dpal phyag rgya chen po'i thig le zhes bya ba rnal 'byor ma chen mo'i rgyud kyi rgyal po'i mnga' bdag
Śrīmahāmudrātilakaṃnāmamahāyogīnitantrarājaabhirāja
Text
ff. 202a–239a · 75 folio sides
- 202a
mgon po chen po mchod sbyin ni// ji lta bu zhig 'tshal ba lags// mchog gi dngos po'i dkyil 'khor ni// bcom ldan 'das de ji lta bu// de ru lha mo ci 'dra ba// lha mo ba gang lags gsungs/ / bcom ldan dur khrod du zhig mchis// de ru shing ni ji ltar bshad// dur khrod dang ni shing rnams ni// rgyal ba'i dbang phyug de gnas gsungs// mgon po nang gi sbyin sreg dang / / bdud rtsi lnga yi cho ga dang // rnal 'byor ma yi 'du shes dang // de ru skad ni ji lta bu// bdag nyid kyi ni rang ngo bo// mgon po chen po khyod kyis gsungs// dpal phyag rgya chen po thig le las rgyud thams cad kyi rgyu zhes bya ba'i le'u ste dang po'o/ / / bcom ldan 'das kyis bka' stsal pa// dris pa yang dag gting dpag dka'// snying po yi ni snying po mchog sangs rgyas kun gyi gsang chen po/ / mchog las mchog gi yang dag mchog/ lha chen po ni la sogs pa// bzang mo de ru byol song yin// don dam de ni khyod gcig pu// zhal bzang mo yi snod yin no/ / gsang ba'i gsang ba yang dag rab// nyon cig yang dag bdag gis bshad// dang po re zhig slob ma la// dbang rnams lan cig bskur ba yis// de tshe gsang chen bshad pa yi// nges par snod du gyur pa'o/ / dbang med na ni dngos grub med// bye ma btsir yang mar med ltar// gang zhig rgyud lung nga rgyal gyis// dbang bskur med la gsal byed pa// slob dpon slob ma shi ma thag/ dngos
- 202b
grub thob kyang dmyal bar 'gro/ / de bas 'bad pa thams cad kyis// bla ma la ni dbang don zhu// dbang bskur yod dang de nyid shes// ye shes shes dang thugs rje che// yang dag rlabs che dpa' bo dang // ser sna med dang rang bzhin bzang // skal ldan mtshan nyid thams cad rdzogs// phrag dog yul ni rnam par spangs// rtag tu dga' ba'i yid ldan pa// 'dod chags chen po gcig pu'i yid// sdom pa/ de ni shes pa na// bla ma de lta bu la bya// de lta bu yi bla ma yis// 'bad pas slob ma brtag par bya// ji ltar bsregs la sog pas gser// ji ltar mkhas pas rin po che// ji ltar bde ldan bu mo ni// de ltar slob ma brtag par bya// de bas thams cad rab 'bad de// phan tshun so sor brtag par bya// de ltar min na skyon du 'gyur// nam yang dngos grub thob mi 'gyur// ji ltar dug la rab sngags kyis/ / dag pa byas nas bdud rtsir 'gyur// de bzhin slob ma dbang sogs kyis// lus ni dri ma med par 'gyur// gang zhig dbang bskur sbyin byed pa// de ni rdor sems lta bur blta// bla ma sprul rgyal lta bur blta/ / dpal ni bla ma me 'drar blta// bla ma ston pa bas lhag blta// yid bzhin rin chen mnyam par blta// ji ltar rab sbyor dang sngags kyis// sbrul gyi rgyal po'i spyi bo las// tshad med pa yi rin chen rnyed// dbul ba thams cad med par byed// rab sbyor log dang sngags log gis// dga' mo nges par tshig par byed// de lta bu yi cho ga yi// khrims la sogs pa'i
- 203a
spyod pa yis/ / dpa' zhal de nyid rin dbang phyug/ tshe 'di nyid kyis rnyed par gyur// de ltar min te mgus na// gsung gi me yis nges tshig byed// ji ltar me yis shing tshig pa/ / skad cig gis ni thal bar byed// gal te de bzhin dpal bla ma// mnyes na skad cig gis sdig tshig/ rgyud 'di la ni mchog gi ni// bcom ldan dbang bskur du zhig mchis// bcom ldan 'das kyis bka' stsal pa/ / dbang bskur bzhi yi rim pa la// 'bras bu yis ni gsum du bstan// dang por slob dpon dbang gcig ste// gnyis pa gsang ba'i dbang mchog go/ gsum pa shes rab ye shes dbang / / de ltar de bzhin bzhi pa'o// slob dpon dbang la bcu gcig dbye// gsang ba'i dbang dang bcu gnyis mchog/ shes rab ye shes bcu gsum pa// de ltar de bzhin bcu bzhi'o/ / dbang re la ni sa re ste// de rnams sa yi dbang phyug bdag/ rgyu rtsa gsum gyis shes par bya// de yi 'bras bu bzhi pa'o// yang na 'bras bu gsum dang bral// yang na bdag nyid gsum po yin/ / dga' ba'i bye brag shes par bya// 'khor lo rnams kyi rim pas so// yar ngo yi ni gsum pa'i tshe// slob ma la ni dbang bskur bya// bzhin bzang mig gi dkyus ring ba/ gzugs bzang lang chos brgyan pa yi// bcu gnyis yang na bcu drug gam// ma rnyed nyi shu lon pa'ang rung // nyi shu yan chad phyag rgya gzhan// des ni dngos grub thag ring byed// sring mo
- 203b
yang na bu mo 'am/ / chung ma bla ma la dbul bya// de nas sna tshogs rdzas kyis ni// bla ma dad pas mchod par bya// sna tshogs ras ni brgya sogs dang // rin chen sna tshogs rgyal mtshan mchog/ mu tig 'phreng ba rin thang med// grangs med gser gyis mchod bya'o// de ring phan chad bdag ni 'bangs// chen po'i chen po mchod pa bzhes// de lta bu yi cho ga yis// 'bad de bla ma mchod par bya/ / bla ma'i gzugs ni bdag rang yin// bdag mchod byas na dngos grub 'thob// de yis skad cig phyag rgya che// mchod pa byas nas bsnyen par bya// bsnyen pa las ni gang zhig 'byung / / slob ma'i kha ru dbab par bya// sbom po mtha' ltag sbyar ba yis// longs spyod nang du gzhug par bya// de tshe yang dag ye shes skye// bu mo'i bde ba ji lta bu// srog dang rtsol ba mnyam byas nas/ / shin tu legs dgyes kyis mchod bya// rin chen kha la hUM phaT sngags// bkod nas mnga' la bskyon par bya// de yi dus su dga' skad cig/ ji ltar rang bzhin skye bar 'gyur/ / de ltar phyag rgya la bshad bya// 'di ni dga' ba'i mtshan nyid do// de nas slob ma'i lag tu ni// byin nas 'di skad smra bar bya// nga yi bka' lung rtog med pas// pad+mo'i don la ji bzhin gyis/ / pad+mo'i snying po'i dbus na ni// rdor dbyings dbang phyug ma ni bzhugs// de ma rnyed pa'i bar du ni// thabs gzhan la ni byang chub med// de ni rang bzhin dga' ba'i gzugs//
- 204a
phra mo'i phra mo yang dag mchod// dpal phyag rgya chen po'i thig le las slob dpon slob ma brtag pa dang / yon dbul ba dang / dbang bskur ba zhes bya ba'i le'u ste gnyis pa'o/ / // de nas gsang ba bshad bya ba// mchog dang rab mchog mchog gi mchog/ phung po lnga yi bdag nyid sku// legs dgyes dbang po 'khor lo drug zla phyed byad gzugs char yang ni/ / rlung gi 'khor lo'i nang na bzhugs// phyed min gang ba yang ma yin// chu yi zla ba bzhin du mthong // sgyu 'phrul chen po 'gro ba'i ma// char yang grangs med rten pa yin/ / de ni mchog dang gzhan mchog phra// skye med gnyis med bsam du med// rlung gi 'khor lo skyed byed ma// sangs rgyas kyis kyang rnyed dka' ba'o// me yi 'khor lo'i/ nang na ni// thig le gcig pa yi ge med// thams cad nang yod yig kun yin// thams cad khyab dang bde ba 'byung // bde ba 'phel bar byed pa'o// dbyangs dang dpe byad dang bral lo// grangs med pa yi khams gsum ni// rgyu dang skye bar byed pa'o// tshul ni glo bur ba yi gnas// rnam pa thams cad dang bral ba// dngos po sbrul lce 'dra ba yin// mtho ris sa ni skyed byed pa'o/ / yi ge ma yin khams kyang med// zla tshes thig le rgyan dang bral// skye med grangs med mi zad pa// de ni don dam tshul yin no// sprul pa yi ni 'khor lo'i gnas// lte ba'i snyoms
- 204b
pa zhes su grags/ / chos kyi 'khor lo'i tshul tsam ni// dri ma med pa'i sbrul mi 'dra// dri med ma bcos pa yi gnas// gnas med rnam pa med pa'o// g.yo ba med dang brjod du med dbugs kyi rgyu ba med pa'o/ / mchog gi ye shes tshul tsam ni// bcu gsum dbang phyug gis ma shes// mchog gi longs spyod 'khor lor gnas// mchog gi rnam pa bdud rtsi mchog/ theg mchog mchog gi mtha' na yod/ / ji ltar chang gi mthu bzhin no// thams cad bdag nyid byang gzugs bral// gzugs mer bdag nyid kyis bzhugs so// gzhan mchog bde chen 'khor lo la/ thams cad mtha' yi mtha' na bzhugs// lta bar byed dang blta bya med// mtshan ngan thams cad med pa'o// brjod med mi zad zhi ba ste// rang dga' nyams myong rnam pa'o// bla ma yi ni bka' drin gyis/ / legs dgyes dbang mo rnyed par 'gyur// de lta bu yi ye shes che// rnam par shes drug rang bzhin can// 'khor lo drug gi dbus su ni// don dam par ni bshad pa'o// steng dang 'og gi sbyor ba yis// kha sbyar byad gzugs kyis ni yod// bcu gnyis phyed dang drug gi phyed// drug cu rtsa bzhi de bzhin brgyad// brgyad gnyis dang ni brgyad bzhi ni// 'di ni 'khor lo chu skyes drug/ dpal phyag rgya chen po'i thig le las sbyor ba drug gi mtshan nyid dang / 'khor lo drug rang gi ngo bo zhes bya ba'i le'u ste gsum pa'o// / nyon cig lnga
- 205a
mo skal chen mo/ / rtsa yi 'khor lo 'byung ba mchog/ stong phrag bdun cu rtsa gnyis te// rtsa rnams kyi ni rigs bshad do// rigs chen po yi rgyud chen por// rgyas par bdag gis gsal bar byas/ / 'di ru 'khor lo drug gi grangs// mdor bsdus pa ni bshad par bya// rlung gi 'khor lo'i rtsa drug ni// g.yo ba nam mkha' me dang sbubs// rab bskor dang ni 'jigs chen po/ / rtsa de rlung gi 'khor lo'i gnas// 'dzin ma dang ni ro ma dang // rtog med ma ni gru gsum gnas// me yi 'khor lo'i nang du ni// rtsa yi dbang mo lngar shes bya// mgyogs ma dang ni yang dag mgyogs/ / shin tu bzang dang bzang 'gro dang // stobs chen ma dang 'jigs chen ma// nga rgyal che dang 'jigs byed che// mthus myur ma dang mthu yi cha// mthu yi chu dang mthu dri dang / / mthu ma dang ni mthus 'bab ma// rtsub dang nur dang mthu du ma// rngam pa za ba nam mkhar 'gro// bya yi yan lag bya 'gro ma// phyug mo 'jigs ma nga ro dang // brtul ma mchod ma myos ma dang / / sgra ma sgra 'byung sdig can ma// pad+ma'i sdong bu ma sngon mo// zil pa zil 'byung sgra ma dang // phyin phyogs kha dang dbyig pa dang // dbyig pa'i nga rgyal dang po ma// tshe'u lto ma dang tshe'u drug ma/ / tshe'u bdud ma dang brtson 'grus ma// tshe'u khyim ma dang tshe'u kham// tshe'u 'od ma dang tshe'u lug ma// 'bud ma bdag ma 'od ma dang // dri med dang ni dri sreg dang // thag lnga
- 205b
ma dang thag dga' ma/ / thag mo dang ni thag dus ma// phug ron phum skyes phra ma dang // lo ma dang ni tsher lo dang // gos gyon ma dang gsal byed ma// rtsa 'di brgyad po brgyad du dran// drug cu rtsa bzhi chu skyes ni/ / lte ba'i sprul pa'i 'khor lor gnas// rin chen ma dang pad chen mo// gshes chen ma dang stobs chen ma// mgo chen ma dang myos chen ma// dga' chen ma dang mi dga' che/ / de brgyad chos 'khor 'dam skyes ni// zhal bzang snying kha'i rgya mtshor ro// chags ma longs spyod longs spyod min// nyi 'od 'od ma b+ha ga dang // lu ma dang ni thil gdong ma// bza' ster rang za ltogs ma dang // ra sa ya na ro sgyur ma// ro 'dzag dang ni ro ma dang // skur ma longs spyod 'khor lo'i gnas// brgyad gnyis 'dam skyes 'dab ma ni// mgrin pa yi ni rim pa'i rigs/ / 'dod ma 'dod spyod tshe'u lus ma// zla 'thung zla lho mdzod ma dang // skad snyam lkugs ma du rab ma// ce spyang brgya ma skams pa ma// me ma rngon ma zla ba ma// gang ba gnyid ma gnyid skyes ma/ / chang 'tshong chang ster bdud rtsi ma// dung ma dang ni dung rnam// dung mig ma dang dung snu ma// mthus phyug ma dang mthu ser ma// mthu rmongs ma dang mthu rngam ma// 'gyings ma dang ni ri rten ma/ / sum cu rtsa gnyis thod pa'i gnas// bde chen 'khor lo'i rgyal po 'di// des ni 'khor lo rnams la khyab// thams cad phra mo reg bya med// gzung dang 'dzin pa rnam par
- 206a
spangs/ / bde chen bde ba'i rnam pa can// bde chen la sogs sbyin par byed// de yi rtsa ba'i 'byung ba mi// yang dag thar 'dod pas shes bya// lha mo rtsa 'byung med p hung po'i 'byung ba ji ltar 'gyur/ / phung po med na ye shes che// rnal 'byor rnams kyis ji ltar rnyed// phung po lnga ni bdag nyid sku// mkha' 'gro lngar ni rab tu grags// mkha' 'gro lnga ri ye shes lnga/ / 'byung ba lnga yi rang bzhin can// rtsa nyid 'byung ba med gyur na// phung po rnams ni 'byung ba med// phung po med na dngos grub ni// rnal 'byor chen pos rnyed mi 'gyur// de ba pa thams cad kyis/ / rtsa yi 'khor lo btsal bar bya// ji ltar sprin gyi char gyis ni// rtag par de ni che bar 'phel// 'bras bu mang zhing mtha' yas ni// the tsom med par sbyin par byed// ltar phung po'i shing zhes bya// rtsa yis chu yi che bar 'phel// cher gyur 'bras bu thar pa ni// the tsom med par sbyin par byed// lha mo'i dngos po gzugs su ni// rtsa yi byad gzugs yin par 'gyur/ / reg khams rgyal mtshan sbyor ba yis// me 'khor nang du chu skyes ni// gang tshe rdo rjes skyod par byed// de tshe me ni khong du chud// 'khor lo chu skyes thams cad ni// je gsal je gsal kha dbyer 'gyur/ / de nas rtsa kun 'dzag 'gyur te// snod 'dzag pa yi chu thigs bzhin// de nas sprul pa'i 'khor lor ni// 'dus nas gcig tu gyur pa'o// rtsa gnyis la yi
- 206b
