rin po che 'khor lo rtsegs pa'i rgyud
Text
ff. 294b–312b · 37 folio sides
- 294b
yang snying rin po che gter gyi sgron ma gsang ba yang gsang gi rgyud snod med rnams la gsang ngo // / rgya gar skad du/ rAt+na tsarba sa ri tsa ra tan+ta nA ma/ bod skad du/ rin pa che 'khor rtsegs pa'i rgyud ces bya ba/ bcom ldan 'das bde chen brdalnga pa'i pho blang na/ rig pa zang thal gyi gzhal yas khang na zhugs pa'i sku bde ba chen pos nyid kyis nyid la gzigs nas/ snang ba zag pa dang bral ba zhes bya ba'i ting nge 'dzin la snyoms par zhugs te/ zhugs ma thag tu rang snang dag pa'i bde bar gshegs pa rnams dang / stong gsum mi mjed kyi 'jig rten gyi khams mtha' yas mu med pa ma lus bapa dang / bdag nyid rang snang gi 'khor thams cad dbyer med de/ bdag nyid kyi mtshan ma las byung zhing / de dag thams cad rang nyid yin pa dang / rang gi cho 'phrul las byung ba'i 'khor rol pa'i mtshan nyid yin pa'i don thugs su chud pa'i tshul de yang / rang gi chos nyid du shes par bya ba'i phyir rang gi ngo bo la gzigs te/ gsang ba ye shes kyi mthongs bsal te ma rig pa'i dbyings byung nas/ rig pa'i ye shes kyi bde ba chen po'i don gsal bar phyung ste/ 'khor ba dang mya ngan las 'das pa'i don ji
- 295a
ltar yin pa dang / snod bcud 'dzin pa'i don ji ltar yin pa mtshan nyid tha dad kyang rang gi rgyan du snang bar byas nas/ rang gi ngo bo dang / rang gi rang bzhin dang / rang gi mtshan nyid dang / rang gi spyod yul 'jig rten gyi khams mtha' ya sa mu med pa thams cad/ rang gi mtshan nyid dbyer mi phyed pa'i lhun gyis grub pa'i chos nyid yin pa dang / de nyid kyi shar lugs la bde bar gshegs pa'i sku dang / ye shes kyi snang ba rnam par dag pa rang byung ba dang / de nyid ji ltar yang / 'phrul zhing sku gsung thugs ye shes lnga'i rang bzhin cir yang ston cing chos nyid don las g.yos pa med par gyur pa dang / ma nges pa 'ja' tshen ltar cir yang gsal rdo'i dus nyid na yang / byang chub kyi sems rig pa dbyer med rang gi ngo bor 'dus te gzhan du ma mthong ba'o// de nas nyid kyi rang bzhin la/ ngo bo nyid kyis 'di skad ces gsol to// lhun gyis grub pa'i gzhi don ni// rang snang bzhir shes ye sangs rgyas// mtshan nyid so sor ston mdzad pas// nyid kyi thugs te ye sangs rgyas// gang gis sangs rgyas mi rige pa// rang gi sems nyid rang gis bsgribs// sgrib g.yogs mthong na sgrib pa dag/ bdag gis sngon chad sgrib g.yogs mthong //
- 295b
mthong med mthong bas mtha' dang bral// rig pa 'gyur med byang chub sems// yang dag nyid du nga yis mthong // de ma thag tu mdo don rtogs// rtogs pas rin chen nyid la 'dud// thugs kyi gter mdzod gter du brubs// rnal 'byor chen po gang dag gis// rtogs pas nus pa 'byung gyur na// thugs kyi nyi zer sgro zhing bsdu// kun gyi rang rig rtogs 'gyur na// kun kyang gcig ste lhun grub nyid// tha dad nyid na'ang gzhan ma grub// ma grub don de rtogs par dka'// kun gyi spyod yul ma yin te// kun bzang dgongs pa gting mtha' med// rig pa'i rdo rje bshig par dka'// thams cad mkhyen pa'i ye shes ni// dmigs ga tad med cing mnyam pa'i ngang // de las g.yos par ma gyur na// kun bzang dgongs pa de kho na// bde ba chen po zag pa med// ma spangs rang grol don gyi gter// gang yang spang du med na bde// sprang blang med pa'i don rtog na// rig pa 'gyur med rgyas btab nas// rgya las mi 'da' g.yos med na// mtshan nyid tha dad don du gcig/ byang chub sems kyi mtshan nyid ni// sems can kun gyi sems nyid de// ye nas 'dzin pa'i dri ma dag/ bde chen glong du ye nas grol// zag pa med cing rang bzhin s+ho//
- 296a
bde chen spros bral zag med la// dag pa'i sems med ma dag kyang // 'di 'dra med cing rtogs pa med// zhing khams dag kyang yod ma yin// med tsam nyid na sna tshogs 'byung // mtshan nyid mi 'gyur g.yo ba med// gnyis dang mi 'gyur g.yo ba med// gnyis dang mi gnyis tha snyad bral// mi gany+dzi/ pa nyid dmigs med can// lhun grub ma 'gags kun tu gas la// e ma ho/ bde ba chen po rang bzhin ni yang dag par ni kun tu bzang po'i sku gsung thugs g.yo ba med pa dang / sems can gyi lus ngag yid gsum khyad rdul tsam yang med cing 'dra ste/ rang snang gi mtshan nyid tha dad ltar 'dug pa'o// 'dug tsam nyid na yang rang gi tshe 'phrul du 'byung ba 'i/ rig pa'i cho 'phrul chen po rang shar bas mtha' dang mtha' las mi gnas pa zhes bya'o// mtha' thams cad rang du 'dus pa zhes bya'o// hr-i du'o phro sa mus su shar pa zhes bya'o// mtha' yas gcig tu snang ba zhes bya'o// gcig kun/ ta shar ba zhes bya'o// gzhi 'dzin pa'i rig pa zhes bya'o// bkag pas mi khegs pa'i ye shes la bslad pas mi srod pa'i chos sku zhes bya'o// thams cad mkhyen pa'i sgra la sku la mnyam
- 296b
pa chen po'i 'bras bu zhes bya'o// dngos mtshan med pa'i chos nyid la dmigs gtad gang la yang bcar med pa zhes bya'o// rten med cing lus dang bral ba'i chos nyid ni rang bzhin ma bcos pa'i 'du 'phro ste/ rang gi rig pa las byung ba'i cho 'phrul mi 'gags pa dang / rig pa bden rdzun du shar ba'i snang ba dag ma dag pa dang / thams cad bden rdzun med par rig pa byang chub sems kun tu bzang po nyag gcig gi chos nyid do// zhes nyid la nyid kyis gsungs pa'o// rin po che 'khor lo rdzogs pa'i rgyud las/ gleng gzhi grub tshul dang bcas pa'i le'u ste dang ba'o// / de nas yang nyid kyi ting 'dzin bde ba chen po'i don la ngo bos zhugs pa/ e ma he/ gang 'dod pa dang bcas bu la ni mtha' rang gis bsgribs shing ma grub pa'i don ji ltar yin zhe na/ rtog mtha' med pa'i chos nyid la// g.yo ba med par gang 'jug pa// ma skyes pa yi chos nyid yin// dngos po sgyu ma ltar shes na// dngos med don nyid rang sar grol// kun tu bzang po'i dgongs pa ni// mtshan ma gang la'ang bri thob med// sems kyi rang bzhin nam mkha' 'dra// thams cad 'byung bzhi rin po che/
