S459MW22083_0459rgyudAll versions of this work

'phags pa lag na rdo rje gos sngon po can rdo rje sa 'og ces bya ba'i rgyud

Āryabajrapāṇinīlāmbaradharabajrapātālanāmatantra

Text

ff. 252a–260a · 17 folio sides

  1. 252a

    bzlas/ / rdo rje 'phreng bas rab bcad na// the tsom med par 'grub par 'gyur// 'og gi bgegs bzlog cho ga mchog/ yid bzhin nor ltar 'byung ba yin// theg pa gsum la nges rgyal ba'i// rgyud chen gsang ba mthar thug pa// skyob pa thugs kyi rnam pa yin// de nas bcom ldan 'das kyis de skad ces bka' stsal ma thag tu// lag na rdo rje la sogs pa'i rigs kyi 'khor rnams dang lha'i tshogs thams cad yi rangs te/ / bcom ldan 'das rdo rje 'chang gis gsungs pa la mngon par bstod do// dpal rdo rje sa 'og gi rgyud las/ gsang ba gtan la dbab pa'i le'u ste bcu gsum pa'o// // kha che'i paN+Di ta tse lu dang / bod kyi lo tsa ba 'phags pa shes rab kyis bsgyur ba'o// rdzogs so// / rgya gar skad du/ Ar+ya badz+ra pA Ni nI lAm+ba ra d+ha ra badz+ra pA tA la nA ma tan+t+ra/ bod skad du/ 'phags pa lag na rdo rje gos sngon po can rdo rje sa 'og ces bya ba'i rgyud/ dkon mchog gsum la phyag 'tshal lo// 'di skad bdag gis thos pa dus gcig na/ bcom ldan 'das sa 'og rim pa'i mdun klu'i rgyal po'i gnas na rin po che'i khri la bzhugs te/ klu'i rgyal po dga' bo dang / nye dga' po dang / rigs ldan la sogs te klu rnams dang / byang chub sems dpa' lag na je

  2. 252b

    rje la sogs pa rnams dang thabs cig ste/ de nas bcom ldan 'das kyi zhabs g.yas pa nas 'od zer brgya stong du ma bkye bas 'jig rten du 'gyur ba dang / lhas byung bas 'jig rten pa rnams 'jigs shing skrag nas rgyal bar gyur to/ / de nas byang chub sems dpa' phyag na rdo rjes/ bcom ldan 'das la gsol pa/ 'od zer 'di 'gyur pa dang lhas byung ba'i rgyu dang rkyen ci lags/ bcom ldan 'das kyis bka' stsal pa/ 'di ni bsod nams kyi tshogs tshad med pa las grub pas 'bras bu'ang tshad med kyis/ byang chub sems dpa' brgyal ba las bslang du gsol/ de nas byang chub sems dpa' phyag na rdo rje'i thugs ka nas 'od zer brgya stong du ma bkye ste/ 'od kyis reg pa tsam gyis brgyal ba las bslangs so// de nas 'jig rten pa rnams kyi mched du brjod pa/ a ma thabs chen thugs rje yis// 'jig rten thams cad brgyal gyur na// thugs rje chen po'i 'od zer gyis// brgyal ba thams cad spangs par gyur// de nas 'jig rten pa rnams sa 'og rim pa bdun gyi klu'i rgyal po'i gnas su 'dus par gyur nas gsol ba btab pa/ sku gsung thug kyi 'phrin las can// ston pa bcom ldan rdo rje 'dzin// 'jig rten rnams la phan gdags phyir// rdul bral chos rnams bshad du gsol// de nas bcom ldan 'das kyis/ badz+ra a b+hi Shiny+tsa badz+ra pA Ni hUM/ zhes gsungs pas snod dang

