MW21521_26DA40མན་ངག་ཨ་ཏི་ཡོ་གའི་ཆོས་སྐོར།All versions of this work

byang chub kyi sems rdzogs pa chen po ye shes bdun gyi rgyud

Text

ff. 14a–25b · 24 folio sides

  1. 14a

    rgyud le'u bcu bzhi pa rdzogs so// / rgya gar skad du/ bodz+nya tsit+ta ma hA san+ni dz+nyA na tan+t+ra/ bod skad du/ byang chub kyi sems rdzogs pa chen po ye shes bdun gyi rgyud / dpal ye shes rdzogs pa chen po la phyag 'tshal lo// 'di skad bdag gis thos pa'i dus gcig na/ bcom ldan 'das rang bzhin rdzogs pa chen po gsal ba'i ngang nyid/ bde ba'i ngang nyid/ lhun gyis grub pa'i bdag nyid/ ma lus pa gcig gi rang bzhin/ thig le chen po nyid/ 'og min gyi gnas/ chos kyi dbyings mtha' dang dbus med pa'i de bzhin nyid/ rig pa 'pho 'gyur med pa'i gzhal yas khang / cir yang gsal ba'i rgyan gyis klubs pa na/ bcom ldan 'das rang bzhin rdzogs pa chen po/ rang bzhin gyi 'khor dang / rang bzhin gyis lta ba'i 'khor dang / rang bzhin la gnas pa'i 'khor dang / rang bzhin mngon du gsal bar gyur pa'i 'khor dang thabs cig go/ de'i tsha na brgya byin lha'i dbang pos gdul bya'i don shes nas/ phyogs bcu'i rgyal ba la 'di skad ces bskal lo// dus gsum sangs rgyas thams cad kyi// thun mong bya ba mthar ston nas// gang la nye bar mdzes pa yi// dam pa'i gsang ba gsung du gsol// rtsol bral rig pa'i khyad par

  2. 14b

    las gnyis pa'i don de mi gnas te// de nyid snang ba'i byin rlabs las// ji ltar 'dod pa so sor gsal// zhes bskul to// de nas phyogs bcu'i rgyal ba thams cad kyis/ de bzhin gshegs pa rdo rje sems dpa' la mgrin gcig tu 'di bskul lo// rang gas lo rig pa mchog gi sku// btsal bral bstan pa thugs la rdzogs// 'dod 'byung 'bar ba'i nor bu ltar// gdod nas kun 'byung ba dag tu gsal// rig pa lhun rdzogs dbyings la bzhugs// bdag gzhan mi mnga' dbyings la bzhugs// bdag gzhan mi mnga' phyogs rigs bral// nam mkha' mi 'gyur rtag pa ltar// rang gsal 'gyur med lhun grub khyod// gang la rkyen gyis bskul ba ltar// thugs rjes sems dpa' bstan du gsol// zhes zhus so// de nas de bzhin gshegs pa rdo rje sems dpa' la bskal bas/ lha'i dbang po'i ngo la gsong ba'i bdag por snang bar gyur to// de nas lha'i dbang pos 'di skad ces gsol to// rgyal ba kun gyi gsang ba'i thugs// kun 'dus byang chub sem kyi ngang // rang gsal nyag gcig dri med pa// bde chen khyod kyi sku mchog gis// brjod bral gsang ba'i chos nyid 'di// tshig dang yi ge kun bral yang // de nyid

  3. 15a

    brjod pas go bya'i phyir// ye shes gsal bas gsung du gsol// zhes zhus pas// de nas phyag na rdo rje de nyid rang gi ye shes gsal bar snang ba zhes bya ba la snyoms par zhugs te/ rang nyid lta bu'i 'khor rnam par bkod pa las rnam par langs nas 'di skad ces bskul to// rang byung rig pa'i 'od 'bar ga/ kun gsal nyams myong bral ba 'di// brjod med rig pa'i don go nas// rtsol bral don la dgod du gsol// zhes zhus so// de nas skyes bu chen po dam pa des 'di skad ces bka' stsal to// rang byung rig pa che mchog don// rang rig 'od gsal gsang ba'i nyams// 'dzin pa'i dri ma kun gyis dben// brjod bral rig pa dbyings la bzhugs// 'bar ba'i 'od kyi rnam pa ltar// kun tu gsal zhing nyid du gnas// rang gsal rig pa'i chos dbyings la// cho 'phrul bdag rdzogs gnyis pa med/ rna brgyud dag pa'i sgra tshig gis// 'phrul gyi me long ji bzhin du// gzhan gyis gsal te rang la rdzogs// ci yang ma yin cir mi dgongs// bsam med mi g.yo mchog gi lung // ji bzhin nyid la ji bzhin gsal// rkyen bral brda phrad don gyi lung // brjod bral gsang ba'i nyams kyis go// rang byung mchog gi snying po la// yengs