- 297a
/ dngos su mi snang phyogs dang bral// phyogs bral don la phyogs su 'byung // ma skyes pa yi chos nyid la// phyogs kyi tha snyad gang la 'dogs// rten dang bral phyir gdags gzhi med// nam mkha'i snang ba gting phyin na// sems kyi ro thag stod phur grol// 'byung ba'i rlung chen mkha' la dngas// 'od gas la chen po zung du zhugs// rgya che 'od gsal yang na bde// dngos po mtshan nyid rnam par dag/ sgyu ma'i gzugs brnyan rmi lam nyid// rtog pa med la phun tshogs tsam// de nyid mi rtog dgongs pa ste// rang gsal shes pa'i chos skra ste// rang gsal yin phyir rtsol med bral// snang ba kha yod/ kho ga stong la// rnam shes bun ne long nge gzhag/ gang la'ang gzhag pa med na bde// bde bar shes na mi bde med// shes shing rtsol na 'ang sdug bsngal yin// zhes gsungs so// rin po che 'khor lo rtsegs pa'i rgyud las/ nyid kyi dgongs pa rnam par dag pa'i le'u ste gnyis pa'o// / de nas nyid kyi rang bzhin gyis nyid kyi ngo bo la rang bzhin che ba'i yon tan bstan pa'i phyir/ e ma ho/ ngo bo nyid bde ba chen po 'byung ba nam mkha'i snang ba la//
- 297b
ye shes kyi 'od chen po kun tu shar zhing rtsi shing nags tshul du 'khrungs pa dang / skye 'gro gzugs su snang ba thams cad rang bzhin kun tu bzang po rig pa'i rtsal du rang shar ba yin te/ 'du sa kyang rang gi ri ge pa kho na'i tshul du 'dus pa'o// snang ba rgya yan la ye shes kyi ma long rang gas la ba yang / sams nyid rin po che'i sgron ma rang gsal bas/ snang ba'i ngo bo nyid du rdzogs shing ye shes kyi snang ba lhag ger 'dug pa'o// sems nyid rin po che lta ba'i don rtog na/ me long gsal ba la byi dor byas te g.ya' dag pa'i rang bzhin du snang ba ltar/ rang bzhin gyis rnam par dag pa la snang ba kun mkhyen du rang shar bas/ thams cad mkhyen pa' ya shes kho na'o// 'khor 'das thams cad kyi rang bzhin ni chos nyi da kun tu bzang por khrog parlag ci nge da pa nges pa skor ba sa 'khor 'das kyi stong pa mi 'gyur ba'i dbyibs zhes bya'o// stong tsam nyid na yang sangs rgyas kyi zhing dang sems can gyi lus ngag yid gsum sku gsung thugs dang bcas par de nas 'byung bas/ mi zad pa'i mdzod chen po zhes de la bya'o// chos nyid thal byung gi dkyil 'khor du mngon du byung ba'i rig pa ma btsal bar rang shar te/ thams
- 298a
cad mkhyen pa'i sprul par rol cing mdzad pa thams cad mi 'gog cing / sku gsung thugs kyi rol pa ji tsam du shar ba nyid lus ngag yid gsum gyi spyod pa las ma g.yos pa'o// sangs rgyas sems can gnyis su brjod kyang bdag nyid chos sku nyag gcig la dbyer med do// de nyid kun tu shes pa chos sku rang gsal lo// mi gsal ba zhig byung na yang mi gsal bar rtog pa'i nyid kyi rang gsal ba'o// ngo bo nyid bde ba chen po rang gsal nyid du kun gsal pas/ ma gsal ngo bo gang yang med// 'od zer nyi chen 'bar ba ltar// rig pa'i 'od zer kun tu khyab// de nyid byang chub sems chen po// de nyid don ldan rnal 'byor pas// ngo bo nyid la'ang mi gnas te// thams cad thams cad dbyer med sems// sems kyi mtha' la sems mi gnas// zhes gsungs so// rin po che 'khor lo rtsegs pa'i rgyud las/ rang bzhin gyi le'u ste gsum pa'o// / nyid kyi rang bzhin gyi khyad par chen po gsungs pa/ e ma ho/ ngo bo bde ba chen po'o// snang ba dang mi snang ba'i chos thams cad rang gsal nyid du mngon phyung bas/ 'khrul rtog gi gting phyin te kun brtags kyi 'khrul pa ye
- 298b
nas mad do// de phyir ma nor ba'i tshod nyid ni rang gsal rang gang la 'ang ma ltos pa nyid yin no// de nyid thams cad du rang 'khrul pas sprul pa'i sku zhes kyang bya la// rang la rang snang ba dag par longs spyod pas longs spyod rdzogs pa'i sku zhes kyang bya'o// de yis dus nyid na snang gzhi gang du 'ang 'gog pa med pa sa mi g.yo ba chos kyi sku zhes kyang bya'o// 'gyur med kyi shes pa la snying po med pa ni rtog mtha' dang bral ba ste/ rang byung gi ye shes so// rnam par shes pa rlung la rgyu ba'i dus na rlung la 'pho ba med pa ni rgyun mi 'chad pa'i bsam ga tan no// 'byung ba med pa'i sngon rol du rang 'byung gi ma dngas shar ba ni gsang ba 'gag med kyi nam mkha' kho na rig pa mi 'gag par snang ngo // chags sdang gang la yang ma chags pa'i dus nyid na dug lnga yang shes kyi lam du byung ba ni de lha nyid du chags snga du rgyud la rang chas su snang ba'o// 'khor 'das gang du yang mi snang ba'i dus nyid na yang chos nyid gzhi ru grub pas chos sku rang chas su gsal ba'o// gsal ba'i ngang la brtan nus na 'khor ba gting nas zlog pa'o// de nyid bya ba dang bcas shing rlung 'ba' zhig gis bskyod pa ni 'khor bar 'gro ba'i 'dres ma hA zhes bya/ rlung 'byung ldog
- 299a