rtse mo las/ / zla ba dang ni nyi ma 'dzag/ mngal gyi dbus na rtsa gnas pa// thag pa'i rnam pa'i gzugs su yod// de ni gcig pu rgyu zhes bya// 'bras bu'i bye brag gnyis su 'gyur// g.yos nas khu ba 'byung ba dang / / g.yas nas khrag ni 'byung ba'o// gang tshe g.yas phyogs nyi ma ni// de tshe bde ba dmar por 'gyur// g.yon nas zla ba 'byung ba'i phyir// de ni bde ba dkar por 'gyur/ / de gnyis nang na me gnas pa// sgong skyes gnyid log ji bzhin no// sngon gyi las rlung rnam shes ni// gang tshe 'khor bar gyur pa ni// de yi tshe na b+ha ga'i nang // 'dod chags chen pos yid 'gyur ro/ / gang tshe ma yi zla mtshan 'byung // me dang nyi ma gsal bar 'byung // de tshe 'dod chags chen po'i yid// reg bya 'dun pa mchog tu 'gyur// bo la kak+ko la zhugs nas/ / ji ltar chu la chu bzhag bzhin// de tshe sa bon 'byung ba yin// sa bon las ni gong bu 'byung // lha mo de las rtsa rnams 'byung // 'bras bu nges par 'byung ba'o// dpal phyag rgya chen po'i thig laM las 'khor lo drug gi rtsa 'byung ba zhes bya ba'i le'u ste bzhi pa'o// / srog ni 'byung bar thim pa'i tshul// nyon cig lha mo bdag gis bshad/ / ma skyes pa yi char yang ni// gsang ba'i mngal gyi nang du bzhugs// de ni rnam shes med pa dang // bdag nyid med pa'i ye shes sku// de yi gnas nas srog 'byung ste/
- 207a
srog can rnams kyi srog ni mchog/ rtag tu bdag nyid srog chen po// gnas lnga'i gnas na bzhugs pa'o// nam mkha' lnga zhes bya bar grags// nam mkha' lnga yi nang du thim/ / 'byung ba chen po bzhi po ni// srog gi rten du shes par bya// yang na srog ni de rnams rten// legs dgyes dbang mo shes par 'gyur// rnam shes las ni rlung skye'o// de las me ni skye bar 'gyur// de las chu ni skye 'gyur te// de las sa ni skye ba'o// de rnams kun las phung po 'byung // de nas skye mched 'byung bar 'gyur// de nas ye shes rang bzhin skye// brgya rtsa brgyad kyi rim pas so// rdo rje 'phreng ba'i rgyud chen las// sngar ni bdag gis bstan pa'o// mtshan mo gang yin nyin gang yin// mtshan mo bdag gis bshad par bya// mtshan mo shes rab tu ni grags/ / shes rab mtshan mo yin par 'gyur// mtshan mo'i rnam pa zla bar 'gyur// zla ba mya ngan 'das rang bzhin// kun rdzob dang ni don dam par// shes rab gnyis kyis shes par bya/ / kun rdzob reg byar shes par bya// gang zhig reg bya med par bde// blta bar dka' ba'i mtshan nyid do// rang bzhin med pa'i rang bzhin can// de ni bdag gis mtshan mor bshad/ / nyin mo thabs su grags pa ste// thabs ni nyi ma yin par 'gyur// b+ha ga'i 'byung ba nyi ma yin// nyi ma b+ha ga'i bdag por 'gyur// srid pa'i rnam pa nyi ma yin/
- 207b
zla ba mya ngan 'das pa'i gzugs// srid pa de ni rigs zhes bstan// nyi las 'byung ba zla ba'i rigs// dri ma med phyir nyi ma ste// rtog pa'i dra ba med pa'o// dri ma med pa mchog phrag/ shin tu gsal ba stong sku'o/ / yang dag dri med gnas zhi ba// thams cad kun na bzhugs pa'o// rgyud rnams kun tu sbas pa yi// de lha'i nyin mo bdag gis bshad// mtshams ni gnyis ka phrad pa ste/ / rdo rje pad+ma nyi zla 'byung // lte ba gnyis ka phrad pa ni// phra ltar skad cig mtshan nyid do// nyon mongs las grol mtshams yin te// rnam pa med pa mchog gi mchog/ sbyor gnyis dbus na yod pa ste/ / byug pa dang ni sred pa med// de mtshams sems can thams cad kyi// 'khor ba'i lam rab dag par byed// shar ni mchog tu grags pa ste// dga' bral la sogs dang bral ba// / mdud pa'i rtse mo mchog gi gnas// tsa na ka yi rus rnams gzugs// shar ni zla ba'i bdag por shes// zla ba gyen du 'gro ba'i phyir// zla ba thig le mnyam par grags// thig le bzhir gyegyis bstan pa'o/ / thog ma tha ma'i dbus gnas na// bzhi pa gang na'ang med pa'o// rang gi rig pa'i bdag nyid phyir// de bas brjod du med pa'o// de ni gsang bar bstan pa ste// shar ba'i don ni 'dus pa'o/ / nyon cig lha mo bde sbyin ma// nub pa'i yang dag bdag gis bstan// gang tshe sems ni nub pa na// sngar ni zla ba'i rnam par 'gyur// de tshe nub pa'i gnas su 'gro// mi 'gro/
- 208a
ba ni 'gro bar 'gyur// gang tshe thog ma tha mar nyagre// de tshe nub par bstan pa'o// tha ma nub par bstan pa ni// brten pa'i gnas la rten med gnas// bstan pa yis na mchog bde la/ / bstan med bde ba pa la yod// dpal phyag rgya chen po'i thig le las srog dang / mtshan mo dang / nyin mo dang / mtshams dang / shar ba dang / nub pa bstan pa zhes bya ba'i le'u ste lnga pa'o/ / / rtsa yi 'byung ba thog mar bstan// dus ni nyon cig bdag gis bshad// dus ni tshed ces bstan pa ste// dus la bye brag gnyis su dbye// dus ni bsam du mer pa dang / / shin tu'i dus ni dus yin no// shin tu dus dang ngan dus dang // snga yi 'phar ma bu ga gnyis// 'ong ba de ni bzang dus bstan// bzang ba min dus chad ces bya// bzang ngo // de ni mchog tu dran// gnyis ka dang bral de kho nyid// de ni sngar meng 'di ru dus// lta ba med dang blta ru med// mtshan ngan thams cad dang bral lo// de lta'i dus ni bdag gis bshad// zhal bzang yang dag bshad pa yin/ / de yi dus su gzhan du yid// rnal 'byor pa de mi bgyid na// dam tshil dbang mo bad ka ji ltar// gzhan min rdo rje 'dzin par 'gyur// A li kA li gang las 'byung / / nyon cig de ni bdag gi bshad// yang dag dri med gnas nas 'byung // snang ba mched pa'i gzugs can no// dpe byang sum cu gsum dang ldan// kA li'i dkyil 'khor shin tu
- 208b
gsal/ / snang ba mched pa'i gnas nas te// snang ba de ni gsal bar 'byung // dbyangs kyi yi ge bcu drug ldan// rgyas pa A li'i dkyil 'khor ro// de gnyis mnyam par sbyor ba yis// ngal bus ro chen skye bar 'gyur// mchog gi bdud rtsi rnam pa ni// bde ba chen po'i bde ba'i gnas// rig ma'i sna rtse'i gnas na bzhugs// chu skyes 'khor lo drug gsal byed// de yi reg bya bde sbyin pa/ / ro chen brgyad ni shes par bya// 'dar dang rdul dang ba spu langs// skad 'gag pa dang mdog gsal dang // kha dog 'gyur zhing mtsho ma myos// de ni snying po'i ro brgyad do// ro yis dgug byas dga' ba rnams/ / shin tu bzang po skye bar 'gyur// dga' dang mchog gi dga' ba dang // dga' bral lhan skyes de bzhin no// dga' ba zhes bya snang ba yin// mchog dga' snang ba mchod par bstan/ / dpa' bral snang ba thob ces bya// lhan skyes de ni yang dag 'od// de yi dus na skad cig skye// sna tshigs la sogs mtshan nyid do// snang ba zla ba zhes su bstan// snang ba mched ba nyi ma'o/ / mtshams ni snang ba thob par grags// gsum dang bral ba yang dag 'ong // gang tshe mdud pa'i nang du sems// de tshe dga' ba 'byung bar 'gyur// mdud pa'i mtshams nas nas gsum tsam/ / mchog gi dga' ba 'byung bar 'gyur// gsum gyi gnas nas gsum du 'gro// dga' bral 'byung bar 'gyur ba'o// gang zhig gsum dang gsum spangs pa// de lon
- 209a
nyid rang bzhin par/ / de ni gsang ba chen po'i mchog/ gsang ba'i gsang ba yang dag mchog/ 'dus pa la sogs rgyud rnams su// legs dgyes dbang mo sbas pa/ bya/ sdom pa 'am ni kye rdo rje// der yang gsal bar ma byas so// khyed kyi ngor mdzad mchog de ni// gsang chen bdag gis gsal bar byas// sangs rgyas byang chub sems dpa' dang / gzhan ma shi med kun nyon mongs// de lta'i mchog gi de kho na// bdag min na ni de mi shes// gzhan yang ches kyi dbyings grags pa// de nyid nyon cig bdag gis bshad// nam mkha' chos kyi dbyings yin te/ / dbyings ni sa bon zhes su dran// chos rnams kun gyi nang na yod// rgyu dang mchog gi gnas yin no// ji ltar til la mar yod dang // ji ltar shing la me yod pa// de bzhin chos rnams kun la yang // chos kyi dbyings kyis khyab par ni// yod na yang ni mthong mi 'gyur// chos kyi dbyings ni b+ha gar grags// b+ha ga rin chen snod yin no// dbang phyug la sogs yon tan ldan/ / de ni b+ha gar kun tu grags// chos ni b+ha ga zhes byar bstan// dbyings ni sems su shes par dran// khams gsum gyi ni mtha' yas la// sems ni de yi rgyu yin no kun rdzob rnam pa'i gzugs su ni/ / chu zla lta bur mthong bar 'gyur// don dam de ni mthong ba med// mthong med ma yin dngos med min// rang rig pa ni mchog zhi ba// dngos dang dngos ra
- 209b
dang bral ba/ / de ni mchog gi de kho na// chos kyi dbyings bdag zhi ba'o// dpal phyag rgya chen po'i thig le las A li kA li 'byung ba dang / dus kyi mtshan nyid dang / chos kyi dbyings bstan/ pa zhes bya ba'i le'u ste drug pa'o// / gzhan yang nyon cig bdag gis bshad// ji bzhin rdo rje'i mtshan nyid can// mi phyed rdo rje zhes su bstan// ye shes lnga yi bdag nyid mchog/ nam mkha' lnga yi dbus su thim// nam mkha' lnga yi bdag nyid do// pad+ma'i lte ba'i nang na bzhugs// thig le gcig pu yi ge med// rnam pa thams cad rnam pa med/ / de ni rdo rjer kun tu grags// bdag gi sgra yi nges pa'i don// nyon cig bdag gis de nyid bshad// a ni yig 'bru gzugs kyi mchog/ thams cad kun gyi lus nang yod// rnam pa thams cad mchog ni rdzogs/ / kun yod ma skyes thams cad mkhyen// rtag tu stong pa thams cad khyab// thams cad kun gcig byed pa'i rgyu// srid pa srid mchog nyin mo ni// sprul pa'i sku yi bde ba'o/ / lus ni de bzhin gshegs skyabs sbyin// thams cad don ni byed nus pa'o// haM gi yig 'bru gzugs dang bral// lus gnas lus las ma skyes pa'o// rnam pa kun las rnam par grol/ / byang gzugs dpe byad kun dang bral// dngos dang dngos min rnam par grol// skye dang 'jig pa'i byed pa po// dngos po thams cad nub pa po// chos kyi sku yi rang
- 210a
bzhin can/ / sems ni rdo rje 'dzin skyabs sbyin// yi ge thams cad dang bral la// stong pa'i rnam pa mya ngan 'das// ye shes sku yi rang bzhin can// dri med brjod med zhi ba ste/ / de ni haM du kun tu grags// bdag ni thams cad kun gyi nang // thams cad bdag nyid rtag tu bzhugs// dngos po kun gyi bdag nyid la// de ni khyab par yod pa ste// bdag / ni med na 'gro ba kun// ji ltar rtsa bcang shing bzhin no// haM gi yig 'bru mtshams kyi mthar// a ni yig 'bru mgo bo'i rtser// a ni yig 'bru zla ba dag/ haM gi yig 'bru nyi ma'i 'od// a ni yig 'bru rten yin te// haM gi yig 'bru brten pa'o// a yi yig 'bru srog ces bshad// haM gi yig 'bru rtsol bar dran// gang zhig gnas su de gnyis sbyor// de ni bdag nyid gsal bar 'gyur/ / rgyud rnams kun las rnyed dka' ba// de ni yang dag bdag sgrar bshad// dpal phyag rgya chen po'i thig le las rdo rje'i mtshan nyid dang / bdag sgra'i nges pa'i ngor zhes bya ba'i le'u ste bdun pa'o/ / // gsang ba'i don ni bshad bya ba// gsang ba zhes bya ci zhes brjod// gsang ba zhes bya dga' bar bstan// mchog ces bya ba mchog yin no/ / dgyes pa zhes bya dga' bral bstan// thams cad bdag nyid lhan skyes dran// gsang ba nyid ni gsang ba yin// gsang ba khu bar bstan pa'o// khu ba srog
- 210b
ces bstan pa ste/ / srog ni rten du dran pa'o// rten ni sar ni shes par bya// khams gsum kun ni 'byung ba'o// mchog ni chu zhes bstan pa ste// chu ni srog gi tshe yin no// cha ngal de ni 'od ces bstan/ / 'od ni rnam par dag ces dran// rnam par dag pa bde chen dngos// de ni rang bzhin bstan pa'o// rnam par dag pa 'byung min gnas// babs pa rnam dag brjod pa yin// babs pa dngos min zhes byar bstan// dngos min rnam dag brjod ma yin// rnam dag phra ba'i phra mo ste// phra mo'i rnam dag gzhan na gnas// phra mo'i rang bzhin zhes byar bstan// gzung dang 'dzin pa rnam par spangs/ / rang dngos bde ba chen po ni// ye shes rlung du rab tu grags// de ni nam mkha' zhes su bshad// nam mkha' stong par bstan pa'o// stong pa las ni thams cad 'byung / / stong pa'i nang du thams cad thim// stong pa yang dag dri med gnas// rnam pa thams cad dang bral ba// mchog gi rnam pa skye med dag/ rang dga' nyams su myong ba dngos/ / de ni rang bzhin zhes su bshad// thams cad bdag nyid rtag tu bzhugs// rigs lnga yi ni mtshan nyid de// nyon cig bdag gis bshad par bya// rigs ni ka pA la zhes brjod// ka pA la ni ka ru bshad// ka ni rtsa ba zhes byar grags// rtsa ba bye brag lnga ru dran// de bzhin gshegs pa lnga yi sku// de ni phung po lnga zhes dran// phung po lnga ni grub pa'i sku// 'byung ba
- 211a
lnga yi rang bzhin can/ / tshangs pa khyab 'jug drag po dang // dbang phyug rtag tu zhi ba la// lnga la khyab pa gcig pu ste// bdag ni don dam pa yi pha// thams cad khyab pa'i stong chen po/ / bdag ni 'pho med ma skyes pa'o// ka ni ci zhig thugs rje 'thung // pA ni dam tshig skyong ba yin// la ni ngan 'gro'i pha rol phyin// de ni ka pA la ru bshad// ka yi/ sgra ni rang bzhin yin// ka ni gang du'ang mi gnas pa'o// dngos po thams cad khyab pa'o// des na ka zhes bstan pa'o// de dag he ru ka yi dngos// chos kyi 'khor lo'i gnas na bzhugs// rtag tu zhi ba longs spong 'khor// dbang phyag bde chen 'khor lo'o// drag po lte ba'i 'khor lor gnas// khyab 'jug me yi 'khor lo'o// tshangs pa rlung gi 'khor lor te// rlung ni thams cad nang yod che/ / bdag ni 'khor lo drug gi dbus// kun la de ni khyab par bzhugs// stong nyid gzhan mchog stong pa nyid// bdag dpal he ru ka yi mchog/ mkha' 'gro lnga yi gtso bo ste// ye shes mkha' 'gro dbang phyug bdag/ 'byung ba lnga yi rang bzhin can// mkha' 'gro ma yis kun tu bskor// dpal phyag rgya chen po'i thig le las gsang ba dang / dga' ba bzhi dang / rigs lnga'i mtshan nyid ces bya ba'i le'u ste brgyad pa'o// de nas gzhan yang bshad bya ba// phyag rgya'i brda ni rab yin te// rna chag du bu 'khor lo dang // mgul ror/
- 211b