  4. 15b

    ba med pa'i sems kyis gnas// rang gsal dmigs bral cir mi dgongs// shes med gsal ba mar me ltar// yin no gang du rang sems pa med// 'gyur mad sems kyi g.yung drung la// ci dgar gzhag pas g.yo med lung // yul med bas ma bral sgro skar bcad// ting 'dzin rig pa'i 'khor lo yis// ba ga chags 'dzin pa rnam par gcod// nam mkha' gsal ba'i mar me ltar// gsal la dmigs pa rnam par gcad// 'byung 'jug med pa'i thig le yis// gsang ba rig pa'i 'khor lo gang // ma rig gsal ba'i me long gis// khyab pa nam mkha'i rjes su blta// rang byung rig pa rang gsal skyes// rgyu rkyen bral ba'i dbyings la rdos bsam pa spangs te dbyings la gnas// mi 'byung mi 'jug gnyis med dang // spyad med de ltar rang bzhin gzhag/ btsal bral tshwa yi rang bzhin ltar// ma bskyod ba der gzhag don gyis gsal// de nyid nges pa'i don 'di ni// bsam gyis mi khyab don gyis shis// mi 'tshol 'od kyi snying po ltar// 'du 'bral med par ye nas rdzogs// de kho na// nyid yul med la// gnyis med rig pa gcig tu 'bor// gti mug bsgoms pas bde ba rgyas// kun 'joms re ba'i snying po 'di// mtha' bral mngon par mtho ba la//

  5. 16a

    mtshan bral mi chud gcig las med// des na rang gzhag dgongs pa gnas// kun la gsal te gcig la son// 'gyur med sems kyi dgongs pa'o// ye shes bdun gyi rgyud las/ gleng gzhi'i gsang ba'i le'u ste dang po'o// // kye sems dpa' chen po/ rang bzhin thabs dang nyams kyis ni// bsdus te thig la gcig tu gsal// rang gsal 'gyur med ye shes kyis// ji bzhin glong du gsal bar gnas// 'khor ba rang gsal nyid du ba de// nam mkhas khyab pa'i 'od dang ldan// gsal ba nam mkha'i snying po ltar// khyab pa kun gyi rjes su gsong // snang ba nam mkha'i mtha' ltar yangs// 'phrul gyi me long gsal ba'i 'od// phyogs rigs med par kun la 'char// rgya mtsho chen por yid brtags pas// khyad par gsal bas dbyings la 'du// ma bcos rang byung snying po la// sgro skur dag pa'i dbyings la gnas// bsam pa med pa'i 'du shes can// rgyu ba'i yu ba rnam par bcad// kun snang 'od gsal nyag gcig pa'o// ci yang ma yin gang yang rung // ma bkag yon tan de ltar gsal// rang rig yul med chos kyi dbyings// rang gsal ye shes kun tu bzang //

  6. 16b

    rang byung rkyen bral 'jigs pa med// ye shes snang ba rnam par dag/ rdzogs pa'i ye shes glong du thim// mkhyen bral gti mug chen po la// shes dang mi shes yongs kyi med// rang gsal lung la kun rdzogs pas// gnyis pa chos dang gdod nas bral// rang bzhin 'du 'bral med pa nyid// thig le gcig tu de rdzog so// gsal ba'i me long thabs kyi shes// kun 'byung ye shes phung po la// gsang ba'i thabs kyi rtogs 'gyur na// btsal bral 'od ltar khyab par 'gyur// kun la phyogs rigs med par snang // 'phrad dang ma 'phrad nus pa las// de lta de ltar nyid du snang // 'phrad dang thob pa med pa yis// mi snang mi gsal rang bzhin gsang // sngon 'gros shes rab sbyangs pa yis// lus dang srog la mi spyad de// rna ba rgyud thob phyir dbul bar bya// ye shes rang gsal thabs rdzogs pas// ma brjod rig pa'i thabs kyis go/ rang byung rig pa'i thabs kyis gsal// 'gyur med gsang ba'i thabs lam gzhug/ kun 'dus rig pa gsang ba'i nyams// brjod pas mi rtogs nyams kyis gsal// gsang ba'i me long thabs rdzogs pas// brjod bral blo yi thabs kyis shes// gsal ba'i mar me dbyings la khyab// rig

