rDzogs chen - Man ngag sde/Yang ti'i skorAll versions of this work

namkha' 'brug sgrog thog babs glog 'dus spyi rgyal 'phrul gyi rgya mdud kyi rgyud

Gaganagarajayadabajrabad.aiudharamemasamaghyajayagem.thitatantra

Text

ff. 10a–12b · 6 folio sides

  1. 10a

    @phung pas// dgu rtse spyi phung rgyud kyi rgyal por bzung // nyi zla bkod pas mun pa 'joms pa'i phyir// mun sel snang ba bkod pa'i rgyud du bzung // snang gsal nyi ma 'od gsal zla ba'i rgyud// snang ba 'od/ gsal dag pa bkod pa'i rgyud du gzung // mu med mtha' yas na mkha'i mtha' mnyam phyir// na mkha'i mtha' dang mnyam pa'i rgyud du bzung // na mkha'i cho 'phrul sprin 'char bu yug stsogs// nam mkha'i klong dang na mkha'i mtha' dang mnyam// de phyir na mkha'i mtha' dang mnyam pa'i rgyud du zung // zhes nyi zla bkod pa'i rgyud las/ mtshan bstan pa'i le'u ste bcu bzhi pa'o// // de nas kun rig gsal ba'i khye'u chung gis// rgyud 'di gang zag gang la gtab/ ces zhus pas/ ston pas 'khor la bka' stsal pa// ri bo'i blo la rgya mtsho'i thugs// nam mkha' dgongs pa nyi zla'i sems// ral gri'i shes rab spu gri'i blo// bla 'brang rgyud la shel gong dmang// bla ma la gus snying rje che rnga nga rgyal ser sna chung la gtong // de la rgyud kyi rgyal po gtad// dam nyams chos 'tshong sdig pa can// snod med rnams la ma byin cig/ ces gdams so// nyi zla bkod pa'i rgyud las/ rgyud gtad pa'i le'u ste bco lnga pa'o// / rgyud thams cad kyi spyi phud nyi zla bkod pa na mkha' dang mnyam pa'i rgyud rdzogs so// // rgya gar gyi slob dpon chen po pad+ma 'byung gnas dang // bod kyi lo ts+tsha ba skab dpal brtsegs kyi bsgyur zhing gtan la phab pa'o// gter rgya/ sbas rgya/ gtang rgya// rnag par grug glog gi rgyud 'khrugs// @// rgya gar skad du/ ga ga na ga ra dza ya ra badz+ra pa Sha i u d+ha ra me ma sa ma g+hu dza ya go thi ta tan+t+ra/ bod skad du/ na mkha' 'brug sgrog thog

  2. 10b

    babs glog 'dus spyi rgyal 'phrul gyi rgya mdud kyi rgyud/ thig le kun 'dus la phyag 'tsha lo// 'di skad bdag gis ci yang ma thos// cir yang ma mtshon/ tshig tu ma brjod/ dus med pas na/ snying po klong na ka ngag chos sku bdun dngos med dang dngas 'khor la blo 'das byar med gsungs/ sngon med phyis med dus gsum dbyer med dus/ bsdus pa po ni dngos med dang dngas so// de ni phun sum tshogs pa bstan pa'o// de nas dang dngas khye'u chung gris skye med ka dag chos sku la// phun sum tshogs don de ltar na// sangs rgyas bya ba yod dam med// sems can bya ba ci la zer// de nyid ngo bo cig mi gcig/ gcig na 'khor 'das gnyis byung gang // mi gcig 'brel pa med lags sam// ces ston pa la zhus pa dang // ston pas 'khor la bka' stsal pa// sangs rgyas med pas sangs rgyas ming yang med// ka ngag nyid la sangs rgyas yod ma yin// sems can bya ba 'gyu sems sdug bsngal can du de gnyis gzhi la grub pa gang yang med// med pa las byung ngo bor cig pa ste// ngo bo gcig la snang tshul rnam pa gnyis// 'khor dang mya ngan 'das pa gnyis byung yang // tha dad ma yin ngo bor 'brel pa yin// ces gsung so// phun sum tshogs pa dang gleng slang dang gleng gzhi'i le'u ste dang po'o// // de nas dang dngas khye'u chung gis// ka ngag nyid la 'di skad zhus// sems dang chos rnams yod dam med// sangs rgyas sen ci la zer// dge sdig bya ba yod dam med// mtho ris ngan song ci la zer// chos rnams nyan bshad yod dam med// theg sgo rab 'byams ci la zer// bag chags bsgrib g.yogs yod dam med// las 'phro rnam smin ci