bzhin thal ba dang // tshangs pa'i skud pa phyag rgya drug/ pha rol phyin drug dran pa'o// sbyin pa tshul khrims bzod brtson 'grus// bsam gtan shes rab drug yin no// sbyin pa chos zhes bstan pa ste/ tshul khrims las zhes dran pa'o// bzod pa dam tshig ces su dran// brtson 'grus ting 'dzin shes par bya// bsam gtan ye shes zhes byar dran// shes rab ces bya phyag rgya che// don dam par ni shes par bya// skye mched drug ni dag par bya// phyag rgya drug tu rab tu grags// rigs drug rim par shes par bya// lha mo'i bdag nyid phyag rgya drug/ yaM ra laM ba oM haM ste// lha ma yi ni rim pas so/ / de ru mchod pa rab tu bya// mchod pa ro mnyam rig pa'o// thim dang longs spyod dbang gis ni// gnas kun gyi ni de bzhin no// gtum mo btso blag DoM bi dang // gar mkhan thod pa bram ze mo/ / gtum mo pad+ma'i rigs yin te// btso blag rin chen rigs su dran// DoM bi rdo rje'i rigs zhes bya// gar mkhan ral gri'i rigs su dran// thod pa can ni 'khor lo'i rigs/ / de lnga dag pa phyag rgya'o// ye shes phyag rgya bram ze mo// rdo rje sems dpa'i rigs su dran// bram ze mo ni ma yin te// thod pa ma ni sring mor dran// gar mkhan bu mor shes par bya// Do bi chung mar rab tu grags// btso brag mkhan ni mna' ma yin// gtum mo sgyug mor dran pa'o// shes rab thabs kyi cho ga yis// rtog pa med pas mchod par bya// rnam rtog med pas
- 212a
dngos grub 'grub/ / ji ltar bsnyen pa skad cig gis// ma ni sems zhes bstan pa ste// gsung ni 'di ru sring mor dran// bu mo sku ru rnam par grags// chung ma srog ces bya bar dran/ / mna' ma rtsol bar dran pa ste// sgyug mo mnyam par dran pa'o// ma ni mthu yi rtsa yin te// sangs rgyas rin po che yi snod// sring mo khu ba'i rtsa yin te// 'tshogs ma'i gnas na yod pa'o// bu mo khrag gi rtsa yin te// khu ba'i rtsa yi 'og ni yod// chung ma dri chu'i rtsa yin te// gnyis kyi bar na yod pa'o// mna' ma mchi ma'i rtsa yin te// mgrin pa'i gnas na yod pa'o// sgyug mo snabs kyi rtsa yin te/ / dpral ba'i gnas na yod pa'o// ma ni sa ru shes par bya// sring mo chu ru dran pa'o// bu mo me ni yin par dran// chung ma rlung du rab tu grags// mna' ma de ni nam mkha' ste// sgyug mo nam mkha' ma yin no/ / ma ni mngar ba yin par 'gyur// sring mo ngo ni sbyar bar dran// bu mo kha bar shes bya ste// chung ma lan cher 'di ru dran// tsha ba de ni mna' ma ste// smug mo bsku bar dran pa'o// dede rnams 'bad pas mchod par bya// myur du dngos grub thob par 'gyur// rnal 'byor rgyud las rnyed dka' ba// phyag rgya'i rigs su bdag gis bshad// dpal phyag rgya chen po'i thig le las phyag rgya'i brda dang / mchod pa'i cho ga zhes bya ba'i le'u ste dgu pa'o// / de nas mchod pa'i cho ga ni// phyi dang nang ni bdag gis bstan// sa rdo la sogs mchod rten la// nam
- 212b
yang de la phyag mi bya/ / rab gnas dkyil 'khor sbyin sreg rnams// nam yang de ni mi bya'o// dri chen rdor chu sa bon sogs// rtag tu bdag nyid mchod par bya// 'gro dang mi 'gro gang zhig ni/ de ni thams cad sems yin no// de yi gzugs grub sems ma yin// sems ni stong pa'i rang bzhin no// ngo bo nyid bral stong pa ste// de bas 'gro ba sems su grub// de lta bu yi dag byas na// rtsa sogs/ la yang mchod pa bya// nyid ni mnga' bdag rdo rje sems// sems ni bdag nyid dran pa'o// sems ma yin pa lha yi dngos// phyi rol gzhan ma med pa'o// de ltar shes nas bdag nyid ni// dang po de nyid mchod par bya/ / rigs lnga dag tu kun spyod pa// rigs gcig tu ni rnam par brtag/ byams dang sdang ba'i bye brag dang // btung dang mi btung spang bar bya// bud med gang yang snod min med// dge dang mi dge smra mi bya// dngos grub rnal 'byor med pa dang // sngags med sngags pa med par ni// dngos grub chen po thob 'dod na// de lta bu yi sems mi bya// rlabs che gting ring yang dag pa'i/ / skyes bu chen pos sems de bya// nyan thos rnams dang mnyam pa'i sems// nam yang de ltar mi bya'o// brtan med nyan thos skal ldan min// log pa'i mun pas ye shes g.yogs// de rnams la ni gtam tsam yang / / skyes bu chen pos mi sbyin no// smad par yang ni yong mi bya// de la nam yang phyag mi bya// phyi dang nang gi sbyor ba yi// 'di ru gnas ni bdag gis bshad// rdo rje'i
- 213a
gnas ni aur+Yan dang / / gnas ni dzA lan d+ha ra ra dran// gnas ni pu lI ra ma dang // gnas ni kA ma rU pa'o// nye ba'i gnas ni mA lar bstan// sin d+hu na gar sing la la// zhing ni mum+ma ni ru grags// de bzhin de wi ko Ta dang // nye ba'i zhing ni ku lu ta// ar bu dar ni de bzhin dran// ha ri ke la tshan do ha ra// go dA ba ri de bzhin no// lAM pa ka dang kAn tsi ste// nye ba'i tshan dor bstan pa'o/ / 'dus pa de ni ka mar te// de bzhin du ni gser gling ngo // kong ka dang ni b+hin da ste// nye ba'i 'dus par dran pa'o// yi dgas 'dus pa'i dur khrod dang // dur khrod rgya mtsho'i ngogs su'o/ / nye ba'i dur khrod tsa ri tra// de bzhin ko mar pa ra'o// kasma ri pI la wa ru grags// de bzhin ke rang yul yin no// nye ba'i pI la ne pa la// nye ba'i pI la kar no dza// u ya na spyi bo'i gnas/ / dzA lan d+ha ra spyi gtsug dran// pul+lI ra ni 'tshogs ma ste// kA ma rU ni smin phrag dbus// mA la ba ni sna rtse ste// sin d+hu mig gnyis yin par grags// nA ga ra rna ba gnyis su dran/ / sing ga nam mkha'i pad+mar gnas// mum+mu ni ni kos sgo'o// de wi ko Ta mgrin gling du// ku lu ta ni rgyab gling du// ar bu da ni bu gnyis su// ha ri ke la snying la'o// go dA ba ri lde ba'i gnas/ / lAM pa ka ni gsang bar ro// kA tsi ling ka'i dbus su gnas// ka mar ling ka'i rtse mor ro// gser gling gzhang ka'i gnas su ste// kong ka na ni brla gnyis dran// b+hin dbus
- 213b
mo gnyis yin no/ / yi dgas 'dus pa byin pa ste// rkang bol gnyis su rgya mtsho ngogs// ko mA ri ni mthe bong ste// tsa ra tra ni sor mor ro// la che'i yul ni lus rnams kun// ke ra ta ni rkang mthil lo/ / ne ba la ni lhag pa ste// kaM po dzi ni rkang pa'o// de ni don dam pa yi gnas// ri bong can 'od me tog dang // me tog dmar po nyi mnyam gyis// mchod pa'i dus su mchod par bya/ / srog gcod pa yi mchod sbyin ni// 'bad pas de ru dbul bar bya// pad+ma chen po'i mcho gnas su// srog ni gcad par bya ba'o// chad pa nam yang mi bya ste// de la brtson 'grus chen po bya/ / srog gcod pa yi bsod nams bya// mchog gi mchog ni yang dag rnyed// gru gsum dri med dag par ni// de ru dkyil 'khor 'phar ma gnyis// nang gi 'phar mar dpal bcom ldan/ / byang chub sems nyid ldan pa'o// phyi rol rigs gsum rnal 'byor ma// 'dzin ma la sogs mchog chen mo// lus kyi nang nas 'byung ba'i phyir// de ni lha mo zhes su bstan// dkyil 'khor lus su bstan pa dang // b+ha ga dkyil 'khor yin par bshad// dkyil 'khor byang chub kyi ni sems// dkyil 'khor gsum ni rtog pa'o// dur khrod brgyad kyi dbus gnas su/ dkyil 'khor gsum ni sgom pa'o// dbugs 'byung dur khrod ces su bshad// sgo dgu dang ni ldan pa'o// yang dag nyon cig zhal bzang mo// de yi 'byung ba bdag gis bshad// gtum drag gzhang ka'i
- 214a
dbyibs can ni/ / gsang ba'i tshang tshing kha ru'o// 'bar ba zhes bya'i dur khrod ni// sna yi bu ga gnyis na gnas// dmyal sogs de bzhin mi bzad pa// mig gnyis la ni gnas pa'o/ / ha har rgod dang g.yer ka can// rna ba gnyis la gnas pa'o// dur khrod re re'i shing re ni// dbang byed pa ni de na yod// gtum drag pa ta la yi shing // dbyibs can nang na shi ka ra'o/ / tshang tshing sa li shing yin no// 'bar ba zhes bya so ri sha'o// dmyal sogs u dum pa ra ste// mi bzad pa ni 'ba' ta'i shing // ha ha ra rgod na a shwang tha// g.yer ka'i nang na ge sar shing / / shing gi rnam pa rtsa brgyad ni// yan lag mang po yod pa'o// gzhang mthu rtse mo mthus byed ma// ro yi rtse mor ro lus ma// nam mkha' ma dang char sbyin ma// rul pa pa dang ltogs ma ste// bye brag brgyad du gyes par dran// shing gi sgra ni rtswa yin te// shing ni me tog yod phyir ro// mchog gi dkyil 'khor steng du ni// me tog med na ji ltar mchod// dpal phyag rgya chen po'i thig le las dkyil 'khor dang / lha mo dang / gnas dang / dur khrod dang / shing dang / mchod pa zhes bya ba'i le'u ste bcu pa'o// / nyon mongs thams cad med byed pa/ / nyon cig sbyin sreg bdag gis bshad// lte ba'i gnas na tshul yod pa// tshul gyi mtha' na gsang pad // de ru rang 'bar gyi ni rlung // bskor ba byas nas ngal bso ste// dbang
- 214b
po gnyis shing sbyor ba yis/ / rlung gis me ni sbar ba'o// mar yod pa ni steng 'khor lo// de ni mar snod ces su dran// ha ni blugs gzar zhes su bshad// dgang gzar 'di ru rdo rjer bstam/ hom khung b+ha ga zhes su bshad// 'bru ni dbang po lnga ru dran// yam shing phung po zhes byar bstan// byang chub sems ni mar du sreg/ mar ngo yi ni min chad du// nyal thug nas gshegs su gsol// thigs pa phyed tsam dgang gzar las// hom khung phyi rol yang mi bya// sangs rgyas byang chub sems dpa' dang // lha dang lha min srin po dang // 'jig rten skyong ba brgyad rnams la// bsreg bya yis ni rab tshim bya/ / mchod pa gang zhig rdor sems la// bsreg rdzas gang pas dbul bar bya// hUM phaT rnam pa'i sngags kyis ni// mkhas pas bsreg rdzas sbyin par bya// de yis mkha' 'gro ma rnams dang / / gzhan yang rnal 'byor ma mo mnyes// gang zhig yid la ci bsams pa// dngos grub chen po mtha' yas ster// re ba thams cad 'grub byed pa// de lta'i sbyin sreg bdag gis bshad/ / dpal phyag rgya chen po'i thig le las don dam pa'i sbyin sreg gi cho ga zhes bya ba'i le'u ste bcu gcig pa'o// // bdud rtsi lnga yi cho ga'i rab// mdor bsdus pa ni bdag gis bshad/ / rnam snang mi bskyod don yod grub// dpag med rin 'byung zhes byar bstan// rin chen 'byung ldan khrag ces bstan// snang ba mtha' yas khu bar brjod// don yod grub pa
- 215a
sha chen te/ / mi bskyod pa ni rdo rje chu'o// rnam par snang mdzad dri chen bshad// de ni bdud rtsi lnga yin no// dben dang mi med dgyes pa yis// gnod pa thams cad dang bral ba'i// de ru khang pa rab tu bya// nyis rtseg dang ni sgo dang ldan// gcig ni sa yi 'og tu bya// de yi steng ni gnyis pa'o// 'jig rten pa yis gcig tu shes// de ltar mkhas pas khang pa bya// re zhig sgrub dbang skal ldan pa/ / thos pa che shing ser sna med// snying rje chen po'i rlan dang ldan// zhe sdang phrag dog bral ba dang // dpa' ba che dang rlabs che ba// sgrub pa'i grogs dang de bzhin te// 'dod chag chags bral gnyis med pa/ / ser sna med cing brtson 'grus ldan// khro ba med cing dpa' chen po// bla ma la gus thos pa che// 'bras bu gsum la sogs pas lus// dang por yang dag nges dag bya/ / de nas sngags pas 'bum phrag gcig/ suM b+ha'i sngags ni gsal bar bzlas// oM suM b+ha ni suM b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+NA pa ya gr-ih+NA pa ya hUM hUM phaT/ oM A na ya ho b+ha ga ban badz+ra bid+yA rA dza hUM hUM phaT/ de ni yi ge gsum gyi sngags// sgrub pa'i dbang pos yid kyis bzlas// rmi lam na ni 'di ltar mthong // rnal 'byor mi yi tshogs kyi 'dus// de yi gsung gi sbyin pa ni/ / yid 'phrog ma yi bu mo khyer// sems can don ni tshad med kyis// ji ltar rdo rje 'dzin pas mdzad// mig mdzes bu mo rnyed pa ni// gzugs dang lang tsho rgyan dang ldan// 'dod chag
- 215b
chen pos rgyags pa dang / / legs dgyes rings par g.yo ba dang // sngo bsangs nu sra dpa' mo dang // rtog med pa dang thos pa che// de 'dra'i bu mo chen mo la// gang tshe zla mtshan 'byung bar 'gyur// de la grong pa'i sbyor ba yis// shes rab thabs kyi cho ga bya// gang tshe ro ni 'byung bar 'gyur// de tsam de tsam rab tu bya// de tshe kha yi pad+ma yis// zhag bdun par du blang bar bya// shani tu gsal ba'i pad snod du/ / rin chen 'dra ba'i rak+ta gzhag/ nyi ma gsum du kha yis ni// dag pa'i pad rgyal gzhib par bya// shes rab thabs kyi cho ga ni// yang ni rnal 'byor pa yis brtsam// de ru chang ni btung bar bya/ / stobs kyis sA lu bza' bar bya// yang na ra yi 'o ma 'am// yang na nam mkha' stobs bza' 'o// mtshan mo nyin mo sbyor ba yis// bsrub thabs chen po dpyad par bya// gang tshe khu chen 'ong 'gyur bas/ / bu mo myos par gyur pa na// de tshe kha yis blang bar bya// lce la sogs pa'i gtsags bu yis// skyon med pa yi gnas su ni// pad+ma'i snod du gzhag par bya// brgyad dang yang na bcu bzhi dang / / yang na bcu ni mar gyi ngo // mdung rtse yang na ral gris gsad// rigs lnga'i nang na rigs gcig go// na tsha med dang bde ba 'grub// gzugs dang lang tsho ldan pa dang // skye ba bdun nam yang na gsum/ / sgrub pa'i grogs kyis khyer nas 'ong // sna tshogs mchod sbyin mchod pa yis// rtse gcig gis ni mchod par bya// de yi yan lag rab ni blang // pad+ma'i snod ni de la bya// shes rab dang
- 216a