  7. 17a

    pa'i 'od gsal mchog gi thugs// gtad med yul la dus gcig rdzogs// gsal ba mi mngon dus kyi mchog/ nges par dus tshod de kho na/ gsal lo 'du shes 'bral med de// rigs pa'i glong la kun tu bzhugs// gang yang ma yin 'od gsal yin// mi 'bral mi spyod yul dang bral// brda phrad rig pa shugs kyis go// yang na na mkha'i sa la'o// yang na chu ba'i rgyun la'o// yang na gsal ba nyid la'o// yang na mtshan gyis sgra la'o// yang na de nyid gang min par// rang bzhin rig par gzhag pas ni// chu la chu la ltar gsal bar gnas// mi shes pa nyid ma yangs pas// 'byed pa med pa'i ye shes 'grub// rang rig nyams myong kun bral ba// brjod bral bstan pa rgya mtsho'i mdzod// sgra bral rig pa thugs la rdzogs// gsal la bsam du med pas na// dmigs med rig pa rang gsal lung // ci la'ang mi gnas mngon sum lung // thams cad rig pas mngon par shes// bsam du med pas 'dzin dang bral// sa le dmigs bral gcig gi dang // mi spang mi 'dzin bsam du med// ma bsam pa nyid bsam pa ste// mtha' yi 'du shes rgyu bo nyid// bsam pas sgrib pas don mi shes//

  8. 17b

    gang du'ang mi bsam mi spyad de// rang gzhag rig pa nyid kyis gsal// nyams myong bsam rtogs yul shes bral// rang byung nyid la nyid mi rtog/ rjes mi 'brang zhing yul mi 'tsho lo// mi 'phro mi bsdu mi bcos te// mtha' dbus de bzhin nyid mi 'tshol// de bzhin nyid du rang bzhin gnas// kun kyang rang bzhin thig le nyid// spro bsdu med pa'i dbyings la 'dus// 'das dang ma 'das chos kun kyang // rtsol bral 'od la rtag tu bzhugs// chu yi gnyer ma ji bzhin te// rig pa 'od gsal dbyings la thug/ rang la spro zhing dbyings la 'du// nyi ma gsal ba'i snying po ltar// gsal ba ma 'dres lhun gyis rdzogs// kun kyang shin le na le 'dra// gang yang ma yin gcig tu gnas// ma yin kun kyang rig pa ste// rig pa ma yin ma rig min// ri bo mes bsregs kun tshig ltar// rtog pa'i rig pa rang gsal la// 'dzin pa mi gnas rang gsal bar// spangs pa med par mnyam du gnas// gcig pa ye shes rdzogs lung la// don bral mnyam pa'i sems kyis blta// de nyid rig pa'i 'od 'bar lung // brjod med gsal ba'i don yin no// ye shes bdun 'byung ba'i rgyud las/ ya shes snang ba'i

  9. 18a

    le'u ste gnyis pa'o// // kye sems dpa' chen po/ rang gsal ye shes mnyam nyid la// sgra tshig brjod pa'i rim pa yis// rdzogs pa'i ye shes mngon gyur nas// ye shes 'od gsal nyid du nges// ma bslad rkyen bral zhag gcig pu// rim pa ma yin dus gcig gsal// rtsol bral gcig pa cir mi dgongs// cir snang rang gsal nyid kyi dbyings// ma btsal ma sbyangs ye nas grub// rig pa ma btsal mngon sum dbyings// smon du med pas rang la rdzogs// dus med rang gsal gsang ba'i yum// bskyod med chos dbyings dag po nyid// kun kyang rig pa mnyam du skyes// 'byung 'jug mi gnas cir mi dgongs// ma bslad ma bcos ya nas byung // brgya byin nor bu ji bzhin du// ma btsal gdod nas lhun gyis grub// rig pa ye shos 'od gsal la// mnyam dang mi mnyam chos mi gnas// mtha' dang dbus med ye shes glong // phyi dang nang med chos kyi dbyings// ma skyes pa dang mi gnas pa// ma chags pa dang lhun gyis grub// gdod nas dag pa chen po la// spang zhing bgrod pa ga la yod// dus gsum rgyal ba'i snying po ni// rig pa ye shes rang gsal yin// zab mo gsal/

