'phags pa lag na rdo rje gos sngon po can gyi cho ga zhes bya ba'i gzungs
Āryanīlāmbaradharabajrapāṇiikalpanāmadhāraṇi
Text
ff. 82b–84a · 4 folio sides
- 82b
tsa ba dge slong chos kyi shes rab kyis bsgyur cing zhus te gtan la phab pa'o/ / rgya gar skang du/ Ar+ya ni lam par d+hAr badz+ra pA N+Di kawAn ma d+hA ra Ni/ bod skad du/ 'phags pa lag na rdo rje gos sngon po can gyi cho ga zhes bya ba'i gzungs/ dkon mchog gsum la phyag 'tshal lo// gnod sbyin gyi sde dpon chen po lag na rdo rje gos sngon po can/ sangs rgyas gang+gA'i klung gi bye ma phrag 'bum gyi bye ma snyed kyis rjes su gnang ba/ mche ba gtsigs pa dang 'tsham pa/ mig me mdag gi phung po 'dra ba/ dbugs me lce ltar 'bar ba/ 'jigs pa'i nga ro can/ lag pa dang rkang pa klu nor rgyas kyi bus brgyan pa/ klu nag po se ral khar thogs pa/ klu dga' bo dang nye dga' bo 'bar bas rna cha byas pa/ sbrul 'bar ba'i rin po che'i cod pan thogs pa/ sbrul gdug pa 'bar ba za ba/ bzhin rgyas pa/ smin ma dang dpral ba bsdus pa/ ya so sa ma mchu mnan pa/ gshin rje'i cha byad can lce glog ltar 'gyu ba/ gsus po che sbrul za ba/ lag pa brdabs pa'i sgras 'jigs par byed pa/ klu'i rgyal po 'dab bzang ska rags su bcings pa/ a la la zhes sgrog par byed pa/ rgya mtsho'i zabs su dpag tshad brgyad khri yod pa rkang pa'i pus mor phyin pa/ dbang po dang nyi ma phrag pa la bskur ba/ klu thams cad rlag par byed pa/ gang rgyangs chen po sgrogs pas kun tu
- 83a
'khrugs par byed pa/ gshin rje'i gzugs can/ khams gsum pa 'jigs par byed pa/ klu rnams 'chi bar byed pa la phyag 'tshal lo// de nas sangs rgyas bcom ldan 'das gang+gA'i klung gi bye ma snyed kyis gsungs pa'i rig sngags 'di brjod par bya'o/ / tad+ya thA/ b+ho b+ho pan nA ga/ a d+hi pa ta ye/ i dan ni lAM ba ra d+ha ra sha rA ri/ badz+ra pA Ni hrid u0f7f y a sa mA to/ kra ma the/ uta sA da na ma b+ha bi Sh+ya ti/ tad+ya thA/ bud+d+ha bud+d+ha/ bi bud+d+ha bi brAd+d+ha/ mA tiM kra ma tha/ ha ra ha ra/ nagA nAn/ pra ha ra pra ha ra/ nA gA nan/ tshan+da tshan+da/ nA ga hrid yA ni/ b+hin+da b+hin+da/ nA ga marmA Ni bi She maH/ nA ga sha rI rA Ni/ bi s+pho Ta ya/ nA ga na ya na naM/ tad+yathA/ tsU phaT/ nA ga bi da rA ya hUM phaT/ nA ga go ta sA da nA ya phaT/ nI lA bA sa nA ya a pra ti ha ta ba lA ya phaT/ pa rA kra mA ya phaT/ kr-i tAn tA ya phaT/ kr-i tAn+ta rU pA ya phaT/ ro Sha NA ya phaT/ trA sa nA ya phaT/ kusmaN+Do sA da nA ya phaT/ pre ta pi shA tsa/ bau nA sha ka rA ya paT/ yak+Sha a pa smA ra/ bi nA sha ka rA ya phaT/ he sa ha sa/ d+ha ra d+ha ra/ mA ra ya mA ra ya/ nA sha ya nA sha ya/ sarba big+h+ra bi nA sha ka rA ya phaT/ sarba sha truM saM brta ra bi nA sha ka rA ya phaT no lAp+pa ra d+ha ra/ badz+ra pA No rA dz+nyA pa ya ti swA hA/ de'i cho ga la gnod sbyin gyis zin pa la ni chu la sngags kyis btab la gtor na gtang bar 'gyur ro// klu bzlog par bya na spyag shad kyi lcug ma