  3. 253a

    ldan par byas so/ / de nas klu'i rgyal po rnams 'khrugs so// shin tu yid 'khrugs nas kha g.yab cing brang brdungs te/ kye ma kyi hud bdag klu'i gnas dang ston pa ni 'jig rten pas phrogs pas 'jig rten pa rnams brlag par bya'o zhes zer nas/ klu'i kha'i rlangs pas 'jig rten pa rnams la mdze'i nang btang ngo // de nas bcom ldan 'das kyis nad sel ba zhes bya ba'i ting nge 'dzin la snyoms par zhugs nas/ thugs ka'i dpal be'u las nad sel ba'i 'od zhal nas kyang badz+ra da ya zhes bya ba'i sngags dang bcas te byung bas me long la has btab pa bzhin du song ngo / / de nas klu'i rgyal po rnams kyis klu bran rnams bskul nas la la rtsa nas zhugs so// la la dbang po'i sgo nas zhugs so// la la rus pa nas zhugs pa la bcom ldan 'das kyis dbugs me lce ltar 'bar ba'i ting nge 'dzin la snyoms par zhugs nas rtsa nas zhugs pa la dbugs kyis bsregs so/ / dbang po la zhugs pa dang / rus pa la zhug pa sreg pa'i 'khor los bcom mo/ / de nas klu'i rgyal po rnams cher 'khrugs nas bcom ldan 'das nyid la snang ba re re chad nas lus la sri bas byang chub kyi sems dang ldan te rgyan du song ngo / / de nas klu'i rgyal po rnams kyis bstod pa/ 'jig rten 'di na klu yi rgyal po mthu che yang // bcom ldan pa spu'i brgya yi char mi phod// des na bcom ldan 'gro ba skyob pa la/

  4. 253b

    klu yi rgyal po rnams kyis rtag tu bstod// rdo rje sa 'og gi rgyud las/ gleng gzhi'i le'u ste dang po'o// / de nas byang chub sems dpa' phyag na rdo rjes rdorje 'chang la yang dang yang du phyag 'tshal nas gsol ba btab pa/ ser sna'i dbang gis dbul gyur pa// nor rnams ji ltar bsgrub par bgyi// mdun gyi phyag na rdo rje yi// ye shes sems dpa'i phyag g.yas par/ / dzam+b+ha la ni bsgom par bya// bdag nyid sngags kyi rgyal po zlos// snying khar 'od zer dag gis ni// ye shes sems dpa' bskul bar bya// ye shes sems dpas dzam+b+ha la'i// sngags ni zlos pa nyid du sgom// ye shes sems dpa'i thugs ka nas// 'od byung dzam+b+ha la bskul lo// nor gyi rgya mtsho gang bar 'gyur// de nas byang chub sems dpa' phyag na rdo rjes// rdo rje 'dzin la gsol ba btab pa/ nyes pa shin tu phra mo la// grags dang rnyed pa'i don du ni// 'jig rten gnod byed sgrub byed pa// thog ser bzlog pa bshad du gsol// thog mar mchod rten sngon po rtsig/ rab gnas gzhung dang 'thun par bya// de yi 'og tu 'khor lo ni// rtsibs brgyad lte bar bcas pa bri// rtsi bral lnga srin snying po bri// kr-IH/ tsA d+ha/ tshA d+ha/ shwa d+ha/ IM d+ha/ s+tho d+ha/ d+h+r-i d+ha/ s+thAd+ha/ dbus su sngags mkhan bri bar bya// de nas thod pa'i nang du gzhug/ thod pa

  5. 254a

    mchod rten 'og tu mnan/ / snying po'i 'od kyis sngags mkhan dang // lha srin 'khor dang bcas pa dgug/ de la thun gyis zab par bya// 'byung po 'khrugs pa'i dus su ni/ / ston pa'i nga rgyal ldan pa la// mthe bong dang ni mthe'u chung la// hUM las phyag na rdo rje bskyed// mthe'u chung phyag na rdo rje yi// thugs nas phyag na rdo rje ni// zhags pa lcags kyu thogs pa spro/ / snying ni lcags kyus dgug pa dang // mgrin pa zhags pas bcing bar bya// mthe bong phyag na rdo rje yi// rdo rje las ni rdo rje spro// bgegs rnam la ni bsnun par bya/ / ba spu'i gshis na rdo rje 'phro// nam mkha' thams cad rdo rjer grub// yungs kar rdo rjer bskyed la bya ba// de nas byang chub sems dpa' phyag na rdo rjes rdo rje 'dzin pa la mchod cing phyag 'tshal nas ched du brjod pa/ e ma ho ston pa rdo rje 'dzin// sems can rnams la phan don du// tshar gcad rjes gzung gsungs pa mtshar// dbul dang yi dgas gnas las thar/ / rdo rje sa 'og gi rgyud las/ nor sgrub pa dang gnod pa bzlog pa ste le'u gnyis pa'o// // de nas byang chub sems dpa' phyag na rdo rjes rdo rje 'dzin la mchod cing phyag 'tshal nas gsol ba btab pa/ klu dang gnod sbyin sa bdag gi/ mdze dang dmu chu ji ltar bzlog/ de nas rdo rje 'dzin rgyal pos// gsung