  10. 18b

    ba'i nges don la// phyogs dang phyogs min chos mi gnas// rig pa rang gsal ye shes nyid// sbyangs pa ma yin gdod nas grug/ gnyen pos ma btsal de bzhin nyid// ma bcos mi gnas rang gzhag pas// ji bzhin rang byung gnas par gsal// snang srid 'khor dang 'das pa kun// rang byung rig pa rang gsal bas// sgro dang skur pa'i lam mi gnas// btsal med ye shes gsang ba ni// khyab par gsal la dmigs dang bral// 'du 'bral med par ye nas byung // mi bsam mi spyad dang byeng nyid// rang gsal rdzogs pa zhag gcig go/ du ma'i chos kun rdzogs pa'i ngang // che chung med pa ye nas mnyam// rang byung dbyings las ma g.yos par// kun la snyoms pa'i thugs rje 'char// ci yang yin no gang yang rung // bsam med rig pa'i ngang la bzhugs// brjod bral mi gnas tshig dang bral// de rtog sgra yi 'khor lo yis// rig pa ye shes 'od du 'bar// gsal 'dzin mtha' yi rtogs pa gcod// rang gsal brda' yis gsal bar shes// sbyang med shes rab rnam gsum gyis// rig pa bde mchog gsal bar shes// gang zhig de yi rjes 'brangs na// rig pa rang gsal don mi mthong // ye shes gsang ba'i don las gol//

  11. 19a

    bde mchog gsang ba'i lam dang bral// mtshan ma 'khor ba'i lam du rgyud// rang byung gsal ba'i lam ma shes// rang gzhag rig pa'i rgyud tshig gis// ji bzhin ma bcos ngo bo la// brjod bral rang gzhag dgongs pa yis// rang byung dbyings la gsol bar bya// ma bcos gsang ba'i dgongs pa las/ bcos ma'i rnal 'byor log pa'i lam// mtshan bral spros med snying po la// 'dzin pa'i rnam rtog log pa'i lung // gang dag rang 'dod phyogs cha yis// 'dzin pa so sor mthong ba yis// phyogs bral ye shes chen po la// btsal zhing spyad pas don mi mthong // cir snang gcig gis ngo bo la// yangs pa med par kun tu gsal// nyams myong brjod bral gsal 'dzin med// 'di la phyogs rigs gdod nas med// rang bzhag rig pa shugs kyis go/ ma brjod brda yis gsal bar shes// dus gcig ye shes rang gsal bas// gnyis 'dzin phra rags kun gyis dben// 'dzin med mkha' la nyi shar ltar// gsal la stong pas 'du shes med// gang yang mi gas la 'byed med lung // mi bsam rig pa cir mi dgongs// rang gzhag dgongs pa bsam mi khyab// yul bral shes pa'i 'dzin rtsol med// ma yengs bsam med brjod bral

  12. 19b

    lung // rang gi nyams kyis gsal bar shes// dbus mtha' med pa'i rig pa la// mi 'jug mnyam pa'i sems kyis gnas// gang du mi gzhag rten bral bas// gzhag rgya med pa'i don 'di la// de bzhin nyid la goms pa yis// dus gsum ma bcos dgongs pa gzhag/ rdo rje sems dpa' dgongs pa'i don// ma bcos rig pa gsal bar shes// tshig min don du mnyam sbyar bas// gang ltar gnas pa de ltar gzhag/ 'di ni rig pa'i nyams su brjod// gdod nas ma bcos lhun grub la// mtshan/ ma'i brda yis mnyam sbyar nas// yangs medo rang gsal bde chen la// ye nas de ltar gnas bzhin bya// bde ba de yi don go nas// btsal med 'od ni rang las shar// rgyal ba'i dgongs pa dbyings la gtugs// spyod lam gang ltar bde ba bzhin// rang rig gsal la mnyam par bsgom// ma yang sa ma btsal shugs kyi sa gas la// bum pa'i rlan ltar de bzhin no// ma btsa la rig po bsgrub par 'gyur// btsal na 'jam chu rdo gzugs ltar// 'od gsal 'khor ba'i khams su 'gyur// mi bas ma mi dpyad dgongs pa'i glong // yengs med mtshan ma'i sgro skur gcad// gcig gis kun gyi rang bzhin gsal// dang po de nyid rang nyams gsal// ma brjod nyams myong //

