'phags pa sangs rgyas bcu gnyis pa zhes bya ba theg pa chen po'i mdo
Text
ff. 27b–31a · 8 folio sides
- 27b
'das kyis gsungs pa la mngon par dga'o/ / sangs rgyas bcu pa zhes bya ba theg pa chen po'i mdo// rdzogs s+ho// / rgya gar skad du/ Ar+ya dra da sha bud d+hika na nA ma ma hA yAn su tra/ bod ska du/ 'phags pa sangs rgyas bcu gnyis pa zhes bya ba theg pa chen po'i mdo/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khabar bya rgod kyi phung po'i ri la dge slong stong nyis brgya lnga bcu'i dge 'dun chen po dang thabs cig tu bzhugs te/ byang chub sems dpa' mi pham pa la sogs pa/ byang chub sems dpa' khri nyi stong gi byang chub sems dpa' dge 'dun chen po dang thabs gcig go/ de nas bcom ldan 'das kyis byang chub sems dpa' sems dpa' chen po byams pa la bka' stsal pa/ byams pa sangs rgyas kyi zhing 'di nas shar phyogs logs su sangs/ rgyas kyi zhing bye ba khrag khrig 'bum phrag brjod tu med pa bcu'i rdul phra rab kyi rdul skyed kyi sangs rgyas kyi zhing 'das pa na 'jig rten gyi khams mu tig can zhes bya ba yod de/ de na de bzhin gshegs pa dgra bcom pa y ang dag par rdzogs pa'i sangs rgyas nam mkha' dpal dri med rdul sel rab mdzes yon tan gyi tog gi 'od me tog pad ma bai dUr+ya'i 'od zer rin po che'i gzugs lta bu'i sku dang ldan pa spos mchog dam pas mchod p a sku rnam par spras shing legs par brgyan pa gtsug tor gyi gtsug nas nyi ma'i 'od zer dpag med zla 'od smon lam gyis brgyan pa rab sprul bkod pa chen po chos kyi dbyings las mngon 'phags chags med rin chen rgyal po zhes bya ba da ltar yang bzhugs te 'tshe zhing gzhes la chos kyang ston te/ su rgyal ba'i mtshan 'dzin pa de bskal pa chen po 'dzam bu gling gi rdul phra rab kyi rdul snyed kyi bskal par 'khor ba las
- 28a
ldog go/ / des byang chub sems dpa' sems dpa' chen po 'dra med ces bya ba lung bstan te/ de bzhin gshegs pa dgra bcom pa yang dag par rdzogs pa'i sangs rgyas nam mkha' dpal dri med rdul s el rab mdzes yon tan gyi me tog gi 'od me tog pad ma bai dUr+ya'i 'od zer rin po che'i gzugs lta bu'i sku dang ldan pa spos mchog dam pas sku rnam par spras shing legs par brgyan pa gtsug tor gyi gtsugs nas nyi ma ' od zer dpag med zla 'od smon lam gyis rgyan pa rab sprul bkod pa chen po chos kyi dbyings las mngon 'phags chags med rin chen rgyal po de yongs su mya ngan las 'das pa'i dam pa'i chos nub ma thag tra bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang mi rnams kyi ston pa/ sangs rgyas bcom ldan 'das chu lha gzhon nu nyi ma'i sgron ma zla ba'i me tog rin chen pad ma g ser sdug nam mkha' lta bu'i sku ldan rnam par snang mdzad 'od zer rab brgyan thogs med 'khor lo dkyil 'khor phyogs bcur 'od zer rab 'byin 'jig rten khams kun tu sdang byed rtog gi rgyal mtshan rgyal po zhes bya bar 'jig rten du 'byung bar 'gyur ro/ / shar phyogs de nyid kyi de bzhin gshegs pa dgra bcom pa yang dag par rdzogs pa'i sangs rgyas bgrod pa thams cad dri med 'od ces bya ba'i mtshan kyang gzung don tshig 'don to/ / phyag bya'o// lho phyogs kyi de bzhin gshegs pa dgra bcom pa yang dag par rdzogs pa'i sangs rgyas spobs pa'i rgyan la dgongs pa zhes bya ba'i mtshan kyang gzung ngo // yid la bya'o// nub phyogs
- 28b