  6. 254b

    ni 'di skad bka' stsal to/ / mdo sdes ni las kyi rnam par smin pa mi bzlog la/ sngags kyis bzlog pa khyad par du 'phags so// de la klu zhes bya ba nyon mongs pa gti mug shas che bas chags pa dang zhe sdang yang che ste/ gti mug gi dbang gis gnyid che ba dang / zhe sdang gi dbang gis skye ba bdun du mi gtong ba dang / chags pa'i dbang gis chags pa la gnas pa'i lus la zhugs nas mi gtong ba'o/ / klu gdol pa can gyis mthong ba tsam gyis nad skyed do// rigs gsum ni reg pa tsam gyis nad skyed do// klu bran rnams ni steng sgo gsum nas zhugs nas lus kyi bcud za bar byed do/ / byang chub sems dpa' phyag na rdo rjes gsol pa/ de rnams ji ltar 'dul bar bgyi/ de nas bcom ldan 'das klu 'gugs par byed pa zhes bya ba'i ting nge 'dzin la snyoms par zhugs nas sngags 'di gsungs so/ / nA ga bi dA ra NA dzaH/ nA ga uta sA da na ya dzaH/ sbyor ba gsum la legs gnas pas// 'jig pa'i gzugs kyis 'gugs par 'gyur/ / de nas bcom ldan 'das kyis klu 'dul bar byed pa zhes bya ba'i ting nge 'dzin la snyoms par zhugs te/ nyid kyi dbugs las sngags 'di rnams phyung ngo / / tad+ya thA/ bud+d+ha bud+d+ha/ bi bud+d+ha bi bud+d+ha/ mA ti kra ma tha/ ha ra ha ran+da gA nAn/ pra ha ra pra ha ra nA gA nAM/ ts+tshin+dats+tshin+danA ga hr-i da ya ni/ b+hin+da b+hin+da nA ga mar+b+ba

  7. 255a

    Ni Shi r+yan+d+ha nA ga sha rI rA Ni/ bi s+pho Ta ya nA ga na ya ni/ 'jigs shing skrag ste brgyal bar 'gyur// snying khar yi ge hUM bsgoms pas// klu rnams thams cad bsregs gyur pas/ / bde ba can gyi gnas su skye// byang chub sems dpa' phyag na rdo rjes gsol pa/ de la 'jug pa'i gnas du mchis// bcom ldan 'das kyis bka' stsal pa/ / rtsa bzhi dag nas zhugs gyur nas// rtsa rnams na zhing tsha ba dang // steng sgo mi bde rdul yang 'byung // rmugs dang gnyid kyi bdag nyid can// sha mdog lbu ba lta bu/ sde// rmi lam du ni chu 'od 'byung // de nas chags pa spyad par bya// dbang po gsum du zhugs gyur na// dbang po sbrid cing lus kyang 'dar// sha ni skam zhing rus pa nar/ de la chags pa mi spyad do// sa yi dbang po kun nas 'jug/ ba spu'i khung bu dmar zhing 'gyur// phol dang sha bkra 'byung ba dang // rmi lam du ni byol song 'byung // rgyal po dang ni rtsa bzhir 'jug/ tho rangs mi dga' mngon shes sba// gnyid chung ba spu'i gshis kyang dkar// gu gul nag po bsten par bya// byang chub sems dpa' phyag na rdo rje gsom pa/ nang de 'tsho ba dang mi 'tsho ba'i rnam pa ji ltar lags/ rdo rje 'dzin pas gsungs pa/ bsnyen pa mtshan ma thob pa yis// bdud rtsi lnga dang tha rtsi dang // 'bras bu