gis 'khor ba'i lam 'dren cing ye shes kyi me gsod pa'o// de'i phyir ba tang snyoms mi sgrim/ byung tshor glod la gzhag go// zhes gsungs so// rin po che 'khor lo rtsegs pa'i rgyud la sa/ rang bzhin gyi khyad par gyi le'u ste bzhi pa'o// // de nas yang nyid kyi rang bzhin gyi ngo bo bde ba chen po la bka' stsal pa/ gzhi 'dzin cing rtsa la shar ba'i byang chub sems ni 'khor 'das gang du'ang rgya ma chad la/ gang gis kyang gtan la phebs par dka' ste/ ci'i phyir zhe na/ dngos por ma grub cing sna tshogs 'byung bas/ rgyu rkyen dang bral te snying po med pa'o// de yang rang gis ni ma rig pa'i sngon rol du rig pa'i ye shes su mkhyen zin te/ don la rig ma rig gi gnas skabs tsam gyis kyang ma gcad de rig pa thod rgal du sangs rgyas zin no// dug rnam pa lngar snang yang ma 'khrul pa'i yang du ye shes kyi rang bzhin du gsal bas/ dug lnga ma spangs par rang dag zin pa'o// da ltar 'khrul pa ltar snang ba yang ngo shes shing rtog pa sa grol ba yang sngar gyi rang sa'o// snang ba dang mi snang ba'i chos thams cad kyang rig pa'i klungs chen por phebs na mnyam pa nyid do// rang rig pa'i rlung lam chen
- 299b
po las ma byung ba'i chos ni gang ya nga med la/ sems kyi snang tshul pa sa ma gyis mi khyab pa ya nga rig pa nyid rang gi rtsal las 'a byung zhing gzhan me na/ bde bar gshegs pa'i rigs thams cad dang / rigs lngar gyur pa'i sangs rgyas yab yum sras dang bcas pa'i 'khor phun sum tshogs pa yang / rang gi rig pa'i rtsa la de yang de ru byung ba las gzhan med pa'o// rgyu rkyen nus pa'i mthu snang ba nyid kyang byang chub sems kyi cho 'phrul yin te/ snang ba thams cad rang gi rig pa byang chub kyi sems nyid/ yul sems dbyer med par thams cad mnyam pa nyid kyi rang bzhin du gyur pa/ rig pa rang gi ngo bo brjod pa dang bral ba'i mthus/ gas/ pa gsum gyid kyi la 'khor du gyur pa tham sa ca mi 'ag ga par ra du byung ba yang shes kyi snang ba dang / ul gyi snang gzhi dang / mngon pa rnga shes pa'i rdzu 'phral gyis/ nam mkha' ri brag g.yangs gang la yang thogs pa med par 'gro ba dang / sprul pa sna tshogs ji ltar 'tsham pa bzhin sprul nus pa dang / gsung dbyangs yan lag drug bcu'i sgo nas bstan pa rgya mtsho sgrog pa dang / khams mang zhing rgya che ba'i stong gsum thams cad kyang phyogs ris med pa'i ye shes rang shar ba'o// snang zhing
- 300a
srid pas bsdus pa'i chos thams cad rig pa rang byung ye shes kyi mthu las gyur pa'o// rig pa 'gyur med kyi shes pa rlung gis spyod cing rang snang ba ni gang du'ang rang 'char te/ ji srid 'khor ba'i chos dang mya ngan las 'dras pa'i zhing du yang 'char du rung ba ni rtsal nyid do// rig pa nyid chos thams cad la dbye gas la mi byed pa ni yongs su rdzogs pa'i chos nyid do// rang bzhin gcig las ma g.yos pa rang stong cir yang 'gyur ba ni sangs rgyas nyid kyi sprul pa'o// rig pa nyid cir yang 'char la mi 'gag pa la skye ba med pa'i rgyas thebs pa ni mi skye ba'i sgo skye ba la ma 'gag pa'o// sna tshogs su snang ba yang rig pa'i cho 'phrul la// byang chub sems las ni gzhan du skyed pa med do// snang ba thams cad ye nas sangs rgyas pa yang rig pa rang gi stobs dbyibs su shar ba'o// lhun gyis grub pa'i chos nyid la ni snang rtags gang du'ang ma phye bar gsal la dbyer mi phyed pa'o// chos nyid bde ba chen po bsam rtog dang bral ba cir yang snang ba ni/ rig pa byang chub kyi sems zung du med pa'i chos nyid do// de nyid bde ba chen po'i don du nyams su myong zhing gsang ba bla na med par grub pa ni ye sangs rgyas pa zhes bya'o// rin po che 'khor lo rtsegs pa'i rgyud las//
- 300b
khyad par chen po'i le'u ste lnga pa'o// // de nas yang nyid kyi rang bzhin gyis don gsal bar gsungs pa/ e ma ho/ ngo bo bde ba chen po rdzogs pa chen po'i rnal 'byor pas ni rtsol pa thams cad ma spangs par rang sar dag cing don thams cad rang la 'dus par shes pa'o// gzhan gang du'ang sems bskyed cing 'jug par byed pas ni nyid de de las gzhan du ring par shes par bya'o// rgyud kyi dam pa ni sems kyi dngos gzhi rig pa rang la rten nas don thams cad sdud pa'o// dngos grub thams cad kyang rig pa rang gi rlabs las 'byung ba'o// sangs rgyas thams cad skyed cing gegs dang rtog pa thams cad kyis rang 'joms pa'o// mchog dang mchog ma len pa'i legs pa thams cad nor bu rin po che rig pa la 'phel ba'o// yon tan ma lus pa'i mchog gsang ba mchog gi rang bzhin no// 'jig rten pa dang 'jig rten las 'das pa'i bdag nyid ni chos thams cad mi phyed pa'i rang bzhin no// rig pa byang chub sems kyi ni sngon gyi rgyal ba kun gyi spyi mas chen po yang yin la/ da ltar nyid kyi sku gsung thugs kyi bdag nyid kyang yin te/ mi zad pa'i 'khor lo thams cad rang las bskor ba'o// de nyid kyang rang snang la gzhan mi
- 301a
snang ba ni snang ba rgya yan chen po zhes bya ste/ yang dag par rdzogs pa'i sangs rgyas rnams kyi thugs rig pa'i ga'u na sa 'od gas la chags pa med par rang snang zhing chags pa med par 'dus pa'o// dran pa dang rig pa cir gas la ba thams cad ma bkod bzhin du rig pa rgyu yin pa'o// rig pa lhun gyis grub pa'i chos nyid la ni gang du bsam zhing rtag pa las 'das pa'o// de nyid kyi spyod yul ni// de nyid mu med nas gsang ba chen po man chud du shar ba'o// gsangangu ba chen po'i sgra skad ji spyad par grags pa yang gsang ba chen po'i lam yin/ gang du'ang rang las gzhan du thos su med pa nyid do// rang gi rig pa nyid gsang ba chos kyi skur ro/ snyoms pa ni kun gyis mi rtag pa'o// sems nyid yul la khyab cing chos skur rang gsal ba nam mkha' dang nyi ma lta bu'o// lhun gyis grub pa'i chos nyid la rang byung ye shes kyi sku lnga rdzogs pa ni rig pa nyid kyi snang bzhi mi 'gog pa'o// snang srid 'byung ba lngar shar ba yang rang 'byung ye shes chen po'i yon tan no// 'byung ba thams cad kyi snying po 'am bcung du gyur pa ni sems nyid dag pa chen po'i dgongs pa nyid do// snying po de nyid shin tu btsal dka' ba'i don nyid yin te/ gzhan nas mi rnyed pa'o// gang