ldan thabs kyis ni/ / de yi snod du chang btung bya// stobs chen rang nyid cung zad tsam// dngos grub phyir ni bza' bar bya// pad+ma'i snod du bsrubs pa las// cung zad 'bad de gzhag par bya/ / gzhan ma sman gyis 'bad de ni// grogs kyi dbang pos btse bar bya// ra yi 'o ma til mar dang // mar ni sha ka ra dang bcas// kha ra la sogs mnyam pa'i cha// stobs ni lnga ru gyur dran pa'o/ / kha ru tsha dang tsha ba gsum// sug smel nA ga ge sar dang // dza ti pha la dA tsa dang // ga pur rim par che bar bya// shin tu 'jam pa'i dri med snod// a ka ru sogs kyis bdug bya// 'bad de gzhan gyi snod du btso/ / bdug pa byas par gzhag par bya'o// nyi ma bdun gyi bar du ni// stobs chen sA lu bza' bar bya// de ni zos pa tsam gyis ni// gang zhig mi bskyod sngar 'ong 'gyur// de ni pad+ma'i snod du blang / / steng dang 'og ni mkhas pas bor// tho rangs cung zad tsam ni btung // cung zad tsam ni snod du gzhag/ shes rab thabs kyi gnyis 'byung ba// de yi snang mdzad 'dus pa ni// rnal 'byor pa yis rtse gcig bya/ / rnal 'byor grogs po'i sgrub pa'o// 'bras bu ur shing man shing dang // ta kar kur+Na pus ka ram// 'o ma dang ni chang ror ldan// rtse gcig gis ni btso ba ni// lcags kyi steng du btso bar bya/ / ma rnyeng na ni rdzi snod du// dag pa'i rigs kyi me tog gis// nyi ma bdun du 'dug par bya// de nas snying po'i sman de ni// rim pas che bar blug par bya// li shi ga pur la ta dang /
- 216b
gla rtsi tsan dan dzA ti dang // dzA ti pha la sug smel dang // dA tsha tsha ba gsum dang ro// dkar po'i sha kar dang ldan pa'i// mar dang bcas nas btso bar bya// me ni 'jam par smin pa yis// grogs kyi dbang pos btso bar byas/ / a ka ru sogs kyis bdug gis// rdo yi snod du gzhag par bya// nyin re zhing ni zho gnyis ni// zhu ba yin na bza' bar bya// zhu ba yin na zho bzhi dang // de nas zho drug rtag tu bza'/ / bdud rtsi lnga yi cho ga de// gsang chen bdag gis bshad pa'o// gzhan ma yan lag lnga yi sman// mkhas pas de la ril bu bya// skyu ru ra tsam du byas te// grib ma la ni bskam par bya/ / ras dang yan lag bkru byas te// de bzhin thig le bya ba'o// 'bad de kha la gzhag par bya// tshegs kyi dkyil 'khor spos dang bya// zhi dang rgyas dang dbang byed dang // drag po dregs la sogs pa yin/ / ril bu yis ni byas tsam na// the tsom med par 'grub par 'gyur// dpal phyag rgya chen po'i thig le las bdud rtsi lnga bsten pa zhes bya ba'i le'u ste bcu gnyis pa'o// / oM r+yan gnas la sogs par ni// rnal 'byor ma ni 'dus pa'o// de yi gnas su skad smra ba// gsang ba'i sgra ni yod pa'o// nyon cig sems ni rtse gcig gis// de ni yang dag bdag gis bshad// ma dan chang ba la sha/ ma la a tsa 'dus par dran// 'gro ba le Ta ro shrA ba// ni ri shu ka rus pa'i rgyan// phreng kha na ni 'ong ba yin// kun tu ru ni dbang po sbyor// du dur skal ldan min par bshad//
- 217a
kA liny+dza ra skal ldan gzhung // DiN+Di reg bya min par bstan// thod pa pad+ma b+hA dza na// dri chen bzhi mnyam yin par bstan// dri chu gla rtsir dran pa'o// khu ba ga pur bstan pa ste/ sha chen sA li dza ru dran// b+ha ha ka ni chu zhes bya// sgro ni yan lag ces byar dran// sha ka bzang po zhes su bshad// ho zhes bya ba 'grangs par bshad// dze g+he k+Sha ba laM kar bkres// 'byung ma g+ha na / tshegs 'khor lo// ka pe la ni gyis su 'gyur// na ga ra ma ni bdag byin bshad// b+ha ta ka ni khyod khyer 'gyur// ag+ni bor ba zhes su bstan// gsang ba rin chen zhes su dran// bza' ba dung du shes par bya/ / sha dag bza' ba min du dran// dag pa zhes bya sngags su bshad// dag pa min pa nyi mar brjod// raM pa tshangs pa grags pa ste// rgyal rigs lus su bstan pa'o// chags bral rje zhes bstan pa ste/ / chags pa dmangs rigs zhes byang drar// tsaN+DA lI ni gzhu zhes bshad// shwa pa tsa na mnga' ru bshad// tsarma ka ra srid 'khor lo// puk+ka sI ni ral grir bstan// 'da' ba ka ni stong zhes bshad/ / ha ri ka ni thal bar bshad// ra tsa rgya mtsho zhes su bshad// mi naM shi bar bstan pa'o// rgyas pa phag ces bya bar dran// phag ni bram zer bstan pa'o// nya ni pa la sha zhes bstan/ / ra ni nyin mor bstan pa'o// lug ni mtshan mor shes par bya// bya la sogs pa nyi ma phyed// me tog gser ni zhes su bstan// spos ni shar du la ru brjod// dri ni ma la ti ru
- 217b
bshad/ / me mar sha ko ni kar dran// gos ni ka shi ka ru bshad// bde ba ka ma la ru bstan// dpral ba rmu zhes bya bar brjod// smin ma 'phreng ba zhes su dran// mig ni ut+pal shes par bya// so ni a da na ru bstan// mchu ni pa la wa ru shes// mgrin pa gling bur bstan pa'o// phung po nga pa zhes su bstan// lag ngar myu gur bstan pa'o// lag pa mtsho skyes bstan par grags// num dpal 'bras brjod pa'o// dbus ni ri 'byung shes par bya// lte ba ma da na ru bstan// baR+Sha ri ka dam pa ru klags// pa d+ma dza ga na ru drar// byin pa dza na bi ru brjod// rkang pa a tsa shi rar dran/ sen mo yan lag ge sar rab// sA ni ma da sha ba ri// stan ni sha ta ku sum ste// nus pa pu ni zhes su ngan// mi nus pa ni pad+ma'i sdong // thams cad ming gi rdza mar dran// gzhon nu rdzing zhes bya bar grag/ 'bar ma mtsho zhes bya bar dran// rgan po rgya mtsho zhes par dran// myong ba mi smra zhes su 'gyur// myong ba ma yin gsal bar dran// mi smra ri dgas zhes su brjod// glu ni bag chags zhes su bshad// gar ni grogs po zhes par dran// sgra ni tshul 'chos zhes su bshad// rog bya zhags pa zhes su dran// ro ni sgeg po zhes su bstan// gzugs ni ri zhes brjod pa'o// gsod pa sgra ni zhes su brjod// tshe ni phug ron dran pa'o// grong ni ta la'i me tog ste// grong khyer 'bras bu yin par brjod// ljongs ri 'dod pa zhes par bstan// 'dod pa srog ces bya bar dran// mi shes de ni 'dul bar dran// shas
- 218a
pa spangs par shes par bya/ / dgod pa zhes bya byis par bstan// du ba khrag tu dran pa'o// nyin mo gzhon nur shes par bya// mtshan mo bu mor rab tu grags// mtshams ni bud med shes par bya/ / nyin phyed bran du bstan pa'o// 'dus pa yi ni dbus gnas su// rnal 'byor ma ni rtag tu brjod// dpal phyag rgya chen po'i thig le las rnal 'byor ma 'dus pa'i gnas su gsang ba'i skad bstan pa zhes bya ba'i le'u ste bcu gsum pa'o/ / / de nas gzhan yang bshad bya ba// yan lag phyag rgya sogs mtshan nyid// gang zhig sor mo gcig ni ston// bsnun rmed pa zhes spyan 'dren no// sor mo gnyis ni bstan pa yis// legs par bsnyun lan ljon pa yin// gang zhig gung mo ston byed pa// de la srin lag bstan par bya// gang zhig srin lag ston byed pa/ / de la lce ni bstan par bya// gang zhig gzhibs pa ston byed pa// de la rtse gsum bstan par bya// gang zhig gtsug pud ston byed pa// de la 'tshogs ma bstan par bya// gang zhig/ dpral ba ston byed pa// de la mkhur tshos bstan par bya// gang zhig lhag khung ston byed pa// de la sa gzhi bstan par bya// gang zhig lag gnyis ston byed pa// de la lag ngar bstan par bya/ gang zhig mgrin pa ston byed pa// de la lto ba bstan par bya// gang zhig ma mchu ston byed pa// de la kos sgo bstan par bya// gang zhig so ni ston byed pa// de la lce ni bstan par bya//
- 218b
gang zhig nu ma ston byed pa// de la kos khur bstan par bya// gang zhig lto ba ston byed pa// de la lte ba bstan par bya// gang zhig gsang ba ston byed pa// de la ling ga bstan par bya// gang zhig brla ni ston byed pa/ / de la gzhang ni bstan par bya// gang zhig rkang pa ston byed pa// de la rkang mthil bstan par bya// gang zhig sor mo sngon byed pa// de la sen mo bstan par bya// gang zhig gtsang po sngon byed pa/ / de la rgya mtshe bstan par bya// gang zhig nam mkha' ston byed pa// de la nyi ma bstan pa bya// gang zhigs ni smon byed pa// de la nam mkha' bstan par bya// gang zhig khro gnyer ston byed pa/ / de la mtshams ni bstan par bya// gang zhig so ni ston byed pa// de la mchu ni bstan par bya// gang zhig mgrin pa sngon byed pa// de la kha ni bstan par bya// gang zhig dpral ba sngon byed pa// de la rgyab ni bstan par bya// 'di ni thams cad rnal 'byor ma'i// yan lag rgya sogs mtshan nyid // dpal phyag rgya chen po'i thig le las rnal 'byor ma thams cad kyi yan lag gi phyag rgya la sogs pa zhes bya ba'i le'u ste bcu bzhi pa'o/ / // de nas gzhan yang bshad bya ba// gzugs dang rtags sogs mtshan nyid ni// dmar zhing ser ba'i bud med gang // pad+ma'i dri ni rnam par gtong / / lha stangs rang bzhin zhi ba dang // zhen pas lta ba'i rjes 'gro ba// ser po dmar po pad+ma 'dra// mig ni nyi ma'i 'od dang ldan// de la khyim na pad+ma yod// rtag tu mchod pa'i cho ga byed/
- 219a
pad+ma gar gyi dbang phyug rigs// pad+ma'i gtso mor de shes bya// smin mtshams bar na rtse gsum yod// lus ni sngo bsangs skye ba dang // de yi khyim na rdo rje yod// tang ku dmar pos mchod pa bya/ / he ru ka dpal rigs 'byung ba'i// kun gyi ma mor shes par bya// rtse gsum gang gi dpral ba 'am// yang na shak+ti gsal 'gyur ba// mig dmar gdong ni dmar ba dang / de bzhin rkang pa lag pa dmar// rtag tu phug ron la rtsed rtse// de bzhin khyi dang khyim bya'o// de yi khyim du rdo rje'i mtshan// rtag tu gang zhig mchod byed pa// dpal ldan rdo rje'i rigs su byung // mkha' 'gro ma yin dpa' bo'i gces// sprin sngo dag dang 'dra ba ni// rtag tu dpral bar thong yod pa// khyim du 'khor lo 'dri byed cing // rtag tu de la mchod byed pa// rdo rje'i phag mo'i rigs 'byung ba'i/ / mkha' 'gro ma ni stobs kyis dregs// mig sman nam mkha' sngon po'i mdog/ so ni mtho ba drag mo dang // rtag tu khrus la dga' ba dang // mang du smra bar mi byed cing // khyim du rdo rje 'dri ba dang / / mtshan mo phyed na mchod pa byed// rdo rje phag mo'i rigs 'byung ba'i// dpal ldan rdo rje mkha' 'gro ma// bcom gser dang mnyam pa'i 'od// mig mau g.yo zhing basmra mang / / rdo rje gang gi dpral ba 'am// khyim du yang ni gsal 'gyur ba// rgyal po'i btsun mo rtag tu sgeg/ skal ldan cho ga ni bden smra dang // mA li kI yi dri 'byung zhing // khyim du rdo rje mchod
- 219b
byed pa/ / khaN+Da ro ha'i rigs 'byung ba'i// mkha' 'gro ma ni ye shes rgyal// shin tu sha la dga' ba dang // mig sman nag po'am nam mkha' 'dra// rtse gsum rnam pa phra ba ru// gdug pa'i las la rtag tu dga'/ / dur khrod rtag tu 'gro ba dang // 'jigs pa med cing snying rje med// de la khyim du mchod pa ni// chang la sogs pas mchod byed pa// he ru ka dpal rigs 'byung/ ba'i// mkha' 'gro yin par gdon mi za// gas sa sprin gyi mdog 'dra ba// g.yon gyi mche ba gtsigs pa dag/ de yi khyim du dgra sta ni// 'dri zhing rtag tu mchod byed pa// he ru ka dpal rigs 'byung ba'i/ / mkha' 'gro mar ni the tshom med// mkha' 'gro ma ni thams cad kyi// mdog dang mtshan ma rigs 'byung ba// mdor bsdus pa ni 'di ru bshad// rgyas par ye shes snying por ro// dpal phyag rgya chen po'i thig le las mkha' 'gro ma'i gzugs dang / mtshan nyid dang / rigs 'byung ba zhes bya ba'i le'u ste bco lnga pa'o// // gang zhig gzhan min bdag nyid bzhugs/ / nyor cig dkyil 'khor rgyal dbang po// hUM gi rnam pa'i rnam pa can// bdag nyid hUM gi dngos po yin// hUM gi rnam pa las gzugs 'byung // mtshan dang dpe byang ldan pa dag nyi ma'i dkyil 'khor steng na bzhugs/ / nyi ma bye ba'i 'od dang mnyam// khyod dang lhan cig sbyor ba yis// chu skyes sngon po'i gzugs dang ldan// zhal bzhi spyan gsum phyag brgyad de//
- 220a
g.yas brkyang bas ni gnas na bzhugs// rdo rje dril bu nyizla dang // mnga' gzhu dag ni 'gengs pa dang // kha T+wAM ga dang ka pA la// khrag chen po yis gang ba'o// bde ba'i gnas su bdag dang khyod/ / legs dgyes dgyes par rol bgyid de// de nas dang po'i ro las ni// spro nas rdo rje ro langs ma// gzugs gnag pa la phyag bzhi pa// mnga' gzhu lag na 'gengs pa dang // chu srin g.yas na thogs pa dang // ka pA la dang kha T+wAM ga/ g.yon gyi lag na thogs pa ste// shar gyi sgo na gnas pa ste// yang ni srub thabs sbyor ba yis// gnyis pa yi ni ro rab las// rdo rje dra ba 'phros pa ni/ / gcer bu dang ni spyan gsum pa// mdog dmar lag na nya thogs te// byang gi sgo yi gnas na bzhugs// yang ni ro ni gsum pa las// rdo rje rtse mo spros pa ni// mdog ser lag na seng ge thogs/ / nub sgo yi ni gnas na bzhugs// yang ni ro ni bzhi pa las// rdo rje zlum po 'phros pa ni// mdog dkar lag na bya khyung ste// lho yi sgo na bzhugs pa'o// ro lnga de ni rnyed pa yis// rdo rje ska rags ma ni spros// rdza rnga gling bu lag na thogs// shar lho mtshams na gzugs gnyis pa'o// yang ni drug pa'i 'byung ba las// rdo rje ser mo spro ba ni// rgyud mangs rnga chen lag na thogs// lho nub mtshams na bzhugs pa'o// yang dag bdun pas rnyed pa ni// rdo rje rgod ma 'phro ba ste// rdza rnga dang ni cha lang thogs// nub byang mtshams na bzhugs pa'o// ro brgyad pa ni rnyed pa yis//
- 220b