  3. 11a

    la zer// ces ston pa la zhuso// 'khor gyis gleng slad dris pa'i le'u ste gnyis pa'o// // de nas dang dngas khye'u chung gis// chos dang sems rigs yod dam med// ces zhus pa dang / ston pas 'khor la bka' stsal pa// dngos med ka ngag ston pa la// chos rnams ming dang yod ma yin// chos su snang ba 'khrul pa'i sems// chos rnams sems kyi 'khrul pa yin// byar med blo 'das chos rnams med// sems med rig med 'dzin rtog med// sems med ka dag klong du gyur// rigs med dang dngas stong sa nge// gsal gdang ci yang brjod du med// ces gsungaso// sems dang chos med par bstan pa'i le'u ste gsum pa'o// / de nas ngang dngas khyi'u chung gi zhus pa// sku dang ye shes ci la zer// ces zhus pa dang / ston pas 'khor la bka' stsal pa// sku dang ye shes bla dag yin// ka dag yan nyid la sku dang ye shes med// ces gsungaso// sku dang ye shes med par bstan pa'i le'u ste bzhi pa'o// / dang dngas khye'u chung gis zhus pa// dug lnga sku lnga yod dam med// ma rig bya ba ci la zer// zhus pas ston pas dka' stsal pa// kwa dag dri med dug med pas// dug lnga sku gnyis ka med// 'dod chags zhe sdang gti mug med// nga rgyal phrag dog ka nas dag/ sku gsum dbyer med sku lnga med// ka dag stong gsal ma rig med// cang med ye gsal ye shes med// ma rig ye shes rnam gnyis kyang Ta kra dag ma dag rnam gnyis las// ma rig ye shes grub pa med// ces gsungs// dug lnga ma rig ye shes grub pa med par bstan pa'i le'u ste lnga pa'o// // dang dngas khye'u chung gi zhus pa// 'khor ba

  4. 11b

    myang 'das yod dam med// sangs rgyas sems can ci la zer// zhes zhus pas/ ston pas bka' stsal pa// 'khor ba myang 'das blo yi yul// chags sdang blo yul ma zad par// 'khor ba zad par mi 'gyur ro// dngos med blo 'das 'khor 'das chos// rnam rtog rang sangs ka dag rgyas// ci yang mi 'gyur 'dzin rtog sangs// sdug bsngal dang dngas bde chen rgyas// sems can rtog sangs ka dag rgyus// ka dag dngos med blo 'das la// sangs rgyas sems can yod ma yin// ces gsungs so// 'khor 'das med par bstan pa'i le'u ste drug pa'o// // dang drangs khye'u chung gis zhus pa// dge sdig mtho ris ngan song gang // ces zhus pas/ ston pas 'khor la bka' stsal pa// ka dag rtogs na dag sdig med// gnyis ka byar med ma byas pas// mtho ris ngan song skye lhung med// dngos med ka dag rnal rtogs pas// dge sdig mtho ris ngan song med// sdig pa mi spyod dge mi spyod// ka dag re dogs khar mi 'chor// ces gsungaso// dge sdig med par bstan pa'i le'u ste bdun pa'o// / dang dngas khye'u chung gis zhus pa/ skye med ka dag chos sku la// theg pa brgyad khri bzhi stong yod dam med// nyan bshad mtshon tshig ci la zer// ces zhus pas/ ston pas 'khor la bka' stsal pa// theg pa brgyad khri bzhi stong rnams// ma rtog log rtog dang phyir las// ka dag ngang la chos kun med// med las sna tshogs med las thim dbyer med cig 'dres tha snyad med// blo 'das dngos med rtogs pa yis// mtshon pa'i tshig gos rgya mtsho med// chos med bshad med nyan pa med// mtshon mang dpe med zla med do// ces gsungs so// chos nyan bshad