- 301b
zhig dang du blang zhes kyang 'byung sku rang nyid yin pa'o// skye gnas rnam pa bzhi'i yul dang / rgyud lnga 'khor ba'i sems can thams cad kyang 'dzin pa rang gi log pa las snang ba'o// 'dzin pa'i dri ma nyid kyis dkar dag pa'o// 'jig rten gyi khams na yang dag par rdzogs pa'i sangs rgyas 'das pa dang / ma byon pa dang / da ltar du byung ba 'am bzhugs pa thams cad rig pa'i rtsa la las ma byung ba'i chos skad cig tsam kyang med la/ rig pa gcig pur 'dus la nyi ma'i zer bzhin no// de nyid kyang // chos kyi sku bde ba chen po dang las 'da' bar mi byed do// thubs kyi cho 'phrul cir yang ston pa ston pa nyid na yang gcig la kun 'dus pa'o// dgongs pa rang bzhin gyi grong nas mi bskyod pa'i rlabs rang gsal ba'i ting 'dzin no// rin po che 'khor lo rtsegs pa'i rgyud las/ don gsal bar bstan pa'i le'u ste drug pa'o// / / de nas yang nyid kyi rang bzhin gyis gsang ba skyon dang bral ba'i don du gsungs pa/ oM ma ho/ ngo bo bde ba chen po'i dug lnga la spyod pa'i gang zag la ni bcas bcos gang yang byar med do// 'dam gyi mun khung na pad+ma'i me tog rang 'bar ba la ni bzo yis bcos su med pa'o// gsal byed kyi nyi ma la 'ja' tshon gyi 'od bkra
- 302a
pa la ni sus kyang gsal du med pa'o// dug lnga'i snying po la ye shes kyi me gsal ba la ni rang nyid kyis kyang gsang du med pa'o// lhun gyis grub pa'i chos nyid mi 'dod pa'i 'dod chags chen por sha ra nas rtog pa'i mtshan ma la snang ba'o// mtshan rtog dbyer med par chos nyid kyi chung na nyal ba ni mi 'byed pa'i gti mug chen po ste/ de las gzhan gyi spros pa gcod pa ni gzhan med pa'i nga rgyal te/ rang las gzhan du rtogs pa'i blun po'i lta ba la phrag dog pa ni gang gis kyang spang du med do// dug lnga lam du khyer ba ni 'bras bu tshig chod kyi sa pa ste/ ye shes chen po'i rang bzhin du khyab bajal ba'o// ye shes chen po'i grong ni thams cad kyi 'byung gnas sam 'byung gzhi ste/ rgyu rkyen 'bras bu gang yang mi 'gag pa'o// thar pa'i lam ni thams ca nas thams cad du 'byung zhing ma 'gag pa tsam la bya'o// e ma ho// ba de ba chen po sa ngas rgyas dang byang chub sems dpa' thams cad kyi 'byu ba gzhi ni rig pa mi 'gag pa ste/ der byang chub kyi sems skyes so// ji srid 'khor ba ni chos su snang ba yang de nyid do// phung po dang skye mched rnam par dag pa'i byang chub sems dpa' dang / mkha' dang mkha' dag pa'i rgyal ba thams cad kyang rig
- 302b
pa rang gis mthong rtags rnam par dag par shar bya'o// sa dang lam tha dad par bgrang ba ni blo chung ba'i gang zag skye/ nam mkha' la brten 'chol ba dang 'dra'o// rkyen 'gyur las kyi dbang gi so sor snang ba ni nam mkha'i zla ba dang 'dra'o// yan lag kyang med par sna tshogs su 'gro ba ni rlung yid kyi shugs can no// rtog pa'i blo dang ldan pa ni sangs rgyas kyi dgongs pa'o// 'dod pa'i longs spyod thams cad kyang rang gi rgyan du shar nas rang la rang rol pa'o// chags pa dang bral ba'i bde ba'i ye shes mi dmigs pa'i yul la gnas pa ni shes rab dam pa'o// sems rtog par dka' zhing cha 'phru la zag pa med pa ni bde ba chen po zhes bya'o// rang gi sems dri ma dang bral zhing dkar dag pa'i ye shes ni kun mkhyen gyi sangs rgyas dang sems can gyi thugs la dbyer med pa'o// 'di las ma byung ba'i sangs rgyas dang sems can gang yang med pa'o// e ma ho/ ngo bo bde ba chen po yang dag par rdzogs pa'i sangs rgyas ni 'di bzhin shes par bya ste/ snang la mi dmigs pa'i lus kun tu sprul pa de sku rang snang la bzhugs shing // gsung smra brjod med pa'i zer la rol cing / thugs mi mnga' ba'i bde ba'i dbyings na bzhugs pa ni rgya
- 303a
khyon med pa nam mkha' dang 'dra ba'i sku gsung thugs so// de ji lta bar rang gi shes pa la med nam mkha' dang mnyam par rang gzhag na de kho nar nyams su myong ba yin no// ris su ma phye bar gzhag na yang de kho na'o// don dang ldan pa'i rnal 'byor la ni gang gis kyang mi 'gog pa'o// rang snang gi gdangs nam mkha' lang kor ba ni g.yo ba yid kyi rang bzhin no// 'byung ba lnga po so sor ma 'dres pa ni dngas ma chen po'i rang bzhin te/ ye shes lnga'i rang bzhin no// yang dag par rdzogs pa'i sangs rgyas kyi mi gnas pa'i sku'i 'od kyis kun la khyab pa ni nam mkha' dngos su gsal ba 'di nyid kho na'o// rang gi sems nyid ji ltar snang ba ni nAm mkha' kho na bzhin no// nam mkha'i cho 'phrul la sogs pa ji ltar shar ba yang de nyid mi 'gag pa'i cho 'phrul dang dbyer mi phyed pa'o// bar snang yengs pa'i rang bzhin yang sems nyid gang du yang go 'byed pa'o// gsung smra brjod dang bral ba'i rang bzhin las mtshon pa mi 'gag pa ni ye shes kyi rol pa'o// bar snang la 'ja' tshon gyi ri mo so sor gsal ba yang sku dang ye shes mi 'gag pa'i rnam 'phrul shar ba'o// bde bar gshegs pa'i sku gsung thugs kyi rang
- 303b