rdo rje nyi ma spro ba ni// tam bu ra dang kA ra thogs// phyag gnyis rtag tu mdzes pa'o// spros nas byang shar mtshams su ni// bdud kun bcom nas bzhugs pa'o// yang ni srub dang bsrub thabs las/ / dang po dga' ba 'byung ba yis// rdo rje legs dgyes 'phros pa ni// ro yi snod ni lag na 'dzin// spros nas shar gyi phyogs kyi grwar// chos 'byung gi ni grwa na bzhugs// b+ha ga'i phyag rgya spyi bor ni/ / mdzub mo tshangs pa'i bu ga'i gnas// yang ni mchog gi dga' ba las// rdo rje mtshem 'phros pa ni// khrag gi snod ni lag na brel// lho nub gra na bzhugs pa'o// yang ni dga' bral 'byung ba las/ / rdo rje glang chen ma 'phros pa// khu ba'i snod ni lag na thogs// nub byang phyogs kyi grwa na bzhugs// de rnams gnag dang ser dang dmar// g.yon brkyang bas ni bzhugs pa'o// yang ni yang dag bsrub thabs las/ / lhan cig skyes dga' 'byung ba ste// lhan cig skyes dga' 'dod chags che// me chen rab tu 'bar ba'o// khyod dang lhan cig de ru bdag/ rang bzhin gyi ni yongs su 'gyur/ / dngos po med par bdag mi 'gyur// bdag ni rang bzhin gnas su bzhugs// bdag gi ngo bo brjod mi nus// sangs rgyas kun gyis kyang rnyed dka'// yang dag rdzogs pa'i sangs rgyas kyis/ / gal te kun rdzob gzugs su rnyed// 'jig rten khams ni grangs med pa// gzhan ni ma yin bdag gis khyab// khyod dang lhan cig kun rdzob tu// 'byung ba'i rgyu phyir rol pa byed// bdag
- 221a
ni rol pa mi byed na/ / sangs rgyas thams cad 'byung mi 'gyur// 'di ni thams cad mi g.yo bar// 'gro 'gyur bar ni the tshom med// rang bzhin las ni mchog gnas su// de dus bdag ni cang mi smra/ / bde chen legs dgyes mgon po bzhengs// rdo rje bzang dgyes bdag dga' mdzod// mgon po khyod min bdag ro 'dra// thugs rje ro yis bdag skye mdzod// kye mgon chad pa'i stong pa'i min/ / mgon po stong pa'i rang bzhin min// rdo rje mtshon ma bdag dga' mdzod// pad+ma kha phyi rol cig rol// a la la la a la la// a la la la legs dgyes mgon// rdo rje glang chen ma dga' mdzod/ / khyed rang gis gsungs bdag min na// sangs rgyas 'byung bar mi 'gyur ro// ye shes sku las oM hUM 'dir// bdag dang khyod ni lhan cig bzhengs// 'khor lo dang bcas khro sku mchog/ sum cu rtsa gnyis yan lag ldan// bde ba'i gnas su bdag dang khyod// dur khrod brgyad kyi dbus su ni// skye ba'i rgyu yi don phyir rol// bskyed pa'i rim pa yi ni phyogs// mdog gnag pa la 'od che ba/ / dbu sgra me bzhin 'bar ba dang // zhal ni bcu drug spyan gsum pa// phyag ni bcu drug ldan pa dang // zhabs ni rnam pa bzhi yis ni// bdud bzhi yi ni steng na bzhugs// legs dgyes dbang phyug ma khyod bcas// ye shes mkha' 'gro dbang phyug bdag/ khyod kyang nga yi gzugs dang mnyam// 'jigs byed chung mar bcas pa'i steng // gru gsum dbus su nyi ma'i
- 221b
gdan/ / gyen du zhabs ni gar dang ldan// 'jigs ma dpa' mo chang 'thung ma// 'jigs byed po la stobs ma dang // rta mgrin ma dang rta rnam// glang chen sna dang lto ba ma// me ma dang ni chu rgyun ma/ zla ba ma dang nyi 'od ma// dung rnam dang dung gtsug ma// dung lte ma dang stobs chen ma// bya rgod rgod kha hor pa ma// hor mig ma dang hor mgo ma// mig dmar skra dmar rin chen ma// phug ron dmar mo nag mo ma/ / ri bong ri dgas ram mo// phyag bzhi ma la sna tshogs gzugs// spyan gsum pa la bzhin yang 'jigs// phyag gnyis mda' gzhu 'gengs par ldan// gzhan gyis gri dang thod pa 'dzin/ / rdo rje 'phreng ba dpral ba ru// phyag rgya lnga yis yan lag brgyan// de lta bu yi 'khor lo tshe// khyod dang bcas pa bdag gi gnas// gang zhig nyi shu rtsa brgyad gnas// de ni tshog kyi gnas su dran/ / rdol dril rin chen 'khor lo dang // ral gri rtse gsum mda' nyi ma// zla ba dgra sta Da ma ru// gzhu dang tho ba ka pA la// b+hU ta'i pags pa gyen du 'phyar// gshin rje'i pags pa rked la dkris/ / zhal gcig pa la phyag gnyis te// khyod kyang bdag gi mdog yin no// thams cad rgyan gyis brgyan pa dang // phyag gnyis mda' gzhu 'gengs pa'o// de nas rdzogs pa'i rim pa ni/ / rtsa yi 'byung ba rim pa mchog/ lha mo re re rtsa re ste// de yi bde ba bdag dang khyod// 'dzums pa dang ni 'byed pa yis// rlung gis me ni khong du chud// yang dag pa yi dbang po'i shing /
- 222a
de yis gtum mo 'bar ba'o// rnam par rtog pa'i phung po'i gzugs// thams cad lus ni sreg pa'o// de yi me 'bar yang dag gis// bde chen 'khor lo bzhu bar 'gyur// bzhu bas rtsa ni thams cad las// mchog gi bdud rtsi 'dzag pa'o// yang ni lus ni sos 'gyur te// lha yi sku ni thob par 'gyur// de ni goms pa'i sbyor ba yis// rtse gcig gis ni goms par bya// phyi yi phyag rgya med na yang // bde ba 'byung bar 'gyur pa yod// blta ba tsam ni dgos pa ste// de bzhin thams cad thams cad min// phyi nas rnam par rtog pa skyes// de la dngos grub med par 'gyur// / jidzaji ltar mun pa'i snod rnams ni// mar me med na mthong mi 'gyur// mar mes mthong bar gyur tsam na// phyi nas mar me dor bar bya// snod ni 'bang de bsrung bya ste// mar mes don bya mi dgos so// mar me'i mtshan nyid 'di ru rtsa// rtsa ni shes rab mtshan nyid do// thabs ni bde ba zhes su bstan// bde ba ye shes zhes byar dran// bde ba'i ye shes rang bzhin ni// gang zhig shes rab ma las rnyed// de ni shes rab ye shes dbang // de ni rdzogs pa'i rim pa'o// de dngos bde chen ye shes ni// dkyil 'khor nang du yang dag bzhugs// bde ba chen po gnyis su gyes// kun rdzob dang ni don dam mo// / dga' ba la sogs nyid las ni// bde ba gnyis gyes shes par bya// de yi rim pa yang dag gnyis// dad pas nyon cig bdag gis bshad// snang ba reg bya sbyor ba dang // 'gro ba de ni bzhi pa'o// /
- 222b
rim pa yis mi shes par bya// bskyed pa'i rim pa'i phyogs kyi ni// shes rab ma yi lta ba yis// gnyis ka'i 'dod chags 'byung bar 'gyur// de tshe dga' ba 'byung ba ste// rnam pa sna tshogs skad cig ldan/ / gang tshe de dang lhan cig tu// dad pas reg bya yod gyur na// de tshe mchog gi dga' ba ni// dri ma med pa 'byung bar 'gyur// yang ni dbang po gnyis phrad las// gang tshe de dang // lhan cig sbyor// de yi tshe na dga' bral ni// gsal bar 'byung bar 'gyur ba'o// gang tshe dbang po gnyis shing las// yang dag pa yi me 'bar na// de tshe lhan cig skyes dga' ni// srid pa med pa 'byung bar 'gyur/ / nu mas reg pas blta ba ni// 'dod pa de ni dang por dga'// phyi nas de dngos rgyas pa ni// gang tshe nges par yin par 'gyur// de tshe skad cig gis de rgyas// mchog gi dga' ba byed pa'o// gang tshe de nyid shin tu yis// 'dod chags me ni 'bar 'gyur na// de tshe 'bar ba'i thig le ni// dga' bral dga' ba 'bab pa'o// rdo rje pad+ma rol byed pa/ / de bzhin dga' bral dga' ba'o// de ni bskyed pa'i rim pa yin// u ti'i ye shes dang bral lo// yang ni gang tshe u ta ni// skad cig gcig las gcig tu 'gro// de tshe u ta'i thig le ni/ gsum gyi rnam pa dag par 'gro// de nas dir ni lhan cig skyes// rdo rje lta bu'i bde ba byed// de ni bcom ldan shes rab ma// rdzogs pa'i rim pa'i phyogs yin no// u ta'i sgras ni bde bar
- 223a
bstan/ / legs dgyes dbang mo de ni bdag/ de ru sbyor ba bzhi rnams ni// rgyas par bdag gis bshad par bya// 'dod dang 'dar dang 'gro ba dang // dga' ba dang ni bzhi yin te/ / de ni dang po sbyor ba yin// de ni dga' ba'i don yin no// rgyas dang 'dun dang 'byung ba dang // mchog gi dga' ba bzhi yin te// de ni sbyor ba gnyis pa yin// mchog gi dga' ba'i don yin no/ / 'bar dang thig le myos pa dang // dga' bral dang ni bzhi yin te// de ni sbyor ba gsum pa yin// dga' bral dga' ba'i don yin no// u ta dang ni tshul dang gnyis// lhan cig skyes dga' bzhi pa'o/ / de ni sbyor ba bzhi pa yin// dga' ba'i bye brag bcu drug go// bzhi rnams gzhan min 'di ru ni// rab kyi don ni 'di ltar 'gyur// 'dod pa 'dun pa yin par bshad// / dpal ldan shes rab mas sprul lo// de ni 'dun pa las ni dkrug/ rang gi yid kyis byed pa'o// 'dod pa'i sgras ni dga' ba yin// mthong ba las ni byed pa'o// de nyid bcom ldan shes rab ma/ / 'dod chags chen pos rgyas pa na// de tshe rgyas pa yin par 'gyur// mchog gi dga' ba gnyis pa'o// rgyas pa'i dus su phyi dang nang // gang tshe shin tu 'bar 'gyur na// de tshe yan lag rab de ni/ / skad cig gis ni zhu bar 'gyur// de ni 'bar ba'i thig les ni// ming ni gsal bar gyur pa'o// de ni dga' bral dga' ba ste// gsum pa zhes bya bshad pa'o// yang ni de
- 223b
nyid gtso mo ni/ / mchog gi rnam pa rab bde ba// de tshe u ta'i dgug pa ni// srid pa dang bral byed pa'o// de ni bzhi pa yang dag mchog/ lhan cig skyes dga' bstan pa'o// de ni u ta'i dgug pa ni/ / thig le'i thar pa gsum gyi mthar// lhan skyes kyi ni gnas su'o// dga' ba la sogs bye brag gis// lhan cig skyes rim shes par bya// bde ba chen po'i gtsug tor nas// smin phrag 'khor lo'i dbus yan chad/ / de tsam dga' ba'i gnas yin te// thig le gcig pu'i mtshan nyid do// smin phrag 'khor los mgrin 'khor lo// de tsam mchog gi dga' ba'o// mgrin pa'i gnas nas snying 'khor lo/ / de tsam dga' bral dga' ba'o// de nas yang ni rim pa yis// rim pa'i gnas ni rab tu bshad// lte ba'i 'khor nas rgyu zhabs su// de tsam du ni dga' ba yin/ / rgyu zhabs su ni mdung pa'i rtsar// de tsam mchog gi dga' ba'o// mdud pa'i gnas nas rin chen khar// de tsam dga' bral dga' ba'o// rdo rje rin chen rtse nang yod// lhan skyes de ni don dam pa'o/ / dpal phyag rgya chen po'i thig le las dkyil 'khor dang / dga' ba'i bye brag dang / thig le'i mtshan nyid dang / bskyed pa dang / rdzogs pa'i rim pa zhes bya ba'i le'u ste bcu drug pa'o/ / ye shes mkha' 'gro bcom ldan 'das// bdag ni the tshom cung zad skyes// char yang dang ni thig le'i tshul// ye shes gang nas shes par bya/
- 224a
bcom ldan 'das kyis bka' stsal pa// tshul ni dpral ba'i gnas su ste// thig le mgrin pa'i gnas su bzhugs// char yang snying kha'i gnas su shes// ye shes skye ba'i gnas su bzhugs/ / rtog pa las ni rtog pa med// gang du phyinan 'gro ba na// de ni de rnams rang bzhin gnas// lte ba'i gnas su rab tu grags// gang tshe bdud rtsi gnas su 'gro// de tshe ye shes zhes su dran/ / bdud rtsi byang chub sems su grags// tshul la sogs pa'i thig le bzhi// de yi gnas ni bzhi yin te// dga' ba'i bye brag 'gro bar 'gyur// dpral bar dga' ba'i thig le dang / / mgrin par mchog tu dran pa'o// snying kha ru ni dga' bral te// lte ba ru ni lhan cig skyes// rtsa yi kun spyod sbyor ba yis// dga' ba la sogs rnyed par 'gyur// dpral ba'i steng na pad+ma yod/ / de yi steng na gtsug tor ro// de ni gsang chen ye shes te// rgyal ba yis kyang mi shes so// lte ba'i 'og gi gsum gnas su// de yi steng du rgyu zhabs so// gsum dngos 'og gi lte ba'i dbyibs/ / de ru rdo rje byang gzugs gsal// gsum dngos gnas na rtsa rnams kyi// yang dag mchog gi gnas yin no// ro ma 'dzin ma gnyis yin te// gsum pa de ni rtog med ma/ / rtog mong de na gcig pu ste// kun rdzob tu ni gsum du 'gyur// de ni gcig tu lu gu rgyud// ji ltar sbrul 'khyil bzhin du'o// sku gsung thugs kyi dbye ba yis// rtsa ni bye
- 224b
brag gsum du 'gyur/ / rdo rje rtse mo thugs rdo rje// gsum gyi dngos po gsung yin no// lte ba sku zhes bya bar grags// de ni rdo rje gsum des don// snying khar thugs kyi rdo rje ste// mgrin pa gsung gi rdo rje'o/ / dpral ba sku yi rdo rje ste// rgyas par bdag gis rab tu gsal// de yi dbus su srog yod pa// de bzhin du ni nye ba'i srog/ snying ba'i steng las srob gi drung/ lde ba'i 'og las gso ba'i rlug/ gang tshe rkang mthil las gso rlung / / gal te 'byung ba yin par 'gyur// de yi tshe na srog gi rlung // gyen du lam du 'gro ba'o// gso rlung lte ba'i gnas su ni// nges pa yi ni gnas byed do// yang ni gang tshe srog gi rlung // gtsug tor las ni phyir 'gro na// de tshe gso ba'i rlung de ni// rang gi gnas su 'gro ba'o// de ni srog gi rlung yin te// lte ba'i gnas su 'dugs byed// dpal phyag rgya chen po'i thog lo las tshul dang / char yang dang / thig le dang / ye shes kyi gnas dang / rtsa'i kun spyod ces bya ba'i le'u sde bcu bdun pa'o// bcom ldan de ru bdag zhu ste/ / de yi bsam gtan ji lta bu// kha sbyar rnam pa'i sbyor ba yi// pad rnams 'dug sa'i mtshan nyid do// rim pa gang gis sems de ni// 'gro dang 'ong ba ji ltar 'gyur// bcom ldan 'das kyis bka' stsal pa// dri ba yang dag gsang ba ste// 'di ni sus kyang mi shes so// gang gis khyod kyis gsal bar shes// nyon cig yang dag bdag gis bshad//
- 225a
gang tshe legs dges shin tu bde// shes rab thabs kyi sbyor ba las// de tshe rtog pa med pa'i lam// byang chub sems ni 'byung bar 'gyur// lte ba'i rtsa bar srog rlung ni/ / skad cig tsam yang mi byed na// gang zhig pad+ma khas sbu ba 'di// skad cig gis ni gyen du 'gyur// de yi lte ba'i dbus su ni// sems ni bstan par 'gyur ba'o// de tshe 'thur du 'gro bar 'gyur/ / ji ltar ma rdol snod du ni// chu ni 'dzag pa med par gnas// de bzhin nges par sems 'gyur ro// de ni skad cig sgom byed do// sangs rgyas nyid 'gyur the tshom med// dpal phyag rgya chen po'i thig le las byang chub kyi sems bstan par byed pa dang // bsam gtan brtan pa zhes bya ba'i le'u ste bco brgyad pa'o// // dbang bskur ye shes mtshan nyid ni/ / bcom ldan de nyid don ni gsungs// bcom ldan 'das kyis bka' stsal pa// dbang bskur ba yi ye shes don// nyon cig yang dag bdag gis bshad// gzugs bzang bcu drug lon pa dang / / si sma ga pur yod pa yi// phyag rgya gcer byas nas ni// legs dgyes kyis ni mchod par bya// pad+ma kha sbyar sbyor ba yis// yang dang yang du 'dod pa bya// rim pa yis ni bskyod par bya// khu ba ji ltar 'byung 'gyur ba// thams cad 'byung bar gyur pa na// pad+ma'i nang du spang bar bya// legs dgyes kyi ni dbang phyug ma// 'di ni slob dpon