kyi de bzhin gshegs pa dri med zla ba'i tog gi rgyal po grags ldan zhes bya ba'i mtshan kyang gzung ngo / / phyag bya'o// byang phyogs kyi de bzhin gshegs pa me tog gi bkod pa snang bar mdzad pa zhes bya ba'i mtshan kya bzung ngo / / phyag bya'o// shar lho'i phyogs mtshams kyi de bzhin gshegs pa 'od mdzad ces bya ba'i mtshan kyang bzung ngo // phyag bya'o// lho nub kyi phyogs mtshams kyi de bzhin gshegs pa rin chen mchog gi grags ldan zhes bya ba'i mtshan kyang gzung ngo / / phyag bya'o// rab byang gi phyogs mtshams kyi de bzhin gshegs pa 'jigs med rnam par gzigs zhes bya ba'i mtshan kyang gzung ngo // phyag bya'o// byang shar gyi phyogs mtshams kyi de bzhin gshegs pa 'jigs bral bag tsha ba mi mnga' spu zing mi byed ces bya ba'i mtshan kyang gzung ngo / / phyag bya'o// 'og gi phyogs kyi de bzhin gshegs pa seng ge bsgyings pa'i ming ba zhes bya ba'i mtshan kyang gzung ngo / / phyag bya'o// steng gi phyogs kyi de bzhin gshegs pa gser 'od gzi brjid rgyal po zhes bya ba'i mtshan kyang gzung ngo // phyag bya'o// byams pa dad pa'i rigs kyi bu'am/ rigs kyi bu mos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bcu gnyis po 'di dag gi mtshan brjod la/ nyi ma bcung sdig pa thams cad kyi nyes pa bshags par bya/ dge ba'i rtsa ba thams cad la rjes su yi rang bar bya/ sangs rgyas thams cad la bskul ba dang / sangs rgyas thams cad la gsol ba gdab pa dang / dge ba'i rtsa ba thams cad chos kyi dbyings su bsngo bas yongs su bsngo bar bya'o/ / 'on kyang sdig pa thams cad zad par 'gyur ro// las kyi sgrib pa thams cad rnam par byang bar 'gyur ro// de'i 'og tu sangs rgyas kyi zhing gi yon tan bkod pa phun sum tshogs pa dang / mi 'jigs pa phun
- 29a
sum chags pa dang / mtshan phran su ma tshogs pa dang / byang chubasems dpa' dag 'dun phran sran chags pa dang gzungs phran su mtshogs pa yang lakhag/ nga 'dzin dran su ma chags pa yang 'thob bo/ / bsam pa ji lta ba bzhin du sangs rgyas kyi zhing yongs su dag pa phun sum tshogs pa dang / dag pa'i bshes gnyen phun sum tshogs pa yang myur du yongs su 'dzin te// bla na med pa yang dag par rdzogs pa'i byang chub las nyams par mi 'gyur zhing yongs su nyams par mi 'gyur ro/ / 'khor ba na 'khor ba'i tshe yang kun tu mdzes pa dang / de'i longs spyod phran sum tshogs pa dang / rigs phran sum tshogs pa dang skye ba phun sum tshogs pa dang / rus phun sum tshogs pa dang / gzugs phun sum tshogs pa dang / ris 'dra ba'i skye bo'i 'khor phun sum tshogs pa yang yongs su 'dzin to// de la 'di skad ces bya ste// gang dang gang du skya ba yi/ / tshe rabs tshe rabs thams cad du// mthong na dga' zhing dga' byed pa// 'od byed pa dang mthu chen dang // 'byor pa chen por 'gyur ba yin// gzungs kyi gsang sngags kyi gzhi 'di rnams kyang ba par bya'o/ / tad+ya thA/ a khe/ ma khe sa man ta mu kha/ so te/ yug te/ ni rug te/ ni rug te/ pra be sa ma yo ke tsi ta/ bi ba te/ a me kha me/ ma da ne/ bi brte/ sa man ta gu Ne/ sa t+ya ra me/ yug te/ pra yug te/ hi li mi li ma sa le ma na me/ tsa ma a tsi Ti a tsi Ti/ tse rtse/ a ra he// ba shud tse/ ma yu gra he/ he ma ba ti/ dz+yo ti ba ti/ da ma tsi ti/ ts+tsha ta bad ke/ a bi k+She pe/ ra d+hik+Sha me/ skan d+ha bi b+ha ga te/ sangs rgyas dang byang chub sems dpa' thams cad la phyag 'tshal lo/ / sangs rgyas kyi byin gyi brlabs kyis gsang sngags kyi gzhi 'di rnams grub par gyur cig/ de la 'di skad ces bya ste/ gzungs 'di dag ni gzung byas na// phyogs bcu dag