  8. 255b

    gsum dang ma bya'i sha/ / ril bu byas la sbrul tshigs gzhag/ de yi bar du rma bya'i spro// mdangs dang ldan na 'tsho bar nges// nag por gyur na mi 'tsho'o// byang chub sems dpa' phyag na rdo rjes gsol pa/ bcom ldan 'das de la tshar gcad pa'i thabs du mchis/ bcom ldan 'das kyis bka' stsal pa// sngags dang 'khrul 'khor sman dang sreg/ thabs ni rnam pa bzhi yin te/ / byang chub rdo rje can gyis gsungs// dbang bskur dam tshig ldan pa dang // bsnyen pa brtan par gyur pa yis// dang por sngags kyis bzlog par bya// snying kha'i sngags kyi rgyal po yis/ / rlung dang 'grogs te 'byung bar 'gyur// nad kyi snying po hUM bsams te// rgyu rkyen tshogs pas bsreg par bya// de nas phyir bzlog mnan par bya// sbyin sreg rnam pa gsum du bshad/ / dang po zhi ba'i sbyin sreg ste// zlum po khru gang kha dog dkar// kha khyer sor bzhir rdo rjes mtshan// gru gsum sor bcu kha dog gnag/ kha khyer sor gsum rdo rjes mtshan/ / zla dbyibs zla ba dmar 'dra ba// khru do kha khyer de 'drar shes// zhi ba 'o ma can shing gi/ gtum pa 'bigs par byed de'o// dbang yang zhi ba dag dang mtshungs/ / rgyan bzhag me dang rigs ngan khyim// raM las thab dang me lha bskyed// zhi rgyas dbang la bdud rtsi lnga// gtum pa dmar dang khrag dag dang // dug dang gu gul nag

  9. 256a

    po dang / / gzugs brnyan dag gis mchod par bya// 'jig rten dbang phyug tshangs pa mchog gi sras// me lha'i rgyal po Tik+kis dbang bskur zhing // shes rab mchog gis nyon mongs thams cad sreg/ 'jigs byed me lha nyid la phyag 'tshal 'dud// gzi brjid chen po me yi lha// 'dod pa thams cad rab stsol zhing // bdag gzhan phan sogs la zhugs pa/ / tshangs sras mchog la phyag 'tshal 'dud// me yi thugs kar drag po ni// cho ga bzhin du bskyed par bya// sbyin sreg de dag 'brel ba yis// nor rnams thams cad ster bar byed/ / de nas byang chub sems dpa' phyag na rdo rjes/ bcom ldan 'das rdo rje 'dzin pa la zhus pa/ drag po'i sngags rnams ji ltar lags/ de nas rdo rje 'dzin pas lha srin thams cad 'dul ba'i sngags 'di gsungs so/ / tad+ya thA/ hUM phaT/ nA ga bi d+ha ra NA ya hUM phaT/ nA ga uta sad nA ya hUM phaT/ nI la ba sa nA ya hUM paT a pra ti ha ta ba la pa rA kra mA ya hUM phaT/ kr-i tAn+ta ya hUM phaT/ kr-i tAn+ta rU pA ya hUM phaT/ ro Sha Na ya hUM phaT/ tA sa nA ya tsu phaT/ kuM prAr+Na uta sAd nA ya hUM paT/ pre Ta pi shA tsa bi nA sha ka rA ya hUM phaT/ yak+Sha a pasmA ra bi nA sha ka rA ya hUM phaT/ ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya/ sarba bi g+h+na bi nA sha ka rA ya tsU

  10. 256b

    baT/ sarba sha trUM saM brta bi nA sha kA rA ya phaT/ nI lAm+ba ra d+ha ra badz+ra pA Ni ra dz+nyA pa ya ti sAhA/ oM badz+ra a na la ma hA b+hU ta dz+wA la b+hasmiM ku ru swA hA/ mA ra ya hUM phaT/ puSh+TiM ku ru a~M sngags 'di gsungs pa tsam gyis ni/ / lha srin thams cad brgyal bar gyur// de nas byang chub sems dpa' phyag na rdo rjes ched du brjod pa/ e ma dus gsum sangs rgyas kyis// drag po 'dul bar dbang bskur nas// sngags rgyal gsungs pas skrag 'gyur pa// ngo mtshar 'di ni shin tu lha// zhes pa'o// de nas rang rang gi srog snying ston pa la phul nas bran gyi tshul du gnas so/ / rdo rjes 'og gi rgyud las/ bcos dka' ba'i nad bzlog pa'i le'u ste gsum pa'o// // de nas byang chub sems dpa' phyag na rje rjes/ rdo rje 'dzin pa la mchod pa dang phyag byas nas gsol ba btab pa/ sku dang gsung dang thugs kyi mchog/ dkyil 'khor dam pa bshad du gsol// de nas rdo rje 'chang rgyal pos/ / gsung ni 'di skad bka' stsal to// dkyil 'khor dag tu ma zhugs shing // dbang bskur ba yang ma thob na// bsgrubs kyang ci yang mi 'grub bo// de bas da ni bshar bya ba/ / gru bzhir bgyi zhing sgo bzhir bgyi// thig bzhi dag dang ldan gyur pas// cha chen bzhi ru btab byas na// shar gyi cha chen dang por ni// bzhir bgos dang po lte ba dang //