- 225b
dbang gi rab/ / yang ni gsang ba'i dbang 'di ni// dad pas nyon cig bdag gis bshad// gang tshegasang gnas na sems yod// de ni gsang bar rab tu grags// gsang ba pad+ma'i khu ba yin/ / mdud pa'i nang du gsang ba'o// de yi gnas su brtan par bya// sems ni nam mkha'i pad+mar min// thams cad rgyud las rnyed dka' ba'i// shes rab ye shes bdag gis bshad// shes rab mya ngan 'das zhes bshad// ye shes srid pa zhes byar dran// 'khor ba de ni mchog dga' ba// mya ngan 'das pa dga' bral dran// yang na mya ngan 'das grags pa// sangs rgyas rin chen pad+ma'i snod/ / bud med b+ha ga'i phyag rgya'o// de ni shes rab ces byar dran// ye shes snod ni yin par grags// thams cad bde ba'i mchog gi gnas// khu ba shes rab ces su shes// ye shes bde ba zhes su dran// dbang bskur 'ong du zhu bar 'gyur// ye shes dus las gzhan pa'o// de ni 'gog pa bzhi pa ste// rang bzhin ye shes mtshan nyid do// 'od dang stobs dang sprin ngadang tshul/ / dbugs dang ut+pal sa dang yid// snying po zla nya mun pa dang // mchog dang sgra dang ro dang glog/ de ni bcu drug shes par bya// bde ba'i thig le dri med do// tshangs bug nas ni mgrin gnas su/ / de tsam du ni thig le bzhi// de yi gnas su dga' ba bzhi// ro gnyis dang ni ldan pa'o// mgrin pa nas ni snying ra gnas/ yang ni tsam bzhi yin mo// mchog gi dga' ba'i bzhi yin te// ro gnyis
- 226a
dang ni ldan pa'o/ / snying kha'i gnas nas rin chen sker// yang ni de tsam bzhi yin no// dga' bral dga' ba'i bzhi yin te// ro gnyis dang ni ldan pa'o// rin chen ske nas steng gi gnas/ / yang ni de tsam bzhi yin no// lhan cig skyes dga' bzhi yin te// ro gnyis dang ni ldan pa'o// dga' ba bcu drug thig le ste// thig le zla ba'i cha ru dran// A li thig ler shes par bya/ / 'khor lo bzhi yi rim pas so// tshangs pa yi ni zhal dang bral// ro dang bcas pa bdag gi zhal// bcu gnyis de ni nyi zhes shes// kA li thig ler rab tu grags// bcu gnyis phyed ni bde thig le/ / dga' dang mchog gi dga' bar dran// dga' bral dga' ba'i thig le gsum// rang bzhin gsum dang bral ba'o// yang ni thams cad bdag nyid nyid// bzhi po'i don ni bdag gis bshad// gnas bzhi la ni dbang bzhi ste// legs dgyes dbang mor shes par bya// rgyu dang 'bras bu'i rim pa yis// mdor bsdus pa ni bzhi yin te// sbrul dang chos dang longs spyod dang / / bde ba chen po bzhi pa'o// de dag sku na bzhi yin te// don dam par ni shes bya'o// sum cu gnyis phyed rtsa nang du// A li thig le bcu drug go// gzhan phyed kA li thig le ste/ / rtag tu lam nas 'bab pa'o// A li ye shes sems su 'gyur// kA li ye shes sems las 'byung // bde ba chen po gcig pu ste// kun rdzob gnyis su 'byed par
- 226b
'gyur/ / shes rab rang bzhin zla ba ste// thabs ni nyi mi'i rasazhin mo// b+har+dz+dza A li 'bras bu ste/ A li n+yaste zla 'bras bu// nyim d+hu ste kA li 'bras/ kA la rgyu sde nyi 'bras bu// nyi ma'i dbus las rdza 'byung ste/ khu ba'i gzugs ni bde chen po/ / kA li bde ba gsang ba'i dbang // A li shes rab ye shes dbang // de gnyis dbus su bde chen po// rang bzhin de ltar dran pa'o// reg bya 'khyud pa la sogs pas// slob dpon gyi ni dbang bskur ro/ / dpal phyag rgya chen po'i thig le las dbang gi ye shes dang / A li kA li'i rgyu 'bras dang / zla ba 'byung ba dang / rtsa dang / thig le dang / dga' ba zhes bya ba'i le'u ste bcu dgu pa'o/ / / rnal 'byor dbang phyug spyod pa ni// yang ni bcom ldan bka' stsol cig/ bcom ldan 'das kyis bka' stsal pa// rnal 'byor dbang phyug spyod pa ni/ / skal bar ldan ma khyod nyon cig/ zla ba gcig tu gsang ba spyod// yul gyi mtha' 'am yang na tshal// thams cad don 'grub 'gyur ba yi// sngags 'di rtag tu bzlas par byahA sA ka re ro ta taM ba de ro d+ha Na la ma ta tsi ko d+ha Na la ma ta tsi ko ra d+ha da rka lA na dz+nyA ba oM/ de nas mkha' la rnal 'byor ma// 'dus nas bka' stsal sbyin par bya// bu kye bu mo 'di khyod khyer/ spyod pa rab ni khyod kyis gyis// bu mo bcu drug lon pa dang // si h+la ga pur yod pa dang // ut+pal sngon po'i mdog 'dra ba// tsan dan gsar pa'i dri yod cing // sgeg pa yi ni rgyan dang ldan/
- 227a
las rnams kun la mkhas pa'o// 'bang de gsang ba'i gzugs su ni// de dang lhan cig bde bar song // don zin nas ni so sor ni// sna tshogs kyi ni gzugs nyid kyis// la lar 'dod chags spyod pa dang // la lar 'dod chags bral ba'i yid// la lar zhi ba'i gzugs dang ni// la lar nga rgyal ldan pa'i yid// la lar na bas zos pa dang // la lar bde ba'i lus ni rab/ / la lar slongs mo byed pa dang // la lar rgyal po chen po rgyal// la lar gcer bu dri ma can// la lar dag pa gtsang sbra can// la lar cung zad tsam gyis 'grangs// la lar ngo mtshar byed pa dang // la lar ngo tsha med pa'i yid// la lar lkugs par 'dug pa dang // la lar sgra chen sgrogs pa dang // la lar dri chen za ba dang // la lar 'o ma 'thung bar byed// la lar sdig pa byed pa dang // la lar bsod nams chen por byed// la lar du bar byed pa dang // la lar rgod la gcig tu dga'// la lar tshe long rtse ba dang // la lar gar ni gcig pu byed/ / la lar bram ze'i spyod pa dang // la lar thod pa'i spyod pa dang // la lar gtum pa'i bran byed dang // la lar chos ni ston pa dang // / la lar chos ni nyan pa dang / / la lar sgyu ma byed pa dang // la lar sgyu ma bral ba dang // la lar rgan po lo mang dang // la lar smad 'tshong ma yi gzugs// la lar 'dod pa mchog spyod dang // la lar ser sna
- 227b
yis ni 'gugs/ / la lar ser sna dang bral yid// la lar byol song yan lag nyid// la lar rnam shes med pa dang // la lar brjod du med pa dang // la lar yang dag gzugs can ston/ / de lha'i rnal 'byor dbang phyug ni// rang dbang gis ni kun tu spyod// dpal phyag rgya chen po'i thig le las rnal 'byor gyi dbang phyug chen po'i spyod pa zhes bya ba'i le'u ste nyi shu pa'o// bcom ldan ye shes rgya mtsho khyed// bdag la the tshom skyes pa mchis// sngar gsungs pa yi 'khor lo drug/ de yi sa bon ji lta bu// gang gi sngags kyis bdud rtsi lnga'i/ bza' ba dang ni spyod pa'o// khyod dang bdag gi snying po ni// ji ltar de ni nges par yod// sems can rnams ni srung don du// 'dus pa'i gnas kyi dbus su ni// tshogs kyi 'khor lo ji lta bu// bcom ldan 'das kyis bka' stsal pa// nyon cig lha mo spyan bzang mo// 'khor lo drug gi sa bon ni// k+Shau mAM p+l-i r-I rA h+ma ni// dbus su re re dgod par bya// khaM raM shaM baM saM maM paM ni// rlung gi 'khor lo'i sa bon drug/ bling kli dz+r-i me 'khor lo'o// mkhas pas gru gsum dgod par bya// ga kha ga g+ha da/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa sha Sha sa sprul pa'i 'khor lo'i 'dab ma la/ / gnyis su byas pa'i sa bon gdab// traM hri aM khaM dang // la maM pa~M ta~M/ chos kyi 'khor lo'i sa bon brgyad// a A i i u U/ r-i r-I l-i l-I e yaM
- 228a
oM au aM aHlongs spyod 'khor lo brgyad gnyis 'di/ / g.yon skor du ni bri bar bya// de ni gnyis su byas pa ni// bde chen 'khor lo'i sa bon no// mnyam pa yi ni sa yi cha/ / chang la sogs pas byug pa bya// tsan dan dang ni gur kum mchog/ sna tshogs mchog gi me tog dang // sna tshogs mchod pa la sogs kyis// mkhas pas sa la mchod par bya// bu mo yid 'phrog lha yi gzugs// nyi shu lon pa g.yo ba med// gnas ni gang du sngags rgyal btu// re zhig dang po de ru gzhug/ mchog gi dga' ba'i sbyor ba yis// rtse gcig gis ni bsnyen par bya/ / bsnyen pa'i las ni rdzogs pa dang // de nas sa la bsang gtor bya// slob ma de yis thig le bya// bu mo la yang de ltar ro// sha chen la sogs kyis gang ba'i// gtso ma phyogs bzhir gtang bar bya/ / tshogs la 'bad de mchod par bya// med na yang ni 'bad pas so// sngags btu ba yi dus su ni// 'bad de bla ma mchod par bya// bla ma dgyes na sngags rgyal ni/ / the tshom med par thob par 'gyur// de ltar min na skyon yod de// sngags kyang thob par mi 'gyur ro// rdo rje 'phreng bas bskor ba yi// 'dab ma brgyad pa'i pad+ma bri// dbus su k+Sha yi sa bon ni/ / rdo rje sems dpa'i rang bzhin can/ A li kA li mnyam sbyar nas// thub pa bdun ni btu bar bya// dang por rnam par snang mdzad bri// lnga pa yi ni lnga pa dang // uSh+ma yi
- 228b
bzhi pa dang / / bcu drug pa yi gnyis par ldan// dang po yi ni dang po dang // me yis 'og tu brgyan pa'o// dbyangs yig bcu gsum pa dang ldan// gti mug thams cad mtshon cha'o// / bzhi pa yi ni bzhi pa dang // dbyangs yig bcu gcig pa dang ldan// uSh+ma Sha yi dang po dang // an+ta s+tha yi bzhi par ldan// de nas me yi sa bon dang / gnyis pa yi ni gsum pa dang / an+ta s+tha yi dang po dang / an+ta s+tha yi bzhi pa dang // dbyangs yig gsum pa dang ldan pa// thams cad kyi ni snying po bcom// gnyis pa yi ni gsum pa dang // de nas brgyad pa'i dang po dang // dbyangs yig gnyis pa dang ldan pa/ / yi ge mchog nyid gnas yin no// gsum pa yi ni dang po dang // de nyid kyis ni 'og tu brgyan// yang ni de nyid bri bar bya// uSh+mA yi ni bzhi pa dang // dbyangs yig gnyis pa dang ldan pa/ / rdo rje sems dpa'i rang bzhin can// uSh+ma yi ni gsum pa dang // lnga pa yi ni lnga pa dang // uSh+Ta yi ni bzhi pa dang // dbyangs yig gnyis pas brgyan pa'o// dang po yi ni dang po dang / / an+tas+tha yi gsum pa dang // lnga pa yi ni dang po dang // dbyangs yig gnyis pas brgyan pa'o// dang po yi ni gsum pa dang // nyi shu pa yis brgyan pa'o// dbyangs yig gsum pa dang ldan pa/ / khro bo yi na gzugs chen che// uSh+ma yi ni gsum pa dang // bzhi pa yi ni lnga pa dang // de nyid 'og tu ldan par bya// dbyangs yig gsum pas brgyan pa'o// lha rnams kun
- 229a
gyi byed pa'o/ / lnga pa yi ni bzhi pa dang // dbyangs yig gnyis pas brgyan pa'o// brgyad pa yi ni dang po dang // thams cad kun gyi pha yin no// uSh+ma yi ni bzhi pa dang / dbyangs yig drug pas brgyan pa ni// zla tshes thig le dang ldan pa// sems kyi dbang phyug yi ge mchog/ de nyid yang ni bri bar bya// de nas lnga pa'i gnyis pa dang // gsum pa yi ni dang po dang // uSh+mA yi ni gsum pa dang // an+tas+thA yi bzhi par ldan// dbyangs yig gnyis pas brgyan pa'o// ya yi sde tshan brgyad pa dang // dbyangs yig gnyis pa dang ldan pa// thams cad don grub mchog yin te/ / bdag gi snying po'i sngags rgyal lo// dang po gzugs kyi bdag po dang // an+ta s+tha yi bzhi pa dang // gnyis pa yi ni gsum pa dang // me yis 'og tu brgyan pa'o// bzhi pa yi ni dang po dang / dbyangs yig bcu gcig dang ldan pa// gnyis pa yi ni gsum pa dang // dbyangs yig bcu gsum pas brgyan pa// dang po yi ni gsum pa dang // me yis 'og tu brgyan ldan uSh+ma yi ni bzhi pa dang / / ra yig 'og tu brgyan pa ni// dbyangs yig bzhi pa dang ldan pa// sems can thams cad dbang du byed// yang ni de nyid bri bar bya// de bzhin lnga pa'i gnyis pa dang // gsum pa yi ni dang po dang // nye ba'i snying po mchog gi sngags// dang por rnam par snang mdzad dang // de nas uSh+ma'i gsum pa dang // dbyangs yig lnga pa dang ldan pa// lha rnams kyi sems gti
- 229b
mug byed/ / de nas me yi sa bon dang // de nas bzhi pa'i dang po dang // uSh+ma yi ni gsum pa dang // de nas nyi shu rtsa lnga pa// de nas rlung gi sa bon bri// dbyangs yig bcu gcig pa dang ldan// gzhan gyi phyag rgya rab tu 'joms// uSh+ma yi ni dang po dang // an+d+ra s+tha yi bzhi par ldan// de nas nyi ma'i sa bon dang // dbyangs yig gsum pas brgyan pa'o// uSh+ma yi ni bzhi pa dang // dbyangs yig drug pa dang ldan pa/ / zla tshes thig les brgyan pa'o// yang ni de nyid bris pa ni// gzhan gyi sngags ni 'joms pa'o// lnga pa yi ni gnyis pa dang // de nas gsum pa'i dang po dang // uSh+ma yi ni gsum pa dang / / an+ta s+tha yi bzhi par ldan// dbyangs yig gnyis par ldan pa ni// sdug bsngal thams cad med byed pa// ya yi sde tshan brgyad pa dang // dbyangs yig gnyis pa dang ldan pa// dngos grub thams cad 'grub pa ste// khyod kyi snying po'i sngags rgyal lo// dang po lha yi bdag po dang // de nas dang po'i dang po dang // 'og tu sa yig dang ldan pa// dbyangs yig gi ni bzhi pas brgyan/ / zla tshes thig le yis ni brgyan// thams cad kun gyis byed pa po// an+ta s+thasgra yi bzhi pa dang // sa yig 'og tu ldan pa dang // dbyangs yig gi ni bzhi par ldan// zla tshes thig le yis ni brgyan/ / gnyis pa yi ni gsum pa dang // sa yi yi ge 'og tu ldan// dbyangs yig bzhi pa dang ldan pa// zla tshes thig les brgyan pa'o// lnga pa yi ni gnyis pa dang //
- 230a