- 29b
na gang bzhugs pa'i/ / bye ba drug bcu'i drang srong rnams// de dag de la dgongs par 'gyur// skye ba dag ni kun du yang // dge ba'i bshes gnyen rnyed par 'gyur// cung zad dge ba gang yin pa// don rnams thams cad 'byor bar 'gyur/ / pad ma'i snying por bzhugs pa yi// sangs rgyas rnams ni mngon du mthong // gzungs 'di dag ni 'dzin byed pa// mkhas pa dpal ldan brdzus te skye// dran dang blo gros rtogs pa dang // mos dang shes rab rab tu 'phel/ / thos pa thams cad 'dzin par 'gyur// thos pa rnams ni yongs mi nyams// 'jig rten mgon po 'di dag gi/ mtshan rnams su zhig brjod byed pa// ngan 'gro thams cad spangs nas ni/ / bzang 'gror myur du 'gro bar 'gyur// ting nge 'dzin dang gzungs kyi mchog/ de dag de la mngon du gyur// byang chub bar du de 'tshang rgya// zhing ni bye ba stong phrag dag/ gser gyis bkang ste sbyin byin pas// gang gis de bzhin gshegs rnams kyi/ / mtshan rnams 'dzin par byed pa yi// bsod nams phung po de ches mang// rtag tu tshe rabs dran par 'gyur// byang chub spyad pa spyod pa'i tshe// mi khom thams cad rnam spangs te/ / sangs rgyas 'byung ba rab mdzes brnyes// rdzogs pa'i sangs rgyas mnyes par byed// dad pa bla na med pa 'thob// sangs rgyas rnam la rab dad cing // mchod pa dam pa byed par 'gyur// sangs rgyas 'byung ba mnyes byed de/ / mthong nas ston la rab tu dang // 'jig rten sgron ma mthong nas ni// mchod pa bzang po byed par 'gyur// mtshan rnams 'di dag 'dzin byed pa// bskal pa bye ba grangs med du// 'khor ba rnam par spangs nas su// byang chub myur du 'tshang yang rgya// nyin zhag bdun du tshad bar ni// mtshan rnams 'di dag 'dzin byed na// gang gis 'dren rnams mthong 'gyur ba'i// rgya chen mig
- 30a
ni sbyangs par 'gyur/ / 'jig rten mgon po de dag gi/ mtshan rnams mi gang 'dzin byed pa// skye ba gang dang gar skyes par// de ni phyag bya'i 'os su 'gyur// mtshan rnams 'di dag 'din byed pa/ bskal pa bye ba bas ma yas su// bkur sti ma yin 'thob mi 'gyur// 'jig rten dag na grags pa 'thob// mtshan rnams 'di dag 'dzin byed pa// de la bkal pa du ma de// sgra rnams sti stang byed par 'byung // byang chub myung du 'tshang yang u0f7f/ mtshan rnams 'di dag 'dzin byed pa// mos byed shes rab 'tshal mi 'gyur// g.yo dang rgyu ni rnam par spangs// rtag tu sangs rgyas rnams kyang mthong // mtshan rnams 'di dag 'dzin byed pa// lha dang dri za klu dbang dang // mkha' ldeng lha min gsang ba pa// rtag byed la srung bar byed// gzugs dang mtshan ni phun sum tshogs// nor chen khyim du skye bar 'gyur// sems can kun la byin pa byed// dpa' zhing gtong bad mer sna med// 50 babyeb pa rgya stong por/ / lha'i tsan dan dmar po dang // shin tu drigam thos kun gyi// spos dang de'i banas blang // mtshan rnams 'di dag 'dzin byed pa// skal pa gyi bar smaska ni// tshangs pa'i byangs dang ldan par 'jam chos kyim tshum dang ldan/ / ma rnamapa 'di dag dzin byed pa// na chen rje bdun pa ma 'dag khye ba stod pag mang yongasas/ byor can kyi sagags pa/ mtshan rnams da dzin kyang/ xxx/ xxx bru~Mg yo sasas lda nas/ / med byang nab tho 'gyu // chos bya'abar po bab mad nas// 'ad pa sa byang / mtshanarnams dag pa na pa/ mas
- 30b