- 83b
'am bal po se'u'i lcug mas bya'o/ / yi dgas dang brjed byed rnams la ni skud pas bya'o// rims nad med par bya ba dang / gzhogs phyed na ba dang / yi ka 'chus pa la na skud pa sngon pos bya'o/ / nor 'dod na zhag gcig smyung ba byas te pog por gyis bdugs na/ rmi lam du dge ba dang mi dge ba'i don thams cad ston la gser gyi dong tshe bdun stong sbyin par byed do// rgyas btab pa dgrol bar 'dod na thal bas bya'o// sgo lcags dbye bar 'dod na nyu dka gyis bya'o// 'jigs pa thams cad las srung ba'i las ni mar rnying pa 'am/ thal ba 'am/ yungs kar gyis bya'o// nad kyis 'jigs pa thams cad la ni skud pa sngon po las srung ba'i mdud pa byas te mgul du btags na srung ba'i mchog tu 'gyur ro// byis pa gdon gyis nyen pa thams cad la na chen sna lnga'i skud pa mgul du btags na srung ba'i mchog tu 'gyur ro/ / chom rkun bzlog par 'dod nasas bya'o// dug la ni rtsa ku shas byab par bya'o// bdag srung ba la ni yid kyis sam chas bya'o/ / gzhan srung ba la ni skud pa sngon pos bya'o// las de thams cad la sngags brjod pa ni sngags lan gsum mam/ bdun nam/ bcu bzhi 'am/ nyi shu rtsa gcig gam/ brgya rtsa brgyad bzlas par bya'o// de ltar byas na 'grub par 'gyur ro// mchod rten sku gdung dang ldan pa'i drung du me tog sngon pos mchod de/ sngags stong bzlas brjod byas
- 84a
na 'grub par 'gyur ro/ / 'phags pa lag na rdo rje gos sngon po can zhes bya ba'i gzungs rdzogs so// / rgya gar gyi mkhan po dz+nyA na gar+b+ha dang / tsab ban+d+he klu'i dbang pos bsgyur// dkon mchog gsum la phyag 'tshal lo// gnod sbyin gyi sde dpon chen po lag na rdo rje drag po la phyag 'tshal mo// mu tsi l-i s+t+wa~MH/ mu kha se san/ mo phan swAH/ dan+ti ri swAhA/ cho ga ni chu khyor ba gang la bzlas pa byas te 'thungs nas sems bzhin du nyal na lag na rdo rjes rmi lam bstan par 'gyur ro// rdzis bzong ba zhes bya ba'i gzungs rdzogs so/ / / 'phags pa lag na rdo rje'i mtshan brgyad pa gsang sngags dang bcas pa/ sangs rgyas dang byang chub sems dpa' thams cad la phyag 'tshal lo/ / de nas byang chub sems dpa' sems dpa' chen po lag na rdo rje 'khor gyi nang nas langs te/ bcom ldan 'das gang na bde logs su thal mo sbyar ba btud nas/ bcom ldan 'dag 'di skad ces gsol to// bcom ldan 'das sems can rnams kyi don gyi slad du rig pa mchog gi cho ga rgyas pa chen po gsang ba dang bcas pa/ gsang tshotshen dang bcas pa bdag gis bshad lags kyis/ bcom ldan 'das rgyal po'i pho brang lung lo can du mchis la sems can rnams gdul bar 'tshal lo// de skad ces gsol nas
Colophon
'phags pa lag na rdo rje gos sngon po can zhes bya ba'i gzungs rdzogs so/ /rgya gar gyi mkhan po dz+nyA na gar b+ha dang/ lo tsa ba ban d+he klu'i dbang pos bsgyur/