thob par 'gyur// sems kyi bzlas pa 'bum gyis ni// sngags kyi lha ni rgyal ba nyid ru 'dzin pa yongs btang nas// sgrub pa po yi dbang du 'gyur// de bzhin de ni rlung gis mnan// rnal 'byor pa yis 'bebs par 'gyur// me yis mnan pas bsregs 'gyur te// de bzhin chu yis tshim par 'gyur// spyi bo sa gnas pas rgyas te// bzlas pas lho ni 'o/ bar 'gyur// spyi bo thag le'i chu mnan te// mnyes nas mchog ni ster bar 'gyur// de ltar 'bum phrag drug bzlas pa// mngon du bsnyen pa ru ni brjod// oM lhaHphaT bstun pa ste/ bzlas pa 'bum skad du/ phes ha/ bo sha Ta bsreg/ b+hAHmchim/ wA swA hA rgyas/ oM tAM ba Sha Ta dgyes pa re re la 'bum dril bas 'bum phrag drug sbyin bsreg khri phrag drug go zhes so// dang por sangs rgyas rgyud chen por// bder gshegs kyis ni 'dod grub phyir// phaT hUM de bzhin po bshad dang // na maHswA hA bi shad rnams// las drug rnams la grangs bzhin du// sngar mthar brtul zhugs can gyis bya// dang po rnam snang mdzad byin to// yang ni bzlas pa rab tu brtsam// de nas bye ba bzlas byas nas// de yi
- 346a
bcu chas sbyin bsreg bya// rgyud gsungs cho ga thams cad kyis// de nas lha ni 'grub par 'gyur// grub pa de ni mchog ster 'gyur// sngags pa rnams kyis gang bzlas pa// gzhan rigs bya ba yang ni gzhan// dus dang sngags kyi rigs de bzhin// gzhan rnams dang ni de spyod las// las rnams kun la 'bras bu med// gang dag sbyin pa rnams dor ba'i// glegs bam klags pa'i sngags kyis ni// sgrub pa rab tu byed pa gang // mi de nyon ni mongs par 'gyur/ zhes bya ba la sogs pa bcom ldan 'das kyis rtsa ba'i rgyud du gsungs pa'i nges pa'o// sngags kyi bzlas brjod bya ba'i nges pa ste nyi shu brgyad pa'o// de nas gtor ma btang bar bya ste// gtor ma chen po bza' ba dang bca' ba dang / btung bar ldan pa'i kha zas khyad par bcus gtsor byas pas thod pa la sogs pa yongs su bkang la/ oM na maHbri badz+rod ka ya oM AHhUM ho zhes brjod la sbyangs pa dang 'bar dang rtogs pa dang bdud rtsir bya ba'o// lag pa g.yon pa dang g.yas pa dang thal mo bkab la// nam mkha' lding gi phyag rgya la sogs pa snga ma bzhin du gyur par bya'o// de nas g.yon pa'i srin lag gis bdud rtsi blangs la/ sa la chos 'byung gru gsum bya zhing / de'i nang du thig zlum po byas pa/ der sngar bstan pa'i lha thams cad kyi sa bon dang mtshan ma bltas la// de las skad cig gis lha'i dkyil 'khor rdzogs par bsam mo// de nas sna'i bu ga'i dbugs sam// snying ga'i sa bon las sam/ ya baM yum sbyor ba'i gnas las sam// rang gi dam tshig dang ye shes gnyis su med pa'i lha rnams phyung la// oM sarba bud+d+ha bo d+hi satwa// sarba kro d+ha D+ha ki na mi maM ba li pr-i tIn+yA na sa ma ya ma nu sma ra/ ya hUM phaT swA hA/ zhes bya bas gtor ma dbul bar bya'o// de nas sngar smos pa'i gnas de nyid du lag pa g.yon pa'i srin lag gis/ thig le blangs pas gnas gsum du thig le byas la/ oM AHhUM/ zhes pas lha tshogs rang la bsdus la yang de
- 346b
nyid kyis bdud rtsi blangs la// rang gi kha mtshan ma gcig par bdud rtsi'i thig le mkha' 'gro ma'i grangs dang mnyam par sngar brjod pa'i sngags kyis gtong bar bya'o// de yang yongs su mnyes pa'i don du sngags 'di yang brjod par bya'o// oM d+hi pa n+de na sa ma d+hi/ d+ha na pri Na ne swA hA/ zhes bya bas so// des na thams cad ro mnyam pa'i gtor mas dkyil 'khor gyi ye shes la mchod pa phud kyi gtor ma'o// de nas las thams cad pa bsgrub pa'i phyir/ 'byung po'i gtor ma btang ba ni rtsa ba'i rgyud las bshad pa'i rgyud de dang der gang dang gang gsungs