  13. 20a

    ting 'dzin te// 'khor ba rang gsal snying por 'grub// thams cad gsal ba'i maN+Dal ltar// gsal la 'dzin med rang gzhag blo// ma bcos mnyam par gnas par bya// ye shes bdun 'byung ba'i rgyud las/ rang gzhag rig pa'i ye shes mnyam par gzhag pa'i le'u ste gsum pa'o// / / kye sems dpa' chen po/ ye shes goms dang brtags nyid dang // tshul dang blo yi tshul nyid do// rang gzhag thug phrad mnyam nyid ni// rang byung rang gi nyams khas shes// rang la ma yin gzhan la min// gnyis ka ma yin khyab par gsal// rang rig yul mang dus gcig gsal// yin dang ma yin phyogs med glong // kun gsal rig pa'i sgo phye nas// yengs med ma bcos don la bzhugs// snying rje bsam med phyogs bcur gdal// yul med ma bcos de bzhin nyid// ma gsal mi gnas khyab par gnas// ya nas rig pa'i glong du bzhugs// brjod bral gsang ba'i gter la spyod// gsang ba'i rig pa lung gis phyug/ 'di dang gzhan sems 'dzin sems bral// blo yi rig pas ci mi dgongs// gnyis med rang gsal ye shes la// dran pasam rig pa cir brtags kyang // bya bral rig pa cir

  14. 20b

    mi 'dzin// bsam pa'i blo yis cir mi spyad// rang bzhin 'khor lo rig pa bskor// 'jug med 'jug bral dgongs par gnas// bsam gyis mi khyab chos kyi dbyings mtshon pa lam gyi rgyud dang bral// gsal bor shas te rgyu ba bral// cir yang mi 'dzin de bzhin nyid// gdod nas lhun gyis grub pa'i ngang // rang byung 'od gas la gcig la/ rdzogs/ mi gnas rig pa'i 'khor lo la// ma bsams ma bsgrubs gdod nas gsal// 'byung 'jug med pa'i ye shes kyis// yengs med dbyings la thabs kyis 'jug/ 'khor ba ye nas sangs rgyas pas// 'od gsal dag pa nyid du gsal// ma bsgribs kun la khyab pa'i 'od// thams cad gsal bar rang bzhin 'char// 'di la sbyang bgrod yul dang bral// 'di la bsam spyod mtha' dang bral// 'di la rtsol sgrub mtha' dang bral// 'di la dgag bsgrub kun las 'das// kun gyi snying por rang byung la// rig pa gsal bar nyams myong la// kun kyang rang gsal mnyam par mkhyen// yul med rang gsal gcig gi lung // du ma gcig tu gsal bar shes// kun kyang lhun grub snying po bas// du mar 'dzin pa'i chos mi gnas// mi bsam mi spyad rang bzhin gzhag/ nam mkha'i rdo rje rnal 'byor pas// sdang srid thig ler

  15. 21a

    mnyam sbyor zhing // nam mkha'i 'od gas la mnyam par mkhyen// chags pa mi mnga' zhan pa dag/ mi 'phro rang gsal gnas pa dang // 'khor ba lhun grub snying por gsal// ma bcos gsang ba'i sgo phye nas// dam pa'i lung dang rig pa phrad// rgyal thabs rig pa gdang gis 'phags// snying rje phyogs rigs med par 'char// rigs 'dzin rig pa glong du son// ma chags dag pa'i spyod pa yis// kun bzang mdzad pa'i nges pa can// khams gsum sku gsum thug gsal bas// sku gsum zhing du rig pas sbyor// ye shes rol pa rang 'char bas// phyogs rigs med par kun la 'byung // rdzogs pa'i 'od gsal mnyam sbyor bas// thugs rje'i dkyil 'khor rang bzhin 'char// byin rlabs ye shes 'od 'char bas// ma lus snying po nyid du mthong // gdod nas ma bcos 'od gsal la// ma spangs gsal ba'i gdeng gis gzhag/ dpal ldan nam mkha' rgyas pa'i sku// ma bcos nyi ma'i snying po ltar// drod rtags cho 'phrul rang bzhin thob// dmigs med lhun grub rol pa ni// mdzad pa'i gar stabs sna tshogs pa// rang rig gsal bar thabs kyis shes// nyams myong mi gsal bsam pa spangs// skra gsum rang bzhin dus gcig