  5. 12a

    @med pAr bstan pa'i le'u ste brgyad pa'o// / de nas dang dngas khye'u chung gis// skye med ka ngag chos sku la// bag chags sgrib g.yogs yod dam med// las 'phro rnam smin ci la ze // ces zhus pas/ ston pas 'khor la bka' stsal pa/ stong gsal kra dag don rtogs na// bag chags sgrib g.yog ma rig med// las 'phro rnam smin sgrib mi srid// ka dag stong gsal dngas sing nge// gsal dag klong na ci yang med cir snang cir yang ma grub ste// rtsa la snang rang byung nyid du dngas// dbyer med gdang ldan sgrib g.yog med// ci ste las kyi dbang gyur na// rang byung ye shes yod ma yin// byar med las med rnam smin med// ces gsung so// bag chags las/ kyi rnam smin med pa'i le'u ste dgu pa'o// // de nas ngang dngas khye'u chung gi zhus pa/ nam mkha'i 'brug bsgrogs dpe yis mtshon nas ni// gnam thog rgya mtsho na babs ji ltar bstan// chu srin nor bu rgya 'dud dpe gang mtshon// ces zhus pa dang / de nas ston pas 'khor la bka' stsal pa// mkha' klong phyogs med na mkha'i klong yangs nas// ka dag spyi rje blo 'dis 'brug sgrogs pas// dngos med klong nas stong stangs 'brug stong 'dir// spyi bud dgu rtse rnam dag blo 'das bab// 'khor ba'i rgya mtsho klong bcas nyon mongs brlag/ bya ba rtsal 'dod med chu srin 'grin par chud// dgos 'dod kun 'byung yod bzhin nor bu 'chang // dngos med brgya las blo 'das 'phrul gyi mdud// dus gsum mi 'gyur thig le nyag cig rgyud// nyon mongs gtan brlag/ nam thog klong bcas rgyud// drag la myung bas thog med thog babs pas// ka dag dngos med blo 'das yang gsang rgyud// na mkha'i dpes bstan snying po ches nyid ston// phyogs med stong gsal gsal ba dngos gzhi med// 'brug sgrogs

  6. 12b

    dpes mtshon ma bkag rtsal zer ston// snang stong grags stong rig stong dbyingasu sbyong // yid rig gar yang mi 'gyur snying po ma la thim// thim rtags ma yin gdam pa'i thog rgyab pas// khams gsum 'gro drug nyon mongs dug lnga brlag/ mtsho klong gi rus sbal nor bu 'dud// dgongs pa mi 'gyur g.yo 'gul med pa'i klong // rus sbal mkhar gzhong bcug pas gar mi rtog/ ka dag dngos med rtogs pa gzhan na med// med las sna tshogs cad med cing yang snang // gcig ni ma grub stong nyid las byung dang sang nge// la med dngos med stong gsal rang gi ngangs// gting gsal 'od gsal cang med bya rtsal med// bsam med bsam gyis mi khyab mtshon tshig med// brtag med brtag dka' btsal med bzhag na gsal// ba/ skad tsam yin sgra bsam yul las 'das// ces gsung so// na mkha' 'brug sgrogs thog babs klong 'dus spyi rgyal brgya mdud kyi rgyud las/ rgyud kyi mtshon dpe bstan pa'i le'u ste bcu pa'o// // na mkha'i 'brug sgrogs thog babs klong 'jus spyi rgya la chu srin nor bu 'phrul gyi brgya mdud kyi rgyung rdzogs s+ho// // U rgyun gyi slob dpo byud+ma 'byung gnas dang / lo tsha bkab dpal rdzogs kyis bsgyur nas/ lha sbrus khri stong sde batshan lo gdapas paN+DI bo che'i gter du sbaso// po chun rdzu // / rgya gar skad du/ b+hI Shi Thi ta gra ma rdzing ngan ngi bi mu la tan tra khod skad du/ lta ba la shan chen po rin chen sgron ma rtsa ba'i rgyud/ ming ming mtha' las 'das pa'i gsang bdag chen po la phyag 'tsha'o// 'di skad bdag gis rtogs pa'i dus gcig ma/ ma byu' ba skyes mnyam pa chen po// chos dbyings rgya chang phyogs srung med pa/ rang bzhin gyis ming las 'das pa'i gnas na/ snying po rang thung blo las 'a/