pa de man ngag gis shes par bya'o// thun mong ma yin pa'i gtor ma'i nges pa ste nyi shu rtsa dgu pa'o// // da ni lha rnams gshegs su gsol bar bya/ ste/ gtsug tor gyi 'khor lo rdo rje rtse lnga pa bsgom par bya'o// de'i lte bar bde ba chen po'i dkyil 'khor gshegs su gsol lo// de'i phyir rdo rje'i rA nyis 'gyur gyi rwa brgyad dbus kyi rwa dang lhan cig rtse dgra'i rdo rjer gyur pa ni snying ga'i chos kyi 'khor lo'o// de'i snying gar du ba ma la sogs pa rnams gshegs su gsol lo// rA bcu drug dbus kyi rwa dang lhan cig bcu bdun pa ni dpral bar ro// de'i lte bar phung po dang / khams kyi lha rnams gshegs su gsol ba'o// rwa sum cu rtsa gnyis dbus kyi rwa dang lhan cig sum cu rtsa gsum pa ni mgrin pa longs spyod kyi 'khor lo'o// de'i lte bar skye mched bcu gnyis kyi lha dang khro bo bzhi'i lha rnams gshegs su gsol ba'o// rwa drug bcu rtsa bzhi dbus kyi rwa dang / drug cu rtsa lnga pa'i rdo rje lte ba sprul pa'i 'khor lo ste/ de'i lte bar rgan byad ma la sogs pa dang / dkyil 'khor drag cu rtsa bzhi'i rgyu ba dang / stong pa bzhi'i rigs can rnams gshegs su gsol lo// de yang rwa sum cu drug gnyis 'dab ma'i grang dang mnyam pa'i rdo rje gsang ba'i pad+mar 'od zer can la sogs pa rnams gshegs su gsol lo// de bzhin du las kyi 'khor lor rdo rje rnams byas te/ de rnams kyi lte ba rnams su/ lha bcu gnyis 'khor dang bcas pa de rnams
- 347a
gshegs su gsol lo// de bzhin du bya ba'i 'khor lor klu rnams dang / khyi gdong ma la sogs pa rnams gshegs su gsol lo// 'dir thun gsum pa'i rnal 'byor tu bya'o// de ltar bya ba'i thun mtshams su dag pa rnam pa bcu gnyis rjes su dran par bya ste/ de yang rtsa ba'i rgyud chen po las/ 'chi bar ma rig la 'jug pa'i/ 'du byed de las skye bar 'gyur// zhal gsum rnam pa phyag drug pa'i// mgon po dang po de nyid brjod// mi bskyod la sogs gang bzhugs pa// de nas rnam shes srid pa'o// de nas ming dang gzugs gyur te// khams drug bdag nyid de nas so// skye mched drug po de dang ni// gzugs kyi rdo rje la sogs 'byung // reg ni mig la sogs pa dang / gzugs sogs lhan cig spor bas so// de nas tshar ba smra bar 'gyur// de nyid rin chen 'byung ldan no// srid pa'i longs spyod bdag nyid ni// de las sred pa ste bar 'gyur// rkang pa lag pa rkang pa ni// de nas nye bar len par brjod// byis pa sogs bdag 'byung ba ni// de nas srid pa skye bar 'gyur// byis pa rtag tu brjod pa ni// de nas skye ba'i 'du shes so// sku la sogs pa byin brlabs ni// de yis yongs su brtags pa'o// so rnams byung nas lhung ba ni// slar yang 'du byed rnams shes bya// zhes rtsa ba'i rgyud las gsungs so// gshegs su gsol ba dang rnam dag bcu gnyis kyis nges pa ste sum bcu pa'o// // lo dang po nas drug brgya'o// 'jam dbyings grags pa'i rgyal pode// drang srong rnams ni smin pa'i phyir// shaM b+ha la ru 'byung bar 'gyur// lha mo chen mo sgrol ma 'di'i// sras po pad 'dzin 'jig rten dbang // shAkya rigs las byung ba de// zla ba bzang po khyod kyi rigs// gang rigs rdo rje'i rigs dag can// rigs bzhi'i sdigs ma gcig pa yi// bram ze'i rigs kyi snyigs mnan// 'di skad bdag gis thos pa 'di'i// drang srong rnams la chos ston pa// gzhan
- 347b
