dkon mchog gsum la bstod pa
Triratnastotra
Text
ff. 122b–123a · 2 folio sides
- 122b
gsung // bden zhig gsung ba'i rgyal la phyag 'tshal lo// gzhan du mi 'dul 'dul ba'i don du btul// nyon mongs spong sogs rnam par dag pas 'dul// thub pa tshul spyod chen pos legs 'dul mdzad// snyoms shing mdzes pa'i tshems ldan mgon la 'dud// bsod nams dpag med bsags pas sku mdzes la// 'dom gang 'od kyi dkyil 'khor 'bar ba'i sku// gsor sbyangs gtso ma lta bur dri med sra// srid las grol sku rgyal la phyag 'tshal lo// 'khor lo mtshan zhabs rab mchog ldan pa'i zhabs// lha dbang spyi bos legs par btud pa'i zhabs// zhabs sor dra bas legs brgyan mdzes pa'i zhabs// dpal be'u g.yung drung gi ni zhabs la 'dud// tshig brgyad pa'i bstod pa dge bsnyen mtha' yas lhas mdzad pa rdzogs so// @#// da cogagasums pa/ rgya gar skad du/ tri rat+na s+phoH/ bod skad du/ dkon mchog gsum la bstod pa// sangs rgyas gtso la phyag 'tshal lo// skyob pa chos la phyag 'tshal lo// dge 'dun che la phyag 'tshal lo// gsum la rtag/ tu bdag phyag 'tshal// tshogs chen gnyis rdzogs mkhyen bzhi su gsum grub// rnam rtog mi mnga' ci yang sa le mkhyen// chos sku mkha' 'dra gzug bsdu mdzes skur ldan// sangs rgyas dpag bsam 'dral phyag 'tshal lo// chos nyid rgyu mthun gsung rab bcu gnyis dang // chos la skye 'gag med cing spros la dben// de la dmigs te yon tan kun grub pa// legs rgyu dam pa'i chos la phyug 'tshal lo// nyon mongs sgrib dang shes bya'i sgrib pa dag/ gnyen pos rim par bsal nas sangs rgyas sar bzhugs pa// sems can don mdzad sangs rgyas zhing sbyor ba'i// 'phags pa'i
- 123a
dge 'dun che la phyag 'tshal lo// dkon mchog gsum la bstod pa// slob dpon chen po ma ti tsi tras mdzad pa rdzogs so// // rgya gar skad du/ tri rat+na sto sta b+hi ti bod skad du/ dkon mchog gsum la bstod pa'i 'grel pa/ bcom ldan 'das 'jam dpal gzhon nur gyur pa la phyag 'tshal lo// srid pa gsum gyi bla ma dkon mchog gsum la phyag 'tshal ba la sogs pa ni 'gro ba rnams kyi mngon par 'dod pa'i 'bras bu mtha' dag bskyed pa'i rgyu yin pas na de'i phyir de dag la phyag 'tshal ba/ sangs rgyas gtso la phyag 'tshal lo zhes bya ba la sogs pa gsungs te/ ma 'dres pa dang mtshungs par ldan pa'i ma rig pa dag ma lus par spangs pa ni sangs pa ste/ gnyid rab tu sangs pa bzhin no// yang na nyon mongs pa can ma yin pa'i mi shes pa spangs pas shes bya mtha' dag la blo rgyas pas rgyas pa ste/ pad+ma rab tu rgyas pa lta bu'o// de ltar de dag ni spangs pa dang / ye shes phun sum tshogs pas bstod pa ste/ nyid kyi don phun sum tshogs pa'o// gzhan gyi don phun sum tshogs pa'i dbang du byas te// gtse zhes smos pa las sa gsum dbang phyug chen por gyur pas na gtso bo ste/ de dag ma lus pa gnon pas lci bar gyur pa ni/ gzugs la la lci bar gyur pa ni srang gi mgo mnon pa lta bu'o// des ni thams cad zil gyis mnan nas 'dul zhes bstan par 'gyur ro// yang na phyin ci ma log pa'i yon tan rin po che sbyin pas na bla ma ste de la phyag 'tshal lo zhes bya ba ni sgo gsum gyis rab tu 'dud pa'o// skyob pa chos la phyag 'tshal lo zhes bya ba ni/ 'dis ngan 'gro dang srid par sdug bsngal ba las skyob cing sdug bsngal sel la bde la sbyin
Colophon
dkon mchog gsum la bstod pa/_slob dpon chen po ma ti tsi tras mdzad pa rdzogs so/