  11. 257a

    gnyis pa pad+ma ral gri gnyis// gsum pa lha yi snam bu'o// de nas tshon ni dgye bar bya// lte ba dkyil 'khor 'od dang bcas// pad+ma sngon po ral gri sngon// lha snam gnag la rdo rje'i sgo// bzhi ni dkar po bri bar bya// sgo yi phyi rol kha dog gnag/ me ri 'bar ba bri bar bya// de la rdo rje 'phreng bas bskor// mda' dang phur bu bcu drug la/ tshon skud sngon po bri bar bya// dbus su bcom ldan 'das ma la// klu chen phyed gzugs sbrul mgo can// rdzogs par byas nas rnal 'byor ni// cho ga bzhin du gnyis ka yi// rgyud las gsungs pa bzhin du bskyed// dang po tha ma'i spyan sngar ni// phyag 'tshal la sogs bdun rnam dag/ de nas ye shes sems dpa' la// me tog gtor zhing bstod pa bya// phyag 'tshal bskor ba bdun rnam dag/ byas nas ye shes dbab par bya// gnas gsum yi ge gsum bsams la// sngags 'di yang ni brjod par bya// A be shastaM b+ha ya rA rA tsA la ya/ tsA la ya hUM a oM dzeH/ de nas dkyil 'khor bstan byas la// rig pa'i dbang ni cho ga bzhin// de nas sngags kyi rjes gnang sbyin// rnal 'byor snying kha'i sa bon las// sngags kyi 'od kyis ye shes bskul// ye shes ljags las 'od byung las// snod gyur lce la thim par bsam// sgrub pa'i rdzas kyi bkra shis brjod// rdo rje sa 'og gi rgyud las/

  12. 257b

    dkyil 'khor gyi le'u ste bzhi pa'o// / de nas byang chub sems dpa' phyag na rdo rjes/ rdo rje 'dzin pa la mchod cing phyag 'tshal nas gsol ba btab pa/ snying po kun la phan gdags dang / / sangs rgyas bstan la gzhug don du// gnod sbyin bsgrub par bya ba ni// rdo rje chen pos bshad du gsol// de nas ston pa rdo rje 'dzin// sems can kun la phan don du/ / gnod sbyin bsgrub par bya ba ni// gsung ni 'di skad bka' stsal to// rdo rje slob dpon smod pa dang // theg pa che la smod pa dang // de sgrub pa la snying nas brnyas// sgrub pa 'di ni brtsam par bya// de la ri rab kyi 'og nas las kyi gnod sbyin gyi lus blangal gdong bzhi lag pa bzhi yod pa/ gdong dang po bcom ldan 'das kyi sngags zlos pa/ gnyis pa rang gi srog/ snying bzla ba/ gsum pa ni me lce'i dbugs 'byung / bzhi pa ni sha dang khrag za ba yod/ de sgrub pa'i thabs bshad kyis legs par nyon la yid la zung zhig/ rdo rje 'dzin pa'i ting 'dzin gyis/ / sngags kyi rgyal po 'bum bzlas la// 'byung ba bzhi yi dkyil 'khor bri// de yi steng du khrag chen gyis// pad+ma 'dab ma bcu drug pa// btson dong tshul du bri bar bya// dar sngon de yi nang du bting / / dbus su mi yi sha dang khrag/ dang po khyi ste gnyis pa bag/ gsum par rna can zangs gtsug phud// lnga par skad can drug par ra// bdun par skye