bzhin ni sems can gyi lus ngag yi de gsum nyid yin la/ de nyid nam mkha' dang go mnyam par 'dug pa'o// yang dag par rdzogs pa'i sangs rgyas kyi sku ni rang gi shes rig yul du 'byor pa las 'byung ba'o// 'byung ba dang 'byung ba las skyed pa'i sku gsung thugs rnam par dag pa thams cad dang / rgyud lnga 'khor ba'i sems can thams cad kyang shes rig yul du snang ba las byung la/ stong gsum mi mjed ma lus pa thams cad kyang sku gsung thugs kyi rang bzhin cir yang bstan cing / 'jig rten dang 'jig rten las 'das pa'i chos thams cad mnga' mdzad cing de nyid la nyid kyi longs spyod rtags su mdzad pa'o// mdzad tsam nyid yang pad+ma'i me tog bzhin no// rin po che 'khor lo rtsegs pa'i rgyud las gsang ba skyon dang bral ba'i le'u ste bdun pa'o// // de nas yang nyid kyis rang bzhin gyis nyid kyi ngo bo la rig pa ye shes kyi don bstan pa'o// e ma ho/ ngo bo bde ba chen po rang rig pa'i yang shes rang la shar ba la ni 'dzin pa'i rlung log pa zhes bya ste/ gzung 'dzin dag pa'i sku gsung thugs zhes kyang bya ste/ yang dag par rdzogs pa'i sangs rgyas kyi thugs mi rtog pa'i ye shes kyi shes pa
- 304a
rang gsul kyang de kho na'o// rnam par grol pa'i phung po la skye ba med pa'i chos yid kyi ye shes so// gzung 'dzin rnam par dag pa'i chos nyid do// de la rig pa rlung gi snying po can/ rlung kun tu 'pho ba'i yid can no// 'khor 'das kun gyi bdag nyid du yod pa dang / snod bcud kun gyi bdag nyid du gyur pa'o// de nyid snying por rang sa zin pa ni rig pa khong stong ste/ gang yang 'jug pa'i rgyu med de lhun gyi grub pa'i rig pa zhes bya'o// kun gzhi stong pas ye shes su gnas 'gyur ba zhes bya'o// snying po med pa chos sku rang gsal zhes bya'o// med pa'i ngang las sku dang ye shes sna tshogs cir yang 'byung bas kun tu khyab pa zhes bya ste// e ma ho/ bde ba chen po dus gsum gyi de bzhin gshegs pa thams cad dang / skye 'gro'i gzugs su snang ba thams cad ni shes pa chos sku rang gsal ba las ma byung ba gcig kyang med de/ de'i phyir rig pa'i ye shes su ma gyur pa gang yang med pa ni kun tu bzang po'i dgongs pa'i klungs chen po zhes bya'o// kun tu rnam par snang bar mdzad pas rnam par snang mdzad ces bya'o// rnam par snang mdzad kyi ye shes chen po ni cir yang sprul zhing gang du'ang 'gyur bas rig pa'o// ye shes lnga las gyur pa'i
- 304b
chos nyid la sgyu 'gag pa med par rol pa la rang bzhin 'gyur ba med pa ni rtogs pa chen por bzhugs pa'i chos nyid do// dbyings mi 'gyur pa la thugs rje'i rol pa ni cir yang snang ba'o// snang tsam na yang de yis rang bzhin la nges pa med pa'o// rol pa chos nyid la mnga' mdzad pa ni cir snang sku'i cho 'phrul du ston la// ma nges pa'i cho 'phrul cir yang ston no// rol pa'i cho 'phrul gyis sku cir yang snang ba la/ longs spyod cing rtag par bzhugs pas ni spyod yul thams cad rang du shar ba'o// 'jig rten srid pas bsdus pa'i chos thams cad de bzhin gshegs pa'i dgongs spyod rgya tsho ba'i zhing ngo // sems las ma byung ba'i chos ni rdul tsam yang med do// sku gsung thugs kyi snying po rig pa byang chub kyi sems so// sems cir yang snang ba'o// snang ba nyid na 'gog pa med pa'o// sems cir yang bstan pa'o// bstan pa tsam nyid na ther zug pa gang yang med do// sems zad mi shes par bstan pa'o// bstan tsam nyid na zad pa'i rgyu med pa'o// theg pa rim par bgrangs pa'o// de don bstan pa yang don dam rim pa bzhin du bstan pa'o// rig pa nam mkha' la zad mi shes par bstan par rol pa'i cho 'phrul ni rig pa rlung la rgyu
- 305a
ba'i cho 'phrul lo// don du gang yang byin pa med cing gang du'ang song ba med do// 'das pa'i yul dang lhung ba'i sa ni rig ma rig las ngo bo gcig las rkyen gnyis so// rkyen 'gyur las dang thugs rje'i dbang gis yul dang yul can la sogs kyi ris su phye yang / rig pa'i ye shes la las dang las las byung ba gang yang med do// rgyu rkyen las las ma byung ba'i shes pa chos sku rang gsal du gdod ma nas gnas pa'o// de la yengs pa'am brjed pa'i tshul gyis 'khor bar 'khyams pa yin la/ dran pa 'am/ rig pa 'am/ ngo shes pa'i tshul gyis ni mya ngan las 'das pa'o// de yang gsal byed kyi rlung dang sgrib byed kyi rlung rgyu pa phra mo las/ 'gyur byed kyi rlung dang shes byed kyi rlung rgyu ba sbom por byung ste/ de las zhi byed kyi rlung dang rtsub brnol gyi rlung cha rags par byung bas 'khor 'das kyi dmigs bye ste gnyen gyis rig ma rig kho na'o// rog pa'i ye shes ji lta ba thams cad mkhyen pa dang / ji snyed pa kun mkhyen pa ni mya ngan las 'dras pa'i ye shes so// lhan cig skyes pa dang kun tu brtags pa'i ma rig pa ni dug lnga 'khor ba'i rkyen gyis rgyu ba'o// rkyen gyis rkyen byas 'bras bu sdug bsngal byung ba ni shing rta'i 'phang lo
- 305b
'am zo rgyu'i khyud mo ltar 'khor ba'o// e ma ho/ bde ba chen po de nas 'khor 'das ni ngo bo gcig la rkyen gnyis kho na'o// rang bzhin gcig la snang ba gnyis kho na// mtshan nyid gcig la yul gnyis kho na'o// gcig tu shes na shes pa kho na'o// byung sa shes na phug thag chod pa'o// phug thag chod na 'gro sa med pa'o// 'gro sa med na g.yang sa bral ba'o// g.yang sa med na 'pho 'gyur med pa'o// de ltar shes na rtag chad bral ba'o// bral bar shes na ma bral ba med pa'o// ma bral nyid na bral ba med pa'o// bral dang ma bral kun tu khyad med pa'o// e ma ho/ bde ba chen po mi gnas pa'i chos nyid la gnyis su 'dzin pa'i sgros mi ga dag sa/ 'du 'bral med/ pa'i ye shes la mkhyen dang ma mkhyen tha snyad mi 'jug/ rang byung ye shes rig pa la// 'khor 'das gnyis su btags pas nor// rang sems ngo bo nyid kyi dbyings// gzung du med pa sa chu zla 'dra// snang la zhen rtogs med pra sa bde// sdug bsngal bde ba chen po la// rkyen gyi khyad par nyid du 'gyur// zhes gsungs so// rin po che 'khor lo rtsegs pa'i rgyud las/ rig pa ye shes kyi le'u ste brgyad pa'o// / de nas yang nyid kyi rang bzhin gyi nyid kyi ngo bo la gdams pa'i don bstan pa/