dang ni/ / dug dang me dang rgyal po dang // g.yon can rnams kyis mi tshugs so// mtshan rnams 'di dag su 'dzin pa// de'i sems la rnams kyang ni// dpung dang bzhon par bcas pa yi// bdud kyis glags rnyed mi 'gyur ro// 'di dag gi ni mtshan gyi rnams/ / mi gang 'dzin par byed pa de// zhing ni bye ba bsam yas par// nam mkha' las ni 'gro bar 'gyur// sangs rgyas ston pa rnams mchod nas// 'jigs pa med par zhu ba'u// de dag de'i bsam mkhyen nas/ rgyal ba de dag lung ston 'gyur// sangs rgyas mgon po de dag las// lung bstan pa ni 'thob gyur nas// de ni shin tu yi rangs te// rgyal ba'i bstan la the tsom med// mtshan rnams 'di dag 'dzin byed pa// 'jig rten mgon po rnams las ni/ / zab mo'i chos ni thos gyur te// thos nas thams cad 'dzin par 'gyur// de nas pha rol phyin sa dang // mi 'jigs pa dang stobs rnams dang // mtshan dang dpe byad bzang po rnams// ma lus par ni rdzogs par 'gyur/ / sangs rgyas de dag rnams kyi ni// gang gi zhing du 'dod gyur pa// de ni pa med yang dag rdzogs// byang chub togs nas 'tshang rgyar 'gyur// skyes pa yang ni bud med gang // mtshan rnams 'di dag 'dzin pa yi/ / yon tan 'di dang gzhan dag kyang // sangs rgyas bskal pa rgyan tu gsung // bag yod ldan par gyur nas ni// yon tan phun sum 'di thos nas// rdzogs pa'i sangs rgyas grags ldan pa// de dag mtshan rnams 'dzin par 'gyur/ / sangs rgyas 'di dag dpal snying po// sprin gyi rgyal po mi yi mchog/ 'jig rten mgon po 'di dag gi/ mtshan ni bskal par gang nyan pa// gang dag 'di rnams mtshan nyan cing // thos nas gus par byed 'gyur ba/ / de dang de dag shes rab che// rkang gnyis rnams kyi mchog tu 'gyur// drang srong chen po de dag gi/ 'di 'dra'i mtshan dag thos gyur na// bag yod ldan zhing khams gyur la// shes rab ldan mi su mi 'dzin//
- 31a
bcom ldan 'das kyis de skad ces bka' stsal nas// byang chub sems dpa' sems dpa' chen po byams pa dang / byang chub sems dpa' de dag dang / dge slong de dag dang / thams cad dang ldan pa'i 'khor du dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa sangs rgyas bcu gnyis pa zhes bya ba theg pa chen po'i mdo// rdzogs s+ho// / rgya gar gyi mkhan po 'dzin mi tra dang / da nA shi la dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa// rgya gar skad du/ Ar+ya bud d+ha ma ku Ta nA ma ma hA yA na sAH na ma hA d+harma pa rA ya na/ / bod skad du/ 'phags pa sangs rgyas kyi dbu rgyan zhes bya ba theg pa chen po'i mdo// chos kyi rnam grangs chen po// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ bya rgod phung po'i ri la dge slong gi dge 'dun chen po thams cad kyang dgra bcom pa zag pa zad pa stong nyis brgya lnga bcu'i dge slong rnams dang yang thabs gcig/ byang chub sems dpa'i 'khor chen po byams pa dang / 'jam dpal la sogs pa dang / lha dang / klu dang / gnod sbyin dang / dri za dang / drang srong dang / rig sngags pachang dang / lha'i bu mo'i tshogs du ma rnams dang yang thabs gcig tu bzhugs so// de nas bcom ldan 'das kyis tshe dang ldan pa 'od srung chen po la bka' stsal pa// 'od srung chen po las dang po pa'i byang chub sems dpa' rnams kyi dge ba'i rtsa ba yongs su smin par bya ba'i rgyu rab tu bstan par byas/ / de'i phyir nyon la legs par rab tu yid la byos shig dang ngas khyod la bshad do// bcom ldan 'das legs so zhes gsol