  13. 258a

    gnyis brgyad par glang / / g.yas kyi phyogs nas bskor ba'o// ma he rta dang lug dang spre'u// g.yon gyi phyogs nas bskor ba'o// de ni dbul ba'i dam tshig go/ khrag dang dug dang ske tshe yis// nam gyi phyed kyi dus dag tu// dur khrod ras la 'di ltar bri// zhal brgyad phyag stong yang na bcu// zhal bzhi dang po zhi ba ste// gnyis pa dmar po chu srin no/ / gsum ni khro nag med dang khro// bzhi pa yi dgas mgo yin no// skra ni gyen brdzes zhal dang mtshungs// sprul pa bya rgod khra dang spyang // de yi mgo can bri bar bya// dgug gzhug dbang ni bskrad par bya'o/ / 'di ni bsten pa'i dam tshig go/ bsnyen pa'i dam tshig gnyis dag gi/ gsum rgyal dag las shes par bya// oM yak+Sha ha sa ha sa/ da ra da ra hUM/ khra dang spyang ki khyi la sogs// rmi lam du 'am dngos su 'byung // de nas mchod pa'i dam rdzas kun// bsgrub bya'i rdzas dang bsres byas la// gzugs brlan byas la thod par gzhug mar ngo gnod sbyin gzugs kyis mchod/ / oM yak+Sha mA ra ya mA ra ya/ a pra ti ha ba la ba rA kra mA ya phaT/ sarba sha truM saM brta bi nA sha ka rA ya phaT/ nI lAM ba ra d+ha ra badz+ra pA Ni rA dzA pa ya ti mA ra ya tsit+ta la phaT/ des kyang grub par ma gyur na// gzugs brnyan rdul la sbyin sreg bya// las skyes gzugs brnyan gong bur gzhug/ des kyang grub par ma gyur na/

  14. 258b

    oM yak+Sha mA ra ya mA ra ya/ nA sha ya nA sha ya/ tsit+ta la rbang rbad/ phyag na rdo rjes bsnun par bya// des kyang grub par ma gyur na// nI lAM pa sa nA ya phaT/ stong pa nyid du bsgom par bya/ de nas byang chub sems dpa' phyag na rdo rjes ngo mtshar nas ched du brjod pa/ zung du 'brel bar gnas gyur pa// yaM las rlung ste paM las pad// 'chi ba zhes bya'i rnam rtog 'dis/ / bde ba can du 'gro bar 'gyur// rdo rje sa 'og gi rgyud las/ gnod sbyin sgrub pa'i le'u ste lnga pa'o// // de nas byang chub sems dpa' phyag na rdo rjes rdo rje 'chang la gsol ba btab pa/ snying nas slob dpon smod pa la// klu gzhug pa ni ji ltar lags// rdo rje can gyis bshad du gsol// klu'i lag na nang bcu gcig yod de/ mdze dang / mdza' to dang / ka ta ma dang / ka she dang / 'bras dang / phol dang / shu ba dang / skem pa dang / g.yan pa dang / dmu chu dang / gag pa'o// klu'i gnas ni sa 'og gi rim pa bdun no/ / klu bran ni 'dzam bu'i gling na'ang yod do// 'khor ni rnam pa bzhi dag gis// gtsang ma'i gos dag gyon nas ni// dkar gsum dag kyang bza' bar bya/ / sngags rgyal nyis 'bum bzlas byas la// dkyil 'khor tsan dan gur kum byugs// pad+ma 'dab brgyad bri bya ste// bdag nyid lag na rdo rje la// klu chen brgyad kyis

  15. 259a

    bskor ba bri/ / de la sogs pa bshad zin to// dkyil 'khor gyi ni nub phyogs su// klu yi gzugs gcig brtsam bya ste// rin chen lnga 'am gla rtsi'am// mchod/ ba'i rdzas ni 'o ma sogs// dang po 'das pa'i mchod pa bya// spyan drang mchod dang bstod pa ni// cho ga bzhin du bya ba'o// klu yi snying khar hUM bsgoms la// 'od zer rnam pa gsum dag gis/ / klu chen gnas nas dgug par bya// gzugs brnyan de la bstim byas la// mchod pa dag gis mchod par bya// gzugs brnyan g.yo ba 'byung ba na// sdang ba'i lus la gzhug bya ste/ / dbang po brgyad nas gzhug bya ste// brgyad cha tha ma'i dus dag tu// 'o ma gla rtsi kha ra yis// lam ni drang por drang byas la// gong bu dgug pa'i sbyor ba yis// de la klu chen gzhug par bya// sgrub pa po yis gu gul bsten// gzugs la phur bus gdab par bya// des kyang grub par ma gyur na// lha yi rnam pa nyid dag la// spogs pa dag gi cho ga bzhin/ / tad+ya thA/ hUM phaT/ nA ga bi dA ra NA ya hUM/ nA ga bi dA ra NA/ ha sa ha sa/ d+ha ra d+ha ra/ mA ra ya mA ra ya/ sarba sha hUM saM g+ha bi nA sha ka rA ya paT/ nI lAM/ ba ra d+ha ra badz+ra pA Ni rA dz+nyA pa ya ti sha tr-i tsi mA ra ya phaT/ oM nA ga g+ha g+ha/ g+hA ta ya g+hA ta ya/ sarba duSh+TA na phaT/ kI lA ya kI lA ya/ hU hU hUM badz+ra kI lA ya/ badz+ra daMSh+To A dz+nyA pa yak+Sha