  16. 21b

    rdzogs/ snying po rang bzhin rdzogs pa ni// gcig gi kun gyi rnam pa 'dzin// bsam gyis mi khyab dus gcig 'brel// tshul ni gang du'ang mi dpyad pa// yengs pa med pa'i rang bzhin gyis// bsam gyis mi khyab dbyings la gsal// bdag min gzhan min gang yang min// ma bcos chu la chu gzhag ltar// rang bzhin rig pas gsal bar shes// sgra bral rig pa'i ye shes kyis// ma btsal gyi nar bshad pas go/ ma bcos gsang ba'i rnal 'byor pas// ma brjod rig pa'i shugs kyis go/ mi spro mi bsdu yal bar gnas// tshig bral gtan pa rgya mtsho'i mdzod// dbyings la dbyings gsal sgrib pa med// ma bcos rdzogs pa'i rnal 'byor la// 'di yin 'di min phyogs ris med// blo yi rang bzhin ma skyes pa// rig pa'i rang bzhin bas ma dang bral// phyi dang nang med bde ba'i glong // gsal la mi 'jug mi gnas pa// zag med mkhyen pa/ nyid kyi ngang // yengs med ma btsal sems kyi gnas// 'di ni rang rig sems kyi lung // brjod bral rig pa nyams kyis gsal// stug phrad dran rig med par gsal// ye shes bdun 'byung ba'i rgyud las/ ye shes rang gsal gyi le'u ste bzhi pa'o// // kye sems dpa' chen po/ gang gi rang bzhin gsang ba la/

  17. 22a

    log pa'i phyogs kyis bsgribs pa de// rang gsal brda don spyad pa yis// btsal bral rig pa 'char bar 'gyur// kun 'byung snying po byang chub ni/ rnam par mi rtog byang chub zab// dmigs bral rig pa'i glong du 'das// drug gi chos bzhin yul med pas// rang byung snying po gcig la rdzogs// ye shes// mkha' mnyam sgra don mod// gsang ba'i ye shes rig pa'i lung // sgro skur med pa nyid du bstan// phyogs med ye shes khyab par gsal// kun 'byung dpag med sgra brjod bral// thig le spros bral mkha' ltar dag/ rang byung dag pa'i snying po la// gang ltar rtag pa phyin ci log/ zhan drug log pa'i rtsol brgyad kyis// ma bcos gsal ba'i dgongs pa bslad// 'dzin sems log pa'i lcags kyis bcings// mtshan ma 'khor ba'i 'dam du bzung // zhen chags zlog pa'i 'dod pas bcings// phyogs bral phyogs su bslabs pas 'khor// log pa'i ri bos mngon du bkab// spros bral 'bar ba'i ye shes la// mtha' yi zhen pa mi gnas kyang // don las log pa'i byis pa yis// rnam rtog 'khor ba'i khams su brtags// dung la ser por 'dzin pa ltar// dngos por gnas pa ma yin yang // log par mngon par zhen pa'i mthus

  18. 22b

    rang snang ma bcos zhen par brtags// yod med mthong ba 'khrul pa'i lam// de nyid mthong bas grol bar 'gyur// spong bgags 'khrul pa ngal ba'i lam// ma bcos rtogs pas grol bar 'gyur// gzung 'dzin lta ba gnyis kyi chos// gnyis 'dzin bral bas grol bar 'gyur// gnyis kyis gcig 'dzin nges med lam// gcig tu rtogs pas grol bar 'gyur// spong len mthong ba tshe chung lam// gsal ba'i ngo bstan gcig gis grol// bsnyen bsgrub dag pas dag pa 'grub// ye nas yin la gzod bsgrub rtsol// btsal med rtogs pa grol bar 'gyur// rgyu 'bras 'dzin pa gnyis kyi lam// gnyis med rig pas 'grub par 'gyur// brda don sprad pa'i rim pa yis/ rig pa gsal ba'i don rtogs nas// mi rtogs rnam grol bde bar gshegs// gsal ba nyams myong gang yang min// 'du shes kun bral dbyings nyid du// / rig pa mkha' ltar gnas par bya// tshad ma mngon sum mtshon de la// rjes dpag shes pa phyin ci log/ mngon sum rang gsal rig pa la// rjes 'jog mtshan cir mi dgongs// gnyis med gsal bar rtogs pa la// mi bsam mi spyad gnas na grol// ji ltar gnas par gzhag pas bde// rang gzhag rig pa chen po la//