las thos pa rnams las min// thams cad mkhyen ces smra gyur pa// rnam pa gang dang gang gis ni// sems can rnams ni yongs smin pa// rnam pa de dang de yis ni// chos ni ston par byed pa yin// rnal 'byor pa sgra sgra nyams pas// chos ni nan tan gyis bzung ngo // yul gyi skad kyis der thob na// sgra yi bstan bcos der ci smos// ji ltar sa yi rin chen po// ming gi dbye ba tha dad pa// yul yul dbang gi rab smra yod// rin chen khyad par 'ga' yang med// de ltar chos ni 'di rnams kyang // sdud par byed pa sna tshogs kyis// ming ni du ma so so ba// sems can bsam pa'i dbang gis gsungs// des na nyung rgyud 'di snyed don// thams cad mkhyen sogs bdag gi lugs// dpal rgyud me tog phreng ba sdebs pa// brgya phrag sum cu lhag pa yis// rim par phye ba lngas rdzogs pa// yang dag sdud par byed pa yi// smra ba'i mchog gis ston par 'gyur// rgya chen 'grel byed pad dkar 'dzin// rgyud 'dir drang srong rigs sogs la// sangs rgyas lam ni ston byed pa// zla ba lha dbang gzi brjid dang // zla ba byin dang lha yi dbang // sna tshogs gzugs dang lha dbang ldan// grags dang pad dkar rim pa bzhin// nyi ma'i 'od stong rgyal po dang // bgegs dgra yi ni sprul par bcas// phyag na rdo rje zla bzang khyod// sa yi snying po gshin rje gshed// sgrib pa thams cad rnam sel dang // gnod sbyin nor bu can rim bzhin/ nam mkha'i snying po 'jam dbyangs dang // 'jig rten mgon po rim ji bzhin// gshin rje gshed sogs khro bo bcu// byang chub sems dpa' de nang du// bcu gsum po rnams rim pa bzhin// snyigs ma rigs su 'byung bar 'gyur// grags pa snyegs ma can de dang // pad dkar snyigs ma can de dang // bzang po snyigs ma can de dang // de bzhin pa rnam par rgyal ba dang // bshes bzang lag pa dmar po dang // khyab 'jug sbas pa
- 348a
dang ni bdun// nyi ma grags dang rab bzang dang // rgya mtsho rnam rgyal nyi ma yi// snyigs can nyi ba bcu gnyis pa'o// sna tshogs gzugs dang zla ba'i 'od// mtha' yas dang ni sa skyong dang // dpal spyod seng gige rnam gnang dang // ngo mtshar chen po 'gag med dang // mi yi seng ge dbang phyug che// mtha' yas rnam rgyal snyigs ma can// de lha'i 'khor lo can chen po// drag po'i snyigs ma can 'byung 'gyur// gsung can rta mchog ting 'dzin gyis/ kla klo'i chos rnams mthar ni byed// nyi ma'i shing rta la sogs kyis// gsung ldan ston pa 'byung bar 'gyur// zla ba bzang khyod rtsa rgyud kyi// des ni de ni sdud byed pa// khyod 'di rgyas 'grel byed pa ni// sems can rnams ni yo/ smin byed// 'jam dpal rdo rje'i rgyud nyung ngu// rgya cher 'grel byed par 'dzin dang // zhes bya bas rtsa ba'i rgyung ngu ji ltar gsungs pa'i rim pas byang chub sems dpa' dang khro bo'i rgyal po rnams lung bstan pas na// chu bo sI ta'i byang phyogs su skal pa dang ldan pa'i sems can rnams kyi bos pa mkhyen nas// bcom ldan 'das kyis bstan cing phyag na rdo rjes glegs bam du bris so// bdag gis kyang mtshan yang dag par brjod pa tshad mar byas shing // sems can rnams kyi the tsom bsal ba'i phyir stong phrag bcu gnyis pa dri ma med pa'i 'od ces bya ba glegs bam byas so// 'dir dpal dam pa dang po che dmar byas te// mtshan yang dag par brjod pa'i sgrub thabs mngon par rtog pa nges par byas pas sems can rnams kyi the tshom bcad do// gang gi phyir sems can rnams kyis gsang sngags kyi theg pa la the tshom mi za ba'i phyir// gsang sngags kyi tshul thams cad kyi nges pa'i don/ mtshan yang dag par brjod pa bcom ldan 'das kyi gsang ba'i bdag po lag na rdo rje la bstan to// de'i phyir gang gis dam pa dang po'i sangs rgyas mi shes pa des mtshan yang dag par brjod pa mi shes so// gang gis mtshan yang dag par
Colophon
'phag pa 'jam dpal gyi mtshan yang dag par brjod pa'i mngon par rtog pa zhes bya ba/_byang chub sems dpa'i sems dpa' chen po thugs rje chen po spyan ras gzigs kyis mdzad pa rdzogs so/