gsum pa yi ni dang po dang // swA hA tha mar ldan pa na// khyod kyi nye ba'i snying po'o// de ni sngags kyi gsang chen po// su la yang ni mi sbyin te// lha mo de bzhin man ngag 'di// su la yang ni mi sbyin ro// bye ba 'bum gyi nang nas gcig/ de ni man ngag gi ni snod// sngags sam yang na man ngag 'di// brtag par byas te de nas sbyin// bskal pa bye ba brgya yis kyang // de ltar min na 'grub pa med// bla ma'i kha las man ngag 'di// legs dgyes dbang mo rnyed par 'gyur// bstan bcos lung las yang dag ni// nam yang rnyed par mi 'gyur ro// man ngag don du bla ma mchog/ yang dang yang du zhu mi bya// bla ma mnyes na yang dag nyid// man ngag de la sbyin par byed// ji ltar bu mo lang tsho bab// pha la zhu bar mi byed na// pha rang nyid kyis shes nas ni/ / da ni bu mo sbyin dus snyam// traM hrIHkhaM gi sngags rgyal gyis// bdud rtsi lnga ni spyad par bya// sa chu me rlung rnams kyi ni// sa bon gyis ni bza' bar bya// dpal phyag rgya chen po'i thig le las 'khor lo drug gi sa bon dang / sngags btu ba dang / bdud rtsi lnga bza' ba dang // spyad pa zhes bya ba'i le'u ste nyi shu gcig pa'o// // 'byung po rnams ni bsrung dor du/ / nyon cig gtor ma bdag gis bshad// dur khrod yang na chu ngogs sam// yul gyi mtha' 'am yang na ni// shing gcig dang ni khang stong du// gtor ma 'bad de sbyin par bya/
- 230b
tshangs pa ma dang / drag mo dang / dbang phyug chen mo dang / khyab 'jug ma dang / phag mo dang / mi'i seng ge mo dang / brgya byin mo dang / me mo dang / chu lha mo dang / rlung lha mo dang / gzhon nu mo dang / gnod sbyin mo dang / mkha' lding mo dang / sbrul mo dang / glang chen mo dang / gshin rje mo dang / nor sbyin mo dang / nyi ma mo dang / gtum mo dang / de lta bu'i rnal 'byor ma 'khor dang bcas pa thams cad rnal 'byor pas 'dir phyag rgya 'dis dgug par bya'o/ / rdo rje khu tshur gnyis byas te// rgyab dang rgyab tu bsnol bar bya// mthe'u chung lu gu rgyud du sbrel/ / mdzub mo drang por bsgreng byas te// g.yas dang g.yon gyi phyag gnyis ni// cung zad tsam ni dgug par bya// rnal 'byor ma ni thams cad dang / 'byung po dang / yi dgas dang / sha ba dang / drag po chen po dang / brjed byed rnams tshur shog/ tshur shog/ nya dang / sha dang / khrag chen po dang / bza' ba sna tshogs dang ldan pa/ me tog dang / spos dang / mar me dang / dri dang / bdud rtsi lnga dang / chang dang / rgyal mtshan dang / ba dan la sogs pa dang / gdugs dang / rdul yab kyis brgyan pa'i gtor ma 'di snoms shig/ dam tshig 'di srungs shig/ bdag gi don thams cad kyi grogs gyis shig/ rgyud 'di la gang zhig dad pa yod pa de rnams bsrung ba'i don du gsol cig/ 'thung zhig/ rol cig/ hUM hUM pha
- 231a
phaT swA hA/ b+ha ga'i phyag rgya mgo steng bca'// phyag rgya 'di yis gtor ma sbyin// rkang pa mnan cing steng du blta// ha ha'i sgra ni sgrogs byed cing // rus pa'i rgyan dang ldan pa yi/ / he ru kar ni bdag nyid bsam// brgya byin 'dra ba'i lha ma yin// mdun du 'byung bar gyur na yang // de la 'jigs par mi bya ste// gzhan rnams smos kyang ci zhig dgos// dpal phyag rgya chen po'i thig le las gtor ma'i las zhes bya ba'i le'u ste nyi shu rtsa gnyis pa'o/ / // tshogs kyi 'khor lo'i cho ga ni// nyon cig lha mo spyan bzang mo// gsang ba mchog gi dgyes pa yi/ / de ru 'khor lo rab tu bskor// thams cad dam tshig gcig pa dang // thams cad rtog pa med pa dang // ser sna nga rgyal spangs pa dang // 'dod chags zhe sdang bral ba dang / / bla ma la gus bsam gtan ldan// phrag dog med cing rtse gcig pa// de ltar dgyes pa tshogs 'khor lo// mkhas pas 'bad de gzhug par bya// de ltar min na skyon yod de/ 'khor lo yang ni 'grub mi 'gyur// thabs dang mnyam pa'i shes rab ma// nyi shu rtsa lnga yan chad spangs// thabs re shes rab re re ldan// kun la gcig ni mi mdzes so// dang po yid 'phrog dgyes pa yi/ / me tog dkyil 'khor bri bar bya// de ru sna tshogs mchod pa ni// rtse gcig gis ni legs par bya// bla ma dngos po thams cad kyis// dad pa yis ni mchod par
- 231b
bya/ / tshogs pa la yang 'bad de mchod// mnyam nyid lta ba sems kyis so// ji ltar bla mas phyag rgya 'dzin// tshogs kyis kyang ni de ltar ro// rtse gsum yang na ral gris gsad// nam phyed na ni blang bar bya/ / sna tshogs mchod pa'i mchod sbyin gyis// mchod nas bla ma'i gdan bya'o// dbus su bdag nyid he ru kar// phyag rgya chen po dang ldan pa// de ni bla ma zhes su bstan// leg dgyes dbang mo bdag nyid do/ / tshogs kyi 'khor lo'i dbus su ni// mchil ma la sogs dor mi bya// gtam yang smra bar mi bya ste// rkang pa la sogs brkyang mi bya// phyag rgya'i brda dang gsang ba'i skad/ / de la 'bad pas bya ba'o// bka' lung med na gar dang glu// nam yang tshogs kyis mi bya'o// dum bu gcig pa'i mtshan ldan snod// bla ma'i mdun du gzhag par bya/ yang na dum bu gsum pa ni// lha yi chang gis bkang bar bya// sna tshogs mchod pa'i mchod sbyin gyis// snod de la ni mchod par bya// tshogs kyi 'khor lor snod gzhan ni// me tog rgyan gyis brgyan pa'o// bza' ba sna tshogs dang ldan pa'i/ / dang por gtor ma chen po sbyin// ji ltar dga' ba med mi 'gyur// je mang je mang btung bar bya// yang dang yang du phyag bya zhing // phyag rgya bcings la btung bar bya// de nas bza' ba thams cad kun/ / dag par byas nas bza' bar bya// lte bar ri bong 'dzin dkar dang // rta mgrin mchog dang ldan pa dang // hUM gi rdo rjes dkar legs sbyang // A l-is rab tu rtog
- 232a
byas shing / / oM gyi 'od kyis 'bar 'gyur bar// byin gyis brlabs nas mngon par bza'// rang lce bar 'dab dbus ma ru// hUM byung rdo rje dkar po dgod// phyi nang bdag nyid thams cad kun/ / 'khor lo de yis rab tshim bya// 'khor lo bzhi yi dbye ba yis// 'khor lo ma lus kun sbyang bya// dpa' bo'i lce la dpa' bo ni// dpa' bo'i dpa' bo dbus su'o/ / dpa' bo'i kha la dpa' bo ni// mchod pa'i dus su mchod par bya// lte ba gnyis kyi dbus su ni// dpa' bo kun gyi mchog gi gnas// dpa' bo rnams kyi mchog gi don// dpa' po de kun mi shes na/ / de yis tshogs kyi 'khor lo ni// nam yang thob par mi 'gyur ro// gang ci de lta'i rim pa yis// phyi dang nang gi bya ba'o// de ltar byas na dngos grub thob// mkha' 'gro ma yang lhan cig 'dus/ / gal te gzhan ma'i rnal 'byor ma// brtas pa'i don du 'ong 'gyur na// de la re zhig the tsom ni// mkhas pas rnam yang mi bya'o// gtam ni smra bar mi bya ste// / phyag rgyas bskrun ni gsol bar bya// gang zhig de ru bla ma yi// gsung ba dang ni mdzad pa'ang de// yang na las kyi rdo rjes ni// thams cad don kun byed pa'ang rung // ji ltar rdo rje sems dpas rol/ / las kyi rdo rjes de ltar ro// sna tshogs gzugs kyis rnal 'byor ma// yang dang yang ni 'ong 'gyur na// de ru re zhig 'jigs mi bya// dpa' bo yi ni gzugs su spyod// bsdams
- 232b
ba la lar byed pa ni/ / de la chad pa rab rtogs bya// yang ngag dga' ba byung gyur na// thar pa'i rgyu phyir gar bya'o// 'on kyang rdo rje rkang pa'i gar// ji ltar rnal 'byor ma mnyes 'ong // ma 'am// sring mo chung ma dang // sgyug mo dang ni mna' ma la// shes rab thabs kyi cho ga yis// 'bad de de la mchod par bya// de rnams mchod pas dngos grub ni// gang zhig sems la bsams pa yod/ / lhag ma'i gtor ma bzung nas ni// dgon pa chen por gtang bar bya// gal te de ru rnal 'byor ma// blta ba de ni ston byed na// de rnams mtshan nyid 'di lta bu// mkhas pas 'bad pas shes par bya/ / gang zhig bzhin gyi dkyil 'khor ni// kun tu zlum por snang 'gyur zhing // kha ni smrar rtag par yod// spu dang smin ma ring ba dang // gos bzang gtsang zhing zhi ba dang // mi g.yo bden par smra ba dang // rtag tu dam pa'i chos la dga'// dpa' bo'i sring mo de ni dran// pad+ma'i phyag rgya sbyin par bya// de bzhin rus sbal phyag rgya'o// lpags pa bum pa spyi blugs nyid/ / phyag rgya'i lan du shes par bya'o// de ni tshes bcu'i res dag la// khyim du pad+ma 'dri bar 'gyur// lA ma yi ni bud med kyi// mtshan nyid gyur pa 'di nyid ni// ma mchu 'phyang zhing mig dkyus ring / / mig ni dmar zhing ser sku gnas// phyug cing skal bzang yon tan can// ser zhing tsam pa lnga bur snang // shin tu ring dang thang ba'ang min// sna tshogs pa yi gos
- 233a
la dga'/ / dpral bar ri mo gsum yod cing // mtshan ngan gyen du bltas pa las// rgod cing dga' ba nyid ngag dang // lam ni rnam par mnan cing gnas// g.yul// du shi ba rnams kyi ni// gtam dag la ni rtag tu dga'// de ltar rab dregs mthong na na// rtse gsum phyag rgya bstan par bya// rkang pa g.yon pa bskum pa yis// gar nyid kyang ni bstan par bya/ / g.yon pa dag ni yongs bzlog pa// phyag rgya'i lan ni yin par bshad// tshes bcu dang ni bco brgyad ni// de yi dus tshigs yin par bstan// khyim du mdung rtse gsum pa yang // bris nas de ni rtag tu mchod// 'jig rten dbang phyug lA ma yi// mtshan nyid gyur pa 'di dag yin// gang gis mkhur chos dag tu ni// khung bur snang bar gnas gyur cing // de bzhin dmar ser lag pa dmar/ / mig ni ljang ser dag tu snang // skra ni de bzhin 'khyil ba dang // mgo la dar ni bcings pa dang // dpral ba la ni gsal bar ni// gzhu yi dngos por rab tu gnas/ / de bzhin mgrin ring sna ring ba// rtab tu gos dmar la dga' zhing // dgod cing glu ni len pa dang // lan dga' zhig ni khro ba dang // sems ni rnam par g.yo ba dang // rtsod pa la ni dga' ba ste/ / 'di 'dra'i rab dregs mthong nas ni// sha ga ti'i phyag rgya bstan par bya// gnyis pa nyid ni 'bad pa yis// dril bu'i phyag rgya bstan par bya// g.yon gyi
- 233b
phyogs su log pa ni/ / phyag rgya'i lan ni yin par bstan// thung zhing byin pa sbom pa dang // rtag tu gos ser la dga' zhing // phrag pa dag nas gos kyang 'phyang // de 'dra'i bud med mthong nas ni/ / 'khor lo'i phyag rgya bstan bya zhing // 'bad pa yis ni gnyis pa yang // dung gi phyag rgya bstan par bya// g.yon nas yongs su bzlog pa ni// phyag rgya'i lan ni yin par bshad/ / bcu bzhi de yi dus yin te// de yi khyim du rdo rje 'dri// he ru ka dpal lA ma yi// mtshan nyid gyur pa 'di dag yin// lus kun la ni ba spu yod// mig ni gnag cing ser ba dang / / sbom zhing rnam 'gyur mi bzad pa// bzhin 'phel che zhing kha che la// mchu ni 'phyang zhing kha dog gnag/ mig zlum sna ni nyams pa dang // rtag tu glu dang gar la mkhas// sprin gyi gzugs can gsus pa che// 'di 'dra'i rab dregs mthong nas ni// glu yi phyag rgya bstan par bya// gnyis pa yang ni 'bad pa yis// mdung gi phyag rgya bstan par bya// g.yon nas yongs su bzlog pa ni/ / phyag rgya'i lan ni yin par bshad// tshes grangs bcu gcig de yi dus// khyim du mche ba 'dri byed pa// rdo rje phag mo lA ma yi// mtshan nyid gyur pa 'di dag yin/ / mtshan mo'i dus su lam du ni// de ltar 'bad de shes par bya// de kun 'jigs par yong mi bya// phyag rgya rnams kyis mnyes par bya// ji ltar bsams pa bzhin du ni// mnyes
- 234a
nas dngos grub ster ba'o/ / dpal phyag rgya chen po'i thig le las tshogs kyi 'khor lo'i cho ga dang / mkha' 'gro ma'i yan lag gi mtshan nyid ces bya ba'i le'u ste nyi shu rtsa gsum pa'o/ / / de nas gzhan yang bshad bya ba// de ru las ni rab yin te// gang zhig bsten pa tsam gyis ni// myur du dngos grub la 'jug pa// yan lag dri nim shin tu 'jam/ / rdul ni dri zhim gyur pa dang // ngo tsha che zhing bden par smra// yun rings mig ni mi 'dzums pa// khro ba med cing snying rje che// skad cig 'jam par smra ba dang // skye ba bdun nam yang na gsum/ / 'bad pa yis ni btsal bar bya// bsod nams dang ldan sems pa yi// des ni lag tu rnyed par 'gyur// de yang zos par byas nas ni// de yi snying khar ro tsa na// rtse gcig pa yi sems kyis ni/ / he ru ka yi sngags lan bdun// bzlas nas 'bad pas thig le bya// 'phral du steng du lding 'gyur zhing // dpag tshad bye bar 'gro ba'o// de ni zos pa tsam gyis ni// khams sum ye shes can du 'gyur/ / dpag tshad bye ba lnga bcur ni// nyin mtshan kun tu 'gro ba'o// lha yi lus kyang thob 'gyur te// bskal pa stong du gnas par 'gyur// brgya byin gyi ni stobs 'dra'o/ / bud med bltas pa tsam gyis ni// ji ltar me yis mar bzhu ltar// dpal phyag rgya chen po'i thig laM las las kyi cho ga zhes bya ba'i le'u ste nyi shu rtsa bzhi pa'o//
- 234b
bcom ldan ye shes rgyal dbang po// bdag la the tshom skyes pa mchis// sngags pas sngags rnams 'grub don du// bzlas brjod de ni ji ltar lags// bcom ldan 'das kyis bka' stsal pa// rnal 'byor rnams kyis bzlas dang bsgom// nyon cig lha mo 'gro ba ma// srog dang rtsol ba mnyam byas nas// srog dang rtsol ba bza' bar bya// srog dang rtsol ba 'gog byas te// srog dang / rtsol ba la blta'o// pad+ma'i kha sbyar sbyor ba las// shes rab thabs ni sprad par bya// lte ba gnyis kyi nam mkha' las// khab rtse dbye ba med pa yi// yi ge shel gyi 'od ldan pa// A li'i 'phreng ba dran par bya/ / yi ge re raM yid kyis ni// rtag tu rgyun mi 'chang par bzlas// 'khor lo rnams kyi lte ba'i nang // bzlog pa byas nas drang bar bya// ha ha'i sgra ni 'jam pa yis// mgrin pa ya rkan mgul med pas/ / nang gi reg bya 'jam pa yi// snying kha kho na'i gnas su bya// shes rab gtum mo gzugs su grags// rnam pa dang bral bde sbyin ma// de lta'i shes rab dang lhan cig/ rdo rje skyil krung sems kyis ni// sems ni g.yo ba med par bya// thigs tshul char yang dang bral ba// thigs tshul char yang dag nyid dang // thig le tshul dang char yang nang // rnal 'byor gyis ni der sems bya// char yang gi ni nang du sems// yang ni tshul gyi nang du sems// tshul ni thig ler 'gro bar bsgom// thig le yang ni stong par 'gro// stong pa rang bzhin