- 306a
e ma ho/ bde ba chen po chos thams cad rig pa'i rdul las ma byung ba ni gang yang med de/ nam mkha' la nyi ma shar ba dang 'dra ste/ 'dir gsal 'dir mi gas la med pa'o// de bzhin du lung dang man ngag lha dgongs rnam pa gnyis kyis thag gcad nas/ thams cad du byang chub sems bde brdal ba'i don du khyab brdal lo/ chos thams cad dbyings mi 'gyur pa'i glong na gab pa de/ gdams ngag dang dgongs pa rnam par dag pa/ rang lugs chen po'i don mngon du byung ba ni 'khor 'das sgyur ba'i rgyal po dmus long dmigs bu phye ba bzhin du/ sems can gyi shes pa nyid ma bslad ba'i chos nyid du rtogs pa 'char ba'o// rig pa gang la'ang ma chags par rang byung ye shes su thal phyung ba ni ngo bo gzhi la rig pa nyid cir yang mi gnas pa la/ lam rkyen gyi chos gang la yang chags pa med pa ste/ glang po che smyon pa btags na 'bros shing ga tang na 'dug pa ltar 'dra ste/ rang gi rig pa byang chub kyi sems bsdus na 'phro/ ya na par gtang na rang ldog ste/ rang byung rang shar mi 'gag pa'o// rig pa cir yang snang gang yang mi spong thug phrad pa ni/ rig pa ba ni rang sar grol ba la/ rgyan thams cad bskul mar shas na/ me 'bar ba la
- 306b
shing bsnan pa lta bu ste/ ngo shes pa'i mi dang zad pas the tsom mi za ba bzhin du/ dran pa dang rig pa ci rgyus pa thams cad ye shes zang thal chos nyid thug phrad de/ dgag bsgrub med pa'o// rig pa la ga tang gzhag med pa cog gis gzhag pa ni gzhi gang la yang ma zhe na rangadwa gsal bar snang ba la/ de la ched du byed pa'i rtsol ba ma zhugs te/ rgya mtsho dngas pa'i nang du snang srid gsal ba dang 'dra ste/ dran pa dang rig pa ma bkod bzhin du cir yang gsal ba la ming 'di zhes ga du yang gdags pa med pa'o// rig pa nam mkha'i bya la ma dang 'dra ba la ba tsal bas rjes med pa na/ btsal bar bya ba'i yul rang gis sems nyid la btsal bar bya ba'i sgo sems nyid gzhan la brten pa ltar byas na btsal bas rjes med pa ni/ khyi rkun gyis khang stong btsal bas bza' rgyu cang yang ma rnyed pa bzhin du/ rang gi sems la shes pa khwa nang du log nas btsal bas cir ma mthong la/ ming du gang yang ma thogs pa sgra ga dgas gzhi dang bral ba'o// rig pa dngos mtshan dang bral ba la/ gang du yang dmigs pa rjes med pa ste/ dmigs pa yul mtshan bcas dang mtshan med la dmigs par byed pa'i thabs shes pa gtad pas dran pa'i rjes med pa ni//
- 307a
gang yang rung ba la mig 'bru tshugs su ha re bltas pas thog mar mthong ba la tha mar mi gsal ba ste/ mig nad can gyi rgyang mig lta bu ste/ migs gtad da ma rgyu chu / gzu la 'dzin pa thabs shes pa brtod pas mi 'phro ba ni khyi sar lhong la btags pas 'gro mi shes pa ltar/ mtshan bcas dang mtshan ma med pa la sems gzung bas gang du'ang mi rgyu/ bste/ shes pa btsun du gzung bas thig le 'khyil ba'i don la ro snyoms pa'o// e ma hU~M/ ngo bo bde ba chen po'o// gdeng lnga don thog gcig tu 'dril ba ni rig pa rtsa gyis ni cir yang ci snang sems nyid rang snang bar gdeng gi sa zin pa dang / thug phrad kyis ni snang srid grag tshod thams cad chos nyid du rang shar bar gdeng gis zin pa dang gab pa mngon du phyung bas ni chos sku rang las shar bar gdeng gis zin pa dang / ye shes zang thal gyis ni shar yang ngos gzung med par gdeng gis zin pa dang / spun grub cog gzhag gos ni ngos gzung rang sar grol ba gdeng gis zin pa/ don kun tu bzang po'i dgongs pa chos sku rang gsal gyi 'bras bu rang grol ba'o//
- 307b
e ma ho/ ngo bo bde ba chen po tshol ba rjes med kyi gang du yang ma rnyed pa dngos po med pa'i gdeng ngo // dmigs pa rjes med kyis gang du'ang ma dran pas 'dzin pa dang bral ba'i gdeng ste/ rtod phur gyis gang yang rung ba la sems zin pa ni nyams myong yid ches pa'i gdeng yin te/ ga deng gsum dbyer med pa ni kun tu bzang po'i dgongs pa ste/ gdeng lnga don gyi thog las gang du'ang ma g.yos pa'o// dgos byed dmigs pa sbyor so dang // yid ches dang thag chod dang la bzla dang // shan dbye rang grol don la sbyor bas ni// 'khor lo gting gi gnad la brdeg pa'o// rin po che 'khor lo rtsegs pa'i rgyud las/ gdams pa'i le'u ste dgu pa'o// / / de nas yang nyid kyi rang bzhin gyis ngo bo la sems nyid ye shes su 'char ba'i don bstan pa/ snang zhing srid pa'i chos su shar ba kun thams can rang gi ye shes kyi 'byung 'jug la 'dus so// 'byung ba ni snang srid la/ 'jug pa ni thams cad sems kyi rang bzhin no// sems kyi stobs la sangs rgyas kyi zhing dum 'gyed nus pa'o// sku mi zad pa rgyan gyi 'khor lo dang / gsung mi zad pa rgyan gyi 'khor lo dang / thugs mi zad pa rgyan gyi 'khor lo'i mdzod chen po rig pa la
- 308a
zad mi shes pa'o// rig pa nor bu rtsegs pa'i khang bzang nas nges pa'i don dang don ma yin pa thams cad ma btsal bar 'byung ba'o// kun la khyab pa'i ris med par nam mkha' lta bu la dngos po thams cad sgyu ma'i gzugs brnyan bzhin gsal bar nges pa med pa'o// phyi dang nang med pa'i gzhal yas khang kun tu yangs shing rgya che ba ni ye shes rang snang gis yul snang ba dag pa'i zhing ngo // rdul snyed sangs rgyas kyi gzugs brnyan du 'byung ba yang rang snang dag pa'i ska'i dkyil 'khor ro// 'dod yon ris med du shar ba la ming spong ba ni gsang sngags thabs kyis zin pas nye lam du 'jug pa'o// ma dag pa'i sgo skyon dang bcas po'i dman pa la thams cad kyang rang rang gis lam la dgongs te dor bar mi bya'o// blang dor med pa nyid chos rnams kyi nang nas mchog dang phul du gyur pa'o// byang chu ba sems kyi rang bzhin ni yangs so// rgya che'o// nam mkha' bzhin du chad gzung du med do// dbyings brtags pas mi rtogs so// kha dog gsal par mi mthong ste/ don dpags gsang bas mi dpogs so// thams cad kyi dngos po zhi ba yin pas mtshon med kyis 'di kho nar brjod par mi nus te/ brjod pa