  19. 23a

    yengs pa med pas yang sangs rgyas// ye shes gsal bar gnas pa yi// che mchog bla na med pa yis// nges rtogs lung gi de ma thag/ rang byung byin rlabs ngo mtshar che// gsal ba'i me long thabs kyi tshul// 'du shes bral bas rab tu bde// ye shes bdun 'byung ba'i rgyud las/ ye shes gsang ba'i le'u ste lnga pa'o// kye sems dpa' chen po/ rang byung rig pa mchog nyon cig/ rdo rje gsang ba rang 'byung ba// rgyu med rkyen bral chos kyi sku// rig pa'i 'khor lo bsam mi khyab// gsang ba'i 'khor lo rtogs par dka'// ye shes 'khor lo gsang ba'i ngang // ting 'dzin gsal ba'i mar me la// bsam pa'i 'dzin pa kun dang bral// kun la gnas kyang bsam dang bral// mkha' gsal snyam pa rig pa'i dkyil// snang 'byung rig pa 'bum phrag yas// gsal la dmigs pa med pas na/ bsam med dran med mi g.yo ba// rnam par mi rtog mchog gi lam// spyod lam rnam bzhir mi gnas pas// mi ldog ye shes ngo bor gsal// snang ba rnam rtog cir mi lta// dran 'byung rtog pa'i rjes mi 'brang // ma bskul ma rlogs chu bzhin du// ma bsam gzhag pas sgrib pa byang // mi rtog mkha' ltar gsal ba la// ye

  20. 23b

    shes nyi ma phyogs bcur brdal// ji bzhin rang bzhin rnam par dag/ rgya mtsho g.yo med ji bzhin du// rnam rtog mi g.yo cir mi dgongs// rang byung gsang ba nam mkha' che/ ma lus gsang ba nyid la 'dus// gsang ba kun 'dus rig pa'i gter// mkha' khyab rig pa'i sems nyid ni// khyab par gsal la 'dzin pa med// rang byung rig pa rang shar bas// khyab par gsal la dngos po med// rang rig gsal ba'i ye shes kyis// ma bsgribs gsal ba nyid du mkhyen// rtog med 'od gas la sems kyi dbyings// gsang ba rang byung rig pa'i glong // rdzogs chen thig le ji bzhin la// mnyam par dgongs med rig par gzhag/ byung tshor g.yo 'gog ji snyed pa// gsal med rig pa nyid kyis gsal// rdzogs chen ma bcos dgongs pa'i lam// gang ltar bcos pa log pa'i lam// ma bcos rig pa mnyam sbyar nas// sgro bral rig pa'i 'khor lo las// thugs rje rig pa'i byin rlabs ni// ma btsal nyi ma'i 'od ltar 'byung // gsal la mtha' dbus med pa la// rig pa mnyam pa'i sems kyis blta/ gtad 'dzin med pa'i rig pa yis// rang byung lhug par gzhag par bya// rang byung rig pa cir mi dgongs// rang gsal 'khor lo rgyun mi 'chad// ye shes

  21. 24a

    bdun 'byung ba'i rgyud las/ ye shes 'khor lo'i le'u ste drug pa'o// // kye sems dpa' chen po/ rang gzhag rig pa'i dgongs pa yis// ji bzhin sngon du gsal byas nas// rin chen 'bar ba'i 'od gsal bas// sems kyi dkyil 'khor 'bar bar byed// 'dzin bral rig pa'i chos dbyings las// bsam med 'gyur med mkha' ltar gnas// bsam gyis mi khyab chos kyi dbyings// gang dag byis pa'i 'du shes kyis// rang byung rig pa'i ye shes la// bsam bral rig pa'i mtshan nyid de// bstan pa nyid kyis go bar mdzad// dngos grub rin chen 'di ltar 'byung // zad med nam mkha'i dkyil 'khor la// nyi zla gza' skar bkram pa ltar// ma 'dres rig pa dbyings la gsal// de nyid mi gnas rang bzhin ni// kun 'byung rig pa phyogs med shwar/ 'phel 'grib rtog pa mi gnas pas// nyi ma'i 'od ltar lhun grub pa// kun la ji ltar 'dod par 'char// mkha' ltar gsal la khyab pa che// mi rtag dbyings kyi / ngang la gnas// 'od dang 'od can ji bzhin du// ma bco la lhun gyis grub pa'o// ma yengs ye gzhag dgongs pa'o// ga sa la med rig pa'i gdeng gis zhi//