- 235a
zhes su bstan/ / gsum dang bral ba ma skyes mchog/ de lta bu yi cho ga yis// 'di yi cho ga'i thabs kyis ni// gang zhig rtse gcig gis ni bzlas// nges ni dngos grub chen po 'thob/ / zla ba gcig gis gdon mi za// dpal phyag rgya chen po'i thig le las rang bzhin gyi bzlas pa zhes bya ba'i le'u ste nyi shu rtsa lnga pa'o// // bcom ldan dpa' bo dpa' dbang phyug/ sngar ni khyod kyis dus bka' stsal// thams cad mkhyen pa mchog dbang phyug/ de yi don ni bshad du gsol// de yi dus kyi don 'di ni// spyan ring lha mo khyod nyon cig/ dus ni char yang zhes su bshad// de rnams kyi ni sbyor ba'i don// sbyor ba bzhi yang bzhi bzhir gyis// yan lag gcig ni spangs pa'o// rgyal ba rnams kyis rnyed dka' ba// de yi skye ba bdag gis bshad// rten gyi srog gi dbyig pa la// de ru sbyor ba bstan pa'o// srog gi dbyig pa dbus na gnas// phra ba'i phra ba yang dag mchog/ sum cu rtsa gnyis mdud dang ldan/ / de ni phyi rol nang du min// mdud pa yi ni gnas su sbyor// de ni char yang rnams kyi don// char yang sbyor ba nang du min// nang du de ni rtog med ma// mdud pa'i nang du g.yas dang g.yon// rom dang ni brkyang ma gnas// mdud pa gnyis dbus gcig cig ste// sum cu gnyis kyis bcu drug dran// bde chen 'khor lo mgrin pa gnas// lte ba'i steng ni yan chad do// sor bcu
- 235b
gnyis kyi skud pa ni/ / mdud pa med pa gcig pu'o// de 'og mdung pa dang ldan pa// rlung gi 'khor lo yan chad do// spyi bo nas ni mgrin yan chad// de tsam sbyor ba bzhi yin no// mgrin pa'i 'og nas snying kha'i gnas/ / de tsam gzhan ni bzhi yin no// snying kha'i gnas nas lte ba'i bar// de tsam gzhan yang bzhi yin no// lte ba'i nas ni nor bu'i mgrin// de tsam gzhan ni bzhi yin no/ / de ni sbyor ba bzhi ru bshad// char yang dga' ba dang ldan pa// 'dod dang rdul dang 'dar dang stobs// 'gro dang bdud rtsi yang yin te// dga' dang pad+mo de bzhin te// de ni dang po'i sbyor ba bzhi/ rgyas dang rdul dang mdung dang myos// 'byung ba dang ni mtshan mo dang // mchog gi dga' dang ro yin te// de ni gnyis pa'i sbyor ba'o// 'bar dang zhi dang thig le gnas// myos dang 'og ma de bzhin no/ / dga' bral dga' ba dgug pa ste// de ni gsum pa'i sbyor ba'o// u ta 'bad ma tshul rlung ma// gnyid dang ma ma de bzhin no// lhan cig skyes dga' ma skyes pa/ de ni sbyor ba bzhi pa'o// rin chen ske ru phyin tsam na// de ni zla ba gang bar dran// dga' ba yod pa'i sbyor ba ni// de ni shar bar shes par bya// bco lnga pa ni 'byung ba'i rgyu// bcu drug pa la rtog mi byed/ / skye dang 'dzag pa med pa'i phyir// de la sbyor ba med pa'o// char yang rnam skyed sbyor ba ni// rtse gcig gis ni khyod nyon cig/ bcu drug de bzhin nyi ma dang // gang du gnyis ka sbyor
- 236a
bar 'gyur/ / de la ma skyes cha zhes bya// de rang ngo bo rang bzhin no// bcu drug de bzhin nyi ma dang // char yang 'byung ba rgyu yin no// de ni 'byung ba kun gyi pha// thabs dang shes rab mnyam par ldan/ / bcu drug pa ni shes rab yin// nyi ma thabs su bstan pa'o// bcu drug phan chad shes par bya// nyi ma mchog tu dran pa'o// de gnyis dbus bzhugs rang bzhin ni/ / ngag gi lam gyis rnyed par dka'// de lta bu yi dus kyi don// yang dag par ni bdag gis bshad// 'di las gzhan mchog gsang ba ni// zhal bzangs yang dag med pa'o/ / 'bad pa yis ni sba bar bya// su la yang ni mi sbyin no// dpal phyag rgya chen po'i thig le las dus kyi don gyi rang bzhin gyi don zhes bya ba'i le'u ste nyi shu rtsa drug pa'o// / sngar sbas sngags kyi gsal ba de// nyon cig lha mo bdag gis bshad// dad ldan rnams kyis shes don du// dad pa med la nam yang min// hA swA Ta pha hUM hUM ya b+han+tis gIlpA/ hA ma sa hAn+tan+d+ha rA ya dza bi ya dza rA shA de kro hA ma oM/ gsang chen po yi sngags 'di ni// thams cad don kun grub byed pa// Ta pha hAM hrIM gri dze ta dz+wa ba oM/ nye ba'i snying po'i sngags chen po// thams cad kun gyi dbang du byed// hA swA Ta pha hUM hUM ri shwa ye ma sa ta ra su oM/ khyod kyi snying po'o sngags dbang po// grangs med yon tan dang ldan no// sngags pa'i ye shes grub don du//
- 236b
gsang ba'i sngags ni gsal byas so// hA sA Ta pa dzI b+h+r-i kr-i oM/ khyod kyi nye ba'i snying po 'di// sangs rgyas kyis kyang rnyed dka' ba// bdag gis re yi sngags kyis ni// grangs med dbang du byas pa'o/ / dpal phyag rgya chen po'i thig le las sbas pa'i sngags gsal ba zhes bya ba'i le'u ste nyi shu rtsa bdun pa'o// // yang ngam du 'khyud pa byas nas skad snyan pa yis/ bcom ldan 'das ma legs dgyes dbang phyug mas 'di skad ces zhus so// bcom ldan ye shes mkha' 'gro nyid// mi shes mun pa 'jig byed pa// gsang ba kun ni gsungs pa las/ / phyag rgya chen po de ma gsungs// phyag rgya chen po ji ltar lags// rgyal ba'i dbang phyug yang dag gsungs// bcom ldan 'das kyis bka' stsal pa// rab tu bde ba'i rnam pa mchog/ nyon cig lha mo phyag rgya che// phyag rgya chen po gsang ba che// brjod med mi zad ma skyes pa// thams cad gzugs can gzugs dang bral// gzugs med gzugs kyi bdag nyid mchog/ sbom phra la sogs dang bral ba// gzhal du med pa'i rang bzhin no// yang dag dri med rnam pa'i 'od// gang du yang ni gnas med pa// shar ba ma yin nub pa min// rtag tu shar ba char yang mchog/ dus dang gnas skabs grol ba ste// ske dang 'jig par byed pa'o// rnal 'byor ma rnams rnyed mau dka'// rnal 'byor cung zad rnyed dka' ba// thabs mchog
- 237a
gis ni rnyed 'gyur te/ / thabs mchog med na nam yang min// dpa' bo chen po bcom ldan 'das// de la thabs ni bka' stsol cig/ bcom ldan 'das kyis bka' stsal pa/ / rtsa yi kun spyod sbyor ba yis// slob dpon kha las rnyed par 'gyur// rlung 'khor char yang gnas na ni// rlung ma gnyid ma yod pa'o// g.yas pa dang ni g.yon gyi cha// char yang la ni shin tu bskor/ / de gnyis khong du chud pa yis// de las mchog gi bde ba 'byung // bde ba'i nang nas phyag rgya che// the tsom med par rnyed par 'gyur// char yang dbus na rtsa yi gnas/ / phra mo'i phra mo yang dag mchog/ rtsa yi gnas na rtsa yi gnas// de tsam la ni des khyab bo// phyag rgya chen po'i rang bzhin ni// lha mo chen mo de ni khyod// nga yi 'od ni yang dag khyod// phyi dang nang na yod pa'o// gang zhig phyag rgya mi shes pa// sangs rgyas yin yang rnal 'byor min// phyag rgya chen po'i thig le 'di// gang zhig dri med shes pa min// rnal 'byor rnal 'byor ma yi rgyud/ / 'bum gcig rnal 'byor des shes kyang // de lta mod kyi 'bras rab des// nam yang 'byung bar mi 'gyur ro// thams cad chos kun rab shes na// de ni nges par sangs rgyas yin/ / phyag rgya chen po rab shes na// de ni dpal rdor sems dpar 'gyur// de yi rang bzhin ye shes ni// phyag rgya chen po'i mtshan nyid do// de skad ces thos nas bcom ldan 'das
- 237b
ma bye ba 'bum phrag bdun cu rtsa gnyis kyi mkha' 'gro ma dang bcas pas bskor ba lan gsum byas nas phyag 'tshal te khrag dron mos mchod do/ / bcom ldan 'das la mkha' 'gro ma thams cad kyis phyag rgya chen po thig le'i rgyud thos nas dga' mgu yi rangs te cang mi smra bar bzhugs so/ / yang dam du 'khyud pa byas nas 'di skad ces gsol to// bcom ldan rnal 'byor ma yi bdag cung zad bdag la the tshom skyes/ / gang zhig dkyil 'khor cho ga ni// rtsa ba yi ni rgyud du bshad// bdag dang gzhan gyi gnas de ni// sngar ni bdag gis ma shes so// bcom ldan 'das kyis bka' stsal pa/ / bdag gi gnas dang gzhan de bzhin// nyon cig yang dag bdag gis bshad// gzhan gyi gnas ni b+ha gar brjod// bdag gi gnas ni snying po'o// sgo yi phyi rol gzhan gyi gnas// bdag gi gnas ni dkyil 'khor ro// yang na gzhan gnas sbyor ba yin// nye ba'i sbyor ba bdag gnas so// sbyor ba mtho ris zhes su bstan// de bzhin du yang mi yul sbyor// nye ba'i sbyor bas 'og ste/ / mtho ris chos kyi snying pad+ma// nye ba'i sbyor ba ri rab rtse// mi yul lte ba'i lte ba'o// sa 'og sprul pa'i snying po ste// ri rab rtse mo gsang sna'o// de ltar gzhan ni gsang chen po// yang ngag gzhan du ngas ma bshad/ / 'bad de de ni bsrung bya ste/ u la yang ni mau sbyin no// rnal 'byor ma rgyud dbang phyug rgyal// rnal 'byor ma la bshad par bya// yang na sems dpa' chen po 'di/
- 238a
legs par brtags nas gsal bar bya// dpal he ru ka chen po'i dang po'i dang po grub pa/ de bzhin gshegs pa thams cad kyi gsang ba las kyang ches gsang ba'i rgyud phyi ma dpal phyag rgya chen po'i thig le rnal 'byor ma chen po'i rgyud kyi rgyal po'i mnga' ba dag/ thams cad mkhyen pas kyang rnyed par dka' ba/ rmad du byung ba'i rmad du byung ba zhes bya ba'i le'u ste nyi shu rtsa brgyad pa'o/ / // dpal phyag rgya chen po'i thig le rnal 'byor ma chen po'i rgyud kyi rgyal po'i mnga' bdag ces bya ba rdzogs so// / rgya gar gyi slob dpon rnal 'byor gyi dbang phyug chen po dpal shes rab gsang ba'i zhal sngar ka chos kyi ye shes dang / phyug mtshams dgra bcom gyis dad cing gus pas zhus te bsgyur cing gtan la phab pa'o// rgya gar skad du/ shrI dz+nyA na gar+b+ha nA ma yo gi nI ma hA tan+t+ra rA dzA ya de rA dza/ bod skad du/ dpal ye shes snying po zhes bya ba rnal 'byor ma chen mo'i rgyud kyi rgyal po'i rgyal po/ dpal rdo rje sems dpa' la phyag 'tshal lo// 'di skad bdag gis thos pa dus gcig na/ bcom ldan 'das ri rab kyi rtse mor bye ba phrag bdun cu rtsa gnyis kyi grangs kyi mkha' 'gro dang / mkha' 'gro mas yongs su bskor nas b+ha gu la chen po'i skyed mo'i tshal na bzhugs so// der bcom ldan 'das kyis lha mo legs dgyes dbang mo dang lhan cig tu rol pa
- 238b
mdzad pa'i tshe rje btsun la ba spu langs so/ / de'i dus su bcom ldan 'das ma legs dgyes kyi sbyor ba las langs te lan gsum du bskor ba byas nas zhabs la mgo bos phyag btsal te/ 'di skad ces gsol to// kye bcom ldan 'das ci'i phyir nyid kyi skul ba spu langs lags/ bcom ldan 'das kyis bka' stsal pa/ kye bcom ldan 'das ma de la dgos pa ci zhig yod// gang gi don gyi phyir nga'i sku la ba spu langs pa de ni gsang ba chen po'o// bcom ldan 'das mas gsol pa/ gsang ba chen po lags mod kyang // mchog gi dbang phyug bka' stsol cig/ bcom ldan 'das kyis bka' stsal pa/ nga yis legs dgyes kyi bde ba nyams su myong zhing steng dang 'og na gnas pa'i dga' ba'i skyed byed ma rnams la 'dus pa las ba spu langs so// bcom ldan 'das mas gsol pa/ steng dang 'og na gnas pa'i dga' ba skyed byed ma rnams la 'dus pa ji ltar lags/ bcom ldan 'das kyis bka' stsal pa/ steng dang 'og na gnas pa'i dga' ba skyed byed ma rnams la gang zhig 'dus pa de ci'i phyir mi shes/ bcom ldan 'das mas gsol pa/ bcom ldan 'das de skad du de ltar ni lags mod kyi/ 'on kyang mi shes pa'i phyir bcom ldan 'das kyi drung du bdag gis ni zhus so/ / bcom ldan 'das kyis bka' stsal pa/ 'di ni so so rang gis nyams su myong ba yin mod kyang / 'on kyang khyod kyi ngor ngas bshad
- 239a
par bya ste/ dga' bral gyi dga' ba 'byung ba'i stong phrag bdun cu rtsa gnyis kyi bdag nyid kyi rtsa'i dra ba 'dar zhing g.yos pa tsam gyis tshul shar ro// tshul shar bas thig le'i rgyal po zhu'o/ / thig le'i rgyal po zhu ba las steng dang 'og na gnas pa'i dga' ba skyed byed ma rnams la 'dus pa'o// de skad ces thos nas bcom ldan 'das kyi zhabs la mgo bos phyag 'tshal te/ dam du 'khyud pa byas nas ma mchu'i bdud rtsi'i btung bas dgyes par byas te phyi nas yang zhu ba mdzad do// kye bcom ldan 'das dga' bral gyi dga' ba'i dus su 'dus pa lags na/ de la sbyor ba med pa gang gi dus lags/ bcom ldan 'das kyis bka' stsal pa// dris pa yang dag dgyes pa mchog/ sangs rgyas rnams kyis rnyed dka' ba// dga' bral dus su sbyor ba med/ / de ni dga' bral dga' ba min// bcom ldan 'das mas gsol pa/ kye bcom ldan 'das dga' bral gyi dga' ba dang dga' bral la khyad par ci lags/ bcom ldan 'das kyis bka' stsal pa/ dga' mo khyod ci'i phyir de skad ces smra/ dga' bral gyi dga' ba dang dga' bral gnyis la khyad par cher yod pa de brjod par bya'o// gang zhig dga' bral gyi dga' ba de zhu ba gnas pa ste 'pho ba la sogs pa dang bral ba'o/ / gang zhig dga' bral de ni dga' ba dang bral ba zhu ba 'pho zhing 'jig pa'o// dga' bral gyi dga' ba ni zhu ba gnas pa ste/ 'gro
Colophon
dpal phyag rgya chen po'i thig le rnal 'byor ma chen po'i rgyud kyi rgyal po'i mnga' bdag ces bya ba rdzogs so/ /rgya gar gyi slob dpon rnal 'byor gyi dbang phyug chen po dpal shes rab gsang ba'i zhal sngar kaM chos kyi ye shes dang / phyug mtshams dgra bcom gyis dad cing gus pas zhus te bsgyur cing gtan la phab pa'o