- 308b
thams cad rang la rang smra ba'o// smra brjod med pa nyid las mtshon tshul gyi sgo mi 'gags pas ni thams cad kyi dngos gzhi pa'o// sangs rgyas thams cad mthar thug pa'i ye shes kyang byang chub kyi sems gsang ba dam pa'o// thugs cir yang sprul pa'i cho 'phrul gyis ngo bo nyid la chos kyi 'khor lor ro// 'khrul par snang ba yang yengs par snang ba'i tshul gyis 'khor la/ 'khor ba nyid kyang chos nyid la 'khor zhing ye shes la gnas pa'o// yang dag par rdzogs pa'i sangs rgyas kyi sku gsung thugs kyang sems kyi cho 'phrul nyid du shar ba las ma gtogs pa'i las dang nyon mongs par brgyud pa'i ming yang ye gdod ma nas med do// sems can skye mgul cing 'khrungs kyang sangs rgyas nyid kyi sras las sems can bya ba ni ming gis gdags gzhi yin no// thams cad chos kyi sku dang rang byung rang rig ye shes 'ba' zhig la ma dag pa'i sgo btsal du gang nas kyang mi rnyed do// zag pa med pa'i bde ba chen po'i ro yang kun la sems nyid du yod pa'o// myong ba dang myong ba'i khyad par yang sems nyid rang rig ma rig gis stobs kyi phye ba'o// 'khor ba dang sdug bsngal yin par ma shes pas min par spangs pa'o// de nyid
- 309a
bkrus pas kyang mi 'dag la/ spangs pas kyang mi spongs te/ nam mkha' nyid do// rtse gcig sangs rgyas kyi sa phun sum tshogs pa dang dbye ba med pa'i sa 'di nyid do// sems nyid kyi chu lugs ni cir yang ston cing cha lugs thams cad pa ste/ sna tshogs nor bu rin po che lta bu'o// sems can thams cad kyi sems nyid kho na sangs rgyas kyi thugs dang dbyer med de/ de nyid ga na sa gang du gnas pa la chags pa gang du'ang ma chags pa'o// dbyibs kha dog tu'ang mi dmigs shing / cir yang ston pa ni nor bu chu 'dang lta bu ste/ rin po che nyid ji ltar snang yang rin po che kho na ste/ sems nyid gang du shar yang gcig pu kho na kun tu shar ba'o// e ma ho bde ba chen po// shar nub med pa'i nyi ma la// rang byung ye shes 'od du 'bar// rang 'od rang kha sgribs te 'chi'o// dag par ltos shig bde ba che// mthong ba med na rnam par grol// mthong rgyu byung na'ang ya mtshan te// mthong med ma mthong mthong ba yin dgongs dang bral phyir gang yang yin// zhes gsungs so// rin po che 'khor lo rtsegs pa'i rgyud las/ sems nyid ye shes su 'char ba'i le'u ste bcu pa'o// /
- 309b
/ de nas nyid kyi rang bzhin gyis nyid kyi ngo bo la snang ba mi 'gog pa'i don bstan pa/ e ma ho/ ngo bo bde ba chen po chos thams cad yang dag par rdzogs pa'i sangs rgyas kun tu bzang po'i thugs las byung zhing / thugs kyi sgron ma rin po che'i 'byung khungs so// thugs ye shes kyi rang bzhin ni mi zad pa'i mdzod do// stong gsum gyi stong gi 'jig rten gyi khams mtha' yas mu med pa zad mtha'i yul dang bral ba'o// stong gsum mi mjed 'jig rten gyi khams thams cad stongs pa'i dus med pa yang kun tu bzang po'i sems nyid 'pho 'gyur dang bral ba'o// rin po che tsat+ta rtsegs pa'i ga'un phyi nang snod bcud kyi chos thams cad drangs ma chen po'i rang bzhin du gsal ba'o// de nyid kyi rang bzhin ni kun la gsal bar byung ba ni mngon du gsal ba 'di kho na'o// yang dag par rdzogs pa'i sangs rgyas kyi sku dang gsung dang thugs nyid la sa ma gtog par/ srid pa gsum gyi chos gzhan na med do// 'gro ba rnams kyi don so sor ji lta bar gsal bar go ba ni de bzhin gshegs pa rnams kyi ye shes so// gsung mi zad pa las snang ba ni sgra skad cir yang grag pa dang /
- 310a
tshig dang / ming mang po rnams la gsung mi zad pa'i yan lag gis khyab cing gsung du ma gyur pa dang dbyangs ma yin pa gcig kyang med do// / sna tshogs su gas la yang gnyis su med pa'i ye shes gcig kho na'o// gcig pu kho na la mi g.yo bar gsal ba ni mi dmigs pa'i bsam gtan no// sems nyid mi g.yo ba ni g.yo ba'i yul med pa sa so// yul med la/ yul du snang ba ni byang chub kyi sems spyod yul dang bral ba'o// ris med pa'o// khyab brdal ba'o// gzung 'dzin dang bral ba'o// rnam rtog dang kun brtags kyis ma bsrad pa'i chos nyid ni sems nyid dag pa'o// rtog pa'i mtshan ma thams cad spangs shing ma 'dres pa'i kun tu dbyer med par sa la le gsal ba ni dgongs pa yangs dog med pa'i klungs so// gzugs la sogs pa sna tshogs su snang ba thams t+ya da ni sems nyid mi 'gag pa'i ye shes shar ba de rang byung ye shes la ni sna tshogs su shar yang dbri bsnun med pa'o// ya shes gzugs can ma yin pa ni dngos po ngo bo nyid kyis stong pa su rgyu rkyen med pa'o// ngo bo nyid 'di zhes bya ba'i mtha' las 'das pa'i rang gis ngo bor yang ma grub ste/ yang dag par rdzogs pa'i sangs rgyas
- 310b