  22. 24b

    ma sbyangs ma yin gdod nas dag/ ma grol bla ma'i sa mchog la// dus gcig dman pas bgrod du med// phyag rgya mi 'ching sngags mi zlos// tshogs dang mchod pa mi byed de/ kha ton 'dri dang mchod pa yang // ma byas dngos grub mchog tu 'gyur// ji srid rtsol ba'i rnam grangs dag/ de srid log pa'i grong khyer te// ma btsal ma sbyangs gdod nas dag/ snying po rig pa'i phyag rgya can// gsang ba 'od gsal glong la 'jug/ brjod bral sgra yi dkyil 'khor la// nyan bral rig pa'i tshul gyis gsal/ gsal ba nyid na mi dmigs pas// rtog bral nam mkha'i dbyings kyi yum// 'di zhes bsam zhing dmigs pa med// ji ltar gnas pa de bzhin gnas/ rang gzhag rig pa yangs mang glong // phyogs med ye shes khyab par gsal// gnyis med nam mkha'i dbyings ltar gnas// ye shes bdun 'byung ba'i rgyud las ye shes grub pa'i le'u ste bdun pa'o// // kye sems dpa' chen po/ de nas gsang ba'i bdag po 'khor bsam gyis ma khyab pa dang bcas pas/ rdo rje sems dpa' la 'di skad ces gsol to// kye bcom ldan 'das// rang gsal lhun gyis grub pas btsal ba kun dang bral// bas

  23. 25a

    med spyad 'dzin bral bas dgongs pa dag pa mchog/ ci yang mi bya mi bsam bsam pa rtog pa'i rgyun// dgongs pa rang byung lhun grub khyod phyag 'tshal// blta med spyad med mthong med ye nas de bzhin nyid// lta ba'i rgyal po gnyis med khyod la 'dud// thos pa mi rigs brda tshig kun dang bral// ma byas ma bsgrubs ma btsal lhun gyis grub pa'i ngang // rang gsal ma bcos rig pa gang yang min// thig le 'phro 'du ma yin bdag nyid lhun gyis grub// phyogs bral lhun grub 'od gsal rig pa rang byung dbyings// rtsol 'joms mi gnas gsal ba'i mar me 'dra// bstan pa'i rgyal po yang gsang rig pa'i gter la 'du do// de nas gsang ba'i yang gter 'di// rin chen gsal ba'i glegs bam 'di// ston pa rdo rje sems dpa' yis// gsal ba'i rig pa'i rgyas btab nas// mkha' dbyings sbas pa lha dbang gi/ spyis blangs yang dag dbang thob nas// sprul pa nyid la rab tu bshad// de nas rdo rje gdan stengs su// yang sprul thugs kyi sras rnams la// rgyal thabs spyi blugs dbang bskur nas// ma bgrod rtog pa'i 'jim las bsgral// rnam grol sa la bde bar gshegs// de bzhin 'od gsal rnal 'byor ma// shes

  24. 25b

    rab dag pas mnyam sbyar nas// rdzogs chen lhan grub sa la sbyor// gang zhig dad pas 'dzin klog pa// bsod nams brjod par mi nus te// skal ba ngan pa'i yul med pas// srog dang bral ba'i kha bzhin bya// rgyal tsha bo nges pa gcig la gtad // sbas pa thugs kyi nyi ma 'di// yang gsang rig pa'i gtar du gzhag gnas dang sgrom du nges par sba// ye shes bdun 'byung ba'i rgyud las/ rjes su yi rang ba'i le'u ste brgyad pa'o// // ye shes bdun 'byung ba'i rgyud sems kyi me long chen po rdzogs so// / rgya gar skad du/ mU la pu tra s+ya ra kha s+ya ma hA tan+t+ra/ bod skad du/ kun tu bzang po nam mkha' che rtsa ba bsdus pa'i rgyud/ bcom ldan 'das dpal kun tu bzang po la phyag 'tshal lo// 'di skad bshad pa'i dus gcig na/ bcom ldan 'das kun tu bzang pos dmigs su med pa'i ting nge 'dzin la snyoms par zhugs nas/ kun tu bzang pos rtsa ba bsdus pa'i sangs rgyas ma lus pa mi lus pa lus pa med pa'i sku gogasung thugs rdo rje'i bdag nyid/ snying po las kyang snying po'i mchog tu gyur pa 'di dag bka' stsal to// don rtogs ldan pa'i skyes bu dag/ kun tu bzang po nam mkha' ma