  16. 259b

    ya bA ka tsit+ta badz+ra kI la ya phaT/ nA ga bi dA rA ya phaT/ nA ga uta sA da nA ya phaT/ nI lAM ba sa nA ya phaT/ sngags 'di gsungs pa tsam gyis khams gsum na gnas pa'i sems can rnams 'dar zhing brgyal bar gyur to/ / de nas bcom ldan 'das brgyal ba sel ba zhes bya ba'i ting nge 'dzin la snyoms par zhugs nas/ a ba sha gsungs pas thams cad kyang dbugs 'byung zhing brgyal ba sangs nas 'dar zhing thal mo sbyar nas ched du brjod pa/ sangs rgyas kun gyis dbang bskur zhing // gdug pa thams cad 'joms mdzad pa'i sngags dang ting 'dzin nus pa yis/ / sangs rgyas kyis kyang gzhal mi nus// rdo rje sa 'og gi rgyud las klu sgrub pa'i le'u ste drug pa'o// // de nas gtam rgyud bshad par bya ste/ bcom ldan 'das rdo rje 'chang chen pos lha gnas rnam pa brgyad du rgyud thams cad bsdus nas ri rab kyi byang phyogs su 'jig rten gsum 'dul ba'i rgyud gsungs so/ / de nas zhal gsum pa phyag drug pa'i sngags gsungs pas lha dang lha ma yin gyi rna bar song ngo // rigs sngags 'chang de rnams ngo mtshar nas bstod pa byas so// de nas gling gi snying por 'khor gyi snying po gnod sbyin gyi cha 'dzin pa/ byang chub sems dpa' phyag na rdo rje byon nas ma gyi snying po dang 'dra ba dam pa'i chos rgyud thams cad bsdus so//

  17. 260a

    nyid kyi las gnyis kyi bdag nyid can rgyud sde stong phrag brgyad cu'ang gsungs so// de nas 'jig rten du gnod sbyin rnams kyis mchod de sgron ma za ba rdo rjes mgo lus phral te nyams par byas so/ / de nas klu 'dul bar byed pa zhes bya ba'i ting nge 'dzin la snyoms par zhugs nas/ sa 'og rim pa bdun du byon nas rdo rje sa 'og gi rgyud gsungs so// rdo rje sa 'og gi rgyud las/ gtam rgyud kyi le'u ste bdun pa'o// // rdo rje sa 'og gi rgyud rdzogs so// // rgya gar gyi mkhan po dI paM kar dang / sgra bsgyur gyi lo tsa ba dge slong bya'i gdong pa can gyis bsgyur ba'o// rgya gar skad du/ badz+ra b+hU mi tri rA dzA kalpa nA ma bod skad du/ rdo rjes gsum du rgyu ba zhes bya ba'i rtog pa'i rgyal po/ dpal rdo rje mkha' 'gro la phyag 'tshal lo// de nas gsang ba'i dbang phyug po// shAka thub kyi ni rigs khro bo/ / phyis kyi rtog pa las rgyal byed// rtog pa'i bla ma 'di mchog bshad// lha dang sngags dang sbyor ba yis// rtog pas rtog pa 'joms pa'i lam// rtog pa med pa'i rig pa yis/ / khro bo'i dbang phyug zhi ba brnyes// dang po phyag 'tshal de 'og tu// bzhi pa yi ni lnga pa la// dbyangs yig gsum pas mdzes par byas// drag

Colophon

rdo rje sa 'og gi rgyud rdzogs so/ /rgya gar gyi mkhan po dI paM ka ra dang / sgra bsgyur gyi lo tsa ba dge slong bya'i gdong pa can gyis bsgyur ba'o