nya ga gcig gi sku ru gnas pa/ bcos su med pa/ mtha' thams cad dang bral ba/ kun la khyab cing ye nas brdal ba/ mtshon cing brjod pa las 'das pa/ 'dzin rtogs rnam pa gnyis dang bral zhing ngo bo nyid kyis rnam par dag pa ni don gyi mchog go/ rin po che 'khor lo rtsegs pa'i rgyud las/ snang ba mi 'gag pa'i le'u ste bcu gcig pa'o// // de nas nyid kyi rang bzhin gyis nyid kyi ngo bo la thig le don man ngag gcod pa'i don bstan pa/ gzhi gcig thig le chen po la mthong sbyangs bsam gyis mi khyab kyang log par mthong ba dang / phyogs su mthong ba dang / ma rtogs pa dang / yang dag pa'i snang ba'o// lhun gyis grub pa dang phyogs gcig pa rnams ni phyogs chas 'dod pas blo tsam mo// gzhi'i ngo bo/ don bdag nyid/ lhun gyis grub pa/ nges pa med pa/ gnyis med pa/ cir yang grol ba ni don gtan la 'bebs pa'o// gzhi lam 'bras bu sems gnas pa 'jug pa g.yo ba smon pa byang chub kyi sems kyi don la sbyor ba'o// ma skyes pa dang / ma 'gag pa dang / mi gnyis pa dang / rang grol ba ni/ rang bzhin dang / rol pa dang / mtshan nyid kyis dngos su bkrol ba'o// gol bar bya ba'i gzhi dang / gol
- 311a
par nga rgyan gyis dang / 'dod pa gong 'og gi sun 'byin pa dang / rang byung ye shes su la bzla ba ni don gyi gzer gdab pa'o// snang zhing srid pas bsdus pa'i chos thams cad ni sangs rgyas kyi ngo bo nyid de/ de bzhin nyid kyi snying po nyid yin no// snang zhing srid pa las bsdus pas phyi nang gnyis su med pa thams cad ye gdod ma nas sangs rgyas nyid du shes na gol ma gol gnyis su med do// g.yang sa chos nyid du grol ba'o// chos nyid rgyu rkyen las ma byung ba'i don ni skye 'chi dang bral ba'o// de nyid la rtsol ba'i sems dang rnam rtog gi mtshan mas ni gang du'ang ba slad du med pa'o// 'khor ba dang mya ngan las 'das pa'i chos thams cad sems nyid rang byung gi ye shes la ji lta bar rdzogs pa ni/ sems nyid 'khor 'das gnyis las che ba'i don pastan pa yin no// chos thams cad thig le nyag gcig byang chub sems la sdus pa ni sems nyid kyi dngos po kun la khyab par gnas pa'o// khyab bzhin du gzhan du spros pa gang yang med par gnas pa'o// rang gi byang chub kyi sems ma bcos pa'i rang bzhin ni don gyi rnal 'byor chen po zhes bya'o// sems rtsol sgru ba las 'das pa ni gnad du skyel ba'i rig pa zhes bya ste/
- 311b
'ga' dang 'ga' la rag las pa las kun gyi spyod yul ma yin no// rig pa phyi nang med par 'od gsal ba ni kun gzhi 'phrul gyi me long zhes bya'o// sems nyid gang gi sa mtha' la'ang gnas pa med cing 'gyur ba med pa ni rang byung ye shes mi skyod pa'i dbyings chen po zhes bya ste/ bgrod cing lam la btsal kyang rang bzhin gyis don las gang du 'da' ba med par bde ba chen por shes na gol sa dang sgrib par mi 'gyur ro// kye ngo bo nyid bde ba chen po rol pa skye ba'i cho 'phrul smra tshogs brdo la tsam na/ gab pa mngon du phyung ba'i ye shes zang thal du thug phrad pa'o// de nyid chos thams cad sems nyid ma 'gag pa la ma zhen na snang ba rang sar gzhag pa'o// yang dag par rdzogs pa'i sangs rgyas sngon 'das pa thams cad kyi gshegs shu la yang byang chub sems rang gi ye shes so// da ltar bzhug pa'i sangs rgyas dang / 'gro ba rigs drug gi sems can thams cad kyang chos sku rang gsal gyi dbyings na longs spyod la/ ma byon pa'i rgyal ba thams cad kyi lam du yang rig pa'i klung lam chen po nyid bde'o zhes gsungs so// rin po che 'khor lo rtsegs pa'i rgyud las/ thig le'i don man ngag gcod pa'i le'u ste bcu gnyis
- 312a
pa'o// // de nas nyid kyi rang bzhin gyis nyid kyi ngo bo la dbyer mi phyed pa'i 'khor la rgyud gtad pa 'di gsungs so// / e ma ho/ 'dus pa'i tshogs chen po/ rang gi rang bzhin bstan pa'i rgyud 'di chen po zung zhig/ byang chub kyi sems rin po che 'khor lo rtsigs pa 'di nyid du snang srid 'khor 'das kyis bsdus pa'i chos thams cad dang / ston pa'i rang bzhin kun tu bzang po dang / ngo bo rdo rje sems dpa' las bstan pa'i chos nyid byang chub sems su bstan pa yin pa'i phyir/ 'khor du gtogs pa rnams kyis nga yi bstan pa'i rgyud 'di ma gtong bar zung zhig/ chos thams cad kyi snying po yin no// bstan pa thams cad kyi rgyal po yin no// gsung rab thams cad kyi nying khung yin la/ snang srid 'khor 'das kyi chos thams cad kyi dam pa rin po che sems nyid nor bu rin po che tog chen po 'di la 'dus so// zhes gsungs pas 'khor thams cad rjes su yi rangs te mgu bar gyur to// rin po che 'khor lo rtsegs pa'i rgyud las/ rgyud gtang ba dang rjes su yi rang ba'i le'u ste bcu gsum pa'o// // rin po che 'khor lo rtsegs pa'i rgyud ces bya ba thun mong ma yin pa'i rgyud chen po
- 312b
rdzogs so// / bi ma la dang dpal brtsegs kyis bsgyur// rgya gar skad du/ rat+na u pa de a g+ha tA tsi ra ya ma tsakra tan+t+ra nA ma/ bod skad du/ rin po che gdams ngag sna tshogs 'khor lo'i rgyud ces bya ba/ bcom ldan 'das dpal rdo rje sems dpa' la phyag 'tshal lo// 'di skad bdag nyid kyi sems dpa' rdo rje'i don yongs su gsal ba'i dus nyid na/ sprul pa'i skyes bu ston pa dga' rab rdo rje zhes bya ba des d+ha he na'i 'du khang chen po ru/ rigs khyad par can gdug pa can gyi tshogs mkhas pa nyi shu rtsa gcig la sogs pa'i 'khor dpag tu med pa bslus nas/ snyun grub shes pa rang gas la zhes bya ba'i ting nge 'dzin la snyoms par zhugs so// zhugs ma thag tu 'khor thams cad kyi rgyud la rnam par mi rtog pa'i ye shes zag pa med pa'i chos nyid dus gcig tu shar bar gyur to// de nas 'khor thams cad kyi nang na sa nyid dang 'dra ba'i sprul pa 'jam dpal ba shes gnyen zhes bya ba bzhengs nas/ 'jam dpal ba shes gnyen gyis/ sprul pa'i skyes bu dga' rab rdo rje la 'di skad ces gsol to// e ma ho sprul pa'i skyes bu lags// 'khrul pa 'khor ba'i sems